;;;1;1;;Ist zwîvel herzen nâchgebûr,
;;;1;2;;daz muoz der sêle werden sûr.
;;;1;3;;Jâ gesmæhet und gezieret
;;;1;4;;Ist, swâ sich parrieret
;;;1;5;;unverzagetes mannes muot,
;;;1;6;;als agelstern varwe tuot.
;;;1;7;;er mac dannoch wesen geil,
;;;1;8;;wan an im sint beidiu teil,
;;;1;9;;des himels und der helle.
;;;1;10;;der unstæte geselle
;;;1;11;;hât die swarzen varwe gar
;;;1;12;;und wirt ouch nâch der vinster var.
;;;1;13;;Sô habt sich an die blanken
;;;1;14;;der mit den stæten gedanken.
;;;1;15;;Diz vliegende bîspel
;;;1;16;;ist tumben liuten gar ze snel.
;;;1;17;;sine mugenz niht erdenken,
;;;1;18;;wan ez kan vor in wenken
;;;1;19;;rehte alsam ein schellic hase.
;;;1;20;;zin anderhalp anme glase
;;;1;21;;gelicket und des blinden troum,
;;;1;22;;die gebent antlitzes roum.
;;;1;23;;Ouch mac mit stæte niht gesîn
;;;1;24;;dirre liehte trüebe schîn.
;;;1;25;;der machet kurze vröude al wâr.
;;;1;26;;Swer roufet mich, dâ nie kein hâr
;;;1;27;;gewuohs, innen an mîner hant?
;;;1;28;;der hât vil nâhen grif erkant.
;;;1;29;;sprich ich gegen den worten ouch,
;;;1;30;;daz glîchet mînen witzen doch.
;;;2;1;;Wil ich triuwe vinden,
;;;2;2;;aldâ si kan verswinden
;;;2;3;;sam viur in dem brunnen
;;;2;4;;und der tou vor der sunnen?
;;;2;5;;Ouch erkand ich nie sô wîsen man,
;;;2;6;;ern möhte gerne kunde hân,
;;;2;7;;welher stiure dise mære gernt
;;;2;8;;und waz si ouch guoter lêre wernt.
;;;2;9;;dâr an si niemer des verzagent,
;;;2;10;;beide si vliehent und jagent,
;;;2;11;;si entwenkent und kêrent,
;;;2;12;;si lesternt und êrent.
;;;2;13;;swer mit den schanzen allen kan,
;;;2;14;;an dem hât witze wol getân,
;;;2;15;;der sich niht versitzet noch vergêt
;;;2;16;;und sich doch anders wol verstêt.
;;;2;17;;Valsch geselleclîcher muot
;;;2;18;;ist zem helle viure guot
;;;2;19;;und ist hôher werdecheit ein hagel.
;;;2;20;;sîn triuwe hât sô kurzen zagel,
;;;2;21;;daz si den driten biz niht galt,
;;;2;22;;vüer si mit bremen in den walt.
;;;2;23;;Dise maneger slahte underbint
;;;2;24;;iedoch niht gar von mannen sint.
;;;2;25;;vür diu wîp stôz ich disiu zil:
;;;2;26;;swelhiu mînen rât hœren wil,
;;;2;27;;diu sol wizzen, war si kêre,
;;;2;28;;sô daz sir prîs gemêre,
;;;2;30;;ir êre und ir werdecheit,
;;;2;29;;und wem sir minne sî bereit,
;;;3;1;;sô daz sis iht geriuwe,
;;;3;2;;ir kiusche und ir triuwe.
;;;3;3;;Vor gote ich guoten wîben bite,
;;;3;4;;sô daz ir rehte mâze volge mite.
;;;3;5;;Scham ist ein slôz ob allen siten.
;;;3;6;;ine darf in niht mêr heiles biten.
;;;3;7;;Der valsche erwirbet valschen prîs.
;;;3;8;;wie stæte ist ein dünnez îs,
;;;3;9;;daz ougestheize sunne hât?
;;;3;10;;sîn lop balde alsus zergât.
;;;3;11;;Maneges wîbes schœne an lobe ist breit.
;;;3;12;;ist aber daz herze kunterfeit,
;;;3;13;;daz lob ich, als ich solde
;;;3;14;;der safer in dem golde.
;;;3;15;;Ouch enhab ichz niht vür ein geringez dinc,
;;;3;16;;swer in den kranken messinc
;;;3;17;;verwirket edele rubîn
;;;3;18;;und aldie âventiure sîn.
;;;3;19;;dem glîch ich rehten wîbes muot.
;;;3;20;;diu ir wîpheit rehte tuot,
;;;3;21;;dâne sol ich varwe prüeven niht
;;;3;22;;noch ir herzen dach, daz man dâ siht.
;;;3;23;;ist si innertalp der brust bewart,
;;;3;24;;sô ist werder prîs dâ niht verschart.
;;;3;25;;Solt ich nû wîp und man
;;;3;26;;ze rehte prüeven, als ich kan,
;;;3;27;;dâ vüere ein langez ende mite.
;;;3;28;;Nû hœret dirre âventiure site.
;;;3;29;;diu lât iuch wizzen beide
;;;3;30;;von liebe und ouch von leide.
;;;4;1;;vröude und angest vert dâ bî.
;;;4;2;;nû lât mîn eines wesen drî,
;;;4;3;;der ieglîcher sunder pflege,
;;;4;4;;daz mîner künste widerwege.
;;;4;5;;dar zuo hôret wilder vunt,
;;;4;6;;ob si gerne tæten kunt,
;;;4;7;;daz ich iu eine künden wil.
;;;4;8;;si heten arbeite vil.
;;;4;9;;Ein mære wil ich iu niuwen,
;;;4;10;;daz saget von grôzen triuwen,
;;;4;11;;wîplîchez wîbes reht
;;;4;12;;und mannes manheit alsô sleht,
;;;4;13;;diu sich gegen der herte nie gebouc.
;;;4;14;;sîn herze niht dâr an betrouc,
;;;4;15;;er stahel, swâ er ze strîte kam.
;;;4;16;;sîn hant dâ sigelîchen nam
;;;4;17;;vil manegen lobelîchen prîs;
;;;4;18;;er küene, stæte, milte, wîs:
;;;4;19;;den helt ich alsus grüeze,
;;;4;20;;er wîbes ougen süeze
;;;4;21;;und dâ bî wîbes herzen suht,
;;;4;22;;vor missewende ein wâriu vluht.
;;;4;23;;Den ich hie zuo hân erkorn,
;;;4;24;;derst mæreshalp noch ungeborn,
;;;4;25;;dem man dirre âventiure giht
;;;4;26;;und wunders vil, des dran geschiht.
;;;4;27;;Si pflegents noch, als man dô pflac,
;;;4;28;;swâ lît und welsch gerihte lac.
;;;4;29;;des pfliget noch tiuscher erde ein ort.
;;;4;30;;daz habt ir âne mich gehôrt.
;;;5;1;;swer ie dâ pflac der lande,
;;;5;2;;der gebôt wol âne schande
;;;5;3;;- Diz ist ein wârheit sunder wân -,
;;;5;4;;daz der elteste bruoder solte hân
;;;5;5;;sînes vater ganzez erbeteil.
;;;5;6;;daz was des jungern unheil,
;;;5;7;;daz im der tôt die pflihte brach,
;;;5;8;;daz im irs vater leben verjach.
;;;5;9;;dâ vor was ez gemeine.
;;;5;10;;sus hât ez der elter eine.
;;;5;11;;Ez schuof iedoch ein wîser man,
;;;5;12;;daz daz alter guot solte hân.
;;;5;13;;Jugent hât vil werdecheit,
;;;5;14;;daz alter siufzen und leit.
;;;5;15;;Ez enwart nie niht als unvruot
;;;5;16;;als alter und armuot.
;;;5;17;;Künege, grâven, herzogen
;;;5;18;;- daz sagich iu vür ungelogen -,
;;;5;19;;daz die der huobe enterbet sint
;;;5;20;;unz an daz elteste kint,
;;;5;21;;diz ist ein vremediu zeche.
;;;5;22;;der kiusche und der vreche
;;;5;23;;Gahmuret, der wîgant,
;;;5;24;;verlôs sus bürge und lant,
;;;5;25;;dâ sîn vater schône
;;;5;26;;truoc scepter und krône
;;;5;27;;mit grôzer küneclîcher kraft,
;;;5;28;;unz er lac tôt an rîterschaft.
;;;5;29;;Dô klagete man in sêre.
;;;5;30;;die ganzen triuwe und êre
;;;6;1;;brâhter unz an sînen tôt.
;;;6;2;;Sîn elter sun vür sich gebôt
;;;6;3;;den vürsten ûz sînem rîche.
;;;6;4;;die kômen rîterlîche,
;;;6;5;;wan si ze rehte solten hân
;;;6;6;;von im grôz lêhen sunder wân.
;;;6;7;;Dô si ze hove wâren komen
;;;6;8;;und ir reht was vernomen,
;;;6;9;;unde daz sir lêhen enpfiengen,
;;;6;10;;hœret, wie siz an viengen:
;;;6;11;;Si gerten, als ir triuwe riet,
;;;6;12;;rîche und arme, gar diu diet,
;;;6;13;;einer kranken ernestlîchen bete,
;;;6;14;;daz der künec an Gahmurete
;;;6;15;;brüederlîche triuwe mêrte
;;;6;16;;und sich selben êrte,
;;;6;17;;daz er in niht gar verstieze
;;;6;18;;und im sînes landes lieze
;;;6;19;;hantgemahel, daz man möhte sehen,
;;;6;20;;dâ von der hêrre möhte jehen
;;;6;21;;sînes namen und sîner vrîheit.
;;;6;22;;Daz was dem künege niht ze leit.
;;;6;23;;er sprach: "ir kunnet ze mâze gern.
;;;6;24;;ich wil iuch des und vürbaz wern.
;;;6;25;;man nenne den bruoder mîn
;;;6;26;;Gahmuret Anschevin.
;;;6;27;;Anschouwe, daz ist mîn lant.
;;;6;28;;dâ wesen beide von genant."
;;;6;29;;Aber sprach der künec hêre:
;;;6;30;;"sich sol mîn bruoder mêre
;;;7;1;;der stæten helfe an mir versehen,
;;;7;2;;dann ich sô gâhes welle jehen.
;;;7;3;;er sol mîn ingesinde sîn.
;;;7;4;;deiswâr, ich tuon iu allen schîn,
;;;7;5;;daz uns beide ein muoter truoc.
;;;7;6;;er hât wênic und ich genuoc.
;;;7;7;;daz sol im teilen sô mîn hant,
;;;7;8;;daz des mîn sælde iht sî pfant
;;;7;9;;vor dem, der gît und nimt.
;;;7;10;;ûf reht in beiden daz gezimt."
;;;7;11;;Dô die vürsten rîche
;;;7;12;;vernâmen algelîche,
;;;7;13;;daz ir hêrre triuwen pflac,
;;;7;14;;daz was in ein vil lieber tac.
;;;7;15;;ir ieglîcher im besunder neic.
;;;7;16;;Gahmuret niht langer sweic
;;;7;17;;der volge, als im sîn herze jach.
;;;7;18;;zem künege er güetlîchen sprach:
;;;7;19;;"Hêrre und bruoder mîn,
;;;7;20;;wolt ich ingesinde sîn
;;;7;21;;iuwer oder deheines man,
;;;7;22;;sô het ich mîn gemach getân.
;;;7;23;;dâr nâch prüevet mînen prîs.
;;;7;24;;ir sît getriuwe und wîs.
;;;7;25;;nû râtet, als ez geziehe nuo.
;;;7;26;;dâ grîfet helfeclîche zuo.
;;;7;27;;niht wan harnasch ich hân.
;;;7;28;;het ich dâr inne mê getân,
;;;7;29;;daz virric lob mir bræhte,
;;;7;30;;etswâ man mîn gedæhte."
;;;8;1;;Gahmuret sprach aber sân:
;;;8;2;;"sehzehen knappen ich hân,
;;;8;3;;sehse, die von îser sint.
;;;8;4;;dar zuo gebt mir vier kint
;;;8;5;;an guoter zuht, von hôher art.
;;;8;6;;vor den wirt niemer niht gespart,
;;;8;7;;des ie bejagen mac mîn hant.
;;;8;8;;ich wil kêren in diu lant.
;;;8;9;;ich hân ein teil ouch ê gevarn.
;;;8;10;;ob mich gelücke wil bewarn,
;;;8;11;;sô erwirb ich guoter wîbe gruoz.
;;;8;12;;ob ich in dâr nâch dienen muoz
;;;8;13;;und ob ich des wirdic bin,
;;;8;14;;sô rætet mir mîn bester sin,
;;;8;15;;daz ichs mit rehten triuwen pflege.
;;;8;16;;got wîse mich der sælden wege!
;;;8;17;;Wir vuoren geselleclîche.
;;;8;18;;dannoch hete iuwer rîche
;;;8;19;;unser vater Gandin.
;;;8;20;;vil manegen kumberlîchen pîn
;;;8;21;;wir beide dolten umbe liep.
;;;8;22;;ir wâret rîter und diep,
;;;8;23;;ir kundet dienen und heln.
;;;8;24;;wan kund ouch ich nû minne steln!
;;;8;25;;ouwê, und het ich iuwerre kunst
;;;8;26;;und anderhalp die wâren gunst!"
;;;8;27;;Der künec ersûfte und sprach:
;;;8;28;;"ouwê, daz ich dich ie gesach,
;;;8;29;;sît dû mit schimpflîchen siten
;;;8;30;;mîn ganzez herze hâst versniten
;;;9;1;;und tuost, ob wir uns scheiden.
;;;9;2;;mîn vater hât uns beiden
;;;9;3;;verlâzen guotes harte vil.
;;;9;4;;des stôz ich dir glîchez zil.
;;;9;5;;ich bin dir dienstlîchen holt.
;;;9;6;;lieht gesteine, rôtez golt,
;;;9;7;;liute, wâfen, ors, gewant,
;;;9;8;;des nim sô vil von mîner hant,
;;;9;9;;daz dû nâch dînem willen varst
;;;9;10;;und dîne miltekeit bewarst.
;;;9;11;;dîn manheit, diust ûzerkorn.
;;;9;12;;wærest dû von Gilstram geborn
;;;9;13;;oder her komen von Ranculat,
;;;9;14;;ich hete dich iemer an der stat,
;;;9;15;;dâr an ich dich doch gerne hân.
;;;9;16;;dû bist mîn bruoder sunder wân."
;;;9;17;;"Hêrre, ir lobet mich âne nôt,
;;;9;18;;sît ez iuwer zuht gebôt.
;;;9;19;;dâr nâch tuot mir helfe schîn.
;;;9;20;;welt ir und diu muoter mîn
;;;9;21;;mir teilen iuwerre vordern habe,
;;;9;22;;sô stîg ich ûf und niender abe.
;;;9;23;;mîn herze iedoch nâch hœhe strebet.
;;;9;24;;ine weiz, wâr umbez alsus lebet,
;;;9;25;;daz mir sus swillet mîn winster brust.
;;;9;26;;ouwê, war jaget mich mîn gelust?
;;;9;27;;daz versuoche ich, ob ich mac.
;;;9;28;;nû nâhet mir urloubes tac."
;;;9;29;;Der künec in alles werte,
;;;9;30;;mêre dann er gerte:
;;;10;1;;vünf ors, die besten erkant
;;;10;2;;und ûzerwelt über al sîn lant,
;;;10;3;;küene, starc und niht ze laz,
;;;10;4;;vil manec tiure goltvaz
;;;10;5;;und manegen guldînen klôz.
;;;10;6;;den künec lützel des verdrôz,
;;;10;7;;ern vultes im vier soumschrîn.
;;;10;8;;gesteines muose ouch mê dar în.
;;;10;9;;Dô si gevüllet lâgen,
;;;10;10;;knappen, die des pflâgen,
;;;10;11;;die wâren gekleit und wol geriten.
;;;10;12;;dâne wart grôz jâmer niht vermiten,
;;;10;13;;dô er vür sîne muoter gienc.
;;;10;14;;vil nâhe si in zuo zir gevienc.
;;;10;15;;"Fillyrois Gandin,
;;;10;16;;wiltû niht langer bî mir sîn?",
;;;10;17;;sô sprach daz wîplîche wîp.
;;;10;18;;"ouwî, nû truoc dich doch mîn lîp,
;;;10;19;;und bist ouch Gandines kint!
;;;10;20;;ist got an sîner helfe blint
;;;10;21;;oder wie ist er sus betoubet,
;;;10;22;;daz er mir niht geloubet?
;;;10;23;;sol ich nû niuwen kumber haben?
;;;10;24;;mînes herzen vröude ich hân begraben
;;;10;25;;und die süeze mîner ougen.
;;;10;26;;wil er mich vürbaz rouben
;;;10;27;;und ist doch ein rihtære,
;;;10;28;;sô liuget mir daz mære,
;;;10;29;;daz man von sîner helfe saget,
;;;10;30;;sît er alsus ist verzaget."
;;;11;1;;Dô sprach der junge Anschevin:
;;;11;2;;"got trôste iuch des vater mîn.
;;;11;3;;den sul wir gerne beidiu tragen.
;;;11;4;;iune mac nieman von mir gesagen
;;;11;5;;deheiniu klagelîchen leit.
;;;11;6;;ich var durch mîne werdecheit
;;;11;7;;nâch rîterschefte in vremdiu lant.
;;;11;8;;vrouwe, ez ist mir sus gewant."
;;;11;9;;Dô sprach diu küneginne:
;;;11;10;;"sît dû nâch hôher minne
;;;11;11;;wendest dienst und muot,
;;;11;12;;lieber sun, lâ dir mîn guot
;;;11;13;;ûf die vart niht versmâhen.
;;;11;14;;heiz von mir enpfâhen
;;;11;15;;dînen kamerære
;;;11;16;;vier soumschrîne swære.
;;;11;17;;dâr inne ligent pfelle breit,
;;;11;18;;ganze, die man nie versneit,
;;;11;19;;und manec tiure samît.
;;;11;20;;süezer man, lâ mich die zît
;;;11;21;;hœren, daz dû wider komest.
;;;11;22;;an mînen vröuden dû mir vromest."
;;;11;23;;"Vrouwe, des enweiz ich niht,
;;;11;24;;in welhem lande man mich siht.
;;;11;25;;wan swar ich von iu kêre,
;;;11;26;;ir habt nâch rîters êre
;;;11;27;;iuwer werdecheit an mir getân.
;;;11;28;;ouch hât mich der künec gelân,
;;;11;29;;als ims mîn dienst danken sol.
;;;11;30;;deswâr, ich getriuwe wol,
;;;12;1;;daz ir in deste werder hât,
;;;12;2;;swie halt mir mîn dinc ergât."
;;;12;3;;Als uns diu âventiure saget,
;;;12;4;;sô hete der helt unverzaget
;;;12;5;;enpfangen durch liebe kraft
;;;12;6;;und durch wîplîche geselleschaft
;;;12;7;;kleinôde tûsent marke wert.
;;;12;8;;swâ noch ein jude pfandes gert,
;;;12;9;;er möhtez dar vür enpfâhen.
;;;12;10;;ez endorftin niht versmâhen.
;;;12;11;;daz santim ein sîn vriundîn.
;;;12;12;;an sînem dienste lac gewin,
;;;12;13;;der minne und ouch ir gruoz.
;;;12;14;;doch wart im selten kumbers buoz.
;;;12;15;;urloup nam der wîgant.
;;;12;16;;muoter, bruoder noch des lant
;;;12;17;;sîn ouge niemer mêre erkôs.
;;;12;18;;dâr an doch maneger vil verlôs.
;;;12;19;;an dem er sich hete erkant,
;;;12;20;;ê er von dannen wære gewant,
;;;12;21;;mit dekeiner slahte gunstes zil,
;;;12;22;;dem wart von im gedanket vil.
;;;12;23;;es dûhtin mêre danne genuoc.
;;;12;24;;durch sîne zuht er nie gewuoc,
;;;12;25;;daz siz tâten umbe reht.
;;;12;26;;sîn muot was ebener danne sleht.
;;;12;27;;Swer selbe saget, wie werd er sî,
;;;12;28;;dâ ist ein ungeloube bî.
;;;12;29;;ez solten die umbesæzen jehen
;;;12;30;;und ouch die heten gesehen
;;;13;1;;sîniu werc, dâ er vremde wære.
;;;13;2;;sô geloubete man der mære.
;;;13;3;;Gahmuret der site pflac,
;;;13;4;;ein rehte mâze widerwac
;;;13;5;;und ander schanze deheine:
;;;13;6;;sîn rüemen, daz was kleine,
;;;13;8;;der lôse wille in gar vermeit,
;;;13;7;;grôz êre er lîdenlîche leit.
;;;13;9;;Doch wânde der gevüege,
;;;13;10;;daz ieman krône trüege,
;;;13;11;;künege, keiser, keiserîn,
;;;13;12;;der massenîe er wolte sîn,
;;;13;13;;wande benamen der die hœhesten hant
;;;13;14;;truoc ûf erde über alliu lant.
;;;13;15;;der wille in sînem herzen lac.
;;;13;16;;im was gesaget, ze Baldac
;;;13;17;;wære ein sô gewaltic man,
;;;13;18;;daz im der erden undertân
;;;13;19;;diu zwei teil wæren oder mêr.
;;;13;20;;sîn nam heidensch was sô hêr,
;;;13;21;;daz man in hiez den bâruc.
;;;13;22;;er hete an krefte solhen ruc,
;;;13;23;;vil künege wâren sîne man,
;;;13;24;;mit gekrônetem lîbe undertân.
;;;13;25;;Daz bâruc ambet hiute stât.
;;;13;26;;seht, wie man kristen ê begât
;;;13;27;;ze Rome, als uns der touf vergiht.
;;;13;28;;heidensch orden man dort siht
;;;13;29;;ze Baldac nemen ir bâbestreht;
;;;13;30;;ez dunket si âne krumbe sleht.
;;;14;1;;der bâruc in vür ir sünde
;;;14;2;;gît wandels urkünde.
;;;14;3;;Zwêne bruodere von Babylon,
;;;14;4;;Pompeius und Ihpomidon,
;;;14;5;;den nam der bâruc Ninive.
;;;14;6;;daz was al ir vorderen ê.
;;;14;7;;si tâten wer mit kreften schîn.
;;;14;8;;dar kam der junge Anschevin.
;;;14;9;;im wart der bâruc vil holt.
;;;14;10;;jâ nam nâch dienste aldâ den solt
;;;14;11;;Gahmuret, der werde man.
;;;14;12;;nû erloubet im, daz er müeze hân
;;;14;13;;ander wâpen, danne im Gandin
;;;14;14;;dâ vor gap, der vater sîn.
;;;14;15;;Der hêrre pflac mit gernden siten
;;;14;16;;ûf sîne covertiure gesniten
;;;14;17;;anker liehte härmîn.
;;;14;18;;dar nâch muose ouch daz ander sîn,
;;;14;19;;ûf dem schilte und an der wât.
;;;14;20;;noch grüener danne ein smarât
;;;14;21;;was geprüevet sîn gereite gar
;;;14;22;;und nâch dem achmardî gevar.
;;;14;23;;daz was ein sîdîn lachen.
;;;14;24;;dâr ûz hiez er im machen
;;;14;25;;wâpenroc und kursît
;;;14;26;;- daz ist bezzer danne samît -,
;;;14;27;;härmîn anker drûf genæt
;;;14;28;;und sîdîniu seil dâr an gedræt.
;;;14;29;;sîn anker heten niht bekort
;;;14;30;;ganzes landes noch landes ort.
;;;15;1;;dâne wâren si niender în geslagen.
;;;15;2;;der hêrre muoste vürbaz tragen
;;;15;3;;disen wâpenlîchen last
;;;15;4;;in manegiu lant, der werde gast,
;;;15;5;;nâch dem anker disiu mâl,
;;;15;6;;wander deheiner slahte twâl
;;;15;7;;hete niender noch gebite.
;;;15;8;;Wie vil er lande durchrite
;;;15;9;;oder in schiffen umbevüere,
;;;15;10;;ob ich iu dar nâch swüere,
;;;15;11;;sô sagete iu ûf mînen eit
;;;15;12;;mîn rîterlîchiu sicherheit,
;;;15;13;;als mir diu âventiure giht.
;;;15;14;;ine hân nû mêre geziuge niht.
;;;15;15;;diu saget, daz sîn manlîchiu kraft
;;;15;16;;behielte den prîs in heidenschaft,
;;;15;17;;ze Marroch und ze Persia.
;;;15;18;;sîn hant bezalte ouch anderswâ,
;;;15;19;;ze Damasc und ze Halap,
;;;15;20;;und swâ man rîterschaft dâ gap,
;;;15;21;;ze Arabye und ze Arabi,
;;;15;22;;daz er was gegenstrîtes vrî
;;;15;23;;gegen ieslîchem einem man.
;;;15;24;;disen ruof er dâ gewan.
;;;15;25;;sînes herzen girde nâch prîse greif.
;;;15;26;;ir aller tât vor im zersleif
;;;15;27;;und was vil nâch entnihtet.
;;;15;28;;sus was ie der berihtet,
;;;15;29;;der tjostierens wider im pflac.
;;;15;30;;man jach im des ze Baldac.
;;;16;1;;sîn ellen strebete sunder wanc.
;;;16;2;;von dannen vuor er gegen Zazamanc
;;;16;3;;in daz künecrîche.
;;;16;4;;die klageten alglîche
;;;16;5;;Isenharten, der den lîp
;;;16;6;;verlôs umb ein wîp.
;;;16;7;;des twanc in Belacane,
;;;16;8;;diu süeze, valsches âne.
;;;16;9;;daz sim ir minne nie gebôt,
;;;16;10;;des lag er nâch ir minne tôt.
;;;16;11;;den râchen sîne mâge
;;;16;12;;offenlîche und an der lâge.
;;;16;13;;die vrouwen twungen si mit her.
;;;16;14;;diu was mit ellenthafter wer,
;;;16;15;;Dô Gahmuret kom in ir lant,
;;;16;16;;daz ir von Schotten Fridebrant
;;;16;17;;mit grôzem her verbrande,
;;;16;18;;ê er von dannen wande.
;;;16;19;;Nû hœret, wie unser rîter var!
;;;16;20;;daz mer warf in mit sturme dar,
;;;16;21;;sô daz er kûme genas.
;;;16;22;;gegen der küneginne palas
;;;16;23;;kom er gesigelt in die habe.
;;;16;24;;dâ wart  vil geschouwet abe.
;;;16;25;;dô sach er ûz an daz velt.
;;;16;26;;dâ was geslagen manec gezelt
;;;16;27;;alumbe die stat unz an daz mer.
;;;16;28;;dâ lac ein kreftigez her.
;;;16;29;;Dô hiez er vrâgen mære,
;;;16;30;;wes diu burc wære,
;;;17;1;;wand er ir kunde nie gewan -
;;;17;2;;er, noch dehein sîn schifman.
;;;17;3;;si tâten sînen boten kunt,
;;;17;4;;si heize Patelamunt.
;;;17;5;;daz wart im minneclîche enboten.
;;;17;6;;si manten in bî ir goten,
;;;17;7;;daz er in hülfe. des wære in nôt.
;;;17;8;;si rungen niht wan umbe den tôt.
;;;17;9;;Als der junge Anschevin
;;;17;10;;vernam ir kumberlîchen pîn,
;;;17;11;;er bôt sînen dienst umbe guot,
;;;17;12;;als noch dicke maneger tuot,
;;;17;13;;oder daz sim sageten, umbe waz
;;;17;14;;er solte doln der vîende haz.
;;;17;15;;Dô sprach ûz einem munde
;;;17;16;;der sieche und der gesunde,
;;;17;17;;daz im wære algemeine
;;;17;18;;ir golt und ir gesteine;
;;;17;19;;des solter alles hêrre wesen,
;;;17;20;;er möhte wol bî in genesen.
;;;17;21;;ouch bedorft er lützel soldes.
;;;17;22;;von Arabie des goldes
;;;17;23;;het er manegen knollen brâht.
;;;17;24;;liute vinster sô diu naht
;;;17;25;;wâren alle die von Zazamanc.
;;;17;26;;bî den dûht in diu wîle lanc.
;;;17;27;;doch hiez er herberge nemen.
;;;17;28;;des mohte ouch si vil wol gezemen,
;;;17;29;;daz sim die besten gâben.
;;;17;30;;die vrouwen dannoch lâgen
;;;18;1;;zen vensteren und sâhen dar;
;;;18;2;;si nâmen sîn vil rehte war,
;;;18;3;;sîne knappen und sîn harnas,
;;;18;4;;wie daz gefeitieret was.
;;;18;5;;ouch vuorte der helt milte
;;;18;6;;ûf einem härmînen schilte,
;;;18;7;;ine weiz, wie manegen zobels balc.
;;;18;8;;Der küneginne marschalc
;;;18;9;;het ez vür einen anker grôz.
;;;18;10;;ze sehene in lützel dâr verdrôz.
;;;18;11;;im muosen sîniu ougen jehen,
;;;18;12;;daz er hete gesehen
;;;18;13;;disen rîter oder sînen schîn.
;;;18;14;;daz muose ze Alexandrie sîn,
;;;18;15;;dô der bâruc dâr vor lac.
;;;18;16;;sînen prîs dâ nieman widerwac.
;;;18;17;;Sus vuor der muotes rîche
;;;18;18;;in die stat behagenlîche.
;;;18;19;;zehen soumer hiez er vazzen.
;;;18;20;;die zogeten die gazzen.
;;;18;21;;dâ riten zwênzic knappen nâch.
;;;18;22;;sînen povel man dort vorne sach.
;;;18;23;;garzûne, koche und der knaben
;;;18;24;;heten sich hin vür erhaben.
;;;18;25;;stolz was sîn gesinde.
;;;18;26;;zwelf wol geborner kinde
;;;18;27;;dâ bî nâch den knappen riten,
;;;18;28;;an guoter zuht, mit süezen siten.
;;;18;29;;etslîcher was ein Sarrazin.
;;;18;30;;dâr nâch muose ouch getrecket sîn
;;;19;1;;ahte ors mit zindâle
;;;19;2;;verdecket al ze mâle.
;;;19;3;;daz niunde sînen satel truoc.
;;;19;4;;einen schilt, des ich ê gewuoc,
;;;19;5;;den vuorte ein knappe vil gemeit
;;;19;6;;dâ bî. nâch dem selben reit
;;;19;7;;pusînære, der man ouch bedarf.
;;;19;8;;ein tambûrer sluoc und warf
;;;19;9;;vil hôhe sînen tambûr.
;;;19;10;;den hêrren nam vil untûr,
;;;19;11;;dâ enriten floitære bî
;;;19;12;;und welscher videlære drî.
;;;19;13;;den was allen niht ze gâch.
;;;19;14;;selbe reit er hinden nâch
;;;19;15;;und sîn marnære,
;;;19;16;;der wîse und der mære.
;;;19;17;;Swaz dâ was volkes inne,
;;;19;18;;môre und mœrinne
;;;19;19;;was beidiu wîp und man.
;;;19;20;;der hêrre schouwen began
;;;19;21;;manegen schilt zerbrochen,
;;;19;22;;mit spern gar durchstochen.
;;;19;23;;der was dâ vil gehangen vür
;;;19;24;;an die vensteren und an die tür.
;;;19;25;;Si heten jâmer und guft.
;;;19;26;;in diu venster gegen dem luft
;;;19;27;;was gebettet manegem wunden man,
;;;19;28;;swenner den arzât gewan,
;;;19;29;;daz er doch mohte niht genesen.
;;;19;30;;der was bî vîenden gewesen.
;;;20;1;;sus warp ie, der ungerne vlôch.
;;;20;2;;vil orse man hin wider zôch,
;;;20;3;;durchstochen und verhouwen.
;;;20;4;;manec tunkele vrouwen
;;;20;5;;sach er beidenthalben sîn.
;;;20;6;;nâch rabens varwe was ir schîn.
;;;20;7;;Sîn wirt in minneclîche enpfienc.
;;;20;8;;daz im nâch vröuden sît ergienc.
;;;20;9;;der was ein ellens rîcher man.
;;;20;10;;mit sîner hant er hete getân
;;;20;11;;vil manegen stich und slac,
;;;20;12;;wan der einer porte pflac.
;;;20;13;;dâ bî er manegen rîter vant,
;;;20;14;;die die arme hiengen in diu bant
;;;20;15;;und den ir houbet was verbunden.
;;;20;16;;die heten solhe wunden,
;;;20;17;;daz si doch tâten rîterschaft;
;;;20;18;;si heten gelâzen niht ir kraft.
;;;20;19;;Der burcgrâve von der stat
;;;20;20;;sînen gast dô minneclîche bat,
;;;20;21;;daz er niht verbære
;;;20;22;;aldaz sîn wille wære
;;;20;23;;über daz guot und über den lîp.
;;;20;24;;er vuortin, dâ er vant sîn wîp,
;;;20;25;;diu Gahmureten kuste,
;;;20;26;;des in doch lützel luste.
;;;20;27;;dâr nâch vuor er enbîzen sân.
;;;20;28;;dô diz was alsus getân,
;;;20;29;;der marschalc reit von im zehant,
;;;20;30;;aldâ er die küneginne vant.
;;;21;1;;er iesch vil grôz boten brôt.
;;;21;2;;er sprach: "nû ist unser nôt
;;;21;3;;mit vröuden gar zergangen.
;;;21;4;;den wir hie hân enpfangen,
;;;21;5;;daz ist ein rîter sô getân,
;;;21;6;;daz wir ze dankene iemer hân
;;;21;7;;unsern goten, dien uns brâhten,
;;;21;8;;daz si des ie gedâhten."
;;;21;9;;"Nû sage mir ûf die triuwe dîn,
;;;21;10;;wer der rîter muge sîn."
;;;21;11;;"vrouwe, er ist ein degen fier,
;;;21;12;;des bâruckes soldier,
;;;21;13;;ein Anschevin von hôher art.
;;;21;14;;Âvoy, wie lützel wirt gespart
;;;21;15;;sîn lîp, swâ man in lâzet an!
;;;21;16;;wie rehter dar und dan
;;;21;17;;entwîchet und kêret!
;;;21;18;;die vîende er schaden lêret.
;;;21;19;;ich sach in strîten schône,
;;;21;20;;dâ die Babylone
;;;21;21;;Alexandrien lœsen solten
;;;21;22;;und dô si dannen wolten
;;;21;23;;den bâruc trîben mit gewalt.
;;;21;24;;waz ir dâ nider wart gevalt
;;;21;25;;an der schumpfentiure!
;;;21;26;;dâ begie der gehiure
;;;21;27;;mit sînem lîbe solhe tât,
;;;21;28;;si heten vliehens keinen rât.
;;;21;29;;dar zuo hôrt ich in nennen,
;;;21;30;;man moht in wol erkennen,
;;;22;1;;daz er den prîs über elliu lant
;;;22;2;;hete aleine ze sîner hant."
;;;22;3;;"Nû sich eht, wenne oder wie,
;;;22;4;;und vüege, daz er mich gespreche hie.
;;;22;5;;wir hân doch vride disen tac.
;;;22;6;;dâ von der helt wol rîten mac
;;;22;7;;her ûf ze mir. oder sol ich dar?
;;;22;8;;er ist anders danne wir gevar.
;;;22;9;;ouwê, wan tæt im daz niht wê!
;;;22;10;;daz het ich gerne ervunden ê;
;;;22;12;;ich solt im êre bieten,
;;;22;11;;ob ez mir die mîne rieten.
;;;22;13;;geruochet er mir nâhen,
;;;22;14;;wie sol ich in enpfâhen?
;;;22;15;;ist er mir dar zuo wol geborn,
;;;22;16;;daz mîn kus iht sî verlorn?"
;;;22;17;;"Vrouwe, er ist vür küneges künne erkant.
;;;22;18;;des sî mîn lîp genennet pfant.
;;;22;19;;ich wil iuwern vürsten sagen,
;;;22;20;;daz si rîchiu kleider tragen
;;;22;21;;und hie bî iu bîten,
;;;22;22;;biz daz wir zuo iu rîten.
;;;22;23;;daz saget ouch iuwern vrouwen gar,
;;;22;24;;wan swenn ich nû hin nider var,
;;;22;25;;sô bring ich iu den werden gast,
;;;22;26;;dem süezer tugende nie gebrast."
;;;22;27;;Dâr an dô lützel des verdarp.
;;;22;28;;vil behendeclîche dô warp
;;;22;29;;der marschalc sîner vrouwen bete.
;;;22;30;;balde wart dô Gahmurete
;;;23;1;;rîchiu kleider dar getragen.
;;;23;2;;diu leit er an. sus hôrt ich sagen,
;;;23;3;;daz diu rîche wæren.
;;;23;4;;Anker, die swæren,
;;;23;5;;von arâbischem golde
;;;23;6;;lâgen drûfe, als er wolde.
;;;23;7;;dô saz der minnegeltes lôn
;;;23;8;;ûf ein ors, daz ein Babylon
;;;23;9;;gegen im durch tjostieren reit;
;;;23;10;;den stach er drabe. daz was dem leit.
;;;23;11;;Ob sîn wirt mit im iht var?
;;;23;12;;er und sîne rîter gar.
;;;23;13;;Jâ deiswâr, si sint es vrô.
;;;23;14;;si riten mit ein ander dô
;;;23;15;;und erbeizten vor dem palas,
;;;23;16;;dâ manec vrouwe ûffe was.
;;;23;17;;si muosen wol gekleidet sîn.
;;;23;18;;Sîniu kinder liefen vor im în,
;;;23;19;;ie zwei ein ander an der hant.
;;;23;20;;ir hêrre manege vrouwen vant,
;;;23;21;;gekleidet wünneclîche.
;;;23;22;;Der küneginne rîche
;;;23;23;;vuogten ir ougen grôzen pîn,
;;;23;24;;dô si gesach den Anschevin.
;;;23;25;;der was sô minneclîche var,
;;;23;26;;daz er entslôz ir herze gar,
;;;23;27;;ez wære ir liep oder leit;
;;;23;28;;daz beslôz dâ vor ir wîpheit.
;;;23;29;;Ein wênic si nâher gegen im gienc.
;;;23;30;;vil minneclîchen sin enpfienc
;;;24;1;;und vienc in selbe bî der hant.
;;;24;2;;gegen den vîenden in die want
;;;24;3;;sâzen sin diu venster wît
;;;24;4;;ûf einen kulter von samît.
;;;24;5;;dâr under ein weichez bette lac.
;;;24;6;;ist iht liehters danne der tac,
;;;24;7;;dem glîchet niht diu künegîn.
;;;24;8;;si hete aber wîplîchen sin
;;;24;9;;und was ouch anders rîterlîch,
;;;24;10;;der touwigen rôsen unglîch.
;;;24;11;;nâch swarzer varwe was ir schîn,
;;;24;12;;ir krône ein liehter rubîn.
;;;24;13;;ir houbt man dar durch wol sach.
;;;24;14;;Diu küneginne zir gaste sprach,
;;;24;15;;daz ir liep wære sîn komen.
;;;24;16;;"hêrre, ich hân von iu vernomen
;;;24;17;;vil rîterlîche werdecheit.
;;;24;18;;durch iuwer zuht sî iu niht leit,
;;;24;19;;ob ich iu mînen kumber klage,
;;;24;20;;den ich nâhen an mînem herzen trage."
;;;24;21;;Mîn helfe iuch des niht irret.
;;;24;22;;swaz iu war oder wirret,
;;;24;23;;swâ daz wenden sol mîn hant,
;;;24;24;;diu sî ze dienste dar benant.
;;;24;25;;ine bin niht wan ein einic man.
;;;24;26;;swer iu iht tuot oder hât getân,
;;;24;27;;dâ biut ich gegen mînen schilt.
;;;24;28;;die vîende wênic des bevilt."
;;;24;29;;Mit zühten sprach ein vürste sân:
;;;24;30;;"hete wir einen houbetman,
;;;25;1;;wir solten vîende wênic sparn,
;;;25;2;;sît Fridebrant ist hinnen gevarn.
;;;25;3;;der lœset dort sîn eigen lant.
;;;25;4;;ein künec, der hiez Hernant,
;;;25;5;;den er durch Berlinde ersluoc,
;;;25;6;;des mâge tuont im leit genuoc.
;;;25;7;;sine wellent sichs niht mâzen.
;;;25;8;;er hât hie helde verlâzen:
;;;25;9;;den herzogen Hiuteger,
;;;25;10;;des rîter hânt uns manegiu sêr
;;;25;11;;gevrumt, und sîn geselleschaft.
;;;25;12;;ir strît hât kunst und kraft.
;;;25;13;;Sô hât hie manegen soldier
;;;25;14;;von Normandie Gatschier,
;;;25;15;;der wîse degen hêr.
;;;25;16;;ouch hât hie rîter mêr
;;;25;17;;Kaylet von Hoscurast,
;;;25;18;;vil manegen zornigen gast.
;;;25;19;;die brâhte alle in diz lant
;;;25;20;;der Schotten künec Fridebrant
;;;25;21;;und sîner genôze viere
;;;25;22;;mit manegem soldiere.
;;;25;23;;Dort westerhalp an dem mer,
;;;25;24;;dâ lît Isenhartes her
;;;25;25;;mit riezenden ougen.
;;;25;26;;offenlîche noch tougen
;;;25;27;;gesach si niemer sît kein man,
;;;25;28;;sine müesen jâmers vil hân.
;;;25;29;;ir herzen regen in güsse erwarp,
;;;25;30;;sît an der tjost ir hêrre starp."
;;;26;1;;Der gast zer wirtinne
;;;26;2;;sprach mit rîters sinne:
;;;26;3;;"Nû saget, ob irs geruochet,
;;;26;4;;durch waz man iuch sô suochet
;;;26;5;;zornlîche mit gewalt.
;;;26;6;;ir habt hie manegen helt balt.
;;;26;7;;mich müet, daz die sint beladen
;;;26;8;;mit vîende hazze nâch ir schaden."
;;;26;9;;"daz sag ich iu, hêrre, sît irs gert.
;;;26;10;;mir diende ein rîter, der was wert.
;;;26;11;;sîn lîp was tugende ein bernde rîs.
;;;26;12;;der helt was küene und wîs,
;;;26;13;;der triuwen ein beklîbeniu vruht.
;;;26;14;;sîn zuht wac vür alle zuht.
;;;26;15;;er was noch kiuscher danne ein wîp.
;;;26;16;;vrecheit und ellen truoc sîn lîp.
;;;26;17;;sône gewuohs an rîter milter hant
;;;26;18;;vor im nie über alliu lant.
;;;26;19;;ine weiz, waz nâch uns sul geschehen,
;;;26;20;;des lâzen ander liute jehen.
;;;26;21;;er was gegen valscher vuor ein tôr,
;;;26;22;;nâch swarzer varwe als ich ein môr.
;;;26;23;;Sîn vater, der hiez Tankenis,
;;;26;24;;ein künec, der hete ouch den prîs.
;;;26;25;;Mîn vriunt, der hiez Isenhart.
;;;26;26;;mîn wîpheit was vil ungespart,
;;;26;27;;dô ich sînen dienst nâch minne enpfienc,
;;;26;28;;daz ez im nâch vröuden niht ergienc.
;;;26;29;;des muoz ich iemer jâmer tragen.
;;;26;30;;si wânden, daz ich in schüefe erslagen.
;;;27;1;;verrâtens ich doch lützel kan,
;;;27;2;;swie michs zîhen sîne man.
;;;27;3;;er was mir lieber danne in.
;;;27;4;;âne geziuge ich des niht bin,
;;;27;5;;mit den ichz sol bewæren noch.
;;;27;6;;die mîne wârheit wizzen doch
;;;27;7;;mîne gote und die sîne.
;;;27;8;;er gap mir manege pîne.
;;;27;9;;Nû hât mîn schamendiu wîpheit
;;;27;10;;sînen lôn und mîn leit.
;;;27;11;;dem helde erwarp mîn magetuom
;;;27;12;;an rîterschefte manegen ruom.
;;;27;13;;ich versuochte, ob er kunde sîn
;;;27;14;;ein vriunt. daz wart vil balde schîn.
;;;27;15;;er gap durch mich sîn harnas
;;;27;16;;enwec. daz als ein palas
;;;27;17;;dort stêt, daz ist ein hôch gezelt;
;;;27;18;;daz brâhten Schotten ûf diz velt.
;;;27;19;;dô des der helt âne wart,
;;;27;20;;sîn lîp dô wênic wart gespart.
;;;27;21;;des lebens in dar nâch verdrôz,
;;;27;22;;manege âventiure suochter blôz.
;;;27;23;;Dar nâch, dô diz alsus was,
;;;27;24;;Ein vürste, hiez Protizalas
;;;27;25;;in mîner massenîe,
;;;27;26;;vor zageheit der vrîe,
;;;27;27;;ouch durch âventiure reit.
;;;27;28;;ein grôzer schade in niht vermeit.
;;;27;29;;zem fôreht in Azagouc
;;;27;30;;ein tjost im sterben niht erlouc,
;;;28;1;;dier tet ûf einen küenen man,
;;;28;2;;der ouch sîn ende dâ gewan.
;;;28;3;;daz was mîn vriunt Isenhart.
;;;28;4;;ir ietwederre innen wart
;;;28;5;;eines spers durch schilt und den lîp.
;;;28;6;;daz klagich noch, vil armez wîp.
;;;28;7;;ir beider tôt mich iemer müet.
;;;28;8;;ûf mîner triuwe jâmer blüet.
;;;28;9;;ine wart nie wîp deheines man."
;;;28;10;;Gahmureten dûhte sân,
;;;28;11;;swie si wære ein heidenîn,
;;;28;12;;mit triuwen wîplîcher sin
;;;28;13;;in wîbes herze nie geslouf.
;;;28;14;;ir kiusche was ein reiner touf
;;;28;15;;und der regen, der si begôz,
;;;28;16;;der wâc, der von ir ougen vlôz
;;;28;17;;ûf den zobel und an ir brust.
;;;28;18;;riuwen pflege was ir gelust
;;;28;19;;und rehtiu jâmers lêre.
;;;28;20;;si sagetim vürbaz mêre:
;;;28;21;;"dô suochte mich von über mer
;;;28;22;;der Schotten künec mit sînem her.
;;;28;23;;der was sînes œheimes sun.
;;;28;24;;ern mohte mir niht mê getuon
;;;28;25;;schaden, denne mir was geschehen
;;;28;26;;an Isenharte, ich muoz es jehen."
;;;28;27;;Diu vrouwe ersûfte dicke.
;;;28;28;;durch die zehere manege blicke
;;;28;29;;si schamende gastlîchen sach
;;;28;30;;an Gahmureten. dô verjach
;;;29;1;;ir ouge dem herzen sân,
;;;29;2;;daz er wære wol getân.
;;;29;3;;si kunde liehte varwe spehen.
;;;29;4;;si hete ouch dâ vor gesehen
;;;29;5;;vil manegen liehten heiden.
;;;29;6;;aldâ wart under in beiden
;;;29;7;;ein vil getriuwelîchiu ger.
;;;29;8;;er sach hin, si sach her.
;;;29;9;;dar nâch hiez si schenken sân.
;;;29;10;;getorste si, daz wære verlân.
;;;29;11;;si muote, daz ez niht bleip,
;;;29;12;;wand ez die rîter ie vertreip,
;;;29;13;;die gerne sprâchen wider diu wîp.
;;;29;14;;doch was ir lîp sîn selbes lîp.
;;;29;15;;ouch het er ir den muot gegeben:
;;;29;16;;sîn leben was der vrouwen leben.
;;;29;17;;Dô stuont er ûf und sprach:
;;;29;18;;"vrouwe, ich tuon iu ungemach.
;;;29;19;;ich kan ze lange sitzen,
;;;29;20;;daz entuon ich niht von witzen.
;;;29;21;;mir ist vil dienstlîchen leit,
;;;29;22;;daz iuwer kumber ist sô breit.
;;;29;23;;gebiet, vrouwe, über mich.
;;;29;24;;swâ ir welt, dâr ist mîn gerich.
;;;29;25;;ich diene iu allez, daz ich sol."
;;;29;26;;"Hêrre, des getriuwe ich wol."
;;;29;27;;Der burcgrâve, sîn wirt,
;;;29;28;;nû vil wênic des verbirt,
;;;29;29;;er kurztim die stunde.
;;;29;30;;ze vrâgenne er begunde,
;;;30;1;;ob er wolte baneken rîten,
;;;30;2;;"und schouwet, wâ wir strîten,
;;;30;3;;wie unser porten sîn behuot."
;;;30;4;;Gahmuret, der helt guot,
;;;30;5;;sprach, er wolte gerne sehen,
;;;30;6;;wâ rîterschaft dâ wære geschehen.
;;;30;7;;Her ûz dô mit dem helde reit
;;;30;8;;manec rîter vil gemeit,
;;;30;9;;hie der wîse, dort der tumbe.
;;;30;10;;si vuorten in alumbe
;;;30;11;;vür sehzehen porten
;;;30;12;;und beschieden im mit worten,
;;;30;13;;daz der deheiniu wære verspart,
;;;30;14;;"sît wart gerochen Isenhart
;;;30;15;;an uns mit vlîze naht und tac.
;;;30;16;;unser strît vil nâch ringe wac.
;;;30;17;;man beslôz ir deheine sît.
;;;30;18;;uns gît vor ahte porten strît
;;;30;19;;des getriuwen Isenhartes man.
;;;30;20;;die hânt uns schaden vil getân.
;;;30;21;;si ringent mit zorne,
;;;30;22;;die vürsten wol geborne,
;;;30;23;;des küneges man von Azagouc.
;;;30;24;;vor ieslîcher porten vlouc
;;;30;25;;ob küener schar ein liehter vane,
;;;30;26;;ein durchstochen rîter drane,
;;;30;27;;als Isenhart den lîp verlôs.
;;;30;28;;sîn volc diu wâpen dar nâch kôs.
;;;30;29;;Dâ engegen hân wir einen site,
;;;30;30;;dâ stillen wir ir jâmer mite.
;;;31;1;;unser vanen sint bekant,
;;;31;2;;daz zwêne vinger ûz der hant
;;;31;3;;biutet gegen dem eide,
;;;31;4;;irn geschehe nie sô leide,
;;;31;5;;wan sît Isenhart lac tôt.
;;;31;6;;der vrouwen vrumt ir herze nôt.
;;;31;7;;sus stêt diu künegîn gemâl,
;;;31;8;;vrou Belacane, sunder twâl
;;;31;9;;in einem blanken samît,
;;;31;10;;gesniten nâch swarzer varwe, sît
;;;31;11;;daz wir diu wâpen kurn ane in.
;;;31;12;;ir triuwe an jâmere hât gewin.
;;;31;13;;die steckent ob den porten hôch.
;;;31;14;;vür die andern ahte uns suochent noch
;;;31;15;;des küenen Fridebrandes her,
;;;31;16;;die getouften von über mer.
;;;31;17;;ieslîcher porte ein vürste pfliget,
;;;31;18;;der sich strîtes ouch bewiget
;;;31;19;;mit sîner baniere.
;;;31;20;;wir haben Gatschiere
;;;31;21;;gevangen einen grâven abe.
;;;31;22;;der biutet uns vil grôze habe.
;;;31;23;;der ist Kayletes swester sun.
;;;31;24;;swaz uns der nû mac getuon,
;;;31;25;;daz muoz ie dirre gelten.
;;;31;26;;sölch glücke kumt uns selten.
;;;31;27;;Grüenes angers lützel, sandes
;;;31;28;;wol drîzic poynder landes
;;;31;29;;ist zir gezelten vonme graben.
;;;31;30;;dâ wirt vil manec tjost erhaben."
;;;32;1;;Disiu mære seit im gar sîn wirt:
;;;32;2;;"ein rîter niemer daz verbirt,
;;;32;3;;ern kome durch tjostieren vür.
;;;32;4;;ob der sînen dienst dort verlür
;;;32;5;;an ir, diu in dâ sante her?
;;;32;6;;waz hülfe danne sîn vrechiu ger?
;;;32;7;;daz ist der stolze Huteger.
;;;32;8;;von dem mag ich wol sprechen mêr,
;;;32;9;;sît wir hie sîn besezzen,
;;;32;10;;daz ie der helt vermezzen
;;;32;11;;des morgens vil bereit was
;;;32;12;;vor der porten gegen dem palas.
;;;32;13;;ouch wart von dem küenen man
;;;32;14;;kleinœdes vil gevuoret dan,
;;;32;15;;daz er durch unser schilte stach,
;;;32;16;;des man vür rîche koste jach,
;;;32;17;;swaz die crâierer brâchen drabe.
;;;32;18;;er valte uns manegen rîter abe.
;;;32;19;;er lât sich gerne schouwen.
;;;32;20;;in lobent ouch unser vrouwen.
;;;32;21;;swen wîp lobent, der wirt erkant,
;;;32;22;;der hât den prîs ze sîner hant
;;;32;23;;und sînes herzen wunne."
;;;32;24;;Nû hete diu müede sunne
;;;32;25;;ir liehten blic zir gelesen.
;;;32;26;;ir banekens muose ein ende wesen.
;;;32;27;;Der gast mit sînem wirte reit,
;;;32;28;;der vant sîn ezzen al bereit.
;;;32;29;;Ich muoz iu von ir spîse sagen,
;;;32;30;;diu wart mit zühten vür getragen.
;;;33;1;;man diendim rîterlîche.
;;;33;2;;Diu küneginne rîche
;;;33;3;;kom stolzlîche vür sînen tisch.
;;;33;4;;hie stuont der reiger, dort der visch.
;;;33;5;;si was durch daz hin zim gevarn,
;;;33;6;;si wolte ouch selbe daz bewarn,
;;;33;7;;daz man sîn pflæge wol ze vromen.
;;;33;8;;si was mit ir juncvrouwen komen
;;;33;9;;und kniete nider. daz was im leit.
;;;33;10;;mit ir selbes hant si sneit
;;;33;11;;dem rîter sîner spîse ein teil.
;;;33;12;;diu vrouwe was ir gastes geil.
;;;33;13;;si bôt im daz trinken dar
;;;33;14;;und pflac sîn wol. ouch nam er war,
;;;33;15;;wie ir gebærde was und ir wort.
;;;33;16;;zende an sînes tisches ort,
;;;33;17;;dâ sâzen sîne spilman
;;;33;18;;und anderhalp sîn kappelân.
;;;33;19;;Al schamender an die vrouwen sach.
;;;33;20;;harte blûclîche er sprach:
;;;33;21;;"ichn hân michs niht genietet,
;;;33;22;;als ir mirs, vrouwe, bietet,
;;;33;23;;mînes lebens mit solhen êren.
;;;33;24;;ob ichs iuch solte lêren,
;;;33;25;;sô wære hin sân an iu gegert
;;;33;26;;des pflegens, des ich wære wert.
;;;33;27;;sô wæret ir niht her abe geriten.
;;;33;28;;getar ich, vrouwe, iu des gebiten,
;;;33;29;;sô lât mich in der mâze leben.
;;;33;30;;ir habt mir êren ze vil gegeben."
;;;34;1;;Sine wolte des niht lâzen,
;;;34;2;;dâ sîniu kinder sâzen,
;;;34;3;;sine bæte si ezzen vaste.
;;;34;4;;diz bôt si zêren ir gaste.
;;;34;5;;Gar disiu junchêrrelîn
;;;34;6;;wâren holt der künegîn.
;;;34;7;;Diu vrouwe ouch des niht vergaz,
;;;34;8;;si engienge, dâ der wirt saz
;;;34;9;;und des wirtîn, diu burcgrævîn.
;;;34;10;;ir becher huop diu künegîn.
;;;34;11;;si sprach: "lâ dir bevolhen sîn
;;;34;12;;unsern gast. diu êre ist dîn.
;;;34;13;;dâr umb ich iuch beidiu man."
;;;34;14;;Si nam urloup. dô vuor si dan
;;;34;15;;aber wider vür den gast.
;;;34;16;;des herze truoc ir minnen last.
;;;34;17;;daz selbe ouch im von ir geschach,
;;;34;18;;als ir ouge dem herzen jach.
;;;34;19;;die muosens mit ir pflihte hân.
;;;34;20;;mit zühten sprach diu vrouwe sân:
;;;34;21;;"gebiet, hêrre, swes ir gert,
;;;34;22;;daz schaff ich, wan ir sît es wert,
;;;34;23;;und lât mich iuwern urloup hân.
;;;34;24;;wirt iu hie guot gemach getân,
;;;34;25;;des vröuwen wir uns überal."
;;;34;26;;guldîn wâren ir kerzestal.
;;;34;27;;vier lieht man drûffe truoc.
;;;34;28;;si reit ouch, dâ si vant genuoc.
;;;34;29;;Sine âzen ouch niht lenger dô.
;;;34;30;;der helt was trûric und vrô.
;;;35;1;;er vröute sich, daz man im bôt
;;;35;2;;êre. in twanc ein ander nôt.
;;;35;3;;daz was diu strenge minne,
;;;35;4;;diu neiget hôhe sinne.
;;;35;5;;diu wirtîn vuor an ir gemach.
;;;35;6;;dar nâch vil schiere daz geschach.
;;;35;7;;man bette dem helde sân.
;;;35;8;;daz wart mit vlîze getân.
;;;35;9;;Dô sprach der wirt zem gaste:
;;;35;10;;"nû sult ir slâfen vaste
;;;35;11;;und ruowet hînt. des wirt iu nôt."
;;;35;12;;wander den sînen daz gebôt,
;;;35;13;;si solten dannen kêren.
;;;35;14;;des gastes junchêrren
;;;35;15;;bette alumbe daz sîne lac,
;;;35;16;;ir houbet dran, wander des pflac.
;;;35;17;;dâ stuonden kerzen harte grôz,
;;;35;18;;die brunnen lieht. den helt verdrôz,
;;;35;19;;daz sus lanc was diu naht.
;;;35;20;;in brâhte dicke in unmaht
;;;35;21;;diu swarze mœrinne,
;;;35;22;;des landes küneginne.
;;;35;23;;er want sich dicke als ein wit,
;;;35;24;;daz im erkracheten gar diu lit.
;;;35;25;;strît und minne was sîn ger.
;;;35;26;;nû wünschet, daz mans in gewer.
;;;35;27;;sîn herze gap von stôzen schal,
;;;35;28;;wandez nâch rîterschefte swal.
;;;35;29;;daz begunde dem recken
;;;35;30;;sîne brüste beide erstrecken,
;;;36;1;;alse die senewen tuot daz armbrust.
;;;36;2;;dô was ze dræte sîn gelust.
;;;36;3;;der hêrre sunder slâfen lac,
;;;36;4;;unz er erkôs den grâwen tac.
;;;36;5;;der gap dannoch niht liehten schîn.
;;;36;6;;nû wolte ouch dâ bereit sîn
;;;36;7;;zer messe ein sîn kappelân.
;;;36;8;;der sanc si gote und im sân.
;;;36;9;;man truoc sînen harnasch dar zehant.
;;;36;10;;er reit, dâ er tjostieren vant.
;;;36;11;;dô saz er an der stunde
;;;36;12;;ûf ein ors, daz beidiu kunde,
;;;36;13;;hurteclîchen dringen
;;;36;14;;unde snellîchen springen,
;;;36;15;;gerech, sô manz wider zôch.
;;;36;16;;sînen anker ûf dem helme hôch
;;;36;17;;man gegen der porte vüeren sach.
;;;36;18;;aldâ wîp und man verjach,
;;;36;19;;sine gesæhen nie helt sô wünneclîch.
;;;36;20;;ir gote solten im sîn glîch.
;;;36;21;;Man vuorte ouch starkiu sper dâ bî.
;;;36;22;;wie er gezimieret sî?
;;;36;24;;dâ man den helt rîten sach,
;;;36;23;;sîn ors von îsene truoc ein dach.
;;;36;25;;dâr ûfe ein ander decke lac,
;;;36;26;;diu ringe, niht swære wac.
;;;36;27;;daz was ein grüener samît.
;;;36;28;;sîn wâpenroc, sîn kursît
;;;36;29;;was ouch ein grüenez achmardî.
;;;36;30;;daz wart geworht ze Arabi.
;;;37;1;;dâr an ich liuge niemen.
;;;37;2;;sîne schiltriemen,
;;;37;3;;swaz der dâ zuo gehôrte,
;;;37;4;;was ein unverblichen borte
;;;37;5;;mit golde harte tiure.
;;;37;6;;gelûtert in dem viure
;;;37;7;;was sîn buckel rôtgolt.
;;;37;8;;sîn dienst nam der minnen solt.
;;;37;9;;ein scharpfer strît im ringe wac.
;;;37;10;;diu künegîn in den vensteren lac.
;;;37;11;;dâ bî ir sâzen vrouwen mêr.
;;;37;12;;nû seht, dort hielt Huteger,
;;;37;13;;aldâ im der prîs geschach.
;;;37;14;;dô er einen ritter komen sach
;;;37;15;;gein im galopierende hie,
;;;37;16;;dô gedâhte er: "wan oder wie
;;;37;17;;kom dirre Franzoyser in diz lant?
;;;37;18;;wer hete den stolzen her gesant?
;;;37;19;;het ich den vür einen môr,
;;;37;20;;sô wære mîn bester sin ein tôr."
;;;37;21;;iedoch von springen si niht bliben,
;;;37;22;;ir ors, si mit den sporen beide triben
;;;37;23;;ûz dem walap in die rabîn.
;;;37;24;;si tâten ritters ellen schîn,
;;;37;25;;der tjost si ein ander niht lugen.
;;;37;26;;die sprîzen gein den lüften vlugen
;;;37;27;;von des stolzen Hutegers sper.
;;;37;28;;dô valt in sînes strîtes wer
;;;37;29;;hinderz ors ûf daz gras.
;;;37;30;;vil ungewent er des was.
;;;38;1;;er reit ûf in und trat in nider.
;;;38;2;;dô erholter sich dicke wider.
;;;38;3;;er tet werlîchen willen schîn.
;;;38;4;;doch stacte in dem arm sîn
;;;38;5;;diu Gahmuretes lanze.
;;;38;6;;der iesch die fîanze.
;;;38;7;;sînen meister hât er vunden.
;;;38;8;;"wer hât mich überwunden?",
;;;38;9;;als sprach der küene man.
;;;38;10;;der sigehafte sprach aber sân:
;;;38;11;;"ich bin Gahmuret Anschevin."
;;;38;12;;er sprach: "mîn sicherheit sî dîn."
;;;38;13;;die entvienc er und sante in în.
;;;38;14;;dâ solt er sîn gevangen sîn
;;;38;15;;von den vrouwen, die daz sâhen.
;;;38;16;;dort her begunde gâhen
;;;38;17;;von Normandie Gatschier,
;;;38;18;;ein ellens rîcher degen fier
;;;38;19;;der starken jostiure.
;;;38;20;;hie hielt ouch der gehiure
;;;38;21;;Gahmuret zuo der jost bereit.
;;;38;22;;sîme sper was daz îsen breit
;;;38;23;;und der schaft veste.
;;;38;24;;hie werten sich die geste
;;;38;25;;ein ander. ungelîchez doch wac.
;;;38;26;;Gatschier dar nider lac
;;;38;27;;mit dem ors betalle.
;;;38;28;;von der jost valle
;;;38;29;;wart er betwungen sicherheit,
;;;38;30;;ez wære im liep oder leit.
;;;39;1;;Gahmuret, der wîgant,
;;;39;2;;sprach: "mir sichert iuwer hant.
;;;39;3;;diu was mit ellenthafter wer.
;;;39;4;;nû rîtet gein dem Schotten her
;;;39;5;;und bitet, daz uns si verbern
;;;39;6;;mit strîte, ob si des wellen gern,
;;;39;7;;und komet nâch mir in die stat."
;;;39;8;;waz er gebôt und bat,
;;;39;9;;endehaft ez wart getân.
;;;39;10;;die Schotten muosen ir strîten lân.
;;;39;11;;dô kam gevarn Kaylet.
;;;39;12;;von dem kêrte Gahmuret,
;;;39;13;;wan er was sîner muomen suon.
;;;39;14;;waz solt er im dô leides tuon?
;;;39;15;;der Spaniol rief im nâch genuoc.
;;;39;16;;einen strûz er ûf dem helme truoc.
;;;39;17;;gezimiert was der man,
;;;39;18;;daz ich dâ von ze sagen hân,
;;;39;19;;in pfelle wît und lanc.
;;;39;20;;daz gevilde nâch dem helde klanc.
;;;39;21;;sîn schellen gâben gedœne.
;;;39;22;;er bluome über mannes schœne,
;;;39;23;;sîn varwe hielt an schœne den strît
;;;39;24;;unz an zwêne, die wuohsen nâch im sît:
;;;39;25;;Beakurs, Lotes kint,
;;;39;26;;und Parcifal, die dâ niht sint.
;;;39;27;;die wâren dannoch ungeborn
;;;39;28;;und wurden sît vür schœne erkorn.
;;;39;29;;Gatschier in bî dem zoume nam.
;;;39;30;;"iuwer wilde wirt vil zam
;;;40;1;;- daz sag ich iu ûf die triuwe mîn -,
;;;40;2;;bestât ir den Anschevin,
;;;40;3;;der mîne sicherheit dort hât.
;;;40;4;;nû sult ir merken mînen rât
;;;40;5;;und dar zuo, hêrre, mîne bete.
;;;40;6;;ich hân geheizen Gahmurete,
;;;40;7;;daz ich iuch alle wende.
;;;40;8;;daz lobete ich sîner hende.
;;;40;9;;durch mich lât iuwer streben sîn.
;;;40;10;;er tuot iu kraft an strîte schîn."
;;;40;11;;Dô sprach der künec Kaylet:
;;;40;12;;"ist diz mîn neve Gahmuret
;;;40;13;;fillyroys Gandin,
;;;40;14;;mit dem lâz ich mîn strîten sîn.
;;;40;15;;lât mir den zoum!" "ichne lâz ez niht,
;;;40;16;;ê mîn ouge aller êrst gesiht
;;;40;17;;iuwer blôzez houbet.
;;;40;18;;daz mîn ist mir betoubet."
;;;40;19;;den helm er im dô abe bant.
;;;40;20;;Gahmuret niht mê strîtes vant.
;;;40;21;;ez was wol mitte morgen dô.
;;;40;22;;die von der stat des wâren vrô,
;;;40;23;;die dise jost ersâhen.
;;;40;24;;die begunden alle gâhen
;;;40;25;;an ir werlîche letze.
;;;40;26;;er was vor in ein netze:
;;;40;27;;waz dar under kam, daz was erslagen.
;;;40;28;;ein ander ors, sus hôrt ich sagen,
;;;40;29;;dâr ûf saz der werde.
;;;40;30;;daz vlouc und ruorte die erde
;;;41;1;;gereht ze beiden sîten,
;;;41;2;;küene, dâ man solte strîten,
;;;41;3;;verhalten und dræte.
;;;41;4;;waz er dâr ûf tæte?
;;;41;5;;des muoz ich im von schulde jehen.
;;;41;6;;er reit, dâ in môre muosen sehen,
;;;41;7;;al dâ si lâgen mit ir her
;;;41;8;;westerhalp dort an dem mer.
;;;41;9;;ein vürste Razalic dâ hiez,
;;;41;10;;der dekeinen tac daz niht liez
;;;41;11;;der rîcheste von Azagouc
;;;41;12;;- sîn geslehte in dâr an niht betrouc,
;;;41;13;;von küneges zuht was sîn art -,
;;;41;14;;der reit iemer dannewart
;;;41;15;;durch jostieren gein der stat.
;;;41;16;;dâ tet sîner krefte mat
;;;41;17;;der helt von Anschouwe.
;;;41;18;;daz klaget ein swarziu vrouwe,
;;;41;19;;diu in dar hâte gesant,
;;;41;20;;daz in dâ ieman überwant.
;;;41;21;;ein knappe bôt sunder bete
;;;41;22;;sîme hêrren Gahmurete
;;;41;23;;ein sper, dem was der schaft ein rôr.
;;;41;24;;dâ mit stach er den môr
;;;41;25;;hinder sich ûf den griez.
;;;41;26;;niht langer er in ligen liez,
;;;41;27;;in betwang sicherheit sîn hant.
;;;41;28;;dô was daz urliuge gelant
;;;41;29;;und der prîs im aldâ geschehen.
;;;41;30;;Gahmuret begunde sehen
;;;42;1;;ahte vanen sweimen gein der stat,
;;;42;2;;die er balde wenden bat
;;;42;3;;den küenen, sigelôsen man.
;;;42;4;;dar nâch gebôt er im sân,
;;;42;5;;daz er kêrte nâch im în.
;;;42;6;;daz tet er, wan ez muose sîn.
;;;42;7;;Gatschier sîn komen niht verbirt.
;;;42;8;;an dem nû innen wart sîn wirt,
;;;42;9;;daz sîn gast was komen ûz.
;;;42;10;;daz er niht îsen als ein strûz
;;;42;11;;noch ganze vlins verslant,
;;;42;12;;vil kûme er des wart erwant.
;;;42;13;;sîn muot begunde limmen
;;;42;14;;und als ein lewe brimmen.
;;;42;15;;dô brach er ûz sîn eigen hâr.
;;;42;16;;er sprach: "nû sint mir mîniu jâr
;;;42;17;;gar zuo tumpheit gewant.
;;;42;18;;die gote heten mir gesant
;;;42;19;;einen küenen, werden gast.
;;;42;20;;ist er beladen mit strîtes last,
;;;42;21;;sô mag ich niemer werden wert.
;;;42;22;;waz touc mir schilt oder swert?
;;;42;23;;er muoz mich schelten, swer michs man."
;;;42;24;;dô kêrte er von den sînen dan.
;;;42;25;;gein der porten er vaste ruorte.
;;;42;26;;ein knappe gein im vuorte
;;;42;27;;einen schilt, ûzen und innen dran
;;;42;28;;gemâl als ein durchstochen man,
;;;42;29;;geworht in Isenhartes lant,
;;;42;30;;daz gap ime von Schotten Fridebrant,
;;;43;1;;und ein swert, daz Razalic
;;;43;2;;durch ellende brâhte in den wîc.
;;;43;3;;dâ was er von gescheiden,
;;;43;4;;der küene, swarze heiden.
;;;43;5;;sîn lop was verre und wît.
;;;43;6;;starb er ân toufen sît,
;;;43;7;;sô erkenne sich über den helt balt,
;;;43;8;;der aller wunder hât gewalt.
;;;43;9;;Dô der burcgrâve diz ersach,
;;;43;10;;sô rehte liebe im nie geschach.
;;;43;11;;disiu wâpen er kante.
;;;43;12;;her ûz zuo der porten er rante.
;;;43;13;;sînen gast sach er dort halten,
;;;43;14;;den jungen, niht den alten,
;;;43;15;;al gernde mit strîtlîcher jost.
;;;43;16;;dô nam in Lafillirost.
;;;43;17;;sîn wirt zôch in vaste wider.
;;;43;18;;er stach dô mêr dekeinen nider.
;;;43;19;;Lafillirost, der schahtelakunt,
;;;43;20;;sprach: "hêrre, ir sult mir machen kunt,
;;;43;21;;hât betwungen iuwer hant
;;;43;22;;Razaligen, unser lant
;;;43;23;;ist kampfes sicher iemer mêr.
;;;43;24;;er ist über allen môren hêr,
;;;43;25;;des getriuwen Isenhartes man,
;;;43;26;;die uns den schaden hânt getân.
;;;43;27;;sich hât verendet unser nôt.
;;;43;28;;ein zornic got in daz gebôt,
;;;43;29;;daz si uns suochten mit ir her.
;;;43;30;;nû ist enschumpfieret ir wer."
;;;44;1;;er vuorte in hin. daz was im leit.
;;;44;2;;diu küneginne engein im reit.
;;;44;3;;sînen zoum den vienc si bî der hant;
;;;44;4;;si enstricte der vintelien bant.
;;;44;5;;der wirt in muose lâzen.
;;;44;6;;sîne knappen niht vergâzen,
;;;44;7;;sine kârten vaste ir hêrren nâch.
;;;44;8;;al durch die stat man vüeren sach
;;;44;9;;ir gast die küneginne wîs,
;;;44;10;;der dô behabet hete den prîs.
;;;44;11;;si erbeizte, al dâ si es dûhte zît.
;;;44;12;;"wê, wie getriuwe ir knappen sît!
;;;44;13;;ir wænet verliesen disen man.
;;;44;14;;im wære âne iuwer gemach getân.
;;;44;15;;nemet sîn ors und vüeret ez hin.
;;;44;16;;sîn geselle ich hie bin."
;;;44;17;;vil vrouwen er dort ûffe vant.
;;;44;18;;entwâpent mit swarzer hant
;;;44;19;;wart er von der künegîn.
;;;44;20;;ein deckelachen zobelîn
;;;44;21;;und ein bette wol gehêret,
;;;44;22;;dâr an im wart gemêret
;;;44;23;;eine heimlîchiu êre.
;;;44;24;;al dâ was nieman mêre.
;;;44;25;;juncvrouwen, die giengen dar vür
;;;44;26;;und sluzzen zuo nâch in die tür.
;;;44;27;;dô pflac diu küneginne
;;;44;28;;einer werden, süezen minne
;;;44;29;;und Gahmuret, ir herzetrût.
;;;44;30;;ungelîch was ir beider hût.
;;;45;1;;Si brâhten opfers vil ir goten,
;;;45;2;;die von der stat. waz was geboten
;;;45;3;;dem küenen Razalige,
;;;45;4;;dô er schiet von dem wîge,
;;;45;5;;daz leiste er durch triuwe.
;;;45;6;;doch was sîn jâmer niuwe
;;;45;7;;nâch sîme hêrren Isenhart.
;;;45;8;;dô der burcgrâve des innen wart,
;;;45;9;;daz er kam, dô wart ein schal.
;;;45;10;;dar kômen die vürsten überal
;;;45;11;;der künegîn von Zazamanc
;;;45;12;;und sageten im sînes prîses danc,
;;;45;13;;den het er aldâ bezalt.
;;;45;14;;ze rehter jost het er ervalt
;;;45;15;;viere und zwenzic ritter nider
;;;45;16;;und zôch ir ors almeistic wider.
;;;45;17;;dâ wâren gevangener künige drî.
;;;45;18;;den reit vil manic ritter bî
;;;45;19;;zuo hove ûf den palas.
;;;45;20;;geslâfen und enbizzen was,
;;;45;21;;und wünneclîche gefeitet
;;;45;22;;mit kleidern wol bereitet
;;;45;23;;was des hœhesten wîbes lîp.
;;;45;24;;diu ê hiez maget, diu ist nû wîp;
;;;45;25;;si vuorte in vür an ir hant
;;;45;26;;und sprach: "mîn lîp und mîn lant
;;;45;27;;ist disem ritter undertân,
;;;45;28;;ob ez nû die næhesten wellent lân."
;;;45;29;;Dô wart gevolget Gahmurete
;;;45;30;;einer höveschlîchen bete:
;;;46;1;;"gât, hêrre mîn, Razalic,
;;;46;1;1;tretet an der sælden stîc.
;;;46;2;;ir sult küssen mîn wîp,
;;;46;2;1;diu mir ist als der lîp.
;;;46;3;;sam tuot ir, hêrre Gatschier."
;;;46;4;;Hutegern, den degen fier,
;;;46;5;;bat er si küssen an sînen munt.
;;;46;6;;er was von sîner jost wunt.
;;;46;7;;er bat si alle sitzen.
;;;46;8;;alle stunde er sprach mit witzen:
;;;46;9;;"ich sæhe gerne den neven mîn,
;;;46;10;;möhte ez mit sînen hulden sîn,
;;;46;11;;der in hie gevangen hât.
;;;46;12;;ich enhâns von sippe dekeinen rât,
;;;46;13;;ich muoz in ledic machen."
;;;46;14;;diu künegîn begunde lachen.
;;;46;15;;si hiez balde nâch im springen.
;;;46;16;;dort her begunde dringen
;;;46;17;;der minneclîche bêâ kunt.
;;;46;18;;er was von ritterschaft wunt
;;;46;19;;und hât er dâ vil wol getân.
;;;46;20;;Gatschier der Norman
;;;46;21;;brâht in. er was kurtoys.
;;;46;22;;sîn vater was ein Franzoys.
;;;46;23;;er was Kayletes swester barn.
;;;46;24;;in wîbes dienste er was gevarn.
;;;46;25;;er hiez Kylliriakac.
;;;46;26;;aller manne schœne er widerwac.
;;;46;27;;Dô in Gahmuret ersach,
;;;46;28;;ir antlütze sippe jach.
;;;46;29;;diu wâren ein ander vil gelîch.
;;;46;30;;er bat die küneginne rîch
;;;47;1;;in küssen und vâhen zir.
;;;47;2;;er sprach: "nû gêt ir her zuo mir."
;;;47;3;;diu wirtîn in selbe kuste dô.
;;;47;4;;si wâren ein ander zuo sehen vrô.
;;;47;5;;Gahmuret sprach aber sân:
;;;47;6;;"owê, junc süezer man!
;;;47;7;;waz wolte her dîn kranker lîp?
;;;47;8;;sage an, gebôt dir diz ein wîp?"
;;;47;8;1;er sprach: "nein, ez ist niht,
;;;47;8;2;waz sô anders mir geschiht.
;;;47;9;;si gebietent, hêrre, wênic mir.
;;;47;10;;mich hât mîn hêrre Gatschier
;;;47;11;;her brâht. er weiz wol selbe wie.
;;;47;12;;ich hân im tûsent ritter hie,
;;;47;13;;die stân im dienstlîchen bî.
;;;47;14;;zer Romischer Normandi
;;;47;15;;kom ich zuo der samenunge.
;;;47;16;;ich vuorte im helde junge
;;;47;17;;und vuor von Schampanie durch in.
;;;47;18;;nû wil kunst und sin
;;;47;19;;den schaden an in kêren,
;;;47;20;;ir enwelt iuch selber êren.
;;;47;21;;gebietet ir, sô lât in mîn
;;;47;22;;geniezen, sanfter sîn in pîn."
;;;47;23;;er sprach: "den rât nim gar zuo dir.
;;;47;24;;var dû und mîn hêrre Gatschier
;;;47;25;;und bringet mir Kayleten her."
;;;47;26;;dô wurben si des heldes ger.
;;;47;27;;si brâhten in nâch sîner bete.
;;;47;28;;dô wart er ouch von Gahmurete
;;;47;29;;vil minniclîche enpfangen,
;;;47;30;;mit armen umbevangen
;;;48;1;;von der küneginne rîch.
;;;48;2;;ir kus, der was minneclîch,
;;;48;2;1;den si dem degen bôt
;;;48;2;2;mit ir munde rôsenrôt.
;;;48;4;;er was ir mannes muomen sun
;;;48;3;;- si moht ez wol mit êren tuon -,
;;;48;5;;von küneges art ein künec hêr.
;;;48;6;;der wirt sprach lachende mêr:
;;;48;7;;"got weiz, hêr Kaylet,
;;;48;8;;ob ich iu næme Dolet
;;;48;9;;und iuwer lant Spanie
;;;48;10;;durch den künic von Kasganie,
;;;48;11;;der iu tet dicke zornes gir,
;;;48;12;;daz wære ein untriuwe an mir.
;;;48;13;;ir sît doch mîner muomen kint.
;;;48;14;;die besten gar mit iu hie sint,
;;;48;15;;der ritterschefte herte.
;;;48;16;;wer twanc iuch zuo dirre verte?"
;;;48;17;;dô sprach der stolze degen junc:
;;;48;18;;"mir gebôt mîn veter Schiltunc,
;;;48;19;;des tohter Fridebrant dâ hât,
;;;48;20;;daz ich im diente. ez wære sîn rât.
;;;48;21;;er hât von sînem wîbe
;;;48;22;;hie von mîme einigen lîbe
;;;48;23;;sehs tûsent ritter wol bekant.
;;;48;24;;die tragent werlîchiu bant.
;;;48;25;;hie was ouch ritter mêr durch in;
;;;48;26;;der ist ein teil gescheiden hin.
;;;48;27;;hie wâren durch den Schotten
;;;48;28;;die werlîchen rotten.
;;;48;29;;hie was von Gruonlanden
;;;48;30;;helde zuo handen,
;;;49;1;;zwêne künege mit grôzer kraft.
;;;49;2;;die vluht von der ritterschaft,
;;;49;3;;si vuorten vil manigen kiel.
;;;49;4;;ir rotte mir vil wol geviel.
;;;49;5;;hie was ouch Morolt durch in,
;;;49;6;;des strît hât kraft und sin.
;;;49;7;;die sint nû hin gekêret.
;;;49;8;;wie mich mîn vrouwe lêret,
;;;49;9;;alsô tuon ich mit den mînen.
;;;49;10;;mîn dienst sol erschînen.
;;;49;11;;dû endarft mir dienstes danken niht,
;;;49;12;;wan es diu sippe sus vergiht.
;;;49;13;;die vrechen helde sint nû dîn.
;;;49;14;;wæren si getoufet sam die mîn
;;;49;15;;und an der hiute gelîche getân,
;;;49;16;;sô wart gekrônet nie dekein man,
;;;49;17;;ern hete strîtes von dir genuoc.
;;;49;18;;mich wundert, waz dich her truoc.
;;;49;19;;daz sage ich dir rehte und wie."
;;;49;20;;"ich kom gestern. hiute bin ich hie
;;;49;21;;worden hêrre über diz lant.
;;;49;22;;mich vienc diu küneginne mit ir hant.
;;;49;23;;dô wert ich mich ir minne.
;;;49;24;;sus rieten mir die sinne."
;;;49;25;;"ich wæne, dir hât dîn süeze wer
;;;49;26;;betwungen beidenthalp diu her."
;;;49;27;;"dû manest, durch diz ich dir entran?
;;;49;28;;vil vaste riefe dû mich an.
;;;49;29;;waz woldes dû an mir twingen?
;;;49;30;;lâz mich sus mit dir dingen."
;;;50;1;;"dô erkant ich niht des ankers dîn.
;;;50;2;;mîner muomen man Gandin
;;;50;3;;hât in gevüeret selten ûz."
;;;50;4;;"dô erkant aber ich dînen strûz
;;;50;5;;und an mîme schilt ein sarpandertest.
;;;50;6;;dîn strûz stuont hœher sunder nest.
;;;50;7;;ich sach an dîner gelegenheit,
;;;50;8;;dir was diu sicherheit vil leit,
;;;50;9;;die mir tâten zwêne man.
;;;50;10;;die hatten dâ vil wol getân."
;;;50;11;;"mir wære ouch lîhte alsô geschehen.
;;;50;12;;ich wil des einem tiuvel jehen,
;;;50;13;;des vuore ich niemer würde vrô.
;;;50;14;;het er den prîs behalten dô
;;;50;15;;an vrechen helden sô dîn lîp,
;;;50;16;;vür zucker geæzen in diu wîp."
;;;50;17;;"Dîn munt mir lobes zuo vil vergiht."
;;;50;18;;"nein, ich kan gesmeichen niht.
;;;50;19;;nim anders mîner helfe war."
;;;50;20;;si riefen Razalige dar.
;;;50;21;;mit zühten sprach dô Kaylet:
;;;50;22;;"hât iuch mîn neve Gahmuret
;;;50;23;;mit sîner hant gevangen?"
;;;50;24;;"hêrre, daz ist ergangen.
;;;50;25;;ich hân in dâ vür erkant,
;;;50;26;;daz im Azagouc, daz lant,
;;;50;27;;mit dienste niemer wirt verspart,
;;;50;28;;sît unser hêrre Isenhart
;;;50;29;;al dâ niht krônen solte tragen.
;;;50;30;;in ir dienste er wart erslagen,
;;;51;1;;
;;;51;2;;
;;;51;3;;daz hatte mîn kus an si verkorn.
;;;51;4;;ich hân hêrren und mâc verlorn.
;;;51;5;;wil nû iuwer muomen sun
;;;51;6;;uns ritterlîche vuore tuon,
;;;51;7;;daz er uns wil ergetzen sîn,
;;;51;8;;sô valte ich im die hende mîn.
;;;51;9;;sô hât er rîcheit und prîs
;;;51;10;;und al, dâ mit Tankanis
;;;51;11;;Isenharte geerbet hât,
;;;51;12;;der gebalsemet in dem her dort stât.
;;;51;13;;alle tage ich sîne wunden sach,
;;;51;14;;sît im diz sper sîn herze brach."
;;;51;15;;daz zôch er ûz dem buosem sîn
;;;51;16;;an einer snüere guldîn;
;;;51;17;;hin wider hienc ez der degen snel
;;;51;18;;vür sîne brust an blôzez vel.
;;;51;19;;"ez ist noch wol mitter tac.
;;;51;20;;wil mîn hêrre Kylliriakac
;;;51;21;;in daz her erwerben, als ich in bite?"
;;;51;22;;
;;;51;23;;ein vingerlîn sante er dâr mite.
;;;51;24;;die nâch der hellen wâren gevar,
;;;51;24;1;hêrren und bârucken gar,
;;;51;25;;die kâmen, waz dâ vürsten was,
;;;51;26;;durch die stat ûf den palas.
;;;51;27;;dâ lêch mit vanen hin sîn hant
;;;51;28;;von Azagouc der vürsten lant.
;;;51;29;;ieslîcher was sînes ortes geil.
;;;51;30;;iedoch beleip daz bezzer teil
;;;52;1;;Gahmuret, ir hêrren.
;;;52;2;;die selben wâren die êrren.
;;;52;3;;nâher drungen die von Zazamanc
;;;52;4;;mit grôzer vuore, niht ze kranc.
;;;52;5;;si entviengen, als ir vrouwe hiez,
;;;52;6;;von im ir lant und des geniez,
;;;52;7;;als iegelîchem an gezôch.
;;;52;8;;diu armuot ir hêrren vlôch.
;;;52;9;;nû hete Protizalas,
;;;52;10;;der von art ein vürste was,
;;;52;11;;verlâzen ein herzogentuom.
;;;52;12;;daz lêch er dem, der manegen ruom
;;;52;13;;mit sîner hant bejagete.
;;;52;14;;an strîte er nie verzagete:
;;;52;15;;Lafillirost schahtelakunt
;;;52;16;;nam ez mit vanen sân zestunt.
;;;52;17;;von Azagouc die vürsten hêr
;;;52;18;;nâmen den Schotten Huteger
;;;52;19;;und Gatschier den Norman.
;;;52;20;;si giengen vür ir hêrren stân.
;;;52;21;;der liez si ledic umb ir bet.
;;;52;22;;des genâdeten si Gahmuret.
;;;52;23;;Hutegern den Schotten
;;;52;24;;si bâten sunder spotten:
;;;52;25;;"lât mînem hêrren diz gezelt
;;;52;26;;hie ûf âventiure gelt.
;;;52;27;;ez zuht uns Isenhartes leben,
;;;52;28;;daz Fridebrant wart gegeben
;;;52;29;;diu zierde unsers landes.
;;;52;30;;sîn vreude stuont pfandes.
;;;53;1;;er stuont noch selbe an dem rê.
;;;53;2;;unvergolten dienst im tet wê."
;;;53;3;;ûf erde niht sô guotes was,
;;;53;4;;der helm von arde ein adamas,
;;;53;5;;dicke und herte,
;;;53;6;;an strîte ein guot geverte.
;;;53;7;;dô lobet Hutegers hant,
;;;53;8;;wan er kæm in sînes hêrren lant,
;;;53;9;;er woltez im erwerben gar
;;;53;10;;und senden wider wol gevar.
;;;53;11;;daz tet er unbetwungen.
;;;53;12;;nâch urloube dô drungen
;;;53;13;;zuo einem künege, waz dâ vürsten was.
;;;53;14;;sus rûmten si den palas.
;;;53;15;;"wie verwüesteten wir sîn lant!"
;;;53;16;;doch kunde Gahmuretes hant
;;;53;17;;swenken solher gâbe solt,
;;;53;18;;als alle die boume trüegen golt.
;;;53;19;;er teilt golt ân wâge.
;;;53;20;;sîn man und sîne mâge
;;;53;21;;nâmen von im des landes guot.
;;;53;22;;daz was der küneginne muot.
;;;53;23;;der brûtloufte hôchzît
;;;53;24;;het dâ vor manegen grôzen strît.
;;;53;25;;die wurden sô zuo suone brâht.
;;;53;26;;ich hân mir ez niht selbe erdâht:
;;;53;27;;man saget mir, daz Isenhart
;;;53;28;;küneclîche bestatet wart.
;;;53;29;;daz tâten, die in erkanden.
;;;53;30;;den zins von sînen landen,
;;;54;1;;waz der vergelten mohte ein jâr,
;;;54;2;;den selben liezen si dâ gar.
;;;54;3;;daz tâten si umb ir selbes muot.
;;;54;4;;Gahmuret daz grôze guot
;;;54;5;;sîn volc hiez er behalten.
;;;54;6;;die muosens sunder walten.
;;;54;7;;des morgens vor der veste
;;;54;8;;rûmdenz dâ die geste.
;;;54;9;;sich schieden, die dâ wâren
;;;54;10;;und vuorten manigen bâren.
;;;54;11;;diu herberge stuont dâ blôz
;;;54;12;;wan ein gezelt, daz was vil grôz.
;;;54;13;;daz hiez der künec zuo schiffe tragen.
;;;54;14;;dem volke er dô begunde sagen,
;;;54;15;;er wolt ez vüeren in Azagouc.
;;;54;16;;mit der rede er si betrouc.
;;;54;17;;dô was der stolze, küene man,
;;;54;18;;unz er sich vaste senen began.
;;;54;19;;daz er niht ritterschefte vant,
;;;54;20;;des was sîn vreude der sorgen pfant.
;;;54;21;;iedoch was im daz swarze wîp
;;;54;22;;lieber dan sîn selbes lîp.
;;;54;23;;ez enwart nie wîp geschicket baz.
;;;54;24;;der vrouwen herze niht vergaz,
;;;54;25;;im envüere ein werde volge mite,
;;;54;26;;an rehter kiuscheheite ein wîplîch site.
;;;54;27;;Von Sybilie der stat
;;;54;28;;was geborn, den er dâ bat
;;;54;29;;dankêr zuo einer wîle.
;;;54;30;;er hete in manige mîle
;;;55;1;;dâ vor gevüeret und brâht in dar.
;;;55;2;;er was niht als ein môr gevar.
;;;55;3;;der marnære wîse
;;;55;4;;sprach: "nû helt ez lîse,
;;;55;5;;wan die tragent daz swarze vel.
;;;55;6;;mîne kiele sint sô snel,
;;;55;7;;si enmugen uns niht genâhen.
;;;55;8;;wir soln von hinnen gâhen."
;;;55;9;;sîn golt hiez er ze schiffe tragen.
;;;55;10;;nû muoz ich iu von scheiden sagen.
;;;55;11;;in der naht vuor dan der werde man.
;;;55;12;;daz wart verholn getân.
;;;55;13;;dô er entran dem wîbe,
;;;55;14;;dô hatte si in ir lîbe
;;;55;15;;zwelf wochen ein lebendec kint.
;;;55;16;;vaste wâte in dan der wint.
;;;55;17;;diu vrouwe in ir biutel vant
;;;55;18;;einen brief, den schreib ir mannes hant
;;;55;19;;in franzois, daz si kunde.
;;;55;20;;diu schrift ir sagen begunde,
;;;55;21;;hie enbüte liebe ein ander liep.
;;;55;22;;"ich bin dirre verte ein diep.
;;;55;23;;die muoz ich dir durch jâmer steln.
;;;55;24;;ich enmac dich es, vrouwe, niht verheln:
;;;55;25;;wære dîn orden in mîner ê,
;;;55;26;;sô wære mir iemer nâch dir wê.
;;;55;27;;ich hân sus iemer nâch dir pîn.
;;;55;28;;werde unser zweier kindelîn
;;;55;29;;an dem antlitze einem man gelîch,
;;;55;30;;deiswâr, der wirt alsô rîch.
;;;56;1;;er ist geborn von Anschouwe.
;;;56;2;;diu minne wirt sîn vrouwe.
;;;56;3;;sô wirt iu er an strîte ein schûr,
;;;56;4;;den vînden ein herte nâchgebûr.
;;;56;5;;wizzen sol der sun mîn:
;;;56;6;;sîn an, der hiez Gandin
;;;56;7;;und lac an ritterschefte tôt.
;;;56;8;;des vater leit die selbe nôt,
;;;56;9;;der was geheizen Andanz
;;;56;10;;- sîn schilt beleip vil selten ganz -
;;;56;11;;und was von art ein Britun.
;;;56;12;;er und Utpandragun
;;;56;13;;wâren zweier bruoder kint,
;;;56;14;;die beide alhie geschriben sint:
;;;56;15;;daz was ein Lazaliez,
;;;56;16;;Pricus der ander hiez.
;;;56;17;;der vater, der hiez Mazadan.
;;;56;18;;den vuorte ein Feimorgan,
;;;56;19;;diu hiez Terredelaschoie.
;;;56;20;;er was ir herzen boie.
;;;56;21;;von im kom daz geslehte mîn,
;;;56;22;;daz iemer mê gît liehten schîn.
;;;56;23;;ieglîcher sît krône truoc
;;;56;24;;und hete wirdecheite genuoc.
;;;56;25;;vrouwe, wiltû toufen dich,
;;;56;26;;dû maht ouch noch erwerben mich."
;;;56;27;;Des engert si dekeinen wandel niht.
;;;56;28;;"ouwê, wie balde daz geschiht,
;;;56;29;;wil er wider wenden,
;;;56;30;;vil schiere solt ich ez enden.
;;;57;1;;wem hât sîn menlîch zuht
;;;57;2;;hie gelâzen sîner minne vruht?
;;;57;3;;owê, lieplîche geselleschaft!
;;;57;4;;sol nû riuwe mit ir kraft
;;;57;5;;iemer twingen mînen lîp?
;;;57;6;;sîme gote zuo êren", sprach daz wîp,
;;;57;7;;"ich mich gerne toufen solte
;;;57;8;;und leben, wie er wolte."
;;;57;9;;der jâmer gap ir herzen wîc.
;;;57;10;;ir triuwe vant den dürren zwîc,
;;;57;11;;als noch diu turteltûbe tuot.
;;;57;12;;diu hete ie den selben muot.
;;;57;13;;wenn ir an trûtschefte gebrast,
;;;57;14;;ir triuwe kôs den dürren ast.
;;;57;15;;diu vrouwe an rehter zît genas
;;;57;16;;eines sunes, der zweier varwe was,
;;;57;17;;an dem got wunders wart in ein:
;;;57;18;;wîz und swarzer varwe er schein.
;;;57;19;;diu künegîn kustin sunder twâl
;;;57;20;;vil dicke an sîniu blanken mâl.
;;;57;21;;diu muoter hiez ir kindelîn
;;;57;22;;Ferefis Anschevin.
;;;57;23;;der wart ein waltswende.
;;;57;24;;die joste von sîner hende
;;;57;25;;vil manec sper zerbrâchen,
;;;57;26;;die schilte durchstâchen.
;;;57;27;;Als ein agelster wart er var,
;;;57;28;;sîn vel und ouch sîn hâr vil gar.
;;;57;29;;nû was ouch über des jâres zil,
;;;57;30;;daz Gahmuret geprîset vil
;;;58;1;;was worden dâ zuo Zazamanc.
;;;58;2;;sîn hant dâ sigenunft erranc.
;;;58;3;;dannoch swebet er ûf dem sê.
;;;58;4;;die snellen winde im tâten wê.
;;;58;5;;einen sîdînen segel sach er rôten.
;;;58;6;;den truoc ein kocke und ouch die boten,
;;;58;7;;die von Schotten Fridebrant
;;;58;8;;vrouwe Belacane hete gesant.
;;;58;9;;er bat si, daz si ûf in verkür,
;;;58;10;;wie er den mâc durch si verlür,
;;;58;11;;daz si von im gesuochet was.
;;;58;12;;dô vuorten si den adamas,
;;;58;13;;ein swert, einen halsperc und zwô hosen.
;;;58;14;;hie muget ir grôz wunder losen,
;;;58;15;;daz im der kocke widervuor,
;;;58;16;;als mir diu âventiure swuor.
;;;58;17;;si gâbenz im. dô lobete ouch er:
;;;58;18;;sîn munt der botschefte ein wer
;;;58;19;;wære, sô er kæme wider zuo ir.
;;;58;20;;si schieden sich. man saget mir,
;;;58;21;;daz mer trüege in in eine habe.
;;;58;22;;zuo Sybilie dô kêrte er abe.
;;;58;23;;mit golde galt der küene man
;;;58;24;;sîme marnære sân
;;;58;25;;harte wol sîn arbeit.
;;;58;26;;si schieden sich. daz was dem leit.
;;;58;27;;Ze Spanie in dem lande
;;;58;28;;den künec er bekande.
;;;58;29;;daz was sîn neve Kaylet.
;;;58;30;;nâch dem kêrter zuo Dolet.
;;;59;1;;der was nâch ritterschaft gevarn,
;;;59;2;;dâ man niht schilte dorfte sparn.
;;;59;3;;dô hiez er ouch bereiten sich
;;;59;4;;- sus wert diu âventiure mich -
;;;59;5;;mit spern wol gemâlen
;;;59;6;;von grüenen zindâlen.
;;;59;7;;ieglîcher hete ein banier.
;;;59;8;;drî härmîn enker dran sô fier,
;;;59;9;;daz man ir jach vür rîcheit.
;;;59;10;;die wâren lanc und breit
;;;59;11;;und reicheten vaste unz ûf die hant,
;;;59;12;;sô mans zuo sperîsene bant
;;;59;13;;dâ nidene eine spanne.
;;;59;14;;der wart dem küenen manne
;;;59;15;;hundert wol bereit
;;;59;16;;und wol hinden nâch geleit
;;;59;17;;von sînes neven liuten.
;;;59;18;;êren und triuten
;;;59;19;;kunden si mit wirdecheit.
;;;59;20;;daz was ir hêrren niht ze leit.
;;;59;21;;er streich - ine weiz wie lange - nâch,
;;;59;22;;unz er zuo der geste herberge sach
;;;59;23;;in dem lande ze Wâleis.
;;;59;24;;dâ was geslagen vor Kanvoleis
;;;59;25;;manec pavelûn ûf dem plâne.
;;;59;26;;ich ensagez iu niht von wâne.
;;;59;27;;gebietet ir, sô ist ez wâr.
;;;59;28;;sîn volc hiez er ûf halten gar.
;;;59;29;;der hêrre sante vor im hin în
;;;59;30;;den kluogen knappen meister sîn.
;;;60;1;;er solt tuon, als in sîn hêrre bat,
;;;60;2;;herberge nemen in der stat.
;;;60;3;;dô was im snellîchen gâch.
;;;60;4;;man zôch im soumære nâch.
;;;60;5;;sîn ouge ninder hûs dâ sach,
;;;60;6;;schilte, die wæren sîn ander dach
;;;60;7;;und die wende alsam behangen
;;;60;6;1;von banieren manecvach,
;;;60;8;;mit spern gar umbevangen.
;;;60;9;;Diu künegîn von Waleis
;;;60;10;;gesprochen hete vor Kanvoleis
;;;60;11;;einen turnei alsô gezilt,
;;;60;12;;des manigen zagen noch bevilt,
;;;60;13;;wenner die glîch werben siht,
;;;60;14;;von sîner hant ez niht geschiht.
;;;60;15;;si was ein maget, niht ein wîp.
;;;60;16;;diu bôt zwei lant und ir lîp,
;;;60;17;;wer dâ den prîs bezalte.
;;;60;18;;diz mære manigen valte
;;;60;19;;hinderz ors ûf den sâmen.
;;;60;20;;die solichiu gevelle nâmen,
;;;60;21;;der schanze wart zuo verluste gesaget.
;;;60;22;;des pflâgen helde unverzaget.
;;;60;23;;si tâten rîters ellen schîn.
;;;60;24;;mit hurteclîcher rabîn
;;;60;25;;wart dô manec ors ersprenget
;;;60;26;;und swerte vil erklenget.
;;;60;27;;Ein schifbrücke an eime plân
;;;60;28;;gienc über eines wazzers trân,
;;;60;29;;mit eime tor beslozzen.
;;;60;30;;der knappe unverdrozzen
;;;61;1;;tet ez ûf, als im zuo muote was.
;;;61;2;;dâ oben stuont der palas.
;;;61;3;;dâ saz diu küneginne
;;;61;4;;zuo eim venster dâr inne
;;;61;5;;mit maniger werden vrouwen.
;;;61;6;;die gerne wolten schouwen,
;;;61;7;;daz dise knappen tâten.
;;;61;8;;si heten sich berâten
;;;61;9;;und sluogen ûf ir gezelt.
;;;61;10;;umb unvergolten minnen gelt
;;;61;11;;wart es ein künec âne.
;;;61;12;;des twanc in Belacane.
;;;61;13;;mit arbeit wart ûf geslagen,
;;;61;14;;daz drîzic soumær muosen tragen,
;;;61;15;;ein gezelte. daz erzeigete rîcheit.
;;;61;16;;dô was der plân wol breit,
;;;61;17;;daz sich die snüere stracten dran.
;;;61;18;;Gahmuret, der werde man,
;;;61;19;;die selbe zît dort ûze enbeiz.
;;;61;20;;dar nâch er sich mit vlîze vleiz,
;;;61;21;;wie er höveschlîch kæme geriten.
;;;61;22;;dô wart dâ langer niht gebiten.
;;;61;23;;sîne knappen an den stunden
;;;61;24;;sîniu sper zesamen bunden,
;;;61;25;;ieclîcher vünfiu an ein bant.
;;;61;26;;daz sehste vuorte der wîgant
;;;61;27;;mit einer baniere.
;;;61;28;;sus kam gevaren der fiere.
;;;61;29;;Vor der küniginne wart vernomen,
;;;61;30;;wie dâ ein ritter wære komen
;;;62;1;;ûz verrem lande,
;;;62;2;;den nieman dâ bekande.
;;;62;3;;"sîn volc ist allez kurtoys,
;;;62;4;;beidiu heidensch und franzoys.
;;;62;5;;etlîcher mac ein Anschevin
;;;62;6;;mit sîner sprâche iedoch wol sîn.
;;;62;7;;ir muot ist stolz, ir wât ist klâr,
;;;62;8;;wol gesniten al vür wâr.
;;;62;9;;ich was sînen knappen bî.
;;;62;10;;die sint vor missetæte vrî
;;;62;11;;und jehent, wer habe geruoche,
;;;62;12;;ob der ir hêrren suoche,
;;;62;13;;den scheid er von swære.
;;;62;14;;von im vrâget ich der mære.
;;;62;15;;dô sageten si mir sunder wanc,
;;;62;16;;ez wære der künec von Zazamanc."
;;;62;17;;disiu mære saget ein garzûn:
;;;62;18;;"âvoy, welch ein pavelûn!
;;;62;19;;iuwer krône und iuwer lant
;;;62;20;;wære dâr vür niht halbez pfant."
;;;62;21;;"dû endarft mir des sagen niht.
;;;62;22;;mîn munt hin wider dir des giht:
;;;62;23;;ez mac wol sîn eines werden man,
;;;62;24;;der niht mit armuote kan."
;;;62;25;;alsô sprach diu künegîn.
;;;62;26;;"ouwê, wan kumt er selbe drîn?"
;;;62;27;;ir garzûn si des vrâgen bat.
;;;62;28;;höveschlîche durch die stat
;;;62;29;;der helt begunde trecken,
;;;62;30;;die slâfenden wecken.
;;;63;1;;vil schilte sach er schînen.
;;;63;2;;die hellen busînen
;;;63;3;;vor im mit krache gâben dôz.
;;;63;4;;von slegen und würfen grôz
;;;63;5;;zwêne tambûre gâben schal,
;;;63;6;;daz der galm über al die stat erhal.
;;;63;7;;der dôn iedoch gemischet wart
;;;63;8;;mit floitierne ûf der vart.
;;;63;9;;eine reisenote si bliesen.
;;;63;10;;nû soln wir niht verliesen,
;;;63;11;;wie ir hêrre komen sî.
;;;63;12;;dem riten videlære bî.
;;;63;13;;dô leit der degen wert
;;;63;14;;sîn bein vür sich ûf daz pfert,
;;;63;15;;zwêne stivâl über blôz bein.
;;;63;16;;sîn munt als ein rubîn schein
;;;63;17;;von rœte, als ob er brünne.
;;;63;18;;er was dicke und niht zuo dünne.
;;;63;19;;sîn lîp was allenthalben clâr.
;;;63;20;;lieht reideloht was im daz hâr,
;;;63;21;;sô man ez vor dem huote sach.
;;;63;22;;daz was ein tiure houbetdach.
;;;63;23;;grüener samît was der mantel sîn.
;;;63;24;;ein zobel dâ vor gap liehten schîn
;;;63;25;;ob eime hemede, daz was blanc.
;;;63;26;;von schouwen was dâ grôz gedranc.
;;;63;27;;vil dicke dâ gevrâget wart,
;;;63;28;;wer wære der ritter âne bart,
;;;63;29;;der dâ vüeret sô grôze rîcheit.
;;;63;30;;schiere wart daz mære breit.
;;;64;1;;man sagetez in vür ungelogen.
;;;64;2;;dô begunden si über die brücke zogen,
;;;64;3;;ander volc und die sîne.
;;;64;4;;von dem liehten schîne,
;;;64;5;;der von der küneginne schein,
;;;64;6;;zucket im neben sich sîn bein.
;;;64;7;;ûf rihte sich der degen wert
;;;64;8;;rehte als ein vederspil, daz gert.
;;;64;9;;diu herberge in dûhte harte guot.
;;;64;10;;als dô stuont des heldes muot.
;;;64;11;;si dolte ouch wol, diu wirtîn,
;;;64;12;;von Waleis diu künigîn.
;;;64;13;;Dô ervriesch der künec von Spanie,
;;;64;14;;daz ûf der Lewe planie
;;;64;15;;stuont ein gezelte, daz Gahmurete
;;;64;16;;durch des küenen Razaliges bete
;;;64;17;;bleip vor Patelamunt.
;;;64;18;;daz tet im ein ritter kunt.
;;;64;19;;dô vuor er springende als ein tier
;;;64;20;;und was der vreuden soldier.
;;;64;21;;der selbe ritter aber dô sprach:
;;;64;22;;"iuwer muomen sun ich sach
;;;64;23;;komen, als er ie was, fier.
;;;64;24;;ez sint hundert banier
;;;64;26;;gestecket vür sîn hôch gezelt
;;;64;25;;zuo sîme schilte ûf grüenez velt.
;;;64;27;;die sint alle grüene.
;;;64;28;;ouch hât der helt küene
;;;64;29;;drîe härmîn anker lieht gemâl
;;;64;30;;ûf ieclîchem zindâl."
;;;65;1;;"ist er gezimieret hie?
;;;65;2;;âvoy, sô sol man schouwen, wie
;;;65;3;;sîn lîp den poynder irret,
;;;65;4;;wie er ez enmitten wirret.
;;;65;5;;der stolze künec Hardiz
;;;65;6;;hât mit zorne sînen vlîz
;;;65;7;;nû lange an mich gewant.
;;;65;8;;den sol hie Gahmuretes hant
;;;65;9;;mit sîner jost neigen.
;;;65;10;;mîne sælde ist niht der veigen."
;;;65;11;;sînen boten sante er sân,
;;;65;12;;dâ Gatschier der Norman
;;;65;13;;mit sîner massenîe lac
;;;65;14;;und der liehte Kylliriakac.
;;;65;15;;die wâren dâ durch sîne bet.
;;;65;16;;zuo eim pavelûn zuo Gahmuret
;;;65;17;;vuor die geselleschaft.
;;;65;18;;dô entviengen si durch liebe kraft
;;;65;19;;den werden künec von Zazamanc.
;;;65;20;;si dûhte ein beiten gar zuo lanc,
;;;65;21;;daz sin ê niht gesâhen.
;;;65;22;;des si mit triuwen jâhen.
;;;65;23;;Dô vrâgeter der mære,
;;;65;24;;wer dâ rîter wære.
;;;65;25;;dô sprach sîner muomen kint:
;;;65;26;;"ûz verreme lande hie sint
;;;65;27;;ritter, die diu minne jaget,
;;;65;28;;vil küener helde unverzaget.
;;;65;29;;hie hât manegen Britun
;;;65;30;;roys Utpandragun.
;;;66;1;;eine mære in stichet als ein dorn,
;;;66;2;;daz er sîn wîp hatte verlorn,
;;;66;3;;diu Artuses muoter was.
;;;66;4;;ein pfaffe, der von zouber las,
;;;66;5;;mit dem diu vrouwe ist hin gewant,
;;;66;6;;dem ist Artus nâch gerant.
;;;66;7;;daz ist nû in dem driten jâre,
;;;66;8;;daz er sun und wîp verlôs zwâre.
;;;66;9;;hie ist ouch sîner tohter man,
;;;66;10;;der mit ritterschefte wol kan,
;;;66;11;;Lot von Norwæge,
;;;66;12;;gein valscheit der træge.
;;;66;13;;
;;;66;14;;
;;;66;15;;hie ist ouch Gawan, des sun,
;;;66;16;;sô kranc, daz er niht mac getuon
;;;66;17;;ritterschaft dekeine.
;;;66;18;;er was bî mir, der kleine.
;;;66;19;;er giht, und möhter einen schaft
;;;66;20;;zerbrechen, trôstin des sîn kraft,
;;;66;21;;er wolde gerne ritters tât.
;;;66;22;;wie vrô sîn ger begunnen hât!
;;;66;23;;hie hât der künec von Patrigalt
;;;66;24;;von spern einen ganzen walt.
;;;66;25;;des vuore ist gein den ein wint.
;;;66;26;;die von Portegal hie sint,
;;;66;27;;die heizen wir die vrechen.
;;;66;28;;si wellent durch schilt stechen.
;;;66;29;;
;;;66;30;;
;;;67;1;;hie hânt die Waleise
;;;67;2;;durch si behabet ir reise
;;;67;3;;durch den poynder, wâ si es gernt.
;;;67;4;;von ir kraft ir landes si des wernt.
;;;67;5;;hie ist manec ritter durch diu wîp,
;;;67;6;;der niht erkennen kan mîn lîp,
;;;67;7;;wan die ich dir hie genennet hân.
;;;67;8;;wir ligen mit wârheit sunder wân
;;;67;9;;mit grôzer vuore in der stat,
;;;67;10;;als uns diu küneginne bat.
;;;67;11;;ich sage dir, wer zuo velde liget,
;;;67;12;;den unser vuore vil ringe wiget:
;;;67;13;;der werde künec von Ascalun
;;;67;14;;und der vreche künec von Arragun.
;;;67;15;;hie ist Cydegast von Logroys
;;;67;16;;und der künec von Puntertoys,
;;;67;17;;der heizet Brandelidelin,
;;;67;18;;hie ist ouch der küene Lehelin.
;;;67;19;;hie ist Morolt von Irlant,
;;;67;20;;der brichet uns abe gæbiu pfant.
;;;67;21;;hie ligent ûf dem plâne
;;;67;22;;die stolzen Alamane.
;;;67;23;;der herzoge von Brabant
;;;67;24;;ist gestrichen in diz lant
;;;67;25;;durch den künec Hardysen.
;;;67;26;;sîne swester Alysen
;;;67;27;;gab im der künec von Gasgon.
;;;67;28;;sîn dienst hât vor entvangen lôn.
;;;67;29;;si sint mit zorne gein mir.
;;;67;30;;nû sol ich wol getrûwen dir.
;;;68;1;;gedenke an die sippe dîn.
;;;68;2;;durch rehte liebe warte mîn."
;;;68;3;;Dô sprach der künec von Zazamanc:
;;;68;4;;"dû darft mirs sagen kleinen danc,
;;;68;5;;waz dir mîn dienst zêren tuot.
;;;68;6;;wir soln haben einen muot.
;;;68;7;;stêt dîn strûz noch sunder nest,
;;;68;8;;dû solt dînen sarapandertest
;;;68;9;;gein sîme halben grîfe tragen.
;;;68;10;;mîn anker vaste wirt geslagen
;;;68;11;;durch lenden in sînes poynders hurt.
;;;68;12;;er muoze selbe suochen vurt
;;;68;13;;hinderm orse, ûf ein grieze.
;;;68;14;;der uns zuosamene lieze,
;;;68;15;;ich valte in oder er valte mich.
;;;68;16;;des wer ich an den triuwen dich."
;;;68;17;;Kaylet zuo der herbergen reit
;;;68;18;;mit grôzen vreuden sunder leit.
;;;68;19;;sich huop ein crieren
;;;68;20;;von zwein helden fieren.
;;;68;21;;von Poitowe Deschelarz
;;;68;22;;und Gurnemanz de Graharz,
;;;68;23;;die jostierten ûf dem plân.
;;;68;24;;sich huop diu vesperîe sân.
;;;68;25;;hie riten sehse, dort wol drî.
;;;68;26;;den reit vil lîhte ein troppel bî.
;;;68;27;;si begiengen rehte ritters tât.
;;;68;28;;des was dô kein ander rât.
;;;68;29;;Diz was dannoch wol mitter tac.
;;;68;30;;der hêrre in sîme gezelte lac.
;;;69;1;;dô vriesch der künec von Zazamanc,
;;;69;2;;daz die poynder wît und lanc
;;;69;3;;zuo velde wâren worden
;;;69;4;;al dâ nâch ritters orden.
;;;69;5;;er huop sich des endes dar
;;;69;6;;mit maniger baniere lieht gevar.
;;;69;7;;er kêrte sich niht an gâhez sehen.
;;;69;8;;er wolte müezeclîche erspehen,
;;;69;9;;wie ez zuo beiden sîten wære getân.
;;;69;10;;Sînen teppich man leite ûf den plân,
;;;69;11;;dâ sich die poynder wurren
;;;69;12;;und diu ors von stichen kurren.
;;;69;13;;von knappen wart umb in ein rinc,
;;;69;14;;dâ bî von swerten klingâ klinc.
;;;69;15;;wie si nâch prîse rungen,
;;;69;16;;die klingen alsus klungen.
;;;69;17;;von spern was grôz krachen dâ.
;;;69;18;;jâ dô dorfte nieman vrâgen wâ.
;;;69;19;;poynder wæren sîne wende,
;;;69;20;;die worhten ritters hende.
;;;69;21;;Diu ritterschaft sô nâhe was,
;;;69;22;;daz die vrouwen von dem palas
;;;69;23;;sâhen der helde arbeit.
;;;69;24;;dô was der küneginne leit,
;;;69;25;;daz sich der künec von Zazamanc
;;;69;26;;mit den andern dâ niht dranc.
;;;69;27;;si sprach: "owê, war ist er komen,
;;;69;28;;von dem ich wunder hân vernomen?"
;;;69;107;;ez wart dâ harte wol getân
;;;69;108;;von manigem armen küenen man,
;;;70;9;;die doch der habe gerten niht,
;;;70;10;;des der küniginne zil vergiht,
;;;70;11;;ir lîbes noch ir landes.
;;;70;12;;si gerten anderes pfandes.
;;;70;13;;nû was ouch Gahmuretes lîp
;;;70;14;;in harnasche, dâ sîn werdez wîp
;;;70;15;;suone mite wart gemant,
;;;70;16;;daz ir von Schotten Fridebrant
;;;70;17;;zuo gelte sante vür ir schaden.
;;;70;18;;mit strîte het er si beladen.
;;;70;19;;ûf erde niht sô guotes was.
;;;70;20;;dô schouweten si den adamas.
;;;70;21;;daz was ein helm, dâr ûf man bant
;;;70;22;;einen enker, dâ man inne vant
;;;70;23;;verwieret edel gesteine,
;;;70;24;;grôz und niht zuo kleine.
;;;70;26;;wol gezimiert wart der werde gast.
;;;70;25;;diz was iedoch ein swærer last.
;;;70;27;;wie sîn schilt gehêret sî?
;;;70;28;;von guotem golde von Arabi
;;;70;29;;was ein buckeler durch geslagen,
;;;70;30;;swære, die er wolte tragen.
;;;70;101;;diu gap von rœte alsoliche brehen,
;;;70;102;;daz man sich mohte dâr in ersehen,
;;;70;103;;ein zobelîn anker drunde.
;;;70;104;;mir selbe ich wol gunde,
;;;70;105;;des er hete an den lîp gegert,
;;;70;106;;wan daz was maneger marke wert.
;;;70;929;;Nû was ouch roys de Franze tôt.
;;;70;930;;des wîp in ofte in grôze nôt
;;;71;901;;brâhte in ir minne.
;;;71;902;;diu vil werde küneginne
;;;71;903;;hatte nâch im dar gesant,
;;;71;904;;ob er wider in daz lant
;;;71;905;;wære komen von der heidenschaft.
;;;71;906;;des twanc si ganzer liebe kraft.
;;;71;7;;sîn wâpenroc was harte wît.
;;;71;8;;ich wæn, dekeinen sô guoten sît
;;;71;9;;ieman zuo strîte vuorte.
;;;71;10;;sîn lenge den teppich ruorte.
;;;71;11;;ob ich den gebrüeven künne,
;;;71;12;;er schein, als ob er brünne
;;;71;13;;als bî der naht ein queckez viur.
;;;71;14;;verblichen varwe was im tiur.
;;;71;15;;sîn glast die blicke niht vermeit.
;;;71;16;;ein krankez ouge sich dran versneit.
;;;71;17;;mit golde er wol gebildet was,
;;;71;18;;dâ zuo montâne in Caucosas
;;;71;19;;von eime velse ez zarten
;;;71;20;;grîfen klâwen, die ez bewarten
;;;71;21;;und ez noch hiute bewarnt.
;;;71;22;;von Arabie liute varnt,
;;;71;23;;die erwerbent ez mit listen dâ
;;;71;24;;- sô tiure ist ez nirgent anderswâ -
;;;71;25;;und vüerent ez wider zuo Arabi,
;;;71;26;;dâ man diu grüenen achmardî
;;;71;27;;wirket und pfelle rîch.
;;;71;28;;ander wæte ist er ungelîch.
;;;71;29;;den schilt nam er zuo halse sân.
;;;71;30;;dâ stuont ein ors vil wol getân,
;;;72;1;;gewâpent wol unz ûf den huof.
;;;72;2;;hie garzûne, ruofâ ruof!
;;;72;3;;sîn lîp spranc dar ûf, wan er ez dâ vant.
;;;72;4;;vil starker sper des heldes hant
;;;72;5;;mit hurte verswande.
;;;72;6;;die poynder er zertrande
;;;72;7;;eine sîte in, anderthalp ûz.
;;;72;8;;dem anker volgete ie der strûz.
;;;72;9;;Gahmuret stach hinderz ors
;;;72;10;;Poytewin de Prialatscors
;;;72;11;;und anders manigen werden man,
;;;72;12;;an den er sicherheit gewan.
;;;72;13;;waz dâ gekriuzeter ritter reit,
;;;72;14;;die genuzzen des heldes arbeit.
;;;72;15;;diu gewunnen ors, diu gab er in.
;;;72;16;;an ime lac ir grôz gewin.
;;;72;17;;gelîcher baniere
;;;72;18;;man vuorte gein im schiere
;;;72;19;;- küene rotten riten drunde,
;;;72;20;;ir hêrre strîten kunde -
;;;72;21;;an ieclîcher eines grîfen zagel.
;;;72;22;;daz hinder teil ouch was ein hagel
;;;72;23;;gein ritterschefte. des wâren die.
;;;72;24;;daz vorder teil des grîfen hie
;;;72;25;;der künec von Gasgone truoc
;;;72;26;;an sîme schilte, ein ritter kluoc.
;;;72;27;;gezieret was sîn lîp,
;;;72;28;;sam wol geprüeven kunnen wîp.
;;;72;29;;der nam sich vor den andern ûz,
;;;72;30;;dô er ûf dem helme sach den strûz.
;;;73;1;;der enker kam doch vor an in.
;;;73;2;;dô stach in hinderz ors dort hin
;;;73;3;;der werde künec von Zazamanc
;;;73;4;;und vienc in. dâ wart grôz gedranc,
;;;73;5;;hôhe vurch sleht getemmet,
;;;73;6;;mit swerten vil gekemmet.
;;;73;7;;dâ wart verswendet der walt
;;;73;8;;und manec ritter abe gevalt.
;;;73;9;;si wunden sich, sus hôrt ich sagen.
;;;73;10;;hinden an dem orte hielten zagen.
;;;73;11;;Der strît was wol sô nâhen,
;;;73;12;;daz gar die vrouwen sâhen,
;;;73;13;;wer dâ mit prîse solte sîn.
;;;73;14;;der minne gernde Riwalin,
;;;73;15;;von des spern snît ein niuwe leis.
;;;73;16;;daz was der künec von Loheneis.
;;;73;17;;sîne hurte gâben krachenden schal.
;;;73;18;;Morolt in einen ritter stal.
;;;73;19;;ûz dem satele huob er in
;;;73;20;;vür sich und vuort in hin.
;;;73;21;;der hiez Kylliriakac.
;;;73;22;;von dem hete der künec Lac
;;;73;23;;dâ vor entvangen solhen solt,
;;;73;24;;sam der vallen an der erden holt,
;;;73;25;;und hetez ouch dâ vor vil wol getân.
;;;73;26;;dô luste disen starken man,
;;;73;27;;daz er in twünge sunder swert.
;;;73;28;;alsus vienc er den degen wert.
;;;73;29;;hinderz ors stach Kayletes hant
;;;73;30;;den herzogen von Brabant.
;;;74;1;;der vürste, der hiez Lamekin.
;;;74;2;;waz tâten dô die sîn?
;;;74;3;;si beschutten in mit swerten.
;;;74;4;;die helde strîtes gerten.
;;;74;5;;dô stach der künec von Arragun
;;;74;6;;den alten Utpandragun,
;;;74;8;;den künec von Britanie,
;;;74;7;;hinderz ors ûf die plânîe.
;;;74;9;;dô stuonden dâ vil bluomen umb in.
;;;74;10;;wie gevüege ich doch bin,
;;;74;11;;daz ich den werden Brituneis
;;;74;12;;sô schône lege vor Kanvoleis,
;;;74;13;;dâ nie getrat vilânes vuoz
;;;74;14;;- ob ich der wârheit jehen muoz -
;;;74;15;;noch lîht niemer dâ geschiht.
;;;74;16;;ern dorfte sîn gesezzen niht
;;;74;17;;ûf dem orse, dâ er ûffe saz.
;;;74;18;;niht langer man sîn dâ vergaz;
;;;74;19;;in beschutten, die ob im dâ striten.
;;;74;20;;dân wart grôz hurten niht vermiten.
;;;74;21;;dô kam der künec von Punterteis.
;;;74;22;;dô wart al dâ vor Kanvoleis
;;;74;23;;gevellet ûffe sînes orses slâ,
;;;74;24;;daz er dâr hinder lac al dâ.
;;;74;25;;daz tet der stolze Gahmuret.
;;;74;26;;wettâ, hêrre, wetâ wet!
;;;74;27;;mit strîte wurden si geweten.
;;;74;28;;sîner muomen sun Kayleten,
;;;74;29;;den viengen Punterteise.
;;;74;30;;dô wart vil rûch diu reise.
;;;75;1;;dô der künec Brandelidelin
;;;75;2;;wart gezucket von den sîn,
;;;75;3;;einen andern künec si viengen.
;;;75;4;;hie liefen und giengen
;;;75;5;;manec wert man in îsenwât.
;;;75;6;;den wart gealûnet ir brât
;;;75;7;;von treten und von kiulen.
;;;75;8;;ir vel truoc swarze biulen.
;;;75;9;;die helde gehiure
;;;75;10;;erwurben quaschiure.
;;;75;11;;ich ensagez iu niht vür wæhe:
;;;75;12;;dô wart diu ruowe smæhe.
;;;75;13;;die werden twanc diu minne dar,
;;;75;14;;manigen schilt wol gevar
;;;75;15;;und manigen gezimierten helm,
;;;75;16;;des dach was worden dâ der melm.
;;;75;17;;daz velt etswâ geblüemet was.
;;;75;18;;kurz kleine grüene gras,
;;;75;19;;dâ vielen ûf die werden man,
;;;75;20;;den diu êre was ein teil getân.
;;;75;21;;mîn gir kan solihen wunsch doln,
;;;75;22;;daz ich besæze eht ûf dem voln.
;;;75;23;;Dô reit der künec von Zazamanc
;;;75;24;;her dan, dâ in nieman dranc,
;;;75;25;;nâch eime orse, daz geruowet was.
;;;75;26;;man bant im abe den adamas
;;;75;27;;niht wan durch des windes luft,
;;;75;28;;anders durch dekeinen guft,
;;;75;29;;und strouft im abe sîn hersenier.
;;;75;30;;sîn munt was rôt und fier.
;;;76;1;;ein wîp, die ich ê genennet hân,
;;;76;2;;alhie kam ir kappelân
;;;76;3;;und kleiner junchêrren drî.
;;;76;4;;den riten starke knappen bî.
;;;76;5;;zwêne soumer giengen an ir hant.
;;;76;6;;die boten hete dar gesant
;;;76;7;;diu künigîn Anflise.
;;;76;8;;ir kappellân was wîse.
;;;76;9;;vil schiere erkanter disen man.
;;;76;10;;in franzoys er in gruozte sân:
;;;76;11;;"bensevinus, beas sir,
;;;76;12;;mîner vrouwen und mir.
;;;76;13;;daz ist roys de Franze,
;;;76;14;;der werden minnen schanze."
;;;76;15;;dem helde gab er in die hant
;;;76;16;;einen brief, dâr an er grüezen vant,
;;;76;17;;und ein kleine vingerlîn.
;;;76;18;;daz solte ein wâr geleite sîn,
;;;76;19;;wan ez entvienc sîn vrouwe
;;;76;20;;von dem von Anschouwe.
;;;76;21;;er neic, dô er die schrift sach.
;;;76;22;;welt ir nû hœren, wie diu sprach?
;;;76;23;;"Dir enbiutet minne und gruoz
;;;76;24;;mîn lîp, dem nie wart kumbers buoz,
;;;76;25;;sît er dîner minnen enpfant.
;;;76;26;;dîn minne tuot ein slozbant
;;;76;27;;mînes herzen und des vröude.
;;;76;28;;dîn minne tuot mich töude.
;;;76;29;;sol mir dîn minne verren,
;;;76;30;;sô muoz mir minne werren.
;;;77;1;;kum wider, nim von mîner hant
;;;77;2;;krône, scepter und lant.
;;;77;3;;daz ist mich an erstorben.
;;;77;4;;daz hât dîne minne erworben.
;;;77;5;;habe dir zuo soldimente
;;;77;6;;die rîchen prîsente
;;;77;7;;in den vier soumschrîn.
;;;77;8;;dû solt ouch mîn ritter sîn
;;;77;9;;in dem lande zuo Waleis
;;;77;10;;vor der houbetstat zuo Kanvoleis.
;;;77;11;;ine ruoche, ob ez diu künegîn siht.
;;;77;12;;ez enmac mir vil geschaden niht.
;;;77;13;;ich bin schœner und rîcher
;;;77;14;;und kan ouch minniclîcher
;;;77;15;;minne entvâhen und geben.
;;;77;16;;wiltû nâch werder minne leben,
;;;77;17;;sô habe dir mîne krône
;;;77;18;;nâch minne zuo lône."
;;;77;19;;An diseme brieve er niht mêre vant.
;;;77;20;;sîn hersenier eines knappen hant
;;;77;21;;wider ûf sîn houbet zôch.
;;;77;22;;Gahmureten trûren vlôch.
;;;77;23;;man bant im ûf den adamas,
;;;77;24;;der dicke und herte was.
;;;77;25;;er wolte sich arbeiten.
;;;77;26;;die boten hiez er geleiten
;;;77;27;;durch ruowe under pavelûn.
;;;77;28;;wâ gedrenge was, dâ machter rûn.
;;;77;29;;dirre verlôs, der gewan.
;;;77;30;;dâ mohte erholn sich ein man,
;;;78;1;;hete er versûmet sîne tât.
;;;78;2;;alhie was genuoger worden rât.
;;;78;3;;si wolten jostieren,
;;;78;4;;dort mit rotten punieren.
;;;78;5;;si geloubeten sich der sliche,
;;;78;6;;die man heizet vriundes stiche.
;;;78;7;;heimelîche gevaterschaft
;;;78;8;;wart zervüeret mit zornes kraft.
;;;78;9;;dâ wart diu krumbe selten sleht.
;;;78;10;;man sprach dâ wênec ritters reht.
;;;78;11;;wer iht gewan, der habet im daz.
;;;78;12;;ern ruochte, het es der ander haz.
;;;78;13;;si wâren ûz manegen landen,
;;;78;14;;die dâ mit ir handen
;;;78;15;;schiltes ambet worhten
;;;78;16;;und schaden wênic vorhten.
;;;78;17;;Nû wart ouch dâ von Gahmuret
;;;78;18;;geleistet vroun Anflisen bet,
;;;78;19;;daz er ir ritter wære.
;;;78;20;;ein brief sagete im die mære.
;;;78;21;;âvoy, dô wart er gelâzen an!
;;;78;22;;ob minne und ellen in des man?
;;;78;23;;grôziu liebe und starkiu triuwe
;;;78;24;;vrumte sîne kraft al niuwe.
;;;78;25;;nû sach er, wâ der künec Lot
;;;78;26;;sînen schilt gein der herte bôt.
;;;78;27;;der was al umb nâch gewant.
;;;78;28;;daz werte Gahmuretes hant.
;;;78;29;;mit hurte er den poynder brach.
;;;78;30;;den künec von Arragun er stach
;;;79;1;;hinderz ors mit dem rôr.
;;;79;2;;der künec hiez Schafellor.
;;;79;3;;daz sper was sunder banier,
;;;79;4;;dâ mit er valte den degen fier.
;;;79;5;;er brâht ez von der heidenschaft.
;;;79;6;;die sîne werten in mit kraft.
;;;79;7;;iedoch vienc er den werden man.
;;;79;8;;die innern tâten die ûzern sân
;;;79;9;;vaste rîten über velt.
;;;79;10;;ir vesperîe gap strîtes gelt
;;;79;11;;und mohte sîn ein turnei,
;;;79;12;;wan dâ lac vil spere enzwei.
;;;79;13;;dô begunde zürnen Lehelin:
;;;79;14;;"sul wir sus entêret sîn?
;;;79;15;;daz machet, der den anker treit.
;;;79;16;;unser eintwedere den andern leit,
;;;79;17;;noch hiute der unsanfte liget.
;;;79;18;;si hânt uns zuo vil an gesiget."
;;;79;19;;ir hurte gâben in roumes vil.
;;;79;20;;dô gieng ez ûzer der kinde spil.
;;;79;21;;si worhten mit ir henden,
;;;79;22;;daz den walt begunde swenden.
;;;79;23;;diz was glîch ir beider ger.
;;;79;24;;sperâ, hêrre, sperâ sper!
;;;79;25;;dô muoste dulten Lehelin
;;;79;26;;einen schamelîchen pîn.
;;;79;27;;in stach der künec von Zazamanc
;;;79;28;;hinderz ors wol eines spers lanc,
;;;79;29;;daz in dem rôr schafte was.
;;;79;30;;sîne sicherheit er an sich las.
;;;80;1;;doch læse ich sanfter süeze birn,
;;;80;2;;wie die rîter nider rirn.
;;;80;3;;Der crîen dô vil maneger wielt,
;;;80;4;;wer ie gein sîner jost hielt:
;;;80;5;;"hie kumet der anker, fîa fî!"
;;;80;6;;gein im kam gehurtet bî
;;;80;7;;ein vürste ûz Anschouwe
;;;80;8;;- die riuwe was sîn vrouwe -
;;;80;9;;mit ûf gekêrter spitze.
;;;80;10;;daz lêrte in jâmers witze.
;;;80;11;;disiu wâpen er bekante.
;;;80;12;;wâr umb er von im wante?
;;;80;13;;wolt ir, ich bescheide iuch des.
;;;80;14;;si gap der stolze Galoes,
;;;80;15;;fillyroys Gandin,
;;;80;16;;der vil getriuwe bruoder sîn,
;;;80;17;;dâ vor, ê im diu minne erwarp,
;;;80;18;;daz er an einer jost starp.
;;;80;19;;man bant im abe sînen helm.
;;;80;20;;weder gras noch den melm
;;;80;21;;sîn strît dâ niemer bant.
;;;80;22;;grôz jâmer in des nû mant.
;;;80;23;;mit sînem sinne er bâgete,
;;;80;24;;wâr umb er envrâgete
;;;80;25;;Kayleten, sîner muomen sun,
;;;80;26;;waz sîn bruoder wolte tuon,
;;;80;27;;daz er niht turnierte hie.
;;;80;28;;dô enweiz er leider reht, wie
;;;80;29;;er starp vor Muntori.
;;;80;30;;dô was im ein kumber bî.
;;;81;1;;den riet eine werdiu minne
;;;81;2;;einer rîchen küniginne.
;;;81;3;;diu kam ouch sît durch in in nôt.
;;;81;4;;si lac an klagenden triuwen tôt.
;;;81;5;;Gahmuret was ouch mit klage.
;;;81;6;;doch het er in dem halben tage
;;;81;7;;gevrumt vil der sper enzwei.
;;;81;8;;wære worden der turnei,
;;;81;9;;sô wære gar verswendet der walt.
;;;81;10;;geverwet hundert im wâren gezalt,
;;;81;11;;diu gar vertet der fiere.
;;;81;12;;sîne liehten baniere
;;;81;13;;wâren den krîerern worden.
;;;81;14;;daz was wol in ir orden.
;;;81;15;;dô kêrte er gein dem pavelûn.
;;;81;16;;der küneginne garzûn
;;;81;17;;huop sich nâch im ûf die vart.
;;;81;18;;der tiure wâpenroc im wart
;;;81;19;;durchstochen und durchhouwen.
;;;81;20;;den truoc er vür die vrouwen.
;;;81;21;;der was von golde dannoch guot
;;;81;22;;und glastet als ein glüende gluot.
;;;81;23;;dâr an kôs man rîcheit.
;;;81;24;;dô sprach diu künegin gemeit:
;;;81;25;;"dich hât ein werdez wîp gesant
;;;81;26;;bî diseme rîter in diz lant.
;;;81;27;;nû manet mich diu vuoge mîn,
;;;81;28;;daz danderen êt verkrenket sîn,
;;;81;29;;die âventiure brâhte har.
;;;81;30;;ieclîcher neme mînes wunsches war:
;;;82;1;;si sint mir alle sippe
;;;82;2;;von Adames rippe.
;;;82;3;;doch wænich, daz Gahmuretes tât
;;;82;4;;den hœhesten prîs erworben hât."
;;;82;5;;die anderen tâten rîterschaft
;;;82;6;;mit sô gewanter zornes kraft,
;;;82;7;;daz si ez vaste wielken unz in die naht.
;;;82;8;;die innern heten die ûzern brâht
;;;82;9;;mit strîte unz an ein pavelûn,
;;;82;10;;wan der künec von Ascalun
;;;82;11;;und Morolt von Irlant,
;;;82;12;;durch die snüere in wære gerant.
;;;82;13;;Dâ wart gewunnen und verlorn.
;;;82;14;;genuoge heten schaden erkorn,
;;;82;15;;die anderen prîs und êre.
;;;82;16;;nû ist zît, daz man si kêre
;;;82;17;;von ein ander. nieman dâ gesiht,
;;;82;18;;sine wert der pfender liehtes niht.
;;;82;19;;wer solte ouch vinsterlingen spiln?
;;;82;20;;daz mohte den müeden wol beviln.
;;;82;21;;der vinster man vil gar vergaz,
;;;82;22;;dô mîn hêrre Gahmuret dort az,
;;;82;23;;als ez wære tac. des enwas ez niht.
;;;82;24;;dâ wâren aber ungevüegiu lieht,
;;;82;25;;von kleinen kerzen manec schoup
;;;82;26;;geleit ûf ölboumes loup,
;;;82;27;;und manege kulter rîche
;;;82;28;;gestrecket wunneclîche,
;;;82;29;;dâ vür teppic breit.
;;;82;30;;diu künegîn an die snüere reit
;;;83;1;;mit liehten juncvrouwen.
;;;83;2;;si wolte gerne schouwen
;;;83;3;;den werden künec von Zazamanc.
;;;83;4;;vil müeder ritter nâch ir dranc.
;;;83;5;;diu tischlachen wâren abe genomen,
;;;83;6;;ê si underz pavelûn wære komen.
;;;83;7;;der wirt spranc ûf vil schiere
;;;83;8;;und gevangener künige viere.
;;;83;9;;den vuor ouch etslîch vürste mite.
;;;83;10;;dô entvienc er si mit zühte site.
;;;83;11;;er geviel ir wol, dô si in gesach.
;;;83;12;;diu künigîn mit zühten sprach:
;;;83;13;;"ir sît hie wirt, dâ ich iuch vant,
;;;83;14;;sô bin ich wirtîn über daz lant.
;;;83;15;;geruochet ir, daz ich iuch küssen sol,
;;;83;16;;daz ist mit mîme willen wol."
;;;83;17;;"iuwer kus sol wesen mîn,
;;;83;18;;mugen dise hêrren geküsset sîn.
;;;83;19;;sol künec oder vürste des enbern,
;;;83;20;;sô getar ich, vrouwe, von iu niht gern."
;;;83;21;;si sprach: "daz sol ouch geschehen.
;;;83;22;;ich enhân ir dekeinen ê gesehen."
;;;83;23;;si kuste al, die es wâren wert.
;;;83;24;;des hete Gahmuret gegert.
;;;83;25;;er bat sitzen die künigîn.
;;;83;26;;mîn hêrre Brandelidelin
;;;83;27;;mit zühten vor der vrouwen saz.
;;;83;28;;grüene binzen, von touwe naz,
;;;83;29;;dünne ûf daz teppic wâren geströuwet.
;;;83;30;;dâr ûffe saz, der sich hie vröuwet,
;;;84;1;;diu werde Waleisinne.
;;;84;2;;si twanc iedoch sîn minne.
;;;84;3;;er saz von ir sô nâhe nider,
;;;84;4;;daz si in begreif und zôch in wider
;;;84;5;;hin anderhalben an ir lîp.
;;;84;6;;si was ein maget, niht ein wîp,
;;;84;7;;diu in sô nâhe sitzen liez.
;;;84;8;;wolt ir nû hœren, wie diu hiez?
;;;84;9;;diu küneginne Herzeloyde,
;;;84;10;;und ir base Rischoyde,
;;;84;11;;die hete der künec Kaylet.
;;;84;12;;des muomen sun was Gahmuret.
;;;84;13;;vrô Herzeloyde gap den schîn,
;;;84;14;;wæren gar erleschet die kerzen sîn,
;;;84;15;;sô wære doch lieht von ir genuoc.
;;;84;16;;wan daz sîn jâmer undersluoc
;;;84;17;;die hœhe an sîner vreude breit,
;;;84;18;;sîn minne wære ir vil bereit.
;;;84;19;;si sprâchen gruoz nâch zühte kür.
;;;84;20;;bî einer wîlen giengen schenken vür
;;;84;21;;mit gezierde von Azagouc,
;;;84;22;;dâr an grôz rîcheit nieman trouc.
;;;84;23;;die truogen junchêrren în.
;;;84;24;;ez muosen tiure nepfe sîn
;;;84;25;;von edeleme gesteine,
;;;84;26;;wît, niht zuo kleine.
;;;84;27;;si wâren alle sunder golt.
;;;84;28;;ez was des landes zinses solt,
;;;84;29;;den Isenhart vil dicke bôt
;;;84;30;;vroun Belakanen vür grôze nôt.
;;;85;1;;man bôt in daz trinken dar
;;;85;2;;in manegem steine wol gevar,
;;;85;3;;smaragde und sardîne.
;;;85;4;;etslîche wâren rubîne.
;;;85;5;;Vür daz pavelûn dô reit
;;;85;6;;zwêne ritter ûf ir sicherheit.
;;;85;7;;die wâren hin gevangen
;;;85;8;;und kâmen dar în gegangen.
;;;85;9;;der eine, daz was Kaylet.
;;;85;10;;der sach den künec Gahmuret
;;;85;11;;sitzen, als er wære unvrô.
;;;85;12;;er sprach: "wie gebâres dû sô?
;;;85;13;;dîn prîs ist doch dâ vür erkant,
;;;85;14;;vrôn Herzeloyden und ir lant
;;;85;15;;hât dîn lîp errungen.
;;;85;16;;des jehent dir die zungen.
;;;85;17;;ez sî Britun oder irisch man,
;;;85;18;;wer hie welsche sprâche kan,
;;;85;19;;Franzoys oder Brabant,
;;;85;20;;die jehent und volgent dîner hant,
;;;85;21;;daz dir an sô gewanten spiln
;;;85;22;;glîche nieman muge geziln.
;;;85;23;;des lise ich den wâren brief.
;;;85;24;;dîn kraft mit ellen dô niht slief,
;;;85;25;;dô dise helde kâmen in nôt,
;;;85;26;;diu hant dir sicherheit dâ bôt:
;;;85;27;;der stolze Brandelidelin
;;;85;28;;und ouch der küene Lehelin,
;;;85;29;;Hardiz und Schafillor
;;;85;30;;und Razalic, der môr,
;;;86;1;;der dir vor Patelamunt
;;;86;2;;tæt ouch fîanze kunt.
;;;86;3;;des gerte dîn prîs an strîte
;;;86;4;;der hœhe und der wîte."
;;;86;5;;"Mîn vrouwe mac wænen, daz dû tobest,
;;;86;6;;daz dû mich alsus vor ir lobest.
;;;86;7;;dû maht doch mich verkoufen niht,
;;;86;8;;wan etswer wandel an mir siht.
;;;86;9;;von dînem munt ist zuo vil lobes vernomen.
;;;86;10;;sage an, wie bistû widerkomen?"
;;;86;11;;"diu werde diet von Puntertoys
;;;86;12;;hât mich und disen Schapenoys
;;;86;13;;verlâzen ledic überal.
;;;86;14;;Morolt, der mînen neven stal,
;;;86;15;;von dem sol er ledic sîn,
;;;86;16;;mac mîn hêrre Brandelidelin
;;;86;17;;werden ledic von dîner hant.
;;;86;18;;wir sîn noch beide dar umb pfant,
;;;86;19;;ich und mîner muomen suon.
;;;86;20;;dû solt an uns gnâde tuon.
;;;86;21;;hie ist ein vesperîe erliten.
;;;86;22;;daz turnieren wirt vermiten
;;;86;23;;an dirre zît vor Kanvoleiz.
;;;86;24;;die rehte wârheit ich des weiz,
;;;86;25;;Hardiz, der hêrre, sitzet hie.
;;;86;26;;nû sprechet, wâ oder wie
;;;86;27;;si uns mohten vor gehalten.
;;;86;28;;dû muost vil prîses walten."
;;;86;29;;Diu künigîn sprach zuo Gahmurete
;;;86;30;;von herzen eine süeze bete:
;;;87;1;;"waz mînes rehtes an iu sî,
;;;87;2;;dâ solt ir mich lâzen bî.
;;;87;3;;dar zuo mîn dienst gnâden gert.
;;;87;4;;wirdich der beider hie gewert,
;;;87;5;;sol mir der prîs verkrenken,
;;;87;6;;sô lât mich vürder wenken."
;;;87;7;;der küneginne Ampflisen,
;;;87;8;;der kiuschen und der wîsen,
;;;87;9;;ûf spranc der kapelân.
;;;87;10;;er sprach: "in sol zuo rehte hân
;;;87;11;;mîn vrouwe, diu mich in diz lant
;;;87;12;;nâch sînen minnen hât gesant.
;;;87;13;;si lebete ie nâch sînes lîbes zer.
;;;87;14;;ir minne hât an im gewer.
;;;87;15;;si sol in behalten, sînen lîp,
;;;87;16;;wan si ist im holt vür alliu wîp.
;;;87;17;;hie sint ir boten, vürsten drî,
;;;87;18;;kint vor missewende vrî.
;;;87;19;;der heizet eines Lanzidant,
;;;87;20;;von hôher art ûz Gruonlant.
;;;87;21;;der ist her zuo Kärlingen komen
;;;87;22;;und hât die sprâche an sich genomen.
;;;87;23;;der ander heizet Leidarz
;;;87;24;;figunt Schiolarz."
;;;87;25;;wer der drite wære,
;;;87;26;;des sagete er iu ein mære:
;;;87;27;;des muoter, diu hiez Beaflurs
;;;87;28;;und sîn vater Pansamurs,
;;;87;29;;die wâren von der feien art;
;;;87;30;;daz kint hiez Liahturteltart.
;;;88;1;;diu liefen alliu driu vür in.
;;;88;2;;si sprâchen: "hêrre, hâst dû sin,
;;;88;3;;dir zelt royn de Franze
;;;88;4;;der werden minne schanze,
;;;88;5;;sô maht dû spiln sunder pfant.
;;;88;6;;diu vreude ist kumbers ledic zuohant."
;;;88;7;;Diu botschaft was ouch vernomen.
;;;88;8;;Kaylet, der ê was komen,
;;;88;9;;saz under der küneginne mantels ort.
;;;88;10;;si sprach hin zuo im disiu wort:
;;;88;11;;"sage an, ist dir êt mê geschehen?
;;;88;12;;ich hân slege an dir gesehen."
;;;88;13;;dô begreif im diu gehiure
;;;88;14;;sîne quatschiure
;;;88;15;;mit ir linden henden wîz.
;;;88;16;;an den lac der gotes vlîz.
;;;88;17;;dô was im geamisieret
;;;88;18;;und sêre gequatschieret
;;;88;19;;hiufel, kinne und der nasen.
;;;88;20;;er hâte der küneginne basen,
;;;88;21;;diu dise êre an im begienc,
;;;88;22;;daz sin mit henden zuo gevienc.
;;;88;23;;si sprach mit zühte lêre
;;;88;24;;zuo Gahmurete mêre:
;;;88;26;;"diu werde Franzoysinne
;;;88;25;;iu biutet vaste ir minne.
;;;88;27;;êret an mir alliu wîp
;;;88;28;;und lât zuo rehte mînen lîp.
;;;88;29;;sît hie, unz ich mîn reht geneme.
;;;88;30;;ir lâzet anders mich in scheme."
;;;89;1;;daz lobet ir der werde man.
;;;89;2;;si nam urloup, dô vuor si dan.
;;;89;3;;si huop der degen wert
;;;89;4;;sunder schame ûf ir pfert
;;;89;5;;und kêrte von ir wider în,
;;;89;6;;al dâ er vant die vreude sîn.
;;;89;7;;er sprach zuo Hardize:
;;;89;8;;"iuwer swester Alize
;;;89;9;;mir minne bôt. die nam ich dâ.
;;;89;10;;dû bist nû bestatet anderswâ.
;;;89;11;;
;;;89;12;;
;;;89;13;;si hât der vürste Lambekin.
;;;89;14;;sol si niht gekrœnet sîn,
;;;89;15;;si hât doch wirdecheit bekant.
;;;89;16;;Hanouwe und Brabant
;;;89;17;;ir dient und manec ritter guot.
;;;89;18;;kêrt mir zuo gruoze iuwern muot.
;;;89;19;;lât mich in iuwern hulden sîn
;;;89;20;;und nemet in wider, den dienst mîn."
;;;89;21;;der künec von Gascone sprach,
;;;89;22;;als im sîn manlîch ellen jach:
;;;89;23;;"iuwer ellen was ie süeze.
;;;89;24;;swer iuch dâr umb grüeze,
;;;89;25;;dem ir laster hât getân,
;;;89;26;;der wolte ez iedoch durch vorhte lân.
;;;89;27;;mich vienc iuwer muomen suon.
;;;89;28;;der enkan an niemanne missetuon."
;;;89;29;;"ir werdet wol ledic an Gahmurete.
;;;89;30;;daz sol sîn mîn êrstiu bete.
;;;90;1;;swenn aber ir nû ledic sît,
;;;90;2;;sô gelebet mîn dienst noch die zît,
;;;90;3;;daz ir mich zuo vriunde nemet.
;;;90;4;;ir möht in nû wol hân verschemet.
;;;90;5;;waz joch mir von iu geschiht,
;;;90;6;;mich ensluoc doch iuwer swestersun niht."
;;;90;7;;Der rede lacheten si überal,
;;;90;8;;doch wart getrüebet in der schal.
;;;90;9;;den wirt sîn triuwe mente,
;;;90;10;;daz er sich sêre sente.
;;;90;11;;jâmer ist ein scharpfer gart.
;;;90;12;;ir ieclîcher innen wart,
;;;90;13;;daz sîn lîp mit kumber ranc
;;;90;14;;und al sîn vröude was ze kranc.
;;;90;15;;dô zurnte sîner muomen suon.
;;;90;16;;er sprach: "dû kanst ungevüege tuon."
;;;90;17;;"nein, ich muoz bî riuwen sîn.
;;;90;18;;ich sene mich nâch der künegîn,
;;;90;19;;die ich liez zuo Patelamunt.
;;;90;20;;von der ist mir mîn herze wunt.
;;;90;21;;in reiner art ein süeze wîp,
;;;90;22;;ir werdiu kiusche mînen lîp
;;;90;23;;nâch ir minne jâmer mant.
;;;90;24;;si gap mir lîp und lant.
;;;90;25;;mich tuot vrô Belacane
;;;90;26;;menlîcher vröuden âne.
;;;90;27;;ez ist iedoch vil menlîch,
;;;90;28;;wer minnen wankes schamet sich.
;;;90;29;;der vrouwen huote mich ûf bant,
;;;90;30;;daz ich niht ritterschefte vant.
;;;91;1;;dô wânte ich, daz mich ritterschaft
;;;91;2;;neme von ungemüetes kraft.
;;;91;3;;der hân ich hie ein teil getân.
;;;91;4;;nû wænet manec unverwizzen man,
;;;91;5;;daz mich ir swerze jagete dan.
;;;91;6;;dâ sach ich vür die sunne an.
;;;91;7;;ir wîplîch prîs mir vuocte leit.
;;;91;8;;si ist ein buckeler über der wirdecheit.
;;;91;9;;ich muoz ein und ander klagen:
;;;91;10;;ich sach mînes bruoder wâpen tragen
;;;91;11;;mit ûf gekêrtem orte."
;;;91;12;;owê mir dirre worte,
;;;91;13;;daz mir dô wart jæmerlîch!
;;;91;14;;von wazzer wurden diu ougen rîch
;;;91;15;;dem werden Spaniole.
;;;91;16;;er sprach: "ein künegîn Anfole,
;;;91;17;;durch dîn minne gap den lîp
;;;91;18;;Galoes, den alliu wîp
;;;91;19;;von herzen klagen solten
;;;91;20;;mit triuwen, ob si wolten,
;;;91;21;;daz ir sit brâhte
;;;91;22;;lop, wâ mans gedâhte.
;;;91;23;;ein künegîn von Averre,
;;;91;24;;wie wênic ez dir werre,
;;;91;25;;den mâc ich doch durch dich verlôs,
;;;91;26;;der ritterlîches ende kôs
;;;91;27;;von einer jost, diu in sluoc,
;;;91;28;;dâ er dîn kleinœde truoc.
;;;91;29;;vürsten, die gesellen sîn,
;;;91;30;;tuont herzeclîche klage schîn.
;;;92;1;;si hânt ir schiltes breite
;;;92;2;;nâch jâmers geleite
;;;92;3;;gein der erden gekêret.
;;;92;4;;grôz trûren si daz lêret.
;;;92;5;;alsus tuont si ritterschaft
;;;92;6;;und sint beladen mit jâmers kraft,
;;;92;7;;sît Galoes, mîner muomen suon,
;;;92;8;;nâch minnen niht dienst solte tuon."
;;;92;9;;dô er ervriesch des bruoder tôt,
;;;92;10;;daz was sîn ander herzenôt.
;;;92;11;;mit jâmere sprach er disiu wort:
;;;92;12;;"wie hât sus mînes ankers ort
;;;92;13;;in riuwe ergriffen leides habe!"
;;;92;14;;diu wâpen tet er sich dô abe.
;;;92;15;;grôz riuwe im hertes kumbers jach.
;;;92;16;;der helt ûz wâren triuwen sprach:
;;;92;17;;"von Anschouwe Galoes,
;;;92;18;;vürbaz darf nieman vrâgen des,
;;;92;19;;ez enwart nie menlîcher zuht
;;;92;20;;geborn. der wâren minnen vruht
;;;92;21;;ûz dîme herzen blüete.
;;;92;22;;nû erbarmet mich dîn güete."
;;;92;23;;er sprach zuo Kaylete:
;;;92;24;;"wie gehabt sich Tscheuwete,
;;;92;25;;mîn muoter vreuden arme?"
;;;92;26;;"sô daz sich got erbarme!
;;;92;27;;dô ir erstarp Gandin
;;;92;28;;und Galoes, der bruoder dîn,
;;;92;29;;und dô si den bî ir niht sach,
;;;92;30;;der tôt ir ouch daz herze brach."
;;;93;1;;dô sprach der künec Hardiz:
;;;93;2;;"nû kêret an manheit iuwern vlîz,
;;;93;3;;und ob ir manheit kunnet tragen,
;;;93;4;;sô solt ir leit ze mâze klagen."
;;;93;5;;dô was sîn kumber al zuo grôz.
;;;93;6;;ein güsse im von den ougen vlôz.
;;;93;7;;er schuof den rittern ir gemach
;;;93;8;;und gienc, dâ er sîne kamer sach,
;;;93;9;;ein wênic gezelt von samît.
;;;93;10;;die naht er dolte jâmers zît.
;;;93;11;;Des morgens, dô der tac erschein,
;;;93;12;;si wurden des alle in ein,
;;;93;13;;die innern und daz ûzer her,
;;;93;14;;daz dâ mit strîtlîcher wer
;;;93;15;;
;;;93;16;;
;;;93;17;;si wolten jostieren niht.
;;;93;18;;dô schein der mitten morgen lieht.
;;;93;19;;si wâren mit strîte als vertriben
;;;93;20;;und diu ors mit sporn alsô verriben,
;;;93;21;;daz al die werde ritterschaft
;;;93;22;;twanc dannoch der müede kraft.
;;;93;23;;diu künegîn reit dô selbe
;;;93;24;;nâch den werden hin zuo velde
;;;93;25;;und vuorte si mit ir in die stat.
;;;93;26;;die besten si dort inne bat,
;;;93;27;;daz si zuo der Lewe planie riten.
;;;93;28;;dô wart ir bete niht vermiten.
;;;93;29;;si vuoren, dâ man messe sanc
;;;93;30;;dem trûrigen künige von Zazamanc.
;;;94;1;;dô der benediz wart getân,
;;;94;2;;vrô Herzeloyde kam dô sân.
;;;94;3;;an Gahmuretes lîp si sprach
;;;94;4;;und gertes, als ir diu volge jach.
;;;94;5;;dô sprach er: "vrouwe, ich hân ein wîp.
;;;94;6;;diu ist mir lieber dan der lîp.
;;;94;7;;ob ich der âne wære,
;;;94;8;;dannoch weiz ich eine mære,
;;;94;9;;dâ mit ich iu enbræste gar,
;;;94;10;;næme ieman mînes rehtes war."
;;;94;11;;"ir solt die mœrinne
;;;94;12;;lân durch mîne minne.
;;;94;13;;des toufes segen hât bezzer kraft.
;;;94;14;;nû ânet iuch der heidenschaft
;;;94;15;;und minnet mich nâch unserre ê,
;;;94;16;;wan mir ist nâch iu wê.
;;;94;17;;oder sol mir gein iu schade sîn
;;;94;18;;der Franzoyser künegîn?
;;;94;19;;die boten sprâchen süeziu wort
;;;94;20;;und spilten ir mære unz in daz ort."
;;;94;21;;"seht, diust mîn wâriu vrouwe.
;;;94;22;;ich brâhte in Anschouwe
;;;94;23;;ir rât und mîner zühte site.
;;;94;24;;mir wont noch hiute ir helfe mite
;;;94;25;;dâ von, daz mich mîn vrouwe zôch,
;;;94;26;;die wîbes missewende ie vlôch.
;;;94;27;;wir wâren beidiu kinder dô
;;;94;28;;und doch zuo sehene ein ander vrô.
;;;94;29;;diu künegîn Anflise
;;;94;30;;gewonte an wîplîchem prîse.
;;;95;1;;mir gap diu gehiure
;;;95;2;;vonme lande die beste stiure.
;;;95;4;;dô greif ich willeclîchen zuo.
;;;95;3;;ich was dô ermere danne nuo.
;;;95;5;;nû zelt mich noch vür die armen.
;;;95;6;;ich solt iuch noch erbarmen.
;;;95;7;;mir ist mîn werder bruoder tôt.
;;;95;8;;durch iuwer zuht lât mich âne nôt.
;;;95;9;;kêrt minne, dâ diu vreude sî.
;;;95;10;;mir wonet niht dan jâmer bî."
;;;95;11;;"Lât mich den lîp niht langer zern.
;;;95;12;;saget an, wâ mit welt ir iuch wern?"
;;;95;13;;"vrouwe, ich sage iu nâch iuwerre vrâge ger.
;;;95;14;;ez wart ein turnei dâ her
;;;95;15;;gesprochen, des enwart hie niht.
;;;95;16;;manec geziuc mir des giht."
;;;95;17;;"den hât ein vesperîe erlemet.
;;;95;18;;hie sint die vrechen gezemet,
;;;95;19;;daz der turnei dâr von verdarp."
;;;95;20;;"iuwer stete wer ich warp
;;;95;21;;mit den, die ez wol hânt getân.
;;;95;22;;ir solt mich nôtrede erlân.
;;;95;23;;ez tet hie manec ritter baz.
;;;95;24;;iuwer reht ist gein mir zuo laz.
;;;95;25;;niht wan iuwer gemeiner gruoz,
;;;95;26;;ob ich den von iu entvâhen muoz."
;;;95;27;;alsus diu âventiure saget,
;;;95;28;;dô nam der ritter und diu maget
;;;95;29;;einen rihter über der vrouwen klage.
;;;95;30;;dô nâhtez dem mitten tage.
;;;96;1;;man sprach ein urteil dô zehant:
;;;96;2;;"welch ritter hie helm ûf bant,
;;;96;3;;der her durch ritterschaft was komen,
;;;96;4;;hete der den prîs al hie genomen,
;;;96;5;;den sol diu küniginne hân."
;;;96;6;;dar nâch diu volge wart getân.
;;;96;7;;Dô sprach si: "hêrre, nû sît ir mîn.
;;;96;8;;ich tuon iu dienst nâch hulden schîn
;;;96;9;;und vüege iu solher vreuden teil,
;;;96;10;;daz ir nâch jâmer werdet geil."
;;;96;11;;er hete iedoch von jâmer pîn.
;;;96;12;;nû was des aberellen schîn
;;;96;13;;ergangen. dar nâch komen was
;;;96;14;;kurz kleine, grüene gras.
;;;96;15;;daz velt was ergrüenet,
;;;96;16;;daz brœdiu herze küenet
;;;96;17;;und in gît hôchgemüete.
;;;96;18;;vil bluomen stuont in blüete
;;;96;19;;von dem süezen lufte des meien.
;;;96;20;;sîn art von der feien
;;;96;21;;muose minnen oder minnen gern.
;;;96;22;;des wolt in diu vriundinne wern.
;;;96;23;;an vrouwen Herzeloyd er dô sach.
;;;96;24;;sîn munt mit süezen zühten sprach:
;;;96;25;;"vrouwe, sol ich mit iu genesen,
;;;96;26;;sô lât mich âne huote wesen.
;;;96;27;;wan verlât mich imer jâmers kraft,
;;;96;28;;sô tæte ich gerne ritterschaft.
;;;96;29;;lâzet ir niht turnieren mich,
;;;96;30;;sô kan ich noch den alten slich,
;;;97;1;;als dô ich mîme wîbe entran,
;;;97;2;;die ich mit ritterschaft gewan.
;;;97;3;;dô si mich ûf von strîte bant,
;;;97;4;;ich liez ir lîp und lant."
;;;97;5;;si sprach: "nû gêt iu selber ein zil.
;;;97;6;;ich lâze iu iuwers willen vil."
;;;97;7;;"ich wil noch vrumen vil der sper enzwei.
;;;97;8;;aller mâne glîch einen turnei,
;;;97;9;;des solt ir, vrouwe, geruochen,
;;;97;10;;daz ich den muoze suochen."
;;;97;11;;diz lobete si, wart mir gesaget.
;;;97;12;;er entvienc diu lant und ouch die maget.
;;;97;13;;Disiu driu junchêrrelîn
;;;97;14;;Anflisen, der künegîn,
;;;97;15;;hie stuonden und ir kappelân,
;;;97;16;;dâ volge und urteil wart getân.
;;;97;17;;der pfaffe ez hôrte und sach.
;;;97;18;;heimelîch er Gahmureten sprach:
;;;97;19;;"man tet mîner vrouwen kunt,
;;;97;20;;daz ir vor Patelamunt
;;;97;21;;den hœhesten prîs behieltet
;;;97;22;;und dâ zweier krône wieltet.
;;;97;23;;si het ouch lant und muot
;;;97;24;;und gît ouch lîp und guot."
;;;97;25;;"dô si mir gap die ritterschaft,
;;;97;26;;dô muoz ich nâch des ordens kraft,
;;;97;27;;als mir des schiltes ambet saget,
;;;97;28;;dar bî blîben unverzaget.
;;;97;29;;wan daz ich schilt von ir gewan,
;;;97;30;;ez wære noch anders ungetân.
;;;98;1;;ich werdes trûric oder geil,
;;;98;2;;ich behabete ie ritters urteil.
;;;98;3;;vart wider und saget ir den dienst mîn.
;;;98;4;;ich wil iedoch ir ritter sîn.
;;;98;5;;ob mir alle krônen wæren bereit,
;;;98;6;;ich hân nâch ir mîn hœheste leit."
;;;98;7;;er bôt in sîne grôze habe.
;;;98;8;;sîner gâbe tâten si sich abe.
;;;98;9;;die boten vuoren zuo lande
;;;98;10;;gar âne ir vrouwen schande.
;;;98;11;;si engerten urloubes niht,
;;;98;12;;daz lîhte in zorne noch geschiht.
;;;98;13;;die vürsten - knappen, disiu kint -
;;;98;14;;wâren von weinen vil nâch blint.
;;;98;15;;Die den schilt verkêret hânt getragen,
;;;98;16;;den begunden ir vriunt zuo velde sagen:
;;;98;17;;"vrou Herzeloyde, diu künegîn,
;;;98;18;;hât behabt den Anschevin."
;;;98;19;;"wê, wer was von Anschouwe dâ?
;;;98;20;;unser hêrre ist leider anderswâ,
;;;98;21;;durch ritters prîs zuo Sarrazin.
;;;98;22;;daz ist noch unser hœheste pîn."
;;;98;23;;"der dâ den prîs hât bezalt
;;;98;24;;und manegen ritter abe gevalt
;;;98;25;;und der sô stach und sluoc
;;;98;26;;und der den tiuren anker truoc
;;;98;27;;ûf deme helme lieht gesteinet,
;;;98;28;;daz ist, den ir dâ meinet.
;;;98;29;;uns sagete der künec Kaylet,
;;;98;30;;der Anschevin wære Gahmuret,
;;;99;1;;dem sî dâ wol gelungen."
;;;99;2;;zuo orsen si dô sprungen.
;;;99;3;;ir wât wart von den ougen naz,
;;;99;4;;dô si kâmen, dâ ir hêrre was.
;;;99;5;;si entviengen in, er entvienc ouch sie.
;;;99;6;;vreude und jâmer, daz was hie.
;;;99;7;;dô kuster die getriuwen.
;;;99;8;;er sprach: "ouch iuch sol niht riuwen
;;;99;9;;zuo unmâzer wîs der bruoder mîn.
;;;99;10;;ich mac iuch wol ergetzen sîn.
;;;99;11;;kêret ûf den schilt nâch sîner art
;;;99;12;;und habt iuch an der vreuden vart!
;;;99;13;;ich wil mînes vater wâpen tragen.
;;;99;14;;sîn lant mîn anker hât beslagen.
;;;99;15;;der anker ist ein recken zil,
;;;99;16;;den nem und trage nû, wer der wil.
;;;99;17;;ich muoz nû lebelîche
;;;99;18;;gebâren. ich bin rîche.
;;;99;19;;wan solt ich volkes hêrre sîn?
;;;99;20;;dem tæte wê der jâmer mîn.
;;;99;21;;Vrou Herzeloyde, nû helfet mir,
;;;99;22;;daz wir biten, ich und ir,
;;;99;23;;künege und vürsten, die hie sîn,
;;;99;24;;daz si durch den dienst mîn
;;;99;25;;blîben, unz ir mich gewert,
;;;99;26;;des minne wert zer minne gert."
;;;99;27;;die bete warp ir beider munt.
;;;99;28;;die werden lobetenz sô zuostunt.
;;;99;29;;ieclîcher vuor an sîn gemach.
;;;99;30;;diu küniginne zuome gaste sprach:
;;;100;1;;"nû halt iuch an mîne pflege."
;;;100;2;;si wîstin heimelîche wege.
;;;100;3;;sîner geste pflac man wol zuo vromen,
;;;100;4;;war halt ir wirt wære komen.
;;;100;5;;daz ingesinde wart gemeine.
;;;100;6;;doch vuor er dan aleine,
;;;100;7;;wan zwei junchêrrelîn.
;;;100;8;;juncvrouwen und diu künegîn
;;;100;9;;in vuorten, dâ er vreude vant
;;;100;10;;und al sîn trûren gar verswant.
;;;100;11;;entschumpfieret wart sîn riuwe
;;;100;12;;und sîn hôher muot al niuwe.
;;;100;13;;daz muoz doch von liebe sîn.
;;;100;14;;vrou Herzeloyde, diu künegîn,
;;;100;15;;ir magetuomes dâ âne wart.
;;;100;16;;die munde wâren ungespart.
;;;100;17;;die begunden si mit küssen zern
;;;100;18;;und dem jâmer von der vreuden wern.
;;;100;19;;Dar nâch er ein zuht begienc:
;;;100;20;;si wurden ledic, dier dâ vienc.
;;;100;21;;Hardysen und Kaylet,
;;;100;22;;seht, die versuonte Gahmuret.
;;;100;23;;dâ ergienc ein solich hôchgezît,
;;;100;24;;wer der hât gelîchet sît,
;;;100;25;;des hant iedoch gewaltes pflac.
;;;100;26;;Gahmuret sich des bewac,
;;;100;27;;sîn habe, diu was ungespart.
;;;100;28;;arabesch golt geteilet wart
;;;100;29;;armen rittern algemeine.
;;;100;30;;den künegen edel gesteine
;;;101;1;;teilte Gahmuretes hant
;;;101;2;;und waz er dâ vürsten vant.
;;;101;3;;dâ wart daz varnde volc vil geil.
;;;101;4;;si entviengen rîcher gâbe teil.
;;;101;5;;lât si rîten, die dâ geste sîn!
;;;101;6;;den gap urloup der Anschevin.
;;;101;7;;ein pantel, daz sîn vater truoc,
;;;101;8;;von zobele ûf sînen schilt man sluoc.
;;;101;9;;al kleine, wîz, sîdîn
;;;101;10;;ein hemede der künegîn,
;;;101;11;;als ez ruorte ir blôzen lîp,
;;;101;12;;diu nû worden was sîn wîp,
;;;101;13;;daz was sînes halsberges dach.
;;;101;14;;ahzehen man durchstochen sach
;;;101;15;;und mit swerten gar verhouwen,
;;;101;16;;ê er scheide von der vrouwen.
;;;101;17;;daz leit si an ir blôze hût,
;;;101;18;;sô kom von ritterschaft ir trût,
;;;101;19;;der manegen schilt vil dürkel stach.
;;;101;20;;ir zweier minne triuwe jach.
;;;101;21;;Er hete wirdecheit genuoc,
;;;101;22;;dô in sîn manlîch ellen truoc
;;;101;23;;hin über gein der herte.
;;;101;24;;mich jâmert sîner verte.
;;;101;25;;im kom diu wâre botschaft,
;;;101;26;;sîn hêrre, der bâruc, mit kraft
;;;101;27;;wære überriten von den von Babilon.
;;;101;28;;einer hiez Ihpomidon,
;;;101;29;;der ander Pompeius.
;;;101;30;;den nemmet diu âventiure sus.
;;;102;1;;daz was ein stolzer werder man -
;;;102;2;;niht der von Rome entran
;;;102;3;;Julius dâ vor.
;;;102;4;;der künec Nabuchodonosor
;;;102;5;;sîner muoter bruoder was,
;;;102;6;;der an trügelîchen büechern las,
;;;102;7;;er wolte selbe sîn ein got.
;;;102;8;;ez wære nû der werlde spot.
;;;102;9;;sîn habe, sîn guot was ungespart.
;;;102;10;;die bruoder wâren von hôher art,
;;;102;11;;von Linus, der gewalte pflac,
;;;102;12;;ê würde gestiftet Baldac.
;;;102;13;;der selbe stifte ouch Ninive.
;;;102;14;;in tet schade und laster wê.
;;;102;15;;der jach der bâruc zuo urborn.
;;;102;16;;des wart gewunnen und verlorn
;;;102;17;;genuoc zuo beiden sîten.
;;;102;18;;man sach die helde strîten.
;;;102;19;;dô schifte er sich über mer
;;;102;20;;und vant den bâruc mit her.
;;;102;21;;mit vreuden er entvangen wart,
;;;102;22;;wie mich jâmere sîne vart.
;;;102;23;;Waz dâ geschæhe, wie ez dort ergê,
;;;102;24;;gewin und verlust, wie daz gestê,
;;;102;25;;des weiz vrou Herzeloyde niht.
;;;102;26;;si was als diu sunne lieht
;;;102;27;;und hete minniclîchen lîp.
;;;102;28;;rîcheit bî der jugent pflac daz wîp
;;;102;29;;und vreuden mê dan zuo vil.
;;;102;30;;si was gar über des wunsches zil.
;;;103;1;;si kêrte ir herze an guote kunst.
;;;103;2;;des bejagete si der werlte gunst,
;;;103;3;;vrou Herzeloyde, diu künegîn.
;;;103;4;;ir site an lobe vant gewin.
;;;103;5;;ir kiusche was vür prîs erkant,
;;;103;6;;der küniginne über driu lant,
;;;103;7;;Waleis und Anschouwe,
;;;103;8;;dâr über was si vrouwe.
;;;103;9;;si truoc ouch krônen zuo Nurgals
;;;103;10;;in der houbetstat zuo Kingrivals.
;;;103;11;;ir was ouch wol sô lieber man,
;;;103;12;;ob ie dekein vrouwe gewan
;;;103;13;;sô werden vriunt, waz war ir daz?
;;;103;14;;si moht ez wol lâzen âne haz.
;;;103;15;;dô er ûz bleip ein halbez jâr,
;;;103;16;;sînes komens warte si vür wâr.
;;;103;17;;diz was ir lîpgedinge.
;;;103;18;;dô brast ir vreuden klinge
;;;103;19;;dâ mitten in dem hefte enzwei.
;;;103;20;;owê und heiâ hei,
;;;103;21;;daz güete alsolichen jâmer treget
;;;103;22;;und imer trûren jâmer reget!
;;;103;23;;alsus vert diu menscheit:
;;;103;24;;hiute vreude, morgen leit.
;;;103;25;;Diu vrouwe umb einen mitten tac
;;;103;26;;eines angestlîchen slâfes pflac.
;;;103;27;;ir kam ein vorhteclîcher schric.
;;;103;28;;si dûhte, wie eines sternen blic
;;;103;29;;si gein den lüften vuorte,
;;;103;30;;dâ si mit kreften ruorte
;;;104;1;;manec viurîn donerstrâle.
;;;104;2;;die vlugen al zuo mâle
;;;104;3;;gein ir. dô sengete und sanc
;;;104;4;;von geneistern ir zöpfe lanc.
;;;104;5;;mit krache gap aber der doner dôz.
;;;104;6;;brinnende zeher was ir gôz.
;;;104;7;;ir lîp si dar nâch wider vant.
;;;104;8;;ir zuht ein grîfe zwischen ir hant.
;;;104;9;;daz wart verkêret ir hie mite:
;;;104;10;;si dûhte wunderlîch ir site,
;;;104;11;;wie si wære eines tieres amme,
;;;104;12;;daz ir zervuorte ir wamme,
;;;104;13;;und wie ein drache ir brüste süge
;;;104;14;;und daz der gâhes von ir vlüge,
;;;104;15;;sô daz sin niemer mê gesach.
;;;104;16;;daz herze er ir ûz dem lîbe brach.
;;;104;17;;die vorhte ê muoz ir ouge sehen.
;;;104;18;;daz ist selten wîbe mê geschehen
;;;104;19;;in slâfe kumber dem glîch.
;;;104;20;;dâ vor was si ritterlîch.
;;;104;21;;ach, wie wirt daz verkêret gar!
;;;104;22;;si wirt nâch jâmere nû gevar.
;;;104;23;;ir schade wirt lanc und breit.
;;;104;24;;ir nâhent komendiu herzeleit.
;;;104;25;;Diu vrouwe dô begunde,
;;;104;26;;daz si dâ vor niht kunde,
;;;104;27;;beide zabeln und wuofen,
;;;104;28;;in slâfe lûte ruofen.
;;;104;29;;vil juncvrouwen sâzen hie,
;;;104;30;;die sprungen und wacten sie.
;;;105;1;;dô kam geriten Tampanis,
;;;105;2;;ir mannes meisterknappe wîs,
;;;105;3;;und kleiner junchêrren vil.
;;;105;4;;dâ gienc ez ûz der vreuden zil.
;;;105;5;;si sageten klagende ir hêrren tôt.
;;;105;6;;des kam vrô Herzeloyde in nôt.
;;;105;7;;si viel hin unversunnen.
;;;105;8;;die ritter sprâchen: "wie ist gewunnen
;;;105;9;;mîn hêrre in sîme harnas,
;;;105;10;;sô wol gewâpent, sô er was?"
;;;105;11;;wie den knappen jâmer jagete,
;;;105;12;;den helden er dô sagete:
;;;105;13;;"mînen hêrren lebens lenge vlôch.
;;;105;14;;sîn hersenier er von im zôch,
;;;105;15;;des twanc in starkiu hitze.
;;;105;16;;geunêrtiu heidensch witze
;;;105;17;;hât uns verstoln den helt guot.
;;;105;18;;ein ritter, der hete bockes bluot
;;;105;19;;genomen in ein langez glas.
;;;105;20;;daz sluoc er ûf den adamas.
;;;105;21;;dô wart er weicher dan ein swamp.
;;;105;22;;den man mâlet vür ein lamp
;;;105;23;;und daz kriuze in sînen klân,
;;;105;24;;den erbarme, daz dâ sî getân!
;;;105;25;;Dô si mit scharn zuo ein ander riten,
;;;105;26;;âvoy, wie dâ wart gestriten!
;;;105;27;;
;;;105;28;;
;;;105;29;;vor Baldac ûf dem gevilde
;;;105;30;;durchstochen wart vil schilde,
;;;106;1;;dâ si zuo ein ander gâhten.
;;;106;2;;die poynder si dâ vlâhten,
;;;106;3;;sich wurren die banier.
;;;106;4;;dâ viel manec degen fier.
;;;106;5;;dô worhte al dâ mînes hêrren hant,
;;;106;6;;dâ von ir aller prîs verswant.
;;;106;7;;sus kam gevarn Ihpomidon.
;;;106;8;;mit dem tôde er mîme hêrren lôn
;;;106;9;;gap, daz er in nider stach,
;;;106;10;;daz manec tûsent ritter sach
;;;106;11;;vor Alexandrie.
;;;106;12;;mîn hêrre valsches vrîe
;;;106;13;;gein dem künege kêrte,
;;;106;14;;des jost in sterben lêrte.
;;;106;15;;sînen helm versneit des spers ort,
;;;106;16;;durch sîn houbet wart gebort,
;;;106;17;;daz man den trunzûn dinne vant.
;;;106;18;;iedoch gesaz der wîgant.
;;;106;19;;al dâ er ûz dem strîte reit
;;;106;20;;ûf einen plân, der was breit.
;;;106;21;;dô kam über in sîn kappelân.
;;;106;22;;er sprach mit kurzen worten sân
;;;106;23;;sîne bîhte und sante her
;;;106;24;;diz hemede und daz selbe sper,
;;;106;25;;daz uns von ime gescheiden hât.
;;;106;26;;er starp âne alle missetât.
;;;106;27;;junchêrren und die knappen sîn
;;;106;28;;bevalch er der künegîn.
;;;106;29;;Er wart geleit zuo Baldac.
;;;106;30;;diu koste den bâruc ringe wac.
;;;107;1;;mit golde wart gehêret,
;;;107;2;;grôz rîcheit dran gekêret
;;;107;3;;von edelem gesteine,
;;;107;4;;dâr inne lît der reine.
;;;107;5;;gebalsemet wart sîn junger rê.
;;;107;6;;vor jâmere wart vil liuten wê.
;;;107;7;;ein tiure rubîn ist der stein
;;;107;8;;ob sîme grabe, dâ durch er schein.
;;;107;9;;uns wart gevolget hie mite:
;;;107;10;;ein kriuze nâch der martere site,
;;;107;11;;als uns Kristes jost erlôste,
;;;107;12;;hiez man im stôzen zuo trôste,
;;;107;13;;zuo schirme der sêle überz grap.
;;;107;14;;der bâruc die kost gap.
;;;107;15;;daz was ein tiure smarât.
;;;107;16;;wir tâtenz âne der heiden rât.
;;;107;17;;ir orden kan niht kriuzes pflegen,
;;;107;18;;als Kristes tôt uns lie den segen.
;;;107;19;;ez betent heiden sunder spot
;;;107;20;;an in als an ir werden got,
;;;107;21;;niht durch des kriuzes êre
;;;107;22;;noch durch des toufes lêre,
;;;107;23;;sô er zuo dem urteillîchem ende
;;;107;24;;uns lœsen wolte von gebende.
;;;107;25;;diu manlîche triuwe sîn
;;;107;26;;gît im zuo himele liehten schîn
;;;107;27;;und sîn riuwige bîhte.
;;;107;28;;der valsch was im sîhte.
;;;107;29;;In sînen helm, dem adamas,
;;;107;30;;ein epitafjum ergraben was,
;;;108;1;;besigelt ûf daz kriuze ûf dem grabe.
;;;108;2;;sus sageten die buochstabe:
;;;108;3;;"durch disen helm ein jost sluoc
;;;108;4;;den werden, der ellen truoc.
;;;108;5;;Gahmuret was er genant,
;;;108;6;;gewaltic über driu lant.
;;;108;7;;ieclîchez im der krône jach,
;;;108;8;;dâ giengen rîche vürsten nâch.
;;;108;9;;er was von Anschouwe geborn
;;;108;10;;und het vor Baldac verlorn
;;;108;11;;den lîp durch den bâruc.
;;;108;12;;sîn prîs gap sô hôhen ruc,
;;;108;13;;nieman reichet an sîn zil,
;;;108;14;;wâ man noch rîter prüeven wil.
;;;108;15;;er ist von muoter ungeborn,
;;;108;16;;zuo dem sîn ellen habe gesworn,
;;;108;17;;ich meine, der schiltes ambet hât.
;;;108;18;;triuwe und manlîchen rât
;;;108;19;;gap er mit stæte den vriunden sîn.
;;;108;20;;er leit durch wîp vil scharpfe pîn.
;;;108;21;;er truoc den touf und Kristen ê.
;;;108;22;;sîn tôt tet Sarrazinen wê,
;;;108;23;;âne liegen, diz ist wâr.
;;;108;24;;sîner zît versunnenlîchiu jâr
;;;108;25;;sîn ellen sô nâch prîse warp,
;;;108;26;;mit ritterlîchem prîse er starp.
;;;108;27;;er hete valscheit an gesiget.
;;;108;28;;nû wünschet im heiles, der hie liget."
;;;108;29;;diz was als der knappe jach.
;;;108;30;;Waleisen man vil weinen sach.
;;;109;1;;Si muosen in wol von schulden klagen,
;;;109;2;;wan diu vrouwe hete getragen
;;;109;3;;ein kint, daz in ir lîbe stiez,
;;;109;4;;die man âne helfe ligen liez.
;;;109;5;;ahzehen wochen hetez gelebet,
;;;109;6;;des muoter mit dem tôde strebet,
;;;109;7;;vrô Herzeloyde, diu künegîn.
;;;109;8;;die andern heten kranken sin,
;;;109;9;;daz si niht hulfen dem wîbe,
;;;109;10;;wan si truoc in ir lîbe,
;;;109;11;;der aller rîter bluome wirt,
;;;109;12;;ob in ein sterben dâ verbirt.
;;;109;13;;dô kam ein alter wîser man
;;;109;14;;durch klagen über die vrouwe sân,
;;;109;15;;al dâ si mit dem tôde ranc.
;;;109;16;;die zene er ir von ein ander twanc
;;;109;17;;und gôz ir wazzer in den munt.
;;;109;18;;al dâ wart ir versinnen kunt.
;;;109;19;;si sprach: "owê, war kam mîn trût?"
;;;109;20;;diu vrouwe klageten überlût:
;;;109;21;;"mînes herzen vreude breit
;;;109;22;;was Gahmuretes wirdecheit.
;;;109;23;;den nam mir sîn vrechiu ger.
;;;109;24;;ich was vil jünger dan er
;;;109;25;;und bin sîn muoter und sîn wîp.
;;;109;26;;ich trage alhie den sînen lîp
;;;109;27;;und sînes verhes sâmen.
;;;109;28;;den gâben und nâmen
;;;109;29;;unser zweier minne.
;;;109;30;;habe got getriuwe sinne,
;;;110;1;;sô lâz er mirn zuo vrühte komen.
;;;110;2;;ich hân doch schaden vil genomen
;;;110;3;;an mîme stolzen, werden man.
;;;110;4;;wie hât der tôt zuo mir getân!
;;;110;5;;er entvienc nie wîbes minne teil,
;;;110;6;;er enwære al ir vreuden geil,
;;;110;7;;in muote wîbes riuwe.
;;;110;8;;daz riet sîn manlîch triuwe.
;;;110;9;;er was gar valsches lære."
;;;110;10;;nû hœret ein ander mære,
;;;110;11;;waz diu vrouwe dô begienc.
;;;110;12;;kint und lîp si zuo ir gevienc
;;;110;13;;mit armen und mit henden.
;;;110;14;;si sprach: "mir sol got senden
;;;110;15;;die werden vruht von Gahmuret.
;;;110;16;;daz ist mînes herzen bet.
;;;110;17;;got wende mich ûz tumber nôt.
;;;110;18;;ez wære Gahmuretes ander tôt,
;;;110;19;;ob ich mich selbe slüege,
;;;110;20;;die wîle daz ich trüege,
;;;110;21;;daz ich von sîner minne entvienc,
;;;110;22;;der mannes triuwe an mir begienc."
;;;110;23;;diu vrouwe enruochte ouch, wer daz sach:
;;;110;24;;daz hemede si von der brüste brach.
;;;110;25;;ir brüste linde und wîz,
;;;110;26;;dar an kêrte si ir vlîz.
;;;110;27;;
;;;110;28;;
;;;110;29;;alsô sprach diu wîse:
;;;110;30;;"dû bist kast eines kindes spîse.
;;;111;1;;die hât ez vor im her gesant,
;;;111;2;;sît ich ez lebendic in mîme lîbe vant."
;;;111;3;;diu vrouwe ir willen dâ an sach,
;;;111;4;;daz diu spîse was ir herzen dach.
;;;111;5;;die milch in ir brüstelîn
;;;111;6;;dructe drûz diu künegîn.
;;;111;7;;si sprach: "dû bist von triuwen komen.
;;;111;8;;hete ich des toufes niht genomen,
;;;111;9;;dû wæres wol mînes toufes zil.
;;;111;10;;ich sol mich begiezen vil
;;;111;11;;mit dir und mit den ougen,
;;;111;12;;offenlîche und tougen,
;;;111;13;;wan ich wil Gahmureten klagen."
;;;111;14;;diu vrouwe hiez dar nâher tragen
;;;111;15;;ein hemede nâch bluote var,
;;;111;16;;dâr inne in des bâruckes schar
;;;111;17;;Gahmuret den lîp verlôs
;;;111;18;;und daz werlîch ende kôs
;;;111;19;;mit rehter manlîcher ger.
;;;111;20;;diu vrouwe ouch vrâgete nâch dem sper,
;;;111;21;;daz Gahmurete gap den rê.
;;;111;22;;Ihpomidon von Ninive
;;;111;23;;gap alsus werlîchen lôn,
;;;111;24;;der stolze, werde Babylon.
;;;111;25;;daz hemede ein hader was von slegen.
;;;111;26;;diu vrouwe wolt ez an sich legen,
;;;111;27;;als si dâ vor hete getân,
;;;111;28;;sô von ritterschaft kam ir man.
;;;111;29;;dô brâchen si ez ir ûz der hant.
;;;111;30;;die besten über al daz lant
;;;112;1;;und bestatten daz sper und daz bluot
;;;112;2;;zuo dem münster, sô man tôten tuot
;;;112;3;;in Gahmuretes lande.
;;;112;3;1;"owê, schade und schande,
;;;112;3;2;den wir nû genomen hân",
;;;112;3;3;sô sprâchen Gahmuretes man.
;;;112;4;;
;;;112;5;;dar nâch über den vierzehenden tac
;;;112;6;;diu vrouwe eines kindes gelac,
;;;112;7;;eines sunes, der solher lide was,
;;;112;8;;daz si vil kûme genas.
;;;112;9;;hie ist der âventiure wurf gespilt
;;;112;10;;und ir beginnen gezilt,
;;;112;11;;wan er ist aller êrst geborn,
;;;112;12;;deme disiu mære ist erkorn.
;;;112;13;;sînes vater vreude und des nôt,
;;;112;14;;beide sîn leben und sîn tôt,
;;;112;15;;des habet ir ein teil vernomen.
;;;112;16;;nû wizzet, wâ von iu sî komen
;;;112;17;;dis mæres sachwalte
;;;112;18;;und wie man den behalte.
;;;112;19;;man barc in vor rîterschaft,
;;;112;20;;unz er kam an sîner witze kraft,
;;;112;20;1;wan ez vorhte diu künegîn,
;;;112;20;2;ob ir vil liebez kindelîn
;;;112;20;3;ritters werc gesæhe,
;;;112;20;4;daz ir zuo dem sune geschæhe,
;;;112;20;5;als sîme vater Gahmurete.
;;;112;20;6;dâ von sin gehalten tete
;;;112;21;;
;;;112;22;;
;;;112;23;;niht wan bî vrouwen.
;;;112;24;;si muozen dicke schouwen,
;;;112;24;1;wan er was ein rîcher bêâfiz.
;;;112;24;2;ich wæne, got sînen vlîz
;;;112;24;3;mit kunst an in kêrte,
;;;112;24;4;dô er in leben lêrte.
;;;112;25;;
;;;112;26;;
;;;112;27;;got gap im starkiu, schœniu lit.
;;;112;28;;er wart mit swerten sît ein smit;
;;;112;29;;vil viures er von helmen sluoc.
;;;112;30;;sîn herze manlîch ellen truoc.
;;;113;1;;sîn muoter des geluste,
;;;113;2;;daz sin ofte kuste
;;;113;2;1;- er was rôserôt und snêwîz -
;;;113;3;;
;;;113;4;;und sprach: "bonfiz, befiz."
;;;113;5;;diu künegîn nam dô sunder twâl
;;;113;6;;ir rôten valwen mâl
;;;113;7;;- ich meine ir tuten gränsel -
;;;113;8;;und slouf ez im in sîn vlänsel.
;;;113;9;;selbe was si sîn amme,
;;;113;10;;diu in truoc in ir wamme.
;;;113;11;;
;;;113;12;;
;;;113;13;;si wânde haben Gahmureten
;;;113;14;;wider an ir arm erbeten.
;;;113;15;;si enkêrte sich niht an lôsheit.
;;;113;16;;diemuot was ir vil bereit.
;;;113;17;;Herzeloyde sprach mit sinne:
;;;113;18;;"diu hœheste küniginne
;;;113;19;;Jesuse ir brüste bôt,
;;;113;20;;der sît durch uns den scharpfen tôt
;;;113;21;;anme kriuze menschlîche entvie
;;;113;22;;und sîne triuwe an uns begie.
;;;113;23;;wes lîp sînen zorn erringet,
;;;113;24;;des sêle unsanfte dinget,
;;;113;25;;wie kiusche er sî und wære.
;;;113;26;;des weiz ich wâriu mære."
;;;113;27;;sich begôz des landes vrouwe
;;;113;28;;mit ir herzen touwe.
;;;113;29;;ir ougen truogen regen ûf den knaben.
;;;113;30;;si kunde wol wîbes triuwe haben.
;;;114;1;;beidiu siufzen und lachen
;;;114;2;;kunde ir munt wol machen.
;;;114;3;;si vreute sich ir sunes geburt.
;;;114;4;;ir schimpf ertranc in riuwen vurt.
;;;114;5;;Wer nû wîben sprichet baz,
;;;114;6;;dêswâr, daz lâz ich âne haz.
;;;114;7;;ich vriesche gerne ir êre breit,
;;;114;8;;wan einer bin ich unbereit
;;;114;9;;dienstlîcher triuwe.
;;;114;10;;mîn zorn ist imer niuwe
;;;114;11;;gein ir, sît ich einen wanc sach.
;;;114;12;;ich bin Wolfram von Eschebach
;;;114;13;;und kan ein teil mit sange.
;;;114;14;;ich bin ein habendiu zange
;;;114;15;;mit zorne gein eime wîbe.
;;;114;16;;diu selbe hât mîme lîbe
;;;114;17;;erboten soliche missetât,
;;;114;18;;ich hân si hazzens dekeinen rât.
;;;114;19;;dâr umb lîde ich der andern haz.
;;;114;20;;owê, wâr umb tuont si daz?
;;;114;21;;aleine ist mir ir hazzen leit,
;;;114;22;;ez krenket doch ir wîpheit,
;;;114;23;;sît ich mich versprochen hân
;;;114;24;;und an mir selbe missetân.
;;;114;25;;daz lîhte niemer mê geschiht.
;;;114;26;;doch ensoln si sich vergâhen niht
;;;114;27;;mit ir hurte an mîn hamît.
;;;114;28;;si vindent werlîchen strît.
;;;114;29;;ich enhân des niht vergezzen,
;;;114;30;;ich enkunne wol gemezzen
;;;115;1;;beidir gebærde und ir site.
;;;115;2;;welchem wîbe volget kiusche mite,
;;;115;3;;der lobes kempfe wil ich sîn.
;;;115;4;;mir ist von herzen leit ir pîn.
;;;115;5;;Sîn lop hinket anme spat,
;;;115;6;;wer allen vrouwen sprichet mat
;;;115;7;;durch sîn einege vrouwen.
;;;115;8;;welchiu mîn reht wil schouwen,
;;;115;9;;beidiu sehen und hœren,
;;;115;10;;dien wil ich niht betœren.
;;;115;11;;schiltes ambet ist mîn art.
;;;115;12;;wâ mîn ellen sî gespart,
;;;115;13;;welhiu mich minnet umb sanc,
;;;115;14;;diu dunket mich ir minne kranc.
;;;115;15;;ob ich werdes wîbes minne ger,
;;;115;16;;muge ich mit schilte und mit sper
;;;115;17;;verdienen niht ir minnen solt,
;;;115;18;;al dar nâch sô sî si mir holt.
;;;115;19;;vil hôhes topels er doch spilt,
;;;115;20;;wer mit ritterschaft nâch minnen zilt.
;;;115;21;;hetenz diu wîp niht vür ein smeichen,
;;;115;22;;ich wolte vürbaz reichen
;;;115;23;;an dise mære unkundiu wort.
;;;115;24;;ich spreche iu dise âventiure vort.
;;;115;25;;wer des von mir geruoche,
;;;115;26;;dern zels zuo dekeime buoche,
;;;115;27;;wan ich enkan dekeinen buochstap.
;;;115;28;;dâ nement genuoge ir urhap.
;;;115;29;;disiu âventiure
;;;115;30;;vert âne der büecher stiure.
;;;116;1;;ê man si hete vür ein buoch,
;;;116;2;;ich wære ê nacket âne tuoch,
;;;116;3;;sô ich in dem bade sæze,
;;;116;4;;ob ich des kosten niht vergæze.
;;;116;5;;Daz machet trûric mir den lîp,
;;;116;6;;daz sô manegiu heizet wîp.
;;;116;7;;ir stimme sint glîche hel.
;;;116;8;;genuoge sint gein valsche snel,
;;;116;9;;genuoge valsches lære.
;;;116;10;;dâ teilent sich diu mære.
;;;116;11;;daz si glîche sint genamet,
;;;116;12;;des hâte mîn herze sich geschamet.
;;;116;13;;wîpheit in ordenlîchem site,
;;;116;14;;der vuor und wonte ie triuwe mite.
;;;116;15;;genuoge sprechent, armuot,
;;;116;16;;daz diu zuo nihte sî guot.
;;;116;17;;wer die durch triuwe lîdet,
;;;116;18;;helleviur die sêle mîdet.
;;;116;19;;die dolt ein wîp durch triuwe.
;;;116;20;;des wart ir gâbe niuwe
;;;116;21;;zuo himele mit endelôser gebe.
;;;116;22;;ich wæne, ir nû vil wênec lebe
;;;116;23;;der jungen, die der erden rîchtuom
;;;116;24;;lâzen durch des himels ruom.
;;;116;25;;ich erkenne ir dekeine.
;;;116;26;;man und wîp sint mir aleine,
;;;116;27;;die mîdent ez al glîche.
;;;116;28;;vrou Herzeloyde, diu rîche,
;;;116;29;;ir drîer lande wart ein gast;
;;;116;30;;si truoc der vreuden mangels last.
;;;117;1;;der valsch gein ir vil gar verswant,
;;;117;2;;ouge noch ôre in niergen vant.
;;;117;3;;ir was ein nebel diu sunne.
;;;117;4;;si vlôch der werlde wunne.
;;;117;5;;ir was glîch naht und tac.
;;;117;6;;ir herze niht wan jâmers pflac.
;;;117;7;;Sich zôch diu vrouwe jâmers balt
;;;117;8;;ûz ir lande in einen walt,
;;;117;9;;zuo der wuosten Soltanie,
;;;117;10;;niht durch bûwen ûf die plânîe.
;;;117;11;;ir herzejâmer was sô ganz,
;;;117;12;;si kêrte sich an dekeinen kranz,
;;;117;13;;er wære grüene oder val.
;;;117;14;;si brâhte dar durch vluhtsal
;;;117;15;;des werden Gahmuretes kint.
;;;117;16;;liute, die bî ir dâ sint,
;;;117;17;;müezen bûwen und riuten.
;;;117;18;;si kunde wol getriuten
;;;117;19;;ir sun. ê daz der sich versan,
;;;117;20;;ir volc si gar vür sich gewan:
;;;117;21;;ez wære man oder wîp,
;;;117;22;;den gebôt si allen an den lîp,
;;;117;23;;daz si iemer ritters würden lût.
;;;117;24;;"wan vriesch daz mînes herzen trût,
;;;117;25;;welch ritters leben wære,
;;;117;26;;daz würde mir vil swære.
;;;117;27;;nû habt iuch an der witze kraft
;;;117;28;;und helt in alle ritterschaft."
;;;117;29;;der sit vuor angestlîche vart.
;;;117;30;;der knabe alsus verborgen wart
;;;118;1;;zuo der wuosten Soltanie erzogen,
;;;118;2;;an küneclîcher vuore betrogen,
;;;118;3;;ez möhte an einem site sîn:
;;;118;4;;bogen und bölzelîn
;;;118;5;;sneit er mit sîn selbes hant
;;;118;6;;und schôz vil vogele, die er vant.
;;;118;7;;wan aber er den vogel erschôz
;;;118;8;;- der schal von sange ê was grôz -,
;;;118;9;;sô weint er und roufet sich;
;;;118;10;;an sîn hâr kêrter gerich.
;;;118;11;;sîn lîp was clâr und fier.
;;;118;12;;bî dem plâne an der rivier
;;;118;13;;twuog er sich alle morgen.
;;;118;14;;er kunde niht gesorgen,
;;;118;15;;ez enwære ob im der vogele klanc.
;;;118;16;;diu süeze in sîn herze dranc;
;;;118;17;;daz erstracte im sîn brüstelîn.
;;;118;18;;al weinende lief er zuo der künegîn.
;;;118;19;;sô sprach si: "wer hât dir getân?
;;;118;20;;dû wære hin ûz ûf den plân."
;;;118;21;;er enkunde ez ir gesagen niht,
;;;118;22;;als lîhte kinden noch geschiht.
;;;118;23;;der mære gienc si lange nâch.
;;;118;24;;eines tages si in kapfen sach
;;;118;25;;ûf die boume nâch der vogele schal.
;;;118;26;;si wart wol innen, daz swal
;;;118;27;;von der stimme ir kindes brust;
;;;118;28;;des twanc in art und sîn gelust.
;;;118;29;;vrou Herzeloyde kêrte ir haz
;;;118;30;;an die vogele, si enwiste umb waz.
;;;119;1;;si wolte ir schal verkrenken.
;;;119;2;;ir bûliute und ir enken
;;;119;3;;hiez si balde gâhen,
;;;119;4;;vogele werfen und vâhen.
;;;119;5;;die vogele wâren baz geriten;
;;;119;6;;etslîcher sterben wart vermiten.
;;;119;7;;ir beleip dâ lebendic ein teil,
;;;119;8;;die sît mit sange wurden geil.
;;;119;9;;der knabe sprach zuo der künegîn:
;;;119;10;;"waz wîzet man den vogelîn?"
;;;119;11;;er gerte in vrides dô zestunt.
;;;119;12;;sîn muoter in kuste an den munt.
;;;119;13;;si sprach: "wes wende ich sîn gebot,
;;;119;14;;der doch ist der hœheste got?
;;;119;15;;soln die vogele durch mich vreude lân?"
;;;119;16;;der knabe sprach zuo der muoter sân:
;;;119;17;;"owê muoter, waz ist got?"
;;;119;18;;"sun, ich sage dir ez âne spot:
;;;119;19;;er ist noch liehter dan der tac,
;;;119;20;;der antlitzes sich bewac
;;;119;21;;nâch mannes antlitze.
;;;119;22;;sun, merke eine witze
;;;119;23;;und vlêhe im umb dîn nôt.
;;;119;24;;sîn triuwe der werlde ie helfe bôt.
;;;119;25;;sô heizet einer der hellewirt:
;;;119;26;;der ist swarz, untriuwe in niht verbirt.
;;;119;27;;von dem kêre dîne gedenke
;;;119;28;;und ouch von zwîvels wenke."
;;;119;29;;sîn muoter underschiet im gar
;;;119;30;;daz vinster und daz lieht gevar.
;;;120;1;;dar nâch sîn snelheit verre spranc.
;;;120;2;;er lernete gabylôten swanc,
;;;120;3;;dâ mit er manegen hirz erschôz,
;;;120;4;;des sîn muoter und ir volc genôz.
;;;120;5;;ez wære eber oder rê,
;;;120;6;;dem wilde tet sîn schiezen wê.
;;;120;7;;nû hœret vremediu mære:
;;;120;8;;wan er erschôz daz swære,
;;;120;9;;ez wære eime mûl geladen genuoc,
;;;120;10;;unzerbrochen hin heim erz truoc.
;;;120;11;;eines tages gienc er den weideganc
;;;120;12;;an eine halde, diu was lanc.
;;;120;13;;er brach durch blate stimme ein zwîc.
;;;120;14;;bî im nâhe gienc ein stîc.
;;;120;15;;dâ erhôrt er schal von huofslegen.
;;;120;16;;sîn gabilôt begunde er wegen.
;;;120;17;;dô sprach er: "waz hân ich vernomen?
;;;120;18;;wolte nû der tiuvel komen
;;;120;19;;mit grimme, zornes rîche,
;;;120;20;;den bestüende ich sicherlîche.
;;;120;21;;mîn muoter vreisen von im saget.
;;;120;22;;ich wæne, ir ellen sî verzaget."
;;;120;23;;alsus stuont er in strîtes ger.
;;;120;24;;nû seht, dort kômen drî rîter her,
;;;120;25;;die wâren nâch wunsche var,
;;;120;26;;von vuoze ûf gewâpent gar.
;;;120;27;;der knabe wânde sunder spot,
;;;120;28;;daz ieclîcher wære ein got.
;;;120;29;;dô stuont ouch er niht langer hie:
;;;120;30;;in den pfat viel er ûf sîniu knie.
;;;121;1;;lûte rief der knabe sân:
;;;121;2;;"hilf got, dû maht wol helfe hân!"
;;;121;3;;der vorderste zornes sich bewac,
;;;121;4;;dô der knabe in dem pfade lac.
;;;121;5;;"dirre tœrischer Wâleise
;;;121;6;;uns wendet gâher reise."
;;;121;7;;den prîs, den wir Beier tragen,
;;;121;8;;muoz ich von Wâleisen sagen:
;;;121;9;;die sint tœrischer dan Beiersch her
;;;121;10;;und doch bî manlîcher wer.
;;;121;11;;wer in den zwein landen wirt,
;;;121;12;;gevuoge ein wunder an im birt.
;;;121;13;;Dô kam geleisieret
;;;121;14;;und wol gezimieret
;;;121;15;;ein ritter, dem was harte gâch.
;;;121;16;;er vuor in strîtlîche nâch,
;;;121;17;;die verre vor in wâren komen.
;;;121;18;;zwêne rîter heten im genomen
;;;121;19;;eine vrouwen in sîme lande.
;;;121;20;;den helt dûht ez schande.
;;;121;21;;in müete der juncvrouwen leit,
;;;121;22;;diu jæmerlîche vor im reit.
;;;121;23;;dise drî wâren sîne man.
;;;121;24;;er reit ein schœne kastelân.
;;;121;25;;sînes schiltes was vil wênic ganz.
;;;121;26;;er hiez Garnagarnanz
;;;121;27;;lech cuns Urtelec.
;;;121;28;;der sprach: "wer irret uns den wec?"
;;;121;29;;sus vuor er zuo dem knaben sân;
;;;121;30;;den dûht er als ein got getân.
;;;122;1;;ern hete sô liehtes niht erkant.
;;;122;2;;ûf dem touwe der wâpenroc erwant.
;;;122;3;;mit guldînen schellen kleine
;;;122;4;;vor ieclîchem beine
;;;122;5;;wâren die stegreife erklenget
;;;122;6;;und zuo rehter mâz erlenget.
;;;122;7;;sîn rehter arm von schellen klanc,
;;;122;8;;war er in bôt oder swanc.
;;;122;9;;der was durch swertes slege sô hel.
;;;122;10;;der helt was von prîse snel.
;;;122;11;;sus vuor der vürste rîche
;;;122;12;;gezimieret wünneclîche.
;;;122;13;;aller manne schœne ein bluomender kranz,
;;;122;14;;den vrâgete Garnagarnanz:
;;;122;15;;"junchêrre, sâhet ir vor iuch varn
;;;122;16;;zwêne ritter, die sich niht bewarn
;;;122;17;;kunnen an ritterlîcher zunft?
;;;122;18;;si ringent mit der nôtnunft
;;;122;19;;und sint an wirdecheit verzaget.
;;;122;20;;si vuoren rouben eine maget."
;;;122;21;;der knappe wânte, waz er sprach,
;;;122;22;;er wære ein got, als im verjach
;;;122;23;;vrou Herzeloyde, diu künegîn,
;;;122;24;;dô si im underschiet den liehten schîn.
;;;122;25;;dô rief er lûte sunder spot:
;;;122;26;;"hilf mir, helferîcher got!"
;;;122;27;;vil dicke viel an sîn gebet
;;;122;28;;filli roys Gahmuret.
;;;122;29;;Der vürste sprach: "ich enbin niht got,
;;;122;30;;ich leiste aber gerne sîn gebot.
;;;123;1;;dû maht hie vier rîter sehen,
;;;123;2;;ob dû ez kanst zuo rehte spehen."
;;;123;3;;der knappe vrâgete vürbaz:
;;;123;4;;"dû nennest rîter, waz ist daz?
;;;123;5;;hâstû niht götlîcher kraft,
;;;123;6;;sô sage mir, wer gît rîterschaft?"
;;;123;7;;"daz tuot der künec Artus.
;;;123;8;;junchêrre, komet ir in daz hûs,
;;;123;9;;der bringet iuch an rîters namen,
;;;123;10;;daz irs iuch niht durfet schamen.
;;;123;11;;ir muget wol sîn von rîters art."
;;;123;12;;von den helden er beschouwet wart.
;;;123;13;;dô lac diu gotes kunst an im.
;;;123;14;;von der âventiure ich daz nim,
;;;123;15;;diu mit wârheit des beschiet:
;;;123;16;;nie mannes varwe baz geriet
;;;123;17;;vor im sît Adames zît.
;;;123;18;;des wart sîn lop von wîben wît.
;;;123;19;;aber sprach der knappe sân,
;;;123;20;;dâ von ein lachen wart getân:
;;;123;21;;"ein rîter, got weiz, mahtû wol sîn.
;;;123;22;;dû hâst sus manec vingerlîn
;;;123;23;;an dînen lîp gebunden,
;;;123;24;;dort obene und hie unden."
;;;123;25;;al dâ begreif des knappen hant,
;;;123;26;;waz er îserns an dem vürsten vant.
;;;123;27;;den harnasch begunder schouwen.
;;;123;28;;"mîner muoter juncvrouwen
;;;123;29;;ir vingerlîn an snüeren tragent,
;;;123;30;;diu niht sus an ein ander ragent."
;;;124;1;;der knappe sprach durch sînen muot:
;;;124;2;;"jâ, hêrre, war zuo ist diz guot,
;;;124;3;;daz dû ez sus kanst zesamen geschicken?
;;;124;4;;ine mag ez niht abe gezwicken."
;;;124;5;;Der vürste zeigetim sîn swert:
;;;124;6;;"sich, wer strîtes an mich gert,
;;;124;7;;des selben wer ich mich mit slegen.
;;;124;8;;vür die sîne muoz ich an mich legen.
;;;124;9;;vür den slac und vür den stich
;;;124;10;;muoz ich alsus wâpenen mich."
;;;124;11;;aber sprach der knappe snel:
;;;124;12;;"ob die hirze sus trüegen ir vel,
;;;124;13;;sô verwundet ir niht mîn gabilôt,
;;;124;14;;der vellet maneger vor mir tôt."
;;;124;15;;die rîter zurnten, daz er hielt
;;;124;16;;bî dem, der vil tumpheit wielt.
;;;124;17;;der vürste sprach: "got hüete dîn.
;;;124;18;;owê, wan wære dîn schœne mîn!
;;;124;19;;dir hât got den wunsch gegeben,
;;;124;20;;ob dû mit witzen soltes leben.
;;;124;21;;diu gotes kraft dir verre leit."
;;;124;22;;die sîne, ouch er selbe reit
;;;124;23;;und gâheten balde
;;;124;24;;zuo eime velde in dem walde.
;;;124;25;;dâ sach der gevüege
;;;124;26;;vrôn Herzeloyde pflüege.
;;;124;27;;ir volke leider nie geschach,
;;;124;28;;dier balde eren sach.
;;;124;29;;si begunden sæwen und dâ nâch egen,
;;;124;30;;ir garten ob den ohsen wegen.
;;;125;1;;der vürste in guoten morgen bôt
;;;125;2;;und vrâgete si, ob si sæhen nôt
;;;125;3;;eine juncvrouwen lîden.
;;;125;4;;si enkunden ez niht vermîden,
;;;125;5;;wes er si vrâgete, daz wart gesaget:
;;;125;6;;"zwêne rîter und eine maget,
;;;125;7;;die riten hie vür hiute morgen.
;;;125;8;;diu vrouwe vuor mit sorgen.
;;;125;9;;mit sporn si vaste ruorten,
;;;125;10;;die die juncvrouwen vuorten."
;;;125;11;;daz was Meliakanz,
;;;125;12;;den ergâhte Garnagarnanz.
;;;125;13;;mit strîte er im die vrouwen nam.
;;;125;14;;diu was dâ vor an vreuden lam.
;;;125;15;;si hiez Ymanie
;;;125;16;;von der Peinfontanie.
;;;125;17;;Die bûliute sêre verzageten,
;;;125;18;;dô die helde vür si jageten.
;;;125;19;;si sprâchen: "wie ist uns sô geschehen?
;;;125;20;;hât unser junchêrre ersehen
;;;125;21;;ûf disen rîtern helmes schart,
;;;125;22;;sô hân wir uns niht wol bewart.
;;;125;23;;wir soln der küneginne haz
;;;125;24;;von schulden hœren umb daz,
;;;125;25;;wan der mit uns dâ her lief
;;;125;26;;hiute morgen, dô si dannoch slief."
;;;125;27;;der knappe enruochte, wer dô schôz
;;;125;28;;die hirze kleine oder grôz.
;;;125;29;;er huop sich gein der muoter wider
;;;125;30;;und seit ir mære; dô viel si nider,
;;;126;2;;daz si unversunnen vor im lac.
;;;126;1;;sîner worte si sêre erschrac.
;;;126;3;;dô diu küniginne
;;;126;4;;wider kam zuo sinne,
;;;126;5;;wie si dâ vor wære verzaget,
;;;126;6;;doch sprach si: "sun, wer hât gesaget
;;;126;7;;dir von rîters orden?
;;;126;8;;wâ bistû es innen worden?"
;;;126;9;;"muoter, ich sach vier man
;;;126;10;;noch liehter danne got getân.
;;;126;11;;die sageten mir von rîterschaft.
;;;126;12;;Artuses küneclîchiu kraft
;;;126;13;;sol mich nâch ritters êren
;;;126;14;;an schiltes ambet kêren."
;;;126;15;;sich huop ein niuwe jâmer hie.
;;;126;16;;diu vrouwe enwuste rehte, wie
;;;126;17;;daz si den list erdæhte
;;;126;18;;und in von dem willen bræhte.
;;;126;19;;Der knappe tump und wert
;;;126;20;;iesch von der muoter dicke pfert.
;;;126;21;;daz begunde si von herzen klagen.
;;;126;22;;si dâhte: "ich wil ez im niht versagen,
;;;126;23;;ez muoz aber harte bœse sîn."
;;;126;24;;dô gedâhte diu künegîn:
;;;126;25;;"der liute vil bî spotte sint.
;;;126;26;;tôren kleider sol mîn kint
;;;126;27;;ob sîme liehten lîbe tragen.
;;;126;28;;wirt er geroufet oder geslagen,
;;;126;29;;sô kumt er mir her wider wol."
;;;126;30;;owê der jæmerlîchen dol!
;;;127;1;;diu vrouwe nam ein sactuoch.
;;;127;2;;si sneit im hemede und bruoch,
;;;127;3;;daz doch an eime stücke schein,
;;;127;4;;unz mitten an sîn blankez bein.
;;;127;5;;daz wart vür tôren kleit erkant.
;;;127;6;;eine kogel man oben drûf vant.
;;;127;7;;al rûch vrisch kelberîn
;;;127;8;;ûz einer hût zwei ribbalîn
;;;127;9;;nâch sînen beinen wart gesniten.
;;;127;10;;dâ wart grôz jâmer niht vermiten.
;;;127;11;;diu künegîn was alsô bedâht,
;;;127;12;;si bat blîben in die naht:
;;;127;14;;"ich wil dich liste lêren:
;;;127;13;;dû solt niht hine kêren
;;;127;15;;an ungebanten strâzen.
;;;127;16;;dunkele vürte soltû lâzen.
;;;127;17;;die lieht und lûter sîn,
;;;127;18;;dâ soltû balde rîten în.
;;;127;19;;dû solt dich site nieten,
;;;127;20;;der werlde grüezen bieten.
;;;127;21;;ob dich ein grâwer wîser man
;;;127;22;;zuht wil lêren, als er wol kan,
;;;127;23;;dem soltû gerne volgen
;;;127;24;;und wis im niht erbolgen.
;;;127;25;;sun, lâ dir bevolhen sîn:
;;;127;26;;wâ dû guotes wîbes vingerlîn
;;;127;27;;mugest erwerben und ir gruoz,
;;;127;28;;daz nim; ez tuot dir kumbers buoz.
;;;127;29;;dû solt zuo dem kusse gâhen
;;;127;30;;und ir lîp vaste umbevâhen.
;;;128;1;;daz gît dir glücke und hôhen muot,
;;;128;2;;ob si kiusche ist und guot.
;;;128;3;;dû solt wizzen, sun mîn,
;;;128;4;;daz der küene Lehelin
;;;128;5;;dînen vürsten ab ervaht zwei lant,
;;;128;6;;die solten dienen dîner hant,
;;;128;7;;Wâleis und Norgals.
;;;128;8;;ein dîn vürste, Turkentals,
;;;128;9;;den tôt von sîner hant enpfienc.
;;;128;10;;dîn volc er sluoc und vienc."
;;;128;11;;"daz rich ich, muoter, ruochet ez got.
;;;128;12;;in verwundet noch mîn gabilôt."
;;;128;13;;Eines morgens, dô der tac erschein,
;;;128;14;;der knappe wart vil balde enein,
;;;128;15;;im was gein Artuse gâch.
;;;128;16;;vrou Herzeloyde in kust und lief im nâch.
;;;128;17;;der werlde riuwe al hie geschach.
;;;128;18;;dô si ir suns niht mêre sach
;;;128;19;;- der vert von ir, wem ist deste baz? -,
;;;128;20;;dô viel diu vrouwe valsches laz
;;;128;21;;ûf die erde, al dâ si jâmer sneit,
;;;128;22;;sô daz ein sterben niht vermeit.
;;;128;23;;ir vil getriuwelîcher tôt
;;;128;24;;der vrouwen wert die hellenôt.
;;;128;25;;ôwol ir, daz si muoter wart!
;;;128;26;;sus vuor die lônes bernde vart
;;;128;27;;ein wurzel der güete
;;;128;28;;und ein stam der diemüete.
;;;128;29;;owê, daz wir nû niht hân
;;;128;30;;ir sippe unz an den einliften spân!
;;;129;1;;des wirt gevelschet manec lîp.
;;;129;2;;doch solten nû getriuwiu wîp
;;;129;3;;heiles wünschen disem knaben,
;;;129;4;;der sich von ir hie hât erhaben.
;;;129;5;;Dô kêrte der knappe wol getân
;;;129;6;;gein dem fôreht in Prezilian.
;;;129;7;;er kam an eine bach geriten.
;;;129;8;;in hete ein hane wol überschriten.
;;;129;9;;wie dâ stuonden bluomen und gras,
;;;129;10;;durch sîn vliez sô dunkel was,
;;;129;11;;der knappe den vurt dâr an vermeit.
;;;129;12;;den tac er dâr neben reit,
;;;129;13;;als sînen witzen tohte.
;;;129;14;;er bleip die naht, wie er mohte.
;;;129;15;;sît im der mitten tac erschein,
;;;129;16;;der knappe huop sich dan alein
;;;129;17;;zuo einer vurte lûter und wolgetân.
;;;129;18;;dâ was anderhalp der plân
;;;129;19;;mit eime gezelte gehêret,
;;;129;20;;grôze rîcheit dran gekêret
;;;129;21;;von drîer hande samît.
;;;129;22;;ez was hôch und wît.
;;;129;23;;ûf den næten lâgen borten guot.
;;;129;24;;dâ hienc ein liderîn huot,
;;;129;25;;den man dar über ziehen solte,
;;;129;26;;imer wan ez regen wolte.
;;;129;27;;duc Orilus de Lalander,
;;;129;28;;des wîp dort under vander
;;;129;29;;ligen wünneclîche,
;;;129;30;;die herzoginne rîche,
;;;130;1;;lac glîche eime rîters trûte.
;;;130;2;;si hiez vrou Jeschute.
;;;130;3;;diu vrouwe was entslâfen.
;;;130;4;;si truoc der minnen wâfen:
;;;130;5;;einen munt, der liuhtet rôt,
;;;130;6;;und gerndes ritters herzen nôt.
;;;130;7;;in des daz diu vrouwe slief,
;;;130;8;;der munt ir von ein ander lief;
;;;130;9;;der truoc der minne hitze viur.
;;;130;10;;sus lac des wunsches âventiur.
;;;130;11;;mit snêwîzem beine
;;;130;12;;nâhen bî ein ander kleine,
;;;130;13;;sus stuonden ir die liehten zene.
;;;130;14;;ich wæn, daz mich ieman küssen wene
;;;130;15;;an einen wol gelobeten munt,
;;;130;16;;daz ist mir selten worden kunt.
;;;130;17;;ein deckelachen zobelîn
;;;130;18;;erwant an ir hüffelîn,
;;;130;19;;daz si durch hitze von ir stiez,
;;;130;20;;die der wirt aleine liez.
;;;130;21;;si was geschicket und gesniten,
;;;130;22;;an ir was kunst niht vermiten.
;;;130;23;;got machte selbe ir süezen lîp.
;;;130;24;;ouch hete daz minneclîche wîp
;;;130;25;;lange arme und blanke hant.
;;;130;26;;der knappe ein vingerlîn dâ vant,
;;;130;27;;daz gein dem bette dranc,
;;;130;28;;dâ er mit der herzoginne ranc.
;;;130;29;;Dô dâht er an die muoter sîn,
;;;130;30;;diu im riet an wîbes vingerlîn.
;;;131;1;;dô spranc der knappe wol getân
;;;131;2;;von dem teppich ûf daz bette sân.
;;;131;3;;diu süeze, unsenfte erschrac,
;;;131;4;;dô der knappe an ir arme lac.
;;;131;5;;si muos iedoch erwachen.
;;;131;6;;mit schame, al sunder lachen
;;;131;7;;diu vrouwe zuht gelêret
;;;131;8;;sprach: "wer hât mich entêret?
;;;131;9;;junchêrre, des ist iu gar zuo vil,
;;;131;10;;ir möhtet iu nemen ein ander spil."
;;;131;11;;diu vrouwe sêre klagete.
;;;131;12;;er enruochte, waz si sagete,
;;;131;13;;ir munt er an den sînen twanc.
;;;131;14;;dar nâch was dô niht zuo lanc,
;;;131;15;;er dructe an sich die herzogîn.
;;;131;16;;er nam ir ouch ein vingerlîn.
;;;131;17;;an ir hemede ein vürspan er sach.
;;;131;18;;ungevuoge er ez dannen brach.
;;;131;19;;diu vrouwe was mit wîbes wer.
;;;131;20;;ir was sîn kraft ein ganzez her,
;;;131;21;;doch wart vil ringens dâ getân.
;;;131;22;;der knappe klagete den hunger sân.
;;;131;23;;diu vrouwe was ir lîbes lieht.
;;;131;24;;si sprach: "irn solt mîn ezzen niht.
;;;131;25;;wæret ir zuo vromen wîse,
;;;131;26;;ir næmet iu ander spîse.
;;;131;27;;dort stêt brôt und wîn
;;;131;28;;und ouch zwei pardrîsekîn,
;;;131;29;;als ein juncvrouwe ez brâhte,
;;;131;30;;dius wênic iu gedâhte."
;;;132;1;;dô enruocht er, wâ diu wirtîn saz.
;;;132;2;;einen guoten kropf er az,
;;;132;3;;dar nâch er swære trünke tranc.
;;;132;4;;die vrouwen dûhte gar zuo lanc
;;;132;5;;sînes wesens in dem pavelûn.
;;;132;6;;si wânt, ez wære ein garzûn
;;;132;7;;gescheiden von den witzen.
;;;132;8;;ir schame begunde switzen.
;;;132;9;;iedoch sprach diu herzogîn:
;;;132;10;;"junchêrre, ir solt mîn vingerlîn
;;;132;11;;hie lâzen und mîn vürspan.
;;;132;12;;habt iuch enwec! wan kumt mîn man,
;;;132;13;;ir müezet zorn lîden,
;;;132;14;;daz ir gerner möhtet mîden."
;;;132;15;;dô sprach der knappe wol geborn:
;;;132;16;;"wie, waz vörhte ich iuwers mannes zorn?
;;;132;17;;wan schadet ez iu an êren,
;;;132;18;;sô wil ich hinnen kêren."
;;;132;19;;dô sprang er gein dem bette sân,
;;;132;20;;ein ander kus dâ wart getân.
;;;132;21;;daz was der herzogîn leit.
;;;132;22;;âne urloup er dannen reit,
;;;132;23;;iedoch sprach er: "got hüete dîn,
;;;132;24;;alsus riet diu muoter mîn."
;;;132;25;;Der knabe des roubes was gemeit.
;;;132;26;;dô er eine wîle von dan gereit,
;;;132;27;;vil nâhe gein der mîlen zil,
;;;132;28;;dô kam, von dem ich sprechen wil.
;;;132;29;;er spurte anme touwe,
;;;132;30;;daz gesuochet was sîn vrouwe.
;;;133;1;;die zeltsnüere wâren zertret.
;;;133;2;;dâ hete ein knappe daz gras gewet.
;;;133;3;;der vürste wert und erkant,
;;;133;4;;sîn wîp er dort unden vant.
;;;133;5;;dô sprach der herzoge Orilus:
;;;133;6;;"owê, vrouwe, wie hân ich sus
;;;133;7;;mîn dienst gein iu gewendet!
;;;133;8;;mir ist nâch laster geendet
;;;133;9;;vil manec ritterlîcher prîs.
;;;133;10;;ir habt ein ander âmîs."
;;;133;11;;diu vrouwe bôt ir lougen
;;;133;12;;mit wazzerrîchen ougen,
;;;133;13;;sô daz si unschuldic wære.
;;;133;14;;er geloubete ir niht der mære,
;;;133;15;;iedoch sprach si mit vorhte siten:
;;;133;16;;"dâ kam ein tôre her geriten.
;;;133;17;;waz ich liute erkennet hân,
;;;133;18;;ine gesach nie lîp sô wol getân.
;;;133;19;;mîn vürspan und mîn vingerlîn
;;;133;20;;nam er âne den willen mîn."
;;;133;21;;"wie, sîn lîp iu wol gevellet!
;;;133;22;;ir habet iuch zuo im gesellet."
;;;133;23;;dô sprach si: "nû welle got!
;;;133;24;;sîniu ribbalîn, sîn gabilôt
;;;133;25;;mir wâren doch zuo nâhen.
;;;133;26;;diu rede solt iu versmâhen.
;;;133;27;;vürstinne ez übel gezæme,
;;;133;28;;ob si dâ minne næme."
;;;133;29;;aber sprach der vürste sân:
;;;133;30;;"vrouwe, ich hân iu niht getân,
;;;134;1;;ir welt iuch dan eines siten schamen:
;;;134;2;;ir liezet einer künegîn namen
;;;134;3;;und hiezet durch mich ein herzogîn.
;;;134;4;;der kouf gît mir ungewin.
;;;134;5;;mîne manheit ist doch wol sô quec,
;;;134;6;;daz iuwer bruoder Erec,
;;;134;7;;mîn swâger, filliroy Lac,
;;;134;8;;er iuch wol hazzen mac.
;;;134;9;;mich erkennet ouch der wîse
;;;134;10;;an sô gewantem prîse,
;;;134;11;;der niender mac entêret sîn,
;;;134;12;;wan daz er mich vor Prurin
;;;134;13;;mit sîner tjost valte.
;;;134;14;;an im ich sît bezalte
;;;134;15;;vil hôhen prîs vor Karnant:
;;;134;16;;zuo rehter tjost valtin mîn hant
;;;134;17;;hinderz ors durch fîanze.
;;;134;18;;durch sînen schilt mîn lanze
;;;134;19;;iuch zuo kleinœde brâhte.
;;;134;20;;vil wênic ich dô gedâhte
;;;134;21;;iuwer minne eime andern trûte,
;;;134;22;;mîn vrou Jeschute.
;;;134;23;;vrouwe, ir solt gelouben des,
;;;134;24;;daz der stolze Galoes,
;;;134;25;;fillirois Gandin,
;;;134;26;;lac tôt von der tjost mîn.
;;;134;27;;ir hieltet ouch dâ nâhe bî,
;;;134;28;;dô hêr Plyopliori
;;;134;29;;gein mir durch tjostieren reit
;;;134;30;;und mich sîn strîten niht vermeit.
;;;135;1;;mîn tjost in hinderz ors swanc,
;;;135;2;;daz in der satel nider dranc.
;;;135;3;;ich hân dicke prîs bezalt
;;;135;4;;und manegen rîter abe gevalt.
;;;135;5;;des moht ich nû geniezen niht.
;;;135;6;;ein hôhez laster mir des giht.
;;;135;7;;Si hazzent mich besunder,
;;;135;8;;die ob der tavelrunder,
;;;135;9;;der ich ahte nider stach,
;;;135;10;;daz ez manige juncvrouwe sach,
;;;135;11;;umb den sperwer zuo Kanadic.
;;;135;12;;ich behielt iu prîs und mir den sic.
;;;135;13;;daz sâhet ir und Artus,
;;;135;14;;der mîne swester hât zuo hûs,
;;;135;15;;die süezen Cunnewaren.
;;;135;16;;ir munt kan niht gebâren
;;;135;17;;mit lachene, ê si den siht,
;;;135;18;;dem man des besten prîses giht.
;;;135;19;;wan kœme mir der selbe man,
;;;135;20;;sô würde ein strîten hie getân
;;;135;21;;als hiute morgen, dô ich streit
;;;135;22;;und eime vürsten vrumte leit,
;;;135;23;;der mir sîn tjostieren bôt.
;;;135;24;;von mîner tjost lac er tôt.
;;;135;25;;ich enwil iu niht von zorne sagen,
;;;135;26;;daz maneger hât sîn wîp geslagen
;;;135;27;;umb michel krenker schulde.
;;;135;28;;het ich dienst oder hulde,
;;;135;29;;daz ich iu solte bieten,
;;;135;30;;ir müeset iuch mangels nieten.
;;;136;1;;ich sol niht mê erwarmen
;;;136;2;;an iuwern blanken armen,
;;;136;3;;dâ ich etswanne durch minne lac
;;;136;4;;vil manegen wünneclîchen tac.
;;;136;5;;ich sol velwen iuwern rôten munt
;;;136;6;;und iuwern ougen machen rœte kunt.
;;;136;7;;ich sol iu vreude entêren
;;;136;8;;und iuwer herze siufzen lêren."
;;;136;9;;Diu vürstîn an den vürsten sach.
;;;136;10;;der munt dô jæmerlîchen sprach:
;;;136;11;;"nû êret an mir rîters prîs.
;;;136;12;;ir sît getriuwe und wîs
;;;136;13;;und ouch sô gewaltic mîn,
;;;136;14;;ir muget mir geben hôhe pîn.
;;;136;15;;ir solt ê mîn gerihte nemen.
;;;136;16;;des lâzet iuch durch alliu wîp gezemen.
;;;136;17;;ir muget mir dannoch vüegen nôt.
;;;136;18;;læge ich von andern henden tôt,
;;;136;19;;daz iu niht prîs geneigete,
;;;136;20;;wie schiere ich dan veigete,
;;;136;21;;daz wære mir ein süeziu zît,
;;;136;22;;sît iuwer hazzen an mir lît."
;;;136;23;;aber sprach der vürste mêr:
;;;136;24;;"vrouwe, ir wâret mir zuo hêr.
;;;136;25;;daz sol ich an iu mâzen.
;;;136;26;;geselleschaft wirt gelâzen
;;;136;27;;mit trinken und mit ezzen,
;;;136;28;;bî ligens wirt vergezzen.
;;;136;29;;ir enpfâhet niemêr kein gewant,
;;;136;30;;wan als ich iuch sitzen vant.
;;;137;1;;iuwer zoum muoz sîn ein bestîn seil,
;;;137;2;;iuwer pfert bejaget wol hungers teil,
;;;137;3;;iuwer satel wol gezieret,
;;;137;4;;der wirt enschumpfieret."
;;;137;5;;balde er zarte und brach
;;;137;6;;den samît dar abe. dô daz geschach,
;;;137;7;;er zersluoc den satel, dâ si inne reit.
;;;137;8;;ir kiusche und ir wîpheit
;;;137;9;;sîn hazzen lîden muoste.
;;;137;10;;mit bestîme buoste
;;;137;11;;bant er in aber wider zuo.
;;;137;12;;ir kam sîn hazzen gar zuo vruo.
;;;137;13;;dô sprach er an den zîten:
;;;137;14;;"vrouwe, nû soln wir rîten.
;;;137;15;;kæme ich in an, des würde ich geil,
;;;137;16;;der hie nam iuwerre minne teil.
;;;137;17;;ich bestüende in ûf âventiur,
;;;137;18;;ob sîn âtem gæbe viur
;;;137;19;;als eines wilden trachen,
;;;137;20;;alle wege sunder lachen."
;;;137;21;;Diu vrouwe jâmers rîche
;;;137;22;;schiet dannen trûreclîche.
;;;137;23;;si klagete niht, waz ir geschach,
;;;137;24;;niht wan ir mannes ungemach.
;;;137;25;;des trûren gap ir soliche nôt,
;;;137;26;;daz si noch sanfter wære tôt.
;;;137;27;;nû solt ir si durch triuwe klagen,
;;;137;28;;si beginnet noch hœhern kumber tragen.
;;;137;29;;wære mir aller wîbe haz bereit,
;;;137;30;;mich müete doch vroun Jeschuten leit.
;;;138;1;;sus riten si ûf der slâ hin nâch.
;;;138;2;;dem knappen vor in was gâch.
;;;138;3;;doch wiste der unverzagete
;;;138;4;;niht, daz man in jagete.
;;;138;5;;wan wen sîniu ougen sâhen,
;;;138;6;;sô er in begunde nâhen,
;;;138;7;;den gruozte der knappe guoter
;;;138;8;;und jach: "sus riet mir mîn muoter."
;;;138;9;;Alsus kam unser küener knabe
;;;138;10;;geriten ein halde abe.
;;;138;11;;wîbes stimme er erhôrte
;;;138;12;;vor eines waldes orte.
;;;138;13;;eine vrouwe ûz rehtem jâmer schrei.
;;;138;14;;dô was diu wâre vröude enzwei.
;;;138;15;;der knappe reit ir balde zuo.
;;;138;16;;nû hœret, waz diu vrouwe tuo.
;;;138;17;;dâ brach vrouwe Sygune
;;;138;18;;ir langen zöpfe brûne
;;;138;19;;von jâmer ûz der swarten.
;;;138;20;;der knappe begunde warten.
;;;138;21;;Schinohtudelander,
;;;138;22;;den vürsten, tôt dâ vander
;;;138;23;;der juncvrouwen in ir schôz.
;;;138;24;;aller schimpf si verdrôz.
;;;138;25;;"er sî trûric oder vröuden var,
;;;138;26;;die tet mîn muoter grüezen gar.
;;;138;27;;got halt iuch", sprach des knappen munt,
;;;138;28;;"ich hân hie jæmerlîchen vunt
;;;138;29;;in iuwern schœzen vunden.
;;;138;30;;wer gab iu den rîter wunden?"
;;;139;1;;der knappe, unverdrozzen
;;;139;2;;sprach er: "wer hât in erschozzen?
;;;139;3;;geschach ez niht mit eime gabilôt?
;;;139;4;;mich dunket, vrouwe, er lige tôt.
;;;139;5;;kunnet ir iht mir von im gesagen,
;;;139;6;;der iu hât den rîter erslagen?
;;;139;7;;ob ich in muge errîten,
;;;139;8;;ich wil gerne mit im strîten."
;;;139;9;;Dô greif der knappe mære
;;;139;10;;zuo sîme kochære.
;;;139;11;;vil scharpfiu gabilôt er vant.
;;;139;12;;er vuorte dannoch beidiu pfant,
;;;139;13;;dier von Jeschuten brach
;;;139;14;;und im ein tumpheit dâ geschach.
;;;139;15;;heter gelernet sînes vater site,
;;;139;16;;diu wirdeclîche im wonte mite,
;;;139;17;;diu buckel wære gehurtet baz,
;;;139;18;;dâ diu herzogîn aleine saz,
;;;139;19;;diu sît vil kumbers durch in leit.
;;;139;20;;mê dan ein ganzez jâr si meit
;;;139;21;;gruoz von ir mannes lîbe.
;;;139;22;;unreht geschach dem wîbe.
;;;139;23;;nû hœret ouch von Sygunen sagen.
;;;139;24;;diu kunde ir leit mit jâmer klagen.
;;;139;25;;si sprach zuo dem knaben: "dû hâst tugent.
;;;139;26;;geêret sî dîn süeze jugent
;;;139;27;;und dîn antlitze minneclîch.
;;;139;28;;dêswâr, dû wirst noch sælden rîch.
;;;139;29;;disen rîter meit daz gabilôt.
;;;139;30;;er lac von einer jost tôt.
;;;140;1;;dû bist geborn von triuwen,
;;;140;2;;daz er dich sus kan riuwen."
;;;140;3;;ê si den knaben rîten lieze,
;;;140;4;;si vrâgete in, wie er hieze.
;;;140;5;;si jach, er trüege den gotes vlîz.
;;;140;6;;"bonfiz, scherafiz, befiz,
;;;140;7;;alsus hâte mich genennet,
;;;140;8;;wer mich dâ heime erkennet."
;;;140;9;;dô disiu rede was getân,
;;;140;10;;si erkant in bî dem namen sân.
;;;140;11;;nû hœret in rehte nennen,
;;;140;12;;daz ir in moget erkennen,
;;;140;13;;wer dirre âventiure hêrre sî.
;;;140;14;;der hielt der juncvrouwen bî.
;;;140;15;;ir rôter munt sprach sunder twâl:
;;;140;16;;"dêswâr, dû heizest Parcifal.
;;;140;17;;der name ist reht ›enmitten durch‹.
;;;140;18;;grôziu liebe ier sælic herzen vurch
;;;140;19;;mit dîner muoter triuwe.
;;;140;20;;dîn vater liez ir riuwe.
;;;140;21;;ich engihe dir es niht zuo ruome,
;;;140;22;;dîn muoter ist mîniu muome.
;;;140;23;;ich sage dir ez sunder valschen list,
;;;140;24;;die rehten wârheit, wer dû bist.
;;;140;25;;dîn vater was ein Anschevin.
;;;140;26;;ein Waleis von der muoter dîn,
;;;140;27;;dû bist geborn von Kanvoleiz.
;;;140;28;;die rehten wârheit ich des weiz.
;;;140;29;;dû bist ouch künec ze Norgals.
;;;140;30;;in der houbetstat zuo Kingrivals
;;;141;1;;sol dîn houbet krône tragen.
;;;141;2;;dirre vürste wart durch dich erslagen,
;;;141;3;;wan der dîn lant ie werte.
;;;141;4;;sîn triuwe er ie verzerte.
;;;141;5;;junc, vlætic, süezer man,
;;;141;6;;mîn bruoder hât dir vil getân:
;;;141;7;;zwei lant nam dir Lehelin.
;;;141;8;;disen vürsten und den vetern dîn
;;;141;9;;zuo jostieren sluoc Orilus.
;;;141;10;;er liez ouch mich in jâmer sus.
;;;141;11;;mir diente âne alle schande
;;;141;12;;dirre vürste von dîme lande.
;;;141;13;;dô zôch mich dîn muoter.
;;;141;14;;lieber neve guoter,
;;;141;15;;nû hœre, waz disiu mære sîn.
;;;141;16;;ein bracken seil gab im die pîn.
;;;141;17;;in dem dienste er den tôt
;;;141;18;;hâte bejaget und iemer nôt
;;;141;19;;mir nâch sîner minne.
;;;141;20;;ich hete kranke sinne,
;;;141;21;;daz ich im niht minne gap.
;;;141;22;;des hât der sorgen urhap
;;;141;23;;mir die vröude verschrôten.
;;;141;24;;nû minne ich in tôten."
;;;141;25;;Dô sprach er: "niftele, mir ist leit
;;;141;26;;dîn kumber und mîn leit.
;;;141;27;;wan ich daz mac gerechen,
;;;141;28;;daz wil ich gerne zechen."
;;;141;29;;dô was im gein strîte gâch.
;;;141;30;;si wîstin unreht nâch.
;;;142;1;;si vorhte, daz er den lîp verlür
;;;142;2;;und daz si grœzern schaden kür.
;;;142;3;;eine strâze er dô gevienc,
;;;142;4;;diu gein den Brituneisen gienc.
;;;142;5;;diu was geriten unde breit.
;;;142;6;;wer im widergienc oder widerreit,
;;;142;7;;er wære rîter oder koufman,
;;;142;8;;die selben gruozter alle sân
;;;142;9;;und jach, ez wære sîner muoter rât.
;;;142;10;;diu gab in im ouch ân missetât.
;;;142;11;;der âbent begunde nâhen,
;;;142;12;;grôz müede gein im gâhen.
;;;142;13;;dô sach der tumpheite genôz
;;;142;14;;ein hûs zuo guoter mâze grôz.
;;;142;15;;dâr in was ein arger wirt,
;;;142;16;;als noch ûf ungeslahte birt,
;;;142;17;;und was ein vischære
;;;142;18;;und aller güete lære.
;;;142;19;;den knappen hunger lêrte,
;;;142;20;;daz er dar gein kêrte
;;;142;21;;und klagete dem wirte hungers nôt.
;;;142;22;;er sprach: "in gæbe ein halbez brôt
;;;142;23;;iu niht zuo drîzic jâren.
;;;142;24;;wer mîner milte vâren
;;;142;25;;vergeben wil, der sûmet sich.
;;;142;26;;ich ensorge umb nieman dan umb mich,
;;;142;27;;dar nâch umb mîniu kindelîn.
;;;142;28;;ir enkomet tâlanc dâ her în.
;;;142;29;;hetet ir pfenninge oder pfant,
;;;142;30;;ich behielt iuch al zuohant."
;;;143;1;;im bôt der knappe wol getân
;;;143;2;;vroun Jeschuten vürspan.
;;;143;3;;dô daz der vischer gesach,
;;;143;4;;sîn munt dô lachete und sprach:
;;;143;5;;"wilt dû blîben, süezez kint,
;;;143;6;;dich êrent alle, die hie în sint."
;;;143;7;;"wilt dû mich hînt wol spîsen
;;;143;8;;und morgen rehte wîsen
;;;143;9;;gein Artuse, dem bin ich holt,
;;;143;10;;sô mac blîben dir daz golt."
;;;143;11;;"daz tuon ich", sprach der vilân.
;;;143;12;;"ich engesach nie lîp sô wol getân.
;;;143;13;;ich bringe dich durch wunder
;;;143;14;;vür des küneges tavelrunder."
;;;143;15;;die naht bleip der knappe dâ,
;;;143;16;;man sach in des morgens anderswâ.
;;;143;17;;des tages er kûme erbeite.
;;;143;18;;der wirt ouch sich bereite
;;;143;19;;und lief im vor, der knappe, nâch
;;;143;20;;er reit. dô was in beiden gâch.
;;;143;21;;mîn hêrre Hartman von Ouwe
;;;143;22;;und vrou Gynover, iuwer vrouwe,
;;;143;23;;und iuwer hêrre, künec Artus,
;;;143;24;;dô kumet ein mîn vriunt zuo hûs.
;;;143;25;;bitet hüeten sîn vor spotte.
;;;143;26;;er enist gîge noch rotte.
;;;143;27;;si soln ein ander gampel nemen,
;;;143;28;;des lâzen sich durch zuht gezemen.
;;;143;29;;anders iuwer vrouwe Enite
;;;143;30;;und ir muoter Karsenafite
;;;144;1;;werdent durch mül gezücket
;;;144;2;;und ir lop gebücket.
;;;144;3;;sol ich den munt mit spotte zern,
;;;144;4;;ich wil mînen vriunt mit spotte wern.
;;;144;5;;Sus kam der vischære
;;;144;6;;und ouch der knappe mære
;;;144;7;;einer houbetstat sô nâhen,
;;;144;8;;aldâ si Nantes sâhen.
;;;144;9;;dô sprach er: "kint, got hüete dîn.
;;;144;10;;nû sich, dort soltû rîten în."
;;;144;11;;dô sprach der knappe an witzen laz:
;;;144;12;;"dû solt mich wîsen vürbaz."
;;;144;13;;"hei, wie wol mîn lîp daz bewart!
;;;144;14;;diu massenîe ist solicher art,
;;;144;15;;genâhetir immer vilân,
;;;144;16;;daz wære schiere missetân."
;;;144;17;;der knappe dô vürbaz reit
;;;144;18;;ûf einen plân niht zuo breit.
;;;144;19;;der stuont von bluomen lieht gemâl.
;;;144;20;;in zôch dekein Curvenal;
;;;144;21;;er enkunde kurtoisîe niht,
;;;144;22;;als ungevarnen man geschiht.
;;;144;23;;sîn zoum, der was bästîn
;;;144;24;;und harte kranc sîn pferdelîn.
;;;144;25;;daz tet von strûchen manegen val.
;;;144;26;;ouch was sîn satel überal
;;;144;27;;umbeslagen mit niuwen ledern.
;;;144;28;;samît und härmîner vedern,
;;;144;29;;der zweier man wênic an im siht.
;;;144;30;;er enbedorfte der mantelsnüere niht.
;;;145;1;;vür suckenîe und surkôt,
;;;145;2;;dâ vür nam er sîn gabilôt.
;;;145;3;;des site man gein prîse maz,
;;;145;4;;sîn vater was gekleidet baz
;;;145;5;;ûf dem teppich vor Kanvoleiz.
;;;145;6;;er enliez nie vorhteclîchen sweiz.
;;;145;7;;im kam ein rîter widerriten.
;;;145;8;;den gruozter nâch sînen siten:
;;;145;9;;"got halt iuch, riet mîn muoter mir."
;;;145;10;;"junchêrre, got lône iu und ir",
;;;145;11;;sprach Artuses basen sun;
;;;145;12;;den zôch Utpandragun.
;;;145;13;;ouch sprach der werde wîgant
;;;145;14;;erbeschaft zuo Britanie ûf daz lant.
;;;145;15;;daz was Ither von Kaheviez,
;;;145;16;;'der rôte rîter' man in hiez.
;;;145;17;;sîn hâr was gar sô rôt,
;;;145;18;;daz ez den ougen rœte bôt.
;;;145;19;;sîn ors was rôt und snel,
;;;145;20;;al rôt was im sîn gügerel,
;;;145;21;;
;;;145;22;;
;;;145;23;;rôt was sîn kursît,
;;;145;24;;wol an in gesniten wît.
;;;145;25;;rôt was sîn schaft, rôt was sîn sper.
;;;145;26;;al rôt nâch des heldes ger
;;;145;27;;was im sîn swert gerœtet,
;;;145;28;;gein der scherpfe gelœtet.
;;;145;29;;der künec von Kukumerlant,
;;;145;30;;al rôt von golde ûf sîner hant
;;;146;1;;stuont ein kopf vil wol ergraben,
;;;146;2;;ûf der tavelrunder ûf erhaben.
;;;146;3;;blanc was sîn vel und rôt sîn hâr.
;;;146;4;;er sprach zuom knappen sunder vâr:
;;;146;5;;"geêret sî dîn süezer lîp.
;;;146;6;;dich brâhte zuo der werlde ein reine wîp.
;;;146;7;;ôwol der muoter, diu dich gebar!
;;;146;8;;ich engesach nie lîp sô wol gevar.
;;;146;9;;dû bist der wâren minnen blic,
;;;146;10;;ir âventiure und ir sic.
;;;146;11;;vil wîbes vreude an dir gesiget,
;;;146;12;;dar nâch dir jâmer swære wiget.
;;;146;13;;lieber vriunt, wilt dû hin în,
;;;146;14;;sô sage durch den dienst mîn
;;;146;15;;Artuse und den sînen,
;;;146;16;;ich ensol niht vlühtic schînen.
;;;146;17;;ich sol ir gerne beiten,
;;;146;18;;wer zuo der jost sich sol bereiten.
;;;146;19;;ir dekeiner hât ez vür wunder.
;;;146;20;;ich reit vür die tavelrunder,
;;;146;21;;mînes landes ich mich underwant.
;;;146;22;;disen kopf mîn unvuogiu hant
;;;146;23;;ûf zôch, daz der win vergôz
;;;146;24;;vroun Gynovern in ir schôz.
;;;146;25;;underwinden mich daz lêrte.
;;;146;26;;ob ich schoube umbe kêrte,
;;;146;27;;sô würde ruozic mir mîn vel.
;;;146;28;;daz meit ich", sprach der degen snel.
;;;146;29;;"ich hân ez ouch niht durch roup getân,
;;;146;30;;des hât mîn krône mich erlân.
;;;147;1;;vriunt, nû sage der künegîn,
;;;147;2;;ich begüzze si âne den willen mîn,
;;;147;3;;aldâ die werden sâzen,
;;;147;4;;die rehter wer vergâzen.
;;;147;5;;ez sîn künege oder vürsten,
;;;147;6;;wes lânt si den wirt dürsten?
;;;147;7;;wan holent si im hie niht sîn goltvaz?
;;;147;8;;ir sneller prîs wirt anders laz."
;;;147;9;;Der knabe sprach: "ich wirbe dir,
;;;147;10;;waz dû gesprochen hâst zuo mir."
;;;147;11;;der reit von im zuo Nantes în.
;;;147;12;;dô volgeten im diu kindelîn
;;;147;13;;ûf den hof vür den palas,
;;;147;14;;dâ maneger hande vuore was.
;;;147;15;;vil schiere wart umb in gedranc.
;;;147;16;;Ywanet dar nâher spranc,
;;;147;17;;der knappe valsches vrîe,
;;;147;18;;und bôt im kompânîe.
;;;147;19;;dô sprach der gast: "got halte dich.
;;;147;20;;alsus bat diu muoter mich,
;;;147;21;;ê daz ich schiede von ir hûs.
;;;147;22;;ich sihe hie manegen Artus.
;;;147;23;;wer sol mich rîter machen?"
;;;147;24;;Ywanet begunde lachen.
;;;147;25;;er sprach: "dû sihest rehte niht,
;;;147;26;;daz aber schiere nû geschiht."
;;;147;27;;er vuortin hin zuo dem palas,
;;;147;28;;dâ diu werde massenîe was.
;;;147;29;;sus vil kunder in schalle,
;;;147;30;;er sprach: "got halt iuch alle,
;;;148;1;;benamen den künec und des wîp.
;;;148;2;;mir gebôt mîn muoter an den lîp,
;;;148;3;;daz ich si gruozte besunder
;;;148;4;;und die ob der tavelrunder
;;;148;5;;mit rehtem prîse heten stat.
;;;148;6;;die selben si mich grüezen bat.
;;;148;7;;dâr an ein kunst mich verbirt,
;;;148;8;;ich enweiz niht, welher hie în ist wirt.
;;;148;9;;dem ein rîter her hât enboten
;;;148;10;;- den sach ich allenthalben rôten -,
;;;148;11;;er welle sîn dâ ûze bîten.
;;;148;12;;mich dunket, er welle strîten.
;;;148;13;;im ist ouch leit, daz er den wîn
;;;148;14;;vergôz ûf die künegîn.
;;;148;15;;owê, wan het ich sîn gewant
;;;148;16;;enpfangen von des küneges hant,
;;;148;17;;sô wære ich vreuden rîche,
;;;148;18;;wan daz stêt sô rîterlîche!"
;;;148;19;;Der knappe unbetwungen
;;;148;20;;wart harte vil gedrungen,
;;;148;21;;gevüeret her und dar.
;;;148;22;;si nâmen sîner varwe war,
;;;148;23;;diu was selpschouwet.
;;;148;24;;geêret noch gevrouwet
;;;148;25;;wart nie minneclîcher vruht.
;;;148;26;;got was an sîner süezen zuht,
;;;148;27;;dô er Parzifaln worhte,
;;;148;28;;der vreise wênic vorhte.
;;;148;29;;sus wart vür Artusen brâht,
;;;148;30;;an dem got wunsches hât gedâht.
;;;149;1;;im enkunde nieman vîent sîn.
;;;149;2;;dô sach in ouch diu künegîn,
;;;149;3;;ê si schiede von dem palas,
;;;149;4;;dâ si dâ vor begozzen was.
;;;149;5;;der künec an den knappen sach,
;;;149;6;;zuo dem tumben er dô sprach:
;;;149;7;;"junchêrre, got vergelt iu gruoz,
;;;149;8;;den ich vil gerne gedienen muoz
;;;149;9;;mit lîbe und mit guote.
;;;149;10;;des ist mir wol zuo muote."
;;;149;11;;"daz wolte got, wen wære daz wâr!
;;;149;12;;die wîle dunket mich ein jâr,
;;;149;13;;daz ich niht rîter wesen sol.
;;;149;14;;daz tuot mir wirs dan wol.
;;;149;15;;nû sûmet mich niht mêre,
;;;149;16;;pfleget mîn nâch rîters êre."
;;;149;17;;"daz tuon ich gerne", sprach der wirt,
;;;149;18;;"ob wirdecheit mich niht verbirt.
;;;149;19;;dû bist wol sô gehiure,
;;;149;20;;rîche an koste tiure
;;;149;21;;wirt dir mîn gâbe undertân.
;;;149;22;;dêswâr, ich sol ez ungerne lân.
;;;149;23;;dû solt biz morne beiten,
;;;149;24;;ich wil dich wol bereiten."
;;;149;25;;Der wolgeborn knappe
;;;149;26;;hielt gagernde als ein trappe.
;;;149;27;;er sprach: "ich wil hie nihtes bîten.
;;;149;28;;mir kam ein rîter widerriten.
;;;149;29;;mag mir des harnasch werden niht,
;;;149;30;;ich enruoche, wer küneges gâbe giht.
;;;150;1;;sô gît mir aber diu muoter mîn.
;;;150;2;;ich wæne dô, diu ist ein künegîn."
;;;150;3;;Artus sprach zuo dem knappen sân:
;;;150;4;;"den harnasch hât an im ein man,
;;;150;5;;daz ich dir niht getar geben.
;;;150;6;;ich muoz joch sus mit kumber leben
;;;150;7;;âne alle mîne schulde,
;;;150;8;;wie ich darbe sîner hulde.
;;;150;9;;ez ist Ither von Kaheviez,
;;;150;10;;der trûren mir vür vreude stiez."
;;;150;11;;"ir sît ein künec unmilte,
;;;150;12;;daz iuch solicher gâbe bevilte.
;;;150;13;;gebet si im", sprach Key sân.
;;;150;14;;"lât in zuo im ûf den plân.
;;;150;15;;sol ieman bringen uns den kopf,
;;;150;16;;hie haltet diu geisel, dort der topf.
;;;150;17;;lât daz kint in umbe trîben,
;;;150;18;;sô lobet man ez vor den wîben.
;;;150;19;;ez muoz doch dicke bâgen
;;;150;20;;und soliche schanze wâgen.
;;;150;21;;ich ensorge umber deweders leben.
;;;150;22;;man solde hunde umb ebers houbet geben."
;;;150;23;;"ungerne sol ich ez im versagen,
;;;150;24;;wan daz ich vorhte, er werde erslagen,
;;;150;25;;dem ich sol helfen der rîterschaft",
;;;150;26;;sprach Artus ûz triuwen kraft.
;;;150;27;;Der knappe iedoch die gâbe enpfienc,
;;;150;28;;dâ von ein trûren sît ergienc.
;;;150;29;;dô was im von dem künege gâch.
;;;150;30;;junge und alte im drungen nâch.
;;;151;1;;Ywanet in an der hende zôch
;;;151;2;;vür ein louben niht zuo hôch.
;;;151;3;;dô sach er vür und wider.
;;;151;4;;diu loube was wol sô nider,
;;;151;5;;daz er drûfe erhôrte und sach,
;;;151;6;;dâ von ein trûren im geschach.
;;;151;7;;nû wolt ouch diu künegîn
;;;151;8;;dô selbe in den venstern sîn
;;;151;9;;mit rîtern und mit vrouwen.
;;;151;10;;die begunden in alle schouwen.
;;;151;11;;dâ saz ouch vrou Cunneware,
;;;151;12;;diu fiere und diu clâre.
;;;151;13;;diu lachete dekeine wîs,
;;;151;14;;sin sæhin, der den hœhesten prîs
;;;151;15;;hete oder solte erwerben.
;;;151;16;;si wolte ê sus ersterben.
;;;151;17;;allez lachen si vermeit,
;;;151;18;;biz daz der knappe vür si reit.
;;;151;19;;dô erlachete ir minneclîcher munt,
;;;151;20;;des wart ir rücke ungesunt.
;;;151;21;;dô nam Key scheneschalt
;;;151;22;;vroun Cunnewaren mit gewalt
;;;151;23;;bî ir wolgetânen hâre.
;;;151;24;;ir langen zöpfe clâre,
;;;151;25;;die want er umb sîn hant,
;;;151;26;;er spante si âne türbant.
;;;151;27;;ûf ir rücke wart dekein eit gestabt,
;;;151;28;;doch wart ein stap sô dran gehabt,
;;;151;29;;biz daz sîn sûsen gar verswanc,
;;;151;30;;daz daz bluot durch wât und vel ûz dranc.
;;;152;1;;dô sprach der unwîse:
;;;152;2;;"iuwerm werden prîse
;;;152;3;;ist gegeben ein smæhiu letze.
;;;152;4;;ich bin sîn vincnetze
;;;152;5;;und sol ez hin wider in iuch smîden,
;;;152;6;;daz irs gevüelet ûf den liden.
;;;152;7;;ez ist dem künege Artus
;;;152;8;;ûf sînen hof und in sîn hûs
;;;152;9;;sô manec werder man geriten,
;;;152;10;;durch den ir lachen hât vermiten,
;;;152;11;;und lachet nû durch einen man,
;;;152;12;;der niht mit rîters vuore kan."
;;;152;13;;Durch zorn wunders vil geschiht.
;;;152;14;;sînes slages wære im erteilet niht
;;;152;15;;vorme rîch ûf dise maget,
;;;152;16;;diu vil von vriunden wirt geklaget.
;;;152;17;;ob si halt schilt solte tragen!
;;;152;18;;diu ungevuoge hie ist geslagen,
;;;152;19;;wan si was von art ein künegîn.
;;;152;20;;Orilus und Lehelin,
;;;152;21;;ir bruoder, hetenz die gesehen,
;;;152;22;;der slege minre wæren geschehen.
;;;152;23;;der verswigen Antenor,
;;;152;24;;der durch swîgen was ein tôr,
;;;152;25;;sîn rede und ir lachen
;;;152;26;;was gezilt mit zwein sachen:
;;;152;27;;er enwolte niemer wort gesagen,
;;;152;28;;si lachete, diu dâ was geslagen.
;;;152;29;;dô ir lachen was getân,
;;;152;30;;sîn munt sprach zuo Key sân:
;;;153;1;;"got weiz, hêrre scheneschalt,
;;;153;2;;daz vrou Kunneware von iuwer gewalt
;;;153;3;;durch den knappen ist zerbert.
;;;153;4;;iuwer vreude dar umb wirt verzert
;;;153;5;;noch von sîner hende,
;;;153;6;;er ensî nie sô ellende."
;;;153;7;;"sît iuwer êrste rede mir dröut,
;;;153;8;;ich wæne, irs wênic iuch gevröut."
;;;153;9;;sîn brât wart gealûnet,
;;;153;10;;mit slegen wol gerûnet
;;;153;11;;dem witzehaften tôren
;;;153;12;;mit viusten in sîne ôren.
;;;153;13;;daz tet Key sunder twâl.
;;;153;14;;dô muose der junge Parzifal
;;;153;15;;disen kumber schouwen,
;;;153;16;;Antenors und der vrouwen.
;;;153;17;;im was von herzen leit ir nôt.
;;;153;18;;vil dicke er greif zem gabilôt.
;;;153;19;;vor der küneginne was solich gedranc,
;;;153;20;;daz er durch daz vermeit den swanc.
;;;153;21;;Urloup nam dô Ywanet
;;;153;22;;zuo filliroi Gahmuret.
;;;153;23;;des reise aleine wart getân
;;;153;24;;hin ûz gein Ither ûf den plân.
;;;153;25;;dem sagete er solichiu mære,
;;;153;26;;daz dâ inne nieman wære,
;;;153;27;;der tjostierens gerte.
;;;153;28;;"der künec mich gâbe werte.
;;;153;29;;ich sagete, des dû mir jæhe,
;;;153;30;;wie ez âne dînen danc geschæhe,
;;;154;1;;daz dû den wîn vergüzze,
;;;154;2;;unvuoge dich verdrüzze.
;;;154;3;;ir dekeinen lustet strîtes.
;;;154;4;;gip mir, dâ dûffe rîtes,
;;;154;5;;dar zuo al dîn harnas.
;;;154;6;;daz enpfienc ich ûf dem palas,
;;;154;7;;dâ inne ich rîter werden muoz.
;;;154;8;;widersaget sî dir mîn gruoz,
;;;154;9;;ob dû mir ez ungerne gîst.
;;;154;10;;wer mich ez, ob dû bî witzen sîst."
;;;154;11;;der künec von Kukumerlant
;;;154;12;;sprach: "hât Artuses hant
;;;154;13;;dir mîn harnasch gegeben,
;;;154;14;;dêswâr, daz tæt er ouch mîn leben,
;;;154;15;;möhtes dûz mir abe gewinnen.
;;;154;16;;sus kan er vriunt minnen.
;;;154;17;;was aber er dir iht holt,
;;;154;18;;dîn dienst erholt sô schiere den solt."
;;;154;19;;"ich getar wol gedienen, waz ich sol;
;;;154;20;;ouch hât er mich gewert wol.
;;;154;21;;gip her und lâ dîn lantreht.
;;;154;22;;ich wil niht langer sîn ein kneht,
;;;154;23;;ich sol schiltes ambet hân."
;;;154;24;;er greif im nâch dem zoume sân:
;;;154;25;;"dû maht wol wesen Lehelin,
;;;154;26;;von dem mir klagete diu muoter mîn."
;;;154;27;;der rîter umbe kêrte den schaft
;;;154;28;;und stach den knappen sô mit kraft,
;;;154;29;;daz er und sîn pferdelîn
;;;154;30;;vielen ûf der bluomen schîn.
;;;155;1;;der helt was zornes drâte.
;;;155;2;;er sluoc in, daz im wâte
;;;155;3;;vonme schafte ûz der swarten bluot.
;;;155;4;;Parcifal, der knappe guot,
;;;155;5;;stuont al zornic ûf dem plân.
;;;155;6;;zuo dem gabilôte greif er sân.
;;;155;7;;dâ der helm und diu barbier
;;;155;8;;lochent ob dem hersenier,
;;;155;8;1;dô begunde er sîn pflegen
;;;155;8;2;mit schüzzen, biz daz den degen
;;;155;9;;durch diu ougen versneit daz gabelôt
;;;155;10;;und durch den nac, sô daz er tôt
;;;155;11;;viel, der valsches widersaz.
;;;155;12;;wîbe siufzen, herzen jâmers kraz
;;;155;13;;gap Ithers tôt von Kaheviez,
;;;155;14;;den wîben nazziu ougen liez.
;;;155;15;;welchiu sîner minne enpfant,
;;;155;16;;durch die vröude ir was gerant
;;;155;17;;und ir schimpf enschumpfieret,
;;;155;18;;gein der riuwe gecundewieret.
;;;155;19;;Parcifal, der tumbe,
;;;155;20;;kêrtin ofte alumbe.
;;;155;21;;er enkunde ez im abe geziehen niht
;;;155;22;;- daz was ein wunderlîch geschiht -
;;;155;23;;helmsnüere, schillier.
;;;155;24;;mit sînen blanken handen fier
;;;155;25;;kunders niht ûf gestricken
;;;155;26;;noch sus her abe gezwicken.
;;;155;27;;dicke er ez doch versuochte,
;;;155;28;;wîsheit der unberuochte.
;;;155;29;;daz ors und sîn pferdelîn
;;;155;30;;erhuoben einen sô hôhen grîn,
;;;156;1;;daz ez Ywanet erhôrte
;;;156;2;;vor der stat an des graben orte,
;;;156;3;;vroun Gynovern knabe und ir mâc.
;;;156;4;;dôr vonme orse erhôrte den bâc
;;;156;5;;und ouch nieman dâr ûf sach
;;;156;6;;- von sînen triuwen daz geschach,
;;;156;7;;die er zuo Parcifale truoc -,
;;;156;8;;dô gâhete dar der knappe kluoc.
;;;156;9;;sus vander Ithern tôt
;;;156;10;;und Parcifaln in tumber nôt.
;;;156;11;;snellîche er hin zuo in beiden spranc
;;;156;12;;und sagete Parcifale danc
;;;156;13;;prîses, des erwarp sîn hant
;;;156;14;;an dem von Kukumerlant.
;;;156;15;;"got lône dir! nû rât, waz ich tuo.
;;;156;16;;ich kan hie harte wênic zuo.
;;;156;17;;wie bringe ich ez von im und an mich?"
;;;156;18;;"daz kan ich wol gelêren dich",
;;;156;19;;sprach der stolze Ywanet
;;;156;20;;zuo filli rois Gahmuret.
;;;156;21;;entwâpent wart der tôte man
;;;156;22;;al dâ vor Nantes ûf dem plân
;;;156;23;;und an den lebenden geleget,
;;;156;24;;den dannoch grôziu tumpheit weget.
;;;156;25;;Ywanet sprach: "disiu ribbalîn
;;;156;26;;solnt niht under îsern hosen sîn.
;;;156;27;;dû muost nû tragen rîters kleit."
;;;156;28;;diu rede was Parcifale leit.
;;;156;29;;sus sprach der knappe guoter:
;;;156;30;;"waz mir gap mîn muoter,
;;;157;2;;ez ergê zuo schaden oder zuo vromen,
;;;157;1;;des sol wênec von mir komen
;;;157;3;;
;;;157;4;;
;;;157;4;1;durch iemannes dröuwen oder bete."
;;;157;4;2;der vil stolze Ywanete,
;;;157;4;3;er wunderte sich der rede dô
;;;157;4;4;und wart mit Parcifale vrô.
;;;157;5;;sus muos er im volgen.
;;;157;6;;er was im niht erbolgen.
;;;157;7;;zwô liehte hosen îserîn
;;;157;8;;schuoht er über diu ribbalîn.
;;;157;9;;sunder leder mit zwein borten
;;;157;10;;zwêne sporn, die dâ zuo hôrten,
;;;157;11;;spien er im umb diu goldes werc.
;;;157;12;;dar nâch bôt er im den halsberc;
;;;157;12;1;dar in sloufte sich der werde.
;;;157;12;2;dar nâch, als er gerde,
;;;157;13;;striht er im umb diu schillier.
;;;157;14;;sunder twâl wart harte schier
;;;157;15;;von vuozen ûf gewâpent wol
;;;157;16;;Parcifal mit gernder dol.
;;;157;17;;dô iesch der knappe mære
;;;157;18;;den sînen kochære.
;;;157;19;;"ich enreiche dir dekein gabilôt.
;;;157;20;;diu rîterschaft dir daz verbôt",
;;;157;21;;sprach Ywanet, der knappe wert.
;;;157;22;;er gurt im umb ein swert.
;;;157;23;;daz lêrte er in ûz ziehen
;;;157;24;;und widerriet im vliehen.
;;;157;25;;dô zôch man im dar nâher sân
;;;157;26;;des rôten rîters kastelân.
;;;157;27;;daz truoc bein hôch und lanc.
;;;157;28;;gewâpent er in den satel spranc,
;;;157;29;;daz er stegereifes gerte niht,
;;;157;30;;dâ man noch snellekeite giht.
;;;158;1;;Ywaneten niht bevilte,
;;;158;2;;ern lêrtin underme schilte
;;;158;3;;künsteclîche gebâren
;;;158;4;;und der vîende schaden vâren.
;;;158;5;;er bôt im in die hant ein sper,
;;;158;6;;daz was gar ân sîner ger.
;;;158;7;;Dô sprach er: "war zuo ist diz vrome?"
;;;158;8;;"Swer gegen dir zer tjoste kome,
;;;158;9;;dâ soltûz balde brechen
;;;158;10;;und durch sînen schilt stechen.
;;;158;11;;wiltû des vil getrîben,
;;;158;12;;man lobtich vor den wîben."
;;;158;13;;Als uns diu âventiure giht,
;;;158;14;;von Colne noch von Mastriht
;;;158;15;;dehein schiltære entwürfe baz,
;;;158;16;;danner ûf dem orse saz.
;;;158;17;;dô sprach er ze Ywanete sân:
;;;158;18;;"Lieber vriunt, mîn kumpân,
;;;158;19;;ich hân erworben, des ich hie bat.
;;;158;20;;dû solt mîn dienst in die stat
;;;158;21;;dem künege Artuse sagen
;;;158;22;;und ouch mîn hôhez laster klagen.
;;;158;23;;bringim wider sîn goltvaz.
;;;158;24;;Ein rîter sîn an mir vergaz,
;;;158;25;;daz er die juncvrouwen sluoc,
;;;158;26;;durch daz si lachens mîn gewuoc.
;;;158;27;;mich müent ir jæmerlîchen wort,
;;;158;28;;diu rüerent mir mînes herzen ort
;;;158;29;;und müezen mitten drinne sîn:
;;;158;30;;der vrouwen ungedienter pîn.
;;;159;1;;tuoz durch dîne gesellecheit
;;;159;2;;und lâ dir sîn mîn laster leit.
;;;159;3;;got pflege dîn - ich wil von dir varn -,
;;;159;4;;der mac uns beide wol bewarn."
;;;159;5;;Itheren von Kaheviez
;;;159;6;;er jæmerlîchen ligen liez.
;;;159;7;;der was doch tôt sô minneclîch,
;;;159;8;;lebende was er sældenrîch.
;;;159;9;;wære rîterschaft sînes endes wer
;;;159;10;;zer tjost durch schilt mit einem sper,
;;;159;11;;wer klagete danne die wunders nôt?
;;;159;12;;er starp von einem gabylôt.
;;;159;13;;Ywanet ûf in dô brach
;;;159;14;;der liehten bluomen zeinem dach.
;;;159;15;;er stiez der gabylôte stil
;;;159;16;;zuo im nâch der marter zil.
;;;159;17;;der knappe kiusche und stolz
;;;159;18;;druhte kriuzewîs ein holz
;;;159;19;;durchs gabylôtes snîden.
;;;159;20;;ern wolte niht vermîden,
;;;159;21;;in die stat erz sagete,
;;;159;22;;des manec wîp verzagete
;;;159;23;;und des manec rîter weinde,
;;;159;24;;der klagende triuwe erscheinde.
;;;159;25;;dâ wart jâmers vil gedolt.
;;;159;26;;der tôte schône wart geholt.
;;;159;27;;Diu künegîn reit ûz der stat.
;;;159;28;;daz heiltuom si vüeren bat
;;;159;29;;obeme künege von Kukumerlant,
;;;159;30;;den tôte Parcifals hant.
;;;160;1;;Vrou Gynover, diu künegîn,
;;;160;2;;sprach jæmerlîcher worte schîn:
;;;160;3;;"ouwê! heiâ hei!
;;;160;4;;Artuses werdecheit enzwei
;;;160;5;;sol brechen noch diz wunder,
;;;160;6;;der ob der tavelrunder
;;;160;7;;den hœhesten prîs solte tragen,
;;;160;8;;daz der von Nantes lît erslagen.
;;;160;9;;sînes erbeteiles er gerte,
;;;160;10;;dô er in sterbens werte.
;;;160;11;;er was doch massenîe alhie,
;;;160;12;;alsô daz dehein ôre nie
;;;160;13;;dehein sîn untât vernam.
;;;160;14;;er was vor wildem valsche zam.
;;;160;15;;der was vil gar von im geschaben.
;;;160;16;;nû muoz ich alze vruo begraben
;;;160;17;;ein slôz obem prîse
;;;160;18;;und sîn herze an zühte wîse,
;;;160;19;;obem slôze ein hantveste.
;;;160;20;;er riet im benamen daz beste,
;;;160;21;;swâ man nâch wîbes minne
;;;160;22;;mit ellenthaftem sinne
;;;160;23;;solte erzeigen mannes triuwe.
;;;160;24;;ein berndiu vruht al niuwe
;;;160;25;;ist trûren ûf diu wîp gesæt.
;;;160;26;;ûz dîner wunden jâmer wæt.
;;;160;27;;dir was doch wol sô rôt dîn hâr,
;;;160;28;;daz dîn bluot die bluomen clâr
;;;160;29;;niht rœter dorften machen.
;;;160;30;;dû swendest wîplîch lachen."
;;;161;1;;Ither, der lobes rîche,
;;;161;2;;wart bestat küneclîche.
;;;161;3;;sîn tôt mahte sûften diu wîp.
;;;161;4;;sîn harnasch verlôs im den lîp.
;;;161;5;;dâr umbe was sîn endes wer
;;;161;6;;des tumben Parcifals ger.
;;;161;7;;Sît dô er sich baz versan,
;;;161;8;;ungerne het erz dô getân.
;;;161;9;;Daz ors einer site pflac:
;;;161;10;;grôz arbeit ez ze ringe wac.
;;;161;11;;ez wære kalt oder heiz,
;;;161;12;;ez liez durch reise deheinen sweiz,
;;;161;13;;ez træte stein oder ronen.
;;;161;14;;man dorftez deheines gürtens wonen,
;;;161;15;;deheines loches nâher baz,
;;;161;16;;swer zwêne tage drûffe saz.
;;;161;17;;gewâpent reit ez der tumbe man
;;;161;18;;den tac sô verre, ez hete verlân
;;;161;19;;ein blôzer wîser, solterz hân geriten
;;;161;20;;zwêne tage, ez wære vermiten.
;;;161;21;;Ez wolte schûften oder draben,
;;;161;22;;ern kundim zügel ûf gehaben.
;;;161;23;;Hin gegen dem âbende er dô sach
;;;161;24;;eines turnes güpfel unde des dach.
;;;161;25;;den tumben dûhte sêre,
;;;161;26;;wie der turn wüehse ie mêre;
;;;161;27;;der stuont dâ vil ûf einem hûs.
;;;161;28;;dô wânder, si sâte Artus.
;;;161;29;;des jach er im vür heilecheit
;;;161;30;;unde daz sîn sælde wære breit.
;;;162;1;;alsô sprach der tumbe man:
;;;162;2;;"mîner muoter volc niht bûwen kan,
;;;162;3;;ez enwehset niht sô lanc ir sât,
;;;162;4;;swaz sir in dem walde hât.
;;;162;5;;grôz regen si selten dâ verbirt."
;;;162;6;;Gurnemanz de Greharz hiez der wirt
;;;162;7;;ûf der burc, dâ zuo er reit.
;;;162;8;;dâ vor stuont ein linde breit
;;;162;9;;ûf einem grüenen anger.
;;;162;10;;daz enwas breiter noch langer
;;;162;11;;niuwan ze rehter mâze.
;;;162;12;;daz ors unde diu strâze
;;;162;13;;in truogen, dâ er sitzen vant,
;;;162;14;;des was diu burc unde daz lant.
;;;162;15;;ein grôze müede in des twanc,
;;;162;16;;daz er den schilt unrehte swanc
;;;162;17;;ze verre hinder oder vür,
;;;162;18;;eht niender nâch der site kür,
;;;162;19;;die man dô gegen prîse maz.
;;;162;20;;Gurnemanz aleine saz.
;;;162;21;;Ouch gap der linden tolde
;;;162;22;;ir schate, alse si solde,
;;;162;23;;dem houbetman der wâren zuht.
;;;162;24;;des site was gegen valsche ein vluht.
;;;162;25;;er enpfienc den gast, daz was sîn reht.
;;;162;26;;bî im was weder rîter noch kneht.
;;;162;27;;Des antwurtim dô Parcifal
;;;162;28;;ûz tumben witzen sunder twâl:
;;;162;29;;"mich bat mîn muoter nemen rât
;;;162;30;;zuo dem, der grâwe locke hât.
;;;163;1;;dâ wil ich iu dienen nâch,
;;;163;2;;sît mir mîn muoter des verjach."
;;;163;3;;"Sît ir durch râtes schulde
;;;163;4;;her komen, iuwer hulde
;;;163;5;;müezet ir mir durch râten lân,
;;;163;6;;welt ir râtes volge hân."
;;;163;7;;Dô warf der vürste mære
;;;163;8;;einen mûzersperwære
;;;163;9;;von der hende. in die burc er swanc.
;;;163;10;;ein guldîn schelle dran erklanc.
;;;163;11;;daz was ein bote. dô kom im sân
;;;163;12;;vil junchêrren wolgetân.
;;;163;13;;er hiez den gast, den er dâ sach,
;;;163;14;;hin în vüeren unde schaffen sîn gemach.
;;;163;15;;Er sprach: "mîn muoter sagt alwâr:
;;;163;16;;altes mannes rede stêt niht ze vâr."
;;;163;17;;Hin în sin vuorten alzehant,
;;;163;18;;dâ er manegen rîter vant.
;;;163;19;;ûf dem hove an einer stat
;;;163;20;;ieslîcher in erbeizen bat.
;;;163;21;;An sîner sprâche was tumpheit schîn:
;;;163;22;;"mich hiez ein künec rîter sîn.
;;;163;23;;swaz halt drûffe mir geschiht,
;;;163;24;;ine kume von disem orse niht.
;;;163;25;;gruoz gegen iu riet diu muoter mir."
;;;163;26;;Si dankten beidiu im unde ir.
;;;163;27;;Dô diz grüezen was getân
;;;163;28;;- daz ors was müede unde ouch der man -,
;;;163;29;;maneger bete si dô gedâhten,
;;;163;30;;biz sin vom orse brâhten
;;;164;1;;in eine kemenâten.
;;;164;2;;Si begunden im alle râten:
;;;164;3;;"lât den harnasch von iu bringen
;;;164;4;;unde iuwern liden ringen."
;;;164;5;;vil schiere muoser entwâpent sîn.
;;;164;6;;dô si diu rûhen ribbalîn
;;;164;7;;ersâhen unde diu tôren kleit,
;;;164;8;;si erschrâken, unde was in leit.
;;;164;9;;vil blœde ez wart ze hove gesaget.
;;;164;10;;vor schame was nâch verzaget
;;;164;11;;ein rîter, der sprach durch sîne zuht:
;;;164;12;;"deiswâr, sô werdeclîche vruht
;;;164;13;;erkôs nie mîner ougen sehe.
;;;164;14;;an im lît der sælden spehe
;;;164;15;;mit reiner, süezen, hôhen art.
;;;164;16;;wie ist der minnen blic bewart?
;;;164;17;;mich jâmert iemer, daz ich vant
;;;164;18;;an der werlte vröude sölch gewant.
;;;164;19;;Wol doch der muoter, diu in truoc.
;;;164;20;;an im liget wunsches genuoc.
;;;164;21;;sîn zimier ist rîche,
;;;164;22;;sîn harnasch stuont rîterlîche.
;;;164;23;;Ê ich kæme von dem gehiuren,
;;;164;24;;von einer quaschiuren
;;;164;25;;bluotic amesiere
;;;164;26;;kôs ich an im schiere."
;;;164;27;;Dô sprach zuo zim ein rîter sân:
;;;164;28;;"ez ist lîhte durch wîbes gebôt getân."
;;;164;29;;"Nein, hêrre, er ist mit solhen siten,
;;;164;30;;ern kunde niemer wîp gebiten,
;;;165;1;;daz si sîn dienst næme.
;;;165;2;;sîn varwe der minnen zæme."
;;;165;3;;Dô sprach der wirt: "nû sule wir sehen,
;;;165;4;;an des wæte ein wunder ist geschehen."
;;;165;5;;si giengen, dâ si vunden
;;;165;6;;Parcifal, den wunden
;;;165;7;;von einem sper, daz bleip doch ganz.
;;;165;8;;sich underwant sîn Gurnemanz.
;;;165;9;;Solch was sîn underwinden,
;;;165;10;;daz ein vater sînen kinden,
;;;165;11;;der sich triuwen kunde nieten,
;;;165;12;;niht baz möhte erbieten.
;;;165;13;;Sîne wunden wuosch unde bant
;;;165;14;;der wirt mit sîn selbes hant.
;;;165;15;;nû was ouch ûf geleit daz brôt.
;;;165;16;;des was dem jungen gaste nôt,
;;;165;17;;wandin grôz hunger niht vermeit.
;;;165;18;;alvastender des morgens reit
;;;165;19;;vonme vischære.
;;;165;20;;sîn wunde unde der harnasch swære,
;;;165;21;;dier vor Nantes bejagete,
;;;165;22;;im müede unde hunger sagete,
;;;165;23;;diu verre tagereise
;;;165;24;;von Artuse dem Brituneise,
;;;165;25;;dâ man in allenthalben vasten liez.
;;;165;26;;der wirt in mit im ezzen hiez.
;;;165;27;;Dô er sich dâ gelabete,
;;;165;28;;in den barn er sich dô habete,
;;;165;29;;dâ er der spîse swante vil.
;;;165;30;;daz nam der wirt gar zeime spil.
;;;166;1;;Dô bat in vlîzeclîche
;;;166;2;;Gurnemanz, der triuwen rîche,
;;;166;3;;daz er vaste æze
;;;166;4;;unde der müede sîn vergæze.
;;;166;5;;man huop den tisch, dô des wart zît.
;;;166;6;;"Ich wæne, daz ir müede sît",
;;;166;7;;sprach der wirt. "wârt ir ûf iht vruo?"
;;;166;8;;"Goteweiz, mîn muoter sliefe nuo.
;;;166;9;;si kan sô vil niht wachen."
;;;166;10;;der wirt begunde lachen.
;;;166;11;;er vuortin an die slâfstat,
;;;166;12;;dâ er in ûz sloufen bat.
;;;166;13;;ungernerz tet, doch muosez sîn.
;;;166;14;;ein declachen härmîn
;;;166;15;;wart geleit über sînen blôzen lîp.
;;;166;16;;sô werde vruht gebar nie wîp.
;;;166;17;;grôz müede unde slâf in lêrte,
;;;166;18;;daz er sich wênic kêrte
;;;166;19;;umbe an die anderen sîten.
;;;166;20;;sus kunder des tages bîten.
;;;166;21;;Dô gebôt der vürste mære,
;;;166;22;;daz ein bat bereit wære
;;;166;23;;rehte umbe den mitten morgens tac
;;;166;24;;zende an dem teppich, dâ er lac.
;;;166;25;;daz muose des morgens alsô sîn.
;;;166;26;;man warf im rôsen oben drîn.
;;;166;27;;swie wênic man umbe in dâ rief,
;;;166;28;;der gast erwachete, dâr dâ slief.
;;;166;29;;der junge, werde, süeze man
;;;166;30;;gie sitzen in die kuofen sân.
;;;167;1;;Ine weiz, wer si des bæte,
;;;167;2;;juncvrouwen in rîcher wæte
;;;167;3;;unde an lîbes varwe minneclîch,
;;;167;4;;die kâmen zühte site glîch.
;;;167;5;;si twuogen unde strichen schiere
;;;167;6;;von im sîn amesiere
;;;167;7;;mit blanken, linden henden.
;;;167;8;;jône dorftin niht ellenden,
;;;167;9;;der dâ witze was ein weise.
;;;167;10;;sus dolter vröude unde eise.
;;;167;11;;tumpheit er wênic dâ engalt.
;;;167;12;;ein juncvrouwe, beidiu kiusche unde balt,
;;;167;13;;in alsus condewierte,
;;;167;14;;dâ von er sich parelierte.
;;;167;15;;dâ kunder wol geswîgen zuo.
;;;167;16;;jâne dorftez in dunken niht ze vruo,
;;;167;17;;daz von in schein der ander tac.
;;;167;18;;der glast alsus in strîte lac,
;;;167;19;;sîn varwe gelaste beidiu lieht.
;;;167;20;;des was sîn lîp versûmet nieht.
;;;167;21;;Man bôt ein badelachen dar,
;;;167;22;;des nam er vil kleine war.
;;;167;23;;Sus kunder sich vor vrouwen schemen;
;;;167;24;;vor in wolterz niht umbe nemen.
;;;167;25;;Die juncvrouwen muosen gân,
;;;167;26;;die liez er lenger dâ niht stân.
;;;167;27;;Ich wæne, si gerne heten gesehen,
;;;167;28;;ob im dort unden iht wære geschehen.
;;;167;29;;wîpheit vert mit triuwen,
;;;167;30;;si kan vriundes kumber riuwen.
;;;168;1;;Der gast an daz bette schreit.
;;;168;2;;alwîz gewant was im bereit.
;;;168;4;;einen bruochgürtel zôch man drîn,
;;;168;3;;der was von golde unde sîdîn.
;;;168;5;;Scharlachens hosen rôt man streich
;;;168;6;;an in, dem nie ellen gesweich.
;;;168;7;;Âvoy, wie stuonden sîniu bein!
;;;168;8;;wol geschicket ab im schein.
;;;168;9;;brûn scharlachen wol gesniten,
;;;168;10;;dem was furrieren niht vermiten,
;;;168;11;;beidiu von harmen blanc,
;;;168;12;;roc unde mantel wâren lanc.
;;;168;13;;breit, swarz unde grâ
;;;168;14;;einen zobel dâr vor kôs man dâ.
;;;168;15;;dâ leit an der gehiure.
;;;168;16;;under einen gürtel tiure
;;;168;17;;wart er gefischieret
;;;168;18;;unde wol gezimieret
;;;168;19;;mit einem tiuren vürspan.
;;;168;20;;sîn munt dâ vor von rœte bran.
;;;168;21;;Dô kom der wirt mit triuwen kraft,
;;;168;22;;nâch dem gienc stolziu rîterschaft.
;;;168;23;;er gruozte den gast. dô daz geschach,
;;;168;24;;der rîter iegelîcher sprach,
;;;168;25;;sine gesæhen nie sô schœnen lîp.
;;;168;26;;mit triuwen lobeten si daz wîp,
;;;168;27;;diu der werlte gap alsolhe vruht.
;;;168;28;;durch wârheit unde umbe zuht
;;;168;29;;si sprâchen: "er wirt wol gewert,
;;;168;30;;swâ sîn dienst gnâden gert.
;;;169;1;;im ist minne unde gruoz bereit,
;;;169;2;;mag er geniezen werdecheit."
;;;169;3;;ir iegelîcher im des verjach
;;;169;4;;unde dar nâch, swer in ie gesach.
;;;169;5;;Der wirt in bî der hant gevienc,
;;;169;6;;geselleclîche er dannen gienc.
;;;169;7;;in vrâgete der vürste mære,
;;;169;8;;welich sîn ruowe wære
;;;169;9;;des nahtes dâ bî im gewesen.
;;;169;10;;"Hêrre, dâ wære ich niht genesen,
;;;169;11;;wan daz mîn muoter mir her riet
;;;169;12;;des tages, dô ich von ir schiet."
;;;169;13;;"got müeze lônen iu unde ir.
;;;169;14;;hêrre, ir tuot genâde an mir."
;;;169;15;;Sus gienc der helt an witzen kranc,
;;;169;16;;dâ man gote unde dem wirte sanc.
;;;169;17;;der wirt zer messe in lêrte
;;;169;18;;unde ouch sîn sælde mêrte,
;;;169;19;;opfern unde segenen sich
;;;169;20;;unde gegen dem tievel kêren gerich.
;;;169;21;;Dar nâch giengens ûf den palas,
;;;169;22;;al dâ der tisch gedecket was.
;;;169;23;;Der gast zuo sînem wirte saz,
;;;169;24;;die spîse er ungesmæhet az.
;;;169;25;;Der wirt sprach durch hövescheit:
;;;169;26;;"hêrre, iu sol niht wesen leit,
;;;169;27;;ob ich iuch vrâgete mære,
;;;169;28;;wannen iuwer reise wære."
;;;169;29;;Er seitim gar die underscheit,
;;;169;30;;wie er von sîner muoter reit,
;;;170;1;;umbe daz vingerlîn unde vürspan
;;;170;2;;unde wierz harnasch gewan.
;;;170;3;;Der wirt erkande den rîter rôt.
;;;170;4;;er sûfte unde erbarmete in sîn nôt.
;;;170;5;;den, des namen er niht erliez,
;;;170;6;;den rôten rîter er in dô hiez.
;;;170;7;;Dô man den tisch her dan genam,
;;;170;8;;dar nâch wart sîn wilder muot vil zam.
;;;170;9;;der wirt sprach zem gaste sîn:
;;;170;10;;"ir redet als ein kindelîn.
;;;170;11;;wan geswîget ir iuwerre muoter gar
;;;170;12;;unde nemet anderre mære war?
;;;170;13;;haltet iuch an mînen rât;
;;;170;14;;er scheidet iuch vor missetât.
;;;170;15;;Sus hebich an, lâtz iuch gezemen,
;;;170;16;;ir sult niemer iuch verschemen.
;;;170;17;;versmâhter lîp, waz touc der mêr?
;;;170;18;;er wont in der mûze rêr,
;;;170;19;;dâ im werdecheit entrîset
;;;170;20;;unde gegen der helle wîset.
;;;170;21;;ir traget geschicke unde schîn,
;;;170;22;;ir muget wol landes hêrre sîn.
;;;170;23;;ist hôch unde hœhet sich iuwer art,
;;;170;24;;lât iuwern willen des bewart,
;;;170;25;;iuch sol erbarmen nôtic her.
;;;170;26;;gegen des kumber sît ze wer
;;;170;27;;mit milte unde mit güete
;;;170;28;;unde vlîzet iuch diemüete.
;;;170;29;;der kumberhafte werde man
;;;170;30;;wol mit schame ringen kan
;;;171;1;;- daz ist ein unsüeze arbeit -,
;;;171;2;;dem sult ir helfe sîn bereit.
;;;171;3;;wan swenne ir dem tuot kumbers buoz,
;;;171;4;;sô nâhet iu der gotes gruoz.
;;;171;5;;im ist noch wirs danne den, die gânt
;;;171;6;;nâch brôte, dâ diu venster stânt.
;;;171;7;;Ir sult bescheidenlîche
;;;171;8;;sîn arm unde rîche,
;;;171;9;;wan swâ der hêrre gar vertuot,
;;;171;10;;daz enist niht hêrlicher muot.
;;;171;11;;samnet er aber schatz mêre,
;;;171;12;;daz sint grôz unêre.
;;;171;13;;gebt rehter mâze ir orden.
;;;171;14;;ich bin wol innen worden,
;;;171;15;;daz ir râtes dürftic sît.
;;;171;16;;nû lât der unvuoge strît.
;;;171;17;;Ir sult niht vil gevrâgen.
;;;171;18;;ouch sol iuch niht betrâgen
;;;171;19;;beidenthalp diu rede, diu gê
;;;171;20;;rehte, als jenes vrâgen stê,
;;;171;21;;swer iuwer wil mit worten spehen.
;;;171;22;;ir kunnet hœren unde sehen,
;;;171;23;;entseben unde dræhen,
;;;171;24;;daz sol iuch witze næhen.
;;;171;25;;lât die erbermede bî der vrevel sîn.
;;;171;26;;sus tuot mir râtes volge schîn:
;;;171;27;;an swem ir strîtes sicherheit
;;;171;28;;bezalt, ern habiu leit
;;;171;29;;getân, diu herzen kumber wesen,
;;;171;30;;die nemet unde lât in genesen.
;;;172;1;;Ir müezet dicke wâpen tragen.
;;;172;2;;sô ez von iu kome, daz ir getwagen
;;;172;3;;undern ougen unde an den handen sît,
;;;172;4;;daz ist nâch îsers râme zît,
;;;172;5;;sô werdet ir minneclîche var,
;;;172;6;;des nemet wîbes ougen war.
;;;172;7;;weset menlîch unde wol gemuot,
;;;172;8;;daz ist ze menlîchem prîse guot,
;;;172;10;;daz tiuwert junges mannes lîp.
;;;172;9;;unde lât iu liep wesen diu wîp.
;;;172;11;;gewenket niemer tac an in,
;;;172;12;;daz ist reht manlîcher sin.
;;;172;13;;welt ir in gerne liegen,
;;;172;14;;ir muget ir vil betriegen.
;;;172;15;;gegen werder minne valscher list
;;;172;16;;hât ze prîse kurze vrist.
;;;172;17;;daz wirt der slîchære klage,
;;;172;18;;daz dürre holz imme hage
;;;172;19;;bristet unde krachet;
;;;172;20;;der wahter erwachet.
;;;172;21;;ungeverte unde hâmît,
;;;172;22;;dâr gedîhet manec strît.
;;;172;23;;daz mezzet gegen der minne.
;;;172;24;;diu werde hât sinne,
;;;172;25;;gegen valsche listeclîche kunst.
;;;172;26;;swennir bejaget ungunst,
;;;172;27;;sô müezet ir geunêret sîn
;;;172;28;;unde iemer doln schamenden pîn.
;;;172;29;;Die lêre sult ir nâhe tragen.
;;;172;30;;ine wil niht mêr von wîbes orden sagen.
;;;173;1;;man unde wîp, die sint al ein
;;;173;2;;alsam der sunne, der hiute schein,
;;;173;3;;unde der name, der heizet tac.
;;;173;4;;der dewederz sich gescheiden mac.
;;;173;5;;die blüent ûz eime kernen gar,
;;;173;6;;des nemet künsteclîche war."
;;;173;7;;Der gast dem wirte durch vrâgen neic.
;;;173;8;;sîner muoter er gar gesweic
;;;173;9;;mit rede unde imme herzen niht,
;;;173;10;;alse noch getriuwen man geschiht.
;;;173;11;;Der wirt sprach sîn êre:
;;;173;12;;"noch sult ir lernen mêre
;;;173;13;;kunst an rîterlîchen siten.
;;;173;14;;wie kâmet ir ze mir geriten!
;;;173;15;;ich hân beschouwet manege want,
;;;173;16;;dâ ich den schilt baz hangen vant,
;;;173;17;;danner iu ze halse tæte.
;;;173;18;;ez ist uns niht ze spæte,
;;;173;19;;wir suln ze velde gâhen,
;;;173;20;;dâ sult ir künste nâhen.
;;;173;21;;Bringet im sîn ors unde mir daz mîn
;;;173;22;;unde iegelîchem rîter daz sîn.
;;;173;23;;dar suln ouch junchêrren komen,
;;;173;24;;unde daz iegelîcher habe genomen
;;;173;25;;einen schaft unde bringin dar,
;;;173;26;;der nâch der niuwe sî gevar."
;;;173;27;;Sus kom der vürste ûf den plân.
;;;173;28;;dâ wart von rîtern kunst getân.
;;;173;29;;sînem gaste er den rât gap,
;;;173;30;;wier daz ors ûz dem walap
;;;174;1;;mit sporn gruozes pîne,
;;;174;2;;nâch schenkeln vliegens schîne,
;;;174;3;;"in dem pondier sult ir wenken
;;;174;4;;unde den schaft ze rehte senken
;;;174;5;;unde gegen der tjost vür sich nemen."
;;;174;6;;er sprach: "des lât iuch gezemen."
;;;174;7;;unvuoge er im sus werte
;;;174;8;;baz danne ein swankel gerte,
;;;174;9;;diu argen kinden brichet vel.
;;;174;10;;Die hiez er komen, rîter snel,
;;;174;11;;gegen im durch tjostieren.
;;;174;12;;er begundin condewieren
;;;174;13;;einen ze gegene an den rinc.
;;;174;14;;dô brach der jungelinc
;;;174;15;;sîn êrste tjost durch den schilt,
;;;174;16;;dês von in allen wart bevilt
;;;174;17;;unde daz er hinderz ors swanc.
;;;174;18;;Ein starker rîter, niht ze kranc,
;;;174;19;;zer andern tjost was komen.
;;;174;20;;Nû hete ouch Parcifal genomen
;;;174;21;;einen starken îwînen schaft.
;;;174;22;;sîn jugent hete ellen unde kraft.
;;;174;23;;der junge süeze âne bart,
;;;174;24;;des twanc in Gahmuretes art
;;;174;25;;unde angeborniu manheit.
;;;174;26;;daz ors von rabîne er reit
;;;174;27;;mit volleclîcher hurte dar;
;;;174;28;;er nam der vier nagele war.
;;;174;29;;Des wirtes rîter niht vergaz,
;;;174;30;;al vallende er den acker maz.
;;;175;1;;dâ muosen kleiniu stückelîn
;;;175;2;;al dâ von trunzûnen sîn.
;;;175;3;;Al dâ stach er ir vünfe nider.
;;;175;4;;der wirt in nam unde vuortin wider.
;;;175;5;;seht, dâ behielt er schimpfens prîs
;;;175;6;;unde wart ouch sît an strîte wîs.
;;;175;7;;Die sîn rîten dâ sâhen,
;;;175;8;;die wîsen im des jâhen,
;;;175;9;;dâ wære kunst unde ellen bî.
;;;175;10;;"Nû wirt mîn hêrre jâmers vrî.
;;;175;11;;sich mac wol jungen nû sîn leben.
;;;175;12;;er sol im ze wîbe geben
;;;175;13;;sîne tohter, unser vrouwen.
;;;175;14;;obe wirn bî witzen schouwen,
;;;175;15;;sô erleschet im sînes jâmers nôt.
;;;175;16;;vür sîner drîer sune tôt
;;;175;17;;ist im ein gelt ze hûse geriten.
;;;175;18;;nû enhât in sælde niht vermiten."
;;;175;19;;Sus kom der vürste wider în.
;;;175;20;;der tisch gedecket muose sîn.
;;;175;21;;Der wirt ze tische hiez komen
;;;175;22;;sîne tohter, sus hân ich vernomen.
;;;175;23;;dô er die maget komen sach,
;;;175;24;;nû hœret, wie der wirt sprach
;;;175;25;;zuo der schœnen Lyazen:
;;;175;26;;"nû solt dû küssen lâzen
;;;175;27;;disen rîter dich unde biut im êre.
;;;175;28;;er vert mit sælde lêre.
;;;175;29;;ouch sol an iuch gedinget sîn,
;;;175;30;;daz ir der megede ir vingerlîn
;;;176;1;;lâzet, ob siz möhte hân.
;;;176;2;;nûne hât sis niht noch vürspan.
;;;176;3;;wer gæbir solhen volleist
;;;176;4;;sam der vrouwen in dem fôreist?
;;;176;5;;diu  etswen, von dem sis enpfienc,
;;;176;6;;daz iu zenpfâhenne sît ergienc.
;;;176;7;;ir muget Lyazen niht genemen."
;;;176;8;;Der gast begunde sich dô schemen.
;;;176;9;;iedoch kuster si an den munt;
;;;176;10;;dem was wol viures varwe kunt.
;;;176;11;;Lyazen lîp was minneclîch,
;;;176;12;;dâ bî der wâren kiusche rîch.
;;;176;13;;Der tisch was nidere, niht ze lanc.
;;;176;14;;der wirt mit niemen sich dâ dranc;
;;;176;15;;er saz aleine an den ort.
;;;176;16;;sînen gast liez er sitzen dort
;;;176;17;;zwischen im unde sînem kinde.
;;;176;18;;ir blanken hende linde
;;;176;19;;muosen snîden, sô der wirt gebôt
;;;176;20;;dem, den man dâ hiez der rîter rôt,
;;;176;21;;Al daz er ezzen wolte.
;;;176;22;;nieman sis wenden solte,
;;;176;23;;si gebârten heimlîche.
;;;176;24;;diu maget zühte rîche
;;;176;25;;leiste ir vater willen gar.
;;;176;26;;si unde ir gast wâren wolgevar.
;;;176;27;;dar nâch schiere gie diu maget wider.
;;;176;28;;alsus pflac man des heldes sider
;;;176;29;;unz an den vierzehenden tac.
;;;176;30;;bî sînem herzen kumber lac
;;;177;1;;anders niht wan umbe daz:
;;;177;2;;er wolte erstrîchen baz,
;;;177;3;;ê daz er dâr an würde warm,
;;;177;4;;daz man dâ heizet vrouwen arm.
;;;177;5;;in dûhte, wert gedinge,
;;;177;6;;ez wære ein hôhiu linge
;;;177;7;;ze disem lîbe hie unde dort.
;;;177;8;;daz sint noch ungelogeniu wort.
;;;177;9;;Eines morgens urloup er bat.
;;;177;10;;dô rûmder Greharz, die stat.
;;;177;11;;der wirt mit im ze velde reit.
;;;177;12;;hie huop sich niuwez herzeleit.
;;;177;13;;Dô sprach der wirt ûz triuwen erkorn:
;;;177;14;;"ir sît mîn vierder sun verlorn.
;;;177;15;;ich wânde, daz ich ergetzet wære
;;;177;16;;drîer jæmerlîcher mære.
;;;177;17;;der enwâren dannoch niuwan driu.
;;;177;18;;der nû mîn herze in vieriu
;;;177;19;;mit sîner hende slüege
;;;177;20;;unde iegelîch stücke trüege,
;;;177;21;;daz diuhte mich ein grôz gewin:
;;;177;22;;einez vür iuch - ir rîtet hin -,
;;;177;23;;diu driu vür mîniu werden kint,
;;;177;24;;diu ellenthaft erstorben sint.
;;;177;25;;sus lônet iedoch diu rîterschaft:
;;;177;26;;ir zagel, der ist mit jâmers kraft.
;;;177;27;;ein tôt mich lemet an vröuden gar,
;;;177;28;;mînes sunes, der wol gevar,
;;;177;29;;der was geheizen Schentaflurs.
;;;177;30;;dô Condewiramurs 
;;;178;1;;lîp unde lant niht wolte geben,
;;;178;2;;in ir helfe verlôs er sîn leben
;;;178;3;;von Clamide unde von Kingrun.
;;;178;4;;des ist dürkel als ein zûn
;;;178;5;;mîn herze von jâmere versniten.
;;;178;6;;nû sît ir alze vruo geriten
;;;178;7;;von mir trôstelôsen man
;;;178;8;;- owê, daz ich niht sterben kan! -,
;;;178;9;;sît Lyaze, diu schœne maget,
;;;178;10;;unde ouch mîn lant iu niht behaget.
;;;178;11;;Mîn ander sun hiez Kynsot.
;;;178;12;;den sluoc mir Yders filli Not
;;;178;13;;umbe den sperwære.
;;;178;14;;des bin ich vröuden lære.
;;;178;15;;Mîn driter sun hiez Kurungri.
;;;178;16;;dem reit Mehodi bî
;;;178;17;;mit ir schœnen lîbe,
;;;178;18;;wan si gap im ze wîbe
;;;178;19;;ir stolzer bruoder Ehkunat.
;;;178;20;;gegen Brandigan, der houbetstat,
;;;178;21;;kom er nâch Deschoydelakurt geriten.
;;;178;22;;des wart sîn sterben niht vermiten:
;;;178;23;;dâ sluoc in Mobonagrin.
;;;178;24;;des verlôs Mehodi ir liehten schîn
;;;178;25;;unde lac mîn wîp, sîn muoter, tôt.
;;;178;26;;grôz jâmer irz nâch im gebôt."
;;;178;27;;Der gast nam des wirtes jâmer war,
;;;178;28;;wanderz im underschiet sô gar.
;;;178;29;;dô sprach er: "hêrre, ine bin niht wîs.
;;;178;30;;sol ich aber rîters prîs
;;;179;1;;iemer gewinnen, sô daz ich mac minnen gern,
;;;179;2;;ir sult mich Lyazen wern,
;;;179;3;;iuwerre tohter, der schœnen magt.
;;;179;4;;ir hât mir alze vil geklagt.
;;;179;5;;mag ich danne jâmer entsagen,
;;;179;6;;des enlâze ich iuch sô vil niht tragen."
;;;179;7;;urloup nam der junge man
;;;179;8;;ze dem getriuwen vürsten sân
;;;179;9;;unde zalder massenîe.
;;;179;10;;des vürsten jâmers drîe
;;;179;11;;was riuwic unzem quater komen,
;;;179;12;;die vierde vlust heter genomen.
;;;179;13;;Von Greharz schiet sus Parcifal.
;;;179;14;;rîters site unde rîters mâl
;;;179;15;;sîn lîp mit zühten vuorte.
;;;179;16;;ouwî, wan daz in ruorte
;;;179;17;;manec unsüeze strenge!
;;;179;18;;im was diu wîte zenge
;;;179;19;;unde ouch diu breite gar ze smal.
;;;179;20;;alle grüene in dûhte val.
;;;179;21;;sîn rôt harnasch in dûhte blanc.
;;;179;22;;sîn herze diu ougen des betwanc.
;;;179;23;;sît er tumpheite âne wart,
;;;179;24;;sône woltin Gahmuretes art
;;;179;25;;denkens niht erlâzen
;;;179;26;;nâch der werden Lyazen,
;;;179;27;;der megde sældenrîche,
;;;179;28;;diu im geselleclîche
;;;179;29;;sunder minne bôt unde êre.
;;;179;30;;war sîn ors nû kêre,
;;;180;1;;ern mags vor jâmer niht enthaben,
;;;180;2;;ez welle springen oder traben.
;;;180;3;;Kriuze unde der stûden stric,
;;;180;4;;dar zuo der wagenleisen bic,
;;;180;5;;sîne waltstrâzen er meit.
;;;180;6;;vil ungevertes er dô reit,
;;;180;7;;dâ lützel wegerîches stuont.
;;;180;8;;tal unde berc wâren im unkunt.
;;;180;9;;Genuoge hânt des einen site
;;;180;10;;unde jehent des: swer irre rite,
;;;180;11;;daz er den slegel vünde.
;;;180;12;;slegels urkünde
;;;180;13;;lac dâ âne mâze vil,
;;;180;14;;suln grôze ronen heizen slegels zil.
;;;180;15;;Dô reit er wênic irre.
;;;180;16;;die slihte nâch der virre
;;;180;17;;kôs er des tages von Greharz
;;;180;18;;in daz künecrîche ze Brebarz
;;;180;19;;durch wilde gebirge hôch.
;;;180;20;;der tac sich gegen dem âbende zôch.
;;;180;21;;Dô kom er an ein wazzer snel.
;;;180;22;;daz was von sînem guzze hel.
;;;180;23;;daz gâben die velse einander.
;;;180;24;;daz reit er nider. dô vander
;;;180;25;;die stat ze Peilrapere.
;;;180;26;;der künec Tampuntere
;;;180;27;;hete si geerbet ûf sîn kint,
;;;180;28;;bî der vil liute in kumber sint.
;;;180;29;;daz wazzer vuor nâch bolze siten,
;;;180;30;;die wol gevidert unde gesniten
;;;181;1;;sint, sô si armbrustes span
;;;181;2;;mit senwe swanke trîbet dan.
;;;181;3;;dâr über gienc ein brückenslac,
;;;181;4;;dâ manec hurt ûffe lac.
;;;181;5;;daz vlôz aldâ rehte in daz mer.
;;;181;6;;Peilrapere stuont wol ze wer.
;;;181;7;;seht, wie kint ûf schocken varn,
;;;181;8;;die man schockens niht wil sparn:
;;;181;9;;sus vuor diu brücke âne seil.
;;;181;10;;diu was vor jugende niht sô geil.
;;;181;11;;Dort anderhalben stuonden
;;;181;12;;mit helmen ûf gebunden
;;;181;13;;wol sehzic rîter oder mêr.
;;;181;14;;si riefen alle: "kêrâ kêr!"
;;;181;15;;mit ûf geworfen swerten
;;;181;16;;die kranken strîtes gerten.
;;;181;17;;durch daz si dicke sâhen ê,
;;;181;18;;si wânden, ez wære Clamide,
;;;181;19;;wander sô küneclîche reit
;;;181;20;;gegen der brücke ûf dem velde breit.
;;;181;21;;Dô si disen jungen man
;;;181;22;;alsus mit schalle riefen an,
;;;181;23;;swie vil erz ors mit sporn versneit,
;;;181;24;;durch vorhte ez doch die brücke meit.
;;;181;25;;den rehtiu zageheit ie vlôch,
;;;181;26;;der erbeizete nider unde zôch
;;;181;27;;sîn ors über der brücken swanc.
;;;181;28;;eines zagen muot wære al ze kranc,
;;;181;29;;solter gegen solhem strîte varn.
;;;181;30;;dar zuo muose er ein dinc bewarn,
;;;182;1;;wander vorhte des orses val.
;;;182;2;;Nû erlasch ouch anderhalp der schal.
;;;182;3;;die rîter truogen wider în
;;;182;4;;helme, schilte, swerte schîn
;;;182;5;;unde sluzzen zuo ir porten.
;;;182;6;;grœzer her si vorhten.
;;;182;7;;Sus zôch hin über Parcifal
;;;182;8;;unde kom geriten an einen wal,
;;;182;9;;dâ maneger sînen tôt kôs,
;;;182;10;;der durch rîters prîs den lîp verlôs
;;;182;11;;vor der porte gegen dem palas,
;;;182;12;;der hôch unde wol gehêret was.
;;;182;13;;einen rinc er an der porten vant.
;;;182;14;;er rief unde ruortin mit der hant.
;;;182;15;;Sînes ruofens nam dâ niemen war,
;;;182;16;;wan ein juncvrouwe wol gevar.
;;;182;17;;ûz einem venster sach diu maget
;;;182;18;;den helt halten unverzaget.
;;;182;19;;Diu schœne zühte rîche
;;;182;20;;sprach: "sît ir vîentlîche
;;;182;21;;her komen? dêst âne nôt.
;;;182;22;;âne iuch man uns vil hazzes bôt
;;;182;23;;Vonme lande unde ûf dem mer,
;;;182;24;;zornic unde ellenthaftez her."
;;;182;25;;Dô sprach er: "vrouwe, hie haltet ein man,
;;;182;26;;der iu dienet, ob er kan.
;;;182;27;;iuwer gruoz sol sîn sîn solt.
;;;182;28;;er ist iu dienstlîchen holt."
;;;182;29;;Dô gie diu maget mit sinne
;;;182;30;;vür die küneginne
;;;183;1;;unde half im, daz er kom dâr în,
;;;183;2;;daz in sît wante hôhen pîn.
;;;183;3;;Sus wart er în verlâzen.
;;;183;4;;ietwederhalp der strâzen
;;;183;5;;stuont von bovele grôziu schar.
;;;183;6;;die werlîche kômen dar,
;;;183;7;;slingære, patelirre,
;;;183;8;;der was ein langiu virre
;;;183;9;;unde arger schützen harte vil.
;;;183;10;;er kôs ouch an dem selben zil
;;;183;11;;vil küener sarjande,
;;;183;12;;die besten vonme lande,
;;;183;13;;mit starken stangen, lanzen,
;;;183;14;;scharpfen unde ganzen.
;;;183;15;;alsich daz mære vernomen hân,
;;;183;16;;dâ stuont ouch manec koufman
;;;183;17;;mit hâtschen unde mit gabelôt,
;;;183;18;;alsin ir meisterschaft gebôt.
;;;183;19;;si truogen alle slachen balc.
;;;183;20;;Der küneginne marschalc
;;;183;21;;muosen durch si leiten
;;;183;22;;ûf den hof mit arebeiten.
;;;183;23;;der was gegen wer berâten:
;;;183;24;;turne obe den kemenâten,
;;;183;25;;wîchûs, perfrit, ärkêr,
;;;183;26;;der stuont dâ sicherlîchen mêr,
;;;183;27;;danner dâ vor gesæhe ie.
;;;183;28;;Dô kômen allenthalben hie
;;;183;29;;rîtere, die in enpfiengen,
;;;183;30;;die riten unde giengen.
;;;184;1;;Dâ was diu jâmerlîchiu schar
;;;184;2;;alliu nâch eschen var
;;;184;3;;oder als ein valwer lein.
;;;184;4;;Mîn hêrre, der grâve von Werthein,
;;;184;5;;wære ungerne soldier dâ gewesen.
;;;184;6;;er möhte des soldes niht sîn genesen.
;;;184;7;;der zadel vuogt in hungers nôt.
;;;184;8;;sine heten kæse, vleisch noch brôt.
;;;184;9;;si liezen ir zene stürmen sîn.
;;;184;10;;si smalzten ouch dekeinen wîn
;;;184;11;;mit ir munde, sô si trunken.
;;;184;12;;die wamben in nider sunken,
;;;184;13;;ir hüffe hôch unde mager,
;;;184;14;;rumpfen als ein ungersch zager
;;;184;15;;was in diu hût hin zuo den riben.
;;;184;16;;in hete der hunger daz vleisch vertriben.
;;;184;17;;den muosen si durch zadel doln.
;;;184;18;;in trouf wênic in die koln.
;;;184;19;;des twanc si ein werder man,
;;;184;20;;der stolze künec von Brandigan.
;;;184;21;;si arneten Clamides bete.
;;;184;22;;sich vergôz dâ selten mit dem mete
;;;184;23;;der zuber oder diu kanne.
;;;184;24;;ein ellenwîtiu pfanne
;;;184;25;;mit krapfen selten dâ erschrei.
;;;184;26;;in was der selbe dôn enzwei.
;;;184;27;;Solt ich nû daz wîzen in,
;;;184;28;;sô heit ich harte kranken sin.
;;;184;29;;wan dâ ich dicke bin erbeizet
;;;184;30;;unde man mich wirt heizet,
;;;185;1;;dâ heime in mîn selbes hûs,
;;;185;2;;dâ wirt gevröut vil selten mûs,
;;;185;3;;wan si müese ir spîse steln.
;;;185;4;;dien dorfte niemen vor mir heln.
;;;185;5;;ine vindir offenlîche niht.
;;;185;6;;alze dicke daz geschiht
;;;185;7;;mir, Wolframe von Eschebach,
;;;185;8;;daz ich dulte solich gemach.
;;;185;9;;Mîner klage ist vil vernomen.
;;;185;10;;nû lât daz mære wider komen,
;;;185;11;;wie Peilrapere stuont jâmers vol.
;;;185;12;;dâ gap diu diet vröuden zol.
;;;185;13;;die helde triuwen rîche
;;;185;14;;lebeten kumberlîche.
;;;185;15;;ir wâre manheit daz gebôt.
;;;185;16;;nû solte erbarmen iuch die nôt.
;;;185;17;;ir lîp muoz sîn benennet pfant,
;;;185;18;;sine lœse drûz diu hœheste hant.
;;;185;19;;Nû hœret mê von den armen.
;;;185;20;;si solten iuch erbarmen.
;;;185;21;;si enpfiengen schemelîche
;;;185;22;;den gast ellens rîche.
;;;185;23;;der dûhte si anders wol sô wert,
;;;185;24;;daz er niht dorfte hân gegert
;;;185;25;;ir herberge, alsez in stuont.
;;;185;26;;ir grôze nôt was im unkunt.
;;;185;27;;Man leite ein teppich ûf daz gras,
;;;185;28;;dâ vermûret unde geleitet was
;;;185;29;;durch schate ein linde.
;;;185;30;;dâ entwâpentin daz gesinde.
;;;186;1;;er was in ungelîche var.
;;;186;2;;dô er den râm von im gar
;;;186;3;;getwuoc mit einem brunnen,
;;;186;4;;dô het er der sunnen
;;;186;5;;verkrenket nâch ir liehten glast.
;;;186;6;;des dûhter si ein werder gast.
;;;186;7;;man brâhtim einen mantel sân,
;;;186;8;;glîch alsam der roc getân,
;;;186;9;;der ê des obe dem hemede lac.
;;;186;10;;der zobel gap wilden niuwen smac.
;;;186;11;;Die rîter sprâchen: "welt ir schouwen
;;;186;12;;die küneginne, unser vrouwen?"
;;;186;13;;Dô sprach der helt stæte,
;;;186;14;;daz er daz gerne tæte.
;;;186;15;;Si giengen gegen dem palas,
;;;186;16;;der hôch hin ûf gegrêtet was.
;;;186;17;;ein minneclîch antlitzes schîn,
;;;186;18;;dar zuo der ougen süeze sîn,
;;;186;19;;von der küneginne gienc
;;;186;20;;ein glast, dô sin enpfienc.
;;;186;21;;Von Katelange Kyot
;;;186;22;;unde sîn bruoder Manfilot
;;;186;23;;- die wâren zwêne herzogen,
;;;186;23;1;an werder vuore niht betrogen -,
;;;186;23;2;die kômen rehte, ich sagiu wie:
;;;186;24;;ir bruoder kint si brâhten hie,
;;;186;25;;des landes küneginne.
;;;186;26;;durch die gotes minne
;;;186;27;;hetens ûf gegeben ir swert.
;;;186;28;;dô giengen die vürsten wert,
;;;186;29;;grâ unde wol gevar.
;;;186;30;;mit grôzer zuht si brâhten dar
;;;187;1;;ir vrouwen enmitten an die stegen.
;;;187;2;;dâ kuste si den werden degen.
;;;187;3;;Die münde wâren beide rôt.
;;;187;4;;diu künegîn ir hant im bôt.
;;;187;5;;Parcifaln si vuorte wider,
;;;187;6;;aldâ si beidiu sâzen nider.
;;;187;7;;vrouwen unde rîterschaft
;;;187;8;;heten alle swache kraft,
;;;187;9;;die dâ stuonden unde sâzen.
;;;187;10;;die heten vröude gelâzen,
;;;187;11;;daz gesinde unde diu wirtîn.
;;;187;12;;Cundewiramurs ir schîn
;;;187;13;;doch schiet von disen strîten:
;;;187;14;;Jeschuten unde Eniten
;;;187;15;;unde Cunnewaren de Lalant
;;;187;16;;oder swâ man lobes die besten vant,
;;;187;17;;oder swâ man schœner vrouwen gewuoc,
;;;187;18;;ir glastes schîn vaste widersluoc,
;;;187;19;;unde beider Ysalden.
;;;187;20;;jâ muose prîses walden
;;;187;21;;Cundewiramurs.
;;;187;22;;diu truoc den rehten bêâcurs.
;;;187;23;;der name ist tiuschen 'schœner lîp'.
;;;187;24;;ez wâren wol nütziu wîp,
;;;187;25;;diu disiu zwei gebâren,
;;;187;26;;diu dâ bî ein ander wâren.
;;;187;27;;Dô schuof wîp unde man
;;;187;28;;niht mê, wan daz si sâhen an
;;;187;29;;disiu zwei bî ein ander.
;;;187;30;;guote vriunt dâ vander.
;;;188;1;;Der gast gedâhte, ich sagiu wie:
;;;188;2;;"Lyaze ist dort, Lyaze ist hie.
;;;188;3;;got wil mich sorgen mâzen.
;;;188;4;;nû sihich Lyazen,
;;;188;5;;des werden Gurnemanzes kint."
;;;188;6;;Lyazen schœne was ein wint
;;;188;7;;gegen der megede, diu dâ saz,
;;;188;8;;an der got wunsches niht vergaz:
;;;188;9;;dô was des landes vrouwe,
;;;188;10;;sam von dem touwe
;;;188;11;;diu rôse ûz ir bälgelîn
;;;188;12;;enblecket niuwen werden schîn,
;;;188;13;;der beidiu wîz ist unde rôt.
;;;188;14;;dô vuogte ir gaste grôze nôt.
;;;188;15;;sîn manlîch zuht was wol sô ganz,
;;;188;16;;sît in der werde Gurnemanz
;;;188;17;;von sîner tumpheit gar geschiet
;;;188;18;;unde im vrâgen widerriet,
;;;188;19;;ez enwære bescheidenlîche.
;;;188;20;;bî der küneginne rîche
;;;188;21;;saz sîn munt gar âne wort,
;;;188;22;;nâhe aldâ, niht verre dort.
;;;188;23;;Maneger kan noch rede sparn,
;;;188;24;;der mê ze vrouwen ist gevarn.
;;;188;25;;Diu künegîn gedâhte sân:
;;;188;26;;"ich wæne, mich smæhet dirre man,
;;;188;27;;durch daz mîn lîp vertwâlet ist.
;;;188;28;;Nein, er tuot ez durch einen list.
;;;188;29;;er ist gast, ich bin wirtîn.
;;;188;30;;diu êrste rede sol wesen mîn.
;;;189;1;;dâr nâch er guotlîche an mich sach,
;;;189;2;;sît im ze sitzenne geschach.
;;;189;3;;er hât sich zuht gegen mir enbart.
;;;189;4;;mîn rede ist alze vil gespart.
;;;189;5;;hie sol niht mê geswigen sîn."
;;;189;6;;zir gaste sprach diu künegîn:
;;;189;7;;"hêrre, ein wirtîn reden muoz.
;;;189;8;;ein kus erwarp mir iuwern gruoz.
;;;189;9;;ir enbutet ouch dienst dâ her în.
;;;189;10;;daz sagete ein juncvrouwe mîn.
;;;189;11;;ouch hânts uns geste niht gewent.
;;;189;12;;des hât mîn herze sich gesent.
;;;189;13;;Hêrre, ich vrâgiuch mære,
;;;189;14;;wannen iuwer reise wære."
;;;189;15;;"Vrouwe, ich reit bî disem tage
;;;189;16;;von einem man, der mich in klage
;;;189;17;;liez mit triuwen âne schranz.
;;;189;18;;der vürste hiez Gurnemanz
;;;189;19;;unde ist von Greharz genant.
;;;189;20;;von dem ich reit hiute in diz lant."
;;;189;21;;Dô sprach diu minneclîchiu maget:
;;;189;22;;"hete ieman anders mirz gesaget,
;;;189;23;;der volge würd im niht verjehen,
;;;189;24;;daz eines tages wære geschehen;
;;;189;25;;wan swelch mîn bote ie baldeste reit,
;;;189;26;;die reise er zwêne tage meit.
;;;189;27;;sîn swester was diu muoter mîn.
;;;189;28;;iuwers wirtes tohter schîn
;;;189;29;;sich ouch von jâmere senen mac.
;;;189;30;;wir hân vil manegen sûren tac
;;;190;1;;mit weinenden ougen geklaget,
;;;190;2;;ich unde Lyaze, diu maget.
;;;190;3;;sît ir iuwerm wirte holt,
;;;190;4;;sô nemet ez hînt, alse wirs gedolt
;;;190;5;;hie lange hân, wîp unde man.
;;;190;6;;ir eine dienet im dâr an.
;;;190;7;;ich muoz iu mînen kumber klagen.
;;;190;8;;wir müezen strengen zadel tragen."
;;;190;9;;Dô sprach ir veter Kyot:
;;;190;10;;"vrouwe, ich sendiu zwelf brôt,
;;;190;11;;schultern unde hammen drî.
;;;190;12;;dâ ligent ahte kæse bî
;;;190;13;;unde zwei barel mit wîne.
;;;190;14;;iuch sol der bruoder mîne
;;;190;15;;stiuren hînt, des ist iu nôt."
;;;190;16;;Dô sprach Manfilot:
;;;190;17;;"vrouwe, ich sendiu alse vil."
;;;190;18;;dô saz diu vrouwe an vröuden zil.
;;;190;19;;ir grôzer danc wart niht vermiten.
;;;190;20;;si nâmen urloup unde riten
;;;190;21;;dâ bî ze weidehûsen
;;;190;22;;zer wilden albe klûsen.
;;;190;23;;die alten sâzen âne wer
;;;190;24;;unde heten vride vonme her.
;;;190;25;;Die boten wider komen gedrabet.
;;;190;26;;des wart diu kranke diet erlabet.
;;;190;27;;dô was der burgære nar
;;;190;28;;gedigen an die spîse gar.
;;;190;29;;ir was vil maneger hungers tôt,
;;;190;30;;ê daz in kæme dar daz brôt.
;;;191;1;;Teilen hiez diu künegîn
;;;191;2;;die kæse, daz vleisch, daz brôt, den wîn
;;;191;3;;dirre kreftelôsen diet.
;;;191;4;;Parcifal, ir gast, daz riet.
;;;191;5;;ez bleip in zwein vil kûme ein snite.
;;;191;6;;die teiltens âne bâgens site.
;;;191;7;;Diu wirtschaft, diu was ouch verzert,
;;;191;8;;dâ mite maneges tôt erwert,
;;;191;9;;den der hunger leben liez.
;;;191;10;;dem gaste man dô betten hiez
;;;191;11;;sanfte, des ich wænen wil.
;;;191;12;;wæren die burgære vederspil,
;;;191;13;;si wæren überkrüpfet niht,
;;;191;14;;des noch ir tischgerihte giht.
;;;191;15;;si truogen alle hungermâl,
;;;191;16;;niuwan der junge Parcifal.
;;;191;17;;der nam slâfens urloup.
;;;191;18;;ob sîne kerzen wæren schoup?
;;;191;19;;nein, si wâren bezzer gar.
;;;191;20;;dô gie der junge, wol gevar
;;;191;21;;an ein bette rîche,
;;;191;22;;gezieret küneclîche,
;;;191;23;;niht nâch armüete kür.
;;;191;24;;dâ wart geleit ein teppich vür.
;;;191;25;;Die rîter muosen wider gân.
;;;191;26;;diene liez er dâ niht lenger stân.
;;;191;27;;kint im entschuohten. sân er slief,
;;;191;28;;unz im der wâre jâmer rief.
;;;191;29;;ein liehter ougen herzen regen,
;;;191;30;;er wachte schiere den werden degen.
;;;192;1;;daz kom, als ich iu sagen wil.
;;;192;2;;ez enbrach niht wîplîchiu zil.
;;;192;3;;mit stæte kiusche truoc diu maget,
;;;192;4;;von der ein teil iu wirt gesaget.
;;;192;5;;si twanc urliuges nôt
;;;192;6;;unde lieber helfære tôt
;;;192;7;;ir herze an solhez krachen,
;;;192;8;;daz ir ougen muosen wachen.
;;;192;9;;Dô gie diu küneginne
;;;192;10;;niht nâch solher minne,
;;;192;11;;diu disen namen reizet,
;;;192;12;;daz maget wîp heizet.
;;;192;13;;si suochte helfe unde rât.
;;;192;14;;an ir was werlîchiu wât,
;;;192;15;;ein hemede wîz sîdîn.
;;;192;16;;waz möhte kampflîcher sîn
;;;192;17;;danne gegen dem man sus komende ein wîp?
;;;192;18;;dô swanc diu maget umbe ir lîp
;;;192;19;;von samîde einen mantel lanc
;;;192;20;;unde gie, alse si der kumber twanc.
;;;192;21;;Juncvrouwen unde kamerære,
;;;192;22;;swaz der bî ir wære,
;;;192;23;;die lie si slâfen überal.
;;;192;24;;dô sleich si lîse âne allen schal
;;;192;25;;in eine kemenâten.
;;;192;26;;ez schuofen, diez dâ tâten,
;;;192;27;;daz Parcifal aleine lac.
;;;192;28;;kerzen lieht sô der tac
;;;192;29;;was bî sîner slâfstat.
;;;192;30;;gegen sînem bette gienc ir pfat.
;;;193;1;;ûffen teppich kniete si vür in.
;;;193;2;;si heten beidiu kranken sin,
;;;193;3;;er unde diu küneginne.
;;;193;4;;an bî ligender minne
;;;193;5;;wart alsus geworben:
;;;193;6;;an vröuden verdorben
;;;193;7;;was diu maget. des twanc si scheme.
;;;193;8;;ob er si hin an sich iht neme?
;;;193;9;;Nein, des enkan er niht!
;;;193;10;;âne kunst ez doch geschiht
;;;193;11;;mit eime sô gewanden vride,
;;;193;12;;daz si diu süenebæren lide
;;;193;13;;niender zesamene brâhten.
;;;193;14;;wênec si des gedâhten.
;;;193;15;;Der megde jâmer was sô grôz,
;;;193;16;;daz vil zehere von ir ougen vlôz
;;;193;17;;ûf den jungen Parcifal.
;;;193;18;;der erhôrte ir weinens schal,
;;;193;19;;daz er si wachende ane sach.
;;;193;20;;leit unde liep im dran geschach.
;;;193;21;;ûf rihte sich der junge man.
;;;193;22;;zer küneginne sprach er sân:
;;;193;23;;"vrouwe, bin ich iuwer spot?
;;;193;24;;ir soltet knien sus vür got.
;;;193;25;;geruochet sitzen zuo mir her",
;;;193;26;;daz was sîn bete unde ouch sîn ger,
;;;193;27;;"oder leget iuch hie, dâ ich lac.
;;;193;28;;lât mich blîben, swâ ich mac."
;;;193;29;;Si sprach: "welt ir iuch êren,
;;;193;30;;solhe mâze gegen iu kêren,
;;;194;1;;daz ir mit mir ringet niht,
;;;194;2;;mîn ligen dâ bî iu geschiht."
;;;194;3;;des wart ein vride von in getân.
;;;194;4;;si smouc sich an daz bette sân.
;;;194;5;;ez was dannoch sô spâte,
;;;194;6;;daz niender hane krâte.
;;;194;7;;die hanboume stuonden blôz,
;;;194;8;;der zadel von hüenren was sô grôz.
;;;194;9;;Diu künegîn jâmers rîche
;;;194;10;;vrâgetin zühteclîche,
;;;194;11;;ob er hœren wolte ir klage.
;;;194;12;;si sprach: "ich vorhte, ob ichz iu sage,
;;;194;13;;ez wendiu slâf, daz tuot mir wê.
;;;194;14;;Mir het der künec Clamide
;;;194;15;;unde Kyngrun mit sîner hant
;;;194;16;;verwüestet bürge unde lant
;;;194;17;;unz an Peilrapere.
;;;194;18;;mîn vater Tampuntere
;;;194;19;;lie mich armen weisen
;;;194;20;;in vorhtlîchen vreisen.
;;;194;21;;mage unde vürsten, mîne man,
;;;194;22;;rîche unde arme, undertân
;;;194;23;;was im ellenthaftez her.
;;;194;24;;die sint erstorben an der wer
;;;194;25;;halbe oder daz mêre teil.
;;;194;26;;wes mohtich arme wesen geil?
;;;194;27;;Nû ist ez komen mir an ein zil,
;;;194;28;;daz ich mich selben tœten wil,
;;;194;29;;ê daz ich magetuom unde lîp
;;;194;30;;gebe unde Clamides wîp
;;;195;1;;werde, wan des hant mir sluoc
;;;195;2;;Schentafluren, des herze ie truoc
;;;195;3;;manegen rîterlîchen prîs.
;;;195;4;;er mannes schœne ein blüende rîs,
;;;195;5;;er kunde valscheit mâzen,
;;;195;6;;der bruoder Lyazen."
;;;195;7;;Dô Lyaze wart genant,
;;;195;8;;nâch ir vil kumbers wart gemant
;;;195;9;;der dienstbærnde Parcifal.
;;;195;10;;sîn hôher muot kom in ein tal.
;;;195;11;;daz riet Lyazen minne.
;;;195;12;;er sprach zer küneginne:
;;;195;13;;"vrouwe, hilfet iuch iemannes trôst?"
;;;195;14;;"Jâ, hêrre, ob ich wirde erlôst
;;;195;15;;von Kyngrune, dem seneschalt.
;;;195;16;;ze rehter tjost heter gevalt
;;;195;17;;mir vil manegen rîter nider
;;;195;18;;unde kumt morgen dâ her wider
;;;195;19;;unde wænet, daz der hêrre sîn
;;;195;20;;sule ligen an dem arme mîn.
;;;195;21;;Ir sâhet wol mîn palas,
;;;195;22;;der niender sô gehœhet was,
;;;195;23;;dâ von viel ich ê in den graben,
;;;195;24;;ê Clamide solte haben
;;;195;25;;mit gewalt mînen magetuom.
;;;195;26;;sus woltich ê wenden sînen ruom."
;;;195;27;;Dô sprach er: "vrouwe, ist Kyngrun
;;;195;28;;Franzoys oder Britun,
;;;195;29;;oder von swelhem lande er vert,
;;;195;30;;von mîner hant ir sît gewert,
;;;196;1;;alsez der lîp vollebringen mac."
;;;196;2;;diu naht hete ende unde kom der tac.
;;;196;3;;Diu künegîn stuont ûf unde neic.
;;;196;4;;ir grôzen danc si niht versweic
;;;196;5;;unde sleich hin wider lîse.
;;;196;6;;niemen was dâ sô wîse,
;;;196;7;;der würde ir ganges dâ gewar,
;;;196;8;;wan Parcifal, der lieht gevar.
;;;196;9;;der slief niht langer dô dar nâch.
;;;196;10;;der sunnen was gegen hœhe gâch.
;;;196;11;;der glast durch die wolken dranc.
;;;196;12;;dô erhôrter maneger glocken klanc.
;;;196;13;;kirchen, münster suochte ein diet,
;;;196;14;;die Clamide von vröuden schiet.
;;;196;15;;ûf stuont dô der junge man.
;;;196;16;;Der küneginne kappelân
;;;196;17;;sanc gote unde sîner vrouwen.
;;;196;18;;ir gast si muose schouwen,
;;;196;19;;unze daz der benediz geschach.
;;;196;20;;nâch sînem harnasch er dô sprach.
;;;196;21;;dâ wart er wol gewâpent în.
;;;196;22;;er tet ouch rîters ellen schîn
;;;196;23;;mit manlîcher wer.
;;;196;24;;dô kom Clamides her
;;;196;25;;mit maneger baniere.
;;;196;26;;Kyngrun kom schiere
;;;196;27;;vor den andern verre
;;;196;28;;ûf einem orse von Isenterre.
;;;196;29;;Als ich daz mære hân vernomen,
;;;196;30;;nû was ouch vür die porten komen
;;;197;1;;Filliroys Gahmuret.
;;;197;2;;der hete der burgære gebet.
;;;197;3;;diz was sîn êrster swertes strît.
;;;197;4;;er nam den poynder wol sô wît,
;;;197;5;;daz von sîner tjoste hurt
;;;197;6;;beiden orsen wart engurt.
;;;197;7;;die darmgürtele brâsten umbe daz.
;;;197;8;;ietweder ors ûf den hehsen saz.
;;;197;9;;beide si doch gesâzen,
;;;197;10;;der swerte si niht vergâzen.
;;;197;11;;in den scheiden si die vunden.
;;;197;12;;Kyngrun truoc wunden
;;;197;13;;durch den arm unde in die brust.
;;;197;14;;disiu tjost in lêrte vlust
;;;197;15;;an sölhem prîse, des er pflac
;;;197;16;;unz an sîner hôchvart swindens tac.
;;;197;17;;solch ellen was ûf in gezalt:
;;;197;18;;sehs rîter solter hân gevalt,
;;;197;19;;die gegen im kâmen ûf ein velt.
;;;197;20;;Parcifal im brâhte gelt
;;;197;21;;mit sîner ellenthaften hant.
;;;197;22;;sîn prîs gegen im vil gar verswant.
;;;197;23;;In dûhte vremede mære,
;;;197;24;;wie ein pfeterære
;;;197;25;;mit würfen ûf in seigete.
;;;197;26;;ander strît in neigete.
;;;197;27;;ein swert im durch den helm erklanc.
;;;197;28;;Parcifal in nider swanc
;;;197;29;;unde saztim an die brust ein knie.
;;;197;30;;er bôt, daz wart von im geboten nie
;;;198;1;;deheinem man, sicherheit.
;;;198;2;;dône woltir niht, der mit im streit.
;;;198;3;;er bat in fîanze
;;;198;4;;bringen Gurnemanze.
;;;198;5;;"Nein, hêrre, dû maht mir gerner tuon
;;;198;6;;den tôt. ich sluoc im sînen suon
;;;198;7;;Schentaflure, ich nam sîn leben.
;;;198;8;;dir hât got êren vil gegeben.
;;;198;9;;swâ man saget daz von dir,
;;;198;10;;daz dîn kraft erzeiget sî an mir,
;;;198;11;;unde dû mich hâst betwungen,
;;;198;12;;sô ist dir wol gelungen."
;;;198;13;;Dô sprach der junge Parcifal:
;;;198;14;;"ich wil dir lâzen ander wal.
;;;198;15;;sichere der künegîn,
;;;198;16;;der dîn hêrre hôhen pîn
;;;198;17;;hât gevrumt mit zorne."
;;;198;18;;"Hei, sô wære ich der verlorne!
;;;198;19;;mit swerten wære mîn lîp verzert
;;;198;20;;kleine, sam dô in der sunnen vert.
;;;198;21;;wan ich hân ir herzeleit getân
;;;198;22;;dort inne an manegem werden man."
;;;198;23;;"Sô vüere von dirre plânîe
;;;198;24;;in daz lant ze Britanie
;;;198;25;;dîne rîterlîche sicherheit
;;;198;26;;einer megde, diu durch mich leit,
;;;198;27;;des si niht lîden solte,
;;;198;28;;der vuoge erkennen wolte,
;;;198;29;;unde sagir, swaz halt mir geschehe,
;;;198;30;;daz ich si niemer vrô gesehe,
;;;199;1;;ê daz ich si gereche,
;;;199;2;;aldâ ich schilt durchsteche.
;;;199;3;;sage Artuse unde dem wîbe sîn,
;;;199;4;;in beiden, von mir den dienst mîn,
;;;199;5;;dar zuo der massenîe gar,
;;;199;6;;unde daz ich niemer kome dar,
;;;199;7;;ê daz ich lasters mich entsage,
;;;199;8;;daz ich geselleclîche trage
;;;199;9;;mit ir, diu mir lachen bôt.
;;;199;10;;des kom ir lîp in grôze nôt.
;;;199;11;;sagir, ich sî ir dienstman,
;;;199;12;;dienstlîches dienstes undertân."
;;;199;13;;Der rede ein volge dâ geschach.
;;;199;14;;die helde man sich scheiden sach.
;;;199;15;;hin wider kom gegangen,
;;;199;16;;dâ sîn ors was gevangen,
;;;199;17;;der bürgære kampfes trôst.
;;;199;18;;si wurden sît von im erlôst.
;;;199;19;;Zwîvels pflac daz ûzer her,
;;;199;20;;daz Kyngrun an sîner wer
;;;199;21;;sus wart entschumpfieret.
;;;199;22;;dâ wart gecundewieret
;;;199;23;;Parcifal zer künegîn.
;;;199;24;;diu tet im umbevâhens schîn
;;;199;25;;unde druhtin vaste an ir lîp.
;;;199;26;;si sprach: "ine wirde niemer wîp
;;;199;27;;ûf der erde keines man,
;;;199;28;;wan den ich umbevangen hân."
;;;199;30;;ir dienst was vil ungespart.
;;;199;29;;si half im, daz er entwâpent wart.
;;;200;1;;nâch sîner grôzen arbeit
;;;200;2;;was krankiu wirtschaft bereit.
;;;200;3;;Die burgære sô gevuoren,
;;;200;4;;daz si im alle swuoren
;;;200;5;;unde jâhen, er müese ir hêrre sîn.
;;;200;6;;Dô sprach ouch diu künegîn,
;;;200;7;;er solte sîn ir âmîs,
;;;200;8;;sît daz er sô hôhen prîs
;;;200;9;;bezalte an Kyngrune.
;;;200;10;;Zwêne segel brûne
;;;200;11;;kôs man von der wer hin abe.
;;;200;12;;die sluoc der wint vaste in die habe.
;;;200;13;;die kiele wâren geladen sô,
;;;200;14;;daz ir die burgære wurden vrô.
;;;200;15;;si truogen niht wan spîse.
;;;200;16;;daz vuocte got, der wîse.
;;;200;17;;Hin von den zinnen si vielen
;;;200;18;;unde gâheten gegen den kielen
;;;200;19;;daz hungerige her durch den roup.
;;;200;20;;si mohten vliegen sam diu loup,
;;;200;21;;die magern unde sîhten,
;;;200;22;;vor vleische die lîhten.
;;;200;23;;in was erschoben niht der balc.
;;;200;24;;Der küneginne marschalc
;;;200;25;;tet den schifliuten solhen vride:
;;;200;26;;er gebôt in allen bî der wide,
;;;200;27;;daz si deheiner ruorte.
;;;200;28;;die schifliute er vuorte
;;;200;29;;vür sînen hêrren in die stat.
;;;200;30;;Parcifal in gelten bat
;;;201;1;;ir habe zwispilde.
;;;201;2;;die schifliute es bevilde.
;;;201;3;;Sus wart vergolten in ir kouf.
;;;201;4;;den burgæren in die kolen trouf.
;;;201;5;;ich wære nû wol dâ soldier,
;;;201;6;;man trinket dâ nimer bier.
;;;201;7;;si hânt spîse unde wînes vil.
;;;201;8;;Dô warp, als ich iu sagen wil,
;;;201;9;;Parcifal, der reine:
;;;201;10;;von êrst die spîse kleine
;;;201;11;;teilter mit sîn selbes hant.
;;;201;12;;er sazte die werden, die er dâ vant.
;;;201;13;;er wolte niht ir læren magen
;;;201;14;;überkrüpfe lâzen tragen.
;;;201;15;;er gab in rehter mâze teil.
;;;201;16;;si wurden sînes râtes geil.
;;;201;17;;ze naht schuof er in mêre,
;;;201;18;;der unlôse, niht ze hêre.
;;;201;19;;Bîligens wart gevrâget dâ.
;;;201;20;;er unde diu künegîn sprâchen: "jâ."
;;;201;21;;Er lac mit solhen vuogen,
;;;201;22;;des nû niht wil genuogen
;;;201;23;;manec wîp, der in sô tuot.
;;;201;24;;daz si durch arbeitlîchen muot
;;;201;25;;ir zuht sus parrierent
;;;201;26;;unde sich dar gegene zierent!
;;;201;27;;vor gesten sint si an kiuschen siten.
;;;201;28;;ir herze den willen hât versniten,
;;;201;29;;waz mac an den gebærden sîn.
;;;201;30;;ir vriunden si heinlîchen pîn
;;;202;1;;vüegent mit ir zarte.
;;;202;2;;der mâze ie sich bewarte,
;;;202;3;;der getriuwe, der stæte man,
;;;202;4;;wol vriundinne schônen kan.
;;;202;5;;er gedenket, alsez ist wâr:
;;;202;6;;"ich hân gedienet mîniu jâr
;;;202;7;;nâch lône disem wîbe,
;;;202;8;;diu mînem lîbe
;;;202;9;;erbiutet trôst unde lige ich hie.
;;;202;10;;es hete mich genüeget ie,
;;;202;11;;ob ich mit mîner blôzen hant
;;;202;12;;müese rüeren ir gewant.
;;;202;13;;ob ich nû gîtes gerte,
;;;202;14;;untriuwe ez vür mich werte.
;;;202;15;;soltich si arbeiten,
;;;202;16;;unser beider laster breiten?
;;;202;17;;vor slâfe süeziu mære
;;;202;18;;sint vrouwen sitebære."
;;;202;19;;Sus lac der Wâleise:
;;;202;20;;kranc was sîn vreise.
;;;202;21;;den man den rôten rîter hiez,
;;;202;22;;die küneginne er magt liez.
;;;202;23;;si wânde ie dô, si wære sîn wîp.
;;;202;24;;durch sînen minneclîchen lîp
;;;202;25;;des morgens si ir houbet bant.
;;;202;26;;Dô gab im liute unde lant
;;;202;27;;dise magtbæriu brût,
;;;202;28;;wand er was ir herzen trût.
;;;202;29;;si bliben bî ein ander dô,
;;;202;30;;daz si durch liebe wâren vrô
;;;203;1;;zwêne tage unde die dritte naht.
;;;203;2;;von im dicke wart bedâht
;;;203;3;;umbevâhens, des sîn muoter riet.
;;;203;4;;Gurnemanz im underschiet,
;;;203;5;;wîp unde man, diu wæren alein.
;;;203;6;;sich vlâhten arm unde bein.
;;;203;7;;ob ichz iu sagen müeze,
;;;203;8;;er vant daz nâhe süeze.
;;;203;9;;der alte unde der niuwe site
;;;203;10;;wont in dâ al beiden mite.
;;;203;11;;Sus wart im wol unde niht ze wê.
;;;203;12;;Nû hœret ouch, wie Clamide
;;;203;13;;in krefteclîcher hervart
;;;203;14;;mit mæren ungetrœstet wart.
;;;203;15;;Sus begundin ein knappe sagen,
;;;203;16;;des ors zen sîten was durchslagen:
;;;203;17;;"vor Peilrapere ûf dem plân
;;;203;18;;ist werdiu rîterschaft getân,
;;;203;19;;scharpf genuoc, dêst mir bekant.
;;;203;20;;betwungen ist mit rîters hant
;;;203;21;;des hers meister Kyngrun,
;;;203;22;;der vert gegen Artuse dem Britun.
;;;203;23;;iuwer soldiere ligent noch vor der stat,
;;;203;24;;dô er von in schiet, als er si bat.
;;;203;25;;ir unde iuwer beidiu her
;;;203;26;;vindet Peilrapere ze wer.
;;;203;27;;dâ inne ist ein rîter wert,
;;;203;28;;der anders niht wan strîtes gert.
;;;203;29;;die soldiere jehent besunder,
;;;203;30;;daz von der tavelrunder
;;;204;1;;diu künegîn in habe besant:
;;;204;2;;Ithern von Cukumberlant.
;;;204;3;;des wâpen kom zer tjost vür
;;;204;4;;unde wart getragen nâch prîses kür."
;;;204;5;;Der künec sprach zeme knappen sân:
;;;204;6;;"Kundewiramurs wil mich hân
;;;204;7;;unde ich ir lîp unde ir lant.
;;;204;8;;Kyngrun wil es wesen pfant,
;;;204;9;;wander mit wârheit mir enbôt,
;;;204;10;;si gæben die stat durch hungers nôt
;;;204;11;;unde daz diu küneginne
;;;204;12;;mir büte ir werde minne."
;;;204;13;;Der knappe erwarp dâ niht wan haz.
;;;204;14;;der künec mit her reit vürbaz.
;;;204;15;;im kom ein rîter widervarn,
;;;204;16;;der ouch daz ors niht kunde sparn.
;;;204;17;;der sagete die selben mære.
;;;204;18;;Clamide wart swære
;;;204;19;;vröude unde rîterlîcher sin.
;;;204;20;;daz dûhtin grôz ungewin.
;;;204;21;;Des küneges man, ein vürste, sprach:
;;;204;22;;"Kyngrunen niemen sach
;;;204;23;;strîten vür unser manheit.
;;;204;24;;vür sich einen der dâ streit.
;;;204;25;;nû lât in sîn ze tôde erslagen.
;;;204;26;;suln umbe daz zwei her verzagen,
;;;204;27;;diz unde jenez vor der stat?"
;;;204;28;;sînen hêrren er trûren lâzen bat.
;;;204;29;;"wir suln ez baz versuochen.
;;;204;30;;wellent si wer geruochen,
;;;205;1;;wir geben in noch strîtes vil
;;;205;2;;unde bringenz ûz ir vröuden zil.
;;;205;3;;ir sult mâge unde man manen.
;;;205;4;;suochet die stat mit zwein vanen!
;;;205;5;;wir mugen an einer lîten
;;;205;6;;wol ze orse zuo in rîten.
;;;205;7;;die porten suoche man ze vuoz.
;;;205;8;;deiswâr, wir tuon in schimpfes buoz."
;;;205;9;;Den rât gap Galoganders,
;;;205;10;;der herzoge von Schampones.
;;;205;11;;der brâhte die burgære in nôt.
;;;205;12;;der dolte an ir letze den tôt.
;;;205;13;;als tet ouch der grâve Narant,
;;;205;14;;ein vürste von Uckerlant,
;;;205;15;;unde anders manec werder man,
;;;205;16;;die man tôt truoc dâr von.
;;;205;17;;Nû hœret ein ander mære,
;;;205;18;;wie die burgære
;;;205;19;;ir letze tâten goume.
;;;205;20;;si nâmen lange boume
;;;205;21;;unde spizten starke stecken drîn
;;;205;22;;- daz gap den suochæren pîn -,
;;;205;23;;in seil si die hiengen.
;;;205;24;;die ronen in redern giengen.
;;;205;25;;daz was geprüevet allez ê,
;;;205;26;;ê si suochte sturmes Clamide.
;;;205;27;;nâch Kyngrunes schumpfentiur
;;;205;28;;kom in heidensch wildez viur
;;;205;29;;mit ir spîse in daz lant.
;;;205;30;;daz ûzer antwerc wart verbrant.
;;;206;1;;ir ebenhœhe unde ir mangen,
;;;206;2;;swaz ûf redern kom gegangen,
;;;206;3;;katzen, igele in den graben,
;;;206;4;;daz kunde viur hin dan wol schaben.
;;;206;5;;Nû was ouch Kyngrun dan gewant
;;;206;6;;unde kom ze Britanie in daz lant.
;;;206;7;;er vant den künec Artus
;;;206;8;;in Brecilian in dem weidehûs,
;;;206;9;;daz was geheizen Carminal.
;;;206;10;;dô warb er, als in Parcifal
;;;206;11;;gevangen hete dar gesant.
;;;206;12;;vroun Cunnewaren de Lalant
;;;206;13;;brâhter sîne sicherheit.
;;;206;14;;Dô was diu juncvrouwe gemeit,
;;;206;15;;daz mit triuwen klagete ir nôt,
;;;206;16;;den man dâ hiez den rîter rôt.
;;;206;17;;Über al daz lant daz mære wart vernomen.
;;;206;18;;Nû was ouch vür den künec komen
;;;206;19;;der betwungene werde man.
;;;206;20;;im unde der massenîe sân
;;;206;21;;sageter, waz im was enboten.
;;;206;22;;Key erschrac unde begunde rôten.
;;;206;23;;dô sprach er: "bist dûz, Kyngrun?
;;;206;24;;Âvoy, wie manegen Britun
;;;206;25;;hât uns entschumpfieret dîn hant!
;;;206;26;;gevuoger prîs gegen dir verswant.
;;;206;27;;wirt mir dîn meister niemer holt,
;;;206;28;;dînes dienstes dû doch geniezen solt.
;;;206;29;;uns ist der kezzel undertân,
;;;206;30;;mir hie unde dir ze Brandigan.
;;;207;1;;hilf mir durch dîne werdecheit
;;;207;2;;Kunnewaren hulde umbe krapfen breit."
;;;207;3;;er enbôt ir anders wandels niht.
;;;207;4;;Die rede lât sîn! hœre, waz geschiht,
;;;207;5;;dâ wir daz mære liezen ê.
;;;207;6;;vür Peilrapere kom Clamide.
;;;207;7;;dâne wart grôz stürmen niht vermiten.
;;;207;8;;die innern mit den ûzern striten.
;;;207;9;;si heten trôst unde kraft.
;;;207;10;;man vant die helde werhaft.
;;;207;11;;dâ von behabeten si daz wal.
;;;207;12;;ir landes hêrre, Parcifal,
;;;207;13;;streit den sînen verre vor.
;;;207;14;;dâ stuonden offen gar diu tor.
;;;207;15;;mit slegen er die arme erswanc.
;;;207;16;;sîn swert durch herte helme erklanc.
;;;207;17;;swaz er der rîter nider sluoc,
;;;207;18;;die gewunnen arbeite genuoc.
;;;207;19;;die kunde man si lêren
;;;207;20;;zir halsberge gêren.
;;;207;21;;die burgære tâten râche schîn.
;;;207;22;;si stâchen si zen slitzen în.
;;;207;23;;Parcifal in werte daz.
;;;207;24;;dô si drumbe hôrten sînen haz,
;;;207;25;;zweinzic sir lebendic viengen,
;;;207;26;;ê si vomme strîte giengen.
;;;207;27;;Parcifal wart wol gewar,
;;;207;28;;daz Clamide mit sîner schar
;;;207;29;;die rîterschaft zen porten meit
;;;207;30;;unde daz er anderhalben streit.
;;;208;1;;Der junge muotes herte
;;;208;2;;kêrte an daz ungeverte.
;;;208;3;;er begunde hin umbe gâhen,
;;;208;4;;des küneges vanen nâhen.
;;;208;5;;Dô wart Clamides solt
;;;208;6;;alrêst mit schaden dâ geholt.
;;;208;7;;Die burgære strîten kunden,
;;;208;8;;sô daz in gar verswunden
;;;208;9;;die herten schilte vor der hant.
;;;208;10;;Parcifals schilt verswant
;;;208;11;;von slegen unde von schüzzen.
;;;208;12;;swie wênec sis doch genüzzen,
;;;208;13;;die suochære daz sâhen,
;;;208;14;;des prîses sim alle jâhen.
;;;208;15;;Galoganders vuorte den vanen.
;;;208;16;;der daz her wol kunde manen,
;;;208;17;;der lac an des küneges sîten tôt.
;;;208;18;;Clamide kom selbe in nôt.
;;;208;19;;im unde den sînen wart dâ wê.
;;;208;20;;den sturm verbôt dô Clamide.
;;;208;21;;die burgære manheite wîs
;;;208;22;;behielten vromen unde prîs.
;;;208;23;;Parcifal, der werde degen,
;;;208;24;;hiez der gevangenen schône pflegen
;;;208;25;;unz an den driten morgen.
;;;208;26;;daz ûzer her pflac sorgen.
;;;208;27;;Der junge stolze wirt gemeit
;;;208;28;;nam der gevangen sicherheit.
;;;208;29;;er sprach: "swenne ichz iu enbiute,
;;;208;30;;komet wider, guote liute."
;;;209;1;;ir harnasch er behalten bat.
;;;209;2;;inz her si kêrten vür die stat.
;;;209;3;;swie si von trünken wæren rôt,
;;;209;4;;Die ûzern sprâchen: "hungers nôt
;;;209;5;;habt ir gedolt, ir armen."
;;;209;6;;"Lât iuch uns niht erbarmen",
;;;209;7;;sprach diu gevangene rîterschaft.
;;;209;8;;"dort inne ist spîse alsolhiu kraft,
;;;209;9;;welt ir hie ligen noch ein jâr,
;;;209;10;;si behielten iuch vür wâr.
;;;209;11;;Diu künegîn hât den schœnesten man,
;;;209;12;;der schiltes ambet ie gewan.
;;;209;13;;er mac wol sîn von hôher art.
;;;209;14;;aller rîter êre ist zim bewart."
;;;209;15;;Dô diz erhôrte Clamide,
;;;209;16;;alrêrst tet im sîn arbeit wê.
;;;209;17;;sîne boten santer hin în
;;;209;18;;unde enbôt, swer bî der künegîn
;;;209;19;;dâ gelegen wære,
;;;209;20;;"ist er kampfbære,
;;;209;21;;sô daz sin dâ vür hete erkant,
;;;209;22;;daz er ir lîp unde ir lant
;;;209;23;;mit kampfe getürre wern,
;;;209;24;;sô sî ein vride von beiden hern."
;;;209;25;;Parcifal des wart al vrô,
;;;209;26;;daz im diu botschaft alsô
;;;209;27;;gegen sîn eines kampfe wart gesagt.
;;;209;28;;dô sprach der junge unverzagt:
;;;209;29;;"dâ vür sî mîn triuwe pfant,
;;;209;30;;daz des innern hers dehein hant
;;;210;1;;kumt durch mîne nôt ze wer."
;;;210;2;;zwischen dem graben unde dem ûzern her
;;;210;3;;wart gestætet dirre vride.
;;;210;4;;Dô wâpenten sich die kampfsmide.
;;;210;5;;Dô saz der künec von Brandigan
;;;210;6;;ûf ein gewâpent kastelân,
;;;210;7;;daz was geheizen Guverschorz.
;;;210;8;;von sînem neven Grigorz,
;;;210;9;;dem künege von Ypotente,
;;;210;10;;mit rîcher prîsente
;;;210;11;;was ez komen Clamide
;;;210;12;;norden über den Ucker se.
;;;210;13;;ez brâhte grâve Narant
;;;210;14;;unde dar zuo tûsent sarjant
;;;210;15;;mit harnasche, alle sunder schilt.
;;;210;16;;den was ir solt alsus gezilt:
;;;210;17;;volleclîche zwei jâr,
;;;210;18;;ob diu âventiure sagt wâr.
;;;210;19;;Grigorz im sante rîter kluoc
;;;210;20;;vünfhundert - iegeslîcher truoc
;;;210;21;;einen helm ûf sîn houbet gebunden -,
;;;210;22;;die wol mit strîte kunden.
;;;210;23;;Dô hete Clamides her
;;;210;24;;ûf dem lande unde in dem mer
;;;210;25;;Peilrapere alsô belegen,
;;;210;26;;die burgære kumbers muosen pflegen.
;;;210;27;;ûz kom geriten Parcifal
;;;210;28;;in daz urteillîche wal,
;;;210;29;;dâ got erzeigen wolte,
;;;210;30;;ob er im lâzen solte
;;;211;1;;des küneges Tampunteres barn.
;;;211;2;;stolzlîche er kom gevarn,
;;;211;3;;niuwan als daz ors den walap
;;;211;4;;vor der rabîne gap.
;;;211;5;;daz was gewâpent wol vür nôt.
;;;211;6;;von samîde ein decke rôt
;;;211;7;;lac ûf der îserînen.
;;;211;8;;an im liez er schînen
;;;211;9;;rôten schilt unde rôt kursît.
;;;211;10;;Clamide erhuop den strît.
;;;211;11;;kurz ein unbesniten sper
;;;211;12;;brâhter durch tjost vellen her.
;;;211;13;;dâ mite nam er den poynder lanc.
;;;211;14;;Guverschorz mit hurte spranc.
;;;211;15;;wol dâ getjostieret wart
;;;211;16;;von den zwein jungen âne bart
;;;211;17;;sunder fallieren.
;;;211;18;;von liuten noch von tieren
;;;211;19;;wart nie gestriten herter kampf.
;;;211;20;;ietweder ors von müede dampf.
;;;211;21;;Sus heten si gevohten,
;;;211;22;;daz diu ors niht mêr mohten.
;;;211;23;;dô sturzten si drunder
;;;211;24;;ensamet, niht besunder.
;;;211;25;;ietweder des geruochte,
;;;211;26;;daz er viur in den helmen suochte.
;;;211;27;;sine mohten doch viures niht geleben,
;;;211;28;;in was ze werke aldâ gegeben.
;;;211;29;;Dô zerstuben in die schilte,
;;;211;30;;alse der in schimpf spilte
;;;212;1;;unde vedern würfe in den wint.
;;;212;2;;Dannoch was Gahmuretes kint
;;;212;3;;niender müede an deheinem lide.
;;;212;4;;Dô wânde Clamide, der vride
;;;212;5;;wære gebrochen von der stat.
;;;212;6;;sînen kampfgenôz er bat,
;;;212;7;;daz er sich selben êrte
;;;212;8;;unde manegem wurfe werte.
;;;212;9;;ez giengen ûf in slege grôz.
;;;212;10;;die wâren wol manegem steine genôz.
;;;212;11;;Sus antwurtim des landes wirt:
;;;212;12;;"ich wæne, dich manec wurf verbirt.
;;;212;13;;wan dâ vür ist mîn triuwe pfant.
;;;212;14;;hetest eht vride von mîner hant,
;;;212;15;;dir enbræche manegen swenkel
;;;212;16;;brust, houbet noch den schenkel."
;;;212;17;;Clamide dranc müede zuo.
;;;212;18;;diu was im dannoch alze vruo.
;;;212;19;;Sige gewunnen, sige verlorn
;;;212;20;;wart sunder dâ mit strîte erkorn.
;;;212;21;;
;;;212;22;;
;;;212;23;;mit einem niderzucke
;;;212;24;;von Parcifals drucke
;;;212;25;;wæt im bluot ûz ôren unde ûz nasen.
;;;212;26;;daz mahte rôt den grüenen wasen.
;;;212;27;;er entwâpent im daz houbet schiere
;;;212;28;;vom helme unde von harscheniere.
;;;212;29;;gegen slage saz der betwungene lîp.
;;;212;30;;Der sigehafte sprach: "mîn wîp
;;;213;1;;mac vor dir nû blîben vrî.
;;;213;2;;nû lerne, waz sterben sî!"
;;;213;3;;"Neinâ, werder degen balt!
;;;213;4;;dîn êre wirt sus drîzicvalt
;;;213;5;;vaste an mir erzeiget,
;;;213;6;;sît dû mich hâst geneiget.
;;;213;7;;wâ mac dir hœher prîs geschehen?
;;;213;8;;Kundewiramurs, diu muoz jehen,
;;;213;9;;daz ich der unsælige bin
;;;213;10;;unde dîn gelücke hât gewin.
;;;213;11;;dîn lant ist erlœset,
;;;213;12;;alse der sîn schif œset.
;;;213;13;;ez ist vil deste lîhter.
;;;213;14;;mîn gewalt ist sîhter.
;;;213;15;;rehte manlîchiu wünne
;;;213;16;;ist ammir worden dünne.
;;;213;17;;durch waz woltestû mich sterben?
;;;213;18;;ich muoz doch laster erben
;;;213;19;;ûf alle mîne nâchkomen.
;;;213;20;;dû hâst den prîs unde den vromen.
;;;213;21;;Tuost dû mir mêr, dêst âne nôt.
;;;213;22;;ich trage den lebendigen tôt,
;;;213;23;;sît ich von der gescheiden bin,
;;;213;24;;diu mir herze unde sin
;;;213;25;;ie mit ir gewalt beslôz,
;;;213;26;;unde ich des nie gegen ir genôz.
;;;213;27;;des muoz ich unsælic man
;;;213;28;;Ir lîp, ir lant ir ledic lân."
;;;213;29;;Dô gedâhte, der den sigen dâ hât,
;;;213;30;;sân an Gurnemanzes rât,
;;;214;1;;daz ellenthafter manheit
;;;214;2;;solte erbermede sîn bereit.
;;;214;3;;sus volget er dem râte nâch.
;;;214;4;;hin ze Clamide er sprach:
;;;214;5;;"ine wil dich niht erlâzen,
;;;214;6;;dem vater Lyazen
;;;214;7;;dûne bringest dîne sicherheit."
;;;214;8;;"Nein, hêrre, dem hân ich herzeleit
;;;214;9;;getân. ich sluoc im sînen sun.
;;;214;10;;dûne solt mit mir niht alsô tuon.
;;;214;11;;Durch vroun Kundewiramurs
;;;214;12;;vaht ouch mit mir Schentaflurs.
;;;214;13;;ouch wære ich tôt von im gevalt,
;;;214;14;;wan daz mir half mîn seneschalt.
;;;214;15;;in sante in diz lant ze Breharz
;;;214;16;;Gurnemanz von Graharz
;;;214;17;;mit werdeclîcher herschaft.
;;;214;18;;die tâten guote rîterschaft,
;;;214;19;;vünf hundert rîter, die wolten strîten
;;;214;20;;- gewâpente ors si alle riten -,
;;;214;21;;unde vünfzehen hundert sarjant.
;;;214;22;;gewâpent ich si in strîte vant.
;;;214;23;;in gebrast niht wan der schilte.
;;;214;24;;sînes hers mich gar bevilte.
;;;214;25;;ir kom vil kûme der sehste wider.
;;;214;26;;mêr helde verlôs ich sider.
;;;214;27;;nû darbich vröude unde êre.
;;;214;28;;wes gerstû an mir mêre?"
;;;214;29;;"Ich wil senften dîne vreise.
;;;214;30;;var gegen dem Brituneise
;;;215;1;;- dâ vert ouch dîn Kyngrun -,
;;;215;2;;gegen Artuse dem Britun.
;;;215;3;;dem soltû mînen dienst sagen.
;;;215;4;;bitin, daz er mir helfe klagen
;;;215;5;;laster, daz ich vuorte dan.
;;;215;6;;ein juncvrouwe mich lachete an.
;;;215;7;;daz man die durch mich zerblou,
;;;215;8;;sô sêre mich nie dinc gerou.
;;;215;9;;der selben sage, ez sî mir leit,
;;;215;10;;unde bringir dîne sicherheit,
;;;215;11;;sô daz dû leistest ir gebot,
;;;215;12;;oder nim alhie von mir den tôt."
;;;215;13;;"Sol daz geteilte gelten,
;;;215;14;;sône wil ich sîn niht schelten",
;;;215;15;;sprach der künec von Brandigan.
;;;215;16;;"ich wil die vart von hinnen hân."
;;;215;17;;mit gelübede dannan schiet,
;;;215;18;;den ê sîn stolzheit verriet.
;;;215;19;;Parcifal, der wîgant,
;;;215;20;;gie, dâ er sîn ors almüedez vant.
;;;215;21;;sîn vuoz dar nâch nie gegreif:
;;;215;22;;er spranc drûf âne stegreif,
;;;215;23;;daz ez umbe begunde zwirben.
;;;215;24;;sîner verhouwenen schiltschirben
;;;215;25;;wâren die burgære gemeit.
;;;215;26;;Daz ûzer her sach herzeleit
;;;215;28;;an dem künege Clamide.
;;;215;27;;brât unde lide im tâten wê.
;;;215;29;;man vuortin, dâ sîne helfære wâren.
;;;215;30;;die tôten mit den bâren
;;;216;1;;vrumt er an die reste.
;;;216;2;;dô rûmden daz lant die geste.
;;;216;3;;Clamide, der werde,
;;;216;4;;reit gegen Lœver ûf die erde.
;;;216;5;;ensamt, niht besunder
;;;216;6;;die von der tavelrunder
;;;216;7;;wâren ze Dyanarsun
;;;216;8;;bî Artuse dem Britun.
;;;216;9;;ob ich iu niht gelogen hân,
;;;216;10;;vor Dyanarsun ûf dem plân
;;;216;11;;muose mê gezeltstangen wonen,
;;;216;12;;danne in dem Spehtsart sî ronen.
;;;216;13;;mit solher massenîe lac
;;;216;14;;durch hôchvart den pfingestac
;;;216;15;;Artus mit maneger vrouwen.
;;;216;16;;ouch mohte man dâ schouwen
;;;216;17;;vil manege baniere unde schilt,
;;;216;18;;den sunderwâpen was gezilt,
;;;216;19;;manegen wol gehêrten rinc.
;;;216;20;;ez diuhten nû vil grôziu dinc.
;;;216;21;;wer wolte diu reiselachen
;;;216;22;;solhen wîben her gemachen?
;;;216;23;;Dô kunte ein ieslîch vrouwe sân,
;;;216;24;;si solte den prîs verlorn hân,
;;;216;25;;hete si niht dâ ir âmîs.
;;;216;26;;Ine tætes niht deheine wîs.
;;;216;27;;ez was dô manec tumber lîp.
;;;216;28;;ich bræhte ungerne nû mîn wîp
;;;216;29;;in alsô grôz gemenge.
;;;216;30;;ich vorhte unkunt gedrenge.
;;;217;1;;etslîcher hin zir spræche,
;;;217;2;;daz in ir minne stæche
;;;217;3;;unde in diu vröude blante.
;;;217;4;;ob si die nôt erwante,
;;;217;5;;daz gediender vor unde nâch.
;;;217;6;;mir wære mit ir dannân gâch.
;;;217;7;;Ich hân geredet umbe mîn dinc.
;;;217;8;;Nû hœret ouch, wie Artuses rinc
;;;217;9;;sunder was erkennelîch
;;;217;10;;vor ûz mit maneger schoye rîch.
;;;217;11;;Diu massenîe vor im az:
;;;217;12;;manec werder man gegen valsche laz
;;;217;13;;unde manec juncvrouwe stolz,
;;;217;14;;daz niht wan tjost was ir bolz.
;;;217;15;;ir vriunt si gegen den vîenden schôz.
;;;217;16;;wart sîn arbeit dô iht grôz,
;;;217;17;;sô stuont lîhte ir gemüete,
;;;217;18;;daz si daz galt mit güete.
;;;217;19;;Clamide, der jungelinc,
;;;217;20;;reit enmitten in den rinc.
;;;217;21;;verdecket ors, gewâpent lîp
;;;217;22;;sach an im Artuses wîp,
;;;217;23;;den helm, den schilt verhouwen.
;;;217;24;;daz sâhen gar die vrouwen.
;;;217;25;;Alsus was er ze hove komen.
;;;217;26;;ir habet ê wol vernomen,
;;;217;27;;wie er des wart betwungen.
;;;217;28;;er erbeizete. vil gedrungen
;;;217;29;;wart sîn lîp, ê er sitzende vant
;;;217;30;;vroun Cunnewaren de Lalant.
;;;218;1;;Dô sprach er: "vrouwe, sît ir daz,
;;;218;2;;der ich sol dienen âne haz?
;;;218;3;;ein teil betwinget mich des nôt.
;;;218;4;;dienst enbiut iu der rîter rôt.
;;;218;5;;der wil vil ganze pflihte hân,
;;;218;6;;swaz iu lasters ist getân.
;;;218;7;;ouch bittet erz Artusen klagen.
;;;218;8;;ich wæne, ir sît durch in geslagen.
;;;218;9;;Vrouwe, ich bringiu sicherheit,
;;;218;10;;alsez gebôt, der mit mir streit.
;;;218;11;;daz leistich gerne, swenn ir welt.
;;;218;12;;mîn lîp gegen tôde was verselt."
;;;218;13;;Vrou Cunneware de Lalant
;;;218;14;;greif an die geîserten hant.
;;;218;15;;Aldâ vrô Gynover saz,
;;;218;16;;diu âne den künec mit ir az.
;;;218;17;;Key ouch vor dem tische stuont,
;;;218;18;;aldâ im wart diz mære kunt.
;;;218;19;;er widersaz ez ein teil.
;;;218;20;;des wart vrou Cunneware geil.
;;;218;21;;dô sprach er: "vrouwe, dirre man,
;;;218;22;;swaz der hât gegen iu getân,
;;;218;23;;des ist er vaste underzogen.
;;;218;24;;doch wænich vaste, er sî belogen.
;;;218;25;;ich tet ez durch höveschlîchen site
;;;218;26;;unde wolte iuch hân gebezzert mite.
;;;218;27;;dâr umbe hâtich iuwern haz.
;;;218;28;;doch wil ich iu râten daz:
;;;218;29;;heizet entwâpen disen gevangen,
;;;218;30;;in mac hie stêns erlangen."
;;;219;1;;in hiez diu juncvrouwe fier
;;;219;2;;abe nemen helm unde hersenier.
;;;219;3;;Dô mans von im stroufte unde bant,
;;;219;4;;Clamide wart schiere erkant.
;;;219;5;;Kyngrun sach dicke
;;;219;6;;an im kuntlîche blicke.
;;;219;7;;dô wurden an den stunden
;;;219;8;;sîne hende alsô gewunden,
;;;219;9;;daz si begunden krachen
;;;219;10;;alsam die dürren spachen.
;;;219;12;;an der stunt sîn vröude swant.
;;;219;11;;er stiez den tisch von im zehant.
;;;219;13;;sînen hêrren vrâgeter mære.
;;;219;14;;den vander vröuden lære.
;;;219;15;;Er sprach: "ich bin ze schaden erborn.
;;;219;16;;ich hân werlîch her verlorn,
;;;219;17;;daz muoter nie gebôt ir brust
;;;219;18;;dem, der erkande hœher verlust.
;;;219;19;;ich klagete wênic mînes hers tôt
;;;219;20;;dâ engegene, minne mangels nôt
;;;219;21;;leit ûf mich solhen last,
;;;219;22;;mirst vröude in hôhem muote gast.
;;;219;23;;Kundewiramurs vrumt mich grâ.
;;;219;24;;Pylatus von Poncia
;;;219;25;;noch der arme Judas,
;;;219;26;;der bî einem kusse was
;;;219;27;;an der triuwelôsen vart,
;;;219;28;;dâ Jesus verrâten wart,
;;;219;29;;swie daz ir schepfer ræche,
;;;219;30;;die nôt ich niht verspræche,
;;;220;1;;daz ze Breharz der vrouwen lîp
;;;220;2;;mit ir hulden wære mîn wîp,
;;;220;3;;sô daz ich si umbevienge,
;;;220;4;;swiez mir dar nâch ergienge.
;;;220;5;;ir minne ist leider verre
;;;220;6;;dem künege von Iserterre.
;;;220;7;;mîn lant unde daz volc ze Brandigan
;;;220;8;;müezens iemer jâmer hân.
;;;220;9;;mînes vetern sun, Mobonagrin,
;;;220;10;;leit ouch dâ ze langen pîn.
;;;220;11;;Nû bin ich, künec Artus,
;;;220;12;;her geriten in dîn hûs,
;;;220;13;;betwungen von rîters hant.
;;;220;14;;ich weiz wol, dir mîn lant
;;;220;15;;grôz laster hât getân.
;;;220;16;;des vergiz nû, werder man.
;;;220;17;;die wîle ich hie gevangen sî,
;;;220;18;;lâ mich solhes hazzes vrî.
;;;220;19;;mich sol vrou Cunneware
;;;220;20;;ouch scheiden von dem vâre,
;;;220;21;;diu mîne sicherheit enpfie,
;;;220;22;;dô ich gevangen vür si gie."
;;;220;23;;Artuses vil getriuwer munt
;;;220;24;;verkôs die schulde sân zestunt.
;;;220;25;;Dô vriesch wîp unde man,
;;;220;26;;daz der künec von Brandigan
;;;220;27;;wære geriten in den rinc.
;;;220;28;;nû dar nâher, dringâ drinc!
;;;220;29;;schiere wart daz mære breit.
;;;220;30;;mit zühten iesch gesellecheit
;;;221;1;;Clamide, der vröuden âne:
;;;221;2;;"ir sult mich Gawane
;;;221;3;;bevelhen, vrouwe, bin ichs wert.
;;;221;4;;sô weiz ich wol, daz ers ouch gert.
;;;221;5;;leist er dâr an sîn gebot,
;;;221;6;;er êret iuch unde den rîter rôt."
;;;221;7;;Artus bat sîner basen sun
;;;221;8;;geselleschaft dem künege tuon.
;;;221;9;;daz wære iedoch ergangen.
;;;221;10;;dô wart wol enpfangen
;;;221;12;;der betwungene, valsches vrîe
;;;221;11;;von al der massenîe.
;;;221;13;;Ze Clamide sprach Kyngrun:
;;;221;14;;"ouwê, daz ie kein Britun
;;;221;15;;dich betwungen sach ze hûs!
;;;221;16;;noch rîcher danne Artus
;;;221;17;;wære dû helfe unde urbor
;;;221;18;;unde hetes doch dîne jugent bevor.
;;;221;19;;sol Artus dâ von prîs nû tragen,
;;;221;20;;daz Key durch zorn hât geslagen
;;;221;21;;ein edele vürstinne,
;;;221;22;;diu von ir herzen sinne
;;;221;23;;den mit lachene hât erwelt,
;;;221;24;;der âne liegen ist gezelt
;;;221;25;;mit wârheit vür den hœhesten prîs?
;;;221;26;;die Brituneise ir lobes rîs
;;;221;27;;wænent nû hôhe gestôzen hân.
;;;221;28;;âne ir arbeit ez wart getân,
;;;221;29;;daz dort her wider wart gesant
;;;221;30;;der künec von Kukumerlant
;;;222;1;;unde mîn hêrre im siges jach,
;;;222;2;;den man gegen im in kampfe sach.
;;;222;3;;der selbe hât betwungen mich
;;;222;4;;gar âne hælinges slich.
;;;222;5;;man sach dâ viur ûz helmen wæn
;;;222;6;;unde swert in henden umbe gên."
;;;222;7;;Dô sprâchens alle glîche,
;;;222;8;;beide arm unde rîche,
;;;222;9;;daz Key hete missetân.
;;;222;10;;Hie suln wir diz mære lân
;;;222;11;;unde komen wider an die vart.
;;;222;12;;daz wüeste lant erbûwen wart,
;;;222;13;;dâ krône truoc Parcifal.
;;;222;14;;man sach dâ vröude unde schal.
;;;222;15;;Sîn sweher Tampuntere
;;;222;16;;liez im ûf Peilrapeire
;;;222;17;;lieht gesteine unde rôtez golt.
;;;222;18;;daz teilter, sô daz man im holt
;;;222;19;;was durch sîne milte.
;;;222;20;;vil baniere, niuwer schilte,
;;;222;21;;des wart sîn lant gezieret
;;;222;22;;unde vil geturnieret
;;;222;23;;von im unde von den sînen.
;;;222;24;;er lie dicke ellen schînen
;;;222;25;;an der marke sînes landes ort,
;;;222;26;;der junge degen unervorht.
;;;222;27;;sîn tât was gegen den gesten
;;;222;28;;geprüevet vür die besten.
;;;222;29;;Nû sprechet ouch von der künegîn.
;;;222;30;;wie möhtir iemer baz gesîn?
;;;223;1;;diu junge, süeze, werde
;;;223;2;;hete den wunsch ûf der erde.
;;;223;3;;ir minne stuont mit sölher kraft
;;;223;4;;gar âne wankes anehaft.
;;;223;5;;si hete ir man dâ vür erkant,
;;;223;6;;ietweders an dem andern vant,
;;;223;6;1;
;;;223;6;2;
;;;223;7;;er was ir liep, als was si ime.
;;;223;8;;swenn ich daz mære an mich genime,
;;;223;9;;daz si sich müezen scheiden,
;;;223;10;;dâ wehset schade in beiden.
;;;223;11;;ouch riuwet mich daz werde wîp.
;;;223;12;;ir liute, ir lant, dar zuo ir lîp,
;;;223;13;;die schiet sîn hant von grôzer nôt.
;;;223;14;;dâ engegen sim ir minne bôt.
;;;223;15;;Eines morgens er mit zühten sprach
;;;223;16;;- manec rîter hôrtez unde sach -:
;;;223;17;;"ob ir gebiet, vrouwe,
;;;223;18;;mit urloube ich schouwe,
;;;223;19;;wiez umbe mîne muoter stê.
;;;223;20;;ob der sî wol oder wê
;;;223;21;;sî, daz ist mir unkunt.
;;;223;22;;dar wil ich zeiner kurzen stunt
;;;223;23;;unde ouch durch âventiure zil.
;;;223;24;;mag ich iu gedienen vil,
;;;223;25;;daz giltet iuwer minne wert."
;;;223;26;;sus heter urloubes gegert.
;;;223;27;;er was ir lieb, sô daz mære giht.
;;;223;28;;sine woltes im versagen niht.
;;;223;29;;von allen sînen mannen
;;;223;30;;schied er aleine dannen.
;;;224;1;;Swer ruochet hœren, war nû kumet,
;;;224;2;;Den âventiure hât ûz gevrumet,
;;;224;3;;der mac grôz wunder
;;;224;4;;merken al besunder.
;;;224;5;;Lât rîten Gahmuretes kint.
;;;224;6;;swâ nû getriuwe liute sint,
;;;224;7;;die wünschen im heiles: ez muoz sîn,
;;;224;8;;daz er nû lîdet hôhen pîn,
;;;224;9;;etswenne vröude unde êre.
;;;224;10;;ein dinc in muote sêre,
;;;224;11;;daz er von ir gescheiden was,
;;;224;12;;daz munt von wîbe nie gelas
;;;224;13;;noch sus gesagete mære,
;;;224;14;;diu schœner unde bezzer wære.
;;;224;15;;gedanke nâch der künegîn
;;;224;16;;begunde krenken im den sin.
;;;224;17;;den müeser gar verlorn hân,
;;;224;18;;wær er niht ein herzehafter man.
;;;224;19;;mit gewalt den zoum daz ros
;;;224;20;;truoc über ronen unde durch mos,
;;;224;21;;ez enwîsete niemannes hant.
;;;224;22;;uns tuot diu âventiure bekant,
;;;224;23;;daz er bî dem tage reit,
;;;224;24;;ein vogel hetes arbeit,
;;;224;25;;solterz allez hân ervlogen.
;;;224;26;;mirn habe diu âventiure gelogen,
;;;224;27;;sîn reise was unnâch sô grôz
;;;224;28;;des tages, dô er Ithern schôz,
;;;224;29;;oder sît, dô er von Greharz
;;;224;30;;kom in daz lant ze Breharz.
;;;225;1;;Welt ir nû hœren, wiez im gestê?
;;;225;2;;er kom des âbendes an einen sê.
;;;225;3;;dâ heten geankert weideman,
;;;225;4;;den was daz wazzer undertân.
;;;225;5;;dô sin rîten sâhen,
;;;225;6;;si wâren dem stade sô nâhen,
;;;225;7;;daz si wol hôrten, swaz er sprach.
;;;225;8;;einen er in dem schiffe sach,
;;;225;9;;der hete an im solch gewant,
;;;225;10;;ob im dienten elliu lant,
;;;225;11;;daz ez niht bezzer möhte sîn;
;;;225;12;;gefurriert sîn huot was pfæwîn.
;;;225;13;;den selben vischære
;;;225;14;;begunder vrâgen mære,
;;;225;15;;daz er im riete durch got
;;;225;16;;unde durch sîner zühte gebot,
;;;225;17;;wâ er die herberge möhte hân.
;;;225;18;;Sus antwurtim der trûrige man:
;;;225;19;;"hêrre, mir ist niht bekant,
;;;225;20;;daz weder wazzer oder lant
;;;225;21;;in drîzic mîlen erbûwen sî,
;;;225;22;;wan ein burc, diu stêt hie bî.
;;;225;23;;mit triuwen ich iu râte dar.
;;;225;24;;war möhtir tâlanc anderswar?
;;;225;25;;dort an des velses wende,
;;;225;26;;dâ kêret zer zesewen hende.
;;;225;27;;sô ir komet hin ûf den graben,
;;;225;28;;ich wæne, dâ müezet ir stille haben.
;;;225;29;;bitet iu die brücke nider lâzen
;;;225;30;;unde iu offenen die strâzen."
;;;226;2;;Mit urloube er dannen schiet,
;;;226;1;;als im der vischære riet.
;;;226;3;;er sprach: "unde komet ir rehte dar,
;;;226;4;;ich nim iuwer hînt selbe war.
;;;226;5;;sô danket, als man iuwer pflege.
;;;226;6;;hüetet iuch: dâ gânt unkunde wege.
;;;226;7;;Ir muget an der lîten
;;;226;8;;vil lîhte misserîten,
;;;226;9;;dêswâr, des ich iu niht engan."
;;;226;10;;Parcifal, der huop sich dan
;;;226;11;;unde begunde werlîche draben
;;;226;12;;den rehten weg unz an den graben.
;;;226;13;;dô was diu brücke ûf gezogen,
;;;226;14;;diu burc an veste niht betrogen.
;;;226;15;;si stuont, als si wære gedræt.
;;;226;16;;ez vlüge oder hete der wint gewæt,
;;;226;17;;mit sturme ir niht geschadet was.
;;;226;18;;vil turne unde manec palas
;;;226;19;;dâ stuont mit wunderlîcher wer.
;;;226;20;;ob si suohten alliu her,
;;;226;21;;si engæben vür die selben nôt
;;;226;22;;ze drîzec jâren niht ein brôt.
;;;226;23;;Ein knappe daz geruohte
;;;226;24;;unde vrâgetin, waz er suohte
;;;226;25;;oder wannen sîn reise wære.
;;;226;26;;Er sprach: "der vischære
;;;226;27;;hât mich vor im her gesant.
;;;226;28;;ich hân genigen sîner hant
;;;226;29;;niuwan durch der herberge wân.
;;;226;30;;er bat die brücke nider lân
;;;227;1;;unde hiez mich zuo ziu rîten în."
;;;227;2;;"Sô sult ir willekome sîn,
;;;227;3;;sît ez der vischære verjach,
;;;227;4;;man biut iu êre unde gemach
;;;227;5;;durch in, der iuch sante wider",
;;;227;6;;sprach der knappe unde lie die brücke nider.
;;;227;7;;In die burc der küene reit
;;;227;8;;ûf einen hof wît unde breit.
;;;227;10;;dâ stuont al kurz kleine gras,
;;;227;9;;durch schimpf ez niht zertretet was.
;;;227;11;;dâ was bûhurdieren vermiten,
;;;227;12;;mit banieren selten überriten
;;;227;13;;als der anger ze Abenberc.
;;;227;14;;selten vrœlîchiu werc
;;;227;15;;vrumten si ze langer stunt:
;;;227;16;;in was herzeriuwe kunt.
;;;227;17;;des er doch wênic gegen in engalt.
;;;227;18;;in enpfiengen rîter junc unde alt
;;;227;19;;unde clâre junchêrrelîn,
;;;227;20;;die sprungen gegen dem zoume sîn.
;;;227;21;;ieslîchez vür daz ander greif
;;;227;22;;unde habeten im den stegreif.
;;;227;23;;Sus muoser von dem orse stên.
;;;227;24;;in bâten die rîter vürbaz gên
;;;227;25;;unde vuorten in an sîn gemach.
;;;227;26;;dar nâch vil schiere daz geschach,
;;;227;27;;daz er mit zuht entwâpent wart.
;;;227;28;;dô si den jungen âne bart
;;;227;29;;gesâhen alsô minneclîch,
;;;227;30;;si jâhen, er wære sældenrîch.
;;;228;1;;Ein wazzer iesch der junge man.
;;;228;2;;er twuoc den râm von im sân
;;;228;3;;undern ougen unde abe den handen.
;;;228;4;;alt unde junge wânden,
;;;228;5;;daz der ander tac von im schine.
;;;228;6;;sus saz der minneclîche wine
;;;228;7;;gar vor allem zâdel vrî.
;;;228;8;;pfelle von Arabi
;;;228;9;;brâhte man im - einen mantel - dar.
;;;228;10;;den leite an sich der wol gevar
;;;228;11;;mit offener snüere.
;;;228;12;;daz was im ein lobes gevüere.
;;;228;13;;Dô sprach der kamerære kluoc:
;;;228;14;;"Repanse de joie in truoc,
;;;228;15;;mîn vrouwe, diu künegîn.
;;;228;16;;aber sol er iu gelihen sîn,
;;;228;17;;iu ist niht kleider noch gesniten.
;;;228;18;;ouch moht ich sis mit êren biten;
;;;228;19;;ir dunket mich ein werder man,
;;;228;20;;ob ichz geprüeven rehte kan."
;;;228;21;;"Iuwer gnâde, hêrre, daz irz jeht,
;;;228;22;;ob ir mich ze rehte speht."
;;;228;23;;
;;;228;24;;
;;;228;25;;Man schancte im unde pflac sîn sô,
;;;228;26;;die trûrigen wâren mit im vrô.
;;;228;27;;si buten im wirde unde êre,
;;;228;28;;wan dâ was râtes mêre,
;;;228;29;;danner ze Peilrapere vant,
;;;228;30;;die von kumber schiet sîn hant.
;;;229;1;;Sîn harnasch was von im getragen.
;;;229;2;;daz er iedoch begunde klagen,
;;;229;3;;dô er sich schimpfes niht versan:
;;;229;4;;Ze hove ein redespæher man
;;;229;5;;hiez komen ze vrevellîche
;;;229;6;;den gast ellens rîche
;;;229;7;;zem wirte, als ob im wære zorn.
;;;229;8;;des hâter nâch den lîp verlorn
;;;229;9;;von dem jungen Parcifal.
;;;229;10;;dô er sîn swert wol gemâl
;;;229;11;;bî im ligen niender vant,
;;;229;12;;zeiner vûst twang er sîne hant,
;;;229;13;;daz daz bluot ûz den nageln schôz
;;;229;14;;unde im den ermel gar begôz.
;;;229;15;;"Nein, hêrre", sprach diu rîterschaft,
;;;229;16;;"ez ist ein man, der schimpfes kraft
;;;229;17;;hât, swie trûric wir selbe sîn.
;;;229;18;;tuot iuwer zuht gegen im schîn.
;;;229;19;;ir sultz niht anders hân vernomen,
;;;229;20;;wan daz der vischære sî komen.
;;;229;21;;dar gât - ir sît im ein lieber gast -
;;;229;22;;und schütet ab iu zornes last."
;;;229;23;;Si giengen gegen dem palas.
;;;229;24;;hundert krônen dâ gehangen was,
;;;229;25;;vil kerzen drûf gestôzen
;;;229;26;;ob den hûsgenôzen,
;;;229;27;;kleine lieht umb an der want.
;;;229;28;;hundert bette er dâ ligen vant.
;;;229;29;;ez schuofen, dies dâ pflâgen.
;;;229;30;;hundert kulter drûfe lâgen,
;;;230;1;;ie vier gesellen ein sundersiz.
;;;230;2;;dâ enzwischen was ein underviz,
;;;230;3;;dâr ûf ein teppich sinewel.
;;;230;4;;Fil li roys Frimutel
;;;230;5;;mohte wol geleisten daz.
;;;230;6;;eines dinges man dâ niht vergaz:
;;;230;7;;sine hete des niht betûret,
;;;230;8;;mit marmel was gemûret
;;;230;9;;drîe vierecke vîurrame.
;;;230;10;;dâr ûf was des viures name,
;;;230;11;;holz heizet 'lignâlôê'.
;;;230;12;;sô grôziu viur sît noch ê
;;;230;13;;sach niemen hie ze Wildenberc.
;;;230;14;;jenez wâren kosteclîchiu werc.
;;;230;15;;Der wirt sich selbe setzen bat
;;;230;16;;gegen der mitteln hertstat
;;;230;17;;ûf ein spanbette.
;;;230;18;;ez was worden wette
;;;230;19;;Zwischen im unde der vröude;
;;;230;20;;ern lebete niht wan töude.
;;;230;21;;In daz palas kom gegangen,
;;;230;22;;der dâ wart wol enpfangen
;;;230;24;;von im, der in sante dar,
;;;230;23;;Parcifal, der lieht gevar.
;;;230;25;;ern liez in niht langer stân.
;;;230;26;;der wirt bat in nâher gân:
;;;230;27;;"sitzet zuo mir dâ her an.
;;;230;28;;sat ich iuch verre dort hin dan,
;;;230;29;;daz wære al ze gastlîch",
;;;230;30;;sprach der wirt jâmers rîch.
;;;231;1;;Der wirt hete durch siecheit
;;;231;2;;grôz viur unde an im warmiu kleit.
;;;231;3;;wît unde lanc zobelîn,
;;;231;4;;als muose ûz unde inne sîn
;;;231;5;;der bellez unde der mantel drobe.
;;;231;6;;der swechste balc wære wol ze lobe,
;;;231;7;;der was doch swarz unde grâ.
;;;231;8;;des selben was ein hûbe dâ
;;;231;9;;ûf sînem houbete, zwivalt
;;;231;10;;von zobele, den man tiure galt.
;;;231;11;;sinewel ein arabesch borte
;;;231;12;;oben drûf hôrte,
;;;231;13;;enmitten dran ein knopfelîn,
;;;231;14;;ein durchliuhtic rubîn.
;;;231;15;;dâ was manec rîter kluoc,
;;;231;16;;dâ man jâmer vür si truoc.
;;;231;17;;Ein knappe spranc zer tür dar în,
;;;231;18;;der truoc eine glevîn.
;;;231;19;;des site was ze trûrene guot:
;;;231;20;;oben an der snîden erhuop sich bluot
;;;231;21;;unde lief den schaft nider unz ûf die hant,
;;;231;22;;daz sin dem ermele erwant.
;;;231;23;;Dô wart geweinet unde geschrît
;;;231;24;;in dem palase wît,
;;;231;25;;daz von drîzic landen
;;;231;26;;möhtens niht den ougen enblanden.
;;;231;27;;er truoc si in sînen henden
;;;231;28;;alumbe ze vier wenden
;;;231;29;;unde aber wider zuo der tür.
;;;231;30;;der knappe spranc hin ûz zer tür.
;;;232;1;;gestillet was des volkes nôt,
;;;232;2;;als in der jâmer ê gebôt,
;;;232;3;;des si diu gleve hete ermant,
;;;232;4;;die der knappe truoc an sîner hant.
;;;232;5;;Wil iuch nû niht erlangen,
;;;232;6;;sô wirt hie zuo gegangen,
;;;232;7;;daz ich iuch bringe an die vart,
;;;232;8;;wie dâ mit zuht gedient wart.
;;;232;9;;Zende an dem palas
;;;232;10;;ein stehelîn tür entslozzen was;
;;;232;11;;dâ giengen ûz zwei werdiu kint.
;;;232;12;;nû hœret, wie die geprüevet sint,
;;;232;13;;daz si wol gæben minnen solt,
;;;232;14;;swerz dâ mit dienste het erholt.
;;;232;15;;ez wâren juncvrouwen clâr.
;;;232;16;;Zwei schapel über blôzez hâr,
;;;232;17;;blüemîn was ir gebende.
;;;232;18;;ietwederiu ûf ir hende
;;;232;19;;truoc von golde ein kerzestal.
;;;232;20;;ir hâr was reit unde val.
;;;232;21;;si truogen brennendiu lieht.
;;;232;22;;ouch sul wir vergezzen nieht
;;;232;23;;umbe der juncvrouwen gewant,
;;;232;24;;dâ man si komende inne vant:
;;;232;25;;Diu grævîn von Tenebroc,
;;;232;26;;brûn scharlachen was ir roc.
;;;232;27;;des selben truoc ouch ir gespil.
;;;232;28;;si wâren gefischieret vil
;;;232;29;;mit zwein gürteln an der krenke,
;;;232;30;;ob der huf an dem gelenke.
;;;233;1;;Nâch den zwein gienc ein herzogîn
;;;233;2;;unde ir gespil. zwei stöllelîn
;;;233;3;;truogen si von helfenbein.
;;;233;4;;ir munt nâch viures rœte schein.
;;;233;5;;die nigen alle viere.
;;;233;6;;die zwô sazten schiere
;;;233;7;;vür den wirt die stollen.
;;;233;8;;dâ wart gedient mit vollen.
;;;233;9;;si stuonden samt an eine schar.
;;;233;10;;si wâren alle wol gevar.
;;;233;11;;Den vieren was glîche ir wât.
;;;233;12;;seht, wâ sich niht versûmet hât
;;;233;13;;ander juncvrouwen vierstunt zwô.
;;;233;14;;die wâren dâ geschaffet zuo,
;;;233;15;;daz si truogen kerzen grôz.
;;;233;16;;die andern viere niht verdrôz,
;;;233;17;;sine trüegen einen tiuren stein,
;;;233;18;;dâ tages diu sunne lieht durchschein.
;;;233;19;;des name was dâ vür erkant:
;;;233;20;;ez was ein grânât jâchant,
;;;233;21;;beidiu lanc unde breit.
;;;233;22;;durch die lîhte in dünne sneit,
;;;233;23;;swer in zeinem tische maz.
;;;233;24;;dâr obe der wirt durch rîcheit az.
;;;233;25;;die giengen harte rehte
;;;233;26;;vür den künec alle ehte.
;;;233;27;;durch nîgen sir houbet wegeten.
;;;233;28;;viere die taveln legeten
;;;233;29;;ûf helfenbein wîz als ein snê,
;;;233;30;;stollen, die dâ kômen ê.
;;;234;1;;Mit zühten si kunden wider gân,
;;;234;2;;zuo den êrsten vieren stân.
;;;234;4;;röcke grüener dannein gras
;;;234;3;;an disen ahte vrouwen was,
;;;234;5;;von Azagouc samît,
;;;234;6;;gesniten lanc unde wît.
;;;234;7;;dâ mitten si zesamne twanc
;;;234;8;;gürtele tiure unde lanc.
;;;234;9;;dise ahte juncvrouwen kluoc,
;;;234;10;;ieslîchiu ob ir hâre truoc
;;;234;11;;ein kleine blüemîn schapel.
;;;234;12;;Der grâve Iwan von Jonel
;;;234;13;;unde Scharius von Rile,
;;;234;14;;ze dienste über manege mîle
;;;234;15;;wâren ir tohtere dar genomen.
;;;234;16;;man sach die zwô vürstinne komen
;;;234;17;;in harte wünneclîcher wât.
;;;234;18;;Zwei mezzer snîdende als ein grât
;;;234;19;;brâhten si durch wunder
;;;234;20;;ûf zwein tweheln wîz besunder;
;;;234;21;;ez was silber harte wîz.
;;;234;22;;dâr an lac ein spæher vlîz:
;;;234;23;;im was solh scherpfe niht vermiten,
;;;234;24;;ez hete stahel wol gesniten.
;;;234;25;;Vor dem silber kômen vrouwen wert,
;;;234;26;;der was ze dienste dar gegert:
;;;234;28;;vier kint vor missewende vrî,
;;;234;27;;die truogen lieht dem silber bî.
;;;234;29;;Sus giengen salle sehse zuo.
;;;234;30;;nû hœret, waz ieglîchiu tuo:
;;;235;1;;si nigen. dô truogen zwô dar
;;;235;2;;ûf die taveln wol gevar
;;;235;3;;daz silber unde legetens nider.
;;;235;4;;mit grôzer zuht si giengen wider
;;;235;5;;zuo den êrsten zwelven stân.
;;;235;6;;
;;;235;7;;
;;;235;8;;Âvoy, nû siht man sehse gân
;;;235;9;;in wæte, die man tiure galt.
;;;235;10;;ez was halbez blîalt,
;;;235;11;;daz ander was pfelle von Ninive.
;;;235;12;;dise unde die êrsten sehse ê
;;;235;13;;truogen zwelf röcke geteilet,
;;;235;14;;gegen tiurer koste geveilet.
;;;235;15;;Nâch den gie diu künegîn.
;;;235;16;;der antlitze gap den schîn,
;;;235;17;;si wânden alle, ez wolte tagen.
;;;235;18;;man sach die maget an ir tragen
;;;235;19;;pfelle von Arabi.
;;;235;20;;ûf einem grüenen achmardî
;;;235;21;;truoc si den wunsch von paradîs,
;;;235;22;;beidiu wurzeln unde rîs:
;;;235;23;;daz was ein dinc, daz heizet der Grâl,
;;;235;24;;erden wunsches überwal.
;;;235;25;;Repanse de joie si hiez,
;;;235;26;;die sich der Grâl tragen liez.
;;;235;27;;Der Grâl was von solher art:
;;;235;28;;wol muose ir kiusche sîn bewart,
;;;235;29;;diu sîn rehte solte pflegen.
;;;235;30;;diu muose valsches sich bewegen.
;;;236;1;;Vor dem Grâle kômen lieht,
;;;236;2;;diu wâren von armer koste nieht:
;;;236;3;;sehs glas lanc, lûter, wol getân,
;;;236;4;;dâr inne balsem, der wol bran.
;;;236;5;;Dô si kômen von der tür
;;;236;6;;ze rehter mâze alsus her vür,
;;;236;7;;mit zühten neic diu künegîn
;;;236;8;;unde al diu juncvröuwelîn,
;;;236;9;;die dâ truogen balsemen vaz.
;;;236;10;;diu künegîn valscheite laz
;;;236;11;;sazte vür den wirt den Grâl.
;;;236;12;;Daz mære giht, daz Parcifal
;;;236;13;;dicke an si sach unde dâhte,
;;;236;14;;diu den Grâl dâ brâhte.
;;;236;15;;er hete iedoch ir mantel an.
;;;236;16;;mit zuht die sibene giengen dan
;;;236;17;;zuo den ahzehen êrsten.
;;;236;18;;dô liezen si die hêrsten
;;;236;19;;zwischen sich. man sagete mir,
;;;236;20;;man sazte zwelve ietwederhalben ir.
;;;236;21;;Diu maget mit der krône
;;;236;22;;stuont dâ harte schône.
;;;236;23;;swaz rîter dâ gesezzen was
;;;236;24;;über al den palas,
;;;236;25;;den wâren kamerære
;;;236;26;;mit guldînen becken swære
;;;236;27;;ie vieren geschaffet einer dar
;;;236;28;;unde ein junchêrre wol gevar,
;;;236;29;;der eine wîze twehele truoc.
;;;236;30;;man sach dâ rîcheite genuoc.
;;;237;1;;Der taveln muosen hundert sîn,
;;;237;2;;die man dô truoc zer tür dar în.
;;;237;3;;man sazte ieglîche schiere
;;;237;4;;vür werde rîter viere.
;;;237;5;;tischlachen gevar nâch wîze
;;;237;6;;wurden drûf geleit mit vlîze.
;;;237;7;;Der wirt dô selbe wazzer nam,
;;;237;8;;der was an hôhem muote lam.
;;;237;9;;mit im twuoc sich Parcifal.
;;;237;10;;eine sîdîne twehele wol gemâl,
;;;237;11;;die bôt eines græven sun dar nâch,
;;;237;12;;dem was ze kniwene vür si gâch.
;;;237;13;;Swâ dô der taveln deheiniu stuont,
;;;237;14;;dâ tet man vier knappen kunt,
;;;237;15;;daz sir dienstes niht vergæzen
;;;237;16;;den, die drobe sæzen.
;;;237;17;;Zwêne knieten unde sniten.
;;;237;18;;die andern zwêne niht vermiten,
;;;237;19;;sine trüegen trinken unde ezzen dar,
;;;237;20;;unde nâmen ir mit dienste war.
;;;237;21;;Nû hœret mê von rîcheit sagen:
;;;237;22;;vier karratschen muosen tragen
;;;237;23;;manec tiure goltvaz
;;;237;24;;ieclîchem rîter, der dâ saz.
;;;237;25;;man zôch si zen vier wenden.
;;;237;26;;vier rîter mit ir henden
;;;237;27;;man sûf die taveln setzen sach.
;;;237;28;;ieglîchem gienc ein schrîbære nâch,
;;;237;29;;der sich dar zuo arbeite
;;;237;30;;unde si wider ûf bereite,
;;;238;1;;sô dâ gedienet wære.
;;;238;2;;Nû hœret ein ander mære:
;;;238;3;;hundert knappen man gebôt,
;;;238;4;;die nâmen in wîze tweheln brôt
;;;238;5;;mit zühten vor dem Grâle.
;;;238;6;;die giengen al zemâle
;;;238;7;;unde teileten vür die taveln sich.
;;;238;8;;man sagete mir - daz sage ouch ich
;;;238;9;;ûf iuwer ieglîches eit -,
;;;238;10;;daz vor dem Grâle wære bereit
;;;238;11;;- sol ich des iemannen triegen,
;;;238;12;;sô müezet ir mit mir liegen -,
;;;238;13;;swâ nâch ieglîcher bôt die hant,
;;;238;14;;daz er al bereit vant
;;;238;15;;spîse warm, spîse kalt,
;;;238;16;;spîse niuwe, spîse alt,
;;;238;17;;daz zame unde daz wilde.
;;;238;18;;ez enwürde nie kein bilde,
;;;238;19;;beginnet maneger sprechen.
;;;238;20;;der wil sich mit übele rechen.
;;;238;21;;wan der Grâl was der sælden vruht,
;;;238;22;;der werlte süeze ein solch genuht,
;;;238;23;;er wac vil nâch gelîche,
;;;238;24;;sô man saget von himelrîche.
;;;238;25;;in kleiniu goltvaz man nam,
;;;238;26;;als ieglîcher spîse zam,
;;;238;27;;salsen, pfeffer, agraz.
;;;238;28;;dâ hete der kiusche unde der vrâz
;;;238;29;;alglîche genuoc.
;;;238;30;;mit grôzer zuht man vür si truoc
;;;239;1;;môraz, wîn, siropel rôt.
;;;239;2;;swâ nâch den napf ieglîcher bôt
;;;239;3;;unde swaz er trinkens kunde nennen,
;;;239;4;;daz mohter drinne erkennen -
;;;239;5;;allez von des Grâles kraft.
;;;239;6;;diu werde geselleschaft
;;;239;7;;heten wirtschaft vonme Grâl.
;;;239;8;;vil wol marhte Parcifal
;;;239;9;;die rîcheit unde daz wunder grôz;
;;;239;10;;durch zuht in vrâgens dô verdrôz.
;;;239;11;;Er dâhte: "mir riet Gurnemanz
;;;239;12;;mit guoten triuwen âne schranz,
;;;239;13;;ine solte vil gevrâgen niht.
;;;239;14;;waz, ob mîn wesen hie geschiht
;;;239;15;;der mâze als dort bî ime?
;;;239;16;;âne vrâgen ich vernime,
;;;239;17;;wiez umbe dise massenîe stêt."
;;;239;18;;In disen gedanken nâher gêt
;;;239;19;;ein knappe, der truoc ein swert,
;;;239;20;;des balc was tûsent marke wert.
;;;239;21;;daz gehilze was ein rubîn.
;;;239;22;;ouch mohte diu klinge sîn
;;;239;23;;grôzer wunder urhap.
;;;239;24;;der wirt ez sînem gaste gap.
;;;239;25;;er sprach: "hêrre, ich brâhtez in nôt
;;;239;26;;an maneger stat, ê daz mich got
;;;239;27;;an dem lîbe hât geletzet.
;;;239;28;;nû sît dâr mit ergetzet,
;;;239;29;;ob man iuwer hie niht wol pflege.
;;;239;30;;ir mugetz vüeren alle wege.
;;;240;1;;geprüevet ir rehte sînen art,
;;;240;2;;ir sît gegen strîte dâr mit bewart."
;;;240;3;;Ouwê, daz er niht vrâgete dô!
;;;240;4;;des bin ich vür in noch unvrô,
;;;240;5;;wan dô erz enpfienc von sîner hant,
;;;240;6;;dô was er vrâgens gemant.
;;;240;7;;ouch riuwet mich sîn süezer wirt,
;;;240;8;;den ungnâde niht verbirt,
;;;240;9;;der im von vrâgene wære rât.
;;;240;10;;Genuoc man dâ gegeben hât:
;;;240;11;;dies pflâgen, die grifenz an
;;;240;12;;unde truogen daz gerüste dan.
;;;240;13;;Vier karratschen man dâ luot.
;;;240;14;;ieglîch vrouwe ir dienst tuot,
;;;240;15;;ê die jungesten, nû die êrsten.
;;;240;16;;dô schuofens aber die hêrsten
;;;240;17;;wider zuome Grâle.
;;;240;18;;dem wirte unde Parcifale
;;;240;19;;mit zühten neic diu künegîn
;;;240;20;;unde al diu juncvröuwelîn.
;;;240;21;;si brâhten wider în zer tür,
;;;240;22;;daz si mit zühten ê truogen vür.
;;;240;23;;Parcifal in blicte nâch.
;;;240;24;;an einem spanbette er sach
;;;240;25;;in einer kemenâten,
;;;240;26;;ê si nâch in zuo getâten,
;;;240;27;;den aller schœnesten alten man,
;;;240;28;;des er kunde ie gewan.
;;;240;29;;ich mag ez wol sagen âne guft:
;;;240;30;;er was noch grâwer dan der tuft.
;;;241;1;;Wer der selbe wære,
;;;241;2;;des vreischet ir her nâch mære;
;;;241;3;;dar zuo der wirt, sîn burc, sîn lant,
;;;241;4;;diu werdent iu von mir genant
;;;241;5;;her nâch, sô des wirt zît,
;;;241;6;;bescheidenlîchen, âne strît
;;;241;7;;unde âne allez vür zogen.
;;;241;8;;ich sage iu die senewen âne bogen.
;;;241;9;;diu senewe ist ein bîspel.
;;;241;10;;ouch dunket iuch der boge snel;
;;;241;11;;noch ist sneller, daz diu senewe jaget.
;;;241;12;;obich iu rehte hân gesaget,
;;;241;13;;diu senewe glîchet mæren sleht,
;;;241;14;;diu dunket ouch die liute reht.
;;;241;15;;wan swer iu saget von der krumbe,
;;;241;16;;der wil iuch leiten umbe.
;;;241;17;;wan swer den bogen gespannen siht,
;;;241;18;;der senewen er der slihte giht,
;;;241;19;;man enwelle si zerbrochen denen,
;;;241;20;;sô si den schuz muoz ze vaste menen.
;;;241;21;;swer dem sîn mære schiuzet,
;;;241;22;;des in durch nôt verdriuzet
;;;241;23;;- wan daz enhât dâ niender pfat
;;;241;24;;noch gerûmeclîche stat:
;;;241;25;;zeinem ôren în, zem andern vür -,
;;;241;26;;mîn arbeit ich gar verlür,
;;;241;28;;ich sagete oder sünge,
;;;241;27;;ob den mîn mære drünge,
;;;241;29;;daz ez noch baz vernæme ein boc
;;;241;30;;oder ein ulmiger stoc.
;;;242;1;;Ich wil iu noch baz betiuten
;;;242;2;;von disen jâmerbæren liuten,
;;;242;3;;dar geriten kom Parcifal:
;;;242;4;;man sach dâ selten vröuden schal,
;;;242;5;;ez wære bûhurt oder tanz.
;;;242;6;;ir klagendiu stæte was sô ganz,
;;;242;7;;si kêrten sich an schimpf niht.
;;;242;8;;swâ man noch minre liute siht,
;;;242;9;;den tuot ouch etswenne vröude wol;
;;;242;10;;dâ wâren die winkele alle vol
;;;242;11;;unde ouch ze hove, swâ man si sach.
;;;242;12;;Der wirt ze sînem gaste sprach:
;;;242;13;;"ich wæne, man iu gebettet hât.
;;;242;14;;sît ir müede, sô ist mîn rât,
;;;242;15;;daz ir gêt iuch legen slâfen."
;;;242;16;;Nû soltich schrîen 'wâfen'
;;;242;17;;umbir scheiden, daz si tuont.
;;;242;18;;des wirt grôz trûren in beiden kunt.
;;;242;19;;von der hertstat er trat
;;;242;20;;ûf einen tepich an eine stat,
;;;242;21;;Parcifal, der wol geslaht,
;;;242;22;;bôt dem wirte guote naht.
;;;242;23;;Diu rîterschaft dô gar ûf spranc.
;;;242;24;;ein teil ir im dar nâher dranc
;;;242;25;;unde vuorten den jungen man
;;;242;26;;in eine kemenâte sân,
;;;242;27;;diu was alsô gehêret,
;;;242;28;;mit einem bette geêret,
;;;242;29;;daz mich mîn armuot müet,
;;;242;30;;sît diu erde alsolhe rîcheit blüet.
;;;243;1;;Dem bette was armuot tiure.
;;;243;2;;Alser gleste ûz einem viure,
;;;243;3;;lac drûfe ein pfelle lieht gemâl.
;;;243;4;;die rîter hiez dô Parcifal
;;;243;5;;wider varn anir gemach,
;;;243;6;;dô er niht mêre dâ bette sach.
;;;243;7;;Mit urloube si schieden dan.
;;;243;8;;hie hebet sich ander dienst an.
;;;243;9;;Vil kerzen unde diu varwe sîn
;;;243;10;;gâben ze gegenstrîte schîn.
;;;243;11;;waz mohte sîn liehter danne der tac?
;;;243;12;;vor sînem bette ein tepich lac,
;;;243;13;;dâr ûf ein kulter, dâ er saz.
;;;243;14;;Junchêrren snel unde niht ze laz,
;;;243;15;;genuoge ir im dar nâher spranc.
;;;243;16;;si entschuohten im diu bein, diu wâren blanc.
;;;243;17;;ouch zôch im mê gewandes abe
;;;243;18;;manec wol geborner knabe.
;;;243;19;;vlætic wâren disiu kindelîn.
;;;243;20;;dar nâch gie zer tür dar în
;;;243;21;;vier clâre juncvrouwen,
;;;243;22;;die solten dannoch schouwen,
;;;243;23;;wie man des heldes pflæge
;;;243;24;;unde ober sanfte læge.
;;;243;25;;Als mir diu âventiure gewuoc,
;;;243;26;;vor ieglîcher ein knappe truoc
;;;243;27;;eine kerze, diu wol bran.
;;;243;28;;Parcifal, der werde man,
;;;243;29;;spranc underz deckelachen.
;;;243;30;;Si sprâchen: "ir sult wachen
;;;244;1;;durch uns eine wîle."
;;;244;2;;ein spil mit der île
;;;244;3;;het er unz in den ort gespilt.
;;;244;4;;daz was gegen liehter varwe gezilt:
;;;244;5;;
;;;244;6;;
;;;244;7;;ouch vuocten in gedanke nôt,
;;;244;8;;daz im sîn munt was rôserôt
;;;244;9;;unde daz von jugende niemen dran
;;;244;10;;kôs einen halben gran.
;;;244;11;;Dise vier juncvrouwen kluoc,
;;;244;12;;nû hœret, waz ieglîchiu truoc:
;;;244;13;;môraz, wîn, lûtertranc
;;;244;14;;brâhten drîe ûf handen blanc.
;;;244;15;;diu vierde juncvrouwe wîs
;;;244;16;;truoc obez der art von paradîs
;;;244;17;;ûf einer tweheln blanc gevar.
;;;244;18;;diu selbe kniete vür in dar.
;;;244;19;;er bat die vrouwen sitzen.
;;;244;20;;"Nein, hêrre, lât mich bî witzen.
;;;244;21;;sô wæret ir dienstes ungewert,
;;;244;22;;alsich bin vür iuch gegert."
;;;244;23;;Süezer rede er gegen ir niht vergaz.
;;;244;24;;der hêrre tranc, ein teil er az.
;;;244;25;;Mit urloube si giengen wider.
;;;244;26;;Parcifal sich leite nider.
;;;244;27;;Dô sazten die junchêrrelîn
;;;244;28;;ûf den tepich die kerzen sîn.
;;;244;29;;dô sin slâfen sâhen,
;;;244;30;;si begunden dannen gâhen.
;;;245;1;;Parcifal niht eine lac:
;;;245;2;;geselleclîche unz an den tac
;;;245;3;;was bî im strengiu arbeit.
;;;245;4;;ir boten künftigiu leit
;;;245;5;;santen im in slâfe dar,
;;;245;6;;sô daz der junge wol gevar
;;;245;7;;sîner muoter troum gar widerwac,
;;;245;8;;des si nâch Gahmurete pflac.
;;;245;9;;sus wart gesteppet im sîn troum
;;;245;10;;mit swertslegen umbe den soum,
;;;245;11;;dâr vor mit maneger tjost rîche.
;;;245;12;;von rabîne hurteclîche
;;;245;13;;er leit in slâfe sölhe nôt,
;;;245;14;;möhter drîzic stunt sîn tôt,
;;;245;15;;daz het er wachende ê gedolt.
;;;245;16;;sus teiltim ungemach den solt.
;;;245;17;;Von disen strengen sachen
;;;245;18;;muoser durch nôt erwachen.
;;;245;19;;im swizten âdern unde bein.
;;;245;20;;der tac ouch durch diu venster schein.
;;;245;21;;Dô sprach er: "wê, wâ sint diu kint,
;;;245;22;;daz si hie vor mir niht sint?
;;;245;23;;wer sol mir bieten mîn gewant?"
;;;245;24;;sus wartetir der wîgant,
;;;245;25;;unz daz er ander stunt entslief.
;;;245;26;;niemen dâ redete noch enrief.
;;;245;27;;si wâren gar verborgen.
;;;245;28;;Rehte umb den mitten morgen,
;;;245;29;;dô erwachete aber der junge man.
;;;245;30;;ûf rihte sich der küene sân.
;;;246;1;;Ûf dem teppiche sach der degen wert
;;;246;2;;ligen sîn harnasch unde zwei swert.
;;;246;3;;daz eine im der wirt geben hiez,
;;;246;4;;daz ander was von Kaheviez.
;;;246;5;;Dô sprach er zim selben sân:
;;;246;6;;"ouwê, durch waz ist diz getân?
;;;246;7;;deiswâr, ich sol mich wâpen drîn.
;;;246;8;;ich leit in slâfe sölhen pîn,
;;;246;9;;daz mir wachende arbeit
;;;246;10;;noch hiute, wænich, ist bereit.
;;;246;11;;Hât dirre wirt urliuges nôt,
;;;246;12;;sô leist ich gerne sîn gebot
;;;246;13;;unde ir gebot mit triuwen,
;;;246;14;;diu disen mantel niuwen
;;;246;15;;mir lêch durch ir güete.
;;;246;16;;wan stüende ir gemüete,
;;;246;17;;daz si mîn dienst wolte nemen,
;;;246;18;;daz kunde mich durch si gezemen -
;;;246;19;;unde doch niht umbir minne,
;;;246;20;;wand mîn wîp, diu küneginne,
;;;246;21;;ist an ir lîbe als clâr
;;;246;22;;oder vürbaz, daz ist wâr."
;;;246;23;;Der tet, als man tuon sol:
;;;246;24;;von vuoze ûf wâpenter sich wol
;;;246;25;;gegen strîtes antwurte.
;;;246;26;;Zwei swert er umbe gurte.
;;;246;27;;zer tür gie ûz der werde degen.
;;;246;28;;Nû was sîn ors an die stegen
;;;246;29;;geheftet. schilt unde sper
;;;246;30;;lente dâr bî: daz was sîn ger.
;;;247;1;;Ê Parcifal, der wîgant,
;;;247;2;;sich des orses underwant,
;;;247;3;;vil manegez er der gadem erlief,
;;;247;4;;sô daz er nâch den liuten rief.
;;;247;5;;ern hôrte niemen nochn sach,
;;;247;6;;unvuoge leide im geschach.
;;;247;7;;daz hetim zorn gereizet.
;;;247;8;;er lief, dâ er was erbeizet
;;;247;9;;des âbendes, dô er komen was.
;;;247;10;;dâ was erde unde gras
;;;247;11;;mit treten gerüeret
;;;247;12;;unde der tou zervüeret.
;;;247;13;;alschrîende lief der junge man
;;;247;14;;wider zuo dem orse sân.
;;;247;15;;mit bâgenden worten
;;;247;16;;saz er drûf. die porten
;;;247;17;;vant er wît offen stân,
;;;247;18;;dar durch grôze slâ gân.
;;;247;19;;
;;;247;20;;
;;;247;21;;Ein verborgen knappe daz seil
;;;247;22;;zôch; der slagebrücken teil
;;;247;23;;hete daz ors nâch gevellet nider.
;;;247;24;;Parcifal, der sach wider
;;;247;25;;unde wolte hân gevrâget baz.
;;;247;26;;"Ir sult varn, der sunnen haz",
;;;247;27;;sprach der knappe, "ir sît ein gans.
;;;247;28;;möhtir gerüeret hân den vlans
;;;247;29;;unde hetet den wirt gevrâget!
;;;247;30;;vil prîses iuch hât betrâget."
;;;248;1;;Nâch den mæren schrei der gast;
;;;248;2;;der gegenrede im gar gebrast.
;;;248;3;;swie vil er nâch geriefe,
;;;248;4;;rehte alser gânde sliefe,
;;;248;5;;warp der knappe unde sluoc die porten zuo.
;;;248;6;;dô was sîn scheiden dan ze vruo
;;;248;7;;an dirre vlustbæren zît
;;;248;8;;dem, der nû zins von vröuden gît.
;;;248;9;;diu was an im verborgen.
;;;248;10;;umb den wurf der sorgen
;;;248;11;;wart getopelt, dô er den Grâl vant
;;;248;12;;mit sînen ougen, âne hant
;;;248;13;;unde âne würfels ecke.
;;;248;14;;obin nû kumber wecke,
;;;248;15;;des was er dâ vor ungewent;
;;;248;16;;ern hete sich niht vil gesent.
;;;248;17;;Parcifal, der huop sich nâch
;;;248;18;;vaste ûf ir slâ, dier dâ sach.
;;;248;19;;er dâhte: "die vor mir rîtent,
;;;248;20;;ich wæn, si noch hiute strîtent
;;;248;21;;manlîche umbe mînes wirtes dinc.
;;;248;22;;geruohten siz, sô wære ir rinc
;;;248;23;;mit mir niht verkrenket.
;;;248;24;;dâne würde niht gewenket:
;;;248;25;;ine hülfin an der selben nôt,
;;;248;26;;daz ich gediende mîn brôt
;;;248;27;;unde ouch diz wünneclîche swert,
;;;248;28;;daz mir gab ir hêrre wert.
;;;248;29;;ungedient ich daz trage.
;;;248;30;;si wænent lîhte, ich sî ein zage."
;;;249;1;;Der valscheite widersaz
;;;249;2;;kêrte ûf der huofslege kraz.
;;;249;3;;sîn scheiden dan, daz riuwet mich.
;;;249;4;;Nû êrst âventiuret ez sich.
;;;249;5;;dô begunde krenken sich ir spor.
;;;249;6;;sich schieden, die dâ riten vor.
;;;249;7;;ir slâ wart smal, diu ê was breit.
;;;249;8;;die verlôs er gar, daz was im leit.
;;;249;9;;Mære vriesch der junge man,
;;;249;10;;dâ von er herzenôt gewan.
;;;249;11;;dô erhôrte der helt ellens rîch
;;;249;12;;einer vrouwen stimme jæmerlîch.
;;;249;13;;ez was dannoch von touwe naz.
;;;249;14;;vor im ûf einer linden saz
;;;249;15;;ein maget, der vuocte ir triuwe nôt.
;;;249;16;;ein gebalsemeter rîter tôt
;;;249;17;;lac an ir armen.
;;;249;18;;den si niht wolte erbarmen,
;;;249;19;;der si alsô sitzen sæhe,
;;;249;20;;untriuwen ich im jæhe.
;;;249;21;;sîn ôre er gegen ir wande,
;;;249;22;;der wênic si erkande.
;;;249;23;;si was doch sîner muomen kint.
;;;249;24;;alliu irdenschiu triuwe was ein wint,
;;;249;25;;wan dier an ir lîbe sach.
;;;249;26;;Parcifal si gruozte unde sprach.
;;;249;27;;er sprach: "vrouwe, mir ist leit
;;;249;28;;iuwer senelîchiu arbeit.
;;;249;29;;bedurfet ir mînes dienstes iht,
;;;249;30;;in iuwerm dienste man mich siht."
;;;250;1;;Des dankete sim ûz jâmers siten
;;;250;2;;unde vrâgetin, wannen er kæme geriten.
;;;250;3;;si sprach: "ez ist mir widerzæme,
;;;250;4;;daz ieman an sich næme
;;;250;5;;sîn reise in dise waste.
;;;250;6;;unkundeme gaste
;;;250;7;;mac wol hie schade geschehen.
;;;250;8;;ich hânz gehôret unde gesehen,
;;;250;9;;daz hie vil liute ir lîp verlurn,
;;;250;10;;die werlîchen tôt erkurn.
;;;250;11;;vart hinnen, ob ir welt genesen.
;;;250;12;;saget ê, wâ sît ir hînt gewesen?"
;;;250;13;;"Dar ist ein mîle oder mêr,
;;;250;14;;daz ich gesach nie burc sô hêr
;;;250;15;;mit aller slahte rîcheit.
;;;250;16;;in kurzer wîle ich dannen reit."
;;;250;17;;Si sprach: "swer iu getriuwet iht,
;;;250;18;;den sult ir vil getriegen niht.
;;;250;19;;ir traget doch eines gastes schilt.
;;;250;20;;iuch möhte des waldes hân bevilt,
;;;250;21;;von erbûweme lande geriten.
;;;250;22;;in drîzic mîlen wart nie versniten
;;;250;23;;ze dekeinem bûwe holz noch stein,
;;;250;24;;wan ein burc, diu stât alein.
;;;250;25;;diu ist erden wunsches rîche.
;;;250;26;;swer die suochet vlîzeclîche,
;;;250;27;;leider der envindet ir niht.
;;;250;28;;vil liute mans doch werben siht.
;;;250;29;;ez muoz unwizzende geschehen,
;;;250;30;;swer iemer sol die burc gesehen."
;;;251;1;;si sprach: "hêrre, diust iu niht bekant.
;;;251;2;;Munsalvasche ist si genant.
;;;251;3;;der bürge wirtes roiâm,
;;;251;4;;Terre de Salvasche ist sîn nam.
;;;251;5;;ez brâhte der alte Tyturel
;;;251;6;;an sînen sun. rois Frimutel,
;;;251;7;;sus hiez der werde wîgant.
;;;251;8;;vil manegen prîs erwarp sîn hant.
;;;251;9;;der lac an einer tjost tôt,
;;;251;10;;als im diu minne dar gebôt.
;;;251;11;;der selbe lie vier werdiu kint.
;;;251;12;;bî rîcheit driu in jâmere sint.
;;;251;13;;der vierde lîdet armuot,
;;;251;14;;durch got vür sünde er daz tuot.
;;;251;15;;der ist geheizen Trefrizent.
;;;251;16;;Anfortas, sîn bruoder, lent.
;;;251;17;;der mac gerîten noch gegân
;;;251;18;;noch geligen noch gestân.
;;;251;19;;der ist ûf Munsalvasche wirt.
;;;251;20;;ungnâde in dâ niht verbirt."
;;;251;21;;Si sprach: "hêrre, wæret ir dar
;;;251;22;;komen, zer jâmerlîchen schar,
;;;251;23;;sô wære dem wirte worden rât
;;;251;24;;vil kumbers, den er nû lange hât."
;;;251;25;;Der Waleis zuo der megde sprach:
;;;251;26;;"grôz wunder ich dâ sach
;;;251;27;;unde manege vrouwen wol getân."
;;;251;28;;Bî der stimme erkante si den man.
;;;251;29;;dô sprach si: "dû bist Parcifal!
;;;251;30;;nû sage, sæhe dû den Grâl
;;;252;1;;unde den wirt vröuden lære?
;;;252;2;;lâ hœren liebiu mære,
;;;252;3;;ob wendic sî sîn vreise!
;;;252;4;;wol dich der sælden reise!
;;;252;5;;wan swaz die lüfte hânt beslagen,
;;;252;6;;dâr obe muost dû krône tragen.
;;;252;7;;dir dient zam unde wilt,
;;;252;8;;ze reichene ist dir wunsch gezilt."
;;;252;9;;Parcifal, der wîgant,
;;;252;10;;sprach: "wâ von habt ir mich bekant?"
;;;252;11;;Si verjach es im: "daz bin ich, diu maget,
;;;252;12;;diu dir ê kumber hât geklaget
;;;252;13;;unde dir sagete dînen namen.
;;;252;14;;dûne darftich niht der sippe schamen,
;;;252;15;;daz dîn muoter ist mîn muome.
;;;252;16;;wîplîcher kiusche ein bluome
;;;252;17;;ist si, gelûtert âne tou.
;;;252;18;;got lône dir, daz dich sô rou
;;;252;19;;mîn vriunt, der mir zer tjost lac tôt.
;;;252;20;;ich hân in alhie. nû prüeve nôt,
;;;252;21;;die mir hât got an im geben,
;;;252;22;;daz er niht langer solte leben.
;;;252;23;;er pflac manlîcher güete.
;;;252;24;;sîn sterben mich dô müete.
;;;252;25;;ouch hân ich von tage ze tage
;;;252;26;;vürbaz erkennet niuwe klage."
;;;252;27;;"Ouwê, war kom dîn rôter munt?
;;;252;28;;bistûz, Sygune, diu mir kunt
;;;252;29;;tet, wer ich was, âne allen vâr?
;;;252;30;;dîn reideloht, lanc, brûnez hâr,
;;;253;1;;des ist dîn houbet blôz getân.
;;;253;2;;zem fôreht in Prezilian
;;;253;3;;sach ich dich dô vil minneclîch,
;;;253;4;;swie dû wærest jâmers rîch.
;;;253;5;;dû hâst verlorn varwe kraft.
;;;253;6;;dîner herten geselleschaft
;;;253;7;;verdrüzze mich, solt ich si haben.
;;;253;8;;wir suln disen tôten man begraben."
;;;253;9;;Dô nazten ir ougen die wât.
;;;253;10;;ouch enwas vroun Luneten rât
;;;253;11;;niender dâ bî ir gewesen.
;;;253;12;;diu riet ir vrouwen: "lât genesen
;;;253;13;;disen man, der den iuwern sluoc.
;;;253;14;;er mac iuch sîn ergetzen genuoc."
;;;253;15;;Sygune gerte ergetzens niht
;;;253;16;;als wîp, die man bî wanke siht,
;;;253;17;;genuoge, der wil ich gedagen.
;;;253;18;;hœret mê von Sygunen triuwe sagen.
;;;253;19;;Si sprach: "unde sol mich iht gevröun,
;;;253;20;;daz ist ein dinc, ob in sîn töun
;;;253;21;;lât, den vil getriuwen man.
;;;253;22;;schiedû helfeclîche dan,
;;;253;23;;sô ist dîn lîp wol prîses wert.
;;;253;24;;dû vüerest ouch umb dich sîn swert.
;;;253;25;;hâstû gelernet des swertes segen,
;;;253;26;;dû maht âne angest strîtes pflegen.
;;;253;27;;Sîn ecke ligent im rehte.
;;;253;28;;von edelme geslehte
;;;253;29;;worhtes Trebuketes hant.
;;;253;30;;ein brunne stêt bî Garnant.
;;;254;1;;dar nâch der künec heizet Lac.
;;;254;2;;daz swert stât ganz einen tac,
;;;254;3;;an dem andern ez zervellet gar.
;;;254;4;;wilt dûz danne bringen dar,
;;;254;5;;ez wirt ganz von des wazzers trân.
;;;254;6;;dû muost des ursprunges hân
;;;254;7;;von dem velse, ê in beschîne der tac.
;;;254;8;;der selbe brunne heizet Lac.
;;;254;9;;sint diu stücke niht verrêret,
;;;254;10;;der si rehte zein ander kêret,
;;;254;11;;sô si der brunne machet naz,
;;;254;12;;ganz unde vester baz
;;;254;13;;werdent im valz unde ecke sîn
;;;254;14;;unde verliesent niht diu mâl ir schîn.
;;;254;15;;daz swert bedarf wol segenes wort.
;;;254;16;;ich vorhte, diu habest dû gelâzen dort.
;;;254;17;;hât si aber dîn munt gelernet,
;;;254;18;;sô wehset unde kernet
;;;254;19;;iemer sælden kraft bî dir.
;;;254;20;;lieber neve, geloube mir,
;;;254;21;;sô muoz gar dienen dîner hant,
;;;254;22;;swaz dîn lîp dâ wunders vant.
;;;254;23;;dû maht ouch tragen schône
;;;254;24;;iemer sælden krône
;;;254;25;;hôhe ob den werden.
;;;254;26;;den wunsch ûf der erden
;;;254;27;;hâstû volleclîche.
;;;254;28;;nieman ist sô rîche,
;;;254;29;;der gegen dir koste muge hân,
;;;254;30;;hâst dû der vrâge ir reht getân."
;;;255;1;;Er sprach: "ine habe gevrâget niht."
;;;255;2;;"ouwê, daz iuch mîn ouge siht",
;;;255;3;;sprach diu jâmerbæriu maget,
;;;255;4;;"sît ir vrâgens verzaget!
;;;255;5;;ir sâhet doch solh wunder grôz -
;;;255;6;;daz iuch vrâgens dô verdrôz,
;;;255;7;;aldâ ir wâret dem Grâle bî -,
;;;255;8;;unde maneger vrouwen valsches vrî,
;;;255;9;;die werden Garschiloien
;;;255;10;;unde Repansen de joien,
;;;255;11;;unde snîdende silber unde bluotic sper!
;;;255;12;;ouwê, waz wolt ir zuo mir her?
;;;255;13;;geunêreter lîp, vervluocheter man!
;;;255;14;;ir truoget den eiterwolves zan,
;;;255;15;;dô diu galle in der triuwe
;;;255;16;;an iu bleip al niuwe.
;;;255;17;;iuwer wirt iuch solte erbarmet hân,
;;;255;18;;an dem got wunder hât getân,
;;;255;19;;unde hetet ir gevrâget sîner nôt.
;;;255;20;;ir lebet unde sît an sælden tôt."
;;;255;22;;"Tuo bezzern willen gegen mir schîn",
;;;255;21;;sprach er, "liebiu niftele mîn.
;;;255;23;;ich wandele, hân ich iht getân."
;;;255;24;;"Ir sult wandels sîn erlân",
;;;255;25;;sprach diu maget, "mir ist wol bekant,
;;;255;26;;ze Munsalvasche an iu verswant
;;;255;27;;êre unde rîterlîcher prîs.
;;;255;28;;ir envindet nû deheine wîs
;;;255;29;;deheine widerrede an mir."
;;;255;30;;Parcifal sus schiet von ir.
;;;256;1;;Daz er vrâgens was sô laz,
;;;256;2;;dô er bî dem trûrigen wirte saz,
;;;256;3;;daz rou dô grôzlîche
;;;256;4;;den helt ellens rîche.
;;;256;5;;Durch klage unde durch den tac sô heiz
;;;256;6;;begunde netzen in der sweiz.
;;;256;7;;durch den luft er von im bant
;;;256;8;;den helm unde vuortin in der hant.
;;;256;9;;er entstricte die vinteilen sîn.
;;;256;10;;durch îsers râm was lieht sîn schîn.
;;;256;11;;er kom ûf eine niuwe slâ,
;;;256;12;;wan ez gienc vor im aldâ
;;;256;13;;ein ors, daz was wol beslagen,
;;;256;14;;unde ein barvuoz pfert, daz muose tragen
;;;256;15;;eine vrouwen, dier sach.
;;;256;16;;nâch der ze rîtene im geschach.
;;;256;17;;daz pfert von kumber was verselt:
;;;256;18;;man het im durch die hût gezelt
;;;256;19;;wol alliu sîniu rippe gar.
;;;256;20;;als ein harm ez was gevar.
;;;256;21;;dâ lac ein bestîn britel an.
;;;256;22;;unz ûf den huof swanc im diu man,
;;;256;23;;diu ougen tief, die gruoben wît.
;;;256;24;;ouch der vrouwen runzît
;;;256;25;;- vertwâlet unde vertrecket,
;;;256;26;;durch kumber dicke erwecket -,
;;;256;27;;ez was dürre als ein zunder.
;;;256;28;;sîn gân, daz was wunder,
;;;256;29;;wan ez reit ein vrouwe wert,
;;;256;30;;diu selten kunrierte pfert.
;;;257;1;;dâ lac ûf ein gereite,
;;;257;2;;smal âne alle breite,
;;;257;3;;geschelle unde boge verrêret,
;;;257;4;;grôz zadel dran gemêret.
;;;257;5;;Der vrouwen trûric, niht ze geil,
;;;257;6;;ir durchzingel was ein seil.
;;;257;7;;dem was si doch ze wol geborn.
;;;257;8;;ouch heten die este unde etslîch dorn
;;;257;9;;ir hemde zervüeret.
;;;257;10;;swâ ez mit zerrenne was gerüeret,
;;;257;11;;dâ sach er vil der stricke,
;;;257;12;;dâ under liehte blicke:
;;;257;13;;ir hût was glîcher danne ein swan.
;;;257;14;;si vuorte niht wan knoden an.
;;;257;15;;swâ die wâren des velles dach,
;;;257;16;;in blanker varwe er daz sach.
;;;257;17;;daz ander leit von sunnen nôt.
;;;257;18;;swiez ie kom, ir munt was rôt.
;;;257;19;;der muose alsolhe varwe tragen,
;;;257;20;;man hete daz viur wol drûz geslagen.
;;;257;21;;swâ man si wolte an rîten,
;;;257;22;;daz was ze blôzer sîten.
;;;257;23;;nante sieman vilân,
;;;257;24;;der hetir unreht getân,
;;;257;25;;wan si hete wênic an ir.
;;;257;26;;durch iuwer zuht geloubet mir:
;;;257;27;;si truoc ungedienten haz.
;;;257;28;;wîplîcher güete si nie vergaz.
;;;257;29;;ich seit iu vil von armuot.
;;;257;30;;war zuo? diz ist als guot.
;;;257;31;;doch næm ich solhen blôzen lîp
;;;257;32;;vür etslîch wol gekleidet wîp.
;;;258;1;;Dô Parcifal gruoz gegen ir sprach,
;;;258;2;;An in si erkenneclîche sach.
;;;258;3;;er was der schœneste über alliu lant;
;;;258;4;;dâ von sin schiere hete erkant.
;;;258;5;;Si sprach: "ich hân iuch ê gesehen,
;;;258;6;;dâ von mir leide ist geschehen.
;;;258;7;;doch müez iu vröude unde êre
;;;258;8;;got geben iemer mêre,
;;;258;9;;dannir umbe mich gedient hât.
;;;258;10;;ez ist nû ermer mîn wât,
;;;258;11;;danne ir si ze jungest sâhet.
;;;258;12;;wæret ir niht genâhet
;;;258;13;;mir an der selben zît,
;;;258;14;;sô hetich êre âne strît."
;;;258;15;;Dô sprach er: "vrouwe, merket baz,
;;;258;16;;gegen wem ir kêret iuwern haz.
;;;258;17;;jône wart von mînem lîbe
;;;258;18;;iu noch deheinem wîbe
;;;258;19;;laster nie gemêret
;;;258;20;;- sô hetich mich geunêret -,
;;;258;21;;sît ich den schilt von êrst gewan
;;;258;22;;unde rîters vuore mich versan.
;;;258;23;;mirst anders iuwer kumber leit."
;;;258;24;;Al weinende diu vrouwe reit,
;;;258;25;;daz si begôz ir brüstelîn.
;;;258;26;;als si gedrât solten sîn,
;;;258;27;;stuonden si blanc, hôch, sinewel.
;;;258;28;;jône wart nie drehsel als snel,
;;;258;29;;der si gedrât hete baz.
;;;258;30;;swie minneclîch diu vrouwe saz,
;;;259;1;;si muosin doch erbarmen.
;;;259;2;;mit henden unde mit armen
;;;259;3;;begunde si sich decken
;;;259;4;;vor Parcifale, dem recken.
;;;259;5;;Dô sprach er: "vrouwe, nemt durch got
;;;259;6;;ûf rehten dienst sunder spot
;;;259;7;;an iuwern lîp mîn kursît."
;;;259;8;;Si sprach: "unde wære daz âne strît,
;;;259;9;;daz al mîn vröude læge dran,
;;;259;10;;sône getörstichz niht grîfen an.
;;;259;11;;welt ir uns machen tôdes vrî,
;;;259;12;;sô rîtet, daz ich iu verre sî.
;;;259;13;;doch klaget ich wênic mînen tôt,
;;;259;14;;wan daz ich vorhte, ir komets in nôt."
;;;259;15;;Dô sprach er: "vrouwe, wer næm uns daz leben?
;;;259;16;;daz hât uns gotes kraft gegeben,
;;;259;17;;unde ob des gerte ein ganzez her,
;;;259;18;;man sæhe mich vür in ze wer."
;;;259;19;;Si sprach: "des gert ein werder degen,
;;;259;20;;der hât sich strîtes sô bewegen,
;;;259;21;;iuwer sehse kœmet es in arbeit.
;;;259;22;;mir ist iuwer rîten bî mir leit.
;;;259;23;;ich was etswenne sîn wîp.
;;;259;24;;nûne möhte mîn vertwâlet lîp
;;;259;25;;des heldes dirne niht gesîn.
;;;259;26;;sus tuot er gegen mir zürnen schîn."
;;;259;27;;Dô sprach er zuo der vrouwen sân:
;;;259;28;;"wer ist hie mit iuwerm man?
;;;259;29;;vlühe ich nû durch iuwern rât,
;;;259;30;;daz diuhte iuch lîhte ein missetât.
;;;260;1;;swennich vliehen lerne,
;;;260;2;;sô stirbich als gerne."
;;;260;3;;Dô sprach diu blôze herzogîn:
;;;260;4;;"er hât hie niemen danne mîn.
;;;260;5;;Der trôst ist kranc gegen strîtes sige."
;;;260;6;;niht wan knoden unde der rige
;;;260;7;;was an der vrouwen hemde ganz.
;;;260;8;;wîplîcher kiusche lobes kranz
;;;260;9;;truoc si mit armüete.
;;;260;10;;si pflac der wâren güete,
;;;260;11;;sît daz der valsch an ir verswant.
;;;260;12;;Die vinteilen er vür sich bant;
;;;260;13;;gegen strîte er wolte rüeren.
;;;260;14;;Den helm mit den snüeren
;;;260;15;;er eben ze sehene dructe.
;;;260;16;;innen des daz ors sich bucte,
;;;260;17;;mit dem pferde ez schrîen niht vermeit.
;;;260;18;;Der vor Parcifale dâ reit
;;;260;19;;unde vor der blôzen vrouwen,
;;;260;20;;der hôrte unde wolte schouwen,
;;;260;21;;wer dâ bî sînem wîbe rite.
;;;260;22;;daz ors warf er mit unsite
;;;260;23;;ûzer dem stîge.
;;;260;24;;gegen strîteclîchem wîge
;;;260;25;;hielt der herzoge Orilus,
;;;260;26;;der reit gegen einer tjost alsus
;;;260;27;;mit rehter manlîcher ger
;;;260;28;;von Kaheviez mit einem sper.
;;;260;29;;daz was geverwet genuoc,
;;;260;30;;reht als er sîn wâpen truoc.
;;;261;1;;Sîn helm, den worhte Trebuket.
;;;261;2;;sîn schilt was ze Dolet
;;;261;3;;in Kayletes lande
;;;261;4;;geworht dem wîgande;
;;;261;5;;rant unde buckel heten kraft.
;;;261;6;;ze Alexandrie in heidenschaft
;;;261;7;;was geworht ein pfelle guot,
;;;261;8;;des der vürste hôchgemuot
;;;261;9;;truoc kursît unde wâpenroc.
;;;261;10;;sîn decke was ze Tenebroc
;;;261;11;;geworht ûz ringen herte.
;;;261;12;;sîn stolzheit ez in lêrte:
;;;261;13;;Der îserînen decke dach
;;;261;14;;was ein pfelle, des man jach,
;;;261;15;;daz der tiure wære,
;;;261;16;;rîche unde doch niht swære.
;;;261;17;;Hosen, halsberc, hersenier
;;;261;18;;unde îserniu schellier,
;;;261;19;;dar în was gewâpent dirre man,
;;;261;20;;geworht ze Bealzenan,
;;;261;21;;in der stat ze Anschouwe.
;;;261;22;;disiu blôziu vrouwe
;;;261;23;;vuortim unglîchiu kleit,
;;;261;24;;diu dâ sô trûric nâch im reit.
;;;261;25;;dâne hete sis niht bezzer state.
;;;261;26;;Ze Sessun was geslagen sîn blate.
;;;261;27;;sîn ors von Brumbanie
;;;261;28;;Lesalvasche a montanie,
;;;261;29;;mit einer tjost roys Lehelin
;;;261;30;;bejagetez dâ, der bruoder sîn.
;;;262;1;;Parzifal was ouch bereit:
;;;262;2;;sîn ors mit walap er reit
;;;262;3;;gegen Oriluse de Lalander.
;;;262;4;;ûf des schilte vander
;;;262;5;;einen trachen, als er lebete.
;;;262;6;;ein ander trache strebete
;;;262;7;;ûf sînem helme gebunden,
;;;262;8;;an den selben stunden
;;;262;9;;manec guldîn trache kleine
;;;262;10;;- mit manegem edeln steine
;;;262;11;;muosen die gehêret sîn;
;;;262;12;;ir ougen wâren rubîn -
;;;262;13;;ûf der decke unde ûf dem kursît.
;;;262;14;;hie wart genomen der poynder wît
;;;262;15;;von den zwein helden unverzaget.
;;;262;16;;dewederhalp wart widersaget:
;;;262;17;;si wâren doch ledic ir triuwe.
;;;262;18;;trunzûne starc al niuwe
;;;262;19;;von in wæten gegen den lüften.
;;;262;20;;ich wolte mich des güften,
;;;262;21;;hetich ein solhe tjost gesehen,
;;;262;22;;als mir diz mære hât verjehen.
;;;262;23;;dâ wart von rabîne geriten,
;;;262;24;;ein sölch tjost niht vermiten.
;;;262;25;;vroun Jeschuten muot verjach,
;;;262;26;;schœner tjost si nie gesach.
;;;262;27;;diu hielt dâ unde want ir hende,
;;;262;28;;si vröuden ellende,
;;;262;29;;unde engunde dewederme helde schaden.
;;;262;30;;diu ors in sweize muosen baden.
;;;263;1;;prîses si beide gerten.
;;;263;2;;die blicke von den swerten
;;;263;3;;unde viur, daz von helmen spranc,
;;;263;4;;unde manec ellenthafter swanc,
;;;263;5;;die begunden verre glesten.
;;;263;6;;dâ wâren strîtes die besten
;;;263;7;;mit hurte an ein ander komen,
;;;263;8;;ez gê ze schaden oder ze vromen
;;;263;9;;Den küenen helden mæren.
;;;263;10;;swie gewillic diu ors in wæren,
;;;263;11;;dâ si beide ûffe sâzen,
;;;263;12;;der sporn si niht vergâzen
;;;263;13;;unde ir swerte lieht gemâl.
;;;263;14;;prîs gediende Parzifal,
;;;263;15;;daz er sich alsus wern kan
;;;263;16;;hundert trachen unde eines man.
;;;263;17;;ein trache wart versêret,
;;;263;18;;sîne wunden gemêret,
;;;263;19;;der ûf Oriluses helme lac,
;;;263;20;;sô durchliuhtic, daz der tac
;;;263;21;;volleclîche durch in schein,
;;;263;22;;dâ wart drabe geslagen manec edel stein.
;;;263;23;;ez ergienc zors unde niht ze vuoz.
;;;263;24;;vroun Jeschuten wart der gruoz
;;;263;25;;mit swertes schimpfe aldâ bejaget,
;;;263;26;;mit heldes handen unverzaget.
;;;263;27;;mit hurte si sich an ein ander schuoben,
;;;263;28;;daz die ringe vor den knien zerstuben,
;;;263;29;;swie si wæren îserîn.
;;;263;30;;geruochet irs, si tâten strîten schîn.
;;;264;1;;Ich wil iu sagen des eines zorn:
;;;264;2;;daz im sîn wîp wol geborn
;;;264;3;;dâ vor was genôtzoget.
;;;264;4;;er was iedoch ir rehter voget,
;;;264;5;;sô daz si schirmes wart an in.
;;;264;6;;er wânde, ir wîplîcher sin
;;;264;7;;wære gegen im verkêret
;;;264;8;;unde daz si geunêret
;;;264;9;;hete ir kiusche unde ir prîs
;;;264;10;;mit einem andern âmîs.
;;;264;11;;des lasters nam er pflihte.
;;;264;12;;ouch ergienc sîn gerihte
;;;264;13;;über si, daz grœzer nôt
;;;264;14;;nie wîp gedolte âne den tôt
;;;264;15;;unde âne alle ir schulde.
;;;264;16;;er mohtir sîne hulde
;;;264;17;;versagen, swenner wolte;
;;;264;18;;niemen daz wenden solte,
;;;264;19;;ob man des wîbes hât gewalt.
;;;264;20;;Parzifal, der degen balt,
;;;264;21;;Oriluses hulde gerte
;;;264;22;;vroun Jeschuten mit dem swerte.
;;;264;23;;der hôrtich ie güetlîche biten,
;;;264;24;;ez kom dâ gar ûz smeichens siten.
;;;264;25;;mich dunket, si haben beide reht.
;;;264;26;;der beidiu krumb unde sleht
;;;264;27;;geschüefe, künner scheiden,
;;;264;28;;sô wender daz an beiden,
;;;264;29;;daz ez âne sterben dâ ergê.
;;;264;30;;si tuont sus beide ein ander wê.
;;;265;1;;Dâ ergienc diu scharpfe herte:
;;;265;2;;ietweder vaste werte
;;;265;3;;sînen prîs vor dem ander.
;;;265;4;;Duc Orilus de Lalander
;;;265;5;;streit nâch sînem gelêrten site.
;;;265;6;;ich wæne, ieman sô vil gestrite.
;;;265;7;;er hete kunst unde kraft,
;;;265;8;;des wart er dicke sigehaft
;;;265;9;;an maneger stat, swiez dâ ergienc.
;;;265;10;;durch den trôst er zuo zim vienc
;;;265;11;;den jungen, starken Parcifal.
;;;265;12;;der begreif ouch in dô sunder twâl
;;;265;13;;unde zuhtin ûz dem satel sîn
;;;265;14;;als eine garbe heberîn
;;;265;15;;vaste ern undern arm swanc,
;;;265;16;;mit im er von dem orse spranc
;;;265;17;;unde druhtin über einen ronen.
;;;265;18;;dô muose schumpfentiure wonen,
;;;265;19;;der solher nôt niht was gewent.
;;;265;20;;"Dû gearnest, daz sich hât versent
;;;265;21;;disiu vrouwe von disem zorne.
;;;265;22;;des bist dû der verlorne,
;;;265;23;;dû lâzest si dîne hulde hân."
;;;265;24;;"Daz enwirt sô gâhes niht getân",
;;;265;25;;sprach der herzoge Orilus,
;;;265;26;;"ine bin noch niht betwungen sus."
;;;265;27;;Parcifal, der werde degen,
;;;265;28;;druhten an sich, daz bluotes regen
;;;265;29;;im spranc durch die barbiere.
;;;265;30;;dô wart der vürste schiere
;;;266;1;;betwungen, swes er an in warp,
;;;266;2;;er tet, als der ungerne starp.
;;;266;3;;er sprach ze Parcifale sân:
;;;266;4;;"ouwê, küene, starker man,
;;;266;5;;wâ gediend ich ie dise nôt,
;;;266;6;;daz ich von dir sol ligen tôt?"
;;;266;7;;"Ich lâze dich vil gerne leben",
;;;266;8;;sprach Parcifal, "ob dû wilt geben
;;;266;9;;dirre vrouwen dîne hulde."
;;;266;10;;"Ine tuon ez niht. ir schulde
;;;266;11;;ist gegen mir alze grœzlîch.
;;;266;12;;si was werdecheite rîch.
;;;266;13;;die hât si gar verkrenket
;;;266;14;;unde mich in nôt gesenket.
;;;266;15;;ich leiste anders, swes dû gerst,
;;;266;16;;ob dû mich des lebens werst.
;;;266;17;;daz hetich etswenne von gote;
;;;266;18;;nû ist dîn hant des worden bote,
;;;266;19;;daz ichs danke prîse",
;;;266;20;;sus sprach der vürste wîse,
;;;266;21;;"mîn leben koufich schône.
;;;266;22;;in zwein landen krône
;;;266;23;;treit gewalteclîche
;;;266;24;;mîn bruoder, der ist rîche.
;;;266;25;;der nim dir, sweder dû wellest,
;;;266;26;;daz dû mich tôt niht vellest.
;;;266;27;;ich bin im liep, er lœset mich,
;;;266;28;;alsich gedinge wider dich.
;;;266;29;;dar zuo enpfahe ich mîn herzogentuom
;;;266;30;;von dir. dîn prîslîcher ruom
;;;267;1;;hât werdecheit an mir bezalt.
;;;267;2;;nû erlâ mich, küener degen balt,
;;;267;3;;suone gegen disem wîbe
;;;267;4;;unde gebiut mînem lîbe
;;;267;5;;anders, swaz dîn êre sîn.
;;;267;6;;gegen der geunêrten herzogîn
;;;267;7;;mag ich suone gepflegen niht,
;;;267;8;;swaz joch anders mir geschiht."
;;;267;9;;Parcifal, der hôchgemuot,
;;;267;10;;sprach: "liute, lant, varnde guot,
;;;267;11;;der deheinez mac gehelfen dir,
;;;267;12;;dûne tuost des sicher gegen mir,
;;;267;13;;daz dû gegen Britanie varst
;;;267;14;;unde dîne reise niht langer sparst
;;;267;15;;gegen einer maget, die blou durch mich
;;;267;16;;ein man, gegen dem ist mîn gerich
;;;267;17;;unde mit ir bete niht verkorn.
;;;267;18;;dû solt der megde wol geborn
;;;267;19;;sichern unde mînen dienst sagen
;;;267;20;;oder wirt alhie erslagen.
;;;267;21;;sage Artuse unde dem wîbe sîn,
;;;267;22;;in beiden, von mir den dienst mîn.
;;;267;23;;bit si mîn dienst sus letzen,
;;;267;24;;die maget ir slege ergetzen.
;;;267;25;;dar zuo wil ich schouwen
;;;267;26;;in dînen hulden dise vrouwen
;;;267;27;;mit suone âne vâre
;;;267;28;;oder dû muost eine bâre
;;;267;29;;tôt von hinnen rîten,
;;;267;30;;wilt dû mich widerstrîten.
;;;268;1;;merke diu wort unde wis der werke ein wer.
;;;268;2;;des gip mir sicherheit alher."
;;;268;3;;Dô sprach der herzoge Orilus
;;;268;4;;zem küenen Parcifale sus:
;;;268;5;;"mac niemen dâ vür niht gegeben,
;;;268;6;;sô leist ichz, wan ich wil noch leben."
;;;268;7;;Durch die vorhte ir man
;;;268;8;;vrou Jeschute, diu wol getân,
;;;268;9;;strît scheidens gar verzagete,
;;;268;10;;ir vîendes nôt si klagete.
;;;268;11;;Parcifal in ûf verliez,
;;;268;12;;dô er vroun Jeschuten suone gehiez.
;;;268;13;;Der betwungene vürste sprach:
;;;268;14;;"vrouwe, sît durch iuch geschach
;;;268;15;;in strîte diu schumpfentiure mîn,
;;;268;16;;wol her, ir sult geküsset sîn.
;;;268;17;;ich hân vil prîses durch iuch verlorn.
;;;268;18;;waz danne? daz ist nû verkorn."
;;;268;19;;Diu vrouwe mit ir blôzem vel
;;;268;20;;was zeinem sprunge harte snel
;;;268;21;;von dem pferde ûf den wasen.
;;;268;22;;swie im daz bluot von der nasen
;;;268;23;;den munt hete gemachet rôt,
;;;268;24;;si kustin, dô er kus gebôt.
;;;268;25;;Dône wart niht lenger dâ gebiten:
;;;268;26;;si beide unde ouch diu vrouwe riten
;;;268;27;;zeiner klôsen in eines velses want.
;;;268;28;;eine kafsen Parcifal dâ vant.
;;;268;29;;ein gemâlet sper dâ bî lente.
;;;268;30;;der einsidel hiez Trefrizente.
;;;269;1;;Parcifal mit triuwen dô gevuor:
;;;269;2;;er nam daz heiltuom unde swuor.
;;;269;3;;sus stabeter selbe sînen eit.
;;;269;4;;er sprach: "hân ich werdecheit
;;;269;5;;- ich habe si oder ichn habir niht -,
;;;269;6;;swer mich bî dem schilte siht,
;;;269;7;;der prüevet mich gegen rîterschaft.
;;;269;8;;des namen ordenlîchiu kraft,
;;;269;9;;als mir des schiltes ambet saget,
;;;269;10;;hât dicke hôhen prîs bejaget.
;;;269;11;;daz ist ouch noch ein hôher name.
;;;269;12;;mîn lîp gegen werltlîcher schame
;;;269;13;;iemer sî gewenket
;;;269;14;;unde al mîn prîs verkrenket.
;;;269;15;;der worte sî mit werken pfant
;;;269;16;;mîn glücke vor der hœhesten hant.
;;;269;17;;ich hânz dâ vür, die treit got.
;;;269;18;;nû müezich vlühteclîchen spot
;;;269;19;;ze beiden lîben iemer hân
;;;269;20;;vor sîner kraft, ob missetân
;;;269;21;;diu vrouwe habe, dô daz geschach,
;;;269;22;;daz ich ir vürspan von ir brach.
;;;269;23;;ouch vuortich mêre goldes dan.
;;;269;24;;ich was ein tôre, niht ein man,
;;;269;25;;gewahsen niht bî witzen.
;;;269;26;;vil weinens, dâ bî switzen
;;;269;27;;mit jâmer dolte vil ir lîp.
;;;269;28;;sist benamen ein unschuldic wîp.
;;;269;29;;dâne scheidich ûz niht mêre,
;;;269;30;;wan des sî pfant mîn sælde unde êre.
;;;270;1;;geruochet irz, si sol unschuldic sîn.
;;;270;2;;sêt, gebt ir wider daz vingerlîn.
;;;270;3;;ir vürspan wart alsô vertân,
;;;270;4;;alses mîn tôrheit danc sol hân."
;;;270;5;;Die gâbe enpfie der helt guot.
;;;270;6;;dô streich er von dem munde daz bluot
;;;270;7;;unde kuste sînes herzen trût.
;;;270;8;;ouch wart bedecket ir blôziu hût.
;;;270;9;;Orilus, der vürste erkant,
;;;270;10;;stiez daz vingerlîn wider an ir hant
;;;270;11;;unde gab ir an sîn kursît.
;;;270;12;;daz was von rîchem pfelle wît,
;;;270;13;;mit heldes hant verhouwen.
;;;270;14;;ich hân doch selten vrouwen
;;;270;15;;gesehen wâpenroc an tragen,
;;;270;16;;die wæren in strîte alsus zerslagen.
;;;270;17;;von ir krîe wart nie turnei
;;;270;18;;gesamblieret noch sper enzwei
;;;270;19;;gestochen, swâ daz solte sîn.
;;;270;20;;Der guote knappe unde Lembekin
;;;270;21;;die tjost zesamne truogen baz.
;;;270;22;;sus wart diu vrouwe trûrens laz.
;;;270;23;;Dô sprach der herzoge Orilus
;;;270;24;;ab ze Parcifale sus:
;;;270;25;;"helt, dîn unbetwungen eit
;;;270;26;;gît mir grôz liep unde krankez leit.
;;;270;27;;ich hân schumpfentiure gedolt,
;;;270;28;;diu mir vröude hât erholt.
;;;270;29;;ouch mac mit êren nû mîn lîp
;;;270;30;;ergetzen diz werde wîp,
;;;271;1;;daz ich si mîner hulde verstiez.
;;;271;2;;dô ich die guoten eine liez,
;;;271;3;;waz mohte si, swaz ir geschach?
;;;271;4;;dô si aber von dîner schœne sprach,
;;;271;5;;ich wânde, dâ wære ein vriuntschaft bî.
;;;271;6;;nû lône dir got, sist valsches vrî.
;;;271;7;;ich hân unvuoge an ir getân.
;;;271;8;;durch daz fôreht in Prezilian
;;;271;9;;reit ich vor ir alsô von Poys."
;;;271;10;;Parcifal diz sper von Troys
;;;271;11;;nam unde vuortez mit im dan.
;;;271;12;;des vergaz der wilde Taurian,
;;;271;13;;Dodines bruoder, dâ.
;;;271;14;;Nû sprechet, wie oder wâ
;;;271;15;;die helde des nahtes mugen sîn.
;;;271;16;;helme unde schilte heten pîn;
;;;271;17;;die sach man gar verhouwen.
;;;271;18;;Parcifal zer vrouwen
;;;271;19;;nam urloup unde zir âmîs.
;;;271;20;;dô ladete in der vürste wîs
;;;271;21;;vil an sîne viurstat.
;;;271;22;;ez enhalf niht, swie vil er bat.
;;;271;23;;sus schieden die helde sich.
;;;271;24;;Diu âventiure wert mære mich:
;;;271;25;;dô Orilus, der vürste erkant,
;;;271;26;;kom, dâ er sîn pavelûn vant
;;;271;27;;unde sîner massenîe ein teil,
;;;271;28;;daz volc was al glîche geil,
;;;271;29;;daz suone was worden schîn
;;;271;30;;gegen der sældebæren herzogîn.
;;;272;1;;Ez enwirt niht langer dô gespart.
;;;272;2;;dô Orilus entwâpent wart,
;;;272;3;;bluot unde râm man von im twuoc.
;;;272;4;;er nam die herzoginne kluoc
;;;272;5;;unde vuorte si an die suonstat.
;;;272;6;;er hiez bereiten in zwei bat.
;;;272;7;;dâ lac vrou Jeschute
;;;272;8;;al weinde bî ir trûte
;;;272;9;;von liebe unde doch von leide niht,
;;;272;10;;als guotem wîbe noch geschiht.
;;;272;11;;ouch ist genuogen liuten kunt:
;;;272;12;;weindiu ougen hânt süezen munt.
;;;272;13;;dâ von ich mêr noch sprechen wil:
;;;272;14;;grôz vröude ist liebe unde jâmers zil.
;;;272;15;;Swer von der liebe ir mære
;;;272;16;;treit ûf den seigære,
;;;272;17;;oberz iemer wolte wegen,
;;;272;18;;ez kan niht anderre schanze pflegen.
;;;272;19;;Hie ergienc ein suone, des wænich.
;;;272;20;;dô vuoren si sunder baden sich.
;;;272;21;;zwô clâre juncvrouwen
;;;272;22;;bî ir man mohte schouwen.
;;;272;23;;die pflâgen ir, dô si gewan
;;;272;24;;zorn âne ir schult von ir man.
;;;272;25;;si hete iedoch des nahtes deckekleit,
;;;272;26;;swie blôz si bî dem tage reit.
;;;272;27;;die badeten dô mit vröuden sie.
;;;272;28;;Geruochet ir nû hœren, wie
;;;272;29;;Orilus des innen wart,
;;;272;30;;Âventiure von Artuses vart?
;;;273;1;;sus begundim ein rîter sagen:
;;;273;2;;"ich sach ûf einen plân geslagen
;;;273;3;;tûsent pavelûn oder mêr.
;;;273;4;;Artus, der rîche künec hêr,
;;;273;5;;der Brituneise hêrre,
;;;273;6;;lît uns bî niht verre
;;;273;7;;mit wünneclîcher vrouwen schar.
;;;273;8;;ungevertes ist ein mîle dar.
;;;273;9;;dâ ist ouch von rîtern grôzer schal.
;;;273;10;;bî dem Plymizol ze tal
;;;273;11;;ligent si an ietwederme stade."
;;;273;12;;Dô gâhte der vürste ûz dem bade,
;;;273;13;;der herzoge Orilus.
;;;273;14;;Jeschute unde er gewurben sus.
;;;273;15;;Diu senfte, süeze, wol getân
;;;273;16;;gie ûz ir bade sân
;;;273;17;;an ir bette; dâ wart trûrens rât.
;;;273;18;;ir lide gedienden bezzer wât,
;;;273;19;;danne si dâ vor truoc lange.
;;;273;20;;mit nâhem umbevange
;;;273;21;;behielt ir minne vröuden prîs,
;;;273;22;;der vürstîn unde des vürsten wîs.
;;;273;23;;Juncvrouwen kleideten ir vrouwen sân,
;;;273;24;;sîn harnasch truog man dar dem man.
;;;273;25;;Jeschuten wât man muose loben.
;;;273;26;;vogele gevangen ûf den kloben
;;;273;27;;si mit vröuden âzen,
;;;273;28;;dâ si an ir bette sâzen,
;;;273;29;;vrou Jeschute etslîchen kus
;;;273;30;;enpfienc, den gab ir Orilus.
;;;274;1;;Dô zôch man dar der vrouwen wert
;;;274;2;;starc, wol gânde, schône ein pfert,
;;;274;3;;gesatelt unde gezoumet wol.
;;;274;4;;man huop si drûf, diu rîten sol
;;;274;5;;dannen mit ir küenen man.
;;;274;6;;sîn ors was gewâpent sân,
;;;274;7;;reht als erz gegen dem strîte reit.
;;;274;8;;sîn swert, dâ mit er des tages streit,
;;;274;9;;man vorne an den satel hienc.
;;;274;10;;von vuoze ûf gewâpent gienc
;;;274;11;;Orilus zuo dem orse sîn.
;;;274;12;;er spranc drûf vor der herzogîn
;;;274;13;;Jeschuten, unde vuoren dan zehant.
;;;274;14;;die massenîe gegen Lalant
;;;274;15;;bat er alle kêren,
;;;274;16;;wan ein rîter soltin lêren
;;;274;17;;gegen Artuse rîten.
;;;274;18;;er bat daz volc des bîten.
;;;274;19;;Si kômen Artuse sô nâhen,
;;;274;20;;daz si sîne pavelûn sâhen,
;;;274;21;;wol eine mîle daz wazzer nider.
;;;274;22;;Der vürste sante den rîter wider,
;;;274;23;;der in gewîset hete dar.
;;;274;24;;vrou Jeschute, diu wol gevar,
;;;274;25;;was sîn gesinde unde niemen mêr.
;;;274;26;;der unlôse Artus, niht ze hêr,
;;;274;27;;was gegangen, dôr des âbendes geaz,
;;;274;28;;ûf einen plân. umbin dâ saz
;;;274;29;;diu werde massenîe.
;;;274;30;;Orilus, der valsches vrîe,
;;;275;1;;kom in den selben rinc geriten.
;;;275;2;;sîn helm, sîn schilt was sô versniten,
;;;275;3;;daz niemen kôs dran keiniu mâl;
;;;275;4;;die slege vrumte Parcifal.
;;;275;5;;von dem orse stuont der küene man,
;;;275;6;;vrou Jeschute enpfiengez sân.
;;;275;7;;vil junchêrren dar nâher spranc,
;;;275;8;;umbe si zwei wart grôz gedranc.
;;;275;9;;si jâhen: "wir suln der orse pflegen."
;;;275;10;;Orilus, der werde degen,
;;;275;11;;leite des schiltes schirben ûfez gras.
;;;275;12;;nâch der, durch die er dar komen was,
;;;275;13;;begunder vrâgen alzehant.
;;;275;14;;vroun Cunnewaren de Lalant
;;;275;15;;zeigte man im, wâ diu saz.
;;;275;16;;ir site man gegen prîse maz.
;;;275;17;;gewâpent er sô nâhen gienc,
;;;275;18;;der künec unde diu künegîn in enpfienc.
;;;275;19;;er dankete unde bôt fîanze sân
;;;275;20;;sîner swester wol getân.
;;;275;21;;bî dem trachen ûf dem kursît
;;;275;22;;erkande sin wol âne strît.
;;;275;23;;si sprach: "dû bist der bruoder mîn,
;;;275;24;;Orilus oder Lehelin.
;;;275;25;;ich nim iuwer deweders sicherheit.
;;;275;26;;ir wâret mir beide ie bereit
;;;275;27;;ze dienste, als ich iuch bat.
;;;275;28;;mir wære ûf den triuwen mat,
;;;275;29;;solt ich gegen iu kriegen,
;;;275;30;;mîn selbes zuht betriegen."
;;;276;1;;Der vürste kniete vür die maget.
;;;276;2;;er sprach: "dû hâst al wâr gesaget,
;;;276;3;;ich bin dîn bruoder Orilus.
;;;276;4;;der rôte rîter twanc mich sus,
;;;276;5;;daz ich dir sicherheit muoz geben.
;;;276;6;;dâ mit kouftich dô mîn leben.
;;;276;7;;daz enpfâch, sô wirt hie gar getân,
;;;276;8;;als ich gegen im gelobt hân."
;;;276;9;;Dô enpfienc si triuwe in wîze hant
;;;276;10;;von dem, der truoc den serpant,
;;;276;11;;unde liez in ledic. dô daz geschach,
;;;276;12;;Dô stuont er ûf unde sprach:
;;;276;13;;"Ich sol unde muoz durch triuwe klagen:
;;;276;14;;ouwê, wer hât dich geslagen?
;;;276;15;;dîne slege tuont mir niemer wol,
;;;276;16;;wirt zît, daz ich dich rechen sol,
;;;276;17;;ich geunêre den, derz ruochet sehen,
;;;276;18;;daz mir grôz leit ist dran geschehen.
;;;276;19;;ouch hilfet mirz klagen der küeneste man,
;;;276;20;;den muoter ie zer werlt gewan.
;;;276;21;;er nennet sich 'der rîter rôt'.
;;;276;22;;hêr künec, vrou künegîn, er enbôt
;;;276;23;;iu beiden samt den dienst sîn,
;;;276;24;;dar zuo benamen der swester mîn.
;;;276;25;;er bittet iuch sînen dienst letzen,
;;;276;26;;die magt der slege ergetzen.
;;;276;27;;ouch hetichz dô genozzen
;;;276;28;;gegen dem helde unverdrozzen,
;;;276;29;;wesser, wie si mich bestêt
;;;276;30;;unde mir ir leit ze herzen gêt."
;;;277;1;;Key erwarp dô niwen haz
;;;277;2;;von rîtern unde vrouwen, swer dâ saz
;;;277;3;;an dem stade bî dem Plymizol.
;;;277;4;;Gawan unde Jofreit fis Idol
;;;277;5;;
;;;277;6;;
;;;277;7;;unde anders manec werder man
;;;277;8;;- ir namen ich wol genennen kan,
;;;277;9;;wan daz ichz niht wil lengen -,
;;;277;10;;die begunden sich mengen.
;;;277;11;;ir dienst mit zühten wart gedolt.
;;;277;12;;Vrou Jeschute wart geholt
;;;277;13;;ûf ir pferde, aldâ si saz.
;;;277;14;;Artus, der künec, niht vergaz,
;;;277;15;;Als tet diu künegîn, sîn wîp,
;;;277;16;;si enpfiengen vroun Jeschuten lîp.
;;;277;17;;von vrouwen dâ manec kus geschach.
;;;277;18;;Artus ze vroun Jeschuten sprach:
;;;277;19;;"Iuwern vater, den künec von Garnant,
;;;277;20;;Lacken, hân ich des erkant,
;;;277;21;;daz ich iuwern kumber klagete,
;;;277;22;;sît man mirn zem êrsten sagete.
;;;277;23;;ouch sît ir selbe sô wol getân,
;;;277;24;;ez solt iuch vriunt erlâzen hân,
;;;277;25;;wand iuwer minneclîcher blic
;;;277;26;;behielt den prîs ze Kanadic.
;;;277;27;;durch iuwer schœne mære
;;;277;28;;bleip iu der sperwære;
;;;277;29;;iuwer hant er dannen reit.
;;;277;30;;swie mir von Oriluse leit
;;;278;1;;geschæhe, ich gunde iu trûrens niht,
;;;278;2;;nochn getuo niemer, swaz mir geschiht.
;;;278;3;;mirst liep, daz ir die hulde hât
;;;278;4;;unde daz ir vrœlîche wât
;;;278;5;;traget nâch iuwer grôzen nôt."
;;;278;6;;"Hêrre, daz vergeltiu got,
;;;278;7;;daz ir hœhet iuwern prîs."
;;;278;8;;vroun Jeschuten unde ir âmîs
;;;278;9;;vrou Cunneware de Lalant
;;;278;10;;dannen vuorte alzehant.
;;;278;11;;einhalp an des küneges rinc
;;;278;12;;über eines brunnen ursprinc
;;;278;13;;stuont ir pavelûn ûf dem plân,
;;;278;14;;als ez oben ein trache in sînen klân
;;;278;15;;hete, des ganzen apfels halben teil.
;;;278;16;;den trachen zugen vier wintseil,
;;;278;17;;rehte alser lebendic dâ vlüge
;;;278;18;;unde daz pavelûn gegen den lüften züge.
;;;278;19;;dâ bî erkandez Orilus,
;;;278;20;;wan sîniu wâpen wâren sus.
;;;278;21;;er wart entwâpent drunde.
;;;278;22;;sîn süeziu swester kunde
;;;278;23;;im bieten êre unde gemach.
;;;278;24;;über al die massenîe man sprach
;;;278;25;;des rôten rîters ellen
;;;278;26;;unde gâben im prîs ze gesellen.
;;;278;27;;Des âbendes âne rûnen
;;;278;28;;Key bat Kyngrunen
;;;278;29;;Oriluse dienen an sîner stat.
;;;278;30;;er kundez wol, den ers dâ bat,
;;;279;1;;wan er hetes vil getân
;;;279;2;;vor Clamide ze Brandigan.
;;;279;3;;Key durch daz sîn dienst liez:
;;;279;4;;unsælde in des vürsten swester hiez
;;;279;5;;ze sêre alûnen mit einem stabe.
;;;279;6;;durch zuht entweich er dienstes abe.
;;;279;7;;
;;;279;8;;
;;;279;9;;doch schuof er spîse dar genuoc;
;;;279;10;;Kyngrun vür Orilus ez truoc.
;;;279;11;;Vrou Cunnewar, diu lobes wîse,
;;;279;12;;sneit ir bruoder sîne spîse
;;;279;13;;mit ir blanken, linden hant.
;;;279;14;;vrou Jeschute von Garnant
;;;279;15;;mit wîplîchen zühten az.
;;;279;16;;Artus, der künec, niht vergaz,
;;;279;17;;er enkæme, dâ diu zwei sâzen
;;;279;18;;unde lieplîchen âzen.
;;;279;19;;er sprach: "geezzet ir übel hie,
;;;279;20;;daz enwart iedoch mîn wille nie.
;;;279;21;;ir gesâzet nie über wirtes brôt,
;;;279;22;;derz iu mit bezzern willen bôt,
;;;279;23;;sô gar âne wankes vâr.
;;;279;24;;mîn vrou Cunnewar,
;;;279;25;;ir sult iuwers bruoder hie wol pflegen.
;;;279;26;;guote naht gebiu der gotes segen."
;;;279;27;;Artus vuor slâfen dô.
;;;279;28;;Oriluse wart gebettet sô,
;;;279;29;;aldâ sîn vrou Jeschute pflac
;;;279;30;;geselleclîche unz an den tac.
;;;280;1;;Welt ir nû hœren, wie Artus
;;;280;2;;ze Karidol ûz sînem hûs
;;;280;3;;unde ouch von sînem lande schiet,
;;;280;4;;als im diu massenîe riet?
;;;280;5;;Sus reit er mit den werden
;;;280;6;;sînes landes unde ûf der erden,
;;;280;7;;diz mære giht, naht unde tac,
;;;280;8;;alsô daz er suochens pflac,
;;;280;9;;den man dâ nande den rîter rôt,
;;;280;10;;der im solch êre bôt,
;;;280;11;;daz er in schiet von kumber grôz,
;;;280;12;;dô er den künec Itheren schôz,
;;;280;13;;unde Clamiden unde Kyngrun
;;;280;14;;sante gegen den Britun
;;;280;15;;in sînen hof besunder.
;;;280;16;;über die tavelrunder
;;;280;17;;woltern durch gesellecheit
;;;280;18;;laden; durch daz er nâch im reit,
;;;280;19;;alsô bescheidenlîche,
;;;280;20;;beide arm unde rîche,
;;;280;21;;die schiltes ambet ane want,
;;;280;22;;die lobeten Artuses hant,
;;;280;22;1;daz siz tæten durch sînen willen,
;;;280;22;2;daz sirn muot begunden stillen,
;;;280;23;;swâ si sæhen rîterschaft,
;;;280;24;;daz si durch gelübdes kraft
;;;280;25;;deheine tjost tæten,
;;;280;26;;ez enwære, ob sin bæten,
;;;280;27;;daz er si lieze strîten.
;;;280;28;;er sprach: "wir müezen rîten
;;;280;29;;in manegiu lant, dâ rîters tât
;;;280;30;;uns wol ze gegenstrîte hât.
;;;281;1;;ûf gerihtiu sper wir müezen sehen.
;;;281;2;;welt ir danne vür ein ander schehen,
;;;281;3;;als vreche rüden ûz meisters hant
;;;281;4;;abe zuckent ir bant,
;;;281;5;;dar zuo habich niht willen.
;;;281;6;;ich sol den schal gestillen.
;;;281;7;;ich hilfiu, swâz niht rât mac sîn;
;;;281;8;;des wartet an daz ellen mîn."
;;;281;9;;Dise gelübede habt ir wol vernomen.
;;;281;10;;welt ir nû hœren, war sî komen
;;;281;11;;Parcifal der Waleis?
;;;281;12;;von snê was ein niuwe leis
;;;281;13;;des nahtes vaste ûf in gesnît.
;;;281;14;;ez was iedoch niht snêwes zît,
;;;281;15;;ist ez, als ichz vernomen hân.
;;;281;16;;Artus, der niuwebære man,
;;;281;17;;swaz man ie von dem gesprach,
;;;281;18;;Zeinen pfingesten daz geschach
;;;281;19;;oder in des meien bluomen zît.
;;;281;20;;waz man im süezes luftes gît!
;;;281;21;;diz mære ist vaste hie undersniten,
;;;281;22;;ez parrieret sich mit snêwes siten.
;;;281;23;;Ein valkenære von Karidol
;;;281;24;;reit des âbendes bî dem Plymizol
;;;281;25;;beizen, al dâ si schaden kurn:
;;;281;26;;ir besten valken si verlurn.
;;;281;27;;der gâhte von in balde
;;;281;28;;unde stuont die naht ze walde.
;;;281;29;;von überkrüpfe daz geschach,
;;;281;30;;daz im was vonme luoder gâch.
;;;282;1;;die naht bî Parcifale er stuont,
;;;282;2;;dâ in beiden was der walt unkunt
;;;282;3;;unde dâ si beide sêre vrôs.
;;;282;4;;dô Parcifal den tac erkôs,
;;;282;5;;im was versnît sînes pfades ban.
;;;282;6;;vil ungevertes reit er dan
;;;282;7;;über ronen unde über stein.
;;;282;8;;der tac ie hœher schein.
;;;282;9;;ouch begunde erliuhten sich der walt,
;;;282;10;;wan daz ein rone was gevalt
;;;282;11;;ûf einen plân, dâ zuo er sleich
;;;282;12;;- Artuses valke al mite streich -,
;;;282;13;;dâ wol tûsent gense lâgen.
;;;282;14;;dâ wart ein michel gâgen.
;;;282;15;;mit hurte vlouc er under sie,
;;;282;16;;der valke sluoc ir eine hie,
;;;282;17;;alsô daz sim kûme enbrast
;;;282;18;;under des gevallen ronen ast.
;;;282;19;;an ir hôhem vluge wart ir sô wê,
;;;282;20;;daz ûz ir wunden ûf den snê
;;;282;21;;vielen drîe bluotes zehere rôt,
;;;282;22;;die Parcifale vuogten nôt.
;;;282;23;;von sînen triuwen daz geschach.
;;;282;24;;dô er die bluotes zehere sach
;;;282;25;;ûf dem snê - der was al wîz -,
;;;282;26;;dô dâhter: "wer hât sînen vlîz
;;;282;27;;gewendet an dise varwe clâr?
;;;282;28;;Cundewiramurs, jâ mac vür wâr
;;;282;29;;disiu varwe dir wol glîchen.
;;;282;30;;mich wil got sælden rîchen,
;;;283;1;;sît ich dir hie wol glîches vant.
;;;283;2;;geêret sî diu gotes hant
;;;283;3;;unde al diu crêatûre sîn.
;;;283;4;;Cundewiramurs, hie lît dîn schîn,
;;;283;5;;sît der snê dem bluote wîze bôt
;;;283;6;;unde ez den snê sô machet rôt.
;;;283;7;;Cundewiramurs,
;;;283;8;;dem glîchet sich dîn bêâcurs;
;;;283;9;;des enbistû niht erlâzen."
;;;283;10;;des heldes ougen mâzen,
;;;283;11;;wiez dort was ergangen,
;;;283;12;;zwêne zeher an ir wangen
;;;283;13;;unde den dritten an ir kinne.
;;;283;14;;er pflac der wâren minne
;;;283;15;;gegen ir âne wenken.
;;;283;16;;sus begunder sich verdenken,
;;;283;17;;sô daz er unversunnen hielt.
;;;283;18;;diu starke minne sîn dâ wielt.
;;;283;19;;alsolher nôt half im sîn wîp.
;;;283;20;;dirre varwe truoc glîchen lîp
;;;283;21;;von Peilraper diu künegîn;
;;;283;22;;diu zuctim wizzenden sin.
;;;283;23;;Sus hielt er, alser sliefe.
;;;283;24;;wer dar zuo zim riefe?
;;;283;25;;Cunnewaren garzûn was gesant;
;;;283;26;;der solte gegen Lalant.
;;;283;27;;der sach an der stunden
;;;283;28;;einen helm mit manegen wunden
;;;283;29;;unde einen schilt gar zerhouwen
;;;283;30;;in dienste des knappen vrouwen.
;;;284;1;;dâ hielt gezimiert ein degen,
;;;284;2;;alser tjostierens wolte pflegen
;;;284;3;;die vart, mit ûf gerihtem sper.
;;;284;4;;Der garzûn huop sich wider her.
;;;284;5;;hetin der knappe erkant in zît,
;;;284;6;;er wære von im vil unbeschrît,
;;;284;7;;daz er sîner vrouwen rîter wære.
;;;284;8;;Als gegen einem æhtære
;;;284;9;;schupfterz volc hin ûz an in.
;;;284;10;;er woltim werben ungewin.
;;;284;11;;sîne kurtoisîe er dran verlôs.
;;;284;12;;lât sîn; sîn vrouwe was ouch lôs.
;;;284;13;;Solch was des knappen krîe:
;;;284;14;;"Fîa, fîa, fîe,
;;;284;15;;sît, ir vertânen!
;;;284;16;;zelnt si Gawanen
;;;284;17;;unde ander ir rîterschaft
;;;284;18;;gegen werdeclîcher prîse kraft
;;;284;19;;unde Artus der Britun?"
;;;284;20;;alsus rief der garzûn:
;;;284;21;;"diu tavelrunder ist geschant.
;;;284;22;;iu ist durch die snüere gerant."
;;;284;23;;Dâ wart von rîtern grôzer schal.
;;;284;24;;si begunden vrâgen über al,
;;;284;25;;ob rîterschaft dâ wære getân.
;;;284;26;;Dô vrieschen si, daz ein man
;;;284;27;;hielt zeiner tjost bereit.
;;;284;28;;genuogen was diu gelübde leit,
;;;284;29;;die Artus von in enpfienc.
;;;284;30;;sô balde, daz er niender hienc,
;;;285;1;;beide lief unde spranc
;;;285;2;;Segremors, der ie nâch strîte ranc.
;;;285;3;;swâ der vehten wânde vinden,
;;;285;4;;dâ muose man in binden,
;;;285;5;;oder er wolte dâr mite sîn.
;;;285;6;;niergen ist sô breit der Rîn,
;;;285;7;;sæher strîten an dem andern stade,
;;;285;8;;dâ würde wênic nâch dem bade
;;;285;9;;getast, ez wære warm oder kalt:
;;;285;10;;ez viele dran der degen balt.
;;;285;11;;Sus kom der snelle jungelinc
;;;285;12;;ze hove an Artuses rinc.
;;;285;13;;der künec dannoch vaste slief.
;;;285;14;;Segremors durch die snüere lief,
;;;285;15;;zer pavelûn tür dranc er dar în.
;;;285;16;;ein deckelachen zobelîn
;;;285;17;;zuhter abe in, dâ diu zwei lâgen
;;;285;18;;unde süezes slâfes pflâgen,
;;;285;19;;sô daz si muosen wachen
;;;285;20;;unde sîner unvuoge lachen.
;;;285;21;;Dô sprach er zuo der niftelen sîn:
;;;285;22;;"Gynover, vrou künegîn,
;;;285;23;;Unser sippe ist des bekant
;;;285;24;;- man weiz wol über manec lant -,
;;;285;25;;daz ich gnâden warte an dich.
;;;285;26;;nû hilf mir, vrouwe, unde sprich
;;;285;27;;gegen Artuse, dînem man,
;;;285;28;;daz ich von im müeze hân
;;;285;29;;- ein âventiure, diu ist hie bî -,
;;;285;30;;daz ich zer tjost der êrste sî."
;;;286;1;;Artus ze Segremorse sprach:
;;;286;2;;"dîn sicherheit mir des verjach,
;;;286;3;;dû soltes nâch mînem willen varn
;;;286;4;;unde dîn unbescheidenheit bewarn.
;;;286;5;;wirt hie ein tjost von dir getân,
;;;286;6;;dar nâch wænet manec ander man,
;;;286;7;;daz ich in lâze rîten
;;;286;8;;unde ouch nâch prîse strîten.
;;;286;9;;dâ mit krenket sich mîn wer.
;;;286;10;;wir nâhen Anfortasses her,
;;;286;11;;daz von Munsalvasche vert
;;;286;12;;unde diz fôreht mit strîte wert.
;;;286;13;;welt ir nû wizzen, wâ diu stêt,
;;;286;14;;ze arbeiten ez uns ergêt."
;;;286;15;;Gynover sprach ze Artuse sô,
;;;286;16;;dês Segremors wart al vrô.
;;;286;17;;dô sim die âventiure erwarp,
;;;286;18;;wan daz er niht von liebe starp,
;;;286;19;;daz ander was dâ gar geschehen.
;;;286;20;;ungerne heter dô verjehen
;;;286;21;;sînes komenden prîses pfliht
;;;286;22;;iemanne an der geschiht.
;;;286;23;;der junge süeze âne bart,
;;;286;24;;sîn ors unde er gewâpent wart.
;;;286;25;;Ûz kom geriten Segremors de Rois,
;;;286;26;;galopiert ulter la von Pois.
;;;286;27;;sîn ors über hôhe stûden spranc.
;;;286;28;;manec guldîn schelle drane erklanc
;;;286;29;;ûf der decke unde an dem man.
;;;286;30;;man möhtin wol geworfen hân
;;;287;1;;ze dem fasân in daz dornach.
;;;287;2;;dem sîn ze suochene wære gâch,
;;;287;3;;der vündin von den schellen;
;;;287;4;;die kunden lûte hellen.
;;;287;5;;Sus kom der unbescheiden helt
;;;287;6;;ze dem, der mit der minne was verselt.
;;;287;7;;weder er ensluoc noch enstach,
;;;287;8;;ê er widersagen hin zim sprach.
;;;287;9;;Unversunnen hielt Parcifal.
;;;287;10;;daz vuogten im diu bluotes mâl
;;;287;11;;unde ouch diu strenge minne,
;;;287;12;;diu mir dicke nimt die sinne
;;;287;13;;unde mir daz herze unsanfte reget.
;;;287;14;;ach, nôt ein wîp an mich leget!
;;;287;15;;wil si mich alsus twingen
;;;287;16;;unde selten helfe bringen,
;;;287;17;;ich sols ir underziehen
;;;287;18;;unde von ir trôste vliehen.
;;;287;19;;Hœret ouch von jenen beiden,
;;;287;20;;umbir komen unde ir scheiden.
;;;287;21;;Segremors, der sprach alsô:
;;;287;22;;"ir gebâret rehte, als ir sît vrô,
;;;287;23;;daz hie ein künec mit volke liget.
;;;287;24;;swie unhôhe iu daz wiget,
;;;287;25;;ir müezet im wandel drumbe geben,
;;;287;26;;oder ich verliuse mîn leben.
;;;287;27;;ir sît durch strît ze nâhe geriten.
;;;287;28;;ich wil durch zuht iuch des biten:
;;;287;29;;ergebet iuch in mîne gewalt
;;;287;30;;oder ir sît schiere von mir gevalt,
;;;288;1;;daz iuwer vallen rüeret den snê.
;;;288;2;;sô tætet irz baz mit êren ê."
;;;288;3;;Parcifal durch drô niht sprach.
;;;288;4;;vrou minne im anders kumbers jach.
;;;288;5;;Durch tjost bringen warf sîn ors
;;;288;6;;von im der küene Segremors.
;;;288;7;;umbe wante ouch daz kastelân,
;;;288;8;;dâ Parcifal, der wol getân,
;;;288;9;;unversunnen ûffe saz,
;;;288;10;;dô er daz bluot übermaz.
;;;288;11;;sîn sehen wart drabe gekêret
;;;288;12;;unde ouch sîn prîs gemêret.
;;;288;13;;dô er der zehere niht ensach,
;;;288;14;;vrou witze im aber sinnes jach.
;;;288;15;;Hie kom Segremors de Rois.
;;;288;16;;Parcifal sîn sper von Trois,
;;;288;17;;daz veste unde daz zæhe,
;;;288;18;;mit varwen daz wæhe,
;;;288;19;;als erz vor der klûsen vant,
;;;288;20;;daz begunder senken mit der hant.
;;;288;21;;eine tjost enpfieng er durch den schilt.
;;;288;22;;sîne tjost wider wart gezilt,
;;;288;23;;daz Segremors, der werde degen,
;;;288;24;;satel rûmens muose pflegen
;;;288;25;;unde daz sper doch ganz bestuont.
;;;288;26;;dâ mit wart im vallen kunt.
;;;288;27;;Parcifal reit âne vrâgen,
;;;288;28;;dâ die bluotes zehere lâgen.
;;;288;29;;dô er die mit den ougen vant,
;;;288;30;;vrou minne in stricte an ir bant.
;;;289;1;;sîn munt sprach weder sus noch sô,
;;;289;2;;wand er schiet von witzen dô.
;;;289;3;;Segremorses kastelân
;;;289;4;;huop sich gegen sînem barn sân.
;;;289;5;;er muose ûf durch ruowe stân,
;;;289;6;;ober iender wolte gân.
;;;289;7;;Genuoge legent sich durch ruowe nider,
;;;289;8;;des hât ir vil gevreischet sider.
;;;289;9;;waz ruowe kôs er in dem snê?
;;;289;10;;mir tæte ein ligen drinne wê.
;;;289;11;;Der schadehafte erwarp ie spot,
;;;289;12;;sælden pflihtær half ie got.
;;;289;13;;Diz her lac wol sô nâhen,
;;;289;14;;daz si Parcifaln sâhen
;;;289;15;;halten, alse im was geschehen.
;;;289;16;;der minne muoser siges jehen,
;;;289;17;;diu Salomonem ouch betwanc.
;;;289;18;;dar nâch was dô niht ze lanc,
;;;289;19;;Unz Segremors dar zuo zin gienc.
;;;289;20;;der in hazzete oder wol enpfienc,
;;;289;21;;den was er alglîche holt.
;;;289;22;;sus teilter bâgens grôzen solt.
;;;289;23;;er sprach: "ir habt gevreischet vil,
;;;289;24;;rîterschaft ist topelspil
;;;289;25;;unde daz ein man zer tjost viel.
;;;289;26;;ez sinket halt ein mers kiel.
;;;289;27;;lât mich niemer niht gestrîten,
;;;289;28;;daz er mîn getörste bîten,
;;;289;29;;ob er bekande mînen schilt.
;;;289;30;;des hât mich gar an im bevilt,
;;;290;1;;der dort ûze noch tjoste gert.
;;;290;2;;sîn lîp ist ouch wol prîses wert."
;;;290;3;;Key, der küene man,
;;;290;4;;brâhte daz mære vür den künec sân,
;;;290;5;;Segremors wære gestochen abe
;;;290;6;;unde dort ûze hielt ein strenger knabe,
;;;290;7;;der gerte tjoste als ê.
;;;290;8;;er sprach: "mir tuot iemer wê,
;;;290;9;;sol erz genozzen scheiden hin.
;;;290;10;;ob ich iu nû sô wert bin,
;;;290;11;;lât mich versuochen, wes er ger,
;;;290;12;;sît er mit ûf gerihtem sper
;;;290;13;;dort haltet vor iuwerm wîbe.
;;;290;14;;niemer ich blîbe
;;;290;15;;in iuwerm dienste mêre;
;;;290;16;;tavelrunder hât es unêre,
;;;290;17;;ob mans enzît im niht wert.
;;;290;18;;ûf unsern prîs sîn ellen zert.
;;;290;19;;gebt mir strîtes urloup.
;;;290;20;;wære wir blint oder toup,
;;;290;21;;man soltz im wern, daz wære zît."
;;;290;22;;Artus erloubete Key den strît.
;;;290;23;;Gewâpent wart der seneschalt.
;;;290;24;;dô wolter swenden den walt
;;;290;25;;mit tjost ûf disen komenden gast.
;;;290;26;;der truoc der minne swæren last.
;;;290;27;;daz vuogtim snê unde bluot.
;;;290;28;;ez ist sünde, swer im nû mêr tuot.
;;;290;29;;
;;;290;30;;
;;;291;1;;Vrou minne, wie tuot ir sô,
;;;291;2;;daz ir den trûrigen machet vrô
;;;291;3;;mit kurz werenden vröuden?
;;;291;4;;ir tuot in schiere töuden.
;;;291;5;;wie stât iu daz, vrou minne,
;;;291;6;;daz ir manlîche sinne
;;;291;7;;unde herzehaften hôhen muot
;;;291;8;;alsus entschumpfieren tuot?
;;;291;9;;daz smæhe unde daz werde
;;;291;10;;unde swaz ûf der erde
;;;291;11;;gegen iu deheines strîtes pfliget,
;;;291;12;;dem hât ir schiere an gesiget.
;;;291;13;;wir müezen iuch bî kreften lân
;;;291;14;;mit rehter wârheit sunder wân.
;;;291;15;;Vrou minne, ir habt ein êre
;;;291;16;;unde wênic deheine mêre.
;;;291;17;;vrou liebe iu gît geselleschaft,
;;;291;18;;anders wære dürkel iuwer kraft.
;;;291;19;;Vrou minne, ir pfleget untriuwen
;;;291;20;;mit alten siten niuwen.
;;;291;21;;ir zucket manegem wîbe ir prîs
;;;291;22;;unde râtet in an sippiu âmîs
;;;291;23;;unde daz manec hêrre an sînem man
;;;291;24;;von iuwerre kraft hât missetân
;;;291;25;;unde der vriunt an sînen gesellen
;;;291;26;;- iuwer site kan sich hellen -
;;;291;27;;unde der man an sînem hêrren.
;;;291;28;;vrou minne, iu solte werren,
;;;291;29;;daz ir den lîp der gir verwent,
;;;291;30;;dâ von sich diu sêle sent.
;;;292;1;;Vrou minne, sît ir habt gewalt,
;;;292;2;;daz ir die jugent sus machet alt,
;;;292;3;;der man doch zelt vil kurziu jâr,
;;;292;4;;iuwer wer sint hâlscharlîchen vâr.
;;;292;5;;diu rede gezæme deheinem man,
;;;292;6;;wan der nie trôst von iu gewan.
;;;292;7;;hetet ir mir geholfen baz,
;;;292;8;;mîn lop wære gegen iu niht sô laz.
;;;292;9;;ir habet mir mangel vor gezilt,
;;;292;10;;mîner ougen ecke alsô verspilt,
;;;292;11;;daz ich iu niht gelouben mac.
;;;292;12;;mîn nôt iuch ie vil ringe wac.
;;;292;13;;doch sît ir mir ze wol geborn,
;;;292;14;;daz gegen iu mîn kranker zorn
;;;292;15;;iemer sol gebringen wort.
;;;292;16;;iuwer druc hât vil strengen ort,
;;;292;17;;ir ladet ûf diu herze swæren soum.
;;;292;18;;Meister Heinrich von Veldecke sînen boum
;;;292;19;;mit kunst gegen iuwerm arde maz.
;;;292;20;;heter uns bescheiden baz,
;;;292;21;;wie man iuch solte behalten!
;;;292;22;;er hât her dan gespalten,
;;;292;23;;wie man iuch sol erwerben.
;;;292;24;;von tumpheit muoz verderben
;;;292;25;;maneges tôren hôher vunt.
;;;292;26;;ist oder wirt mir daz noch kunt,
;;;292;27;;Waz wîzich iu, vrou minne?
;;;292;28;;ir sît ein slôz ob dem sinne.
;;;292;29;;
;;;292;30;;
;;;293;1;;ir sît gewaltic ob der wer.
;;;293;2;;beide ûf erde unde in dem mer,
;;;293;3;;waz entrinnet iuwerm kriege,
;;;293;4;;ez vlieze oder vliege?
;;;293;5;;Vrou minne, ir tâtet ouch gewalt,
;;;293;6;;dô Parcifal, der degen balt,
;;;293;7;;durch iuch von sînen witzen schiet,
;;;293;8;;als im sîn triuwe geriet.
;;;293;9;;daz werde, süeze, clâre wîp
;;;293;10;;sante iuch ze boten an sînen lîp,
;;;293;11;;diu künegîn von Peilrapere.
;;;293;12;;Kardeiz fiz Tampuntere,
;;;293;13;;ir bruoder, nâmet ir ouch daz leben.
;;;293;14;;sol man iu solhe zinse geben,
;;;293;15;;wol mich, daz ich von iu niht hân,
;;;293;16;;irn wolt mir bezzer senfte lân.
;;;293;17;;Ich hân geredet unser aller wort.
;;;293;18;;nû hœret, wiez ergienge dort.
;;;293;19;;Key, der ellens rîche,
;;;293;20;;kom gewâpent rîterlîche,
;;;293;21;;alser strîtes gerte.
;;;293;22;;ich wæne, in strîtes werte
;;;293;23;;des küneges Gahmuretes kint.
;;;293;24;;swâ nû guote vrouwen sint,
;;;293;25;;die solten im heiles wünschen nû,
;;;293;26;;wand in brâhte ein wîp dar zuo,
;;;293;27;;daz minne witze von im spielt.
;;;293;28;;Key sîner tjost enthielt,
;;;293;29;;unz er ze Parcifale sprach:
;;;293;30;;"hêrre, sît iu sus geschach,
;;;294;1;;daz ir den künec gelestert hât,
;;;294;2;;welt irz im wandeln, sô ist mîn rât,
;;;294;3;;und dûhte mich iuwer beste heil:
;;;294;4;;nemt iuch an ein bracken seil
;;;294;5;;unde lât iuch vür in ziehen.
;;;294;6;;ir muget mir niht enpfliehen,
;;;294;7;;ine bringiuch doch gevangen dar,
;;;294;8;;sô nimt man iuwer unsanfte war."
;;;294;9;;Den Waleis twanc der minnen kraft.
;;;294;10;;swîgende Key sînen schaft
;;;294;11;;ûf zôch unde vrumt im einen swanc,
;;;294;12;;daz im der helm ûf dem houbete erklanc.
;;;294;13;;dô sprach er: "dû muost wachen.
;;;294;14;;âne lîlachen
;;;294;15;;wirt dir dîn slâf alhie benant.
;;;294;16;;ez zilt al anders mîn hant:
;;;294;17;;ûf den snê wirst dû geleit.
;;;294;18;;Der den sac ze der müln treit,
;;;294;19;;wolte man in alsus bliuwen,
;;;294;20;;in möhte lazheit riuwen."
;;;294;21;;Vrou minne, hie seht ir selbe zuo.
;;;294;22;;ich wæne, manz iu ze laster tuo,
;;;294;23;;wan ein gebûr spræche sân:
;;;294;24;;"mînem hêrren sî daz getân."
;;;294;25;;Ir klagetet ouch, möht ir sprechen.
;;;294;26;;Vrou minne, lât sich rechen
;;;294;27;;den werden Waleise,
;;;294;28;;wan liez in iuwer vreise
;;;294;29;;unde iuwer strenger, unsüezer last,
;;;294;30;;ich wæne, sich werte dirre gast.
;;;295;1;;Key hurte vaste an in;
;;;295;2;;er dranc im daz ors alumbe hin,
;;;295;3;;sô daz der Waleis übersach
;;;295;4;;sîn süeze senftez ungemach,
;;;295;5;;sînes wîbes glîcher schîn,
;;;295;6;;von Peilrapere der künegîn,
;;;295;7;;ich meine den geparrierten snê.
;;;295;8;;dô kom aber witze als ê,
;;;295;9;;diu im sîn herze wider gap.
;;;295;10;;Key lie daz ors in den walap
;;;295;11;;unde kom durch tjostieren her.
;;;295;12;;von rabîne sancten si diu sper.
;;;295;13;;Key sîne tjost brâhte,
;;;295;14;;als im der ougen mez gedâhte,
;;;295;15;;durch des Waleises schilt ein venster wît.
;;;295;16;;im wart vergolten dirre strît.
;;;295;17;;Key, Artuses seneschalt,
;;;295;18;;ze gegentjost wart gevalt
;;;295;19;;über den ronen, dâ diu gans entran,
;;;295;20;;sô daz daz ors unde der man
;;;295;21;;beidiu samt liten nôt:
;;;295;22;;der man wart wunt, daz ors lac tôt.
;;;295;23;;zwischen dem satelbogen unde einem stein
;;;295;24;;Keys zesewe arm, sîn winster bein
;;;295;25;;zerbrast von disem gevelle.
;;;295;26;;surzengel unde satel, geschelle
;;;295;27;;von dirre hurt gar zerbrast.
;;;295;28;;Sus galt zwei bliuwen dirre gast:
;;;295;29;;daz eine leit ein maget durch in,
;;;295;30;;mit dem andern muose er selbe sîn.
;;;296;1;;Parcifal, der valscheit swant,
;;;296;2;;sîn triuwe lêrtin, daz er vant
;;;296;3;;
;;;296;4;;
;;;296;5;;sîn pensieren umbe den Grâl
;;;296;6;;unde der küneginne glîchiu mâl,
;;;296;7;;ietwederz was ein strengiu nôt.
;;;296;8;;an im wac vür der minnen lôt.
;;;296;9;;trûren unde minne
;;;296;10;;brichet zæhe sinne.
;;;296;11;;sol diz âventiure sîn?
;;;296;12;;sô möhten beide wol heizen pîn.
;;;296;13;;Küene liute solten Keys nôt
;;;296;14;;klagen. sîn manheit im gebôt
;;;296;15;;genendeclîche an manegen strît.
;;;296;16;;man saget in manegen landen wît,
;;;296;17;;daz Key, Artuses seneschalt,
;;;296;18;;mit siten wære ein ribalt.
;;;296;19;;des saget in diz mære blôz:
;;;296;20;;er was der werdecheit genôz.
;;;296;21;;swie kleine ich des die volge hân,
;;;296;22;;getriuwe unde ellenthaft ein man
;;;296;23;;was Key, des giht im mîn munt.
;;;296;24;;ich tuon von im die mære kunt.
;;;296;25;;Artuses hof was ein zil,
;;;296;26;;dar kom vremder liute vil,
;;;296;27;;die werden unde die smæhen,
;;;296;28;;mit siten die wæhen.
;;;296;29;;swelher partiernes pflac,
;;;296;30;;den selben Key ringe wac;
;;;297;1;;an swem diu kurtôsîe
;;;297;2;;unde diu werde kompânîe
;;;297;3;;lac, den kunder êren,
;;;297;4;;sîn dienst gegen im kêren.
;;;297;5;;ich gihe von im der mære,
;;;297;6;;er was ein merkære.
;;;297;7;;er tet vil rûhes willen schîn
;;;297;8;;ze schirme dem hêrren sîn.
;;;297;9;;partierre unde valsche diet,
;;;297;10;;von den werden er die schiet.
;;;297;11;;er was ir vuore ein strenger hagel,
;;;297;12;;noch scherpfer danne der bîn ir zagel.
;;;297;13;;seht, die verkêrten Keys prîs.
;;;297;14;;er was manlîcher triuwen wîs.
;;;297;15;;vil hazzes er von in gewan.
;;;297;16;;von Duringen lantgrâve Herman,
;;;297;17;;etslîch dîn ingesinde ich maz,
;;;297;18;;daz 'ûzgesinde' hieze baz.
;;;297;19;;dir wære ouch eines Key nôt,
;;;297;20;;sît wâriu milte dir gebôt
;;;297;21;;sô manecvalten anehanc,
;;;297;22;;etswâ smæhlîchen gedranc
;;;297;23;;unde etswâ werdez dringen.
;;;297;24;;Des muoz hêr Walter singen:
;;;297;25;;"guoten tac, bœse unde guot."
;;;297;26;;swâ man noch sölhen sanc nû tuot,
;;;297;27;;des sint die valschen geêret.
;;;297;28;;Key hets in niht gelêret
;;;297;29;;noch hêr Heinrich von Rispach.
;;;297;30;;Hœret wunders mêr, waz dort geschach
;;;298;1;;ûf dem Plymizoles plân.
;;;298;2;;Key wart geholt sân,
;;;298;3;;in Artuses pavelûn getragen.
;;;298;4;;sîne vriunt begunden in dô klagen,
;;;298;5;;vil vrouwen unde manec man.
;;;298;6;;dar kom ouch mîn hêr Gawan
;;;298;7;;über Key, dâ er lac.
;;;298;8;;er sprach: "ouwê unsælic tac,
;;;298;9;;daz disiu tjost ie wart getân,
;;;298;10;;dâ von ich vriunt verlorn hân!"
;;;298;11;;er klagete in senelîche.
;;;298;12;;Key, der zornes rîche,
;;;298;13;;sprach: "hêrre, erbarmet iuch mîn lîp?
;;;298;14;;sus solten klagen altiu wîp.
;;;298;15;;ir sît mînes hêrren swester sun.
;;;298;16;;möht ich iu dienst nû getuon,
;;;298;17;;als ich etswenne gerte,
;;;298;18;;dô mich got der lide werte.
;;;298;19;;sô hât mîn hant daz niht vermiten,
;;;298;20;;sine habe vil durch iuch gestriten.
;;;298;21;;si tæt ouch noch, möht ez sîn.
;;;298;22;;klaget niht mêr, lât mir den pîn.
;;;298;25;;ir sît mir râche ze wol geborn.
;;;298;26;;het ir aber einen vinger dort verlorn,
;;;298;27;;dâ engegen wâgetich mîn houbet.
;;;298;28;;seht, ob ir mirs geloubet.
;;;298;29;;kêrt iuch niht an mîn hetzen.
;;;298;30;;er kan unsanfte letzen,
;;;298;23;;iuwer œheim, der künec hêr,
;;;298;24;;gewinnet niemer solhen Key mêr.
;;;299;1;;der noch dort ûze unvlühtic habt,
;;;299;2;;weder er enschûft noch endrabt.
;;;299;3;;ouch ist hie niender vrowen hâr
;;;299;4;;weder sô mürwe noch sô clâr,
;;;299;5;;ez enwære iedoch ein veste bant
;;;299;6;;ze wern strîtes iuwer hant.
;;;299;7;;swelch man tuot solch diemuot schîn,
;;;299;8;;der êret iedoch die muoter sîn.
;;;299;9;;vaterhalp solter ellen hân.
;;;299;10;;kêret muoterhalp, hêr Gawan,
;;;299;11;;sô werdet ir von swertes blicke bleich
;;;299;12;;unde manlîcher herte weich."
;;;299;13;;Sus was der wol gelobete man
;;;299;14;;gerant ze blôzen sîten an
;;;299;15;;mit rede. er kundir gelten niht,
;;;299;16;;als wol gezogenen man geschiht.
;;;299;17;;dem besliuzet schame sînen munt,
;;;299;18;;daz dem verschameten ist unkunt.
;;;299;19;;Gawan dô ze Key sprach:
;;;299;20;;"swâ man mich ie gestrîten sach,
;;;299;21;;swaz des ist von mir geschehen,
;;;299;22;;der mîne varwe kunde spehen,
;;;299;23;;diu, wænich, ie verbliche
;;;299;24;;von slage noch von stiche.
;;;299;25;;dû zürnest mit mir âne nôt.
;;;299;26;;ich bin, der dir ie dienst bôt."
;;;299;27;;Ûz dem pavelûn gie hêr Gawan.
;;;299;28;;sîn ors hiez er im bringen sân.
;;;299;29;;sunder swert unde âne sporn
;;;299;30;;saz drûf der helt wol geborn.
;;;300;1;;er kêrte ûz, dâ er den Waleis vant,
;;;300;2;;des witze was der minne pfant.
;;;300;3;;der truoc driu venster durch den schilt,
;;;300;4;;mit heldes handen dar gezilt;
;;;300;5;;sus hetin Orilus versniten.
;;;300;6;;Gawan kom zuo zim geriten,
;;;300;7;;sunder galopieren
;;;300;8;;unde âne punieren.
;;;300;9;;er wolte güetlîche ersehen,
;;;300;10;;wâ im der schade wære geschehen.
;;;300;11;;dô sprach er grüezlîchen dar.
;;;300;12;;Parcifal des kleine war
;;;300;13;;nam. daz muose eht alsô sîn:
;;;300;14;;dâ tet vrou Minne ir ellen schîn
;;;300;15;;an dem, den Herzeloyde gebar.
;;;300;16;;ungezaltiu sippe in gar
;;;300;17;;schiet von den witzen sîn
;;;300;18;;unde ûf geerbeter pîn
;;;300;19;;von vater unde von muoter art.
;;;300;20;;Der Waleis wênic innen wart,
;;;300;21;;waz mînes hêrn Gawans munt
;;;300;22;;im dâ tæt mit worten kunt.
;;;300;23;;Dô sprach des küneges Lotes sun:
;;;300;24;;"hêrre, ir welt gewalt nû tuon,
;;;300;25;;sît ir mir grüezen versaget.
;;;300;26;;ich bin iedoch des niht verzaget,
;;;300;27;;ine bringez an ein ander vrâge.
;;;300;28;;ir habt man unde mâge
;;;300;29;;und den künec selbe entêret
;;;300;30;;unde unser laster gemêret.
;;;301;1;;des erwirbich iu die hulde,
;;;301;2;;daz der künec lât die schulde,
;;;301;3;;welt ir nâch mînem râte leben
;;;301;4;;unde geselleschaft her vür in geben."
;;;301;5;;Des küneges Gahmuretes kint,
;;;301;6;;dröun unde vlêhen was im ein wint.
;;;301;7;;Der tavelrunder hœheste prîs,
;;;301;8;;Gawan, was dirre nôt alwîs.
;;;301;9;;er het es unsanfte erkant,
;;;301;10;;dô er mit dem mezzer durch die hant
;;;301;11;;stach. des twanc in minnen kraft
;;;301;12;;unde wert wîplîch geselleschaft.
;;;301;13;;in schiet von tôde ein künegîn,
;;;301;14;;dô der küene Lehelin
;;;301;15;;mit einer tjoste rîche
;;;301;16;;in twanc sô volleclîche.
;;;301;17;;diu junge, süeze, wol gevar
;;;301;18;;ze pfande sazte ir houbet dar,
;;;301;19;;Royn Inguzze de Pahtelierz,
;;;301;20;;alsus diu getriwe hiez.
;;;301;21;;Dô sprach mîn hêr Gawan:
;;;301;22;;"waz, ob diu minne disen man
;;;301;23;;twinget, als si mich dô betwanc,
;;;301;24;;unde sîn getriuwelîch gedanc
;;;301;25;;der minne muoz ir siges jehen?"
;;;301;26;;er marhte des Wâleises sehen,
;;;301;27;;war stuonden diu ougen sîn.
;;;301;28;;ein vêle, tuoch von Surin,
;;;301;29;;gefurrieret mit gelwem zindâl,
;;;301;30;;die swang er über diu bluotes mâl.
;;;302;1;;Dô diu vêle was der zeher dach,
;;;302;2;;daz ir Parcifal niht sach,
;;;302;3;;im gap her wider die witze sîn
;;;302;4;;von Peilrapere diu künegîn.
;;;302;5;;diu behielt iedoch sîn herze dort.
;;;302;6;;nû ruochet hœren disiu wort.
;;;302;7;;Er sprach: "ouwê, vrouwe unde wîp,
;;;302;8;;wer hât benomen mir dînen lîp?
;;;302;9;;mir erwarp mit rîterschaft mîn hant
;;;302;10;;dîne werde minne unde krône über zwei lant?
;;;302;11;;bin ich, der dich von Clamide
;;;302;12;;lôste? ich vant ach unde wê
;;;302;13;;unde siufzen manec herze vrebel
;;;302;14;;in dîner helfe. mîner ougen nebel
;;;302;15;;hæte dich in liehter sunne hie
;;;302;16;;mir benomen, ine weiz selbe wie."
;;;302;17;;er sprach: "ouwê, war kom mîn sper,
;;;302;18;;daz ich mit mir brâhte her?"
;;;302;19;;Dô sprach mîn hêr Gawan:
;;;302;20;;"hêrre, ez ist mit tjost vertân."
;;;302;21;;"Gegen wem?", sprach der degen wert.
;;;302;22;;"ir traget weder schilt noch swert.
;;;302;23;;waz möhtich prîses an iu bejagen?
;;;302;24;;doch wil ich iuwer spotten tragen,
;;;302;25;;ir biet mirs lîhte her nâch baz.
;;;302;26;;etswenne ich ouch vor tjost gesaz.
;;;302;27;;vindich niemer an iu strît,
;;;302;28;;doch sint diu lant wol sô wît,
;;;302;29;;ich mag dâ prîs unde arbeit holn,
;;;302;30;;beidiu vröude unde angest doln."
;;;303;1;;Des küneges Lotes sun dô sprach:
;;;303;2;;"swaz hie gegen iu mit rede geschach,
;;;303;3;;diust lûter unde minneclîch,
;;;303;4;;niht mit valscher trüebe rîch.
;;;303;5;;ich ger, als ichz gedienen wil.
;;;303;6;;hie ist ein künec unde rîter vil
;;;303;7;;mit wünneclîcher vrouwen schar.
;;;303;8;;geselleschaft gib ich iu dar,
;;;303;9;;lât ir mich mit iu rîten,
;;;303;10;;sô bewar ich iuch vor strîten."
;;;303;11;;"Got lône iu, hêrre, ir sprechet wol,
;;;303;12;;daz ich vil gerne gedienen sol,
;;;303;13;;sît ir kumpânîe bietet mir,
;;;303;14;;wer ist iuwer hêrre oder ir?"
;;;303;15;;"Ich heize hêrren einen man,
;;;303;16;;von dem ich manec urbor hân.
;;;303;17;;ein teil ich iu benenne hie.
;;;303;18;;er pflac gegen mir des willen ie,
;;;303;19;;daz erz mir rîterlîche bôt.
;;;303;20;;sîne swester hât der künec Lot,
;;;303;21;;diu mich zer werlte brâhte.
;;;303;22;;swes got an mir gedâhte,
;;;303;23;;daz biutet dienst sîner hant.
;;;303;24;;der künec Artus ist er genant.
;;;303;25;;ouch ist mîn name vil unverstoln,
;;;303;26;;an maneger stat vil unverholn.
;;;303;27;;liute, die mich erkennent,
;;;303;28;;Gawan si mich nennent.
;;;303;29;;iu dient mîn lîp unde ouch mîn name,
;;;303;30;;welt irz kêren mir von schame."
;;;304;1;;Dô sprach er: "bistûz, Gawan?
;;;304;2;;vil kranken prîs ich des hân,
;;;304;3;;ob dû mirs wol erbiutest hie.
;;;304;4;;ich hôrte von dir daz sprechen ie,
;;;304;5;;dû erbiutez allen liuten wol.
;;;304;6;;dînen dienst ich enpfâhen sol
;;;304;7;;niuwan ûf gegendienstes gelt.
;;;304;8;;Nû sage mir, wes sint jene gezelt,
;;;304;9;;der manegez lît dort ûf geslagen?
;;;304;10;;lît Artus dâ, sô muoz ich klagen,
;;;304;11;;daz ich in niht mit den êren mîn
;;;304;12;;mac gesehen unde die künegîn.
;;;304;13;;ich sol ê rechen ein bliuwen,
;;;304;14;;dar umb ich sît mit riuwen
;;;304;15;;vuor, mit sölhen sachen:
;;;304;16;;ein werdiu maget ir lachen
;;;304;17;;mir bôt; die sluoc sîn seneschalt
;;;304;18;;durch mich, daz von ir reis der walt."
;;;304;19;;"Ungevuoge ist daz gerochen",
;;;304;20;;sprach Gawan. "im ist zerbrochen
;;;304;21;;der zesewe arm unde sîn winster bein.
;;;304;22;;rîtet her, schouwet des ors unde den stein.
;;;304;23;;hie ligent ouch die trunzûn ûf dem snê
;;;304;24;;des spers, nâch dem ir vrâgetet ê."
;;;304;25;;Dô Parcifal die wârheit sach,
;;;304;26;;dô gedâhter mêr unde sprach:
;;;304;27;;"diz lâzich an dich, Gawan,
;;;304;28;;ob daz sî der selbe man,
;;;304;29;;der mir hât laster vor gezilt,
;;;304;30;;sô rîtich mit dir, swar dû wilt."
;;;305;1;;"Ich mac gegen iu niht liegens pflegen,
;;;305;2;;hie ist von iuwerre tjost gelegen
;;;305;3;;Segremors, ein strîtes helt,
;;;305;4;;des tât gegen prîse ie was gezelt.
;;;305;5;;daz was, ê Key würde gevalt.
;;;305;6;;an in beiden hât ir prîs bezalt."
;;;305;7;;Si riten mit ein ander dan,
;;;305;8;;der Waleis unde Gawan.
;;;305;9;;vil volkes ze orse unde ze vuoz,
;;;305;10;;dort inne bôt man werden gruoz
;;;305;11;;Gawane unde dem rîter rôt,
;;;305;12;;wan in ir zuht daz gebôt.
;;;305;13;;Gawan kêrte, dâ er sîn pavelûn vant.
;;;305;14;;vroun Cunnewaren de Lalant,
;;;305;15;;der snüere an die sîne gienc.
;;;305;16;;si wart vrô: mit vröuden sin enpfienc,
;;;305;17;;diu maget den rîter, der si rach,
;;;305;18;;daz ir von Key ê geschach.
;;;305;19;;si nam ir brouder bî der hant
;;;305;20;;unde vroun Jeschuten von Garnant.
;;;305;21;;sus sach si komen Parcifal.
;;;305;22;;der was gevar durch îsers mâl,
;;;305;23;;als touwige rôsen dar wæren gevlogen.
;;;305;24;;im was sîn harnasch abe gezogen.
;;;305;25;;Er spranc ûf, dô er si komen sach.
;;;305;26;;nû hœret, wie vrou Cunnewar sprach:
;;;305;27;;"Got aller êrst, dar nâch mir
;;;305;28;;sît willekome, sît daz ir
;;;305;29;;belibet bî manlîchen siten.
;;;305;30;;ich hete lachen gar vermiten,
;;;306;1;;ê iuch mîn herze erkande,
;;;306;2;;sît mich an vröuden pfande
;;;306;3;;Key, der mich sô sluoc.
;;;306;4;;daz habt ir gerochen genuoc.
;;;306;5;;ich kust iuch, wær ich kusses wert."
;;;306;6;;"Des hetich hiute sân gegert",
;;;306;7;;sprach Parcifal, "getörst ich sô,
;;;306;8;;wandich bin iuwers enpfâhens vrô."
;;;306;9;;Si kustin unde satin nider.
;;;306;10;;eine juncvrouwen si sante wider
;;;306;11;;unde hiez im bringen rîchiu kleit.
;;;306;12;;diu wâren gesniten albereit
;;;306;13;;ûz pfelle von Ninive.
;;;306;14;;si solte der künec Clamide,
;;;306;15;;ir gevangene, hân getragen.
;;;306;16;;diu maget si brâhte unde begunde klagen,
;;;306;17;;der mantel, der wære âne snuor.
;;;306;18;;Cunnewar alsus gevuor:
;;;306;19;;ûz blanker sîden ein snüerlîn
;;;306;20;;zucte si unde zôch es drîn.
;;;306;21;;Mit urloube er sich dô twuoc
;;;306;22;;den râm von im. der junge truoc
;;;306;23;;bî rôtem munde liehtez vel.
;;;306;24;;gekleidet wart der degen snel.
;;;306;25;;dô was er fier unde clâr.
;;;306;26;;swer in sach, der jach vür wâr,
;;;306;27;;er wære geblüemet vür alle man.
;;;306;28;;diz lop sîn varwe muose hân.
;;;306;29;;Parcifale stuont wol sîn wât.
;;;306;30;;einen tiuren smarât
;;;307;1;;spien sim vür sîn houbetloch.
;;;307;2;;Cunnewar gab im mêr dannoch:
;;;307;3;;einen tiuren gürtel fier.
;;;307;4;;ûz edelem gesteine manec tier
;;;307;5;;muosen ûf dem borten sîn.
;;;307;6;;diu rinke was ein rubîn.
;;;307;7;;Wie was der junge âne bart
;;;307;8;;geschicket, dô er begürtet wart?
;;;307;9;;diz mære giht: wol genuoc.
;;;307;10;;daz volc im holdez herze truoc.
;;;307;11;;beidiu man unde wîp
;;;307;12;;heten wert sînen lîp.
;;;307;13;;Der künec messe hete gehôrt.
;;;307;14;;man sach Artusen komen dort
;;;307;15;;mit der tavelrunder diet,
;;;307;16;;der deheine valscheit nie geriet.
;;;307;17;;die heten alle ê vernomen,
;;;307;18;;der rôte rîter wære komen
;;;307;19;;in Gawans pavelûn.
;;;307;20;;dar kom Artus der Britun.
;;;307;21;;Der zerblûwene Antenor
;;;307;22;;spranc dem künege allez vor,
;;;307;23;;unz er den Waleis ersach.
;;;307;24;;den vrâgeter: "sît ir, der mich rach
;;;307;25;;unde Cunnewaren de Lalant?
;;;307;26;;vil prîses giht man iuwerre hant.
;;;307;27;;Key hât verpfendet,
;;;307;28;;sîn dröun ist gelendet.
;;;307;29;;ich vörhte wênic sînen swanc;
;;;307;30;;der zesewe arm ist im ze kranc."
;;;308;1;;Dô truoc der junge Parcifal
;;;308;2;;âne vlüge engels mâl
;;;308;3;;sus geblüet ûf der erden.
;;;308;4;;Artus mit den werden
;;;308;5;;enpfienc in rîterlîche.
;;;308;6;;guotes willen wâren rîche
;;;308;7;;alle, die in gesâhen dâ.
;;;308;8;;ir herzen volge sprâchen jâ,
;;;308;9;;gegen sînem lobe sprach nieman nein,
;;;308;10;;sô rehte minneclîch er schein.
;;;308;11;;Artus sprach zim sân:
;;;308;12;;"ir habt mir liep unde leit getân,
;;;308;13;;doch hât ir mir der êre
;;;308;14;;brâht unde gesant mêre,
;;;308;15;;dannich ir ie von manne enpfie.
;;;308;16;;dâ engegen mîn dienst noch kleine gie,
;;;308;17;;hetet ir prîses niht mêr getân,
;;;308;18;;wan daz diu herzogîn sol hân,
;;;308;19;;vrou Jeschute, die hulde.
;;;308;20;;Ouch wære iu Keys schulde
;;;308;21;;gewandelt unde gerochen,
;;;308;22;;het ich iuch ê gesprochen."
;;;308;23;;Artus saget im, wes er bat,
;;;308;24;;warumber an die selben stat
;;;308;25;;unde mê landes was geriten.
;;;308;26;;Si begunden in dô alle biten,
;;;308;27;;daz er gelobete besunder
;;;308;28;;den von der tavelrunder
;;;308;29;;sîne rîterlîche gesellecheit.
;;;308;30;;Im was ir bete niht ze leit.
;;;309;1;;des mohten si sîn von schulden vrô.
;;;309;2;;Parcifal siz werte dô.
;;;309;3;;Nû sprechet, hœret unde jeht,
;;;309;4;;ob die tavelrunder muge ir reht
;;;309;5;;des tages behalten, wan ir pflac
;;;309;6;;Artus, bî dem ein site lac,
;;;309;7;;daz dehein rîter vor im az
;;;309;8;;des tages, swenner âventiur vergaz
;;;309;9;;unde daz si sînen hof vermeit.
;;;309;10;;Im ist âventiure nû bereit.
;;;309;11;;daz lop muose tavelrunder hân.
;;;309;12;;swie daz si wære ze Nantes lân,
;;;309;13;;man sprach ir reht ûf bluomen velt.
;;;309;14;;dâ enirrete stûde noch gezelt.
;;;309;15;;der künec Artus daz gebôt
;;;309;16;;zêren dem rîter rôt.
;;;309;17;;Sus nam sîn werdecheit dâ lôn,
;;;309;18;;einen pfelle von Acraton,
;;;309;19;;ûz heidenschaft verre brâht.
;;;309;20;;des was dâ zeinem zil gedâht,
;;;309;21;;niht lanc, sinewel gesniten,
;;;309;22;;al nâch der tavelrunder siten,
;;;309;23;;wand in ir zuht des verjach:
;;;309;24;;nâch gegenstuole niemen sprach.
;;;309;25;;ir gesitz was glîche hêr.
;;;309;26;;der künec Artus gebôt in mêr,
;;;309;27;;daz man werde rîter unde vrouwen
;;;309;28;;an dem ringe liezen schouwen.
;;;309;29;;die man dâ gegen prîse maz,
;;;309;30;;maget unde wîp ze hove az.
;;;310;1;;ouch kom vrou Gynover dar
;;;310;2;;mit maneger vrouwen lieht gevar
;;;310;3;;unde manec edele vürstîn.
;;;310;4;;die truogen minneclîchen schîn.
;;;310;5;;Der rinc was genomen wol sô wît,
;;;310;6;;daz âne gedrenge unde âne strît
;;;310;8;;Artus der valscheite laz
;;;310;7;;manec vrouwe bî ir âmîs saz.
;;;310;10;;vrou Cunnewar de Lalant
;;;310;9;;vuorte den Waleis bî der hant.
;;;310;11;;diu gienc im ein sîte bî.
;;;310;12;;diu was dô trûrens vrî.
;;;310;13;;Artus an den Waleis sach.
;;;310;14;;nû sult ir hœren, wier sprach:
;;;310;15;;"ich wil iuwern clâren lîp
;;;310;16;;lâzen küssen mîn altez wîp.
;;;310;17;;des endurfet ir doch niht biten,
;;;310;18;;sît ir von Peilrapere geriten,
;;;310;19;;wan dâ ist des kusses hœheste zil.
;;;310;20;;eines dinges ich iuch biten wil:
;;;310;21;;kom ich iemer in iuwer hûs,
;;;310;22;;geltet disen kus", sprach Artus.
;;;310;23;;"Ich tuon, swes ir mich bitet, dâ",
;;;310;24;;sprach der Waleis, "unde anderswâ."
;;;310;25;;Ein wênec nâher sim dô gie,
;;;310;26;;diu künegîn in mit kusse enpfie.
;;;310;27;;Si sprach: "nû verkiusich hie mit triuwen,
;;;310;28;;daz ir mich mit riuwen
;;;310;29;;liezet. die het ir mir gegeben,
;;;310;30;;dô ir Ithere nâmet sîn leben."
;;;311;1;;Von dirre suone wurden naz
;;;311;2;;der küneginne ougen umb daz,
;;;311;3;;wan Ithers tôt tet wîben wê.
;;;311;4;;man sazte den künec Clamide
;;;311;5;;herlîche bî dem Plymizol.
;;;311;6;;bî dem saz Jofreit fis Idol.
;;;311;7;;zwischen Clamide unde Gawan
;;;311;8;;der Waleis sitzen muose hân.
;;;311;9;;Als mir diu âventiure maz,
;;;311;10;;an dem ringe niemen saz,
;;;311;11;;der muoter brust ie gesouc,
;;;311;12;;des werdecheit sô wênic trouc.
;;;311;13;;kraft bî jugent wol gevar,
;;;311;14;;die der Waleis mit im brâhte dar.
;;;311;15;;Swerz rehte kunde spehen,
;;;311;16;;sô hât sich manec vrouwe ersehen
;;;311;17;;in trüeberm glase danne sîn munt.
;;;311;18;;ich tuon von sînem velle kunt
;;;311;19;;an dem kinne unde an den wangen:
;;;311;20;;sîn varwe zeiner zangen
;;;311;21;;wære guot. diu möhte stæte haben,
;;;311;22;;die der zwîvel wol hin dan kan schaben.
;;;311;23;;ich meine wîp, die wenkent
;;;311;24;;unde an ir vriuntschaft überdenkent.
;;;311;25;;sîn glast was wîbes stæte ein bant.
;;;311;26;;der zwîvel gar gegen im verswant.
;;;311;27;;ir sehen in mit triuwen enpfie.
;;;311;28;;durch diu ougen in ir herze er gie.
;;;311;29;;man unde wîp im wâren holt.
;;;311;30;;sus het er werdecheit gedolt
;;;311;30;1;
;;;311;30;2;
;;;311;30;3;
;;;311;30;4;
;;;311;30;5;
;;;311;30;6;
;;;311;30;7;
;;;311;30;8;
;;;311;30;9;
;;;311;30;10;
;;;311;30;11;
;;;311;30;12;
;;;312;1;;unz ûf daz riuwebære zil.
;;;312;2;;Hie kom, von der ich sprechen wil,
;;;312;3;;ein maget, gegen triwen wol gelobet,
;;;312;4;;wan daz ir zuht was vertobet.
;;;312;5;;ir mære tet vil liuten leit.
;;;312;6;;hœret, wie diu juncvrouwe reit,
;;;312;7;;Einen mûl, hôch als ein kastelân,
;;;312;8;;val unde dannoch sus getân:
;;;312;9;;nase snitic unde verbrant,
;;;312;10;;als ungerschiu marc erkant.
;;;312;11;;ir zoum unde ir gereite
;;;312;12;;was geworht mit arbeite,
;;;312;13;;tiure unde rîche.
;;;312;14;;ir mûl gienc volleclîche.
;;;312;15;;si was niht vrœlîche var.
;;;312;16;;ouwê, waz solte ir komen dar?
;;;312;17;;si kom iedoch. ez muose sîn.
;;;312;18;;Artuse si brâhte pîn.
;;;312;19;;der maget ir kunst des verjach,
;;;312;20;;alle sprâche si wol sprach,
;;;312;21;;latîn, heidensch unde franzois.
;;;312;22;;si was der witze kurtois,
;;;312;23;;Dyaletike unde gêometrî,
;;;312;24;;ir wâren ouch die liste bî
;;;312;25;;von astronomîe.
;;;312;26;;si hiez Kundrie,
;;;312;27;;Surziere was ir zuoname,
;;;312;28;;in dem munde niht diu lame,
;;;312;29;;wan der geredet ir genuoc.
;;;312;30;;vil hôher vröude si nider sluoc.
;;;313;1;;Diu maget witze rîche
;;;313;2;;was gevar dem unglîche,
;;;313;3;;die man dâ heizet bêâ gent.
;;;313;4;;ein brûtlachen von Gent,
;;;313;5;;noch blâwer danne ein lâsûr,
;;;313;6;;hât an geleit der vröuden schûr.
;;;313;7;;
;;;313;8;;
;;;313;9;;drunder an ir lîbe was pfelle guot.
;;;313;10;;von Lunders ein pfæwîn huot,
;;;313;11;;gefurrieret mit einem blîalt
;;;313;12;;- der huot was niuwe, diu snuor niht alt -,
;;;313;13;;der hienc ir an dem rücke.
;;;313;14;;ir mære was ein brücke
;;;313;15;;über vröude, diu jâmer truoc.
;;;313;16;;si zuht in schimpfes dâ genuoc.
;;;313;17;;über den huot ein zopf ir swanc
;;;313;18;;unz ûf den mûl. der was lanc,
;;;313;19;;swarz, herte unde niht ze clâr,
;;;313;20;;linde als eines swînes rückehâr.
;;;313;21;;si was genaset als ein hunt.
;;;313;22;;zwêne ebers zene ir vür den munt
;;;313;23;;giengen wol spannen lanc.
;;;313;24;;ietweder wintbrâ sich twanc
;;;313;25;;mit zöpfen vür die hârsnuor.
;;;313;26;;mîn zuht durch wârheit missevuor,
;;;313;27;;daz ich sus muoz von vrouwen sagen.
;;;313;28;;dehein anderiu darf ez von mir klagen,
;;;313;29;;wan Kundrie truoc ôren als ein ber,
;;;313;30;;niht nâch vriundes minne ger.
;;;314;1;;rûch was ir antlitze erkant.
;;;314;2;;ein geisel vuorte sin der hant.
;;;314;3;;der wâren die swenkel sîdîn
;;;314;4;;unde der stil ein rubîn.
;;;314;5;;gevar als ein affen hût
;;;314;6;;truoc hende disiu gæbe brût.
;;;314;7;;ir nagele wâren niht ze lieht,
;;;314;8;;wand mir diu âventiure giht,
;;;314;9;;si stüenden als eines lewen klân.
;;;314;10;;nâch ir minne was selten tjost getân.
;;;314;11;;sus kom geriten in den rinc
;;;314;12;;trûrens urhap, vröuden twinc.
;;;314;13;;si hielt, al dâ si den künec vant.
;;;314;14;;Vrou Cunneware de Lalant
;;;314;15;;az mit Artuse,
;;;314;16;;diu künegîn von Janfuse
;;;314;17;;mit vroun Gynovern az.
;;;314;18;;Artus, der künec, schône saz.
;;;314;19;;Kundrie hielt vor dem Brituneis.
;;;314;20;;si sprach hin zim franzeis
;;;314;21;;- ob ichz in tiuschen sagen sol,
;;;314;22;;mir tuont ir mære niht ze wol -:
;;;314;23;;"Filly rois Utpandragun,
;;;314;24;;dich unde manec Britun
;;;314;25;;hât dîn gewerp alhie geschant.
;;;314;26;;die besten über alliu lant
;;;314;27;;sæzen hie mit werdecheit,
;;;314;28;;wan daz ein galle ir prîs versneit.
;;;314;29;;tavelrunder ist entnihtet,
;;;314;30;;der valsch hât dran gepflihtet.
;;;315;1;;künec Artus, dû stüende ze lobe
;;;315;2;;hôhe dînen genôzen obe.
;;;315;3;;dîn stîgende prîs nû sinket,
;;;315;4;;dîn snelliu wirde hinket,
;;;315;5;;dîn hôhez lop sich neiget,
;;;315;6;;dîn prîs hât valsch erzeiget.
;;;315;7;;tavelrunder prîses kraft
;;;315;8;;hât erlemt ein geselleschaft,
;;;315;9;;die drüber gap hêr Parcifal,
;;;315;10;;der dort treit diu rîters mâl.
;;;315;11;;ir nennet in den rîter rôt,
;;;315;12;;nâch dem, der lac vor Nantes tôt.
;;;315;13;;unglîch ir zweier leben was:
;;;315;14;;munt von rîter nie gelas,
;;;315;15;;der pflæge sô ganzer werdecheit."
;;;315;16;;Von dem künege si vür den Waleis reit.
;;;315;17;;si sprach: "ir tuot mir site buoz,
;;;315;18;;daz ich versage mînen gruoz
;;;315;19;;Artuse unde der massenîe sîn.
;;;315;20;;geunêrt sî iuwer liehter schîn
;;;315;21;;unde iuwer manlîchen lide.
;;;315;22;;hetich suone oder vride,
;;;315;23;;diu wæren iu beidiu tiure.
;;;315;24;;ich dunk iuch ungehiure
;;;315;25;;unde bin gehiurer iedoch danne ir.
;;;315;26;;hêr Parcifal, wan saget ir mir,
;;;315;27;;bescheidet mich einer mære,
;;;315;28;;dô der trûrige vischære
;;;315;29;;saz âne helf unde âne trôst,
;;;315;30;;warumb irn siufzens niht habt erlôst?
;;;316;1;;er truoc iu vür den jâmers last.
;;;316;2;;ir vil ungetriuwer gast!
;;;316;3;;sîn nôt iuch solte erbarmet hân.
;;;316;4;;daz iuwer munt noch werde wan,
;;;316;5;;ich meine der zungen drinne,
;;;316;6;;als iu daz herze ist guoter sinne.
;;;316;7;;gegen der helle ir sît benant
;;;316;8;;ze himele vor der hœhesten hant.
;;;316;9;;als sît ir ûf der erden,
;;;316;10;;versinnent sich die werden.
;;;316;11;;ir heiles ban, ir sælden vluoch,
;;;316;12;;des ganzen prîses reht unruoch!
;;;316;13;;ir sît manlîcher êren siech
;;;316;14;;unde an der werdecheit sô kriech,
;;;316;15;;dehein arzât mac iuch des ernern.
;;;316;16;;ich wil ûf iuwerm houbete swern,
;;;316;17;;gît mir ieman des einen eit,
;;;316;18;;daz grœzer valsch nie wart bereit
;;;316;19;;deheinen alsô schœnen man.
;;;316;20;;ir vederangel, ir nâtern zan!
;;;316;21;;iu gab doch der wirt ein swert,
;;;316;22;;des iuwer wirde nie wart wert.
;;;316;23;;dô erwarp iu swîgen sünden vil.
;;;316;24;;ir sît der helle hirten spil.
;;;316;25;;Geunêrter lîp, hêr Parcifal!
;;;316;26;;ir sâht ouch vür iuch tragen den Grâl
;;;316;27;;unde snîdende silber unde bluotic sper.
;;;316;28;;ir vroüden letze, ir trûrens wer!
;;;316;29;;wære ze Munsalvasche iu vrâge mite,
;;;316;30;;in heidenschaft ze Tabrunite
;;;317;1;;diu stat hât erden wunsches solt,
;;;317;2;;hie het iu vrâge mêr erholt.
;;;317;3;;jenes landes künegîn
;;;317;4;;Ferefis Anschevin
;;;317;5;;mit herter rîterschaft erwarp,
;;;317;6;;an dem diu manheit niht verdarp,
;;;317;7;;die iuwer beider vater truoc.
;;;317;8;;iuwer bruoder wunders pfliget genuoc,
;;;317;9;;der ist beidiu swarz unde blanc,
;;;317;10;;der küneginne sun von Zazamanc.
;;;317;11;;nû gedenke ich aber an Gahmureten,
;;;317;12;;des herze valsches was erjeten.
;;;317;13;;von Anschouwe iuwer vater hiez,
;;;317;14;;der iu ander erbe liez,
;;;317;15;;denn als ir habt geworben.
;;;317;16;;an prîse ir sît verdorben.
;;;317;17;;het iuwer muoter ie missetân,
;;;317;18;;sô woltichz dâ vür hân,
;;;317;19;;ir möhtet sîn sun niht gesîn.
;;;317;20;;nein, si lêrte ir triuwe pîn.
;;;317;21;;geloubet von ir guoter mære
;;;317;22;;unde daz iuwer vater wære
;;;317;23;;manlîcher triuwen wîse
;;;317;24;;unde wîtvenge an hôhen prîse.
;;;317;25;;er kunde wol mit schalle.
;;;317;26;;grôz herze unde kleiniu galle,
;;;317;27;;dar über was sîn brust ein dach.
;;;317;28;;er was riuse, venge ein vach.
;;;317;29;;sîn manlîchez ellen
;;;317;30;;kunde dem prîse wol gestellen.
;;;318;1;;nû ist iuwer prîs ze valsche komen.
;;;318;2;;ouwê, daz ie wart vernomen
;;;318;3;;von mir, daz Herzeloyden barn
;;;318;4;;an triuwen sus hât missevarn!"
;;;318;5;;
;;;318;6;;
;;;318;7;;
;;;318;8;;
;;;318;9;;Die maget lêrte ir triuwe
;;;318;10;;al klagende herzeriuwe.
;;;318;11;;wider vür den künec si kêrte,
;;;318;12;;ir mære si dâ mêrte.
;;;318;13;;si sprach: "ist hie dehein rîter wert,
;;;318;14;;des ellen prîs habe gert
;;;318;15;;unde dar zuo hôher minne?
;;;318;16;;ich weiz vier küneginne
;;;318;17;;unde vier hundert juncvrouwen,
;;;318;18;;die man gerne möhte schouwen.
;;;318;19;;ûf Tschahtel Marvele die sint.
;;;318;20;;alliu âventiure ist ein wint,
;;;318;21;;wan die man dâ bezalen mac,
;;;318;22;;werder minne hôch bejac.
;;;318;23;;al hab ich dar der reise pîn,
;;;318;24;;ich wil noch hînt drûffe sîn."
;;;318;25;;Diu maget trûric, niht gemeit,
;;;318;26;;âne urloup vonme ringe reit.
;;;318;27;;al weinende si dicke wider sach.
;;;318;28;;nû hœret, wie si ze jungest sprach:
;;;318;29;;"ei, Munsalvasche, jâmers zil,
;;;318;30;;ouwê, daz dich nieman trœsten wil!"
;;;319;1;;Kundrie Lasurziere,
;;;319;2;;diu unsüeze unde doch diu fiere,
;;;319;3;;den Waleis sus beswæret hât.
;;;319;4;;waz half in küenes herzen rât
;;;319;5;;unde wâriu zuht bî manheit?
;;;319;6;;dannoch mêr im was bereit:
;;;319;7;;schame ob allen sînen siten.
;;;319;8;;den rehten valsch heter vermiten,
;;;319;9;;wan schame gît prîs ze lône
;;;319;10;;unde ist doch der sêle krône.
;;;319;11;;scham ist ob siten ein geüebet uop.
;;;319;12;;Cunnewar daz êrste weinen huop,
;;;319;13;;daz Parcifaln, den degen balt,
;;;319;14;;Kundrie alsus beschalt
;;;319;15;;umb alsô wunderlîch geschaf.
;;;319;16;;herzen jâmer ougen saf
;;;319;17;;gab maneger werden vrouwen.
;;;319;18;;man muose hie weinen schouwen.
;;;319;19;;Kundrie was ir trûrens wer.
;;;319;20;;diu reit enwec. nû reit dort her
;;;319;21;;ein rîter, der truoc hôhen muot.
;;;319;22;;al sîn harnasch was sô guot
;;;319;23;;vonme vuoze unz ûf des houbetes dach,
;;;319;24;;daz mans vür rîche koste jach.
;;;319;25;;sîn zimierde, daz was rîche.
;;;319;26;;gewâpent rîterlîche
;;;319;27;;was sîn ors unde sîn lîp.
;;;319;28;;dô vander maget unde wîp
;;;319;29;;trûric an dem ringe hie.
;;;319;30;;dâ reit er zuo, nû hœret wie:
;;;320;1;;sîn muot stuont hôhe, doch jâmers vol.
;;;320;2;;die beiden schanze ich nennen sol:
;;;320;3;;hôchvart riet sîn manheit,
;;;320;4;;jâmer lêrtin herzeleit.
;;;320;5;;er reit ûzen zuo dem ringe.
;;;320;6;;ob man in dâ iht dringe?
;;;320;7;;vil junchêrren spranc dar nâher sân;
;;;320;8;;dô enpfiengen si den werden man.
;;;320;9;;sîn schilt unde er wâren unbekant;
;;;320;10;;den helm er niht von im bant.
;;;320;11;;der vröuden ellende,
;;;320;12;;daz swert truoc er an der hende,
;;;320;13;;bedecket mit der scheiden.
;;;320;14;;dô vrâgeter nâch in beiden:
;;;320;15;;"wâ ist Artus unde Gawan?"
;;;320;16;;Vil junchêrren zeigten im die sân.
;;;320;17;;Sus gienc er vür den rinc wît.
;;;320;18;;tiure was sîn kursît,
;;;320;19;;mit liehtem pfelle wol gevar.
;;;320;20;;vür den wirt in des ringes schar
;;;320;21;;stuont er unde sprach alsus:
;;;320;22;;"got halte den künec Artus
;;;320;23;;unde dar zuo vrouwen unde man.
;;;320;24;;swaz ich der hie gesehen hân,
;;;320;25;;dem biut ich dienstlîchen gruoz.
;;;320;26;;wan einem tuon ich dienstes buoz,
;;;320;27;;dem wirt mîn dienst niemer schîn.
;;;320;28;;ich wil bî sînem hazze sîn.
;;;320;29;;swaz hazzes er geleisten mac,
;;;320;30;;mîn haz im biutet hazzes slac.
;;;321;1;;ich sol doch nennen, wer der sî.
;;;321;2;;ach, ich arm man, unde ouwî,
;;;321;3;;daz er mîn herze ie sus versneit!
;;;321;4;;mîn riuwe von im ist alze breit.
;;;321;5;;Daz ist hie mîn hêr Gawan,
;;;321;6;;der dicke prîs hât getân
;;;321;7;;unde hôhe werdecheit bezalt.
;;;321;8;;unprîs sîn hete aldâ gewalt,
;;;321;9;;dô in sîn gir dâ zuo getruoc:
;;;321;10;;in gruoze er mînen hêrren sluoc.
;;;321;11;;ein kus, den Judas teilte,
;;;321;12;;im selben willen veilte.
;;;321;13;;ez tuot manec tûsent herzen wê,
;;;321;14;;daz strenge mortlîche rê
;;;321;15;;an mînem hêrren ist getân.
;;;321;16;;lougent des hêr Gawan,
;;;321;17;;des antwurte ûf kampfes slac
;;;321;18;;von hiute über den vierzigesten tac
;;;321;19;;vorme künege von Ascalun
;;;321;20;;in der houbetstat ze Tschamfenzun.
;;;321;21;;ich ladin kampflîche dar,
;;;321;22;;Ze komene gegen mînes kampfes var.
;;;321;23;;kan sîn lîp des niht verzagen,
;;;321;24;;ern welle dâ schiltes ambet tragen,
;;;321;25;;sô man ichn dannoch mêre
;;;321;26;;bî des schiltes êre
;;;321;27;;unde durch rîterlîches ordens leben.
;;;321;28;;dem sint zwei rîchiu urbor geben:
;;;321;29;;rehtiu schame unde wâriu triuwe
;;;321;30;;gebent prîs alt unde niuwe.
;;;322;1;;Hêr Gawan sol sich des niht beschemen,
;;;322;2;;ob er geselleschaft wil nemen
;;;322;3;;ob der tavelrunder,
;;;322;4;;diu dort stât besunder.
;;;322;5;;ir reht wære zerbrochen sân,
;;;322;6;;sæze drobe ein triuwelôser man.
;;;322;7;;ich bin her niht durch schelten komen.
;;;322;8;;geloubet, sît irz habt vernomen,
;;;322;9;;ich vordere kampf vür schelten,
;;;322;10;;der niht wan tôt sol gelten
;;;322;11;;oder leben nâch êren,
;;;322;12;;swenz diu sælde wil lêren."
;;;322;13;;Der künec sweic unde wart unvrô,
;;;322;14;;doch antwurter der rede alsô:
;;;322;15;;"hêrre, er ist mîner swester sun.
;;;322;16;;wære Gawan tôt, ich wolte tuon
;;;322;17;;den kampf, ê sîn gebeine
;;;322;18;;læge triuwelôs unde unreine.
;;;322;19;;wil glücke, iu sol Gawans hant
;;;322;20;;tuon daz wol bekant,
;;;322;21;;daz sîn lîp mit triuwen vert
;;;322;22;;unde sich des valsches hât erwert.
;;;322;23;;hât iu anders ieman leit
;;;322;24;;getân, sô machet niht sô breit
;;;322;25;;sîn laster âne schulde;
;;;322;26;;wan gewinnet er iuwer hulde,
;;;322;27;;sô daz sîn lîp unschuldic ist,
;;;322;28;;ir habt an dirre kurzen vrist
;;;322;29;;von im gesaget, daz iuwern prîs
;;;322;30;;krenket, sint die liute wîs."
;;;323;1;;Beakurs, der stolze man,
;;;323;2;;des bruoder was hêr Gawan,
;;;323;3;;der stuont ûf unde sprach zehant:
;;;323;4;;"ich sol dâ wesen pfant,
;;;323;5;;swar Gawane ist der kampf geleget.
;;;323;6;;sîn velschen mich unsanfte reget;
;;;323;7;;
;;;323;8;;
;;;323;9;;ich sol ze kampfe vür in stân.
;;;323;10;;ez mac mit rede niht ergân,
;;;323;11;;daz hôher prîs geneiget sî,
;;;323;12;;der Gawane ledeclîche ist bî."
;;;323;13;;er kêrte, al dâ sîn bruoder saz.
;;;323;14;;vür vallens er niht vergaz
;;;323;15;;unde sprach alsus, nû hœret wie:
;;;323;16;;"gedenke, bruoder, daz dû ie
;;;323;17;;mir hülfe rehter werdecheit.
;;;323;18;;lâ mich vür dîne arbeit
;;;323;19;;ein kampflîchez gîsel wesen.
;;;323;20;;ob ich an kampfe sul genesen,
;;;323;21;;des hâstû iemer êre."
;;;323;22;;er bat in vürbaz mêre
;;;323;23;;durch brüederlîchen rîters prîs.
;;;323;24;;Hêr Gawan sprach: "ich bin sô wîs,
;;;323;25;;daz ich dich, bruoder, niht gewer
;;;323;26;;dîner brüederlîchen ger.
;;;323;27;;ine weiz, warumbich strîten sol,
;;;323;28;;doch tuot mir strîten niht sô wol;
;;;323;29;;ungerne woltich dirz versagen,
;;;323;30;;wan daz ich muoz daz laster tragen."
;;;324;1;;Beakurs al vaste bat.
;;;324;2;;Der gast stuont an sîner stat.
;;;324;3;;er sprach: "mir biutet kampf ein man,
;;;324;4;;des ich deheine künde hân.
;;;324;5;;ich hân ouch niht ze sprechene dar.
;;;324;6;;sterke, küene, wol gevar,
;;;324;8;;hât er diu volleclîche,
;;;324;7;;unde ist getriuwe unde rîche,
;;;324;9;;er mac borgen deste baz.
;;;324;10;;ich hân gegen im deheinen haz.
;;;324;11;;er was mîn hêrre unde ouch mîn mâc,
;;;324;12;;durch den ich hebe disen bâc.
;;;324;13;;unser vetere bruodere hiezen,
;;;324;14;;die niht ein ander liezen.
;;;324;15;;sô hôher man gekrœnet wart
;;;324;16;;nie, ern hete im vollen art
;;;324;17;;im kampfes rede ze bieten,
;;;324;18;;mit râche gegen im ze nieten.
;;;324;19;;ich bin ein vürste ûz Ascalun,
;;;324;20;;der lantgrâve von Tschampfenzun,
;;;324;21;;unde heize Kyngrimursel.
;;;324;22;;ist hêr Gawan lobes hel,
;;;324;23;;ern mac sich niht entsagen,
;;;324;24;;ern welle den kampf dâ gegen mir tragen.
;;;324;25;;ich gibim vride über al daz lant,
;;;324;26;;niht wan von mîn eines hant.
;;;324;27;;mit triuwen ich im vride geheize
;;;324;28;;ûzerhalp des kampfes kreize.
;;;324;29;;got hüete al der ich lâze hie,
;;;324;30;;wen eines: er weiz wol selbe wie."
;;;325;1;;sus schiet der wol gelobete man
;;;325;2;;von dem Plymizols plân.
;;;325;3;;Dô Kyngrimursel wart genant,
;;;325;4;;otheiz, dô wart er schiere erkant!
;;;325;5;;werden, virrigen prîs
;;;325;6;;het an im der vürste wîs.
;;;325;7;;si jâhen, daz hêr Gawan
;;;325;8;;des kampfes müese sorge hân
;;;325;9;;von sîner grôzen manheit,
;;;325;10;;des vürsten, der von in dâ reit.
;;;325;11;;ouch wante manegen trûrens nôt,
;;;325;12;;daz man im dâ niht êre bôt.
;;;325;13;;dar wâren solhe mære komen,
;;;325;14;;als ir ê hât vernomen,
;;;325;15;;die lîhte wanten einen gast,
;;;325;16;;daz wirtes gruoz im gebrast.
;;;325;17;;An Kundrien man ouch innen wart
;;;325;18;;Parcifales namen unde sînen art,
;;;325;19;;daz in gebar ein künegîn
;;;325;20;;unde wie die erwarp ein Anschevin.
;;;325;21;;Vil maneger sprach: "wie wol ich weiz,
;;;325;22;;daz er si vor Kanvoleiz
;;;325;23;;gediende hurteclîche
;;;325;24;;mit manegem poynder rîche
;;;325;25;;unde daz sîn ellen unverzaget
;;;325;26;;erwarp die sældebæren maget.
;;;325;27;;Anflise, diu gehêrte,
;;;325;28;;ouch Gahmureten lêrte,
;;;325;29;;dâ von der helt wart kurteis.
;;;325;30;;nû sol sich ieslîch Brituneis
;;;326;1;;Vröun, daz uns der helt dâ her ist komen,
;;;326;2;;dâ prîs mit wârheit ist vernomen
;;;326;3;;an im unde ouch an Gahmurete.
;;;326;4;;reht werdecheit was sîn gewete."
;;;326;5;;Artuses her bî dem tage
;;;326;6;;was komen vröude unde klage.
;;;326;7;;ein sölch geparriert leben
;;;326;8;;was den helden dâ gegeben.
;;;326;9;;Si stuonden ûf über al.
;;;326;10;;dâ was trûren âne zal.
;;;326;11;;si giengen mit ein ander dan,
;;;326;12;;dâ der Waleis unde Gawan
;;;326;13;;bî ein ander stuonden.
;;;326;14;;si trôstens, als si kunden.
;;;326;15;;Clamide, den wol geborn,
;;;326;16;;dûhte, er hete mêr verlorn
;;;326;17;;danne ieman, der dâ möhte sîn,
;;;326;18;;unde daz scherpfer wære sîn pîn.
;;;326;19;;er sprach ze Parcifale:
;;;326;20;;"wârt ir bî dem Grâle,
;;;326;21;;sô wil ich sprechen âne spot:
;;;326;22;;in heidenschaft ze Tribalibot,
;;;326;23;;dar zuo daz gebirge in Caucosas,
;;;326;24;;swaz munt von rîcheit ie gelas,
;;;326;25;;dar zuo des Grâls werdecheit
;;;326;26;;vergülte niht mîn herzeleit,
;;;326;27;;daz ich vor Peilrapere gewan.
;;;326;28;;ach, ich arm, unsælic man!
;;;326;29;;mich schiet von vröuden iuwer hant.
;;;326;30;;Hie ist vrou Cunnewar de Lalant.
;;;327;1;;ouch wil diu edele vürstîn
;;;327;2;;sô gar ze iuwerm gebote sîn,
;;;327;3;;daz sir niemen dienen lât,
;;;327;4;;swie vil si dienstgeltes hât.
;;;327;5;;si mohte iedoch erlangen,
;;;327;6;;daz ich bin ir gevangen
;;;327;7;;als lange hie gewesen.
;;;327;8;;ob ich an vröuden sul genesen,
;;;327;9;;sô helfet mir, daz si êre sich,
;;;327;10;;sô daz ir minne ergetze mich
;;;327;11;;ein teil, des ich von iu verlôs,
;;;327;12;;dô mich der vröuden zil verkôs.
;;;327;13;;ich hetes behalten wol - dan ir.
;;;327;14;;nû helfet dirre magde mir."
;;;327;15;;"Daz tuon ich", sprach der Waleis.
;;;327;16;;"ich bin der bete ouch kurteis.
;;;327;17;;ich ergetze iuch gerne, sist ouch mîn,
;;;327;18;;bî der ir wolt bî sorgen sîn.
;;;327;19;;ich meine, diu treit den bêâcurs,
;;;327;20;;diu küneginne Cundewiramurs."
;;;327;21;;Von Janfusen diu heidenîn,
;;;327;22;;Artus unde daz wîp sîn
;;;327;23;;unde Cunnewar de Lalant
;;;327;24;;unde vrou Jeschute von Garnant
;;;327;25;;giengen dô durch trœsten zuo.
;;;327;26;;waz welt ir, daz man mêr nû tuo?
;;;327;27;;Cunnewaren si gâben Clamide;
;;;327;28;;dem was nâch ir minne wê.
;;;327;29;;sînen lîp gab er ir ze lône
;;;327;30;;unde ûf ir houbet zwô krône,
;;;328;1;;daz ez diu von Janfusen sach.
;;;328;2;;Diu heidenîn zem Wâleis sprach:
;;;328;3;;"Kundrie nante uns einen man,
;;;328;4;;des ich iu wol ze bruoder gan.
;;;328;5;;des kraft ist wît unde breit.
;;;328;6;;zweier krône rîcheit
;;;328;7;;stêt vorhteclîche in sîner pflege
;;;328;8;;ûf dem wazzer unde ûf der erden wege:
;;;328;9;;Azagouc unde Zazamanc,
;;;328;10;;diu lant sint kreftic unde niender kranc.
;;;328;11;;sînem rîchtuom glîchet niht
;;;328;12;;âne den bâruc, swâ mans giht.
;;;328;13;;In dem lande ze Tribalibot
;;;328;14;;betet man in an als einen got.
;;;328;15;;sîn varwe hât sô spæhen glast,
;;;328;16;;si ist aller manne varwe ein gast,
;;;328;17;;beidiu wîz unde swarz erkant.
;;;328;18;;ich reit dâ her durch ein sîn lant.
;;;328;19;;daz wolter gerne erwendet hân,
;;;328;20;;die vart, die ich dâ her hân getân.
;;;328;21;;daz warb er, dône mohter.
;;;328;22;;sîner muoter muomen tohter
;;;328;23;;bin ich; er ist ein künec hêr.
;;;328;24;;ich sagiu wunders von im mêr:
;;;328;25;;nie man gesaz vor sîner tjost.
;;;328;26;;sîn prîs hât vil hôhe kost:
;;;328;27;;
;;;328;28;;
;;;328;29;;Feirefiz Anschevin,
;;;328;30;;des lîp durch wîp kan lîden pîn.
;;;329;1;;Swie vremdez mir wære,
;;;329;2;;ich kom ouch her durch mære
;;;329;3;;unde zerkennen âventiure.
;;;329;4;;nû lît diu hœheste stiure
;;;329;5;;an iu, deist gar getouftiu diet.
;;;329;6;;mit prîse ich iuch von laster schiet.
;;;329;7;;sol guot gebærde helfen iht
;;;329;8;;unde daz man iu mit wârheit giht
;;;329;9;;liehter varwe unde manlîcher site?
;;;329;10;;kraft bî jugent vert dâ mite."
;;;329;11;;Diu rîche, wîse heidenîn
;;;329;12;;het an kunst den gewin,
;;;329;13;;daz si wol redete franzeis.
;;;329;14;;Sus antwürt ir der Waleis,
;;;329;15;;sölh was sîn rede wider sie:
;;;329;16;;"got lône iu, vrouwe, daz ir mir hie
;;;329;17;;gebt sô güetlîchen trôst.
;;;329;18;;ich bin doch trûrens unerlôst
;;;329;19;;unde wil iuch des bescheiden.
;;;329;20;;ine mag ez sô niht geleiden,
;;;329;21;;als ez mir leide kündet,
;;;329;22;;daz sich nû maneger sündet,
;;;329;23;;der niht weiz mîne klage
;;;329;24;;unde dâ bî sîn spoten trage.
;;;329;25;;ine wil deheiner vröude jehen,
;;;329;26;;ine müeze den Grâl ê gesehen,
;;;329;27;;diu wîle sî kurz oder lanc.
;;;329;28;;mich jaget des endes mîn gedanc;
;;;329;29;;dâ von gescheid ich niemer
;;;329;30;;mînes lebens iemer.
;;;330;1;;sol ich durch mîner zuht gebot
;;;330;2;;hœren nû der werlte spot,
;;;330;3;;sône mac sîn râten niht sîn ganz:
;;;330;4;;mir riet der werde Gurnemanz,
;;;330;5;;daz ich vrevellîche vrâge mite
;;;330;6;;unde niemer gegen unvuoge strite.
;;;330;7;;vil werder rîter sihe ich hie.
;;;330;8;;durch iuwer zuht nû râtet mir, wie
;;;330;9;;daz ich ir hulden næhe mich.
;;;330;10;;ez ist ein strenge, scharpf gerich
;;;330;11;;mit worten hie gegen mir getân.
;;;330;12;;swes hulde ich drumbe verlorn hân,
;;;330;13;;daz wil ich wênic wîzen ime.
;;;330;14;;swennich hernâch prîs genime,
;;;330;15;;sô habet mich aber dar nâch.
;;;330;16;;mirst ze scheiden von iu gâch.
;;;330;17;;ir habt mir alle geselleschaft
;;;330;18;;getân, dô ich in prîses kraft
;;;330;19;;stuont. des sît nû ledic, unz ich bezal,
;;;330;20;;dâ von mîn grüene vröude ist val.
;;;330;21;;mîn sol grôz jâmer alsô pflegen,
;;;330;22;;daz daz herze gebe den ougen regen,
;;;330;23;;sît ich ûf Munsalvasche liez,
;;;330;24;;daz mich von werden vröuden stiez.
;;;330;25;;ohteiz, wie manec clâre maget!
;;;330;26;;swaz ieman wunders hât gesaget,
;;;330;27;;dannoch pfliget sîn mêr der Grâl.
;;;330;28;;der wirt hât siufzebære twâl.
;;;330;29;;ei, helfelôser Anfortas,
;;;330;30;;waz half dich, daz ich bî dir was?"
;;;331;1;;Si mugen niht langer sus gestân,
;;;331;2;;ez muoz nû an ein scheiden gân.
;;;331;3;;Dô sprach der Waleis
;;;331;4;;Ze Artuse dem Brituneis
;;;331;5;;unde ze rîtern unde ze vrouwen,
;;;331;6;;er wolt ir urloup schouwen
;;;331;7;;unde mit ir hulden vernemen.
;;;331;8;;ez endorfte niemen dâ gezemen,
;;;331;9;;daz er sô trûric von in reit.
;;;331;10;;ich wæne, ez wære in allen leit.
;;;331;11;;Artus lobetim an die hant,
;;;331;12;;kæme iemer in solhe nôt sîn lant,
;;;331;13;;als ez von Clamide gewan,
;;;331;14;;des kumbers wolt er pflihte hân.
;;;331;15;;im wære ouch leit, daz Lehelin
;;;331;16;;im næme zwô rîche krônen sîn.
;;;331;17;;Vil dienstes im dâ maneger bôt.
;;;331;18;;in treip von in dâ trûrens nôt.
;;;331;19;;Vrou Cunneware, diu clâre maget,
;;;331;20;;nam den helt unverzaget
;;;331;21;;an ir hant unde vuortin dan.
;;;331;22;;Dô kustin mîn hêr Gawan.
;;;331;23;;dô sprach der manlîche
;;;331;24;;Ze dem degene ellens rîche:
;;;331;25;;"helt, ich weiz wol, daz dîn vart
;;;331;26;;gegen strîtes reise ist ungespart.
;;;331;27;;dâ gebe dir got glücke zuo
;;;331;28;;unde helf ouch mir, daz ich getuo
;;;331;29;;dir noch dienst, als ich kan gern.
;;;331;30;;des müeze mich sîn kraft gewern."
;;;332;1;;Der Waleis sprach: "waz ist got?
;;;332;2;;wære der gewaltic, solhen spot
;;;332;3;;het er uns beiden niht gegeben,
;;;332;4;;kunde got mit kreften leben.
;;;332;5;;ich was im dienstes undertân,
;;;332;6;;die wîle ich gnâden mich versan.
;;;332;7;;nû wil ich im dienst wider sagen;
;;;332;8;;hât er haz, den wil ich tragen.
;;;332;9;;Vriunt, an dînes kampfes zît
;;;332;10;;dâ nem ein wîp vür dich den strît.
;;;332;11;;diu müeze ziehen dîne hant,
;;;332;12;;an der dû kiusche hâst bekant
;;;332;13;;unde wîplîche güete.
;;;332;14;;ir minne dich dâ behüete.
;;;332;16;;mîn wünschen sus an dir geschehe.
;;;332;15;;ine weiz, wennich dich mê gesehe."
;;;332;17;;ir scheiden, daz gap trûren
;;;332;18;;zuo strengen nâchgebûren.
;;;332;19;;Vrou Cunnewar de Lalant
;;;332;20;;in vuorte, dâ sir pavelûn vant.
;;;332;21;;sînen harnasch hiez si bringen dar.
;;;332;22;;mit blanken handen wol gevar
;;;332;23;;wâpente si Gahmuretes sun.
;;;332;24;;si jach: "ich solz von rehte tuon,
;;;332;25;;sît der künec von Brandigan
;;;332;26;;mich wil von iuwern schulden hân.
;;;332;27;;grôz kumber iuwer werdecheit
;;;332;28;;gît mir siufzebærez leit.
;;;332;29;;swenne ir sît trûrens niht erwert,
;;;332;30;;iuwer sorge mîne vröude zert."
;;;333;1;;Nû was sîn ors verdecket,
;;;333;2;;sîn selbes nôt erwecket.
;;;333;3;;ouch hete der helt wol getân
;;;333;4;;liehten wîzen harnasch an,
;;;333;5;;tiure, âne aller slahte getroc.
;;;333;6;;sîn kursît, sîn wâpenroc
;;;333;7;;was gehêret mit gesteine.
;;;333;8;;sînen helm aleine
;;;333;9;;het er niht ûf gebunden.
;;;333;10;;dô kust er an den stunden
;;;333;11;;Cunnewarn, die clâre maget.
;;;333;12;;sus wart mir von in gesaget.
;;;333;13;;dâ ergienge ein trûric scheiden
;;;333;14;;von den gelieben beiden.
;;;333;15;;hin reit Gahmuretes kint.
;;;333;16;;swaz âventiure gesprochen sint,
;;;333;17;;die endarf in nieman mezzen zuo,
;;;333;18;;irn hœret aller êrst, waz er getuo,
;;;333;19;;war er kêre unde war er var.
;;;333;20;;swer den lîp gegen rîterschefte spar,
;;;333;21;;der denke niht die wîle an in,
;;;333;22;;ob ez im râte stolzer sin.
;;;333;23;;Cundewiramurs,
;;;333;24;;dîn minneclîcher bêâcurs,
;;;333;25;;an den wirt nû dicke gedâht,
;;;333;26;;biz daz im wirt âventiure brâht.
;;;333;27;;des schiltes ambet umben Grâl
;;;333;28;;wirt vil geüebet sunder twâl
;;;333;29;;von im, den Herzeloyde bar.
;;;333;30;;er was ganerbet dar.
;;;334;1;;Ouch kêrte der massenîe vil
;;;334;2;;gegen dem arbeitlîchem zil,
;;;334;3;;ein âventiure ze schouwen,
;;;334;4;;dâ vier hundert juncvrouwen
;;;334;5;;unde vier küneginne
;;;334;6;;gevangen wâren inne,
;;;334;7;;ûf Tschahtel Marveile.
;;;334;8;;waz in würde ze teile,
;;;334;9;;daz haben âne mînen haz;
;;;334;10;;ich bin durch vrouwen lônes laz.
;;;334;11;;Ouch sprach der Krieche Clyas:
;;;334;12;;"ich bin der dâ versûmet was."
;;;334;13;;vor in allen er des jach.
;;;334;14;;"ein Turkoyt mich dâ stach
;;;334;15;;hinderz ors, ich muoz mich schamen.
;;;334;16;;doch saget er mir vier vrouwen namen,
;;;334;17;;die dâ krônbære sint.
;;;334;18;;Zwô sint alt, zwô sint kint.
;;;334;19;;Der heizet einiu Itonie,
;;;334;20;;diu ander Kuondrie,
;;;334;21;;diu dritte heizet Seyve
;;;334;22;;unde diu vierde Arnyve."
;;;334;23;;daz wolt ir ieglîcher sehen.
;;;334;24;;ir reise mohtez niht volle spehen:
;;;334;25;;si muosen schaden dâ bejagen,
;;;334;26;;den sol ouch ich ze mâze klagen.
;;;334;27;;Swer durch wîp hât arbeit,
;;;334;28;;ez gît vröude unde etswenne leit.
;;;334;29;;An dem orte ez vürbaz wiget.
;;;334;30;;sus dicke minne ir lônes pfliget.
;;;335;1;;Nû bereit ouch sich hêr Gawan
;;;335;2;;Als ein kampfbære man
;;;335;3;;hin vür den künec von Ascalun.
;;;335;4;;des trûrete manec Britun
;;;335;5;;unde manec wîp unde maget.
;;;335;6;;herzeclîche ez wart geklaget
;;;335;7;;von in sîn strîtes reise.
;;;335;8;;der werdecheite ein weise
;;;335;9;;wart nû diu tavelrunder.
;;;335;10;;Gawan maz besunder,
;;;335;11;;wâ mit er möhte wol gesigen.
;;;335;12;;alte schilte wol gedigen
;;;335;13;;- ern ruohte, wie si wâren gevar -,
;;;335;14;;die brâhten koufliute dar
;;;335;15;;ûf ir soumen, doch niht veile.
;;;335;16;;der wurden im drîe ze teile.
;;;335;17;;ouch erwarp der strîtes helt
;;;335;18;;siben ors gegen kampfe ûz erwelt.
;;;335;19;;von sînen vriunden er dô gewan
;;;335;20;;Zwelf starkiu sper von Angran,
;;;335;21;;starke rœrîne schefte drîn
;;;335;22;;von Orestegentesin
;;;335;23;;ûz einem heidenschem muor.
;;;335;24;;Gawan nam urloup unde vuor
;;;335;25;;mit unverzageter manheit.
;;;335;26;;Artus was im vil bereit,
;;;335;27;;er gab im rîcher gabe solt:
;;;335;28;;lieht gesteine, rôtez golt
;;;335;29;;unde silber, manegen sterlinc.
;;;335;30;;gegen sorgen wielzen sîniu dinc.
;;;336;1;;Eckuba, diu junge,
;;;336;2;;vuor gegen ir schiffunge,
;;;336;3;;ich meine, diu rîche heidenîn.
;;;336;4;;dô kêrte in manegen enden hin
;;;336;5;;daz volc von dem Plymizol.
;;;336;6;;Artus vuor gegen Karidol.
;;;336;7;;Cunnewar unde Clamide
;;;336;8;;nâmen ouch sînen urloub ê.
;;;336;9;;Orilus, der vürste erkant,
;;;336;10;;unde vrou Jeschute von Garnant
;;;336;11;;nâmen ouch sînen urloup sân,
;;;336;12;;doch blibens ûf dem plân
;;;336;13;;durch Clamide den dritten tac,
;;;336;14;;wand er dâ brûtloufte pflac,
;;;336;15;;niht mit benanter hôchgezît.
;;;336;16;;si wart dâ heime grœzer sît,
;;;336;17;;wand im sîn milte daz geriet.
;;;336;18;;vil rîter, kumberhaftiu diet,
;;;336;20;;unde ouch daz varnde volc gar
;;;336;19;;bliben an Clamides schar,
;;;336;21;;die vuort er heim ze lande.
;;;336;22;;mit êren, âne schande
;;;336;23;;Wart in geteilet dâ sîn habe,
;;;336;24;;mit valsche niht gelenet abe.
;;;336;25;;ouch vuor vrou Jeschute
;;;336;26;;mit Orilus, ir trûte,
;;;336;27;;durch Clamide ze Brandigan.
;;;336;28;;daz wart zêren getân
;;;336;29;;Cunnewarn, der swester sîn:
;;;336;30;;dâ krônde man die künegîn.
;;;337;1;;Nû weiz ich wol, swelch sinnic wîp,
;;;337;2;;ob si hât getriuwen lîp,
;;;337;3;;diu diz mære geschriben siht,
;;;337;4;;daz si mit wârheite giht,
;;;337;5;;ich künne wîben sprechen baz,
;;;337;6;;danne als ich sanc gegen einer maz.
;;;337;7;;Diu künegîn Belacane
;;;337;8;;was missewende âne
;;;337;9;;unde aller valscheite laz,
;;;337;10;;dô si ein tôter künec besaz.
;;;337;11;;Sît gab vroun Herzeloyden tuon
;;;337;12;;vil siufzebæren herzen ruon.
;;;337;13;;Welch was vroun Gynovern klage
;;;337;14;;An Ithers endetage!
;;;337;15;;Dar zuo was mir ein trûren leit,
;;;337;16;;daz diu herzogîn sô nacket reit,
;;;337;17;;des küneges kint von Garnant,
;;;337;18;;vrou Jeschute, diu kiusche erkant.
;;;337;19;;Wie wart vrou Cunneware
;;;337;20;;geroufet bî ir hâre!
;;;337;21;;des sint si vaste wider komen:
;;;337;22;;ir beider schame hât prîs genomen.
;;;337;23;;Ze machene nem diz mære ein man,
;;;337;24;;der âventiure erkennen kan
;;;337;25;;unde der schône künne sprechen,
;;;337;26;;beidiu samnen unde brechen.
;;;337;27;;ich tætez iu gerne vürbaz kunt,
;;;337;28;;wolt ez gebieten mir ein munt,
;;;337;29;;den doch ander vüeze tragent,
;;;337;30;;danne die mir ze stegreife wagent.
;;;338;1;;Der nie gewarp nâch schanden,
;;;338;2;;Eine wîle ze sînen handen
;;;338;3;;sul nû dis âventiure hân
;;;338;4;;der werde erkante Gawan.
;;;338;5;;Daz prüevet maneger âne haz
;;;338;6;;dâr neben oder vürbaz
;;;338;7;;danne daz mære hêrn Parcifal.
;;;338;8;;Swer sîne vriunt alle mâl
;;;338;9;;mit worten an daz hœheste jaget,
;;;338;10;;der ist prîses anderhalp verzaget.
;;;338;11;;im ist der liute volge guot,
;;;338;12;;der dicke lop mit wârheit tuot,
;;;338;13;;oder swaz er sprichet oder sprach,
;;;338;14;;diu rede blîbet âne dach.
;;;338;15;;wer sol sinnes wort behalten,
;;;338;16;;es enwellen die wîsen walten?
;;;338;17;;valsch, lügelîch ein mære,
;;;338;18;;daz, wænich, baz noch wære
;;;338;19;;âne wirt ûf einen snê,
;;;338;20;;sô daz dem munde würde wê,
;;;338;21;;derz ûz vür wârheit breitet.
;;;338;22;;sô hetin got bereitet,
;;;338;23;;als guoter liute wünschen stêt,
;;;338;24;;den ir triuwe ze arbeit ergêt.
;;;338;25;;Swem ist ze solhen werken gâch,
;;;338;26;;dâ missewende hœret nâch,
;;;338;27;;pflihtet werder lîp an den gewin,
;;;338;28;;daz muoz in lêren kranker sin.
;;;338;29;;er mîdet ez, kan er sich schemen;
;;;338;30;;den site sol er ze vogete nemen.
;;;339;1;;Gawan, der rehte gemuot,
;;;339;2;;sîn ellen pflac der êren huot,
;;;339;3;;sô daz diu wâre zageheit
;;;339;4;;an prîse nie gevrumte leit.
;;;339;5;;Ze velde was sîn herze ein burc,
;;;339;6;;gegen scharpfen strîten wol sô kurc
;;;339;7;;in strîtes gedrenge man in sach.
;;;339;8;;vriunt unde vîent im des jach,
;;;339;9;;sîn krîe wære gegen prîse hel,
;;;339;10;;swie gerne in Kyngrimursel
;;;339;11;;mit kampfe hete dâ von genomen.
;;;339;12;;nû was er ouch von Artuse komen
;;;339;13;;- des enweiz ich niht wie manegen tac -,
;;;339;14;;Gawan, der manheite pflac.
;;;339;15;;Dô reit der wâre degen balt
;;;339;16;;sîne rehte strâze ûf einen walt
;;;339;17;;mit sînem gezoge in einen grunt.
;;;339;18;;dâ wart im ûf einem bühele kunt
;;;339;19;;ein dinc, daz in angest lêrte
;;;339;20;;unde sîne manheit mêrte:
;;;339;21;;dô sach der helt vür unbetrogen
;;;339;22;;ie nâch maneger banier zogen
;;;339;23;;vil grôze vuore, niht ze kranc.
;;;339;24;;er dâhte: "mir ist der wec ze lanc,
;;;339;25;;vlühtic wider zem walde."
;;;339;26;;dô hiez er gürten balde
;;;339;27;;einem orse, daz im Orilus
;;;339;28;;gap. daz was genennet sus:
;;;339;29;;mit den kurzen ôren Krynguliet.
;;;339;30;;er enpfieng ez âne aller slahte bet.
;;;340;1;;ez was von Munsalvasche komen
;;;340;2;;unde het ez Lehelin genomen.
;;;340;3;;Ze Brumbanie bî dem sê
;;;340;4;;einem rîter tet sîn tjost wê,
;;;340;5;;den er tôt dar hinder stach,
;;;340;6;;des sît Trefrizent verjach.
;;;340;7;;Gawan dâhte: "swer verzaget,
;;;340;8;;sô daz er vliuhet, ê man in jaget,
;;;340;9;;daz ist sînem prîse gar ze vruo.
;;;340;10;;ich sol in nâher stapfen zuo,
;;;340;11;;swaz mir nû mac dar von geschehen,
;;;340;12;;ir hât mich daz mêre teil gesehen.
;;;340;13;;ez sol doch guot rât werden."
;;;340;14;;dô erbeizeter ûf die erden,
;;;340;15;;rehte alser hete einen stal.
;;;340;16;;die rotten wâren âne zal,
;;;340;17;;die dâ mit kumpânîe riten.
;;;340;18;;er sach vil kleider wol gesniten
;;;340;19;;unde manegen schilt wol gevar,
;;;340;20;;daz er ir niht erkante gar
;;;340;21;;noch deheine banier under in.
;;;340;22;;"disem her ein gast ich bin",
;;;340;23;;sprach der werde Gawan.
;;;340;24;;"sît ich ir deheine künde hân,
;;;340;25;;wellent siz in übel wenden,
;;;340;26;;eine tjost sol ich in senden,
;;;340;27;;deist wâr, mit mîn selbes hant,
;;;340;28;;ê daz ich von in sî gewant."
;;;340;29;;Nû was ouch Krynguliet gegurt,
;;;340;30;;daz in manegen angestlîchen vurt
;;;341;1;;gegen strîte was zer tjost brâht.
;;;341;2;;des wart ouch hin zim gedâht.
;;;341;3;;Gawan was gezimieret
;;;341;4;;unde wol geflôrieret
;;;341;5;;von rîcher koste helme vil.
;;;341;6;;si vuorten gegen ir nîtspil
;;;341;7;;wîz niuwer sper ein wunder,
;;;341;8;;diu gemâlet wâren besunder
;;;341;9;;junchêrren gegeben in die hant,
;;;341;10;;ir hêrren wâpen dran erkant.
;;;341;11;;Gawan filliroys Lot
;;;341;12;;sach von gedrenge grôze nôt,
;;;341;13;;vil mûle, die harnasch muosen tragen,
;;;341;14;;unde manegen wol geladen wagen;
;;;341;15;;den was gegen herbergen gâch.
;;;341;16;;dâ vuor der market hinden nâch
;;;341;17;;mit wunderlîcher pârât.
;;;341;18;;des was eht dô kein ander rât.
;;;341;19;;er sach der vrouwen dâ genuoc.
;;;341;20;;etslîchiu den zwelften gürtel truoc
;;;341;21;;ze pfande nâch ir minne.
;;;341;22;;ez wâren niht küneginne:
;;;341;23;;die selben trippâniersen
;;;341;24;;hiezen soldiersen.
;;;341;25;;hie der junge, dort der alde,
;;;341;26;;dâ vuoren vil ribalde.
;;;341;27;;den machte ir loufen müediu lide.
;;;341;28;;etslîcher zæme baz an der wide,
;;;341;29;;danner daz volc dâ mêrte
;;;341;30;;unde werdez volc unêrte.
;;;342;1;;Vür was geloufen unde geriten
;;;342;2;;daz her, des Gawan het erbiten.
;;;342;3;;von solhem wâne daz geschach:
;;;342;4;;swer den helt dâ halten sach,
;;;342;5;;der wânde, er wære des selben hers.
;;;342;6;;disehalp noch jensît mers
;;;342;7;;gevuor nie stolzer rîterschaft.
;;;342;8;;si heten hôhes muotes kraft.
;;;342;9;;Dô vuor in balde hinden nâch
;;;342;10;;ûf ir slâ, dem was ouch gâch,
;;;342;11;;ein knappe gar unvuogen vrî.
;;;342;12;;ein ledic ors gienc im bî.
;;;342;13;;einen niuwen schilt er vuorte,
;;;342;14;;mit sporn er vaste ruorte
;;;342;15;;âne zart sîn runzît.
;;;342;16;;er wolte gâhen in den strît.
;;;342;17;;wol gesniten was sîn kleit.
;;;342;18;;Gawan zuo dem knappen reit.
;;;342;19;;nâch gruoze er vrâgete mære,
;;;342;20;;wes daz ingesinde wære.
;;;342;21;;Der knappe sprach: "ir spottet mîn.
;;;342;22;;hêrre, habich solhen pîn
;;;342;23;;mit unvuoge an iu erholt?
;;;342;24;;het ich danne ander nôt gedolt,
;;;342;25;;diu stüende mir gegen prîse baz.
;;;342;26;;durch got, nû senftet iuwern haz.
;;;342;27;;ir erkennet ein ander baz dan ich.
;;;342;28;;waz hilfet danne, daz ir vrâget mich?
;;;342;29;;ez sol iu baz wesen kunt
;;;342;30;;zeinem mâle, tûsent stunt."
;;;343;1;;Gawan bôt des manegen eit,
;;;343;2;;swaz volkes dâ vor im reit,
;;;343;3;;daz er des niht erkande.
;;;343;4;;er sprach: "mîn varn hât schande,
;;;343;5;;sît ich mit wârheit niht mac gejehen,
;;;343;6;;daz ich ir keinen habe gesehen
;;;343;7;;vor disem tage an deheiner stat,
;;;343;8;;swar man mîn dienst ie gebat."
;;;343;9;;Der knappe sprach ze Gawan:
;;;343;10;;"hêrre, sô hân ich missetân.
;;;343;11;;ich soltes iu ê hân gesaget.
;;;343;12;;dô was mîn bester sin verzaget.
;;;343;13;;nû rihtet mîne schulde
;;;343;14;;nâch iuwer selbes hulde.
;;;343;15;;ich sols iu dar nâch gerne sagen.
;;;343;16;;lât mich mîn unvuoge ê klagen."
;;;343;17;;"Junchêrre, nû sage mir, wer si sîn,
;;;343;18;;durch iuwern zuhtebæren pîn."
;;;343;19;;"Hêrre, sus heizet der vor iu vert,
;;;343;20;;dem doch sîn reise ist unerwert,
;;;343;21;;Roys Poydekuniuns
;;;343;22;;unde duc Astor de Lunveruns.
;;;343;23;;dâ vert ein unbescheiden lîp,
;;;343;24;;dem minne nie gebôt dehein wîp.
;;;343;25;;er treit der unvuoge kranz
;;;343;26;;unde heizet Melyahganz.
;;;343;27;;ez wære wîp oder maget,
;;;343;28;;swaz er dâ minne hât bejaget,
;;;343;29;;die nam er gar in nœten.
;;;343;30;;man solt in drumbe tœten.
;;;344;1;;Er ist Poydekuniunzes suon
;;;344;2;;unde wil ouch rîterschaft hie tuon.
;;;344;3;;der pfliget der ellens rîche
;;;344;4;;dicke unverzagelîche.
;;;344;5;;waz touc im manlîcher site?
;;;344;6;;ein swînmuoter, lief im mite
;;;344;7;;ir verhelîn, diu werte ouch sie.
;;;344;8;;ich hôrte den man gesprechen nie,
;;;344;9;;was sîn ellen âne vuoge.
;;;344;10;;des volgent noch genuoge.
;;;344;11;;Hêrre, nû hœret ein wunder,
;;;344;12;;daz lât iu sagen besunder:
;;;344;13;;grôz her dâ nâch iu vüeret,
;;;344;14;;den sîn unvuoge rüeret,
;;;344;15;;Der künec Melyanz von Liz.
;;;344;16;;hôchverteclîche zornes vlîz
;;;344;17;;hât er gevrumt gar âne nôt.
;;;344;18;;unrehtiu minne im daz gebôt."
;;;344;19;;der knappe in sîner zuht verjach:
;;;344;20;;"hêrre, ich sagez iu, wan ichz sach:
;;;344;21;;Des küneges Melyanzes vater,
;;;344;22;;an tôdes leger vür sich bat er
;;;344;23;;die vürsten sînes landes.
;;;344;24;;unerlôset pfandes
;;;344;25;;stuont sîn ellenthaftez leben.
;;;344;26;;daz muose sich dem tôde ergeben.
;;;344;27;;in der selben riuwe
;;;344;28;;bevalch er ûf ir triuwe
;;;344;29;;Melyanzen, den clâren,
;;;344;30;;allen den, die dâ wâren.
;;;345;1;;Er kôs im einen sunder dan,
;;;345;2;;einen vürsten, der was sîn hœhster man,
;;;345;3;;gegen triuwen alsô bewæret,
;;;345;4;;aller valscheite erlæret.
;;;345;5;;den bat er ziehen sînen suon.
;;;345;6;;er sprach: "dû maht an im wol tuon
;;;345;7;;dîner triuwen hantveste.
;;;345;8;;bit in, daz er die geste
;;;345;9;;unde die heinlîchen habe wert.
;;;345;10;;swennes der kumberhafte gert,
;;;345;11;;dem bit in teilen sîne habe."
;;;345;12;;sus wart bevolhen dâ der knabe.
;;;345;13;;Dô leiste der vürste Lybaut
;;;345;14;;aldaz sîn hêrre, der künec Schaut,
;;;345;15;;an tôdes leger gegen im erwarp.
;;;345;16;;harte wênic des verdarp,
;;;345;17;;endehafte ez wart geleistet sider.
;;;345;18;;der vürste vuorte den knappen wider.
;;;345;19;;er hete dâ heime liebiu kint,
;;;345;20;;alse si noch billîche sint:
;;;345;21;;ein tohter, der des niht gebrach,
;;;345;22;;Wan daz man des ir zîte jach,
;;;345;23;;si wære wol âmîe.
;;;345;24;;si hiez Obie
;;;345;25;;unde ir swester Obylot.
;;;345;26;;Obye vrumt uns dise nôt.
;;;345;27;;Eines tages gedêch ez an die stat,
;;;345;28;;daz si der junge künec bat
;;;345;29;;nâch sînem dienste ir minne.
;;;345;30;;Si vervluochte im sîne sinne
;;;346;1;;unde vrâgetin, wes er wânde,
;;;346;2;;warumbe er sinnes ânde.
;;;346;3;;Si sprach hin zim: "wæret ir sô alt,
;;;346;4;;daz iu under schilte wære bezalt
;;;346;5;;an werdeclîcher stunden
;;;346;6;;mit helme ûf houbet gebunden
;;;346;7;;gegen herteclîchen vâren
;;;346;8;;iuwer tât gegen vünf jâren,
;;;346;9;;hetir den prîs al dâ genomen,
;;;346;10;;unde wæret ir danne wider komen
;;;346;11;;unde in mînem gebote gewesen dâ,
;;;346;12;;spræche ich danne alrêst jâ,
;;;346;13;;des iuwer wille gerte,
;;;346;14;;alze vruo ich iuch gewerte.
;;;346;15;;ir sît mir liep, wer lougent des,
;;;346;16;;als Anfolen Galoes,
;;;346;17;;diu sît den tôt nâch im erkôs,
;;;346;18;;dô sin an einer tjost verlôs."
;;;346;19;;"Ungerne", sprach er, "vrouwe,
;;;346;20;;iuch sô bî liebe schouwe,
;;;346;21;;daz iuwer zorn ûf mich gêt.
;;;346;22;;gnâde doch bî dienste stêt,
;;;346;23;;swer triuwe rehte mezzen wil.
;;;346;24;;vrouwe, es ist iu gar ze vil,
;;;346;25;;daz ir mînen sin sus smâhet.
;;;346;26;;ir habt iuch gar vergâhet.
;;;346;27;;ich möhte des doch genozzen hân,
;;;346;28;;daz iuwer vater ist mîn man
;;;346;29;;unde daz er hât von mîner hant
;;;346;30;;manege burc unde alsîn lant."
;;;347;1;;"Swem ir lîhet, der gediene ouch daz",
;;;347;2;;sprach si. "mîn zil sich hœhet baz.
;;;347;3;;ich wil von niemanne lêhen hân.
;;;347;4;;mîn vrîheit, diu ist sô getân,
;;;347;5;;ieslîcher krône hôch genuoc,
;;;347;6;;die irdesch houbet ie getruoc."
;;;347;7;;er sprach: "ir sît ez gelêret,
;;;347;8;;daz ir hôchvart sus mêret.
;;;347;9;;sît iuwer vater gap den rât,
;;;347;10;;er wandelt mir die missetât.
;;;347;11;;ich sol hie wâpen alsô tragen,
;;;347;12;;daz wirt gestochen unde geslagen.
;;;347;13;;ez sî strît oder turnei,
;;;347;14;;hie blîbet vil der sper enzwei."
;;;347;15;;mit zorne schiet er von der maget.
;;;347;16;;sîn zorn sêre wart geklaget
;;;347;17;;von alder massenîe.
;;;347;18;;daz klaget ouch Obie.
;;;347;19;;gegen dirre ungeschihte
;;;347;20;;bôt sîn gerihte
;;;347;21;;unde anders wandels genuoc
;;;347;22;;Lybaut, der unschulde truoc.
;;;347;23;;ez wære krump oder sleht,
;;;347;24;;er gerte sîner genôze reht
;;;347;25;;ze hove, dâ die vürsten wæren,
;;;347;26;;unde er wære ze disen mæren
;;;347;27;;komen âne schulde.
;;;347;28;;gnædeclîcher hulde
;;;347;29;;er vaste sînen hêrren bat.
;;;347;30;;dem tet zorn ûf vreuden mat.
;;;348;1;;Sine kunden dâ niht gâhen,
;;;348;2;;sô daz Lybaut wolte vâhen
;;;348;3;;sînen hêrren, wander was sîn wirt,
;;;348;4;;alse noch untriuwen man verbirt.
;;;348;5;;der künec âne urloup dannen schiet,
;;;348;6;;als im sîn kranker sin geriet.
;;;348;7;;knappen, vürsten, sîniu kindelîn
;;;348;8;;alweinde tâten klage schîn,
;;;348;9;;die mit dem künege dâ wâren gewesen.
;;;348;10;;vor den mac Lybaut wol genesen,
;;;348;11;;wander hât si mit triuwen erzogen
;;;348;12;;unde an werder vuore niht betrogen,
;;;348;13;;ez ensî danne mîn hêrre al ein,
;;;348;14;;an dem ouch des vürsten triuwe schein.
;;;348;15;;mîn hêrre ist ein Franzoys,
;;;348;16;;Lethschach de lurre de Beavoys.
;;;348;17;;der heizet Lysavander.
;;;348;18;;der eine unde ouch der ander
;;;348;19;;muosen dem vürsten widersagen,
;;;348;20;;dâ si schiltes ambet suln tragen.
;;;348;21;;mit dem künege rîter worden sint
;;;348;22;;manec vürste hiute unde anderiu kint.
;;;348;23;;Des vorderen hers pfliget ein man,
;;;348;24;;der wol mit scharpfen strîten kan:
;;;348;25;;Poydekuniunz von Gors,
;;;348;26;;der vüeret manec wol gewâpent ors.
;;;348;27;;Melyanz ist sînes bruoder suon.
;;;348;28;;Si künnen beide hôchvart tuon,
;;;348;29;;der junge unde ouch der alte,
;;;348;30;;daz es unvuoge walte.
;;;349;1;;Sus hât der zorn sich vür genomen,
;;;349;2;;daz beide künege wellent komen
;;;349;3;;vür Bearosch, dâ man muoz
;;;349;4;;gedienen mit arbeit wîbe gruoz
;;;349;5;;unde muoz vil sper dâ brechen,
;;;349;6;;beidiu hurten unde stechen.
;;;349;7;;Bearosch ist sô ze wer,
;;;349;8;;obe wir heten zwênzic her,
;;;349;9;;etslîchez grœzer danne wir hân,
;;;349;10;;wir müesenz unzervüeret lân.
;;;349;11;;mîn reise ist daz hinder her verholn.
;;;349;12;;disen schilt hân ich dan verstoln
;;;349;13;;ûz von den andern kinden,
;;;349;14;;ob mîn hêrre möhte vinden
;;;349;15;;eine tjost durch sînen êrsten schilt
;;;349;16;;mit hurtes poynder dar gezilt."
;;;349;17;;Der knappe hinder sich dô sach.
;;;349;18;;sîn hêrre vuor im balde nâch.
;;;349;19;;driu ors unde zwelf wîziu sper
;;;349;20;;gâheten vaste mit im her.
;;;349;21;;ich wæne, sîn gir des iemen trüge,
;;;349;22;;er wolte gerne ze vorvlüge
;;;349;23;;die êrsten tjost dâ hân bejaget,
;;;349;24;;als mir diu âventiure saget.
;;;349;25;;Der knappe sprach ze Gawan:
;;;349;26;;"hêrre, lât mich iuwern urloup hân."
;;;349;27;;der kêrte sînem hêrren zuo.
;;;349;28;;Waz welt ir, daz Gawan nû tuo,
;;;349;29;;ern besehe, waz disiu mære sîn?
;;;349;30;;doch lêret in zwîvel strengen pîn.
;;;350;1;;Er dâhte: "sol ich strîten sehen
;;;350;2;;unde sol des niht von mir geschehen,
;;;350;3;;sôst almîn prîs erloschen gar.
;;;350;4;;kum aber ich durch strîten dar
;;;350;5;;unde würdich dâ geletzet,
;;;350;6;;mîn wârheit ist entsetzet
;;;350;7;;unde almîn werdeclîcher prîs.
;;;350;8;;in tuon sîn niht deheine wîs,
;;;350;9;;ich sol leisten mînen kampf."
;;;350;10;;sîn nôt sich in ein ander klampf.
;;;350;11;;gegen sînes kampfes verte
;;;350;12;;was blîben alze herte.
;;;350;13;;ern mohte ouch dâ niht vür gevarn.
;;;350;14;;er sprach: "nû müeze got bewarn
;;;350;15;;die kraft an mîner manheit."
;;;350;16;;Gawan gegen Bearosche reit.
;;;350;17;;Burc unde stat sô vor im lac,
;;;350;18;;daz nieman bezzers hûses pflac.
;;;350;19;;ouch gleste gegen im schône
;;;350;20;;aller andern bürge ein krône
;;;350;21;;mit türnen wol gezieret.
;;;350;22;;nû was dem her gelotschieret
;;;350;23;;dar vür ûf den plân.
;;;350;24;;nû sach mîn hêr Gawan
;;;350;25;;manegen rinc wol gehêret.
;;;350;26;;dâ was hôchvart gemêret.
;;;350;27;;wunderlîcher baniere
;;;350;28;;kôs er dâ manege schiere
;;;350;29;;unde maneger slahte vremde povel.
;;;350;30;;der zwîvel was sînes herzen hovel,
;;;351;1;;dâ durch in grôziu angest sneit.
;;;351;2;;Gawan mitten durch si reit.
;;;351;3;;doch ieslîche zeltsnuor die andern dranc,
;;;351;4;;ir her was wît unde lanc.
;;;351;5;;dô sach er, wie si lâgen,
;;;351;6;;wes dise unde jene pflâgen.
;;;351;7;;Swer 'bensevenûs' dô sprach,
;;;351;8;;'gramerzîs' er wider jach.
;;;351;9;;grôz rotte an einem orte lac,
;;;351;10;;Sarjande von Semblidac,
;;;351;12;;turkopel unde Gahadi,
;;;351;11;;die lâgen dâ sunder nâhe bî.
;;;351;13;;unkünde dicke unminne sint.
;;;351;14;;sus reit des küneges Lotes kint.
;;;351;15;;blîbens in dâ nieman bat.
;;;351;16;;Gawan kêrte gegen der stat.
;;;351;17;;er dâhte: "sol ich kapfer wesen,
;;;351;18;;ich mac vor lust niht genesen
;;;351;19;;dort in der stat, danne hie bî in.
;;;351;20;;ich kêre mich an keinen gewin,
;;;351;21;;wan wie ich daz mîne behalte,
;;;351;22;;sô daz des glücke walte."
;;;351;23;;Gawan gegen einer porte reit.
;;;351;24;;der burgære site was im leit:
;;;351;25;;die hete des niht betûret,
;;;351;26;;allir porten wâren vermûret
;;;351;27;;unde allir wîchûs werlîch;
;;;351;28;;dar zuo der zinnen iegeslîch
;;;351;29;;mit armbrust ein schütze pflac,
;;;351;30;;der sich schiezens her ûz bewac.
;;;352;1;;si vlizzen sich des strîtes werc.
;;;352;2;;Gawan kêrte ûf an den berc.
;;;352;3;;swie wênic er dâ wære bekant,
;;;352;4;;er reit doch, dâ er die burc vant.
;;;352;5;;Sîniu ougen muosen schouwen
;;;352;6;;vil manege werde vrouwen.
;;;352;7;;Diu wirtîn selbe komen was
;;;352;8;;durch warten ûf den palas
;;;352;9;;mit ir schœnen tohteren zwein,
;;;352;10;;von den vil liehte varwe schein.
;;;352;11;;von den heter schiere vernomen,
;;;352;12;;daz si vrâgeten: "wer mac uns hie komen?"
;;;352;13;;sus sprach diu alte herzogîn:
;;;352;14;;"waz gezoges mac diz sîn?"
;;;352;15;;Ir elter tohter, diu sprach sân:
;;;352;16;;"muoter, ez ist ein koufman."
;;;352;17;;"Nû vüeret man im doch schilte mite."
;;;352;18;;"Wê, daz ist vil koufliute site!"
;;;352;19;;Ir jünger tohter dô sprach:
;;;352;20;;"dû zîhest in, daz doch nie geschach.
;;;352;21;;swester, des darft dû dich schamen.
;;;352;22;;ern gewan nie koufmannes namen.
;;;352;23;;er ist sô minneclîch getân,
;;;352;24;;ich wil in vür einen rîter hân.
;;;352;25;;sîn dienst mac hie lônes gern,
;;;352;26;;des wil ich in durch liebe wern."
;;;352;27;;Sîne knappen tâten goume,
;;;352;28;;daz ein linde unde ölboume
;;;352;29;;ûzzen bî der mûre stuont.
;;;352;30;;daz dûhte si ein gæber vunt.
;;;353;1;;Waz welt ir, daz si nû mêre tuon?
;;;353;2;;dô erbeizete des küneges Lotes suon,
;;;353;3;;aldâ er den besten schate vant.
;;;353;4;;Sîn kamerære truoc dar zehant
;;;353;5;;einen kulter unde ein matraz,
;;;353;6;;dâr ûfe der stolze werde saz.
;;;353;7;;ob im was wîbes hers ein vluot.
;;;353;8;;sîn kamergewant man nider luot
;;;353;9;;unde daz harnasch von den soumen.
;;;353;10;;hin dan under andern boumen
;;;353;11;;herberge nâmen sie,
;;;353;12;;knappen, die dâ kômen hie.
;;;353;13;;Diu alte herzogîn sprach sân:
;;;353;14;;"tohter, welch koufman
;;;353;15;;kunde alsus gebâren?
;;;353;16;;dû solt sîn sô niht vâren."
;;;353;17;;Dô sprach diu junge Obylot:
;;;353;18;;"unvuoge ir dannoch mêr gebôt:
;;;353;19;;gegen dem künege Melyanze von Liz
;;;353;20;;si kêrte ir hôchverte vlîz,
;;;353;21;;dô er si bat ir minne.
;;;353;22;;geunêrt sîn solhe sinne!"
;;;353;23;;Dô sprach Obie,
;;;353;24;;vor zorne niht diu vrîe:
;;;353;25;;"mir ist sîn vuore unmære.
;;;353;26;;dort sitzet ein wehselære,
;;;353;27;;des market mac werden guot.
;;;353;28;;sîne soumschrîne sint sô behuot,
;;;353;29;;dînes rîters, liebiu swester mîn,
;;;353;30;;er wil ir goumel selbe sîn."
;;;354;1;;Gar dirre worte hôre
;;;354;2;;kômen Gawan in sîn ôre.
;;;354;3;;dise rede lât sîn, als si nû stê,
;;;354;4;;nû hœret, wiez der stat ergê:
;;;354;5;;ein schifreche wazzer vür si vlôz
;;;354;6;;durch eine steinîn brücke grôz,
;;;354;7;;niht gegen der vîende want.
;;;354;8;;anderhalp was unverhert daz lant.
;;;354;9;;Sîn marschalc kom geriten sân.
;;;354;10;;vür die burc ûf den plân
;;;354;11;;nam er herberge wît.
;;;354;12;;sîn hêrre kom an der zît
;;;354;13;;unde ander, die dâ solten komen.
;;;354;14;;ich sagz iu, habt irs niht vernomen,
;;;354;15;;wer in des wirtes helfe reit
;;;354;16;;unde wer durch in mit triuwen streit.
;;;354;17;;Im kom von Prevegariez
;;;354;18;;sîn bruoder Marangliez.
;;;354;19;;durch den kômen zwêne rîter snel:
;;;354;20;;der werde künec Tschirniel,
;;;354;21;;der truoc krône ze Lyrivoyn,
;;;354;22;;als tet sîn bruoder zEvendroyn.
;;;354;23;;Dô die burgære alle sâhen,
;;;354;24;;daz in helfe wolte nâhen,
;;;354;25;;daz ê des was ir aller rât,
;;;354;26;;daz dûhte si ein missetât.
;;;354;26;1;
;;;354;26;2;
;;;354;27;;Der vürste Lybaut selbe sprach:
;;;354;28;;"ouwê, daz ich Bearosch ie gesach,
;;;354;29;;daz ir porten suln vermûret sîn!
;;;354;30;;wan swenich gegen dem hêrren mîn
;;;355;1;;schiltes ambet zeige,
;;;355;2;;mîn bestiu zuht ist veige.
;;;355;3;;
;;;355;4;;
;;;355;5;;wie stêt ein tjost durch mînen schilt
;;;355;6;;mit sîner hende dar gezilt
;;;355;7;;oder ob versnîden sol mîn swert
;;;355;8;;sînen schilt, mînes hêrren wert?
;;;355;9;;gelobe daz iemer wîse wîp,
;;;355;10;;diu treit einen lôsen lîp.
;;;355;11;;Lât mînen hêrren hân
;;;355;12;;in mînem turne. ich müesin lân
;;;355;13;;unde mit im in den sînen.
;;;355;14;;swâr an er mich wil pînen,
;;;355;15;;des stân ich gar ze sînem gebote.
;;;355;16;;doch wil ich gerne danken gote,
;;;355;17;;daz er mich niht gevangen hât,
;;;355;18;;sît in sîn zorn niht erlât,
;;;355;19;;er enwelle mich hie besitzen.
;;;355;20;;nû râtet mir mit witzen",
;;;355;21;;sprach er zen burgæren,
;;;355;22;;"gegen disen strengen mæren."
;;;355;23;;Dô sprach dâ manec wîse man:
;;;355;24;;"möhtir unschulde genozzen hân,
;;;355;25;;ez wære niht komen an disiu zil."
;;;355;26;;si gâben im des râtes vil,
;;;355;27;;daz er die porten ûf tæte
;;;355;28;;unde aldie besten bæte
;;;355;29;;ûz gegen der tjost rîten.
;;;355;30;;si jâhen: "wir mugen sô gestrîten,
;;;356;1;;baz, ê daz wir uns von zinnen wern
;;;356;2;;Melyanzes beiden hern.
;;;356;7;;der künec ist lîhte sô gemuot,
;;;356;8;;swenner die rîterschaft getuot,
;;;356;9;;er solte uns nœte erlâzen
;;;356;10;;unde alsîn zürnen mâzen.
;;;356;3;;ez sint ouch almeistic kint,
;;;356;4;;die mit dem künege komen sint.
;;;356;5;;dâ erwerbe wir vil lîhte ein pfant,
;;;356;6;;dâ von ie grôzer zorn verswant.
;;;356;11;;veltstrîtes mac uns doch baz gezemen,
;;;356;12;;ê daz si uns ûz der mûre nemen.
;;;356;13;;wir solten wol gedingen,
;;;356;14;;dort in ir snüer ringen,
;;;356;15;;wan Poydekuniunzes kraft,
;;;356;16;;der vüeret die herten rîterschaft.
;;;356;17;;daz ist unser grœstiu vreise:
;;;356;18;;die gevangen Brituneise.
;;;356;19;;der pfliget der herzoge Astor.
;;;356;20;;den siht man in strîte vor.
;;;356;21;;dâ ist ouch sîn sun Melyahganz.
;;;356;22;;het er den herzogen Gurnemanz,
;;;356;23;;sô wære sîn prîs gehœhet gar.
;;;356;24;;er ist ouch dâ in strîtes schar.
;;;356;25;;dâ engegene ist uns grôziu helfe komen."
;;;356;26;;ir habt ir râten wol vernomen.
;;;356;27;;Der vürste tet, alse man im riet:
;;;356;28;;die mûren man ûz den porten schiet.
;;;356;29;;die burgære ellens unbetrogen
;;;356;30;;begunden ûz ze velde zogen.
;;;357;1;;Hie ist ein tjost, ein anderiu dort.
;;;357;2;;daz her begunde ouch trecken vort
;;;357;3;;her gegen der stat durch hôhen muot.
;;;357;4;;ir vesperîe wart vil guot.
;;;357;5;;ze beider sît rotten ungezalt,
;;;357;6;;garzûne, krîe manecvalt,
;;;357;7;;beidiu Schotesch unde Walsch
;;;357;8;;wart dâ gerüefet sunder valsch.
;;;357;10;;die helde erswungen dâ die lide,
;;;357;9;;der rîter tât was âne vride.
;;;357;11;;wol tâtenz dâ diu selben kint,
;;;357;12;;die ûz dem her dar komen sint.
;;;357;13;;die begiengen werdeclîche tât,
;;;357;14;;die burgære pfantens ûf der stat.
;;;357;15;;Der ie gediende wîbe
;;;357;16;;kleinôt, der endorft an lîbe
;;;357;17;;niemer bezzer wât getragen
;;;357;18;;danne Melyanz, hœre ich sagen.
;;;357;19;;
;;;357;20;;
;;;357;21;;er reit ein schœne kastelân,
;;;357;22;;daz Melyahganz dort gewan,
;;;357;23;;dô er Key sô hôhe dar hinder stach,
;;;357;24;;daz man in an einem aste hangen sach.
;;;357;25;;dô ez Melyahganz dort erstreit,
;;;357;26;;Melyanz von Lyz ez hie wol reit.
;;;357;27;;sîn tât was vor ûz erkant.
;;;357;28;;alle sîne tjost in ir ougen vant
;;;357;29;;Obye dort ûf dem palas,
;;;357;30;;dar si durch warten komen was.
;;;358;1;;Dô sprach si: "sihestû, swester mîn,
;;;358;2;;deiswâr, mîn rîter unde der dîn
;;;358;3;;begânt hie ungelîchiu werc.
;;;358;4;;der dîne wænet, daz wir den berc
;;;358;5;;unde die burc suln verliesen.
;;;358;6;;ander wer wir müezen kiesen."
;;;358;7;;Diu junge muose ir spotten doln.
;;;358;8;;si sprach: "er mac sichs wol erholn.
;;;358;9;;ich gib im noch gegen ellen trôst,
;;;358;10;;daz er dînes spottes wirt erlôst.
;;;358;11;;er sol dienst gegen mir kêren
;;;358;12;;unde ich im vröude mêren.
;;;358;13;;sît dû gihst, er sî ein koufman,
;;;358;14;;er sol mînes lônes market hân."
;;;358;15;;ir beider strît der worte
;;;358;16;;Gawan ze merke hôrte,
;;;358;17;;als ez im dô getohte,
;;;358;18;;unde übersaz ez, swie er mohte.
;;;358;19;;sol lûter herze sich niht schemen,
;;;358;20;;daz muoz der tôt dar von ê nemen.
;;;358;21;;Daz grôze her alstille lac,
;;;358;22;;des Poydekuniunz dâ pflac,
;;;358;23;;wan er ein werder jungelinc
;;;358;24;;was ime strîte unde alsîn rinc,
;;;358;25;;Der herzoge Lunveruns.
;;;358;26;;Dô kom Poydekuniuns.
;;;358;27;;ouch nam der alte, wîse man
;;;358;28;;die einen unde die andern dan.
;;;358;29;;diu vesperîe was erliten
;;;358;30;;unde wol durch werde wîp gestriten.
;;;359;1;;Dô sprach Poydekuniunz
;;;359;2;;zem herzogen von Lunverunz:
;;;359;3;;"geruochet ir mîn niht bîten,
;;;359;4;;swenn ir vart ze strîten,
;;;359;5;;sô wænt ir, daz sî guot getân?
;;;359;6;;hie ist der grâve Lachdoman
;;;359;7;;unde Melyahganz, mîn suon.
;;;359;8;;swaz die beide solten tuon
;;;359;9;;unde ich selbe, ir möht doch strîten sehen,
;;;359;10;;ob ir strîten künnet spehen.
;;;359;11;;ichn kume niemer von dirre stat,
;;;359;12;;ine mache uns alle vehtens sat,
;;;359;13;;oder mir gît man unde wîp
;;;359;14;;her ûz gevangen ir beider lîp."
;;;359;15;;Dô sprach der herzoge Astor:
;;;359;16;;"hêrre, iuwer neve was hie vor,
;;;359;17;;der künec, unde alsîn her von Liz.
;;;359;18;;solte iuwer her an slâfes vlîz
;;;359;19;;die wîle hân gekêret?
;;;359;20;;habt ir uns daz gelêret,
;;;359;21;;sô slâfich, swâ man strîten sol.
;;;359;22;;ich kan bî strîte slâfen wol.
;;;359;23;;unde wizzet daz, wære ich niht komen,
;;;359;24;;die burgære heten genomen
;;;359;25;;vromen unde prîs zir handen.
;;;359;26;;ich bewartiuch dâ vor schanden.
;;;359;27;;durch got, senftet iuwern zorn!
;;;359;28;;hie ist mêr gewunnen danne verlorn
;;;359;29;;von iuwerre massenîe,
;;;359;30;;wil es jehen Obie."
;;;360;1;;Poydekuniunzes zorn wart ganz
;;;360;2;;ûf sînen neven Melyanz.
;;;360;3;;ouch brâhte der junge, werde man
;;;360;4;;manege tjost durch sînen schilt her dan,
;;;360;5;;daz ez darf niuwer prîs  klagen.
;;;360;6;;Nû hœret ouch von Obyen sagen:
;;;360;7;;diu bôt ir hazzes genuoc
;;;360;8;;Gawane, dern âne schulde truoc.
;;;360;9;;Si wolt im werben schande:
;;;360;10;;Einen garzûn si sande
;;;360;11;;hin ze Gawane, dâ er saz.
;;;360;12;;"sagim unde vrâgin vürbaz,
;;;360;13;;ob diu ors veile sîn
;;;360;14;;oder obin sînen soumschrîn
;;;360;15;;lige iender werdez krâmgewant.
;;;360;16;;wir vrouwen koufenz alzehant."
;;;360;17;;Der garzûn kom gegangen.
;;;360;18;;mit hazze er wart enpfangen.
;;;360;19;;Gawanes ougen blic
;;;360;20;;lêrten in herzen schric.
;;;360;21;;Der garzûn sô verzagete,
;;;360;22;;daz ern vrâgete noch ensagete,
;;;360;23;;daz in sîn vrouwe werben hiez.
;;;360;24;;Gawan die rede doch niht enliez,
;;;360;25;;er sprach: "vart hin, ir ribalt!
;;;360;26;;mûlslege alungezalt
;;;360;27;;sult ir von mir enpfâhen,
;;;360;28;;welt ir mir vürbaz nâhen."
;;;360;29;;Der garzûn dan lief unde gienc.
;;;360;30;;nû hœret, wiez Obye ane vienc:
;;;361;1;;Mînen junchêrren si gesprechen bat
;;;361;2;;den burcgrâven von der stat.
;;;361;3;;der was geheizen Tscherules.
;;;361;4;;si sprach: "dû solt in bitten des,
;;;361;5;;daz erz durch mînen willen tuo
;;;361;6;;unde manlîche grîfe zuo.
;;;361;7;;underm œlboume bîme graben
;;;361;8;;stânt siben ors, diu sol er haben,
;;;361;9;;unde anderre rîcheite vil.
;;;361;10;;ein koufman uns hie triegen wil.
;;;361;11;;bit in, daz erz wende.
;;;361;12;;ich getriuwe des sîner hende,
;;;361;13;;si nemenz unvergolten.
;;;361;14;;ouch het erz unbescholten."
;;;361;15;;Der knappe hinder sagete
;;;361;16;;al daz sîn vrouwe klagete.
;;;361;17;;"Ich sol vor triegen uns bewarn",
;;;361;18;;sprach Tscherules. "ich wil dar varn."
;;;361;19;;Er reit hin ûz, dâ Gawan saz,
;;;361;20;;der selten ellens ie vergaz.
;;;361;21;;an dem er vant krancheite vlust,
;;;361;22;;lieht antlitze unde starke brust
;;;361;23;;unde einen rîter wol gevar.
;;;361;24;;Tscherules in prüevete gar,
;;;361;25;;sîne arme unde ietweder hant
;;;361;26;;unde swaz er geschickede dâ vant.
;;;361;27;;Dô sprach er: "hêrre, ir sît ein gast.
;;;361;28;;guoter witze uns gebrast,
;;;361;29;;sît ir niht herberge hât.
;;;361;30;;nû prüevetz niht vür missetât.
;;;362;1;;ich sol selbe iuwer marschalc sîn.
;;;362;2;;liute unde guot, swaz heizet mîn,
;;;362;3;;daz kêre ich iu gegen dienstes siten.
;;;362;4;;nie gast ze wirte kom geriten,
;;;362;5;;der im sô gar wære undertân."
;;;362;6;;"Iuwer gnâde, hêrre", sprach Gawan,
;;;362;7;;"daz hân ich ungedienet noch
;;;362;8;;unde sol iu gerne volgen doch."
;;;362;9;;Tscherules, der lobes gehêrte,
;;;362;10;;sprach, als in sîn triuwe lêrte:
;;;362;11;;"sît ez sich hât an mich gezoget,
;;;362;12;;ich bin vor verlüste iuwer voget,
;;;362;13;;ez ennem iu danne daz ûzer her.
;;;362;14;;dâ bin ich mit iu an der wer."
;;;362;15;;Sîn munt dô lachende sprach
;;;362;16;;zuo den knappen, die er dâ sach:
;;;362;17;;"ladet ûf daz harnasch über al,
;;;362;18;;wir suln hin nider in daz tal."
;;;362;19;;Gawan vuor unde sîn wirt.
;;;362;20;;Obye nû daz niht verbirt,
;;;362;21;;ein spilwîp si sante,
;;;362;22;;diu ir vater wol bekante.
;;;362;23;;dem enbôt si sölhe mære,
;;;362;24;;dâ vüere ein triegære.
;;;362;25;;"des habe ist rîche unde guot.
;;;362;26;;bit in durch rehten rîters muot,
;;;362;27;;sît er vil soldiere hât,
;;;362;28;;ûf ors, ûf silber unde ûf wât,
;;;362;29;;daz diz sî ir êrste gelt.
;;;362;30;;daz vrümt wol sibene ûf daz velt."
;;;363;1;;
;;;363;2;;
;;;363;3;;Der ie urliuges gepflac,
;;;363;4;;dem was vil nôt, ob er bejac
;;;363;5;;an rîcher koste möhte hân.
;;;363;6;;Lybaut, den getriuwen man,
;;;363;7;;überlesten soldiere,
;;;363;8;;daz er gedâhte schiere:
;;;363;9;;"ich sol diz guot gewinnen
;;;363;10;;mit zorne oder mit minnen."
;;;363;11;;Die nâchreise er niht vermeit.
;;;363;12;;Tscherules im widerreit
;;;363;13;;unde vrâgete in, war im wære sô gâch.
;;;363;14;;"Ich rîte einem trieger nâch.
;;;363;15;;von dem saget man mir mære,
;;;363;16;;er sî ein valschære."
;;;363;17;;Unschuldic was hêr Gawan;
;;;363;18;;ez heten niht wan diu ors getân
;;;363;19;;unde ander, daz er vuorte.
;;;363;20;;Tscherules ein lachen ruorte.
;;;363;21;;er sprach: "hêrre, ir sît betrogen.
;;;363;22;;swerz iu saget, er hât gelogen,
;;;363;23;;ez sî maget oder wîp.
;;;363;24;;unschuldic ist mînes gastes lîp.
;;;363;25;;ir sult in anders prîsen,
;;;363;26;;er gewan nie münzîsen.
;;;363;27;;welt ir der rehten mære losen,
;;;363;28;;sîn lîp getruoc nie wehselpfosen.
;;;363;29;;seht sîne geberde, hœrt sîniu wort.
;;;363;30;;in mînem hûse liez ich in dort.
;;;364;1;;welt ir danne rîters vuore spehen,
;;;364;2;;ir müezet im guoter dinge jehen.
;;;364;3;;sîn lîp wart nie gegen valsche balt.
;;;364;4;;swer im dâr über tæte gewalt,
;;;364;5;;ez wære mîn vater oder mîn kint,
;;;364;6;;alle, die gegen im in strîte sint,
;;;364;7;;mîne mage oder mîne bruoder,
;;;364;8;;die müesen diu strîtes ruoder
;;;364;9;;gegen mir ziehen. ich wil in nern,
;;;364;10;;vor unrehtem strîte wern,
;;;364;11;;swâ ich, hêrre, vor iuwern hulden mac.
;;;364;12;;ûz schiltes ambet in einen sac
;;;364;13;;wolt ich mich ê ziehen,
;;;364;14;;sô verre ûz arde vliehen,
;;;364;15;;dâ mich nieman erkande,
;;;364;16;;ê daz ir iuwer schande,
;;;364;17;;hêrre, an im begienget.
;;;364;18;;güetlîcher ir enpfienget,
;;;364;19;;billîcher alse, die her sint komen
;;;364;20;;unde iuwern kumber hânt vernomen,
;;;364;21;;danne daz ir si welt rouben.
;;;364;22;;des sult ir mir gelouben."
;;;364;23;;Der vürste sprach: "nû lâz mich in sehen,
;;;364;24;;dâ mac niht arges an geschehen."
;;;364;25;;er vuortin, dâ er Gawanen sach.
;;;364;26;;zwei ougen unde ein herze jach,
;;;364;27;;diu Lybaut mit brâhte dar,
;;;364;28;;daz der gast wære wol gevar
;;;364;29;;unde daz rehte manlîche site
;;;364;30;;sînen gebærden wonte mite.
;;;365;1;;swem rehtiu liebe ie erholte,
;;;365;2;;daz er herzeminne dolte,
;;;365;3;;herzen minne ist des bekant,
;;;365;4;;daz herze ist der minnen pfant,
;;;365;5;;alsô versetzet unde verselt,
;;;365;6;;dehein munt ez niemer volzelt,
;;;365;7;;waz wunders minne vüegen kan.
;;;365;8;;ez sî wîp oder man,
;;;365;9;;die krenket herzen minne
;;;365;10;;vil dicke an hôhem sinne.
;;;365;11;;Obye unde Melyanz,
;;;365;12;;der zweier minne was ganz
;;;365;13;;ê, unde stuont mit sölhen triuwen,
;;;365;14;;sîn zorn iuch solte riuwen,
;;;365;15;;daz er sô trûric von ir reit.
;;;365;16;;des gab im trûren solhez leit,
;;;365;17;;daz ir kiusche wart gegen zorne balt.
;;;365;18;;unschuldic Gawan des engalt
;;;365;19;;unde andere, diez mit ir dâ liten.
;;;365;20;;si komen dicke ûz vriuntlîchen siten.
;;;365;21;;sus vlaht ir kiusche sich in zorn.
;;;365;22;;daz was ir beider ougen dorn,
;;;365;23;;sô si den werden man gesach.
;;;365;24;;ir herze Melyanze jach,
;;;365;25;;er solte vor ûz der hôste sîn.
;;;365;26;;si dâhte: "ob er mich lêret pîn,
;;;365;27;;den wil ich gerne von im hân.
;;;365;28;;den jungen, werden, süezen man,
;;;365;29;;vor alder werlt ich in minne,
;;;365;30;;dar zuo jagent mich mînes herzen sinne."
;;;366;1;;von minnen noch zornes vil geschiht,
;;;366;2;;nûne wîzet ez Obyen niht
;;;366;3;;unde hœret ouch, wie ir vater sprach,
;;;366;4;;dô er den werden Gawan sach
;;;366;5;;unde ern in daz lant enpfienc,
;;;366;6;;wierz mit rede dô ane vienc.
;;;366;7;;Dô sprach er: "hêrre, iuwer komen,
;;;366;8;;daz mac an sælden uns gevromen.
;;;366;9;;ich hân gevarn manege vart,
;;;366;10;;sô süeze mînen ougen wart
;;;366;11;;nie von angesihte.
;;;366;12;;gegen dirre ungeschihte
;;;366;13;;sol iuwer künfteclîcher tac
;;;366;14;;trœsten, wander trœsten mac."
;;;366;15;;er bat in tuon dâ rîters tât.
;;;366;16;;"ob ir harnasches mangel hât,
;;;366;17;;daz lât iuch uns bereiten gar.
;;;366;18;;welt ir, sît, hêrre, in mîner schar."
;;;366;19;;Dô sprach der werde Gawan,
;;;366;20;;er wære des ein bereit man.
;;;366;21;;"ich hân harnasch unde starkiu lide,
;;;366;22;;wan daz mîn strît stât mit vride
;;;366;23;;unz an eine benante stunde.
;;;366;24;;ich læge ob oder unde,
;;;366;25;;daz wolt ich mit iu lîden.
;;;366;26;;nû muoz ichz durch daz mîden,
;;;366;27;;hêrre, unz an daz ein mîn kampf ergêt,
;;;366;28;;dâ mîn triuwe sô hôhe pfandes stêt
;;;366;29;;durch aller werder liute gruoz,
;;;366;30;;daz ich die mit kampfe lœsen muoz
;;;367;2;;oder ich muoz den lîp dâ lâzen,
;;;367;1;;sus bin ich ûf der strâzen."
;;;367;3;;Daz was Lybaut ein herzeleit.
;;;367;4;;er sprach: "hêrre, durch iuwer werdecheit
;;;367;5;;unde durch iuwer zühte hulde
;;;367;6;;sô vernemet mîne unschulde.
;;;367;7;;ich hân zwô tohtere, die mir sint
;;;367;8;;liep, wande si sint mîniu kint.
;;;367;9;;
;;;367;10;;
;;;367;11;;ôwol mich, daz ich ie gewan
;;;367;12;;kumber, den ich von in hân!
;;;367;13;;den treit iedoch diu eine
;;;367;14;;mit mir algemeine.
;;;367;15;;unglîch ist diu gesellecheit.
;;;367;16;;ir herze ir tuot mit minne leit
;;;367;17;;unde mir mit unminne,
;;;367;18;;als ich mich versinne,
;;;367;19;;mîn herze mir gewalt wil tuon,
;;;367;20;;durch daz ich hân deheinen suon.
;;;367;21;;mir suln doch tohtere lieber sîn.
;;;367;22;;waz dâr umbe, ob ichs lîde pîn?
;;;367;23;;den wil ich mir ze sælden zeln.
;;;367;24;;swer sol mit sîner tohter weln,
;;;367;25;;swie ir verboten sî daz swert,
;;;367;26;;ir wer ist anders alse wert:
;;;367;27;;si erwirbet im kiuschlîche
;;;367;28;;einen sun ellens rîche.
;;;367;29;;des selben ich gedinge hân."
;;;367;30;;"Nû gewers iuch got", sprach Gawan.
;;;368;1;;Lybaut alse vaste bat.
;;;368;2;;"hêrre, durch got die rede lât",
;;;368;3;;sprach des küneges Lotes suon.
;;;368;4;;"durch iuwer zuht sult ir daz tuon
;;;368;5;;unde lât mich triuwen niht enbern."
;;;368;6;;Eines dinges wil ich iuch gewern:
;;;368;7;;ich sagiu hînt bî dirre naht,
;;;368;8;;wes ich mich drumbe hân bedâht."
;;;368;9;;Lybaut im dankete unde vuor zehant.
;;;368;10;;ûf dem hove er sîne tohter vant
;;;368;11;;unde des burcgrâven töhterlîn;
;;;368;12;;die zwei, die snalten vingerlîn.
;;;368;13;;dô sprach er Obylote zuo:
;;;368;14;;"tohter, wannen kumestuo?"
;;;368;15;;"vater, ich var dâ nider her.
;;;368;16;;ich getriuwe wol, daz er mich wer.
;;;368;17;;ich wil den vremden rîter biten
;;;368;18;;dienstes nâch lônes siten."
;;;368;19;;"Tohter, sô sî dir geklaget,
;;;368;20;;er hât mir abe noch ane gesaget.
;;;368;21;;kum mîner bete anz ende nâch."
;;;368;22;;der megede was zem gaste gâch.
;;;368;23;;dô sîn zer kemenâten gienc,
;;;368;24;;Gawan spranc ûf, der si enpfienc.
;;;368;25;;zuo der süezen er dô saz
;;;368;26;;unde dankete ir, daz si niht vergaz
;;;368;27;;vor des, dô manz im missebôt.
;;;368;28;;er sprach: "geleit ie rîter nôt
;;;368;29;;durch ein sô wênic vrowelîn,
;;;368;30;;dâ solt ich durch iuch inne sîn."
;;;369;1;;Diu junge, süeze, clâre
;;;369;2;;sprach âne alle vâre:
;;;369;3;;"got sich wol versinnen kan,
;;;369;4;;hêrre, ir sît der êrste man,
;;;369;5;;der ie mîn redegeselle wart.
;;;369;6;;ist mîn zuht dâr an bewart
;;;369;7;;unde ouch mîn schemelîcher sin,
;;;369;8;;daz gît an vröuden mir gewin,
;;;369;9;;wand mir mîn meisterîn verjach,
;;;369;10;;diu rede wære des sinnes dach.
;;;369;11;;hêrre, ich bitte iuwer unde mîn,
;;;369;12;;daz lêret mich endehaften pîn.
;;;369;13;;den nennich iu, geruochet irs.
;;;369;14;;habt ir mich iht deste wirs,
;;;369;15;;ich var doch ûf der mâze pfat,
;;;369;16;;wandich dâ zuo mîn selbes bat.
;;;369;17;;ir sît mit der wârheit ich,
;;;369;18;;swie die namen teilen sich.
;;;369;19;;mînes lîbes namen sult ir hân,
;;;369;20;;sît maget unde man.
;;;369;21;;ich hân iuwer unde mîn gegert.
;;;369;22;;lât ir mich, hêrre, ungewert
;;;369;23;;nû semelîche von iu gân,
;;;369;24;;dâr umbe muoz ze rehte stân
;;;369;25;;iuwer prîs vür mîn selbes zuht,
;;;369;26;;sît mîn magettuomlîchiu vruht
;;;369;27;;gnâde an iu suochet.
;;;369;28;;ob ir des, hêrre, geruochet,
;;;369;29;;ich wil iu geben minne
;;;369;30;;mit herzeclîchem sinne.
;;;370;1;;Ob ir manlîche site hât,
;;;370;2;;sô weiz ich wol, daz ir niht lât,
;;;370;3;;irn dient mir; ich bin dienstes wert.
;;;370;4;;sît ouch mîn vater an iu helfe gert
;;;370;5;;beidiu an vriunden unde an mâgen,
;;;370;6;;lât iuch des niht betrâgen,
;;;370;7;;ir dient im ûf mîn eines lôn."
;;;370;8;;Er sprach: "iuwers mundes dôn
;;;370;9;;wil mich von triuwen scheiden.
;;;370;10;;untriuwe iu solte leiden.
;;;370;11;;mîn triuwe ie dolte pfandes nôt:
;;;370;12;;ist si unerlœset, sô bin ich tôt.
;;;370;13;;ich wil dienst, mîne sinne
;;;370;14;;kêren gegen iuwerre minne,
;;;370;15;;ê daz ir minne muget geben,
;;;370;16;;ir müezet vünf jâr ê leben.
;;;370;17;;daz ist iuwerre minne ein zal."
;;;370;18;;dô dâhter des, wie Parcifal
;;;370;19;;wîben baz getriuwete danne gote.
;;;370;20;;sîn bevelhen was der megede bote
;;;370;21;;Gawan in daz herze sîn.
;;;370;22;;dô gelobeter dem vrowelîn,
;;;370;23;;er wolte dâ wâpen durch si tragen.
;;;370;24;;er begundir mêr sus vürbaz sagen:
;;;370;25;;"in iuwerre hende sî mîn swert.
;;;370;26;;ob ieman tjost gegen mir gert,
;;;370;27;;den poynder sult ir rîten,
;;;370;28;;ir müezet dâ vür mich strîten.
;;;370;29;;man mac mich dâ in strîte sehen,
;;;370;30;;der muoz mînhalp von iu geschehen."
;;;371;1;;Si sprach: "vil wênic mich des bevilt.
;;;371;2;;ich bin iuwer schirm unde iuwer schilt,
;;;371;3;;iuwer herze, iuwer trôst,
;;;371;4;;sît ir mich zwîvels habt erlôst.
;;;371;5;;ich bin iuwer ungevelle,
;;;371;6;;iuwer geleite unde iuwer geselle,
;;;371;7;;vür ungelückes schûr ein dach
;;;371;8;;bin ich iu ein senfteclîchez gemach.
;;;371;9;;mîn minne sol iu vride bern,
;;;371;10;;glücke vor der angest wern,
;;;371;11;;daz iuwer ellen niht verbirt,
;;;371;12;;ir wert iuch vaste unz an den wirt.
;;;371;13;;ich bin wirt unde wirtîn
;;;371;14;;unde wil bî iu in strîte sîn.
;;;371;15;;swennir des gedinge hât,
;;;371;16;;sælde unde ellen iuch niht lât."
;;;371;17;;Dô sprach der werde Gawan:
;;;371;18;;"vrouwe, ich wil beidiu hân,
;;;371;19;;sît ich in iuwerme gebote lebe,
;;;371;20;;iuwer minne unde iuwer trôstes gebe."
;;;371;21;;die wîle was ir hendelîn
;;;371;22;;zwischen den handen sîn.
;;;371;23;;Dô sprach si: "hêrre, lât mich varn.
;;;371;24;;ich sol ouch mich dâr an bewarn.
;;;371;25;;vüeret ir âne mînen solt,
;;;371;26;;dâ zuo bin ich iu ze holt.
;;;371;27;;ich sol mich arbeiten,
;;;371;28;;mîn kleinœte iu bereiten.
;;;371;29;;swennir daz traget, deheine wîs
;;;371;30;;überhœhet iuch niemer ander prîs."
;;;372;1;;Dannen vuor diu maget unde ir gespil.
;;;372;2;;si buten beide ir dienstes vil
;;;372;3;;Gawane, dem gaste.
;;;372;4;;der neic ir hulden vaste.
;;;372;5;;er sprach: "unde sult ir werden alt,
;;;372;6;;trüege danne niht wan sper der walt,
;;;372;7;;alser ander holz hât,
;;;372;8;;er würde iu zwein ein ringiu sât.
;;;372;9;;kan iuwer jugent sus twingen,
;;;372;10;;welt irz anz alter bringen,
;;;372;11;;iuwer minne lêret noch rîters hant,
;;;372;12;;dâ von ie schilt gegen sper verswant."
;;;372;13;;Dannen vuoren die megede beide
;;;372;14;;mit vröuden âne leide.
;;;372;15;;des burcgrâven töhterlîn
;;;372;16;;sprach: "nû saget mir, vrouwe mîn,
;;;372;17;;wes habt ir im ze gebenne wân,
;;;372;18;;sît daz wir niht wan tocken hân.
;;;372;19;;sîn die mîne iht schœner baz,
;;;372;20;;die gebt im âne mînen haz.
;;;372;21;;dâ wirt vil wênec nâch gestriten."
;;;372;22;;Der vürste Lybaut kom geriten
;;;372;23;;gegen in an dem berge enmiten.
;;;372;24;;Obyloten unde Clauditen
;;;372;25;;sach er vor im ûf hin gân,
;;;372;26;;die bat er beide stille stân.
;;;372;27;;Dô sprach diu junge Obylot:
;;;372;28;;"vater, mirn wart nie sô nôt
;;;372;29;;dîner helfe, dar zuo gip mir rât:
;;;372;30;;der rîter mich gewert hât."
;;;373;1;;"Tohter, swes dîn wille gert,
;;;373;2;;hân ichz, des bistû gewert.
;;;373;3;;wol der vruht, diu an dir lac!
;;;373;4;;dîn geburt was der sælden tac."
;;;373;5;;"Vater, sol ich dirz danne sagen
;;;373;6;;unde heimlîche mînen kumber klagen.
;;;373;7;;nâch dînen gnâden dar zuo sprich."
;;;373;8;;er bat si heben vür sich.
;;;373;9;;Si sprach: "war kœme danne mîn gespil?"
;;;373;10;;Dô hielt bî im rîter vil,
;;;373;11;;die striten, wer si sulte nemen,
;;;373;12;;des mohte iegeslîchen wol gezemen,
;;;373;13;;iedoch bôt man si einem dar.
;;;373;14;;Claudite was wol gevar.
;;;373;15;;alrîtende sprach der vürste zir:
;;;373;16;;"Obylot, nû sage mir
;;;373;17;;ein teil von dîner nœte."
;;;373;18;;"Ich hân kleinœte
;;;373;19;;dem vremden rîter gelobet.
;;;373;20;;ich wæne, mîn sin hât getobet.
;;;373;21;;unde hân ich im niht ze gebenne,
;;;373;22;;waz touc mir danne ze lebenne,
;;;373;23;;sît er mir dienst hât geboten?
;;;373;24;;sô muoz ich schemelîche roten,
;;;373;25;;ob ich im niht ze gebenne hân.
;;;373;26;;nie megde wart sô liep ein man."
;;;373;27;;Dô sprach er: "tohter, warte an mich,
;;;373;28;;ich sol des wol bereiten dich,
;;;373;29;;
;;;373;30;;
;;;374;1;;ob dich halt dîn muoter lieze.
;;;374;2;;got gebe, daz ich dîn genieze.
;;;374;3;;ouwê, stolz werder man,
;;;374;4;;waz ich gedinge gegen im hân!
;;;374;5;;nie wort ich dannoch zim gesprach,
;;;374;6;;in mînem slâfe ich in hînt sach."
;;;374;7;;Lybaut reit zer herzogîn
;;;374;8;;unde Obylot, diu tohter sîn.
;;;374;9;;dô sprach er: "vrouwe, stiuret uns zwei.
;;;374;10;;mîn herze nâch vröuden schrei,
;;;374;11;;dô mich got dirre megde beriet
;;;374;12;;unde mich von ungemüete schiet."
;;;374;13;;Diu alte herzogîn sprach sân:
;;;374;14;;"waz welt ir mînes guotes hân?"
;;;374;15;;"vrouwe, sît uns bereit,
;;;374;16;;Obylot wil bezzer kleit.
;;;374;17;;si dunket sichs mit wirde wert,
;;;374;18;;sît sô werder man ir minne gert,
;;;374;19;;wan er biutet ir dienstes vil
;;;374;20;;unde ouch ir kleinœte wil."
;;;374;21;;Dô sprach der megde muoter:
;;;374;22;;"er süezer man vil guoter!
;;;374;23;;ich wæne, ir meinet den vremden gast.
;;;374;24;;sîn blic ist rehte eines meien glast."
;;;374;25;;Dô hiez tragen dar diu wîse
;;;374;26;;samît von Etnise.
;;;374;27;;unversniten wât man truoc dâr mite,
;;;374;28;;pfelle von Tabrunite
;;;374;29;;ûz dem lande ze Tribalibot.
;;;374;30;;ane Coucasas daz golt ist rôt,
;;;375;1;;dâ ûz die heidene manege wât
;;;375;2;;würkent, diu vil spæhiu hât,
;;;375;3;;von rehter art ûz sîden.
;;;375;4;;Lybaut hiez balde snîden
;;;375;5;;sîner tohter kleider.
;;;375;6;;er mischete gerne beider,
;;;375;7;;der bœsten unde der besten.
;;;375;8;;von golde einen pfelle vesten
;;;375;9;;sneit man an daz vröuwelîn.
;;;375;10;;ir muose ein arm enblœzet sîn.
;;;375;11;;dâ was ein ermel von genomen,
;;;375;12;;der solte Gawane komen.
;;;375;13;;daz wære ir prîsente:
;;;375;14;;pfelle von Noriente,
;;;375;15;;verre ûz heidenschaft gevüeret.
;;;375;16;;er hete ir zeswen arm gerüeret,
;;;375;17;;doch niht an den roc genæt.
;;;375;18;;dâ wart nie vaden zuo gedræt.
;;;375;19;;den gap Claudite dar
;;;375;20;;Gawane, dem wol gevar.
;;;375;21;;Dô wart sîn lîp gar sorgen vrî.
;;;375;22;;sîner schilte, der wâren drî.
;;;375;23;;ûf einen sluoc ern alzehant.
;;;375;24;;alsîn trûren gar verswant.
;;;375;25;;sînen grôzen danc er niht versweic.
;;;375;26;;vil dicke er dem wege neic,
;;;375;27;;den diu juncvrouwe gienc,
;;;375;28;;diu in sô güetliche enpfienc
;;;375;29;;unde sô minneclîche
;;;375;30;;an vröuden mahte rîche.
;;;376;1;;Der tac hât ende unde kom diu naht.
;;;376;2;;ze beider sît was grôziu maht,
;;;376;3;;manec weltlîch rîter guot.
;;;376;4;;wære des ûzern hers niht sölhiu vluot,
;;;376;5;;sô heten die innern strîtes vil.
;;;376;6;;dô mâzen si ir letze zil
;;;376;7;;bî dem liehten mânen.
;;;376;8;;si kunden sich wol ânen
;;;376;9;;vorhteclîcher zageheit.
;;;376;10;;vor tage was vor in bereit
;;;376;11;;zwelf zingele wîte,
;;;376;12;;vergraben gegenme strîte,
;;;376;13;;daz iegeslîch zingel muose hân
;;;376;14;;ze orse ûz driu barbigân.
;;;376;15;;Gardefablet de Jammor,
;;;376;16;;des marschalc nam dâ vier tor,
;;;376;17;;dô man des morgens sach sîn her
;;;376;18;;wol mit ellenthafter wer.
;;;376;19;;der herzoge rîche
;;;376;20;;streit dâ rîterlîche.
;;;376;21;;diu wirtîn was sîn swester.
;;;376;22;;er was des muotes vester
;;;376;23;;danne anders manec strîtic man,
;;;376;24;;der wol in strîte turnieren kan.
;;;376;25;;des leit er dicke in strîte pîn.
;;;376;26;;sîn her, daz zogete des nahtes în.
;;;376;27;;er was verre dar gestrichen,
;;;376;28;;wander selten was entwichen
;;;376;29;;strîteclîcher herte.
;;;376;30;;vier porten er wol dâ werte.
;;;377;1;;Swaz hers anderhalp der bürge lac,
;;;377;2;;daz zogete ouch über, ê kœme der tac,
;;;377;3;;ze Bearosche in die stat.
;;;377;4;;Lybaut, der vürste, si des bat.
;;;377;5;;Ouch wâren die von Jammor
;;;377;6;;geriten über die brücke vor.
;;;377;7;;man bevalch iegelîche porten sô,
;;;377;8;;daz si werlîche dô
;;;377;9;;stuont, alse der tac erschein.
;;;377;10;;Tscherules, der kôs im ein,
;;;377;11;;dier unde hêr Gawan
;;;377;12;;niht unbehuot wolten lân.
;;;377;13;;man hôrte dâ von den gesten
;;;377;14;;- ich wæne, dâ wâren die besten -,
;;;377;15;;si klageten, daz dâ was geschehen
;;;377;16;;rîterschaft gar âne ir sehen
;;;377;17;;unde daz diu vesperîe ergienc,
;;;377;18;;daz ir deheiner tjost enpfienc.
;;;377;19;;Diu klage was gar âne nôt,
;;;377;20;;wand ungezalt manz in dâ bôt
;;;377;21;;unde allen, dies geruochten
;;;377;22;;unde ez ze velde suochten.
;;;377;23;;In den gazzen kôs man grôze slâ.
;;;377;24;;ouch sach man her unde dâ
;;;377;25;;manege baniere trecken în,
;;;377;26;;allez bî dem mânen schîn,
;;;377;27;;unde manegen helm von rîcher kost
;;;377;28;;- er wolte si vüeren gegen der tjost -
;;;377;29;;unde manec sper wol gemâl.
;;;377;30;;ein Regespurgære zindâl
;;;378;1;;wære dâ ze swachem werde,
;;;378;2;;vor Bearosche ûf der erde,
;;;378;3;;man sach dâ wâpenrocke vil
;;;378;4;;wol rîche an der koste zil.
;;;378;5;;Diu naht tet nâch ir altem site:
;;;378;6;;an einem orte der tac ir zogete mite.
;;;378;7;;den kôs man niht bî lerchen sanc.
;;;378;8;;manec hurte dâ vil lûte erklanc;
;;;378;9;;daz kom von strîtes sachen.
;;;378;10;;man hôrte diu sper dâ krachen,
;;;378;11;;reht als ez wære ein wolken rîz.
;;;378;12;;Dô was daz junge her von Liz
;;;378;13;;komen an die von Lyravoyn
;;;378;14;;unde an den künec von Evendroyn.
;;;378;15;;dâ hal manec tjost guot,
;;;378;16;;alse der würfe in grôze gluot
;;;378;17;;ganze kastânie.
;;;378;18;;âvoy, wie ûf der plânîe
;;;378;19;;von den gesten wart geriten
;;;378;20;;unde von den burgæren gestriten!
;;;378;21;;Gawan unde der schahteliur,
;;;378;22;;durch der sêle âventiur
;;;378;23;;unde durch ir sælden urhap
;;;378;24;;ein pfaffe in eine messe gap.
;;;378;25;;der sanc si beide gote unde in.
;;;378;26;;dô nâhet ir werdecheit gewin,
;;;378;27;;daz was ir gesetze.
;;;378;28;;dô ritens in ir letze.
;;;378;29;;ir zingel was dâ wol behuot
;;;378;30;;mit manegem werden rîter guot.
;;;379;1;;daz wâren Tscheruleses man;
;;;379;2;;von den wart ez dâ guot getân.
;;;379;3;;Waz welt ir, daz ich spreche mêr,
;;;379;4;;wan Poydekunyunz was mit wer.
;;;379;5;;der reit mit sölher hers kraft,
;;;379;6;;wære Swarzwalt iegeslîch stûde ein schaft,
;;;379;7;;man dörfte dâ niht mêr waldes sehen,
;;;379;8;;swer sîne schar wolte spehen.
;;;379;9;;der reit mit sehs vanen zuo,
;;;379;10;;vor dem man strîtes begunde vruo.
;;;379;11;;busûnære gâben dôzes klac
;;;379;12;;alse der doner, der ie pflac
;;;379;13;;vil angestlîcher vorhte.
;;;379;14;;manege tambûr worhte
;;;379;15;;mit der busîne galm.
;;;379;16;;wart iener dâ kein stupfelhalm
;;;379;17;;getret, des enmag ich niht.
;;;379;18;;Enpfirter wîngarte giht
;;;379;19;;von treten noch der selben nôt.
;;;379;20;;vil orse vuoz diu slâ dâ bôt.
;;;379;21;;Dô kom der herzoge Astor
;;;379;22;;mit strîte an die von Jammor.
;;;379;23;;dâ wurden diu ors gewetzet,
;;;379;24;;manec werder man gesetzet
;;;379;25;;hinderz ors ûf den acker.
;;;379;26;;si wâren ir strîtes wacker.
;;;379;27;;vil vremder krîe man dâ rief.
;;;379;28;;manec vol ân sînen meister lief,
;;;379;29;;des hêrre dort ze vuoz stuont.
;;;379;30;;ich wæne, im was gevelle kunt.
;;;380;1;;Dô sach mîn hêr Gawan,
;;;380;2;;daz gevlohten was der plân,
;;;380;3;;die vriunt in der vîende schar.
;;;380;4;;er huop ouch mit poynder dar.
;;;380;5;;müelîch sîn was ze warten.
;;;380;6;;diu ors si wênic sparten,
;;;380;7;;Tscherules unde al die sîne.
;;;380;8;;Gawan si brâhte in pîne.
;;;380;9;;waz er dâ rîter nider stach
;;;380;10;;unde waz er starker sper zerbrach,
;;;380;11;;der werden tavelrunder bote,
;;;380;12;;het er die kraft niht von gote,
;;;380;13;;sô wære dâ prîs vür in gegert.
;;;380;14;;dâ wart erklenget manec swert.
;;;380;15;;im wâren alein beidiu her,
;;;380;16;;gegen den was sîn hant ze wer,
;;;380;17;;die von Lyz unde die von Gors.
;;;380;18;;von beider sît er manec ors
;;;380;19;;gezogen brâhte schiere
;;;380;20;;ze sînes wirtes baniere
;;;380;21;;unde vrâgete si, ob si ieman wolte dâ.
;;;380;22;;ir was genuoc, die sprâchen jâ.
;;;380;23;;si wurden algelîche
;;;380;24;;sîner geselleschefte rîche.
;;;380;25;;Dô kom ein rîter her gevarn,
;;;380;26;;der ouch diu sper niht kunde sparn.
;;;380;27;;der burcgrâve von Beavoys
;;;380;28;;unde Gawan, der kurtoys,
;;;380;29;;die kômen an ein ander,
;;;380;30;;daz der junge Lysavander
;;;381;1;;hinderm orse ûf den bluomen lac,
;;;381;2;;wander von der tjost gevelles pflac.
;;;381;3;;Daz ist mir durch den knappen leit,
;;;381;4;;der des vorderen tages mit zühten reit
;;;381;5;;unde Gawane sagete mære,
;;;381;6;;wâ von diz komen wære.
;;;381;7;;der erbeizete über sînen hêrren nider.
;;;381;8;;Gawan in erkande unde gab im wider
;;;381;9;;sîn ors, daz dâ was bejaget.
;;;381;10;;Der knappe im neic, wart mir gesaget.
;;;381;11;;Nû seht, wâ Gardefablet
;;;381;12;;selbe ûf dem acker stêt
;;;381;13;;von einer tjost mit hurte erkant,
;;;381;14;;die tet Melyahganzes hant.
;;;381;15;;dô zuhten in die sîne enbor.
;;;381;16;;dâ wart dicke 'Jammor'
;;;381;17;;mit herten swertes slegen geschrît.
;;;381;18;;dâ was enge, niht ze wît,
;;;381;19;;hurte dâ gegen der hurte dranc.
;;;381;20;;manec helm in in diu ôren klanc.
;;;381;21;;Gawan nam sîne geselleschaft.
;;;381;22;;dô ergienc sîn poynder mit kraft.
;;;381;23;;mit sînes wirtes baniere
;;;381;24;;beschutter harte schiere
;;;381;25;;von Jammor den werden.
;;;381;26;;dâ wart ûf die erden
;;;381;27;;manec rîter nider gevellet.
;;;381;28;;geloubetz, ob ir wellet.
;;;381;29;;mir sint die ziuge gar verzaget,
;;;381;30;;wan alse diu âventiure saget.
;;;382;1;;Lechuns Emuntane
;;;382;2;;vuor gegen Gawane.
;;;382;3;;dâ wart ein rîchiu tjost getân,
;;;382;4;;daz der starke Lachdoman
;;;382;5;;hinderm orse ûf dem acker lac.
;;;382;6;;dar nâch er sicherheite pflac,
;;;382;7;;der starke degen wert erkant.
;;;382;8;;diu ergienc in Gawanes hant.
;;;382;9;;Dô streit der herzoge Astor
;;;382;10;;den zingeln aller næhest vor.
;;;382;11;;dâ ergienc manec hurteclîcher strît.
;;;382;12;;vil 'Nantes' wart geschrît,
;;;382;13;;Artuses herzeichen.
;;;382;14;;die herten, niht die weichen,
;;;382;15;;dâ was manec ellender Brituneiz
;;;382;16;;unde soldiere von Astrigeiz
;;;382;17;;ûz Ereckes lande,
;;;382;18;;der tât man dâ bekande.
;;;382;19;;der pflac duc von Lunveruns.
;;;382;20;;ouch mohte Poydekuniuns
;;;382;21;;die Brituneise hân ledic verlân.
;;;382;22;;sô wart ez dâ von in getân.
;;;382;23;;si wurden Artuse
;;;382;24;;zer Montanien Cluse
;;;382;25;;abe gevangen, dâ man strîten sach.
;;;382;26;;in einem sturme daz geschach.
;;;382;27;;si schrîten 'Nantes' nâch ir siten
;;;382;28;;dâ oder anders, swâ si striten.
;;;382;29;;daz was ir krîe unde ir art.
;;;382;30;;etslîcher truoc vil grâwen bart.
;;;383;1;;Nû hete ouch iegeslîch Britun
;;;383;2;;durch erkantnisse einen gampilûn
;;;383;3;;einweder ûf helm oder ûf schilt
;;;383;4;;nâch Ylinotes wâpen gezilt.
;;;383;5;;der was Artuses werder suon.
;;;383;6;;Waz mac Gawan nû tuon?
;;;383;7;;er sûfte, dô er disiu wâpen sach,
;;;383;8;;wandim sîn herze jâmers jach.
;;;383;11;;er erkande wol den wâpen schîn.
;;;383;12;;dô über liefen im diu ougen sîn.
;;;383;9;;sînes œheimes sunes tôt
;;;383;10;;brâhtin in jâmers nôt.
;;;383;13;;er lie sich die von Britanie
;;;383;14;;tûren ûf der plânîe.
;;;383;15;;er wolte mit in strîten niht,
;;;383;16;;alse dâ man noch vriuntschefte giht.
;;;383;17;;er reit gegen Melyanzes her.
;;;383;18;;die burgære wâren sô ze wer,
;;;383;19;;daz mans in danken mohte,
;;;383;20;;wandin doch niht tohte,
;;;383;21;;daz velt gegen überkraft ze haben.
;;;383;22;;si wâren entwichen gegen dem graben.
;;;383;23;;Den burgæren manege tjost dâ bôt
;;;383;24;;ein rîter allenthalben rôt.
;;;383;25;;der hiez der ungenante,
;;;383;26;;wandin nieman dâ bekante.
;;;383;27;;ich sagez, alsichz hân vernomen:
;;;383;28;;er was ze Melyanze komen
;;;383;29;;dâr vor anme driten tage.
;;;383;30;;des kômen die burgære in klage.
;;;384;1;;Melyanz der helfe sich bewac,
;;;384;2;;dem er wart ouch von Semblidac
;;;384;3;;zwelf knappen, die sîn nâmen war
;;;384;4;;zer tjost unde in der poynder schar.
;;;384;5;;swaz sper gebieten mohte ir hant,
;;;384;6;;diu wurden gar von im verswant.
;;;384;7;;sîne tjoste wâren mit hurte hel,
;;;384;8;;wander den künec Tschirniel
;;;384;9;;unde sînen bruoder dâ vienc.
;;;384;10;;dannoch von im noch mêr ergienc:
;;;384;11;;sicherheite ern niht erliez
;;;384;12;;den herzogen Marangliez.
;;;384;13;;die wâren des ortes herte.
;;;384;14;;ir volc sich dannoch werte.
;;;384;15;;Melyanz, der künec, dâ selbe streit.
;;;384;16;;swem er liep oder herzeleit
;;;384;17;;hete getân, der muose jehen,
;;;384;18;;daz selten ê was geschehen
;;;384;19;;von deheinem alsô jungen man,
;;;384;20;;alsez von im dâ wart getân.
;;;384;21;;sîn hant vil vester schilte kloup.
;;;384;22;;waz starker sper von im zerstoup,
;;;384;23;;dâ sich poynder in poynder slôz.
;;;384;24;;sîn jungez herze was sô grôz,
;;;384;25;;daz er strîtes muose gern.
;;;384;26;;des mohtin nieman dâ gewern
;;;384;27;;volleclîche, daz was ein nôt,
;;;384;28;;unz er Gawane tjostieren bôt.
;;;384;29;;Von sînen knappen er dô nam
;;;384;30;;der sper einez von Angram,
;;;385;1;;ê alser si erwarp zem Plymizol.
;;;385;2;;Melyanzes krîe was 'Barbigol',
;;;385;3;;diu werde houbetstat in Liz.
;;;385;4;;Gawan sîner tjoste vlîz
;;;385;5;;nam war. diu lêrte Melyanzen pîn.
;;;385;6;;von Orestegentesin
;;;385;7;;der starke rœrîne schaft
;;;385;7;1;wart dar getriben mit hurte kraft.
;;;385;7;2;- daz tet Gawan, der werde gast -,
;;;385;8;;durch den schilt in dem arme si brast.
;;;385;9;;ein rîche tjost aldâ geschach.
;;;385;10;;Gawan in vlügelingen stach
;;;385;11;;unde enzwei sînen hindern satelbogen,
;;;385;12;;daz die helde vür unbetrogen
;;;385;13;;hindern orsen gestuonden.
;;;385;14;;dô tâtens, alse si kunden,
;;;385;15;;mit den swerten tûren.
;;;385;16;;dâ wære zwein gebûren
;;;385;17;;gedroschen mêr danne genuoc.
;;;385;18;;ietwedern des andern garbe dar truoc.
;;;385;19;;die wurden stückehte hin geslagen.
;;;385;20;;Melyanz ein sper muose tragen,
;;;385;21;;daz steckte dem helde durch den arm.
;;;385;22;;bluotic sweiz in machte warm.
;;;385;23;;dô zuhtin mîn hêr Gawan
;;;385;24;;in Prevegariez barbigân
;;;385;25;;unde twang in sicherheite.
;;;385;26;;der was er im bereite.
;;;385;27;;wære der junge man niht wunt,
;;;385;28;;dâ wære dannoch niemanne kunt,
;;;385;29;;daz er im würde undertân.
;;;385;30;;man müese sîn lenger hân erlân.
;;;386;1;;Lybaut, der vürste, des landes wirt,
;;;386;2;;sîn manlîch ellen niht verbirt;
;;;386;3;;mit dem streit der künec von Gors.
;;;386;4;;dô muosen beidiu liute unde ors
;;;386;5;;von schozze lîden pîne,
;;;386;6;;dâ die Kahedine
;;;386;7;;unde die sarjande von Semblidac,
;;;386;8;;iegeslîcher sîner künste pflac.
;;;386;9;;turkopel kunden wenken;
;;;386;10;;die burgære muosen denken,
;;;386;11;;waz vîende von ir letze schiet.
;;;386;12;;si heten sarjande ah piet.
;;;386;13;;
;;;386;14;;
;;;386;15;;swelch wert man dâ den lîp verlôs,
;;;386;16;;Obyen zorn unsanfte er kôs,
;;;386;17;;wand ir tumbiu lôsheit
;;;386;18;;vil liute brâhte in arbeit.
;;;386;19;;des engalt ouch ir vater Lybaut.
;;;386;20;;der alte künec Tschaut
;;;386;21;;hetes in erlâzen gar.
;;;386;22;;dô begunde müeden ouch diu schar.
;;;386;23;;Dannoch streit vaste Meliahganz.
;;;386;24;;ob sîn schilt wære ganz?
;;;386;25;;des was niht hende breit bliben.
;;;386;26;;dô hetin hin dan getriben
;;;386;27;;der herzoge Gardefablet.
;;;386;28;;der turnei alstille stêt
;;;386;29;;ûf einem blüemînen plân.
;;;386;30;;Dô kom ouch mîn hêr Gawan.
;;;387;1;;des kom Melyahganz in nôt,
;;;387;2;;wandim der werde Lanzelot
;;;387;3;;nie sô vaste zuo getrat,
;;;387;4;;dôr von der swertbrücke pfat
;;;387;5;;kom unde dâ nâch mit im streit.
;;;387;6;;im was diu gevancnisse leit,
;;;387;7;;die vrou Gynover dolte,
;;;387;8;;dier dâ mit strîte holte.
;;;387;9;;Dô punierte Lotes suon.
;;;387;10;;waz mac Melyahganz nû tuon,
;;;387;11;;ern trîbe ouch daz ors mit sporn dar?
;;;387;12;;vil liute nam ir tjost war.
;;;387;13;;wer hinderm orse læge?
;;;387;14;;den der von Norwæge
;;;387;15;;gevellet hete ûf dem touwe.
;;;387;16;;manec rîter unde vrouwe
;;;387;17;;dise tjost ersâhen.
;;;387;18;;Gawane si prîses jâhen.
;;;387;19;;den vrouwen ez guot ze sehenne was
;;;387;20;;her nider von dem palas,
;;;387;21;;daz Melyahganz wart getret,
;;;387;22;;durch sînen wâpenroc gewet
;;;387;24;;- dô viel ûf in der bluotic sweiz -
;;;387;23;;manec ors, daz sît nie gruose enbeiz.
;;;387;25;;dâ ergie der orse schelmetac,
;;;387;26;;dâ nâch den gîren ir bejac.
;;;387;27;;Dô nam der herzoge Astor
;;;387;28;;Melyahganzen den von Jammor.
;;;387;29;;der was vil nâch gevangen.
;;;387;30;;der turnei was ergangen.
;;;388;1;;Der dâ nâch prîse wolte rîten
;;;388;2;;unde nâch der wîbe lône strîten:
;;;388;3;;Lât mich si wol erkennen.
;;;388;4;;soltich si alle nennen,
;;;388;5;;ich würde ein unmüezic man.
;;;388;6;;innerhalp wart ez dâ guot getân
;;;388;7;;durch die jungen Obylot
;;;388;8;;unde ûzerhalp ein rîter rôt,
;;;388;9;;die zwêne behielten dâ den prîs
;;;388;10;;unde vür si nieman deheine wîs.
;;;388;11;;Dô des ûzern hers gast
;;;388;12;;innen wart, daz im gebrast
;;;388;13;;dienstdankens von dem meister sîn
;;;388;14;;- der was gevangen hin în -,
;;;388;15;;er reit, dâ er sîne knappen sach.
;;;388;16;;ze sînen gevangen er dô sprach:
;;;388;17;;"ir hêrren, ir gâbet mir sicherheit.
;;;388;18;;mir ist hie widervarn leit:
;;;388;19;;gevangen ist der künec von Liz.
;;;388;20;;nû kêret allen iuwern vlîz,
;;;388;21;;ob er ledic müge sîn,
;;;388;22;;mag er dâr an geniezen mîn",
;;;388;23;;sprach er zem künege von Evendroyn
;;;388;24;;unde ze Tschirniel von Lyravoyn
;;;388;25;;unde zem herzogen Marangliez.
;;;388;26;;mit spæher gelübde er si liez.
;;;388;27;;von im si riten in die stat.
;;;388;28;;Melyanzen er si lœsen bat
;;;388;29;;oder daz sim würben umben Grâl.
;;;388;30;;sine kunden im ze deheinem mâl
;;;389;1;;gezeigen niender, wâ der was,
;;;389;2;;wan sîn pflæge ein künec, hieze Anfortas.
;;;389;3;;Dô disiu rede von in geschach,
;;;389;4;;der rôte rîter aber dô sprach:
;;;389;5;;"ob mîner bete niht ergêt,
;;;389;6;;sô vart, dâ Peilrapere stêt.
;;;389;7;;bringet der küneginne iuwer sicherheit
;;;389;8;;unde saget ir, der durch si dâ streit
;;;389;9;;mit Kyngrune unde mit Clamide,
;;;389;10;;dem sî nû nâch dem Grâle wê
;;;389;11;;unde doch wider nâch ir minne.
;;;389;12;;nâch beiden ich iemer sinne.
;;;389;13;;saget ir von mir, ich santiuch dar,
;;;389;14;;ir helde, daz iuch got bewar."
;;;389;15;;mit urloube si riten hin.
;;;389;16;;Dô sprach ouch er zen knappen sîn:
;;;389;17;;"wir sîn gewinnes niht verzaget.
;;;389;18;;nemt, swaz orse sî hie bejaget,
;;;389;19;;wan einez lât mir an dirre stunt.
;;;389;20;;ir seht wol, daz mîne ist sêre wunt."
;;;389;21;;Dô sprâchen die knappen guot:
;;;389;22;;"iuwer gnâde, hêrre, daz ir uns tuot
;;;389;23;;iuwer helfe sô grœzlîche.
;;;389;24;;wir sîn nû iemer rîche."
;;;389;25;;er weltim einez ûf sîne vart,
;;;389;26;;mit den kurzen ôren Ingliart,
;;;389;27;;daz dort von Gawane gie,
;;;389;28;;innen des dô er Melyanzen vie.
;;;389;29;;dâ erwarp ez des rôten rîters hant.
;;;389;30;;des wart verdürkelt manec rant.
;;;390;1;;Mit urloube tet er dankêre.
;;;390;2;;vünfzehen ors oder mêre
;;;390;3;;liez er dâ âne wunden.
;;;390;4;;die knappen danken kunden
;;;390;5;;unde bâten in blîben vil.
;;;390;6;;vürbaz gestôzen was sîn zil.
;;;390;7;;Dô kêrte der gehiure,
;;;390;8;;dâ guot gemach was tiure.
;;;390;9;;ern suochte niht wan strîten.
;;;390;10;;ich wæne, bî sînen zîten
;;;390;11;;ie dekein man sô vil gestreit.
;;;390;12;;Daz ûzer her alzogende reit
;;;390;13;;gegen herbergen durch gemach.
;;;390;14;;Dort inne der vürste Lybaut sprach
;;;390;15;;unde vrâgete, wiez dâ wære komen.
;;;390;16;;ich wæne, er hete vernomen,
;;;390;17;;Melyanz wart gevangen.
;;;390;18;;daz was im liebe ergangen,
;;;390;19;;wand ez kom im sît ze trôste.
;;;390;20;;Gawan den ermel lôste
;;;390;21;;âne zerren vonme schilte
;;;390;22;;- sînen prîs er hœher zilte -,
;;;390;23;;den gab er Clauditen.
;;;390;24;;an den orten unde enmitten
;;;390;25;;was er durchstochen unde durchslagen.
;;;390;26;;den bat er Obylote tragen.
;;;390;27;;Dô wart der megde vröude grôz.
;;;390;28;;ir arm was blanc unde blôz.
;;;390;29;;dar über hafte sin dô sân.
;;;390;30;;si sprach: "wer hât mir hie getân?",
;;;391;1;;iemer swenne si vür ir swester gienc,
;;;391;2;;diu disen schimpf mit zorne enpfienc.
;;;391;3;;Den rîtern, den was ruowe nôt,
;;;391;4;;wandin grôz müede daz gebôt.
;;;391;5;;Tscherules nam Gawan
;;;391;6;;unde den grâven Lachdoman.
;;;391;7;;dannoch mêr rîter er dâ vant,
;;;391;8;;die Gawan mit sîner hant
;;;391;9;;des tages ûf dem velde vienc,
;;;391;10;;dâ manec grôziu hurt ergienc.
;;;391;11;;Dô sazte si rîterlîche
;;;391;12;;der burcgrâve rîche.
;;;391;13;;er unde alsîn müediu schar
;;;391;14;;stuonden vor dem künege gar,
;;;391;15;;unze daz Melyanz enbeiz.
;;;391;16;;guoter handelunge er sich vleiz.
;;;391;17;;Des dûhte Gawanen ze vil.
;;;391;18;;"ob ez iu der künec erlouben wil,
;;;391;19;;hêr wirt, sô sult ir sitzen",
;;;391;20;;sprach Gawan mit witzen.
;;;391;21;;Sîn zuht in dar zuo jagete.
;;;391;22;;der wirt die bete versagete.
;;;391;23;;er sprach: "mîn hêrre ist des küneges man.
;;;391;24;;disen dienst hât er getân,
;;;391;25;;ob den künec des gezæme,
;;;391;26;;daz er sîn dienst næme.
;;;391;27;;mîn hêrre sîn zuht giht,
;;;391;28;;wander hât sîner hulde niht.
;;;391;29;;gesament die vriuntschaft iemer got,
;;;391;30;;wir leisten alle sîn gebot."
;;;392;1;;Dô sprach der junge Melyanz:
;;;392;2;;"iuwer triuwe ist sô ganz,
;;;392;3;;die wîle daz ich wonte hie,
;;;392;4;;daz iuwer rât mich nie verlie.
;;;392;5;;hetich iu baz gevolget dô,
;;;392;6;;sô sæhe man mich hiute vrô.
;;;392;7;;Nû helfet mir, grâve Tscherules,
;;;392;8;;wandich iu wol getriuwe des,
;;;392;9;;umbe mînen hêrren, der mich hie hât.
;;;392;10;;si vernement wol iuwern rât.
;;;392;11;;Lybaut, der ander vater mîn,
;;;392;12;;tuo sîne zuht nû an mir schîn.
;;;392;13;;ich enhete sîner hulde niht verlorn
;;;392;14;;unde woltez sîn tohter hân verborn.
;;;392;15;;diu prüevete gegen mir tôren schimpf.
;;;392;16;;daz was unvrôlîch gelimpf."
;;;392;17;;Dô sprach der werde Gawan:
;;;392;18;;"hie wirt ein suone getân,
;;;392;19;;die niemen scheidet wan der tôt."
;;;392;20;;Dô kômen die der rîter rôt
;;;392;21;;hin ûz hete gevangen
;;;392;22;;vür den künec gegangen
;;;392;23;;unde vrâgeten, wiez dâ wære komen.
;;;392;24;;Dô Gawan hete vernomen
;;;392;25;;sîniu wâpen, der mit im dâ streit
;;;392;26;;unde dem si gâben sicherheit,
;;;392;27;;unde dô sim gesageten umbe den Grâl,
;;;392;28;;dô dâhter des, wie Parcifal
;;;392;29;;dises mæres wære ein urhap.
;;;392;30;;sîn nîgen er gegen himele gap,
;;;393;1;;daz er ir strîtes gegenbiet
;;;393;2;;des tages von ein ander schiet.
;;;393;3;;des was ir helnde zuht ein pfant,
;;;393;4;;daz ir dewederre wart genant.
;;;393;5;;si erkande ouch nieman dâ.
;;;393;6;;daz tet man aber anderswâ.
;;;393;7;;Ze Melyanze sprach Tscherules:
;;;393;8;;"hêrre, muoz ich iuch bitten des,
;;;393;9;;sô geruochet mînen hêrren sehen.
;;;393;10;;swes vriunt dâ beidenthalben jehen,
;;;393;11;;des sult ir gerne volgen
;;;393;12;;unde sît im niht erbolgen."
;;;393;13;;Daz dûhte si guot über al.
;;;393;14;;dô vuoren si ûf des vürsten sal
;;;393;15;;unde daz inner her von der stat.
;;;393;16;;Lybautes marschalc si des bat.
;;;393;17;;Dô nam mîn hêr Gawan
;;;393;18;;den grâven Lachdoman
;;;393;19;;unde ander sîne gevangen.
;;;393;20;;der kom dar zuo gegangen.
;;;393;21;;er bat si geben sicherheit,
;;;393;22;;die er des tages ab in erstreit,
;;;393;23;;Tscherulese, sînem wirt.
;;;393;24;;mannegelîch nû niht verbirt,
;;;393;25;;sine kœmen, als dâ gelobet was,
;;;393;26;;ze Bearosch ûf den palas.
;;;393;27;;Melyanze gap diu burcgrævîn
;;;393;28;;rîchiu kleider unde ein rîselîn,
;;;393;29;;dâ er sînen wunden arm în hienc,
;;;393;30;;dâ Gawans tjost durch gienc.
;;;394;1;;Gawan bî Tscherules enbôt
;;;394;2;;sîner vrouwen Obylot,
;;;394;3;;daz er si gerne wolte sehen
;;;394;4;;unde ouch mit wârheite jehen
;;;394;5;;sînes lîbes undertân
;;;394;6;;"unde ich welle ouch ir urloup hân.
;;;394;7;;saget, ich lâze ir den künec hie.
;;;394;8;;bit si sich bedenken, wie
;;;394;9;;daz sin alsô behalte,
;;;394;10;;daz prîs ir vuore walte."
;;;394;11;;Des antwurtim Melyanz;
;;;394;12;;er sprach: "Obylot wirt ein kranz
;;;394;13;;aller wîplîchen güete.
;;;394;14;;diu senftet mir mîn gemüete,
;;;394;15;;ob ich ir sicherheit muoz geben
;;;394;16;;unde ouch ir vrides hie sol leben."
;;;394;17;;"Ir sult si dâ vür hân erkant,
;;;394;18;;iuch vienc hie nieman wan ir hant",
;;;394;19;;sô sprach der werde Gawan.
;;;394;20;;"mînen prîs sol si aleine hân."
;;;394;21;;Tscherules kom vür geriten.
;;;394;22;;dô was ze hove niht vermiten,
;;;394;23;;dâne wære maget, man noch wîp,
;;;394;24;;in solher wæte iegeslîches lîp,
;;;394;25;;daz man dâ kranker, armer wât
;;;394;26;;des tages hete lîhten rât.
;;;394;27;;Mit Melyanze ze hove reit
;;;394;28;;alle die dort ûze sicherheit
;;;394;29;;ze pfande heten gelâzen.
;;;394;30;;dort alliu vieriu sâzen:
;;;395;1;;der wirt, sîn wîp, sîniu kint.
;;;395;2;;vür giengen die dâ komen sint.
;;;395;3;;Lybaut ûf gegen sînem hêrren spranc.
;;;395;4;;ûf den palas wart grôz gedranc,
;;;395;5;;dâ er vîent unde vriunt enpfienc.
;;;395;6;;Gawan bî Melyanze gienc.
;;;395;7;;"Kunder iu niht versmâhen,
;;;395;8;;mit kusse iu solte nâhen
;;;395;9;;iuwer altiu vriundîn,
;;;395;10;;ich meine mîn wîp, diu herzogîn."
;;;395;11;;Melyanz antwurte dem wirte sân:
;;;395;12;;"ich wil ir kus mit gruoze hân,
;;;395;13;;zweier vrouwen, der ich hie sihe,
;;;395;14;;der dritten ich niht suone gihe."
;;;395;15;;Des weinden die eltern beide dô.
;;;395;16;;Obylot was vaste vrô.
;;;395;17;;Der künec mit kusse enpfangen wart
;;;395;18;;unde zwêne andere künege âne bart
;;;395;19;;unde der herzoge Marangliez.
;;;395;20;;Gawanen küssens man niht erliez.
;;;395;21;;er nam ouch sîne vrouwen dar.
;;;395;22;;er dructe daz kint wol gevar
;;;395;23;;als eine tocken an sîne brust.
;;;395;24;;des twanc in vriuntlîch gelust.
;;;395;25;;Gawan ze Melyanze sprach:
;;;395;26;;"iuwer hant mir sicherheit verjach.
;;;395;27;;der sît nû ledic unde gebet si her.
;;;395;28;;aller mîner vröuden wer
;;;395;29;;sitzet an dem arme mîn.
;;;395;30;;der gevangene sult ir nû sîn."
;;;396;1;;Melyanz durch daz dar nâher gienc.
;;;396;2;;diu maget Gawanen vaste umbevienc.
;;;396;3;;Obylote dâ sicherheit geschach,
;;;396;4;;dâz manec werder rîter sach.
;;;396;5;;"Hêr künec, nû habt ir missetân,
;;;396;6;;sol mîn rîter sîn ein koufman,
;;;396;7;;des mich mîn swester vil an streit,
;;;396;8;;daz irme gâbet sicherheit",
;;;396;9;;sprach diu junge Obylot.
;;;396;10;;Melyanze si dâ nâch gebôt,
;;;396;11;;daz er sicherheit verjæhe,
;;;396;12;;diu in ir hant geschæhe,
;;;396;13;;ir swester Obien.
;;;396;14;;"zeiner âmîen
;;;396;15;;sult ir si hân durch rîters prîs.
;;;396;16;;zeinem hêrren, zeinem âmîs
;;;396;17;;sol siuch iemer gerne hân.
;;;396;18;;ine wils iuch wederhalp erlân."
;;;396;19;;Got ûz ir jungem munde sprach.
;;;396;20;;ir bete beidenthalp geschach.
;;;396;21;;Dô meisterte vrou minne
;;;396;22;;mit vriuntlîchem sinne
;;;396;23;;unde herzeliebiu triuwe
;;;396;24;;der zweier liep al niuwe.
;;;396;25;;Obyen hant vür den mantel sleif,
;;;396;26;;Melyanzes arm si begreif
;;;396;27;;unde druhtin an ir rôten munt,
;;;396;28;;aldâ er was zer tjost wunt.
;;;396;29;;manec zaher im den arm begôz,
;;;396;30;;der von ir liehten ougen vlôz.
;;;397;1;;waz mahte si vor der diet sô balt?
;;;397;2;;daz tet diu minne junc unde alt.
;;;397;3;;Lybaut nû sînen willen sach,
;;;397;4;;wand im sô liebe nie geschach,
;;;397;5;;sît in got der êren niht erliez,
;;;397;6;;sîne tohter er dô vrouwe hiez.
;;;397;7;;Wie diu hôchgezît ergienc,
;;;397;8;;des vrâget den, der gâbe enpfienc,
;;;397;9;;unde wer manlîch dô rite,
;;;397;10;;er hete gemach oder er strite,
;;;397;11;;des enmag ich dehein ende hân.
;;;397;12;;Man sagete mir, daz Gawan
;;;397;13;;nam urloup ûf dem palas,
;;;397;14;;dar er durch urloup komen was.
;;;397;15;;daz was Obylote leit,
;;;397;15;1;wand si grôz weinen niht vermeit.
;;;397;15;2;Dô sprach si: "hêrre, sît ich bin
;;;397;16;;iuwer, sô vüeret mich mit iu hin."
;;;397;17;;Dô wart der jungen, süezen maget
;;;397;18;;diu bete von Gawane widersaget.
;;;397;19;;ir muoter si kûme von im gebrach.
;;;397;20;;urloup er dô zin allen sprach.
;;;397;21;;Lybaut im dankete genuoc,
;;;397;22;;wander im holdez herze truoc.
;;;397;23;;Tscherules, sîn stolzer wirt,
;;;397;24;;mit alden sînen niht verbirt,
;;;397;25;;ern rîte ûz mit dem degene balt.
;;;397;26;;Gawans strâze in einen walt
;;;397;27;;gienc. dô santer weideman
;;;397;28;;mit spîse verre mit im dan.
;;;397;29;;urloup nam der werde helt
;;;397;30;;Gawan, der gegen kumber was verselt.
;;;398;1;;Swer was ze Bearosche komen,
;;;398;2;;Doch hete Gawan dâ genomen
;;;398;3;;den prîs ze beider sît alein,
;;;398;4;;wan daz vor im ein rîter schein,
;;;398;5;;bî rôtem wâpen unerkant,
;;;398;6;;des prîs man in die hœhe bant.
;;;398;7;;Gawan hete êre unde heil,
;;;398;8;;ietweders volleclîchen teil.
;;;398;9;;Nû nâhete ouch sînes kampfes zît.
;;;398;10;;der walt was lanc unde wît,
;;;398;11;;dâ durch er muose strîchen,
;;;398;12;;wolter kampfes niht entwîchen.
;;;398;13;;âne schulde er was dar zuo erkorn.
;;;398;14;;Nû was ouch Ingliart verlorn,
;;;398;15;;sîn ors mit den kurzen ôren.
;;;398;16;;In Tabrunit von môren
;;;398;17;;wart nie bezzer ors ersprenget.
;;;398;18;;Nû wart der walt gemenget,
;;;398;19;;hie ein slâ, dort ein velt,
;;;398;20;;etslîchez sô breit, daz ein gezelt
;;;398;21;;vil kûme drûffe stüende.
;;;398;22;;mit sehene gewan er künde:
;;;398;23;;ein erbûwen lant hiez Ascalun.
;;;398;24;;dô vrâgeter gegen Tschampfenzun,
;;;398;25;;swaz im volkes widervuor.
;;;398;26;;hôch gebirge, manec muor,
;;;398;27;;des heter vil durchstrichen dar.
;;;398;28;;Dô nam er einer bürge war.
;;;398;29;;âvoy, diu gap vil werden glast!
;;;398;30;;dâ kêrte engegene des landes gast.
;;;399;1;;Nû hœret von âventiure sagen.
;;;399;2;;nû helfet mir dâr under klagen
;;;399;3;;Gawans grôzen kumber.
;;;399;4;;mîn wîser unde mîn tumber,
;;;399;5;;die tuonz durch ir gesellecheit
;;;399;6;;unde lâzen in mit mir wesen leit.
;;;399;7;;Owê, nû soltich swîgen!
;;;399;8;;Nein, lât vürbaz sîgen,
;;;399;9;;dâr etswenne glücke neic
;;;399;10;;unde nû gegen ungemache seic.
;;;399;11;;Disiu burc was gehêret sô,
;;;399;12;;daz Eneas Karthago
;;;399;13;;nie sô hêrlîche vant,
;;;399;14;;dâ vrôn Dydons tôt was in minnen pfant.
;;;399;15;;waz si palase pflæge,
;;;399;16;;wie vil dâ türne læge?
;;;399;17;;ir hete Acraton genuoc,
;;;399;18;;diu âne Babylone truoc
;;;399;19;;anme griffe die grœste wîte
;;;399;20;;nâch heiden worte strîte.
;;;399;21;;si was alumbe wol sô hôch
;;;399;22;;unde daz si gegen dem mer sich zôch,
;;;399;23;;deheinen sturm si widersaz
;;;399;24;;noch grôzen, ungevüegen haz.
;;;399;25;;dâ vor lac raste breit ein plân,
;;;399;26;;dar über reit hêr Gawan.
;;;399;27;;vünf hundert rîter oder mêr,
;;;399;28;;ob den allen was einer hêr,
;;;399;29;;die kômen im dâ widerriten
;;;399;30;;in liehten kleidern wol gesniten.
;;;400;1;;Als mir diu âventiure sagete,
;;;400;2;;ir vederspil dâ jagete
;;;400;3;;den kranch oder swaz vor in dâ vlôch.
;;;400;4;;Ein râvît von Spanie hôch
;;;400;5;;reit der künec Vergulaht.
;;;400;6;;sîn blic was tac wol bî der naht.
;;;400;7;;sîn geslehte sante Mazadan
;;;400;8;;vür den berc ze Feimorgan.
;;;400;9;;sîn art was von der feien.
;;;400;10;;in dûhte, er sæhe den meien
;;;400;11;;in rehter zît von bluomen gar,
;;;400;12;;swer nam des küneges varwe war.
;;;400;13;;Gawan des bedûhte,
;;;400;14;;dô der künec sô gegen im lûhte,
;;;400;15;;ez wære der ander Parcifal
;;;400;16;;unde daz er Gahmuretes mâl
;;;400;17;;hete, alse diz mære weiz,
;;;400;18;;dô der reit în ze Kanvoleiz.
;;;400;19;;Sîn reiger tet durch vluht entwîch
;;;400;20;;in einen muorigen tîch.
;;;400;21;;den brâhten valken dar gehurt.
;;;400;22;;der künec suochte unrehten vurt,
;;;400;23;;in valken hilfe wart er naz.
;;;400;24;;sîn ors verlôs er umbe daz,
;;;400;25;;dar zuo aldiu kleider sîn,
;;;400;26;;doch schiet er die valken von ir pîn.
;;;400;27;;daz nâmen die valkenære.
;;;400;28;;ob daz ir reht iht wære?
;;;400;29;;ez was ir reht, si soltenz hân.
;;;400;30;;man muose ouch si bî rehte lân.
;;;401;1;;Ein ander ors man im dô lêch.
;;;401;2;;des sînen er sich gar verzêch.
;;;401;3;;man hienc ouch ander kleit an in.
;;;401;4;;jenez was der valkenær gewin.
;;;401;5;;Hie kom hêr Gawan zuo geriten.
;;;401;6;;âvoy, nû wart dâ niht vermiten,
;;;401;7;;ern würde baz enpfangen
;;;401;8;;denne ze Karidol wære ergangen
;;;401;9;;Ereckes enpfâhen,
;;;401;10;;dô er begunde nâhen
;;;401;11;;Artuse nâch sînem strîte
;;;401;12;;unde vrou Enite
;;;401;13;;sîner vröuden was ein cundewier,
;;;401;14;;sît im Malichschier,
;;;401;15;;daz getwerc, sînen rücke unsanfte brach
;;;401;16;;mit der geisel, daz ez vrou Gynover sach,
;;;401;17;;unde dô ze Tulmein ein strît
;;;401;18;;ergienc in dem kreize wît
;;;401;19;;umbe den sperwære.
;;;401;20;;Yder filly Not, der mære,
;;;401;21;;im sîne sicherheit dâ bôt.
;;;401;22;;er muose sîn beiten vür den tôt.
;;;401;23;;Die rede lât sîn unde hœret si ouch hie.
;;;401;24;;ich wæne, sô vrieschet ir nie
;;;401;25;;werdern anpfanc noch gruoz.
;;;401;26;;ouwê, des wirt unsanfte buoz
;;;401;27;;des werden Lotes kinde!
;;;401;28;;râtet irz, ich erwinde
;;;401;29;;unde sagiu vürbaz niht mêr.
;;;401;30;;durch triuwe tuon ich widerkêr.
;;;402;1;;Doch vernemt durch iuwer güete,
;;;402;2;;wie ein lûter gemüete
;;;402;3;;vremder valsch vrumte trüebe.
;;;402;4;;ob ich vürbaz üebe,
;;;402;5;;diz mære mit rehte sage,
;;;402;6;;sô komet irs mit mir in klage.
;;;402;7;;Dô sprach der künec Vergulaht:
;;;402;8;;"hêrre, ich hân mich des bedâht,
;;;402;9;;ir sult rîten dort hin în.
;;;402;10;;mag ez mit iuwern hulden sîn,
;;;402;11;;ich bringiu nû gesellecheit.
;;;402;12;;ist aber iu mîn vürbaz rîten leit,
;;;402;13;;ich lâzez, swaz ich ze schaffenne hân."
;;;402;14;;Dô sprach der werde Gawan:
;;;402;15;;"hêrre, swaz ir gebietet,
;;;402;16;;billîch ir iuch des nietet.
;;;402;17;;daz ist ouch âne mînen zorn
;;;402;18;;mit guotem willen gar verkorn."
;;;402;19;;Dô sprach der künec von Ascalun:
;;;402;20;;"hêrre, ir seht wol Tschampfenzun.
;;;402;21;;dâ ist mîn swester ûf, ein maget.
;;;402;22;;swaz munt von schœne hât gesaget,
;;;402;23;;des hât si volleclîchen teil.
;;;402;24;;welt ir nû prüeven vür ein heil,
;;;402;25;;dêswâr, sô muoz si sich bewegen,
;;;402;26;;daz si iuwer unz an mich sol pflegen.
;;;402;27;;ich kume iu schierer, danne ich sol.
;;;402;28;;ouch erbît ir mîn wol,
;;;402;29;;geseht ir die swester mîn.
;;;402;30;;irn ruochtet, wolt ich langer sîn."
;;;403;1;;"si siht mich gerne, als tuon ich sie.
;;;403;2;;doch hânt mich grœzer vrouwen ie
;;;403;3;;ir werder handelunge erlân."
;;;403;4;;sus sprach der werde Gawan.
;;;403;5;;Der künec sante einen rîter dar
;;;403;6;;unde enbôt der megede, daz si sîn war
;;;403;7;;sô næme, daz langiu wîle
;;;403;8;;in diuhte ein kurzewîle.
;;;403;9;;Gawan vuor, dar der künec gebôt.
;;;403;10;;wolt ir noch, swîge ich grôzer nôt.
;;;403;11;;Nein, ich wilz vürbaz sagen.
;;;403;12;;strâze unde pfert begunden tragen
;;;403;13;;Gawanen gegen der porte
;;;403;14;;an des palases orte.
;;;403;15;;Swer bûwes ie begunde,
;;;403;16;;baz dann ich sprechen kunde
;;;403;17;;von disses bûwes veste.
;;;403;18;;dâ lac ein burc, diu beste,
;;;403;19;;diu ie genant wart ein stift.
;;;403;20;;unmâze wît wart ir begrift.
;;;403;21;;der bürge lop suln wir hie lân,
;;;403;22;;wandich iu vil ze sagenne hân
;;;403;23;;von des küneges swester, einer maget.
;;;403;24;;hie ist von bûwe vil gesaget.
;;;403;25;;die prüeve ich rehte, als ich sol.
;;;403;26;;was si schœne, daz stuont ir wol,
;;;403;27;;unde hâte si dar zuo rehten muot,
;;;403;28;;daz was ir gegen werdecheite guot,
;;;403;29;;sô daz ir site unde ir sin
;;;403;30;;was glîch der margrævîn,
;;;404;1;;diu dicke von Heitstein
;;;404;2;;über aldie marke erschein.
;;;404;3;;wol im, derz heinlîche an ir
;;;404;4;;sol prüeven, daz geloubet mir,
;;;404;5;;der vindet kurzewîle dâ
;;;404;6;;bezzer danne anderswâ.
;;;404;7;;ich mac des wol von vrouwen jehen,
;;;404;8;;alse mir diu ougen kunnen spehen.
;;;404;9;;swar ich kêre mîn rede ze guote,
;;;404;10;;diu bedarf wol zühte huote.
;;;404;11;;Nû hœret dise âventiure
;;;404;12;;der getriuwe unde der gehiure.
;;;404;13;;in ruoche umbe die ungetriuwen.
;;;404;14;;mit dürkeln riuwen
;;;404;15;;hânt si alle ir sælekeit verlorn.
;;;404;16;;des muoz ir sêle lîden zorn.
;;;404;17;;Ûf den hof vür den palas reit
;;;404;18;;Gawan gegen der gesellecheit,
;;;404;19;;als in der künec dar sante,
;;;404;20;;der sich selben an im geschante.
;;;404;21;;ein rîter, der in brâhte dar,
;;;404;22;;in vuorte, dâ saz wol gevar
;;;404;23;;Antickonie, diu künegîn.
;;;404;24;;sol wîplîch êre sîn gewin,
;;;404;25;;des koufes hete si vil gepflegen
;;;404;26;;unde alles valsches sich bewegen.
;;;404;27;;dâ mite ir kiusche prîs erwarp.
;;;404;28;;Owê, daz sô vruo erstarp
;;;404;29;;von Veldecke der wîse man!
;;;404;30;;der kunde si baz gelobet hân.
;;;405;1;;Dô Gawan die maget ersach,
;;;405;2;;der bote gie nâher unde sprach,
;;;405;3;;als in der künec werben hiez.
;;;405;4;;Diu künegîn dô niht enliez,
;;;405;5;;sine spræche: "hêrre, gêt nâher mir.
;;;405;6;;mîner zühte meister, daz sît ir.
;;;405;7;;nû gebiet unde lêret.
;;;405;8;;wirt iu kurzewîle gemêret,
;;;405;9;;daz muoz an iuwerm gebote sîn.
;;;405;10;;sît daz iuch der bruoder mîn
;;;405;11;;mir bevolhen hât sô wol,
;;;405;12;;ich küssiuch, ob ich iuch küssen sol.
;;;405;13;;nû gebiet nâch iuwern mâzen
;;;405;14;;mîn tuon oder mîn lâzen."
;;;405;15;;mit grôzer zuht si vor im stuont.
;;;405;16;;Gawan sprach: "vrouwe, iuwer munt
;;;405;17;;ist sô küssenlîch getân,
;;;405;18;;ich sol iuwern kus mit gruoze hân."
;;;405;19;;Ir munt was heiz, dicke unde rôt,
;;;405;20;;dâr an Gawan den sînen bôt.
;;;405;21;;dâ ergie ein kus ungastlîche.
;;;405;22;;zuo der megde zühte rîche
;;;405;23;;saz der wol geborne gast.
;;;405;24;;süezer rede in niht gebrast
;;;405;25;;beidenthalp mit triuwen.
;;;405;26;;si kunden wol geniuwen,
;;;405;27;;er sîne bete, si ir versagen.
;;;405;28;;daz begunder herzeclîche klagen.
;;;405;29;;ouch bat er si gnâden vil.
;;;405;30;;diu maget sprach, als ich iu sagen wil:
;;;406;1;;"Hêrre, sît ir anders kluoc,
;;;406;2;;sô mag es dunken iuch genuoc.
;;;406;3;;ich erbiut ez durch mînes bruoder bete,
;;;406;4;;daz ez Anflise Gahmurete,
;;;406;5;;mînem œheime, nie baz gebôt,
;;;406;6;;âne bî ligen. ein triuwe ein lôt
;;;406;7;;an dem orte vürbaz wæge,
;;;406;8;;der uns wegens ze rehte pflæge.
;;;406;9;;unde enweiz doch, hêrre, wer ir sît,
;;;406;10;;daz ir an sô kurzer zît
;;;406;11;;welt mîne minne hân."
;;;406;12;;Dô sprach der werde Gawan:
;;;406;13;;"mich lêret mîner künde sin,
;;;406;14;;ich sagiu, vrouwe, wer ich bin:
;;;406;15;;mîner basen bruoder suon.
;;;406;16;;welt ir mir gnâde tuon,
;;;406;17;;daz enlât niht durch mînen art.
;;;406;18;;der ist gegen dem iuwern sô bewart,
;;;406;19;;daz si beide glîche stênt
;;;406;20;;unde in rehter mâze gênt."
;;;406;21;;Ein maget begundin schenken,
;;;406;22;;dâr nâch schiere von in wenken.
;;;406;23;;mê vrouwen dannoch dâ sâzen,
;;;406;24;;die ouch des niht vergâzen,
;;;406;25;;sine giengen schaffen umbir pflege.
;;;406;26;;ouch was der rîter von dem wege,
;;;406;27;;der in dar brâhte.
;;;406;28;;Gawan des gedâhte,
;;;406;29;;dô salle von in kômen ûz,
;;;406;30;;daz dicke den grôzen strûz
;;;407;1;;vâhet ein vil kranker ar.
;;;407;2;;er greif ir under den mantel dar.
;;;407;3;;ich wæne, er ruortirz hüffelîn.
;;;407;4;;des wart gemêret sîn pîn.
;;;407;5;;von der liebe alsolhe nôt gewan
;;;407;6;;beidiu diu maget unde der man,
;;;407;7;;daz dâ nâch was ein dinc geschehen,
;;;407;8;;hetenz übeliu ougen niht gesehen.
;;;407;9;;des willen si beidiu wâren bereit.
;;;407;10;;seht, nû nâhet in herzeleit.
;;;407;11;;Dô gienc zer tür în aldâ
;;;407;12;;ein rîter blanc - wan der was grâ -
;;;407;13;;in wâfene hiez. er nande
;;;407;14;;Gawanen, dô ern erkande.
;;;407;15;;dâ bî er dicke lûte schrei:
;;;407;16;;"owî unde âheiâ hei
;;;407;17;;mînes hêrren, den ir sluoget!
;;;407;18;;daz iuch des niht begenuoget,
;;;407;19;;ir nôtzoget ouch sîne tohter hie!"
;;;407;20;;dem wâfene hiez man volgen ie.
;;;407;21;;der selbe site aldâ geschach.
;;;407;22;;Gawan zer juncvrouwen sprach:
;;;407;23;;"vrouwe, nû gebt iuwern rât.
;;;407;24;;unser dewederz niht vil wer hie hât."
;;;407;25;;er sprach: "wan het ich doch mîn swert!"
;;;407;26;;Dô sprach diu juncvrouwe wert:
;;;407;27;;"wir suln ze wer uns ziehen,
;;;407;28;;ûf einen turn dort vliehen,
;;;407;29;;der bî mîner kemenâten stêt.
;;;407;30;;gnædeclîche ez lîhte ergêt."
;;;408;1;;Hie der rîter, dort der koufman,
;;;408;2;;diu juncvrouwe erhôrte sân
;;;408;3;;den povel komen ûz der stat.
;;;408;4;;mit Gawane si gegen dem turne trat.
;;;408;5;;ir vriunt muose kumber lîden.
;;;408;6;;si bat siz dicke mîden.
;;;408;7;;ir krademen unde ir dôz was sô,
;;;408;8;;daz sir deheiner marhte dô.
;;;408;9;;durch si si drungen gegen der tür.
;;;408;10;;Gawan stuont ze wer dâr vür.
;;;408;11;;ir îngân er bewarte.
;;;408;12;;einen rigel, der den turn besparte,
;;;408;13;;den zuhter ûz der mûre.
;;;408;14;;si, argen nâchgebûre,
;;;408;15;;entwichen im dicke mit ir schar.
;;;408;16;;Diu künegîn lief her unde dar,
;;;408;17;;ob ûf dem turne iht wære ze wer
;;;408;18;;gegen dem ungetriuwen her.
;;;408;19;;Dô vant diu maget reine
;;;408;20;;ein schâchzabel gesteine
;;;408;21;;unde ein bret wol erleget, wît.
;;;408;22;;daz brâhte si Gawane an den strît.
;;;408;23;;an einem îserînen ringe ez hienc,
;;;408;24;;dâ mit ez Gawan enpfienc.
;;;408;25;;ûf disem viereckehtem schilt
;;;408;26;;was schâchzabels vil gespilt.
;;;408;27;;der wart im sêre verhouwen.
;;;408;28;;Nû hœret ouch von der vrouwen.
;;;408;29;;ez wære künec oder roch,
;;;408;30;;daz warf si gegen den vîenden doch.
;;;409;1;;ez was grôz unde swære.
;;;409;2;;man saget von ir diu mære:
;;;409;3;;swen dâ erreichete ir wurfes swanc,
;;;409;4;;der strûhte âne sînen danc.
;;;409;5;;Diu küneginne rîche
;;;409;6;;streit dâ rîterlîche.
;;;409;7;;bî Gawane si werlîche schein,
;;;409;8;;daz diu kampfwîp ze Tolenstein
;;;409;9;;an der vastnaht nie baz gestriten,
;;;409;10;;wan si tuont ez mit gampelsiten
;;;409;11;;unde müent âne nôt ir lîp.
;;;409;12;;swâ râmec harnasch wirt ein wîp,
;;;409;13;;diu hât ir rehtes vergezzen,
;;;409;14;;sol man ir kiusche mezzen,
;;;409;15;;si entuoz danne durch ir triuwe.
;;;409;16;;Antickonien riuwe
;;;409;17;;wart ze Tschampfenzun erzeiget
;;;409;18;;unde ir hôher muot geneiget.
;;;409;19;;in strîte si sêre weinde.
;;;409;20;;wol si daz bescheinde,
;;;409;21;;daz vriunt liebe ist stæte.
;;;409;22;;Waz Gawan dô tæte?
;;;409;23;;swenne im diu muoze geschach,
;;;409;24;;daz er die maget rehte ersach,
;;;409;25;;ir munt, ir ougen unde ir nase,
;;;409;26;;baz geschicket an spizze hase,
;;;409;27;;ich wæne, den gesâhet ir nie,
;;;409;28;;danne si was dort unde hie
;;;409;29;;zwischen der huf unde der brust.
;;;409;30;;minne gernde gelust
;;;410;1;;kunde ir lîp wol gereizen.
;;;410;2;;irn gesâhet nie âmeizen,
;;;410;3;;diu bezzers gelenkes pflac,
;;;410;4;;danne si was, dâ der gürtel lac:
;;;410;5;;daz gap ir gesellen
;;;410;6;;Gawane manlîch ellen.
;;;410;7;;si tûrte mit im in der nôt.
;;;410;8;;sîn benantez gîsel was der tôt
;;;410;9;;unde anders dehein gedinge.
;;;410;10;;Gawan wac vil ringe
;;;410;11;;vîende haz, swenner die maget erkôs.
;;;410;12;;dâ von ir vil den lîp verlôs.
;;;410;13;;Dô kom der künec Vergulaht.
;;;410;14;;der sach die strîteclîche maht
;;;410;15;;gegen Gawane kriegen.
;;;410;16;;ine woltiuch danne triegen,
;;;410;17;;sône mag ich in niht beschœnen,
;;;410;18;;ern welle sich selben hœnen
;;;410;19;;an sînem werden gaste.
;;;410;20;;der stuont ze wer alvaste.
;;;410;21;;dâ tet der wirt selbe schîn,
;;;410;22;;daz mich riuwet Gandin,
;;;410;23;;der künec von Anschouwe,
;;;410;24;;daz ein sô werdiu vrouwe,
;;;410;25;;sîn tohter, ie den sun gebar,
;;;410;26;;der mit ungetriuwer schar
;;;410;27;;sîn volc bat sêre strîten.
;;;410;28;;Gawan muose bîten,
;;;410;29;;unze daz der künec gewâpent wart.
;;;410;30;;er huop sich selbe an strîtes vart.
;;;411;1;;Gawan dô muose entwîchen,
;;;411;2;;doch unlasterlîchen.
;;;411;3;;unders turnes tür er wart getân.
;;;411;4;;Nû seht, dô kom der selbe man,
;;;411;5;;der in kampflîche an ê sprach.
;;;411;6;;vor Artuse daz geschach.
;;;411;7;;der lantgrâve Kyngrimursel
;;;411;8;;gram durch swarten unde durch vel,
;;;411;10;;wan dâ wære sîn triuwe pfant
;;;411;9;;durch Gawans nôt sîn hende er want,
;;;411;11;;daz er dâ solte haben vride,
;;;411;12;;ez enwære, dâ eines mannes lide
;;;411;13;;in an kampfe twungen.
;;;411;14;;die alten unde die jungen,
;;;411;15;;die treib er von dem turne wider.
;;;411;16;;den hiez der künec brechen nider.
;;;411;17;;Kyngrimursel dô sprach
;;;411;18;;hin ûf, dâ er Gawanen sach:
;;;411;19;;"helt, gip mir vride hin ûf dar în.
;;;411;20;;ich wil geselleclîchen pîn
;;;411;21;;mit dir hân in dirre nôt.
;;;411;22;;mich muoz der künec slahen tôt
;;;411;23;;oder ich behalte dir dîn leben."
;;;411;24;;Gawan den vride begunde geben.
;;;411;25;;Der lantgrâve sprang zime dar.
;;;411;26;;des zwîvelte diu ûzer schar.
;;;411;27;;er was ouch burcgrâve aldâ.
;;;411;28;;si wæren junc oder grâ,
;;;411;29;;diu blûgeten an ir strîte.
;;;411;30;;Gawan spranc an die wîte,
;;;412;1;;als tet ouch Kyngrimursel.
;;;412;2;;gegen ellen si beide wâren snel.
;;;412;3;;Der künec mante die sîne:
;;;412;4;;"wie lange suln wir pîne
;;;412;5;;von disen zwein mannen pflegen?
;;;412;6;;mînes vetern sun hât sich bewegen,
;;;412;7;;er wil ernern disen man,
;;;412;8;;der mir den schaden hât getân,
;;;412;9;;den er billîcher ræche,
;;;412;10;;ob im ellen niht gebræche."
;;;412;11;;genuoge, den sir triuwe jach,
;;;412;12;;kurn einen, der zem künege sprach:
;;;412;13;;"Hêrre, muozen wirz iu sagen,
;;;412;14;;der lantgrâve ist unerslagen
;;;412;15;;hie von maneger hende.
;;;412;16;;got iuch an site wende,
;;;412;17;;die man iu vervâhe baz.
;;;412;18;;werltlîch prîs iu sînen haz
;;;412;19;;teilt, slaht ir iuwern gast.
;;;412;20;;ir ladet ûf iuch der schanden last.
;;;412;21;;sôst der ander iuwer mâc,
;;;412;22;;in des geleite ir disen bâc
;;;412;23;;habet. den sult ir lâzen.
;;;412;24;;ir sît dâr von verwâzen.
;;;412;25;;nû gebet uns einen vride her,
;;;412;26;;die wîle daz dirre tac wer.
;;;412;27;;Der vride sî ouch dise naht.
;;;412;28;;wes ir iuch drumbe habt bedâht,
;;;412;29;;daz stêt dannoch an iuwerre hant,
;;;412;30;;ir sît geprîset oder geschant.
;;;413;1;;mîn vrouwe Antickonie,
;;;413;2;;vor valsche diu vrîe,
;;;413;3;;dort alweinde bî im stât.
;;;413;4;;ob iu daz niht ze herzen gât,
;;;413;5;;sît iu beide ein muoter truoc,
;;;413;6;;sô gedenket, hêrre, ob ir sît kluoc,
;;;413;7;;ir santet in der megede her.
;;;413;8;;wære nieman sînes geleites wer,
;;;413;9;;er solte doch durch si genesen."
;;;413;10;;Der künec liez einen vride wesen,
;;;413;11;;unz er sich baz bespræche,
;;;413;12;;wier sînen vater geræche.
;;;413;13;;Unschuldic was hêr Gawan.
;;;413;14;;ez hete ein ander hant getân,
;;;413;15;;wand der stolze Ehcunat
;;;413;16;;ein lanze durch in lêrte pfat,
;;;413;17;;dô er Joffriden fis Idol
;;;413;18;;vuorte gegen Barbigol,
;;;413;19;;den er bî Gawane vienc.
;;;413;20;;durch dise nôt er gienc.
;;;413;21;;Dô der vride wart getân,
;;;413;22;;daz volc huop sich von strîte sân,
;;;413;23;;maneglîch zen herbergen sîn.
;;;413;24;;Antickonie, diu künegîn,
;;;413;25;;ir vetern sun vaste umbevienc.
;;;413;26;;manec kus an sînen munt ergienc,
;;;413;27;;daz er Gawanen hete ernert
;;;413;28;;und sich selben untât erwert.
;;;413;29;;si sprach: "dû bist mînes vetern suon.
;;;413;30;;dûne kundest durch nieman missetuon."
;;;414;1;;Welt ir nû hœren, ich tuon iu kunt,
;;;414;2;;wâ von ê sprach mîn munt,
;;;414;3;;daz lûter gemüete trüebe wart.
;;;414;4;;geunêrt sî des strîtes vart,
;;;414;5;;die ze Tschampfenzun tet Vergulaht,
;;;414;6;;wandez was im niht geslaht
;;;414;7;;von vater noch von muoter.
;;;414;8;;der junge man vil guoter
;;;414;9;;von schame leit vil grôzen pîn.
;;;414;10;;sîn swester, diu künegîn,
;;;414;11;;in begunde vêhen.
;;;414;12;;man hôrtin sêre vlêhen.
;;;414;13;;Dô sprach diu juncvrouwe wert:
;;;414;14;;"hêr Vergulaht, trüegich swert
;;;414;15;;unde wære von gotes gebote ein man,
;;;414;16;;daz ich schiltes ambet solte hân,
;;;414;17;;iuwer strîten wære hie gar verdaget.
;;;414;18;;dô was ich âne wer ein maget,
;;;414;19;;wan daz ich truoc doch einen schilt,
;;;414;20;;ûf den ist werdecheit gezilt.
;;;414;21;;des wâpen sol ich nennen,
;;;414;22;;ob ir ruochet diu erkennen:
;;;414;23;;guot gebærde unde kiusche site,
;;;414;24;;den zwein volget vil stæte mite.
;;;414;25;;den bôt ich vür den rîter mîn,
;;;414;26;;den ir mir santet dâ her în.
;;;414;27;;anders schirmes hân ich niht.
;;;414;28;;swâ man iuch nû bî wandel siht,
;;;414;29;;ir hânt doch an mir missetân,
;;;414;30;;ob wîplîch prîs ir reht sol hân.
;;;415;1;;ich hôrte ie sagen, swâz sich sô gezôch,
;;;415;2;;daz man gegen wîbes schirme vlôch,
;;;415;3;;dâ solte ellenthaftez jagen
;;;415;4;;an sînem strîte gar verzagen,
;;;415;5;;ob dâ wære manlîche zuht.
;;;415;6;;hêr Vergulaht, iuwers gastes vluht,
;;;415;7;;die er gegen mir tet vür den tôt,
;;;415;8;;lêret iuwern prîs noch lasters nôt."
;;;415;9;;Kyngrimursel dô sprach:
;;;415;10;;"hêrre, ûf iuwern trôst geschach,
;;;415;11;;daz ich hêrn Gawan
;;;415;12;;ûf des Plymizols plân
;;;415;13;;gap vride her in iuwer lant.
;;;415;14;;iuwer sicherheit was pfant,
;;;415;15;;ob in sîn ellen trüege her,
;;;415;16;;daz des vür iu würde wer,
;;;415;17;;in bestüende hie nieman wan ein man.
;;;415;18;;hêrre, dâ bin ich bekrenket an.
;;;415;19;;hie sehen mîne genôze zuo.
;;;415;20;;daz laster ist uns gar ze vruo.
;;;415;21;;kunnet ir niht vürsten schônen,
;;;415;22;;wir krenken ouch die krônen.
;;;415;23;;sol man iu bî zühten sehen,
;;;415;24;;sô muoz iuwer zuht des jehen,
;;;415;25;;daz sippe reichet ab iu an mich.
;;;415;26;;wære daz ein kebeslîcher slich
;;;415;27;;mînhalp, swâ diu wirt gezilt,
;;;415;28;;ir het iu gâhens gein mir bevilt.
;;;415;29;;wan ich bin ein rîter doch,
;;;415;30;;an dem nie valsch wart vunden noch.
;;;416;1;;ouch sol mîn prîs erwerben,
;;;416;2;;daz ichs âne müeze ersterben.
;;;416;3;;des ich wol getriuwe gote.
;;;416;4;;des sî mîn sælde gegen im ein bote.
;;;416;5;;ouch swâ diz mære wirt vernomen,
;;;416;6;;Artuses swestersun sî komen
;;;416;7;;in mînem geleite ûf Tschampfenzun,
;;;416;8;;Franzois oder Britun,
;;;416;9;;Provenzal oder Burgenoys,
;;;416;10;;Galyciane oder die von Puntertoys,
;;;416;11;;erhœrent die Gawanes nôt,
;;;416;12;;hân ich prîs, derst danne tôt.
;;;416;13;;mir vrümt sîn angestlîcher strît
;;;416;14;;vil engez lop, mîn laster wît.
;;;416;15;;daz sol mir vröude swenden
;;;416;16;;und mich ûf êren pfenden."
;;;416;17;;Dô disiu rede was getân,
;;;416;18;;dô stuont einer des küneges man,
;;;416;19;;der was geheizen Lyddamus.
;;;416;20;;Kyot in selbe nennet sus.
;;;416;21;;Kyot latschanture er hiez,
;;;416;22;;den sîn kunst des niht erliez,
;;;416;23;;ern sunge und spræche sô,
;;;416;24;;des noch genuoge werdent vrô.
;;;416;25;;Kyot ist ein Provenzal,
;;;416;26;;der dise âventiure von Parcifal
;;;416;27;;in heidenschaft geschriben sach.
;;;416;28;;swaz er in franzoys der von gesprach,
;;;416;29;;bin ich niht der witze laz,
;;;416;30;;daz sag ich iu in tiuschen vürbaz.
;;;417;1;;Dô sprach der vürste Lyddamus:
;;;417;2;;"waz wolte der in mînes hêrren hûs,
;;;417;3;;der im sînen vater sluoc
;;;417;4;;unde im daz laster sô nâhe truoc?
;;;417;5;;ist mînem hêrren wer bekant,
;;;417;6;;daz richet alhie sîn hant.
;;;417;7;;sô gelte ein tôt den andern tôt.
;;;417;8;;ich wæne, glîch sî diu nôt."
;;;417;9;;Nû seht ir, wie Gawan dô stuont.
;;;417;10;;alrêst was im grôz angest kunt.
;;;417;11;;Dô sprach Kyngrimursel:
;;;417;12;;"swer mit der rede wære sô snel,
;;;417;13;;der solt ouch gâhen in den strît.
;;;417;14;;ir habt gedrenge oder wît,
;;;417;15;;man mac sich iuwer lîhte erwern.
;;;417;16;;hêr Lyddamus, vil wol ernern,
;;;417;17;;ich getriuwe disem man.
;;;417;18;;swaz iu der hât getân,
;;;417;19;;ir liezetz ungerochen.
;;;417;20;;ir habt iuch gar versprochen.
;;;417;21;;man sol iu wol gelouben,
;;;417;22;;daz iuch niemannes ougen
;;;417;23;;gesâhen, dâ man streit.
;;;417;24;;iu was ie strîten wol sô leit,
;;;417;25;;daz ir der vluht begundet.
;;;417;26;;dannoch ir mêr kundet:
;;;417;27;;swâ ie gegen strîte dranc,
;;;417;28;;dâ tâtet ir wîbes widerwanc.
;;;417;29;;swelch künec sich lât an iuwern rât,
;;;417;30;;vil twerhes im diu krône stât.
;;;418;1;;dâ wære von mînen handen
;;;418;2;;in kreize bestanden
;;;418;3;;Gawan, der ellenthafte degen.
;;;418;4;;des hetich mich gegen im bewegen,
;;;418;5;;daz der kampf wære alhie getân,
;;;418;6;;woltes mîn hêre gestatet hân.
;;;418;7;;der treit mit sünden mînen haz.
;;;418;8;;ich getriuwe anderre dinge baz.
;;;418;9;;hêr Gawan, lobet mir her vür wâr,
;;;418;10;;daz ir von hiute über ein jâr
;;;418;11;;mir ze gegenrede stêt
;;;418;12;;in kampfe, ob ez sô hie ergêt,
;;;418;13;;daz iu mîn hêrre lât daz leben.
;;;418;14;;dâ wirt iu kampf von mir gegeben.
;;;418;15;;ich sprach iu an zem Plymizol.
;;;418;16;;nû sî der kampf ze Barbigol
;;;418;17;;vor dem künege Melyanze.
;;;418;18;;der sorgen zeinem kranze
;;;418;19;;tragich unz ûf daz tegedinc,
;;;418;20;;daz ich gegen iu kum in den rinc.
;;;418;21;;dâ sol mir sorge tuon bekant
;;;418;22;;iuwer manlîche hant."
;;;418;23;;Gawan, der ellens rîche,
;;;418;24;;bôt gezogenlîche
;;;418;25;;nâch dirre bete sicherheit.
;;;418;26;;Dô was mit rede alhie bereit
;;;418;27;;der herzoge Lyddamus
;;;418;28;;begunde sîner rede alsus
;;;418;29;;mit spæhelîchen worten,
;;;418;30;;aldâ siz alle hôrten.
;;;419;1;;er sprach, wand im was sprechens zît:
;;;419;2;;"swâ ich kume in den strît,
;;;419;3;;hân ich dâ vehtens pflihte
;;;419;4;;oder vluht mit ungeschihte,
;;;419;5;;bin ich verzagenlîche ein zage
;;;419;6;;oder ob ich prîs aldâ bejage,
;;;419;8;;als irz künnet geprüeven an mir,
;;;419;7;;hêr lantgrâve, des danket ir.
;;;419;9;;enpfâhich niemer iuwern solt,
;;;419;10;;ich bin iedoch mir selber holt."
;;;419;11;;sus sprach der vürste Lyddamus:
;;;419;12;;"welt ir sîn hêr Turnus
;;;419;13;;unde lât mich sîn Tranzes
;;;419;14;;unde strâfet mich, ob ir wizzet wes,
;;;419;15;;unde hebet iuch niht ze grôze.
;;;419;16;;ob ir der vürsten, mîn genôze,
;;;419;17;;der edelste unde der hœhste birt,
;;;419;18;;ich bin doch landes hêrre unde landes wirt.
;;;419;19;;ich hân in Galycia
;;;419;20;;beidiu her unde dâ
;;;419;21;;manege burc unz an den Vedrun.
;;;419;22;;swaz ir unde ieslîch Britun
;;;419;23;;mir dâ ze schande muget getuon,
;;;419;24;;in gevlœhe niemer vor iu huon.
;;;419;25;;her ist von Britanie komen,
;;;419;26;;gegen dem ir kampf habt genomen.
;;;419;27;;nû, hêrren unde mâc,
;;;419;28;;mich sol vermîden iuwer bâc.
;;;419;29;;iuwerm vetern - ir wâret sîn man -,
;;;419;30;;swer dem sîn leben an gewan,
;;;420;1;;dâ rechetz. ine tet im niht.
;;;420;2;;ich wæne, mirs ouch niemen giht.
;;;420;3;;iuwern vetern sol ich wol verklagen.
;;;420;4;;sîn sun die krône nâch im solte tragen.
;;;420;5;;der ist mir ze hêrren hôch genuoc.
;;;420;6;;diu künegîn Flordamurs in truoc.
;;;420;7;;sîn vater was Kyngrisin
;;;420;8;;und sîn ane der künec Gandin.
;;;420;9;;ich wil iu baz bescheiden des:
;;;420;10;;Gahmuret und Galoes
;;;420;11;;sîne ôheime wâren.
;;;420;12;;ich enwolte sîn gerne vâren,
;;;420;13;;ich mohte mit êren von sîner hant
;;;420;14;;mit vanen enpfâhen mîn lant.
;;;420;15;;swer vehten welle, der tuo daz.
;;;420;16;;bin ich gegen dem strîte laz,
;;;420;17;;ich vreische doch die mære wol.
;;;420;18;;swer prîs in strîte hol,
;;;420;19;;des danken im diu stolzen wîp.
;;;420;20;;ichn wil durch niemen mînen lîp
;;;420;21;;verleiten in ze scharpfen pîn.
;;;420;22;;waz Wolfhartes solt ich sîn?
;;;420;23;;mirst in den strît der wec vergrabet,
;;;420;24;;gegen vehtene dir verhabt.
;;;420;25;;wurdet ir mir niemer holt,
;;;420;26;;ich tæte ê als Rumolt,
;;;420;27;;der dem künege Gunter riet,
;;;420;28;;dô er von Wurmeze gegen den Hûnen schiet:
;;;420;29;;er bat in lange sniten bæn
;;;420;30;;und in sînem kezzel umbe dræn."
;;;421;1;;Der lantgrâve ellens rîche
;;;421;2;;sprach: "ir redet dem glîche,
;;;421;3;;als maneger weiz an iu vür wâr
;;;421;4;;iuwere zît, iuwer jâr.
;;;421;5;;ir râtet mir, als ich wolte doch,
;;;421;6;;ir sprechet, ir tætet alsein koch
;;;421;7;;den küenen Nybelungen,
;;;421;8;;die sich unbetwungen
;;;421;9;;ûz huoben, dâ man an in rach,
;;;421;10;;daz Sifride dâ vor geschach.
;;;421;11;;mich muoz hêr Gawan slahen tôt
;;;421;12;;oder ich gelêre in râche nôt."
;;;421;13;;"Des volgich im", sprach Lyddamus,
;;;421;14;;"wan swaz sîn œheim Artus
;;;421;15;;hât unde die von India,
;;;421;16;;der mirz hie gæbe, als siz hânt dâ,
;;;421;18;;ich liezez, ê dannich væhte,
;;;421;17;;der mirz ledeclîchen bræhte.
;;;421;19;;nû behabt prîs, des man iu giht.
;;;421;20;;Segremors enbin ich niht,
;;;421;21;;den man durch vehten binden muoz.
;;;421;22;;ich erwürbe sus wol künege gruoz.
;;;421;23;;Sibeche nie swert erzôch,
;;;421;24;;er was ie bî den, dâ man vlôch.
;;;421;25;;doch muose man im vlêhen.
;;;421;26;;grôz gebe unde starkiu lêhen
;;;421;27;;enpfienc er mit Ermeneriche genuoc.
;;;421;28;;nie swert er doch durch helm gesluoc.
;;;421;29;;Mir wirt verschert niemer vel
;;;421;30;;durch iuch, hêr Kyngrimursel.
;;;422;1;;des hân ich mich gegen iu bedâht."
;;;422;2;;Dô sprach der künec Vergulaht:
;;;422;3;;"swîget iuwerre wehselmære!
;;;422;4;;ez ist mir von iu beiden swære,
;;;422;5;;daz ir der mære sît sô vrî.
;;;422;6;;ich bin iu alze nâhe bî
;;;422;7;;ze sus getânem rehte.
;;;422;8;;ezn stêt mir noch iu niht rehte."
;;;422;9;;Diz was ûf dem palas,
;;;422;10;;al dar sîn swester komen was.
;;;422;11;;bî ir stuont hêr Gawan
;;;422;12;;unde ander manec wert man.
;;;422;13;;Der künec sprach zer swester sîn:
;;;422;14;;"nû nim den gesellen dîn
;;;422;15;;unde den lantgrâven ze dir.
;;;422;16;;die mir guotes gunnen, die gân mit mir
;;;422;17;;unde râten mirz wægeste, waz ich tuo."
;;;422;18;;Si sprach: "dâ lege dîne sinne zuo."
;;;422;19;;Nû gie der künec an sînen rât.
;;;422;20;;diu künegîn genomen hât
;;;422;21;;ir vetern sun unde ir gast.
;;;422;22;;daz drite was der sorgen last.
;;;422;23;;âne alle missewende
;;;422;24;;nam si Gawanen mit ir hende
;;;422;25;;unde vuortin, dâ si wolte wesen.
;;;422;26;;si sprach hin zim: "wæret ir niht genesen,
;;;422;27;;des heten schande alliu lant."
;;;422;28;;An der küneginne hant
;;;422;29;;gie des werden Lotes suon.
;;;422;30;;er mohtez ouch dô vil gerne tuon.
;;;423;1;;In die kemenâten sân
;;;423;2;;gie diu künegîn unde die zwêne man.
;;;423;3;;vor den andern bleip si lære
;;;423;4;;- des pflâgen kamerære -,
;;;423;5;;wan clâriu juncvröuwelîn,
;;;423;6;;der muose vil dort inne sîn.
;;;423;7;;Diu künegîn mit zühten pflac
;;;423;8;;Gawans, der ir ze herzen lac.
;;;423;9;;dâ was der lantgrâve mite.
;;;423;10;;den schiet si niender von dem site.
;;;423;11;;doch sorgete vil diu selbe maget
;;;423;12;;umbe Gawans lîp, wart mir gesaget.
;;;423;13;;Sus wâren die zwêne dâ inne
;;;423;14;;bî der küneginne,
;;;423;15;;unz daz der tac lie sînen strît.
;;;423;16;;diu naht kom, dô was ezzens zît.
;;;423;17;;Môraz, wîn, lûtertranc
;;;423;18;;brâhten juncvrouwen, enmitten kranc,
;;;423;19;;unde ander guote spîse:
;;;423;20;;fasân, pardrîse,
;;;423;21;;guote vische unde blankiu wastel.
;;;423;22;;Gawan unde Kyngrimursel
;;;423;23;;wâren komen ûz grôzer nôt.
;;;423;24;;sît ez diu künegîn gebôt,
;;;423;25;;si âzen, als si solten,
;;;423;26;;unde andere, dies iht wolten.
;;;423;27;;Antickonie in selbe sneit.
;;;423;28;;daz was durch ir zuht in beiden leit.
;;;423;29;;Swaz man dâ kniender schenkel sach,
;;;423;30;;ir deheinem kein hosennestel brach.
;;;424;1;;ez wâren megede als von der zît,
;;;424;2;;den man diu besten jâr dâ gît.
;;;424;3;;ich bin des unerværet,
;;;424;4;;heten si geschæret
;;;424;5;;als ein valke sîn gevidere.
;;;424;6;;dâ redich niht widere.
;;;424;7;;Nû hœret, ê sich der rât geschiet,
;;;424;8;;waz man des landes künege riet.
;;;424;9;;die wîsen heter zim genomen.
;;;424;10;;an sînen rât die wâren komen.
;;;424;11;;etslîcher sînen willen sprach,
;;;424;12;;alsim sîn bester sin verjach.
;;;424;13;;dô mâzen siz an manege stat.
;;;424;14;;Der künec sîn rede ouch hœren bat.
;;;424;15;;er sprach: "ez wart mit mir gestriten.
;;;424;16;;ich kom durch âventiure geriten
;;;424;17;;in dez vôreht Lehtambris.
;;;424;18;;ein rîter alze hôhen prîs
;;;424;19;;in dirre wochen an mir sach,
;;;424;20;;wander mich vlügelingen stach
;;;424;21;;hinderz ors sunder twâl.
;;;424;22;;er twanc mich des, daz ich den Grâl
;;;424;23;;gelobete im zerwerben.
;;;424;24;;soltich nû drumbe ersterben,
;;;424;25;;sô muoz ich leisten sicherheit,
;;;424;26;;die sîn hant an mir erstreit.
;;;424;27;;dâ râtet umbe, des ist nôt.
;;;424;28;;mîn bester schilt was vür den tôt,
;;;424;29;;daz ich drumbe bôt mîne hant,
;;;424;30;;als iu mit rede ist bekant.
;;;425;1;;Er ist manheit unde ellens hêr.
;;;425;2;;der helt gebôt mir dannoch mêr,
;;;425;3;;daz ich âne valsche liste
;;;425;4;;inre jâres vriste,
;;;425;5;;ob ichs Grâles erwürbe niht,
;;;425;6;;daz ich ir kœme, der man giht
;;;425;7;;der krône ze Peilrapere.
;;;425;8;;ir vater hiez Tampuntere.
;;;425;9;;swenne si mîn ouge an sæhe,
;;;425;10;;daz ich sicherheit ir jæhe.
;;;425;11;;er enbôt ir, ob si dæhte an in,
;;;425;12;;daz wære an vröuden sîn gewin,
;;;425;13;;unde er wærez, der si lôste ê
;;;425;14;;von dem künege Clamide."
;;;425;15;;Dô si die rede hôrten sus,
;;;425;16;;dô sprach aber Lyddamus:
;;;425;17;;"mit dirre hêrren urloube ich nû
;;;425;18;;spriche. ouch râten si dar zuo.
;;;425;19;;swes iuch dort twanc der eine man,
;;;425;20;;des sî hie pfant hêr Gawan.
;;;425;21;;der vederslaget ûf iuwerm kloben.
;;;425;22;;bitet  iu vor in allen loben,
;;;425;23;;daz er iu den Grâl gewinne.
;;;425;24;;lât in mit guoter minne
;;;425;25;;von iu hinnen rîten
;;;425;26;;unde nâch dem Grâle strîten.
;;;425;27;;die schame wir alle müesen tragen,
;;;425;28;;würder in iuwerm hûse erslagen.
;;;425;29;;nû vergebt im sîne schulde
;;;425;30;;durch iuwer swester hulde.
;;;426;1;;er hât hie erliten grôze nôt
;;;426;2;;und muoz nû kêren in den tôt.
;;;426;3;;swaz erden umbeslagen hât daz mer,
;;;426;4;;sône gelac nie hûs sô wol ze wer
;;;426;5;;alse Munsalvasche, swâ diu stât.
;;;426;6;;von strîte rûher wec dar gât.
;;;426;7;;bî sînem gemache in niht lât.
;;;426;8;;morgen sage man im den rât."
;;;426;9;;Des volgeten alle die râtgeben.
;;;426;10;;sus behielt Gawan sîn leben.
;;;426;11;;man pflac des heldes unverzaget
;;;426;12;;des nahtes dâ, wart mir gesaget,
;;;426;13;;daz harte guot wart sîn gemach.
;;;426;14;;dô man den driten morgen sach
;;;426;15;;und dô man messe gesanc,
;;;426;16;;ûf den palas wart grôz gedranc
;;;426;17;;von bovele und von werder diet.
;;;426;18;;Der künec tet, als man im riet.
;;;426;19;;er hiez Gawanen bringen.
;;;426;20;;den wolter nihtes twingen,
;;;426;21;;wan alsir selbe habt gehôrt.
;;;426;22;;Nû seht, wâ in brâhte dort
;;;426;23;;Antickonie, diu wolgevar.
;;;426;24;;ir vetern sun kom mit ir dar
;;;426;25;;und andere genuoge des küneges man.
;;;426;26;;diu künegîn vuorte Gawan
;;;426;27;;vür den künec an ir hende.
;;;426;28;;ein schapel was ir gebende.
;;;426;29;;ir munt den bluomen nam den prîs.
;;;426;30;;ûf dem schapel deheine wîs
;;;427;1;;stuont niender einiu alse rôt.
;;;427;2;;swem si güetlîche ir küssen bôt,
;;;427;3;;des muose swenden sich der walt
;;;427;4;;mit maneger tjost ungezalt.
;;;427;5;;mit lobe wir solten grüezen
;;;427;6;;die kiuschen unde die süezen,
;;;427;7;;die reinen Antickonien,
;;;427;8;;vor valscheite die vrîen,
;;;427;9;;wan si lebete in solhen siten,
;;;427;10;;daz niender was underriten
;;;427;11;;ir prîs mit valschen worten.
;;;427;12;;alle, die ir prîs gehôrten,
;;;427;13;;iegeslîch munt ir wunschete dô,
;;;427;14;;daz ir prîs bestüende alsô
;;;427;15;;bewart vor valscher trüebe jehe.
;;;427;16;;Lûter, wiric als eines valken sehe
;;;427;17;;was balsemmæzic stat an ir.
;;;427;18;;daz riet ir werdeclîchiu gir.
;;;427;19;;Diu süeze sældenrîche
;;;427;20;;sprach gezogenlîche:
;;;427;21;;"bruoder, hie bringich den degen,
;;;427;22;;des dû mich selbe hieze pflegen.
;;;427;23;;nû lâ in mîn geniezen.
;;;427;24;;des sol dich niht verdriezen.
;;;427;25;;denke an brüederlîche triuwe
;;;427;26;;unde tuo daz âne riuwe.
;;;427;27;;dir stât manlîchiu triuwe baz,
;;;427;28;;denne daz dû dultes der werden haz
;;;427;29;;unde mînen, kündich hazzen.
;;;427;30;;den lêre mich gegen dir mâzen."
;;;428;1;;Dô sprach der werde, süeze man:
;;;428;2;;"daz tuon ich, swester, ob ich kan.
;;;428;3;;dar zuo gip selbe dînen rât.
;;;428;4;;dich dunket, daz mir missetât
;;;428;5;;werdecheit habe underswungen,
;;;428;6;;von prîse mich gedrungen.
;;;428;7;;waz töhtich danne ze bruoder dir?
;;;428;8;;wan dienten alle krônen mir,
;;;428;9;;den stüendich abe durch dîn gebot.
;;;428;10;;dîn hazzen wære mîn hœhstiu nôt.
;;;428;11;;mirst unmære vröude unde êre
;;;428;12;;niht wan nâch dîner lêre.
;;;428;13;;Hêr Gawan, ich wil iuch des biten:
;;;428;14;;ir kômet durch prîs dâ her geriten.
;;;428;15;;nû tuotz durch prîses hulde,
;;;428;16;;helfet mir, daz mîner schulde
;;;428;17;;mîn swester ûf mich verkiese.
;;;428;18;;ê daz ich si verliese,
;;;428;19;;ich verkiuse ûf iuch mîn herzeleit,
;;;428;20;;welt ir mir geben sicherheit,
;;;428;21;;daz ir mir werbet sunder twâl
;;;428;22;;mit guoten triuwen umbe den Grâl."
;;;428;23;;Dâ wart diu suone geendet
;;;428;24;;unde Gawan gesendet
;;;428;25;;an dem selben mâle
;;;428;26;;durch strîten nâch dem Grâle.
;;;428;27;;Kyngrimursel ouch verkôs
;;;428;28;;ûf den künec, der in dâ verlôs,
;;;428;29;;daz er im sîn geleite brach.
;;;428;30;;vor alden vürsten daz geschach.
;;;429;1;;Dâ ir swert wâren gehangen,
;;;429;2;;diu wâren in undergangen,
;;;429;3;;Gawans knappen, an der stunt,
;;;429;4;;daz ir deheiner was worden wunt.
;;;429;5;;Ein gewaltic man von der stat,
;;;429;6;;der in vrides vor den anderen bat,
;;;429;7;;der vienc si unde legete si in prîsûn.
;;;429;8;;ez wære Franzoys oder Britun,
;;;429;9;;starke knappen unde kleiniu kint,
;;;429;10;;von swelhen landen si komen sint,
;;;429;11;;die brâhte dô ledeclîche
;;;429;12;;Gawan, der ellens rîche.
;;;429;13;;dô in diu kint ersâhen,
;;;429;14;;dâ wart grôz umbevâhen.
;;;429;15;;iegeslîchez weinde an im hienc.
;;;429;16;;daz weinen iedoch vor liebe ergienc.
;;;429;17;;von Curnewale mit im dâ was
;;;429;18;;cons Larz fiz Tynas.
;;;429;19;;ein edel kint wont im ouch bî:
;;;429;20;;duc Gandlus fiz Gurzgri,
;;;429;21;;der durch Schoydelakurt den lîp verlôs,
;;;429;22;;dâ manec vrouwe ir leit erkôs.
;;;429;23;;Lyaze was des kindes base.
;;;429;24;;sîn munt, sîn ougen unde sîn nase
;;;429;25;;was rehte der minnen kerne.
;;;429;26;;aldiu werlt sach in gerne,
;;;429;27;;dar zuo sehs ander kindelîn.
;;;429;28;;dise ahte junchêrren sîn
;;;429;29;;wâren von geburt des bewart,
;;;429;30;;alle von hôher art.
;;;430;1;;si wâren im durch sippe holt
;;;430;2;;unde dienden im ûf sînen solt.
;;;430;3;;werdecheit gap er in ze lône
;;;430;4;;unde pflac ir anders schône.
;;;430;5;;Gawan sprach zen kindelîn:
;;;430;6;;"wol iu, süezen mâge mîn,
;;;430;7;;mich dunket des, ir wolt mich klagen,
;;;430;8;;ob ich wære alhie erslagen."
;;;430;9;;Man moht in klage getriuwen wol;
;;;430;10;;si wâren halt sus jâmers vol.
;;;430;11;;Er sprach: "mir was umbe iuch vil leit.
;;;430;12;;wâ wâret ir, dô man mit mir streit?"
;;;430;13;;Si sagetenz im, ir deheiner louc:
;;;430;14;;"ein mûzersprinzelîn enpflouc
;;;430;15;;uns, dô ir wâret bî der künegîn."
;;;430;16;;"Wol ir süezen mâge mîn!"
;;;430;17;;Die dâ stuonden unde sâzen,
;;;430;18;;die merkens niht vergâzen,
;;;430;19;;die  prüeveten, daz hêr Gawan
;;;430;20;;wære ein harte hövescher man.
;;;430;21;;Urloubes er dô gerte,
;;;430;22;;des in der künec gewerte
;;;430;23;;unde daz volc algemeine,
;;;430;24;;wan der lantgrâve aleine.
;;;430;25;;die zwêne nam diu künegîn
;;;430;26;;unde Gawans junchêrrelîn.
;;;430;27;;si vuorte si, dâ ir pflâgen
;;;430;28;;juncvrouwen âne bâgen.
;;;430;29;;Dô nam ir wol mit zühten war
;;;430;30;;manec juncvrouwe wol gevar.
;;;431;1;;Dô Gawan enbizzen was
;;;431;2;;- ich sagiu, alsez Kyot las -
;;;431;3;;durch herzeclîche triuwe
;;;431;4;;huop sich dô grôze riuwe.
;;;431;5;;er sprach zer küneginne:
;;;431;6;;"vrouwe, hân ich sinne
;;;431;7;;und sol mir got den lîp bewarn,
;;;431;8;;sô muoz ich dienstlîchez varn
;;;431;9;;und rîterlîch gemüete
;;;431;10;;iuwer wîplîchen güete
;;;431;11;;ze dienste iemer kêren.
;;;431;12;;wan diu kam sælde lêren,
;;;431;13;;daz ir habt valsche angesiget.
;;;431;14;;iuwer prîs vür alle prîse wiget.
;;;431;15;;glücke müeziu sælden wern.
;;;431;16;;vrouwe, ich wil urloubes gern.
;;;431;17;;den gebt mir und lât mich varn.
;;;431;18;;iuwer zuht müeze iuwern prîs bewarn."
;;;431;19;;Ir was sîn danscheiden leit.
;;;431;20;;dô weinde durch gesellecheit
;;;431;21;;mit ir manec juncvrouwe clâr.
;;;431;22;;diu künegîn sprach âne allen vâr:
;;;431;23;;"het ir mîn genozzen mêr,
;;;431;24;;mîn vröude gegen sorgen wære hêr.
;;;431;25;;nû moht iuwer vride niht bezzer sîn.
;;;431;26;;daz geloubet aber, swennir lîdet pîn,
;;;431;27;;ob iu vertreget rîterschaft
;;;431;28;;in riuwebære kumbers kraft,
;;;431;29;;sô wizzet, mîn hêr Gawan,
;;;431;30;;des sol mîn herze pflihte hân
;;;432;1;;zuo verlüste oder zuo gewinne."
;;;432;2;;Diu edele küneginne
;;;432;3;;kuste hêrn Gawans munt.
;;;432;4;;der wart an vröuden ungesunt,
;;;432;5;;daz er sô gâhes von ir reit.
;;;432;6;;ich wæne, ez was in beiden leit.
;;;432;7;;sîne knappen heten sich bedâht,
;;;432;8;;daz sîniu ors wâren brâht
;;;432;9;;ûf den hof vür den palas,
;;;432;10;;dâ der linden schate was.
;;;432;11;;Ouch wâren dem lantgrâven komen
;;;432;12;;sîne gesellen, alsich hân vernomen.
;;;432;13;;der reit mit im ûz vür die stat.
;;;432;14;;Gawan in zühteclîche bat,
;;;432;15;;daz er sich arbeite
;;;432;16;;unde im sînen gezoc leite
;;;432;17;;ze Bearosche. "dâ ist Tscherules,
;;;432;18;;den suln si von mir biten des
;;;432;19;;geleites ze Dyanarsun.
;;;432;20;;dâ ist etslîch Britun,
;;;432;21;;der si bringet an den hêrren mîn
;;;432;22;;oder an Gynovern, die künegîn."
;;;432;23;;daz lobetim Kyngrimursel.
;;;432;24;;urloup nam der degen snel.
;;;432;25;;Krynguliet wart gewâpent sân,
;;;432;26;;daz ors, unde mîn hêr Gawan.
;;;432;27;;der kuste sîne mâge, diu kindelîn,
;;;432;28;;unde ouch die werden knappen sîn.
;;;432;29;;nâch dem Grâle im sicherheit gebôt.
;;;432;30;;er reit aleine nâch wunders nôt.
;;;433;1;;"Tuot ûf!" "wem? wer sît ir?"
;;;433;2;;"Ich wil in daz herze hin ze dir."
;;;433;3;;"Sô gert ir ze engem rûme."
;;;433;4;;"waz danne, blîbich kûme?
;;;433;5;;mîn dringen soltû selten klagen.
;;;433;6;;ich wil dir nû von wundere sagen."
;;;433;7;;"Jâ, sît irz, vrou Âventiure?
;;;433;8;;wie vert der gehiure?
;;;433;9;;ich meine den jungen Parcifal,
;;;433;10;;den Kundrie nâch dem Grâl
;;;433;11;;mit unsüezen worten jagete,
;;;433;12;;dâ manec vrouwe klagete,
;;;433;13;;daz niht wendic wart sîn reise.
;;;433;14;;von Artuse dem Brituneise
;;;433;15;;huop er sich dô. wie vert er nû?
;;;433;16;;den selben mæren grîfen zuo,
;;;433;17;;ob er an vröuden sî verzaget.
;;;433;18;;oder hât er hôhen prîs bejaget?
;;;433;19;;oder ob sîn ganziu werdecheit
;;;433;20;;sî beidiu lanc unde breit?
;;;433;21;;oder ist si kurz oder smal?
;;;433;22;;nû prüevet uns die selben zal,
;;;433;23;;waz von sînen handen sî geschehen.
;;;433;24;;hât er Munsalvasche sît gesehen
;;;433;25;;unde den süezen Anfortas,
;;;433;26;;des herze dô vil siuftic was?
;;;433;27;;durch iuwer güete gebt uns trôst,
;;;433;28;;ob der von jâmer sî erlôst.
;;;433;29;;lât hœren liebiu mære,
;;;433;30;;ob Parcifal  dâ wære,
;;;434;1;;beidiu iuwer hêrre unde der mîn.
;;;434;2;;nû erliuhtet mir die vuore sîn.
;;;434;3;;der süezen Herzeloyden barn,
;;;434;4;;wie hât Gahmuretes sun gevarn,
;;;434;5;;sît er von Artuse reit?
;;;434;6;;hât er liep oder leit
;;;434;7;;sît bezalt an strîte?
;;;434;8;;habt er sich an die wîte
;;;434;9;;oder hât er sich sider verlegen?
;;;434;10;;saget mir sîn site unde alsîn pflegen."
;;;434;11;;Nû tuot uns diu âventiure bekant,
;;;434;12;;er habe durchstrichen manec lant
;;;434;13;;ûf orsen unde in den schiffen ûf dem wâc.
;;;434;14;;ez wære lantman oder mâc,
;;;434;15;;der tjoste poynder gegen im maz,
;;;434;16;;daz der deheiner vor im gesaz.
;;;434;17;;Sus kan sîn wâge seigen,
;;;434;18;;sîn selbes prîs ûf steigen
;;;434;19;;unde die andern lêren sîgen.
;;;434;20;;in manegen herten wîgen
;;;434;21;;hât er sich schumpfentiure erwert,
;;;434;22;;den lîp gegen prîse alsô verzert,
;;;434;23;;swer prîs zim wolte borgen,
;;;434;24;;der muos ez tuon mit sorgen.
;;;434;25;;Sîn swert, daz im Anfortas
;;;434;26;;gap, dô er bî dem Grâle was,
;;;434;27;;brast, sît dô er bestanden wart.
;;;434;28;;dô macht ez ganz des brunnen art
;;;434;29;;bî Garnant, der dâ heizet Lac.
;;;434;30;;daz swert half im prîses bejac.
;;;435;1;;Swerz niht geloubet, der sündet.
;;;435;2;;diu âventiure uns kündet,
;;;435;3;;daz Parcifal, der degen balt,
;;;435;4;;kom geriten ûf einen walt,
;;;435;5;;in weiz ze welhen stunden.
;;;435;6;;aldâ sîniu ougen vunden
;;;435;7;;eine klôse niuwes bûwes stân,
;;;435;8;;dâ durch einen snellen brunnen gân.
;;;435;9;;einhalp si drüber was geworht.
;;;435;10;;der junge degen unervorht
;;;435;11;;reit durch âventiure ze suochen.
;;;435;12;;sîn wolte got dâ ruochen.
;;;435;13;;er vant eine klôsenærinne,
;;;435;14;;diu durch die gotes minne
;;;435;15;;ir magetuom und ir vröude gap.
;;;435;16;;wîplîcher sorgen urhap
;;;435;17;;ûz ir herzen bluote alniuwe
;;;435;18;;und doch durch alte triuwe.
;;;435;19;;Schinohtudelander
;;;435;20;;und Sygunen vand er.
;;;435;21;;der helt lac drinne begraben tôt.
;;;435;22;;ir lîp leit ûf dem sarke nôt.
;;;435;23;;Sygune de Sesse
;;;435;24;;hôrte selten messe.
;;;435;25;;ir leben was ein venje gar.
;;;435;26;;ir dicker munt heiz, rôt gevar
;;;435;27;;was dô erblichen unde bleich,
;;;435;28;;sît werltlîch vröude an ir gesweich.
;;;435;29;;ez erleit nie maget sô hôhen pîn,
;;;435;30;;durch daz si müese aleine sîn.
;;;436;1;;Durch minne, diu an im erstarp,
;;;436;2;;daz si der vürste niht erwarp,
;;;436;3;;si minnete sînen tôten lîp.
;;;436;4;;ob si worden wære sîn wîp,
;;;436;5;;daz sich vrou Lunete
;;;436;6;;versûmete an sô hôher bete,
;;;436;7;;als si riet ir vrouwen.
;;;436;8;;man mac noch dicke schouwen
;;;436;9;;vroun Luneten rîten zuo
;;;436;10;;etslîchem râte gar ze vruo.
;;;436;11;;Swelch wîp nû durch geselleschaft
;;;436;12;;verbirt und durch zühte kraft
;;;436;13;;pflihte an vremde minne,
;;;436;14;;als ich mich versinne.
;;;436;15;;lât siz bî ir mannes leben,
;;;436;16;;dem wart an ir der wunsch gegeben.
;;;436;17;;dehein beiten stât ir alse wol.
;;;436;18;;daz beziugich, als ich sol.
;;;436;19;;dâ nâch tuo, alse siz lêre.
;;;436;20;;behaltet si dannoch ir êre,
;;;436;21;;sine treit deheinen sô liehten kranz,
;;;436;22;;gêt si durch vröuden an den tanz.
;;;436;23;;wes mizzich vröude gegen der nôt,
;;;436;24;;alse Sygune ir triuwe gebôt?
;;;436;25;;daz möht ich gerne lâzen.
;;;436;26;;über ronen, âne strâzen
;;;436;27;;Parcifal vür daz venster reit
;;;436;28;;alze nâhen, daz was im leit.
;;;436;29;;dô wolt er vrâgen umbe den walt,
;;;436;30;;oder war sîn reise wære bezalt.
;;;437;1;;Er gerte der gegenrede aldâ:
;;;437;2;;"Ist ieman dinne?" si sprach: "jâ."
;;;437;3;;dô er erhôrte, daz ez vrouwen stimme was,
;;;437;4;;her dan ûf ungetretet gras
;;;437;5;;warf er daz ors vil drâte.
;;;437;6;;ez dûhtin alze spâte.
;;;437;7;;daz er niht erbeizet ê,
;;;437;8;;diu selbe schame tet im wê.
;;;437;9;;er bant daz ors vil vaste
;;;437;10;;zuo eines gevallen ronen aste.
;;;437;11;;sînen dürkeln schilt hienc er ouch dran.
;;;437;12;;dô der kiusche, vrevel man
;;;437;13;;sîn swert von im gebant,
;;;437;14;;er gie vür daz venster zuo der want.
;;;437;15;;dô wolter vrâgen mære.
;;;437;16;;diu klôse was vröuden lære,
;;;437;17;;dar zuo alles schimpfes blôz.
;;;437;18;;er vant dâ niht wan jâmer grôz.
;;;437;19;;er gertir an daz venster dar.
;;;437;20;;Diu juncvrouwe bleich gevar
;;;437;21;;mit zuht ûf von ir venje stuont.
;;;437;22;;dannoch was im harte unkunt,
;;;437;23;;wer si wære oder mohte sîn.
;;;437;24;;si truoc ein hemde hærîn
;;;437;25;;under einem grâwen rocke ze næhest an ir hût.
;;;437;26;;grôz jâmer was ir sundertrût.
;;;437;27;;der het ir hôhen muot geleget,
;;;437;28;;von dem herzen siuftens vil erweget.
;;;437;29;;mit zuht diu maget zem venster gie.
;;;437;30;;mit süezen worten sin enpfie.
;;;438;1;;si truoc einen salter an der hant.
;;;438;2;;Parcifal, der wîgant,
;;;438;3;;ein kleinez vingerlîn dâ kôs,
;;;438;4;;daz si durch arbeit nie verlôs,
;;;438;5;;si behieltez durch rehter minnen art.
;;;438;6;;daz steinlîn was ein grânât.
;;;438;7;;des blic gab zuo dem venster schîn
;;;438;8;;reht als ein ander ganeisterlîn.
;;;438;9;;senelîch was ir gebende.
;;;438;10;;"dâ ûzen bî der wende",
;;;438;11;;sprach si, "hêrre, dâ stât ein banc.
;;;438;12;;ruochet sitzen, lêretz iu iuwer gedanc
;;;438;13;;und ander unmuoze.
;;;438;14;;daz ich her ziuwerm gruoze
;;;438;15;;bin komen, daz vergeltiu got.
;;;438;16;;der giltet getriuwelîchen urbot."
;;;438;17;;Der helt ir râtes niht vergaz.
;;;438;18;;vür daz venster er dô saz.
;;;438;19;;er bat ouch dâ inne sitzen sie.
;;;438;20;;si sprach: "nû hân ich selten hie
;;;438;21;;gesezzen bî deheinem man."
;;;438;22;;der helt si vrâgen began
;;;438;23;;umbir site und umbir pflege:
;;;438;24;;"daz ir sô verre von dem wege
;;;438;25;;sitzet in dirre wilde!
;;;438;26;;ich hânz vür unbilde,
;;;438;27;;vrouwe, wes ir iu begêt,
;;;438;28;;sît hie niht bûwes umbiu stêt."
;;;438;29;;Si sprach: "dâ kumt mir vonme Grâl
;;;438;30;;mîne spîse dâ her sunder twâl.
;;;439;1;;Kundrie Lazursiere
;;;439;2;;mir dannen bringet schiere
;;;439;3;;alle samztage naht
;;;439;4;;mîne spîse - des hât si sich bedâht -,
;;;439;5;;die ich die wochen haben sol."
;;;439;6;;si sprach: "wære mir anders wol,
;;;439;7;;ich sorgete wênic umbe die nar.
;;;439;8;;der bin ich wol bereitet gar."
;;;439;9;;Dô wânde Parcifal, si lüge
;;;439;10;;und daz sin anders gerne trüge.
;;;439;11;;er sprach in schimpf zuo ir dar în:
;;;439;12;;"durch wen traget ir diz vingerlîn?
;;;439;13;;ich hôrte ie sagen mære,
;;;439;14;;daz klôsenærinne und klôsenere
;;;439;15;;solten mîden amûrschaft."
;;;439;16;;Si sprach: "hât iuwer rede kraft,
;;;439;17;;ir wolt mich velschen gerne.
;;;439;18;;swennich nû valsch gelerne,
;;;439;19;;sô hebt mirn ûf, sît ir dar bî.
;;;439;20;;ruochet es got, ich bin vor valsche vrî.
;;;439;21;;ich kan deheinen widersaz."
;;;439;22;;si sprach: "disen mahelschaz
;;;439;23;;tragich einem lieben man,
;;;439;24;;des minne ich nie an mich gewan
;;;439;25;;mit menschlîcher tæte.
;;;439;26;;magetuomlîches herzen ræte
;;;439;27;;mir gegen im râtent minne."
;;;439;28;;si sprach: "den hân ich hinne,
;;;439;29;;des kleinôde ich sider truoc,
;;;439;30;;sît Orilus zer tjost in sluoc.
;;;440;1;;mîner magetuomlîcher zîte jâr
;;;440;2;;wil ich im minne geben vür wâr.
;;;440;3;;der rehten minne ich bin sîn wer,
;;;440;4;;wand er mit schilte unde mit sper
;;;440;5;;dâr nâch mit rîters handen warp,
;;;440;6;;unzer in mînem dienste erstarp.
;;;440;7;;magetuom ich ledeclîche hân.
;;;440;8;;er ist vor gote iedoch mîn man.
;;;440;9;;ob gedenke suln wirken diu werc,
;;;440;10;;sô entragich niender den geberc,
;;;440;11;;der underswinge mir mîn ê.
;;;440;12;;mînem lebenne tet ouch sîn sterben wê.
;;;440;13;;der rehten ê diz vingerlîn
;;;440;14;;vor gote sol mîn geleite sîn.
;;;440;15;;daz ist ob mîner triuwe ein slôz,
;;;440;16;;vonme herzen mîner ougen vlôz.
;;;440;17;;ich bin hinne selbe ander:
;;;440;18;;Schinohtudelander
;;;440;19;;ist daz eine, daz ander ich."
;;;440;20;;Parcifal verstuont dô sich,
;;;440;21;;daz ez Sygune wære.
;;;440;22;;ir kumber was im swære.
;;;440;23;;den helt dô wênic des verdrôz.
;;;440;24;;vonme hersenier daz houbet blôz
;;;440;25;;er machte, ê daz er gegen ir sprach.
;;;440;26;;Diu juncvrouwe an im ersach
;;;440;27;;durch îsers râm vil liehtez vel.
;;;440;28;;dô erkande si den degen snel.
;;;440;29;;si sprach: "ir sîtz, hêr Parcifal!
;;;440;30;;saget mir, wie stêt ez umbe den Grâl?
;;;441;1;;habt ir geprüevet noch sînen art
;;;441;2;;oder wie ist bewendet iuwer vart?"
;;;441;3;;Er sprach zer megde wol geborn:
;;;441;4;;"dâ hân ich vröuden vil verlorn.
;;;441;5;;der Grâl mir sorgen gît genuoc.
;;;441;6;;ich liez ein lant, dâ ich krône truoc,
;;;441;7;;dar zuo daz minneclîcheste wîp.
;;;441;8;;ûf erde nie sô schœner lîp
;;;441;9;;wart geborn von menschen vruht.
;;;441;10;;ich sene mich nâch ir kiuschen zuht.
;;;441;11;;nâch ir minne ich trûre vil
;;;441;12;;unde mêr nâch dem hôhen zil,
;;;441;13;;wie ich Munsalvasche müge gesehen
;;;441;14;;unde den Grâl. daz ist noch ungeschehen.
;;;441;15;;Niftel Sygune, dû tuost gewalt,
;;;441;16;;sît dû mînen kumber manecvalt
;;;441;17;;erkennest, daz dû vêhest mich."
;;;441;18;;Diu maget sprach: "al mîn gerich
;;;441;19;;sol ûf dich, neve, sîn verkorn.
;;;441;20;;dû hâst ouch vröuden vil verlorn,
;;;441;21;;sît dû lieze dich betrâgen
;;;441;22;;umbe daz wærlîche vrâgen
;;;441;23;;unde der süeze Anfortas
;;;441;24;;dîn wirt unde dîn gelücke was.
;;;441;25;;dô hete dir vrâgen wunsch bejaget.
;;;441;26;;nû muoz dîn vröude sîn verzaget
;;;441;27;;unde aldîn hôher muot erlemt.
;;;441;28;;dîn herze sorge hât gezemt,
;;;441;29;;diu dir vil wilde wære,
;;;441;30;;hetestû gevrâget der mære."
;;;442;1;;"Ich warp, als der den schaden hât",
;;;442;2;;sprach er, "liebiu niftele, nû gip mir rât.
;;;442;3;;gedenke rehter sippe an mir
;;;442;4;;unde sage mir ouch: wie stêt ez dir?
;;;442;5;;ich solte trûren umbe dîne klage,
;;;442;6;;wan daz ich hœhern kumber trage,
;;;442;7;;danne ie man getrüege.
;;;442;8;;mîn nôt ist ungevüege."
;;;442;9;;Si sprach: "nû helfe dir des hant,
;;;442;10;;dem aller kumber ist bekant,
;;;442;11;;ob dir sô wol gelinge,
;;;442;12;;daz dich ein slâ dar bringe,
;;;442;13;;aldâ dû Munsalvasche sihst,
;;;442;14;;daz dû mir dîner vröude gihst.
;;;442;15;;Kundrie Lasurziere reit
;;;442;16;;niuweclîchen hinnen. mir ist leit,
;;;442;17;;daz ich si niht vrâgete, ob si dar
;;;442;18;;wolte oder anderswar.
;;;442;19;;iemer swenne si kumt, ir mûl dort stêt,
;;;442;20;;dâ der brunne ûz einem velse gêt.
;;;442;21;;ich râte dir, daz dû ir rîtest nâch.
;;;442;22;;ir ist lîhte vor dir niht sô gâch,
;;;442;23;;dûne mügest si schiere hân erriten."
;;;442;24;;dâne wart niht langer dô gebiten.
;;;442;25;;urloup nam der helt aldâ
;;;442;26;;unde kêrte ûf die niuwen slâ.
;;;442;27;;Kundrien mûl die reise gienc.
;;;442;28;;daz ungeverte im undervienc
;;;442;29;;eine slâ, dier hete erkorn.
;;;442;30;;sus wart aber der Grâl verlorn.
;;;443;1;;Al sîner vröude er dô vergaz.
;;;443;2;;Ich wæne, er hete gevrâget baz,
;;;443;3;;wærer ze Munsalvasche komen,
;;;443;4;;danne als ir ê habet vernomen.
;;;443;5;;Nû lât in rîten. war sol er?
;;;443;6;;dort gegen im kom geriten her
;;;443;7;;ein man, dem was daz houbt blôz,
;;;443;8;;ein wâpenroc von koste grôz,
;;;443;9;;dâr under harnasch blanc gevar.
;;;443;10;;âne daz houbet was er gewâpent gar.
;;;443;11;;gegen Parcifal er vaste reit.
;;;443;12;;dô sprach er: "hêrre, mir ist leit,
;;;443;13;;daz ir mînes hêrren walt sus bant.
;;;443;14;;ir werdet schiere drumbe ermant,
;;;443;15;;dâ von sich iuwer gemüete sent.
;;;443;16;;Munsalvasche ist niht gewent,
;;;443;17;;daz ir ieman sô nâhe rite,
;;;443;18;;ez enwære, der angestlîchen strite
;;;443;19;;oder alsolhen wandel drumbe bôt,
;;;443;20;;alse man vor dem walde heizet tôt."
;;;443;21;;Einen helm er in der hende
;;;443;22;;vuorte, des gebende
;;;443;23;;wâren snüere sîdîn,
;;;443;24;;unde eine scharpfe glevîn,
;;;443;25;;dâr inne niuwe was der schaft.
;;;443;26;;der helt bant mit zornes kraft
;;;443;27;;den helm ûf daz houbet ebene.
;;;443;28;;ez stuont in niht vergebene
;;;443;29;;an den selben zîten
;;;443;30;;sîn dröun unde ouch sîn strîten.
;;;444;1;;iedoch bereiter sich zer tjost.
;;;444;2;;Parcifal mit solher kost
;;;444;3;;het ouch sper vil verzert.
;;;444;4;;er dâhte: "er wære des unernert,
;;;444;5;;rite ich über disses mannes sât.
;;;444;6;;wie würde danne sînes zornes rât?
;;;444;7;;nû tret ich hie den wilden varm.
;;;444;8;;mir geswîche hende unde ietweder arm,
;;;444;9;;ich gibim vür mîne reite pfant,
;;;444;10;;daz niender bindet mich sîn hant."
;;;444;11;;Daz wart ze beider sît getân:
;;;444;12;;diu ors in den walap verlân,
;;;444;13;;mit sporn getriben unde gevuort
;;;444;14;;vaste ûffe der rabîne hurt.
;;;444;15;;ir deweders tjost dâ misseriet.
;;;444;16;;maneger tjost ein gegenbiet
;;;444;17;;was Parcifals hôhiu brust.
;;;444;18;;daz lêrte kunst unde sîn gelust,
;;;444;19;;daz sîn tjost als ebene vuor
;;;444;20;;reht in den stric der helmsnuor.
;;;444;21;;er traf in, dâ man hebet den schilt,
;;;444;22;;sô man rîterschefte spilt,
;;;444;23;;daz von Munsalvasche der templeis
;;;444;24;;von dem orse in eine halden reis
;;;444;25;;sô verre hin abe - diu was sô tief -,
;;;444;26;;daz dâ sîn leger wênic slief.
;;;444;27;;Parcifal der tjost nâch
;;;444;28;;volgete. dem orse was ze gâch;
;;;444;29;;ez viel hin abe, daz ez gar zerbrast.
;;;444;30;;Parcifal eines zêders ast
;;;445;1;;begreif mit sînen handen.
;;;445;2;;Nû jehets im niht ze schanden,
;;;445;3;;daz er sich âne schergen hienc.
;;;445;4;;mit den vüezen er gevienc
;;;445;5;;under im des velses herte.
;;;445;6;;in grôzem ungeverte
;;;445;7;;lac daz ors dâ nidene tôt.
;;;445;8;;der rîter gâhete von der nôt
;;;445;9;;anderhalp ûf der halden hin.
;;;445;10;;wolter teilen den gewin,
;;;445;11;;den er erwarp an Parcifal,
;;;445;12;;sô half im baz dâ heime der Grâl.
;;;445;13;;Parcifal her wider steic.
;;;445;14;;der zügel gegen der erden seic.
;;;445;15;;dâ hete daz ors in getreten,
;;;445;16;;als ob ez bîtens wære gebeten,
;;;445;17;;des jener rîter dâ vergaz.
;;;445;18;;dô Parcifal dar ûf gesaz,
;;;445;19;;dô was niht wan sîn sper verlorn.
;;;445;20;;diu vlust gegen vîenden was verkorn.
;;;445;21;;ich wæne, der stolze Lehelin
;;;445;22;;noch der stolze Kyngrisin
;;;445;24;;noch cons Lascot fiz Gurnemanz,
;;;445;23;;noch rois Gramoflanz
;;;445;25;;nie bezzer ors geriten,
;;;445;26;;danne alse diz ors wart erstriten.
;;;445;27;;Dô reit er, ern wiste war,
;;;445;28;;sô daz diu Munsalvasche schar
;;;445;29;;in mit strîte gar vermeit.
;;;445;30;;des Grâles vremde was im leit.
;;;446;1;;Swerz ruochet vernemen, dem tuon ich kunt,
;;;446;2;;wie im sîn dinc dar nâch gestuont.
;;;446;3;;des enprüeve ich niht der wochen zal,
;;;446;4;;über wie lanc daz Parcifal
;;;446;5;;reit durch âventiure als ê.
;;;446;6;;eines morgens was ein dünner snê,
;;;446;7;;iedoch sô dicke wol gesnît,
;;;446;8;;alse der noch vrost den liuten gît.
;;;446;9;;daz was ûf einem grôzen walt.
;;;446;10;;im widergienc ein rîter alt,
;;;446;11;;des bart algrâ was gevar,
;;;446;12;;dâ bî sîn vel linde unde clâr.
;;;446;13;;die selben varwe truoc sîn wîp.
;;;446;14;;diu beidiu über blôzen lîp
;;;446;15;;truogen grâwe röcke herte
;;;446;16;;ûf ir bite verte.
;;;446;17;;Sîniu kint, zwô juncvrouwen,
;;;446;18;;die man gerne mohte schouwen,
;;;446;19;;die giengen in der selben wât.
;;;446;20;;daz riet ir herzen kiuscher rât,
;;;446;21;;sin giengen alle barvuoz.
;;;446;22;;Parcifal bôt sînen gruoz
;;;446;23;;dem grâwen rîter, der dâ gienc,
;;;446;24;;von des rât er sît glücke enpfienc.
;;;446;25;;er mohte wol ein hêrre sîn.
;;;446;26;;dâ liefen vrouwen breckelîn.
;;;446;27;;mit senften siten, niht ze hêr,
;;;446;28;;gienc dâ rîter unde knappen mêr
;;;446;29;;mit zühten ûf der gotes vart,
;;;446;30;;genuoge sô junc, gar âne bart.
;;;447;1;;Parcifal, der werde degen,
;;;447;2;;hete sînes lîbes sô gepflegen,
;;;447;3;;daz sîn zimierde rîche
;;;447;4;;stuont gar rîterlîche.
;;;447;5;;in solhem harnasche er reit,
;;;447;6;;dem ungelîch wâren jeniu kleit,
;;;447;7;;diu gegen im truoc der grâwe man.
;;;447;8;;Daz ors ûz dem pfade sân
;;;447;9;;kêrter mit dem zoume.
;;;447;10;;dô nam sîn vrâgen goume
;;;447;11;;umb der guoten liute vart.
;;;447;12;;mit süezer rede ers innen wart.
;;;447;13;;Dô was des grâwen rîters klage,
;;;447;14;;daz im die heileclîchen tage
;;;447;15;;niht hülfen gegen sölhem site,
;;;447;16;;daz er sunder wâpen rite
;;;447;17;;oder daz er barvuoz gienge
;;;447;18;;unde des tages zît begienge.
;;;447;19;;Parcifal zim sprach dô:
;;;447;20;;"hêrre, ich erkenne sus noch sô,
;;;447;21;;wie des jâres urhap gestêt
;;;447;22;;oder wie der wochen zal gêt.
;;;447;23;;swie die tage sint genant,
;;;447;24;;daz ist mir allez unbekant.
;;;447;25;;ich diende einem, der heizet got,
;;;447;26;;ê daz sô lasterlîchen spot
;;;447;27;;sîn gunst über mich verhancte.
;;;447;28;;mîn sin im nie gewancte,
;;;447;29;;von dem mir helfe was gesaget.
;;;447;30;;nû ist sîn helfe an mir verzaget."
;;;448;1;;Dô sprach der rîter grâ gevar:
;;;448;2;;"meinet ir got, den diu magt gebar?
;;;448;3;;geloubet ir sîner menscheit,
;;;448;4;;waz er als hiute durch uns leit,
;;;448;5;;als man disses tages zît begêt,
;;;448;6;;unrehte iu danne daz harnasch stêt.
;;;448;7;;ez ist hiute der karvrîtac,
;;;448;8;;des aldiu werlt sich vröuwen mac
;;;448;9;;unde dâ mit angest siuftic sîn.
;;;448;10;;wâ wart ie hôher triuwe schîn,
;;;448;11;;danne die got durch uns begienc,
;;;448;12;;den man durch uns anz kriuze hienc?
;;;448;13;;hêrre, pflegt ir toufes,
;;;448;14;;sô jâmertiuch des koufes.
;;;448;15;;er hât sîn werdeclîchez leben
;;;448;16;;mit tôde vür unser schulde gegeben,
;;;448;17;;durch daz der mensche was verlorn,
;;;448;18;;durch schulde hin zer helle erkorn.
;;;448;19;;ob ir niht ein heiden sît,
;;;448;20;;sô denket, hêrre, an dise zît.
;;;448;21;;rîtet vürbaz ûf unser spor.
;;;448;22;;iu ensitzet niht ze verre vor
;;;448;23;;ein heilic man, der gît iu rât
;;;448;24;;unde wandel vür iuwer missetât.
;;;448;25;;welt ir im riuwe künden,
;;;448;26;;er scheidet iuch von sünden."
;;;448;27;;Sîne tohtere begunden sprechen:
;;;448;28;;"waz wil dû, vater, rechen?
;;;448;29;;sô bœse weter alse wir hân,
;;;448;30;;waz râtes nimstû dich gegen im an?
;;;449;1;;wan vüerestûn, dâ er erwarme
;;;449;2;;sîne geîserten arme?
;;;449;3;;swie rîterlîche die sîn gestalt,
;;;449;4;;uns dunket doch, si haben kalt.
;;;449;5;;er ervrüre, wæren sîn eines drî.
;;;449;6;;dû hest hie stânde nâhe bî
;;;449;7;;gezelt unde slavenîen hûs.
;;;449;8;;kœme dir der künec Artus,
;;;449;9;;dû behieltest in ouch mit spîse wol.
;;;449;10;;nû tuo, als ein wirt sol:
;;;449;11;;vüere disen rîter mit dir dan."
;;;449;12;;Dô sprach aber der grâwe man:
;;;449;13;;"hêrre, mîne tohtere sagent alwâr.
;;;449;14;;hie nâhen bî alliu jâr
;;;449;15;;var ich ûf disen wilden walt,
;;;449;16;;ez sî warm oder kalt,
;;;449;17;;iemer gegen der marter zît,
;;;449;18;;der stæten lôn nâch dienste gît.
;;;449;19;;swaz spîse ich ûz brâhte durch got,
;;;449;20;;daz teil ich mit iu âne spot."
;;;449;21;;Diez mit guotem willen tâten,
;;;449;22;;die juncvrouwen, bâten
;;;449;23;;in belîben sêre
;;;449;24;;unde er hete blîbens êre.
;;;449;25;;ietwederiu daz mit triuwen sprach.
;;;449;26;;Parcifal an in ersach,
;;;449;27;;swie tiure von vroste in wære der sweiz,
;;;449;28;;ir münde wâren rôt, dicke unde heiz.
;;;449;29;;dien stuonden niht senelîche,
;;;449;30;;des tages zîte glîche.
;;;450;1;;Ob ich kleinez dinc dâ ræche,
;;;450;2;;ungerne ich daz verspræche,
;;;450;3;;ine holte einen kus durch suone dâ,
;;;450;4;;ob si der suone spræchen "jâ".
;;;450;5;;wîp sint eht iemer wîp.
;;;450;6;;werlîches mannes lîp
;;;450;7;;hânt si schiere betwungen.
;;;450;8;;in ist dicke alsô gelungen.
;;;450;9;;Parcifal hie unde dort
;;;450;10;;mit bete hôrtir süezen wort,
;;;450;11;;des vater, der muoter unde der kinde.
;;;450;12;;er dâhte: "ob ich erwinde,
;;;450;13;;ich gâ ungerne in dirre schar.
;;;450;14;;dise megde sint sô wol gevar,
;;;450;15;;daz mîn rîten bî in übel stêt,
;;;450;16;;sît man unde wîp ze vuoz hie gêt.
;;;450;17;;sich vüeget mîn scheiden von in baz,
;;;450;18;;sît ich gegen dem trage haz,
;;;450;19;;den si von herzen minnent
;;;450;20;;unde sich helfe dâ versinnent.
;;;450;21;;der hât sîne helfe gegen mir verspart
;;;450;22;;unde mich vor sorgen niht bewart."
;;;450;23;;Parcifal sprach zin dô sân:
;;;450;24;;"hêrre unde vrouwen, lât mich hân
;;;450;25;;iuwern urloup. glücke unde heil
;;;450;26;;gebiu got unde vollen teil
;;;450;27;;vröuden. juncvrouwen süeze,
;;;450;28;;iuwer zuht iu danken müeze,
;;;450;29;;sît ir gundet mir gemaches wol.
;;;450;30;;iuwern urloup ich haben sol."
;;;451;1;;Er neic unde die andern nigen.
;;;451;2;;dâ wart ir klage niht verswigen.
;;;451;3;;hin reit Herzeloyden vruht.
;;;451;4;;dem riet sîn manlîchiu zuht
;;;451;5;;kiusche unde erbarmunge.
;;;451;6;;sît Herzeloyde, diu junge,
;;;451;7;;in hete ûf geerbet triuwe,
;;;451;8;;sich huop sînes herzen riuwe.
;;;451;9;;Aller êrst er dô gedâhte,
;;;451;10;;wer alle die werlt volbrâhte,
;;;451;11;;an sînen schepfære,
;;;451;12;;wie gewaltic der wære.
;;;451;13;;er sprach: "obe got helfe pfliget,
;;;451;14;;diu mînem trûren an gesiget?
;;;451;15;;wart aber er ie rîter holt,
;;;451;16;;gediende ie rîter sînen solt
;;;451;17;;oder mac schilt unde swert
;;;451;18;;sîner helfe sîn sô wert
;;;451;19;;unde rehter manlîchen wer,
;;;451;20;;daz sîn helfe mich von sorgen ner,
;;;451;21;;ist hiute sîn helfeclîcher tac,
;;;451;22;;sô helfer, ob er helfen mac."
;;;451;23;;Er kêrte umbe, dannen er reit.
;;;451;24;;si stuonden dannoch, den was leit,
;;;451;25;;daz er von in kêrte.
;;;451;26;;ir triuwe si daz lêrte,
;;;451;27;;die juncvrouwen, unde sâhen im nâch,
;;;451;28;;gegen den ouch sîn herze jach,
;;;451;29;;daz er si gerne sæhe,
;;;451;30;;wandir blic in schœne jæhe.
;;;452;1;;er sprach: "ist gotes kraft sô fier,
;;;452;2;;daz si beidiu ors unde tier
;;;452;3;;unde die liute mac wîsen,
;;;452;4;;sîne kraft wil ich im prîsen.
;;;452;5;;mac gotes kunst die helfe hân,
;;;452;6;;diu wîse mir diz kastelân
;;;452;7;;daz wægeste umbe die reise mîn.
;;;452;8;;sô tuot sîn helfe güete schîn.
;;;452;9;;Dô ergiengez nâch der gotes kür."
;;;452;10;;den zügel gegen den ôren vür
;;;452;11;;er dem orse legete.
;;;452;12;;mit den sporn erz vaste regete.
;;;452;13;;gegen Fontane lasalvatsche ez gienc,
;;;452;14;;dâ Orilus den eit enpfienc.
;;;452;15;;der kiusche Trefrizent dâ saz,
;;;452;16;;der manegen mântac übel geaz,
;;;452;17;;als tet er gar die wochen.
;;;452;18;;er hete gar versprochen
;;;452;19;;môraz, wîn unde brôt.
;;;452;20;;sîn kiusche mêr dannoch gebôt:
;;;452;21;;der spîse heter deheinen muot,
;;;452;22;;vische noch vleisch, swaz trüege bluot.
;;;452;23;;sus stuont sîn heileclîchez leben.
;;;452;24;;got hetim den muot gegeben:
;;;452;25;;der hêrre sich bereite gar
;;;452;26;;gegen der himelschen schar.
;;;452;27;;mit vastene er grôzen kumber leit.
;;;452;28;;sîn kiusche gegen dem tiuvele streit.
;;;452;29;;an dem ervert nû Parcifal
;;;452;30;;die verholnen mære umbe den Grâl.
;;;453;1;;Swer mich dar von ê vrâgete
;;;453;2;;unde drumbe mit mir bâgete,
;;;453;3;;ob ichs im niht ensagete,
;;;453;4;;unprîs er dran bejagete.
;;;453;5;;mich bat ez heln Kyot,
;;;453;6;;wandin diu âventiure gebôt,
;;;453;7;;daz ers iemer manne gedæhte,
;;;453;8;;ê ez diu âventiure bræhte
;;;453;9;;mit worten an der mære gruoz,
;;;453;10;;daz manz dâ von doch sprechen muoz.
;;;453;11;;Kyot, der meister wol bekant,
;;;453;12;;ze Dolet verworfen ligen vant
;;;453;13;;in heidenscher schrifte
;;;453;14;;dirre âventiure gestifte.
;;;453;15;;den karacter a b c
;;;453;16;;muoser hân gelernet ê,
;;;453;17;;âne den list von nigromanzî.
;;;453;18;;ez half im, daz im der touf was bî.
;;;453;19;;anders wære diz mære unvernomen.
;;;453;20;;dehein heidensch list moht uns gevromen,
;;;453;22;;wie man sîner tougen innen wart
;;;453;21;;ze kündenne umbe des Grâles art.
;;;453;23;;Ein heiden hiez Flegetanis,
;;;453;24;;der bejagete an künsten hôhen prîs.
;;;453;25;;der selbe fisîôn
;;;453;26;;was geborn von Salomon,
;;;453;27;;ûz israhelischer sippe gezilt
;;;453;28;;von alter her, unz unser schilt
;;;453;29;;der touf wart vür daz helle viur.
;;;453;30;;der schreip von des Grâles âventiur.
;;;454;1;;er was ein heiden vaterhalp,
;;;454;2;;Flegetanis, der an ein kalp
;;;454;3;;bette, alse obz wære sîn got.
;;;454;4;;wie mac der vâlant sînen spot
;;;454;5;;gevüegen an sô wîser diet,
;;;454;6;;daz si niht scheidet oder schiet
;;;454;7;;dâ von, der treget die hœheste hant
;;;454;8;;unde dem alliu wunder sint bekant?
;;;454;9;;Flegetanis der heiden
;;;454;10;;kunde uns wol bescheiden
;;;454;11;;etslîches sternen hineganc
;;;454;12;;unde sîner künfte widerwanc,
;;;454;13;;wie lange etslîcher hine gêt,
;;;454;14;;ê er wider an sîn zil gestêt.
;;;454;15;;mit der sterne umbereise vart
;;;454;16;;ist geprüevet aller menschlîch art.
;;;454;17;;Flegetanis der heiden sach,
;;;454;18;;dâ von er blûclîchen sprach,
;;;454;19;;in dem gestirne mit sînen ougen
;;;454;20;;verholnbæriu tougen.
;;;454;21;;er jach, ez wære ein dinc, der Grâl.
;;;454;22;;des namen las er sunder twâl
;;;454;23;;in dem gestirne, wie der hiez.
;;;454;24;;"ein schar in ûf der erden liez,
;;;454;25;;diu vuor ûf über die sterren hôch,
;;;454;26;;ob die ir unschult wider zôch,
;;;454;27;;sît muoz sîn pflegen getouftiu vruht
;;;454;28;;mit alsô kiuschlîcher zuht.
;;;454;29;;diu menscheit ist iemer wert,
;;;454;30;;diu zem Grâle wirt gewert."
;;;455;1;;Sus schreip dar von Flegetanis.
;;;455;2;;Kyot, der meister wîs,
;;;455;3;;diz mære begunde suochen
;;;455;4;;in latînischen buochen,
;;;455;5;;wâ gewesen wære
;;;455;6;;ein volc dâ zuo gebære,
;;;455;7;;daz ez des Grâles pflæge
;;;455;8;;unde der kiusche sich bewæge.
;;;455;9;;er las der lande chrônica
;;;455;10;;ze Britanie unde anderswâ,
;;;455;11;;ze Francrîche unde in Yrlant.
;;;455;12;;ze Anschouwe er diu mære vant.
;;;455;13;;er las von Mazadan
;;;455;14;;mit wârheite sunder wân.
;;;455;15;;umbe allez sîn geslehte
;;;455;16;;stuont dâ geschriben rehte
;;;455;17;;unde anderhalp, wie Tyturel
;;;455;18;;unde des sun Frimutel
;;;455;19;;den Grâl brâhte ûf Anfortas,
;;;455;20;;des swester Herzeloyde was,
;;;455;21;;bî der Gahmuret ein kint
;;;455;22;;gewan, des disiu mære sint.
;;;455;23;;der reit nû ûf die niuwen slâ,
;;;455;24;;die gegen im kom der rîter grâ.
;;;455;25;;er bekande die stat, swie læge der snê,
;;;455;26;;dâ liehte bluomen stuonden ê.
;;;455;27;;daz was vor eines gebirges want,
;;;455;28;;aldâ sîn manlîchiu hant
;;;455;29;;vroun Jeschuten die hulde erwarp
;;;455;30;;unde dâ Oriluses zorn verdarp.
;;;456;1;;Diu slâ in dâ niht halten liez.
;;;456;2;;Fontane lasalvatsche hiez
;;;456;3;;ein wesen, dâ sîn reise gienc.
;;;456;4;;er vant den wirt, der in enpfienc.
;;;456;5;;Der einsidel zim sprach:
;;;456;6;;"ouwê, hêrre, daz iu sus geschach
;;;456;7;;in dirre heiligen zît!
;;;456;8;;hât iuch angestlîcher strît
;;;456;9;;in disen harnasch getriben
;;;456;10;;oder sît ir âne strît beliben?
;;;456;11;;sô stüende iu baz ein ander wât,
;;;456;12;;lieziuch hôchverte rât.
;;;456;13;;nû ruochet erbeizen, hêrre,
;;;456;14;;- ich wæniu daz iht werre -
;;;456;15;;unde erwarmet bî einem viure.
;;;456;16;;hât iuch âventiure
;;;456;17;;ûz gesant durch minnen solt?
;;;456;18;;sît ir rehter minne holt,
;;;456;19;;sô minnet, alse diu minne nû gêt,
;;;456;20;;als disses tages minne stêt.
;;;456;21;;dient her nâch umbe wîbe gruoz.
;;;456;22;;ruochet erbeizen, ob ichs biten muoz."
;;;456;23;;Parcifal, der wîgant,
;;;456;24;;erbeizete nider alzehant.
;;;456;25;;mit grôzer zuht er vor im stuont.
;;;456;26;;er tet im von den liuten kunt,
;;;456;27;;die in dar wîsten,
;;;456;28;;wie die sînen rât prîsten.
;;;456;29;;Dô sprach er: "hêrre, gebt mir rât.
;;;456;30;;ich bin ein man, der sünde hât."
;;;457;1;;dô diu rede was getân,
;;;457;2;;dô sprach aber der guote man:
;;;457;3;;"ich bin râtes iuwer wer.
;;;457;4;;nû saget mir, wer iuch wîste her."
;;;457;5;;"Hêrre, ûffem walde mir widergie
;;;457;6;;ein grâwer man, der mich wol enpfie.
;;;457;7;;als tet sîn massenîe.
;;;457;8;;der selbe valsches vrîe
;;;457;9;;hât mich her ziu gesant.
;;;457;10;;ich reit sîne slâ, unzich iuch vant."
;;;457;11;;Der wirt sprach: "daz ist Kahenis.
;;;457;12;;der ist werdeclîcher vuore alwîs.
;;;457;13;;der vürste ist ein Puntertoys.
;;;457;14;;der rîche künec von Caroys
;;;457;15;;sîne swester hât ze wîbe.
;;;457;16;;nie kiuscher vruht von lîbe
;;;457;17;;wart nie geborn danne sîn selbes kint,
;;;457;18;;diu iu dâ widergangen sint.
;;;457;19;;der vürste ist von küneges art.
;;;457;20;;alliu jâr ist ze mir sîn vart."
;;;457;21;;Parcifal zem wirte sprach:
;;;457;22;;"dô ich iuch bî mir stânde sach,
;;;457;23;;vörhtir iu iht, dô ich zuo iu reit?
;;;457;24;;was iu mîn komen dô iht leit?"
;;;457;25;;Dô sprach er: "nû gloubet mirz,
;;;457;26;;mich hât der ber unde der hirz
;;;457;27;;erschrecket ê danne der man.
;;;457;28;;eine wârheit ich iu sagen kan:
;;;457;29;;ine vörhte niht, waz mensche ist.
;;;457;30;;ich hân ouch menschlîchen list.
;;;458;1;;het irz niht vür einen ruom,
;;;458;2;;sône tragich vluht noch magetuom.
;;;458;3;;mîn herze enpfie noch nie den kranc,
;;;458;4;;daz ich von wer getæte ie wanc
;;;458;5;;bî mîner werlîchen zît.
;;;458;6;;ich was ein rîter, alsir sît,
;;;458;7;;der ouch nâch hôher minne ranc.
;;;458;8;;etswennich sündebæren gedanc
;;;458;9;;gegen der kiusche parrierte.
;;;458;10;;mîn leben ich dar zuo zierte,
;;;458;11;;daz mir gnâde tæte ein wîp.
;;;458;12;;des hât vergezzen nû mîn lîp.
;;;458;13;;gebt mir den zoum in mîne hant.
;;;458;14;;dort under jenes velses want
;;;458;15;;sol iuwer ors durch ruowe stên.
;;;458;16;;bî einer wîle sul wir gên,
;;;458;17;;brechen im gras unde varm.
;;;458;18;;anders vuoters bin ich arm.
;;;458;19;;wir sulnz doch harte wol ernern."
;;;458;20;;Parcifal sich wolte wern,
;;;458;21;;daz er den zoum enpfienge iht.
;;;458;22;;"iuwer zuht iu des niht giht,
;;;458;23;;daz ir strîtet wider den wirt,
;;;458;24;;ob unvuoge iuwer zuht verbirt."
;;;458;25;;alsus sprach der guote man.
;;;458;26;;dem wirte wart der zoum verlân.
;;;458;27;;der zôch daz ors under einen stein,
;;;458;28;;dâ selten diu sunne hin erschein.
;;;458;29;;daz was ein wilder marstal.
;;;458;30;;dâ durch gienc eines brunnen val.
;;;459;1;;Parcifal stuont ûf dem snê.
;;;459;2;;ez tæte einem kranken manne wê,
;;;459;3;;ob er harnasch trüege,
;;;459;4;;dâ der vrost sus an in slüege.
;;;459;5;;Der wirt in vuorte in eine gruft,
;;;459;6;;dar selten kom des windes luft.
;;;459;7;;dâ lâgen glüende koln.
;;;459;8;;die mohte der gast vil gerne doln.
;;;459;10;;dô entwâpente sich der wîgant.
;;;459;9;;eine kerze enzunte des wirtes hant.
;;;459;11;;under im lac ramschoup unde varm.
;;;459;12;;alle sîne gelide wurden warm,
;;;459;13;;sô daz sîn vel gap liehten schîn.
;;;459;14;;er mohte wol waltmüede sîn,
;;;459;15;;wan er hete der strâze wênic geriten,
;;;459;16;;âne dach die naht des tages erbiten.
;;;459;17;;alse het er manege ander.
;;;459;18;;getriuwen wirt dâ vander.
;;;459;19;;dâ lac ein roc. den lêch im an
;;;459;20;;der wirt und vuorte in mit im dan
;;;459;21;;zeiner andern gruft. dâ inne was
;;;459;22;;sîn buoch, dâr an der kiusche las.
;;;459;23;;nâch des tages zît ein alterstein
;;;459;24;;dâ stuont alblôz. dâr ûffe schein
;;;459;25;;ein kafse. diu wart schiere erkant:
;;;459;26;;dar ûffe swuor Parcifales hant
;;;459;27;;einen ungevelscheten eit,
;;;459;28;;dâ von vroun Jeschuten leit
;;;459;29;;ze liebe wart verkêret
;;;459;30;;unde ir vröude gemêret.
;;;460;1;;Parcifal zem wirte sîn
;;;460;2;;sprach: "hêrre, dirre kafsen schîn
;;;460;3;;erkennich, wandich drûffe swuor;
;;;460;4;;zeinen zîten ich hie vür vuor.
;;;460;5;;ein gemâlt sper ich bî ir vant.
;;;460;6;;hêrre, daz nam alhie mîn hant.
;;;460;7;;dâ mite ich prîs bejagete,
;;;460;8;;als man mir sider sagete.
;;;460;9;;ich verdâhte mich an mîn selbes wîp,
;;;460;10;;sô daz von witzen schiet mîn lîp.
;;;460;11;;zwô rîche tjost dâ mit ich reit.
;;;460;12;;unwizzende ich die beide streit.
;;;460;13;;dannoch hetich êre.
;;;460;14;;nû hân ich sorgen mêre,
;;;460;15;;dannir an manne ie wart gesehen.
;;;460;16;;durch iuwer zuht sult ir des jehen:
;;;460;17;;wie lange ist von der zîte her,
;;;460;18;;hêrre, daz ich hie nam daz sper?"
;;;460;19;;Dô sprach aber der guote man:
;;;460;20;;"des vergaz mîn vriunt Taurian
;;;460;21;;hie. er kom mirs sît in klage.
;;;460;22;;
;;;460;23;;
;;;460;24;;welt irz hœren, ichz iu sage."
;;;460;25;;an dem salter las er im über al
;;;460;26;;diu jâr unde durch der wochen zal,
;;;460;27;;die dâ zwischen wâren hin.
;;;460;28;;"Alrêrst ich innen worden bin,
;;;460;29;;wie lange ich var wîselôs
;;;460;30;;unde daz vröuden helfe mich verkôs",
;;;461;1;;sprach Parcifal, "mir ist vröude ein troum.
;;;461;2;;ich trage der riuwe swæren soum.
;;;461;3;;Hêrre, ich tuon iu mêr kunt:
;;;461;4;;swâ kirchen oder münster stuont,
;;;461;5;;dâ man gotes êre sprach,
;;;461;6;;dehein ouge mich dâ nie gesach
;;;461;7;;sît den selben zîten.
;;;461;8;;ich suochte niht wan strîten.
;;;461;9;;ouch tragich hazzes vil gegen gote,
;;;461;10;;wander ist mîner sorgen tote,
;;;461;11;;wan die het er alze hôhe erhaben.
;;;461;12;;mîn vröude ist lebendic begraben.
;;;461;13;;künde gotes kraft mit helfe sîn,
;;;461;14;;waz enkers wære diu vröude mîn!
;;;461;15;;diu sinket durch der riuwen grunt.
;;;461;16;;ist mîn manlîch herze wunt
;;;461;17;;- oder mag ez dâ von wesen ganz,
;;;461;18;;daz diu riuwe ir scharpfen glanz
;;;461;19;;mir setzet ûffe werdecheit,
;;;461;20;;die schiltes ambet mir erstreit
;;;461;21;;gegen werdeclîchen handen? -,
;;;461;22;;des gih ich dem ze schanden,
;;;461;23;;der aller helfe hât gewalt,
;;;461;24;;ist er sîner helfe balt,
;;;461;25;;daz er mir danne hilfet niht,
;;;461;26;;sô vil man im helfe giht."
;;;461;27;;Der wirt ersûfte unde sach an in.
;;;461;28;;dô sprach er: "hêrre, habt ir sin,
;;;461;29;;sô sult ir gote getriuwen wol.
;;;461;30;;er hilfet iu, wander helfen sol.
;;;462;1;;got müeze uns helfen beiden.
;;;462;2;;hêrre, ir sult mir bescheiden
;;;462;3;;- geruochet alrêrst sitzen -,
;;;462;4;;saget mir mit kiuschen witzen,
;;;462;5;;wie der zorn sich angehüebe ie,
;;;462;6;;dâ von got iuwern haz enpfie.
;;;462;7;;durch iuwer zühte gedult
;;;462;8;;vernemet von mir sîn unschult,
;;;462;9;;ê daz ir mir von im iht klaget.
;;;462;10;;sîn helfe ist iemer unverzaget.
;;;462;11;;doch ich ein leie wære,
;;;462;12;;der wâren buoche mære
;;;462;13;;kündich lesen unde schrîben,
;;;462;14;;wie der mensche sol blîben
;;;462;15;;mit dienste gegen des helfe grôz,
;;;462;16;;den der stæten helfe nie verdrôz
;;;462;17;;vür der helle senken.
;;;462;18;;sîn triuwe ist âne wenken,
;;;462;19;;sît got selbe ein triuwe ist.
;;;462;20;;dem was unmære ie valscher list.
;;;462;21;;wir suln in des geniezen lân:
;;;462;22;;er hât vil durch uns getân,
;;;462;23;;sît sîn edel hôher art
;;;462;24;;durch uns ze menschen bilde wart.
;;;462;25;;got heizet unde ist diu wârheit.
;;;462;26;;dem was ie valschiu vuore leit.
;;;462;27;;daz sult ir gar bedenken.
;;;462;28;;ern kan an niemanne wenken.
;;;462;29;;nû lêret iuwer gedanke,
;;;462;30;;hüet iuch gegen im an wanke.
;;;463;1;;irn müget im ab erzürnen niht.
;;;463;2;;swer iuch gegen im in hazze siht,
;;;463;3;;der habt iuch an den witzen kranc.
;;;463;4;;nû prüevet, wie Luzifer gelanc
;;;463;5;;unde sînen nôtgestallen.
;;;463;6;;si wâren doch âne gallen.
;;;463;7;;Jâ, hêrre, wâ nâmen si den nît,
;;;463;8;;dâ von ir endelôser strît
;;;463;9;;ze helle enpfâhet sûren lôn?
;;;463;10;;Beleet unde Belcimon,
;;;463;11;;Asterot unde Radamant
;;;463;12;;unde andere, die ich dâ hân erkant,
;;;463;13;;diu liehte himelsche schar
;;;463;14;;wart durch nît hellevar.
;;;463;15;;dô Luzifer vuor die hellevart
;;;463;16;;mit schar, ein mensche nâch im wart.
;;;463;17;;got worhte ûz der erden
;;;463;18;;Adamen, den werden.
;;;463;19;;von Adames verche er Even brach.
;;;463;20;;diu gap uns an daz ungemach,
;;;463;21;;daz sir schepfer überhôrte
;;;463;22;;unde unser vröude stôrte.
;;;463;23;;von in zwein kom gebürte vruht.
;;;463;24;;einem riet sîn ungenuht,
;;;463;25;;daz er durch gîteclîchen ruom
;;;463;26;;sîner anen nam den magetuom.
;;;463;27;;Nû beginnet genuoge des gezemen,
;;;463;28;;ê si diz mære vernemen,
;;;463;29;;daz si vreischen, wie daz möhte sîn.
;;;463;30;;ez wart iedoch mit triuwen schîn."
;;;464;1;;Parcifal zim dô sprach:
;;;464;2;;"hêrre, ich wæne, daz ie geschach.
;;;464;3;;von wem was der man geborn,
;;;464;4;;von dem sîn ane hât verlorn
;;;464;5;;den magetuom, alsir mir saget?
;;;464;6;;daz mohtir gerne hân verdaget."
;;;464;7;;Der wirt sprach aber wider zim:
;;;464;8;;"von dem zwîvele ich iuch nim.
;;;464;9;;sagich iu niht die wârheit,
;;;464;10;;sô lât iu sîn mîn triegen leit.
;;;464;11;;Diu erde Adames muoter was.
;;;464;12;;von erden vruht Adam genas.
;;;464;13;;dannoch was diu erde ein maget.
;;;464;14;;noch hân ich iu niht gesaget,
;;;464;15;;wer ir den magetuom benam.
;;;464;16;;Caynes vater was Adam.
;;;464;17;;der sluoc Abeln umbe krankez guot.
;;;464;18;;dô ûf die reinen erde daz bluot
;;;464;19;;viel, ir magetuom was vervarn.
;;;464;20;;den nam ir Adames barn.
;;;464;21;;dô huop sich êrst des menschen nît.
;;;464;22;;alse wert er iemer sît.
;;;464;23;;in der werlte doch sô reines niht ist
;;;464;24;;sô diu maget âne valschen list.
;;;464;25;;nû prüevet, wie reine die megde sint.
;;;464;26;;got selbe was der megde kint.
;;;464;27;;von megden sint zwei menschen komen.
;;;464;28;;got selbe antlitze hât genomen
;;;464;29;;nâch der êrsten megde vruht.
;;;464;30;;daz was sîner hôhen art ein zuht.
;;;465;1;;Von Adames künne
;;;465;2;;huop sich triuwe unde wünne,
;;;465;3;;sît er uns sippe lougent niht,
;;;465;4;;den ieglîch engel ob im siht,
;;;465;5;;unde diu sippe ist unser wagen,
;;;465;6;;sô daz wir schulde müezen tragen.
;;;465;7;;dar über erbarme sich des kraft,
;;;465;8;;dem erbermede gît geselleschaft,
;;;465;9;;sît sîniu getriuwiu menscheit
;;;465;10;;mit triuwen gen untriuwen streit.
;;;465;11;;ir sult ûf in verkiesen,
;;;465;12;;welt ir sælde niht verliesen.
;;;465;13;;lât wandel iu vür sünde bî.
;;;465;14;;sît rede unde werke niht sô vrî.
;;;465;15;;wan swer sîn leit sô rîchet,
;;;465;16;;daz er unkiusche sprichet,
;;;465;17;;von des lône tuon ich iu kunt,
;;;465;18;;im urteilet sîn selbes munt.
;;;465;19;;Nemet altiu mære vür niuwe,
;;;465;20;;ob si iuch lêrent triuwe.
;;;465;21;;der parliure Plato
;;;465;22;;sprach bî sînen zîten dô
;;;465;23;;unde Sibille, diu prophêtisse,
;;;465;24;;sunder fallierens misse.
;;;465;25;;Si sageten dâ vor manegiu jâr,
;;;465;26;;uns solte komen alvür wâr
;;;465;27;;vür die hœhsten schulde pfant.
;;;465;28;;ze helle uns nam diu hœhste hant
;;;465;29;;mit der götelîchen minne.
;;;465;30;;die unkiuschen liez er drinne.
;;;466;1;;von dem wâren minnære
;;;466;2;;saget uns diz mære.
;;;466;3;;der ist ein durchliuhtic lieht
;;;466;4;;unde wenket sîner minne nieht.
;;;466;5;;swem er minne erzeigen sol,
;;;466;6;;der wirt mit sîner minne wol.
;;;466;7;;die selben sint geteilet:
;;;466;8;;aller der werlte ist geveilet
;;;466;9;;beidiu sîn minne unde sîn haz,
;;;466;10;;unde prüevet, wederz helfe baz.
;;;466;11;;der schuldige âne riuwe
;;;466;12;;vliuhet die götelîchen triuwe.
;;;466;13;;swer aber wandelt sünden schulde,
;;;466;14;;der dient nâch werder hulde.
;;;466;15;;der, der durch gedenke vert.
;;;466;16;;gedenke sint sünde blickes wert.
;;;466;17;;gedanc ist âne slôz bespart,
;;;466;18;;vor aller crêatûre bewart.
;;;466;19;;gedanc ist vinster âne schîn.
;;;466;20;;diu goteheit kan lûter sîn.
;;;466;21;;si glestet durch die vinster want
;;;466;22;;unde hât den helnden sprunc gerant,
;;;466;23;;der endiuzet noch enklinget,
;;;466;24;;sô er von dem herzen springet.
;;;466;25;;ez ist dehein gedanc sô snel,
;;;466;26;;ê er vome herzen vür daz vel
;;;466;27;;kome, ern sî versuochet.
;;;466;28;;des kiuschen got geruochet.
;;;466;29;;sît got gedanke spehet sô wol,
;;;466;30;;ouwê der brœden werke dol!
;;;467;1;;swâ werc verwirkent sînen gruoz,
;;;467;2;;daz diu goteheit sich schamen muoz,
;;;467;3;;wan lât diu menschlîchiu zuht?
;;;467;4;;war hât diu arme sêle vluht?
;;;467;5;;welt ir gote vüegen leit,
;;;467;6;;der ze beiden sîten ist bereit,
;;;467;7;;zer minne unde zem zorne,
;;;467;8;;sô sît ir der verlorne.
;;;467;9;;nû kêret iuwer gemüete,
;;;467;10;;daz er iu danne güete."
;;;467;11;;Parcifal sprach zim dô:
;;;467;12;;"hêrre, ich bin des iemer vrô,
;;;467;13;;daz ir mich von dem bescheiden hât,
;;;467;14;;der nihtes ungelônet lât,
;;;467;15;;der missewende noch der tugent.
;;;467;16;;Ich hân mit sorgen mîne jugent
;;;467;17;;alsus brâht an disen tac,
;;;467;18;;daz ich durch triuwe kumbers pflac."
;;;467;19;;Der wirt sprach wider zim:
;;;467;20;;"nimts iuch niht hæle, gerne ich vernim,
;;;467;21;;waz ir kumbers unde sünden hât.
;;;467;22;;ob ir mich die prüeven lât,
;;;467;23;;dar zuo gibich iu lîhte rât,
;;;467;24;;des ir selbe niht enhât."
;;;467;25;;Dô sprach aber Parcifal:
;;;467;26;;"mîn hœhestiu nôt ist umben Grâl,
;;;467;27;;dar nâch umbe mîn selbes wîp.
;;;467;28;;ûf erde nie schœner lîp
;;;467;29;;gesouc nie muoter brust.
;;;467;30;;nâch den beiden sent sich mîn gelust."
;;;468;1;;Der wirt sprach: "hêrre, ir sprechet wol.
;;;468;2;;ir sît in grôzer kumbers dol,
;;;468;3;;sît ir nâch iuwer selbes wîbe
;;;468;4;;sorgen pflihte gebet dem lîbe.
;;;468;5;;werdet ir vunden an rehter ê,
;;;468;6;;iu mac ze helle werden wê,
;;;468;7;;diu nôt sol schiere ein ende hân
;;;468;8;;unde werdet von banden dâ verlân
;;;468;9;;mit der gotes helfe alsunder twâl.
;;;468;10;;ir jeht, ir sent iuch umben Grâl.
;;;468;11;;ir tumber man, daz muoz ich klagen.
;;;468;12;;jôn mac nieman den Grâl bejagen,
;;;468;13;;wander ze himele ist wol bekant,
;;;468;14;;daz er zem Grâle sî benant.
;;;468;15;;des muoz ich vonme Grâle jehen.
;;;468;16;;ich weiz ez unde hânz gesehen."
;;;468;17;;Parcifal sprach: "wârt ir dâ?"
;;;468;18;;Der wirt sprach gegen im: "hêrre, jâ."
;;;468;19;;Parcifal versweic in gar,
;;;468;20;;Daz er ouch was komen dar.
;;;468;21;;Er vrâgetin von der künde,
;;;468;22;;Wiez umbe den Grâl stüende.
;;;468;23;;Der wirt sprach: "hêrre, mir ist bekant,
;;;468;24;;ez wont manec werlîchiu hant
;;;468;25;;ze Munsalvasche bîme Grâl.
;;;468;26;;durch âventiure die alliu mâl
;;;468;27;;rîtent manege reise.
;;;468;28;;dise selben templeise,
;;;468;29;;swâ si kumber oder prîs bejagent,
;;;468;30;;vür ir sünde si daz tragent.
;;;469;1;;dâ wont ein werlîchiu schar.
;;;469;2;;ich wil iu künden umbe ir nar:
;;;469;3;;Si lebent von einem steine,
;;;469;4;;des geslehte ist vil reine.
;;;469;5;;habt ir des niht erkennet,
;;;469;6;;der wirt iu alhie genennet:
;;;469;7;;er heizet jaspis ex illix.
;;;469;8;;von der kraft der fênix
;;;469;9;;verbrinnet, daz er ze aschen wirt.
;;;469;10;;diu asche im aber daz leben birt.
;;;469;11;;sus rêrt der fênix die mûze sîn
;;;469;12;;unde gît dar nâch vil liehten schîn,
;;;469;13;;daz er schœne wirt als ê.
;;;469;14;;ouch wart nie menschen sô wê,
;;;469;15;;swelhes tages ez den stein siht,
;;;469;16;;die wochen mag ez ersterben niht,
;;;469;17;;diu aller schierst dâ nâch gestêt.
;;;469;18;;sîn varwe im ouch niemer zergêt.
;;;469;19;;man muoz im sölher varwe jehen,
;;;469;20;;dâ mit ez hât den stein gesehen,
;;;469;21;;ez sî maget oder man,
;;;469;22;;alsô sîn beste zil huop an.
;;;469;23;;sæh ez den stein zwei hundert jâr,
;;;469;24;;im würde danne grâ sîn hâr.
;;;469;25;;sölhe kraft dem gît der stein,
;;;469;26;;daz im vleisch unde bein
;;;469;27;;jugent enpfâhent sunder twâl.
;;;469;28;;der stein, der ist genant der Grâl.
;;;469;29;;dâr ûf kumt hiute ein botschaft,
;;;469;30;;dâr an doch liget sîn hœhestiu kraft.
;;;470;1;;Ez ist hiute der karvrîtac,
;;;470;2;;daz man vür wâr dâ warten mac:
;;;470;3;;ein tûbe von himele swinget.
;;;470;4;;ûf den stein diu bringet
;;;470;5;;eine wîze oblât.
;;;470;6;;ûf dem steine si die lât.
;;;470;7;;diu tûbe ist durchliuhtic blanc.
;;;470;8;;ze himele tuot si widerwanc.
;;;470;9;;iemer alle karvrîtage
;;;470;10;;bringet si ûf den stein, als ich iu sage,
;;;470;11;;dâ von der stein enpfæhet,
;;;470;12;;swaz guotes ûf der erden dræhet
;;;470;13;;von trinkenne unde von spîse,
;;;470;14;;alse den wunsch von paradîse:
;;;470;15;;ich meine, swaz diu erde mac gebern.
;;;470;16;;der stein si vürbaz mê sol wern:
;;;470;17;;swaz wildes undern lüften lebet,
;;;470;18;;ez vliege oder ez loufe oder swebet.
;;;470;19;;der rîterlîchen bruoderschaft
;;;470;20;;die pfrüende gît des Grâles kraft.
;;;470;21;;die aber zem Grâle sîn benant,
;;;470;22;;hœret, wie die werdent bekant:
;;;470;23;;zende an des Grâles drum
;;;470;24;;von karactern ein epitafjum
;;;470;25;;seit sînen namen unde sînen art,
;;;470;26;;swer dar tuon sol der sælden vart,
;;;470;27;;ez sî von megden oder von knaben.
;;;470;28;;die schrift sol niemen dannen schaben.
;;;470;29;;sô man die namen gelesen hât,
;;;470;30;;vor ir ougen si zergât.
;;;471;1;;Si kômen alle dar vür kint,
;;;471;2;;die nû dâ grôze liute sint.
;;;471;3;;wol der muoter, diu daz kint gebar,
;;;471;4;;daz ze dienste sol komen dar.
;;;471;5;;der arme unde der rîche
;;;471;6;;vröunt sich alglîche,
;;;471;7;;ob man ir kint eischet dar,
;;;471;8;;daz siz suln senden an die schar.
;;;471;9;;man holt si in manegen landen.
;;;471;10;;vor sündebæren schanden
;;;471;11;;sint si iemer mêr behuot
;;;471;12;;unde wirt ir lôn ze himele guot.
;;;471;13;;swennin erstirbet hie daz leben,
;;;471;14;;sô wirt in dort der wunsch gegeben.
;;;471;15;;Dien wederhalp gestuonden,
;;;471;16;;dô strîten begunden
;;;471;17;;Luzifer unde Trinitas,
;;;471;18;;swaz der selben engele was,
;;;471;19;;die edeln unde die werden
;;;471;20;;muosen ûf die erden
;;;471;21;;zuo dem selben steine.
;;;471;22;;der stein ist iemer reine.
;;;471;23;;ine weiz, ob got ûf si verkôs
;;;471;24;;oder ober si vürbaz verlôs.
;;;471;25;;was daz sîn reht, er nam si wider.
;;;471;26;;des steines pfliget iemer sider,
;;;471;27;;die got dar zuo benande
;;;471;28;;unde in sînen engel sande.
;;;471;29;;hêrre, sus stêt ez umben Grâl."
;;;471;30;;Dô sprach aber Parcifal:
;;;472;1;;"mac rîterschaft des lîbes prîs
;;;472;2;;unde doch der sêle paradîs
;;;472;3;;bejagen mit schilte unde mit sper,
;;;472;4;;sô was ie rîterschaft mîn ger.
;;;472;5;;ich streit ie, swâ man strîten vant,
;;;472;6;;sô daz mîn werlîchiu hant
;;;472;7;;sich nâhete dem prîse.
;;;472;8;;ist got an strîte wîse,
;;;472;9;;der sol mich dar benennen,
;;;472;10;;daz si mich dâ bekennen.
;;;472;11;;mîn hant dâ dienst niht verbirt."
;;;472;12;;Dô sprach aber sîn kiuscher wirt:
;;;472;13;;"ir müezet aldâ vor hôchvart
;;;472;14;;mit senften willen sîn bewart.
;;;472;15;;iuch verleite lîhte iuwer jugent,
;;;472;16;;daz ir der kiusche brechet ir tugent.
;;;472;17;;hôchvart ie seic unde viel",
;;;472;18;;sprach der wirt. ietweder ouge im wiel,
;;;472;19;;dô er an daz mære gedâhte,
;;;472;20;;daz er mit rede volbrâhte.
;;;472;21;;Dô sprach er: "hêrre, ein künec dâ was,
;;;472;22;;der hiez unde heizet noch Anfortas.
;;;472;23;;daz sol iuch unde mich armen
;;;472;24;;iemer mêr erbarmen
;;;472;25;;umbe sîne herzebære nôt,
;;;472;26;;die hôchvart im ze lône bôt.
;;;472;27;;sîn jugent unde sîn rîcheit
;;;472;28;;der werlte an im vuocte leit
;;;472;29;;unde daz er gerte minne
;;;472;30;;ûzerhalp der kiuschen sinne.
;;;473;1;;der site ist niht dem Grâle reht.
;;;473;2;;dâ muoz der rîter unde der kneht
;;;473;3;;bewarn sich vor lôsheit.
;;;473;4;;diemuot hôchvart ie überstreit.
;;;473;5;;dâ wont ein werdiu bruoderschaft;
;;;473;6;;die hânt mit werdeclîcher kraft
;;;473;7;;erwert mit ir handen
;;;473;8;;der diet von allen landen,
;;;473;9;;daz der Grâl ist unbekant,
;;;473;10;;wan den, die dar sint benant
;;;473;11;;ze Munsalvasche ans Grâles schar.
;;;473;12;;wan einer kom ungewarnet dar;
;;;473;13;;der selbe was ein tumber man
;;;473;14;;unde vuorte ouch sünde mit im dan,
;;;473;15;;daz er niht zem wirte sprach
;;;473;16;;umbe den kumber, den er an im sach.
;;;473;17;;ich solte nieman schelten,
;;;473;18;;doch muoz er sünden engelten,
;;;473;19;;daz er niht vrâgete umbe des wirtes schaden.
;;;473;20;;er was mit kumber sô beladen,
;;;473;21;;ez enwart nie bekant hôher pîn.
;;;473;22;;Dâ vor kom roys Lehelin
;;;473;23;;ze Brumbanie an den sê geriten.
;;;473;24;;durch tjost hete sîn dâ gebiten
;;;473;25;;Lebbeals, der werde helt,
;;;473;26;;des tôt mit tjost wart erwelt.
;;;473;27;;er was geborn von Prienlaiors.
;;;473;28;;Lehelin des heldes ors
;;;473;29;;dannen zôch mit sîner hant.
;;;473;30;;dâ wart der rêroup bekant.
;;;474;1;;hêrre, sît irz, Lehelin?
;;;474;2;;sô stât in dem stalle mîn
;;;474;3;;den orsen einez glîch gevar,
;;;474;4;;diu dâ hœrent an des Grâles schar.
;;;474;5;;an dem satele ein turteltûbe stêt.
;;;474;6;;daz ors von Munsalvasche gêt.
;;;474;7;;diu wâpen gap im Anfortas,
;;;474;8;;dô er der vröuden hêrre was.
;;;474;9;;ir schilte sint von alter sô.
;;;474;10;;Tyturel si brâhte dô
;;;474;11;;an sînen sun Frimutel.
;;;474;12;;dâr under verlôs ein degen snel
;;;474;13;;von sîner tjost ouch sînen lîp.
;;;474;14;;der minnete sîn selbes wîp,
;;;474;15;;daz nie von manne mêre
;;;474;16;;wîp geminnet wart sô sêre;
;;;474;17;;ich meine, mit rehten triuwen.
;;;474;18;;sîne site sult ir niuwen
;;;474;19;;unde minnet von herzen iuwer konen.
;;;474;20;;Ir sult in sînen siten wonen.
;;;474;21;;iuwer varwe treget glîchiu mâl.
;;;474;22;;der was ouch hêrre übern Grâl.
;;;474;23;;ouwê, hêrre, wannen ist iuwer vart?
;;;474;24;;nû ruochet mir prüeven iuwern art."
;;;474;25;;Ietweder vaste an den andern sach.
;;;474;26;;Parcifal zem wirte sprach:
;;;474;27;;"ich bin von einem man geborn,
;;;474;28;;der mit tjost hât den lîp verlorn
;;;474;29;;unde durch rîterlîch gemüete.
;;;474;30;;hêrre, durch iuwer güete
;;;475;1;;sult irn nemen in iuwer gebet.
;;;475;2;;mîn vater, der hiez Gahmuret
;;;475;3;;unde was von art ein Anschevin.
;;;475;4;;hêrre, ich binz niht, Lehelin.
;;;475;5;;genam ich ie den rêroup,
;;;475;6;;sô was ich an den witzen toup.
;;;475;7;;ez ist iedoch mir geschehen.
;;;475;8;;der selben sünden muoz ich jehen:
;;;475;9;;Ithern von Kukumerlant,
;;;475;10;;den sluoc mîn sündebæriu hant.
;;;475;11;;ich leitin tôten ûffez gras
;;;475;12;;unde nam, swaz dâ ze nemenne was."
;;;475;13;;"Ouwê, werlt, wie tuostû sô?",
;;;475;14;;sprach der wirt unde was des mæres unvrô.
;;;475;15;;"dû gîst den liuten herzesêr
;;;475;16;;unde riuwebæres kumbers mêr
;;;475;17;;danne der vröuden. wie stât dîn lôn?
;;;475;18;;sus endet sich dînes mæres dôn."
;;;475;19;;Dô sprach er: "lieber swester sun,
;;;475;20;;waz râtes möhte ich dir nû tuon?
;;;475;21;;dû hâst dîn eigen verch erslagen.
;;;475;22;;wiltû vür got die schulde tragen,
;;;475;23;;sô daz ir beide wârt ein bluot,
;;;475;24;;ob got dâ reht gerihte tuot,
;;;475;25;;sô giltet im dîn eigen leben.
;;;475;26;;waz wiltû im dâ ze gelte geben,
;;;475;27;;Ithern von Kaheviez?
;;;475;28;;der rehten werdecheit geniez,
;;;475;29;;des diu werlt was gereinet,
;;;475;30;;hete got an im erscheinet.
;;;476;1;;missewende was sîn riuwe,
;;;476;2;;er balseme ob der triuwe.
;;;476;3;;alliu werltlîche schande in vlôch;
;;;476;4;;werdecheit sich in sîn herze zôch.
;;;476;5;;dich solten hazzen werdiu wîp
;;;476;6;;durch sînen minneclîchen lîp.
;;;476;7;;sîn dienst was gegen im sô ganz,
;;;476;8;;er machte wîbes ougen glanz,
;;;476;9;;die in gesâhen, von sîner süeze.
;;;476;10;;got daz erbarmen müeze,
;;;476;11;;daz dû ie gevrumtest sölhe nôt.
;;;476;12;;mîn swester lac ouch nâch dir tôt,
;;;476;13;;Herzeloyde, dîn muoter."
;;;476;14;;"Neinâ, hêrre guoter!
;;;476;15;;waz saget ir nû?", sprach Parcifal.
;;;476;16;;"wærich danne hêrre übern Grâl,
;;;476;17;;der möhte mich ergetzen niht
;;;476;18;;der mære, der mir iuwer munt vergiht.
;;;476;19;;bin ich iuwerre swester kint,
;;;476;20;;sô tuot, als die mit triuwen sint,
;;;476;21;;unde saget mir sunder valschen vâr:
;;;476;22;;sint disiu mære beidiu wâr?"
;;;476;23;;Dô sprach aber der guote man:
;;;476;24;;"ich bin niht, der triegen kan.
;;;476;25;;dîner muoter daz ir triuwe warp:
;;;476;26;;dô dû von ir schiede, zehant si starp.
;;;476;27;;dû wære daz tier, daz si souc,
;;;476;28;;unde der trache, der von ir vlouc.
;;;476;29;;ez widervuor in slâfe ir gar,
;;;476;30;;ê daz diu süeze dich gebar.
;;;477;1;;Mîner geswisterde zwei noch sint.
;;;477;2;;Mîn swester Schosiane ein kint
;;;477;3;;gebar; der vrühte lac si tôt.
;;;477;4;;der herzoge Kyot
;;;477;5;;von Katelange was ir man;
;;;477;6;;der enwolte ouch sît niht vröude hân.
;;;477;7;;Sygune, des selben töhterlîn,
;;;477;8;;bevalch man der muoter dîn.
;;;477;9;;Schosianen tôt muoz mich smerzen
;;;477;10;;enmitten in mînem herzen.
;;;477;11;;ir wîplîch herze was sô guot,
;;;477;12;;ein arche vür unkiusche vluot.
;;;477;13;;ein maget, mîn swester, pfliget noch site,
;;;477;14;;sô daz ir volget kiusche mite.
;;;477;15;;Repanse de joie pfliget
;;;477;16;;des Grâles, der sô swære wiget,
;;;477;17;;daz in diu valschlîch menscheit
;;;477;18;;niemer von der stat getreit.
;;;477;19;;ir bruoder unde der mîn ist Anfortas,
;;;477;20;;der beidiu ist unde was
;;;477;21;;von art des Grâles hêrre.
;;;477;22;;dem ist leider vröude verre,
;;;477;23;;wan daz er hât gedingen,
;;;477;24;;in sul sîn kumber bringen
;;;477;25;;zeinem endelôsen gemache.
;;;477;26;;mit wunderlîcher sache
;;;477;27;;ist ez im komen an riuwen zil,
;;;477;28;;alsich dir, neve, sagen wil.
;;;477;29;;pfligest dû danne triuwe,
;;;477;30;;sô erbarmet dich sîn riuwe.
;;;478;1;;Dô Frimutel den lîp verlôs,
;;;478;2;;mîn vater, nâch im man dô kôs
;;;478;3;;sînen eltesten sun ze künege dar,
;;;478;4;;ze vogete dem Grâle unde des schar.
;;;478;5;;daz was mîn bruoder Anfortas,
;;;478;6;;der krône unde rîcheit wirdic was.
;;;478;6;1;
;;;478;6;2;
;;;478;7;;dannoch wir wênic wâren.
;;;478;8;;Dô mîn bruoder gegen den jâren
;;;478;9;;kom vür der gran sprünge zît,
;;;478;10;;mit sölher jugent hât minne strît.
;;;478;11;;sô twinget sir vriunt sô sêre,
;;;478;12;;man mac es ir jehen zunêre.
;;;478;13;;swelch Grâles hêrre aber minnen gert
;;;478;14;;anders, danne diu schrift in wert,
;;;478;15;;der muoz es komen in arbeit
;;;478;16;;unde in siuftebærez herzeleit.
;;;478;17;;Mîn hêrre unde der bruoder mîn
;;;478;18;;kôs im eine vriundîn,
;;;478;19;;diu in dûhte in guotem site.
;;;478;20;;swer diu was, daz sî dâ mite.
;;;478;21;;in ir dienste er sich zôch,
;;;478;22;;sô daz diu zageheit in vlôch.
;;;478;23;;des wart von sîner clâren hant
;;;478;24;;verdürkelt manec schiltes rant.
;;;478;25;;dâ bejagete an âventiure
;;;478;26;;der süeze unde der gehiure:
;;;478;27;;wart ie hôher prîs bekant
;;;478;28;;über alliu rîterlîchiu lant,
;;;478;29;;vor dem mære was er dô der vrîe.
;;;478;30;;'Amor' was sîne krîe.
;;;479;1;;der ruoft ist zer diemuot
;;;479;2;;iedoch niht volleclîche guot.
;;;479;4;;daz was gar den sînen leit.
;;;479;3;;Eines tages der künec aleine reit
;;;479;5;;ûz durch âventiure,
;;;479;6;;durch vröude an minne stiure;
;;;479;7;;des twanc in der minne ger.
;;;479;8;;mit einem gelupeten sper
;;;479;9;;wart er zer tjostiure wunt,
;;;479;10;;sô daz niemer mêr gesunt
;;;479;11;;wart der süeze œheim dîn
;;;479;12;;durch die heidruose sîn.
;;;479;13;;er was ein heiden, der dâ streit
;;;479;14;;unde der die selben tjost reit,
;;;479;15;;geborn von Etnise,
;;;479;16;;Dâ ûz dem paradîse
;;;479;17;;rinnet diu Tygris.
;;;479;18;;der selbe heiden was gewis,
;;;479;19;;sîn ellen solte den Grâl bejagen.
;;;479;20;;anme sper sîn name was ergraben.
;;;479;21;;er suochte die verren rîterschaft;
;;;479;22;;niht wan durch des Grâles kraft
;;;479;23;;streich er wazzer unde lant.
;;;479;24;;von sînem strîte uns vröude swant.
;;;479;25;;dînes œheimes strît man prîsen
;;;479;26;;muoz. des spers îsen
;;;479;27;;vuorter in sînem lîbe dan.
;;;479;28;;dô der junge, werde man
;;;479;29;;kom heim zuo den sînen,
;;;479;30;;dô sach man jâmer schînen.
;;;480;1;;Den heiden heter dort erslagen;
;;;480;2;;den suln wir hie ze mâzen klagen.
;;;480;3;;Dô uns der künec kom sô bleich
;;;480;4;;unde im sîn kraft gar gesweich,
;;;480;5;;in die wunden greif eines arzâtes hant,
;;;480;6;;unzer daz sperîsen vant
;;;480;7;;- der trunzûn was rœrîn -
;;;480;8;;ein teil in der wunden sîn;
;;;480;9;;diu gewan der arzât beidiu wider.
;;;480;10;;Mîne venje viel ich nider.
;;;480;11;;dô gelobtich der gotes kraft,
;;;480;12;;daz ich deheine rîterschaft
;;;480;13;;getæte niemer mêre,
;;;480;14;;daz got durch sîn êre
;;;480;15;;mînem bruoder hülfe ûzer nôt.
;;;480;16;;ich verswuor vleisch, wîn unde brôt
;;;480;17;;unde dar nâch swaz trüege bluot,
;;;480;18;;daz ichs niemer gewinne muot.
;;;480;19;;daz was der diet ander klage,
;;;480;20;;lieber neve, alsich dir sage,
;;;480;21;;daz ich schiet von dem swerte mîn.
;;;480;22;;si sprâchen: 'wer sol schirmer sîn
;;;480;23;;über des Grâles tougen?'
;;;480;24;;dâ weinden liehtiu ougen.
;;;480;25;;Si truogen den künec sunder twâl
;;;480;26;;durch die gotes helfe vür den Grâl.
;;;480;27;;dô der künec den Grâl gesach,
;;;480;28;;daz was sîn ander ungemach,
;;;480;29;;daz er niht sterben mohte,
;;;480;30;;wandim sterben dô niht tohte,
;;;481;1;;Sît daz ich mich hete ergeben
;;;481;2;;in ein als ärmeclîchez leben
;;;481;3;;unde des edeln Grâles hêrschaft
;;;481;4;;was komen an sô swache kraft.
;;;481;5;;Des küneges wunde geeitert was.
;;;481;6;;swaz man der arzât buoch las,
;;;481;7;;diene gâben deheiner helfe lôn.
;;;481;8;;gegen aspis, ecidemôn,
;;;481;9;;ehkontîus unde lisîs,
;;;481;10;;jêcîs unde meatrîs
;;;481;11;;- die argen slangen daz eiter heiz
;;;481;12;;tragent -, daz ieman dâ von weiz
;;;481;13;;unde vür ander würme, die daz eiter tragent,
;;;481;14;;swaz die wîsen arzâte dâ vür bejagent
;;;481;15;;mit fisiken listen an würzen
;;;481;16;;- Lâ dir die rede kürzen -,
;;;481;17;;der deheinez gehelfen kunde;
;;;481;18;;got selbe uns des verbunde.
;;;481;19;;wir gewunnen Ieon
;;;481;20;;ze helfe unde Fison,
;;;481;21;;Eufrates unde Tygris,
;;;481;22;;diu vier wazzer ûz dem paradîs
;;;481;23;;- sô nâhen hin zuo ir süezer smac
;;;481;24;;dannoch niht sîn verrochen mac -,
;;;481;25;;ob kein würz drinne kæme,
;;;481;26;;diu unser trûren næme.
;;;481;27;;daz was verlorniu arbeit;
;;;481;28;;dô niuwete sich unser herzeleit.
;;;481;29;;doch versuochte wirz in manege wîs;
;;;481;30;;dô gewunnen wir daz selbe rîs,
;;;482;1;;dar ûf Sibille jach
;;;482;2;;Eneas vür hellesch ungemach
;;;482;3;;unde vür des Flegetonen rouch,
;;;482;4;;vür ander vlüzze, die drin vliezent, ouch.
;;;482;5;;des nâmen wir uns ze unmuoze
;;;482;6;;unde gewunnen daz rîs ze buoze,
;;;482;7;;ob daz sper ungehiure
;;;482;8;;in dem helleschen viure
;;;482;9;;wære gelüppet oder gelœtet,
;;;482;10;;daz uns an vröuden tœtet.
;;;482;11;;Dô was dem sper niht alsus.
;;;482;12;;ein vogel, heizet pellicânus,
;;;482;13;;swenne der vruht gewinnet,
;;;482;14;;alze sêre er die minnet.
;;;482;15;;in twinget sîner triuwen gelust,
;;;482;16;;daz er bîzet in sîn selbes brust
;;;482;17;;unde lât daz bluot den jungen in den munt;
;;;482;18;;er stirbet an der selben stunt.
;;;482;19;;dô gewunne wir des vogels bluot,
;;;482;20;;op sîn triuwe uns wære guot,
;;;482;21;;unde strichenz an die wunden,
;;;482;22;;sô wir beste kunden.
;;;482;23;;daz mohte uns niht gehelfen sus.
;;;482;24;;ein tier, daz heizet monîzirus,
;;;482;25;;daz erkennet der megde reine sô grôz,
;;;482;26;;daz ez slâfet in der megede schôz.
;;;482;27;;wir gewunnen des tieres herzen
;;;482;28;;über des küneges smerzen.
;;;482;29;;wir nâmen karfunkelstein
;;;482;30;;unde leiten ûffe des tieres hirnbein,
;;;483;1;;der dâ wehset under sînem horne,
;;;483;2;;unde bestrichen die wunde vorne
;;;483;3;;unde besouften den stein drinne gar.
;;;483;4;;diu wunde was eht lüppic var;
;;;483;5;;daz tet uns mit dem künege wê.
;;;483;6;;wir gewunnen eine würz, heizet trachontê
;;;483;7;;- wir hœren von der würze sagen,
;;;483;8;;swâ ein trache werde erslagen,
;;;483;9;;si wahse von dem bluote;
;;;483;10;;der würze ist sô ze muote,
;;;483;11;;si hât aldes luftes art -,
;;;483;12;;ob uns des trachen umbevart
;;;483;13;;dar zuo möhte gevromen
;;;483;14;;vür der sterne widerkomen
;;;483;15;;unde vür des mânen wandeltac,
;;;483;16;;dâr an des küneges smerze lac.
;;;483;17;;der würze edel, hôch geslehte
;;;483;18;;kom uns dâ vür niht rehte.
;;;483;19;;unser venje viele wir vür den Grâl.
;;;483;20;;dô gesâhen wir zeinem mâl
;;;483;21;;geschriben, dar solte ein rîter komen,
;;;483;22;;würde des vrâge aldâ vernomen,
;;;483;23;;sô solt der kumber ende hân.
;;;483;24;;ez wære kint, maget oder man,
;;;483;25;;daz in der vrâge warnet iht,
;;;483;26;;sône solte diu vrâge helfen niht,
;;;483;27;;wan daz der schade stüende als ê
;;;483;28;;unde herzeclîcher tæte wê.
;;;483;29;;Diu schrift sprach: 'habt ir daz vernomen?
;;;483;30;;iuwer warnen mac ze schaden komen.
;;;484;1;;vrâget er niht bî der êrsten naht,
;;;484;2;;sô zergât sîner vrâge maht.
;;;484;3;;wirt sîn vrâge an rehter zît getân,
;;;484;4;;sô sol er daz künecrîche hân
;;;484;5;;unde hât der kumber ende
;;;484;6;;von der hœhesten hende.
;;;484;7;;dâ mit ist Anfortas genesen,
;;;484;8;;er sol aber niht mêr künec wesen.'
;;;484;9;;Sus lâse wir an dem Grâle,
;;;484;10;;daz Anfortasses quâle
;;;484;11;;dâ mit ein ende næme,
;;;484;12;;swennim diu vrâge kæme.
;;;484;13;;wir strichen an die wunden,
;;;484;14;;swâ mite wir senften kunden:
;;;484;15;;die guoten salben nardas
;;;484;16;;unde swaz getrîakelt was
;;;484;17;;unde den rouch lingnâlôe.
;;;484;18;;im was eht allenthalben wê.
;;;484;19;;dô zôch ich mich dâ her;
;;;484;20;;swachiu wünne ist mîner jâre wer.
;;;484;21;;Sît kom ein rîter dar geriten
;;;484;22;;- er möhtez gerner hân vermiten -,
;;;484;23;;von dem ich dir ê sagete.
;;;484;24;;unprîs er dâ bejagete,
;;;484;25;;sît er den rehten jâmer sach,
;;;484;26;;daz er niht zuo dem wirte sprach:
;;;484;27;;'hêrre, wie stât iuwer nôt?'
;;;484;28;;sît im sîn tumpheit daz gebôt,
;;;484;29;;daz er dâ niht envrâgete,
;;;484;30;;grôzer sælden in dô betrâgete."
;;;485;1;;Si beide wâren mit herzeklage.
;;;485;2;;dô nâhetez dem mitten tage.
;;;485;3;;der wirt sprach: "gên wir nâch der nar,
;;;485;4;;dîn ors ist unberâten gar;
;;;485;5;;ine mac uns selbe niht gespîsen,
;;;485;6;;ez enwelle uns got bewîsen.
;;;485;7;;mîn küchen riuchet selten;
;;;485;8;;des muostû hiute engelten
;;;485;9;;unde aldie wîle dû bî mir bist.
;;;485;10;;ich sol dich hiute lêren einen list
;;;485;11;;an den würzen, lieze uns der snê.
;;;485;12;;got gebe, daz der schiere zergê.
;;;485;13;;nû brechen die wîl îwîn graz.
;;;485;14;;ich wæne, dîn ors dicke baz
;;;485;15;;geaz ze Munsalvasche danne hie.
;;;485;16;;dû noch ez ze wirte nie
;;;485;17;;kômet, der iuwer gerner wol pflæge,
;;;485;18;;ob ez hie bereitet wære."
;;;485;19;;Si giengen ûz umbir bejac.
;;;485;20;;Parcifal des vuoters pflac,
;;;485;21;;der wirt gruop in würzelîn;
;;;485;22;;daz muose ir bestiu spîse sîn.
;;;485;23;;Der wirt sîner orden niht vergaz:
;;;485;24;;swie vil er würze gruop, deheine er az
;;;485;25;;der würze vor der nône.
;;;485;26;;an die stûden schône
;;;485;27;;hienc er si unde suochte mêre.
;;;485;28;;durch die gotes êre
;;;485;29;;manegen tac ungâz er gienc,
;;;485;30;;sô er vermissete, wâ sîn spîse hienc.
;;;486;1;;Die zwêne gesellen niht verdrôz,
;;;486;2;;si giengen, dâ der brunne vlôz;
;;;486;3;;si wuoschen würze unde ir krût.
;;;486;4;;sîn munt wart selten lachens lût.
;;;486;5;;ietweder sîne hende
;;;486;6;;twuoc. an einem gebende
;;;486;7;;truoc Parcifal îwîn loup
;;;486;8;;vür daz ors. ûf ir ramschoup
;;;486;9;;giengen si wider zuo den koln.
;;;486;10;;man dorftin niht mê spîse holn;
;;;486;11;;dâne was gesoten noch gebrâten
;;;486;12;;unde ir küchen unberâten.
;;;486;13;;Parcifal sprach mit sinne
;;;486;14;;durch die getriuwe minne,
;;;486;15;;dier gegen sînem wirte truoc,
;;;486;16;;in dûhte, er hete baz genuoc,
;;;486;17;;danne sô sîn pflac Gurnemanz
;;;486;18;;unde dô manec vrouwe glanz
;;;486;19;;ze Munsalvasche vür in gienc,
;;;486;20;;dôr wirtschaft vonme Grâle enpfienc.
;;;486;21;;Der wirt mit triuwen wîse
;;;486;22;;sprach: "neve, disiu spîse
;;;486;23;;sol dir niht versmâhen.
;;;486;24;;dûne vündest in allen gâhen
;;;486;25;;deheinen wirt, der dir günde baz
;;;486;26;;guoter wirtschaft âne haz."
;;;486;27;;Parcifal sprach: "hêrre,
;;;486;28;;gotes gruoz mir verre,
;;;486;29;;ob mich ie baz gezæme,
;;;486;30;;swes ich von wirte næme."
;;;487;1;;Swaz dâ was spîse vür getragen,
;;;487;2;;bliben si dâ nâch ungetwagen,
;;;487;3;;daz enschadet in an den ougen niht,
;;;487;4;;als man vischigen handen giht.
;;;487;5;;ich wil vür mich geheizen,
;;;487;6;;man möhte mit mir beizen,
;;;487;7;;wærich vür vederspil erkant,
;;;487;8;;ich swünge algernde vür die hant;
;;;487;9;;bî sölhen kröpfelînen
;;;487;10;;tætich vliegen schînen.
;;;487;11;;wes spottich der getriuwen diet?
;;;487;12;;mîn alt unvuoge mir daz riet.
;;;487;13;;ir habt doch wol gehœret,
;;;487;14;;waz in rîcheit hât zerstœret,
;;;487;15;;warumbe si wâren vröuden arm,
;;;487;16;;dicke kalt unde selten warm.
;;;487;17;;Si dolten herzeriuwe
;;;487;18;;niht wan durch rehte triuwe
;;;487;19;;âne alle missewende.
;;;487;20;;von der hœhesten hende
;;;487;21;;enpfiengens umbir kumber solt;
;;;487;22;;got was unde wart in beiden holt.
;;;487;23;;Si stuonden ûf unde giengen dan,
;;;487;24;;Parcifal unde der guote man,
;;;487;25;;zem orse gegen dem stalle.
;;;487;26;;mit kranker vröude schalle
;;;487;27;;Der wirt sprach zem orse: "mir ist leit
;;;487;28;;dîn hungerbæriu arbeit
;;;487;29;;durch den satel, der ûf dir liget,
;;;487;30;;der Anfortasses wâfen pfliget."
;;;488;1;;Dô si daz ors begiengen,
;;;488;2;;niuwe klage si dô geviengen.
;;;488;3;;Parcifal zem wirte sîn
;;;488;4;;sprach: "hêrre unde lieber neve mîn,
;;;488;5;;getörstichz iu vor schame gesagen,
;;;488;6;;mîn unglücke ich iu solte klagen.
;;;488;7;;daz verkieset durch iuwer selbes zuht;
;;;488;8;;mîn triuwe hât doch gegen iu vluht.
;;;488;9;;ich hân sô sêre missetân,
;;;488;10;;welt ir michs engelten lân,
;;;488;11;;sô scheidich von dem trôste
;;;488;12;;unde bin der unerlôste
;;;488;13;;iemer mêr von riuwe.
;;;488;14;;ir sult mit râtes triuwe
;;;488;15;;klagen mîne tumpheit.
;;;488;16;;der ûf Munsalvasche reit
;;;488;17;;unde der den rehten kumber sach
;;;488;18;;unde der deheine vrâge sprach,
;;;488;19;;daz bin ich unsælic barn;
;;;488;20;;sus hân ich, hêrre, missevarn."
;;;488;21;;Der wirt sprach: "waz sages dû?
;;;488;22;;wir suln beide samt nû
;;;488;23;;herzeclîche klage grîfen
;;;488;24;;unde vröude lâzen slîfen,
;;;488;25;;daz dîn kunst sich des verzêch,
;;;488;26;;daz dir got vünf sinne lêch,
;;;488;27;;die hânt dir rât vor bespart.
;;;488;28;;wie was dîn triuwe vor im bewart
;;;488;29;;an den selben stunden
;;;488;30;;bî Anfortasses wunden?
;;;489;1;;doch wil ich râtes niht verzagen:
;;;489;2;;dû solt in niht ze sêre klagen.
;;;489;3;;dû solt in rehter mâzen
;;;489;4;;klagen unde klage lâzen.
;;;489;5;;diu menscheit hât wilden art:
;;;489;6;;etswâ wil jugent an witze vart
;;;489;8;;unde lûter site trüeben;
;;;489;7;;wil danne daz alter tumpheit üeben,
;;;489;9;;dâ von wirt daz wîze sal
;;;489;10;;unde diu grüene tugent val,
;;;489;11;;dâ von beklîben möhte,
;;;489;12;;daz der werdecheite töhte.
;;;489;13;;möhtich dirz wol grüenen
;;;489;14;;unde dîn herze alsô erküenen,
;;;489;15;;daz dû den prîs bejagetes
;;;489;16;;unde an gote niht verzagetes,
;;;489;17;;sô gestüende dîne linge
;;;489;18;;an sô werdeclîchem dinge,
;;;489;19;;daz wol ergetzen hieze.
;;;489;20;;got selbe dich niht lieze;
;;;489;21;;ich bin vor gote dînes râtes wer.
;;;489;22;;Nû sage mir: sæhe dû daz sper
;;;489;23;;ze Munsalvasche ûf dem hûs?
;;;489;24;;dô der sterne Saturnus
;;;489;25;;wider an sîn zil gestuont,
;;;489;26;;dô wart uns bî der wunden kunt
;;;489;27;;unde bî dem sumerlîchen snê.
;;;489;28;;im tet der vrost nie sô wê,
;;;489;29;;dem süezen œheime dîn,
;;;489;30;;daz sper muose in die wunden sîn.
;;;490;1;;dâ half ein nôt vür die andern nôt;
;;;490;2;;des wart daz sper von bluote rôt.
;;;490;3;;etslîcher sterne komende tage
;;;490;4;;die diet dâ lêrent jâmers klage,
;;;490;5;;die sô hôhe ob ein ander stânt
;;;490;6;;unde unglîche wider gânt;
;;;490;7;;unde des mânen wandelkêre
;;;490;8;;schadet ouch zem wandel sêre.
;;;490;9;;die zît, die ich benennet hân,
;;;490;10;;sô muoz der künec ruowe lân;
;;;490;11;;sô tuot im grôz vrost sô wê,
;;;490;12;;sîn vleisch wirt kalter dan der snê.
;;;490;13;;sît man daz gelüppe heiz
;;;490;14;;an des spers îsen weiz,
;;;490;15;;sô manz ûf die wunden leget.
;;;490;16;;den vrost ez ûz der wunden treget,
;;;490;17;;alumbez sper glasvar als îs.
;;;490;18;;daz enmohte deheine wîs
;;;490;19;;vonme sper niemer bringen dan
;;;490;20;;wan Trebuket, der wîse man;
;;;490;21;;der worhte zwei mezzer, diuz snîdent,
;;;490;22;;ûz silber, diuz niht mîdent.
;;;490;23;;den list tet im ein segen kunt,
;;;490;24;;der an des wirtes swerte stuont.
;;;490;25;;maneger ist, der des giht,
;;;490;26;;aspindê, daz holz, enbrinne niht.
;;;490;27;;sô disses glases drûf iht spranc,
;;;490;28;;viures lohen dâ nâch swanc;
;;;490;29;;aspindê, daz holz, verbran.
;;;490;30;;waz wunders diz gelüppe kan!
;;;491;1;;Er enmac gerîten noch gestên,
;;;491;2;;der künec, gelenen noch gegên;
;;;491;3;;er lenet âne sitzen
;;;491;4;;mit siuftebæren witzen.
;;;491;5;;gegen des mânen wandel ist im wê.
;;;491;6;;Brumbanie ist genant ein sê;
;;;491;7;;dâ treit man in ûf durch süezen luft,
;;;491;8;;durch sîner sûren wunden gruft.
;;;491;9;;daz heizet er sînen weide tac;
;;;491;10;;swaz er aldâ gevâhen mac
;;;491;11;;bî sînem smerzlîchen sêre,
;;;491;12;;er bedarf dâ heime mêre.
;;;491;13;;dâ von kom ûz mære,
;;;491;14;;er wære ein vischære.
;;;491;15;;daz mære muoser lîden.
;;;491;16;;salmen, lamprîden
;;;491;17;;hât er lützel veile,
;;;491;18;;der trûrige, niht der geile."
;;;491;19;;Parcifal sprach alzehant:
;;;491;20;;"in dem sê den künec ich vant
;;;491;21;;geenkert ûf dem wâge,
;;;491;22;;ich wæne durch vische lâge
;;;491;23;;oder durch ander kurzewîle.
;;;491;24;;ich hete manege mîle
;;;491;25;;des tages dar gestrichen.
;;;491;26;;Peilrapere ich was entwichen
;;;491;27;;rehte umbe den mitten morgen.
;;;491;28;;des âbendes pflac ich sorgen,
;;;491;29;;wâ diu herberge möhte sîn;
;;;491;30;;der beriet mich der œheim mîn."
;;;492;1;;"Dû rite ein angestlîche vart",
;;;492;2;;sprach der wirt, "iedoch wære dû wol bewart.
;;;492;3;;ieslîchiu warte sô besetzet ist
;;;492;4;;mit reite, selten iemanes list
;;;492;5;;in hilfet gegen der reise;
;;;492;6;;er kêrte ie gegen der vreise,
;;;492;7;;swenne iemen her dar zuo in reit.
;;;492;8;;si nement niemannes sicherheit,
;;;492;9;;si wâgent ir leben umbe jenes leben;
;;;492;10;;daz ist vür sünde in dâ gegeben."
;;;492;11;;"Nû kom ich âne strîten
;;;492;12;;an den selben zîten
;;;492;13;;geriten, dâ der künec was",
;;;492;14;;sprach Parcifal. "des palas
;;;492;15;;sach ich des âbendes jâmers vol.
;;;492;16;;wie tet mîn jâmer dô sô wol?
;;;492;17;;Ein knappe aldâ zer tür în spranc,
;;;492;18;;dâ von der palas vol jâmers klanc.
;;;492;19;;der truoc in sînen henden
;;;492;20;;einen schaft ze vier wenden,
;;;492;21;;dâr inne daz sper bluotic rôt.
;;;492;22;;des kom diu diet in jâmers nôt."
;;;492;23;;Der wirt sprach: "sît noch ê
;;;492;24;;wart dem künege nie sô wê,
;;;492;25;;wan dô sîn komen zeigete sus
;;;492;26;;der sterne Saturnus;
;;;492;27;;der kan mit grôzem vroste komen.
;;;492;28;;daz ûf legen mohtuns niht gevromen,
;;;492;29;;als manz drûffe ê ligen sach.
;;;492;30;;daz sper man in die wunden stach.
;;;493;1;;Saturnus loufet sô hôhe enbor,
;;;493;2;;daz ez diu wunde wiste vor,
;;;493;3;;ê der ander vrost kæme her nâch.
;;;493;4;;dem snê was niender alse gâch,
;;;493;5;;der viel alrêst der andern naht
;;;493;6;;in der sumerlîchen maht.
;;;493;7;;dô man des küneges vroste sus werte,
;;;493;8;;die diet ez vröuden herte",
;;;493;9;;sprach der kiusche Trefrizent,
;;;493;10;;"si enpfiengen jâmers soldiment;
;;;493;11;;daz sper in vröude enpfuorte,
;;;493;12;;daz ir herzen verch sus ruorte.
;;;493;13;;dô mahte ir jâmers triuwe
;;;493;14;;des toufes êre alniuwe."
;;;493;15;;Parcifal zem wirte sprach:
;;;493;16;;"vünf unde zwêncic megede ich sach,
;;;493;17;;die vor dem wirte stuonden
;;;493;18;;unde ez wol mit zühten kunden."
;;;493;19;;Der wirt sprach: "sîn suln megde pflegen
;;;493;20;;- des hât sich got gegen in bewegen -,
;;;493;21;;des Grâles, dem si dâ dienten vür.
;;;493;22;;der Grâl ist mit sô hôher kür.
;;;493;23;;sô suln sîn rîter hüeten
;;;493;24;;mit kiuscheclîchen güeten.
;;;493;25;;etslîcher sternen komendiu zît
;;;493;26;;der diet aldâ grôz jâmer gît,
;;;493;27;;den jungen unde den alten.
;;;493;28;;got hât noch zorn behalten
;;;493;29;;gegen in alze lange dâ.
;;;493;30;;wenne suln wir sprechen vröude 'jâ'?
;;;494;1;;Neve, nû wil ich sagen dir,
;;;494;2;;daz maht dû wol gelouben mir:
;;;494;3;;ein schanze dicke liget vor in,
;;;494;4;;si enpfâhent unde gebent gewin.
;;;494;5;;Si nement kleiniu kint dar
;;;494;6;;von hôher art unde wol gevar.
;;;494;7;;wirt aber iemer hêrrenlôs ein lant,
;;;494;8;;erkennet man dâ die gotes hant,
;;;494;9;;sô diu diet eines hêrren gert
;;;494;10;;von des Grâles schar, si sint gewert.
;;;494;11;;die müezen sîn mit triuwen pflegen;
;;;494;12;;sîn hüetet aldâ der gotes segen.
;;;494;13;;got schaffet verholn dan die man,
;;;494;14;;offenlîche gît man die megde dan.
;;;494;15;;dû solt des sîn vil gewis,
;;;494;16;;dô der künec Castis
;;;494;17;;Herzeloyden gerte,
;;;494;18;;der man in schône werte.
;;;494;19;;dîne muoter gap man im ze konen;
;;;494;20;;ern solte aber niht in ir minne wonen,
;;;494;21;;der tôt in leite in daz grap.
;;;494;22;;dâ vor er dîner muoter gap
;;;494;23;;Waleis unde Norgals,
;;;494;24;;Kanvoleis unde Kingrivals;
;;;494;25;;daz ir mit zal wart gegeben,
;;;494;26;;dô der künec niht mêr solte leben.
;;;494;27;;daz was ûf sîner reise wider:
;;;494;28;;der sich leite sterben nider.
;;;494;29;;dô truoc si krône über zwei lant.
;;;494;30;;daz erwarp Gahmuretes hant.
;;;495;1;;Sus gît man vonme Grâle dan
;;;495;2;;offenlîche die megde, verholne die man,
;;;495;3;;durch vruht ze dienste wider dar,
;;;495;4;;ob ir vruht des Grâles schar
;;;495;5;;mit dienste suln mêren;
;;;495;6;;daz kan si got wol lêren.
;;;495;7;;swer aber dem Grâle hât dienstes sich bewegen,
;;;495;8;;gegen wîben minne er muoz verpflegen.
;;;495;9;;wan der künec sol haben eine
;;;495;10;;ze rehte, eine konen reine,
;;;495;11;;unde ander, die got hât gesant
;;;495;12;;ze hêrren in hêrrenlôsiu lant.
;;;495;13;;über daz gebot ich mich bewac,
;;;495;14;;daz ich durch minne dienstes pflac.
;;;495;15;;mir riet mîn vlætigiu jugent
;;;495;16;;unde eines werden wîbes tugent,
;;;495;17;;daz ich in ir dienst reit,
;;;495;18;;dâ ich dicke herteclîche streit.
;;;495;19;;die wilden âventiure
;;;495;20;;sîn mohten sô gehiure,
;;;495;21;;daz ich selten turnierte.
;;;495;22;;ir minne condewierte
;;;495;23;;mit vröude in daz herze mîn;
;;;495;24;;durch si tet ich vil strîtes schîn.
;;;495;25;;des twanc mich ir minnen kraft
;;;495;26;;gegen der wilden verren rîterschaft.
;;;495;27;;ir minne ich alsus koufte:
;;;495;28;;der heiden unde der getoufte
;;;495;29;;wâren mir strîtes alglîch;
;;;495;30;;si dûhte mich sô lônes rîch.
;;;496;1;;Sus pflac ichs durch die werden
;;;496;2;;ûf den drîn teilen der erden,
;;;496;3;;ze Arabie unde in Asya
;;;496;4;;unde verre in Affryca.
;;;496;4;1;
;;;496;4;2;
;;;496;5;;sô ich rîche tjoste wolte tuon,
;;;496;6;;sô reit ich vür die Covriuon.
;;;496;7;;
;;;496;8;;
;;;496;9;;ich tet vil rîche tjoste schîn
;;;496;10;;vor dem berge ze Agremontin.
;;;496;11;;swer einhalp wil ir tjost hân,
;;;496;12;;dâ koment ûz viurîne man;
;;;496;13;;anderhalp si brinnent niht,
;;;496;14;;swaz man tjostiure siht.
;;;496;15;;Dô ich vür den Roas
;;;496;16;;durch âventiure gestrichen was,
;;;496;17;;dô kom ein wert windesch diet
;;;496;18;;ûz durch tjoste gegenbiet.
;;;496;19;;ich vuor von Sibylie
;;;496;20;;daz mer umbe gegen Cecilie,
;;;496;21;;durch Fryuz vür Aglei.
;;;496;22;;ouwê unde heiâ hei,
;;;496;23;;daz ich dînen vater ie gesach,
;;;496;24;;der mir ze sehenne aldâ geschach,
;;;496;25;;Dô ich ze Sibylie zogete în!
;;;496;26;;dô hete der werde Anschevin
;;;496;27;;vor mir geherberget ê.
;;;496;28;;sîn vart tuot mir iemer wê,
;;;496;29;;die er vuor ze Baldac;
;;;496;30;;ze tjostierne er tôt gelac.
;;;497;1;;daz was ê von im dîn sage;
;;;497;2;;ez ist iemer mînes herzen klage.
;;;497;3;;Mîn bruoder ist guotes rîche;
;;;497;4;;verholne rîterlîche
;;;497;5;;er mich dicke von im sante.
;;;497;6;;sô ich von Munsalvasche wante,
;;;497;7;;ich nam sîn ingesigel aldâ
;;;497;8;;unde vuor gegen Kachopra,
;;;497;9;;dâ sich sewet der Plymizol,
;;;497;10;;in dem bischtuome ze Barbigol.
;;;497;11;;der burcgrâve mich dâ beriet
;;;497;12;;ûf sîn insigel, ê ich dannen schiet,
;;;497;13;;knappen unde ander koste
;;;497;14;;gegen der wilden tjoste
;;;497;15;;unde ûf ander manege vart;
;;;497;16;;des wart dâ wênic von im gespart.
;;;497;17;;ich muose aleine komen dar:
;;;497;18;;an der widerreise liez ich gar
;;;497;19;;bî im, swaz ich gesindes pflac,
;;;497;20;;unde reit, swâ Munsalvasche lac.
;;;497;21;;Nû hœret, lieber neve mîn:
;;;497;22;;dô mich der werde Anschevin
;;;497;23;;ze Sybilie alrêst gesach,
;;;497;24;;balder mîn ze bruoder jach
;;;497;25;;von Herzeloyden, sînem wîbe;
;;;497;26;;ouch wart von sînem lîbe
;;;497;27;;mîn antlitze nie mê gesehen.
;;;497;28;;man muose ouch vür wâr des jehen,
;;;497;29;;daz nie schœner mannes bilde wart;
;;;497;30;;dannoch was ich âne bart.
;;;498;1;;In mîne herberge er vuor.
;;;498;2;;vür dise rede ich dicke swuor
;;;498;3;;manegen ungestabeten eit.
;;;498;4;;dô er sô vil an mich gestreit,
;;;498;5;;verholne ich im dô sagete,
;;;498;6;;des er vröuden vil bejagete.
;;;498;7;;er gap sîne kleinœde mir;
;;;498;8;;swaz ich im gap, daz was sîn gir.
;;;498;9;;eine kafse, die dû sæhe ê
;;;498;10;;- diu ist noch grüener danne der klê -,
;;;498;11;;geworht ûz einem steine.
;;;498;12;;die gap mir der reine.
;;;498;13;;sînen neven er mir ze knehte liez,
;;;498;14;;Ithern, den sîn herze hiez,
;;;498;15;;daz aller valsch an im verswant,
;;;498;16;;den künec von Kukumerlant.
;;;498;17;;wir mohten die vart niht langer sparn,
;;;498;18;;wir muosen von ein ander varn.
;;;498;19;;er kêrte, dâ der bâruc was,
;;;498;20;;unde ich vuor vür den Roas.
;;;498;21;;ûz Cecilye ich vür den Roas reit;
;;;498;22;;drîe morgene ich dâ vil gestreit.
;;;498;23;;mich dûhte, ich hete wol gestriten.
;;;498;24;;dâ nâch ich schierest kom geriten
;;;498;25;;in die wîten Gandin,
;;;498;26;;dâ nâch der ane dîn
;;;498;27;;Gandin wart genennet.
;;;498;28;;dâ wart Ither erkennet.
;;;498;29;;
;;;498;30;;
;;;499;1;;
;;;499;2;;
;;;499;3;;sîne basen er dâ vant;
;;;499;4;;diu was ouch vrouwe überz lant.
;;;499;5;;
;;;499;6;;
;;;499;7;;diu hiez Lamyre;
;;;499;8;;sô ist daz lant genennet Styre.
;;;499;9;;swer schiltes ambet üeben wil,
;;;499;10;;der muoz durchstrîchen landes vil.
;;;499;11;;Nû riuwet mich mîn rîter rôt,
;;;499;12;;durch den si mir grôz êre bôt.
;;;499;13;;von Ithere dû bist geborn;
;;;499;14;;dîn hant die sippe hât verkorn.
;;;499;15;;got hât dîn niht vergezzen doch,
;;;499;16;;er kan si wol geprüeven noch.
;;;499;17;;wiltû gegen gote mit triuwen leben,
;;;499;18;;dû solt im drumbe wandel geben.
;;;499;19;;mit riuwe ich dir daz künde:
;;;499;20;;dû treist zwô grôze sünde.
;;;499;21;;Ithern dû hâst erslagen;
;;;499;22;;dû solt ouch dîne muoter klagen.
;;;499;23;;ir grôziu triuwe daz geriet,
;;;499;24;;dîn vart si von dem lîbe schiet,
;;;499;25;;die dû jungest von ir tæte.
;;;499;26;;Nû volge mîner ræte:
;;;499;27;;nim buoze vür missewende
;;;499;28;;unde sorge eht umbe dîn ende,
;;;499;29;;daz dîn arbeit hie erhol,
;;;499;30;;daz dort diu sêle ruowe dol."
;;;500;1;;Der wirt âne allez bâgen
;;;500;2;;begund in vürbaz vrâgen:
;;;500;3;;"neve, noch hân ich niht vernomen,
;;;500;4;;wannen dir daz ors sî komen."
;;;500;5;;"Hêrre, diz ors ich hie erstreit,
;;;500;6;;dô ich von Sygunen reit.
;;;500;7;;vor einer klôsen ich die gesprach.
;;;500;8;;dar nâch ich vlügelingen stach
;;;500;9;;einen rîter drabe unde zôch ez dan.
;;;500;10;;von Munsalvasche was der man."
;;;500;11;;Der wirt sprach: "ist aber er genesen,
;;;500;12;;des ez ze rehte solte wesen?"
;;;500;13;;"Hêrre, ich sach in von mir gên
;;;500;14;;unde vant daz ors bî mir stên."
;;;500;15;;"Wiltû des Grâles volc sus rouben
;;;500;16;;unde dâ bî des gelouben,
;;;500;17;;dû gewinnest ir noch minne,
;;;500;18;;dâ zweient sich die sinne."
;;;500;19;;"Hêrre, ich nam ez in einem strît.
;;;500;20;;swer mir dar umbe wandel gît,
;;;500;21;;der prüeve aller êrst, wie der gestê.
;;;500;22;;mîn ors het ich verlorn ê."
;;;500;23;;Eines tages vrâget in Parcifal:
;;;500;24;;"wer was ein maget, diu den Grâl
;;;500;25;;truoc? ir mantel lêch man mir."
;;;500;26;;Der wirt sprach: "daz sag ich dir:
;;;500;27;;diu selbe ist dîn muome,
;;;500;28;;si enlêch dirn niht ze ruome.
;;;500;29;;si wânde, dû soltest dâ hêrre sîn
;;;500;30;;des Grâles unde ir unde dar zuo mîn.
;;;501;1;;Dîn œheim gap dir ouch ein swert,
;;;501;2;;dâ mit dû sünden bist gewert,
;;;501;3;;sît daz dîn wol redender munt
;;;501;4;;dâ leider niht tet vrâge kunt.
;;;501;5;;die sünde lâ bî den andern stên!
;;;501;6;;wir suln ouch tâlanc ruowen gên!"
;;;501;7;;wênec wart in kultern unde bette brâht;
;;;501;8;;si giengen eht ligen in ein bâht.
;;;501;9;;daz leger was ir hôher art
;;;501;10;;glîche niender dâ bewart.
;;;501;11;;Sus was er dâ vünfzehen tage.
;;;501;12;;der wirt sîn pflac, als ich iu sage:
;;;501;13;;würze unde krütelîn
;;;501;14;;muose ir bestiu spîse sîn.
;;;501;15;;Parcifal die swære
;;;501;16;;truoc durch liebiu mære,
;;;501;17;;wand in der wirt von sünden schiet
;;;501;18;;unde im doch rîterlîchen riet.
;;;501;19;;Aber sprach dô Parcifal:
;;;501;20;;"wer was ein man, der lac vorme Grâl?"
;;;501;22;;Der wirt sprach: "daz ist Tyturel,
;;;501;21;;der ist al grâ bî liehtem vel.
;;;501;23;;der selbe ist dîner muoter ane.
;;;501;24;;dem was alrêrst des Grâles vane
;;;501;25;;bevolhen durch schirmes rât.
;;;501;26;;ein siechtage, heizet pôgrât,
;;;501;27;;treit er, die leme helfelôs.
;;;501;28;;sîne varwe er doch nie verlôs,
;;;501;29;;wander den Grâl sô dicke siht;
;;;501;30;;dâ von mag er ersterben niht.
;;;502;1;;Durch rât hânt si den betterisen.
;;;502;2;;in sîner jugent vurt unde wisen
;;;502;3;;reit er durch tjostieren.
;;;502;4;;wiltû dîn leben zieren
;;;502;5;;unde nâch rehter werdecheite varn,
;;;502;6;;sô soltû haz gegen wîben sparn.
;;;502;7;;wîp unde pfaffen sint bekant,
;;;502;8;;die tragent unwerlîche hant.
;;;502;9;;sô reichet über die pfaffen der gotes segen.
;;;502;10;;der sol dîn dienst mit triuwen pflegen,
;;;502;11;;dar umbe wirt dîn ende guot,
;;;502;12;;dû muost ze pfaffen haben muot.
;;;502;13;;wan swaz dîn ouge ûf erden siht,
;;;502;14;;daz glîchet sich dem priester niht.
;;;502;15;;sîn munt die marter sprichet,
;;;502;16;;diu unser vlust zerbrichet.
;;;502;17;;sô grîfet sîn gewîhtiu hant
;;;502;18;;an daz aller hœheste pfant,
;;;502;19;;daz ie vür schult versetzet wart.
;;;502;20;;swelch priester sich hât bewart,
;;;502;21;;daz er dem kiusche kan gegeben,
;;;502;22;;wie mac der heileclîcher leben?"
;;;502;23;;Diz was ir zweier scheidens tac.
;;;502;24;;Trefrizent sich des bewac,
;;;502;25;;er sprach: "gip mir dîne schulde her
;;;502;26;;- vor gote bin ich dîn wandels wer -
;;;502;27;;unde leiste, als ich dir hân gesaget.
;;;502;28;;blîp des willen unverzaget."
;;;502;29;;von ein ander schieden sie,
;;;502;30;;ir habt wol gehœret wie.
;;;503;1;;Ez nâhet nû wilden mæren,
;;;503;2;;Die vröude kunnen læren
;;;503;3;;unde die hôchgemüete bringent;
;;;503;4;;mit den beiden si ringent.
;;;503;5;;nû was ez über des jâres zît.
;;;503;6;;gescheiden was des kampfes strît,
;;;503;7;;den der grâve zem Plymizol
;;;503;8;;erwarp. der was ze Barbigol
;;;503;9;;von Tschampfenzun gesprochen;
;;;503;10;;dâ bleip ungerochen
;;;503;11;;der künec Kyngrisin.
;;;503;12;;Vergulaht, der sun sîn,
;;;503;13;;der kom gegen Gawane dar.
;;;503;14;;dô nam diu werlt ir sippe war
;;;503;15;;unde schiet den kampf ir sippe maht,
;;;503;16;;wande ouch der grâve Ehkunaht
;;;503;17;;ûf im die swæren schulde truoc,
;;;503;18;;der man Gawanen zêch genuoc.
;;;503;19;;daz verkôs Kyngrimursel
;;;503;20;;ûffe Gawanen, den degen snel.
;;;503;21;;si vuoren beide sunder dan,
;;;503;22;;Vergulaht unde Gawan,
;;;503;23;;an dem selben mâle
;;;503;24;;durch vorschen nâch dem Grâle.
;;;503;25;;aldâ si mit ir henden
;;;503;26;;manege tjost muosen senden.
;;;503;27;;wande swer des Grâles gerte,
;;;503;28;;der muose mit dem swerte
;;;503;29;;sich dem prîse nâhen.
;;;503;30;;sus sol man prîses gâhen.
;;;504;1;;Wiez Gawane komen sî,
;;;504;2;;der ie was missewende vrî,
;;;504;3;;sît er von Tschampfenzun geschiet,
;;;504;4;;ob sîn reise ûf strît geriet,
;;;504;5;;des jehen, diez dâ sâhen.
;;;504;6;;ez muoz nû strîte nâhen.
;;;504;7;;Eines morgens kom hêr Gawan
;;;504;8;;geriten ûf einen plân.
;;;504;9;;dâ sach er blicken einen schilt
;;;504;10;;- dâ was ein tjost durch gezilt -
;;;504;11;;unde ein pfert, daz vrouwen gereite truoc;
;;;504;12;;des satel unde zoum was tiure genuoc.
;;;504;13;;ez was gebunden vaste
;;;504;14;;zem schilte an einem aste.
;;;504;15;;Dô dâhter: "wer mac sîn diz wîp,
;;;504;16;;diu alsus werlîchen lîp
;;;504;17;;hât, sô daz si schiltes pfliget?
;;;504;18;;ob si sich strîtes gegen mir bewiget,
;;;504;19;;wie sol ich mich ir danne erwern?
;;;504;20;;ze vuoz triuwe ich mich wol ernern.
;;;504;21;;wil si die lenge ringen,
;;;504;22;;si mac mich nider bringen;
;;;504;23;;ich erwerbes haz oder gruoz,
;;;504;24;;sol hie ergân ein tjost ze vuoz.
;;;504;25;;ob ez halt vrou Camylle wære,
;;;504;26;;diu mit redelîchem mære
;;;504;27;;vor Laurente prîs erstreit,
;;;504;28;;wære si gesunt, als si dort reit,
;;;504;29;;Ez würde iedoch versuocht an sie,
;;;504;30;;ob si mir strîten büt al hie."
;;;505;1;;Der schilt was ouch verhouwen.
;;;505;2;;Gawan begunde in schouwen,
;;;505;3;;dô er dar zuo kom geriten.
;;;505;4;;der tjoste venster was versniten
;;;505;5;;Mit der glevîne wît;
;;;505;6;;Alsus mâlt si der strît.
;;;505;7;;wer gültez den schiltæren,
;;;505;8;;Ob ir varwe alsus wæren?
;;;505;9;;der linden grôz was ir stam.
;;;505;10;;Ouch saz ein vrouwe vreuden lam
;;;505;11;;dâr hinder ûf grüenem klê.
;;;505;12;;der tet grôz jâmer als wê,
;;;505;13;;daz si der vreuden gar vergaz.
;;;505;14;;Er reit hin umbe gein ir baz.
;;;505;15;;ir lac ein ritter in der schôz,
;;;505;16;;dâ von ir jâmer was sô grôz.
;;;505;17;;Gawan si grüezen niht versweic;
;;;505;18;;diu vrouwe im danket unde neic.
;;;505;19;;Er vant ir stimme heise,
;;;505;20;;verschrît durch ir vreise.
;;;505;21;;dô erbeizte mîn hêr Gawan.
;;;505;22;;dâ lac durchstochen ein man,
;;;505;23;;dem gie daz bluot in den lîp.
;;;505;24;;dô vrâget er des heldes wîp,
;;;505;25;;Ob der ritter lebte
;;;505;26;;Oder mit dem tôde strebte.
;;;505;27;;dô sprach si: "hêrre, er lebet noch -
;;;505;28;;Ich wæne, daz ist unlange doch.
;;;505;29;;Got sande iuch mir ze trôste her;
;;;505;30;;Nû râtet nâch iuwer triuwen ger.
;;;506;1;;Ir habt kumbers mê danne ich gesehen.
;;;506;2;;Lât iwern trôst an mir geschehen,
;;;506;3;;daz ich iuwer helfe schouwe."
;;;506;4;;"ich tuon", sprach er, "liebiu vrouwe.
;;;506;5;;disen ritter wold ich sterben wern;
;;;506;6;;ich trûwete in harte wol ernern,
;;;506;7;;het ich eine rœren.
;;;506;8;;sehen unde hœren
;;;506;9;;Möht ir in dicke noch gesunt,
;;;506;10;;wan er ist niht ze verhe wunt;
;;;506;11;;daz bluot ist sînes herzen last."
;;;506;12;;er begreif der linden einen ast,
;;;506;13;;er sleiz drabe einen louft als einen rôr
;;;506;14;;- er was zer wunden niht ein tôr -,
;;;506;15;;den schoup er zer tjost in den lîp.
;;;506;16;;dô bat er sûgen daz wîp,
;;;506;17;;unz daz daz bluot gein ir vlôz.
;;;506;18;;des heldes kraft sich ûf entslôz,
;;;506;19;;daz er wol rette unde sprach,
;;;506;20;;dô er Gawanen ob im sach.
;;;506;21;;des danket er im sêre
;;;506;22;;unde jach, er het es êre,
;;;506;23;;daz er in schiet von unkraft,
;;;506;24;;unde vrâget in, ob er durch ritterschaft
;;;506;25;;wære komen dar gein Logrois.
;;;506;26;;"ich streich ouch verre von Puntertoys
;;;506;27;;unde wolde hie âventiure bejagen.
;;;506;28;;von herzen sol ichs iemer klagen,
;;;506;29;;daz ich sô nâhen geriten bin.
;;;506;30;;ir sultz ouch mîden, habet ir sin.
;;;507;1;;Ich wânde niht, daz ez kœme alsus.
;;;507;2;;Lyschoys Gewellius
;;;507;3;;hât mich sêre geletzet
;;;507;4;;unde hinderz ors gesetzet
;;;507;5;;Mit einer tjost rîche;
;;;507;6;;diu ergienc sô hurteclîche
;;;507;7;;durch mînen schilt unde durch den lîp.
;;;507;8;;dô half mir diz getriuwe wîp
;;;507;9;;ûf ir pferde an dise stat."
;;;507;10;;Gawanen er sêre belîben bat.
;;;507;11;;Gawan sprach, er wolde besehen,
;;;507;12;;wâ im der schade dâ wære geschehen.
;;;507;13;;"Liget Logrois sô nâhen,
;;;507;14;;Mag ich in dâr vor ergâhen,
;;;507;15;;Sô muoz er antwürten mir.
;;;507;16;;ich vrâget in, waz er ræche an dir."
;;;507;17;;"des entuo niht", sprach der wunde man,
;;;507;18;;"der wârheit ich dir jehen kan;
;;;507;19;;dar engêt niht kinde reise,
;;;507;20;;ez mac wol heizen vreise."
;;;507;21;;Gawan die wunden verbant
;;;507;22;;Mit der vrowen houbtgewant.
;;;507;23;;er sprach zer wunden wunden segen;
;;;507;24;;er bat got man unde wîbes pflegen.
;;;507;25;;er vant bluotic ir slâ,
;;;507;26;;als ein hirze wære erschozzen dâ.
;;;507;27;;dazn liez niht irre in rîten;
;;;507;28;;Er sach in kurzen zîten
;;;507;29;;Logrois, die gehêrten.
;;;507;30;;vil liute mit lobe si êrten.
;;;508;1;;In der bürge lâgen lobes werc:
;;;508;2;;nâch trendeln mâze was der berc,
;;;508;3;;Swâ si verre sach der tumbe,
;;;508;4;;er wânde, si liefe alumbe.
;;;508;5;;der bürge man noch hiute giht,
;;;508;6;;daz gein ir sturmes hôrte niht.
;;;508;7;;Si vorhte wênic sölche nôt,
;;;508;8;;Swâ man hazzen gein ir bôt.
;;;508;9;;Alumben berc lac ein hac,
;;;508;10;;des man mit edeln boumen pflac.
;;;508;11;;vîgenboume, grânât,
;;;508;12;;olei, wîn unde ander rât,
;;;508;13;;des wuohs dâ ganziu rîcheit.
;;;508;14;;Gawan die strâze al ûf hin reit;
;;;508;15;;dô sach er niderhalben sîn
;;;508;16;;vreude unde sînes herzen pîn.
;;;508;17;;ein brunne ûzem velse schôz;
;;;508;18;;dâ vant er, des in niht verdrôz,
;;;508;19;;ein alsô clâren vrouwen,
;;;508;20;;die er gerne muoze schouwen,
;;;508;21;;aller wîbe varwe ein bêâflûrs.
;;;508;22;;Âne Cundewiramurs
;;;508;23;;wart nie geborn schœner wîp.
;;;508;24;;Mit clârheit süeze was ir lîp,
;;;508;25;;wol geschicket unde kurtois.
;;;508;26;;Si hiez Orgeluse de Logrois.
;;;508;27;;ouch sagt uns diu âventiure von ir,
;;;508;28;;Si wære ein reizzel minnen gir,
;;;508;29;;Ougen süeze âne smerzen
;;;508;30;;unde ein spansenwe des herzen.
;;;509;1;;Gawan bôt ir sînen gruoz.
;;;509;2;;er sprach: "ob ich erbeizen muoz
;;;509;3;;Mit iuwern hulden, vrouwe,
;;;509;4;;ob ich iuch des willen schouwe,
;;;509;5;;daz ir mich gerne bî iu hât,
;;;509;6;;Grôz riuwe mich bî vreuden lât:
;;;509;7;;Sôn wart nie rîter mê sô vrô.
;;;509;8;;Mîn lîp muoz ersterben sô,
;;;509;9;;daz mir niemer wîp gevellet baz."
;;;509;10;;"daz ist êt wol, nû weiz ouch ich daz."
;;;509;11;;Sölch was ir rede, dô si an in sach.
;;;509;12;;ir süezer munt mê dannoch sprach:
;;;509;13;;"Nû enlobt mich niht ze sêre;
;;;509;14;;ir enpfâht es lîhte unêre.
;;;509;15;;ich enwil niht, daz ein ieslîch munt
;;;509;16;;Gein mir tuo sîn prüeven kunt.
;;;509;17;;wære mîn lop gemeine
;;;509;18;;- daz hieze wirde kleine -
;;;509;19;;dem wîsen unde dem tumben,
;;;509;20;;dem slehten unde dem krumben,
;;;509;21;;wâ riht ez sich danne vür
;;;509;22;;Nâch der werdecheite kür?
;;;509;23;;ich sol mîn lop behalten,
;;;509;24;;daz es die wîsen walten.
;;;509;25;;ichn weiz niht, hêrre, wer ir sît;
;;;509;26;;iuwers rîtens wære von mir zît.
;;;509;27;;Mîn prüeven lât iuch doch niht vrî:
;;;509;28;;ir sît mînem herzen bî -
;;;509;29;;verre ûzerhalp, niht drinne!
;;;509;30;;gert ir mîner minne,
;;;510;1;;wie habt ir minne ân mich geholt?
;;;510;2;;maneger sîniu ougen bolt,
;;;510;3;;er möhte si ûf einer slingen
;;;510;4;;ze senfterm wurfe bringen,
;;;510;5;;ob er sehen niht vermîdet,
;;;510;6;;daz in sîn herze snîdet.
;;;510;7;;lât walzen iuwer kranke gir
;;;510;8;;ûf ander minne danne ze mir.
;;;510;9;;dient nâch minne iuwer hant,
;;;510;10;;hât iuch âventiure gesant
;;;510;11;;nâch minne ûf rîterlîche tât,
;;;510;12;;des lônes ir an mir niht hât.
;;;510;13;;ir muget wol laster hie bejagen,
;;;510;14;;muoz ich iu die wârheit sagen."
;;;510;15;;Dô sprach er: "vrouwe, ir saget alwâr,
;;;510;16;;mîniu ougen sint des herzen vâr;
;;;510;17;;diu hânt an iuwerm lîbe ersehen,
;;;510;18;;daz ich mit wârheit des muoz jehen,
;;;510;19;;daz ich iuwer gevangen bin.
;;;510;20;;kêret gegen mir wîplîchen sin.
;;;510;21;;wiez iuch habe verdrozzen,
;;;510;22;;ir habt mich în geslozzen.
;;;510;23;;nû lœset oder bindet.
;;;510;24;;des willen ir mich vindet:
;;;510;25;;het ich iuch, swâ ich wolte,
;;;510;26;;den wunsch ich gerne dolte."
;;;510;27;;Si sprach: "nû vüeret mich mit iu hin.
;;;510;28;;welt ir teilen den gewin,
;;;510;29;;den ir mit minne an mir bejaget,
;;;510;30;;mit lastere irz dâr nâch beklaget.
;;;511;1;;ich wiste gerne, ob ir der sît,
;;;511;2;;der durch mich getorste lîden strît.
;;;511;3;;daz verbert, durft ir êre.
;;;511;4;;solt ich iu râten mêre,
;;;511;5;;spræchet ir danne der volge 'jâ',
;;;511;6;;sô suochet ir minne anderswâ.
;;;511;7;;ob ir mîner minne gert,
;;;511;8;;minne unde vröude ir sît entwert.
;;;511;9;;ob ir mich hinnen vüeret,
;;;511;10;;grôz sorge iuch dar nâch rüeret."
;;;511;11;;Dô sprach mîn hêr Gawan:
;;;511;12;;"swer minne mac ungedienet hân
;;;511;13;;- muoz ich iu daz künden? -,
;;;511;14;;der treit si hin mit sünden.
;;;511;15;;swem ist ze werder minne gâch,
;;;511;16;;dâ hœret dienst vor unde nâch."
;;;511;17;;Si sprach: "welt ir mir dienst geben,
;;;511;18;;sô müezet ir werlîche leben
;;;511;19;;unde muget doch laster wol bejagen.
;;;511;20;;mîn dienst bedarf deheines zagen.
;;;511;21;;vart jenen pfat - ez ist niht ein wec -
;;;511;22;;dort über jenen hôhen stec
;;;511;23;;in einem boumgarten.
;;;511;24;;mînes pferdes sult ir dâ warten.
;;;511;25;;dâ seht ir unde hœret manege diet,
;;;511;26;;die tanzent unde singent liet,
;;;511;27;;tambûren, floitieren.
;;;511;28;;swie si iuch condewieren,
;;;511;29;;gêt durch si, dâ mîn pfert dort stêt,
;;;511;30;;unde lœset ez ûf: nâch iu ez gêt."
;;;512;1;;Gawan von dem orse spranc.
;;;512;2;;dô het er manegen gedanc,
;;;512;3;;wie daz ors sîn erbite.
;;;512;4;;dem brunnen wonte niender mite,
;;;512;5;;daz erz geheften möhte.
;;;512;6;;er dâhte, ob im daz töhte,
;;;512;7;;daz siz ze behaltenne næme,
;;;512;8;;ob im diu bete zæme.
;;;512;9;;"Ich sihe wol, wes ir angest hât",
;;;512;10;;sprach si. "diz ors mir stân hie lât;
;;;512;11;;daz behalt ich, unz ir wider komet.
;;;512;12;;mîn dienst iu doch vil kleine vromet."
;;;512;13;;Dô nam mîn hêr Gawan
;;;512;14;;den zügel von dem orse dan.
;;;512;15;;er sprach: "nû habt mirz, vrouwe."
;;;512;16;;"bî tumpheit ich iuch schouwe",
;;;512;17;;sprach si, "wan dâ lac iuwer hant,
;;;512;18;;der grif sol mir sîn unbekant."
;;;512;19;;Dô sprach der minne gernde man:
;;;512;20;;"vrouwe, ine greif nie vorne dran."
;;;512;21;;"Nû wil ichz enpfâhen",
;;;512;22;;sprach si, "nû sult ir gâhen.
;;;512;23;;nû bringet mir balde mîn pfert;
;;;512;24;;mîner reise ir sît mit mir gewert."
;;;512;25;;Daz dûht in vröudehaft gewin.
;;;512;26;;dô gâhet er balde von ir hin
;;;512;27;;übern stec zer porten în.
;;;512;28;;dâ sach er maneger vrouwen schîn
;;;512;29;;unde manegen rîter jungen,
;;;512;30;;die tanzten unde sungen.
;;;513;1;;Dô was mîn hêr Gawan
;;;513;2;;sô gezimieret ein man,
;;;513;3;;daz ez si lêrte riuwe,
;;;513;4;;wan si heten triuwe,
;;;513;5;;die des boumgarten pflâgen.
;;;513;6;;si stuonden oder lâgen
;;;513;7;;oder sâzen in gezelten,
;;;513;8;;die vergâzen des vil selten,
;;;513;9;;sine klageten sînen kumber grôz.
;;;513;10;;man unde wîp des niht verdrôz,
;;;513;11;;genuoge sprâchen, den ez was leit:
;;;513;12;;"mîner vrouwen trügeheit
;;;513;13;;wil disen man verleiten
;;;513;14;;ze grôzen arbeiten.
;;;513;15;;ouwê, daz er ir volgen wil
;;;513;16;;ûf alse riuwebæriu zil!"
;;;513;17;;Manec wert man dâ gegen im gienc,
;;;513;18;;der in mit armen umbevienc
;;;513;19;;durch vriuntlîch enpfâhen.
;;;513;20;;dar nâch begunder nâhen
;;;513;21;;einem oleiboume; dâ stuont daz pfert.
;;;513;22;;ouch was maneger marke wert
;;;513;23;;der zoum unde sîn gereite.
;;;513;24;;mit einem barte breite,
;;;513;25;;wol gevlohten unde grâ,
;;;513;26;;stuont dâr bî ein rîter dâ
;;;513;27;;über eine krücke geleinet.
;;;513;28;;von dem wart beweinet,
;;;513;29;;daz Gawan zuo dem pferde gienc.
;;;513;30;;mit süezer rede ern doch enpfienc.
;;;514;1;;Er sprach: "welt ir râtes pflegen,
;;;514;2;;ir sult iuch disses pferdes bewegen.
;;;514;3;;ez enwert iu doch nieman hie;
;;;514;4;;getât ir daz wægest ie,
;;;514;5;;sô sult irz hie lâzen.
;;;514;6;;mîn vrouwe sî verwâzen,
;;;514;7;;daz si sô manegen werden man
;;;514;8;;von dem lîbe scheiden kan."
;;;514;9;;Gawan sprach, ern liezes niht.
;;;514;10;;"Ouwê, waz dan dar nâch geschiht!",
;;;514;11;;sprach der grâwe rîter wert.
;;;514;12;;die halftern lôster vonme pfert.
;;;514;13;;er sprach: "ir sult niht langer stên;
;;;514;14;;lât diz pfert nâch iu gên.
;;;514;15;;des hant daz mer gesalzen hât,
;;;514;16;;der gebiu vür kumber rât.
;;;514;17;;hüet, daz iuch iht gehœne
;;;514;18;;mîner vrouwen schœne,
;;;514;19;;wan diu ist bî der süeze alsûr,
;;;514;20;;reht als ein sunnenblicker schûr."
;;;514;21;;"Nû waltes got", sprach Gawan.
;;;514;22;;urloup nam er zem grâwen man;
;;;514;23;;als tet er hie unde dort.
;;;514;24;;si sprâchen alle klagendiu wort.
;;;514;25;;daz pfert gienc einen smalen stec
;;;514;26;;zer porten ûz nâch im ûf den wec.
;;;514;27;;sînes herzen voget er dâ vant;
;;;514;28;;diu was vrouwe überz lant.
;;;514;29;;swie sîn herze gegen ir vlôch,
;;;514;30;;vil kumbers sim doch drîn gezôch.
;;;515;1;;Si hete mit ir hende
;;;515;2;;underme kinne daz gebende
;;;515;3;;hin ûf ir houbet geleit.
;;;515;4;;kampfbæriu lide treit
;;;515;5;;ein wîp, die man vindet sô;
;;;515;6;;diu wære lîhte eines kampfes vrô.
;;;515;7;;waz si anderre kleider trüege?
;;;515;8;;ob ich des gewüege,
;;;515;9;;daz ich prüeven solte ir wât,
;;;515;10;;ir liehter blic mich des enlât.
;;;515;11;;Dô Gawan zer vrouwen gienc,
;;;515;12;;ir süezer munt in sus enpfienc.
;;;515;13;;si sprach: "sît willekomen, ir gans.
;;;515;14;;nie man sô grôze tumpheit dans,
;;;515;15;;ob ir mich dienstes welt wern.
;;;515;16;;ouwê, wie gerne irz möht verbern!"
;;;515;17;;Er sprach: "ist iu zornes gâch,
;;;515;18;;dâ hœret iedoch gnâde nâch.
;;;515;19;;sît ir strâfet mich sô sêre,
;;;515;20;;ir habt ergetzens êre,
;;;515;21;;die wîle mîn hant iu dienst tuot,
;;;515;22;;unz ir gewinnet lônes muot.
;;;515;23;;welt ir, ich hebiuch ûfz pfert."
;;;515;24;;si sprach: "des hân ich niht gegert.
;;;515;25;;iuwer unversichert hant
;;;515;26;;mac grîfen wol an smæher pfant."
;;;515;27;;hin umbe si sich von im swanc,
;;;515;28;;von den bluomen ûf daz pfert si spranc.
;;;515;29;;Si bat in, daz er rite vür.
;;;515;30;;"ez wære eht schade, ob ich verlür
;;;516;1;;sus ahtbæren gesellen",
;;;516;2;;sprach si. "got muoziuch vellen."
;;;516;3;;Swer nû des welle volgen mir,
;;;516;4;;der mîde valsche rede gein ir.
;;;516;5;;nieman sich verspreche,
;;;516;6;;ern wizze, waz er reche,
;;;516;7;;unz er gewinne künde,
;;;516;8;;wiez umb ir herze stüende.
;;;516;9;;ich künde ouch wol gerechen dar
;;;516;10;;gegen der vrouwen lieht gevar;
;;;516;11;;Swaz si hât gegen Gawan
;;;516;12;;in ir zorne missetân
;;;516;13;;oder daz si noch getuot gein im,
;;;516;14;;die râche ich alle von ir nim.
;;;516;15;;Orgeluse, diu rîche,
;;;516;16;;vuor ungeselleclîche.
;;;516;17;;ze Gawane si kom geriten
;;;516;18;;mit alsô zornlîchen siten,
;;;516;19;;daz ichs mich wênic trôste,
;;;516;20;;daz si mich von sorgen lôste.
;;;516;21;;si riten dannen beide
;;;516;22;;über eine liehte heide.
;;;516;23;;ein krût Gawan dâ stênde sach.
;;;516;24;;der würze er zer wunden helfe jach.
;;;516;25;;dô erbeizete der werde
;;;516;26;;nider ûf die erde;
;;;516;27;;er gruop si ûz, wider ûf er saz.
;;;516;28;;Diu vrouwe ir rede niht vergaz;
;;;516;29;;si sprach: "kan der geselle mîn
;;;516;30;;arzât unde rîter sîn,
;;;517;1;;er mac sich harte wol bejagen,
;;;517;2;;gelernet er bühsen veile tragen."
;;;517;3;;Zer vrouwen sprach Gawans munt:
;;;517;4;;"ich reit vür einen rîter wunt,
;;;517;5;;des dach ist ein linde.
;;;517;6;;ob ich den noch vinde,
;;;517;7;;disiu würz sol in wol ernern
;;;517;8;;unde alsîn unkraft erwern."
;;;517;9;;Si sprach: "daz sich ich gerne.
;;;517;10;;waz, ob ich kunst gelerne?"
;;;517;11;;Dô vuor in balde ein knappe nâch;
;;;517;12;;dem was zer botschefte gâch,
;;;517;13;;die er dâ werben solte.
;;;517;14;;Gawan sîn bîten wolte;
;;;517;15;;dô dûhtern ungehiure.
;;;517;16;;Malacreatiure
;;;517;17;;hiez der knappe fiere;
;;;517;18;;Kundrie Lasursiere
;;;517;19;;was sîn swester wolgetân.
;;;517;20;;
;;;517;21;;
;;;517;22;;im was ouch ietweder zan
;;;517;23;;als einem eber wilde,
;;;517;24;;unglîch menschen bilde.
;;;517;25;;im was ouch daz hâr niht sô lanc,
;;;517;26;;als ez Kundrien ûf den mûl dort swanc.
;;;517;27;;kurz, scharpf als eines igels hût ez was.
;;;517;28;;bî dem wazzer Ganyas
;;;517;29;;in dem lande ze Tribalibot
;;;517;30;;wahsent liute alsus durch nôt.
;;;518;1;;Unser vater Adam,
;;;518;2;;die kunst er von gote nam,
;;;518;3;;er gap allen dingen namen,
;;;518;4;;beidiu wilden unde zamen.
;;;518;5;;er erkande iegeslîches art,
;;;518;6;;dar zuo der sternen umbevart,
;;;518;7;;der siben plânêten,
;;;518;8;;waz die krefte heten.
;;;518;9;;er bekante aller würze maht
;;;518;10;;unde wie iegeslîcher was geslaht.
;;;518;11;;dô sîniu kint der jâre kraft
;;;518;12;;gewunnen, daz si berhaft
;;;518;13;;wurden menschlîcher vruht,
;;;518;14;;er widerriet in ungenuht.
;;;518;15;;swâ sîner tohtere deheiniu truoc,
;;;518;16;;vil dicke er des gegen in gewuoc
;;;518;17;;- den rât er selten gegen in liez -:
;;;518;18;;vil würze er si mîden hiez,
;;;518;19;;die menschen vruht verkêrten
;;;518;20;;unde ir geslehte unêrten,
;;;518;21;;anders danne got uns maz,
;;;518;22;;dô er über uns ze werke saz.
;;;518;23;;Dô sprach er: "mîniu vil liebiu kint,
;;;518;24;;nû sît an sælecheite niht blint."
;;;518;25;;diu wîp tâten eht alse wîp;
;;;518;26;;etslîcher riet ir brœder lîp,
;;;518;27;;daz si diu werc vollebrâhte,
;;;518;28;;alsirs herzen gir gedâhte.
;;;518;29;;Sus verkêrte sich diu menscheit;
;;;518;30;;daz was iedoch Adame leit.
;;;519;1;;Doch enzwîvelte nie sîn wille.
;;;519;2;;diu künegîn Secundille,
;;;519;3;;die Ferefis mit rîters hant
;;;519;4;;erwarp, ir lîp unde ir lant,
;;;519;5;;diu hete in ir rîche
;;;519;6;;harte unlougenlîche
;;;519;7;;von alter dâ der liute vil
;;;519;8;;mit verkêrten antlitzes zil;
;;;519;9;;si truogen vremdiu, wilt mâl.
;;;519;10;;dô seite man ir umbe den Grâl,
;;;519;11;;daz ûf erde niht sô rîches was
;;;519;12;;unde des pflæge ein künec, hiez Anfortas.
;;;519;13;;Daz dûht si wunderlîch genuoc,
;;;519;14;;wande vil wazzer in ir lande truoc
;;;519;15;;vür den griez edel steine.
;;;519;16;;grôze, niht ze kleine,
;;;519;17;;hete si gebirge guldîn.
;;;519;18;;dô dâhte diu edele künegîn:
;;;519;19;;"wie gewinnich künde disses man,
;;;519;20;;dem der Grâl ist undertân?"
;;;519;21;;si sante ir kleinœte dar,
;;;519;22;;zwei menschen wunderlîch gevar,
;;;519;23;;Kundrien unde ir bruoder clâr.
;;;519;24;;si santim mêr dannoch vür wâr,
;;;519;25;;daz nieman möhte vergelten;
;;;519;26;;man vündez veile selten.
;;;519;27;;Dô sante der süeze Anfortas,
;;;519;28;;wander eht ie vil milte was,
;;;519;30;;disen knappen kurtois
;;;519;29;;Orgelusen de Logrois.
;;;520;1;;von wîbes gir ein underscheit
;;;520;2;;verkêrtim die menscheit.
;;;520;3;;
;;;520;4;;
;;;520;5;;der hete sîn ûf dem wege erbiten.
;;;520;6;;Malacreature kom geriten
;;;520;7;;ûf einem runzîde kranc,
;;;520;8;;daz von leme an allen vieren hanc.
;;;520;9;;ez strûhte dicke ûf die erde.
;;;520;10;;vrô Jeschute, diu werde,
;;;520;11;;iedoch ein bezzer pfert reit
;;;520;12;;des tages, dô Parcifal erstreit
;;;520;13;;ab Orilus die hulde;
;;;520;14;;die verlôs si âne ir schulde.
;;;520;15;;Nû Gawanen der knappe sach.
;;;520;16;;Malacreature mit zorne sprach:
;;;520;17;;"hêrre, sît ir von rîters art,
;;;520;18;;sô möhtirz gerne hân bewart.
;;;520;19;;ir dunket mich ein tumber man,
;;;520;20;;daz ir mîne vrouwe vüeret dan.
;;;520;21;;ouch werdet irs underwîset,
;;;520;22;;daz man iuch drumbe prîset,
;;;520;23;;ob sichs erwert iuwer hant.
;;;520;24;;sît aber ir ein sarjant,
;;;520;25;;ir werdet gealûnet sô mit staben,
;;;520;26;;daz irs gerner möhtet wandel haben.
;;;520;27;;
;;;520;28;;
;;;520;29;;Sus sol man walken gampelher,
;;;520;30;;die niht sint mit manlîcher wer."
;;;521;1;;"Ich bin noch ledic vor solhem pîn.
;;;521;2;;welt aber ir unde diu vrouwe mîn
;;;521;3;;mir smæhe rede bieten,
;;;521;4;;ir müezet iuch eine nieten,
;;;521;5;;daz ir wol muget vür zürnen hân.
;;;521;6;;swie engeslîche ir sît getân,
;;;521;7;;ich enbære doch sanfte iuwerre drô."
;;;521;8;;Gawan in bî dem hâre dô
;;;521;9;;nam unde swanc in underz pfert.
;;;521;10;;Der knappe wîse unde wert
;;;521;11;;vorhtlîche wider sach.
;;;521;12;;sîn igelmæzic hût sich rach;
;;;521;13;;daz versneit Gawane dô die hant,
;;;521;14;;daz si wart von bluote alrôt bekant.
;;;521;15;;Des lachete dô diu vrouwe;
;;;521;16;;si sprach: "vil gerne ich schouwe
;;;521;17;;iuch zwêne sus mit zornes site."
;;;521;18;;Si kêrten dan - daz pfert lief mite -
;;;521;19;;unde kômen, dâ si vunden
;;;521;20;;ligen den rîter wunden.
;;;521;21;;Mit triuwen Gawanes hant
;;;521;22;;die würz ûf die wunden bant.
;;;521;23;;Der wunde sprach: "wie ergiengez dir,
;;;521;24;;sît daz dû schiede hie von mir?
;;;521;25;;dû hâst eine vrouwen brâht,
;;;521;26;;diu dîner schanden hât gedâht.
;;;521;27;;von der schult ist mir sô wê;
;;;521;28;;In Avestroyt Mavoie
;;;521;29;;half si mir scharpfer tjoste
;;;521;30;;gegen mînes verhes koste.
;;;522;1;;wellestû behalten dînen lîp,
;;;522;2;;sô lâ diz trügehafte wîp
;;;522;3;;rîten unde kêre von ir.
;;;522;4;;nû prüeve selbe ir rât an mir.
;;;522;5;;doch möhtich harte wol genesen,
;;;522;6;;ob ich bî ruowe solte wesen.
;;;522;7;;dar hilf mir, getriuwer man."
;;;522;8;;Dô sprach mîn hêr Gawan:
;;;522;9;;"nim aller mîner helfe wal."
;;;522;10;;"hie nâhe stât ein spitâl",
;;;522;11;;alsô sprach der rîter wunt.
;;;522;12;;"kœme ich dar in kurzer stunt,
;;;522;13;;dâ möhtich ruowen lange zît.
;;;522;14;;mîner vrouwen runzît
;;;522;15;;habe wir stênde alstarkez hie.
;;;522;16;;nû hebe si drûf, mich hinder sie."
;;;522;17;;Dô bant der wol geborne gast
;;;522;18;;der vrouwen pfert von dem ast;
;;;522;19;;er woltez ziehen nâher ir.
;;;522;20;;Der wunde sprach: "hin dan von mir!
;;;522;21;;wie ist iuch tretens mich sô gâch?"
;;;522;22;;er zôhez verre; diu vrouwe gie nâch,
;;;522;23;;sanfte unde doch niht drâte,
;;;522;24;;al nâch ir mannes râte.
;;;522;25;;Gawan ûf daz pfert si swanc.
;;;522;26;;in des der wunde rîter spranc
;;;522;27;;ûf Gawanes kastelân.
;;;522;28;;ich wæne, daz was missetân.
;;;522;29;;er unde sîn wîp, die riten hin;
;;;522;30;;daz was ein sündehaft gewin.
;;;523;1;;Gawan daz klagete sêre.
;;;523;2;;diu vrouwe es lachete mêre,
;;;523;3;;dan iender schimpfes im gezam.
;;;523;4;;sît daz man im daz ors dâ nam,
;;;523;5;;Ir süezer munt hin zim dô sprach:
;;;523;6;;"vür einen rîter ich iuch ê sach.
;;;523;7;;dâ nâch in kurzen stunden
;;;523;8;;wurdet ir arzât vür die wunden.
;;;523;9;;nû müezet ir ein garzûn wesen.
;;;523;10;;sol iemen sîner kunst genesen,
;;;523;11;;sô trœstet iuch iuwerre sinne.
;;;523;12;;gert ir noch mîner minne?"
;;;523;13;;"Jâ, vrouwe", sprach hêr Gawan,
;;;523;14;;"möhtich iuwer minne hân,
;;;523;15;;diu wære mir lieber danne iht.
;;;523;16;;ez enwont ûf der erden nihtes niht
;;;523;17;;under krône unde alle, die krône tragent
;;;523;18;;unde die vreudehaften prîs bejagent,
;;;523;19;;der gegen iu teilte ir gewin,
;;;523;20;;sô râtet mir mînes herzen sin,
;;;523;21;;daz ichz in lâzen solte
;;;523;22;;unde iuwer minne haben wolte.
;;;523;23;;mag ich der niht erwerben,
;;;523;24;;sô muoz ein sûrez sterben
;;;523;25;;sich schiere an mir erzeigen.
;;;523;26;;ir wüestet iuwer eigen.
;;;523;27;;ob ich vrîheit ie gewan,
;;;523;28;;ir sult mich doch vür eigen hân;
;;;523;29;;daz dunket mich iuwer ledic reht.
;;;523;30;;nû nennet mich rîter oder kneht,
;;;524;1;;garzûn oder vilân.
;;;524;2;;swaz ir spottes gegen mir hât getân,
;;;524;3;;dâ mit ir sünde enpfâhet,
;;;524;4;;ob ir mîn dienst versmâhet.
;;;524;5;;soltich dienstes geniezen,
;;;524;6;;iuch möhte spottes verdriezen.
;;;524;7;;ob ez mir niemer würde leit,
;;;524;8;;ez krenket doch iuwer wîpheit."
;;;524;9;;Wider reit zim der wunde man
;;;524;10;;unde sprach: "bistûz, Gawan?
;;;524;11;;hâstû nû iht geborget mir,
;;;524;12;;daz ist nû gar vergolten dir,
;;;524;13;;dô mich dîn manlîchiu kraft
;;;524;14;;vienc in herter rîterschaft
;;;524;15;;unde dô dû bræhte mich ze hûs
;;;524;16;;dînem œheim Artus.
;;;524;17;;vier wochen er des niht vergaz:
;;;524;18;;die zît ich mit den hunden az."
;;;524;19;;Dô sprach er: "bistûz, Vryans?
;;;524;20;;ob dû mir nû schaden gans,
;;;524;21;;den trag ich âne schulde;
;;;524;22;;ich erwarp dir des küneges hulde.
;;;524;23;;ein swach sin half dir unde riet.
;;;524;24;;von schiltes ambet man dich schiet
;;;524;25;;unde sagete dich gar rehte lôs,
;;;524;26;;durch daz ein maget von dir verlôs
;;;524;27;;ir reht, dar zuo des landes vride.
;;;524;28;;Künec Artus mit einer wide
;;;524;29;;woltez gerne hân gerochen,
;;;524;30;;hettich dich niht versprochen."
;;;525;1;;"Swaz dort geschach - dû stêst nû hie.
;;;525;2;;dû hôrtes vor dir sprechen ie,
;;;525;3;;swer dem andern half, daz er genas,
;;;525;4;;daz er sîn vîent dâ nâch was.
;;;525;5;;Ich tuon als die bî witzen sint.
;;;525;6;;sich vüeget baz, ob weinet ein kint
;;;525;7;;danne ein bartohter man.
;;;525;8;;ich wil diz ors aleine hân."
;;;525;9;;mit sporn erz vaste von im reit.
;;;525;10;;daz was iedoch Gawane leit.
;;;525;11;;Er sprach zer vrouwen: "ez kom sô,
;;;525;12;;daz der künec Artus was dô
;;;525;13;;in der stat ze Dyanarsun,
;;;525;14;;bî im dâ manec Britun.
;;;525;15;;dem was ein maget dar gesant
;;;525;16;;durch botschaft in sîn lant.
;;;525;17;;ouch was dirre ungehiure
;;;525;18;;ûz komen durch âventiure.
;;;525;19;;er was gast unde si gestîn.
;;;525;20;;dô riet im sîn kranker sin,
;;;525;21;;daz er mit der vrouwen ranc
;;;525;22;;nâch sînem willen, gar ân ir danc.
;;;525;23;;hin ze hove kom daz geschrei.
;;;525;24;;der künec rief lûte: 'heiâ hei!'
;;;525;25;;diz geschach vor einem walde;
;;;525;26;;dar kêrte wir albalde.
;;;525;27;;ich vuor den andern verre vor
;;;525;28;;unde ergreif des schuldehaften spor.
;;;525;29;;gevangen vuortich disen man
;;;525;30;;vür den künec under dan.
;;;526;1;;Diu vrouwe reit uns allez mite.
;;;526;2;;riuwebæric was ir site,
;;;526;3;;durch daz er ir hete genomen,
;;;526;4;;der nie was in ir dienst komen,
;;;526;5;;ir kiuscheclîchen magetuom.
;;;526;6;;ouch bejageter vil kranken ruom
;;;526;7;;gegen ir unwerlîchen hant.
;;;526;8;;mînen hêrren si mit zorne vant,
;;;526;9;;Artusen, den getriuwen.
;;;526;10;;er sprach: 'diu werlt sol riuwen
;;;526;11;;diz vervluochete mein.
;;;526;12;;ouwê, daz ie der tac erschein,
;;;526;13;;bî des liehte disiu nôt geschach
;;;526;14;;unde dâ man mir gerihtes jach
;;;526;15;;unde dâ ich hiute rihter bin!'
;;;526;16;;er sprach zer vrouwen: 'habt ir sin,
;;;526;17;;nemet vorsprechen unde klaget.'
;;;526;18;;diu vrouwe was des unverzaget:
;;;526;19;;Si tet, als ir der künec riet.
;;;526;20;;dâ stuont von rîtern grôziu diet.
;;;526;21;;Vryanz, der vürste ûz Puntertoys,
;;;526;22;;stuont dâ vor dem Britunoys
;;;526;23;;ûf alsîn êre unde ûf den lîp.
;;;526;24;;vür gie daz klagehafte wîp,
;;;526;25;;dâz rîche unde arme hôrten.
;;;526;26;;si bat mit klagenden worten
;;;526;27;;den künec durch alle wîpheit,
;;;526;28;;daz im wære ir laster leit,
;;;526;29;;unde durch magetuomlîche êre.
;;;526;30;;si bat in vürbaz mêre
;;;527;1;;durch der tavelrunder art
;;;527;2;;unde durch der botschefte vart,
;;;527;3;;als si wære an in gesant;
;;;527;4;;wærer ze rihtære erkant,
;;;527;5;;daz er danne rihte ir swære
;;;527;6;;durch des gerihtes mære.
;;;527;7;;si bat der tavelrunder schar
;;;527;8;;alle ir rehtes nemen war,
;;;527;9;;sît daz ir wære ein roup genomen,
;;;527;10;;der niemer möhte wider komen
;;;527;11;;- ir magetuom kiusche, reine -,
;;;527;12;;daz si algemeine
;;;527;14;;an ir rede træten
;;;527;13;;unde den künec gerihtes bæten.
;;;527;15;;Vürsprechen nam der schuldige man,
;;;527;16;;dem ich nû kranker êren gan.
;;;527;17;;der wert in, als er mohte.
;;;527;18;;diu wer im doch niht tohte.
;;;527;19;;man verteilt im daz leben unde sînen prîs
;;;527;20;;unde daz man winden solte ein rîs,
;;;527;21;;dâr an im sterben würde erkant
;;;527;22;;âne bluotige hant.
;;;527;23;;er rief mich an - des gienc in nôt -
;;;527;24;;unde mante mich, daz er mir bôt
;;;527;25;;sicherheit durch genesen.
;;;527;26;;ich vorhte âne alle mîn êre wesen,
;;;527;27;;ob er verlür dâ sînen lîp.
;;;527;28;;ich bat daz klagehafte wîp,
;;;527;29;;sît daz si mit ir ougen sach,
;;;527;30;;daz ich si manlîche rach,
;;;528;1;;daz si durch wîbes güete
;;;528;2;;senftert ir gemüete,
;;;528;3;;sît daz si müese ir minne im jehen,
;;;528;4;;swaz ir dâ von im was geschehen
;;;528;5;;an ir clâren lîbe.
;;;528;6;;'ob ieman von wîbe
;;;528;7;;mit dienste kom in kumbers nôt,
;;;528;8;;ob si dar nâch im helfe bôt,
;;;528;9;;der helfe tuot ez zêren,
;;;528;10;;lât iuch von kumber kêren.'
;;;528;11;;Ich bat den künec unde sîne man,
;;;528;12;;ob ich im ie hete getân
;;;528;13;;deheinen dienst, daz ers gedæhte,
;;;528;14;;daz er mir lasters æhte
;;;528;15;;mit einem site werte
;;;528;16;;unde den rîter nerte.
;;;528;17;;sîn wîp, die küneginne,
;;;528;18;;bat ich durch sippe minne,
;;;528;19;;wande mich der künec von kinde zôch
;;;528;20;;unde daz mîn triuwe ie gegen im vlôch,
;;;528;21;;daz si mir hülfe. daz geschach.
;;;528;22;;die juncvrowen si sunder sprach.
;;;528;23;;dô genas er durch die künegîn;
;;;528;24;;er muose aber lîden hôhen pîn.
;;;528;25;;sus wart sîn lîp gereinet,
;;;528;26;;solch wandel im bescheinet:
;;;528;27;;ez wære vorlouf oder leitehunt,
;;;528;28;;ûz einem troge als ein hunt
;;;528;29;;az er mit in vier wochen.
;;;528;30;;sus wart diu vrouwe gerochen.
;;;529;1;;Vrouwe, daz ist sîn râche ûf mich."
;;;529;2;;Si sprach: "sich twerhet sîn gerich.
;;;529;3;;ich wirdiu lîhte niemer holt,
;;;529;4;;doch enpfæhet er drumbe solhen solt,
;;;529;5;;ê er scheide von mînem lande,
;;;529;6;;des er jehen mac vür schande.
;;;529;7;;sît ez der künec dort niht rach,
;;;529;8;;daz ez der juncvrouwen geschach,
;;;529;9;;unde ez sich hât an mich gezoget,
;;;529;10;;ich bin nû iuwer beider voget
;;;529;11;;unde enweiz doch, wer ir beide sît.
;;;529;12;;doch muoz er drumbe enpfâhen strît,
;;;529;13;;durch die juncvrouwe eine
;;;529;14;;unde durch iuch harte kleine.
;;;529;15;;man sol unvuoge rechen
;;;529;16;;mit slahen unde mit stechen."
;;;529;17;;Gawan zuo dem pferde gienc,
;;;529;18;;mit lîhten sprüngen erz gevienc.
;;;529;19;;dâ was der knappe komen nâch,
;;;529;20;;zuo dem diu juncvrouwe heidensch sprach
;;;529;21;;aldaz si wider ûf enbôt.
;;;529;22;;dô nâhet ouch Gawans nôt.
;;;529;23;;Malacreature ze vuoz vuor dan.
;;;529;24;;dô besach mîn hêr Gawan
;;;529;25;;des junchêrren runzît;
;;;529;26;;daz was ze kranc ûf einen strît.
;;;529;27;;ez hete der knappe dort genomen,
;;;529;28;;ê er vonme lande wære komen,
;;;529;29;;einem vilâne.
;;;529;30;;Dô geschach ez Gawane
;;;530;1;;vür sîn ors ze behalten.
;;;530;2;;des geltes muoser walten.
;;;530;3;;Si sprach hin zim, ich wæne durch haz:
;;;530;4;;"saget an, welt ir vürbaz?"
;;;530;5;;"Jâ, vrouwe", sprach hêr Gawan,
;;;530;6;;"mîn vart von hinnen wirt getân
;;;530;7;;al nâch iuwerme râte."
;;;530;8;;Si sprach: "der kumt iu spâte."
;;;530;9;;"Nû diene ich iu doch drumbe."
;;;530;10;;"Des dunket ir mich der tumbe.
;;;530;11;;welt ir daz niht mîden,
;;;530;12;;sô müezet ir kumber lîden
;;;530;13;;unde kêren gegen der riuwe.
;;;530;14;;iuwer kumber wirt alniuwe."
;;;530;15;;Dô sprach der minne gernde:
;;;530;16;;"ich bin iuch doch dienstes wernde,
;;;530;17;;ich enpfâhes vröude oder nôt,
;;;530;18;;sît iuwer minne mir gebôt,
;;;530;19;;daz ich ziuwerm gebote stên,
;;;530;20;;ich muge rîten oder gên."
;;;530;21;;Alstênde bî der vrouwen
;;;530;22;;daz marc begunder schouwen.
;;;530;23;;daz was ze dræter tjoste
;;;530;24;;ein harte krankiu koste,
;;;530;25;;diu stîcleder von baste.
;;;530;26;;dem edeln, werden gaste
;;;530;27;;was etswenne gesatelt baz.
;;;530;28;;ûf sitzen meit er umbe daz:
;;;530;29;;er vorhte, daz er zertræte
;;;530;30;;des satels gewæte.
;;;531;1;;Dem pferde was der rücke krump.
;;;531;2;;wære drûffe ergangen dâ sîn sprunc,
;;;531;3;;im wære sîn rücke zervarn.
;;;531;4;;daz muoser allez bewarn.
;;;531;5;;ez hete in etswenne bevilt.
;;;531;6;;dô zôch erz unde truoc den schilt
;;;531;7;;unde sîne glevîn.
;;;531;8;;sîner scharpfen pîn
;;;531;9;;diu vrouwe sêre lachete,
;;;531;10;;diu im vil kumbers machete.
;;;531;11;;sînen schilt er ûf daz pfert bant.
;;;531;12;;Si sprach: "vüert ir krâmgewant
;;;531;13;;in mînem lande veile?
;;;531;14;;wer gap mir ze teile
;;;531;15;;einen arzât unde eines krâmers pflege?
;;;531;16;;hüet iuch vor zolle ûf dem wege.
;;;531;17;;etslîch mîn zollære
;;;531;18;;iuch sol machen vröuden lære."
;;;531;19;;ir scharpfiu salliure
;;;531;20;;dûhtin sô gehiure,
;;;531;21;;daz ern ruochte, waz si sprach,
;;;531;22;;wande iemer, swenner an si sach,
;;;531;23;;sô was sîn pfant gein riuwen quît.
;;;531;24;;si was im rehte eines meien zît,
;;;531;25;;vor allem blicke ein flôrî,
;;;531;26;;ougen süeze und sûre dem herzen bî.
;;;531;27;;Sît vlust unde vinden an ir was
;;;531;28;;unde des siechiu vröude wol genas,
;;;531;29;;daz vrumt in zallen stunden
;;;531;30;;ledic unde sêre gebunden.
;;;532;1;;Manec mîn meister sprichet sô,
;;;532;2;;daz Amor unde Cupydo
;;;532;3;;unde der zweier muoter Venus
;;;532;4;;den liuten geben minne sus,
;;;532;5;;mit schozze unde mit viure.
;;;532;6;;diu minne ist ungehiure.
;;;532;7;;Swem herzeclîchiu triuwe ist bî,
;;;532;8;;dern wirt niemer minnen vrî
;;;532;9;;Mit vröude unde etswenne mit riuwe.
;;;532;10;;rehtiu minne ist wâriu triuwe.
;;;532;11;;Cupydo, diu strâle,
;;;532;12;;diu vermisset mîn zallem mâle.
;;;532;13;;als tuot hêrn Amors gêr.
;;;532;14;;sît ir beide ob minnen hêr
;;;532;15;;unde Venus mit ir valschen heiz,
;;;532;16;;umbe solhen kumber ich niht weiz.
;;;532;17;;sol ich der wâren minne jehen,
;;;532;18;;diu muoz durch triuwe mir geschehen.
;;;532;19;;hulfen mîne sinne
;;;532;20;;ieman iht vür minne,
;;;532;21;;hêrn Gawane bin ich wol sô holt,
;;;532;22;;deme woltich helfen âne solt.
;;;532;23;;ez ist âne schande,
;;;532;24;;liget er in minnen bande,
;;;532;25;;ob in diu minne rüeret,
;;;532;26;;diu starke wer zervüeret.
;;;532;27;;er was doch ie sô werlîch,
;;;532;28;;der werden wer wol sô glîch,
;;;532;29;;daz niht twingen solte ein wîp
;;;532;30;;sînen werlîchen lîp.
;;;533;1;;Lât nâher gên, hêr minnen druc.
;;;533;2;;ir tuot der minne sölhen zuc,
;;;533;3;;daz sich dürkelt vröuden stat
;;;533;4;;unde bant sich der riuwen pfat.
;;;533;5;;sus breitet sich der riuwen slâ.
;;;533;6;;gienge ir reise anderswâ
;;;533;7;;danne in des herzen hôhen muot,
;;;533;8;;daz diuhte mich gegen vröuden guot.
;;;533;10;;dar zuo dunket si mich ze alt,
;;;533;9;;ist minne ir unvuoge balt;
;;;533;11;;oder giht sis ûf ir kintheit,
;;;533;12;;dem si vüeget herzeleit?
;;;533;13;;unvuoge gan ich baz ir jugent,
;;;533;14;;danne si dem alter bræche ir tugent.
;;;533;15;;vil dinges ist von ir geschehen.
;;;533;16;;wederhalp sol ich des jehen?
;;;533;17;;wil si mit jungen ræten
;;;533;18;;ir alte site unstæten,
;;;533;19;;sô wirt si schiere an witzen laz.
;;;533;20;;man sol sis underwîsen baz.
;;;533;21;;Lûter minne ich prîse
;;;533;22;;unde alle, die sint wîse,
;;;533;23;;ez sî wîp oder man,
;;;533;24;;von den ichs ganze volge hân.
;;;533;25;;swâ liep gegen liebe erhüebe
;;;533;26;;lûter âne trüebe,
;;;533;27;;dâ dewederz des verdrüzze,
;;;533;28;;ob minne ir herze slüzze
;;;533;29;;mit minne, die der wanc ie vlôch -
;;;533;30;;diu minne ist ob den andern hôch.
;;;534;1;;Swie gerne ich in nû næme dan,
;;;534;2;;Sône mac mîn hêr Gawan
;;;534;3;;der minne niht entwenken,
;;;534;4;;sine welle im vröude krenken.
;;;534;5;;waz hilfet dan mîn underslac,
;;;534;6;;swaz ich dâ von gesprechen mac?
;;;534;7;;wert man sol sich niht minne wern,
;;;534;8;;wan in muoz minne helfe nern.
;;;534;9;;Gawan durch minne nôt enpfienc;
;;;534;10;;sîn vrouwe reit, zuo vuoz er gienc.
;;;534;11;;Orgeluse unde der degen balt
;;;534;12;;kômen in einen grôzen walt.
;;;534;13;;dannoch muoser gênes wonen.
;;;534;14;;er vuorte daz pfert zuo einem ronen.
;;;534;15;;sînen schilt, der ê drûffe lac,
;;;534;16;;des er durch schiltes ambet pflac,
;;;534;17;;den nam er ze halse; ûf daz pfert er saz.
;;;534;18;;ez truoc in kûme vürbaz
;;;534;19;;anderthalp ûz in ein erbûwen lant.
;;;534;20;;eine burc er mit den ougen vant;
;;;534;21;;sîn herze unde sîniu ougen jâhen,
;;;534;22;;daz si erkanten noch gesâhen
;;;534;23;;deheine burc der glîch.
;;;534;24;;si was alumbe rîchelîch.
;;;534;25;;Türne unde palas
;;;534;26;;manegez ûf der bürge was.
;;;534;27;;dar zuo muoser schouwen
;;;534;28;;in den venstern manege schœne vrouwen;
;;;534;29;;der wâren vier hundert unde oder mêr,
;;;534;30;;viere under in von arde hêr.
;;;535;1;;Von passâschen ein ungeverte grôz
;;;535;2;;gienc an daz wazzer, daz dâ vlôz,
;;;535;3;;schifrechic, snel unde breit,
;;;535;4;;dar gegen er unde diu vrouwe reit.
;;;535;5;;An dem urvar ein anger lac,
;;;535;6;;dâ man vil tjoste ûffe pflac.
;;;535;7;;überz wazzer lac ein kastel.
;;;535;8;;Gawan, der degen snel,
;;;535;9;;sach einen rîter nâch im varn,
;;;535;10;;der schilt noch sper niht kunde sparn.
;;;535;11;;Orgeluse, diu rîche,
;;;535;12;;sprach hôchverteclîche:
;;;535;13;;"ob mirs iuwer munt vergiht,
;;;535;14;;sône brich ich mîner triuwe niht.
;;;535;15;;ich hânz iu ê sô wol gesaget,
;;;535;16;;daz ir vil lasters hie bejaget.
;;;535;17;;nû wert iuch, ob ir iuch kunnet wern,
;;;535;18;;iuch mac anders niht ernern.
;;;535;19;;der dort kumet, iuch sol sîn hant
;;;535;20;;sô vellen, ob iu ist zertrant
;;;535;21;;iender iuwer niderkleit.
;;;535;22;;daz sî iu durch die vrouwen leit,
;;;535;23;;die ob iu sitzent unde sehent.
;;;535;24;;waz, ob die iuwer laster spehent?"
;;;535;25;;Des schiffes meister über her
;;;535;26;;kom durch Orgelusen ger.
;;;535;27;;vonme lande in daz schif si kêrte,
;;;535;28;;daz Gawanen trûren lêrte.
;;;535;29;;Diu rîche, wol geborne
;;;535;30;;sprach wider ûz mit zorne:
;;;536;1;;"ir komet niht zuo mir dâ her în.
;;;536;2;;ir müezet pfant dort ûze sîn."
;;;536;3;;Er sach ir trûreclîche nâch:
;;;536;4;;"vrouwe, wie ist iu von mir sô gâch?
;;;536;5;;sol ich iuch iemer mêr gesehen?"
;;;536;6;;Si sprach: "iu mac der prîs geschehen,
;;;536;7;;ich gestate iu sehens noch an mich.
;;;536;8;;ich wæne, daz sêre lenget sich."
;;;536;9;;Diu vrouwe schiet von im alsus.
;;;536;10;;Hie kom Lyschoys Gewellius.
;;;536;11;;saget ich iu nû, daz der vlüge,
;;;536;12;;mit der rede ich iuch betrüge.
;;;536;13;;er gâhete aber anders sêre,
;;;536;14;;daz es daz ors hete êre
;;;536;15;;- wandez erzeigete snelheit -,
;;;536;16;;über den grüenen anger breit.
;;;536;17;;Dô dâhte mîn hêr Gawan:
;;;536;18;;"wie sol ich erbeiten disses man?
;;;536;19;;wederz mac daz wæger sîn:
;;;536;20;;ze vuoz oder ûf dem pferdelîn?
;;;536;21;;wil er volleclîch ûf mich varn,
;;;536;22;;daz er den poynder niht kan sparn,
;;;536;23;;er sol mich nider rîten.
;;;536;24;;wes sol sîn ors danne bîten,
;;;536;25;;ez enstrûche über daz runzît?
;;;536;26;;wil er bieten denne strît,
;;;536;27;;sô wir beide sîn ze vuoz,
;;;536;28;;ob mir halt niemer würde ir gruoz,
;;;536;29;;diu mich disses strîtes hât gewert,
;;;536;30;;ich gibim strît, ob er des gert."
;;;537;1;;Nû diz was unwendic.
;;;537;2;;der komende was genendic.
;;;537;3;;alse was ouch, der dâ beite.
;;;537;4;;zer tjoste er sich bereite.
;;;537;5;;dô sazter die glevîn
;;;537;6;;vor ûf des satels vilzelîn,
;;;537;7;;des Gawan vor hâte gedâht.
;;;537;8;;sus wart ir beider tjost brâht.
;;;537;9;;diu tjost ietweders sper zerbrach,
;;;537;10;;dô man die helde ligen sach.
;;;537;11;;dô strûhte der wol geritene man,
;;;537;12;;daz er unde mîn hêr Gawan
;;;537;13;;ûf den bluomen lâgen.
;;;537;14;;wes si dô beide pflâgen?
;;;537;15;;ûf springens mit den swerten.
;;;537;16;;prîses si beide gerten.
;;;537;17;;die schilte wâren unvermiten.
;;;537;18;;die wurden alsô hin gesniten,
;;;537;19;;in bleip ir wênic vor der hant,
;;;537;20;;wan der schilt ist iemer strîtes pfant.
;;;537;21;;man sach dâ blicke unde helmes viur.
;;;537;22;;ir mugets im jehen vür âventiur,
;;;537;23;;swen got den sic dâ lât tragen,
;;;537;24;;der muoz vil prîses ê bejagen.
;;;537;25;;sus dructen si mit strîte
;;;537;26;;ûf des angers wîte.
;;;537;27;;es wæren müede zwêne smide,
;;;537;28;;ob si halt trüegen starkiu lide,
;;;537;29;;von alsô manegem starken slage.
;;;537;30;;sus rungen si nâch prîses bejage.
;;;538;1;;Wer solte si drumbe prîsen,
;;;538;2;;daz die unwîsen
;;;538;3;;striten âne schulde,
;;;538;4;;niuwan durch prîses hulde?
;;;538;5;;sine heten niht ze teilen,
;;;538;6;;âne nôt ir leben ze veilen.
;;;538;7;;ietweder ûf den andern jach,
;;;538;8;;daz er die schulde nie gesach.
;;;538;9;;Gawan, der kunde ringen
;;;538;10;;unde mit dem swanke twingen.
;;;538;11;;swem er daz swert undergienc
;;;538;12;;unde in mit armen umbevienc,
;;;538;13;;den twang er, swes er wolte.
;;;538;14;;sît er sich weren solte,
;;;538;15;;sô gebârter werlîche.
;;;538;16;;der werde, muotes rîche,
;;;538;17;;der begreif den werden ellenthaft,
;;;538;18;;der ouch hete manlîche kraft,
;;;538;19;;unde warf in balde under sich.
;;;538;20;;er sprach: "helt, nû gich,
;;;538;21;;wellestû genesen, sicherheit."
;;;538;22;;Der bete volge was unbereit
;;;538;23;;Lyschoys, der dort unden lac,
;;;538;24;;wander nie sicherheit gepflac.
;;;538;25;;ez dûhtin wunderlîch genuoc,
;;;538;26;;daz ie man die hant getruoc,
;;;538;27;;diu in solte überkomen,
;;;538;28;;daz von im nie wart genomen
;;;538;29;;betwungenlîchiu sicherheit,
;;;538;30;;der sîn hant ê vil erstreit.
;;;539;1;;Swie ez dâ was ergangen,
;;;539;2;;er hete vil enpfangen,
;;;539;3;;des er niht vürbaz wolte geben.
;;;539;4;;vür sicherheit bôt er sîn leben
;;;539;5;;unde jach, swaz im geschæhe,
;;;539;6;;daz er niemer verjæhe
;;;539;7;;sicherheit durch twingen.
;;;539;8;;mit dem tôde wolter ê ringen.
;;;539;8;1;
;;;539;8;2;
;;;539;9;;Dô sprach der under ligende:
;;;539;10;;"bistû nû der gesigende?
;;;539;11;;des pflac ich, dô got wolte
;;;539;12;;unde ich êre haben solte.
;;;539;13;;nû hât mîn prîs ein ende
;;;539;14;;von dîner werden hende.
;;;539;15;;swâ vreischet man oder wîp,
;;;539;16;;daz überkomen ist mîn lîp,
;;;539;17;;des prîs sô hôhe swebt enbor,
;;;539;18;;sô stêt mir baz ein sterben vor,
;;;539;19;;ê mîne vriunt diz mære
;;;539;20;;sol machen vröuden lære."
;;;539;21;;Gawan warp sicherheit an in.
;;;539;22;;dô stuont sîn muot unde sîn sin
;;;539;23;;niuwan ûffes lîbes verderben
;;;539;24;;oder ûf ein gæhez sterben.
;;;539;25;;Dô dâhte mîn hêr Gawan:
;;;539;26;;"durch waz tœtich disen man?
;;;539;27;;wolter zuo mînem gebote stên,
;;;539;28;;gesunt lieze ich in hinnen gên."
;;;539;29;;mit rede warp erz an in sô -
;;;539;30;;daz enwart niht geleistet dô.
;;;540;1;;doch liez er ûf den wîgant
;;;540;2;;âne gesicherte hant.
;;;540;3;;ietweder ûf die bluomen saz.
;;;540;4;;Gawan sînes kumbers niht vergaz,
;;;540;5;;daz sîn pfert was sô kranc.
;;;540;6;;den wîsen lêrte sîn gedanc,
;;;540;7;;daz er daz ors mit sporn rite,
;;;540;8;;unz er versuochte sînen site.
;;;540;9;;daz was gewâpent wol vür strît;
;;;540;10;;pfellôr unde samît
;;;540;11;;was sîn ander covertiure.
;;;540;12;;sît erz erwarp mit âventiure,
;;;540;13;;war umbe solterz rîten niht,
;;;540;14;;sît ez ze rîtenne im geschiht?
;;;540;15;;er saz drûf, ez vuor alsô,
;;;540;16;;sîner wîten sprünge er was alvrô.
;;;540;17;;dô sprach er: "bistûz, Krynguliet,
;;;540;18;;daz Vryanz mit valscher bet
;;;540;19;;- er weiz wol wie - an mir erwarp?
;;;540;20;;dâ von iedoch sîn prîs verdarp
;;;540;21;;wer hât dich gewâpent sider?
;;;540;22;;ob dûz bist, got hât dich wider
;;;540;23;;mir schône gesendet,
;;;540;24;;der dicke kumber wendet."
;;;540;25;;er erbeizete drabe, ein mâl er vant:
;;;540;26;;des Grâles wâpen was gebrant,
;;;540;27;;ein turteltûbe, an sînen buoc.
;;;540;28;;Lehelin zer tjost sluoc
;;;540;29;;drûffe den von Prienlaiors.
;;;540;30;;Oriluse wart diz ors.
;;;541;1;;der gab ez Gawane
;;;541;2;;ûf dem Plymizoles plâne.
;;;541;3;;Hie kom sîn trûric güete
;;;541;4;;wider in hôchgemüete,
;;;541;5;;wan daz in twanc ein riuwe
;;;541;6;;unde ein dienstberndiu triuwe,
;;;541;7;;die er nâch sîner vrouwen truoc,
;;;541;8;;diu im smæhe bôt genuoc.
;;;541;9;;nâch der in jagete sîn gedanc.
;;;541;10;;Indes der stolze Lyschoys ûf spranc,
;;;541;11;;dâ er ligen sach sîn swert,
;;;541;12;;daz Gawan, der degen wert,
;;;541;13;;mit strîte ûz sîner hende brach.
;;;541;14;;manec vrouwe ir ander strîten sach.
;;;541;15;;Die schilte wâren sô gedigen,
;;;541;16;;ietweder lie den sînen ligen
;;;541;17;;unde gâhten sus ze strîte.
;;;541;18;;ietweder kom bezîte
;;;541;19;;mit herzenlîcher mannes wer.
;;;541;20;;ob im saz vrouwen ein her
;;;541;21;;zen venstern ûf dem palas
;;;541;22;;unde sâhen den kampf, der vor in was.
;;;541;23;;Dô huop sich êrst niuwer zorn.
;;;541;24;;ietweder was sô hôch geborn,
;;;541;25;;daz sîn prîs unsanfte erleit,
;;;541;26;;ob in der ander überstreit.
;;;541;27;;helme unde swert, die liten nôt;
;;;541;28;;diu wâren ir schilte vür den tôt.
;;;541;29;;Swer die helde strîten sach,
;;;541;30;;ich wæne, ers in vür kumber jach.
;;;542;1;;Lyschoys Gewellius,
;;;542;2;;der junge süeze, warp alsus:
;;;542;3;;vrecheit unde ellenthaftiu tât
;;;542;4;;was sînes hôhen herzen rât.
;;;542;5;;er vrumte manegen snellen swanc.
;;;542;6;;dicke er von Gawane spranc
;;;542;7;;unde aber wider sêre ûf in.
;;;542;8;;Gawan truoc stætelîchen sin.
;;;542;9;;er dâhte: "ergrîfe ich dich ze mir,
;;;542;10;;ich sols vil wol gelônen dir."
;;;542;11;;man sach dâ viures blicke
;;;542;12;;unde diu swert ûf werfen dicke
;;;542;13;;ûz ellenthaften henden.
;;;542;14;;si begunden ein ander wenden
;;;542;15;;neben, vür unde hinder sich.
;;;542;16;;Âne nôt was ir gerich.
;;;542;17;;si möhtenz âne strîten lân.
;;;542;18;;Dô begreif in mîn hêr Gawan
;;;542;19;;unde warf in under sich mit kraft.
;;;542;20;;mit halsen sölch geselleschaft
;;;542;21;;muoze mich vermîden;
;;;542;22;;ine möhtir niht erlîden.
;;;542;23;;Gawan iesch sicherheit.
;;;542;24;;der was aber als unbereit
;;;542;25;;Lyschoys, der dort unden lac,
;;;542;26;;sam dô er von êrst strîtes pflac.
;;;542;27;;Er sprach: "dû sûmest dich âne nôt.
;;;542;28;;vür sicherheit gib ich den tôt.
;;;542;29;;lâz enden dîne werde hant,
;;;542;30;;swaz mir ie prîses wart bekant.
;;;543;1;;vor gote ich bin vervluochet,
;;;543;2;;mînes prîses er niht mêr ruochet.
;;;543;3;;durch Orgelusen minne,
;;;543;4;;der edeln herzoginne,
;;;543;5;;muose mir manec wert man
;;;543;6;;sînen prîs zuo mînen henden lân.
;;;543;7;;dû maht vil prîses erben,
;;;543;8;;ob dû mich kanst ersterben."
;;;543;9;;Dô dâhte des küneges Lotes suon:
;;;543;10;;"deiswâr, in sol alsô niht tuon.
;;;543;11;;sô verlürich prîses hulde,
;;;543;12;;erslüege ich âne schulde
;;;543;13;;disen küenen helt unverzaget.
;;;543;14;;in hât ir minne ûf mich verjaget,
;;;543;15;;der mich dâ twinget
;;;543;16;;unde mir vil kumbers bringet.
;;;543;17;;wan lâz ich in durch si genesen?
;;;543;18;;ob mîn teil an ir sol wesen,
;;;543;19;;daz enmac er niht erwenden,
;;;543;20;;wil mirz gelücke senden.
;;;543;21;;wande het si unsern strît gesehen,
;;;543;22;;ich wæne, si müese mir des jehen,
;;;543;23;;daz ich nâch minnen dienen kan."
;;;543;24;;Dô sprach mîn hêr Gawan:
;;;543;25;;"ich wil durch die herzogîn
;;;543;26;;dich bî dem lîbe lâzen sîn."
;;;543;27;;grôzer müede si niht vergâzen.
;;;543;28;;er liez in ûf; si sâzen
;;;543;29;;von ein ander verre.
;;;543;30;;Dô kom des schiffes hêrre
;;;544;1;;von dem wazzer ûfez lant.
;;;544;2;;er gienc unde truoc ûf sîner hant
;;;544;3;;ein mûzersprinzelîn al grâ.
;;;544;4;;ez was sîn reht lêhen dâ,
;;;544;5;;swer tjostierte ûf dem plân,
;;;544;6;;daz er daz ors solte hân
;;;544;7;;Jenes, der dâ læge;
;;;544;8;;unde der des siges pflæge,
;;;544;9;;des hende solt er nîgen
;;;544;10;;unde sînen prîs niht verswîgen.
;;;544;11;;sus zinset man im bluomen velt.
;;;544;12;;ez was sîn beste huoben gelt,
;;;544;13;;oder ob sîn mûzersprinzelîn
;;;544;14;;eine galander lêrte pîn.
;;;544;15;;von anders nihtiu gie sîn pfluoc,
;;;544;16;;daz dûht in urbor genuoc.
;;;544;17;;er was geborn von rîters art,
;;;544;18;;mit guoten zühten wol bewart.
;;;544;19;;Er gie zuo Gawane.
;;;544;20;;den zins von dem plâne
;;;544;21;;iesch er gezogenlîche.
;;;544;22;;Gawan, der ellens rîche,
;;;544;23;;sprach: "hêrre, ine wart nie koufman.
;;;544;24;;ir muget mich zolles wol erlân."
;;;544;25;;des schiffes meister wider sprach:
;;;544;26;;"hêrre, sô manec vrouwe ez sach,
;;;544;27;;daz iu der prîs ist hie geschehen.
;;;544;28;;ir sult mînes rehtes jehen."
;;;544;29;;"hêrre, tuot mir reht bekant."
;;;544;30;;"ze rehter tjost hât iuwer hant
;;;545;1;;mir diz ors erworben,
;;;545;2;;mit prîse al unverdorben,
;;;545;3;;wand iuwer hant in nider stach,
;;;545;4;;dem aldiu werlt ie prîses jach
;;;545;5;;mit wârheit unz an disen tac.
;;;545;6;;iuwer prîs - sînhalp der gotes slac -
;;;545;7;;im vröude hât enpfüeret;
;;;545;8;;grôz sælde iuch hât gerüeret."
;;;545;9;;Gawan sprach: "er stach mich nider;
;;;545;10;;des erholt ich mich sider.
;;;545;11;;sît man iu tjost verzinsen sol,
;;;545;12;;er mac iu zins geleisten wol.
;;;545;13;;hêrre, dort stât ein runzît:
;;;545;14;;daz erwarp an mir sîn strît.
;;;545;15;;daz nemet, ob ir gebietet.
;;;545;16;;der sich disses nietet,
;;;545;17;;daz bin ich; ez muoz mich hinnen tragen,
;;;545;18;;solt halt ir niemer ors bejagen.
;;;545;19;;ir nennet reht; welt ir daz nemen,
;;;545;20;;sône darf iuch des niht gezemen,
;;;545;21;;daz ich ze vuoz hinnen gê.
;;;545;22;;wan daz tæte mir ze wê,
;;;545;23;;solte diz ors iuwer sîn,
;;;545;24;;daz sô ledeclîche mîn
;;;545;25;;was dannoch hiute vruo.
;;;545;26;;welt ir gemaches grîfen zuo,
;;;545;27;;sô ritich lieber einen stap.
;;;545;28;;diz ors mir ledeclîche gap
;;;545;29;;der herzoge Orilus der Burgenoys.
;;;545;30;;Vrianz, der vürste ûz Puntertoys,
;;;546;1;;hete mirz eine wîle verstoln.
;;;546;2;;einer mûlînen voln
;;;546;3;;möht ir noch baz gewinnen.
;;;546;4;;ich kan iuch anders minnen:
;;;546;5;;sît ir iuch dunket alse wert,
;;;546;6;;vür diz ors, des ir gert,
;;;546;7;;habet iu den man, derz gegen mir reit.
;;;546;8;;ist im daz liep oder leit,
;;;546;9;;dâ kêre ich mich wênic an."
;;;546;10;;Des vröute sich der schifman;
;;;546;11;;mit lachendem munde er sprach:
;;;546;12;;"sô rîche gâbe ich nie gesach,
;;;546;13;;dem si rehte wære
;;;546;14;;zenpfâhenne gebære.
;;;546;15;;doch welt irs sîn mîn wer,
;;;546;16;;gar übergolten ist mîn ger.
;;;546;17;;sîn tât gegen prîse was ie sô hel,
;;;546;18;;vünf hundert ors starc unde snel
;;;546;19;;ich ungerne vür in næme,
;;;546;20;;wandez mir niht gezæme.
;;;546;21;;welt ir mich machen rîche,
;;;546;22;;sô werbet rîterlîche.
;;;546;23;;muget ir sîn sô gewaltic sîn,
;;;546;24;;antwürt mirn in den kocken mîn,
;;;546;25;;sô kunnet ir werdecheit wol tuon."
;;;546;26;;Dô sprach des küneges Lotes suon:
;;;546;27;;"beidiu drîn unde dar vür
;;;546;28;;unde innerhalben iuwerre tür
;;;546;29;;antwürtich in iu gevangen."
;;;546;30;;"Sô werdet ir wol enpfangen",
;;;547;1;;sprach der schifman, des grôzer danc
;;;547;2;;was mit nîgenne niht ze kranc.
;;;547;3;;dô sprach er: "lieber hêrre mîn,
;;;547;4;;dar zuo geruochet selbe sîn
;;;547;5;;mit mir hînt sîn durch gemach.
;;;547;6;;grœzer êre nie geschach
;;;547;7;;deheinem verjen, mînem genôz.
;;;547;8;;man prüevet mirz vür sælde grôz,
;;;547;9;;behielt ich alsus werden man."
;;;547;10;;Dô sprach mîn hêr Gawan:
;;;547;11;;"des ir gert, des solt ich biten.
;;;547;12;;mich hât grôz müede überstriten,
;;;547;13;;daz mir wære ruowe nôt.
;;;547;14;;diu mir diz ungemach gebôt,
;;;547;15;;diu kan wol süeze siuren,
;;;547;16;;dem herzen vröude tiuren
;;;547;17;;unde den sorgen machen rîche;
;;;547;18;;si lônet unglîche.
;;;547;19;;ouwê, vindenlîchiu verlust,
;;;547;20;;dû senkest mir die eine brust,
;;;547;21;;diu ie der hœhe gerte,
;;;547;22;;dô mich got vröuden werte!
;;;547;23;;dâ lac ein herze unden,
;;;547;24;;ich wæne, daz ist verswunden.
;;;547;25;;wâ sol ich nû trœsten holn?
;;;547;26;;muoz ich âne helfe doln
;;;547;27;;nâch minne sölche riuwe?
;;;547;28;;pfliget si wîplîcher triuwe,
;;;547;29;;si sol mir vröude mêren,
;;;547;30;;diu mich sus kan verkêren."
;;;548;1;;Der schifman hôrte, daz er ranc
;;;548;2;;mit sorge unde daz in minne twanc.
;;;548;3;;dô sprach er: "hêrre, ez ist hie reht,
;;;548;4;;ûf dem plâne unde in dem fôreht
;;;548;5;;unde dâ Clynsor hêrre ist.
;;;548;6;;zageheit noch manlîcher list
;;;548;7;;vüegent anders niht wan sô:
;;;548;8;;hiute trûren, morne vrô.
;;;548;9;;ez ist iu lîhte unbekant,
;;;548;10;;gar âventiure ist diz lant;
;;;548;11;;sus wert ez naht unde tac.
;;;548;12;;bî manheit sælde helfen mac.
;;;548;13;;Diu sunne kan sô nider stên;
;;;548;14;;hêrre, ir sult ze schiffe gên."
;;;548;15;;des bat in der schifman.
;;;548;16;;Lyschoysen vuorte Gawan
;;;548;17;;dannen mit im ûf den wâc.
;;;548;18;;gedulteclîche âne allen bâc
;;;548;19;;man den helt des volgen sach.
;;;548;20;;der verje zôch daz ors hin nâch.
;;;548;21;;Sus vuorens über an den stat.
;;;548;22;;der verge Gawanen bat:
;;;548;23;;"sît selbe wirt in mînem hûs."
;;;548;24;;daz stuont alsô, daz Artus
;;;548;25;;ze Nantis, dâ er dicke saz,
;;;548;26;;niht dörfte hân gebûwen baz.
;;;548;27;;dâ vuorter Lyschoysen în.
;;;548;28;;der wirt unde daz gesinde sîn
;;;548;29;;sich des underwunden.
;;;548;30;;an den selben stunden
;;;549;1;;Der wirt zuo sîner tohter sprach:
;;;549;2;;"dû solt schaffen guot gemach
;;;549;3;;mînem hêrren, der hie stêt.
;;;549;4;;ir zwei mit ein ander gêt
;;;549;5;;unde dient im unverdrozzen;
;;;549;6;;wir haben sîn vil genozzen."
;;;549;7;;sînem sun bevalch er Kryngulieten.
;;;549;8;;Des diu maget was gebeten,
;;;549;9;;mit grôzer zuht daz wart getân.
;;;549;10;;mit der megde Gawan
;;;549;11;;ûf eine kemenâten gienc.
;;;549;12;;den estrîch al übervienc
;;;549;13;;niuwe binzen unde bluomen clâr
;;;549;14;;wâren drûf gesniten gar.
;;;549;15;;Dô entwâpent in diu süeze.
;;;549;16;;"got iu des lônen müeze",
;;;549;17;;sprach Gawan. "mir ist sîn nôt.
;;;549;18;;wan daz manz iu von hove gebôt,
;;;549;19;;sô dient ir mir ze sêre."
;;;549;20;;Si sprach: "ich dieniu mêre,
;;;549;21;;hêrre, nâch iuwern hulden
;;;549;22;;denne von andern schulden."
;;;549;23;;Ein knappe, des wirtes sun, dar truoc
;;;549;24;;senfter bette genuoc.
;;;549;25;;an die want gein der tür
;;;549;26;;ein teppich wart geleit dar vür;
;;;549;27;;dâ Gawan solte sitzen.
;;;549;28;;der knappe truoc dar mit witzen
;;;549;29;;eine kulter sô gemâl
;;;549;30;;dar ûf von rôtem zindâl.
;;;550;1;;Dem wirte ein bette ouch wart geleit.
;;;550;2;;dar nâch ein ander knappe treit
;;;550;3;;dar ûf tischlachen unde brôt.
;;;550;4;;der wirt in beiden daz gebôt;
;;;550;5;;dô gie diu wirtinne nâch.
;;;550;6;;dô diu Gawanen ersach,
;;;550;7;;si enpfienc in hêrlîche
;;;550;8;;unde sprach: "ir habt uns rîche
;;;550;9;;alrêrst nû gemachet.
;;;550;10;;hêrre, unser sælde wachet."
;;;550;11;;der wirt gienc în. daz wazzer man dar truoc;
;;;550;12;;dô im Gawan getwuoc,
;;;550;13;;eine bete er niht vermeit;
;;;550;14;;er bat den wirt gesellecheit:
;;;550;15;;"Lât mit mir ezzen dise maget."
;;;550;16;;"hêrre, ez ist si gar verdaget,
;;;550;17;;daz si mit hêrren æze
;;;550;18;;oder in sô nâhe sæze;
;;;550;19;;si würde mir gar ze hêr.
;;;550;20;;doch hân wir iuwer genozzen mêr.
;;;550;21;;tohter, leiste alsîne ger;
;;;550;22;;des bin ich mit der volge wer."
;;;550;23;;Diu süeze wart von schame rôt,
;;;550;24;;doch tet si, daz der wirt gebôt:
;;;550;25;;Zuo Gawane saz vrou Bene.
;;;550;26;;starker süne zwêne
;;;550;27;;hete der wirt ouch erzogen.
;;;550;28;;ouch hete daz sprinzelîn ervlogen
;;;550;29;;drîe galander;
;;;550;30;;die wurden mit ein ander
;;;551;1;;Gawane getragen alle drî
;;;551;2;;unde eine salse dâ bî.
;;;551;3;;Diu maget ir dienst niht vermeit:
;;;551;4;;mit grôzen zühten si sneit
;;;551;5;;Gawane süeziu mursel
;;;551;6;;ûf einem blanken platel
;;;551;7;;mit ir clâren henden.
;;;551;8;;si sprach: "ir sult senden
;;;551;9;;dirre gebrâten vogel einen
;;;551;10;;- wande si hât dekeinen -,
;;;551;11;;hêrre, mîner muoter dar."
;;;551;12;;er sprach zer megede wol gevar,
;;;551;13;;daz er daz gerne tæte
;;;551;14;;oder swes sin anders bæte.
;;;551;15;;Eine galander wart gesant
;;;551;16;;der wirtîn. Gawanes hant
;;;551;17;;wart mit zühten vil genigen
;;;551;18;;unde des wirtes danken niht verswigen.
;;;551;19;;Nû brâhte ein knappe, des wirtes sun,
;;;551;20;;burzel unde latechûn,
;;;551;21;;gebrochen in vînæger.
;;;551;22;;gegen grôzer kraft daz unwæger
;;;551;23;;ist die lenge disiu nar;
;;;551;24;;man wirt ir niht wol gevar.
;;;551;25;;Sölch varwe tuot die wârheit kunt,
;;;551;26;;die man sloufet in den munt.
;;;551;27;;gestrichen varwe ûfez vel
;;;551;28;;ist selten worden lobes snel.
;;;551;29;;swelch wîplîch herze ist stæte ganz,
;;;551;30;;ich wæne, diu treit den besten kranz.
;;;552;1;;kunde Gawan guoten willen zern,
;;;552;2;;des möhter sich dâ wol nern,
;;;552;3;;wande kein muoter gundes ir kinde baz
;;;552;4;;dan im der wirt, des brôt er az.
;;;552;5;;Dô man den tisch her dan enpfienc
;;;552;6;;unde diu wirtinne ûz gienc,
;;;552;7;;vil bette man dar nâher treit;
;;;552;8;;diu wurden Gawane geleit.
;;;552;9;;daz eine was ein plûmît,
;;;552;10;;des zieche was ein samît,
;;;552;11;;des niht von der edeln art:
;;;552;12;;ez was ein samît bastart.
;;;552;13;;Ein kulter was des bettes dach,
;;;552;14;;niuwan durch Gawanes gemach,
;;;552;15;;mit einem pfellel sunder golt,
;;;552;16;;verre ûz heidenschaft geholt,
;;;552;17;;gesteppet ûz palmât.
;;;552;18;;dar über zôch man lînwât,
;;;552;19;;zwei lîlachen snêvar.
;;;552;20;;man leite wanküssen dar
;;;552;21;;unde der megede mantel einen,
;;;552;22;;hermîn, niuwen, reinen.
;;;552;23;;mit urloube er si undervienc,
;;;552;24;;der wirt, ê daz er slâfen gienc.
;;;552;25;;Gawan aleine unde diu maget
;;;552;26;;bliben dâ, wart mir gesaget.
;;;552;27;;het er iht an si gegert,
;;;552;28;;ich wæne, si hetes in gewert.
;;;552;29;;er sol ouch slâfen, ob er mac.
;;;552;30;;got hüete sîn, sô kome der tac.
;;;553;1;;Grôz müede im zôch diu ougen zuo;
;;;553;2;;dô slief er unz des morgens vruo.
;;;553;2;1;
;;;553;2;2;
;;;553;2;3;
;;;553;2;4;
;;;553;2;5;
;;;553;2;6;
;;;553;2;7;
;;;553;2;8;
;;;553;2;9;
;;;553;2;10;
;;;553;2;11;
;;;553;2;12;
;;;553;3;;dô erwachete der wîgant.
;;;553;4;;einhalp der kemenâten want
;;;553;5;;vil venster dâ vor heten glas.
;;;553;6;;der venster einez offen was
;;;553;7;;gegen dem boumgarten.
;;;553;8;;dar în gienc er durch warten,
;;;553;9;;durch luft unde durch der vogele sanc.
;;;553;10;;dâ was sîn sitzen harte unlanc.
;;;553;11;;er kôs eine burc, die er des âbendes sach,
;;;553;12;;dô im diu âventiure geschach,
;;;553;13;;vil vrouwen ûf dem palas,
;;;553;14;;manegiu under in vil schœne was.
;;;553;15;;daz dûht in ein wunder grôz,
;;;553;16;;daz die vrouwen niht verdrôz
;;;553;17;;ir wachens, daz si sliefen niht.
;;;553;18;;dannoch der tac was niht sô lieht.
;;;553;19;;er dâhte: "ich wil in ze êren
;;;553;20;;mich an slâfen kêren."
;;;553;21;;wider an sîn bette er gienc.
;;;553;22;;der megede mantel umbevienc
;;;553;23;;in - daz was sîn decke.
;;;553;24;;ob man in dâ iht wecke?
;;;553;25;;nein, daz wære dem wirte leit.
;;;553;26;;diu maget durch gesellecheit,
;;;553;27;;aldâ si vor ir muoter lac,
;;;553;28;;si brach ir slâf, des si dâ pflac,
;;;553;29;;unde gie hin ûf zir gaste;
;;;553;30;;der slief dannoch al vaste.
;;;554;1;;Diu maget ir dienstes niht vergaz;
;;;554;2;;ûf den teppich vür daz bette si saz,
;;;554;3;;diu clâre juncvrouwe.
;;;554;4;;bî mir ich selten schouwe,
;;;554;5;;daz mir âbendes oder vruo
;;;554;6;;sölch âventiure slîche zuo.
;;;554;7;;Vil schiere Gawan erwachete;
;;;554;8;;er sach si an unde lachete:
;;;554;9;;"got grüeze iuch, juncvröuwelîn,
;;;554;10;;daz ir durch den willen mîn
;;;554;11;;iuwern slâf sus brechet
;;;554;12;;unde an iu selben rechet,
;;;554;13;;daz ich niht hân gedienet gar."
;;;554;14;;Dô sprach diu maget wol gevar:
;;;554;15;;"iuwers dienstes sol ich enbern,
;;;554;16;;wan ich wil niuwan hulden gern.
;;;554;17;;hêrre, gebiet über mich;
;;;554;18;;swaz ir gebiet, daz tuon ich.
;;;554;19;;alle die mit mînem vater sint,
;;;554;20;;beidiu mîn muoter unde ir kint
;;;554;21;;suln iuch ze hêrren iemer hân;
;;;554;22;;sô liebe habt ir uns getân."
;;;554;23;;Er sprach: "sît ir iht lange komen?
;;;554;24;;het ich iuwer kunft ê vernomen,
;;;554;25;;daz wære mir liep durch vrâgen,
;;;554;26;;woltiuch des niht betrâgen,
;;;554;27;;daz ir mirz geruochtet sagen:
;;;554;28;;ich hân in disen zwein tagen
;;;554;29;;vil vrouwen ob uns gesehen;
;;;554;30;;von den sult ir mir verjehen
;;;555;1;;durch iuwer güete, wer si sîn."
;;;555;2;;Dô sprach daz juncvröuwelîn:
;;;555;3;;"hêrre, nûne vrâget niht.
;;;555;4;;ich bin, dius iu niemer vergiht.
;;;555;5;;ich enkan iu niht von in gesagen;
;;;555;6;;ob ichz halt weiz, ich solz verdagen.
;;;555;7;;Lâtz iu niht sîn swære
;;;555;8;;unde vrâget anderre mære.
;;;555;9;;daz rât ich, welt ir volgen mir."
;;;555;10;;Gawan sprach aber wider zir,
;;;555;11;;mit vrâge gienc er dem mære nâch
;;;555;12;;umbe al die vrouwen, die er dâ sach
;;;555;13;;sitzen ûf dem palas.
;;;555;14;;diu maget wol getriuwe was,
;;;555;15;;daz si von herzen weinde
;;;555;16;;unde grôze klage erscheinde.
;;;555;17;;Dannoch was ez harte vruo;
;;;555;18;;indes gienc ir vater zuo.
;;;555;19;;der liez ez âne zürnen gar,
;;;555;20;;ob diu maget wol gevar
;;;555;21;;ihtes wære betwungen
;;;555;22;;oder ob dâ wære gerungen.
;;;555;23;;dem gebârte si glîche,
;;;555;24;;diu maget zühte rîche,
;;;555;25;;wande si dem bette nâhe saz.
;;;555;26;;daz liez ir vater âne haz.
;;;555;27;;Dô sprach er: "vrouwe, weinet niht.
;;;555;28;;swaz in schimpfe sus geschiht,
;;;555;29;;ob daz von êrst bringet zorn,
;;;555;30;;der ist schiere dâ nâch verkorn."
;;;556;1;;Gawan sprach: "hie nist niht geschehen,
;;;556;2;;wan des wir wellen vor iu verjehen.
;;;556;3;;ich vrâgete dise maget ein teil;
;;;556;4;;daz dûhte si mîn unheil
;;;556;5;;unde bat mich, daz ichz lieze.
;;;556;6;;ob iuch des niht verdrieze,
;;;556;7;;sô lât mîn dienst umbe iuch bejagen,
;;;556;8;;daz ir mir geruochet sagen
;;;556;9;;umbe dise vrouwen hie.
;;;556;10;;ichn veriesch in allen landen nie,
;;;556;11;;dô man möhte schouwen
;;;556;12;;sô manege schœne vrouwen
;;;556;13;;mit sô liehtem gebende."
;;;556;14;;Der wirt want sîne hende;
;;;556;15;;er sprach: "hêrre, vrâget niht durch got.
;;;556;16;;diz ist ein nôt vor aller nôt."
;;;556;17;;"Sô muoz ich doch ir kumber klagen",
;;;556;18;;sprach Gawan. "hêr wirt, ir sult mir sagen:
;;;556;19;;war umbe ist iu mîn vrâgen leit?"
;;;556;20;;"Hêrre, durch iuwer manheit -
;;;556;21;;kunnet ir vrâgens niht enbern,
;;;556;22;;sô welt ir lîhte vürbaz gern.
;;;556;23;;daz lêret iuch herzen swære
;;;556;24;;unde machet uns vröuden lære,
;;;556;25;;mich unde alliu mîniu kint,
;;;556;26;;die iu ze dienste geborn sint."
;;;556;27;;Gawan sprach: "ir sult mir sagen.
;;;556;28;;welt aber ir michs gar verdagen,
;;;556;29;;daz iuwer mære mich vergêt,
;;;556;30;;ich vreische doch wol, wiez dâ stêt."
;;;557;1;;Der wirt sprach mit triuwen:
;;;557;2;;"âmen, hêrre, sô muoz mich riuwen,
;;;557;3;;daz iuch des vrâgens niht bevilt.
;;;557;4;;ich wil iu lîhen einen schilt;
;;;557;5;;nû wâpent iuch ûf einen strît.
;;;557;6;;in Terre Marvele ir sît.
;;;557;8;;hêrre, ez enwart versuochet nie,
;;;557;7;;Let Marvele ist hie.
;;;557;9;;Tschahtel Marvele ist diu nôt.
;;;557;10;;iuwer leben wil in den tôt.
;;;557;11;;ist iu âventiure bekant,
;;;557;12;;swaz ie gestreit iuwer hant,
;;;557;13;;daz was noch gar ein kindes spil.
;;;557;14;;iu nâhent riuwebæriu zil."
;;;557;15;;Gawan sprach: "mir wære leit,
;;;557;16;;ob mich gemach âne arbeit
;;;557;17;;von disen vrouwen hinnen rite,
;;;557;18;;ich enversuochte ê baz ir site.
;;;557;19;;ich hân ê von in vernomen.
;;;557;20;;sît ich sô nâhe nû bin komen,
;;;557;21;;mich ensol des niht betrâgen,
;;;557;22;;ine wellez durch si wâgen."
;;;557;23;;Der wirt ez mit triuwen klagete.
;;;557;24;;sînem gaste er sagete:
;;;557;25;;"aller kumber ist ein niht,
;;;557;26;;wan dem ze ladenne geschiht
;;;557;27;;disiu âventiure,
;;;557;28;;diu scharpf unde ungehiure,
;;;557;29;;vür wâr âne liegen;
;;;557;30;;hêrre, in kan iuch niht triegen."
;;;558;1;;Gawan, der prîs erkante,
;;;558;2;;an diu wort er sich niht wante;
;;;558;3;;er sprach: "hêrre, nû gebt mir rât.
;;;558;4;;ob ir gebiet, rîters tât
;;;558;5;;sol ich leisten, ruochets got.
;;;558;6;;iuwern rât unde iuwer gebot
;;;558;7;;wil ich iemer gerne hân.
;;;558;8;;hêr wirt, ez wære missetân,
;;;558;9;;solt ich sus hin scheiden.
;;;558;10;;die lieben unde die leiden
;;;558;11;;heten mich vür einen zagen."
;;;558;12;;Alrêrst der wirt begunde klagen,
;;;558;13;;wand im sô leide nie geschach.
;;;558;14;;hin zuo sînem gaste er sprach:
;;;558;15;;"ob daz got erzeige,
;;;558;16;;Daz ir sît niht veige,
;;;558;17;;sô werdet ir hêrre disses landes.
;;;558;18;;swaz vrouwen hie stât pfandes,
;;;558;19;;die grôz wunder her twanc
;;;558;20;;unde noch nie rîters prîs erranc,
;;;558;21;;manec vrouwe, edeliu rîterschaft,
;;;558;22;;ob die erlœset iuwer kraft,
;;;558;23;;sô sît ir prîses gehêret
;;;558;24;;unde hât iuch got wol geêret.
;;;558;25;;ir muget mit vröude hêrre sîn
;;;558;26;;über maneger liehter vrouwen schîn,
;;;558;27;;vrouwen von manegen landen.
;;;558;28;;wer jæhe iu des ze schanden,
;;;558;29;;ob ir scheidet hin alsus,
;;;558;30;;sît Lyschoys Gewellius
;;;559;1;;iu sînen prîs hie gelâzen hât,
;;;559;2;;der manege rîterlîche tât
;;;559;3;;gevrümt hât, der süeze?
;;;559;4;;von rehte ich in sus grüeze.
;;;559;5;;mit ellen ist sîn rîterschaft.
;;;559;6;;sô manege tugent diu gotes kraft
;;;559;7;;in mannes herze nie gestiez,
;;;559;8;;âne Ithern von Kaheviez.
;;;559;9;;der Ithern vor Nantes sluoc,
;;;559;10;;mîn schif in gester übertruoc.
;;;559;11;;er hât mir vünf ors gegeben
;;;559;12;;- got in mit sælden lâze leben -,
;;;559;13;;diu künege unde herzogen riten.
;;;559;14;;swaz er hât an in erstriten,
;;;559;15;;daz wirt ze Peilrapere gesaget;
;;;559;16;;ir sicherheit hât er bejaget.
;;;559;17;;sîn schilt treit maneger tjoste mâl.
;;;559;18;;er reit ie vorschen umbe den Grâl."
;;;559;19;;Gawan sprach: "war ist der komen?
;;;559;20;;saget, hêrre wirt, hât er vernomen,
;;;559;21;;dô er sô nâhe was hie bî,
;;;559;22;;waz dirre âventiure sî?"
;;;559;23;;"Hêrre, er hât ir niht ervarn.
;;;559;24;;ich kunde mich des wol bewarn,
;;;559;25;;daz ichz im zuo gewüege:
;;;559;26;;unvuoge ich danne trüege.
;;;559;27;;het ir vrâgens niht gedâht,
;;;559;28;;niener wæret irs innen brâht
;;;559;29;;von mir, swaz hie mæres ist,
;;;559;30;;mit vorhten starker, strenger list.
;;;560;1;;welt ir niht erwinden,
;;;560;2;;mir unde mînen kinden
;;;560;3;;geschach sô rehte leide nie,
;;;560;4;;ob ir den prîs verlieset hie.
;;;560;5;;sult ir aber den prîs behalten
;;;560;6;;unde disses landes walten,
;;;560;7;;sô het mîn armuot ende.
;;;560;8;;ich getriuwe es iuwerre hende,
;;;560;9;;si hœhe mich mit rîcheit.
;;;560;10;;mit vröuden liep âne leit
;;;560;11;;mac iuwer prîs erwerben,
;;;560;12;;sult ir niht ersterben.
;;;560;13;;Nû wâpent iuch gegen kumber grôz."
;;;560;14;;dannoch saz Gawan alblôz;
;;;560;15;;er sprach: "nû bringet mir mîn harnasch her."
;;;560;16;;der bete was der wirt sîn wer:
;;;560;17;;von vuoze ûf wâpent in dô gar
;;;560;18;;diu süeze magt wol gevar.
;;;560;19;;Der wirt nâch dem orse gienc.
;;;560;20;;ein schilt an sîner wende hienc,
;;;560;21;;der dicke unde herte was,
;;;560;22;;dâ von doch Gawan sît genas.
;;;560;23;;Schilt unde ors im wurden brâht.
;;;560;24;;der wirt was alsô bedâht,
;;;560;25;;daz er wider vür in stuont;
;;;560;26;;er sprach: "hêrre, ich tuon iu kunt,
;;;560;27;;wie ir sult gebâren
;;;560;28;;gegen iuwers verhes vâren:
;;;560;29;;mînen schilt sult ir tragen,
;;;560;30;;der enist durchstochen noch durchslagen,
;;;561;1;;wand ich strîte selten -
;;;561;2;;wes möht er danne engelten?
;;;561;3;;sô ir ûf die burc hin komet,
;;;561;4;;ein dinc iu zuo dem orse vromet:
;;;561;5;;Ein krâmer sitzet vorme tor,
;;;561;6;;dem lât daz ors dâr vor.
;;;561;7;;koufet umb in, iu enruoche waz;
;;;561;8;;er behalt iu daz ors deste baz,
;;;561;9;;ob irz im versetzet.
;;;561;10;;werdet ir niht geletzet,
;;;561;11;;sô muget irz ors gerne hân."
;;;561;12;;Dô sprach mîn hêr Gawan:
;;;561;13;;"sol ich niht ze ors hin în?"
;;;561;14;;"Nein, hêrre, alder vrouwen schîn
;;;561;15;;ist iu vor verborgen;
;;;561;16;;sô nâhet ez den sorgen.
;;;561;17;;den palas vindet ir eine;
;;;561;18;;weder grôz noch kleine
;;;561;19;;vindet ir niht, daz dâ lebe.
;;;561;20;;sô walt es diu gotes pflege,
;;;561;21;;als ir in die kemenâten gêt,
;;;561;22;;dâ Let Marvele inne stêt.
;;;561;23;;daz bette unde die stollen sîn,
;;;561;24;;Von Marroch mahmurmelîn,
;;;561;25;;des krône unde alsîn rîcheit,
;;;561;26;;wære daz dar gegen geleit,
;;;561;27;;dâ mite ez wære vergolten niht.
;;;561;28;;dâr an ze lîdenne iu geschiht,
;;;561;29;;swaz got an iu wil meinen;
;;;561;30;;nâch vröuden erz müeze erscheinen.
;;;562;1;;gedenket, hêrre, ob ir sît wert,
;;;562;2;;disen schilt unde iuwer swert
;;;562;3;;lâzet niemer von iu komen.
;;;562;4;;sô ir wænet, daz ende habe genomen
;;;562;5;;iuwer kumber grôzlîch,
;;;562;6;;alrêst dem strîte ist ez gelîch."
;;;562;7;;Dô Gawan ûf sîn ors gesaz,
;;;562;8;;diu maget wart an vröuden laz.
;;;562;9;;alle, die dâ wâren, klageten;
;;;562;10;;wênic si des gedageten.
;;;562;11;;er sprach zem wirte: "gan mirs got,
;;;562;12;;iuwer getriuwelîch urbot,
;;;562;13;;daz ir mîn sus pflâget,
;;;562;14;;geltes mich niht betrâget."
;;;562;15;;urloup er zer megede nam,
;;;562;16;;die grôzes jâmers wol gezam.
;;;562;17;;er reit hin, si klageten hie.
;;;562;18;;ob ir nû gerne hœret, wie
;;;562;19;;Gawane dâ geschæhe,
;;;562;20;;deste gerner ichs verjæhe.
;;;562;21;;Ich sagez iu, als ichz hân vernomen:
;;;562;22;;dô er was vür die porten komen,
;;;562;23;;er vant den krâmære,
;;;562;24;;des krâm was niht lære.
;;;562;25;;dâ lac inne veile,
;;;562;26;;daz ichs wære der geile,
;;;562;27;;het ich alsô rîche habe.
;;;562;28;;Gawan vor im erbeizet abe.
;;;562;29;;sô rîchen market er nie gesach,
;;;562;30;;als im ze sehenne aldâ geschach.
;;;563;1;;der krâm was ein samît,
;;;563;2;;vierecke, hôch unde wît.
;;;563;3;;waz drinne veile læge?
;;;563;4;;derz mit gelte widerwæge,
;;;563;5;;der bâruc von Baldac
;;;563;6;;vergülte niht, daz drinne lac.
;;;563;7;;als tæte ouch der katolicô
;;;563;8;;von Ranculat. dô Kriechen sô
;;;563;9;;stuont, daz man hort drinne vant,
;;;563;10;;dannoch vergült es niht des küneges hant
;;;563;11;;mit dirre zweier stiure.
;;;563;12;;daz krâmgewant was tiure.
;;;563;13;;Gawan sîn grüezen sprach
;;;563;14;;dem krâmere, dô ern gesach.
;;;563;15;;waz wunders dâ lac veile!
;;;563;16;;nâch sîner mâze teile
;;;563;17;;dô bat im zeigen Gawan
;;;563;18;;gürtele unde vürspan.
;;;563;19;;Der krâmer sprach: "ich hân vür wâr
;;;563;20;;hie gesezzen manec jâr,
;;;563;21;;daz niemen getorste schouwen
;;;563;22;;- niht wan werde vrouwen -,
;;;563;23;;waz in mînem krâme liget.
;;;563;24;;ob iuwer herze manheit pfliget,
;;;563;25;;sô sît irs alles hêrre.
;;;563;26;;ez ist gevüeret verre.
;;;563;27;;habt ir prîs an iuch genomen,
;;;563;28;;sît ir durch âventiure komen,
;;;563;29;;hêrre, sol iu gelingen,
;;;563;30;;lîhte ir muget gedingen
;;;564;1;;umbe mich. swaz ich veiles hân,
;;;564;2;;daz ist iu danne gar undertân.
;;;564;3;;vart vürbaz, lâts walten got.
;;;564;4;;hât iuch Plypalinot,
;;;564;5;;der verje, her gewîset?
;;;564;6;;manec vrouwe prîset
;;;564;7;;iuwer komen in diz lant,
;;;564;8;;ob si hie erlœset iuwer hant.
;;;564;9;;welt ir nâch âventiure gên,
;;;564;10;;sô lât diz ors alstille stên;
;;;564;11;;daz behalt ich, welt irz an mich lân."
;;;564;12;;Dô sprach mîn hêr Gawan:
;;;564;13;;"wær ez in iuwern mâzen,
;;;564;14;;ich wolt ez iu gerne lâzen.
;;;564;15;;nû entsitz ich iuwer rîcheit;
;;;564;16;;sô rîchen marschalc ez erleit
;;;564;17;;nie, sît ich drûf gesaz."
;;;564;18;;Der krâmer sprach âne haz:
;;;564;19;;"ich unde alle mîne habe
;;;564;20;;- waz mac ich mê nû sprechen drabe? -,
;;;564;21;;dêst iuwer, sult ir hie genesen.
;;;564;22;;wes solt ich billîcher wesen?"
;;;564;23;;Gawan sîn ellen lêrte,
;;;564;24;;ze vuoz er vürbaz kêrte
;;;564;25;;manlîch unde unverzaget.
;;;564;26;;als ich iu ê hân gesaget,
;;;564;27;;er vant der bürge wîte,
;;;564;28;;daz ieslîch ir sîte
;;;564;29;;stuont mit bûwenlîcher wer.
;;;564;30;;vor allen stürmen niht ein ber
;;;565;1;;gæbe si ze drîzic jâren,
;;;565;2;;ob man ir solte vâren.
;;;565;3;;mitten drûffe ein anger
;;;565;4;;- daz Lechvelt ist langer -,
;;;565;5;;vil zinnen ob den türnen stuont.
;;;565;6;;uns tuot diu âventiure kunt,
;;;565;7;;Gawan den palas besach,
;;;565;8;;dem was sîn estriches dach
;;;565;9;;als pfæwîn gevider gar,
;;;565;10;;Lieht gemâl unde lieht gevar,
;;;565;11;;weder regen noch der snê
;;;565;12;;tet des daches blicke wê.
;;;565;13;;innen ez was gezieret
;;;565;14;;unde wol gefeitieret,
;;;565;15;;der venster sûlen wâren wol ergraben,
;;;565;16;;dâr ûf gewelbe hôhe erhaben.
;;;565;17;;dâr inne bette ein wunder
;;;565;18;;lac her unde dâr besunder;
;;;565;19;;kulter maneger slahte
;;;565;20;;lâgen drûffe von rîcher ahte.
;;;565;21;;dâ wâren die vrouwen gesezzen.
;;;565;22;;die enheten niht vergezzen,
;;;565;23;;si enwæren dan gegangen.
;;;565;24;;von in wart niht enpfangen
;;;565;25;;ir vröuden kunft, ir sælden tac,
;;;565;26;;der gar an Gawane lac.
;;;565;27;;müesens in doch hân gesehen,
;;;565;28;;waz möht in liebers sîn geschehen?
;;;565;29;;ir deheiniu daz tuon solte,
;;;565;30;;swie er in doch dienen wolte.
;;;566;1;;dâ wâren si unschuldic an.
;;;566;2;;Dô gie mîn hêr Gawan
;;;566;3;;în zer kemenâten tür.
;;;566;4;;dô sach er wider unde vür.
;;;566;5;;er vant an einer wende
;;;566;6;;
;;;566;7;;eine tür wît offen stân;
;;;566;8;;dâ innerhalp im solte ergân
;;;566;9;;hôhes prîses erwerben
;;;566;10;;oder nâch dem prîse sterben.
;;;566;11;;er gie zer kemenâten în.
;;;566;12;;der was ir estriches schîn
;;;566;13;;lûter, hæle als ein glas,
;;;566;14;;dâ Let Marvele inne was,
;;;566;15;;daz bette von dem wunder.
;;;566;16;;vier schîben liefen drunder,
;;;566;17;;von rubîne lieht sinewel,
;;;566;18;;daz der wint wart nie sô snel;
;;;566;19;;dâ wâren die stollen ûf gekloben.
;;;566;20;;den estrich muoz ich loben.
;;;566;21;;
;;;566;22;;
;;;566;23;;Clynsor, der des gedâhte,
;;;566;24;;ûz manegen landen brâhte
;;;566;25;;sîn listeclîchiu wîsheit
;;;566;26;;werc, daz dran was geleit.
;;;566;27;;Der estrich was gar sô sleif,
;;;566;28;;daz Gawan kûme aldâ begreif
;;;566;29;;mit den vüezen stiure.
;;;566;30;;er gie nâch âventiure.
;;;567;1;;iemer, alse dicke er trat,
;;;567;2;;daz bette vuor von der stat,
;;;567;3;;dâ ez ê was gestanden.
;;;567;4;;Gawan wart enblanden,
;;;567;5;;daz er den swæren schilt truoc,
;;;567;6;;den im sîn wirt bevalch genuoc.
;;;567;7;;Er gedâhte: "wie kum ich zuo dir,
;;;567;8;;wiltû wenken sus von mir?
;;;567;9;;ich sol dich innen bringen,
;;;567;10;;ob ich dich muge erspringen."
;;;567;11;;dô gesaz im daz bette vor.
;;;567;12;;er huop sich zem sprunge enbor
;;;567;13;;unde spranc enmitten dran.
;;;567;14;;die snelheit vriesch nie kein man,
;;;567;15;;wie daz bette her unde dar sich stiez.
;;;567;16;;der vier wende deheine ez liez:
;;;567;17;;mit hurte an iegeslîchez swanc,
;;;567;18;;daz diu burc dâ von erklanc.
;;;567;19;;Sus reit er manegen poynder grôz.
;;;567;20;;swaz der doner ie gedôz
;;;567;21;;unde alle die busûnære,
;;;567;22;;ob der êrste wære
;;;567;23;;bî dem andern drinne
;;;567;24;;unde bliesen nâch gewinne,
;;;567;25;;ez endorfte nimer dâ krachen.
;;;567;26;;Gawan muose wachen,
;;;567;27;;swie er an dem bette læge.
;;;567;28;;wes der helt dô pflæge?
;;;567;29;;des galmes het in dô bevilt,
;;;567;30;;daz er zucte über sich den schilt.
;;;568;1;;Er lac unde liez es walten
;;;568;2;;den, der helfe hât behalten
;;;568;3;;unde den der helfe nie verdrôz,
;;;568;4;;swer in sînem kumber grôz
;;;568;5;;helfe an in versuochen kan.
;;;568;6;;der wîse, herzehafte man,
;;;568;7;;swâ dem kumber wirt bekant,
;;;568;8;;der rüefet an die hœhesten hant,
;;;568;9;;wan diu treit helfe rîche
;;;568;10;;unde hilfet helfeclîche.
;;;568;11;;Daz selbe ouch Gawane dô geschach:
;;;568;12;;dem er ie sînes prîses jach,
;;;568;13;;sînen kreftigen güeten,
;;;568;14;;den bat er sich behüeten.
;;;568;15;;Nû nam daz krachen ende,
;;;568;16;;sô daz die vier wende
;;;568;17;;glîche wâren gemezzen dar,
;;;568;18;;aldâ daz bette wol gevar
;;;568;19;;an dem estriche enmitten stuont.
;;;568;20;;Dâ wart im grôz angest kunt:
;;;568;21;;vünf hundert stabeslingen
;;;568;22;;mit listeclîchen dingen
;;;568;23;;mit swanke wâren bereit.
;;;568;24;;der swanc gap in geleit
;;;568;25;;ûf daz bette, aldâ er lac.
;;;568;26;;der schilt alsolher herte pflac,
;;;568;27;;daz ers enpfant vil kleine.
;;;568;28;;ez wâren wazzersteine,
;;;568;29;;sinewel unde hart;
;;;568;30;;eteswâ der schilt doch dürkel wart.
;;;569;1;;Die steine wâren ouch verbolt.
;;;569;2;;er hete selten ê gedolt
;;;569;3;;sô swinde würfe ûf in gevlogen.
;;;569;4;;Nû was zem schuzze ûf gezogen
;;;569;5;;vünf hundert armbrust oder mêr.
;;;569;6;;die heten alle glîchen kêr
;;;569;7;;rehte ûf daz bette, dâ er lac.
;;;569;8;;swer ie sölher nôt gepflac,
;;;569;9;;der mac erkennen pfîle.
;;;569;10;;daz werte kurze wîle,
;;;569;11;;unze daz si wâren versnurret gar.
;;;569;12;;swer wil gemaches nemen war,
;;;569;13;;der kom an solich bette niht:
;;;569;14;;gemaches im dâ niemen giht.
;;;569;15;;es möhte jugent werden grâ,
;;;569;16;;des gemaches als dâ,
;;;569;17;;als Gawan an dem bette vant.
;;;569;18;;dannoch - sîn herze unde sîn hant -
;;;569;19;;der zageheite lac er aleine.
;;;569;20;;Die pfîle unde die steine
;;;569;21;;heten in niht gar vermiten.
;;;569;22;;zerquaschieret unde versniten
;;;569;23;;was er durch die ringe.
;;;569;24;;dô het er gedinge,
;;;569;25;;sînes kumbers wære ein ende.
;;;569;26;;dannoch mit sîner hende
;;;569;27;;muoser prîs erstrîten.
;;;569;28;;An den selben zîten
;;;569;29;;tet sich gein im ûf ein tür.
;;;569;30;;ein starker gebûr gie her vür;
;;;570;1;;der was vreislîch getân.
;;;570;2;;von vische hiuten truoc er an.
;;;570;3;;
;;;570;4;;
;;;570;5;;einen kolben er in der hende truoc,
;;;570;6;;Des kolbe was grœzer danne ein kruoc.
;;;570;7;;er gie gein Gawane her.
;;;570;8;;daz enwas dannoch niender sîn ger,
;;;570;9;;wand in sînes komens dâ verdrôz.
;;;570;10;;Gawan dâhte: "dirre ist blôz;
;;;570;11;;sîn wer ist gein mir harte laz."
;;;570;12;;er rihte sich ûf unde saz,
;;;570;13;;als ob im swære niender lit.
;;;570;14;;Jener trat hinder sich einen trit,
;;;570;15;;als ob er wolte entwîchen,
;;;570;16;;unde sprach doch zornlîchen:
;;;570;17;;"irn durfet mîn entsitzen niht;
;;;570;18;;ich gevüege aber wol, daz geschiht,
;;;570;19;;dâ von ir den lîp ze pfande gebet.
;;;570;20;;von des tiuvels krefte ir noch lebet;
;;;570;21;;sol iuch der hie hân ernert,
;;;570;22;;ir sît doch sterbens unerwert.
;;;570;23;;des bring ich iuch wol innen,
;;;570;24;;als ich nû scheide hinnen."
;;;570;25;;Der vilân trat wider în.
;;;570;26;;Gawan mit dem swerte sîn
;;;570;27;;von dem schilte sluoc die zeine.
;;;570;28;;die pfîle algemeine
;;;570;29;;wâren hin durch gedrungen,
;;;570;30;;daz sin den ringen klungen.
;;;571;1;;Dô gehôrt er ein gebrummen,
;;;571;2;;alse der zwênzic trummen
;;;571;3;;slüege hie ze tanze.
;;;571;4;;sîn vester muot der ganze,
;;;571;5;;den diu wâre zageheit
;;;571;6;;nie versêrte noch versneit,
;;;571;7;;dâhte: "waz sol mir geschehen?
;;;571;8;;ich möhte nû wol kumbers jehen.
;;;571;9;;wil sich mîn kumber mêren,
;;;571;10;;ze wer sol ich mich kêren."
;;;571;11;;Nû sach er gegen jenes gebûres tür.
;;;571;12;;ein starker lewe spranc her vür;
;;;571;13;;der was als ein ors sô hôch.
;;;571;14;;Gawan, der ie ungerne vlôch,
;;;571;15;;den schilt er mit den riemen nam.
;;;571;16;;er tet, als ez der wer gezam:
;;;571;17;;er spranc ûf den estrîch.
;;;571;18;;durch hunger was vreislîch
;;;571;19;;dirre starke lewe grôz,
;;;571;20;;des er doch wênic dâ genôz.
;;;571;21;;mit zorne lief er an den man,
;;;571;22;;ze wer stuont hêr Gawan.
;;;571;23;;er het im den schilt nâch genomen:
;;;571;24;;sîn êrster grif was alsô komen
;;;571;25;;durch den schilt mit alden klân.
;;;571;26;;von tieren ist selten ê getân
;;;571;27;;ein grif durch solhe herte.
;;;571;28;;Gawan sich zuckes werte:
;;;571;29;;ein bein hin abe er im swanc.
;;;571;30;;der lewe ûf drîn vüezen spranc;
;;;572;1;;inme schilte bleib der vierde vuoz.
;;;572;2;;von bluote gap er sölhen guoz,
;;;572;3;;daz Gawan mohte vaste stân.
;;;572;4;;her unde dar begund er gân.
;;;572;5;;Der lewe spranc dicke an den gast;
;;;572;6;;durch die nasen manegen pfnast
;;;572;7;;tet er mit bleckenden zenen.
;;;572;8;;wolte man in sölher spîse wenen,
;;;572;9;;daz er guote liute æze,
;;;572;10;;ungerne ich bî im sæze.
;;;572;11;;ez was ouch Gawane leit,
;;;572;12;;der ûf den lîp mit im dâ streit.
;;;572;13;;er het in sô geletzet,
;;;572;14;;mit bluote wart benetzet
;;;572;15;;al diu kemenâte gar.
;;;572;16;;mit zorne spranc der lewe dar
;;;572;17;;unde wolt in zücken under sich.
;;;572;18;;Gawan gap im einen stich
;;;572;19;;durch die brust unz an die hant,
;;;572;20;;dâ von des lewen zorn verswant,
;;;572;21;;wander strûhte nider tôt.
;;;572;22;;Gawan hete grôze nôt
;;;572;23;;mit strîte überwunden.
;;;572;24;;an den selben stunden
;;;572;25;;dâhter: "waz ist dir nû guot?
;;;572;26;;ich sitze ungerne in diz bluot.
;;;572;27;;ouch sol ich mich des wol bewarn
;;;572;28;;- diz bette kan sus umbe varn -,
;;;572;29;;daz ich dran sitze oder lige,
;;;572;30;;ob ich rehter wîsheit pflige."
;;;573;1;;Nû was im sîn houbt
;;;573;2;;mit würfen sô betoubt,
;;;573;3;;und dô sîne wunden
;;;573;4;;bluoten begunden,
;;;573;5;;daz in sîn snellîch kraft
;;;573;6;;gar liez mit geselleschaft:
;;;573;7;;durch swindelen er strûchens pflac;
;;;573;8;;daz houbt im ûf dem lewen lac.
;;;573;9;;der schilt viel nider under in.
;;;573;10;;gewan er ie kraft oder sin,
;;;573;11;;diu wâren im beidiu enpfüert;
;;;573;12;;unsanft er was gerüert.
;;;573;13;;alsîn sin tet im entwîch.
;;;573;14;;sîn wanküssen ungelîch
;;;573;15;;was dem, daz Gimile
;;;573;16;;von Monte Ribile,
;;;573;17;;diu süeze und diu wîse,
;;;573;18;;legte Kahenise,
;;;573;19;;dâr ûf er sînen prîs verslief.
;;;573;20;;der prîs gên disem manne lief,
;;;573;21;;wan daz habt ir wol vernomen,
;;;573;22;;wâ mit er was von witzen komen,
;;;573;23;;daz er lac unversunnen,
;;;573;24;;wie des wart begunnen.
;;;573;25;;verholen ez wart beschouwet,
;;;573;26;;daz mit bluot was getouwet
;;;573;27;;der kemenâten estrîch.
;;;573;28;;si bêde dem tôde wâren glîch,
;;;573;29;;der lewe und Gawan.
;;;573;30;;ein juncvrou wol getân
;;;574;1;;mit vorhten luogete ob în;
;;;574;2;;des wart vil bleich ir liehter schîn.
;;;574;3;;diu junge sô verzagte,
;;;574;4;;daz ez diu alte klagte,
;;;574;5;;Arnyve, diu wîse.
;;;574;6;;dar umb ich si noch prîse,
;;;574;7;;daz si den ritter nerte
;;;574;8;;und im dô sterben werte.
;;;574;9;;si gienc ouch dar durch schouwen.
;;;574;10;;dô wart von der vrouwen
;;;574;11;;zuom venster oben în gesehen,
;;;574;12;;daz sdeweders mohte jehen:
;;;574;13;;ir künfticlîchen vreuden tage
;;;574;14;;oder immer herzelîche klage.
;;;574;15;;diu vorhte, der ritter wære tôt;
;;;574;16;;des lêrte si gedanken nôt,
;;;574;17;;wan er sus ûf dem lewen lac
;;;574;18;;und anders keines bettes pflac.
;;;574;19;;si sprach: "mir ist von herzen leit,
;;;574;20;;ob dîn getriuwiu manheit
;;;574;21;;dîn werdez leben hât verlorn.
;;;574;22;;hâstû den tôt alhie erkorn
;;;574;23;;durch uns vil ellendiu diet,
;;;574;24;;sît dir dîn triuwe daz geriet,
;;;574;25;;mich erbarmet immer mê dîn tugent,
;;;574;26;;dû habest alter oder jugent."
;;;574;27;;hinz al den vrouwen si sprach,
;;;574;28;;wan si den helt sus ligen sach:
;;;574;29;;"ir vrouwen, die des toufes pflegen,
;;;574;30;;rüeft al an got umb sînen segen."
;;;575;1;;si sante zwô juncvrouwen dar
;;;575;2;;und bat si rehte nemen war,
;;;575;3;;daz si sanfte slichen,
;;;575;4;;ê daz si dan entwichen,
;;;575;5;;daz sir bræhten mære,
;;;575;6;;ob er bî leben wære
;;;575;7;;oder ob er wære verscheiden.
;;;575;8;;daz gebôt si den beiden.
;;;575;9;;die süezen meide reine,
;;;575;10;;ob ir dewederiu weine?
;;;575;11;;jâ, si bêde sêre
;;;575;12;;durch rehtes jâmers lêre,
;;;575;13;;dô si in sus ligen vunden,
;;;575;14;;daz von sînen wunden
;;;575;15;;der schilt mit bluot swebte.
;;;575;16;;si besâhen, ober lebte.
;;;575;17;;einiu mit ir clârer hant
;;;575;18;;den helm von sînem houbt bant
;;;575;19;;und ouch die vinteilen sîn.
;;;575;20;;dâ lac ein kleinez schiumelîn
;;;575;21;;vor sînem rôten munde.
;;;575;22;;zuo warten si begunde,
;;;575;23;;ob er den âtem indert züge
;;;575;24;;oder ob er iht lebens trüge;
;;;575;25;;daz lac dannoch in strîte.
;;;575;26;;ûf sînem kursîte
;;;575;27;;von zobel wâren zwei gampilûn,
;;;575;28;;als Ylinot der Britun
;;;575;29;;mit grôzem prîse wâpen truoc;
;;;575;30;;der brâht werdecheit genuoc
;;;576;1;;In der jugent an sînen ende.
;;;576;2;;diu magt mit ir hende
;;;576;3;;des zobels roufte und brâht in dar
;;;576;4;;vür sîne nase. dô nam si war,
;;;576;5;;dô der âtem daz hâr sô regte,
;;;576;6;;daz ez sich wider wegte.
;;;576;7;;der âtem wart dâ vunden.
;;;576;8;;an den selben stunden
;;;576;9;;hiez si balde springen,
;;;576;10;;ein lûter wazzer bringen.
;;;576;11;;ir gespil wolgevar
;;;576;12;;brâht in daz snelleclîch dar.
;;;576;13;;diu magt schoup ir vingerlîn
;;;576;14;;zwischen die zene sîn;
;;;576;15;;mit grôzer gevuoge daz geschach.
;;;576;16;;dô gôz si daz wazzer nâch,
;;;576;17;;sanfte und aber mêre.
;;;576;18;;si gôz iedoch niht sêre,
;;;576;19;;unz er diu ougen ûf swanc.
;;;576;20;;er bôt in dienst und sagt in danc,
;;;576;21;;den zweien süezen kinden:
;;;576;22;;"daz ir mich soldet vinden
;;;576;23;;sus ungezogenlîchen ligen,
;;;576;24;;ob daz wirt von iu verswigen,
;;;576;25;;daz prüeve ich vür güete.
;;;576;26;;iuwer zuht iuch dran behüete."
;;;576;27;;si jâhen: "ir lâget und ligt
;;;576;28;;als der des hœhsten prîses pfligt.
;;;576;29;;ir habt den prîs al hie bezalt,
;;;576;30;;des ir mit vreuden werdet alt;
;;;577;1;;Der sic ist iuwer hiute.
;;;577;2;;nû trœstet uns armen liute,
;;;577;3;;ob iuweren wunden sî alsô,
;;;577;4;;daz wir mit iu wesen vrô."
;;;577;5;;er sprach: "sæht ir mich gerne leben,
;;;577;6;;sô solt ir mir helfe geben."
;;;577;7;;des bat er die vrouwen:
;;;577;8;;"lât mîne wunden schouwen
;;;577;9;;etwene, der dâ künne mite.
;;;577;10;;sol ich begên noch strîtes site,
;;;577;11;;sô bindet ûf mînen helm und gêt ir hin;
;;;577;12;;den lîp ich gerne wernde bin."
;;;577;13;;si jâhen: "ir sît nû strîtes vrî,
;;;577;14;;hêrre, lât uns iu wesen bî.
;;;577;15;;wan einiu sol gewinnen
;;;577;16;;an vier küniginnen
;;;577;17;;daz boten brôt, ir lebt noch.
;;;577;18;;man sol iu bereiten doch
;;;577;19;;gemach und erzenîe klâr
;;;577;20;;und wol mit triuwen nemen war,
;;;577;21;;mit salben sô gehiure,
;;;577;22;;diu vür die quatschiure
;;;577;23;;und vür die wunden ein genist
;;;577;24;;mit senfte helflîchen ist."
;;;577;25;;der meide einiu danne spranc
;;;577;26;;sô balde, daz si nindert hanc.
;;;577;27;;si brâhte zuo hove mære,
;;;577;28;;daz er bî leben wære
;;;577;29;;"und alsô lobelîche,
;;;577;30;;daz er uns vreude rîche
;;;578;1;;mit vreuden machet, ruochet es got.
;;;578;2;;im ist aber guoter helfe nôt."
;;;578;3;;si sprâchen alle: "die merzîs!"
;;;578;4;;diu alte künigin wîs
;;;578;5;;ein bette hiez bereiten,
;;;578;6;;dâ vür ein teppich breiten,
;;;578;7;;bî einem guotem viure.
;;;578;8;;salben harte tiure,
;;;578;9;;wol geworht mit sinne,
;;;578;10;;die gewan diu küniginne
;;;578;11;;zuo quatschiuren und zuo wunden.
;;;578;12;;dô gebôt si an den stunden
;;;578;13;;vier vrouwen, daz si giengen
;;;578;14;;und sîn harnasch enpfiengen,
;;;578;15;;daz siz senfte von im næmen
;;;578;16;;und daz si kunden ræmen,
;;;578;17;;daz er sich niht dorfte schemen.
;;;578;18;;"einen pfelle solt ir umb iuch nemen,
;;;578;19;;und entwâpent in in dem schat.
;;;578;20;;ob dannen gên sî sîn stat,
;;;578;21;;daz dolt oder tragt in hin,
;;;578;22;;aldâ ich bî dem bette bin.
;;;578;23;;ich warte, aldâ der helt sol ligen.
;;;578;24;;ob sîn kampf ist sô gedigen,
;;;578;25;;daz er niht ist zuo were wunt,
;;;578;26;;ich mach in sicher wol gesunt.
;;;578;27;;welhiu sîn wunde wær zuo verhe,
;;;578;28;;daz wære der vreuden twerhe.
;;;578;29;;dâ mit wær wir ouch erslagen
;;;578;30;;und müesten lebendic sterben tragen."
;;;579;1;;nû diz wart alsô getân.
;;;579;2;;entwâpent wart hêrre Gawan
;;;579;3;;und dannen geleitet
;;;579;4;;und helfe bereitet
;;;579;5;;von den, die helfen kunden.
;;;579;6;;dô wâren wol mêr wunden
;;;579;7;;vünfzic oder mêre.
;;;579;8;;die pfîle iedoch niht sêre
;;;579;9;;durch die ringe wâren gedrucket:
;;;579;10;;der schilt was vür gerucket.
;;;579;11;;dô nam diu alte künigîn
;;;579;12;;dictam und warmen wîn
;;;579;13;;und einen blâwen zindâl.
;;;579;14;;dô streich si diu bluotes mâl
;;;579;15;;ûz den wunden, wâ deheines was,
;;;579;16;;und bant in sô, daz er genas.
;;;579;17;;wâ der helm was în gebogen,
;;;579;18;;dâ engegen daz houpt was erzogen,
;;;579;19;;daz man die würfe erkante,
;;;579;20;;die quatschiure si verswante
;;;579;21;;mit der salben krefte
;;;579;22;;und von ir meisterschefte.
;;;579;23;;si sprach: "ich senfte iu schiere.
;;;579;24;;Kundrie Lasurziere
;;;579;25;;ruochet mich sô dicke sehen;
;;;579;26;;waz von erzenîe mac geschehen,
;;;579;27;;des tuot si mich gewaltic wol.
;;;579;28;;sît Anfortas in jâmers dol
;;;579;29;;kom, daz man im helfe warp,
;;;579;30;;diu selbe im half, daz er niht starp.
;;;580;1;;Si ist von Munsalvasche komen."
;;;580;2;;dô Gawan het vernomen
;;;580;3;;Munsalvasche nennen,
;;;580;4;;dô begund er vreude kennen;
;;;580;5;;er wânte, er wære dâ nâhen bî.
;;;580;6;;dô sprach, der ie was valsches vrî,
;;;580;7;;Gawan, zuor küniginne:
;;;580;8;;"vrouwe, mîne sinne,
;;;580;9;;die mir wâren entrunnen,
;;;580;10;;die habt ir gewunnen
;;;580;11;;wider in mîn herze;
;;;580;12;;ouch senftet ich mînen smerze.
;;;580;13;;waz ich krefte oder sinne hân,
;;;580;14;;die hât iuwer dienstman
;;;580;15;;gar von iuweren schulden."
;;;580;16;;si sprach: "hêrre, iuweren hulden
;;;580;17;;sul wir uns alle nâhen
;;;580;18;;und des mit triuwen gâhen.
;;;580;19;;nû volget mir und redet niht vil.
;;;580;20;;ein würz ich iu geben wil,
;;;580;21;;dâ von ir slâfet; daz ist guot.
;;;580;22;;ezzens, trinkens keinen muot
;;;580;23;;solt ir haben vor der naht.
;;;580;24;;sô kumt iu wider iuwer maht,
;;;580;25;;sô trit ich iu mit spîse zuo,
;;;580;26;;daz ir wol beitet unz vruo."
;;;580;27;;ein würz si legte in sînen munt:
;;;580;28;;dô slief er an der selben stunt.
;;;580;29;;wol si sîn mit decke pflac.
;;;580;30;;alsô überslief er den tac,
;;;581;1;;Der êrenrîche und lasters arm
;;;581;2;;lac als sanfte und im was warm.
;;;581;3;;etwenne in doch im slâfe vrôs,
;;;581;4;;daz er heschet und nôs,
;;;581;5;;allez von der selben kraft.
;;;581;6;;von vrouwen grôz geselleschaft
;;;581;7;;giengen ûz, die andern în;
;;;581;8;;die truogen liehten, werden schîn.
;;;581;9;;Arnyve, diu alte,
;;;581;10;;diu gebôt mit ir gewalte,
;;;581;11;;daz ir deheiniu riefe
;;;581;12;;die wîle der helt dâ sliefe.
;;;581;13;;si bat ouch den palas
;;;581;14;;besliezen. waz dâ ritter was,
;;;581;15;;sarjande, burgære,
;;;581;16;;der keiner disiu mære
;;;581;17;;vriesch vor dem andern tage.
;;;581;18;;dô kam den vrouwen niuwiu klage.
;;;581;19;;sus slief der helt unz an die naht.
;;;581;20;;diu küniginne was sô bedâht,
;;;581;21;;die würz si im ûz dem munde nam:
;;;581;22;;er erwachte, trinkens in gezam.
;;;581;23;;dô hiez dar tragen diu wîse
;;;581;24;;trinken und guote spîse.
;;;581;25;;er rihte sich ûf und saz,
;;;581;26;;mit guoten vreuden er az.
;;;581;27;;vil manic vrouwe vor im stuont.
;;;581;28;;im wart nie werder dienst kunt;
;;;581;29;;ir dienst mit zühten wart getân.
;;;581;30;;dô prüefte mîn hêrre Gawan
;;;582;1;;Dise, die und aber jene.
;;;582;2;;er was noch in der alten sene
;;;582;3;;nâch Orgelusen, der klâren,
;;;582;4;;wan im in sînen jâren
;;;582;5;;kein wîp sô nâhen nie gegienc,
;;;582;6;;etswan dô er minne enpfienc
;;;582;7;;oder dô im minne was versagt.
;;;582;8;;dô sprach der helt unverzagt
;;;582;9;;zuo sîner meisterinne,
;;;582;10;;der alten küniginne:
;;;582;11;;"vrou, ez krenket mîne zuht
;;;582;12;;- ir mogt mirs jehen vür ungenuht -,
;;;582;13;;sollen dise vrouwen vor mir stên.
;;;582;14;;gebiet in, daz si sitzen gên,
;;;582;15;;oder heizet si mit mir ezzen."
;;;582;16;;"alhie wirt niht gesezzen
;;;582;17;;von ir einer unz an mich.
;;;582;18;;hêrre, si möhten schamen sich,
;;;582;19;;soldens iu niht dienen vil,
;;;582;20;;wan ir sît unser vreuden zil.
;;;582;21;;doch, hêrre, waz ir gebietet in,
;;;582;22;;daz sollen si leisten, haben si sin."
;;;582;23;;die edelen mit der hôhen art
;;;582;24;;wâren ir zuht des bewart,
;;;582;25;;wan siz mit willen tâten.
;;;582;26;;ir süezen münde in bâten
;;;582;27;;dâ stênes, unz er geæze,
;;;582;28;;daz ir keiniu sæze.
;;;582;29;;dô daz geschach, si giengen wider.
;;;582;30;;Gawan sich legte slâfen nider.
;;;583;1;;Wer im nû ruo næme,
;;;583;2;;ob ruowens in gezæme,
;;;583;3;;ich wæn, er het es sünde.
;;;583;4;;nâch der âventiur künde
;;;583;5;;het er sich gearbeitet,
;;;583;6;;gehœhet und gebreitet
;;;583;7;;sînen prîs mit grôzer nôt.
;;;583;8;;waz der werde Lanzelot
;;;583;9;;ûf der swertbrücke erleit
;;;583;10;;oder sît mit Melyanz streit,
;;;583;11;;daz was gên diser nôt ein niht,
;;;583;12;;und des man Garel giht,
;;;583;13;;dem werden künige rîche,
;;;583;14;;der alsô ritterlîche
;;;583;15;;den lewen von dem palas
;;;583;16;;warf, der dâ ze Nantis was.
;;;583;17;;Garel daz mezzer holte,
;;;583;18;;dâ von er kumber dolte
;;;583;19;;in der marmelînen sûl.
;;;583;20;;trüege dise pfîle ein mûl,
;;;583;21;;der wære zuo vil geladen mite,
;;;583;22;;die Gawan durch êren site
;;;583;23;;gên sînem verhe snurren liez,
;;;583;24;;als in sîn menlîch êre hiez.
;;;583;25;;Lygweiz Prillus, der vurt,
;;;583;26;;und Erec, der Schoydelakurt
;;;583;27;;erstreit ab Mobonagrin,
;;;583;28;;der dewederz gap sô hôhen pîn,
;;;583;29;;noch der stolze Ywan
;;;583;30;;sînen gruoz niht wolte lân
;;;584;1;;ûf âventiure steine.
;;;584;2;;solden die kumber sîn al eine,
;;;584;3;;Gawans kumber slüege vür,
;;;584;4;;wæge ieman ungemaches kür.
;;;584;5;;welhen kumber mein ich nû?
;;;584;6;;ob ez iuch diuhte niht zuo vruo,
;;;584;7;;sô wolt ichn iu benennen gar:
;;;584;8;;Orgeluse, diu kam al dar
;;;584;9;;in Gawans herzegedanc,
;;;584;10;;der ie was zagheite kranc
;;;584;11;;und gên den wâren êren starc.
;;;584;12;;wie kam, daz sich verbarc
;;;584;13;;sô grôz wîp in sô kleiner stat?
;;;584;14;;si kam in einen engen pfat
;;;584;15;;in Gawanes herze,
;;;584;16;;daz aller sîn smerze
;;;584;17;;von disem kumber gar verswant.
;;;584;18;;ez was iedoch ein kurziu want,
;;;584;19;;dâ sô lanc wîp inne saz,
;;;584;20;;der mit triuwen niht vergaz
;;;584;21;;sîn dienstlîchez wachen.
;;;584;22;;nieman sol es lachen,
;;;584;23;;daz alsus werlîchen man
;;;584;24;;ein wîp enschumpfieren kan.
;;;584;25;;wolra woch, waz sol diz sîn?
;;;584;26;;dâ tuot vrou Minne ir zorne schîn
;;;584;27;;an dem, der prîs hât bejagt.
;;;584;28;;werlîch und unverzagt
;;;584;29;;hât si in doch vunden.
;;;584;30;;gên den siechen wunden
;;;585;1;;solte gewaltes si verdriezen.
;;;585;2;;er mohte iedoch geniezen,
;;;585;3;;daz sin ân sînen danc
;;;585;4;;wol gesunden ê betwanc.
;;;585;5;;vrou minne, wolt ir prîs bejagen,
;;;585;6;;möht ir iu doch lâzen sagen:
;;;585;7;;iu ist ân êre diser strît,
;;;585;8;;wan Gawan lebte ie sîne zît,
;;;585;9;;als iuwer hulde im gebôt.
;;;585;10;;als tet sîn vater Lot.
;;;585;11;;muoterhalp sîn geslehte
;;;585;12;;stuont iu gar zuo rehte
;;;585;13;;sît her von Mazadan,
;;;585;14;;der Feimorgan
;;;585;15;;Terredelaschoie vuorte,
;;;585;16;;den iuwer kraft dô ruorte.
;;;585;17;;Mazadans nâchkomen,
;;;585;18;;von den dicke ist vernomen,
;;;585;19;;daz deheiner nie liez.
;;;585;20;;Ither von Kaheviez
;;;585;21;;iuwer insigel truoc.
;;;585;22;;wen man vor wîben sîn gewuoc,
;;;585;24;;dô man nante sînen namen,
;;;585;23;;des enwolt sich deheiniu schamen;
;;;585;25;;der minne si ir krefte jach.
;;;585;26;;nû prüevet danne, diu in sach;
;;;585;27;;der wâren diu rehten mære komen,
;;;585;28;;an dem iu dienst wart benomen.
;;;585;29;;nû tuot ouch Gawane den tôt,
;;;585;30;;als sînem neven Ilinot,
;;;586;1;;den iuwer kraft dar zuo twanc,
;;;586;2;;daz der junge, süeze ranc
;;;586;3;;nâch werder âmîen,
;;;586;4;;von Kanadic Florien.
;;;586;6;;Diu selbe küniginne in zôch;
;;;586;5;;sînes vater lant von kinde er vlôch;
;;;586;7;;zuo Britanie was er gast.
;;;586;8;;Florie in luot mit minnen last,
;;;586;9;;daz si in jagte vür daz lant.
;;;586;10;;in ir dienst man in vant
;;;586;11;;tôt, als ir wol habt vernomen.
;;;586;12;;Gawans künne ist dicke komen
;;;586;13;;von minne in herzebære sêr.
;;;586;14;;ich nenne iu sîner mâge mêr,
;;;586;15;;den ouch von minne ist worden wê:
;;;586;16;;wie betwanc der bluotvarwe snê
;;;586;17;;des werden Parcifals lîp?
;;;586;18;;durch die künigîn, sîn wîp.
;;;586;19;;Galoes und Gahmureten,
;;;586;20;;die habt ir bêde übertreten,
;;;586;21;;daz ir si gâbet an den rê.
;;;586;22;;diu werde Itonie
;;;586;23;;leit ouch nâch künic Gramoflanz
;;;586;24;;mit triuwen stæte minne ganz;
;;;586;25;;diu was Gawans swester clâr.
;;;586;26;;vrou Minne, ir teilt iuwern vâr
;;;586;27;;Syrdamur durch Alexander.
;;;586;28;;die eine und ouch die ander,
;;;586;29;;waz Gawans künnes ie gewan,
;;;586;30;;vrou Minne, die wolt ir nie erlân,
;;;587;1;;si müesten dienst gên iu tragen.
;;;587;2;;wolt ir nû prîs an in bejagen?
;;;587;3;;ir möht kraft gên kreften geben
;;;587;4;;und liezet Gawanen leben
;;;587;5;;siech mit sînen wunden
;;;587;6;;und wundet die gesunden.
;;;587;7;;maneger hât von minnen sanc,
;;;587;8;;den doch diu minne nie betwanc.
;;;587;9;;ich möhte nû wol stille dagen
;;;587;10;;und liez mîne klagen,
;;;587;11;;waz dem von Norwæge was,
;;;587;12;;dô er der âventiur genas,
;;;587;13;;daz in bestuont der minne schûr
;;;587;14;;âne hilfe gar zuo sûr.
;;;587;15;;dô sprach er: "wê, daz ich erkôs
;;;587;16;;disiu bette ruowelôs!
;;;587;17;;daz ein hât mich versêret,
;;;587;18;;daz ander mir gemêret
;;;587;19;;gedanke nâch minne.
;;;587;20;;Orgeluse, diu herzoginne,
;;;587;21;;muoz gnâde an mir begên,
;;;587;22;;ob ich mit vreuden sol bestên."
;;;587;23;;von ungedult er sich sô want,
;;;587;24;;daz brast etslîch sîn wunden bant.
;;;587;25;;in solchem ungemache er lac.
;;;587;26;;nû seht, dô schein ûf in der tac;
;;;587;27;;des het er unsanfte erbiten.
;;;587;28;;er het ouch vor erliten
;;;587;29;;mit swerten manegen herten strît,
;;;587;30;;doch senfter danne dise ruowens zît.
;;;588;1;;ob kumber sich glîche dem,
;;;588;2;;welch minnære den an sich nem,
;;;588;3;;der werde alrêst wol gesunt,
;;;588;4;;mit pfîlen alsô sêre wunt.
;;;588;5;;daz tuot im lîhte alsô wê
;;;588;6;;als sîn minnen kumber ê.
;;;588;7;;Gawan truoc minne und ander klage.
;;;588;8;;nû begunde ez liuhten von dem tage,
;;;588;9;;daz sîner grôzen kerzen schîn
;;;588;10;;unnâch sô virrec mohte sîn.
;;;588;11;;ûf rihte sich der wîgant.
;;;588;12;;nû was sîn lînîn gewant
;;;588;13;;nâch wunden und nâch harnasch var.
;;;588;14;;zuo im was geleit dar
;;;588;15;;hemde und bruoch von buckeram,
;;;588;16;;- den wehsel er dô gerne nam -
;;;588;17;;und ein garnasch merderîn,
;;;588;18;;des selben ein kürsenlîn,
;;;588;19;;ob den zwein schürbrant
;;;588;20;;von Aroys dar gesant.
;;;588;21;;zwên stivel ouch dâ lâgen,
;;;588;22;;die niht grœze pflâgen.
;;;588;23;;diu niuwen kleider legt er an.
;;;588;24;;dô gienc mîn hêrre Gawan
;;;588;25;;ûz der kemenâten tür.
;;;588;26;;sus gienc er wider und vür,
;;;588;27;;unz er den rîchen palas vant.
;;;588;28;;sînen ougen, den wart nie bekant
;;;588;29;;rîcheit, diu dar zuo töhte,
;;;588;30;;diu sich der glîchen möhte.
;;;589;1;;ûf durch den palas ein sît
;;;589;2;;gienc ein gewelbe niht ze wît,
;;;589;3;;gegrêdet über den palas hôch;
;;;589;4;;sinewel sich daz über zôch.
;;;589;5;;dâr ûf stuont ein clâriu sûl,
;;;589;6;;diu was niht von holze vûl;
;;;589;7;;si was michel und starc,
;;;589;8;;sô grôz, vrouwen Camille sarc
;;;589;9;;wære drûf wol gestanden.
;;;589;10;;ûz Ferefises landen
;;;589;11;;brâht ez der wîse Clynsor,
;;;589;12;;werc, daz stuont hie enbor.
;;;589;13;;sinewel als ein gezelt ez was.
;;;589;14;;der meister Geometrias,
;;;589;15;;solt ez gewürket hân sîn hant,
;;;589;16;;diu kunst wær im unbekant.
;;;589;17;;daz was geworht mit listen:
;;;589;18;;adamas und amatisten
;;;589;19;;- diu âventiure uns wizzen lât -,
;;;589;20;;topâzje und grânât,
;;;589;21;;krisolîte und rubîne,
;;;589;22;;smaragde und sardîne,
;;;589;23;;sus wâren diu venster rîche.
;;;589;24;;wît und hôch gelîche,
;;;589;25;;als man der venster sûle sach,
;;;589;26;;der art was oben allez daz dach.
;;;589;27;;kein sûl stuont dâr unde,
;;;589;28;;diu sich glîchen kunde
;;;589;29;;der grôzen sûl, die dâ enzwischen stuont.
;;;589;30;;uns tuot diu av̂entiur kunt,
;;;590;1;;waz diu wunders mohte hân.
;;;590;2;;durch schouwen gienc hêr Gawan
;;;590;3;;ûf daz warthûs eine
;;;590;4;;zuo manegem edelem steine.
;;;590;5;;dâ vant er solch wunder grôz,
;;;590;6;;des in zuo sehen niht verdrôz.
;;;590;7;;in dûhte, wie im alliu lant
;;;590;8;;in der grôzen sûl wæren bekant
;;;590;9;;und daz diu lant umbe giengen
;;;590;10;;und daz mit hurte enpfiengen
;;;590;11;;die grôzen berge ein ander.
;;;590;12;;in der sûle vander
;;;590;13;;liute rîten und gên,
;;;590;14;;disen loufen und jenen stên.
;;;590;15;;in einem venster er gesaz,
;;;590;16;;daz wunder wolt er prüeven baz.
;;;590;17;;dô kam diu alte Arnive
;;;590;18;;und ir tohter Seyve
;;;590;19;;und ir tohter zwô;
;;;590;20;;die giengen alle viere zuo.
;;;590;21;;er spranc ûf, dô er si komen sach.
;;;590;22;;diu küniginne Arnive sprach:
;;;590;23;;"hêrre, ir solt noch slâfes pflegen.
;;;590;24;;habt ir ruowens iuch bewegen,
;;;590;25;;dâ zuo sît ir sêre wunt,
;;;590;26;;sol iu ander ungemach sîn kunt."
;;;590;27;;dô sprach er: "vrouwe und meisterinne,
;;;590;28;;mir hât kraft und sinne
;;;590;29;;iuwer helfe alsô gegeben,
;;;590;30;;daz ich gediene, sol ich leben."
;;;591;1;;diu künigîn sprach: "muoz ich sô spehen,
;;;591;2;;daz ir, hêrre, mir hât verjehen,
;;;591;3;;daz ich iuwer meisterîn sî,
;;;591;4;;sô küsset dise vrouwen alle drî.
;;;591;5;;dâ sît ir lasters an bewart:
;;;591;6;;si sîn geborn von hôher art."
;;;591;7;;diser bet was er vrô.
;;;591;8;;die klâren vrouwen kust er dô,
;;;591;9;;Seyven und Itonie
;;;591;10;;und die süezen Kundrie.
;;;591;11;;Gawan saz selbe vünfte nider.
;;;591;12;;dô sach er vür und wider
;;;591;13;;an der klâren meide lîp.
;;;591;14;;iedoch twanc in des ein wîp,
;;;591;15;;diu mit stæte in sînem herzen lac.
;;;591;16;;diser meide blic ein nebeltac
;;;591;17;;was bî Orgelusen gar.
;;;591;18;;diu dûht in ouch vil wol gevar,
;;;591;19;;von Logrois diu herzogîn;
;;;591;20;;dar jagte in sînes herzen sin.
;;;591;21;;nû daz was ergangen,
;;;591;22;;Gawan was enpfangen
;;;591;23;;von den vrouwen allen drîn.
;;;591;24;;die truogen sô liehten, werden schîn,
;;;591;25;;des lîht ein herze wære versniten,
;;;591;26;;daz ê niht kumbers het erliten.
;;;591;27;;hin zuo sîner meisterîn er sprach
;;;591;28;;umb die sûl, die er dâ sach,
;;;591;29;;daz si im sagte mære,
;;;591;30;;von welher art diu wære.
;;;592;1;;dô sprach si: "hêrre, diser stein
;;;592;2;;die tage und alle nehte schein
;;;592;4;;al umb vier mîle in diu lant,
;;;592;3;;sît er mir êrst wart bekant.
;;;592;5;;waz in dem selben zil geschiht,
;;;592;6;;in der sûle man daz siht,
;;;592;7;;in wazzer und ûf velde,
;;;592;8;;des ist si wâriu melde,
;;;592;9;;ez sî vogel oder tier.
;;;592;10;;den gast und den fôrehtier,
;;;592;11;;die vremden und die kunden
;;;592;12;;hât man drinne vunden.
;;;592;13;;über sehs mîle gêt sîn glanz;
;;;592;14;;er ist sô veste und sô ganz,
;;;592;15;;daz in mit keinen sinnen
;;;592;16;;nie mohte gewinnen
;;;592;17;;weder hamer noch der smit.
;;;592;18;;er wart verstolen zuo Tabrunit
;;;592;19;;der künigîn Secundillen,
;;;592;20;;ich wæne des, ân ir willen."
;;;592;21;;Gawan an den zîten
;;;592;22;;sach in der sûle rîten
;;;592;23;;einen ritter und eine vrouwen.
;;;592;24;;moht er dô bêdiu schouwen,
;;;592;25;;dô dûht in diu vrouwe clâr,
;;;592;26;;man und ros gewâpent gar
;;;592;27;;und der helm gezimieret.
;;;592;28;;si kam geheistieret
;;;592;29;;durch die passâsche ûf den plân;
;;;592;30;;nâch im diu reise wart getân.
;;;593;1;;si kam die strâze durch daz muor,
;;;593;2;;als Lyschoys, der stolze, vuor,
;;;593;3;;den er entschumpfierte.
;;;593;4;;diu vrouwe condwierte
;;;593;5;;den ritter mit dem zoume her;
;;;593;6;;tjostieren was sîn ger.
;;;593;7;;Gawan sich umbe kêrte,
;;;593;8;;sînen kumber er gemêrte;
;;;593;9;;in dûhte, diu sûle het in betrogen.
;;;593;10;;dô sach er vür ungelogen
;;;593;11;;Orgelusen de Logrois
;;;593;12;;und einen ritter kurtois
;;;593;13;;gên der var ûf den wasen.
;;;593;14;;ist diu nieswurz in der nasen
;;;593;15;;dræte und strenge,
;;;593;16;;durch sîn herze enge
;;;593;17;;kom alsus diu herzogîn
;;;593;18;;durch sîniu ougen oben în.
;;;593;19;;gên minne helfelôs ein man,
;;;593;20;;owî, daz ist mîn hêrre Gawan!
;;;593;21;;hin zuo sîner meisterinne er sprach,
;;;593;22;;dô er den ritter komen sach:
;;;593;23;;"vrouwe, dort vert ein ritter her
;;;593;24;;mit ûf gerihtem sper;
;;;593;25;;der wil suochens niht erwinden.
;;;593;26;;er sol sîn suochen vinden,
;;;593;27;;sît er ritterschefte gert,
;;;593;28;;strîtes ist er von mir gewert.
;;;593;29;;sagt mir, wer mac diu vrouwe sîn."
;;;593;30;;si sprach: "daz ist diu herzogîn
;;;594;1;;von Logrois, diu klâre.
;;;594;2;;wem kumt si sust zuo vâre?
;;;594;3;;der Turkoyte ist mit ir komen,
;;;594;4;;dâ von sô dicke ist vernomen,
;;;594;5;;sô daz er ist unverzagt.
;;;594;6;;er hât mit sper prîs bejagt,
;;;594;7;;es wæren gehêrt driu lant.
;;;594;8;;gên sîner werlîchen hant
;;;594;9;;ir solt strît mîden nû.
;;;594;10;;strîten ist iu gar zuo vruo,
;;;594;11;;ir sît ûf strît zuo sêre wunt.
;;;594;12;;ob ir halt wæret wol gesunt,
;;;594;13;;ir solt doch strîten gên im lân."
;;;594;14;;dô sprach mîn hêrre Gawan:
;;;594;15;;"ir jehet, ich solle hie hêrre sîn.
;;;594;16;;wer danne ûf die êre mîn
;;;594;17;;ritterschaft sô nâhe suochet,
;;;594;18;;ob der strîtes geruochet,
;;;594;18;1;
;;;594;18;2;
;;;594;19;;vrouwe, ich sol mîn harnasch hân."
;;;594;20;;des wart grôz weinen getân
;;;594;21;;von den vrouwen allen vieren.
;;;594;22;;si sprâchen: "wolt ir zieren
;;;594;23;;iuwer leben und iuwern prîs,
;;;594;24;;sô enstrîtet niht keinen wîs.
;;;594;25;;læget ir vor im dâ tôt,
;;;594;26;;alrêst wüehse unser nôt.
;;;594;27;;solt aber ir vor im genesen,
;;;594;27;1;
;;;594;27;2;
;;;594;28;;wolt ir in harnasch wesen,
;;;594;29;;iu nement iuwer êrste wunden daz leben;
;;;594;30;;sô sîn wir an den tôt gegeben."
;;;595;1;;Gawan sus mit kumber ranc,
;;;595;2;;ir mogt wol hœren, waz in twanc:
;;;595;3;;
;;;595;4;;
;;;595;5;;in twungen wunden sêre
;;;595;6;;und diu minne michels mêre
;;;595;7;;und der juncvrouwen riwe,
;;;595;8;;wan er sach an ir triwe.
;;;595;9;;er bat si weinen gar verbern;
;;;595;10;;dâ zuo sîn munt begunde gern
;;;595;11;;ros, harnasch und swert.
;;;595;12;;die vrouwen clâren und wert
;;;595;13;;vuorten Gawanen wider.
;;;595;14;;er bat si vor im gên dar nider,
;;;595;15;;dâ die andern vrouwen wâren,
;;;595;16;;die süezen und die clâren.
;;;595;17;;Gawan ûf sînes strîtes vart
;;;595;18;;balde aldâ gewâpent wart
;;;595;19;;bî weinenden liehten ougen.
;;;595;20;;si tâtenz alsô tougen,
;;;595;21;;daz nieman vriesch diu mære
;;;595;22;;wan der krâmære;
;;;595;23;;der hiez sîn ros erstrîchen.
;;;595;24;;Gawan begunde slîchen,
;;;595;25;;aldâ Krynguliet stuont.
;;;595;26;;doch was er alsô sêre wunt,
;;;595;27;;den schilt er kûme getruoc;
;;;595;28;;er was dürkel ouch genuoc.
;;;595;29;;ûf sîn ros saz hêr Gawan.
;;;595;30;;dô kêrt er von der burc her dan
;;;596;1;;zuo sînem getriuwen wirte,
;;;596;2;;der in des wênic irte,
;;;596;3;;wes sîn wille gerte.
;;;596;4;;eines spers er in gewerte,
;;;596;5;;daz was starc und unbeschaben.
;;;596;6;;er het ir manegez ûf erhaben
;;;596;7;;anderhalp ûf sînem plân.
;;;596;8;;dô bat in mîn hêr Gawan
;;;596;9;;überverte schiere.
;;;596;10;;in einem ussiere
;;;596;11;;vuort er in über an daz lant,
;;;596;12;;dâ er den Turkoyten vant,
;;;596;13;;wert und hôch gemuot.
;;;596;14;;der was vor schanden alsô behuot,
;;;596;15;;daz missewende an im verswant.
;;;596;16;;sîn prîs was dâ vür erkant,
;;;596;17;;wer gên im tjostierens pflac,
;;;596;18;;daz der hinderm ros gelac
;;;596;19;;von sîner tjost valle.
;;;596;20;;sus het er si alle,
;;;596;21;;die gên im durch strît geriten,
;;;596;22;;mit tjostieren überstriten.
;;;596;23;;ouch tet sich ûz der degen wert,
;;;596;24;;daz er mit spern âne swert
;;;596;25;;hôhen prîs wolte erben
;;;596;26;;oder sînen prîs verderben.
;;;596;27;;wer den prîs an im bezalte,
;;;596;28;;daz er in mit tjoste valte,
;;;596;29;;würd er dâ sigelôs ersehen,
;;;596;30;;dem wolt er sicherheit jehen.
;;;597;1;;Gawan vriesch diu mære
;;;597;2;;von der tjoste pfandære.
;;;597;3;;Plipalinot nam alsô pfant:
;;;597;4;;welch tjost dâ vür wart erkant,
;;;597;5;;daz einer viel, der ander gesaz,
;;;597;6;;sô enpfienc er ân ir bêder haz
;;;597;7;;dises vlust und jenes gewin,
;;;597;8;;ich mein daz ros, daz zôch er hin.
;;;597;9;;er enruochte, striten si genuoc
;;;597;10;;oder wer prîs oder laster truoc.
;;;597;11;;des liez er jehen die vrouwen,
;;;597;12;;die mohtenz dicke schouwen.
;;;597;14;;er zôch imz ros an daz stat.
;;;597;13;;Gawanen er vast sitzen bat,
;;;597;15;;er bôt im schilt und sper.
;;;597;16;;nû kom der Turkoyte her
;;;597;17;;galopiernde als ein man,
;;;597;18;;der die tjost mezzen kan
;;;597;19;;weder zuo hôhe noch zuo nider.
;;;597;20;;Gawan kam gên im dâ wider.
;;;597;21;;von Munsalvasche Krynguliet
;;;597;22;;vuor nâch Gawans bet,
;;;597;23;;als ez der zoum lêrte.
;;;597;24;;ûf den plân er kêrte.
;;;597;25;;hurtâ, nû lâ die tjoste tuon!
;;;597;26;;hie kam des küniges Lotes sun
;;;597;27;;menlîch, âne herzeschric.
;;;597;28;;wâ hât diu helmsnuor ir stric?
;;;597;29;;des Turkoyten tjost traf in aldâ.
;;;597;30;;Gawan in ruorte anderswâ:
;;;598;1;;durch die barbiere.
;;;598;2;;man wart wol innen schiere,
;;;598;3;;wer dâ gevelles was sîn wer.
;;;598;4;;von dem kurzen, starken sper
;;;598;5;;den helm enpfienc hêr Gawan.
;;;598;6;;hin reit der helm, hie lac der man,
;;;598;7;;der werdecheit ein bluome ie was,
;;;598;8;;unz er bedacte alsus daz gras
;;;598;9;;mit valle von der tjoste.
;;;598;10;;sîner zimierde koste
;;;598;11;;in dem touwe mit den bluomen striten.
;;;598;12;;Gawan kam ûf in geriten,
;;;598;13;;unz er im sicherheit verjach.
;;;598;14;;der verge nâch dem rosse sprach.
;;;598;15;;daz was sîn reht, wer lougent des?
;;;598;16;;"ir vreuwet iuch gerne, west ir wes",
;;;598;17;;sprach Orgeluse, diu klâre,
;;;598;18;;Gawane aber ze vâre,
;;;598;19;;"sît daz des starken lewen vuoz
;;;598;20;;iuwerem schilte volgen muoz.
;;;598;21;;nû wænt ir, iu sî prîs geschehen,
;;;598;22;;sît dise vrouwen hânt ersehen
;;;598;23;;iuweren strît alsô getân.
;;;598;24;;wir müezen iuch bî vreuden lân,
;;;598;25;;sît ir des der geile,
;;;598;26;;ob Let Marveile
;;;598;27;;sich sô kleine hât gerochen.
;;;598;28;;iu ist der schilt zerbrochen,
;;;598;29;;als ob iu strît sul wesen kunt.
;;;598;30;;ir sît ouch ze sêre wunt
;;;599;1;;ûf strîtes gedense;
;;;599;2;;daz tuot iu wê zuor gense.
;;;599;3;;iu mac durch ruom wesen liep
;;;599;4;;der schilt dürkel als ein sip,
;;;599;5;;den iu sô manic pfîl zerbrach.
;;;599;6;;an disen zîten ungemach,
;;;599;7;;daz mugt ir gerne vliehen.
;;;599;8;;lât iu den vinger ziehen,
;;;599;9;;rît wider ûf zuon vrouwen.
;;;599;10;;sagt, wie getörst ir schouwen
;;;599;11;;strît, den ich werben solde,
;;;599;12;;ob iuwer herze wolde
;;;599;13;;mir dienen nâch minne."
;;;599;14;;er sprach zuor herzoginne:
;;;599;15;;"vrou, hân ich wunden,
;;;599;16;;die hânt helfe vunden.
;;;599;17;;ob iuch helfe kan gezemen,
;;;599;18;;daz ir mîn dienst geruochet nemen,
;;;599;19;;sô wart nie nôt sô hert erkant,
;;;599;20;;ichn sî zuo dienste dar benant."
;;;599;21;;si sprach: "ich lâz iuch rîten
;;;599;22;;und mêr nâch prîse strîten
;;;599;23;;mit mir geselleclîche."
;;;599;24;;des wart an vreuden rîche
;;;599;25;;der stolze, werde Gawan.
;;;599;26;;den Turkoyten sant er dan
;;;599;27;;bî sînem wirte Plipalinot
;;;599;28;;ûf die burc. er enbôt
;;;599;30;;al den vrouwen wol gevar,
;;;599;29;;daz sis mit wirden næmen war.
;;;600;1;;Gawans sper was ganz bliben,
;;;600;2;;wie beidiu ors wæren getriben
;;;600;3;;mit sporn ûf der joste hurte;
;;;600;4;;in sîner hant er ez vuorte
;;;600;5;;gein der liehten ouwe.
;;;600;6;;des weinte manegiu vrouwe,
;;;600;7;;daz sîn reise von in geschach.
;;;600;8;;diu künegîn Arnyve sprach:
;;;600;9;;"unser trôst het in erkorn,
;;;600;10;;sîner ougen senfte und des herzen dorn.
;;;600;11;;owê, daz er nû volget sus
;;;600;12;;gein Lygweiz Prillus
;;;600;13;;Orgelusen, der herzogîn!
;;;600;14;;daz ist sînen wunden ungewin."
;;;600;15;;viere hundert vrouwen wâren in klage;
;;;600;16;;er reit von in nâch prîses bejage.
;;;600;17;;waz im an sînen wunden war,
;;;600;18;;die nôt hete erwendet gar
;;;600;19;;Orgelusen varwe glanz.
;;;600;20;;si sprach: "ir solt einen kranz
;;;600;21;;von eines boumes rîse
;;;600;22;;gewinnen, dar umb ich prîse
;;;600;23;;iuwer tât. wolt ir mich es wern,
;;;600;24;;sô moget ir mîner minne gern."
;;;600;25;;dô sprach er: "vrouwe, wâ daz rîs
;;;600;26;;stêt, daz alsô hôhen prîs
;;;600;27;;mir an vreuden mac bejagen,
;;;600;28;;daz ich iu, vrouwe, muoze klagen
;;;600;29;;nâch iuweren hulden mîne nôt,
;;;600;30;;daz brich ich oder mich enlât der tôt."
;;;601;1;;waz dâ stuonden bluomen lieht,
;;;601;2;;die wâren gein dirre varwe ein niht,
;;;601;3;;die Orgeluse brâhte.
;;;601;4;;Gawan an si gedâhte,
;;;601;5;;sô daz sîn êrstez ungemach
;;;601;6;;im dekeines kumbers jach.
;;;601;7;;sus reit si mit ir gaste
;;;601;8;;von der burc wol ein raste
;;;601;9;;eine strâze wît und sleht
;;;601;10;;vür ein kleinez fôreht.
;;;601;11;;der art die boume muosen sîn
;;;601;12;;tämris und prisîn;
;;;601;13;;daz was Clynsors walt.
;;;601;14;;Gawan, der degen balt,
;;;601;15;;sprach: "vrouwe, wâ brich ich den kranz,
;;;601;16;;daz mîn dürkel herze würde ganz?"
;;;601;17;;Er solte si hân gedrücket nider,
;;;601;18;;als dicke ist geschehen sider
;;;601;19;;maneger clâren vrouwen.
;;;601;20;;si sprach: "ich lâz iuch schouwen,
;;;601;21;;wâ ir prîs moget behaben."
;;;601;22;;über velt gein eime graben
;;;601;23;;riten si sô nâhen,
;;;601;24;;des kranzes boum si sâhen.
;;;601;25;;dô sprach si: "hêrre, jener stam,
;;;601;26;;den heiet, der mir vreude nam.
;;;601;27;;bringet ir mir drabe ein rîs,
;;;601;28;;nie rîter als hôhen prîs
;;;601;29;;mit dienste erwarp nâch minne."
;;;601;30;;sô sprach diu herzoginne:
;;;602;1;;"hie wil ich mîne reise sparn.
;;;602;2;;got walt es, wolt ir vürbaz varn,
;;;602;3;;sô endorfet ir ez niht lengen,
;;;602;4;;ellenthafte sprengen
;;;602;5;;müezet ir zuo orse alsus
;;;602;6;;über Ligweiz Prillus."
;;;602;7;;si hânt alle stille ûf dem plân;
;;;602;8;;vürbaz reit hêr Gawan.
;;;602;9;;er hôrte eines dræten wazzers val,
;;;602;10;;daz hete durchbrochen wît ein tal,
;;;602;11;;tief und ungeverteclîche.
;;;602;12;;Gawan, der ellens rîche,
;;;602;13;;nam daz ors mit den sporn.
;;;602;14;;daz treip der degen wol geborn,
;;;602;15;;daz ez mit zwein vüezen trat
;;;602;16;;hin über an daz ander stat.
;;;602;17;;der sprunc mit valle muose sîn,
;;;602;18;;daz weinte iedoch diu herzogîn.
;;;602;19;;der wâc was snel und grôz.
;;;602;20;;Gawan sîner kraft genôz,
;;;602;21;;doch truoc er harnaschlast.
;;;602;22;;nû was ouch eines boumes ast
;;;602;23;;gewahsen in des wazzers trân.
;;;602;24;;den begreif der starke man,
;;;602;25;;wan der dannoch gerne lebete.
;;;602;26;;sîn sper dâ bî im swebete;
;;;602;27;;daz begreif der wîgant.
;;;602;28;;er steic hin ûz ûf daz lant.
;;;602;29;;Krynguliet swam oben und unde,
;;;602;30;;dem er helfen dô begunde.
;;;603;1;;Daz ors sô verre nider vlôz,
;;;603;2;;des loufens in dâ nâch verdrôz,
;;;603;3;;swære harnasch er truoc;
;;;603;4;;er hete ouch wunden genuoc.
;;;603;5;;nû treib ez ein gewerbe her,
;;;603;6;;daz er ez erreichete mit dem sper,
;;;603;7;;dâ der regen und der guz
;;;603;8;;gebrochen heten wîten vluz
;;;603;9;;an einer tiefen halden.
;;;603;10;;dâ ez ûf her was gespalden,
;;;603;11;;daz Krynguliete nerte.
;;;603;12;;mit dem zoume er ez kêrte
;;;603;13;;sô nâhe zuo im an daz lant,
;;;603;14;;daz er ez ergreif mit der hant.
;;;603;15;;sus zôch mîn hêr Gawan
;;;603;16;;daz ors hin ûz ûf den plân.
;;;603;17;;ez schutte sich, dô ez genas,
;;;603;18;;der schilt dâ niht bestanden was.
;;;603;19;;er gurte dem orse und nam den schilt.
;;;603;20;;wen sînes kumbers niht bevilt,
;;;603;21;;daz lâz ich sîn; er hete doch nôt,
;;;603;22;;sît ez diu minne im gebôt.
;;;603;23;;Orgeluse, diu glanze,
;;;603;24;;in jagete nâch dem kranze;
;;;603;25;;daz was ein ellenthaftiu vart.
;;;603;26;;der boum was alsô bewart,
;;;603;27;;wæren Gawans zwêne, die müesen ir leben
;;;603;28;;umb den kranz hân gegeben.
;;;603;29;;des pflac der künec Gramoflanz.
;;;603;30;;Gawan brach iedoch den kranz.
;;;604;1;;Daz wazzer hiez Sabins.
;;;604;2;;Gawan holte unsenften zins,
;;;604;3;;daz er und daz ors dar în bleste.
;;;604;4;;wie Orgeluse gleste,
;;;604;5;;ich wolte ir minne alsô niht nemen.
;;;604;6;;ich weiz wol, wes mich sol gezemen.
;;;604;7;;dô Gawan daz rîs gebrach
;;;604;8;;und der kranz wart sînes houbetes dach,
;;;604;9;;ez reit zuo im ein rîter clâr.
;;;604;10;;dem wâren sîner zîte jâr
;;;604;11;;weder zuo kurz noch zuo lanc.
;;;604;12;;sîn muot durch hôchvart in twanc,
;;;604;13;;wie vil im ein man tet leit,
;;;604;14;;daz er doch niht mit dem streit,
;;;604;15;;ir enwæren zwêne oder mêr.
;;;604;16;;sîn hôhez herze was sô hêr,
;;;604;17;;waz im tet ein man,
;;;604;18;;daz wolt er ungerochen lân.
;;;604;19;;fillyrois Irot
;;;604;20;;Gawane guoten morgen bôt.
;;;604;21;;daz was der künec Gramoflanz.
;;;604;22;;dô sprach er: "hêrre, umb disen kranz
;;;604;23;;hân ich iu niht gar verzigen.
;;;604;24;;mîn gruoz wære iuch gar verswigen,
;;;604;25;;ob iuwer zwêne wæren,
;;;604;26;;daz die niht verbæren,
;;;604;27;;si holten hie durch hôhen prîs
;;;604;28;;von mîme boume sus ein rîs,
;;;604;29;;die müesen strît enpfâhen;
;;;604;30;;daz sol mir sus versmâhen."
;;;605;1;;Ungerne ouch Gawan mit im streit,
;;;605;2;;dô er sô ungerne reit.
;;;605;3;;ouch vuorte der degen mære
;;;605;4;;einen mûzersperwære;
;;;605;5;;der stuont ûf sîner clâren hant.
;;;605;6;;Itonie heten im gesant,
;;;605;7;;Gawans süeziu swester.
;;;605;8;;pfæwîn von Sincester
;;;605;9;;ein huot ûf sîme houbete was.
;;;605;10;;von samît grüener dan ein gras
;;;605;11;;der künec einen mantel vuorte,
;;;605;12;;daz vaste ûf die erde ruorte
;;;605;13;;ieweder sîte diu örter sîn;
;;;605;14;;diu veder was lieht hermîn.
;;;605;15;;niht zuo grôz, doch starc genuoc
;;;605;16;;was ein pfert, daz in truoc,
;;;605;17;;an pferdes schœne niht betrogen,
;;;605;18;;von Tenemarken dar gezogen
;;;605;19;;oder brâht von dem mer.
;;;605;20;;der künec reit âne alle wer,
;;;605;21;;wan er vuorte swertes niht.
;;;605;22;;"iuwer schilt iu strîtes giht",
;;;605;23;;sprach der künec Gramoflanz.
;;;605;24;;"iuwers schiltes ist sô wênic ganz:
;;;605;25;;Let Marveile
;;;605;26;;ist iu worden zuo teile.
;;;605;27;;ir hât die âventiure erliten,
;;;605;28;;diu mîn solte hân gebiten,
;;;605;29;;wan daz der wîse Clynsor
;;;605;30;;mir mit vride gienc ie vor
;;;606;1;;und daz ich gein ir krieges pflige,
;;;606;2;;diu der minne wâren sige
;;;606;3;;mit clârheit het behalten.
;;;606;4;;si kan noch zornes walten
;;;606;5;;gein mir, twinget ouch si des nôt:
;;;606;6;;Cydegasten sluoc ich tôt,
;;;606;7;;selbe vierden, ir vil lieben man.
;;;606;8;;Orgelusen vuort ich dan;
;;;606;9;;ich bôt ir krône und lant.
;;;606;10;;wâ ir dienst bôt mîn hant,
;;;606;11;;dâ kêrte si gein ir vâr.
;;;606;12;;mit vlêhene het ich si ein jâr;
;;;606;13;;ich kunde ir minne nie bejagen.
;;;606;14;;ich muoz iu herzeclîche klagen:
;;;606;15;;ich weiz wol, daz si minne bôt,
;;;606;16;;sît ir werbet hie mînen tôt.
;;;606;17;;wæret ir nû selb andere komen,
;;;606;18;;ir möht mir daz leben hân genomen
;;;606;19;;oder wir wæren beide erstorben;
;;;606;20;;daz het ir dar umb erworben.
;;;606;21;;mîn herze nâch ander minne gêt,
;;;606;22;;diu helfe an iuwern gnâden stêt,
;;;606;23;;sît ir zuo Terre Marvele sît
;;;606;24;;worden hêrre. iuwer strît
;;;606;25;;hât iu den prîs behalten.
;;;606;26;;wolt ir nû güete walten,
;;;606;27;;sô helfet mir umb eine maget,
;;;606;28;;nâch der mîn herze kumber klaget;
;;;606;29;;diu ist des küneges Lotes kint.
;;;606;30;;alle, die ûf erden sint,
;;;607;1;;die twungen mich sô sêre nie.
;;;607;2;;ich hân ir kleinœde hie.
;;;607;3;;gelobet ouch mîn dienst dar
;;;607;4;;gein der megede wol gevar.
;;;607;5;;ouch trûwe ich, si sî mir holt,
;;;607;6;;wan ich hân nôt durch si gedolt.
;;;607;7;;sît Orgeluse, diu rîche,
;;;607;8;;mit worten herzeclîche
;;;607;9;;ir minne mir versagete,
;;;607;10;;ob ich prîs bejagete,
;;;607;11;;mir würde wol oder wê,
;;;607;12;;daz schuof diu werde Itonie.
;;;607;13;;ich hân ir leider niht gesehen.
;;;607;14;;wil iuwer güete mir helfen jehen,
;;;607;15;;sô bringet diz kleine vingerlîn
;;;607;16;;der clâren, süezen vrouwen mîn.
;;;607;17;;ir sît hie strîtes ledic gar,
;;;607;18;;ez enwære grœzer dan iuwer schar,
;;;607;19;;zwêne oder mêre.
;;;607;20;;wer jæhe mir daz vür êre,
;;;607;21;;ob ich iuch slüege oder sicherheit
;;;607;22;;betwünge? den strît mîn hant ie meit."
;;;607;23;;Dô sprach mîn hêr Gawan:
;;;607;24;;"ich bin doch werlîch ein man.
;;;607;25;;wolt ir des niht prîs bejagen,
;;;607;26;;würde ich von iuwer hant erslagen,
;;;607;27;;sô hân ouch ich dekeinen prîs,
;;;607;28;;daz ich gebrochen hân daz rîs.
;;;607;29;;wer jæhe mir daz vür êre grôz,
;;;607;30;;ob ich iuch slüege als blôz?
;;;608;1;;ich wil iuwer bote sîn.
;;;608;2;;gebet mir her daz vingerlîn
;;;608;3;;und lât mich iuwern dienst sagen
;;;608;4;;und iuwern kumber niht vertragen."
;;;608;5;;der künec des dankete sêre.
;;;608;6;;Gawan in vrâgete mêre:
;;;608;7;;"sît iu versmâhet gein mir strît,
;;;608;8;;sô saget mir, hêrre, wer ir sît."
;;;608;9;;"ir solt ez niht vür laster doln",
;;;608;10;;sprach der künec. "mîn name ist unverstoln.
;;;608;11;;mîn vater, der hiez Irot.
;;;608;12;;den sluoc der künec Lot.
;;;608;13;;ich bin ez, der künec Gramoflanz.
;;;608;14;;mîn hôhez herze was ie sô ganz,
;;;608;15;;daz ich zuo dekeinen zîten
;;;608;16;;niemer wil gestrîten,
;;;608;17;;waz mir tæte ein man,
;;;608;18;;wan einer, heizet Gawan,
;;;608;19;;von dem ich prîs hân vernomen,
;;;608;20;;daz ich gerne gein im wolte komen
;;;608;21;;ûf strît durch mîne riuwe.
;;;608;22;;sîn vater, der brach triuwe:
;;;608;23;;ime gruoze er mînen vater sluoc.
;;;608;24;;ich hân zuo sprechene dâr genuoc.
;;;608;25;;nû ist Lot erstorben
;;;608;26;;und hât Gawan erworben
;;;608;27;;solichen prîs vor ûz besunder,
;;;608;28;;daz ob der tavelrunder
;;;608;29;;im prîses nieman glîchen mac.
;;;608;30;;ich gelebe noch gein im strîtes tac."
;;;609;1;;Dô sprach des küneges Lotes sun:
;;;609;2;;"wolt ir daz zuo liebe tuon
;;;609;3;;iuwer vriundîn, ob ez diu ist,
;;;609;4;;daz ir sus valschlîchen list
;;;609;5;;von ir vater kunnet sagen
;;;609;6;;und dar zuo gerne hetet erslagen
;;;609;7;;ir bruoder, sô ist si ein übel maget,
;;;609;8;;daz si den sit an iu niht klaget.
;;;609;9;;künde si swester und tohter sîn,
;;;609;10;;si wære ir beider vögetîn,
;;;609;11;;daz ir verbæret disen haz.
;;;609;12;;wie stüende iuwerme sweher daz,
;;;609;13;;het er triuwe zerbrochen?
;;;609;14;;hât ir des niht gerochen,
;;;609;15;;daz ir in tôt gein valsche saget?
;;;609;16;;sîn sun ist des unverzaget
;;;609;17;;- in sol des niht verdriezen,
;;;609;18;;mac er niht geniezen
;;;609;19;;sîner swester wol gevar -,
;;;609;20;;zuo pfande er gît sîn leben dar.
;;;609;21;;hêrre, ich heize Gawan.
;;;609;22;;waz iu mîn vater hât getân,
;;;609;23;;daz rechet an mir - er ist tôt.
;;;609;24;;ich sol vür sînes lasters nôt,
;;;609;25;;hân ich wirdeclîchez leben,
;;;609;26;;ûf kampf vür in zuo gîsel geben."
;;;609;27;;Dô sprach der künec: "sît ir daz,
;;;609;28;;dar ich trage unverkornen haz,
;;;609;29;;sô tuot mir iuwer wirdecheit
;;;609;30;;beidiu liep und leit.
;;;610;1;;ein dinc tuot mir an iu wol,
;;;610;2;;daz ich mit iu strîten sol.
;;;610;3;;ouch ist iu grôzer prîs geschehen,
;;;610;4;;daz ich iu hân verjehen
;;;610;5;;gein iu zuo kampfe komende.
;;;610;6;;uns ist zuo prîse vromende,
;;;610;7;;ob wir werde rîter und vrouwen
;;;610;8;;den kampf lâzen schouwen;
;;;610;9;;vünf hundert vrouwen bring ich dar.
;;;610;10;;ir hât ouch eine clâre schar
;;;610;11;;ûf Tschahtel Marveile.
;;;610;12;;iu bringet zuo iuwerme teile
;;;610;13;;iuwer œheim Artus
;;;610;14;;von eime lande, daz alsus,
;;;610;15;;Lover, ist genennet.
;;;610;16;;hât ir die stat erkennet,
;;;610;17;;Bems bî der Korcha?
;;;610;18;;diu massenîe ist alliu dâ.
;;;610;19;;von hiute über den ahten tac
;;;610;20;;mit grôzer schœne er komen mac.
;;;610;21;;von hiute über sehzehen tage
;;;610;22;;kum ich durch mîn alte klage
;;;610;23;;ûf den plân zuo Tschoflanze
;;;610;24;;nâch gelte diseme kranze."
;;;610;25;;Der künec Gawanen mit im bat
;;;610;26;;zuo Rotschasabyirs in die stat:
;;;610;27;;"ir moget niht ander brücken hân."
;;;610;28;;dô sprach mîn hêr Gawan:
;;;610;29;;"ich wil hin als her;
;;;610;30;;anders leist ich iuwer ger."
;;;611;1;;si gâben fîanze,
;;;611;2;;daz si zuo Tschoflanze
;;;611;3;;mit rîtern und mit vrouwen her
;;;611;4;;kœmen durch ir zweier ger.
;;;611;5;;sus wart benant ein tegedinc
;;;611;6;;- si beide aleine in einen rinc -
;;;611;7;;und schiet mîn hêr Gawan
;;;611;8;;dannen von dem werden man.
;;;611;9;;mit vreuden er leisierte,
;;;611;10;;der kranz in zimierte.
;;;611;11;;er enwolte daz ors niht ûf erhaben,
;;;611;12;;mit sporn er ez treip unz an den graben.
;;;611;13;;Krynguliet nam bezît
;;;611;14;;sînen sprunc wol sô wît,
;;;611;15;;daz Gawan vallen gar vermeit.
;;;611;16;;zuo im diu herzoginne reit,
;;;611;17;;al dâ der helt erbeizet was
;;;611;18;;von dem orse ûf daz gras.
;;;611;19;;unz er dem orse gegurte,
;;;611;20;;zuo sîner antwurte
;;;611;21;;erbeizte snellîche
;;;611;22;;diu herzoginne rîche.
;;;611;23;;zuo sînen vüezen si sich bôt.
;;;611;24;;dô sprach si: "hêrre, solicher nôt,
;;;611;25;;als ich hân ane iuch gegert,
;;;611;26;;dern wart nie mîn wirde wert.
;;;611;27;;vür wâr mir iuwer arbeit
;;;611;28;;vüeget solich herzeleit,
;;;611;29;;die enpfâhen sol getriuwez wîp
;;;611;30;;umb ir lieben vriundes lîp."
;;;612;1;;Dô sprach er: "vrouwe, ist daz wâr,
;;;612;2;;daz ir mich grüezet âne vâr,
;;;612;3;;sô nâhet ir dem prîse.
;;;612;4;;ich bin doch wol sô wîse:
;;;612;5;;ob der schilt sîn reht sol hân,
;;;612;6;;anders hât ir missetân.
;;;612;7;;des schiltes ambet was ie sô hôch,
;;;612;8;;daz sich der spot dâ von zôch,
;;;612;9;;wer rîterschaft zuo reht ie pflac.
;;;612;10;;vrouwe, ob ich sô sprechen mac,
;;;612;11;;wer mich dâ bî hât gesehen,
;;;612;12;;der muoz mir rîterschefte jehen.
;;;612;13;;etswan ir anders jâhet,
;;;612;14;;sît ir mich êrst sâhet.
;;;612;15;;daz lâz ich sîn. nemt hin den kranz.
;;;612;16;;ir solt durch iuwer varwe glanz
;;;612;17;;dekeinem rîter mêre
;;;612;18;;gebieten solich unêre.
;;;612;19;;sol iuwer spot wesen mîn,
;;;612;20;;ich wolte ê âne minne sîn."
;;;612;21;;diu clâre und diu rîche
;;;612;22;;sprach weinde herzenlîche:
;;;612;23;;"hêrre, als ich iu nôt gesage,
;;;612;24;;waz ich in mîme herzen trage,
;;;612;25;;sô gebet ir jâmers mir gewin.
;;;612;26;;gein wem sich krenket mîn sin,
;;;612;27;;der sol ez durch zuht verkiesen.
;;;612;28;;ich enmac niht mê verliesen
;;;612;29;;vreuden, dan ich hân verlorn
;;;612;30;;an Cydegasten, dem ûzerkorn.
;;;613;1;;Mîn clâre, süeze bêâs âmîs,
;;;613;2;;sô durchliuhteclîch was sîn prîs
;;;613;3;;mit rehter werdecheit ger,
;;;613;4;;ez wære dirre oder der,
;;;613;5;;die muoter ie gebâren
;;;613;6;;bî sîner zîte jâren,
;;;613;7;;die muosen im jehen werdecheit,
;;;613;8;;die ander prîs nie überstreit.
;;;613;9;;er was ein quecbrunne der tugent,
;;;613;10;;mit alsô berhafter jugent
;;;613;11;;bewart vor valscher pfliht.
;;;613;12;;ûz der vinster in daz lieht
;;;613;13;;het er sich enblecket,
;;;613;14;;sînen prîs sô hôhe gestecket,
;;;613;15;;daz in nieman kunde erreichen,
;;;613;16;;den valscheit nie mohte erweichen.
;;;613;17;;sîn prîs sô hôhe wahsen kunde,
;;;613;18;;daz die andern wâren drunde,
;;;613;19;;ûz sînes herzen kernen,
;;;613;20;;wie loufet ob allen sternen
;;;613;21;;der snelle Saturnus.
;;;613;22;;der triuwen ein monîzirus,
;;;613;23;;sît ich die wârheit sprechen kan,
;;;613;24;;sus was mîn erwünschet man.
;;;613;25;;daz tier die megede solten klagen,
;;;613;26;;ez wirt durch reinekeit erslagen.
;;;613;27;;ich was sîn herze, er was mîn lîp;
;;;613;28;;den verlôs ich verlustbærlîchez wîp.
;;;613;29;;in sluoc der künec Gramoflanz,
;;;613;30;;von dem ir vüeret disen kranz.
;;;614;1;;hêrre, ob ich iu leide sprach,
;;;614;2;;von den schulden daz geschach,
;;;614;3;;daz ich versuochen wolte,
;;;614;4;;ob ich iuch minnen solte,
;;;614;5;;hêrre, durch iuwer werdecheit.
;;;614;6;;ich weiz wol, hêrre, ich sprach iu leit;
;;;614;7;;daz was durch ein versuochen.
;;;614;8;;nû solt ir des geruochen,
;;;614;9;;daz ir zorn verlieset
;;;614;10;;und gar ûf mich verkieset.
;;;614;11;;ir sît der ellens rîche.
;;;614;12;;dem golde ich iuch gelîche,
;;;614;13;;daz man dâ liutert in der gluot.
;;;614;14;;als ist geliutert iuwer muot,
;;;614;15;;den ich iu zuo schaden brâhte,
;;;614;16;;als ich gedenke und dô gedâhte,
;;;614;17;;der hât mir herzeleit getân."
;;;614;18;;dô sprach mîn hêr Gawan:
;;;614;19;;"Vrouwe, es enwende mich der tôt,
;;;614;20;;ich gelêre den künec soliche nôt,
;;;614;21;;diu sîne hôchvart letzet.
;;;614;22;;mîne triuwe ich hân versetzet
;;;614;23;;gein im ûf kampfes rîten
;;;614;24;;in kurzlîchen zîten;
;;;614;25;;dô soln wir manheit urborn.
;;;614;26;;vrouwe, ich hân ûf iuch verkorn.
;;;614;27;;ob ir iu mînen tumben rât
;;;614;28;;durch zuht niht versmâhen lât,
;;;614;29;;ich riet iu wîplîche êre
;;;614;30;;und wirdecheite lêre.
;;;615;1;;nû ist hie nieman dan wir,
;;;615;2;;vrouwe, tuot gnâde an mir."
;;;615;3;;si sprach: "an geîsertem arm
;;;615;4;;bin ich selten worden warm.
;;;615;5;;dâ gein ich niht wil strîten,
;;;615;6;;ir moget wol zuo andern zîten
;;;615;7;;dienstes lôn an mir bejagen.
;;;615;8;;ich wil iuwer arbeit klagen,
;;;615;9;;unz ir werdet wol gesunt,
;;;615;10;;über al ir sît wunt,
;;;615;11;;unz daz der schade geheile.
;;;615;12;;ûf Tschahtel Marveile
;;;615;13;;wil ich mit iu kêren."
;;;615;14;;"ir wolt mir vreude mêren",
;;;615;15;;sus sprach der minne gernde man.
;;;615;16;;er huop die vrouwe wol getân
;;;615;17;;mit drucke an sich ûf daz pfert.
;;;615;18;;des endûchte si in dâ vor niht wert,
;;;615;19;;dô er si ob dem brunnen sach
;;;615;20;;und si sô twirhlingen sprach.
;;;615;21;;Gawan reit dan mit vreuden siten,
;;;615;22;;doch wart ir weinen niht vermiten,
;;;615;23;;unz daz er mit ir klagete.
;;;615;24;;er sprach, daz si sagete,
;;;615;25;;war umb ir weinen wære,
;;;615;26;;daz si ez durch got verbære.
;;;615;27;;si sprach: "hêrre, ich muoz iu klagen
;;;615;28;;von dem, der mir hât erslagen
;;;615;29;;den werden Cydegasten.
;;;615;30;;des muoz mir jâmer tasten
;;;616;1;;in sîn herze, dâ diu vreude lac,
;;;616;2;;dô ich Cydegastes minne pflac.
;;;616;3;;ich enbin sô niht verdorben,
;;;616;4;;ich hân doch sît geworben
;;;616;5;;des küneges schaden mit koste
;;;616;6;;und manege scharpfe joste
;;;616;7;;gein sîme verhe gevrumt.
;;;616;8;;waz, ob mir helfe von iu kumt,
;;;616;9;;diu mich richet und ergetzet,
;;;616;10;;daz mir jâmer daz herze wetzet?
;;;616;11;;ûf Gramoflanzes tôt
;;;616;12;;entvienc ich dienst. den bôt
;;;616;13;;ein künec, der wunsches hêrre was.
;;;616;14;;hêrre, der hiez Anfortas.
;;;616;15;;durch minne ich nam von sîner hant
;;;616;16;;von Tabrunit daz krâmgewant,
;;;616;17;;daz noch vor iuwer porten stêt,
;;;616;18;;dâ tiurez gelt engein gêt.
;;;616;19;;der künec in mîme dienste erwarp,
;;;616;20;;dâ von sîn wirde gar verdarp.
;;;616;21;;dô ich in minne solte wern,
;;;616;22;;dô muost ich niuwes jâmers gern.
;;;616;23;;in mîme dienste erwarb er sêre.
;;;616;24;;glîchen jâmer oder mêre,
;;;616;25;;als Cydegaste geben kunde,
;;;616;26;;gap mir Anfortasses wunde.
;;;616;27;;nû sehet, wie solt ich armez wîp,
;;;616;28;;sît ich hân getriuwen lîp,
;;;616;29;;von solicher nôt bî sinnen sîn?
;;;616;30;;etswanne sich krenket ouch der mîn,
;;;617;1;;Sît daz er liget sô helfelôs,
;;;617;2;;den ich nâch Cydegaste kôs
;;;617;3;;zuo ergetzene und durch rechen.
;;;617;4;;hêrre, nû hœret sprechen,
;;;617;5;;wâ mit erwarp Clynsor
;;;617;6;;den rîchen krâm vor iuwerm tor.
;;;617;7;;dô der clâre Anfortas
;;;617;8;;minne und vreude erwendet was,
;;;617;9;;der mir die gâbe sande,
;;;617;10;;dô vorht ich die schande.
;;;617;11;;Clynsor ist stæteclîchen bî
;;;617;12;;der list von nigromanzî,
;;;617;13;;daz er mit zouber twingen kan
;;;617;14;;beidiu wîp und man.
;;;617;15;;waz im wirdecheit geschiht,
;;;617;16;;die enlât er âne kumber niht.
;;;617;17;;durch vride ich Clynsor dar
;;;617;18;;gap mînen krâm nâch rîcheit var.
;;;617;19;;wan diu âventiure würde erliten,
;;;617;20;;wer den prîs hete erstriten,
;;;617;21;;an den solt ich minne suochen.
;;;617;22;;wolt er mîn niht geruochen,
;;;617;23;;der krâm wære an der stunt mîn.
;;;617;24;;der sol sus unser zweier sîn.
;;;617;25;;des swuoren, die dâ wâren.
;;;617;26;;dâ mit ich wolte vâren
;;;617;27;;Gramoflanzes durch den list,
;;;617;28;;der leider noch ungeendet ist.
;;;617;29;;het er die âventiure geholt,
;;;617;30;;sô müest er sterben hân gedolt.
;;;618;1;;Clynsor, hövesch und wîs,
;;;618;2;;der erloubete mir durch sînen prîs
;;;618;3;;von mîner massenîe erkant
;;;618;4;;rîterschaft über al sîn lant
;;;618;5;;mit manegem stiche und slage.
;;;618;6;;die ganzen wochen, al ir tage,
;;;618;7;;alle die wochen in dem jâre,
;;;618;8;;sunder roten ich hân zwâre,
;;;618;9;;dise den tac, jene die naht.
;;;618;10;;mit kost ich schaden hân gedâht
;;;618;11;;Gramoflanz, dem hôch gemuot.
;;;618;12;;manegen strît er mit in tuot.
;;;618;13;;waz bewart in ie drunde?
;;;618;14;;sînes verhes ich vâren kunde.
;;;618;15;;die wâren zuo rîche in mînen solt,
;;;618;16;;wart mir dekeiner anders holt,
;;;618;17;;nâch minne ich manegen dienen liez,
;;;618;18;;dem ich doch lônes niht gehiez.
;;;618;19;;mînen lîp gesach nie man,
;;;618;20;;ich möhte wol ir dienst hân,
;;;618;21;;wan einer, der truoc wâpen rôt.
;;;618;22;;mîn gesinde er brâhte in nôt;
;;;618;23;;vür Logrois er kam geriten.
;;;618;24;;dâ entworhter si mit solichen siten,
;;;618;25;;sîn hant si nider streute,
;;;618;26;;des ich mich wênic vreute.
;;;618;27;;zwischen Logrois und iuwerm urvar
;;;618;28;;mîner rîter im volgeten vünfe dar.
;;;618;29;;die enschumpfiereter ûf dem plân
;;;618;30;;und gap diu ors dem schifman.
;;;619;1;;Dô er die mîne überstreit,
;;;619;2;;nâch dem helde ich selbe reit.
;;;619;3;;ich bôt im lant und mînen lîp.
;;;619;4;;er sprach: 'ich hân ein schœner wîp',
;;;619;5;;und diu im lieber wære.
;;;619;6;;diu rede wart mir swære
;;;619;7;;und vrâgete, wer diu möhte sîn.
;;;619;8;;'von Peilrapere diu künegîn,
;;;619;9;;sus ist genant diu lieht gemâl.
;;;619;10;;sô heiz ich selbe Parcifal.
;;;619;11;;ich enwil iuwer minne niht,
;;;619;12;;der Grâl mir anders kumbers giht',
;;;619;13;;sus sprach der helt mit zorne.
;;;619;14;;hin reit der ûzerkorne.
;;;619;15;;hân ich dâr an missetân,
;;;619;16;;wolt ir mich daz wizzen lân,
;;;619;17;;ob ich durch mînes herzen nôt
;;;619;18;;dem werden rîter minne bôt,
;;;619;19;;krenket sich dar an mîne minne."
;;;619;20;;Gawan zuo der herzoginne
;;;619;21;;sprach: "ich erkenne in als wert,
;;;619;22;;an dem ir minne hât gegert,
;;;619;23;;heter iuch zuo minne erkorn,
;;;619;24;;iuwer prîs wære an im niht verlorn."
;;;619;25;;Gawan, der kurtois,
;;;619;26;;und diu herzoginne von Logrois
;;;619;27;;vaste an ein ander sâhen.
;;;619;28;;dô riten si sô nâhen,
;;;619;29;;daz man si von der bürge sach,
;;;619;30;;dâ im diu âventiure geschach.
;;;620;1;;dô sprach er: "vrouwe, tuot sô wol,
;;;620;2;;ob ich iuch des biten sol:
;;;620;3;;lât mînen namen unerkant,
;;;620;4;;als mich der rîter hât genant,
;;;620;5;;der mir entreit Kryngulieten.
;;;620;6;;leistet, des ich iuch hân gebeten.
;;;620;7;;wer iuch des vrâgen welle,
;;;620;8;;sô sprechet ir: 'mîn geselle
;;;620;9;;ist mir des unerkennet,
;;;620;10;;er enwart mir nie genennet.'"
;;;620;11;;si sprach: "vil gerne ich ez verdage,
;;;620;12;;sît ir niht wolt, daz ich ez sage."
;;;620;13;;er und diu vrouwe wol gevar
;;;620;14;;kêrten gein der bürge dar.
;;;620;15;;die rîtære heten dâ vernomen,
;;;620;16;;daz ein rîter wære komen,
;;;620;17;;der hete die âventiure erliten
;;;620;18;;und den lewen überstriten
;;;620;19;;und den Turkoyten sider
;;;620;20;;zuo rehter jost gevellet nider.
;;;620;21;;Inne des reit Gawan
;;;620;22;;gein dem urvar ûf den plân,
;;;620;23;;daz si in von der zinnen sâhen.
;;;620;24;;si begunden vaste gâhen
;;;620;25;;ûz der burc mit schalle.
;;;620;26;;dô vuorten si alle
;;;620;27;;rîche baniere;
;;;620;28;;sus kâmen si schiere
;;;620;29;;ûf snellen ravîten.
;;;620;30;;er wânte, si wolten strîten.
;;;621;1;;dô er si verre komen sach,
;;;621;2;;hin zuo der herzogîn er dô sprach:
;;;621;3;;"kumet ein volc gein uns zuo wer?"
;;;621;4;;si sprach: "ez ist Clynsors her,
;;;621;5;;die iuwer kûme hânt erbiten.
;;;621;6;;mit vreuden koment si nû geriten
;;;621;7;;und wollent iuch entvâhen.
;;;621;8;;daz ensol iu niht versmâhen,
;;;621;9;;sît ez diu vreude in gebôt."
;;;621;10;;nû was ouch Plipalinot
;;;621;11;;mit sîner clâren tohter fier
;;;621;12;;komen in eime ussier.
;;;621;13;;verre ûf jenen plân si gein im gienc,
;;;621;14;;diu maget mit vreuden in entvienc.
;;;621;15;;Gawan bôt in sînen gruoz;
;;;621;16;;si kust im stegereif und vuoz
;;;621;17;;und entvienc ouch die herzogîn.
;;;621;18;;si nam in bî dem zoume sîn.
;;;621;19;;si bat erbeizen disen man.
;;;621;20;;Orgeluse und Gawan
;;;621;21;;giengen an des schiffes ort.
;;;621;22;;ein teppich und ein kulter dort
;;;621;23;;lâgen; an der selben stet
;;;621;24;;diu herzogîn durch sîne bet
;;;621;25;;zuo Gawane nider saz.
;;;621;26;;des vergen tohter niht vergaz,
;;;621;27;;si entwâpent in, sus hôrt ich sagen.
;;;621;28;;ir mantel hâte si dar getragen,
;;;621;29;;der des nahtes über im lac,
;;;621;30;;dô er ir herberge pflac.
;;;622;1;;Des was im nôt an der zît.
;;;622;2;;ir mantel und sîn kursît
;;;622;3;;leget an sich hêr Gawan;
;;;622;4;;si truoc daz harnasch her dan.
;;;622;5;;alrêst diu herzoginne clâr
;;;622;6;;nam sînes antlitzes war,
;;;622;7;;dô si sâzen bî ein ander.
;;;622;8;;zwêne gebrâtene galander,
;;;622;9;;mit wîne ein glesîn barel
;;;622;10;;und zwei blankiu wastel
;;;622;11;;diu süeze maget dâ nâch truoc
;;;622;12;;ûf einer tweheln wîz genuoc.
;;;622;13;;die spîse ervlouc ein sprinzelîn.
;;;622;14;;Gawan und diu herzogîn
;;;622;15;;mohten daz wazzer gerne nemen,
;;;622;16;;ob twahens si wolte gezemen;
;;;622;17;;daz si dô beidiu tâten.
;;;622;18;;mit vreuden er was berâten,
;;;622;19;;daz er mit ir ezzen solte,
;;;622;20;;durch die er lîden wolte
;;;622;21;;beidiu vreude und nôt.
;;;622;22;;wan si daz barel im bôt,
;;;622;23;;daz geruort hâte ir munt,
;;;622;24;;sô wart im niuwe vreude kunt,
;;;622;25;;daz er dâ nâch solte trinken.
;;;622;26;;sîn riuwe begunde hinken
;;;622;27;;und wart sîn hôchgemüete snel.
;;;622;28;;ir rôter munt, ir liehtez vel
;;;622;29;;in sô von kumber jagete,
;;;622;30;;daz er keine wunde klagete.
;;;623;1;;Von der burc die vrouwen
;;;623;2;;die wirtschaft mohten schouwen.
;;;623;3;;anderhalp an daz urvar,
;;;623;4;;manec werder rîter kam al dar.
;;;623;5;;ir bûhurt mit kunst wart getân.
;;;623;6;;disehalp hêr Gawan
;;;623;7;;dankete dem vergen und der tohter sîn
;;;623;8;;- als tet ouch diu herzogîn -,
;;;623;9;;ir güetlîchen spîse.
;;;623;10;;diu herzoginne wîse
;;;623;11;;sprach: "war ist der rîter komen,
;;;623;12;;von dem diu jost wart genomen
;;;623;13;;gestern, dô ich hinnen reit?
;;;623;14;;ob den ieman überstreit,
;;;623;15;;weder schiet daz leben oder der tôt?"
;;;623;16;;dô sprach Plipalinot:
;;;623;17;;"vrouwe, ich sach in hiute leben,
;;;623;18;;er wart mir vür diz ors gegeben.
;;;623;19;;wolt ir ledigen den man,
;;;623;20;;dâr umbe sol ich Swalwen hân,
;;;623;21;;diu der küneginne Secundille was
;;;623;22;;und die iu sante Anfortas.
;;;623;23;;mac diu harpfe wesen mîn,
;;;623;24;;ledic ist der von Gowerzin."
;;;623;25;;"die harpfe und ander krâmgewant",
;;;623;26;;sprach si, "die wîl er mit sîner hant
;;;623;27;;mag gegeben und behalten,
;;;623;28;;der hie sitzet, lât es in walten.
;;;623;29;;ob ich im sô liep wart ie,
;;;623;30;;er lœset mir Lyschoysen hie,
;;;624;1;;den herzogen von Gowerzin,
;;;624;2;;und ouch den andern vürsten mîn,
;;;624;3;;Floranden von Itolac,
;;;624;4;;der nahtes mîner wahter pflac.
;;;624;5;;der was mîn Turkoyte sô,
;;;624;6;;sînes trûrens wirde ich niemer vrô."
;;;624;7;;Gawan sprach zuo den vrouwen:
;;;624;8;;"ir moget si gerne schouwen
;;;624;9;;ledic, ê daz uns kome diu naht."
;;;624;10;;dô heten si sich des bedâht
;;;624;11;;und vuoren über an daz lant.
;;;624;12;;die herzoginne lieht erkant
;;;624;13;;huop Gawan aber ûf daz pfert.
;;;624;14;;manec edel rîter wert
;;;624;15;;entviengen in und die herzogîn.
;;;624;16;;si kêrten gein der bürge hin.
;;;624;17;;dô wart mit vreuden geriten
;;;624;18;;und diu kunst niht vermiten,
;;;624;19;;daz es der bûhurt het êre.
;;;624;20;;waz mag ich sprechen mêre,
;;;624;21;;wan daz der werde Gawan
;;;624;22;;und diu herzoginne wol getân
;;;624;23;;von vrouwen wurden entvangen sô,
;;;624;24;;si mohten beidiu wesen vrô,
;;;624;25;;ûf Tschahtel Marveile?
;;;624;26;;ir moget ez im jehen zuo heile,
;;;624;27;;daz im diu sælde ie geschach.
;;;624;28;;dô vuort in an sîn gemach
;;;624;29;;Arnyve und die daz kunden,
;;;624;30;;si bewarten im sîne wunden.
;;;625;1;;Zuo Arnyven sprach Gawan:
;;;625;2;;"vrouwe, ich sol einen boten hân."
;;;625;3;;ein juncvrouwe wart gesant,
;;;625;4;;diu brâhten einen sarjant,
;;;625;5;;manlîch, mit zühten wîse,
;;;625;6;;in sarjandes prîse.
;;;625;7;;der knappe des swuor einen eit,
;;;625;8;;er würbe liep oder leit,
;;;625;9;;daz er des niemanne dâ
;;;625;10;;zuo gewüege noch anderswâ,
;;;625;11;;wan daz er daz werben solte.
;;;625;12;;er bat, daz man im holte
;;;625;13;;tinten und permint,
;;;625;14;;Gawan, des küneges Lotes kint,
;;;625;15;;schreip gevuoge mit der hant.
;;;625;16;;er enbôt zuo Lover in daz lant
;;;625;17;;Artuse und des wîbe
;;;625;18;;dienst von sîme lîbe
;;;625;19;;mit triuwen unverschertet;
;;;625;20;;und heter prîs behertet,
;;;625;21;;der wære an wirdecheit tôt,
;;;625;22;;si enhülfen im zuo sîner nôt,
;;;625;23;;daz si beide an triuwe gedæhten
;;;625;24;;und zuo Tschoflanze bræhten
;;;625;25;;die massenîe von vrouwen schar
;;;625;26;;und kœmen ouch selbe beidiu gein im dar
;;;625;27;;durch kampf ûf alle sîn êre.
;;;625;28;;er enbôt in dannoch mêre,
;;;625;29;;der kampf wære alsô genomen,
;;;625;30;;daz er wirdeclîche muoze komen.
;;;626;1;;Dô enbôt ouch hêr Gawan,
;;;626;2;;ez wære wîp oder man,
;;;626;3;;al der massenîe gar,
;;;626;4;;daz si ir triuwen næmen war
;;;626;5;;und dem künege rieten komen;
;;;626;6;;daz möhte an wirdecheit si vromen.
;;;626;7;;al den werden er enbôt
;;;626;8;;sîn dienst und sînes kampfes nôt.
;;;626;9;;der brief niht ingesigels truoc;
;;;626;10;;er schreip in sus bekant genuoc
;;;626;11;;mit wârzeichen ungelogen.
;;;626;12;;"nû ensolt dû ez niht langer zogen",
;;;626;13;;sprach Gawan zuo dem knappen sîn.
;;;626;14;;"der künec und diu künegîn
;;;626;15;;sint zuo Benis bî der Koicha.
;;;626;16;;die küneginne solt dû dâ
;;;626;17;;gesprechen eines morgens vruo.
;;;626;18;;waz si dir râte, daz tuo,
;;;626;19;;und lâz dir eine witze bî:
;;;626;20;;verswîc, daz ich hie hêrre sî.
;;;626;21;;daz dû hie massenîe sîs,
;;;626;22;;daz ensage niht dekeine wîs."
;;;626;23;;dem knappen wart dannen gâch.
;;;626;24;;Arnyve sleich im sanfte nâch;
;;;626;25;;diu vrâget in, war er wolte
;;;626;26;;und waz er werben solte.
;;;626;27;;dô sprach er: "vrouwe, ich ensagez iu niht,
;;;626;28;;ob mir mîn eit rehtes giht.
;;;626;29;;got hüete iuwer, ich wil hinnen varn."
;;;626;30;;er reit nâch wirdeclîchen scharn.
;;;627;1;;Arnyve zorn behagete,
;;;627;2;;daz der knappe ir niht sagete
;;;627;3;;alsus getâniu mære,
;;;627;4;;war er gesant wære.
;;;627;5;;si bat den, der der porten pflac:
;;;627;6;;"ez sî naht oder tac,
;;;627;7;;sô der knappe wider rîte,
;;;627;8;;vüege, daz er mîn bîte,
;;;627;9;;unz daz ich in gespreche;
;;;627;10;;mit dîner kunst daz zeche."
;;;627;11;;doch truoc si ûf den knappen haz.
;;;627;12;;wider în durch vrâgen baz
;;;627;13;;gienc si zuo der herzoginne.
;;;627;14;;diu pflac ouch der sinne,
;;;627;15;;daz ir munt des niht gewuoc,
;;;627;16;;welhen namen Gawan truoc.
;;;627;17;;sîne bete wart dar an bewart.
;;;627;18;;si versweic sînen namen und sînen art.
;;;627;19;;Busûnær und ander schal
;;;627;20;;ûf dem palase erhal
;;;627;21;;mit vrœlîchen sachen.
;;;627;22;;manec rückelachen
;;;627;23;;in den palas wart gehangen.
;;;627;24;;al dâ wart niht gegangen
;;;627;25;;wan ûf teppich wol geworht.
;;;627;26;;ez hete ein armer wirt ervorht.
;;;627;27;;al umb, zuo allen sîten,
;;;627;28;;mit senften plûmîten
;;;627;29;;manec gesetze dâ wart geleit,
;;;627;30;;dar ûf man tiure kultern treit.
;;;628;1;;Gawan nâch arbeite pflac
;;;628;2;;slâfes ûf den mitten tac.
;;;628;3;;im wâren sîne wunden
;;;628;4;;mit kunst alsô verbunden,
;;;628;5;;ob vriundîn wære bî im gelegen,
;;;628;6;;het er ir minne gepflegen,
;;;628;7;;daz wære im senfte und guot.
;;;628;8;;er hete ouch bezzers slâfes muot
;;;628;9;;dan des nahtes, dô diu herzogîn
;;;628;10;;an ungemache im gap gewin.
;;;628;11;;Er erwachete gein der vesperzît;
;;;628;12;;doch heter in slâfe strît
;;;628;13;;gestriten mit der minne,
;;;628;14;;aber mit der herzoginne.
;;;628;15;;ein sîn kamerære
;;;628;16;;mit tiurem golde swære
;;;628;17;;brâht im kleider dar getragen
;;;628;18;;von liehtem pfelle, hôrtich sagen.
;;;628;19;;dô sprach mîn hêr Gawan:
;;;628;20;;"wir soln der kleider noch mêr hân,
;;;628;21;;diu alliu glîche tiure sîn,
;;;628;22;;dem herzogen von Gowerzin
;;;628;23;;und dem clâren Florande,
;;;628;24;;der in manegem lande
;;;628;25;;hât gedienet wirdecheit.
;;;628;26;;nû schaffe, daz diu sîn bereit."
;;;628;27;;bî eime knappen er enbôt
;;;628;28;;sîme wirte Plipalinot,
;;;628;29;;daz er im sante Lyschoysen dar.
;;;628;30;;bî sîner tohter wol gevar
;;;629;1;;wart Lyschoys dar ûf gesant.
;;;629;2;;vrouwe Bene brâht in an der hant
;;;629;3;;durch Gawans hulde
;;;629;4;;und ouch die schulde,
;;;629;5;;daz Gawan ir vater wol gehiez,
;;;629;6;;dô er si sêre weinende liez
;;;629;7;;des tages, dô er von ir reit,
;;;629;8;;dô prîs erwarp sîn manheit.
;;;629;9;;Der Turkoyte was ouch komen.
;;;629;10;;an den beiden wart vernomen
;;;629;11;;Gawans entvâhen âne haz.
;;;629;12;;ietweder zuo im nider saz,
;;;629;13;;unz daz man in kleider dar getruoc;
;;;629;14;;diu wâren kosteclîch genuoc,
;;;629;15;;daz si niht bezzer mohten sîn,
;;;629;16;;diu man brâhte in allen drîn.
;;;629;17;;ein meister hiez Sarant,
;;;629;18;;nâch dem Saraz wart genant,
;;;629;20;;von Secundillen lande,
;;;629;19;;der was von Triande.
;;;629;21;;ein stat, diu hiez Thasme;
;;;629;22;;diu ist grœzer dan Ninive
;;;629;23;;und dan diu wîte Acraton.
;;;629;24;;Sarant durch prîses lôn
;;;629;25;;eines pfelles dâ gedâhte
;;;629;26;;- sîn werc vil spæhe brâhte -,
;;;629;27;;der hiez saranthasmê.
;;;629;28;;ob der iht rîchelîchen stê,
;;;629;29;;daz moget ir âne vrâge lân,
;;;629;30;;wan er muoz grôze koste hân.
;;;630;1;;diu selben kleider legeten an
;;;630;2;;die zwêne und Gawan.
;;;630;3;;si giengen ûf den palas,
;;;630;4;;dâ einhalp manec rîter was,
;;;630;5;;anderhalp die clâren vrouwen.
;;;630;6;;wer rehte kunde schouwen,
;;;630;7;;von Logrois diu herzogîn
;;;630;8;;truoc vor ûz den besten schîn.
;;;630;9;;Der wirt und die geste
;;;630;10;;stuonden vür si, diu gleste,
;;;630;11;;diu Orgeluse was genant.
;;;630;12;;der Turkoyte Florant
;;;630;13;;und Lyschoys, der clâre,
;;;630;14;;wurden ledic âne vâre,
;;;630;15;;die zwêne vürsten kurtois,
;;;630;16;;durch die herzoginne von Logrois.
;;;630;17;;si dankete Gawan dâr umbe,
;;;630;18;;gein valscheit diu tumbe
;;;630;19;;und herzenlîchen wîse
;;;630;20;;gein wîplîchem prîse.
;;;630;21;;dô disiu rede geschach,
;;;630;22;;Gawan viere küneginne sach
;;;630;23;;bî der herzoginne stên.
;;;630;24;;er bat die zwêne nâher gên
;;;630;25;;durch sîne kurtôsîe;
;;;630;26;;die jungesten drîe
;;;630;27;;hiez er küssen die zwêne.
;;;630;28;;nû was ouch vrou Bene
;;;630;29;;mit Gawane dar gegangen;
;;;630;30;;diu wart dâ wol entvangen.
;;;631;1;;Der wirt niht langer wolte stân;
;;;631;2;;er bat die zwêne sitzen gân
;;;631;3;;zuo den vrouwen, wâ si wolten.
;;;631;4;;dô si sô tuon solten,
;;;631;5;;diu bete tet im niht zuo wê.
;;;631;6;;"welhiu ist Itonie?",
;;;631;7;;sus sprach der werde Gawan.
;;;631;8;;"diu sol mich bî ir sitzen lân."
;;;631;9;;des vrâgeter Benen stille,
;;;631;10;;sît ez was sîn wille,
;;;631;11;;si zeigetim die maget clâr.
;;;631;12;;"diu den rôten munt, daz brûne hâr
;;;631;13;;dort traget bî liehten ougen,
;;;631;14;;wolt ir gesprechen tougen,
;;;631;15;;daz tuot gevuoclîche",
;;;631;16;;sprach vrou Bene, diu zuht rîche.
;;;631;17;;diu wiste Itonien minnen nôt
;;;631;18;;und daz ir herze dienst bôt
;;;631;19;;dem werden künege Gramoflanz
;;;631;20;;mit rîterlîcher triuwen ganz.
;;;631;21;;Gawan saz nider zuo der maget.
;;;631;22;;ich sage, daz mir wart gesaget:
;;;631;23;;sîner rede er dô begunde
;;;631;24;;mit gevuoge, wan er ez kunde.
;;;631;25;;ouch kunde si gebâren,
;;;631;26;;daz von sô kurzen jâren,
;;;631;27;;als Itonie, diu junge, truoc,
;;;631;28;;dannoch hete si zuht genuoc.
;;;631;29;;er hete sich vrâgens gein ir bewegen,
;;;631;30;;ob si noch minne kunde pflegen.
;;;632;1;;Dô sprach diu maget mit sinnen:
;;;632;2;;"hêrre, wen solt ich minnen?
;;;632;3;;sît mir mîn êrster tac erschein,
;;;632;4;;sô enwart rîter nie dekein,
;;;632;5;;zuo dem ich ie gespræche wort,
;;;632;6;;wan als ir hiute hât gehôrt."
;;;632;7;;"sô möhten iu doch mære komen,
;;;632;8;;wâ ir mit wârheit hât vernomen
;;;632;9;;bejageten prîs mit rîterschaft
;;;632;10;;und wer mit herzeclîcher kraft
;;;632;11;;nâch minne dienst bieten kan",
;;;632;12;;sus sprach mîn hêr Gawan.
;;;632;13;;des antwurte im diu clâre maget:
;;;632;14;;"nâch minne ist dienst mich verdaget,
;;;632;15;;wan der herzoginne von Logrois
;;;632;16;;dienet manec rîter kurtois
;;;632;17;;beidiu nâch minne und umb ir solt.
;;;632;18;;der hât maneger hie gedolt
;;;632;19;;jostieren, daz wir ez sâhen.
;;;632;20;;ir dekeiner nie sô nâhen
;;;632;21;;kam, als ir uns komen sît.
;;;632;22;;der prîs ûf hœhet iuwern strît."
;;;632;23;;er sprach zuo der megde wol gevar:
;;;632;24;;"war krieget der herzoginne schar
;;;632;25;;sus manec rîter ûzerkorn?
;;;632;26;;wer hât ir hulde verlorn?"
;;;632;27;;si sprach: "daz hât der künec Gramoflanz,
;;;632;28;;der der wirdecheit kranz
;;;632;29;;treit, als diu volge giht.
;;;632;30;;hêrre, ich erkenne sîn anders niht."
;;;633;1;;Dô sprach mîn hêr Gawan:
;;;633;2;;"ir solt sîn vürbaz künde hân,
;;;633;3;;sît er sich prîse nâhet
;;;633;4;;und des mit triuwen gâhet.
;;;633;5;;von sîme munde ich hân vernomen,
;;;633;6;;daz er herzeclîche ist komen
;;;633;7;;mit dienste, ob ir es geruochet,
;;;633;8;;sô daz er helfe suochet
;;;633;9;;durch trôst an iuwer minne.
;;;633;10;;künec durch küneginne
;;;633;11;;sol billîche entvâhen nôt.
;;;633;12;;vrouwe, hiez iuwer vater Lot,
;;;633;13;;sô sît ir ez, die er meinet,
;;;633;14;;nâch der sîn herze weinet.
;;;633;15;;und heizet ir Itonie,
;;;633;16;;sô tuot ir im von herzen wê.
;;;633;17;;ob ir triuwe kunnet tragen,
;;;633;18;;sô solt ir wenden sîne klagen.
;;;633;19;;beidersîte wil ich des bote sîn.
;;;633;20;;vrouwe, nemet hin diz vingerlîn;
;;;633;21;;daz sante iu der clâre.
;;;633;22;;ouch wirbe ich âne vâre,
;;;633;23;;vrouwe, daz lât al balde an mich."
;;;633;24;;si begunde alrôt värwen sich;
;;;633;25;;alsô was gevar ir munt,
;;;633;26;;wart al dem antlitze kunt.
;;;633;27;;dar nâch schiere wart si anders var.
;;;633;28;;si greif gar blœdeclîche dar;
;;;633;29;;Daz vingerlîn wart schiere erkant,
;;;633;30;;si entvieng ez mit ir clâren hant.
;;;634;1;;dô sprach si: "hêrre, ich sihe nû wol,
;;;634;2;;ob ich sô vor iu sprechen sol,
;;;634;3;;daz ir von im rîtet,
;;;634;4;;nâch dem mîn herze strîtet.
;;;634;5;;ob ir der zuht ir reht nû tuot,
;;;634;6;;hêrre, diu lêret iuch helnden muot.
;;;634;7;;disiu gâbe ist mir ouch ê gesant
;;;634;8;;von des werden küneges hant.
;;;634;9;;von im seit wâr diz vingerlîn,
;;;634;10;;er entviengez von der hende mîn.
;;;634;11;;waz ich kumbers ie gewan,
;;;634;12;;dâ bin ich gar unschuldic an,
;;;634;13;;wan sînen lîp hân ich gewert
;;;634;14;;mit gedanke, wes er an mich gert.
;;;634;15;;er hete schiere daz vernomen,
;;;634;16;;möht ich iemer vürbaz komen.
;;;634;17;;Orgelusen ich geküsset hân,
;;;634;18;;diu sînen tôt sus werben kan.
;;;634;19;;daz was ein kus, den Judas truoc,
;;;634;20;;dâ von man sprichet noch genuoc.
;;;634;21;;alliu triuwe an mir verswant,
;;;634;22;;daz der Turkoyte Florant
;;;634;23;;und der herzoge von Gowerzin
;;;634;24;;von mir geküsset solte sîn.
;;;634;25;;minne in wirt doch niemer ganz,
;;;634;26;;die gein dem künege Gramoflanz
;;;634;27;;mit stæte ir hazzen kunnen tragen.
;;;634;28;;mîner muoter solt ir daz verdagen
;;;634;29;;und mîne swester Kuondrie."
;;;634;30;;des bat Gawan Itonie.
;;;635;1;;"hêrre, ir bâtet mich alsus,
;;;635;2;;daz ich entvâhen solte ir kus,
;;;635;3;;ouch ist verkorn an mînen munt,
;;;635;4;;des ist mîn herze ungesunt.
;;;635;5;;wirt uns zwein iemer vreude erkant,
;;;635;6;;diu helfe stêt in iuwer hant.
;;;635;7;;vür wâr der künec mînen lîp
;;;635;8;;minnet vür alliu wîp.
;;;635;9;;des wil ich in geniezen lân;
;;;635;10;;ich bin im holt vür alle man.
;;;635;11;;got lêre iuch helfe und rât,
;;;635;12;;sô daz ir uns bî vreuden lât."
;;;635;13;;Dô sprach er: "vrouwe, nû lêret mich wie.
;;;635;14;;er hât iuch dort, ir hât in hie
;;;635;15;;und sît doch underscheiden.
;;;635;16;;möht ich nû wol iu beiden
;;;635;17;;mit triuwen solichen rât gegeben,
;;;635;18;;daz iuwer wirdeclîchez leben
;;;635;19;;genüzze, ich wolt ez werben;
;;;635;20;;des enliez ich niht verderben."
;;;635;21;;si sprach: "ir solt gewaltic sîn
;;;635;22;;des werden küneges und mîn.
;;;635;23;;iuwer helfe und der gotes segen
;;;635;24;;muoze unser zweier minne pflegen,
;;;635;25;;sô daz ich ellende
;;;635;26;;sînen kumber wende.
;;;635;27;;sît alliu sîniu vreude liget an mir,
;;;635;28;;wan ich untriuwe enbir,
;;;635;29;;sô ist iemer mînes herzen ger,
;;;635;30;;daz ich in mîner minne wer."
;;;636;1;;Gawan hôrte an dem vröulîn,
;;;636;2;;daz si bî minne wolte sîn.
;;;636;3;;dar zuo was ouch niht zuo laz
;;;636;4;;gein der herzoginne ir haz.
;;;636;6;;ouch het er sich gesundet baz
;;;636;5;;- sus truoc si minne und haz -
;;;636;7;;gein der einvalten maget,
;;;636;8;;diu im ir kumber hât geklaget,
;;;636;9;;wan er ir niht dar zuo gewuoc,
;;;636;10;;daz in und si ein muoter truoc.
;;;636;11;;ouch was ir beider vater Lot.
;;;636;12;;der megde er sîne helfe bôt,
;;;636;13;;dâ engein si tugentlîche neic,
;;;636;14;;daz er si trôstes niht versweic.
;;;636;15;;Dô was ouch zît, daz man dar truoc
;;;636;16;;tischlachen manegez wîz genuoc
;;;636;17;;und enbôt ûf den palas,
;;;636;18;;dâ manegiu clâriu vrouwe was.
;;;636;19;;daz hete ein underscheit erkant,
;;;636;20;;daz die rîter eine want
;;;636;21;;heten sunder dort hin dan.
;;;636;22;;daz gesitze schuof hêr Gawan.
;;;636;23;;der Turkoyte zuo im saz,
;;;636;24;;Lyschoys mit Gawanes muoter az,
;;;636;25;;mit der clâren Seyven.
;;;636;26;;mit der küneginne Arnyven
;;;636;27;;az diu herzoginne clâr.
;;;636;28;;sîne swester, beide wol gevar,
;;;636;29;;Gawan zuo im sitzen liez.
;;;636;30;;ietweder sîte tet, als er si hiez.
;;;637;1;;mîne kunst mir des niht halbez giht,
;;;637;2;;ich enbin solicher küchen meister niht,
;;;637;3;;daz ich die spîse kunne gesagen,
;;;637;4;;diu dâ mit zuht wart vür getragen.
;;;637;5;;dem wirte und den vrouwen gar
;;;637;6;;dieneten megde wol gevar.
;;;637;7;;anderhalp den rîtern an ir want
;;;637;8;;dienete manec sarjant.
;;;637;9;;eine volleclîchiu zuht si des twanc,
;;;637;10;;daz der knappen dekeiner tranc
;;;637;11;;mit den juncvrouwen.
;;;637;12;;man muose si sunder schouwen,
;;;637;13;;si trüegen spîse oder wîn;
;;;637;14;;sus muosen si mit zühten sîn.
;;;637;15;;si mohten dô wol wirtschaft jehen.
;;;637;16;;ez was in selten ê geschehen,
;;;637;17;;den vrouwen und der rîterschaft,
;;;637;18;;sît si Clynsors kraft
;;;637;19;;mit sînen listen überwant.
;;;637;20;;si wâren ein ander unbekant
;;;637;21;;und beslôz si doch eine porte,
;;;637;22;;daz si zuo gegenworte
;;;637;23;;nie kâmen, vrouwen noch die man.
;;;637;24;;dô schuof mîn hêr Gawan,
;;;637;25;;daz daz volc ein ander sach,
;;;637;26;;dâ in liebes vil geschach.
;;;637;27;;Gawan was ouch liebe geschehen,
;;;637;28;;doch muos er tugentlîche sehen
;;;637;29;;an die clâren herzoginne;
;;;637;30;;des twanc in sînes herzen sinne.
;;;638;1;;Nû begunde ouch sîgen der tac,
;;;638;2;;daz sîn schîn vil nâch gelac,
;;;638;3;;daz man durch die wolken sach,
;;;638;4;;daz man der naht zuo boten jach,
;;;638;5;;manegen sternen, der balde gienc,
;;;638;6;;wan er der naht herberge vienc.
;;;638;7;;nâch der naht baniere
;;;638;8;;kam si selbe schiere.
;;;638;9;;manegiu tiuriu krône
;;;638;10;;was gehangen schône
;;;638;11;;al umb ûf dem palas,
;;;638;12;;diu schiere wol gekerzet was.
;;;638;13;;ûf alle die tische sunder
;;;638;14;;truoc man kerzen dar ein wunder.
;;;638;15;;dar zuo diu âventiure giht,
;;;638;16;;diu herzoginne wære sô lieht,
;;;638;17;;wære der kerzen dekeiniu brâht,
;;;638;18;;dân wære doch niemer bî ir naht.
;;;638;19;;ir blic wol selbe kunde tagen,
;;;638;20;;sus hôrt ich von der süezen sagen.
;;;638;21;;man enwolle im unreht jehen,
;;;638;22;;sô hât ir selten ê gesehen
;;;638;23;;dekeinen wirt sô vreuden rîch.
;;;638;24;;ez was den vreuden dâ glîch.
;;;638;25;;alsus mit vreudehafter ger
;;;638;26;;die rîter dar, die vrouwen her
;;;638;27;;dicke an ein ander blicten.
;;;638;28;;die von der vremde erschricten,
;;;638;29;;werdent si iemer heimelîch baz,
;;;638;30;;daz sol ich lâzen âne haz.
;;;639;1;;Ez ensî dan gar ein vrâz,
;;;639;2;;wolt ir, si hânt genuoc dâ gâz.
;;;639;3;;man truoc die tische gar her dan.
;;;639;4;;dô vrâgete mîn hêr Gawan
;;;639;5;;umbe guote videlære,
;;;639;6;;ob dâ dekeiner wære.
;;;639;7;;dô was dâ werder knappen vil
;;;639;8;;wol gelêret ûf seiten spil.
;;;639;9;;ir dekeines kunst was sô ganz,
;;;639;10;;er enmüese strîchen alten tanz.
;;;639;11;;iuwer tenze wâren dâ wênic vernomen,
;;;639;12;;der uns von Duringen vil ist komen.
;;;639;13;;nû danken dem wirte,
;;;639;14;;ir vreude er niht irte.
;;;639;15;;manegiu vrouwe wol gevar
;;;639;16;;gienc vür in zuo tanze dar.
;;;639;17;;sus wart der tanz gezieret,
;;;639;18;;wol underparrieret
;;;639;19;;die rîter under daz vrouwen her;
;;;639;20;;gein der riuwe kâmen si zuo wer.
;;;639;21;;ouch mohte man dâ schouwen
;;;639;22;;zwischen zwein vrouwen
;;;639;23;;einen clâren rîter gên;
;;;639;24;;man mohte vreude an in verstên.
;;;639;25;;welch rîter pflac der sinne,
;;;639;26;;daz er dienst bôt nâch minne,
;;;639;27;;diu bete was erlouplîch.
;;;639;28;;die sorgen arm und vreuden rîch
;;;639;29;;mit rede vertriben ir stunde
;;;639;30;;gein manegem süezen munde.
;;;640;1;;Gawan und Seyve
;;;640;2;;und diu küneginne Arnyve
;;;640;3;;sâzen stille bî des tanzes schar.
;;;640;4;;diu herzoginne wol gevar
;;;640;5;;her umb zuo Gawane sitzen gienc;
;;;640;6;;ir hant er in die sîne vienc,
;;;640;7;;Si sprâchen sus und sô.
;;;640;8;;ir komens was er zuo in vrô.
;;;640;9;;sîn riuwe val, sîn vreude breit
;;;640;10;;wart dô, sus verswant im sîn leit.
;;;640;11;;was ir vreude an tanze grôz,
;;;640;12;;Gawan noch minre hie verdrôz.
;;;640;13;;diu küneginne Arnyve sprach:
;;;640;14;;"hêrre, nû prüevet iuwer gemach.
;;;640;15;;ir solt an disen stunden
;;;640;16;;ruowen. zuo iuwern wunden
;;;640;17;;het sich diu herzogîn bewegen,
;;;640;18;;daz si iuwer dicke wolle pflegen
;;;640;19;;noch hînaht geselleclîche;
;;;640;20;;diu ist helfe und râtes rîche."
;;;640;21;;Gawan sprach: "des vrâget sie."
;;;640;22;;"zuo iuwer beider gebote ich hie
;;;640;23;;bin", sprach diu herzogîn.
;;;640;24;;"er sol in mîner pflege sîn.
;;;640;25;;lât diz volc slâfen varn.
;;;640;26;;vrouwe, ich wil in sô bewarn,
;;;640;27;;daz sîn vriundîn nie baz gepflac.
;;;640;28;;Florant von Itolac
;;;640;29;;und den herzogen von Gowerzin
;;;640;30;;lât in der rîter pflege sîn."
;;;641;1;;Dar nâch schiere ende nam der tanz.
;;;641;2;;juncvrouwen mit varwe glanz
;;;641;3;;sâzen dort und hie,
;;;641;4;;die rîter sâzen zwischen sie.
;;;641;5;;des vreude sich an sorgen rach,
;;;641;6;;wer dâ nâch werder minne sprach,
;;;641;7;;ob er vant süeziu gegenwort.
;;;641;8;;von dem wirte wart gehôrt,
;;;641;9;;man solte trinken vür si tragen.
;;;641;10;;daz mohten die werbære wol klagen.
;;;641;11;;der wirt warp mit den gesten,
;;;641;12;;in kunde ouch minne lesten.
;;;641;13;;ir sitzen dûht in gar zuo lanc,
;;;641;14;;sîn herze ouch werdiu minne twanc.
;;;641;15;;daz trinken gap in urloup.
;;;641;16;;manegen kerzen schoup
;;;641;17;;truogen knappen vor den rîtern dan.
;;;641;18;;dô bevalch mîn hêr Gawan
;;;641;20;;- daz muose wol gevallen -
;;;641;19;;dise zwêne geste in allen.
;;;641;21;;Lyschoys und Florant
;;;641;22;;vuoren slâfen al zehant.
;;;641;23;;Diu herzogîn was sô bedâht,
;;;641;24;;si sprach, si gunde in guoter naht.
;;;641;25;;dô vuor ouch al der vrouwen schar,
;;;641;26;;dâ si gemaches nâmen war.
;;;641;27;;ir nîgens si begunden
;;;641;28;;mit zühten, die si wol kunden.
;;;641;29;;Seyve und Itonje
;;;641;30;;vuoren dan, als tet ouch Kuondrie.
;;;642;1;;Bene und Arnyve dô
;;;642;2;;schuofen, daz ez stuont alsô,
;;;642;3;;dâ von der wirt gemach erleit.
;;;642;4;;diu herzogîn daz niht vermeit,
;;;642;5;;dâ enwære ir helfe nâhe bî.
;;;642;6;;Gawan vuorten dise drî
;;;642;7;;mit in dan durch sîn gemach.
;;;642;8;;in einer kemenâten er sach
;;;642;9;;zwei bette sunder ligen.
;;;642;10;;nû wirt iu gar von mir verswigen,
;;;642;11;;wie diu gehêret wæren;
;;;642;12;;ez nâhet nû andern mæren.
;;;642;13;;Arnyve zuo der herzoginne sprach:
;;;642;14;;"nû solt ir schaffen guot gemach
;;;642;15;;disem rîter, den ir brâhtet her.
;;;642;16;;ob der helfe an iu ger,
;;;642;17;;iuwer helfe habet ir êre.
;;;642;18;;ich ensage iu niht mêre,
;;;642;19;;wan daz sîne wunden
;;;642;20;;mit kunst dô sint verbunden,
;;;642;21;;er möhte nû wol wâpen tragen;
;;;642;22;;doch solt ir sînen kumber klagen,
;;;642;23;;ob ir in senftet, daz ist guot.
;;;642;24;;lêret in nû hôhen muot,
;;;642;25;;des mogen wir alle geniezen;
;;;642;26;;nû lât es iuch niht verdriezen."
;;;642;27;;diu küneginne Arnyve gienc,
;;;642;28;;dô si zuo hove urloup entvienc;
;;;642;29;;Bene ein lieht truoc vor ir dan.
;;;642;30;;die türe beslôz hêr Gawan.
;;;643;1;;kunnen si zwei nû minne stelen,
;;;643;2;;daz mac ich unsanfte helen.
;;;643;3;;ich sage vil lîhte, waz geschach,
;;;643;4;;wan daz man dem ie unvuoge jach,
;;;643;5;;der verholniu mære machet breit.
;;;643;6;;ez ist noch den höveschsten leit,
;;;643;7;;ouch unsæliget er sich dâ mite.
;;;643;8;;zuht sî des slôz ob minne site.
;;;643;9;;nû vuogte diu strenge minne
;;;643;10;;und diu clâre herzoginne,
;;;643;11;;daz Gawans vreude was verzert:
;;;643;12;;er wære immer unernert
;;;643;13;;sunder âmîen.
;;;643;14;;die philosophîen
;;;643;15;;und alle, die ie gesâzen,
;;;643;16;;dâ si starke liste mâzen,
;;;643;17;;Kanchor und Thepit
;;;643;18;;und Trebuket, der smit,
;;;643;19;;der Frimutels swert ergruop,
;;;643;20;;dâ von sich starkez wunder huop,
;;;643;21;;dâ zuo der arzet kunst,
;;;643;22;;ob si im trüegen guote gunst
;;;643;23;;mit temperîe ûz würze kraft,
;;;643;24;;âne wîplîch geselleschaft
;;;643;25;;sô müest er sîne scharpfe nôt
;;;643;26;;hân brâht unz an den sûren tôt.
;;;643;27;;ich wil iu daz mære machen kurz:
;;;643;28;;er vant die rehten hirzwurz,
;;;643;29;;diu im half, daz ers genas,
;;;643;30;;sô daz im arges nie enwas;
;;;644;1;;diu würze was bî dem blanken brûn.
;;;644;2;;muoterhalp der Britun,
;;;644;3;;Gawan, fil rois Lot,
;;;644;4;;süezer senfte vür sûre nôt
;;;644;5;;er mit werder helfe pflac
;;;644;6;;helflîch unz an den tac.
;;;644;7;;sîn helfe was doch sô gedigen,
;;;644;8;;daz allez daz volc was gar verswigen.
;;;644;9;;sît nam er mit vreuden war
;;;644;10;;al der ritter und der vrouwen gar,
;;;644;10;1;
;;;644;11;;sô daz ir trûren vil nâch verdarp.
;;;644;12;;nû hœret ouch, wie der knabe warp,
;;;644;12;1;
;;;644;13;;den Gawan het gesant
;;;644;14;;hin zuo Lover in daz lant,
;;;644;15;;zuo Benis bî der Koicha.
;;;644;16;;der künec Artus was aldâ
;;;644;17;;und sîn wîp, diu künigîn,
;;;644;18;;und maneger liehten vrouwen schîn
;;;644;19;;und der werden massenîen ein vluot.
;;;644;20;;nû hœret ouch, wie der knabe tuot:
;;;644;21;;diz was eines morgens vruo,
;;;644;22;;sîner botschefte greif er zuo.
;;;644;23;;diu künigîn zuor kappeln was,
;;;644;24;;an ir venje si den salter las.
;;;644;25;;der knabe vür si kniete,
;;;644;26;;er bôt ir vreude miete.
;;;644;27;;einen brief si entpfienc ûz sîner hant,
;;;644;28;;dâr an si geschriben vant
;;;644;29;;schrift, die si bekante,
;;;644;30;;ê er sînen hêrren nante,
;;;645;1;;der knabe, den si dâ knien sach.
;;;645;2;;diu künigîn zuom brief sprach:
;;;645;3;;"wol der hant, diu dich schreip!
;;;645;4;;âne sorge ich nie bleip
;;;645;5;;sît des tages, daz ich sach
;;;645;6;;die hant, von der diu schrift geschach."
;;;645;7;;si weinte sêre und was doch vrô.
;;;645;8;;hin zuom knaben sprach si dô:
;;;645;9;;"dû bist Gawans kneht."
;;;645;10;;"jâ, vrou, er enbiut iu sîn reht,
;;;645;11;;dienstlîche triuwe ân allen wanc
;;;645;12;;und dâ bî sîne vreude kranc,
;;;645;13;;irne wolt im vreuden machen hôch.
;;;645;14;;sô kumberlîch ez sich gezôch
;;;645;15;;nie umb alle sîn êre.
;;;645;16;;vrou, er enbiut iu mêre,
;;;645;17;;daz er mit werden vreuden lebe,
;;;645;18;;vreischet er iuwers trôstes gebe.
;;;645;19;;ir mogt wol an dem brieve sehen
;;;645;20;;mêr, dann ichs künne jehen."
;;;645;21;;si sprach: "ich hân vür wâr erkant,
;;;645;22;;durch waz dû bist zuo mir gesant.
;;;645;23;;ich tuon im werden dienst dar
;;;645;24;;mit wünneclîcher vrouwen schar,
;;;645;25;;die vür wâr bî mîner zît
;;;645;26;;an prîse vor ûz hânt den strît.
;;;645;27;;âne Parcifales wîp
;;;645;28;;und ân Orgelusen lîp
;;;645;29;;sô enkenne ich ûf der erden
;;;645;30;;bî toufe deheinen sô werden.
;;;646;1;;daz Gawan von Artusen reit,
;;;646;2;;sît hât sorge und leit
;;;646;3;;mit kraft ûf mich geleit ir vlîz.
;;;646;4;;mir sagte Melyanz von Liz,
;;;646;5;;er sæhe in sît zuo Barbigol.
;;;646;6;;owê", sprach si, "Plymizol,
;;;646;7;;daz dich mîn ouge ie gesach!
;;;646;8;;waz mir leides doch ie schach!
;;;646;9;;Cunneware de Lalant
;;;646;10;;wart mir nimmer mêr bekant,
;;;646;11;;mîn werdiu, süeziu gespil.
;;;646;12;;tavelrunder wart dâ vil
;;;646;13;;mit rede ir reht gebrochen.
;;;646;14;;vünftehalp jâr und sehs wochen
;;;646;15;;ist, daz der werde Parcifal
;;;646;16;;von dem Plymizol nâch dem Grâl
;;;646;17;;reit. dô kêrt ouch Gawan
;;;646;18;;gên Ascalun, der werde man.
;;;646;19;;Jeschute und Eckuba
;;;646;20;;schieden sich von mir aldâ.
;;;646;21;;grôz jâmer nâch der werden diet
;;;646;22;;mich sît von stæten vreuden schiet."
;;;646;23;;diu künigîn trûrens vil verjach.
;;;646;24;;hin zuom knaben si doch sprach:
;;;646;25;;"nû volge mîner lêre:
;;;646;26;;verholne von mir kêre,
;;;646;27;;unz sich erhebe hôch der tac,
;;;646;28;;dô daz volc zuo hove wesen mac,
;;;646;29;;ritter und sarjante
;;;646;30;;und diu grôze mahinante.
;;;647;1;;ûf den hof dû balde drabe.
;;;647;2;;enruoch, ob dîn runzît nieman habe;
;;;647;3;;dâ von saltû balde gên,
;;;647;4;;aldâ die werden ritter stên.
;;;647;5;;die vrâgent nâch âventiure;
;;;647;6;;als dû gâhest ûz einem viure,
;;;647;7;;gebâre mit reden und siten.
;;;647;8;;von in vil kûme wirt erbiten,
;;;647;9;;waz dû mære bringest.
;;;647;10;;waz wirret, ob dû dich dringest
;;;647;11;;durch daz volc unz an den rehten wirt,
;;;647;12;;der gein dir grüezen niht verbirt?
;;;647;13;;disen brief gip im in die hant,
;;;647;14;;dâr an er schiere hât erkant
;;;647;15;;dîniu mære und dînes hêrren ger;
;;;647;16;;des ist er mit der volge wer.
;;;647;17;;noch mêr wil ich lêren dich:
;;;647;18;;offenlîch soltû besprechen mich,
;;;647;19;;dâ ich und ander vrouwen
;;;647;20;;dich hœren und schouwen.
;;;647;21;;dâ wirb umb uns, als dû wol kanst,
;;;647;22;;ob dû dînem hêrren guotes ganst,
;;;647;23;;und sag mir: wâ ist Gawan?"
;;;647;24;;der knabe sprach: "daz wirt verlân;
;;;647;25;;ich sag niht, wâ mîn hêrre sî.
;;;647;26;;wolt ir, er blîbet vreuden bî."
;;;647;27;;der knabe wart ir râtes vrô.
;;;647;28;;von der künigîn er dô
;;;647;29;;schiet, als ir wol habt vernomen,
;;;647;30;;und kom ouch, als er solte komen.
;;;648;1;;rehte umb den mitten morgen
;;;648;2;;offenlîch und unverborgen
;;;648;3;;der knabe ûf den hof reit.
;;;648;4;;die hövischen prüeveten sîniu kleit
;;;648;5;;wol nâch knabelîchen siten.
;;;648;6;;zuo bêden sîten was versniten
;;;648;7;;daz ros mit sporne sêre.
;;;648;8;;nâch der künigîn lêre
;;;648;9;;bald er von dem rosse spranc.
;;;648;10;;umb in wart dâ grôz gedranc.
;;;648;11;;sîn swert, kappe und sporn
;;;648;12;;und daz ros, werdent diu verlorn,
;;;648;13;;dâ kêrt er sich wênic an.
;;;648;14;;der knabe huop sich balde dan,
;;;648;15;;dâ die werden ritter stuonden,
;;;648;16;;die vrâgen in begunden
;;;648;17;;von âventiure mære.
;;;648;18;;si jehent, daz reht dâ wære,
;;;648;19;;dâ zuo hove enezze wîp noch man,
;;;648;20;;ê der hof sîn reht gewan,
;;;648;21;;âventiure sô werdeclîch,
;;;648;22;;diu âventiure wære glîch.
;;;648;23;;der knabe sprach: "ich sag iu niht.
;;;648;24;;mîn unmuoze mir des giht.
;;;648;25;;daz solt ir mir durch zuht vertragen
;;;648;26;;und geruochet mir von dem künige sagen;
;;;648;27;;den wolt ich gerne besprechen ê.
;;;648;28;;mir tuot mîn unmuoze wê.
;;;648;29;;ir vreischet schier, waz ich sage.
;;;648;30;;got lêr iuch helfe und kumbers klage."
;;;649;1;;diu botschaft den knaben twanc,
;;;649;2;;daz ern ruochte, wer in dranc,
;;;649;3;;unz in der künic selbe ersach,
;;;649;4;;der sînen gruoz gên im ouch sprach.
;;;649;5;;der knabe gap im einen brief,
;;;649;6;;der Artuse in sîn herze rief,
;;;649;7;;dô er von im was gelesen,
;;;649;8;;dô muost er bî den beiden wesen:
;;;649;9;;daz ein was vreude, daz ander klage.
;;;649;10;;er sprach: "wol disem süezen tage,
;;;649;11;;bî des lieht ich hân vernomen,
;;;649;12;;mir sîn diu wâren mære komen
;;;649;13;;umb mînen werden swester sun.
;;;649;14;;kan ich menlîchen dienst  tuon
;;;649;15;;durch sippe und durch geselleschaft,
;;;649;16;;ob triuwe an mir gewan ie kraft,
;;;649;17;;sô leist ich, daz mir Gawan
;;;649;18;;hât enboten, ob ich kan."
;;;649;19;;hin zuom knaben sprach er dô:
;;;649;20;;"nû sag mir, ist Gawan vrô?"
;;;649;21;;"jâ, hêrre, ob ir wellet,
;;;649;22;;zuo der vreude er sich gesellet",
;;;649;23;;sprach der knabe wîse.
;;;649;24;;"er schiede ouch gar von prîse,
;;;649;25;;ob ir in liezet under wegen.
;;;649;26;;wer solt ouch dâ bî vreuden pflegen?
;;;649;27;;iwer trôst im zücket vreude enbor,
;;;649;28;;unz ûzerhalp der riwen tor
;;;649;29;;von sînem herzen kumber jaget,
;;;649;30;;daz ir von im niht sît verzaget.
;;;650;1;;mîn hêrre enbiut sîn dienst her
;;;650;2;;der künigîn. ouch ist sîn ger,
;;;650;3;;daz alder tavelrunder schar
;;;650;4;;sînes dienstes neme war,
;;;650;5;;daz si ir triuwen an gedenken
;;;650;6;;und im vreude niht verkrenken,
;;;650;7;;sô daz si komen râten."
;;;650;8;;alle die werden in des bâten.
;;;650;9;;der künic sprach: "geselle mîn,
;;;650;10;;trage disen brief der künigîn,
;;;650;11;;daz si dran lesen und sagen,
;;;650;12;;wes wir uns vreuwen und waz wir klagen,
;;;650;13;;daz der künic Gramoflanz
;;;650;14;;mit hôchvart lôsheit ganz
;;;650;15;;gên mînem künne bieten kan.
;;;650;16;;er wænt, mîn neve Gawan
;;;650;17;;sî Cydegast, den er sluoc,
;;;650;18;;dâ von er kumbers hât genuoc.
;;;650;19;;ich sol im kumber mêren
;;;650;20;;und niuwen site lêren."
;;;650;21;;der knabe kam gegangen,
;;;650;22;;dâ er wart wol enpfangen.
;;;650;23;;der künigîn gap er den brief,
;;;650;24;;des manec ouge über lief,
;;;650;25;;dô ir süezer munt gelas,
;;;650;26;;al daz dâr an geschriben was,
;;;650;27;;Gawans klage und sîn werben.
;;;650;28;;dô enliez ouch niht verderben
;;;650;29;;der knabe zuon vrouwen allen warp,
;;;650;30;;dâr an sîn kunst niht verdarp.
;;;651;1;;Gawans mâc, der rîche
;;;651;2;;Artus, warp herzenlîche
;;;651;3;;zuor massenîe dise vart.
;;;651;4;;vor sûmen het ouch sich bewart
;;;651;5;;Gynover, diu kurteise,
;;;651;6;;warp zuon vrouwen die stolzen reise.
;;;651;7;;Key sprach durch sînen zorn:
;;;651;8;;"wart aber ie sô werder man geborn,
;;;651;9;;getörst ich des glouben hân,
;;;651;10;;sô von Norwæge Gawan.
;;;651;11;;zâhiu dâ hin, nû holt in dâ,
;;;651;12;;sô ist er lîhte anderswâ!
;;;651;13;;wil er wenken als ein eichorn,
;;;651;14;;ir mogt in schier hân verlorn."
;;;651;15;;der knabe sprach zuor künigîn:
;;;651;16;;"vrou, gên dem hêrren mîn
;;;651;17;;muoz ich balde kêren.
;;;651;18;;werbet sîn dinc nâch iuweren êren."
;;;651;19;;zuo einem ir kamerer si sprach:
;;;651;20;;"schaffe disem knaben gemach.
;;;651;21;;sîn ros soltû schouwen.
;;;651;22;;sî daz mit sporn verhouwen,
;;;651;23;;gip im daz beste, daz hie veile sî.
;;;651;24;;won im ander kumber bî,
;;;651;25;;ez sî pfantlôse oder kleit,
;;;651;26;;des sol er alles sîn bereit."
;;;651;27;;si sprach: "nû sage Gawan,
;;;651;28;;im sî mîn dienst undertân.
;;;651;29;;urloup ich dir zuom künige nim.
;;;651;30;;dînem hêrren sag ouch dienst von im."
;;;652;1;;nû warp der künic sîne vart.
;;;652;2;;ouch wart der tavelrunder art
;;;652;3;;des tages dâ volrecket.
;;;652;4;;ez het in vreude erwecket,
;;;652;5;;daz der werde Gawan
;;;652;6;;dannoch sîn leben solde hân;
;;;652;7;;des wâren si innen worden.
;;;652;8;;der tavelrunder orden
;;;652;9;;wart dô begangen âne haz.
;;;652;10;;der künic ob der tavelrunder az
;;;652;11;;und die dâ sitzen solten,
;;;652;12;;die prîs mit arbeit holten.
;;;652;13;;al die tavelrundære
;;;652;14;;genuzzen diser mære.
;;;652;15;;nû lât den knaben wider komen,
;;;652;16;;von dem diu botschaft sî vernomen.
;;;652;17;;der huop sich dan zuo rehter zît.
;;;652;18;;der künigîn kamerer im gît
;;;652;19;;pfantlôse, ros und ander kleit.
;;;652;20;;der knabe danne mit vreuden reit,
;;;652;21;;wan er dâ zuo Artuse warp,
;;;652;22;;dâ von sînes hêrren sorge starp.
;;;652;23;;er kam wider in solhen tagen,
;;;652;24;;des ich vür wâr niht kan gesagen,
;;;652;25;;ûf Tschahtel Marveile.
;;;652;26;;Arnyve wart diu geile,
;;;652;27;;wan ir der pfortener enbôt,
;;;652;28;;der knabe wære mit des rosses nôt
;;;652;29;;balde wider gestrichen.
;;;652;30;;gên dem si kam geslichen,
;;;653;1;;aldâ er în gelâzen wart
;;;653;2;;und vrâgte in umb sîn vart,
;;;653;3;;war nâch er wær ûz geriten.
;;;653;4;;der knabe sprach: "daz wirt vermiten,
;;;653;5;;vrou, ich endarfs iu niht sagen,
;;;653;6;;ich muoz ez durch mînen eit verdagen.
;;;653;7;;ouch wær ez mînem hêrren leit,
;;;653;8;;bræch ich mit mæren mînen eit;
;;;653;9;;des diuht ich in der tumbe.
;;;653;10;;vrou, vrâget in selber drumbe."
;;;653;11;;si spilt ez mit vrâge an manege ort.
;;;653;12;;der knabe sprach ouch disiu wort:
;;;653;13;;"vrou, ir sûmet mich âne nôt;
;;;653;14;;ich leiste, daz mir der eit gebôt."
;;;653;15;;er gienc, dâ er sînen hêrren vant.
;;;653;16;;der Turkoyte Florant
;;;653;17;;und der herzoge von Gowerzin
;;;653;18;;und von Logrois diu herzogîn
;;;653;19;;dâ saz mit grôzer vrouwen schar.
;;;653;20;;der knabe gienc ouch zuo in dar.
;;;653;21;;ûf stuont hêr Gawan.
;;;653;22;;er nam den knaben sunder dan.
;;;653;23;;er hiez in willekomen sîn.
;;;653;24;;er sprach: "nû sag, geselle mîn,
;;;653;25;;eintweder vreude oder nôt
;;;653;26;;oder waz man dir von hove enbôt.
;;;653;27;;vünde dû den künic dâ?"
;;;653;28;;der knabe sprach: "hêrre, jâ.
;;;653;29;;ich vant den künic und sîn wîp
;;;653;30;;und dâ zuo manegen werden lîp.
;;;654;1;;si enbietent iu dienst und ir komen.
;;;654;2;;iuwer botschaft wart von in vernomen
;;;654;3;;alsô werdeclîche,
;;;654;4;;daz arme und rîche
;;;654;5;;sich vreuwten, wan ich tet in kunt,
;;;654;6;;daz ir noch wæret wol gesunt.
;;;654;7;;ich vant dâ hers ein wunder.
;;;654;8;;ouch wart diu tavelrunder
;;;654;9;;besetzet durch iuwer botschaft.
;;;654;10;;ob ritters prîs gewan ie kraft,
;;;654;11;;ich mein an langer werdecheit,
;;;654;12;;die sîn iu alle dâ bereit."
;;;654;13;;
;;;654;14;;
;;;654;15;;er sagt im ouch, wie daz geschach,
;;;654;16;;daz er die künigîn gesprach,
;;;654;17;;und waz im diu mit triuwen riet.
;;;654;18;;er sagt im ouch von alder diet,
;;;654;19;;von rittern und von vrouwen,
;;;654;20;;daz er die möhte schouwen
;;;654;21;;zuo Tschoflanze vor der zît,
;;;654;22;;ê würde sînes kampfes strît.
;;;654;23;;Gawans sorge gar verswant,
;;;654;24;;niht wan vreude er in dem herzen vant.
;;;654;25;;
;;;654;26;;
;;;654;27;;al sîner sorge er dô vergaz;
;;;654;28;;er gienc wider und saz
;;;654;29;;und was mit vreuden dâ zuo hûs,
;;;654;30;;unz daz der künic Artus
;;;655;1;;mit her in sîn helfe reit.
;;;655;2;;nû hœret liep und leit:
;;;655;3;;Gawan was zuo allen zîten vrô.
;;;655;4;;eines morgens vuogt ez sich alsô,
;;;655;5;;daz ûf dem rîchen palas
;;;655;6;;manec ritter und vrouwe was.
;;;655;7;;in einem venster gên dem pflûm
;;;655;8;;kôs er im sunder einen rûm,
;;;655;9;;dâ er und Arnyve saz,
;;;655;10;;diu vremder mære niht vergaz.
;;;655;11;;Gawan sprach zuor künigîn:
;;;655;12;;"owê, liebiu vrouwe mîn,
;;;655;13;;wolt es iuch niht betrâgen,
;;;655;14;;daz ich iuch müeste vrâgen
;;;655;15;;alsus getâner mære,
;;;655;16;;die ich verswigen wære,
;;;655;17;;wan daz ich von iuwer helfe gebe
;;;655;18;;als mit werden vreuden lebe.
;;;655;19;;getruoc mîn herze ie mannes sin,
;;;655;20;;den het diu edele herzogîn
;;;655;21;;mit ir gewalte beslozzen.
;;;655;22;;nû hân ich iuwer genozzen,
;;;655;23;;daz mir gesenftet ist diu nôt.
;;;655;24;;minne und wunden wær ich tôt,
;;;655;25;;wan daz iuwer helflîcher trôst
;;;655;26;;mich ûz banden hât erlôst.
;;;655;27;;von iuweren schulden hân ich den lîp.
;;;655;28;;nû sagt mir, sældehaftez wîp,
;;;655;29;;umb wunder, daz hie was und ist,
;;;655;30;;durch waz sô strengelîchen list
;;;656;1;;der wîse Clynsor het erkorn.
;;;656;2;;wand ir, ich hetes den lîp verlorn."
;;;656;3;;diu herzenlîchen wîse
;;;656;4;;- mit sô wîplîchem prîse
;;;656;5;;kom jugent anz alter nie -
;;;656;6;;sprach: "sich, hêrre, sîniu wunder hie
;;;656;7;;sint dâ engegen kleiniu wunderlîn,
;;;656;8;;gên den starken wundern sîn,
;;;656;9;;die er hât in manegen landen.
;;;656;10;;wer uns des giht zuo schanden,
;;;656;11;;der enwirbt niht dan sünde dâ mite.
;;;656;12;;hêrre, ich sag iu sînen site;
;;;656;13;;der ist maneger diet worden sûr:
;;;656;14;;sîn lant heizet Terra Labur.
;;;656;15;;von des nâchkomen ist er geborn,
;;;656;16;;der ouch vil wunders hât erkorn,
;;;656;17;;von Napels Virgilius.
;;;656;18;;Clynsor, des neve, warp alsus,
;;;656;19;;Chaps ist sîn houbtstat,
;;;656;20;;er trat an prîse sô hôhez pfat,
;;;656;21;;an prîse was er unbetrogen.
;;;656;22;;von Clynsorn, dem herzogen,
;;;656;23;;sprach wîp und man,
;;;656;24;;unz er schaden sus gewan:
;;;656;25;;Setilie het ein künic wert,
;;;656;26;;der was geheizen Ibert.
;;;656;27;;Ibilis hiez sîn wîp.
;;;656;28;;diu truoc den minniclîchsten lîp,
;;;656;29;;der ie von brüsten wart genomen.
;;;656;30;;in der dienst was er komen,
;;;657;1;;unz sis mit minne lônte;
;;;657;2;;dâr umb der künic in hônte.
;;;657;3;;sol ich iu sîniu tougen sagen,
;;;657;4;;des muoz ich iuwern urloup tragen.
;;;657;5;;doch sint diu selben mære
;;;657;6;;mir zuo sagen ungebære,
;;;657;7;;durch waz er kam in zoubers site.
;;;657;8;;zuo einem kappûn mit einem snite
;;;657;9;;wart Clynsor gemachet."
;;;657;10;;des wart aldâ gelachet
;;;657;11;;von Gawane sêre.
;;;657;12;;si sagt im vürbaz mêre:
;;;657;13;;"ûf Kaletepolot
;;;657;14;;erwarp er der werlde spot;
;;;657;15;;daz ist ein burc veste erkant.
;;;657;16;;der künic bî sînem wîbe in vant;
;;;657;17;;Clynsor slief an ir arme.
;;;657;18;;lac er dâ iht warme,
;;;657;19;;daz muost er sus verpfenden:
;;;657;20;;er wart mit küniges henden
;;;657;21;;zwischen den beinen gemachet sleht.
;;;657;22;;des dûht den wirt, ez wær sîn reht.
;;;657;23;;der besneit in an dem lîbe,
;;;657;24;;daz er keinem wîbe
;;;657;25;;mac zuo schimpfe niht gevrumen.
;;;657;26;;des ist vil liute in kumber kumen.
;;;657;27;;ez ist niht daz lant zuo Persia;
;;;657;28;;ein stat heizet Persita,
;;;657;29;;dâ allerêrst zoubers wart erdâht.
;;;657;30;;dar vuor er und hât dannen brâht,
;;;658;1;;daz er nû schaffet, waz er wil,
;;;658;2;;mit listen zouberlîchiu zil.
;;;658;3;;durch die scham an sînem lîbe
;;;658;4;;sô wart er man noch wîbe
;;;658;5;;guotes willen nimmer mêr bereit,
;;;658;6;;ich meine, die tragent werdecheit.
;;;658;7;;waz der den vreuden mac genemen,
;;;658;8;;des kan von herzen in gezemen.
;;;658;9;;ein künic, der heizet Irot,
;;;658;10;;der vorht im die selben nôt,
;;;658;11;;von Roitschesabins.
;;;658;12;;der bôt im des sînes
;;;658;13;;zuo geben, waz er wolde,
;;;658;14;;daz er vride haben solde.
;;;658;15;;Clynsor enpfienc von sîner hant
;;;658;16;;disen berc veste erkant
;;;658;17;;und an der selben wîle
;;;658;18;;al umb aht mîle.
;;;658;19;;Clynsor dô worht ûf disem berc,
;;;658;20;;als ir wol seht, diz spæhe werc.
;;;658;21;;aller rîcheit sunder
;;;658;22;;sint hie ûf starkiu wunder.
;;;658;23;;wer der bürge wolde vâren,
;;;658;24;;spîse zuo drîzic jâren
;;;658;25;;wert hie ûf, manicvalt.
;;;658;26;;er hât ouch aller der gewalt,
;;;658;27;;mal und bêâ gent,
;;;658;28;;die enzwischen dem firmament
;;;658;29;;wonent und under der erden zil,
;;;658;30;;niht wan die got beschirmen wil.
;;;659;1;;hêrre, sît iuwer scharpfiu nôt
;;;659;2;;ist wendic worden âne den tôt,
;;;659;3;;sîn gâbe stêt in iuwer hant:
;;;659;4;;die burc und diz gemezzen lant,
;;;659;5;;ern kêrt sich nimmer mêr nû dran.
;;;659;6;;ir solt ouch vride von im hân,
;;;659;7;;des jach er offenbære
;;;659;8;;- er ist mit rede der gewære -,
;;;659;9;;wer dise âventiure erlite,
;;;659;10;;daz dem sîn gâbe wonte mite.
;;;659;11;;waz er gesach der werden
;;;659;12;;ûf kristenlîcher erden,
;;;659;13;;ez wære maget, wîp oder man,
;;;659;14;;der ist iu hie vil undertân.
;;;659;15;;manec heiden und heidenîn
;;;659;16;;muosten hie ûf bî uns sîn.
;;;659;17;;nû lât daz volc wider komen,
;;;659;18;;dâ nâch ist uns sorge benomen.
;;;659;19;;ellende vriunt mîn herze kalt.
;;;659;20;;der die sterne hât gezalt,
;;;659;21;;der müez iuch helfe lêren
;;;659;22;;und uns gên vreuden kêren.
;;;659;23;;ein muoter ir vruht gebirt,
;;;659;24;;diu vruht sîner muoter wirt.
;;;659;25;;von dem wazzer kumt daz îs,
;;;659;26;;daz lât denne niht keinen wîs,
;;;659;27;;daz wazzer kome ouch wider von im.
;;;659;28;;wann ich gedanke an mich nim,
;;;659;29;;daz ich ûz vreuden bin geborn,
;;;659;30;;wirt immer vreut an mir erkorn.
;;;660;1;;dâ gît ein vruht die andern vruht.
;;;660;2;;daz solt ir vüegen, habt ir zuht.
;;;660;3;;ez ist lanc, dô mir vreude enpfiel.
;;;660;4;;von dem segel balde gêt der kiel;
;;;660;5;;der man ist sneller, der drûffe gêt.
;;;660;6;;ob ir diz bîspel verstêt,
;;;660;7;;iuwer prîs ist hôch und snel.
;;;660;8;;ir mogt uns vreude machen hel,
;;;660;9;;daz wir vreude vüeren in manigiu lant,
;;;660;10;;dâr nâch uns sorge wart bekant.
;;;660;11;;etwen ich vreuden gewan genuoc.
;;;660;12;;ich was ein wîp, diu krône truoc;
;;;660;13;;ouch truoc mîn tohter krône
;;;660;14;;vor ir landes vürsten schône.
;;;660;15;;wir heten beide werdecheit.
;;;660;16;;hêrre, ich geriet nie mannes leit;
;;;660;17;;beidiu wîp und man
;;;660;18;;kunde ich wol nâch ir rehte hân,
;;;660;19;;hœren und schouwen.
;;;660;20;;zuo einer rehten volkes vrouwen
;;;660;21;;muost man mich haben, ruocht es got,
;;;660;22;;wan ich nie manne missebôt.
;;;660;23;;ez sol ein ieteslîch sinnic wîp,
;;;660;24;;ob si wil haben werden lîp,
;;;660;25;;erbieten guoten liuten wol.
;;;660;26;;si kumt vil lîht in kumbers dol,
;;;660;27;;dâr ir ein swacher garzûn
;;;660;28;;enger vreude gæbe wîten rûn.
;;;660;29;;hêrre, ich hân lange gebiten.
;;;660;30;;nieman geloufen noch geriten
;;;661;1;;her kam, der mich erkante,
;;;661;2;;der mir sorgen wante."
;;;661;3;;dô sprach der werde Gawan:
;;;661;4;;"vrou, muoz ich mîn leben hân,
;;;661;5;;sô wirt noch vreude an iu vernomen."
;;;661;6;;des selben tages solt ouch komen
;;;661;7;;mit her Artus der Britun,
;;;661;8;;der klagenden Arnyven sun,
;;;661;9;;durch sippe und durch triuwe.
;;;661;10;;manec baniere niuwe
;;;661;11;;sach Gawan gên im trecken,
;;;661;12;;mit rotte daz velt bedecken,
;;;661;13;;von Logrois die strâze her,
;;;661;14;;mit manegem liehtem, gemâlem sper.
;;;661;15;;Gawan tet ir komen wol.
;;;661;16;;wer samenunge warten sol,
;;;661;17;;der lêrt sûmen den gedanc:
;;;661;18;;er vürhtet, sîn helfe werde kranc.
;;;661;19;;Artus Gawane sîn zwîvel brach.
;;;661;20;;âvoy, wie man den dâ komen sach!
;;;661;21;;Gawan sich des hal tougen,
;;;661;22;;daz sîniu liehten ougen
;;;661;23;;weinen muosten lernen.
;;;661;24;;zuo einer zisternen
;;;661;25;;wâren si beidiu doch enwiht,
;;;661;26;;wan si behalten des wazzers niht.
;;;661;27;;von der liebe was daz weinen,
;;;661;28;;daz Artus kunde erscheinen.
;;;661;28;1;
;;;661;28;2;
;;;661;29;;von kinde het er in erzogen.
;;;661;30;;ir beider triuwe unerlogen
;;;662;1;;stuont gên ein ander âne wanc,
;;;662;2;;daz si nie valsch underswanc.
;;;662;3;;Arnyve wart des weinens innen.
;;;662;4;;si sprach: "ir solt beginnen
;;;662;5;;vreude mit vreude schalle;
;;;662;6;;hêrre, sô trœst ir uns alle.
;;;662;7;;gên der riuwe sult ir sîn zuo wer.
;;;662;8;;hie kumt der herzogîn her;
;;;662;9;;daz trœstet iuch vürbaz schiere."
;;;662;10;;herberge, manige baniere
;;;662;11;;sach Arnyve und Gawan
;;;662;12;;manege vüeren ûf den plân,
;;;662;13;;bî den allen niht wan ein schilt.
;;;662;14;;des wâpen wâren alle gezilt,
;;;662;15;;daz in Arnyve erkante.
;;;662;16;;Ysaiesen si in nante,
;;;662;17;;den marschalc Utpandragun.
;;;662;18;;den vuort ein ander Britun,
;;;662;19;;mit den schœnen schenkeln Maurin,
;;;662;20;;der marschalc der künigîn.
;;;662;21;;Arnyve weste wênic des:
;;;662;22;;Utpandragun und Ysaies
;;;662;23;;wâren bêde erstorben.
;;;662;24;;Maurin het erworben
;;;662;25;;sînes vater ambet, daz was reht.
;;;662;26;;gên dem urvar ûf den anger sleht
;;;662;27;;reit diu grôze mahinande.
;;;662;28;;der vrouwen sarjande
;;;662;29;;herberge nâmen,
;;;662;30;;die vrouwen wol gezâmen,
;;;663;1;;bî einem clâren, snellen bach,
;;;663;2;;dâ man schier ûf geslagen sach
;;;663;3;;manic gezelt wol getân.
;;;663;4;;dem künige sunder dort hin dan
;;;663;5;;wart manic wîter rinc genomen
;;;663;6;;von rittern, die dar wâren komen.
;;;663;7;;die heten âne vrâge
;;;663;8;;ûf ir reise grôze slâge.
;;;663;9;;Gawan bî Bene hin abe enbôt
;;;663;10;;sînem wirte Plipalinot,
;;;663;11;;kocken und ussiere,
;;;663;12;;daz er die slüzze schiere,
;;;663;13;;sô daz vor sîner übervart
;;;663;14;;daz her des tages wær bewart.
;;;663;15;;vrou Bene ûz Gawans hende nam
;;;663;16;;die êrsten gâbe ûz sînem rîchem krâm,
;;;663;17;;Swalwen, diu noch zEngellant
;;;663;18;;zuo einer tiuren harpfen ist erkant.
;;;663;19;;vrou Bene vuor mit werden dan.
;;;663;20;;dô hiez mîn hêr Gawan
;;;663;21;;besliezen die ûzeren pforten.
;;;663;22;;alte und junge dâ hôrten,
;;;663;23;;wes er si zühticlîch dô bat:
;;;663;24;;"dâ anderthalben an daz stat
;;;663;25;;sich legte ein alsô grôzez her,
;;;663;26;;weder in dem lande noch ûffem mer
;;;663;27;;gesach ich rotten nie gevaren
;;;663;28;;mit alsô krefticlîchen scharen.
;;;663;29;;wellent si uns suochen mit hers kraft,
;;;663;30;;helfet mir, ich gib in ritterschaft."
;;;664;1;;daz lobten si alle glîche.
;;;664;2;;die herzogîn rîche
;;;664;3;;si vrâgten, ob daz her wære ir.
;;;664;4;;diu sprach: "ir solt glouben mir,
;;;664;5;;ich erkenne dâ weder schilt noch man.
;;;664;6;;der mir ê schaden hât getân,
;;;664;7;;der ist lîht in mîn lant geriten
;;;664;8;;und hât vor Logrois gestriten.
;;;664;9;;ich wæne, die vant er doch zuo wer.
;;;664;10;;si heten strît wol disem her
;;;664;11;;ane zingeln und ane barbigân.
;;;664;12;;hât dâ ritterschaft getân
;;;664;13;;der zornige künic Gramoflanz,
;;;664;14;;sô suocht er gelt vür sînen kranz;
;;;664;15;;oder wer si sint, die muosen sper
;;;664;16;;ûf gerihtiu sehen durch tjost ger."
;;;664;17;;ir munt dô louc in wênic an.
;;;664;18;;Artus schaden vil gewan,
;;;664;19;;ê daz er kæm vür Logrois.
;;;664;20;;des wart etslîch Britunois
;;;664;21;;zuo rehter tjost abe gevalt.
;;;664;22;;Artuses her in wider galt
;;;664;23;;market, den man in dâ bôt.
;;;664;24;;si kômen zuo bêder sîten in nôt.
;;;664;25;;man sach die strîte müede komen,
;;;664;26;;dâ von vil dicke ist vernomen,
;;;664;27;;daz si ir kotzen gern werten;
;;;664;28;;si wâren gên strîte die herten.
;;;664;29;;bêdenthalp ez mit schaden stêt.
;;;664;30;;Garel und Gaheriet
;;;665;1;;und roys Melyanz de Barbigol
;;;665;2;;und Jofreit fis Idol,
;;;665;3;;die sint hin ûf gevangen,
;;;665;4;;ê der bêhurt wære ergangen.
;;;665;5;;ouch viengen die von Logrois
;;;665;6;;den herzogen Friam de Fermendois
;;;665;7;;und cuns Ritschart de Navers.
;;;665;8;;der vertet niuwan eines spers;
;;;665;9;;gên wem ouch daz sîn hant gebôt,
;;;665;10;;der viel von im durch tjoste nôt.
;;;665;11;;Artus mit sînes selbes hant
;;;665;12;;vienc den degen wert erkant.
;;;665;13;;dô wurden unverdrozzen
;;;665;14;;die poynder sô geslozzen,
;;;665;15;;des möhte swenden sich der walt.
;;;665;16;;manic tjost ungezalt
;;;665;17;;rêrte ir trunzûne.
;;;665;18;;die werden Britune
;;;665;19;;wâren dâ menlîche zuo wer
;;;665;20;;gên der herzogîn her.
;;;665;21;;Artuses nâchhuote
;;;665;22;;muoste strîtes sîn ze muote.
;;;665;23;;man parrierte si den tac,
;;;665;24;;ê daz diu vluot des hers gelac.
;;;665;25;;ouch solde mîn hêr Gawan
;;;665;26;;der herzoginne gekündet hân,
;;;665;27;;daz ein sîn helfære
;;;665;28;;in ir lande wære;
;;;665;29;;sô enwær des strîtes niht geschehen.
;;;665;30;;dô enwolt ers niht verjehen,
;;;666;1;;ê siz selber sehen mohte.
;;;666;2;;er warp, als ez im tohte,
;;;666;3;;und schuof ouch sîn reise
;;;666;4;;gên Artus dem Brituneise
;;;666;5;;mit tiuren gezelten.
;;;666;6;;nieman mohte engelten,
;;;666;7;;ob er im was unbekant;
;;;666;8;;des milten Gawans hant
;;;666;9;;begunde sô mit willen geben,
;;;666;10;;als er niht lenger wolte leben.
;;;666;11;;sarjande, ritter und vrouwen
;;;666;12;;muosten enpfâhen und schouwen
;;;666;13;;sîne gâbe sô grôzlîche,
;;;666;14;;daz si sprâchen alle glîche,
;;;666;15;;in wære diu wâre helfe komen.
;;;666;16;;nû wart ouch vreude an in vernomen.
;;;666;17;;dô hiez gewinnen der degen wert
;;;666;18;;starke soumære, schœniu pfert,
;;;666;19;;die harnasch al der ritterschaft.
;;;666;20;;sarjande zuo îser grôze kraft
;;;666;21;;aldâ bereit wâren.
;;;666;22;;dô kund er sô gebâren:
;;;666;23;;dô nam mîn hêr Gawan
;;;666;24;;vier werder ritter sunder dan,
;;;666;25;;daz einer kamerære
;;;666;26;;und der ander schenke wære,
;;;666;27;;der dritte truhsæze
;;;666;28;;und der vierde niht vergæze,
;;;666;29;;er wære marschalc. sus warp er,
;;;666;30;;die viere leisten sîne ger.
;;;667;1;;nû lât Artusen stille ligen.
;;;667;2;;Gawans grüezen wart verswigen
;;;667;3;;al den tac; unsanft erz meit.
;;;667;4;;des morgens vruo mit krache reit
;;;667;5;;gên Tschoflanze Artuses her.
;;;667;6;;sîn nâchhuote schuof er zuo wer;
;;;667;7;;dô dise niht vunden strîtes dâ,
;;;667;8;;si kêrten nâch im ûf die slâ.
;;;667;9;;dô nam mîn hêr Gawan
;;;667;10;;sîn ambetliute sunder dan;
;;;667;11;;niht lenger er wolte bîten.
;;;667;12;;sînen marschalc hiez er rîten
;;;667;13;;gên Tschoflanze ûf den plân.
;;;667;14;;"sunder leger wil ich hân.
;;;667;15;;dû sihest daz grôz her dâ ligen.
;;;667;16;;daz ist ouch nû alsô gedigen,
;;;667;17;;ir hêrren wil ich nennen,
;;;667;18;;daz ir den mugt erkennen:
;;;667;19;;ez ist mîn œheim Artus,
;;;667;20;;in des hove und in des hûs
;;;667;21;;ich von kinde bin gezogen.
;;;667;22;;nû schaffet mir vür unbetrogen
;;;667;23;;mîn reise sô mit koste dar,
;;;667;24;;daz mans vür rîcheit neme war,
;;;667;25;;und lât hie ûf unvernomen,
;;;667;26;;daz Artuses her durch mich sî komen."
;;;667;27;;si leisten, waz er in gebôt.
;;;667;28;;des wart Plipalinot
;;;667;29;;dâ nâch unmüezic schiere.
;;;667;30;;kocken und ussiere,
;;;668;1;;seitiez und snecken,
;;;668;2;;mit rotte die quecken
;;;668;3;;beidiu zuo ros und zuo vuoz
;;;668;4;;mit dem marschalc über muoz,
;;;668;5;;sarjande, garzûne,
;;;668;6;;hin nâch dem Britune
;;;668;7;;si kêrten her und dâ
;;;668;8;;mit Gawans marschalke ûf ir slâ.
;;;668;9;;si vuorten ouch, des sît gewis,
;;;668;10;;ein gezelt, daz Ibilis
;;;668;11;;Clynsor durch minne sante,
;;;668;12;;dâ bî manz erkante,
;;;668;13;;ir zweier tougen über lût;
;;;668;14;;si wâren beidiu ein ander trût.
;;;668;15;;dem gezelte was rîcheit unvermiten:
;;;668;16;;mit schære nie bezzer wart gesniten
;;;668;17;;wan einez, daz Isenhartes was.
;;;668;18;;bî Artus sunder ûf ein gras
;;;668;19;;wart diz gezelt ûf geslagen.
;;;668;20;;manic gezelt, hôrt ich sagen,
;;;668;21;;sluoc man drumb an wîten rinc;
;;;668;22;;daz dûhten rîchelîchiu dinc.
;;;668;23;;von Artuse wart vernomen,
;;;668;24;;daz Gawans marschalc wær komen,
;;;668;25;;der herberget ûf dem plân,
;;;668;26;;und der werde Gawan
;;;668;27;;solt ouch komen bî dem tage.
;;;668;28;;daz wart ein gemeiniu sage
;;;668;29;;von alder massenîe.
;;;668;30;;Gawan, der valsches vrîe,
;;;669;1;;von hûse sich rottierte,
;;;669;2;;sîne reise alsô vierte,
;;;669;3;;dâ von ich wunder möhte sagen.
;;;669;4;;manic soumer muoste tragen
;;;669;5;;kappel und kamergewant.
;;;669;6;;manic soum mit harnasch erkant
;;;669;7;;giengen ouch dâr unden,
;;;669;8;;helm oben drûf gebunden
;;;669;9;;bî manegem schilde wol getân.
;;;669;10;;manic schœne kastelân
;;;669;11;;man bî den soumen ziehen sach.
;;;669;12;;ritter und vrouwen hinden nâch
;;;669;13;;riten an ein ander vaste.
;;;669;14;;daz gezoc wol ein raste
;;;669;15;;an der lenge was gemezzen.
;;;669;16;;dône was niht vergezzen,
;;;669;17;;Gawan einen ritter wol gevar
;;;669;18;;immer schuof zuo einer vrouwen clâr.
;;;669;19;;daz wæren kranke sinne,
;;;669;20;;ob die spræchen iht von minne.
;;;669;21;;der Turkoyte Florant
;;;669;22;;zuo einem gesellen wart erkant
;;;669;23;;Seyven von Norwæge.
;;;669;24;;Lyschoys, der gar untræge,
;;;669;25;;reit bî der süezen Kundrie.
;;;669;26;;sîn swester Itonie
;;;669;27;;bî Gawan solte rîten.
;;;669;28;;an den selben zîten
;;;669;29;;Arnyve und diu herzogîn
;;;669;30;;ouch dâ gesellen wolten sîn.
;;;670;1;;nû diz alsô was komen:
;;;670;2;;Gawans rinc was genomen
;;;670;3;;durch Artuses her, al dâ er lac.
;;;670;4;;waz man schouwens dâ pflac!
;;;670;5;;ê diz volc durch si gerite,
;;;670;6;;Gawan durch höveschlîchen site
;;;670;7;;und ouch durch werdeclîchiu dinc
;;;670;8;;hiez bî Artuses rinc
;;;670;9;;die êrsten vrouwen halden.
;;;670;10;;sîn marschalc muoste walden,
;;;670;11;;daz einiu nâher zuo der andern reit.
;;;670;12;;der anderen keiniu dô vermeit,
;;;670;13;;sine hielten sus alumben,
;;;670;14;;hie die wîsen, dort die tumben,
;;;670;15;;bî ieslîcher ein ritter, der ir pflac,
;;;670;16;;der sich dienstes dâr bewac.
;;;670;17;;Artuses rinc, den wîten,
;;;670;18;;man sach an einer sîten
;;;670;19;;mit vrouwen umbevangen.
;;;670;20;;dô wart alrêst enpfangen
;;;670;21;;Gawan, der sælde rîche,
;;;670;22;;ich wæn des, minneclîche.
;;;670;23;;Arnyve, ir tohter und ir kint
;;;670;24;;mit Gawane erbeizet sint
;;;670;25;;und von Logrois diu herzogîn
;;;670;26;;und der herzoge von Gowerzin
;;;670;27;;und der Turkoyte Florant.
;;;670;28;;gên disen liuten wert erkant
;;;670;29;;Artus ûz dem pavelûn gienc,
;;;670;30;;der si dâ vrœlîch enpfienc;
;;;671;1;;als tet diu künigîn, sîn wîp.
;;;671;2;;si enpfiengen Gawans lîp
;;;671;3;;und ander sîn geselleschaft
;;;671;4;;mit getriulîcher liebe kraft.
;;;671;5;;dâ wart manic kus getân
;;;671;6;;von maneger vrouwen wol getân.
;;;671;7;;Artus sprach zuom neven sîn:
;;;671;8;;"wer sint die gesellen dîn?"
;;;671;9;;Gawan sprach: "mîne vrouwen,
;;;671;10;;sol ich si küssende schouwen,
;;;671;11;;daz wære unsanfte bewart;
;;;671;12;;si sint wol bêde von der art."
;;;671;13;;der Turkoyte Florant
;;;671;14;;wart geküsset sân zehant
;;;671;15;;und der herzoge von Gowerzin
;;;671;16;;von Gynovern, der künigîn.
;;;671;17;;si giengen wider in daz gezelt.
;;;671;18;;manegen dûhte, daz daz velt
;;;671;19;;vollez ritter wære.
;;;671;20;;dô warp niht sô der swære
;;;671;21;;Artus spranc ûf ein kastelân.
;;;671;22;;al die vrouwen wol getân
;;;671;23;;und alle die ritter neben in,
;;;671;24;;er reit den rinc al umbe hin.
;;;671;25;;mit zühten Artuses munt
;;;671;26;;si enpfienc an der selben stunt.
;;;671;27;;daz was Gawans wille,
;;;671;28;;daz si alle habten stille,
;;;671;29;;unz daz er danne mit im rite;
;;;671;30;;daz was ein hovelîcher site.
;;;672;1;;Artus erbeizet und gienc dar în.
;;;672;2;;er saz zuo dem neven sîn;
;;;672;3;;den bestuont er sus mit mæren,
;;;672;4;;wer die vier vrouwen wæren.
;;;672;5;;dô huop mîn hêr Gawan
;;;672;6;;an der eltesten alrêst an.
;;;672;7;;sus sprach er zuo dem Britun:
;;;672;8;;"erkant ir Utpandragun,
;;;672;9;;sô ist diz Arnyve, sîn wîp;
;;;672;10;;von den zweien kom iu der lîp.
;;;672;11;;sô ist diz diu muoter mîn,
;;;672;12;;von Norwæge diu künigîn.
;;;672;13;;dise zwô mîn swester sint.
;;;672;14;;nû seht, wie vlætigiu kint!"
;;;672;15;;ein ander küssen dô geschach.
;;;672;16;;vreude und jâmer sach
;;;672;17;;alle, die daz sehen wolten;
;;;672;18;;von der liebe si daz dolten.
;;;672;19;;beidiu lachen und weinen
;;;672;20;;kund ir munt wol bescheinen;
;;;672;21;;von grôzer liebe daz geschach.
;;;672;22;;Artus zuo Gawane sprach:
;;;672;23;;"neve, ich bin des mæres noch vrî,
;;;672;24;;wer diu clâre vrouwe sî."
;;;672;25;;dô sprach Gawan, der kurtois:
;;;672;26;;"ez ist diu künigîn von Logrois,
;;;672;27;;in der gnâde bin ich hie.
;;;672;28;;mir ist gesagt, ir habt gesuochet sie.
;;;672;29;;waz ir des habt genozzen,
;;;672;30;;daz zeiget unverdrozzen.
;;;673;1;;ir möhtz einer witwen wol tuon."
;;;673;2;;Artus sprach: "dîner muomen sun,
;;;673;3;;Gaherieten, si dort hât
;;;673;4;;und Gareln, der ritters tât
;;;673;5;;in manegem poynder worhte.
;;;673;6;;mir wart der unervorhte
;;;673;7;;an mîner sîten genomen.
;;;673;8;;ein unser poynder was sô komen
;;;673;9;;mit hurte unz an ir barbigân.
;;;673;10;;hurte, wie ez dâ wart getân
;;;673;11;;von dem werden Melyanze von Liz!
;;;673;12;;under einer banier wîz
;;;673;13;;ist er hin ûf gevangen.
;;;673;14;;die banier hât enpfangen
;;;673;15;;von zobel ein swarziu strâle
;;;673;16;;mit herzebluotes mâle,
;;;673;17;;nâch mannes kumber gevar.
;;;673;18;;›Lyravoyn' rief al diu schar,
;;;673;19;;die drunder durch strîte riten;
;;;673;20;;die habent den strît hin ûf erstriten.
;;;673;21;;mir ist ouch mîn neve Jofreit
;;;673;22;;hin ûf gevangen, daz ist mir leit.
;;;673;23;;diu nâchhuote was gester mîn;
;;;673;24;;dâ von gedêch mir disiu pîn."
;;;673;25;;der künic sînes schaden vil verjach.
;;;673;26;;diu herzogîn mit zühten sprach:
;;;673;27;;"hêrre, ich sag iuch des lasters buoz.
;;;673;28;;ir enhet mîn keinen gruoz,
;;;673;29;;ir mogt mir schaden hân getân,
;;;673;30;;den ich doch ungedienet hân.
;;;674;1;;sît ir mich besuochet hât,
;;;674;2;;nû lêr iuch got ergetzens rât.
;;;674;3;;in des helfe ir sît geriten,
;;;674;4;;ob der hât mit mir gestriten,
;;;674;5;;dô wart ich âne were erkant
;;;674;6;;und zuor blôzen sîten an gerant.
;;;674;7;;ob der noch strîtes an mich gert,
;;;674;8;;der wirt wol geendet âne swert."
;;;674;9;;zuo Artus sprach dô Gawan:
;;;674;10;;"waz rât ir, ob wir disen plân
;;;674;11;;baz mit rittern überlegen,
;;;674;12;;sît wirz wol getuon megen?
;;;674;13;;ich erwirb ez wol dâ zuor herzogîn,
;;;674;14;;daz die iuweren ledic sollen sîn
;;;674;15;;und daz ir ritterschaft dâ her
;;;674;16;;kumt mit manegem niuwen sper."
;;;674;17;;"des volge ich", sprach Artus.
;;;674;18;;diu herzogîn dô hin zuo ir hûs
;;;674;19;;sant nâch den werden.
;;;674;20;;ich wæne, ûf der erden
;;;674;21;;nie schœner samenunge wart.
;;;674;22;;gên herberge sîner vart
;;;674;23;;Gawan urloubes gerte,
;;;674;24;;des in der künic gewerte.
;;;674;25;;die man mit im komen sach,
;;;674;26;;vuoren dan mit im an ir gemach.
;;;674;27;;sîn herberge rîche
;;;674;28;;stuont sô ritterlîche,
;;;674;29;;daz si was kostebære
;;;674;30;;und der armuot lære.
;;;675;1;;in sîne herberge reit
;;;675;2;;maneger, dem von herzen leit
;;;675;3;;was sîn langez ûzen wesen.
;;;675;4;;nû was ouch Keye genesen
;;;675;5;;bî dem Plymizol der tjost;
;;;675;6;;der pruofte Gawanes kost.
;;;675;7;;er sprach: "mînes hêrren swâger Lot,
;;;675;8;;von dem was uns kein nôt
;;;675;9;;ebenhiuze und sunderringes."
;;;675;10;;dô gedâht er doch des dinges,
;;;675;11;;daz in Gawan dort niht rach,
;;;675;12;;dô im sîn zeswer arm brach.
;;;675;13;;"got mit den liuten wunder tuot:
;;;675;14;;wer gap Gawane der vrouwen luot?",
;;;675;15;;sprach Key in sînem schimpf;
;;;675;16;;daz was gên vreude ein swacher gelimpf.
;;;675;17;;der getriuwe ist vriundes êren vrô;
;;;675;18;;der ungetriuwe 'wâfenô'
;;;675;19;;rüefet, wan ein liebe geschiht
;;;675;20;;sînen vriunden und er daz siht.
;;;675;21;;Gawan pflac sælde und êre.
;;;675;22;;gert ieman vürbaz mêre,
;;;675;23;;war wil der mit gedanken?
;;;675;24;;sô sîn die muotes kranken
;;;675;25;;nîdes und hazzes vol,
;;;675;26;;sô tuot dem ellenthaften wol,
;;;675;27;;waz sînes vriundes strît gestêt,
;;;675;28;;daz schande vlühtic von im gêt.
;;;675;29;;Gawan âne valschen haz
;;;675;30;;menlîcher triuwe niht vergaz.
;;;676;1;;kein unbilde dran geschach,
;;;676;2;;wâ man in bî sælden sach.
;;;676;3;;wie der von Norwæge
;;;676;4;;sînes volkes pflæge,
;;;676;5;;der ritter und der vrouwen?
;;;676;6;;dâ mohte rîcheit schouwen
;;;676;7;;Artus und sîn gesinde
;;;676;8;;von des werden Lotes kinde.
;;;676;9;;si sollen ouch slâfen, dô man geaz;
;;;676;10;;ir ruowens hân ich selten haz.
;;;676;11;;des morgens kam vor tac geriten
;;;676;12;;volc mit werlîchen siten,
;;;676;13;;der herzogîn ritter gar.
;;;676;14;;man nam ir zimierde war
;;;676;15;;al bî dem mânschîne,
;;;676;16;;dâ Artus und die sîne
;;;676;17;;lâgen; durch die zogten sie
;;;676;18;;anderhalp, dâ Gawan hie
;;;676;19;;lac mit wîtem ringe.
;;;676;20;;wer solhe helfe ertwinge
;;;676;21;;mit sîner ellenthafter hant,
;;;676;22;;den mac man hân vür prîs erkant.
;;;676;23;;Gawan sînen marschalc bat
;;;676;24;;in zeigen herberge stat.
;;;676;25;;als der herzoginne marschalc riet,
;;;676;26;;von Logrois diu werde diet
;;;676;27;;manegen rinc wol sunder zierten.
;;;676;28;;ê si geloschierten,
;;;676;29;;ez was wol mitter morgen.
;;;676;30;;hie nâhet ez niuwen sorgen.
;;;677;1;;Artus, der prîs erkante,
;;;677;2;;sîne boten sante
;;;677;3;;zuo Roitschesabins in die stat.
;;;677;4;;den künic Gramoflanz er bat:
;;;677;5;;"sît daz unwendic nû sol sîn,
;;;677;6;;daz er gên dem neven mîn
;;;677;7;;sînen kampf niht wil enbern,
;;;677;8;;des sol in ouch mîn neve wern.
;;;677;9;;bit in gên uns schiere komen,
;;;677;10;;sît sîn gewalt ist sô vernomen,
;;;677;11;;daz erz niht vermîden wil.
;;;677;12;;es wære einem andern manne gar zuo vil."
;;;677;13;;Artuses boten vuoren dan.
;;;677;14;;dô nam mîn hêr Gawan
;;;677;15;;Lyschoysen und Floranden.
;;;677;16;;die von manegen landen
;;;677;17;;minnen soldiere
;;;677;18;;bat er im zeigen schiere,
;;;677;19;;die der herzoginne ûf hôhen solt
;;;677;20;;wâren sô dienstlîchen holt.
;;;677;21;;er reit zuo in und enpfienc si sô,
;;;677;22;;daz alle glîche sprâchen dô,
;;;677;23;;daz der werde Gawan
;;;677;24;;wær ein menlîch, höfsch man.
;;;677;25;;dâ mit kêrt er von in wider.
;;;677;26;;sus warp er tougenlîchen sider:
;;;677;27;;in sîne kamer er gienc,
;;;677;28;;mit harnasch er umbevienc
;;;677;29;;sînen lîp zen selben stunden
;;;677;30;;durch daz, ob sîn wunden
;;;678;1;;sô geheilt wæren,
;;;678;2;;daz die mâsen in niht swæren.
;;;678;3;;er wolt baneken den lîp,
;;;678;4;;sît sô manic man und wîp
;;;678;5;;sînen kampf solde sehen,
;;;678;6;;dâ die wîsen rîter mohten spehen,
;;;678;7;;ob sîn unverzagtiu hant
;;;678;8;;des tages gên prîse würde erkant.
;;;678;9;;einen knaben het er des gebeten,
;;;678;10;;daz er im bræhte Kryngulieten.
;;;678;11;;daz begund er leisieren.
;;;678;12;;er wolt sich môvieren,
;;;678;13;;daz er und daz ros wæren bereit.
;;;678;14;;mir wart sîn reise nie sô leit:
;;;678;15;;alein reit mîn hêr Gawan
;;;678;16;;von dem her verre ûf den plân.
;;;678;17;;gelücke müez es walten!
;;;678;18;;er sach einen ritter halten
;;;678;19;;bî dem wazzer Sabins,
;;;678;20;;den wir wol möhten heizen vlins
;;;678;21;;der menlîchen krefte.
;;;678;22;;er, schûr der ritterschefte,
;;;678;23;;sîn herze valsch nie underswanc;
;;;678;24;;er was des lîbes wol sô kranc,
;;;678;25;;waz man heizet unprîs,
;;;678;26;;daz getruoc er nie keinen wîs
;;;678;27;;halbes vingers lanc noch spanne.
;;;678;28;;von dem selben werden manne
;;;678;29;;mugt ir wol ê hân vernomen:
;;;678;30;;an den rehten stam ist diz mære komen.
;;;679;1;;Aber von dem werden Gawan
;;;679;2;;werlîch jost dâ wart getân;
;;;679;3;;sô vorht ich sîner êre
;;;679;4;;an strîte nie sô sêre.
;;;679;5;;ich solte ouch des andern angest hân.
;;;679;6;;daz wil ich ûz den sorgen lân:
;;;679;7;;er was in strîte eines mannes her.
;;;679;8;;ûz heidenschaft verre über mer
;;;679;9;;wart brâht diu gezierde sîn.
;;;679;10;;noch rœter dan ein rubîn
;;;679;11;;was sîn kursît und des orses kleit.
;;;679;12;;der helt nâch âventiure reit;
;;;679;13;;sîn schilt was gar durchstochen.
;;;679;14;;er hete ouch gebrochen
;;;679;15;;von dem boume, des Gramoflanz
;;;679;16;;huote, einen alsô liehten kranz,
;;;679;17;;daz Gawan daz rîs erkande.
;;;679;18;;dô vorht er die schande,
;;;679;19;;ob sîn der künec dâ hete erbiten.
;;;679;20;;wære der durch strît gein im geriten,
;;;679;21;;sô müese strîten dâ geschehen,
;;;679;22;;soltez niemer vrouwe gesehen.
;;;679;23;;von Munsalvasche wâren sie,
;;;679;24;;beidiu ors, diu alsô hie
;;;679;25;;nâher liezen strîchen
;;;679;26;;ûf den poynder herteclîchen;
;;;679;27;;mit sporn si wurden des ermant.
;;;679;28;;grüene klê, niht stoubic sant
;;;679;29;;stuont touwic, dâ diu jost geschach.
;;;679;30;;mich müet ir beider ungemach.
;;;680;1;;si tâten ir poynder rehte;
;;;680;2;;ûz der jost geslehte
;;;680;3;;wâren si beide samet geborn.
;;;680;4;;wênic gewunnen und vil verlorn
;;;680;5;;hât, wer behaltet dâ den prîs;
;;;680;6;;der klaget doch immer, ist er wîs.
;;;680;7;;gein ein ander stuont ir triuwe,
;;;680;8;;der dewederiu alt noch niuwe
;;;680;9;;dürkel scharte nie entvienc.
;;;680;10;;nû hœret, wie diu jost ergienc:
;;;680;11;;herteclîche und doch alsô,
;;;680;12;;si mohtens beide sîn unvrô.
;;;680;13;;erkantiu sippe und hôch geselleschaft
;;;680;14;;was dâ mit hazlîcher kraft
;;;680;15;;durch scharpfen strît zuo ein ander komen.
;;;680;16;;von swederm dâ wirt der prîs genomen,
;;;680;17;;des vreude ist umb sorge pfant.
;;;680;18;;die jost brâhte ietweders hant,
;;;680;19;;daz die mâge und die gesellen
;;;680;20;;ein ander muosen vellen
;;;680;21;;mit orsen betalle nider.
;;;680;22;;alsus wurben si dô sider.
;;;680;23;;ez wart al dâ verzwicket,
;;;680;24;;mit swerten verbicket.
;;;680;25;;schildes schirben und daz grüene gras
;;;680;26;;ein glîchiu temperîe was,
;;;680;27;;sît si begunden strîten.
;;;680;28;;si muosen scheidens bîten
;;;680;29;;al zuo lange; si begundens vruo.
;;;680;30;;dân greif eht nieman scheidens zuo.
;;;681;1;;Dân was nieman dan sie.
;;;681;2;;wolt ir nû vürbaz hœren, wie
;;;681;3;;an den selben stunden
;;;681;4;;Artuses boten vunden
;;;681;5;;den künec Gramoflanz mit her?
;;;681;6;;ûf dem plân bî dem mer:
;;;681;7;;einhalp vlôz der Sabins
;;;681;8;;und anderhalp der Poynzaclins;
;;;681;9;;diu zwei wazzer vluzzen dâ,
;;;681;10;;der plân was vester anderswâ.
;;;681;11;;Roitschesabins dort,
;;;681;12;;diu houbetstat, den werden ort
;;;681;13;;begreif mit mûren und mit graben
;;;681;14;;und manegen turn hôch erhaben.
;;;681;15;;des heres loschieren was getân
;;;681;16;;wol mîlen lanc ûf dem plân
;;;681;17;;und ouch wol halber mîlen breit.
;;;681;18;;Artuses boten widerreit
;;;681;19;;manec rîter unbekant,
;;;681;20;;turkopel und manec sarjant
;;;681;21;;zuo îsene und mit lanzen.
;;;681;22;;die begunden swanzen
;;;681;23;;under maneger baniere,
;;;681;24;;manegiu grôze rote schiere.
;;;681;25;;von busînen was dâ krach.
;;;681;26;;daz her man sich gar regen sach;
;;;681;27;;die wolten an den zîten
;;;681;28;;gein Tschoflanze rîten.
;;;681;29;;von vrouwen zoume klingâ klinc,
;;;681;30;;des küneges Gramoflanzes rinc
;;;682;1;;was mit vrouwen al umbehalten.
;;;682;2;;kan ich nû mære walten,
;;;682;3;;ich sage, wer durch in dâ was
;;;682;4;;geherberget ûf daz gras
;;;682;5;;und an sîne samenunge komen.
;;;682;6;;hât ir daz ê iht vernomen,
;;;682;7;;lât michz iu machen kunt:
;;;682;7;1;
;;;682;8;;ûz der vesten stat von Punt
;;;682;9;;brâht im der werde œheim sîn,
;;;682;10;;der künec Brandelidelin,
;;;682;10;1;
;;;682;11;;viere hundert clârer vrouwen;
;;;682;12;;der ieglîchiu mohte schouwen
;;;682;13;;gewâpent dâr ir âmîs
;;;682;14;;durch rîterschaft und durch prîs.
;;;682;15;;die werden Punterteise
;;;682;16;;wâren wol an dirre reise.
;;;682;17;;dâ was, welt ir gelouben mirs,
;;;682;18;;der clâre Bernuot von Rivirs;
;;;682;19;;des rîcher vater Narant
;;;682;20;;het im verlâzen Uckerlant.
;;;682;21;;der brâht im mit kocken ûf dem mer
;;;682;22;;ein alsô kreftigez her,
;;;682;23;;dem man dâ rehter varwe jach
;;;682;24;;und anders dâ von sprach.
;;;682;25;;der wâren viere hundert
;;;682;26;;zuo megden dâ ûz gesundert;
;;;682;27;;viere hundert heten dâ ir man,
;;;682;28;;ob ich ez geprüeven rehte kan.
;;;682;29;;Bernuot fiz cons Narant,
;;;682;30;;vünf hundert rîter wert erkant
;;;683;1;;mit im dar komen wâren,
;;;683;2;;die vîende kunden vâren.
;;;683;3;;sus wolte der künec Gramoflanz
;;;683;4;;mit kampfe rechen sînen kranz,
;;;683;5;;daz ez vil liute sæhe
;;;683;6;;und wem man dâ prîses jæhe.
;;;683;7;;vürsten ûz sînem rîche
;;;683;8;;mit rîtern wirdeclîche
;;;683;9;;dâ wâren und mit vrouwen schar.
;;;683;10;;man sach dâ liute wol gevar.
;;;683;11;;Artuses boten kômen hie;
;;;683;12;;die vunden den künec, nû hœret wie:
;;;683;13;;von palmât dicke ein matraz
;;;683;14;;lac under dem künege, dâ er saz,
;;;683;15;;dar ûf gesteppet ein pfelle breit.
;;;683;16;;juncvrouwen clâr und gemeit,
;;;683;17;;die schuoheten îserkolzen
;;;683;18;;an den künec stolzen.
;;;683;19;;ein pfelle gap kostlîchen prîs,
;;;683;20;;geworht in Coydomis,
;;;683;21;;breit und dar zuo lanc,
;;;683;22;;hôhe ob im durch schate swanc,
;;;683;23;;an zwelf schefte genomen.
;;;683;24;;Artuses boten wâren komen;
;;;683;25;;zuo dem, der hôchverte hort
;;;683;26;;truoc, si sprâchen disiu wort:
;;;683;27;;"Hêrre, uns hât dâ her gesant
;;;683;28;;Artus, der dâ vür erkant
;;;683;29;;was, daz er prîs etswan truoc.
;;;683;30;;er hete ouch wirdecheit genuoc,
;;;684;1;;die welt ir ime verkrenken.
;;;684;2;;wie moget ir des gedenken,
;;;684;3;;daz ir gein sîner swester sun
;;;684;4;;soliche ungevuoge wolt tuon?
;;;684;5;;het iu der werde Gawan
;;;684;6;;noch grœzer herzeleit getân,
;;;684;7;;er möhte der tavelrunder
;;;684;8;;ie doch geniezen sunder,
;;;684;9;;wan in geselleschefte wernt
;;;684;10;;alle, die dâr über pflihte gernt."
;;;684;11;;der künec sprach: "den gelobeten strît
;;;684;12;;mîn unverzagetiu hant sô gît,
;;;684;13;;daz ich Gawanen bî disem tage
;;;684;14;;gein prîse oder gein laster sage.
;;;684;15;;ich hân mit wârheit vernomen,
;;;684;16;;der künec sî mit sturme komen
;;;684;17;;und des wîp, diu künegîn;
;;;684;18;;diu sol hie willekomen sîn.
;;;684;19;;ob diu arge herzoginne
;;;684;20;;gein mir râte unminne,
;;;684;21;;ir kint, daz solt ir understân.
;;;684;22;;hie enmac niht anders ane ergân,
;;;684;23;;wan daz ich den kampf leisten wil.
;;;684;24;;ich hân doch rîter wol sô vil,
;;;684;25;;daz ich gewalt entsitze niht.
;;;684;26;;waz mir von einer hant geschiht,
;;;684;27;;die nôt wil ich lîden.
;;;684;28;;solt ich nû vermîden,
;;;684;29;;des ich mich vermezzen hân,
;;;684;30;;sô wolt ich dienst nâch minne lân.
;;;685;1;;in die gnâde ich hân gegeben
;;;685;2;;alle mîn vreude und al mîn leben.
;;;685;3;;got weiz wol, ob er ir genôz,
;;;685;4;;wan mich des ie verdrôz
;;;685;5;;strîtes gein eime man,
;;;685;6;;wan daz der werde Gawan
;;;685;7;;den lîp hât geurbort sô,
;;;685;8;;kampfes bin ich gein im vrô.
;;;685;9;;sus nidert sich mîn manheit;
;;;685;10;;sô swachen strît ich nie gestreit.
;;;685;11;;ich hân gestriten, giht man mir
;;;685;12;;- ob ir gebiet, des vrâget ir -,
;;;685;13;;gein liuten, die des mîner hant
;;;685;14;;jâhen, si wære vür prîs erkant.
;;;685;15;;ine bestuont nie einen lîp.
;;;685;16;;ez ensoln loben niht diu wîp,
;;;685;17;;ob ich den sig hiute erhol.
;;;685;18;;mir tuot in dem herzen wol,
;;;685;19;;mir ist gesaget, si sî von banden erlân,
;;;685;20;;durch die der kampf wirt getân.
;;;685;21;;Artus, der erkante hêrre,
;;;685;22;;sô manec vremediu terre
;;;685;23;;zuo sîme gebote ist vernomen.
;;;685;24;;si ist lîhte her mit im komen,
;;;685;25;;durch die ich vreude und nôt
;;;685;26;;in ir gebot unz an mînen tôt
;;;685;27;;dienstlîche wil bringen.
;;;685;28;;wâ möhte mir baz gelingen,
;;;685;29;;ob mir diu sælde sol geschehen,
;;;685;30;;daz si mîn dienst geruochet sehen?"
;;;686;1;;Vrou Bene under des küneges arme saz;
;;;686;2;;diu liez den kampf gar âne haz.
;;;686;3;;si hete des küneges manheit
;;;686;4;;sô vil gesehen, dô er streit,
;;;686;5;;daz si ez wolte ûz den sorgen lân.
;;;686;6;;wiste aber si, daz Gawan
;;;686;7;;ir vrouwen bruoder wære
;;;686;8;;und daz disiu strenge mære
;;;686;9;;ûf ir hêrren wære gezogen,
;;;686;10;;si wære an vreuden dô betrogen.
;;;686;11;;si brâht dem künege ein vingerlîn,
;;;686;12;;daz Itonie, diu junge künegîn,
;;;686;13;;im durch minne hete gesant,
;;;686;14;;daz ir bruoder wert erkant
;;;686;15;;brâhte über den Sabins.
;;;686;16;;Bene ûf dem Poynzaclins
;;;686;17;;kam in eime seitiez.
;;;686;18;;disiu mære si niht liez:
;;;686;19;;"von Tschahtel Marvele gevarn
;;;686;20;;ist mîn vrouwe mit vrouwen scharn."
;;;686;21;;si mante in triuwe und êre
;;;686;22;;von ir vrouwen mêre,
;;;686;23;;dan ie kint manne enbôt,
;;;686;24;;und daz er dæhte an ir nôt,
;;;686;25;;sît si vür alle gewinne
;;;686;26;;dienst büte nâch sîner minne.
;;;686;27;;Daz machte den künec hôch gemuot.
;;;686;28;;unrehte er Gawane doch tuot.
;;;686;29;;soltich engelten der swester mîn,
;;;686;30;;ich wolte ê âne swester sîn.
;;;687;1;;man truoc sîn zimierde dar
;;;687;2;;von rîcher kost und sô gevar,
;;;687;3;;wen ie diu minne des betwanc,
;;;687;4;;daz er nâch wîbes lône ranc,
;;;687;5;;ez wære Gahmuret oder Galoes
;;;687;6;;oder der künec Galicrates,
;;;687;7;;der dekeiner dorfte sînen lîp
;;;687;8;;baz zimieren durch diu wîp.
;;;687;9;;von Hypipotiticon
;;;687;10;;oder ûz der wîten Acraton
;;;687;11;;oder von Galomidente
;;;687;12;;oder von Agatirsente
;;;687;13;;wart nie bezzer pfelle brâht,
;;;687;14;;dan des zuo der zimierde wart gedâht.
;;;687;15;;dô kuster daz vingerlîn,
;;;687;16;;daz Itonie, diu junge künegîn,
;;;687;17;;im durch minne sante.
;;;687;18;;ir triuwe er sô bekante:
;;;687;19;;hæte iener kumber in bevilt,
;;;687;20;;dâ engein was ir minne ein schilt.
;;;687;21;;Der künec was gewâpent nuo.
;;;687;22;;zwelf juncvrouwen griffen zuo
;;;687;23;;ûf schœnen runzîden,
;;;687;24;;die ensolten des niht mîden,
;;;687;25;;diu clâre geselleschaft,
;;;687;26;;ieglîchiu het an einen schaft
;;;687;27;;den tiuren pfelle genomen,
;;;687;28;;dar under der künec wolte komen;
;;;687;29;;den vuorten si durch schaten dan
;;;687;30;;ob dem strît gernden man.
;;;688;1;;niht zuo kranc zwei vröuwelîn,
;;;688;2;;diu truogen dâ den besten schîn,
;;;688;3;;under des küneges stracken armen riten.
;;;688;4;;dô wart niht langer dâ gebiten:
;;;688;5;;Artuses boten vuoren dan
;;;688;6;;und kâmen hin, dâ Gawan
;;;688;7;;ûf ir widerreise streit.
;;;688;8;;dô enwart den kinden nie sô leit,
;;;688;9;;die schrouwen lûte umb sîn nôt,
;;;688;10;;wan in ir triuwe daz gebôt.
;;;688;11;;ez was vil nâch alsô komen,
;;;688;12;;daz den sic dâ hete genomen
;;;688;13;;Gawans kampfgenôz.
;;;688;14;;des kraft was über in sô grôz,
;;;688;15;;daz Gawan, der werde degen,
;;;688;16;;des siges sich hete nâch verpflegen,
;;;688;17;;wan daz in klagende nanten
;;;688;18;;kint, dô si in erkanten.
;;;688;19;;Der was sînes strîtes wer,
;;;688;20;;der verbar gein im strîtes ger.
;;;688;21;;ûz der hende er verre warf daz swert.
;;;688;22;;"unsælic und unwert
;;;688;23;;bin ich", sprach der vremede gast.
;;;688;24;;"aller sælden mir gebrast,
;;;688;25;;daz mîner geunêrter hant
;;;688;26;;dirre strît ie wart bekant.
;;;688;27;;daz was mîner ungevuoge zuo vil.
;;;688;28;;schuldic ich mich geben wil.
;;;688;29;;hie trat mîn ungelücke vür
;;;688;30;;und schiet mich von der sælden kür.
;;;689;1;;sus sint diu alten wâpen mîn
;;;689;2;;ê dicke und aber worden schîn,
;;;689;3;;daz ich gein dem werden Gawan
;;;689;4;;alhie mit strîte hân getân.
;;;689;5;;ich hân mich selber überstriten
;;;689;6;;und ungelückes hie erbiten.
;;;689;7;;dô des strîtes wart begunnen,
;;;689;8;;dô was mir sælde ertrunnen."
;;;689;9;;Gawan die klage hôrte und sach;
;;;689;10;;hin zuo sîme kampfgenôz er sprach:
;;;689;11;;"owê, hêrre, wer sît ir?
;;;689;12;;ir sprechet gnædeclîche zuo mir.
;;;689;13;;wan wære diu rede ê geschehen,
;;;689;14;;die wîl ich krefte mohte jehen,
;;;689;15;;sô enwære ich niht von prîse komen.
;;;689;16;;ir hât den prîs alhie genomen.
;;;689;17;;ich hete iuwer gerne künde,
;;;689;18;;wâ ich her nâch vünde
;;;689;19;;mînen prîs, ob ich den suochte.
;;;689;20;;die wîl es mîn sælde ruochte,
;;;689;21;;sô gestreit ich wol einer hant."
;;;689;22;;"neve, ich tuon mich dir bekant
;;;689;23;;dienstlîche alliu mâl:
;;;689;24;;ich bin ez, dîn neve Parcifal."
;;;689;25;;Gawan sprach: "sô ist ez reht.
;;;689;26;;hie ist krumbiu tumpheit worden sleht.
;;;689;27;;hie hânt zwei herze einvalt
;;;689;28;;mit hazze erzeiget ir gewalt.
;;;689;29;;dîn hant uns beide überstreit;
;;;689;30;;lâz dir ez sîn durch uns beide leit.
;;;690;1;;dû hâst dir selber an gesiget,
;;;690;2;;ob dîn herze triuwen pfliget."
;;;690;3;;Dô disiu rede was getân,
;;;690;4;;dô enmohte mîn hêr Gawan
;;;690;5;;vor unkraft niht langer stân.
;;;690;6;;er begunde swindelnde gân,
;;;690;7;;wan im daz houbet erschellet was;
;;;690;8;;si sâzen nider ûf daz gras.
;;;690;9;;Artuses junchêrrelîn
;;;690;10;;spranc einez an den rücke sîn.
;;;690;11;;dô bant im daz süeze kint
;;;690;12;;den helm abe und swanc den wint
;;;690;12;1;under sîne ougen
;;;690;12;2;mit eime huote tougen.
;;;690;13;;der selbe was pfæwîn wîz.
;;;690;14;;dirre junchêrrelîn vlîz
;;;690;15;;lêrte Gawanen niuwe kraft.
;;;690;16;;ûz beiden hern geselleschaft
;;;690;17;;mit sturme kômen hie und dort,
;;;690;18;;ietweder her an sînen ort,
;;;690;19;;dâ ir zil wâren gestôzen
;;;690;20;;mit gespiegelten ronen grôzen.
;;;690;21;;Gramoflanz die kost gap
;;;690;22;;durch sînes kampfes urhap.
;;;690;23;;der boume hundert wâren
;;;690;24;;mit liehten blicken clâren.
;;;690;25;;dâ ensolte nieman zwischen komen.
;;;690;26;;die stuonden, sus hân ich ez vernomen,
;;;690;27;;vierzic poynder von ein ander
;;;690;28;;mit liehtem blicke glander,
;;;690;29;;vünfzic ietweder sît.
;;;690;30;;dâ enzwischen solte ergân der strît.
;;;691;1;;daz her ûzwendic solte haben,
;;;691;2;;als ez schiede mûren und graben.
;;;691;3;;des heten hantvriden getân
;;;691;4;;Gramoflanz und Gawan.
;;;691;5;;gein disem gelobeten strîte
;;;691;6;;manegiu rote kam bezîte,
;;;691;7;;daz si von beiden hern sæhen,
;;;691;8;;wem si dâ prîses jæhen.
;;;691;9;;si wunderte ouch sêre, wer dâ strite
;;;691;10;;mit alsô strîtlîchem site
;;;691;11;;oder wie des strîtes dâ wære gedâht,
;;;691;12;;wan ietweder sîte her hete brâht
;;;691;13;;sînen kempfen in den rinc;
;;;691;14;;ez dûhte si wunderlîchiu dinc,
;;;691;15;;daz dirre kampf wart getân
;;;691;16;;ûf dem bluomvarwen plân.
;;;691;17;;Dô kam der künec Gramoflanz;
;;;691;18;;der wolte ouch rechen sînen kranz.
;;;691;19;;der vriesch wol dô, daz was geschehen
;;;691;20;;ein kampf, daz nie wart gesehen
;;;691;21;;herter strît mit swerten.
;;;691;22;;die des ein ander werten,
;;;691;23;;die tâten ez âne schulde gar.
;;;691;24;;Gramoflanz ûz sîner schar
;;;691;25;;zuo dem kampfmüeden reit.
;;;691;26;;herzeclîche er klagete ir leit.
;;;691;27;;Gawan was ûf gesprungen,
;;;691;28;;dem wâren die lide erswungen.
;;;691;29;;hie stuonden dise zwêne.
;;;691;30;;nû was ouch vrou Bene
;;;692;1;;mit dem künege in den rinc geriten,
;;;692;2;;al dâ der kampf was erliten.
;;;692;3;;diu sach Gawanen kreftelôs,
;;;692;4;;den si vor aller der werlde erkôs
;;;692;5;;zuo der hœhesten vreuden krône.
;;;692;6;;mit herzen jâmers dône
;;;692;7;;si schrei, von dem pferde si spranc,
;;;692;8;;mit armen si in vaste umbeswanc.
;;;692;9;;si sprach: "vervluochet sî diu hant,
;;;692;10;;diu disen kumber hât erkant
;;;692;11;;gemachet an iuwerme lîbe clâr,
;;;692;12;;bî allen mannen, daz ist wâr,
;;;692;13;;iuwer varwe ein manlîch spiegel was."
;;;692;14;;si sazt in nider ûf daz gras;
;;;692;15;;ir weinen wênic wart verdaget.
;;;692;16;;dô streich im diu süeze maget
;;;692;17;;von den ougen bluot und sweiz;
;;;692;18;;in dem harnasch was im heiz.
;;;692;19;;Der künec Gramoflanz sprach:
;;;692;20;;"Gawan, mir ist leit dîn ungemach,
;;;692;21;;ez enwære mit mîner hant getân.
;;;692;22;;wiltû morne gein mir ûf den plân
;;;692;23;;her wider komen durch strîten,
;;;692;24;;ich wil dîn gerne bîten.
;;;692;25;;ich bestüende gerner nû ein wîp
;;;692;26;;dan dînen kreftelôsen lîp.
;;;692;27;;waz prîses möht ich an dir bejagen,
;;;692;28;;ich enhôrte dich baz gein kreften sagen?
;;;692;29;;nû ruowe hînt, des ist dir nôt,
;;;692;30;;wilt dû rechen den künec Lot."
;;;693;1;;dô truoc der junge Parcifal
;;;693;2;;niender müede lide und bluotigiu mâl.
;;;693;3;;er hete an den stunden
;;;693;4;;sînen helm abe gebunden,
;;;693;5;;dô in der werde künec sach,
;;;693;6;;zuo dem er zühteclîche sprach:
;;;693;7;;"hêrre, waz mîn neve Gawan
;;;693;8;;gein iuwern hulden hât getân,
;;;693;9;;dâ vür lât mich wesen pfant.
;;;693;10;;ich trage noch werlîche hant.
;;;693;11;;sol er gein iu zuo kampfe stân,
;;;693;12;;hêrre, den lât an mir ergân."
;;;693;13;;Der wirt ûz Roitschesabins
;;;693;14;;sprach: "hêrre, er gît mir morgen zins.
;;;693;15;;der stêt zuo gelte vür mînen kranz,
;;;693;16;;daz sîn prîs wirt hôch und ganz
;;;693;17;;oder der mîne gejaget an die stat,
;;;693;18;;dâ ich trit in lasters pfat.
;;;693;19;;ir moget wol anders sîn ein helt,
;;;693;20;;dirre kampf ist iu doch niht erwelt."
;;;693;21;;dô sprach vrou Benen munt
;;;693;22;;zuo dem künege: "ir ungetriuwer hunt!
;;;693;23;;iuwer herze in sînen handen liget,
;;;693;24;;dâr iuwer herze hazzes pfliget.
;;;693;25;;war hât ir iuch durch minne ergeben?
;;;693;26;;diu muoz doch sîner gnâden leben.
;;;693;27;;ir saget iuch selber sigelôs.
;;;693;28;;diu minne ir reht an iu verlôs:
;;;693;29;;getruoget ir ie minne,
;;;693;30;;diu was mit valscheme sinne."
;;;694;1;;Dô des zornes vil geschach,
;;;694;2;;der künec zuo vrô Benen sunder sprach;
;;;694;3;;die bat er: "vrouwe, zürne niht,
;;;694;4;;daz der kampf von mir geschiht,
;;;694;5;;und belîp hie bî dem hêrren dîn
;;;694;6;;und sage Itonien, der swester sîn,
;;;694;7;;ich sî vür wâr ir dienstman
;;;694;8;;und wil ir dienen, waz ich kan."
;;;694;9;;dô vrou Bene daz gehôrte
;;;694;10;;mit wærlîchem worte,
;;;694;11;;daz ir hêrre ir vrouwen bruoder was,
;;;694;12;;der dâ solte strîten ûf dem gras,
;;;694;13;;dô zugen ir jâmers ruoder
;;;694;14;;an ir herze wol ein vuoder
;;;694;15;;der herzeclîchen riuwe,
;;;694;16;;wan si pflac herzen triuwe.
;;;694;17;;si sprach: "vart hin, vervluochter man!
;;;694;18;;ir sît, der triuwe nie gewan."
;;;694;19;;der künec reit dan und die sîn.
;;;694;20;;Artuses junchêrrelîn
;;;694;21;;viengen diu ors disen zwein.
;;;694;22;;an den orsen sunder kampf ouch schein.
;;;694;23;;Gawan und Parcifal
;;;694;24;;und vrou Bene, diu lieht gemâl,
;;;694;25;;riten dannen gein ir her.
;;;694;26;;Parcifal mit mannes wer
;;;694;27;;hete den prîs behalten sô,
;;;694;28;;si wâren sîner künfte vrô;
;;;694;29;;die in komen sâhen,
;;;694;30;;des prîses si im alle jâhen.
;;;695;1;;Ich sage mêre, ob ich kan:
;;;695;2;;nû sprâchen von diseme einen man
;;;695;3;;in beiden hern die wîsen,
;;;695;4;;daz si begunden prîsen
;;;695;5;;sîne rîterlîche tât:
;;;695;6;;"der dâ den prîs genomen hât,
;;;695;7;;wolt ir es jehen, daz ist Parcifal."
;;;695;8;;der was doch sô lieht gemâl,
;;;695;9;;ez enwart nie rîter baz getân,
;;;695;10;;des jâhen wîp und man,
;;;695;11;;dô in Gawan brâhte,
;;;695;12;;der des hin zuo im gedâhte,
;;;695;13;;daz er in hiez kleiden.
;;;695;14;;dô truoc man dar in beiden
;;;695;15;;von tiurer koste glîch gewant.
;;;695;16;;über al daz mær wart bekant,
;;;695;17;;daz Parcifal dâ wære komen,
;;;695;18;;von dem sô dicke was vernomen,
;;;695;19;;daz er hôhen prîs bejagete;
;;;695;20;;vür wâr daz man sagete.
;;;695;21;;Gawan sprach: "wilt dû schouwen
;;;695;22;;dînes künnes viere vrouwen
;;;695;23;;und ander vrouwen wol gevar,
;;;695;24;;sô gên ich gerne mit dir dar."
;;;695;25;;dô sprach Gahmuretes kint:
;;;695;26;;"ob hie werde vrouwen sint,
;;;695;27;;den soltû mich unêren niht.
;;;695;28;;ein ieclîchiu mich ungerne siht,
;;;695;29;;diu bî dem Plymizol hât gehôrt
;;;695;30;;von mir valschiu wort.
;;;696;1;;got müeze ir wîplîche êre sehen.
;;;696;2;;ich wil mîner vrouwen sælde jehen;
;;;696;3;;ich schame mich noch sô sêre,
;;;696;4;;ungerne ich gein in kêre."
;;;696;5;;"ez muoz doch sîn", sprach Gawan.
;;;696;6;;er vuorte Parcifaln dan,
;;;696;7;;dâ in kusten viere künegîn.
;;;696;8;;die herzoginne ez lêrte pîn,
;;;696;9;;daz si den küssen solte,
;;;696;10;;der doch ir gruozes niht enwolte,
;;;696;11;;dô si ir lant und minne im bôt
;;;696;12;;- des wart si hie von schame rôt -,
;;;696;13;;dô er vor Logrois gestreit
;;;696;14;;und si sô verre nâch im gereit.
;;;696;15;;Parcifal, der clâre,
;;;696;16;;wart des âne vâre
;;;696;17;;überparlieret.
;;;696;18;;ez wart gecundwieret
;;;696;19;;alliu schame ûz sîme herzen dô.
;;;696;20;;âne blœdekeit wart er vrô.
;;;696;21;;Gawan mit rehten schulden
;;;696;22;;gebôt bî sînen hulden
;;;696;23;;vrou Bene, daz ir süezer munt
;;;696;24;;Itonien daz niht tæte kunt,
;;;696;25;;"daz mich der künec Gramoflanz
;;;696;26;;sus hazzet umb sînen kranz
;;;696;27;;und daz wir morne ein ander strît
;;;696;28;;soln geben zuo rehter kampfzît.
;;;696;29;;mîner swester solt dû des niht sagen
;;;696;30;;und solt dîn weinen gar verdagen".
;;;697;1;;Si sprach: "ich mac wol weinen
;;;697;2;;und mîne klage erscheinen,
;;;697;3;;wan iuwer weder dâ geliget,
;;;697;4;;nâch dem mîn vrouwe jâmers pfliget;
;;;697;5;;diu ist zuo beider sîte erslagen.
;;;697;6;;ich muoz mich und mîne vrouwen klagen.
;;;697;7;;waz hilfet, daz ir ir bruoder sît?
;;;697;8;;mit ir herzen wolt ir vehten strît."
;;;697;9;;daz her was gar gezoget în.
;;;697;10;;Gawane und den gesellen sîn
;;;697;11;;was ir ezzen allez bereit.
;;;697;12;;mit der herzoginne gemeit
;;;697;13;;Parcifal solte ezzen.
;;;697;14;;an dem wart niht vergezzen:
;;;697;15;;Gawan bevalch in ir.
;;;697;16;;si sprach: "wolt ir bevelhen mir
;;;697;17;;den, der der vrouwen gespotten kan?
;;;697;18;;wie sol ich gepflegen disses man?
;;;697;19;;doch dien ich im durch iuwer gebot;
;;;697;20;;ich enruoche, ob er ez nimt vür spot."
;;;697;21;;dô sprach Gahmuretes suon:
;;;697;22;;"vrouwe, ir wolt gewalt nû tuon.
;;;697;23;;sô wîse erkenne ich mînen lîp:
;;;697;24;;er mîdet spotten aller wîp."
;;;697;25;;ob ez dâ was, man gap im genuoc,
;;;697;26;;mit grôzer zuht man ez vür si truoc.
;;;697;27;;maget, man und wîp mit vreuden az.
;;;697;28;;Itonie des niht vergaz,
;;;697;29;;si enmarhte an Benen ougen,
;;;697;30;;daz diu weineten tougen.
;;;698;1;;dô wart ouch si nâch jâmer var,
;;;698;2;;ir süezer munt meit ezzen gar.
;;;698;3;;si gedâhte: "waz tuot Bene hie?
;;;698;4;;nû hete ich doch gesendet sie
;;;698;5;;zuo dem, der dort mîn herze treget,
;;;698;6;;daz mich doch hie unsanfte reget.
;;;698;7;;waz ist an mir gerochen?
;;;698;8;;hât der künec versprochen
;;;698;9;;mîn dienst und mîne minne?
;;;698;10;;sîn getriuwen, manlîche sinne
;;;698;11;;mogen hie niht mê erwerben,
;;;698;12;;wan daz muoz ersterben
;;;698;13;;mîn armer lîp, den ich hie trage,
;;;698;14;;nâch im mit herzeclîcher klage".
;;;698;15;;Dô man des ezzens dâ verpflac,
;;;698;16;;dô was ez über den mittentac.
;;;698;17;;Artus und daz wîp sîn,
;;;698;18;;vrou Gynover, diu künegîn,
;;;698;19;;mit rîtern und mit vrouwen schar
;;;698;20;;riten, dâ der wol gevar
;;;698;21;;saz bî werder vrouwen diet.
;;;698;22;;Parcifals entvâhen geriet;
;;;698;23;;manege clâre vrouwen
;;;698;24;;muos er sich küssen schouwen.
;;;698;25;;Artus bôt im êre
;;;698;26;;und danket im des vil sêre,
;;;698;29;;daz er den prîs vür alle man
;;;698;30;;von rehten schulden solte hân
;;;698;27;;und daz sîne hôhiu wirdecheit
;;;698;28;;was sô lanc und sô breit.
;;;699;1;;der Waleis zuo Artuse sprach:
;;;699;2;;"hêrre, dô ich iuch jungest sach,
;;;699;3;;dô wart ûf die êre mir gerant.
;;;699;4;;von prîse ich gap sô hôhiu pfant,
;;;699;5;;daz ich was nâch von prîse komen.
;;;699;6;;nû hân ich, hêrre, an iu vernomen,
;;;699;7;;ob ir mir ez saget âne vâr,
;;;699;8;;daz prîs ein teil an mir hât wâr.
;;;699;9;;wie unsanfte ich daz gelerne,
;;;699;10;;ich geloubete ez iu doch gerne,
;;;699;11;;wolt ez gelouben ander diet,
;;;699;12;;von den ich mich schamende schiet."
;;;699;13;;die dâ sâzen, die jâhen sîner hant,
;;;699;14;;si hete den prîs über alliu lant
;;;699;15;;mit sô hôhem prîse erworben,
;;;699;16;;daz si prîses wære unverdorben.
;;;699;17;;Der herzoginne rîter gar
;;;699;18;;kâmen, dâ der wol gevar
;;;699;19;;Parcifal bî Artuse saz.
;;;699;20;;der werde künec niht vergaz:
;;;699;21;;er entvienc si in des wirtes hûs,
;;;699;22;;der stolze künec Artus,
;;;699;23;;wie wît wære Gawans gezelt,
;;;699;24;;er saz dar vür ûf daz velt;
;;;699;25;;si sâzen umb an den rinc.
;;;699;26;;sich samenten unkundiu dinc.
;;;699;27;;wer jener und dirre wære,
;;;699;28;;daz würden wîtiu mære,
;;;699;29;;solte der kristen und der Sarrazin
;;;699;30;;kuntlîche dâ genennet sîn.
;;;700;1;;wer was Clynsors her?
;;;700;2;;wer wâren, die sô wol zuo wer
;;;700;3;;vor Logrois sô dicke riten,
;;;700;4;;daz si durch Orgelusen striten?
;;;700;5;;wer wâren, die brâhte Artus,
;;;700;6;;der alle ir lant und ir hûs
;;;700;7;;kuntlîche solte nennen?
;;;700;8;;müelîche si wæren zuo erkennen.
;;;700;9;;si sprâchen alle gemeine,
;;;700;10;;daz Parcifal aleine
;;;700;11;;vor ûz trüege sô clâren lîp,
;;;700;12;;den gerne möhten minnen wîp,
;;;700;13;;und waz zuo hôhem prîse züge,
;;;700;14;;daz in des wirdecheit iht trüge.
;;;700;15;;Ûf stuont Gahmuretes kint.
;;;700;16;;er sprach: "alle, die hie sint,
;;;700;17;;sitzet stille und helfet mir,
;;;700;18;;des ich harte unsanfte enbir.
;;;700;19;;mich schiet von tavelrunder
;;;700;20;;ein verholnbærez wunder.
;;;700;21;;die mir dar über gâben geselleschaft,
;;;700;22;;helfet mir geselleclîcher kraft
;;;700;23;;noch dar über." des er gerte,
;;;700;24;;Artus in schône werte.
;;;700;25;;einer andern bete er dô bat
;;;700;26;;- mit wênic liuten er sunder trat -,
;;;700;27;;daz Gawan gæbe im den strît,
;;;700;28;;den er zuo rehter kampfzît
;;;700;29;;des morgens solte strîten.
;;;700;30;;"ich wil sîn dâ gerne bîten,
;;;701;1;;der dâ heizet der künec Gramoflanz.
;;;701;2;;von sîme boume ich einen kranz
;;;701;3;;brach hiute morgen vruo,
;;;701;4;;daz er mir strîtes muote zuo.
;;;701;5;;ich kam durch anders niht in sîn lant,
;;;701;6;;niht dan daz ich næme strît von sîner hant.
;;;701;8;;mir geschach sô rehte leide nie;
;;;701;7;;ich möhte dîn wênic trûwen hie.
;;;701;9;;ich wânte, daz ez der künec wære,
;;;701;10;;der mich strîtes niht verbære.
;;;701;11;;neve, noch lâz mich in bestân,
;;;701;12;;sol iemer sîn unprîs ergân,
;;;701;13;;mîn hant im schaden vüeget,
;;;701;14;;des in vür wâr genüeget.
;;;701;15;;mir ist mîn reht hie wider gegeben;
;;;701;16;;ich mac geselleclîche leben,
;;;701;17;;lieber neve, nû gein dir.
;;;701;18;;nû gedenke sippe an mir
;;;701;19;;und lâ den kampf wesen mîn;
;;;701;20;;ich tuon manlîch ellen schîn."
;;;701;21;;Dô sprach mîn hêr Gawan:
;;;701;22;;"mâge und bruoder ich hie hân
;;;701;23;;mit dem künege von Britanie vil.
;;;701;24;;iuwer dekeime ich gestaten wil,
;;;701;25;;daz er dâ vür mich vehte.
;;;701;26;;ich getrûwe mîme rehte,
;;;701;27;;sol es gelücke walten,
;;;701;28;;ich moge den prîs behalten.
;;;701;29;;got lône dir, daz dû biutest strît,
;;;701;30;;daz ist aber vür mich niht zît."
;;;702;1;;Artus die bete hôrte;
;;;702;2;;daz gespræcher gar zerstôrte,
;;;702;3;;mit im er wider an den rinc saz.
;;;702;4;;Gawans schenke niht vergaz,
;;;702;5;;dar entrüegen junchêrrelîn
;;;702;6;;manegen tiuren kopf guldîn
;;;702;7;;mit edelem gesteine.
;;;702;8;;der schenke gienc niht eine.
;;;702;9;;dô daz schenken geschach,
;;;702;10;;daz volc vuor an sîn gemach.
;;;702;11;;Nû begunde ouch nâhen diu naht.
;;;702;12;;Parcifal was sô bedâht,
;;;702;13;;daz er sîn harnasch besach,
;;;702;14;;ob dem dekeines riemen gebrach.
;;;702;15;;daz hiez er wol bereiten
;;;702;16;;und wünneclîche feiten
;;;702;17;;und einen niuwen schilt gewinnen,
;;;702;18;;wan der sîne was ûz und innen
;;;702;19;;zerhurtieret und zerslagen;
;;;702;20;;man muos im dar einen starken tragen.
;;;702;21;;daz tâten sarjande,
;;;702;22;;die er wênic bekande;
;;;702;23;;etslîcher was ein Franzeis.
;;;702;24;;sîn ors, daz der templeis
;;;702;25;;gein im zuo der jost brâhte,
;;;702;26;;ein knappe des gedâhte,
;;;702;27;;ez enwart nie baz erstrichen sît.
;;;702;28;;nû was ez naht und slâfens zît.
;;;702;29;;Parcifal dô slâfes pflac;
;;;702;30;;sîn harnasch gar vor im dâ lac.
;;;703;1;;Ouch rou den künec Gramoflanz,
;;;703;2;;daz ein ander man vür sînen kranz
;;;703;3;;des tages dâ hete gevohten.
;;;703;4;;dô engetorsten si noch enmohten
;;;703;5;;die sîne daz niht gescheiden.
;;;703;6;;er begundez sêre leiden,
;;;703;7;;daz er sich versûmet hæte.
;;;703;8;;waz der helt dô tæte,
;;;703;9;;wander prîs bejagete?
;;;703;10;;innen des, dô ez tagete,
;;;703;11;;was sîn ors gewâpent und sîn lîp.
;;;703;12;;ob gæben rîchlôsiu wîp
;;;703;13;;sîner zimierde stiure?
;;;703;14;;si was sus alsô tiure.
;;;703;15;;er zierete den lîp durch die maget,
;;;703;16;;der was sîn dienst unverzaget.
;;;703;17;;er reit aleine ûf die warte.
;;;703;18;;den künec daz muote harte,
;;;703;19;;daz der werde Gawan
;;;703;20;;niht schiere kam ûf den plân.
;;;703;21;;nû hete ouch sich vil gar verholn
;;;703;22;;Parcifal her ûz verstoln.
;;;703;23;;ûz einer banier er nam
;;;703;24;;ein starkez sper von Angram;
;;;703;25;;er hete ouch al sîn harnasch an.
;;;703;26;;der helt reit aleine dan
;;;703;27;;gein den ronen spiegelîn,
;;;703;28;;al dâ der kampf solte sîn.
;;;703;29;;er sach den helt halten dort.
;;;703;30;;ê ietweder ie wort
;;;704;1;;zuo dem andern spræche,
;;;704;2;;man giht, ietweder stæche
;;;704;3;;dem andern durch des schiltes rant,
;;;704;4;;daz die sprîzen von der hant
;;;704;5;;ûf durch den luft sich wunden.
;;;704;6;;mit der jost si beide kunden
;;;704;7;;und sus mit anderm strîte.
;;;704;8;;ûf des angers wîte
;;;704;9;;wart der tou zervüeret
;;;704;10;;und die helme gerüeret
;;;704;11;;mit scharpfen ecken, die wol sniten.
;;;704;12;;unverzagelîche si beide striten.
;;;704;13;;dâ wart der anger getret,
;;;704;14;;an maneger stat der tou gewet.
;;;704;15;;des riuwent mich die bluomen rôt
;;;704;16;;und mêr die helde, die dâ nôt
;;;704;17;;dolten âne zageheit.
;;;704;18;;wem wære daz liep âne leit,
;;;704;19;;dem si niht heten getân?
;;;704;20;;dô bereite sich hêr Gawan
;;;704;21;;gein sînes kampfes sorgen.
;;;704;22;;ez was wol mitten morgen,
;;;704;23;;ê man vriesche diu mære,
;;;704;24;;daz dâ vermisset wære
;;;704;25;;Parcifals, des küenen.
;;;704;26;;ob er ez welle süenen?
;;;704;27;;dem gebâret er ungelîch.
;;;704;28;;er streit sô manlîch
;;;704;29;;mit deme, der ouch strîtes pflac.
;;;704;30;;nû was ez hôhe ûf den tac.
;;;705;1;;Gawane ein bischof messe sanc.
;;;705;2;;von storîen wart dâ grôz gedranc;
;;;705;3;;rîtære und vrouwen
;;;705;4;;man mohte zuo orse schouwen
;;;705;5;;an Artuses ringe,
;;;705;6;;ê daz man dâ gesinge.
;;;705;7;;der künec Artus selbe stuont,
;;;705;8;;dâ die pfaffen daz ambet tuont.
;;;705;9;;dô diu benedictio wart getân,
;;;705;10;;dô wâpente sich hêr Gawan.
;;;705;11;;man sach dâ tragen den stolzen
;;;705;12;;sîne îserînen kolzen
;;;705;13;;an wol geschicketen beinen.
;;;705;14;;dô begunden vrouwen weinen.
;;;705;15;;daz her zoget ûz überal,
;;;705;16;;dô si mit swerten hôrten schal
;;;705;17;;und viur ûz helmen springen
;;;705;18;;und slege mit kreften dringen.
;;;705;19;;der künec Gramoflanz pflac site,
;;;705;20;;im versmâhete sêre, daz er strite
;;;705;21;;mit eime man. dô dûhtin nuo,
;;;705;22;;daz hie sehse griffen strîtes zuo.
;;;705;23;;ez was doch Parcifal alein,
;;;705;24;;der gein im werlîche schein.
;;;705;25;;er hete in underwîset
;;;705;26;;einer zuht, die man prîset:
;;;705;27;;er engenam sît niemer mêre
;;;705;28;;mit rede an sich die êre,
;;;705;29;;daz er zwein mannen hete strît,
;;;705;30;;wan einer im es zuo vil gît.
;;;706;1;;Daz her was komen zuo beider sît
;;;706;2;;ûf den grüenen anger wît,
;;;706;3;;ietwederhalp an sîn zil.
;;;706;4;;si prüeveten diz nîtspil.
;;;706;5;;den küenen wîganden
;;;706;6;;diu ors wâren gestanden.
;;;706;7;;dô striten sus die werden
;;;706;8;;zuo vuoz ûf der erden
;;;706;9;;einen herten strît scharpf erkant.
;;;706;10;;diu swert hôch ûz der hant
;;;706;11;;wurfen dicke die recken;
;;;706;12;;si wandelten die ecken.
;;;706;13;;sus entvienc Gramoflanz
;;;706;14;;sûren zins vür sînen kranz.
;;;706;15;;sîner vriundinne künne
;;;706;16;;leit ouch bî im swache wünne.
;;;706;17;;sus engalt der werde Parcifal
;;;706;18;;Itonien, der lieht gemâl,
;;;706;19;;der er geniezen solte,
;;;706;20;;ob reht zuo rehte wolte.
;;;706;21;;nâch prîse die vil gevarnen
;;;706;22;;mit strîte muosen arnen,
;;;706;23;;einer streit vür vriundes nôt,
;;;706;24;;dem andern minne daz gebôt,
;;;706;25;;daz er was minnen undertân.
;;;706;26;;dô kam ouch mîn hêr Gawan,
;;;706;27;;dô ez vil nâch alsus was komen,
;;;706;28;;daz den sic hete genomen
;;;706;29;;der stolze, küene Waleis.
;;;706;30;;Brandelidelin von Punterteis
;;;707;1;;und Bernuot von Riviers
;;;707;2;;und Affinamuor de Cletiers,
;;;707;3;;mit blôzen houbeten dise drî
;;;707;4;;riten dem strîte nâhe bî.
;;;707;5;;Artus und Gawan
;;;707;6;;riten anderhalp ûf den plân
;;;707;7;;zuo den kampfmüeden zwein.
;;;707;8;;die wurden des enein,
;;;707;9;;si wolten scheiden den strît.
;;;707;10;;scheidens dûhte rehtiu zît
;;;707;11;;Gramoflanzen, der sô sprach,
;;;707;12;;daz er dem siges jach,
;;;707;13;;den man gein im hete gesehen.
;;;707;14;;des muosen ouch mê liute jehen.
;;;707;15;;dô sprach des küneges Lotes suon:
;;;707;16;;"hêr künec, ich wil iu hiute tuon,
;;;707;17;;als ir mir gestern tâtet,
;;;707;18;;dô ir mich ruowen bâtet.
;;;707;19;;nû ruowet hînt, des wirt iu nôt.
;;;707;20;;wer iu disen strît gebôt,
;;;707;21;;der hât zuo swacher kraft iuch erkant
;;;707;22;;gein mîner werlîchen hant.
;;;707;23;;ich bestüende iuch wol ein,
;;;707;24;;nû vehtet ir aber niht wan mit zwein.
;;;707;25;;ich wil ez morne wâgen eine;
;;;707;26;;got ez zuo reht erscheine."
;;;707;27;;der künec reit gein den sînen.
;;;707;28;;er tet ouch fîanze schînen,
;;;707;29;;daz er des morgens gein Gawan
;;;707;30;;durch strîten kœm ûf den plân.
;;;708;1;;Artus zuo Parcifal sprach:
;;;708;2;;"neve, sît dir sus geschach,
;;;708;3;;daz dû des kampfes bæte
;;;708;4;;und manlîchen tæte
;;;708;5;;und Gawan dir ez versagete,
;;;708;6;;daz dîn munt dô klagete,
;;;708;7;;nû hâst dû den kampf dô gestriten
;;;708;8;;gein im, der sîn dâ hete erbiten,
;;;708;9;;ez wære im leit oder liep.
;;;708;10;;doch ersliche dû in als ein diep.
;;;708;11;;wir heten anders dîne hant
;;;708;12;;dis kampfes wol erwant.
;;;708;13;;nû endarf Gawan des zürnen niht,
;;;708;14;;waz man dir dar umb prîses giht."
;;;708;15;;Gawan sprach: "mir ist niht leit
;;;708;16;;mînes neven hôhiu wirdecheit.
;;;708;17;;mir ist morne dannoch alzuo vruo,
;;;708;18;;sol ich kampfes grîfen zuo.
;;;708;19;;wolte mich es der künec erlâzen,
;;;708;20;;des jæhe ich im zuo mâzen."
;;;708;21;;daz her în reit mit maneger schar.
;;;708;22;;man sach dâ vrouwen wol gevar
;;;708;23;;und manegen gezimierten man,
;;;708;24;;daz nie kein her mêr gewan
;;;708;25;;solich zimierde wunder.
;;;708;26;;die von der tavelrunder
;;;708;27;;und diu massenîe der herzogîn,
;;;708;28;;ir wâpenröcke gâben schîn
;;;708;29;;mit pfelle von Zinidunt
;;;708;30;;und brâhte von Pelpunt;
;;;709;1;;lieht wâren ir covertiure.
;;;709;2;;Parcifal, der gehiure,
;;;709;3;;wart in beiden hern geprîset sô,
;;;709;4;;sîne vriunt des mohten wesen vrô.
;;;709;5;;si jâhen in Gramoflanzes her,
;;;709;6;;daz zuo dekeiner zît sô wol zuo wer
;;;709;7;;nie kæm rîter dehein,
;;;709;8;;den diu sunne ie überschein.
;;;709;9;;waz zuo beiden sîten dâ wære getân,
;;;709;10;;den prîs mües er aleine hân.
;;;709;11;;dannoch si sîn erkanten niht,
;;;709;12;;dem ieclîch munt des prîses giht.
;;;709;13;;Gramoflanze si rieten,
;;;709;14;;er möhte wol enbieten
;;;709;15;;Artuse, daz er næme war,
;;;709;16;;daz dekein man ûz sîner schar
;;;709;17;;gein im kæm durch vehten,
;;;709;18;;daz er im sante den rehten:
;;;709;19;;Gawanen, des küneges Lotes suon,
;;;709;20;;mit im wolt er den kampf tuon.
;;;709;21;;die boten wurden gesant,
;;;709;22;;zwei wîsiu kint hövesch erkant.
;;;709;23;;der künec sprach: "nû solt ir spehen,
;;;709;24;;welher ir dâ prîses welt jehen
;;;709;25;;under al den clâren vrouwen.
;;;709;26;;ir solt ouch sunder schouwen,
;;;709;27;;bî welher Bene sitze.
;;;709;28;;nemet daz in iuwer witze,
;;;709;30;;wont ir vreude oder trûren bî
;;;709;29;;oder in welhen gebærden si sî,
;;;710;1;;daz solt ir prüeven tougen.
;;;710;2;;ir sehet wol an ir ougen,
;;;710;3;;ob si nâch vriunde kumber hât.
;;;710;4;;sehet, daz ir daz niht enlât:
;;;710;5;;Benen, mîner vriundîn,
;;;710;6;;gebt den brief und daz vingerlîn;
;;;710;7;;diu weiz wol, wem ez vürbaz sol.
;;;710;8;;werbet gevuoge, sô tuot ir wol."
;;;710;9;;Nû was ez anderhalp sô komen,
;;;710;10;;Itonie hete al dâ vernomen,
;;;710;11;;daz ir bruoder und der liebeste man,
;;;710;12;;den maget in ir herze ie gewan,
;;;710;13;;mit ein ander vehten solten
;;;710;14;;und des niht lâzen wolten.
;;;710;15;;dô brast ir jâmer durch die scheme.
;;;710;16;;wen ir kumbers nû gezeme,
;;;710;17;;der tuo ez âne mînen rât,
;;;710;18;;sît si ez ungedienet hât.
;;;710;19;;beidiu ir muoter und ir an
;;;710;20;;die maget vuorten sunder dan
;;;710;21;;in ein wênic gezelt sîdîn.
;;;710;22;;Arnyve weiz ir disen pîn,
;;;710;23;;si strâfte si umb ir missetât,
;;;710;24;;des enwas dekein ander rât:
;;;710;25;;si verjach es al dâ verholn,
;;;710;26;;daz sin lange hete vor verstoln.
;;;710;27;;Dô sprach diu maget wert erkant:
;;;710;28;;"sol mir nû mînes bruoder hant
;;;710;29;;mînes herzen verch versnîden,
;;;710;30;;daz möhter gerne mîden."
;;;711;1;;Arnyve zuo dem junchêrrelîn
;;;711;2;;sprach: "nû sage dem sune mîn,
;;;711;3;;daz er mich balde gespreche
;;;711;4;;und daz aleine zeche."
;;;711;5;;der knappe zuo Artuse gâhete.
;;;711;6;;Arnyve des gedâhte,
;;;711;7;;si wolt in lâzen hœren,
;;;711;8;;ob er möhte zerstœren,
;;;711;9;;nâch wem der clâren Itonie
;;;711;10;;wære sô herzeclîche wê.
;;;711;11;;des küneges Gramoflanzes kint
;;;711;12;;nâch Artuse komen sint.
;;;711;13;;die erbeizten ûf dem velde.
;;;711;14;;vor dem kleinen gezelde
;;;711;15;;einer Benen sitzen sach
;;;711;16;;bî der, diu zuo Artuse sprach:
;;;711;17;;"giht des diu herzogîn vür prîs,
;;;711;18;;ob mîn bruoder mîn âmîs
;;;711;19;;sleht durch ir lôsen rât,
;;;711;20;;des möht er jehen vür missetât.
;;;711;22;;er solte in mîn geniezen lân.
;;;711;21;;waz hât der künec im getân?
;;;711;23;;treit mîn bruoder sinne,
;;;711;24;;er weiz unser zweier minne
;;;711;25;;sô lûter âne valscheit;
;;;711;26;;pfliget er triuwe, ez wirt im leit.
;;;711;27;;sol mir sîn hant erwerben
;;;711;28;;nâch dem künege ein sûrez sterben?
;;;711;29;;hêrre, daz sî iu geklaget",
;;;711;30;;sprach zuo Artuse diu süeze maget.
;;;712;1;;"nû denket, ob ir mîn œheim sît;
;;;712;2;;durch triuwe scheidet disen strît."
;;;712;3;;Artus ûz wîsem munde
;;;712;4;;sprach an der selben stunde:
;;;712;5;;"owê, liebez niftelîn,
;;;712;6;;daz dîn jugent sô hôher minne schîn
;;;712;7;;tuot, daz muoz dir werden sûr!
;;;712;8;;als tet dîn swester Syrdamur
;;;712;9;;durch den Criechen lampriure.
;;;712;10;;süeziu maget gehiure,
;;;712;11;;den kampf möht ich wol scheiden,
;;;712;12;;wist ich daz an iu beiden,
;;;712;13;;ob dîn herze und daz sîn gesament sint.
;;;712;14;;Gramoflanz, Irotes kint,
;;;712;15;;vert mit sô manlîchen siten,
;;;712;16;;daz der kampf wirt gestriten,
;;;712;17;;ez enunderstê diu minne dîn.
;;;712;18;;gesach er dînen liehten schîn
;;;712;19;;bî vreuden ie zuo einer stunt
;;;712;20;;und dînen rôtsüezen munt?"
;;;712;21;;si sprach: "daz ist niht zuo geschehene.
;;;712;22;;wir minnen ein ander ungesehene.
;;;712;23;;er het aber mir durch liebe kraft
;;;712;24;;und durch rehte geselleschaft
;;;712;25;;sînes kleinôdes vil gesant.
;;;712;26;;er entvienc ouch von mîner hant
;;;712;27;;daz zuo der wâren liebe hôrte
;;;712;28;;und uns beiden zwîvel stôrte.
;;;712;29;;der künec ist an mir stæte,
;;;712;30;;âne valsche herzeræte."
;;;713;1;;Dô erkante wol vrou Bene
;;;713;2;;dise knappen zwêne,
;;;713;3;;des küneges Gramoflanzes kint,
;;;713;4;;die nâch Artuse komen sint.
;;;713;5;;si sprach: "hie sol nieman stên,
;;;713;6;;moget ir heizen vürder gên
;;;713;7;;daz volc ûz den snüeren.
;;;713;8;;wil mîne vrouwen rüeren
;;;713;9;;soliche ungenâde umb ir trût,
;;;713;10;;diu mære kumet schiere über lût."
;;;713;11;;vrou Bene her ûz wart gesant.
;;;713;12;;der kinde einez in ir hant
;;;713;13;;stiez den brief und daz vingerlîn.
;;;713;14;;si heten ouch die hôhen pîn
;;;713;15;;von ir vrouwen wol vernomen
;;;713;16;;und jâhen, daz si wæren komen,
;;;713;17;;und wolten Artusen gesprechen,
;;;713;18;;ob si daz wolten zechen.
;;;713;19;;si sprach: "stêt verre dort hin dan,
;;;713;20;;unz ich iuch zuo mir gênnes gan."
;;;713;21;;von Benen, der süezen maget,
;;;713;22;;in dem gezelte wart gesaget,
;;;713;23;;daz Gramoflanzes boten dâ
;;;713;24;;wæren und vrâgeten, wâ
;;;713;25;;Artus, der künec, wære.
;;;713;26;;"daz dûhte mich ungebære,
;;;713;27;;ob ich in zeigete an daz gespræche.
;;;713;28;;sehet, waz ich dan ræche
;;;713;29;;an mîner vrouwen, ob si sie
;;;713;30;;sæhen alsus weinen hie."
;;;714;1;;Artus sprach: "sint ez die knaben,
;;;714;2;;die ich an den rinc sach nâch mir draben?
;;;714;3;;daz sint von hôher art zwei kint.
;;;714;4;;waz, ob si sô gevüege sint,
;;;714;5;;gar bewart vor missetât,
;;;714;6;;daz si wol gânt an disen rât?
;;;714;7;;eintweder pfliget der sinne,
;;;714;8;;daz er sînes hêrren minne
;;;714;9;;an mîner nifteln wol siht."
;;;714;10;;Bene sprach: "des enweiz ich niht.
;;;714;11;;hêrre, mag ez mit hulden sîn,
;;;714;12;;der künec hât diz vingerlîn
;;;714;13;;dâ her gesant und disen brief.
;;;714;14;;dô ich nû vür daz pavelûn lief,
;;;714;15;;der kinde einez gap in mir.
;;;714;16;;vrouwe, sêt, den nemt ir."
;;;714;17;;dô wart der brief vil gekust.
;;;714;18;;si twanc in vaste an ir brust.
;;;714;19;;dô sprach si: "hêrre, sehet her an,
;;;714;20;;ob mich der künec minnen kan."
;;;714;21;;Artus den brief nam in die hant,
;;;714;22;;daz er dâr an geschriben vant
;;;714;23;;von dem, der minnen kunde,
;;;714;24;;waz ûz sîn selbes munde
;;;714;25;;Gramoflanz, der stæte, sprach.
;;;714;26;;Artus an dem brieve sach,
;;;714;27;;daz er mit sîme sinne
;;;714;28;;endehafter minne
;;;714;29;;bî sînen zîten nie vernam.
;;;714;30;;dâ stuont daz minne wol gezam:
;;;715;1;;"Ich grüeze dich, wan ich dich grüezen sol,
;;;715;2;;daz ich mit dienste grüezen hol.
;;;715;3;;vrouwelîn, ich meine dich,
;;;715;4;;sît dû mit trôste trôstest mich.
;;;715;5;;unser minne gebent geselleschaft,
;;;715;6;;dâ ist wurzel mîner vreuden kraft.
;;;715;7;;dîn trôst vür ander trôste wiget,
;;;715;8;;sît dîn herze gein mir triuwen pfliget.
;;;715;9;;dû bist ein slôz ob mîner triuwen
;;;715;10;;und ein verlust mînes herzen riuwen.
;;;715;11;;dîne minne gît mir helfe rât,
;;;715;12;;daz dekeiner slahte untât
;;;715;13;;an mir niemer wirt gesehen.
;;;715;14;;ich mag wol dîner güete jehen
;;;715;15;;stæte âne wenke sus,
;;;715;16;;als pôlus artanticus
;;;715;17;;gein dem tremontâne stêt,
;;;715;18;;der deweder von der stat gêt.
;;;715;19;;unser minne sol in triuwen stên
;;;715;20;;und niht von ein ander gên.
;;;715;21;;nû gedenke an mich, werdiu maget,
;;;715;22;;waz ich dir kumbers hân geklaget.
;;;715;23;;wis dîner helfe an mir niht laz.
;;;715;24;;ob dich ieman durch mînen haz
;;;715;25;;von mir wolle scheiden,
;;;715;26;;sô gedenke, daz uns beiden
;;;715;27;;dîniu minne mac wol gelônen.
;;;715;28;;dû solt vrouwen êre schônen
;;;715;29;;und lâ mich sîn dîn dienstman.
;;;715;30;;ich wil dir dienen, waz ich kan."
;;;716;1;;Artus sprach: "niftel, dû hâst wâr,
;;;716;2;;der künec dich grüezet âne vâr.
;;;716;3;;dirre brief tuot mir mære kunt,
;;;716;4;;daz ich sô wunderlîchen vunt
;;;716;5;;gein minne nie gemezzen sach.
;;;716;6;;dû solt im sîn ungemach
;;;716;7;;wenden, alsô sol er dir.
;;;716;8;;lât ir daz beidiu her zuo mir,
;;;716;9;;ich wil den kampf undervarn.
;;;716;10;;die wîle soltû weinen sparn.
;;;716;11;;nû wære dû doch gevangen.
;;;716;12;;sage mir, wie ist daz ergangen,
;;;716;13;;daz ir ein ander wurdet holt?
;;;716;14;;dû solt im dîner minne solt
;;;716;15;;teilen; dâ wil er dir dienen nâch."
;;;716;16;;Itonie, Artuses niftel, sprach:
;;;716;17;;"si ist hie, diu daz zuosamen truoc.
;;;716;18;;unser deweder es nie mê gewuoc.
;;;716;19;;wolt ir, si vüeget wol, daz ich in sihe,
;;;716;20;;dem ich mînes herzen gihe."
;;;716;21;;Artus sprach: "die zeige mir.
;;;716;22;;mag ich, sô vüege ich im und dir,
;;;716;23;;daz iuwer wille dâr an gestêt
;;;716;24;;und iuwer beider vreude ergêt."
;;;716;25;;Itonie sprach: "ez ist Bene.
;;;716;26;;ouch sint sîner knappen zwêne
;;;716;27;;alhie. moget ir versuochen,
;;;716;28;;wolt ir mînes lebens ruochen,
;;;716;29;;ob mich der künec wolle sehen,
;;;716;30;;dem ich muoz mîner vreuden jehen?"
;;;717;1;;Artus, der wîse, hövesch man,
;;;717;2;;gienc her ûz zuo den kinden sân.
;;;717;3;;er gruozte si, dô er si gesach.
;;;717;4;;der kinde einez zuo im sprach:
;;;717;5;;"hêrre, der künec Gramoflanz
;;;717;6;;iuch bitet, daz ir machet ganz
;;;717;7;;gelübede, diu dâ sî getân
;;;717;8;;zwischen im und hêrn Gawan,
;;;717;9;;durch iuwer selbes êre.
;;;717;10;;hêrre, er bitet iuch mêre,
;;;717;11;;daz dekein ander man im gebe strît.
;;;717;12;;iuwer her ist sô wît,
;;;717;13;;solte er si alle übervehten,
;;;717;14;;daz gelîchet niht dem rehten.
;;;717;15;;ir solt Gawan lâzen komen,
;;;717;16;;gein dem der kampf sî genomen."
;;;717;17;;der künec sprach zuo den kinden:
;;;717;18;;"ich wil uns des enbinden.
;;;717;19;;mîme neven geschach nie grôzer leit,
;;;717;20;;dan daz er niht selber streit.
;;;717;21;;der mit iuwerme hêrren vaht,
;;;717;22;;der ist dem sige wol geslaht.
;;;717;23;;er ist Gahmuretes kint.
;;;717;24;;alle, die in drîn hern sint
;;;717;25;;komen von allen sîten,
;;;717;26;;die gevrieschen nie gein strîten
;;;717;27;;dekeinen helt sô manlîch.
;;;717;28;;sîn tât dem prîse ist gar glîch.
;;;717;29;;ez ist mîn neve Parcifal.
;;;717;30;;ir solt in sehen, den lieht gemâl.
;;;718;1;;durch Gawans triuwen nôt
;;;718;2;;leist ich daz mir der künec gebôt."
;;;718;3;;Artus und Bene
;;;718;4;;und dise knappen zwêne
;;;718;5;;riten her und dar.
;;;718;6;;er liez diu kint nemen war
;;;718;7;;liehte blicke an maneger vrouwen.
;;;718;8;;ouch mohten si dâ schouwen
;;;718;9;;ûf den helmen maneg gesnürre.
;;;718;10;;wênic daz noch würre
;;;718;11;;eime man, der wære rîche,
;;;718;12;;gebâret er geselleclîche.
;;;718;13;;si enkâmen niht von den pferden.
;;;718;14;;Artus liez die werden
;;;718;15;;überal daz her diu kint gesehen,
;;;718;16;;daz si den wunsch mohten spehen:
;;;718;17;;rîtære, megde und wîp,
;;;718;18;;manegen vlætigen lîp.
;;;718;19;;des heres wâren driu stucke,
;;;718;20;;dâ enzwischen zwô lucke.
;;;718;21;;Artus reit mit den kinden dan
;;;718;22;;von dem here verre ûf den plân.
;;;718;23;;er sprach: "Bene, süeziu maget,
;;;718;24;;dû hôrtest wol, waz hât geklaget
;;;718;25;;Itonie, mîner swester barn,
;;;718;26;;diu wênic kan ir weinen sparn.
;;;718;27;;daz gelouben mîne gesellen,
;;;718;28;;die hie habent, ob si wellen:
;;;718;29;;Itonie hât Gramoflanz
;;;718;30;;verleschet nâch ir liehten glanz.
;;;719;1;;nû helfet mir, ir zwêne,
;;;719;2;;und ouch diu vriundinne Bene,
;;;719;3;;daz der künec her zuo mir rîte
;;;719;4;;und den kampf doch morne strîte
;;;719;5;;mit mîme neven Gawan;
;;;719;6;;den bringe ich gein im ûf den plân.
;;;719;7;;rîte aber der künec hiute in mîn her,
;;;719;8;;er ist morne deste baz zuo wer.
;;;719;9;;hie gît diu minne im einen schilt,
;;;719;10;;des sînen kampfgenôz bevilt.
;;;719;11;;ich meine gein minne hôhen muot,
;;;719;12;;der bî dem vînde schaden tuot.
;;;719;13;;er sol hövesche liute bringen.
;;;719;14;;ich wil teidingen
;;;719;15;;zwischen im und der herzogîn.
;;;719;16;;nû werbet ez, trûtgeselle mîn,
;;;719;17;;mit gevuoge; des hât ir êre.
;;;719;18;;ich solt iu klagen mêre:
;;;719;19;;waz hân ich unsælic man
;;;719;20;;dem künege Gramoflanz getân,
;;;719;21;;daz er gein mîme künne pfliget,
;;;719;22;;daz in doch lîht unhôhe wiget,
;;;719;23;;minne und unminne grôz?
;;;719;24;;ein ieclîch künec, mîn genôz,
;;;719;25;;möhte mîn gerne schônen.
;;;719;26;;wil er nû mit hazze lônen
;;;719;27;;ir bruodere, diu in minnet,
;;;719;28;;wanne er sich versinnet,
;;;719;29;;sîn herze tuot von minnen wanc,
;;;719;30;;ob ez in lêret den gedanc."
;;;720;1;;Der kinde einez zuo dem künege sprach:
;;;720;2;;"hêrre, waz ir vür ungemach
;;;720;3;;jehet, daz sol mîn hêrre lân,
;;;720;4;;wil er rehte gevuoge hân.
;;;720;5;;ir wizzet wol umb den alten haz.
;;;720;6;;mîme hêrren stêt blîben baz,
;;;720;7;;dan daz er zuo iu rîte.
;;;720;8;;diu herzoginne pfliget noch site,
;;;720;9;;daz si im ir hulde hât versaget
;;;720;10;;und manigem man über in klaget."
;;;720;11;;"er sol mit wênic liuten komen",
;;;720;12;;sprach der künec. "die wîle hân ich vernomen
;;;720;13;;einen vriden vür den selben zorn
;;;720;14;;von der herzoginne wol geborn.
;;;720;15;;ich wil im guot geleite tuon.
;;;720;16;;Beakurs, mîner swester sun,
;;;720;17;;sende ich im zuo halbem wege.
;;;720;18;;er sol varn in mînes geleites pflege.
;;;720;19;;des endarf er niht vür laster jehen.
;;;720;20;;ich lâzen werde liute spehen."
;;;720;21;;mit urloube si schieden dan.
;;;720;22;;der künec bleip aleine ûf dem plân.
;;;720;23;;Bene und diu zwei kindelîn
;;;720;24;;zuo Roitschesabins riten în,
;;;720;25;;anderhalp ûz, dâ daz her dâ lac.
;;;720;26;;dô gelebte nie sô lieben tac
;;;720;27;;Gramoflanz, dô in gesprach
;;;720;28;;Bene und diu kint. sîn herze jach,
;;;720;29;;im wæren solichiu mære brâht,
;;;720;30;;der sælde vür in hete erdâht.
;;;721;1;;Er sprach, er wolte gerne komen.
;;;721;2;;dô wart geselleschaft genomen:
;;;721;3;;sînes landes vürsten drî,
;;;721;4;;die riten dem künege bî.
;;;721;5;;alsô tet ouch der œheim sîn,
;;;721;6;;der künec Brandelidelin,
;;;721;8;;und Affinamour de Cletiers
;;;721;7;;und Bernout von Riviers,
;;;721;9;;ietweder sînen gesellen nam,
;;;721;10;;der ûf die reise wol gezam.
;;;721;11;;zwelfe wâren ir überal.
;;;721;12;;junchêrren vil âne zal
;;;721;13;;und manec starc sarjant
;;;721;14;;ûf die reise wâren benant.
;;;721;15;;welich der rîter kleider mohten sîn?
;;;721;16;;pfelle, die vil liehten schîn
;;;721;17;;gâben von golde grôze swære.
;;;721;18;;des küneges valkenære
;;;721;19;;mit im dan durch beizen riten.
;;;721;20;;nû hete Artus niht vermiten,
;;;721;21;;Beakurs, den lieht gevar,
;;;721;22;;santer zuo halbem wege dar
;;;721;23;;dem künege zuo eime geleite.
;;;721;24;;über des gevildes breite,
;;;721;25;;ez wære tîch oder bach,
;;;721;26;;wâ er die passâschen sach,
;;;721;27;;dâ reit der künec durch beizen her
;;;721;28;;und mê durch der minnen ger.
;;;721;29;;Beakurs in dâ entvienc,
;;;721;30;;alsô daz ez mit vreuden ergienc.
;;;722;1;;mit Beakurse komen sint
;;;722;2;;wol vünfzic clâriu kint,
;;;722;3;;die von arte gâben liehten schîn,
;;;722;4;;herzogen und grævelîn.
;;;722;5;;dâ reit ouch etlîch küneges sun.
;;;722;6;;man sach dâ grôz entvâhen tuon
;;;722;7;;von den kinden zuo beider sît;
;;;722;8;;die entviengen ein ander âne nît.
;;;722;9;;Beakurs truoc varwe lieht.
;;;722;10;;der künec sich vrâge sûmete niht.
;;;722;11;;im sagete Bene mære,
;;;722;12;;wer der clâre rîter wære:
;;;722;13;;"ez ist Beakurs, Lotes kint."
;;;722;14;;"nû herze", dâhter, "vint
;;;722;15;;si, diu dem sî gelîch,
;;;722;16;;der hie rîtet sô minneclîch.
;;;722;17;;si ist bînamen sîn swester,
;;;722;18;;diu, geworht in Sincester,
;;;722;19;;mit ir sperwære sante mir ir huot.
;;;722;20;;ob si mir gnâde tuot,
;;;722;22;;ob die erde wære alsô breit,
;;;722;21;;alle irdische rîcheit,
;;;722;23;;dâ vür næme ich si einen.
;;;722;24;;si sol ez mit triuwen meinen.
;;;722;25;;ûf ir gnâde kome ich hie.
;;;722;26;;si hât mich sô getrœstet ie,
;;;722;27;;ich getrûwe wol, daz si mir tuot,
;;;722;28;;dâ von sich hebet baz mîn muot."
;;;722;29;;er nam ir clâren bruoder hant
;;;722;30;;in die sîne. diu was ouch lieht erkant.
;;;723;1;;Nû was ez ouch in dem here sô komen,
;;;723;2;;Artus hete dâ genomen
;;;723;3;;einen vriden von der herzogîn.
;;;723;4;;der was ergetzens gewin
;;;723;5;;komen nâch Cydegaste,
;;;723;6;;den si klagete sô vaste.
;;;723;7;;ir zorn was nâch verdecket,
;;;723;8;;wan si hete erwecket
;;;723;9;;von Gawane etlîchen umbevanc;
;;;723;10;;dâ von ir zürnen was sô kranc.
;;;723;11;;Artus der Brituneis
;;;723;12;;nam die clâren vrouwen kurteis,
;;;723;13;;beide maget und wîp,
;;;723;14;;die truogen vlætigen lîp.
;;;723;15;;er hete der werden hundert
;;;723;16;;under ein gezelte gesundert.
;;;723;17;;niht lieber möht ir sîn geschehen,
;;;723;18;;daz si den künec solte sehen,
;;;723;19;;Itonie, diu ouch dâ saz
;;;723;20;;und stæter vreuden niht vergaz.
;;;723;21;;dô kôs man an ir ougenschîn,
;;;723;22;;daz si diu minne lêrte pîn.
;;;723;23;;dâ saz manec rîter lieht gemâl,
;;;723;24;;doch truoc der werde Parcifal
;;;723;25;;den prîs vor ander clârheit.
;;;723;26;;Gramoflanz an die snüere reit.
;;;723;27;;dô vuorte der künec unervorht,
;;;723;28;;in Kanfassaie geworht,
;;;723;29;;einen pfelle mit golde vesten;
;;;723;30;;der begunde verre glesten.
;;;724;1;;si erbeizten, die dâ komen sint.
;;;724;2;;des küneges Gramoflanzes kint
;;;724;3;;manegiu vor in sprungen,
;;;724;4;;in daz pavelûn si drungen.
;;;724;5;;die kamerære in wider strît
;;;724;6;;rûmten eine strâze wît
;;;724;7;;gein der Brituneiser künegîn.
;;;724;8;;sîn œheim Brandelidelin
;;;724;9;;vorme künege in daz pavelûn gienc.
;;;724;10;;Gynover den mit kusse entvienc.
;;;724;11;;der künec wart ouch entvangen sus.
;;;724;12;;Bernout und Affinamous
;;;724;13;;die küneginne man küssen sach.
;;;724;14;;Artus zuo Gramoflanze sprach:
;;;724;15;;"ê ir sitzen beginnet,
;;;724;16;;sehet, ob ir dekeine minnet
;;;724;17;;dirre vrouwen, und küsset die.
;;;724;18;;iu beiden sî daz erloubet hie."
;;;724;19;;im sagete, wer sîn vriundîn was,
;;;724;20;;ein brief, den er zuo velde las.
;;;724;21;;ich meine, daz er ir bruoder sach,
;;;724;22;;diu im vor aller der werlde jach
;;;724;23;;ir werden minne tougen.
;;;724;24;;Gramoflanzes ougen
;;;724;25;;erkanten si, diu im minne truoc.
;;;724;26;;dô was sîn vreude hôch genuoc,
;;;724;27;;sît Artus erloubete daz,
;;;724;28;;daz si beide ein ander âne haz
;;;724;29;;mit gruoze tâten entvâhen kunt:
;;;724;30;;er kuste Itonien an den munt.
;;;725;1;;Dô saz der künec Brandelidelin
;;;725;2;;zuo Gynovern, der künegîn.
;;;725;3;;ouch saz der künec Gramoflanz
;;;725;4;;zuo der, diu ir liehten glanz
;;;725;5;;mit weinen hete begozzen.
;;;725;6;;des hete si sîn genozzen.
;;;725;7;;er enwelle unschulde rechen,
;;;725;8;;sus muos er hin zuo ir sprechen,
;;;725;9;;sîn dienst nâch minne bieten.
;;;725;10;;si kunde ouch sich des nieten,
;;;725;11;;daz si im dankete umb sîn komen.
;;;725;12;;ir rede von nieman wart vernomen.
;;;725;13;;si sâhen ein ander gerne.
;;;725;14;;wan ich nû rede gelerne,
;;;725;15;;sô prüeve ich, waz si sprâchen dâ,
;;;725;16;;einweder nein oder jâ.
;;;725;17;;Artus zuo Brandelidelin
;;;725;18;;sprach: "ir hât dem wîbe mîn
;;;725;19;;iuwer mære genuoc gesaget."
;;;725;20;;er vuorte den helt unverzaget
;;;725;21;;in ein minre gezelt
;;;725;22;;kurzen wec über daz velt.
;;;725;23;;Gramoflanz saz stille
;;;725;24;;- daz was Artuses wille -
;;;725;25;;und ander die gesellen sîn.
;;;725;26;;dâ gâben vrouwen liehten schîn,
;;;725;27;;daz die rîter wênic bî im verdrôz.
;;;725;28;;ir kurzewîle was sô grôz,
;;;725;29;;si möhte ein man gerne doln,
;;;725;30;;der nâch sorge vreude wolt erholn.
;;;726;1;;vür die küneginne man truoc
;;;726;2;;daz trinken. trunken si genuoc,
;;;726;3;;die rîter und die vrouwen gar,
;;;726;4;;si wurden deste baz gevar.
;;;726;5;;man truoc ouch trinken dort hin în
;;;726;6;;Artuse und Brandelidelin.
;;;726;7;;der schenke gienc her wider dan,
;;;726;8;;Artus sîne rede alsus huop an:
;;;726;9;;"hêr künec, nû lât si ez alsô tuon,
;;;726;10;;daz der künec, iuwer swester sun,
;;;726;11;;mîner swester sun habe erslagen,
;;;726;12;;und wolt er dan minne tragen
;;;726;13;;gein mîner nifteln, der maget,
;;;726;14;;diu im irn kumber ouch dort klaget,
;;;726;15;;dâ wir si liezen sitzen,
;;;726;16;;vüere si danne mit witzen,
;;;726;17;;si enwürde im dâr umb niemer holt
;;;726;18;;und teilt im hazzes solichen solt,
;;;726;19;;daz ez den künec möhte erdriezen,
;;;726;20;;wolt er ir geniezen.
;;;726;21;;Wâ haz die minne undervert,
;;;726;22;;dem stæten herzen ez vreude wert."
;;;726;23;;dô sprach der künec von Punterteis
;;;726;24;;zuo Artuse dem Brituneis:
;;;726;25;;"hêrre, si sint unser swester kint,
;;;726;26;;die gein ein ander in hazze sint.
;;;726;27;;wir soln den haz understân,
;;;726;28;;dâ enmac niht anders ane ergân
;;;726;29;;wan daz ein ander minnen
;;;726;30;;mit herzen und mit sinnen.
;;;727;1;;iuwer niftele Itonie
;;;727;2;;sol mîme neven gebieten ê,
;;;727;3;;daz er den kampf gein im verber,
;;;727;4;;sî, daz er ir minne ger,
;;;727;5;;sô wirt vür wâr der kampf vermiten
;;;727;6;;gar mit strîtlîchen siten,
;;;727;7;;und helfe ouch dem neven mîn
;;;727;8;;hulde dâ zuo der herzogîn."
;;;727;9;;Artus sprach: "daz wil ich tuon.
;;;727;10;;Gawan, mîner swester sun,
;;;727;11;;ist wol sô gewaltic ir,
;;;727;12;;daz si im und mir
;;;727;13;;durch ir zuht die schulde gît.
;;;727;14;;sô scheidet ir disehalp den strît."
;;;727;15;;"ich tuon", sprach Brandelidelin.
;;;727;16;;si giengen beide wider în.
;;;727;17;;dâ saz der künec von Puntertoys,
;;;727;18;;dâ bî der künec von Brituneis,
;;;727;19;;anderhalp saz Parcifal,
;;;727;20;;der was ouch sô lieht gemâl,
;;;727;21;;ez enwart nie rîter baz getân.
;;;727;22;;Artus, der künec, huop sich dan
;;;727;23;;gein sîme neven Gawan.
;;;727;24;;dem was ouch zuo wizzen getân,
;;;727;25;;der künec Gramoflanz wære komen.
;;;727;26;;dô wart ouch schiere von im vernomen,
;;;727;27;;Artus erbeizte vor dem gezelt.
;;;727;28;;gein dem sprang er ûf daz velt.
;;;727;29;;si truogen daz zuo samen dâ,
;;;727;30;;daz diu herzoginne sprach suone jâ,
;;;728;1;;wan anders niht dekeine wîs,
;;;728;2;;wan wolte Gawan, ir âmîs,
;;;728;3;;den kampf durch si verbern,
;;;728;4;;sô wolte si die suone wern.
;;;728;5;;sô würde diu suone von ir getân
;;;728;6;;und ob der künec wolte lân
;;;728;7;;die ziht ûf ir sweher Lot.
;;;728;8;;bî Artuse si daz enbôt.
;;;728;9;;Artus, der wîse, hövesch man,
;;;728;10;;disiu mære brâhte dan.
;;;728;11;;dô muose der künec Gramoflanz
;;;728;12;;verkiesen umb sînen kranz
;;;728;13;;und waz er hazzes pflæge
;;;728;14;;gein Lot von Norwæge,
;;;728;15;;daz zergienc als in der sunnen snê
;;;728;16;;durch die clâren Itonie
;;;728;17;;lûterlîchen âne haz.
;;;728;18;;daz geschach, die wîle er bî ir saz.
;;;728;19;;aller ir bete er volgen jach.
;;;728;20;;Gawanen man dô komen sach
;;;728;21;;mit clârlîchen liuten.
;;;728;22;;ich enmag iu niht gar betiuten
;;;728;23;;ir namen und wannen si wâren geborn.
;;;728;24;;dâ wart durch liep leit verkorn.
;;;728;25;;Orgeluse, diu fiere,
;;;728;26;;und ir werden soldiere
;;;728;27;;und ouch diu Clynsors schar,
;;;728;28;;ir ein teil - si enwârenz niht gar -
;;;728;29;;sach man mit Gawane komen.
;;;728;30;;Artuses gezelte was genomen
;;;729;1;;diu winde von dem huote.
;;;729;2;;Arnyve, diu guote,
;;;729;3;;Seyve und Kundrie,
;;;729;4;;die hete Artus gebeten ê
;;;729;5;;an dirre suone teidinc.
;;;729;6;;wer prüevet daz vür kleiniu dinc,
;;;729;7;;der grœze, waz er welle.
;;;729;8;;Jofreit, Gawanes geselle,
;;;729;9;;vuorte die herzoginne lieht erkant
;;;729;10;;under daz pavelûn an sîner hant.
;;;729;11;;diu pflac durch zuht der sinne,
;;;729;12;;die drîe küneginne
;;;729;13;;liez si vor ir gân dar în.
;;;729;14;;die kuste Brandelidelin.
;;;729;15;;Orgeluse in ouch dar nâch entvienc.
;;;729;16;;Gramoflanz durch suone gienc
;;;729;17;;und ûf gnâde gein ir dar.
;;;729;18;;ir süezer munt rôt gevar
;;;729;19;;den künec durch suone kuste,
;;;729;20;;des si doch wênic geluste.
;;;729;21;;si gedâhte an Cydegastes tôt.
;;;729;22;;dô twanc si wîplîchiu nôt
;;;729;23;;dannoch in ir riuwe.
;;;729;24;;wolt ir des jehen vür triuwe?
;;;729;25;;Gawan und Gramoflanz
;;;729;26;;mit kusse ir suone machten ganz.
;;;729;27;;Artus gap Itonie
;;;729;28;;Gramoflanz zuo rehter ê.
;;;729;29;;dâ heter vil gedienet nâch.
;;;729;30;;Bene was vrô, dô daz geschach.
;;;730;1;;den ouch ir minne lêrte pîn,
;;;730;2;;dem herzogen von Gowerzin,
;;;730;3;;Lyschoyen wart Kundrie gegeben.
;;;730;4;;âne vreude stuont sîn leben,
;;;730;5;;unz er ir werde minne ervant.
;;;730;6;;dem Turkoiten Florant
;;;730;7;;Artus Seyven zuo wîbe bôt.
;;;730;8;;die hete dâ vor der künec Lot.
;;;730;9;;der vürste ouch si vil gerne nam.
;;;730;10;;diu gâbe minne wol gezam.
;;;730;11;;Artus was vrouwen milte,
;;;730;12;;solicher gâbe in niht bevilte.
;;;730;13;;daz was mit râte dâ vor erdâht.
;;;730;14;;dô disiu rede was volbrâht,
;;;730;15;;dô sprach diu herzoginne,
;;;730;16;;daz Gawan hete ir minne
;;;730;17;;mit prîse gedienet, sô hôhe erkant,
;;;730;18;;daz er ir lîbes und über ir lant
;;;730;19;;von rehte hêrre wære.
;;;730;20;;diu rede dûhte swære
;;;730;21;;ir soldier, die manec sper
;;;730;22;;brâchen durch ir minne ger.
;;;730;23;;Gawan und die gesellen sîn,
;;;730;24;;Arnyve, diu künegîn,
;;;730;26;;und der werde Parcifal
;;;730;25;;und die herzoginne lieht gemâl,
;;;730;27;;Seyve und Kundrie
;;;730;28;;nâmen urloup. Itonie
;;;730;29;;bleip bî Artuse dâ.
;;;730;30;;nû endarf mich nieman vrâgen, wâ
;;;731;1;;schœner hôchgezît ergienc.
;;;731;2;;Gynover in ir pflege entvienc
;;;731;3;;Itonie und ir âmîs,
;;;731;4;;den werden künec, der manegen prîs
;;;731;5;;an rîterschefte dicke erranc,
;;;731;6;;des in Itonien minne twanc.
;;;731;7;;zuo herbergen maneger reit,
;;;731;8;;den hôhiu minne lêrte leit.
;;;731;9;;des âbendes umb ir ezzen
;;;731;10;;mogen wir mære wol vergezzen.
;;;731;11;;wer dâ werder minne pflac,
;;;731;12;;der wunschte die naht vür den tac.
;;;731;13;;der künec Gramoflanz enbôt
;;;731;14;;- des twanc in hôchvertigiu nôt -
;;;731;15;;zuo Roitschesabins den sînen,
;;;731;16;;si solten sich des pînen,
;;;731;17;;daz si abe bræchen bî dem mer
;;;731;18;;und vor tage kœmen mit sîme her
;;;731;19;;und daz sîn marschalc næme
;;;731;20;;stat, diu her wol gezæme.
;;;731;21;;"mir selber prüevet hôhiu dinc,
;;;731;22;;ieclîchem vürsten sunderrinc."
;;;731;23;;daz wart durch hôchvart erdâht.
;;;731;24;;die boten vuoren, ez was naht.
;;;731;25;;man sach dâ manegen trûrigen lîp,
;;;731;26;;den daz gelêrt heten wîp,
;;;731;27;;an wem sîn dienst verswindet,
;;;731;28;;daz er lônes niht envindet,
;;;731;29;;deme muoz gein sorgen wesen gâch,
;;;731;30;;dâ enreichet wîbes helfe nâch.
;;;732;1;;Nû dâhte aber Parcifal
;;;732;2;;an sîn wîp, die lieht gemâl,
;;;732;3;;und an ir kiusche süeze.
;;;732;4;;ob er dekein ander grüeze,
;;;732;5;;daz er dienst nâch minne biete
;;;732;6;;und sich unstæte niete?
;;;732;7;;soliche minne wart von im gespart.
;;;732;8;;grôze triuwe hete sô bewart
;;;732;9;;sîn manlîch herze und sîn lîp.
;;;732;10;;ez enwart vür wâr nie ander wîp
;;;732;11;;gewaltic sîner minne
;;;732;12;;niht wan diu küneginne
;;;732;13;;Kundewiramurs,
;;;732;14;;diu geflôrierte bêâflûrs.
;;;732;15;;dô dâht er: "sît ich minnen kan,
;;;732;16;;wie hât diu minne an mir getân?
;;;732;17;;nû bin ich doch ûz minne geborn:
;;;732;18;;wie hân ich sus minne verlorn?
;;;732;19;;muoz ich nâch dem Grâle ringen,
;;;732;20;;doch muoz mich iemer twingen
;;;732;21;;ir kiuschlîcher umbevanc,
;;;732;22;;von der ich schiet, daz ist zuo lanc.
;;;732;23;;sol ich mit den ougen vreude sehen
;;;732;24;;und muoz mîn herze mir jâmers jehen,
;;;732;25;;diu werc stênt ungelîche.
;;;732;26;;hôhes muotes rîche
;;;732;27;;wirt nieman solicher pflihte.
;;;732;28;;gelücke mich berichte,
;;;732;29;;waz mir aller wægeste dâr umb sî."
;;;732;30;;im lac sîn harnasch nâhe bî.
;;;733;1;;Dô dâht er: "sît ich mangel hân,
;;;733;2;;daz den sældehaften undertân
;;;733;3;;ist, ich meine die minne,
;;;733;4;;diu maneges trûrigen sinne
;;;733;5;;mit vreuden helfe ergeilet,
;;;733;6;;sît ich bin der verteilet,
;;;733;7;;ich enruoche nû, waz mir geschiht.
;;;733;8;;got wil mîner vreuden niht.
;;;733;9;;diu mich twinget mit minnen gir,
;;;733;10;;stüende unser minne, mîn und ir,
;;;733;11;;daz scheiden, daz dar zuo hôrte,
;;;733;12;;sô daz uns zwîvel stôrte,
;;;733;13;;ich möhte wol zuo ander minne komen.
;;;733;14;;nû hât ir minne mir benomen
;;;733;15;;vreude und ander minne trôst.
;;;733;16;;ich bin trûrens unerlôst,
;;;733;17;;glücke müeze mich vreude wern.
;;;733;18;;die endehafter vreuden gern,
;;;733;19;;got gebe vreude al disen scharn.
;;;733;20;;ich wil ûz disen vreuden varn."
;;;733;21;;er greif hin, dâ sîn harnasch lac,
;;;733;22;;des er dicke aleine pflac,
;;;733;23;;daz er sich balde wâpente drîn.
;;;733;24;;er wil nû werben niuwe pîn.
;;;733;25;;dô der vreuden vlühtic man
;;;733;26;;al sîn harnasch het an,
;;;733;27;;er satelte daz ors mit sîner hant.
;;;733;28;;schilt und glêne bereit er vant.
;;;733;29;;man hôrte sîn reise des morges klagen.
;;;733;30;;dô er dannen schiet, dô begunde ez tagen.
;;;734;1;;Vil liute des hâte verdrozzen,
;;;734;2;;den ditze mære was beslozzen;
;;;734;3;;genuoge kunden ez nie ervarn.
;;;734;4;;nû enwil ich daz niht langer sparn,
;;;734;5;;ich tuon ez iu kunt mit rehter sage,
;;;734;6;;wand ich in dem munde trage
;;;734;7;;daz slôz dirre âventiure,
;;;734;8;;wie der süeze und der gehiure
;;;734;9;;Anfortas wart wol gesunt.
;;;734;10;;uns tuot diu âventiure kunt,
;;;734;11;;wie von Peilrapere diu künigîn
;;;734;12;;ir kiuschen wîplîchen schîn
;;;734;13;;behielt unz an ir lônes stat,
;;;734;14;;daz si in hôhe sælde trat.
;;;734;15;;Parcifal daz wirbet,
;;;734;16;;oder im kunst niht verdirbet.
;;;734;17;;ich sage alrêst sîn arbeit.
;;;734;18;;waz sîn hant ie gestreit,
;;;734;19;;daz was mit kinden her getân.
;;;734;20;;möht ich dises mæres wandel hân,
;;;734;21;;ich wolt in ungerne wâgen;
;;;734;22;;des kunde ouch mich betrâgen.
;;;734;23;;nû bevilhe ich sîn gelücke,
;;;734;24;;sîn herze der sælden stücke,
;;;734;25;;dâ der vrevel bî der kiusche lac,
;;;734;26;;wan ez nie zageheit gepflac.
;;;734;27;;daz muoz im vestenunge geben,
;;;734;28;;daz behalte dâ sîn leben,
;;;734;29;;sît ez sich het an den gezogt,
;;;734;30;;in bestêt ob allen strîten ein vogt
;;;735;1;;Ûf sîner unverzageten reise.
;;;735;2;;der selbe kurteise
;;;735;3;;was ein heidenscher man,
;;;735;4;;der toufes kunde ê nie gewan.
;;;735;5;;Parcifal reit balde
;;;735;6;;gein eime grôzen walde
;;;735;7;;ûf einer liehten waste
;;;735;8;;gein eime rîchen gaste.
;;;735;9;;ez ist wunder, ob ich armer man
;;;735;10;;dise rîcheit gesagen kan,
;;;735;11;;die der heiden vür zimierde truoc.
;;;735;12;;sage ich iu des mêr dan genuoc,
;;;735;13;;dannoch mag ich es mêr wol sagen,
;;;735;14;;wil ich sîner rîcheit niht gedagen.
;;;735;15;;waz dienete Artuses hant
;;;735;16;;zuo Britanie und in Engellant,
;;;735;17;;daz vergülten niht die steine,
;;;735;18;;die mit edelme arde reine
;;;735;19;;lâgen ûf des heldes wâpenroc.
;;;735;20;;die wâren tiure âne alliu getroc.
;;;735;21;;rubîne, calcidône
;;;735;22;;wâren dâ zuo swacheme lône.
;;;735;23;;der wâpenroc gap blanken schîn.
;;;735;24;;in dem berge zuo Agremontin
;;;735;25;;die würme salamander
;;;735;26;;in worhten zuo ein ander
;;;735;27;;in dem heizen viure.
;;;735;28;;daz wâren steine tiure
;;;735;29;;lâgen dâr ûfe dunkel und lieht,
;;;735;30;;ir art mac ich genennen niht.
;;;736;1;;sîn gir stuont nâch minne
;;;736;2;;und nâch prîses gewinne.
;;;736;3;;daz gâben im ouch almeistec wîp,
;;;736;4;;dâ mit der heiden sînen lîp
;;;736;5;;kostlîche zierete.
;;;736;6;;diu minne condewierete
;;;736;7;;in sîn manlîch herze hôhen muot,
;;;736;8;;alse si noch dem minnegernden tuot.
;;;736;9;;er truoc ouch durch prîses lôn
;;;736;10;;ûf dem helme ein ecidemôn.
;;;736;11;;welche würme sint eiterhaft,
;;;736;12;;von des selben tierlînes kraft
;;;736;13;;hânt si lebens kleinen vrist,
;;;736;14;;wanne ez von in ersmecket ist.
;;;736;15;;
;;;736;16;;
;;;736;17;;Thasme und Araby
;;;736;18;;sint von solichem pfelle vrî,
;;;736;19;;als sîn ors truoc covertiure.
;;;736;20;;der ungetoufte gehiure
;;;736;21;;ranc nâch wîbes lône,
;;;736;22;;des zimierete er sich schône.
;;;736;23;;
;;;736;24;;
;;;736;25;;der selbe werlîche knabe
;;;736;26;;hete in einer wilden habe
;;;736;27;;zuo der vurt geankert ûf dem mer.
;;;736;28;;er hete vünf und zweinzic her,
;;;736;29;;der dekeiner des andern rede vernam,
;;;736;30;;als sîner rîcheit wol gezam.
;;;737;1;;alsus manec sunder lant
;;;737;2;;dienete sîner werden hant,
;;;737;3;;Môren und Sarrazine
;;;737;4;;mit ungelîchem schîne.
;;;737;5;;sîme wîten gesamenten her
;;;737;6;;was manec wunderlîchiu wer.
;;;737;7;;ouch reit durch âventiure dan
;;;737;8;;von sîme her dirre eine man
;;;737;9;;durch baneken in diu fôreht.
;;;737;10;;sît si selber nâmen in daz reht,
;;;737;11;;die künege ich lâze rîten,
;;;737;12;;aleine nâch prîse strîten.
;;;737;13;;Parcifal reit niht eine;
;;;737;14;;dâ was mit im gemeine
;;;737;15;;er selber und sîn hôher muot,
;;;737;16;;der sô menlîche wer dâ tuot.
;;;737;17;;daz diu wîp solten loben,
;;;737;18;;si enwolten dan durch lôsheit toben.
;;;737;19;;hie wellent ein ander vâren,
;;;737;20;;die mit kiuscheit lember wâren
;;;737;21;;und lewen an der kuonheit.
;;;737;22;;ouch sît diu erde was sô breit,
;;;737;23;;daz ein ander niht vermiten,
;;;737;24;;die dâ umb unschulde striten.
;;;737;25;;ich sorge des, den ich hân brâht,
;;;737;26;;wan daz ich trôstes hân gedâht,
;;;737;27;;in sule des Grâles kraft ernern.
;;;737;28;;in sol ouch diu minne wern.
;;;737;29;;den was er beiden diensthaft
;;;737;30;;âne wanc mit dienstes kraft.
;;;738;1;;Mîniu kunst mir des niht witze gît,
;;;738;2;;daz ich gesage disen strît
;;;738;3;;bescheidenlîche, als er ergienc.
;;;738;4;;ietweders ougenblic enpfienc,
;;;738;5;;daz er den andern komen sach.
;;;738;6;;ietweders herze dâr umbe vreude jach,
;;;738;7;;dâ stuont ein trûren nâhe bî.
;;;738;8;;der lûtern tumpheit vrî,
;;;738;9;;ietweder des andern herze truoc;
;;;738;10;;ir vremede was heimelîche genuoc.
;;;738;11;;nûne mac ich disen heiden
;;;738;12;;von dem getouften niht gescheiden,
;;;738;13;;si enwellen haz erzeigen.
;;;738;14;;daz solde in vreuden neigen,
;;;738;15;;die sint erkant vür guotiu wîp.
;;;738;16;;ietweder durch vriundinne lîp
;;;738;17;;sîn verch gein dem herzen bôt.
;;;738;18;;gelücke scheide si âne den tôt.
;;;738;19;;den lewen sîn muoter tôt gebirt,
;;;738;20;;von sînes vater galm er lebendic wirt.
;;;738;21;;dise zwêne wâren zuo krache geborn,
;;;738;22;;von maneger jost ûz prîse erkorn.
;;;738;23;;si kunden ouch mit joste.
;;;738;24;;mit spere zernder koste
;;;738;25;;leisiereten si die zoume,
;;;738;26;;kurzeten si und tâten goume,
;;;738;27;;wanne si gepungiereten,
;;;738;28;;daz si niht falliereten.
;;;738;29;;si pflâgen unvergezzen,
;;;738;30;;dâ wart vaste gesezzen
;;;739;1;;und gein der jost geschicket
;;;739;2;;und diu ors mit sporn gezwicket.
;;;739;3;;hie wart diu jost alsô geriten,
;;;739;4;;beidiu kollier versniten
;;;739;5;;mit starken spern, diu sich niht bugen.
;;;739;6;;die sprîzen von der jost vlugen.
;;;739;7;;Ez hete der heiden gar vür haz,
;;;739;8;;daz dirre man vor im gesaz,
;;;739;9;;wan des nieman vor im gepflac,
;;;739;10;;gein dem er strîtes sich bewac.
;;;739;11;;ob si diu swerte iht vuorten,
;;;739;12;;dô si zuo ein ander ruorten?
;;;739;13;;diu wâren dô scharpf und alle breit.
;;;739;14;;ir kunst und ir manheit
;;;739;15;;wart dô erzeiget schiere.
;;;739;16;;ecidemôn, dem tiere,
;;;739;17;;wart etslîche wunde dô geslagen,
;;;739;18;;ez mohte der helm dâr under klagen.
;;;739;19;;diu ors von müede wurden heiz,
;;;739;20;;si versuocheten manegen niuwen kreiz.
;;;739;21;;si beide ab orsen sprungen;
;;;739;22;;alrêrst diu swert erklungen.
;;;739;23;;der heiden tet dem getouften wê.
;;;739;24;;des krîe was 'Thasme'
;;;739;25;;und wan er schrîte Tabrunit,
;;;739;26;;sô trat er vürbaz einen trit.
;;;739;27;;werlîch was der getoufte
;;;739;28;;ûf manegem dræten loufte,
;;;739;29;;den si zuo ein ander tâten.
;;;739;30;;ir strît was sô gerâten,
;;;740;1;;Daz ich die rede niht mac verdagen,
;;;740;2;;ich enmüeze ir strît mit triuwen klagen,
;;;740;3;;sît ein verch und ein bluot
;;;740;4;;solich ungenâde ein ander tuot.
;;;740;5;;si wâren doch beide eines mannes kint,
;;;740;6;;der geliuterten triuwen ein fundamint.
;;;740;7;;den heiden minne nie verdrôz,
;;;740;8;;des was sîn herze in strîte grôz.
;;;740;9;;gein prîse truoc er willen
;;;740;10;;durch die küneginne Secundillen,
;;;740;11;;diu daz lant zuo Tribalibot
;;;740;12;;im gap. diu was sîn schilt in nôt.
;;;740;13;;der heiden nam an strîte zuo.
;;;740;14;;waz tuon ich dem getouften nuo?
;;;740;15;;er enwelle an minne denken,
;;;740;16;;sô enmag er niht entwenken,
;;;740;17;;ime müeze dirre strît erwerben
;;;740;18;;von heidensch handen sterben.
;;;740;19;;daz wende, tugenthafter Grâl!
;;;740;20;;Kundewiramurs, diu lieht gemâl,
;;;740;21;;hie stêt iuwer beider dienstman
;;;740;22;;in der grœsten nôt, die er ie gewan!
;;;740;23;;der heiden warf daz swert ûf hôch.
;;;740;24;;manec sîn slac sich sus gezôch,
;;;740;25;;daz Parcifal kam an diu knie.
;;;740;26;;man mac wol sprechen, sus striten sie,
;;;740;27;;der si beide nennen wil zuo zwein.
;;;740;28;;si wâren doch beide niht wan ein.
;;;740;29;;mîn bruoder und ich, daz ist ein lîp,
;;;740;30;;als ist guot man und des wîp.
;;;741;1;;Der heiden tet dem getouften wê.
;;;741;2;;des schilt was holz von aspindê,
;;;741;3;;daz vûlet noch enbrinnet.
;;;741;4;;er was von ir geminnet,
;;;741;5;;diu im in gap, des sît gewis.
;;;741;6;;turkoyse, crisoprassis,
;;;741;7;;smarâde und rubîne,
;;;741;8;;vil steine mit sunder schîne
;;;741;9;;wâren verwirket durch kostlîchen prîs
;;;741;10;;alle umbe ûf diu kuppelrîs.
;;;741;11;;ûf dem kuppelhûse stuont
;;;741;12;;ein stein, des namen tuon ich iu kuont:
;;;741;13;;antrax dort genennet,
;;;741;14;;karfunkel hie bekennet.
;;;741;15;;durch der minne cundewier
;;;741;16;;ecidemôn, daz reine tier,
;;;741;17;;het im zuo wâpen gegeben,
;;;741;18;;an der genâden er wolte leben,
;;;741;19;;diu küneginne Secundille.
;;;741;20;;diz wâpen was ir wille.
;;;741;21;;dâ streit der triuwen lûterheit;
;;;741;22;;grôziu triuwe aldâ mit triuwen streit.
;;;741;23;;durch minne heten si ir leben
;;;741;24;;mit kampfe ûf urteil gegeben.
;;;741;25;;ietweders hant was sicherbote.
;;;741;26;;der getoufte wol getrûwete gote,
;;;741;27;;sît er von Trefrizente schiet,
;;;741;28;;der im sô herzeclîche riet,
;;;741;29;;er solte helfe an in gern,
;;;741;30;;der in sorgen vreude kunde wern.
;;;742;1;;der heiden truoc starkiu lit.
;;;742;2;;wan er schrîte Tabrunit,
;;;742;3;;daz der küneginne Secundille was
;;;742;4;;von der montâne in Kaukasas,
;;;742;5;;sô gewan er niht wan hôhen muot
;;;742;6;;gein dem, der ie was behuot
;;;742;7;;von soliches strîtes überlast.
;;;742;8;;er was schumpfentiure ein gast,
;;;742;9;;daz er nie gedolte,
;;;742;10;;doch sich maneger zuo im dâ erholte.
;;;742;11;;mit kunst si die arme erswungen,
;;;742;12;;viures blicke ûz den helmen drungen,
;;;742;13;;von ir swerten gienc der sûre wint.
;;;742;14;;got genere dâ Gahmuretes kint!
;;;742;15;;daz wunschen wirt in beiden,
;;;742;16;;dem getouften und dem heiden;
;;;742;17;;die nante ich ê vür einen.
;;;742;18;;sus begunden si ez ouch vereinen,
;;;742;19;;wæren si ein ander baz bekant,
;;;742;20;;si ensatzten niht sô hôhiu pfant.
;;;742;21;;ir strît galt niht mêre
;;;742;22;;wan vreude, sælde und êre.
;;;742;23;;wer dâ den prîs gewinnet,
;;;742;24;;oder der triuwe minnet,
;;;742;25;;werltlîche vreude er hât verlorn
;;;742;26;;und imer herzeriuwe erkorn.
;;;742;27;;Wes sûmestû dich, Parcifal,
;;;742;28;;daz dû an die kiuschen lieht gemâl
;;;742;29;;iht gedenkest - ich meine dîn wîp -,
;;;742;30;;wiltû behalten hie den lîp?
;;;743;1;;der heiden truoc geselleschaft,
;;;743;2;;dâr ane ouch lac sîn meistiu kraft.
;;;743;3;;einiu, daz er minnen pflac,
;;;743;4;;diu mit stæte an sîme herzen lac.
;;;743;5;;daz ander wâren steine,
;;;743;6;;die mit edelme arde reine
;;;743;7;;in hôchgemüete lêrten
;;;743;8;;und sîne kraft gemêrten.
;;;743;9;;mich müete, daz der getoufte
;;;743;10;;an strîte und an loufte
;;;743;11;;sus muote und an starken slegen.
;;;743;12;;ob im nû niht gehelfen megen
;;;743;13;;Kundewiramurs und der Grâl,
;;;743;14;;werlîcher Parcifal,
;;;743;15;;nû muostû einen trôst haben,
;;;743;16;;daz die clâren, süezen knaben
;;;743;17;;sô vrüeje niht verwîset sîn,
;;;743;18;;Kardeiz und Lohrangrin,
;;;743;19;;die bêde lebendic truoc ein wîp,
;;;743;20;;dô er jungest umbevienc ir lîp.
;;;743;21;;mit rehter kiusche erworben kint,
;;;743;22;;ich wæne, diu des mannes sælde sint.
;;;743;23;;der getoufte nam an kreften zuo.
;;;743;24;;er gedâhte - des was im niht zuo vruo -
;;;743;25;;an sîn wîp, die küneginne,
;;;743;26;;und an ir werde minne,
;;;743;27;;die er mit swertes schimpfe erranc,
;;;743;28;;dâ viur ûz den helmen von slegen spranc,
;;;743;29;;vor Peilrapere an Clamide.
;;;743;30;;Tabrunit und Tasme,
;;;744;1;;den wart dâ widerruof gegeben.
;;;744;2;;Parcifal begunde ouch pflegen,
;;;744;3;;daz er Peilrapere schrîte.
;;;744;4;;Kundewiramurs kam bezîte
;;;744;5;;durch viere künecrîche aldar
;;;744;6;;si nam mit minnen krefte war.
;;;744;7;;Dô sprungen - des ich wæne -
;;;744;8;;von des heldes schiltes spæne,
;;;744;9;;etslîcher hundert marke wert.
;;;744;10;;von Kaheviez daz guote swert
;;;744;11;;mit slage ûf des heidens helm dâ brast,
;;;744;12;;sô daz der rîche küene gast
;;;744;13;;mit strûche venjen suochte.
;;;744;14;;got des niht langer ruochte,
;;;744;15;;daz Parcifal daz rê nemen
;;;744;16;;in sîner hende solte zemen.
;;;744;17;;daz swert er Ither nam,
;;;744;18;;als sîner tumpheit dô wol gezam.
;;;744;19;;der ê nie gesweic durch swertes swanc,
;;;744;20;;der heiden, snellîch ûf dô spranc.
;;;744;21;;ez ist noch ungescheiden.
;;;744;22;;zuo urteile stêt ez uns beiden
;;;744;23;;von der hœhesten hende.
;;;744;24;;daz diu ir sterben wende!
;;;744;25;;der heiden was muotes rîche,
;;;744;26;;der sprach dô höveschlîche
;;;744;27;;in franzoys - daz er kunde -
;;;744;28;;ûz heidenscheme munde:
;;;744;29;;"ich sihe wol, werlîcher man,
;;;744;30;;dîn strît würde âne swert getân.
;;;745;1;;waz prîses bejagete ich dan an dir?
;;;745;2;;stant stille und sage mir,
;;;745;3;;werlîcher helt, wer dû sîs.
;;;745;4;;vür wâr, dû hetest mînen prîs
;;;745;5;;behabet, der lange ist mich gewert,
;;;745;6;;wære dir zerbrochen niht dîn swert.
;;;745;7;;nû sî von uns beiden vride,
;;;745;8;;unz uns geruowent baz diu lide."
;;;745;9;;Si sâzen nider ûf daz gras.
;;;745;10;;manheit bî zühten an in beiden was
;;;745;11;;und ir beider jâr von solicher zît,
;;;745;12;;zuo junc noch zuo alt si beide ûf strît.
;;;745;13;;der heiden zuo dem getouften sprach:
;;;745;14;;"nû geloube, helt, daz ich gesach
;;;745;15;;bî mîner zît noch nie den man,
;;;745;16;;der baz den prîs möhte hân,
;;;745;17;;den man in strîte solte bejagen.
;;;745;18;;nû geruoche, helt, mir beidiu sagen,
;;;745;19;;dînen namen und dînen art;
;;;745;20;;sô ist wol bewendet her mîn vart."
;;;745;21;;dô sprach Herzeloyden sun:
;;;745;22;;"sol ich daz durch vorhte tuon,
;;;745;23;;sône darf nieman an mich gern,
;;;745;24;;sol ich es betwungenlîche gewern."
;;;745;25;;der heiden von Tasme
;;;745;26;;sprach: "ich wil mich nennen ê,
;;;745;27;;und lâz daz laster wesen mîn.
;;;745;28;;ich bin Ferefis von Anschevin,
;;;745;29;;sô rîche wol, daz mîner hant
;;;745;30;;mit zinse dienet manec lant."
;;;746;1;;dô disiu rede von im geschach,
;;;746;2;;Parcifal zuo dem heiden sprach:
;;;746;3;;"wâ von sît ir ein Anschevin?
;;;746;4;;Anschouwe ist von erbe mîn,
;;;746;5;;bürge, lant und stete.
;;;746;6;;hêrre, ir sult durch mîne bete
;;;746;7;;iu einen andern namen kiesen.
;;;746;8;;solt ich mîn lant verliesen
;;;746;9;;und die werden stat zuo Bealzenan,
;;;746;10;;sô hetet ir mir gewalt getân.
;;;746;11;;sîn wir beide ein Anschevin,
;;;746;12;;daz sol ich von arde sîn.
;;;746;13;;doch ist mir vür wâr gesaget,
;;;746;14;;daz ein helt unverzaget
;;;746;15;;won in der heidenschaft
;;;746;16;;und habe mit rîterlîcher kraft
;;;746;17;;minne und prîs behalten,
;;;746;18;;daz er müeze beider walten.
;;;746;19;;der ist zuo bruoder mir benant;
;;;746;20;;si hânt in dâ vür prîs erkant."
;;;746;21;;Aber sprach dô Parcifal:
;;;746;22;;"hêrre, iuwers antlitzes mâl,
;;;746;23;;hete ich diu kuntlîche ersehen,
;;;746;24;;sô würde iu schiere von mir verjehen,
;;;746;25;;als mir kunt ist getân.
;;;746;26;;hêrre, wolt ir ez an mich lân,
;;;746;27;;sô enblœzet iuwer houbet.
;;;746;28;;ob ir mir ez geloubet,
;;;746;29;;mîn hant iuch strîtes gar verbirt,
;;;746;30;;unz daz ez ander stunt gewâpent wirt."
;;;747;1;;dô sprach der heidensche man:
;;;747;2;;"dînes strîtes ich wênic angest hân.
;;;747;3;;stüende ich hie blôz, sît ich hân ein swert,
;;;747;4;;dû wærest doch schumpfentiure gewert,
;;;747;5;;sît dîn swert zerbrochen ist.
;;;747;6;;al dîn werlîcher list
;;;747;7;;mac dich vor dem tôde niht bewarn,
;;;747;8;;ich enwelle dich anders gerne sparn.
;;;747;9;;ê dû begundest ringen,
;;;747;10;;mîn swert, daz liez ich dringen
;;;747;11;;beidiu durch îsen und durch vel."
;;;747;12;;der heiden starc und snel
;;;747;13;;tet menschlîche site schîn:
;;;747;14;;"diz swert sol unser beider sîn."
;;;747;15;;ez warf der küene degen balt
;;;747;16;;verre von im in den walt.
;;;747;17;;er sprach: "sol hie nû strît ergân,
;;;747;18;;daz muoz gelîche schanze hân."
;;;747;19;;dô sprach der rîche Ferefis:
;;;747;20;;"helt, durch dîner zühte vlîz,
;;;747;21;;sît dû bruoder mügest hân,
;;;747;22;;sô sage, wie ist er getân?
;;;747;23;;tuo mir sîn antlitze erkant,
;;;747;24;;wie dir sîn varwe sî genant."
;;;747;25;;Dô sprach Herzeloyde kint:
;;;747;26;;"als ein geschriben permint,
;;;747;27;;swarz, blanc her und dâ,
;;;747;28;;alsô nante mir in Eckuba."
;;;747;29;;der heiden sprach: "daz bin ich."
;;;747;30;;si beide dô wênic sûmeten sich,
;;;748;1;;ietweder sîn houbet schiere
;;;748;2;;von helme und von härseniere
;;;748;3;;enblôzeten an der selben stunt.
;;;748;4;;Parcifal vant hôhen vunt
;;;748;5;;und den liebesten, den er ie vant.
;;;748;6;;der heiden schiere wart bekant,
;;;748;7;;wan er truoc agelstern mâl.
;;;748;8;;Ferefis und Parcifal
;;;748;9;;mit kusse understuonden haz.
;;;748;10;;in zæme ouch beiden vriuntschaft baz
;;;748;11;;dan gein ein ander herzen nît.
;;;748;12;;triuwe und liebe schiet ir strît.
;;;748;13;;der heiden dô mit vreuden sprach:
;;;748;14;;"ô wol mich, daz ich ie gesach
;;;748;15;;des werden Gahmuretes kint!
;;;748;16;;alle mîne gote des geêret sint.
;;;748;17;;mîne gotinne Juno
;;;748;18;;des prîses wol mac wesen vrô.
;;;748;19;;mîn kreftic got Jupiter
;;;748;20;;dirre sælden was mîn gewer.
;;;748;21;;gote und gotinne,
;;;748;22;;iuwer kraft ich immer minne.
;;;748;23;;geêret sî des plânêten schîn,
;;;748;24;;dâr inne diu reise mîn
;;;748;25;;nâch âventiure wart getân
;;;748;26;;gein dir, vorhteclîch süezer man,
;;;748;27;;daz mich von dîner hant gerou.
;;;748;28;;geêret sî luft und tou,
;;;748;29;;daz hiute morgen ûf mich reis.
;;;748;30;;minnen slüzzel kurteis!
;;;749;1;;wol diu wîp, diu dich soln sehen!
;;;749;2;;waz den sælden ist geschehen!"
;;;749;3;;"Ir sprechet wol, ich spræche baz,
;;;749;4;;ob ich daz kunde, âne allen haz.
;;;749;5;;nû enbin ich leider niht sô wîs,
;;;749;6;;daz iuwer wirdeclîcher prîs
;;;749;7;;mit worten muge gehôhet sîn.
;;;749;8;;got weiz aber wol den willen mîn.
;;;749;9;;waz herze und ougen kunst hânt
;;;749;10;;an mir, diu beidiu niht erlânt,
;;;749;11;;iuwer prîs saget vor, si volgent nâch.
;;;749;12;;daz nie von rîters hant geschach
;;;749;13;;mir grœzer nôt, vür wâr ich ez weiz,
;;;749;14;;dan von iu", sprach der von Kanvoleiz.
;;;749;15;;dô sprach der rîche Ferefis:
;;;749;16;;"Jupiter hât sînen vlîz,
;;;749;17;;werder helt, geleget an dich.
;;;749;18;;dû ensolt niht mê irzen mich.
;;;749;19;;wir heten beide einen vater."
;;;749;20;;mit bruoderlîchen triuwen bat er,
;;;749;21;;daz er irzens in erlieze
;;;749;22;;und in duzlîchen hieze.
;;;749;23;;diu rede was Parcifale leit.
;;;749;24;;dô sprach er: "bruoder, iuwer rîcheit
;;;749;25;;gelîchet wol dem bâruc sich;
;;;749;26;;sô sît ir alter ouch dan ich.
;;;749;27;;mîn jugent und mîn armuot
;;;749;28;;sol solicher lôsheit sîn behuot,
;;;749;29;;daz ich iu duzen biete,
;;;749;30;;wan ich mich zühte niete."
;;;750;1;;Der von Tribalibot
;;;750;2;;Jupiter, sînen got,
;;;750;3;;mit worten êrte manege wîs.
;;;750;4;;er gap ouch vil hôhen prîs
;;;750;5;;sîner gotinne Juno,
;;;750;6;;daz si daz weter vuogete sô,
;;;750;7;;dâ mit er und al sîn her
;;;750;8;;gein dem lande von dem mer
;;;750;9;;lantveste nâmen,
;;;750;10;;daz si zuo ein ander kâmen.
;;;750;11;;anderstunt si nider sâzen.
;;;750;12;;die beide des niht vergâzen,
;;;750;13;;si büten ein ander êre.
;;;750;14;;der heiden sprach dô mêre:
;;;750;15;;"ich wil dir lâzen zwei rîchiu lant
;;;750;16;;dienstlîche imer dîner hant,
;;;750;17;;diu mîn vater und der dîne erwarp,
;;;750;18;;dô der künec Isenhart erstarp,
;;;750;19;;Zazamanc und Azagouc.
;;;750;20;;sîn manheit nieman trouc,
;;;750;21;;wan daz er liez verweiset mich.
;;;750;22;;gein mîme vater der gerich
;;;750;23;;ist mînhalp noch unverkorn.
;;;750;24;;sîn wîp, von der ich wart geborn,
;;;750;25;;durch minne ein sterben nâch im kôs,
;;;750;26;;dô si minne an im verlôs.
;;;750;27;;ich sæhe doch gerne disen man.
;;;750;28;;mir ist zuo wizzene getân,
;;;750;29;;daz nie bezzer rîter wart.
;;;750;30;;nâch im ist kostlîch mîn vart."
;;;751;1;;Parcifal zuo im dô sprach:
;;;751;2;;"ich bin ouch, der in nie gesach.
;;;751;3;;man saget mir guotiu werc von im.
;;;751;4;;an maneger stat ich diu vernim.
;;;751;5;;der wol kunde in strîten
;;;751;6;;sînen prîs gewîten
;;;751;7;;und wirdecheit gemachen hôch.
;;;751;8;;alliu missewende in vlôch.
;;;751;9;;er was wîben undertân;
;;;751;10;;ob die triuwe kunden hân,
;;;751;11;;die lôntens âne valschen list.
;;;751;12;;dâ von der touf noch geêret ist,
;;;751;13;;pflac er, triuwen âne wenken.
;;;751;14;;er kunde ouch wol bedenken
;;;751;15;;alle wirdeclîche tât.
;;;751;16;;sînes herzen stæte gap im den rât.
;;;751;17;;daz ruochten si mich wizzen lân,
;;;751;18;;den kunt was der selbe man,
;;;751;19;;den ir sô gerne sæhet.
;;;751;20;;ich wæne, ir prîses jæhet
;;;751;21;;im, ob er noch lebete,
;;;751;22;;wan er nâch prîse strebete.
;;;751;23;;sîn dienst twanc der wîbe lôn,
;;;751;24;;daz der künec Ihpomidon
;;;751;25;;gein im jostierens pflac.
;;;751;26;;diu jost ergienc vor Baldac.
;;;751;27;;dâ wart sîn wirdeclîchez leben
;;;751;28;;der minne an den rê gegeben.
;;;751;29;;wir hân zuo rehter jost verlorn,
;;;751;30;;von dem wir beide sîn geborn."
;;;752;1;;"Owê der unergetzeten nôt!",
;;;752;2;;sprach der heiden. "ist mîn vater tôt?
;;;752;3;;ich mac wol vreude und verlust jehen
;;;752;4;;und vreuden vunt mit wârheit spehen.
;;;752;5;;ich hân an disen stunden
;;;752;6;;vreude verlorn und vreude vunden.
;;;752;7;;wil ich der wârheit grîfen zuo,
;;;752;8;;beidiu mîn vater und dû
;;;752;9;;und ich wâren doch alein,
;;;752;10;;doch ez in drîn stücken schein.
;;;752;11;;wâ man sihet den wîsen man,
;;;752;12;;der enzelet dekeine sippe dan,
;;;752;13;;zwischen dem vater und den kinden,
;;;752;14;;wil er die wârheit vinden.
;;;752;15;;mit dir selber hâstû hie gestriten,
;;;752;16;;gein mir selbe ich kam ûf strît geriten,
;;;752;17;;mich selber het ich gerne erslagen.
;;;752;18;;dô enkundestû des niht verzagen,
;;;752;19;;dû wertest mir mîn selbes lîp.
;;;752;20;;Jupiter, daz wunder schrîp!
;;;752;21;;dîn kraft tet uns helfe kunt,
;;;752;22;;daz unser sterben understuont."
;;;752;23;;er lachete und weinde tougen.
;;;752;24;;sîniu heidenschiu ougen
;;;752;25;;begunden wazzer rêren
;;;752;26;;al durch des toufes êren.
;;;752;27;;der touf sol lêren triuwe,
;;;752;28;;sît unser ê diu niuwe
;;;752;29;;nâch Kriste wart genennet.
;;;752;30;;an Kriste ist triuwe erkennet.
;;;753;1;;Der heiden sprach, ich sage wie:
;;;753;2;;"wir soln niht langer sitzen hie.
;;;753;3;;rît mit mir niht zuo verre.
;;;753;4;;loschieren ûf die terre,
;;;753;5;;durch dîn schouwen von dem mer
;;;753;6;;heize ich daz rîcheste her,
;;;753;7;;dem gap Juno ie segels luft.
;;;753;8;;mit wârheit âne triegens guft
;;;753;9;;zeige ich dir dâ manegen werden man,
;;;753;10;;der mir ist dienstes undertân.
;;;753;11;;dar solt dû hin mit mir."
;;;753;12;;Parcifal sprach hin zuo im: "sît ir
;;;753;13;;sô gewaltic iuwerre liute,
;;;753;14;;daz si beiten iuwer hiute
;;;753;15;;und alle die wîle daz ir von in sît?"
;;;753;16;;der heiden sprach: "âne strît.
;;;753;17;;wære ich von in ein halbez jâr,
;;;753;18;;mîn biten arm, rîche gar.
;;;753;19;;si engetorsten nirgen kêren.
;;;753;20;;gespîset wol nâch êren
;;;753;21;;sint alliu ir schif in der habe.
;;;753;22;;ors noch man niht dorften drabe,
;;;753;23;;ez enwære durch fontâne
;;;753;24;;oder durch luft von dem plâne."
;;;753;25;;Parcifal zuo dem bruoder sîn
;;;753;26;;sprach: "sô solt ir vrouwen schîn
;;;753;27;;sehen und grôze wünne,
;;;753;28;;von iuwerme werden künne
;;;753;29;;manegen rîter kurteis.
;;;753;30;;Artus der Brituneis
;;;754;1;;liget hie bî mit werder diet,
;;;754;2;;von den ich mich hiute schiet,
;;;754;3;;mit grôzer wünneclîcher schar.
;;;754;4;;wir sehen dâ vrouwen wol gevar."
;;;754;5;;Dô der heiden hôrte nennen wîp
;;;754;6;;- die wâren sîn selbes lîp -
;;;754;7;;er sprach: "dar vüere mich mit dir.
;;;754;8;;dar zuo soltû sagen mir
;;;754;9;;mære, der ich dich vrâge.
;;;754;10;;sehen wir unser mâge,
;;;754;11;;sô wir zuo Artuse komen?
;;;754;12;;von des vuore ich hân vernomen,
;;;754;13;;daz er prîses sî rîche
;;;754;14;;und er var ouch wirdeclîche."
;;;754;15;;aber sprach dô Parcifal:
;;;754;16;;"wir sehen dâ vrouwen lieht gemâl.
;;;754;17;;sich fallieret niht unser vart;
;;;754;18;;wir vinden dâ unsern rehten art,
;;;754;19;;liute, von den wir sîn geborn,
;;;754;20;;etslîch houbet zuo der krône erkorn."
;;;754;21;;ir ietweder sîte dô niht langer saz.
;;;754;22;;Parcifal des niht vergaz,
;;;754;23;;er enholte sînes bruoder swert.
;;;754;24;;daz stiez er dem degen wert
;;;754;25;;wider in die scheiden.
;;;754;26;;dô wart von in beiden
;;;754;27;;zornlîcher haz vermiten
;;;754;28;;und geselleclîche dô geriten.
;;;754;29;;ê si zuo Artuse wæren komen,
;;;754;30;;dô wâren ouch mære von in vernomen.
;;;755;1;;Dô was bî dem selben tage
;;;755;2;;über al daz her gemeiniu klage,
;;;755;3;;daz Parcifal, der werde man,
;;;755;4;;sus was von in gescheiden dan.
;;;755;5;;Artus mit râte sich bewac,
;;;755;6;;daz er unz an den vierden tac
;;;755;7;;Parcifals dâ wolte bîten
;;;755;8;;und von der stat niht rîten.
;;;755;9;;Gramoflanzes her was ouch komen.
;;;755;10;;dem was manec wîter rinc genomen
;;;755;11;;mit gezelten wol gezieret.
;;;755;12;;dâ was geloschieret
;;;755;13;;den stolzen werden liuten.
;;;755;14;;man möht ez den vier briuten
;;;755;15;;niht baz erbieten mit vreude siten.
;;;755;16;;von Tschahtel Marvele geriten
;;;755;17;;kom ein man zuo der selben zît.
;;;755;18;;der sagete alsus, ez wære ein strît
;;;755;19;;ûf dem warthûse in der sûl gesehen.
;;;755;20;;waz ie mit swerten wære geschehen,
;;;755;21;;"daz ist gein disem strîte ein niht".
;;;755;22;;vor Gawane er der mære giht,
;;;755;23;;dâ der bî Artuse saz.
;;;755;24;;manec rîter dâ mit rede maz,
;;;755;25;;von wem der strît wære getân.
;;;755;26;;Artus, der künec, sprach dô sân:
;;;755;27;;"den strît ich einhalp wol weiz.
;;;755;28;;in streit mîn neve von Kanvoleiz,
;;;755;29;;der von uns schiet hiute morgen vruo."
;;;755;30;;dô riten ouch dise zwêne zuo.
;;;756;1;;wol nâch strîtes êre
;;;756;2;;helme und ir schilde sêre
;;;756;3;;wâren mit swerten an gerant.
;;;756;4;;ietweders wol gelêrte hant
;;;756;5;;truoc, der diu strîtes mâl entwarf.
;;;756;6;;in strît man ouch wol kunst bedarf.
;;;756;7;;bî Artuses ringe hin
;;;756;8;;si riten. dô wart vil nâch in
;;;756;9;;beschouwet, dâ der heiden reit;
;;;756;10;;der vuorte eht solhe rîcheit.
;;;756;11;;wol beherbergt wart daz velt.
;;;756;12;;si kêrten vür daz grôz gezelt
;;;756;13;;gegen hêrren Gawans ringe.
;;;756;14;;ob man si iht innen bringe,
;;;756;15;;daz man si gerne sæhe?
;;;756;16;;ich wæne ouch, daz daz geschæhe.
;;;756;17;;Gawan kam snelliclîche nâch,
;;;756;18;;wan er bî Artus sach,
;;;756;19;;daz si gein sînem gezelte riten.
;;;756;20;;der enpfienc si dâ mit vreuden siten.
;;;756;21;;si heten daz harnasch dannoch an.
;;;756;22;;Gawan, der hövesch man,
;;;756;23;;hiez si entwâpen schiere.
;;;756;24;;ecidemôn, dem tiere,
;;;756;25;;was geteilet mit der strît.
;;;756;26;;der heiden truoc ein kursît
;;;756;27;;- dem was von slegen worden wê -,
;;;756;28;;daz was ein saranthasmê.
;;;756;29;;dâr stuont manec tiure stein.
;;;756;30;;dâr under ein wâpenroc erschein,
;;;757;1;;ouch gebildet snêvar.
;;;757;2;;dâ stuont her und dâr
;;;757;3;;tiure steine gein ein ander.
;;;757;4;;die wurme salamander
;;;757;5;;in geworhten in dem viure.
;;;757;6;;si liez in âventiure
;;;757;7;;ir minne, ir lant, ir lîp;
;;;757;8;;dise gezierde im gap ein wîp
;;;757;9;;- er leiste ouch gerne ir gebot
;;;757;10;;beidiu in vreuden und in nôt -,
;;;757;11;;diu küneginne Secundille.
;;;757;12;;ez was ir herzewille,
;;;757;13;;daz si im gap ir rîcheit.
;;;757;14;;sîn hôher prîs ir minne erstreit.
;;;757;15;;Gawan bat des nemen war,
;;;757;16;;daz diu zimierde wol gevar
;;;757;17;;iender würden verrucket
;;;757;18;;oder iht dâ von gezucket,
;;;757;19;;kursît, helm und strîtschilt.
;;;757;20;;es hete ein armez wîp bevilt
;;;757;21;;an dem wâpenrocke aleine.
;;;757;22;;tiure wâren die steine
;;;757;23;;an stücken allen vieren.
;;;757;24;;hôhiu minne kan wol zieren,
;;;757;25;;wâ rîcheit bî dem willen ist
;;;757;26;;und ander wirdeclîcher list.
;;;757;27;;der stolze rîche Ferefis
;;;757;28;;truoc mit dienste grôzen vlîz
;;;757;29;;nâch wîbe hulde umb daz,
;;;757;30;;daz einiu lônes im nie vergaz.
;;;758;1;;der harnasch was von im getân.
;;;758;2;;dô schouweten disen bunten man
;;;758;3;;alle, die wunders kunden jehen,
;;;758;4;;die mohten dâ mit wârheit sehen:
;;;758;5;;Ferefis truoc vremdiu mâl.
;;;758;6;;Gawan sprach zuo Parcifal:
;;;758;7;;"neve, tuo den gesellen dîn
;;;758;8;;mir kunt. er treit sô wæhen schîn,
;;;758;9;;dem ich glîches nie gesach."
;;;758;10;;Parcifal zuo sîme wirte sprach:
;;;758;11;;"bin ich dîn mâc, daz ist ouch er;
;;;758;12;;des sî Gahmuret dîn wer.
;;;758;13;;diz ist der künec von Zazamanc.
;;;758;14;;mîn vater dort mit prîse erranc
;;;758;15;;Belacanen, diu disen rîter truoc."
;;;758;16;;Gawan den heiden genuoc
;;;758;17;;kuste. der rîche Ferefis
;;;758;18;;was beidiu swarz und wîz
;;;758;19;;über al sîn vel, wan daz der munt
;;;758;20;;gein halbem teile tet rœte kunt.
;;;758;21;;man brâht in beiden samt gewant,
;;;758;22;;daz was vür tiure kost erkant,
;;;758;23;;ûz Gawans kamer truoc man dar.
;;;758;24;;dar kômen vrouwen lieht gevar.
;;;758;25;;diu herzogîn liez Kundrie
;;;758;26;;und Seyven küssen ê.
;;;758;27;;si selbe und Arnyve dô
;;;758;28;;kusten. Ferefis was vrô,
;;;758;29;;daz er sô clâre vrouwen sach.
;;;758;30;;ich wæne im liebe dran geschach.
;;;759;1;;Gawan zuo Parcifal sprach:
;;;759;2;;"neve, dîn niuwez ungemach
;;;759;3;;saget mir dîn helm und dîn schilt.
;;;759;4;;iu ist beiden strîtes mite gespilt,
;;;759;5;;dir und dem bruoder dîn.
;;;759;6;;gein wem erholt ir dise pîn?"
;;;759;7;;"ez enwart nie herter strît bekant",
;;;759;8;;sprach Parcifal. "mînes bruoder hant
;;;759;9;;twanc mich zuo wer in grôzer nôt.
;;;759;10;;wer ist ein segen vür den tôt.
;;;759;11;;ûf disen heimelîchen gast
;;;759;12;;von slage mîn starc swert zerbrast.
;;;759;13;;dô tet er kranke vorhte schîn.
;;;759;14;;er warf verre ûz der hant daz sîn.
;;;759;15;;er vorhte an mir sünde,
;;;759;16;;ê wir gerechenten ze künde.
;;;759;17;;nû hân ich sîne hulde wol,
;;;759;18;;die ich mit dienste gerne hol."
;;;759;19;;Gawan sprach: "mir wart gesaget
;;;759;20;;von eime strîte unverzaget.
;;;759;21;;ûf Tschahtel Marvele man siht,
;;;759;22;;waz innerhalp vier mîlen geschiht,
;;;759;23;;in der sûl ûf mîme warthûs.
;;;759;24;;dô sprach mîn œheim Artus,
;;;759;25;;der dâ strite des selben mâls,
;;;759;26;;daz wærestû, neve von Kingrivals.
;;;759;27;;dû hâst die wâre mære brâht.
;;;759;28;;dir was des strîtes doch vor gedâht.
;;;759;29;;nû geloube mir daz ich dir sage.
;;;759;30;;dîn wære hie gebiten vier tage
;;;760;1;;mit grôzer rîcher hôchgezît.
;;;760;2;;mich müet iuwer beider strît.
;;;760;3;;dâ sult ir bî mir ruowen nâch.
;;;760;4;;sît aber strît von iu geschach,
;;;760;5;;ir erkennet ein ander deste baz.
;;;760;6;;nû kieset vriuntschaft vür den haz."
;;;760;7;;Gawan des âbendes az deste ê,
;;;760;8;;dô sîn neve von Tasme,
;;;760;9;;Ferefis von Anschevin,
;;;760;10;;dannoch vaste, und der bruoder sîn.
;;;760;11;;von palmât dicke und lanc
;;;760;12;;der wart ein wît umbehanc.
;;;760;13;;kultern maneger künne
;;;760;14;;von palmât, niht zuo dünne,
;;;760;15;;wurden dô der matraz dach.
;;;760;16;;tiure pfelle man drûf gesteppet sach,
;;;760;17;;beidiu lanc und beidiu breit.
;;;760;18;;diu Clynsors rîcheit
;;;760;19;;wart dâ zuo schouwene vür getragen.
;;;760;20;;dô sluoc man ûf, sus hôrt ich sagen,
;;;760;21;;von pfelle vier kurze lachen
;;;760;22;;mit rîchlîchen sachen,
;;;760;23;;gein ein ander viersîte,
;;;760;24;;dâr under sanfte plûmîte
;;;760;25;;mit kultern verdecket,
;;;760;26;;rückelachen dâr über gestecket.
;;;760;27;;der rinc begreif sô wît ein velt,
;;;760;28;;dâ wæren gestanden vier gezelt
;;;760;29;;âne gedrenge der snüere.
;;;760;30;;unbescheidenlîche ich vüere,
;;;761;1;;wolt ich dise âventiure vürbaz hân.
;;;761;2;;dô enbôt mîn hêr Gawan
;;;761;3;;zuo hove Artuse mære,
;;;761;4;;wer dâ komen wære.
;;;761;5;;Der rîche heiden wære dâ,
;;;761;6;;den diu heidenîn Eckuba
;;;761;7;;sô prîste bî dem Plymizol.
;;;761;8;;Jofreit fis Idol
;;;761;9;;Artuse die mære sagete,
;;;761;10;;daz er vreuden vil bejagete.
;;;761;11;;Jofreit bat in ezzen vruo
;;;761;12;;und clârlîchen grîfen zuo
;;;761;13;;mit rîtern und mit vrouwen schar
;;;761;14;;und höveschlîchen komen dar,
;;;761;15;;daz si ez sô ane viengen
;;;761;16;;und wirdeclîche enpfiengen
;;;761;17;;des stolzen Gahmuretes kint.
;;;761;18;;"waz hie werder liute sint,
;;;761;19;;die bringe ich", sprach der Britonois.
;;;761;20;;Jofreit sprach: "er ist sô kurtois,
;;;761;21;;ir muget in alle gerne sehen,
;;;761;22;;wan ir sult wunder an im spehen.
;;;761;23;;er vert ûz grôzer rîcheit.
;;;761;24;;sîn wâpenlîch kleit
;;;761;25;;nieman vergelten möhte.
;;;761;26;;dekeiner hant daz töhte.
;;;761;27;;Lover, Britanie und Engellant,
;;;761;28;;von Paris unz an Wizsant,
;;;761;29;;der dar geine leget al die terre,
;;;761;30;;ez wære dem gelte verre."
;;;762;1;;Jofreit was wider komen.
;;;762;2;;von dem het Artus vernomen,
;;;762;3;;wie er werben solte,
;;;762;4;;oder er enpfâhen wolte
;;;762;5;;sînen neven, den heiden.
;;;762;6;;daz sitzen wart bescheiden
;;;762;7;;an Gawanes ringe
;;;762;8;;mit höveschlîchen dingen.
;;;762;9;;diu massenîe der herzogîn
;;;762;10;;und die gesellen under in
;;;762;11;;zuo Gawanes zeswen sâzen.
;;;762;12;;anderhalp sus mit vreuden âzen
;;;762;13;;die rîter, Clynsors diet.
;;;762;14;;den vrouwen sitzen man beschiet.
;;;762;15;;über gein Gawan an dem ort
;;;762;16;;sâzen Clynsors vrouwen dort;
;;;762;17;;der was manegiu lieht gemâl.
;;;762;18;;Ferefis und Parcifal
;;;762;19;;sâzen mitten zwischen die vrouwen;
;;;762;20;;man mohte dâ clârheit schouwen.
;;;762;21;;der kurtoise Florant
;;;762;22;;und Seyve, diu werde erkant,
;;;762;23;;und der herzoge von Gauwerzin
;;;762;24;;und Kundrie, daz wîp sîn,
;;;762;25;;über gein ein ander sâzen.
;;;762;26;;ich wæne des, iht vergâzen
;;;762;27;;Gawan und Jofreit
;;;762;28;;ir alten gesellecheit.
;;;762;29;;si âzen mit ein ander.
;;;762;30;;diu herzogîn mit blicken glander
;;;763;1;;mit der künegîn Arnyven az.
;;;763;2;;ir ietwederiu dô niht vergaz
;;;763;3;;ir alten gesellecheit
;;;763;4;;wâren si ein ander vil bereit.
;;;763;5;;bî Gawane saz sîn an,
;;;763;6;;Orgeluse ûzerhalp herdan.
;;;763;7;;dô erzeigete diu rehte unzuht
;;;763;8;;von dem ringe ir snelle vluht.
;;;763;9;;Man truoc bescheidenlîche dar
;;;763;10;;den rîtern und den vrouwen gar
;;;763;11;;ir spîse zühteclîche.
;;;763;12;;Ferefis, der rîche,
;;;763;13;;sprach zuo Parcifal, dem bruoder sîn:
;;;763;14;;"Jupiter die reise mîn
;;;763;15;;mir zuo sælden hete erdâht,
;;;763;16;;daz mich sîn helfe her hete brâht,
;;;763;17;;daz ich mîne werde mâge sihe.
;;;763;18;;von rehter schult ich prîses gihe
;;;763;19;;mînem vater, den ich hân verlorn;
;;;763;20;;der was ûz rehtem prîse erkorn."
;;;763;21;;der Waleis sprach: "ir sult noch sehen
;;;763;22;;liute, den ir prîses müezet jehen,
;;;763;23;;bî Artuse, dem houbetman,
;;;763;24;;manegen rîter wolgetân.
;;;763;25;;wie schiere daz ezzen nû ergêt,
;;;763;26;;unlange ez dan dâ nâch gestêt,
;;;763;27;;unz daz ir die werden sehet komen,
;;;763;28;;an den vil prîses ist vernomen.
;;;763;29;;waz tavelrunder kraft ist bî,
;;;763;30;;der ensitzet hie niht wan rîter drî:
;;;764;1;;Der wirt und Jofreit;
;;;764;2;;etswan ouch ich den prîs erstreit,
;;;764;3;;daz man mîn dar über gerte,
;;;764;4;;des ich si dô gewerte."
;;;764;5;;si nâmen tischlachen dan
;;;764;6;;vor al den vrouwen und vor al den man.
;;;764;7;;des was zît. dô man geaz,
;;;764;8;;Gawan, der wirt, niht langer saz.
;;;764;9;;die herzogîn und ouch sîn anen
;;;764;10;;begunder biten und manen,
;;;764;11;;daz si Seyven næmen ê
;;;764;12;;und die süezen Kundrie
;;;764;13;;næmen und giengen dar,
;;;764;14;;al dâr der heiden buntgevar
;;;764;15;;saz, und daz si pflægen sîn.
;;;764;16;;Ferefis von Anschevin
;;;764;17;;sach die vrouwen gein im gên.
;;;764;18;;gein den begunder ûf dô stên.
;;;764;19;;als tet sîn bruoder Parcifal.
;;;764;20;;diu herzoginne lieht gemâl
;;;764;21;;nam Ferefis mit der hant.
;;;764;22;;waz si vrouwen und rîter vant
;;;764;23;;dâ stân, die bat si sitzen alle.
;;;764;24;;dô reit dar zuo mit schalle
;;;764;25;;Artus mit den sînen.
;;;764;26;;man hôrte dâ busînen,
;;;764;27;;tambûren, floitieren, stîven.
;;;764;28;;der sun Arnyven
;;;764;29;;reit dar zuo mit krache.
;;;764;30;;dirre vrœlîchen sache
;;;765;1;;der heiden jach vür werdiu dinc.
;;;765;2;;sus reit an Gawanes rinc
;;;765;3;;Artus mit sîme wîbe,
;;;765;4;;mit manegem clâren lîbe,
;;;765;5;;mit rîtern und mit vrouwen.
;;;765;6;;der heiden mohte schouwen,
;;;765;7;;daz ouch dâ liute wâren,
;;;765;8;;junc mit solichen jâren,
;;;765;9;;daz si pflâgen varwen glanz.
;;;765;10;;dô was der künec Gramoflanz
;;;765;11;;dannoch in Artuses pflege.
;;;765;12;;dô reit doch ûf dem selben wege
;;;765;13;;Itonie, sîniu amîe,
;;;765;14;;diu süeze valsches vrîe.
;;;765;15;;Dô erbeizte der tavelrunder schar
;;;765;16;;mit maneger vrouwen lieht gevar.
;;;765;17;;Gynover liez Itonie
;;;765;18;;ir neven, den heiden, küssen ê.
;;;765;19;;si selbe dô dar nâher gienc,
;;;765;20;;Ferefisen si mit kusse enpfienc.
;;;765;21;;Artus und Gramoflanz,
;;;765;22;;mit triuwelîcher liebe ganz
;;;765;23;;enpfiengen si den heiden.
;;;765;24;;dô wart im von in beiden
;;;765;25;;mit dienste erboten êre,
;;;765;26;;und sîner mâge mêre
;;;765;27;;im tâten guoten willen schîn.
;;;765;28;;Ferefis Anschewin
;;;765;29;;was dô zuo guoten vriunden komen.
;;;765;30;;daz het er schiere an in vernomen.
;;;766;1;;nider sâzen wîp und man
;;;766;2;;und manegiu maget wolgetân.
;;;766;3;;wolt er sich es underwinden,
;;;766;4;;etslîch rîter mohte dâ vinden
;;;766;5;;süeziu wort von süezem munde,
;;;766;6;;ob er minne werben kunde.
;;;766;7;;die bete liez gar âne haz
;;;766;8;;manegiu clâriu maget, diu dâ saz.
;;;766;9;;guot wîp man nie gezürnen sach,
;;;766;10;;ob wert man nâch ir helfe sprach.
;;;766;11;;si hât versagen und gewern vor.
;;;766;12;;giht man vreude iht urbor,
;;;766;13;;den zins muoz dir wâriu minne geben,
;;;766;14;;sol werder man mit vreuden leben.
;;;766;15;;dâ saz dienst und lôn.
;;;766;16;;ez ist ein höveschlîcher dôn,
;;;766;17;;wâ vriundinne rede wirt vernomen,
;;;766;18;;die vriunde mugen zuo staten komen.
;;;766;19;;Artus zuo Ferefis saz.
;;;766;20;;ir ietweder sîte dô vergaz,
;;;766;21;;si beide tæten vrâge ir reht
;;;766;22;;mit süezer widerrede sleht.
;;;766;23;;Artus sprach: "nû lobe ich got,
;;;766;24;;daz er dise êre uns ie erbôt,
;;;766;25;;daz wir dich hie ersehen hân.
;;;766;26;;ûz heidenschaft gevuor nie man
;;;766;27;;ûf touf pflegenden landen,
;;;766;28;;den mit dienstlîchen handen
;;;766;29;;ich gerner dienstes werte,
;;;766;30;;waz des dîn wille gerte."
;;;767;1;;Ferefis zuo Artuse sprach:
;;;767;2;;"al mîn ungelücke brach,
;;;767;3;;dô diu gotinne Juno
;;;767;4;;mîn segelweter vuogete sô
;;;767;5;;in disiu westerrîche.
;;;767;6;;dû gebârest vil gelîche
;;;767;7;;eime man, des wirdecheit
;;;767;8;;ist mit mæren harte breit.
;;;767;9;;bistû Artus genant,
;;;767;10;;sô ist dîn name verre erkant."
;;;767;11;;Artus sprach: "er êret sich,
;;;767;12;;wer mich geprîset wider dich
;;;767;13;;und gein andern liuten hât.
;;;767;14;;sîniu selbe zuht gap im den rât,
;;;767;15;;mê dan ich gedienet hân.
;;;767;16;;er hât ez durch hövescheit getân.
;;;767;17;;ich bin Artus genennet
;;;767;18;;und hete ouch gerne erkennet,
;;;767;19;;wie dû komen bist in diz lant.
;;;767;20;;hât dich vriundinne ûz gesant,
;;;767;21;;diu muoste sîn vil gehiure,
;;;767;22;;oder dû durch âventiure
;;;767;23;;alsô verre bist gestrichen.
;;;767;24;;ist si ir lônes ungeswichen,
;;;767;25;;daz hœhet wîbe dienst noch baz.
;;;767;26;;ieclîch wîp enpfienge haz
;;;767;27;;von ir dienstbietære,
;;;767;28;;ob dir ungelônet wære."
;;;767;29;;"Ez wirt allez anders vernomen",
;;;767;30;;sprach der heiden. "nû hœret ouch mîn komen.
;;;768;1;;ich vüere sô kreftigez her,
;;;768;2;;Trojære lantwere
;;;768;3;;und jene, die si besâzen,
;;;768;4;;müesen rûmen mir die strâzen,
;;;768;5;;ob si beidenthalp noch lebeten
;;;768;6;;und strîtes gein mir strebeten.
;;;768;7;;si enmöhten siges niht erholn,
;;;768;8;;si müesen schumpfentiure doln
;;;768;9;;von mir und von den mînen.
;;;768;10;;ich hân in manegen pînen
;;;768;11;;bejaget mit rîterlîcher tât,
;;;768;12;;daz mîn nû genâde hât
;;;768;13;;diu künegîn Secundille.
;;;768;14;;wes diu gert, daz ist mîn wille.
;;;768;15;;si hât gesetzet mir mîn leben.
;;;768;16;;si hiez mich miltlîche geben
;;;768;17;;und guote rîter an mich nemen.
;;;768;18;;des solte mich durch si gezemen.
;;;768;19;;daz ist alsô ergangen:
;;;768;20;;mit slehte bevangen
;;;768;21;;ist daz ingesinde mir benant,
;;;768;22;;manec rîter wert erkant.
;;;768;23;;dâ gein ir minne ist mîn lôn.
;;;768;24;;ich trage ein ecidemôn
;;;768;25;;ûf dem schilte, als si gebôt.
;;;768;26;;wâ ich sît kam in nôt,
;;;768;27;;zehant sô ich an si gedâhte,
;;;768;28;;ir minne mir helfe brâhte.
;;;768;29;;diu was mir bezzer strîtes wer
;;;768;30;;danne mîn got Jupiter."
;;;769;1;;Artus sprach: "von dem vater dîn,
;;;769;2;;Gahmureten, dem neven mîn,
;;;769;3;;ist ez dîn volleclîcher art,
;;;769;4;;in wîbes dienste dîn verriu vart.
;;;769;5;;ich wil dich dienst wizzen lân,
;;;769;6;;daz selten grœzer ist getân
;;;769;7;;ûf erde dekeime wîbe
;;;769;8;;an minneclîchem lîbe.
;;;769;9;;ich meine die herzoginne,
;;;769;10;;diu hie sitzet. nâch ir minne
;;;769;11;;ist waldes vil verswendet.
;;;769;12;;ir minne hât gepfendet
;;;769;13;;an vreuden manegen rîter guot
;;;769;14;;und in erwendet hôhen muot."
;;;769;15;;er sagete ir urliuge gar
;;;769;16;;und ouch von der Clynsors schar,
;;;769;17;;die dâ sâzen in allen sîten,
;;;769;18;;und von den zwein strîten,
;;;769;19;;die Parcifal, sîn bruoder, streit
;;;769;20;;zuo Tschoflanze ûf dem anger breit,
;;;769;21;;und waz er anders het ervarn,
;;;769;22;;dâ er den lîp niht kunde sparn.
;;;769;23;;"er sol daz selbe machen kunt.
;;;769;24;;er suochet einen hôhen vunt:
;;;769;25;;nâch dem Grâle wirbet er.
;;;769;26;;von iu beiden samt ist daz mîn ger,
;;;769;27;;nû saget mir liute und lant,
;;;769;28;;die iu mit strîte sint bekant."
;;;769;29;;der heiden sprach: "ich nenne sie,
;;;769;30;;die mir die rîter vüerent hie:
;;;770;1;;der künec Papirus von Tragodiente
;;;770;2;;und der grâve von Kalomidente
;;;770;3;;und der herzoge Fariefastis von Afrike
;;;770;4;;und der künec Lyddamus von Agrippe
;;;770;5;;und der künec Tridanz von Tinodonte
;;;770;6;;und der künec Amasparims von Sypelpeonte
;;;770;7;;und der herzoge Lypidins von Agremontin
;;;770;8;;und der künec Milon von Numodientesin,
;;;770;9;;von Assigarzionte der grâve Gabarins
;;;770;10;;und von Bruigitas der künec Transiapins,
;;;770;11;;von Niberborticon der grâve Filones
;;;770;12;;und von Entrion der künec Kyllicrates
;;;770;13;;und der grâve Lysander von Ipopoticon
;;;770;14;;und der herzoge Tyride von Elyrodion
;;;770;15;;und von Orastegentesin der künec Thoaris
;;;770;16;;und von Sararthionte der herzoge von Alamis
;;;770;17;;und den künec Amincas von Sotofieticon
;;;770;18;;und der herzoge von Duscontemedon
;;;770;19;;und der künec von Arabye Zarcaster
;;;770;20;;und der grâve Possidonius von Tyler
;;;770;21;;und der herzoge Sennes von Narioclyn
;;;770;22;;und der grâve Edisson von Lanzisardyn,
;;;770;23;;von Janfuse der grâve Fristines
;;;770;24;;und von Atropagente der herzoge Meones,
;;;770;25;;von Nofriente der herzoge Archemor
;;;770;26;;und von Panfatis der grâve Astor.
;;;770;27;;von Azagouc und von Zazamanc
;;;770;28;;und von Kanfassie der künec Iterkrac
;;;770;29;;und der grâve Jurans von Blemunzin
;;;770;30;;und der herzoge Affinamus von Amanfasin.
;;;771;1;;Ich het ein dinc vür schande:
;;;771;2;;man jach in manegem lande,
;;;771;3;;daz dekein rîter bezzer möhte sîn
;;;771;4;;danne Gahmuret Anschevin,
;;;771;5;;der ie ors überschreit.
;;;771;6;;ez was mîn wille und ouch mîn leit,
;;;771;7;;daz ich in suochte, unz daz ich in vünde.
;;;771;8;;sît gewan ich strîtes künde.
;;;771;9;;von mînen zwein landen her
;;;771;10;;vuor ich kreftic ûf daz mer.
;;;771;11;;gein rîterschefte hât ich muot.
;;;771;12;;welch lant was werlîch und guot,
;;;771;13;;daz twanc ich mîner hende
;;;771;14;;unz verre in daz ellende.
;;;771;15;;dâ werten mich ir minne
;;;771;16;;zwô rîche küneginne,
;;;771;17;;Olimpia und Claudite.
;;;771;18;;Secundille ist nû diu drite.
;;;771;19;;ich hân durch wîp vil getân.
;;;771;20;;hiute alrêrst ich künde hân,
;;;771;21;;daz mîn vater Gahmuret ist tôt.
;;;771;22;;mîn bruoder sage ouch sîne nôt."
;;;771;23;;Dô sprach der werde Parcifal:
;;;771;24;;"sît ich schiet von dem Grâl,
;;;771;25;;sô hât mîn hant mit strîte
;;;771;26;;in dem gedrenge und an der wîte
;;;771;27;;vil rîterschefte erzeiget,
;;;771;28;;etslîches prîses geneiget,
;;;771;29;;der des ungewent was ie.
;;;771;30;;ein teil ich der benenne hie:
;;;772;1;;von Lyravoin Tschirniel
;;;772;2;;und von Avendroin sîn bruoder Mirabel,
;;;772;3;;der künec Serabyl von Rozokraz
;;;772;4;;und der künec Pliplesun von Lereparz,
;;;772;5;;von Sirnegunz der künec Senilgroz
;;;772;6;;und von Villegarunz Strangedorz,
;;;772;7;;von Mirntalle der grâve Rogetal
;;;772;8;;und von Pleidusse Laudunal,
;;;772;9;;der künec Onypuez von Itolac
;;;772;10;;und der künec Zirolan von Semblidac,
;;;772;11;;von Jeroplis der herzoge Gerneganz
;;;772;12;;und von Zanbron der grâve Plyneschanz,
;;;772;13;;von Tuteleunz der grâve Longefiez
;;;772;14;;und von Brevegariez der herzoge Marangliez,
;;;772;15;;von Pictacon der herzoge Strennolas
;;;772;16;;und von Lampregun der grâve Parfoias,
;;;772;17;;von Ascalun der künec Vergulaht
;;;772;18;;und von Pranzile der grâve Bogudacht,
;;;772;19;;Postefar von Leudundrehte
;;;772;20;;und der herzoge Leidebrun von Redunzehte,
;;;772;21;;von Leterbe Colleval
;;;772;22;;und Jofedast von Arel, ein Provenzal,
;;;772;23;;von Tripparun der grâve Kardofeydas.
;;;772;24;;diz ergienc dâ tornieren was,
;;;772;25;;die wîle ich nâch dem Grâle reit.
;;;772;26;;solt ich gar nennen, daz ich erstreit,
;;;772;27;;daz wæren unkundiu zil.
;;;772;28;;durch nôt ich muoz verswîgen vil.
;;;772;29;;waz mir kunt ist getân,
;;;772;30;;die ich wênec hie genennet hân."
;;;773;1;;Der heiden was von herzen vrô,
;;;773;2;;daz sînes bruoder dinc alsô
;;;773;3;;stuont, daz sîn hant erstreit
;;;773;4;;sô manege hôhe wirdecheit.
;;;773;5;;des danket er im sêre.
;;;773;6;;er het es selber ouch êre.
;;;773;7;;indes hiez tragen Gawan,
;;;773;8;;als ez unwizzende wære getân,
;;;773;9;;des heidens zimierde in den rinc.
;;;773;10;;si prüeveten ez vür grôziu dinc.
;;;773;11;;rîter und vrouwen
;;;773;12;;begunden alle schouwen
;;;773;13;;den wâpenroc, den schilt, daz kursît.
;;;773;14;;der helm was zuo enge noch zuo wît.
;;;773;15;;si prîsten alle gemeine
;;;773;16;;die tiuren edelen steine,
;;;773;17;;die dran verwieret lâgen.
;;;773;18;;nieman darf mich vrâgen
;;;773;19;;von ir arde, wie si wæren,
;;;773;20;;die lîhten und die swæren.
;;;773;21;;iuch hete baz bescheiden des
;;;773;22;;Eraclius oder Ercules
;;;773;23;;und der Krieche Alexander
;;;773;24;;und dannoch ein ander,
;;;773;25;;der wîse Pictagoras,
;;;773;26;;der ein astronomierre was
;;;773;27;;und sus sô wîse âne strît,
;;;773;28;;nieman sît Adames zît
;;;773;29;;moht im gelîchen sin tragen.
;;;773;30;;der kunde baz von steinen sagen.
;;;774;1;;Die vrouwen rûnden, welch wîp
;;;774;2;;dâ mite zierte sînen lîp,
;;;774;3;;het er gein ir gewenket,
;;;774;4;;sô wære sîn prîs verkrenket.
;;;774;5;;etslîchiu was im doch sô holt,
;;;774;6;;si hete sînen dienst wol gedolt,
;;;774;7;;ich wæne durch sîniu vremediu mâl.
;;;774;8;;Gramoflanz, Artus und Parcifal
;;;774;9;;und der wirt Gawan,
;;;774;10;;die viere giengen sunder dan.
;;;774;11;;den vrouwen wart bescheiden
;;;774;12;;in ir pflege der rîche heiden.
;;;774;13;;Artus warp eine hôchzît,
;;;774;14;;daz diu des morgens âne strît
;;;774;15;;ûf dem velde ergienge,
;;;774;16;;daz man dâ mit enpfienge
;;;774;17;;sînen neven Ferefis.
;;;774;18;;"an den gewerp leget iuwern vlîz
;;;774;19;;und iuwer beste witze,
;;;774;20;;daz er mit uns besitze
;;;774;21;;ob der tavelrunder."
;;;774;22;;si lobeten ez alle besunder,
;;;774;23;;si wurben ez, wære ez im niht leit.
;;;774;24;;dô lobet im gesellecheit
;;;774;25;;Ferefis, der rîche.
;;;774;26;;daz volc vuor al gelîche,
;;;774;27;;dô man gesante, an sîn gemach.
;;;774;28;;manegiu vreude al dâ geschach.
;;;774;29;;des morgens, ob ich sprechen mac,
;;;774;30;;dô erschein der süeze mære tac.
;;;775;1;;Utpandraguns sun,
;;;775;2;;Artusen, sach man sus tuon:
;;;775;3;;er prüevete stolzlîche
;;;775;4;;ein tavelrunder rîche
;;;775;5;;ûz eime drîanthasmê.
;;;775;6;;ir habet wol gehœret ê,
;;;775;7;;wie ûf dem Plymizoles plân
;;;775;8;;ein tavelrunder wart getân.
;;;775;9;;dâ wart disiu nâch gesniten,
;;;775;10;;sinewel, mit solichen siten,
;;;775;11;;si erzeigete rîchlîchiu dinc.
;;;775;12;;sinewel man drumbe nam den rinc
;;;775;13;;ûf ein getouwet grüene gras,
;;;775;14;;dâ wol ein poynder landes was
;;;775;15;;vonme sedel an tavelrunder;
;;;775;16;;diu stuont dâ enmitten sunder
;;;775;17;;niht durch den nutz, ouch durch den namen.
;;;775;18;;sich mohte ein bœse man wol schamen,
;;;775;19;;ob er bî den werden saz.
;;;775;20;;die spîse sîn munt mit sünden az.
;;;775;21;;der rinc wart bî der schœnen naht
;;;775;22;;gemezzen und verdâht
;;;775;23;;wol nâch rîchlîchen ziln.
;;;775;24;;es mohte einen armen künec beviln,
;;;775;25;;als man den rinc gezieret vant,
;;;775;26;;dô der mitten morgen dâ wart bekant,
;;;775;27;;Gramoflanz und Gawan,
;;;775;28;;von in diu kost wart getân.
;;;775;29;;Artus was des landes gast.
;;;775;30;;sîner kost iedoch dâ niht gebrast.
;;;776;1;;Ez ist worden selten naht,
;;;776;2;;wan ez der sunnen ist geslaht,
;;;776;3;;si enbræhte ie den tac dâr nâch.
;;;776;4;;al daz selbe al dâ geschach;
;;;776;5;;er schein in süeze, lûter, clâr.
;;;776;6;;dô streich manec rîter wol sîn hâr,
;;;776;7;;dâr ûf ein bluomen schapel.
;;;776;8;;manec ungevelschet vrouwen vel
;;;776;9;;man dâ bî rôtem munde sach,
;;;776;10;;ob Kyot die wârheit sprach.
;;;776;11;;rîter und vrouwen truogen gewant,
;;;776;12;;niht gesniten in eime lant;
;;;776;13;;vrouwen gebende, nider, hôch,
;;;776;14;;als ez nâch ir lantwîse zôch.
;;;776;15;;daz was ein wîter gesamet diet,
;;;776;16;;durch daz ir site sich underschiet:
;;;776;17;;welchiu vrouwe was sunder amîs,
;;;776;18;;diu getorste niht dekeine wîs
;;;776;19;;über tavelrunder komen.
;;;776;20;;hete si dienst ûf ir lôn genomen
;;;776;21;;und gap si ir lônes sicherheit,
;;;776;22;;an tavelrunder rinc si reit.
;;;776;23;;die andern muosen ez lâzen;
;;;776;24;;in ir herberge si sâzen.
;;;776;25;;Dô Artus hete messe vernomen,
;;;776;26;;man sach Gramoflanzen komen
;;;776;27;;und den herzogen von Gauwerzin
;;;776;28;;und Floranden, den gesellen sîn.
;;;776;29;;die drîe riten sunder
;;;776;30;;pflihte über tavelrunder.
;;;777;1;;Artus gewerte si des sân.
;;;777;2;;vrâge iuch wîp oder man,
;;;777;3;;wer trüege die rîchesten hant,
;;;777;4;;der ie von deheinem lant
;;;777;5;;über tavelrunder saz,
;;;777;6;;ir enmuget si es niht bescheiden baz:
;;;777;7;;ez ist Ferefis Anschevin.
;;;777;8;;dâ mite lât dise rede sîn.
;;;777;9;;si zogeten gein dem ringe
;;;777;10;;mit werlîchem dinge.
;;;777;11;;etslîchiu vrouwe wart gehurt,
;;;777;12;;und wære ir pfert niht wol gegurt,
;;;777;13;;si wære gevallen schiere.
;;;777;14;;manege rîche baniere
;;;777;15;;sach man zuo allen zîten komen.
;;;777;16;;dâ wart der buhurt wît genomen
;;;777;17;;al umb der tavelrunder rinc.
;;;777;18;;ez wâren höveschiu dinc,
;;;777;19;;daz ir dekeiner in den rinc reit.
;;;777;20;;daz velt was ûzerhalp sô breit,
;;;777;21;;si mohten diu ors ersprengen
;;;777;22;;und sich mit hurte mengen
;;;777;23;;und doch mit kunst rîten sô,
;;;777;24;;daz diu wîp zuo sehene wâren vrô.
;;;777;25;;si kâmen ûz, dâ si sâzen,
;;;777;26;;al dâ die werden âzen.
;;;777;27;;kamerære, truhsæzen, schenken
;;;777;28;;muosen dâ bedenken,
;;;777;29;;wie man ez mit zühten vür truoc.
;;;777;30;;ich wæne, man gap in dâ genuoc.
;;;778;1;;etslîchiu vrouwe hete prîs,
;;;778;2;;diu dâ saz bî ir amîs.
;;;778;3;;maneger durch gerndes herzen rât
;;;778;4;;gedienet hât mit werder tât.
;;;778;5;;Ferefis und Parcifal
;;;778;6;;mit prüeven heten süeze wal,
;;;778;7;;jene vrouwe und dise.
;;;778;8;;man sach ûf acker noch ûf wise
;;;778;9;;liehter vel noch rœter munt
;;;778;10;;sô manegen nie zuo keiner stunt,
;;;778;11;;als man an dem ringe vant.
;;;778;12;;des wart dem heiden vreude erkant.
;;;778;13;;wol dem künfteclîchen tage,
;;;778;14;;geêret sî ir süezen mære sage,
;;;778;15;;als von ir munde wart vernomen!
;;;778;16;;man sach eine junge vrouwen komen
;;;778;17;;in kleidern tiure und wol gesniten,
;;;778;18;;kostbære nâch Franzoyser siten,
;;;778;19;;ir kappe, ein rîcher samît,
;;;778;20;;noch swarzer dan ein gênît.
;;;778;21;;arâbesch golt gap dâr ûf schîn,
;;;778;22;;wol gewirket manec turteltiubelîn
;;;778;23;;nâch dem ingesigel des Grâles.
;;;778;24;;si wart des selben mâles
;;;778;25;;vil beschouwet durch wunders ger.
;;;778;26;;nû lât si heistieren her.
;;;778;27;;ir gebende was hôch und lanc.
;;;778;28;;mit manegem dicken umbevanc
;;;778;29;;was ir antlitze bedecket
;;;778;30;;und niht zuo sehene enblecket.
;;;779;1;;Senfteclîche, in vollen zelt
;;;779;2;;kam si geriten über velt.
;;;779;3;;ir zoum, ir satel, ir runzît
;;;779;4;;was rîche und tiure âne allen strît.
;;;779;5;;man liez si an den zîten
;;;779;6;;in den rinc rîten.
;;;779;7;;diu wîse, niht diu tumbe,
;;;779;8;;reit den rinc al umbe.
;;;779;9;;man zeiget ir, dâ Artus saz,
;;;779;10;;gein dem si gruozes niht vergaz.
;;;779;11;;in franzoys was ir sprâche.
;;;779;12;;si warp, daz ein râche
;;;779;13;;ûffe si verkorn wære
;;;779;14;;und daz man hôrte ir mære.
;;;779;15;;den künec und die künegin
;;;779;16;;bat si helfe und an ir rede sîn.
;;;779;17;;si kêrte von in al zehant,
;;;779;18;;dâ si Parcifalen sitzen vant
;;;779;19;;bî Artuse nâhen.
;;;779;20;;si begunde ir sprunges gâhen
;;;779;21;;von dem pferde ûf daz gras.
;;;779;22;;si viel mit zuht, diu an ir was,
;;;779;23;;Parcifale an sînen vuoz.
;;;779;24;;si warp al weinende umb sînen gruoz,
;;;779;25;;sô daz er zorn gein ir verlür
;;;779;26;;und âne kus an si verkür.
;;;779;27;;Artus und Ferefis
;;;779;28;;an den gewerp legeten vlîz.
;;;779;29;;Parcifal truoc gein ir haz;
;;;779;30;;durch vriundinne bete er des vergaz
;;;780;1;;mit triuwen âne vâre.
;;;780;2;;diu werde und niht diu clâre
;;;780;3;;snellîche wider ûf spranc.
;;;780;4;;si neic im und saget in danc,
;;;780;5;;die ir nâch grôzer schulde
;;;780;6;;heten geholfen hulde.
;;;780;7;;si want mit ir hende
;;;780;8;;wider von ir houbet daz gebende.
;;;780;9;;ez wære bezel oder snürrinc,
;;;780;10;;daz warf si von ir an den rinc.
;;;780;11;;Kundrie lasurziere
;;;780;12;;wart dâ bekennet schiere
;;;780;13;;und des Grâles wâpen, daz si truoc.
;;;780;14;;daz wart dô beschouwet genuoc.
;;;780;15;;si vuorte ouch noch den selben lîp,
;;;780;16;;den sô manec man und wîp
;;;780;17;;sach zuo dem Plymizol komen.
;;;780;18;;ir antlitze ir hât vernomen.
;;;780;19;;ir ougen stuonden dannoch sus
;;;780;20;;gel als ein topâzîus,
;;;780;21;;ir zene lanc. ir munt gap schîn
;;;780;22;;als ein vîol weitîn.
;;;780;23;;wan daz si truoc gein prîse muot,
;;;780;24;;si truoc âne nôt den tiuren huot
;;;780;25;;ûf dem Plymizoles plân.
;;;780;26;;diu sunne het ir niht getân.
;;;780;27;;diu enmoht ir vel durch daz hâr
;;;780;28;;niht verselwen mit blickes vâr.
;;;780;29;;Si stuont mit zühten und sprach,
;;;780;30;;des man vür hôhiu mære jach.
;;;781;1;;an der selben stunde
;;;781;2;;ir rede si sus begunde:
;;;781;3;;"ôwol dir, Gahmuretes sun!
;;;781;4;;got wil genâde an dir nû tuon.
;;;781;5;;ich meine, den Herzeloyde gebar.
;;;781;6;;Ferefis, der vêch gevar,
;;;781;7;;muoz mir willekomen sîn
;;;781;8;;durch Secundillen, die vrouwen mîn,
;;;781;9;;und durch manege hôhe wirdecheit,
;;;781;10;;die von kindes jugent sîn prîs erstreit."
;;;781;11;;zuo Parcifal sprach si dô:
;;;781;12;;"nû wis kiusche und dâ bî vrô!
;;;781;13;;wol dich des hôhen teiles,
;;;781;14;;diu krône menschen heiles!
;;;781;15;;daz epitafjum ist gelesen:
;;;781;16;;dû sollest des Grâles hêrre wesen.
;;;781;17;;Kundewiramurs, daz wîp dîn,
;;;781;18;;und dîn sun Lohrangrin
;;;781;19;;sint beidiu mit dir dar benant.
;;;781;20;;dô dû rûmdest Brebarz, daz lant,
;;;781;21;;zwêne süne si dô lebendic truoc.
;;;781;22;;Kardeiz hete doch dort genuoc.
;;;781;23;;wære dir niht mê sælden kunt,
;;;781;24;;wan daz dîn wârhafter munt
;;;781;25;;den werden und den süezen
;;;781;26;;mit rede nû sol grüezen.
;;;781;27;;den künec Anfortas nû nert
;;;781;28;;dînes mundes vrâge, diu im wert
;;;781;29;;siufzebæren jâmer grôz.
;;;781;30;;wâ wart an sælden ie dîn genôz?"
;;;782;1;;Siben sterren si dô nante
;;;782;2;;heidensch. die namen bekante
;;;782;3;;der rîche, werde Ferefis,
;;;782;4;;der vor ir saz, swarz und wîz.
;;;782;5;;si sprach: "nû prüeve, Parcifal,
;;;782;6;;der hôhesten plânêten zal
;;;782;7;;und der snelle Almustri,
;;;782;8;;Almuret und der liehte Samsi,
;;;782;9;;die erzeigent snelheit an dir.
;;;782;10;;der vünfte heizet Alligofir,
;;;782;11;;sô heizet der sehste Allriter
;;;782;12;;und uns der næheste Alkamer.
;;;782;13;;ich ensprich ez niht in eime troume,
;;;782;14;;die sint des firmamentes zoume,
;;;782;15;;die enthaltent sîne snelheit;
;;;782;16;;ir kriec gein sîme loufte erstreit.
;;;782;17;;sorge ist dînhalp nû weise.
;;;782;18;;waz der plânêten reise
;;;782;19;;umbe loufet und ir schîn bedecket,
;;;782;20;;des sint dir zil gestecket
;;;782;21;;zuo reichen und zuo werben.
;;;782;22;;dîn riuwe muoz verderben.
;;;782;23;;wan ungenuht aleine,
;;;782;24;;dâ engît dir niht gemeine
;;;782;25;;der Grâl und des Grâles kraft
;;;782;26;;verbietent valsche geselleschaft.
;;;782;27;;dû hête junge sorge erzogen;
;;;782;28;;die hât komendiu vreude an dir betrogen.
;;;782;29;;dû hâst der sêlen ruowe erstriten
;;;782;30;;und des lîbes vreude in sorgen erbiten."
;;;783;1;;Parcifaln ir mære niht verdrôz.
;;;783;2;;vor liebe ûz sînen ougen vlôz
;;;783;3;;wazzer, herzen ursprinc.
;;;783;4;;dô sprach er: "vrouwe, solich dinc,
;;;783;5;;als ir hie hât genennet,
;;;783;6;;bin ich vor gote erkennet,
;;;783;7;;sô daz mîn sündehafter lîp,
;;;783;8;;und hân ich kint und dâr zuo mîn wîp,
;;;783;9;;daz diu des pflihte soln hân,
;;;783;10;;sô hât got wol zuo mir getân.
;;;783;11;;wâ mit ir mich ergetzen meget,
;;;783;12;;dâr an ir iuwer triuwe reget.
;;;783;13;;iedoch het ich niht missetân,
;;;783;14;;ir hetet mich zornes etswan erlân.
;;;783;15;;dô enwas dannoch niht mîn heil.
;;;783;16;;nû gebet ir mir sô hôhe teil,
;;;783;17;;dâ von mîn trûren ende hât.
;;;783;18;;die wârheit sagt mir iuwer wât.
;;;783;19;;dô ich zuo Munsalvasche was
;;;783;20;;bî dem trûrigen künege Anfortas,
;;;783;21;;waz schilte ich dô hangen vant,
;;;783;22;;die wâren gemâl als iuwer gewant:
;;;783;23;;vil turteltûben traget ir hie.
;;;783;24;;vrouwe, nû saget, wan oder wie
;;;783;25;;sol ich gein mînen vreuden varn,
;;;783;26;;und lât mich daz niht langer sparn."
;;;783;27;;Dô sprach si: "lieber hêrre mîn,
;;;783;28;;ein man sol dîn geselle sîn.
;;;783;29;;den wele! geleites warte an mich.
;;;783;30;;durch helfe niht lange sûme dich!"
;;;784;1;;über al den rinc wart vernomen,
;;;784;2;;"Kundrie la surziere ist komen",
;;;784;3;;und waz ir mære meinte.
;;;784;4;;Orgeluse vor liebe weinte,
;;;784;5;;daz diu vrâge von Parcifale
;;;784;6;;die Anfortasses quâle
;;;784;7;;solte machen wendec.
;;;784;8;;Artus, der prîses genendec,
;;;784;9;;zuo Kundrien mit zühten sprach:
;;;784;10;;"vrouwe, nû rîtet an iuwer gemach,
;;;784;11;;lât iuwer pflegen, lêrt selbe wie."
;;;784;12;;si sprach: "ist Arnyve hie?
;;;784;13;;welch gemach mir diu gît,
;;;784;14;;des wil ich leben dise zît,
;;;784;15;;unz daz mîn hêrre hinnen vert.
;;;784;16;;ist gemach uns erwert,
;;;784;17;;sô erloubet, daz ich müeze schouwen
;;;784;18;;si und ander vrouwen,
;;;784;19;;den Clynsor teilte sîne vâr
;;;784;20;;mit gevancnisse manec jâr."
;;;784;21;;zwêne rîter huoben si ûf daz pfert.
;;;784;22;;zuo Arnyven reit diu maget wert.
;;;784;23;;nû was ouch zît, daz man dâ geaz.
;;;784;24;;Parcifal bî sîme bruoder saz.
;;;784;25;;den bat er gesellecheit.
;;;784;26;;Ferefis was im vil bereit
;;;784;27;;gein Munsalvasche zuo rîten
;;;784;28;;an den selben zîten.
;;;784;29;;Si stuonden ûf über al den rinc.
;;;784;30;;Ferefis warp hôhiu dinc.
;;;785;1;;er vrâgete den künec Gramoflanz,
;;;785;2;;ob diu liebe wære ganz
;;;785;3;;zwischen im und der nifteln sîn,
;;;785;4;;daz er daz tæte an im schîn:
;;;785;5;;"helfet ir und Gawan,
;;;785;6;;waz wir künege oder vürsten hân,
;;;785;7;;barûne und armer rîter gar,
;;;785;8;;daz ir dekeiner hinnen envar,
;;;785;9;;ê si mîn kleinœde ersehen.
;;;785;10;;mir wære ein laster hie geschehen,
;;;785;11;;schiede ich vor gâbe hinnen vrî.
;;;785;12;;waz hie varndes volkes sî,
;;;785;13;;die warten alle gâben an mich.
;;;785;14;;Artus, nû wil ich biten dich,
;;;785;15;;daz ez den hôhen niht versmâhe,
;;;785;16;;des gewerbes gein in gâhe
;;;785;17;;und bis des lasters vür si pfant
;;;785;18;;- si erkanten nie sô rîche hant -
;;;785;19;;und gib mir boten an mîne habe,
;;;785;20;;dâ der prîsant sol komen abe."
;;;785;21;;dô enbuten si dem heiden,
;;;785;22;;si enwolten sich niht scheiden
;;;785;23;;von dem velde in vier tagen.
;;;785;24;;der heiden wart vrô, hôrt ich sagen.
;;;785;25;;Artus im wîse boten gap,
;;;785;26;;die er solte senden in daz hap.
;;;785;27;;Ferefis, Gahmuretes kint,
;;;785;28;;nam tinten und permint.
;;;785;29;;sîner schrifte wârzeichen niht verdarp.
;;;785;30;;ich wæne, ie brief sô vil erwarp.
;;;786;1;;die boten endehaft vuoren dan.
;;;786;2;;Parcifal sîn rede alsus huop an.
;;;786;3;;in franzois er zuo in allen sprach,
;;;786;4;;als Trefrizent dort vorn jach,
;;;786;5;;daz den Grâl zuo dekeinen zîten
;;;786;6;;nieman möhte erstrîten,
;;;786;7;;wan der von gote ist dar benant.
;;;786;8;;daz mære kam über alliu lant,
;;;786;9;;daz dekein strît möhte in erwerben.
;;;786;10;;vil liute dô liez verderben
;;;786;11;;nâch dem Grâle gewerbes list,
;;;786;12;;dâ von er noch verborgen ist.
;;;786;13;;Parcifal und Ferefis
;;;786;14;;diu wîp dâ lerten jâmers vlîz.
;;;786;15;;si heten ungerne vermiten,
;;;786;16;;in diu viere stücke des hers si riten.
;;;786;17;;si nâmen urloup zuo al der diet.
;;;786;18;;ietweder dan mit vreuden schiet,
;;;786;19;;gewâpent wol gein strîtes wer.
;;;786;20;;an dem vierten tage ûz des heidens her
;;;786;21;;wart zuo Tschoflanze brâht,
;;;786;22;;daz nie grœzer gâbe wart erdâht.
;;;786;23;;welch künec dâ sîner gâbe enpfant,
;;;786;24;;daz half immer mê daz lant.
;;;786;25;;ieclîchem manne nâch der mâze sîn
;;;786;26;;wart nie grœzer gâbe schîn,
;;;786;27;;den vrouwen rîche prêsente
;;;786;28;;von Triande und von Noriente.
;;;786;29;;ich enweiz, wie daz her schiede hie.
;;;786;30;;Kundrie und die zwêne, hin riten sie.
;;;787;1;;Anfortas und die sîne
;;;787;2;;von jâmer dolten pîne.
;;;787;3;;ir triuwe liez in in der nôt.
;;;787;4;;vil dicke er warp durch in den tôt.
;;;787;5;;der wære ouch an im schiere geschehen,
;;;787;6;;wan daz si in dicke liezen sehen
;;;787;7;;den Grâl und des Grâles kraft.
;;;787;8;;er sprach zuo sîner rîterschaft:
;;;787;9;;"ich weiz wol, pflæget ir triuwe,
;;;787;10;;sô erbarmet iuch mîn riuwe.
;;;787;11;;wie lange sol diz an mir wern?
;;;787;12;;wolt ir iu selber rehtes gern,
;;;787;13;;sô müezet ir mich gelten vor gote.
;;;787;14;;ich stuont ie gerne zuo iuwerme gebote,
;;;787;15;;sît ich von êrst wâpen truoc.
;;;787;16;;ich hân engolten des genuoc,
;;;787;17;;ob mir ie unprîs geschach
;;;787;18;;und ob daz iuwer dekeiner sach.
;;;787;19;;sît ir vor untriuwe bewart,
;;;787;20;;sô lœset mich von des helmes art
;;;787;21;;und durch des schiltes orden!
;;;787;22;;ir sît dicke innen worden,
;;;787;23;;ob ez iu niht versmâhte,
;;;787;24;;daz ich diu beide brâhte
;;;787;25;;unverzaget ûf rîterlîchiu werc.
;;;787;26;;ich hân tal und berc
;;;787;27;;mit maneger jost überzilt
;;;787;28;;und mit dem swerte alsô gespilt,
;;;787;29;;daz es die vînde an mich verdrôz,
;;;787;30;;wie kleine ich des gein iu genôz.
;;;788;1;;ich vreuden ellende,
;;;788;2;;zuo dem urteillîchen ende
;;;788;3;;beklage ich iuch eine alle.
;;;788;4;;sô nâhet ez iuwerme valle,
;;;788;5;;ir enlât mich von iu scheiden.
;;;788;6;;mîn kumber solt iu leiden.
;;;788;7;;ir hânt gesehen und wol vernomen,
;;;788;8;;wie mir diz ungelücke ist komen.
;;;788;9;;waz touc ich iu zuo hêrren nuo?
;;;788;10;;ez ist iu leider al zuo vruo,
;;;788;11;;wirt iuwer sêle an mir verlorn.
;;;788;12;;waz sites hânt ir iu erkorn?"
;;;788;13;;si heten kumbers in erlôst,
;;;788;14;;wan daz der trôstlîche trôst,
;;;788;15;;den Trefrizent dort vor ê sprach,
;;;788;16;;als er an dem Grâle geschriben sach.
;;;788;17;;si warten anderstunt dem man,
;;;788;18;;dem alle sîn vreude dâ entran,
;;;788;19;;der helflîchen stunde
;;;788;20;;der vrâge von sîme munde.
;;;788;21;;der künec sich dicke des bewac,
;;;788;22;;daz er blinzender ougen pflac
;;;788;23;;etwan gein vier tagen.
;;;788;24;;sô wart er zuo dem Grâle getragen,
;;;788;25;;ez wære im liep oder leit.
;;;788;26;;sô twanc in des diu siecheit,
;;;788;27;;daz er diu ougen ûf twanc.
;;;788;28;;sô muos er âne mînen danc
;;;788;29;;leben und niht ersterben.
;;;788;30;;sus kunden si mit im werben
;;;789;1;;unz an den tac, daz Parcifal
;;;789;2;;und Ferefis, der vêch gemâl,
;;;789;3;;mit vreuden ûf Munsalvasche riten.
;;;789;4;;nû hete diu wîle des erbiten,
;;;789;5;;daz Mars oder Jupiter
;;;789;6;;wâren wider komen her
;;;789;7;;al zornec mit ir loufte
;;;789;8;;- sô was er der verkoufte -,
;;;789;9;;dâr si sich von sprunge huoben ê.
;;;789;10;;daz tet an sînen wunden wê
;;;789;11;;Anfortas, der sô qual,
;;;789;12;;megede und rîter hôrten schal
;;;789;13;;von sîme schrei dicke,
;;;789;14;;und jâmerlîche blicke
;;;789;15;;tet er in mit den ougen kunt.
;;;789;16;;er was unhelfeclîche wunt.
;;;789;17;;si enmohten im gehelfen niht.
;;;789;18;;iedoch diu âventiure giht,
;;;789;19;;im kæm diu wâre helfe nuo.
;;;789;20;;si griffen herzen jâmers zuo.
;;;789;21;;wan im diu scharpfe, sûre nôt
;;;789;22;;diz strenge ungemach gebôt,
;;;789;23;;sô wart der luft gesüezet,
;;;789;24;;der wunden gesmac gebüezet.
;;;789;25;;vor im ûf dem teppich lac
;;;789;26;;pigment und zerbenzînen smac,
;;;789;27;;müzzel und arômatâ.
;;;789;28;;durch süezen luft lac ouch dâ
;;;789;29;;trîakel und amber tiure.
;;;789;30;;der gesmac was gehiure.
;;;790;1;;Wâ man ûf den tenne trat,
;;;790;2;;kardamôm, jeroffel, muscât
;;;790;3;;lac gebrochen under ir vüezen
;;;790;4;;durch den luft süezen.
;;;790;5;;sô daz mit triten wart zerbert,
;;;790;6;;sô wart dâ sûr gesmac erwert.
;;;790;7;;sîn holz was lign alôê,
;;;790;8;;daz hân ich iu gesaget ê.
;;;790;9;;an dem spanbette die stollen sîn
;;;790;10;;wâren vipperhürnîn.
;;;790;11;;durch ruowen vür daz gelüppe
;;;790;12;;von würzen manec stüppe
;;;790;13;;was ûf den kultern gesæt.
;;;790;14;;gesteppet und niht genæt
;;;790;15;;was, dâ er ûffe lente,
;;;790;16;;pfelle von Noriente,
;;;790;17;;palmât was sîn matraz.
;;;790;18;;sîn spanbette was noch baz
;;;790;19;;gehêret mit edelen steinen
;;;790;20;;und anders mit dekeinen.
;;;790;21;;daz spanbette zôch zuo ein ander
;;;790;22;;strange von salamander.
;;;790;23;;daz wâren under im diu ricseil.
;;;790;24;;er hete an vreuden kranke teil.
;;;790;25;;ez was rîche an allen sîten.
;;;790;26;;nieman darf des strîten,
;;;790;27;;daz er bezzerz ie gesæhe.
;;;790;28;;ez was tiure und wæhe
;;;790;29;;von der edeln steine geslehte.
;;;790;30;;die hœret hie nennen rehte:
;;;791;1;;karvunkel und silenîtes,
;;;791;2;;balax und gagatrômes,
;;;791;3;;ônich und calcidôn,
;;;791;4;;garalîs und bestîôn,
;;;791;5;;unjô und optallîes,
;;;791;6;;zerâuns und epistîtes,
;;;791;7;;jerachîtes und eljotrôpîa,
;;;791;8;;panthers und antrodrâgmâ,
;;;791;9;;prasem und saddâ,
;;;791;10;;amachîtes und djonisîâ,
;;;791;11;;achates und celidôn,
;;;791;12;;sardonîs und gazcofôn,
;;;791;13;;cornîol und jaspîs,
;;;791;14;;echîtes und îrîs,
;;;791;15;;gagâtes und ligûrjus,
;;;791;16;;abestô und cegôlitus,
;;;791;17;;galactîdâ und jacinctus,
;;;791;18;;arates und enîdrus,
;;;791;19;;absist und alabandâ,
;;;791;20;;crisolecter und hîennîa,
;;;791;21;;smaragdus und magnes,
;;;791;22;;saphîre und pirrîtes.
;;;791;23;;ouch stuont her und dâ
;;;791;24;;turkoys und lipparêa,
;;;791;25;;crisolite und rubîne,
;;;791;26;;paleis und sardîne,
;;;791;27;;adamas und crisoprassîs,
;;;791;28;;melochîtes und dîadochîs,
;;;791;29;;pêanîtes und medus,
;;;791;30;;berillus und topasius.
;;;792;1;;Etslîcher lêrte hôhen muot.
;;;792;2;;zuo sælde und ze arzenîe guot
;;;792;3;;was dâ maneges steines sunder art.
;;;792;4;;vil krefte man an in innen wart,
;;;792;5;;der si versuochen kunde mit listen.
;;;792;6;;dâ mit si muosen vristen
;;;792;7;;Anfortasen, der ir herze truoc.
;;;792;8;;sîme volke er jâmers gap genuoc.
;;;792;9;;doch wirt nû vreude an im vernomen.
;;;792;10;;in Terre de Salvasche ist komen,
;;;792;11;;von Tschoflanze gestrichen,
;;;792;12;;dem sîn sorge was entwichen,
;;;792;13;;Parcifal, sîn bruoder und ein magt.
;;;792;14;;mir enist ouch niht vür wâr gesagt,
;;;792;15;;wie verre dâ enzwischen wære.
;;;792;16;;si ervüeren nû strîtes mære,
;;;792;17;;wan Kundrie ir geleite
;;;792;18;;schiet si von arbeite.
;;;792;19;;si riten gein einer warte.
;;;792;20;;dâ gâhten gein in harte
;;;792;21;;manec wol geriten templeis
;;;792;22;;gewâpent. die wâren sô kurteis,
;;;792;23;;an dem geleite si wol sâhen,
;;;792;24;;daz in vreude wolte nâhen.
;;;792;25;;der selben rotte meister sprach,
;;;792;26;;dô er vil turteltûben sach
;;;792;27;;glesten von Kundrien wât:
;;;792;28;;"unser sorge ein ende hât.
;;;792;29;;mit des Grâles ingesigel hie
;;;792;30;;kumt, des wir gerten ie,
;;;793;1;;sît uns der jâmers stric beslôz.
;;;793;2;;habet ûf, uns nâhet vreude grôz."
;;;793;3;;Ferefis Anschevin
;;;793;4;;mante Parcifaln, den bruoder sîn,
;;;793;5;;an der selben zîte
;;;793;6;;und gâhte ouch gein dem strîte.
;;;793;7;;Kundrie in mit dem zoume vienc,
;;;793;8;;daz sîner jost dâ niht ergienc.
;;;793;9;;dô sprach diu maget rûch gemâl
;;;793;10;;balde zuo ir hêrren Parcifal:
;;;793;11;;"schilte und baniere
;;;793;12;;möht ir bekennen schiere.
;;;793;13;;hie enhabet niht wan des Grâles schar.
;;;793;14;;die sint vil diensthaft iu gar."
;;;793;15;;dô sprach der werde heiden:
;;;793;16;;"sô ist der strît gescheiden."
;;;793;17;;Parcifal Kundrien bat
;;;793;18;;gein in rîten ûf den pfat.
;;;793;19;;diu reit und sagte in mære,
;;;793;20;;waz in vreuden komen wære.
;;;793;21;;waz dâ templeise was,
;;;793;22;;die erbeizeten nider ûf daz gras.
;;;793;23;;an den selben stunden
;;;793;24;;manec helm wart abe gebunden.
;;;793;25;;ir hêrren enpfiengen si zuo vuoz.
;;;793;26;;ein segen dûhte si sîn gruoz.
;;;793;27;;si enpfiengen ouch Ferefisen,
;;;793;28;;den swarzen und den wîzen.
;;;793;29;;ûf Munsalvasche wart dô geriten
;;;793;30;;al weinde und ouch mit vreude siten.
;;;794;1;;dâ vunden si volkes ungezalt,
;;;794;2;;manegen wünneclîchen rîter alt,
;;;794;3;;edeliu kint, vil sarjande.
;;;794;4;;die trûrigen mahinande
;;;794;5;;dirre künfte wol vrô mohten sîn.
;;;794;6;;Ferefis Anschevin
;;;794;7;;und Parcifal, si beide,
;;;794;8;;vor dem palas an der heide
;;;794;9;;si wurden wol enpfangen.
;;;794;10;;ûf den palas wart gegangen.
;;;794;11;;dâ lac nâch ir gewonheit
;;;794;12;;sinewel hundert teppich breit.
;;;794;13;;ûf ieclîchem ein plûmît
;;;794;14;;lac und ein kulter von samît.
;;;794;15;;vuoren die zwêne mit witzen,
;;;794;16;;si mohten etswâ sitzen,
;;;794;17;;unz man daz harnasch von in enpfienc.
;;;794;18;;ein kamerære dar nâher gienc.
;;;794;19;;der brâhte in kleider rîche,
;;;794;20;;den zwein allen glîche.
;;;794;21;;Si sâzen ouch, waz dâ rîter was.
;;;794;22;;man truoc von golde - ez enwas niht glas -
;;;794;23;;vür si manege tiure schâl.
;;;794;24;;Ferefis und Parcifal
;;;794;25;;trunken und giengen dan
;;;794;26;;zuo Anfortas, dem trûrigen man.
;;;794;27;;ir habet doch wol gehœret daz,
;;;794;28;;daz er lente und selten saz
;;;794;29;;und wie sîn bette gehêret was.
;;;794;30;;die zwêne enpfienc dô Anfortas
;;;795;1;;vrœlîche und doch mit jâmers siten.
;;;795;2;;er sprach: "ich hân unsanfte erbiten,
;;;795;3;;wirde ich imer von iu vrô.
;;;795;4;;ir schiedet nû jungest von mir sô,
;;;795;5;;pfleget ir helflîcher triuwe,
;;;795;6;;man siht iuch dâr umb in riuwe.
;;;795;7;;würde ie prîs von iu gesaget,
;;;795;8;;hie sî rîter oder maget,
;;;795;9;;sô erwerbet mir hin zin den tôt
;;;795;10;;und lât sich enden mîne nôt.
;;;795;11;;sît ir genant Parcifal,
;;;795;12;;sô wendet mîn sehen an den Grâl
;;;795;13;;siben naht und ahte tage.
;;;795;14;;dâ mit ist wendic al mîn klage.
;;;795;15;;ich engetar iuch vürbaz warnen niht.
;;;795;16;;wol iuch, ob man iu helfe giht!
;;;795;17;;iuwer geselle ist hie ein vremder man.
;;;795;18;;sînes stênes ich im vor mir niht gan.
;;;795;19;;nû lât in varn an sîn gemach."
;;;795;20;;al weinde Parcifal dô sprach:
;;;795;21;;"nû zeiget mir, wâ der Grâl hie lige.
;;;795;22;;ob diu gotes güete an mir gesige,
;;;795;23;;des wirt wol innen disiu schar."
;;;795;24;;sîne venje er viel des endes dar
;;;795;25;;drîstunt zêren der trinitât.
;;;795;26;;er warp, daz müese werden rât
;;;795;27;;des trûrigen mannes herzesêr.
;;;795;28;;dô stuont er ûf und sprach mêr:
;;;795;29;;"œheim, waz wirret dir?"
;;;795;30;;der durch Silvestern einen stier
;;;796;1;;von tôde lebendic hiez dan gên
;;;796;2;;und Lazarum bat ûf stên,
;;;796;3;;der selbe half, daz Anfortas
;;;796;4;;wart gesunt und wol genas.
;;;796;5;;waz der Franzoyser heizet flôrî,
;;;796;6;;der glast kam sîme velle bî.
;;;796;7;;Parcifals schœne was ein wint,
;;;796;8;;Absalon, Davides kint,
;;;796;9;;und von Ascalun Vergulaht
;;;796;10;;und alle, den schœne was geslaht,
;;;796;11;;oder des man Gahmurete jach,
;;;796;12;;dô man in în zogen sach
;;;796;13;;zuo Kanvoleiz sô minneclîch,
;;;796;14;;ir dekeines schœne was der glîch,
;;;796;15;;die Anfortas ûz siecheit truoc.
;;;796;16;;got noch künste kan genuoc.
;;;796;17;;dô ergienc ouch kein ander wal,
;;;796;18;;wan den diu schrift an dem Grâl
;;;796;19;;hete zuo hêrren in benant.
;;;796;20;;Parcifal wart schiere erkant
;;;796;21;;zuo künege und zuo hêrren dâ.
;;;796;22;;ich wæne, ieman anderswâ
;;;796;23;;vünde zwêne sô rîche man,
;;;796;24;;ob ich rîcheit prüeven kan,
;;;796;25;;als Parcifal und Ferefis.
;;;796;26;;man bôt vil dienstlîchen vlîz
;;;796;27;;dem wirte und sîme gaste.
;;;796;28;;ich enweiz, wie manege raste
;;;796;28;1;
;;;796;28;2;
;;;796;28;3;
;;;796;28;4;
;;;796;28;5;
;;;796;29;;Kundewiramurs was geriten
;;;796;30;;gein Munsalvasche mit vreuden siten.
;;;797;1;;Si hete die wârheit ê vernomen.
;;;797;2;;solichiu botschaft was nâch ir komen,
;;;797;3;;daz wendic was ir klagendiu nôt.
;;;797;4;;der herzoge Kyot
;;;797;5;;und ander manec werder man
;;;797;6;;heten si gevüeret dan
;;;797;7;;zuo Terre de Salvasche in den walt,
;;;797;8;;dâ mit der jost wart gevalt
;;;797;9;;Segremors und dâ der snê
;;;797;10;;mit bluote sich gelîchet ê.
;;;797;11;;dâ solte Parcifal si holn.
;;;797;12;;die reise er gerne mohte doln.
;;;797;13;;dise mære sagte ein templeis:
;;;797;14;;"manic rîter kurteis
;;;797;15;;die küneginne hânt mit zühten brâht."
;;;797;16;;Parcifal was sô bedâht,
;;;797;17;;er nam ein teil des Grâles schar
;;;797;18;;und reit vür Trefrizent dar.
;;;797;19;;des herze wart der mære vrô,
;;;797;20;;daz Anfortasses dinc alsô
;;;797;21;;stuont, daz er der jost niht starp
;;;797;22;;und im diu vrâge ruowe erwarp.
;;;797;23;;dô sprach er: "got vil ougen hât.
;;;797;24;;wer gesaz ie an sînen rât
;;;797;25;;oder wer weiz ende sîner kraft?
;;;797;26;;alle die engele mit geselleschaft
;;;797;27;;ervindent si niemer an ein ort.
;;;797;28;;got ist menschlîch und sînes vater wort,
;;;797;29;;got ist vater und suon,
;;;797;30;;sîn geist mac grôze helfe tuon."
;;;798;1;;Trefrizent zuo Parcifale sprach:
;;;798;2;;"grœzer wunder selten ie geschach,
;;;798;3;;sît ir aber got erzürnet hât,
;;;798;4;;daz sîn endelôsiu trinitât
;;;798;5;;iuwers willen werhaft worden ist.
;;;798;6;;ich louc durch abeleitens list
;;;798;7;;von dem Grâle, wie ez umb in stüende.
;;;798;8;;gebet mir wandel vür die sünde.
;;;798;9;;ich sol gehôrsam iu nû sîn,
;;;798;10;;swestersun und hêrre mîn.
;;;798;11;;daz die vertribenen geiste
;;;798;12;;mit der gotes volleiste
;;;798;13;;bî dem Grâle wæren,
;;;798;14;;kam iu von mir zuo mæren,
;;;798;15;;unz daz si hulde dâ gebiten.
;;;798;16;;got ist stæte mit solichen siten,
;;;798;17;;er strîtet imer an sie,
;;;798;18;;die ich iu zuo hulde nante hie.
;;;798;19;;wer sînes lônes iht wil tragen,
;;;798;20;;der muoz den selben widersagen.
;;;798;21;;êweclîche sint si verlorn.
;;;798;22;;die verlust si selber hânt erkorn.
;;;798;23;;mich müewet iuwer arbeit.
;;;798;24;;ez was ie ungewonheit,
;;;798;25;;daz den Grâl zuo dekeinen zîten
;;;798;26;;ieman mohte erstrîten.
;;;798;27;;ich hete iuch gerne dâr von genomen.
;;;798;28;;nû ist ez anders umb iuch komen.
;;;798;29;;sich hât gehœhet iuwer gewin.
;;;798;30;;nû kêrt an den muot iuwern sin."
;;;799;1;;Parcifal zuo sîme œheim sprach:
;;;799;2;;"ich wil si sehen, die ich nie gesach
;;;799;3;;in vünf jâren.
;;;799;4;;dô wir bî ein ander wâren,
;;;799;5;;si was mir liep, daz ist si noch.
;;;799;6;;dînen rât wil ich haben doch,
;;;799;7;;die wîle uns scheidet niht der tôt.
;;;799;8;;dû riete mir ê in grôzer nôt.
;;;799;9;;nû wil ich gein mîme wîbe komen,
;;;799;10;;der kunft ich gein mir hân vernomen
;;;799;11;;bî dem Plymizol an einer stat."
;;;799;12;;urloup er im dô geben bat.
;;;799;13;;Dô bevalch in got der guote man.
;;;799;14;;Parcifal die naht streich dan.
;;;799;15;;sînen gesellen was der walt wol kunt.
;;;799;16;;dô ez tagete, dô vant er lieben vunt,
;;;799;17;;manec gezelt ûf geslagen.
;;;799;18;;ûz dem lande zuo Brebarz, hôrt ich sagen,
;;;799;19;;was vil baniere dâ gestecket,
;;;799;20;;manec schilt dâr an getrecket.
;;;799;21;;sînes landes vürsten lâgen dâ.
;;;799;22;;Parcifal dâ vrâget, wâ
;;;799;23;;diu künegîn selber læge,
;;;799;24;;ob si sunderringes pflæge.
;;;799;25;;man zeiget im, aldâ si lac
;;;799;26;;und wol gehêrtes ringes pflac
;;;799;27;;mit gezelten umbevangen.
;;;799;28;;nû was von Katelangen
;;;799;29;;der herzoge Kyot des morgens vruo
;;;799;30;;ûf gestanden. dise riten zuo.
;;;800;1;;des tages blic was dannoch grâ.
;;;800;2;;Kyot iedoch erkante aldâ
;;;800;3;;des Grâles wâpen an der schar.
;;;800;4;;si vuorten turteltûben gar.
;;;800;5;;dô ersiufzete sîn alter lîp,
;;;800;6;;wan Schosiane, sîn kiuschez wîp,
;;;800;7;;zuo Munsalvasche im sælde erwarp,
;;;800;8;;diu von Sygunen geburt erstarp.
;;;800;9;;Kyot gein Parcifale gienc,
;;;800;10;;in und die sîne er wol enpfienc.
;;;800;11;;er sante ein junchêrrelîn
;;;800;12;;nâch dem marschalke der künegîn.
;;;800;13;;den bat er schaffen guot gemach,
;;;800;14;;waz er dâ rîter halten sach.
;;;800;15;;er vuorte in selber bî der hant,
;;;800;16;;dâ er der küneginne kamer vant,
;;;800;17;;ein kleine gezelt von buckeram.
;;;800;18;;Den harnasch man von im dâ nam.
;;;800;19;;diu künegîn des noch niht enweiz.
;;;800;20;;Lohrangrin und Kardeiz
;;;800;21;;vant Parcifal bî ir ligen.
;;;800;22;;dô muose vreude an im gesigen.
;;;800;23;;in eime gezelt hôch und wît,
;;;800;24;;her und dâ alle sît
;;;800;25;;clârer vrouwen lac genuoc.
;;;800;26;;Kyot ûf daz bette sluoc.
;;;800;27;;er bat die küneginne wachen
;;;800;28;;und vrœlîche lachen.
;;;800;29;;si blicte ûf und sach in an.
;;;800;30;;si enhâte niht wan daz hemede an.
;;;801;1;;umb sich si daz deckelachen swanc,
;;;801;2;;vür daz bette ûf einen teppich spranc
;;;801;3;;Kundewiramurs, diu lieht gemâl.
;;;801;4;;ouch umbevienc si Parcifal.
;;;801;5;;man sagete mir, si kusten sich.
;;;801;6;;si sprach: "mir het gelücke dich
;;;801;7;;gesendet her zuo vreuden mîn."
;;;801;8;;si bat in willekomen sîn.
;;;801;9;;"nû solt ich zürnen. ich enmac.
;;;801;10;;geêrt sî diu wîle und der tac,
;;;801;11;;der mir brâhte disen umbevanc,
;;;801;12;;dâ von mîn trûren wirdet kranc.
;;;801;13;;ich hân nû, des mîn herze gert.
;;;801;14;;sorge ist noch an mir vil ungewert."
;;;801;15;;nû erwacheten ouch diu kindelîn,
;;;801;16;;Kardeiz und Lohrangrin
;;;801;17;;lâgen ûf dem bette blôz.
;;;801;18;;Parcifaln des niht verdrôz,
;;;801;19;;er kuste si minneclîche.
;;;801;20;;Kyot, der zühte rîche,
;;;801;21;;bat die knaben dannen tragen.
;;;801;22;;er begunde ouch al den vrouwen sagen,
;;;801;23;;daz si ûz dem gezelte giengen.
;;;801;24;;si tâtenz, dô si enpfiengen
;;;801;25;;ir hêrren von langer reise.
;;;801;26;;Kyot, der kurteise,
;;;801;27;;bevalh der küneginne ir man.
;;;801;28;;alle die juncvrouwen vuorter dan.
;;;801;29;;dannoch was ez harte vruo.
;;;801;30;;kamerære sluogen die winden zuo.
;;;802;1;;Gezucte im ê bluot und snê
;;;802;2;;geselleschaft an witzen ê
;;;802;3;;- ûf der selben ouwe er ez ligen vant -,
;;;802;4;;vür solichen kumber gap im nû pfant
;;;802;5;;Kundewiramurs. diu het ez dâ.
;;;802;6;;sîn lîp enpfienc nie anderswâ
;;;802;7;;minne helfe vür der minne nôt,
;;;802;8;;manec wert wîp im doch minne enbôt.
;;;802;9;;ich wæne, er kurzewîle pflac
;;;802;10;;unz an den mitten morgens tac.
;;;802;11;;daz her reit überal schouwen dar.
;;;802;12;;si nâmen der templeise war.
;;;802;13;;die wâren gezimieret
;;;802;14;;und wol gehurtieret,
;;;802;15;;ir schilte mit jostieren sêre durchriten,
;;;802;16;;dar zuo mit swerten ouch versniten.
;;;802;17;;ieclîcher truoc ein kursît
;;;802;18;;von pfelle oder von samît.
;;;802;19;;îserkolzen heten si dannoch an.
;;;802;20;;der ander harnasch was von in getân.
;;;802;21;;dâ enmac niht mê geslâfen sîn.
;;;802;22;;der künec und diu künegîn
;;;802;23;;stuonden ûf. ein priester messe sanc.
;;;802;24;;ûf dem ringe huop sich grôz gedranc
;;;802;25;;von dem ellenthaften her,
;;;802;26;;die gein Clamide wâren zuo wer.
;;;802;27;;dô der benediz wart getân,
;;;802;28;;Parcifaln enpfiengen sîne man
;;;802;29;;mit triuwen werlîche,
;;;802;30;;manic ritter ellens rîche.
;;;803;1;;Man nam des gezeltes winden abe.
;;;803;2;;der künec sprach: "wederz ist der knabe,
;;;803;3;;der künec sol sîn über iuwer lant?"
;;;803;4;;den vürsten tet er dâ bekant:
;;;803;5;;"Waleis und Nurgals,
;;;803;6;;Kanvoleiz und Kingrivals
;;;803;7;;der selbe sol von rehte hân,
;;;803;8;;zuo Anschouwe und in Bealzenan.
;;;803;9;;kumt er imer an mannes kraft,
;;;803;10;;dâr leiste ich im geselleschaft.
;;;803;11;;Gahmuret mîn vater hiez,
;;;803;12;;der mir ez mit rehtem erbe liez.
;;;803;13;;mit sælden ich geerbet hân den Grâl.
;;;803;14;;nû enpfâhet ir an disem mâl
;;;803;15;;iuwer lêhen von mîme kinde,
;;;803;16;;ob ich an iu triuwe vinde."
;;;803;17;;mit guotem willen daz geschach.
;;;803;18;;vil vanen man dâr vüeren sach.
;;;803;19;;dâ lihen zwô kleine hende
;;;803;20;;wîter lande manec ende.
;;;803;21;;gekrœnet wart dô Kardeiz.
;;;803;22;;der betwanc ouch sider Kanvoleiz
;;;803;23;;und vil, daz Gahmuretes was.
;;;803;24;;bî dem Plymizol ûf ein gras
;;;803;25;;wart gesidel und wîter rinc genomen,
;;;803;26;;dâ si zuo dem brôte solten komen.
;;;803;27;;snellîche dâ enbizzen wart.
;;;803;28;;daz volc kêrte an die heimvart.
;;;803;29;;diu gezelt nam man alliu nider.
;;;803;30;;mit dem jungen künege si kêrten wider.
;;;804;1;;manegiu junge vrouwe und ir ander diet
;;;804;2;;sich von der küneginne schiet,
;;;804;3;;sô daz si tâten klage schîn.
;;;804;4;;dô nâmen Lohrangrin
;;;804;5;;und sîne muoter wol getân
;;;804;6;;die templeise und riten dan
;;;804;7;;gein Munsalvasche balde.
;;;804;8;;"zuo einer zît ûf disem walde",
;;;804;9;;sprach Parcifal, "dâ sach ich stên
;;;804;10;;eine klôse, dâ durch balde gên
;;;804;11;;einen snellen brunnen clâr.
;;;804;12;;ob ir si wizzet, sô wîset mich dar."
;;;804;13;;von sînen gesellen wart im gesaget,
;;;804;14;;si wisten eine: "dâ wont einiu maget
;;;804;15;;al klagende ûf ir vriundes sarke.
;;;804;16;;diu ist ouch rehter güete ein arke.
;;;804;17;;unser strâze gêt ir nâhe bî.
;;;804;18;;man vindet si selten jâmers vrî."
;;;804;19;;Der künec sprach: "wir soln si sehen."
;;;804;20;;des wart ein volge an in verjehen.
;;;804;21;;si riten des endes drâte
;;;804;22;;und vunden des âbendes spâte
;;;804;23;;Sygunen an ir venje tôt.
;;;804;24;;des kam diu küneginne in nôt.
;;;804;25;;si brâchen zuo ir dar în.
;;;804;26;;Parcifal durch die niftel sîn
;;;804;27;;hiez ûf wegen des sarkes stein.
;;;804;28;;Schinohtudelander schein
;;;804;29;;unervûlt schône balsemvar.
;;;804;30;;man leite si im nâhe zuo im dar,
;;;805;1;;diu im magetuomlîche minne gap,
;;;805;2;;die wîle si lebete, und sluoc zuo daz grap.
;;;805;3;;Kundewiramurs begunde klagen
;;;805;4;;ir vetern tohter, hôrt ich sagen,
;;;805;5;;daz si wart vreuden âne,
;;;805;6;;wanne si Schosiane,
;;;805;7;;der tôten magede muoter, zôch
;;;805;8;;kint wesende - dâ von si vreude vlôch -,
;;;805;9;;diu Parcifals muome was,
;;;805;10;;ob der Provenzâl die wârheit las.
;;;805;11;;der herzoge Kyot
;;;805;12;;wiste wênic umb sîner tohter tôt,
;;;805;13;;des küneges Kardeizes magezoge.
;;;805;14;;diz mære ist niht sô der boge,
;;;805;15;;ez ist wâr und sleht.
;;;805;16;;der reisen tâten si ir reht,
;;;805;17;;die naht si gein Munsalvasche riten.
;;;805;18;;mit vreuden het ir dâ gebiten
;;;805;19;;Ferefis die stunde.
;;;805;20;;vil kerzen man dô enzunde,
;;;805;21;;als ob brünne gar der walt.
;;;805;22;;ein templeis von Patrigalt
;;;805;23;;gewâpent bî der küneginne reit.
;;;805;24;;der hof was wît und breit.
;;;805;25;;dâ stuont ûffe manegiu wîte schar.
;;;805;26;;die enpfiengen die küneginne gar,
;;;805;27;;den wirt und den sun sîn.
;;;805;28;;dô truoc man Lohrangrin
;;;805;29;;gein sîme vetern Ferefis.
;;;805;30;;dô der was swarz und wîz,
;;;806;1;;der knappe wolte sîn küssen niht.
;;;806;2;;werden kinden man noch vorhte giht.
;;;806;3;;des lachete der heiden.
;;;806;4;;dô begunden si sich scheiden
;;;806;5;;ûf dem hove, dâ diu künegîn
;;;806;6;;erbeizet was. im kam gewin
;;;806;7;;an ir mit vreuden künfte al dar.
;;;806;8;;man vuorte si, dâ manegiu schar
;;;806;9;;von manegen clâren vrouwen was.
;;;806;10;;Ferefis und Anfortas
;;;806;11;;mit zühten stuonden bêde
;;;806;12;;bî den vrouwen an der grêde.
;;;806;13;;Repanse de joie,
;;;806;14;;von Gruonlant Garschiloie,
;;;806;15;;Florie und Zunel,
;;;806;16;;liehtiu ougen und clârez vel
;;;806;17;;die truogen und magetuomlîchen prîs.
;;;806;18;;dâ stuont ouch swanc als ein rîs,
;;;806;19;;der schœne und güete niht gebrach
;;;806;20;;und der man im zuo tohter jach,
;;;806;21;;von Rile Schernise;
;;;806;22;;diu maget hiez Anflise.
;;;806;23;;von Tenebroc, wart mir gesaget,
;;;806;24;;stuont dâ Clarissanze, ein süeziu maget,
;;;806;25;;an ir schœne gar unverkrenket,
;;;806;26;;als ein âmeize gelenket.
;;;806;27;;Ferefis gein der wirtîn trat.
;;;806;28;;diu küneginne sich den küssen bat.
;;;806;29;;Si kust ouch Anfortassen dô
;;;806;30;;und was sîner erlœsunge vrô.
;;;807;1;;Ferefis vuorte si mit der hant,
;;;807;2;;dâ si des wirtes muomen vant,
;;;807;3;;Repansen de joien, stên.
;;;807;4;;vil küssens muose dâ ergên.
;;;807;5;;dar zuo ir munt was sô rôt.
;;;807;6;;der leit von küssen nû die nôt,
;;;807;7;;daz ez mich müet und ist mir leit,
;;;807;8;;daz ich niht hân die arbeit
;;;807;9;;vür si. wan si kam müediu zuo in.
;;;807;10;;juncvrouwen vuorten ir vrouwen hin.
;;;807;11;;die rîter ûf dem palas
;;;807;12;;bliben, der wol gekerzet was,
;;;807;13;;die harte liehte brunnen.
;;;807;14;;dô wart mit zuht begunnen
;;;807;15;;gereitschaft gein dem Grâle.
;;;807;16;;den truoc man zuo allem mâle
;;;807;17;;der diet niht durch schouwen vür,
;;;807;18;;niht wan durch hôchgezîte kür.
;;;807;19;;durch daz si trôstes wânden,
;;;807;20;;daz si sich vreuden ânden
;;;807;21;;des âbendes umb daz bluotic sper,
;;;807;22;;dô wart der Grâl durch helfe ger
;;;807;23;;vür getragen an der selben zît.
;;;807;24;;Parcifal si liez in sorgen sît.
;;;807;25;;mit vreuden er wart nû vür getragen.
;;;807;26;;riuwe ist under gar geslagen.
;;;807;27;;dô diu küneginne ir reisegewant
;;;807;28;;abe gezôch und ir gebant,
;;;807;29;;si kam, als ez ir wol gezam.
;;;807;30;;Ferefis an einer tür si nam.
;;;808;1;;Nû diz was âne strît,
;;;808;2;;daz hôrte oder spræche zuo der zît
;;;808;3;;ieman von schœnereme wîbe.
;;;808;4;;si hete ouch an ir lîbe
;;;808;5;;einen pfelle, den ein künstigiu hant
;;;808;6;;worhte, als in Sarant
;;;808;7;;mit grôzem liste erdâhte ê
;;;808;8;;in der stat zuo Tasme.
;;;808;9;;Ferefis Anschevin
;;;808;10;;si brâhte, diu gap liehten schîn,
;;;808;11;;enmitten durch den palas.
;;;808;12;;driu grôziu viur gemachet was,
;;;808;13;;lign âlôe des viures smac.
;;;808;14;;vierzic teppich und mê gesitze dâ lac
;;;808;15;;dan zuo einen zîten, dô Parcifal
;;;808;16;;ouch dâ vür tragen sach den Grâl.
;;;808;17;;ein gesitze dâ vor ûz gehêrt was,
;;;808;18;;dâ Ferefis und Anfortas
;;;808;19;;bî dem wirte solten sitzen.
;;;808;20;;dô warp mit zühten witzen,
;;;808;21;;wer dâ dienen wolte,
;;;808;22;;sô der Grâl komen solte.
;;;808;23;;ir hât gehôret des genuoc,
;;;808;24;;wie man in vür Anfortassen truoc.
;;;808;25;;dem siht man nû glîche tuon
;;;808;26;;vür des werden Gahmuretes suon
;;;808;27;;und ouch vür Tampunteres kint.
;;;808;28;;juncvrouwen nû niht langer sint.
;;;808;29;;ordenlîche die kâmen überal,
;;;808;30;;vünfe und zwênzic kâmen an der zal.
;;;809;1;;Der êrsten blic den heiden clâr
;;;809;2;;dûhte wîz ir reideleht hâr,
;;;809;3;;die andern schœner aber dâr nâch,
;;;809;4;;die er dô schierest komen sach
;;;809;5;;und ir aller kleider tiure.
;;;809;6;;süeze, minneclîche gehiure
;;;809;7;;was al der megede antlitze gar.
;;;809;8;;nâch in allen kam diu lieht gevar
;;;809;9;;Repanse de joie, ein maget.
;;;809;10;;sich liez der Grâl, wart gesaget,
;;;809;11;;die selbe tragen eine
;;;809;12;;und anders dekeine,
;;;809;13;;wan ir herzen was vil kiusche bî,
;;;809;14;;ir vel des blickes flôrî.
;;;809;15;;sag ich des dienstes urhap,
;;;809;16;;wie vil kamerære dâ wazzer gap,
;;;809;17;;waz man dâ tweheln vür si truoc,
;;;809;18;;mê dan ich iu ê gewuoc,
;;;809;19;;wie unvuoge den palas vlôch,
;;;809;20;;waz man dâ karrâschen zôch
;;;809;21;;mit tiuren goltvazzen
;;;809;22;;und wie die riter sâzen,
;;;809;23;;daz würde ein alzuo langez spel.
;;;809;24;;ich wil der kürze wesen snel.
;;;809;25;;mit zuht man vor dem Grâle nam
;;;809;26;;spîse wilde und zam,
;;;809;27;;disen den mete, jenen den wîn,
;;;809;28;;als ez ir site wolte sîn:
;;;809;29;;môraz, sinôpel, clâret.
;;;809;30;;fil li roys Gahmuret
;;;810;1;;Peilrapere al anders vant,
;;;810;2;;dô si im êrst wart bekant.
;;;810;3;;der heiden vrâgete mære,
;;;810;4;;wâ von diu goltvaz lære
;;;810;5;;vor der taveln würden vol.
;;;810;6;;daz wunder im tet zuo sehen wol.
;;;810;7;;Dô sprach der clâre Anfortas,
;;;810;8;;der im zuo gesellen gegeben was:
;;;810;9;;"hêrre, seht ir vor iu ligen den Grâl?"
;;;810;10;;dô sprach der heiden vêch gemâl:
;;;810;11;;"ich ensihe niht wan ein achmardî.
;;;810;12;;daz truoc mîn juncvrouwe uns bî,
;;;810;13;;diu dort mit krône vor uns stêt.
;;;810;14;;ir blic mir in daz herze gêt.
;;;810;15;;ich wânte, sô starc wære mîn lîp,
;;;810;16;;daz weder maget oder wîp
;;;810;17;;mir vreuden kraft benæme.
;;;810;18;;mir ist worden widerzæme,
;;;810;19;;ob ich ie werde minne enpfienc.
;;;810;20;;unzuht mir zuht undervienc,
;;;810;21;;daz ich iu künde mîne nôt,
;;;810;22;;sît ich iu dienst nie gebôt.
;;;810;23;;waz hilfet al mîn rîcheit
;;;810;24;;und waz ich ie durch wîp gestreit,
;;;810;25;;und ob mîn hant iht hât vergeben,
;;;810;26;;muoz ich sus blintlîche leben?
;;;810;27;;ey, kreftic got Jupiter,
;;;810;28;;waz woltestû mîn zunsenfte her?"
;;;810;29;;minnen kraft mit vreuden krenke
;;;810;30;;vromt in bleich an sîner blenke.
;;;811;1;;Kundewiramurs, diu lieht erkant,
;;;811;2;;vil nâch nû ebenhiuze vant
;;;811;3;;an der clâren megede velles blic.
;;;811;4;;dô slôz sich der minnen stric
;;;811;5;;Ferefis, der werde gast.
;;;811;6;;sîner êrsten vriuntschaft im gebrast
;;;811;7;;mit vergezzelîchem willen.
;;;811;8;;waz half nû Secundillen
;;;811;9;;ir lîp, ir lant Tribalibot?
;;;811;10;;im vuogete ein magt sô strenge nôt:
;;;811;11;;Claudite und Olimpia,
;;;811;12;;Secundille und wîten anderswâ,
;;;811;13;;dâ wîp im dienstes lônten
;;;811;14;;und sînes prîses schônten,
;;;811;15;;Gahmuretes sun von Zazamanc,
;;;811;16;;den dûhte ir aller minne kranc.
;;;811;17;;Nû sach der clâre Anfortas,
;;;811;18;;daz sîn geselle in pînen was,
;;;811;19;;daz blankiu mâl wurden bleich,
;;;811;20;;sô daz im hôher muot gesweich.
;;;811;21;;dô sprach er: "hêrre, diu swester mîn,
;;;811;22;;mir leidet, ob iuch diu lêret pîn,
;;;811;23;;den noch nieman durch si erleit.
;;;811;24;;nie rîter in ir dienst gereit.
;;;811;25;;dô nam ouch nieman lôn dâ zuo ir.
;;;811;26;;si was mit jâmer grôz bî mir.
;;;811;27;;daz krenket ouch ir varwe ein teil,
;;;811;28;;daz man si sach sô selten geil.
;;;811;29;;iuwer bruoder ist ir swester sun.
;;;811;30;;der mac iu dâ wol helfe tuon."
;;;812;1;;"sol diu magt iuwer swester sîn",
;;;812;2;;sprach Ferefis Anschevin,
;;;812;3;;"diu krône ûf blôzeme hâre dort hât,
;;;812;4;;sô gebet mir umb ir minne rât.
;;;812;5;;nâch ir ist alle mînes herzen ger.
;;;812;6;;ob ich ie prîs gewan mit sper,
;;;812;7;;wan wære daz gar durch si geschehen
;;;812;8;;und wolte si mir dan lônes jehen!
;;;812;9;;vünf stiche mac turnieren hân,
;;;812;10;;die sint von mîner hant getân.
;;;812;11;;einer ist zuo dem pungeiz,
;;;812;12;;zuo trevers ich den anderen weiz,
;;;812;13;;der drite ist zentmuoten.
;;;812;14;;zuo rehter jost den guoten
;;;812;15;;herteclîche ich hân geriten
;;;812;16;;und den zuo volge niht vermiten.
;;;812;17;;sît der schilt von êrst wart mîn dach,
;;;812;18;;hînt ist mîn êrstez ungemach.
;;;812;19;;ouch stach ich in Agremontin
;;;812;20;;gein eime rîter viurîn.
;;;812;21;;wan mîn kursît salamander,
;;;812;22;;von aspindê mîn schilt der ander,
;;;812;23;;ich wære verbrunnen von der jost.
;;;812;24;;waz ich ie prîses bezalt ûf lieber kost,
;;;812;25;;wan hete mich gesendet dar
;;;812;26;;iuwer swester minneclîch gevar!
;;;812;27;;ich wære gein strîte noch ir bote.
;;;812;28;;Jupiter, mîme gote,
;;;812;29;;wil ich imer haz tragen,
;;;812;30;;er enwende nû dise grôzen klagen."
;;;813;1;;beider vater hiez Frimutel.
;;;813;2;;gelîch antlitze und glîchez vel
;;;813;3;;Anfortas bî sîner swester truoc.
;;;813;4;;der heiden sach an si genuoc
;;;813;5;;und dicke wider an in.
;;;813;6;;wie vil man her oder hin
;;;813;7;;spîse getruoc, sîn munt niht az.
;;;813;8;;ezzen er doch glîche saz.
;;;813;9;;Anfortas sprach zuo Parcifal:
;;;813;10;;"hêrre, iuwer bruoder hât den Grâl,
;;;813;11;;des ich wæne, noch niht gesehen."
;;;813;12;;Ferefis begunde dem wirte jehen,
;;;813;13;;daz er den Grâl niht sæhe.
;;;813;14;;daz dûhte die rîter spæhe.
;;;813;15;;disiu mære ouch Tyturel vernam,
;;;813;16;;der alte betterise lam.
;;;813;17;;der sprach: "ist ez ein heidensch man,
;;;813;18;;sô endarf er des niht willen hân,
;;;813;19;;daz sîn ougen an des Grâles kraft
;;;813;20;;bejagen die geselleschaft,
;;;813;21;;daz si den Grâl beschouwen.
;;;813;22;;dâ ist hâmît vür gehouwen."
;;;813;23;;daz enbôt er in den palas.
;;;813;24;;dô sprach Parcifal und Anfortas
;;;813;25;;zuo Ferefis, daz er næme war,
;;;813;26;;wes al daz volc lebete gar.
;;;813;27;;dâ wære ein ieclîch heiden
;;;813;28;;mit sehen von gescheiden.
;;;813;29;;si wurben, daz er næme den touf
;;;813;30;;und endelôsen gewinnes kouf.
;;;814;1;;"Ob ich durch iuch zuo toufe kome,
;;;814;2;;ist mir der touf zuo minnen vrome?"
;;;814;3;;sprach der heiden, Gahmuretes kint.
;;;814;4;;"ez was unz her ein wint,
;;;814;5;;waz minne streit oder minne twanc.
;;;814;6;;diu wîle sî kurz oder lanc,
;;;814;7;;dô der schilt von êrst mich übervienc,
;;;814;8;;nie grœzer nôt ich sît enpfienc.
;;;814;9;;durch zuht kan ich minne heln.
;;;814;10;;nû enkan ir herze niht versteln."
;;;814;11;;"wen meinestû?", sprach Parcifal.
;;;814;12;;"jene maget lieht gemâl,
;;;814;13;;mînes gesellen swester hie.
;;;814;14;;wiltû mir helfen umb sie,
;;;814;15;;ich tuon ir rîcheit bekant,
;;;814;16;;sô daz ir dienent wîtiu lant."
;;;814;17;;"wiltû dich toufes lâzen wern",
;;;814;18;;sprach der wirt, "sô mahtû ir minne gern.
;;;814;19;;ich mac doch nû wol duzen dich.
;;;814;20;;unser rîcheit nâch glîchet sich,
;;;814;21;;mînhalp von des Grâles krefte."
;;;814;22;;"hilf mir geselleschefte",
;;;814;23;;sprach Ferefis Anschevin,
;;;814;24;;"bruoder, umb die muomen dîn.
;;;814;25;;holt man den touf mit strîte,
;;;814;26;;dar schaffe mich bezîte.
;;;814;27;;lâ mich dienen umb ir lôn.
;;;814;28;;ich hôrte ie gerne solichen dôn,
;;;814;30;;dâ swert ûf helmen klungen
;;;814;29;;und von josten sprîzen sprungen.
;;;815;1;;Der wirt des lachete sêre
;;;815;2;;und Anfortas noch mêre.
;;;815;3;;"kanstû sus touf enpfâhen",
;;;815;4;;sprach der wirt, "ich wil si nâhen
;;;815;5;;durch rehten touf in sîn gebot.
;;;815;6;;Jupiter, dînen got,
;;;815;7;;muostû durch si verliesen
;;;815;8;;und Secundillen verkiesen.
;;;815;9;;morne vruo gib ich dir den rât,
;;;815;10;;der vuoge an dîme gewerbe hât."
;;;815;11;;Anfortas vor siecheit zît
;;;815;12;;sînen prîs gemachet hete sô wît
;;;815;13;;mit rîterschaft nâch minne.
;;;815;14;;an sînes herzen sinne
;;;815;15;;was güete und miltekeit.
;;;815;16;;sîn hant ouch manegen prîs erstreit.
;;;815;17;;dâ sâzen dem Grâle bî
;;;815;18;;der aller besten rîter drî,
;;;815;19;;die dô der schilte pflâgen,
;;;815;20;;wan si getorsten ez wâgen.
;;;815;21;;wellet ir, si hânt dâ geâz genuoc.
;;;815;22;;mit zühten man von in allen truoc
;;;815;23;;taveln und tischelachen.
;;;815;24;;mit dienstlîchen sachen
;;;815;25;;nigen alliu diu magedîn.
;;;815;26;;Ferefis Anschevin
;;;815;27;;sach si von im kêren.
;;;815;28;;daz begunde im trûren mêren.
;;;815;29;;sînes herzen slôz truoc dan den Grâl.
;;;815;30;;urloup gap in Parcifal.
;;;816;1;;Wie diu wirtinne selber dan gienc
;;;816;2;;und wie manz dar nâch an vienc,
;;;816;3;;daz man sîn wol mit betten pflac,
;;;816;4;;der doch durch minne unsanfte lac,
;;;816;5;;und wie al der templeise diet
;;;816;6;;mit senfte unsenfte von im schiet,
;;;816;7;;daz würde al zuo langiu sage.
;;;816;8;;ich wil iu künden von dem tage,
;;;816;9;;dô der des morgens lieht erschein,
;;;816;10;;Parcifal wart des enein
;;;816;11;;und Anfortas, der guote,
;;;816;12;;mit endehaftem muote
;;;816;13;;si bâten den von Zazamanc
;;;816;14;;komen, den diu minne twanc,
;;;816;15;;in den tempel vür den Grâl.
;;;816;16;;er gebôt ouch an dem selben mâl
;;;816;17;;den wîsen templeisen dar.
;;;816;18;;sarjande, rîter, grôziu schar
;;;816;19;;dâ stuont. hie gienc der heiden în.
;;;816;20;;der toufnapf was ein rubîn,
;;;816;21;;von jaspis ein grât sinewel,
;;;816;22;;dâr ûf er stuont. Tyturel
;;;816;23;;hât in mit kost erziuget sô.
;;;816;24;;Parcifal zuo sîme bruoder dô
;;;816;25;;sprach: "wiltû die muomen mîn
;;;816;26;;haben, al die gote dîn
;;;816;27;;muostû durch si versprechen
;;;816;28;;und imer gerne rechen
;;;816;29;;den widersaz des hœhesten gotes
;;;816;30;;und mit triuwen schônen sînes gebotes."
;;;817;1;;"Wâ von ich sol die maget hân",
;;;817;2;;sprach der heiden, "daz wirt gar getân
;;;817;3;;und mit triuwen an mir erzeiget."
;;;817;4;;der toufnapf wart geneiget
;;;817;5;;ein lützel gein dem Grâle.
;;;817;6;;vol wazzers an dem mâle
;;;817;7;;wart si, zuo warm noch zuo kalt.
;;;817;8;;dâ stuont ein grâwer priester alt,
;;;817;9;;der ûz heidenschaft manec kindelîn
;;;817;10;;ouch gestôzen hâte drîn.
;;;817;11;;der sprach: "ir sult gelouben,
;;;817;12;;iuwer sêle dem tiuvele rouben,
;;;817;13;;ane den hœhesten got aleine,
;;;817;14;;des drîvalt ist gemeine
;;;817;15;;und alle glîche geurbort.
;;;817;16;;got ist mensche und sînes vater wort.
;;;817;17;;sît er ist vater und kint,
;;;817;18;;alle glîche gehêret sint,
;;;817;19;;ebenhêr sîme geiste.
;;;817;20;;mit der drîer volleiste
;;;817;21;;wert iu diz wazzer heidenschaft
;;;817;22;;mit der trinitât kraft.
;;;817;23;;in wazzer er zuo toufe gienc,
;;;817;24;;nâch dem Adam antlitze enpfienc.
;;;817;25;;von wazzer boume sint gesaft.
;;;817;26;;wazzer viuhte al die kraft,
;;;817;27;;der man vür crêatiure giht.
;;;817;28;;mit dem wazzer man gesiht.
;;;817;29;;wazzer gît manegen sêlen schîn,
;;;817;30;;daz die engele niht liehter dorften sîn."
;;;818;1;;Ferefis zuo dem priester sprach:
;;;818;2;;"ist ez mir guot vür ungemach,
;;;818;3;;ich geloube, wes ir gebiet.
;;;818;4;;ob mir mîn minne miet,
;;;818;5;;sô leist ich gerne iuwer gebot.
;;;818;6;;bruoder, hât dîne muome einen got,
;;;818;7;;an den geloube ich und an sie.
;;;818;8;;sô grôze nôt gewan ich nie.
;;;818;9;;alle mîne gote sîn verkorn.
;;;818;10;;Secundille habe ouch verlorn,
;;;818;11;;waz si an mir ie geêrte sich.
;;;818;12;;durch dîner muomen got heiz toufen mich."
;;;818;13;;man begunde sîn kristenlîche pflegen.
;;;818;14;;man sprach ob im des toufes segen.
;;;818;15;;dô der heiden touf enpfienc
;;;818;16;;und diu westerlege ergienc,
;;;818;17;;der er kûme erbeite,
;;;818;18;;der megede man in bereite.
;;;818;19;;man gap im Frimutels kint.
;;;818;20;;an den Grâl was er zuo sehene blint,
;;;818;21;;ê der touf in hete bedecket.
;;;818;22;;sît wart er vor im blecket,
;;;818;23;;der Grâl mit gesihte.
;;;818;24;;nâch des toufes geschihte
;;;818;25;;an dem Grâle man geschriben vant,
;;;818;26;;welchen templeis diu gotes hant
;;;818;27;;zuo hêrren gæbe vremeder diete,
;;;818;28;;daz der vrâgen widerriete
;;;818;29;;sînes namen und sînes geslehtes,
;;;818;30;;und daz er in hülfe rehtes.
;;;819;1;;wirt diu vrâge gein im dâ getân,
;;;819;2;;sô enmügen si in niht langer hân.
;;;819;3;;durch daz der süeze Anfortas
;;;819;4;;sô lange in sûrer pînen was
;;;819;5;;und in diu vrâge lange meit,
;;;819;6;;in ist imer mê nû vrâge leit.
;;;819;7;;alle des Grâles pflihtegesellen
;;;819;8;;gein im vrâgens niht enwellen.
;;;819;9;;Der getoufte Ferefis
;;;819;10;;an sînen swâger legete vlîz
;;;819;11;;mit bete dan zuo varne
;;;819;12;;und niemer niht zuo sparne
;;;819;13;;vor im alle sîner rîcheit habe.
;;;819;14;;dô wîsten mit zühten abe
;;;819;15;;Anfortas von dem gewerbe:
;;;819;16;;"ich enwil niht, daz verderbe
;;;819;17;;gein gote mîn dienstlîcher muot.
;;;819;18;;des Grâles krône ist alsô guot.
;;;819;19;;die hât mir hôchvart verlorn.
;;;819;20;;nû hân ich den muot erkorn.
;;;819;21;;rîcheit und wîbe minne
;;;819;22;;sich verret von mîme sinne.
;;;819;23;;ir vüeret hinnen ein edel wîp.
;;;819;24;;diu gît zuo dienste iu kiuschen lîp
;;;819;25;;mit rehten wîplîchen siten.
;;;819;26;;mîn dienst hie niht wirt vermiten.
;;;819;27;;ich sol vil joste rîten,
;;;819;28;;in des Grâles dienst strîten.
;;;819;29;;durch wîp gestrîte ich niemer mêr.
;;;819;30;;ein wîp gap mir herzesêr.
;;;820;1;;doch ist imer al mîn haz
;;;820;2;;gên wîben volliclîchen laz.
;;;820;3;;hôch manlîchiu vreude liget an in,
;;;820;4;;wie kleine dâ wære mîn gewin."
;;;820;5;;Anfortassen bat dô sêre
;;;820;6;;durch sîner swester êre
;;;820;7;;Ferefis der dannenvert.
;;;820;8;;mit versagene er sich des wert.
;;;820;9;;Ferefis Anschevin
;;;820;10;;warp dô, daz Lohrangrin
;;;820;11;;mit im dannen solte varn.
;;;820;12;;sîniu muoter kunde daz wol bewarn.
;;;820;13;;dô sprach der künec Parcifal:
;;;820;14;;"mîn sun ist geordent ûf den Grâl;
;;;820;15;;dar muoz er dienstlîch herze tragen,
;;;820;16;;læt in got rehten sin bejagen."
;;;820;17;;Minne und kurzewîle pflac
;;;820;18;;Ferefis unz an den eilften tac.
;;;820;19;;an dem zwelften schiet er dan.
;;;820;20;;gein sîme her, der rîche man,
;;;820;21;;sîn wîp wolt er vüeren.
;;;820;22;;des begunde in triuwe rüeren
;;;820;23;;Parcifaln durch triuwe.
;;;820;24;;disiu rede lêrte in riuwe.
;;;820;25;;mit den sînen er sich beriet,
;;;820;26;;daz er von rîtern grôze diet
;;;820;27;;mit im sante vür den walt.
;;;820;28;;Anfortas, der clâre degen balt,
;;;820;29;;mit im durch geleite reit.
;;;820;30;;manegiu magt dâ weinen niht vermeit.
;;;821;1;;si begunden machen niuwe slâ
;;;821;2;;ûz gein Kachopra.
;;;821;3;;dar enbot der süeze Anfortas
;;;821;4;;dem, der dâ burcgrâve was,
;;;821;5;;daz er wære des gemant,
;;;821;6;;ob er ie von sîner hant
;;;821;7;;enpfienge gâbe rîche,
;;;821;8;;daz er nû dienstlîche
;;;821;9;;sîne triuwe an im nû prîste
;;;821;10;;und im sînen swâger wîste
;;;821;11;;und des wîp, die swester sîn,
;;;821;12;;zem fôrest Lehprisin
;;;821;13;;in die wilden habe wît.
;;;821;14;;nû was ouch urloubes zît.
;;;821;15;;si ensolten doch niht vürbaz komen.
;;;821;16;;Kundrie wart genomen
;;;821;17;;zuo dirre botschefte dan.
;;;821;18;;urloup zuo dem rîchen man
;;;821;19;;nâmen alle die templeise.
;;;821;20;;hin reit der kurteise.
;;;821;21;;Der burcgrâve dô niht enliez,
;;;821;22;;waz in Kundrie leisten hiez.
;;;821;23;;Ferefis, der rîche,
;;;821;24;;wart dô minneclîche
;;;821;25;;mit grôzer vuore enpfangen.
;;;821;26;;in durfte dâ niht erlangen.
;;;821;27;;man vuort in vürbaz schiere
;;;821;28;;mit grôzeme cundewiere.
;;;821;29;;ich enweiz, wie manege mîle er reit
;;;821;30;;unz zuo Tschoflanze ûf den anger breit.
;;;822;1;;vil liute si dâ vunden.
;;;822;2;;an den selben stunden
;;;822;3;;Ferefis dô vrâgete mære,
;;;822;4;;war daz her komen wære.
;;;822;5;;etslîcher was in sîn lant,
;;;822;6;;war im diu reise was bekant.
;;;822;7;;Artus was gein Schambilot.
;;;822;8;;der von Tribalibot
;;;822;9;;kunde an den selben zîten
;;;822;10;;gein sîme her wol rîten.
;;;822;11;;daz lac al trûric in der habe,
;;;822;12;;daz ir hêrre was gescheiden drabe.
;;;822;13;;sîniu kunft dâ manegem rîter guot
;;;822;14;;brâhte niht wan hôhen muot.
;;;822;15;;der burcgrâve von Kachopra
;;;822;16;;und al die sîne wurden dâ
;;;822;17;;mit rîcher gâbe heim gesant.
;;;822;18;;Kundrie dâ hôhiu mære vant.
;;;822;19;;boten wâren nâch dem her komen,
;;;822;20;;Secundille hete den tôt genomen.
;;;822;21;;Repanse de joie dô
;;;822;22;;moht ir verte alrêrst wesen vrô.
;;;822;23;;diu gebar sît in Indian
;;;822;24;;einen sun, der hiez Johan.
;;;822;25;;priester Johan man den hiez.
;;;822;26;;imer sît man dâ die künege liez
;;;822;27;;an dem namen blîben.
;;;822;28;;Ferefis hiez dô schrîben
;;;822;29;;zuo India über al daz lant,
;;;822;30;;wie kristen leben was bekant.
;;;823;1;;daz enwas ê niht sô kreftic dâ.
;;;823;2;;wir heizen ez hie India.
;;;823;3;;dort heizet ez Tribalibot.
;;;823;4;;Ferefis bî Kundrien enbôt
;;;823;5;;sîme bruoder zuo Munsalvasche wider,
;;;823;6;;wie ez im was ergangen sider,
;;;823;7;;daz Secundille verscheiden was.
;;;823;8;;des wart al trûric Anfortas,
;;;823;9;;wie sîne swester âne strît
;;;823;10;;wære vrouwe über manec lant sô wît.
;;;823;11;;diu rehten mære iu komen sint
;;;823;12;;umb diu vünf Frimutells kint,
;;;823;13;;daz diu mit guote würben
;;;823;14;;und ir zwei erstürben.
;;;823;15;;daz eine was Schosiane,
;;;823;16;;diu süeze, valsches âne.
;;;823;17;;diu ander Herzeloyde hiez,
;;;823;18;;diu valscheit ûz ir herzen stiez.
;;;823;19;;sîn swert und rîterlîchez leben
;;;823;20;;hete Trefrizent gegeben
;;;823;21;;an die gotes minne
;;;823;22;;nâch endelôsem gewinne.
;;;823;23;;der clâre, süeze Anfortas
;;;823;24;;manlîch bî kiuschem herzen was.
;;;823;25;;ordenlîch er manege jost reit,
;;;823;26;;durch den Grâl er vil gestreit.
;;;823;27;;Lohrangrin wuohs manlîch starc.
;;;823;28;;diu zageheit sich an im barc.
;;;823;29;;dô er sich rîterschaft versan,
;;;823;30;;in des Grâles dienst er prîs gewan.
;;;824;1;;welt ir nû hœren vürbaz?
;;;824;2;;sît über lanc ein vrouwe saz,
;;;824;3;;vor aller untât bewart.
;;;824;4;;rîcheit und hôhiu art
;;;824;5;;beide ûf si geerbet wâren.
;;;824;6;;si kunde sô gebâren,
;;;824;7;;daz si mit rehter kiusche warp.
;;;824;8;;alliu wertlîche gir an ir verdarp.
;;;824;9;;werder liute warp umb si genuoc,
;;;824;10;;der etslîcher krône truoc,
;;;824;11;;und manec vürste, ir genôz.
;;;824;12;;ir diemuot was sô grôz,
;;;824;13;;daz si sich dran niht wande.
;;;824;14;;vil grâven in ir lande
;;;824;15;;begunden an si hazzen,
;;;824;16;;wes si sich wolte lazzen,
;;;824;17;;daz si einen man niht næme,
;;;824;18;;der in zuo hêrren zæme.
;;;824;19;;si hete sich gar an got verlân,
;;;824;20;;waz gein ir zornes wart getân,
;;;824;21;;unschulde maneger hin zuo ir sprach.
;;;824;22;;einen hof si ir landes hêrren sprach.
;;;824;23;;manic bote ûz verrem lande vuor
;;;824;24;;hin zuo ir. die man si gar verswuor,
;;;824;25;;wan des si got bewîste;
;;;824;26;;des minne si gerne prîste.
;;;824;27;;si was vürstinne in Brabant.
;;;824;28;;von Munsalvasche wart gesant
;;;824;29;;der den swane brâhte
;;;824;30;;und des ir got gedâhte.
;;;825;1;;Zuo âventiure er wart gezogen.
;;;825;2;;si was an im vil unbetrogen.
;;;825;3;;er kunde wol gebâren.
;;;825;4;;man muoz in vür den clâren
;;;825;5;;und vür den manlîchen
;;;825;6;;haben in allen rîchen,
;;;825;7;;wâ man sîn künde ie gewan.
;;;825;8;;hövesch, mit zühten, ein wîse man,
;;;825;9;;getriuwe, milte, an lîbe grôz
;;;825;10;;was er und missewende blôz.
;;;825;11;;des landes vrouwe in wol enpfienc.
;;;825;12;;nû hœret, wie sîn rede ergienc,
;;;825;13;;daz ez rîche und arme hôrten
;;;825;14;;alsus mit schœnen worten.
;;;825;15;;dô sprach er: "vrouwe herzogîn,
;;;825;16;;sol ich diz landes hêrre sîn,
;;;825;17;;dâr umb lâz ich als vil.
;;;825;18;;nû hœret, wes ich bieten wil:
;;;825;19;;gevrâget nimer, wer ich sî,
;;;825;20;;sô mac ich iu blîben bî.
;;;825;21;;bin ich zuo iuwer vrâgen erkorn,
;;;825;22;;sô hât ir minne an mir verlorn.
;;;825;23;;sît ir niht vor gewarnet des,
;;;825;24;;sô wert mich got, ich weiz wol wes."
;;;825;25;;si sazte wîbes sicherheit,
;;;825;26;;diu sît durch liebe wenken leit,
;;;825;27;;si wolte zuo sîme gebote stên
;;;825;28;;und daz niemer übergên,
;;;825;29;;waz er si leisten hieze,
;;;825;30;;ob si got bî sinnen lieze.
;;;826;1;;die naht sîn lîp ir minne ervant;
;;;826;2;;dô wart er vürste in Brabant.
;;;826;3;;diu hôchgezît rîlîche ergienc.
;;;826;4;;manec hêrre von sîner hant enpfienc
;;;826;5;;grôziu lêhen, daz si solten hân.
;;;826;6;;guot rihter wart der selbe man.
;;;826;7;;er tet ouch dicke rîterschaft,
;;;826;8;;daz er den prîs behielte mit kraft.
;;;826;9;;si gewunnen samen schœniu kint.
;;;826;10;;der geslehte in Brabant noch sint,
;;;826;11;;die wol wizzen von in beiden,
;;;826;12;;ir enpfâhen, sîn komen, sîn danscheiden,
;;;826;13;;wan in ir vrâge dannen treip,
;;;826;14;;und wie lange er dâ bleip.
;;;826;15;;er schiet ungerne dan.
;;;826;16;;dô brâht in aber sîn wîzer swan
;;;826;17;;
;;;826;18;;
;;;826;19;;ein horn, ein swert, ein vingerlîn.
;;;826;20;;hin schiet dô Lohrangrin.
;;;826;21;;wellen wir dem mære rehte tuon,
;;;826;22;;sô was er Parcifals sun.
;;;826;23;;der vuor sît wazzer und wege
;;;826;24;;wider in des Grâles pflege.
;;;826;25;;durch daz verlôs daz guote wîp
;;;826;26;;werdes mannes minneclîchen lîp.
;;;826;27;;er hete si es doch gewarnet ê,
;;;826;28;;dô er vür si gienc von dem sê.
;;;826;29;;hie sol Erec nû sprechen,
;;;826;30;;der kunde mit rede si rechen.
;;;827;1;;ob von Troys meister Cristian
;;;827;2;;disen mæren hât unreht getân,
;;;827;3;;daz mac wol zürnen Kyot,
;;;827;4;;der uns die mære rehte enbôt.
;;;827;5;;endehaft giht der Provenzal, 
;;;827;6;;wie Herzeloyden kint den Grâl
;;;827;7;;erbete, als im geordent was,
;;;827;8;;dô in verworhte Anfortas.
;;;827;9;;von Provenze in tiuschiu lant
;;;827;10;;die rehten mære uns sint gesant
;;;827;11;;und dirre âventiure endes zil.
;;;827;12;;dâ von ich nû niht mêr sprechen wil,
;;;827;13;;ich, Wolfram von Eschebach,
;;;827;14;;wan als dort der meister sprach.
;;;827;15;;sîniu kint, sîn hôch geslehte,
;;;827;16;;hân ich iu genennet rehte,
;;;827;17;;Parcifals, den ich hân brâht,
;;;827;18;;dar sîn doch sælde het erdâht.
;;;827;19;;wes leben sich sô verendet,
;;;827;20;;daz got niht wirt gepfendet
;;;827;21;;der sêle durch lîbes schulde,
;;;827;22;;und doch der werlde hulde
;;;827;23;;gedienen kan mit werdecheit,
;;;827;24;;daz ist ein nütziu arbeit.
;;;827;25;;guotiu wîp, hânt die sin,
;;;827;26;;deste werder ich in bin,
;;;827;27;;ob mir dekeinez guotes gan,
;;;827;28;;sît ich dise mære von in gesprochen hân.
;;;827;29;;und ist daz durch ein wîp geschehen,
;;;827;30;;diu muoz mir süezer mære jehen.