;;;1;1;;Ist zwîvel herzen nâchgebûr,
;;;1;2;;daz muoz der sêlen werden sûr.
;;;1;3;;gesmâhet und gezieret
;;;1;4;;ist, wâ sich parrieret
;;;1;5;;in eines verzageten mannes muot,
;;;1;6;;alsô agelstern varwe tuot.
;;;1;7;;der mac dannoch wesen geil.
;;;1;8;;ane im sint bêdiu teil,
;;;1;9;;des himels und der helle.
;;;1;10;;der unstæte geselle
;;;1;11;;hât die swarzen varwe gar
;;;1;12;;und wirt ouch nâch der vinster var.
;;;1;13;;sô habt sich an die blanken
;;;1;14;;der mit stæten gedanken.
;;;1;15;;Diz vliegende bîspel
;;;1;16;;ist tumben liuten gar snel.
;;;1;17;;si enmugen es niht erdenken,
;;;1;18;;wenne ez kan vor in wenken,
;;;1;19;;reht alsô ein schalkehter hase
;;;1;20;;zuo anderhalb dem glase
;;;1;21;;glîchet und des blinden troum,
;;;1;22;;die gebent antlitzes roum.
;;;1;23;;doch mac mit stæte niht gesîn
;;;1;24;;dirre trüebe liehte schîn.
;;;1;25;;er machet kurze vröude al wâr.
;;;1;26;;wer roufet mich, dâ nie kein hâr
;;;1;27;;gewuohs, innen in mîner hant?
;;;1;28;;der hât vil nâhe griffe erkant.
;;;1;29;;sprich ich gegen den vorhten: "och!",
;;;1;30;;daz glîchet mîner witze doch.
;;;2;1;;wil ich triuwe vinden,
;;;2;2;;aldâ si kan verswinden
;;;2;3;;alsô viur in den brunnen
;;;2;4;;und der tou von der sunnen?
;;;2;5;;doch erkant ich nie sô wîsen man,
;;;2;6;;er möhte gerne kunde hân,
;;;2;7;;welher tiure die vrowen gerent
;;;2;8;;und waz si guoter lêre werent.
;;;2;9;;dâr an si niemer verzagent,
;;;2;10;;beide si vliehent und jagent,
;;;2;11;;si entwîchent und kêrent,
;;;2;12;;si lasterent und êrent.
;;;2;13;;wer mit disen schanzen allen kan,
;;;2;14;;an dem hât witze wol getân,
;;;2;15;;der sich niht verstrêt und verstât
;;;2;16;;und sich anders wol vergât.
;;;2;17;;valsch geselleclîcher muot
;;;2;18;;ist zuo der helle viure guot
;;;2;19;;und ist hôher wirdicheit ein hagel.
;;;2;20;;untriuwe het sô kurzen zagel,
;;;2;21;;daz si den dritten biz niht galt,
;;;2;22;;vüere si mit bremen in den walt.
;;;2;23;;dise meniger slahte underbint
;;;2;24;;doch niht gar von mannen sint.
;;;2;25;;vür diu wîp stôze ich disiu zil:
;;;2;26;;weliu hie mîn râten merken wil,
;;;2;27;;diu sol wizzen, war si kêre
;;;2;28;;ir brîs und ir êre
;;;2;29;;und wem si dâ nâch sî bereit
;;;2;30;;minne und ir wirdicheit,
;;;3;1;;sô daz si niht geriuwe
;;;3;2;;ir kiusche und ir triuwe.
;;;3;3;;vor got ich guoten wîben bite,
;;;3;4;;die in rehter mâze volgent mite.
;;;3;5;;scham ist ein slôz ob allen siten.
;;;3;6;;ich darf in nimer heiles biten.
;;;3;7;;diu valsche erwirbet valschen brîs.
;;;3;8;;wie stæte ist ein dünnez îs,
;;;3;9;;diu angest herze sunne hât?
;;;3;10;;ir lop vil balde alsus zergât,
;;;3;11;;wenne wîbes schœne an lobe ist breit.
;;;3;12;;ist dâ daz herze conterfeit,
;;;3;13;;die lob ich, alsô ich solde
;;;3;14;;daz safer in golde.
;;;3;15;;ine hân daz niht vür lîhter dinc,
;;;3;16;;wer in den kranken messinc
;;;3;17;;verwürket edel rubîn
;;;3;18;;und alle die âventiure sîn.
;;;3;19;;den glîch ich rehten wîbes muot.
;;;3;20;;diu ir wîpheit rehte tuot,
;;;3;21;;denne sol ich varwe prüeven niht
;;;3;22;;noch ir herzen dach, dô man dâ siht.
;;;3;23;;ist si innerhalp der brüste bewart,
;;;3;24;;sô ist worden prîs dâ niht verschart.
;;;3;25;;
;;;3;26;;
;;;3;27;;
;;;3;28;;
;;;3;29;;
;;;3;30;;
;;;4;1;;
;;;4;2;;
;;;4;3;;
;;;4;4;;
;;;4;5;;
;;;4;6;;
;;;4;7;;
;;;4;8;;
;;;4;9;;Ein mære ich hie wil niuwen,
;;;4;10;;daz seit von grôzen triuwen,
;;;4;11;;wîplîchez wîbes reht
;;;4;12;;und mannes manheit alsô sleht,
;;;4;13;;diu sich gegen herte nie gebouc.
;;;4;14;;sîn herz in dâr an nie betrouc,
;;;4;15;;er stahel, wâ er zuo strîte kam.
;;;4;16;;sîn hant dâ sigelîchen nam
;;;4;17;;manigen loblîchen prîs;
;;;4;18;;der küene, træclîche wîs:
;;;4;19;;den helt ich alsus grüeze,
;;;4;20;;der wîbes ougen süeze
;;;4;21;;und dâ bî wîbes herzen suht,
;;;4;22;;vor missewende ein varwe vluht.
;;;4;23;;den ich hie hân zuo erkorn,
;;;4;24;;er ist megenshalp noch ungeborn,
;;;4;25;;dem man dirre âventiure giht
;;;4;26;;und wunders vil, des dâr an geschiht.
;;;4;27;;Si pflegent es noch, als man dô pflac,
;;;4;28;;wâ lît und welsch gerihte lac.
;;;4;29;;daz pfliget ouch tiutscher erde ein ort.
;;;4;30;;daz habet ir an mir gehôrt.
;;;5;1;;wer ie dâ pflac der lande,
;;;5;2;;der gebôt wol âne schande
;;;5;3;;- daz ist ein wârheit sunder wân -,
;;;5;4;;daz der alteste bruoder solte hân
;;;5;5;;sînes vater ganzen erbeteil.
;;;5;6;;daz was der jungen michel heil,
;;;5;7;;daz in der tôt die pflihte brach,
;;;5;8;;als in ir vater leben verjach.
;;;5;9;;dâ vor dô was ez gemeine.
;;;5;10;;sus hât ez der elter eine.
;;;5;11;;daz schuof iedoch ein wîser man,
;;;5;12;;daz alter guot solt hân.
;;;5;13;;jugent het vil wirdicheit,
;;;5;14;;dô alter siufzen und leit.
;;;5;15;;ez wart nie man alsô vruot
;;;5;16;;sô alter und armuot.
;;;5;17;;künige, grâven und herzogen
;;;5;18;;- daz sag ich iu vür ungelogen -,
;;;5;19;;daz die jungen enterbet sint
;;;5;20;;unz an daz eltest kint,
;;;5;21;;daz was ein vremdiu zeche.
;;;5;22;;der kiusche und der vreche
;;;5;23;;Gahmuret, der wîgant,
;;;5;24;;verlôs sus bürge und lant,
;;;5;25;;dâ sîn vater schône
;;;5;26;;truoc zepter und krône
;;;5;27;;mit grôzer küniclîcher kraft,
;;;5;28;;unz er lac tôt ane ritterschaft.
;;;5;29;;dô klagete man in sêre.
;;;5;30;;die ganzen triuwe und êre
;;;6;1;;brâhte  unz an sînen tôt.
;;;6;2;;sîn alter sun vür sich gebôt
;;;6;3;;den vürsten ûz sînem rîche.
;;;6;4;;si kâmen ritterlîche,
;;;6;5;;wenne si zuo rehte solten hân
;;;6;6;;von ime grôz lêhen sunder wân.
;;;6;7;;Dô si zuo hove wâren komen
;;;6;8;;und ir reht baz vernomen,
;;;6;9;;daz si ir lêhen alle enpfiengen,
;;;6;10;;nû hœret, wie si an geviengen:
;;;6;11;;si gerten, als ir triuwe riet,
;;;6;12;;rîch und arme, gar diu diet,
;;;6;13;;einer kranken ernstlîchen bet,
;;;6;14;;die der künic an Gahmuret
;;;6;15;;bruoderlîche triuwe mêrte
;;;6;16;;und sich selber êrte,
;;;6;17;;daz er in niht gar verstieze
;;;6;18;;und ime sînes landes lieze
;;;6;19;;hantgemælde; dâ man möhte sehen,
;;;6;20;;dâ von der hêrre müese jehen
;;;6;21;;sînes namen und sîner vrîheit.
;;;6;22;;daz was dem künige niht leit.
;;;6;23;;er sprach: "ir kunnet mâze gern.
;;;6;24;;ich wil iuch des und vürbaz wern.
;;;6;25;;wenne nennet ir den bruoder mîn
;;;6;26;;Gahmuret Anschevin?
;;;6;27;;Anschouwe ist mîn lant.
;;;6;28;;dâ wesen wir beide von genant."
;;;6;29;;ouch sprach der künîc hêre:
;;;6;30;;"mîn bruoder mac sich mêre
;;;7;1;;der stæten helfe an mich versehen,
;;;7;2;;denn ich sô gâhes welle jehen.
;;;7;3;;er sol mîn ingesinde sîn.
;;;7;4;;zwâr ich tuon ouch allen schîn,
;;;7;5;;daz uns beide ein muoter truoc.
;;;7;6;;er het wênic und ich genuoc.
;;;7;7;;daz sol im teilen sô mîn hant,
;;;7;8;;des mîn sælde niht sî pfant
;;;7;9;;vor dem, der gibt und nimt.
;;;7;10;;ûf reht in beiden der gezimt."
;;;7;11;;Dô die vürsten rîche
;;;7;12;;vernâmen al gelîche,
;;;7;13;;daz ir hêrre triuwen pflac,
;;;7;14;;daz was in ein lieber tac.
;;;7;15;;bîlicher im sunder neic.
;;;7;16;;Gahmuret niht langer sweic.
;;;7;17;;er volgete, als im sîn herze jach.
;;;7;18;;zuo dem künige er guotelîchen sprach:
;;;7;19;;"hêrre und bruoder mîn,
;;;7;20;;wolt ich ein gesinde sîn
;;;7;21;;Iuwer oder keines man,
;;;7;22;;sô het ich mir ungemach getân.
;;;7;23;;nû prüefet dâr nâch mînen brîs
;;;7;24;;- ir sît getriuwe und wîs -
;;;7;25;;und râtet, als ez geziehe nuo.
;;;7;26;;dâ grîfet helflîchen zuo.
;;;7;27;;niht wan harnasch ich hân.
;;;7;28;;het ich dâr inne mê getân,
;;;7;29;;daz villîht lop mir bræhte,
;;;7;30;;etwâ man mîn gedæhte."
;;;8;1;;Gahmuret sprach aber sân:
;;;8;2;;"sehzehen knaben ich hân,
;;;8;3;;der sehs von îser sint.
;;;8;4;;dar zuo gebt mir vieriu kint
;;;8;5;;mit guoter zuht, von hôher art.
;;;8;6;;vor den wirt niemer niht gespart,
;;;8;7;;des ie bejagen mac mîn hant.
;;;8;8;;ich wil kêren in diu lant.
;;;8;9;;ich hân ouch ein teil gevarn.
;;;8;10;;ob mich glücke wil bewarn,
;;;8;11;;sô wirbe ich guotes wîbes gruoz.
;;;8;12;;ob ich dâr nâch dienen muoz
;;;8;13;;und ob ich des wirdic bin,
;;;8;14;;sô rætet mir mîn bester sin,
;;;8;15;;daz ich mit rehten triuwen pflege.
;;;8;16;;got wîse mich der sælden wege!
;;;8;17;;wir vuoren geselleclîche.
;;;8;18;;dennoch hete iuwer rîche
;;;8;19;;unser beider vater Gandin.
;;;8;20;;menige kumberlîche pîn
;;;8;21;;wir beide dolten umb liep.
;;;8;22;;wir wâren ritter und diep,
;;;8;23;;ir woltet dienen unde heln.
;;;8;24;;wanne kunde ouch ich nû minne steln!
;;;8;25;;owê, wenne het ich iuwerre kunst
;;;8;26;;und anderhalb des wâren gunst!"
;;;8;27;;Der künic siufzte und sprach:
;;;8;28;;"owê, daz ich dich ie gesach,
;;;8;29;;sît dû mit semlîchem siten
;;;8;30;;mîn ganzez herz hest versniten
;;;9;1;;unde tuost, ob wir uns scheiden.
;;;9;2;;mîn vater het uns beiden
;;;9;3;;gegeben guotes harte vil.
;;;9;4;;solt ich dir glîchem zil,
;;;9;5;;was ich dir herzelîchen holt.
;;;9;6;;lieht gesteine, rôtez golt,
;;;9;7;;liute, wâpen, ors, gewant,
;;;9;8;;des nim sô vil von mîner hant,
;;;9;9;;daz dû nâch dînem willen varst
;;;9;10;;und dîn miltekeit bewarst.
;;;9;11;;dîn manheit dir ist ûzerkorn.
;;;9;12;;wærest dû von Gilstram geborn
;;;9;13;;oder komen her von Ranckulat,
;;;9;14;;ich het dich imer an der stat,
;;;9;15;;als ich dich sust vil gerne hân.
;;;9;16;;dû bist mîn bruoder sunder wân."
;;;9;17;;"hêrre, ir krieget mich umb nôt,
;;;9;18;;sît ez iuwer zuht gebôt.
;;;9;19;;dâr nâch tuot iuwer helfe schîn.
;;;9;20;;wellet ir und diu muoter mîn
;;;9;21;;mir teilen iuwer varende habe,
;;;9;22;;sô stîge ich ûf und wider abe.
;;;9;23;;mîn herz iedoch nâch hœhe strebet.
;;;9;24;;wer weiz, wâr umb ez alsus lebet,
;;;9;25;;daz mir swillet sust mîn winster brust?
;;;9;26;;owê, war jaget mich mîn gelust?
;;;9;27;;ich solt versuochen, ob ich mac.
;;;9;28;;nû nâhet mîn urloubes tac."
;;;9;29;;Der künic in alles werte,
;;;9;30;;mêr denne er selbes gerte:
;;;10;1;;vünf ros erwelt und erkant,
;;;10;2;;diu besten über alliu sîniu lant,
;;;10;3;;kurz, starc, niht zuo lanc und laz
;;;10;4;;- sîn gewant goltvar was -,
;;;10;5;;und menigen guldînen klôz.
;;;10;6;;den künic wênic des verdrôz,
;;;10;7;;er bulieret im viere soumschrîn.
;;;10;8;;gesteines muose ouch vil dar în.
;;;10;9;;dô si dâ gevüllet lâgen,
;;;10;10;;knappen, die des pflâgen,
;;;10;11;;wâren wol gekleit und geriten.
;;;10;12;;dâ wart jâmer niht vermiten,
;;;10;13;;dô er vür sîne muoter gienc
;;;10;14;;und si in sô vaste zuo ir vienc.
;;;10;15;;"fillin my Gandin,
;;;10;16;;wiltû niht langer bî mir sîn?",
;;;10;17;;sprach daz wîplîche wîp.
;;;10;18;;"owê, nû truoc dich mîn lîp!
;;;10;19;;
;;;10;20;;
;;;10;21;;oder ist er dâr an ertoubet,
;;;10;22;;daz er mir niht geloubet?
;;;10;23;;durch nû niuwen kumber haben
;;;10;24;;ich hân mîner herzen kraft vergraben,
;;;10;25;;daz süeze mîner ougen.
;;;10;26;;wiltû mich vürbaz touben?
;;;10;27;;und ist doch ein rihtære,
;;;10;28;;sô liuget mir disiu mære,
;;;10;29;;als man von sîner helfe saget,
;;;10;30;;sît er an mir ist sust verzaget."
;;;11;1;;dô sprach der junge Anschevin:
;;;11;2;;"got trôste iuch, vrowe, des vater mîn.
;;;11;3;;den sullen wir beidiu gerne klagen.
;;;11;4;;nû mac von mir niemen gesagen
;;;11;5;;keiniu klegelîchiu leit.
;;;11;6;;ich vare durch mîne wirdicheit
;;;11;7;;nâch ritterschaft in vrömdiu lant.
;;;11;8;;vrowe, alsô ist ez mir gewant."
;;;11;9;;Dô sprach diu küniginne:
;;;11;10;;"sît dû von hôher minne
;;;11;11;;wendest dienst und muot,
;;;11;12;;lieber sun, lâ dir mîn guot
;;;11;13;;ûf die vart niht versmâhen.
;;;11;14;;heiz von mir enpfâhen
;;;11;15;;dînen kamerære
;;;11;16;;vier soumschrîn swære.
;;;11;17;;dâ ligent inne pfeller breit,
;;;11;18;;ganz, die man nie sneit,
;;;11;19;;und menic tiure samît.
;;;11;20;;süezer man, lâ mich die zît
;;;11;21;;gehœren, wenne dû wider kumest.
;;;11;22;;an mînen vröuden dû mir vrumest."
;;;11;23;;"vrowe, des enweiz ich niht,
;;;11;24;;in welichen landen man mich siht.
;;;11;25;;wenne zwâr ich von iu kêre,
;;;11;26;;ir habt nâch ritters êre
;;;11;27;;iuwer wirdicheit an mir getân.
;;;11;28;;ouch het mich der künic lân,
;;;11;29;;als im mîn dienest danken sol.
;;;11;30;;ich getrûwe iu des vil wol,
;;;12;1;;daz ir in deste werder hât,
;;;12;2;;wie halt mir mîn dinc ergât."
;;;12;3;;als uns diu âventiure saget,
;;;12;4;;sô het der helt unverzaget
;;;12;5;;enpfangen durch liebe kraft
;;;12;6;;und durch wîplîche geselleschaft
;;;12;7;;kleinœter tûsent marke wert.
;;;12;8;;wâ noch ein rede pfandes gert,
;;;12;9;;er möhte ez dâ vür enpfâhen.
;;;12;10;;ez dorfte in niht versmâhen.
;;;12;11;;daz sante ime sîn vriundîn.
;;;12;12;;an sînem dienste lac gewin,
;;;12;13;;der wîbe minne und ir gruoz.
;;;12;14;;dô wart im selten kumbers buoz.
;;;12;15;;urloup nam der wîgant.
;;;12;16;;muoter, bruoder und ouch daz lant
;;;12;17;;sîn ouge nimer mê erkôs.
;;;12;18;;dâr an ouch meniger vil verlôs.
;;;12;19;;der sich hete an ime erkant,
;;;12;20;;wie daz er wære den gewant,
;;;12;21;;mit keiner slahte günste zil,
;;;12;22;;den wart von ime gedanket vil.
;;;12;23;;es dûhte in minner denne genuoc.
;;;12;24;;durch sîne zuht in nie gewuoc,
;;;12;25;;daz si tæten umb reht.
;;;12;26;;sîn muot was ebener denne sleht.
;;;12;27;;wer selbe saget, wie wert er sî,
;;;12;28;;dâ ist lîhte ein ungloube bî.
;;;12;29;;ez solten die umbesæzen jehen
;;;12;30;;und ouch die heten gesehen
;;;13;1;;sîne were, dâ er vrömde wære.
;;;13;2;;sô gloubte man der mære.
;;;13;3;;Gahmuret der site pflac,
;;;13;4;;diu rehter mâze widerwac,
;;;13;5;;und ander schanze keine:
;;;13;6;;sîn rüemen, daz was kleine,
;;;13;7;;grôze êre er lîdenlîchen leit,
;;;13;8;;der bôse wille in gar vermeit.
;;;13;9;;doch wânde der gevüege,
;;;13;10;;daz niemen krône trüege,
;;;13;11;;künic, keiser, keiserîn,
;;;13;12;;des massenîe er wolte sîn,
;;;13;13;;wenne eines, der die hœhesten lant
;;;13;14;;trüege ûf erden über allez lant.
;;;13;15;;der wille in sînem herzen lac.
;;;13;16;;ime wart geseit, zuo Baldac
;;;13;17;;wære ein sô gewaltic man,
;;;13;18;;daz ime der erden undertân
;;;13;19;;daz zweiteil wæren oder mêre.
;;;13;20;;sîn name heidensch was sô hêre,
;;;13;21;;daz man in hiez den bâruc.
;;;13;22;;er het an kreften solichen zuc,
;;;13;23;;vil künige wâren sîne man,
;;;13;24;;mit krônetem lîbe undertân.
;;;13;25;;daz bâruc ambaht hielt stæt.
;;;13;26;;seht, wie man kristen ê begêt
;;;13;27;;zuo Rome, als uns der touf vergiht.
;;;13;28;;heidensche orden man dort siht:
;;;13;29;;zuo Baldac nement si ir bâbestreht;
;;;13;30;;daz dunket si ân krumbe sleht.
;;;14;1;;der bâruc in vür sünde
;;;14;2;;gît wandels urkünde.
;;;14;3;;zwêne gebruoder von Babilon,
;;;14;4;;Pompeius und Ypomedon,
;;;14;5;;den nam der bâruc Ninive.
;;;14;6;;daz was aller vorderen ê.
;;;14;7;;die tâten were mit kreften schîn.
;;;14;8;;dar kam der Anschevin.
;;;14;9;;dem wart der bâruc vil holt.
;;;14;10;;der nam nâch dienste aldâ den solt,
;;;14;11;;Gahmuret. der werde man
;;;14;12;;ime erloubt, daz er mües hân
;;;14;13;;ander wâpen, dann in Gandin
;;;14;14;;dâ vor gap, der vater sîn.
;;;14;15;;der hêrre pflac mit gernden siten
;;;14;16;;ûf sîne âventiure gesniten
;;;14;17;;anker lieht hermîn.
;;;14;18;;dar nâch muose ouch daz ander sîn,
;;;14;19;;ûfme schilte und an der wât.
;;;14;20;;noch grüener denne ein smarât
;;;14;21;;was gebrüefet sîn gereite gar
;;;14;22;;und nâch dem achmardî gevar.
;;;14;23;;daz ist ein sîdîn lachen.
;;;14;24;;dâr ûz hiez er im machen
;;;14;25;;wâpenröcke und kursît
;;;14;26;;- ez ist bezzer denne daz samît -,
;;;14;27;;hermîn anker drûf genæt,
;;;14;28;;guldîniu seil dâr an gedræt.
;;;14;29;;sîn anker hete niht bekort
;;;14;30;;ganzes landes noch landes ort.
;;;15;1;;dâ wâren si wider în geslagen.
;;;15;2;;der hêrre muose vürbaz tragen
;;;15;3;;disen wâpenlîchen last
;;;15;4;;in menigiu lant, der werde gast,
;;;15;5;;nâch dem anker disiu mâl,
;;;15;6;;wenne er neheiner slahte twâl
;;;15;7;;hete niender noch gebite.
;;;15;8;;wie vil lande er durchrite
;;;15;9;;und in schiffen umbevüere,
;;;15;10;;ob ich ie dâ nâch swüere,
;;;15;11;;sô seite ich ie ûf mînen eit
;;;15;12;;mîn ritterlîche sicherheit,
;;;15;13;;als mir diu âventiure giht.
;;;15;14;;wir hân nû mê geziuges niht.
;;;15;15;;Dô seit, sîn manlîchiu kraft
;;;15;16;;behielt den brîs in heidenschaft,
;;;15;17;;zuo Marroch und in Persia.
;;;15;18;;sîn hant bezalte ouch anderswâ,
;;;15;19;;zuo Damasce und zuo Halap,
;;;15;20;;zuo dem wâ man ritterschaft dâ gap,
;;;15;21;;zuo Arabie und vor Arabi,
;;;15;22;;daz er was gegenstrîtes vrî
;;;15;23;;vor ieglîchem einem man.
;;;15;24;;disen ruof er dâ gewan.
;;;15;25;;sînes herzen gir nâch prîse greif.
;;;15;26;;ir aller tât vor ime zersleif
;;;15;27;;und was vil nâch entnihtet.
;;;15;28;;sus was ie der berihtet,
;;;15;29;;der gegen ime justierens pflac.
;;;15;30;;man jach ime des zuo Baldac.
;;;16;1;;sîn ellen strebete sunder wanc.
;;;16;2;;von dannen vuor er gegen Zazamanc
;;;16;3;;in daz künicrîche.
;;;16;4;;die klageten alle glîche
;;;16;5;;Ysenharten, der den lîp
;;;16;6;;in dienste vlôs umb ein wîp.
;;;16;7;;des twanc in Belakane,
;;;16;8;;diu süeze, valsches âne.
;;;16;9;;daz si ime ir minne nie gebôt,
;;;16;10;;des lac er nâch ir minne tôt.
;;;16;11;;den râchen sîne mâge
;;;16;12;;offenlîche und an der lâge.
;;;16;13;;die vrowen twungen si mit her.
;;;16;14;;diu was mit ellenthafter wer,
;;;16;15;;Dô Gahmuret kam in daz lant,
;;;16;16;;daz von Schotten Fridebrant
;;;16;17;;mit schiffes her verbrante,
;;;16;18;;ê daz er dannen wante.
;;;16;19;;nû hœret, wie unser ritter var!
;;;16;20;;daz mer warf in mit sturme dar,
;;;16;21;;sô daz er kûme iedoch genas.
;;;16;22;;gegen der küniginne palas
;;;16;23;;kam er gesigelt in die habe.
;;;16;24;;dâ wart er vil geschouwet abe.
;;;16;25;;dô sach er ûz an daz velt.
;;;16;26;;dâ was geslagen manic gezelt
;;;16;27;;al umb die stat dâ gegen dem mere.
;;;16;28;;dâ lâgen zwei kreftigiu here.
;;;16;29;;dô hiez er vrâgen der mære,
;;;16;30;;wes diu burc wære.
;;;17;1;;
;;;17;2;;
;;;17;3;;si tâten sînem boten kunt,
;;;17;4;;ez wære Patelamunt.
;;;17;5;;daz wart in minneclîchen enboten.
;;;17;6;;si nâmen in bî ir goten,
;;;17;7;;daz er in hülfe. es wære in nôt.
;;;17;8;;si rungen niht wenne umb den tôt.
;;;17;9;;Dô der junge Anschevin
;;;17;10;;vernam ir kumberlîche pîn,
;;;17;11;;er bôt sînen dienst umb guot,
;;;17;12;;als noch vil dicke ein ritter tuot,
;;;17;13;;oder daz si sageten, umb waz
;;;17;14;;er solte dulden der vîende haz.
;;;17;15;;dô sprach ûz einem munde
;;;17;16;;der sieche und der gesunde,
;;;17;17;;daz ime wære algemeine
;;;17;18;;ir golt und ir gesteine;
;;;17;19;;des solte er alles hêrre wesen
;;;17;20;;und mehte wol vor in genesen.
;;;17;21;;doch bedorfte er wênic soldes.
;;;17;22;;von Arabie des goldes
;;;17;23;;hette er menigen knollen brâht.
;;;17;24;;liuhte vinster sô diu naht
;;;17;25;;varn alle die von Zazamanc.
;;;17;26;;bî den dûhte in diu wîle lanc.
;;;17;27;;dô hiez er herberge nemen.
;;;17;28;;des mohte ouch si vil wol gezemen,
;;;17;29;;daz sîn die besten pflâgen.
;;;17;30;;die vrowen lange dennoch lâgen
;;;18;1;;an den vensteren und sâhen dar;
;;;18;2;;si nâmen des vil rehte war,
;;;18;3;;sîne knappen und sîn harnas,
;;;18;4;;wie daz gefeitieret was.
;;;18;5;;dô truoc der helt milte
;;;18;6;;ûf einem hürnînen schilte
;;;18;7;;sô menigen zobelbalc.
;;;18;8;;der küniginne marschalc
;;;18;9;;hette ez vür einen anker grôz.
;;;18;10;;zuo sehen in wênic des verdrôz.
;;;18;11;;dô muosen sîniu ougen jehen,
;;;18;12;;daz er dâ vor hette gesehen
;;;18;13;;disen ritter oder sînen schîn.
;;;18;14;;daz muos zAlexandrie sîn,
;;;18;15;;dô der bâruc dâr vor lac.
;;;18;16;;sînen prîs dâ niemen widerwac.
;;;18;17;;sus vuor der muotes rîche
;;;18;18;;in die stat behagenlîche.
;;;18;19;;zehen soumer hiez er vazzen.
;;;18;20;;die zogeten hin die gazzen.
;;;18;21;;dâ riten zwênzic knappen nâch.
;;;18;22;;sîn povel man dort vor ersach
;;;18;23;;gar schône. koche und ir knaben
;;;18;24;;hetten sich her vür erhaben.
;;;18;25;;stolz was sîn gesinde.
;;;18;26;;zwelf wol geborner kinde
;;;18;27;;dô hinden nâch den knappen riten,
;;;18;28;;von guoter zuht, von süezen siten.
;;;18;29;;etlîcher was ein Sarrazin.
;;;18;30;;dâr nâch muos gestrecket sîn
;;;19;1;;aht ros mit zindâle
;;;19;2;;verdecket alliu zuo mâle.
;;;19;3;;daz niunde sînen satel truoc.
;;;19;4;;einen schilt, des ich ê gewuoc,
;;;19;5;;den vuorte ein knappe vil gemeit.
;;;19;6;;dô noch bî dem selben reit
;;;19;7;;pusûner, der man ouch bedarf.
;;;19;8;;ein tambûr sluoc und warf
;;;19;9;;vil hôhe sîne tambûre.
;;;19;10;;den hêrren nam vil untûre,
;;;19;11;;denne riten floitierre bî
;;;19;12;;und guoter videlære drî.
;;;19;13;;den was allen niht zuo gâch.
;;;19;14;;selbe reit er hinden nâch
;;;19;15;;und sîn marnære,
;;;19;16;;der wîse und der hêre.
;;;19;17;;Waz dâ was volkes inne,
;;;19;18;;môre und mœrinne
;;;19;19;;was beidiu wîp und man.
;;;19;20;;der hêrre schouwen began
;;;19;21;;menigen schilt zerbrochen,
;;;19;22;;mit speren gar zerstochen.
;;;19;23;;der was dâ vil gehangen vor
;;;19;24;;an die wende und an diu tor.
;;;19;25;;si heten jâmer und guft.
;;;19;26;;in diu venster durch den luft
;;;19;27;;was gebettet menigem wunden man.
;;;19;28;;swinde er den arzet gewan,
;;;19;29;;daz er doch niht moht genesen.
;;;19;30;;er was bî vîenden gewesen.
;;;20;1;;sus warp ie, der ungerne vlôch.
;;;20;2;;vil ros man im wider zôch,
;;;20;3;;durchstochen und erhouwen.
;;;20;4;;menige dunkele vrowen
;;;20;5;;sach er beidenthalben sîn.
;;;20;6;;nâch rabens varwe was ir schîn.
;;;20;7;;sîn wirt in minneclîchen enpfienc.
;;;20;8;;daz im nâch vröuden sît ergienc.
;;;20;9;;daz was ein ellentlîcher man.
;;;20;10;;mit sîner hant het er getân
;;;20;11;;menigen stich und slac,
;;;20;12;;wenne er einer porten pflac.
;;;20;13;;bî dem er menigen ritter vant,
;;;20;14;;der sîne hende hienc in diu bant
;;;20;15;;und dem sîn houbt was verbunden.
;;;20;16;;die hâten alle soliche wunden,
;;;20;17;;daz si durch toren ritterschaft;
;;;20;18;;si heten macht und kraft.
;;;20;19;;dô der burcgrâve von der stat
;;;20;20;;sînen gast sô minneclîchen bat,
;;;20;21;;daz er niht verbære
;;;20;22;;allez daz sîn wille wære
;;;20;23;;über sîn guot und über den lîp.
;;;20;24;;er vuorte in, dâ er vant sîn wîp,
;;;20;25;;diu Gahmureten kuste,
;;;20;26;;daz in doch wênic luste.
;;;20;28;;dô diz alsus was getân,
;;;20;27;;dâr nâch vuor er enbîzen sân.
;;;20;29;;der marschalc vuor von ime zehant,
;;;20;30;;dâ er die küniginne vant,
;;;21;1;;und hiesch vil grôz boten brôt.
;;;21;2;;er sprach: "vrowe, unser nôt
;;;21;3;;ist mit ungenâden zergangen.
;;;21;4;;den wir hie haben enpfangen,
;;;21;5;;daz ist ein ritter wolgetân,
;;;21;6;;daz wir zuo vlêhen iemer hân
;;;21;7;;unseren goten, die in uns brâhten,
;;;21;8;;daz si der ie gedâhten."
;;;21;9;;"nû sage mir ûf die triuwe dîn,
;;;21;10;;wer der ritter muge sîn."
;;;21;11;;"vrowe, ez ist ein degen fier,
;;;21;12;;des bâruckes soldier,
;;;21;13;;ein Anschevin von hôher art.
;;;21;14;;â, wie wênic wirt gespart
;;;21;15;;sîn lîp, wâ man in lâzet an!
;;;21;16;;wie rehte er dar und dan
;;;21;17;;entwîchet und kêret!
;;;21;18;;die vîende er schaden lêret.
;;;21;19;;ich sach in strîten schône,
;;;21;20;;dâ die Babilone
;;;21;21;;Alexandrie lœsen solten
;;;21;22;;und dô si dannen wolten
;;;21;23;;den bâruc trîben mit gewalt.
;;;21;24;;waz in dâ nider wart gevalt
;;;21;25;;an der schumpfentiure!
;;;21;26;;begienc der gehiure
;;;21;27;;mit sînem lîbe soliche tât,
;;;21;28;;si hetten slîchens keinen rât.
;;;21;29;;dar zuo hôrt ich ouch in nennen,
;;;21;30;;man solt in wol erkennen,
;;;22;1;;daz er den prîs über menic lant
;;;22;2;;hette aleine zuo sîner hant."
;;;22;3;;"Nû seht eht, wenne oder wie,
;;;22;4;;umb vienge, daz er mich sprache hie
;;;22;5;;und haben vride allen tac.
;;;22;6;;dâ von der helt wol rîten mac
;;;22;7;;her ûf zuo mir. oder sol ich dar?
;;;22;8;;er ist anders denne wir gevar.
;;;22;9;;und wenne tæte im daz noch wê?
;;;22;10;;daz hœre ich gerne von minnen ê;
;;;22;11;;ob mirz die mînen rieten,
;;;22;12;;ich solte ime êre bieten.
;;;22;13;;geruochet er mir nâhen,
;;;22;14;;wie sol ich in enpfâhen?
;;;22;15;;ist er mir wol dar zuo geborn,
;;;22;16;;daz mîn kus niht sî verlorn?"
;;;22;17;;"vrowe, er ist vür küniges künne erkant.
;;;22;18;;des sî mîn lîp genennet pfant.
;;;22;19;;ich wil iuweren vürsten sagen,
;;;22;20;;daz si rîchiu kleider tragen
;;;22;21;;und daz si vor iu bîten,
;;;22;22;;unz daz wir zuo iu zuo rîten.
;;;22;23;;daz saget ir iuweren vrouwen gar,
;;;22;24;;wenne wenn ich nû hin wider var,
;;;22;25;;sô bringe ich den werden gast,
;;;22;26;;dem süezer tugent nie gebrast."
;;;22;27;;harte wênic des verdarp.
;;;22;28;;vil behendeclîchen warp
;;;22;29;;der marschalc sîner vrouwen bete.
;;;22;30;;balde wurden Gahmurete
;;;23;1;;rîchiu kleider dar getragen.
;;;23;2;;diu leit er an. sunst hôrt ich sagen,
;;;23;3;;daz diu tiure wæren.
;;;23;4;;anker, die swæren,
;;;23;5;;von arâbischem golde
;;;23;6;;wâren dâr ûf, als er wolde.
;;;23;7;;Dô saz der minnen geltes lôn
;;;23;8;;ûf einem ros, daz ein Babilon
;;;23;9;;gegen ime justieren reit;
;;;23;10;;den stach er dâr abe. daz was im leit.
;;;23;11;;ob sîn wirt mit ime iht var?
;;;23;12;;er und sîne ritter gar.
;;;23;13;;jâ des zwâr, si sint es vrô.
;;;23;14;;si riten mit ein ander dô
;;;23;15;;und erbeizeten vor dem palas,
;;;23;16;;dâ menic ritter ûf was,
;;;23;17;;die wol gekleidet muosen sîn.
;;;23;18;;sîniu kinder liefen vor im hin în,
;;;23;19;;ie zwei ein ander mit der hant.
;;;23;20;;ir hêrre manige vrowen vant,
;;;23;21;;bekleidet wünneclîche.
;;;23;22;;der küniginne rîche
;;;23;23;;ir ougen suochten hôhe pîn,
;;;23;24;;dô si ie sach den Anschevin.
;;;23;25;;der was sô minneclîch gevar,
;;;23;26;;daz er entslôz ir herze gar,
;;;23;27;;ez wære ir liep oder leit;
;;;23;28;;daz verslôz dâ vor ir wîpheit.
;;;23;29;;ein wênic si gegen ime dô trat.
;;;23;30;;ir gast si sich dô küssen bat.
;;;24;1;;si nam in selbes mit der hant.
;;;24;2;;gegen den vîenden an die want
;;;24;3;;sâzen si in diu venster wît
;;;24;4;;ûf einem kulter, gesteppet samît.
;;;24;5;;dâr under ein weichez bette lac.
;;;24;6;;ist iht liehters den der tac,
;;;24;7;;dem glîchete niht diu künigîn.
;;;24;8;;si het doch wîplîchen sin
;;;24;9;;und was ouch anders ritterlîch,
;;;24;10;;der touwigen rôsen ungelîch.
;;;24;11;;nâch swarzer varwe was ir schîn,
;;;24;12;;ir krône ein liehter rubîn.
;;;24;13;;ir houbet man dar durch wol sach.
;;;24;14;;diu vürstîn zuo ir gaste sprach,
;;;24;15;;daz ir liep wære sîn komen.
;;;24;16;;"hêrre, ich hân vernomen
;;;24;17;;vil ritterlîche wirdicheit.
;;;24;18;;durch iuwer zuht lât ir niht leit.
;;;24;19;;vorabe ich mînen kumber klage,
;;;24;20;;den ich nâhe an mînem herzen trage."
;;;24;21;;"mîn helfe iuch, vrowe, niht irret.
;;;24;22;;waz iu war oder wirret,
;;;24;23;;zwâr, daz wenden sol mîn hant,
;;;24;24;;diu sî zuo dienste dar benant.
;;;24;25;;ich bin niht wenne ein einic man.
;;;24;26;;wer iu tuot oder hât getân,
;;;24;27;;dâ biute ich gegen mînen schilt.
;;;24;28;;die vîende wênic des bevilt."
;;;24;29;;Mit zühten sprach ein vürste sân:
;;;24;30;;"heten wir einen houbetman,
;;;25;1;;wir solten vîende wênic sparn,
;;;25;2;;sît Fridebrant ist hin gevarn.
;;;25;3;;der lœset dort sîn eigen lant.
;;;25;4;;ein künic, heizet Hernant,
;;;25;5;;den er durch Herelinde sluoc,
;;;25;6;;des mâge tuont ime lîdens genuoc.
;;;25;7;;si wellent sichs niht mâzen.
;;;25;8;;er hât hie helde lâzen:
;;;25;9;;den herzogen Huteger,
;;;25;10;;- des ritter tet uns menige swer -,
;;;25;11;;vriunt und sîn geselleschaft.
;;;25;12;;ir strît het kunst und kraft.
;;;25;13;;sô hât hie manigen soldier
;;;25;14;;von Normandie Gaschier,
;;;25;15;;der wîse degen hêre.
;;;25;16;;noch hât hie ritter mêre
;;;25;17;;Kailet von Hoscurast,
;;;25;18;;manigen zornigen gast.
;;;25;19;;die brâhten alle in diz lant
;;;25;20;;dirre Schotten künic Fridebrant
;;;25;21;;und sîner genôze viere
;;;25;22;;mit manigem soldiere.
;;;25;23;;westerhalp dort an dem mer,
;;;25;24;;dâ lît Ysenhartes her
;;;25;25;;mit vliezenden ougen.
;;;25;26;;offenlîchen noch tougen
;;;25;27;;gesach si nimmer mêr kein man,
;;;25;28;;sine müesen jâmers wunder hân.
;;;25;29;;ir herze sô gar verdarp,
;;;25;30;;sît an der just ir hêrre starp."
;;;26;1;;Der gast zer wirtinne
;;;26;2;;sprach mit ritters sinne:
;;;26;3;;"saget mirs, ob irs geruochet,
;;;26;4;;durch waz man iuch sô suochet
;;;26;5;;zornlîche mit gewalt.
;;;26;6;;ir habet sô manigen degen balt.
;;;26;7;;mich müet, daz si sint beladen
;;;26;8;;mit vîende harte nâch ir schaden."
;;;26;9;;"daz sage ich, sît irs gert.
;;;26;10;;mir diente ein ritter, der was wert.
;;;26;11;;sîn lîp was tugende ein bernde rîs.
;;;26;12;;der helt was küene und wîs,
;;;26;13;;der triuwe ein reht beklîbeniu vruht.
;;;26;14;;sîn zuht was vür alle zuht.
;;;26;15;;er was noch kiuscher danne ein wîp.
;;;26;16;;vrecheit und ellen truoc sîn lîp.
;;;26;17;;sume gewuohs an ritter milter hant
;;;26;18;;vor ime nie über alliu lant.
;;;26;19;;ine weiz, waz nâch uns sule geschehen.
;;;26;20;;diz lâzen ander liute jehen.
;;;26;21;;er was gegen valscher vuore ein tôr,
;;;26;22;;in swarzer varwe als ich ein môr.
;;;26;23;;sîn vater, der hiez Tanckanis,
;;;26;24;;ein künic, der hete ouch hôhen prîs.
;;;26;25;;mîn vriunt, der hiez Ysenhart.
;;;26;26;;mîn wîpheit was unbewart,
;;;26;27;;dô ich sîn dienst nâch minne enpfienc,
;;;26;28;;daz ez nâch vröude ime niht ergienc.
;;;26;29;;des muoz ich iemer jâmer tragen.
;;;26;30;;si wænent, daz ich in schüefe erslagen.
;;;27;1;;verrâtens ich doch wênic kan,
;;;27;2;;wie mich des zîhen sîne man.
;;;27;3;;er was mir lieber vil danne in.
;;;27;4;;âne ziuge ich des niht bin,
;;;27;5;;mit den ichz sol bewæren noch.
;;;27;6;;die rehten wârheit wizzen doch
;;;27;7;;mîne gote und ouch die sîne.
;;;27;8;;er gap mir manige pîne.
;;;27;9;;nû hât mîn schamendiu wîpheit
;;;27;10;;sîn lôn erlenget, mir mîn leit.
;;;27;11;;dem helde erwarp mîn magetuom
;;;27;12;;an ritterschaft manigen ruom.
;;;27;13;;dô versuochte ich, ob er konde sîn
;;;27;14;;ein vriunt. daz wart vil balde schîn.
;;;27;15;;er gap durch mich sîn harnas
;;;27;16;;enwec. daz als ein palas
;;;27;17;;dort stât, daz ist ein hôch gezelt;
;;;27;18;;daz brâhten Schotten ûf daz velt.
;;;27;19;;dô des der helt âne wart,
;;;27;20;;sîn lîp dô wênic wart gespart.
;;;27;21;;des lebens in dâ nâch verdrôz,
;;;27;22;;manige âventiure suochte er blôz.
;;;27;23;;dô diz alsô komen was,
;;;27;24;;ein vürste, hiez Protizilas,
;;;27;25;;Der was mîn massenîe,
;;;27;26;;vor zageheit der vrîe,
;;;27;27;;ûz durch âventiure reit,
;;;27;28;;dâ grôz schade in niht vermeit.
;;;27;29;;zem fôrest in das sagowe
;;;27;30;;ein just im sterben niht erloe,
;;;28;1;;die er tet ûf einen küenen man,
;;;28;2;;der ouch sîn ende al dâ gewan.
;;;28;3;;daz was mîn vriunt Ysenhart.
;;;28;4;;ir ietweder innen wart
;;;28;5;;eines spers durch schilt und durch den lîp.
;;;28;6;;daz klage ich noch, armez wîp.
;;;28;7;;ir beider tôt mich iemer müet.
;;;28;8;;ûf mîne triuwe jâmer blüet.
;;;28;9;;ine wart nie wîp decheines man."
;;;28;10;;Gahmureten dûhte sân,
;;;28;11;;wie si wær ein heidenîn,
;;;28;12;;mit triuwen wîplîcher sin
;;;28;13;;in wîbes herze nie geslouf.
;;;28;14;;ir kiusche was ein reiner touf
;;;28;15;;und ouch der regen, der si begôz,
;;;28;16;;der was, der nû ir ougen verlôz,
;;;28;17;;ûf ir zobel und an ir brust.
;;;28;18;;riuwen pflegen was ir gelust
;;;28;19;;und rehtiu triuwe jâmers lêre.
;;;28;20;;si seite ime vürbaz mêre:
;;;28;21;;"dô suochte mich von über mer
;;;28;22;;der Schotten künic mit sînem her.
;;;28;23;;der was sînes œheims sun.
;;;28;24;;si mohten mir niht mê getuon
;;;28;25;;schaden, danne mir was geschehen
;;;28;26;;an Ysenhart, ich muoz es jehen."
;;;28;27;;Diu vrouwe ersûfzet  dicke.
;;;28;28;;durch die zeher manige blicke
;;;28;29;;si schamende gastlîche sach
;;;28;30;;an Gahmureten. dô verjach
;;;29;1;;ir ouge dem herzen sân,
;;;29;2;;daz er wære wol getân.
;;;29;3;;si kunde ouch liehte varwe spehen,
;;;29;4;;wann si hete ouch ê gesehen
;;;29;5;;manigen liehten heiden.
;;;29;6;;aldâr wart under in beiden
;;;29;7;;ein vil ungetriulîchiu ger.
;;;29;8;;si sach dar und er sach her.
;;;29;9;;dar nâch hiez si schenken sân.
;;;29;10;;getorste si, daz wære verlân.
;;;29;11;;ez müete si, dês niht bleip,
;;;29;12;;wande ez die ritter ie vertreip,
;;;29;13;;die sprâchen wider diu wîp.
;;;29;14;;doch was ir lîp sîn selbes lîp.
;;;29;15;;ouch het er ir den muot gegeben:
;;;29;16;;sîn leben was der vrowen leben.
;;;29;17;;Gahmuret stuont ûf und sprach:
;;;29;18;;"vrowe, ich tuon iu ungemach.
;;;29;19;;in kan ze lange sitzen,
;;;29;20;;daz tuon ich niht mit witzen.
;;;29;21;;mir ist vil dienstlîchen leit,
;;;29;22;;daz iuwer kumber ist sô breit.
;;;29;23;;vrouwe, gebietet über mich.
;;;29;24;;wâr ir welt, dârst mîn gerich.
;;;29;25;;ich diene iu allez, daz ich sol."
;;;29;26;;si sprach: "hêrre, daz trûwe ich wol."
;;;29;27;;der burcgrâve, sîn wirt,
;;;29;28;;nû vil wênic des verbirt,
;;;29;29;;er enkurzte ime sîne stunde.
;;;29;30;;ze vrâgen er begunde:
;;;30;1;;"hêrre, welt ir baneken rîten,
;;;30;2;;und schouwen, wâ wir strîten,
;;;30;3;;wie unser porten sint behuot."
;;;30;4;;Gahmuret, der degen guot,
;;;30;5;;sprach, er wolte gerne sehen,
;;;30;6;;wâ ritterschaft dâ wære geschehen.
;;;30;7;;Her abe mit dem helde reit
;;;30;8;;manic ritter vil gemeit,
;;;30;9;;hie der wîse, dort der tumbe.
;;;30;10;;si vuorten in alle umbe
;;;30;11;;vür sehzehen porten.
;;;30;12;;si beschieden in mit worten,
;;;30;13;;daz der næhste nû wære gespart,
;;;30;14;;sît würt gerochen Ysenhart,
;;;30;15;;"an uns mit zorne naht und tac.
;;;30;16;;unser strît vil nâch glîche wac.
;;;30;17;;man beslôz ir dekeine sît.
;;;30;18;;uns gâben vor aht porten strît
;;;30;19;;des getriuwen Ysenhartes man.
;;;30;20;;die habent uns schaden vil getân.
;;;30;21;;si müejent mit zorne,
;;;30;22;;die vürsten wol geborne,
;;;30;23;;des küniges man von Azagouc.
;;;30;24;;vor ieclîcher porten vlouc
;;;30;25;;ob küener schar ein liehter vane,
;;;30;26;;ein durchstochener ritter drane,
;;;30;27;;als Ysenhart den lîp verlôs.
;;;30;28;;sîn volc diu wâpen dâ nâch kôs.
;;;30;29;;dâ gegen hân wir einen site,
;;;30;30;;dâ stillen wir ir jâmer mite.
;;;31;1;;unser vanen sint erkant,
;;;31;2;;daz zwêne vinger ûz der hant
;;;31;3;;biutet gegen dem eide,
;;;31;4;;ir geschehe nie sô leide,
;;;31;5;;sô daz Ysenhart lac tôt.
;;;31;6;;mîner vrouwen vromter herzenôt.
;;;31;7;;sus stât diu küniginne gemâl,
;;;31;8;;vrowe Belakane, sunder twâl
;;;31;9;;in einen blanken samît,
;;;31;10;;gesniten von swarzer varwe, sît
;;;31;11;;daz wir diu wâpen kennen an in.
;;;31;12;;ir triuwe an jâmer hât gewin.
;;;31;13;;die steckent ob den porten hôch.
;;;31;14;;vür die andern ahte uns suochet noch
;;;31;15;;des stolzen Fridebrandes her,
;;;31;16;;die getouften von über mer.
;;;31;17;;ietlîcher porte ein vürste pfliget,
;;;31;18;;der sich strîtes ûz bewiget
;;;31;19;;mit sîner baniere.
;;;31;20;;wir haben Gaschiere
;;;31;21;;gevangen einen grâven abe.
;;;31;22;;der biutet uns vil grôze habe.
;;;31;23;;der ist Kailetes swestersun.
;;;31;24;;waz uns der nû mac getuon,
;;;31;25;;daz muoz uns ie dirre gelten.
;;;31;26;;solich glück kumet uns selten.
;;;31;27;;grüenes angers lützel, sandes
;;;31;28;;wol drîzic poinders landes
;;;31;29;;ist ir gezelte umbgraben.
;;;31;30;;dâ wirt vil manic just erhaben."
;;;32;1;;disiu mære sagete ime gar sîn wirt:
;;;32;2;;"ein ritter niemer daz verbirt,
;;;32;3;;er enkome durch justieren vür.
;;;32;4;;ob der sînen dienst dort verlür
;;;32;5;;an ir, diu in sante her?
;;;32;6;;wer hie sîn danne sîner frechttiger
;;;32;7;;daz ist der stolze Huteger.
;;;32;8;;von dem mac ich wol sprechen mêr,
;;;32;9;;sît wir hie sîn besezzen,
;;;32;10;;daz der helt vermezzen
;;;32;11;;ie morgens vil bereite was
;;;32;12;;vor der porte gegen dem palas.
;;;32;13;;ouch ist von dem küenen man
;;;32;14;;kleinœtes vil gevuoret dan,
;;;32;15;;daz er durch unser schilte stach,
;;;32;16;;des man vür grôze koste jach,
;;;32;17;;sô ez die kroijiere brâchen drabe.
;;;32;18;;er valte uns manigen ritter abe.
;;;32;19;;er lât sich gerne schouwen.
;;;32;20;;in lobent ouch unser vrouwen.
;;;32;21;;wen wîp lobent, der wirt erkant.
;;;32;22;;er hât den prîs in sîner hant
;;;32;23;;und sînes herzen wunne."
;;;32;24;;dô hete diu müede sunne
;;;32;25;;ir liehten blic hin zuo ir gelesen.
;;;32;26;;des banikens muose ein ende wesen.
;;;32;27;;der gast mit sînem wirte reit,
;;;32;28;;der vant sîn ezzen al bereit.
;;;32;29;;Ich muoz iu von ir spîse sagen,
;;;32;30;;diu wart mit zühten vür getragen.
;;;33;1;;man diente in ritterlîche.
;;;33;2;;diu küniginne rîche
;;;33;3;;kam stolzlîch vür sînen tisch.
;;;33;4;;hie stuont der reiger, dort der visch.
;;;33;5;;si was durch daz zuo im gevarn,
;;;33;6;;si wolte selber daz bewarn,
;;;33;7;;daz man sîn pflæge wol ze vromen.
;;;33;8;;si was mit juncvrouwen komen.
;;;33;9;;si kniewete nider. daz was im leit.
;;;33;10;;mit ir selbes hant si sneit
;;;33;11;;dem ritter sîner spîse ein teil.
;;;33;12;;diu vrowe was ir gastes geil.
;;;33;13;;dô bôt si im sîn trinken dar
;;;33;14;;und pflac sîn wol. ouch nam er war,
;;;33;15;;wie was gebærde und ir wort.
;;;33;16;;zende an sînes tisches ort
;;;33;17;;sâzen sîne spilman
;;;33;18;;und anderhalb sîn kappelân.
;;;33;19;;Alschemende er an die vrouwen sach.
;;;33;20;;harte blœdeclîchen er sprach:
;;;33;21;;"ine hân michs niht genietet,
;;;33;22;;als ir mirs, vrowe, bietet,
;;;33;23;;mînes lebendes mit solichen êren.
;;;33;24;;ob ich iuch solte lêren,
;;;33;25;;sô wære hînt sân an iuch gegert
;;;33;26;;eines pflegenes, des ich wære wert.
;;;33;27;;sône wæret ir niht her abe geriten.
;;;33;28;;getar ich iuch des, vrouwe, erbiten,
;;;33;29;;sô lât mich in der mâze leben.
;;;33;30;;ir habt mir êre ze vil gegeben."
;;;34;1;;Sine wolte eht des niht lâzen,
;;;34;2;;dâ sîniu kinder sâzen,
;;;34;3;;diu bat si ezzen vaste.
;;;34;4;;diz bôt si zêren ir gaste.
;;;34;5;;gar disiu junchêrrelîn
;;;34;6;;wâren holt der künigîn.
;;;34;7;;dar nâch diu vrouwe niht vergaz,
;;;34;8;;si gienge ouch, dâ der wirt saz
;;;34;9;;und daz wîp, diu burcgrævîn.
;;;34;10;;den becher huop diu künigîn.
;;;34;11;;si sprach: "lâ dir bevolhen sîn
;;;34;12;;unsern gast. diu êre ist dîn.
;;;34;13;;dâr umbe ich iuch beide mane."
;;;34;14;;si nam urloup. dô gienc si dane
;;;34;15;;aber hin wider vür ir gast.
;;;34;16;;des herze truoc ir minnen last.
;;;34;17;;daz selbe ouch ir von im geschach,
;;;34;18;;des ir herze und ir ouge jach.
;;;34;19;;die muosens mit ir pflihte hân.
;;;34;20;;mit zühten sprach diu vrowe sân:
;;;34;21;;"gebietet, hêrre, wes ir gert,
;;;34;22;;daz schaf ich, wand ir sît es wert,
;;;34;23;;und lât mich iuwern urloup hân.
;;;34;24;;wirt iu hie guot gemach getân,
;;;34;25;;des vröuwen wir uns überal."
;;;34;26;;guldîn wâren ir kerzestal.
;;;34;27;;vier lieht man vor in drûfe truoc.
;;;34;28;;si reit ouch, dâ si den vant genuoc.
;;;34;29;;Man az ouch hie niht lange dô.
;;;34;30;;Gahmuret was trûric und vrô.
;;;35;1;;er vröuwete sich, daz man im bôt
;;;35;2;;grôze êre. in twanc ouch ander nôt.
;;;35;3;;daz was diu strenge minne,
;;;35;4;;diu neiget hôhe sinne.
;;;35;5;;diu wirtîn vuor an ir gemach.
;;;35;6;;harte schiere daz geschach.
;;;35;7;;man bette dem helde sân.
;;;35;8;;daz wart mit vlîze getân.
;;;35;9;;der wirt sprach zuo dem gaste:
;;;35;10;;"nû sollet ir slâfen vaste
;;;35;11;;und ruowet hînt. des wirt iu nôt."
;;;35;12;;der wirt den sînen daz gebôt,
;;;35;13;;si solten dannen kêren.
;;;35;14;;Gahmuretes junchêrren,
;;;35;15;;der bette al umbe daz sîne lac,
;;;35;16;;ir houbet dran, wanne er des pflac.
;;;35;17;;dâ stuonden kerzen harte grôz
;;;35;18;;und brunnen lieht. den helt verdrôz,
;;;35;19;;daz sô lanc was diu naht.
;;;35;20;;in brâhte dicke in unmaht
;;;35;21;;diu swarze mœrinne,
;;;35;22;;des landes küniginne.
;;;35;23;;er want sich dicke alsam ein wit,
;;;35;24;;daz im erkrachete gar sîn lit.
;;;35;25;;strît und minne was sîn ger.
;;;35;26;;nû wünschet, daz mans in gewer.
;;;35;27;;sîn herze gap von stôzen schal,
;;;35;28;;wand er nâch ritterschefte swal.
;;;35;29;;daz begunde dem recken
;;;35;30;;sîne brüste beide erstrecken,
;;;36;1;;sô die senewe tuot daz armbrust.
;;;36;2;;dô was ze dræte sîn gelust.
;;;36;3;;Der hêrre âne allez slâfen lac,
;;;36;4;;im erkôs den grâwen tac.
;;;36;5;;der gap dannoch niht liehten schîn.
;;;36;6;;dô solte ouch dâ bereit sîn
;;;36;7;;zer messe einer sîn kappelân.
;;;36;8;;der sant si gote und im sân.
;;;36;9;;sîn harnasch truoc man dar zehant.
;;;36;10;;er reit, dâ er justieren vant.
;;;36;11;;dô saz er an der stunde
;;;36;12;;ûf ein ros, daz beidiu kunde,
;;;36;13;;hurteclîchen dringen,
;;;36;14;;und snelleclîchen springen,
;;;36;15;;bekêret, wâ manz wider zôch.
;;;36;16;;sînen anker ûf dem helme hôch
;;;36;17;;man gegen der porten vüeren sach.
;;;36;18;;aldâ wîp und man verjach,
;;;36;19;;si gesæhen nie helt sô wünneclîch.
;;;36;20;;ir gote im solten sîn gelîch.
;;;36;21;;man vuorte ouch starken sper dâ bî.
;;;36;22;;wie er geformieret sî?
;;;36;23;;sîn ros von îsen truoc ein dach.
;;;36;24;;daz was vür slege des gemach.
;;;36;25;;dâr ûf ein ander decke lac,
;;;36;26;;ringe, diu niht swære wac.
;;;36;27;;daz was ein grüener samît.
;;;36;28;;sîn wâpenroc, sîn kursît
;;;36;29;;was ouch ein grüenez achmardî.
;;;36;30;;daz was geworht zArabi.
;;;37;1;;dâr an ich liuge niemen.
;;;37;2;;sîne schiltriemen,
;;;37;3;;waz der dar zuo gehôrte,
;;;37;4;;was ein unverblichen borte
;;;37;5;;mit gesteine harte tiure.
;;;37;6;;gelûtert in dem viure
;;;37;7;;was sîn buckel rôtgolt.
;;;37;8;;sîn dienst nam der minne solt.
;;;37;9;;ein scharfer strît in ringe wac.
;;;37;10;;diu künigîn in dem venster lac
;;;37;11;;und saz ouch bî ir vrouwen mêr.
;;;37;12;;nû sehet, dort hielt ouch Huteger,
;;;37;13;;aldâ im ê der prîs geschach.
;;;37;14;;dô er disen ritter komen sach
;;;37;15;;zuo im galopieren hie,
;;;37;16;;dô dâht er: "wenne oder wie
;;;37;17;;kam dirre Franzois in daz lant?
;;;37;18;;wer hât den stolzen her gesant?
;;;37;19;;hete ich den vür einen môr,
;;;37;20;;sô wær mîn bester sin ein tôr."
;;;37;21;;Diu doch von springen niht beliben,
;;;37;22;;ir ros, mit sporen beide si triben
;;;37;23;;ûzem walap in die rabîn.
;;;37;24;;si tâten ritters ellen schîn,
;;;37;25;;der just ein ander si niht lugen.
;;;37;26;;die sprîzen gegen den lüften vlugen
;;;37;27;;von des küenen Hutegers sper.
;;;37;28;;ouch valte in sînes strîtes wer
;;;37;29;;hinderz ros ûf daz gras.
;;;37;30;;vil ungewent er des was.
;;;38;1;;er reit ûf in und trat in nider.
;;;38;2;;des erholter sich dicke wider.
;;;38;3;;er tet werlîchen willen schîn.
;;;38;4;;doch steckete in dem arme sîn
;;;38;5;;diu Gahmuretes lanze.
;;;38;6;;der iesch die fîanze.
;;;38;7;;sînen meister heter vunden.
;;;38;8;;"wer hât mich überwunden?",
;;;38;9;;alsô sprach der küene man.
;;;38;10;;der sigehafte jach dô sân:
;;;38;11;;"ich bin Gahmuret Anschevin."
;;;38;12;;er sprach: "mîn sicherheit sî dîn."
;;;38;13;;die enpfienc er und sante in în.
;;;38;14;;des muos er vil geprîset sîn
;;;38;15;;von vrowen, die daz sâhen.
;;;38;16;;dort her begunde gâhen
;;;38;17;;von Normandie Gaschier,
;;;38;18;;der ellens rîche, der degen fier,
;;;38;19;;der starke justiure.
;;;38;20;;hie hielt ouch der gehiure
;;;38;21;;Gahmuret zuo der anderen just bereit.
;;;38;22;;sînem sper, daz was daz îsenbreit
;;;38;23;;und der schaft veste.
;;;38;24;;aldâ werten die geste
;;;38;25;;ein ander. ungelîche ez wac.
;;;38;26;;Gaschier dar nider lac
;;;38;27;;mit rosse mitalle
;;;38;28;;von der juste valle
;;;38;29;;und wart betwungen sicherheit,
;;;38;30;;ez wær im liep oder leit.
;;;39;1;;Gahmuret, der wîgant,
;;;39;2;;sprach: "mir sichert iuwer hant.
;;;39;3;;diu was bî manlîcher wer.
;;;39;4;;nû rîtet gegen der Schotten her
;;;39;5;;und bittet si, daz si uns verbern
;;;39;6;;mit strîte, ob si des wellen gern,
;;;39;7;;und komet mir nâch in die stat."
;;;39;8;;waz er gebôt oder bat,
;;;39;9;;daz wart angehaft getân.
;;;39;10;;die Schotten muosen strîten lân.
;;;39;11;;dô kam gevarn Kailet.
;;;39;12;;von dem kêrte Gahmuret.
;;;39;13;;Der ander was sîner muomen sun.
;;;39;14;;waz solt er ime dô leides tuon?
;;;39;15;;der Spanol rief ime nâch genuoc.
;;;39;16;;einen strûz er ûf dem helme truoc.
;;;39;17;;gezimieret was der man,
;;;39;18;;alsô ich dâ von ze sagende hân,
;;;39;19;;mit pfelle wît und lanc.
;;;39;20;;daz gevilde nâch dem helde klanc.
;;;39;21;;sîne schellen gâben gedœne.
;;;39;22;;er bluome an mannes schœne,
;;;39;23;;sîn varwe an schœne hielt den strît
;;;39;24;;unz an zwêne, die nâch ime wuohsen sît:
;;;39;25;;Beacurs, Lotes kint,
;;;39;26;;und Parcifal, die dâ niht sint.
;;;39;27;;si wâren dannoch ungeborn
;;;39;28;;und wurden sît vür schœne erkorn.
;;;39;29;;Gaschier in mit dem zoume nam.
;;;39;30;;"iuwer wilde wirt vil zam
;;;40;1;;- daz sage ich ûf die triuwe mîn -,
;;;40;2;;bestêt iuch der Anschevin,
;;;40;3;;der mîne sicherheit dort hât.
;;;40;4;;ir sollet merken mînen rât
;;;40;5;;und dar zuo, hêrre, mîne bete.
;;;40;6;;ich hân geheizen Gahmurete,
;;;40;7;;daz ich iuch alle wende.
;;;40;8;;daz lobet ich sîner hende.
;;;40;9;;durch mich lât iuwer streben sîn.
;;;40;10;;er tuot iu kraft an strîte schîn."
;;;40;11;;Dô sprach der küene Kailet:
;;;40;12;;"ist daz mîn neve Gahmuret
;;;40;13;;fili roys Gandin,
;;;40;14;;mit dem lâz ich mîn strîten sîn.
;;;40;15;;lât mir mîn zoum!" "ine lâz ez niht,
;;;40;16;;ê daz mîn ouge aller êrst ersiht
;;;40;17;;iuwer blôzez houbet.
;;;40;18;;daz mîne ist mir betoubet."
;;;40;19;;den helm her abe er im dô bant.
;;;40;20;;Gahmuret nimer strîtes vant.
;;;40;21;;ez was wol mitter morgen dô.
;;;40;22;;die von der stat des wâren vrô,
;;;40;23;;die dise just ersâhen.
;;;40;24;;si begunden alle gâhen
;;;40;25;;an ir werlîchen letze.
;;;40;26;;er was vor in ein netze:
;;;40;27;;waz drunder kam, daz was beslagen.
;;;40;28;;ein ander ros, sus hôrt ich sagen,
;;;40;29;;dâr ûf saz der werde.
;;;40;30;;daz vlouc und ruorte die erde
;;;41;1;;gereht ze beiden sîten,
;;;41;2;;küene, dâ man solte strîten,
;;;41;3;;verhalten und dræte.
;;;41;4;;waz der dâr ûf tæte?
;;;41;5;;des muoz ich nû vür ellen jehen.
;;;41;6;;er reit, dâ in môre mohten sehen,
;;;41;7;;al dâ die lâgen mit ir her
;;;41;8;;westerhalp dort an dem mer.
;;;41;9;;Ein vürste Razalic dâ hiez.
;;;41;10;;durch keine tât er daz niht liez,
;;;41;11;;der rîcheste von Azagouc
;;;41;12;;- sîn geslehte ime des niht louc,
;;;41;13;;von küniges vruhte was sîn art -,
;;;41;14;;er hüebe sich iemer dannewart
;;;41;15;;durch justieren gegen vür die stat.
;;;41;16;;aldâ tet sîner krefte mat
;;;41;17;;der helt von Anschouwe.
;;;41;18;;daz klagete ein swarziu vrouwe,
;;;41;19;;diu in hete dar gesant,
;;;41;20;;daz in dâ iemen überwant.
;;;41;21;;ein knappe bôt al sunder bete
;;;41;22;;sînem hêrren Gahmurete
;;;41;23;;ein sper, dem was der schaft ein rôr.
;;;41;24;;dâ mite stach er den môr
;;;41;25;;hinder ros ûf ein griez.
;;;41;26;;niht langer er in ligen liez,
;;;41;27;;er twanc in sicherheit zehant.
;;;41;28;;dô was daz urliuge verrant
;;;41;29;;und ime ein grôzer brîs geschehen.
;;;41;30;;Gahmuret begunde sehen
;;;42;1;;aht vanen sweimen gegen der stat,
;;;42;2;;die er wenden balde bat
;;;42;3;;den küenen, sigelôsen man.
;;;42;4;;dar nâch gebôt er im dô sân,
;;;42;5;;daz er kêrte nâch im în.
;;;42;6;;daz tet er, wande ez solte sîn.
;;;42;7;;Gaschier sîn komen ouch niht verbirt.
;;;42;8;;an dem innen wart der wirt,
;;;42;9;;daz sîn gast was komen ûz.
;;;42;10;;daz er niht îsen als ein strûz
;;;42;11;;und starke vlinse verslant,
;;;42;12;;daz meinde, daz er ir iht vant.
;;;42;13;;sîn zorn begunde limmen
;;;42;14;;und als ein lewe brimmen.
;;;42;15;;dô brach er ûz sîn eigen hâr.
;;;42;16;;er sprach: "nû sint mir mîniu jâr
;;;42;17;;nâch grôzer tumpheit bewant.
;;;42;18;;die gote heten mir gesant
;;;42;19;;einen küenen, werden gast.
;;;42;20;;ist er beladen mit strîtes last,
;;;42;21;;sô mac ich niemer werden wert.
;;;42;22;;waz tuot mir schilt und swert?
;;;42;23;;er sol michs schelten, wer michs mane."
;;;42;24;;dô kêrt er von den sînen dane.
;;;42;25;;gegen der porte er vaste ruorte.
;;;42;26;;ein knappe ime widervuorte
;;;42;27;;einen schilt, vern und innen dran
;;;42;28;;gemâlet als ein durchstochen man,
;;;42;29;;geworden in Ysenhartes lant.
;;;42;30;;einer vuorte ouch in der hant
;;;43;1;;und ein swert, daz Razalic
;;;43;2;;durch ellen brâht in den wîc.
;;;43;3;;dâ was er von gescheiden,
;;;43;4;;der küene, swarze heiden.
;;;43;5;;des lop was verre und wît.
;;;43;6;;starb er âne toufen sît,
;;;43;7;;sô erkenne sich über den degen balt,
;;;43;8;;der aller wunder hât gewalt.
;;;43;9;;Dô der burcgrâve daz ersach,
;;;43;10;;sô rehte liebe ime nie geschach.
;;;43;11;;diu wâpen er erkante.
;;;43;12;;hin ûz der porte er rante.
;;;43;13;;sînen gast sach er dort halten,
;;;43;14;;den jungen, niht den alten,
;;;43;15;;algerende strîteclîcher jost.
;;;43;16;;dô nam in Lachfillirost,
;;;43;17;;sîn wirt, und zôch in vaste wider.
;;;43;18;;er stach dô mêr dekeinen nider.
;;;43;19;;Lachfillirost schahtelakunt
;;;43;20;;sprach: "hêrre, ir sollet mir machen kunt,
;;;43;21;;hât betwungen iuwer hant
;;;43;22;;Razaligen, unser lant
;;;43;23;;ist kampfes sicher iemer mêr.
;;;43;24;;der ist obe allen môren hêr,
;;;43;25;;des getriuwen Ysenhartes man,
;;;43;26;;die uns den schaden hânt getân.
;;;43;27;;sich hât verendet unser nôt.
;;;43;28;;ein zornic got in daz gebôt,
;;;43;29;;daz  uns hie suochten mit ir her.
;;;43;30;;nû ist enschumpfieret ir wer."
;;;44;1;;er vuorte in dan. daz was im leit.
;;;44;2;;diu künigîn im widerreit.
;;;44;3;;sînen zoum nam si mit der hant;
;;;44;4;;si entstricket ime der vintailen bant.
;;;44;5;;der wirt in muoste lâzen.
;;;44;6;;sîne knappen niht vergâzen,
;;;44;7;;si kêrten vaste ir hêrren nâch.
;;;44;8;;durch die stat man vüeren sach
;;;44;9;;ir gast die künigîn wîs,
;;;44;10;;der dô behalten hette den prîs.
;;;44;11;;si erbeizte, aldâ sis dûhte zît.
;;;44;12;;"wê, wie getriuwe ir knappen sît!
;;;44;13;;ir wænet verliesen disen man.
;;;44;14;;dem wirt gemach âne iuch getân.
;;;44;15;;nemet sîn ros und vüeret ez hin.
;;;44;16;;sîn geselle ich hie bin."
;;;44;17;;vil vrouwen er dort dûfe vant.
;;;44;18;;die entwâpent in mit swarzer hant.
;;;44;19;;dô wart ime und der künigîn
;;;44;20;;ein deckelachen zobelîn
;;;44;21;;und ein bette wol gehêret,
;;;44;22;;gar an ime wart gemêret
;;;44;23;;ein heimlichiu êre.
;;;44;24;;aldâ was niemen mêre.
;;;44;25;;die juncvrouwen giengen vür
;;;44;26;;und sluzzen nâch in die tür.
;;;44;27;;Dô pflac diu küniginne
;;;44;28;;einer werden, süezen minne
;;;44;29;;und Gahmuret, ir herzetrût.
;;;44;30;;ungelîch was doch ir beider hût.
;;;45;1;;si brâhten opfers vil ir goten,
;;;45;2;;die von der stat. waz wart geboten
;;;45;3;;dem küenen Razalige,
;;;45;4;;dô er schiet von dem wîge,
;;;45;5;;daz leister durch triuwe.
;;;45;6;;doch wart sîn jâmer niuwe
;;;45;7;;nâch sînem hêrren Ysenhart.
;;;45;8;;der burcgrâve des innen wart,
;;;45;9;;daz er kam. dô wart ein schal.
;;;45;10;;dar kômen die vürsten überal
;;;45;11;;ûz dem lande von Zazamanc.
;;;45;12;;die sageten ime des prîses danc,
;;;45;13;;den er hette aldâ bezalt.
;;;45;14;;ze rehter just hette er gevalt
;;;45;15;;ir vier und zweinzic ritter nider
;;;45;16;;und zôch ir ros aleinic wider.
;;;45;17;;dâ wâren gevangen vürsten drî.
;;;45;18;;den reit manic ritter bî
;;;45;19;;ze hove ûf den palas.
;;;45;20;;entslâfen und enbizzen was,
;;;45;21;;und wünneclîchen gefeitet
;;;45;22;;mit kleidern wol bereitet
;;;45;23;;was des hœhesten wirtes lîp.
;;;45;24;;diu ê was maget, diu was nû wîp;
;;;45;25;;diu in her ûz vuorte an ir hant
;;;45;26;;und sprach: "mîn lîp und ouch mîn lant
;;;45;27;;ist disem ritter undertân,
;;;45;28;;ob uns die vîende wellent lân."
;;;45;29;;Dâ wart gevolget Gahmurete
;;;45;30;;einer hovenlîchen bete.
;;;46;1;;er sprach: "mîn hêrre Razalic,
;;;46;1;1;
;;;46;2;;gât nâher und küsset mîn wîp.
;;;46;2;1;
;;;46;3;;alsô tuot ouch ir, hêr Gaschier."
;;;46;4;;Hutegeren den Schotten fier
;;;46;5;;bat er si küssen an den munt.
;;;46;6;;der was von sîner juste wunt.
;;;46;7;;er bat si alle sitzen.
;;;46;8;;al stênde sprach er mit witzen:
;;;46;9;;"ich sæhe ouch gerne den neven mîn,
;;;46;10;;möht ez mit sînen hulden sîn,
;;;46;11;;der in hie gevangen hât.
;;;46;12;;ine hâns von sippe keinen rât,
;;;46;13;;ine muoze in ledic machen."
;;;46;14;;diu küniginne begunde lachen.
;;;46;15;;si hiez balde nâch ime springen.
;;;46;16;;dort her begunde dringen
;;;46;17;;der minneclîch bêâ kunt.
;;;46;18;;der was von ritterschafte wunt
;;;46;19;;und het ez ouch dâ vil guot getân.
;;;46;20;;Gaschier der Oriman
;;;46;21;;in dar brâhte. er was kurtois.
;;;46;22;;sîn vater was ein Franzois.
;;;46;23;;er was Kailetes swester barn.
;;;46;24;;in wîbes dienste er was gevarn.
;;;46;25;;er hiez Kiliriacac.
;;;46;26;;er aller manne schœne widerwac.
;;;46;27;;dô in Gahmuret gesach,
;;;46;28;;ir antlitz sippe jach.
;;;46;29;;diu wâren ein ander vil gelîch.
;;;46;30;;er bat die küniginne rîch
;;;47;1;;in küssen und vâhen ze ir.
;;;47;2;;er sprach: "nû ganc ouch her zuo mir."
;;;47;3;;der wirt in selber kuste dô.
;;;47;4;;si wâren ze sehende ein ander vrô.
;;;47;5;;Gahmuret sprach aber sân:
;;;47;6;;"owê, juncvrouwen man!
;;;47;7;;waz solt her dîn kranker lîp?
;;;47;8;;sag an, gebôt dir daz ein wîp?"
;;;47;8;1;
;;;47;8;2;
;;;47;9;;"die gebietent wênic, hêrre, mir.
;;;47;10;;mich hât mîn veter Gaschier
;;;47;11;;her brâht. er weiz wol selber wie.
;;;47;12;;ich hân im tûsent ritter hie
;;;47;13;;und stân ime dienstlîchen bî.
;;;47;14;;ze Rumes in Normandi
;;;47;15;;kam ich zer samenunge.
;;;47;16;;ich brâhte im helde junge.
;;;47;17;;ich vuor von Schampanie durch in.
;;;47;18;;nû wil kunst und sin
;;;47;19;;der schade an in kêren,
;;;47;20;;ir enwelt iuch selben êren.
;;;47;21;;gebietet irs, sô lât in mîn
;;;47;22;;geniezen, senftet mîne pîn."
;;;47;23;;"den rât nim dû gar zuo dir.
;;;47;24;;var dû und mîn hêrre Gaschier
;;;47;25;;und bringet mir Kaileten her."
;;;47;26;;dô wurben si des heldes ger.
;;;47;27;;si brâhten in durch sîne bete.
;;;47;28;;dô wart er ouch von Gahmurete
;;;47;29;;minneclîchen enpfangen
;;;47;30;;und dicke umbevangen
;;;48;1;;von der küniginne rîch.
;;;48;2;;si kuste den degen minneclîch.
;;;48;2;1;
;;;48;2;2;
;;;48;4;;er was ir mannes muomen sun
;;;48;3;;- si mohte ez wol mit êren tuon -
;;;48;5;;und was von art ein künic hêr.
;;;48;6;;der wirt sprach lachende mêr:
;;;48;7;;"goteweiz, hêr Kailet,
;;;48;8;;obe ich iu næme Dolet
;;;48;9;;und iuwer lant ze Spane
;;;48;10;;durch den künic von Saltane,
;;;48;11;;der iu dicke tuot mit zornes gir,
;;;48;12;;daz wære ein untriuwe an mir,
;;;48;13;;wanne ir sît mîner muomen kint.
;;;48;14;;die besten gar mit iu hie sint,
;;;48;15;;der ritterschefte herte.
;;;48;16;;wer twanc iuch dirre verte?"
;;;48;17;;Dô sprach der stolze degen junc:
;;;48;18;;"mir gebôt mîn veter Schildunc,
;;;48;19;;des tohter Fridebrant dâ hât,
;;;48;20;;daz ich im diente. ez wær sîn rât.
;;;48;21;;der het von sînem wîbe
;;;48;22;;hie von mîn eines lîbe
;;;48;23;;sehs tûsent ritter wolbekant.
;;;48;24;;die tragent werlîche hant.
;;;48;25;;ich brâhte ouch ritter mêr durch in;
;;;48;26;;der ist ein teil gescheiden hin.
;;;48;27;;hie wâren ouch durch die Schotten
;;;48;28;;die werlîchen rotten.
;;;48;29;;im kamen von Grunlanden
;;;48;30;;helde zen handen,
;;;49;1;;zwêne künige mit grôzer krefte.
;;;49;2;;die vluht von der ritterschefte
;;;49;3;;si brâhten und manigen kiel.
;;;49;4;;ir rot mir vil wol geviel.
;;;49;5;;hie was ouch Morolt durch in,
;;;49;6;;des strît hât kraft und sin.
;;;49;7;;die sint nû hin gekêret.
;;;49;8;;wie mich mîn vrowe lêret,
;;;49;9;;alsô tuon ich mit den mînen.
;;;49;10;;mîn dienst ir sol erschînen.
;;;49;11;;dû bedarft mir dienstes danken niht,
;;;49;12;;wanne ez diu sippe sus vergiht.
;;;49;13;;die vrevelen helde sint nû dîn.
;;;49;14;;wæren si getoufet sô die mîn
;;;49;15;;und an der hiute nâch in getân,
;;;49;16;;schœner wart gekrônet nie kein man,
;;;49;17;;er enhette strîtes von in genuoc.
;;;49;18;;mich wundert, waz dich her vertruoc.
;;;49;19;;daz sage mir rehte und wie."
;;;49;20;;"ich kam gester. hiute bin ich hie
;;;49;21;;worden hêrre über daz lant.
;;;49;22;;mich vienc diu künigîn mit ir hant.
;;;49;23;;dô werte ich mich mit minne.
;;;49;24;;sus rieten mir die sinne."
;;;49;25;;"ich wæne, dir hât dîn süeze wer
;;;49;26;;betwungen beidenhalp diu her."
;;;49;27;;"dû meinest, wand ich dir entran?
;;;49;28;;vaste riefe dû mich an.
;;;49;29;;waz woltes dû an mir twingen?
;;;49;30;;lâz mich sus mit dir dingen."
;;;50;1;;"wanne kant ich niht des ankers dîn.
;;;50;2;;mîner muomen man Gandin
;;;50;3;;hât in gevüeret selten ûz."
;;;50;4;;"dô erkante aber ich dînen strûz,
;;;50;5;;anme schilte ein sarapandratest.
;;;50;6;;dîn strûz stuont hôch sunder nehst.
;;;50;7;;ich sach an dîner gelegenheit,
;;;50;8;;dir was diu sicherheit vil leit,
;;;50;9;;die mir tâten zwêne man.
;;;50;10;;die hetenz dô vil guot getân."
;;;50;11;;"mir wære ouch lîhte alsô geschehen.
;;;50;12;;ich muoz es einem tiuvel jehen,
;;;50;13;;des vuore ich nimer wirde vrô.
;;;50;14;;het er den prîs behalten sô
;;;50;15;;an vrevelen helden sô dîn lîp,
;;;50;16;;vür zucker geæzen in diu wîp."
;;;50;17;;"dîn munt mir lobes ze vil vergiht."
;;;50;18;;"nein, ine kan gesmeichen niht.
;;;50;19;;nim ander mîner helfe war."
;;;50;20;;si riefen Razalige dar.
;;;50;21;;Mit zühten sprach dô Kailet:
;;;50;22;;"iuch hât mîn neve Gahmuret
;;;50;23;;mit sîner hant gevangen."
;;;50;24;;"hêrre, daz ist ergangen.
;;;50;25;;ich hân den helt dâ vür erkant,
;;;50;26;;daz im Azagouc, daz lant,
;;;50;27;;mit dienste niemer würde verspart,
;;;50;28;;sît unser hêrre Ysenhart
;;;50;29;;aldâ niht krône solte tragen.
;;;50;30;;er wart in ir dienste erslagen,
;;;51;1;;diu nû ist iuweres neven wîp.
;;;51;2;;umb ir minne er gap den lîp.
;;;51;3;;daz hât mîn kus an si verkorn.
;;;51;4;;ich hân maget und hêrren verlorn.
;;;51;5;;wil nû iuwer muomen sun
;;;51;6;;ritterlîche vuore tuon,
;;;51;7;;daz er uns wil ergetzen sîn,
;;;51;8;;sô valt ich ime die hende mîn.
;;;51;9;;sô hât er rîcheit und prîs
;;;51;10;;und al, dâ mite Tanckanis
;;;51;11;;Ysenharten geerbet hât,
;;;51;12;;der gebalsemt ime her dort stât.
;;;51;13;;alle tage ich sîne wunden sach,
;;;51;14;;sît ime diz sper sîn herze brach."
;;;51;15;;daz zôch er ûz dem buosen sîn
;;;51;16;;an einer snüere sîdîn;
;;;51;17;;hin wider hiengez der degen snel
;;;51;18;;vür sîne brust an blôzez vel.
;;;51;19;;"ez ist noch vil hôher tac.
;;;51;20;;wil mîn hêrre Kiliriacac
;;;51;21;;uns erwerben, alsô ich in bite,
;;;51;22;;sô rîtet, und die vürsten mite."
;;;51;23;;ein vingerlîn er sante dar.
;;;51;24;;die nâch der helle wâren gevar,
;;;51;24;1;
;;;51;25;;die kâmen, waz dâ vürsten was,
;;;51;26;;durch die stat ûf den palas.
;;;51;27;;dô lêch mit vanen hin sîn hant
;;;51;28;;von Azagouc der vürsten lant.
;;;51;29;;iegelîcher was sînes ortes geil.
;;;51;30;;doch bleip der bezzer teil
;;;52;1;;Gahmuret, ir hêrren.
;;;52;2;;die selben wâren die êrren.
;;;52;3;;
;;;52;4;;
;;;52;5;;
;;;52;6;;
;;;52;7;;
;;;52;8;;
;;;52;9;;Dô het Protizilas,
;;;52;10;;der von art ein vürste was,
;;;52;11;;lâzen ein herzentuom.
;;;52;12;;daz lêch er dem, der manigen ruom
;;;52;13;;mit sîner hant bejagete.
;;;52;14;;gegen strîte er nie verzagete:
;;;52;15;;Lachfillirost schahtelakunt
;;;52;16;;nam erz die vanen sân zestunt.
;;;52;17;;von Azagouc die vürsten hêr
;;;52;18;;nâmen den Schotten Huteger
;;;52;19;;und Gaschieren den Oriman.
;;;52;20;;si giengen vür ir hêrren sân.
;;;52;21;;der liez si ledic umb ir bete.
;;;52;22;;des danketen si dô Gahmurete.
;;;52;23;;Hutegeren den Schotten
;;;52;24;;si bâten sunder spotten:
;;;52;25;;"lât mînem hêrren daz gezelt
;;;52;26;;hie umb âventiure gelt.
;;;52;27;;ez zuckete uns Ysenhartes leben,
;;;52;28;;daz Fridebrande wart gegeben
;;;52;29;;diu zierde unsers landes.
;;;52;30;;sîn vröude diu stuont pfandes.
;;;53;1;;er stât hie selbe ouch anme rê.
;;;53;2;;unvergolten dienst im tet ze wê."
;;;53;3;;ûf erde niht sô guotes was,
;;;53;4;;der helme von art ein adamas,
;;;53;5;;dicke und herte,
;;;53;6;;anme strîte ein guot geverte.
;;;53;7;;Dô lobete Hutegers hant,
;;;53;8;;wenne er kæme in sînes hêrren lant,
;;;53;9;;daz er ez wolte erwerben gar
;;;53;10;;und senden wider wol gevar.
;;;53;11;;daz tet er unbetwungen.
;;;53;12;;nâch urloube drungen
;;;53;13;;zem künige, waz dâ vürsten was.
;;;53;14;;dô rûmten si den palas.
;;;53;15;;wie verwüestet wære sîn lant,
;;;53;16;;doch kunde Gahmuretes hant
;;;53;17;;wenken solicher gâbe solt,
;;;53;18;;als alle boume trüegen golt.
;;;53;19;;er teiltes sunder wâge.
;;;53;20;;sîne man und sîne mâge
;;;53;21;;nâmen dâ des heldes guot.
;;;53;22;;daz was der küniginne muot.
;;;53;23;;der brûtlouf hôchgezît
;;;53;24;;hete dâ vor grôzen strît.
;;;53;25;;der was alsus ze suone brâht.
;;;53;26;;ine hân mirs selbe niht erdâht:
;;;53;27;;man sagete mir, daz Ysenhart
;;;53;28;;küniclîchen bestatet wart.
;;;53;29;;daz tâten, die in erkanden.
;;;53;30;;den zins von sînen landen,
;;;54;1;;waz der gelten mohte ein jâr,
;;;54;2;;den selben liezen si dâ gar.
;;;54;3;;daz tâten si umb ir selber muot.
;;;54;4;;Gahmuret daz grôze guot
;;;54;5;;sîn volc muos behalten.
;;;54;6;;die muosen sunder walten.
;;;54;7;;Des morgens vor der veste
;;;54;8;;rûmten ez gar die geste.
;;;54;9;;sich schieden, die dâ wâren
;;;54;10;;und vuorten manige bâren.
;;;54;11;;daz volc stuont herberge blôz
;;;54;12;;wanne ein gezelt, daz was vil grôz.
;;;54;13;;daz hiez der künic ze schiffe tragen.
;;;54;14;;dô begunde er dem volke sagen,
;;;54;15;;er wolte varen in Azagouc.
;;;54;16;;mit der rede er si betrouc.
;;;54;17;;daz was der stolze, küene man,
;;;54;18;;unz er sich vaste gesetzen began.
;;;54;19;;daz er niht ritterschefte vant,
;;;54;20;;daz was sîn vröude sorgen pfant.
;;;54;21;;doch was ime daz swarze wîp
;;;54;22;;lieber danne sîn selbes lîp.
;;;54;23;;ez enwart nie wîp geschicket baz.
;;;54;24;;der vrowen herze nie vergaz,
;;;54;25;;im envüere ein werder vogel mite,
;;;54;26;;an rehter kiusche wîplîcher site.
;;;54;27;;Von Sibilie ûz der stat
;;;54;28;;was geborn, den er dô bat
;;;54;29;;dannen kêrens ze einer wîle.
;;;54;30;;der hete in manige mîle
;;;55;1;;dâ vor gevüeret. er brâhte in dar.
;;;55;2;;er was niht als ein môr gevar.
;;;55;3;;der marnære wîse
;;;55;4;;sprach: "ir sullet ez heln lîse
;;;55;5;;vor den, die tragent swarziu velle.
;;;55;6;;mîne kocken sint sô snelle,
;;;55;7;;si mugen uns niht gevâhen.
;;;55;8;;wir sullen von hinnen gâhen."
;;;55;9;;sîn golt hiez er zuo schiffe tragen.
;;;55;10;;nû muoz ich iu von scheiden sagen.
;;;55;11;;die naht vuor dan der werde man.
;;;55;12;;daz wart verholn getân.
;;;55;13;;dô entran er dem wîbe.
;;;55;14;;dô hette si in ir lîbe
;;;55;15;;zwelf wochen lebendic ein kint.
;;;55;16;;vaste wegete in dan der wint.
;;;55;17;;Diu vrowe in ir seckel vant
;;;55;18;;einen brief, den schreip ir mannes hant
;;;55;19;;in franzois, daz si kunde.
;;;55;20;;diu geschrift ir sagen begunde:
;;;55;21;;"hie enbiutet liep ein ander liep.
;;;55;22;;ich bin diser verte ein diep.
;;;55;23;;die muose ich dir durch jâmer steln.
;;;55;24;;vrowe, ine mac dir niht verheln:
;;;55;25;;wære dîn orden in mîner ê,
;;;55;26;;sô wære mir iemer nâch dir wê
;;;55;27;;und hân doch iemer nâch dir pîn.
;;;55;28;;werde unser zweier kindelîn
;;;55;29;;an dem antlitz einem man gelîch,
;;;55;30;;daz ist wâr, er wirt ellens rîch.
;;;56;1;;er ist geborn von Anschouwe.
;;;56;2;;diu minne wirt sîn vrouwe.
;;;56;3;;sô wirt aber er an strîte ein schûr,
;;;56;4;;den vîenden herter nâchgebûr.
;;;56;5;;wizzen sol der sun mîn:
;;;56;6;;sîn ane, der hiez Gandin
;;;56;7;;und lac an ritterschafte tôt.
;;;56;8;;des vater leit die selben nôt,
;;;56;9;;der was geheizen Adanz
;;;56;10;;- sîn schilt bleip vil selten ganz -,
;;;56;11;;der was von arde ein Britûn.
;;;56;12;;er und Utrapandragun
;;;56;13;;wâren zweier gebruoder kint,
;;;56;14;;die alhie geschriben sint:
;;;56;15;;der hiez einer Lazaliez,
;;;56;16;;Brickus der ander hiez.
;;;56;17;;der zweier vater hiez Mazadan.
;;;56;18;;den vuorte ein feie, hiez Morgan,
;;;56;19;;in Terredelaschoie.
;;;56;20;;er was ir herzen boie.
;;;56;21;;von in zwên kam geslehte mîn,
;;;56;22;;daz iemer mêr gît liehten schîn.
;;;56;23;;iegelîcher sît her ein krône truoc
;;;56;24;;und hette wirdicheit genuoc.
;;;56;25;;vrowe, wiltû toufen dich,
;;;56;26;;dû maht ouch noch erwerben mich."
;;;56;27;;des engerte si deheinen wandel niht.
;;;56;28;;"owê, wie schiere daz geschiht,
;;;56;29;;wil er wider wenden,
;;;56;30;;schiere sol ich ez enden.
;;;57;1;;wem hât sîn manlîchiu zuht
;;;57;2;;hie lâzen sîner minne vruht?
;;;57;3;;owê, lieplîch geselleschaft!
;;;57;4;;sol mir nû riuwe mit ir kraft
;;;57;5;;iemer twingen mînen lîp?
;;;57;6;;sînem gote ze êren", sprach daz wîp,
;;;57;7;;"ich mich gerne toufen solte
;;;57;8;;und leben, wie er wolte."
;;;57;9;;der jâmer gap ir herzen wîc.
;;;57;10;;ir vröude vant den dürren zwîc,
;;;57;11;;alsô noch diu turteltûbe tuot.
;;;57;12;;diu het ie den selben muot.
;;;57;13;;wanne ir an trûtschaft gebrast,
;;;57;14;;ir triuwe kôs den dürren ast.
;;;57;15;;Diu vrowe an rehter zît genas
;;;57;16;;eines suns, der zweier varwe was,
;;;57;17;;an dem got wunder wart in ein:
;;;57;18;;wîz und swarzer varwe er schein.
;;;57;19;;diu künigîn kuste in sunder twâl
;;;57;20;;vil dicke an ime blanken mâl.
;;;57;21;;diu muoter hiez ir kindelîn
;;;57;22;;Ferefiz Anschevin.
;;;57;23;;er wart ein waltwende.
;;;57;24;;die juste sîner hende
;;;57;25;;manic sper zerbrâchen,
;;;57;26;;die schilte durchstâchen.
;;;57;27;;als ein agelster wart gevar
;;;57;28;;sîn vel und ouch sîn hâr.
;;;57;29;;Nû was ez über des jâres zil,
;;;57;30;;daz Gahmuret geprîset vil
;;;58;1;;was worden dâ ze Zazamanc.
;;;58;2;;sîn hant dâ den sic erranc.
;;;58;3;;dannoch swebete er ûf dem sê.
;;;58;4;;die snellen winde tâten im wê.
;;;58;5;;einen sîdînen segel sach er rôten.
;;;58;6;;den truoc ein kocke und ouch die boten,
;;;58;7;;die von Schotten lant Fridebrant
;;;58;8;;vrowe Belakanen hete gesant.
;;;58;9;;er bat si, daz si ûf in verkür,
;;;58;10;;wie er den mâc durch si verlür,
;;;58;11;;daz si von ime gesuochet was.
;;;58;12;;dô vuorten si den adamas,
;;;58;13;;ein swert, einen halsperc und zwô hosen.
;;;58;14;;hie muget ir grôz wunder losen,
;;;58;15;;daz ime der kock widervuor,
;;;58;16;;als mir diu âventiure swuor.
;;;58;17;;si gâbenz ime. dô lobete ouch er:
;;;58;18;;sîn munt der botschaft ein wer
;;;58;19;;würde, wenne er kœme zuo ir.
;;;58;20;;si schieden sich. man sagete mir,
;;;58;21;;daz mer ir trüege, in einer habe
;;;58;22;;ze Sibilie kêrt er drabe.
;;;58;23;;mit golde galt der küene man
;;;58;24;;sînem marnære sân
;;;58;25;;harte wol sîn arbeit.
;;;58;26;;si schieden sich. daz was dem leit.
;;;58;27;;Dâ ze Spane in dem lande
;;;58;28;;er den künic erkande.
;;;58;29;;daz was sîn neve Kailet.
;;;58;30;;mit dem kêrter ze Dolet.
;;;59;1;;der was nâch ritterschaft gevarn,
;;;59;2;;dâ man niht schilte dorfte sparn.
;;;59;3;;dô hiez ouch er bereiten sich
;;;59;4;;- sus diu âventiure wert mich -
;;;59;5;;mit speren wol gemâlen,
;;;59;6;;mit grüenen zindâlen.
;;;59;7;;iegelîcher hete eine banier.
;;;59;8;;drîe hermîn anker dran sô fier,
;;;59;9;;daz man ir jach vür rîcheit.
;;;59;10;;si wâren lanc und breit
;;;59;11;;und reicheten vaste ûf die hant,
;;;59;12;;dô man si zuom sperîsen bant
;;;59;13;;dâ niderhalp ein spanne.
;;;59;14;;der wart dem küenen manne
;;;59;15;;hundert dâ bereitet
;;;59;16;;und wol hin nâch geleitet
;;;59;17;;von sînes neven liuten.
;;;59;18;;êren und triuten
;;;59;19;;kunden  in mit wirdicheit.
;;;59;20;;daz wart ir hêrren niht zuo leit.
;;;59;21;;er streich - in weiz wie lange - nâch,
;;;59;22;;unz er geste herberge ersach
;;;59;23;;im lande zuo Wâleis.
;;;59;24;;dâ was geslagen vür Kanvoleis
;;;59;25;;manic poulûn ûf die plâne.
;;;59;26;;ine sage ez iu niht nâch wâne.
;;;59;27;;gebietet ir, sô ist ez wâr.
;;;59;28;;sîn volc hiez er ûf halden gar.
;;;59;29;;der hêrre sante vor ime în
;;;59;30;;den kluogen meisterknappen sîn.
;;;60;1;;der wolte, als in sîn hêrre bat,
;;;60;2;;herberge nemen an der stat.
;;;60;3;;dô was ime snelleclîchen gâch.
;;;60;4;;man zôch ime soumære nâch.
;;;60;5;;sîn ouge niender hûs dâ sach,
;;;60;6;;schilte enwæren sîn ander dach
;;;60;7;;und die wende gar behangen
;;;60;6;1;
;;;60;8;;mit spern alumbevangen.
;;;60;9;;Diu künigîn von Waleis
;;;60;10;;gesprochen hete zuo Kanvoleis
;;;60;11;;einen turnei alsô gezilt,
;;;60;12;;des manigen zagen noch bevilt,
;;;60;13;;wâ er dem glîche werben siht,
;;;60;14;;von sîner hant es niht geschiht.
;;;60;15;;si was ein maget, niht ein wîp
;;;60;16;;und bôt zwei lant und ir lîp,
;;;60;17;;wer dâ den prîs bezalte.
;;;60;18;;diz mære manigen valte
;;;60;19;;hinderz ros ûf den sâmen.
;;;60;20;;die solichiu gevelle nâmen,
;;;60;21;;ir schanze wart gegen vluht gesaget.
;;;60;22;;des pflâgen helde unverzaget.
;;;60;23;;si tâten ritters ellen schîn.
;;;60;24;;mit herteclîcher rabîn
;;;60;25;;wart dâ manic ros ersprenget
;;;60;26;;und swerte vil erklenget.
;;;60;27;;Ein schifbrücke ûf einen plân
;;;60;28;;gienc über eines wazzers trân,
;;;60;29;;mit einem tor beslozzen.
;;;60;30;;der knappe unverdrozzen
;;;61;1;;tet ez ûf, als ime ze muote was.
;;;61;2;;dâr obe stuont der palas.
;;;61;3;;ouch saz diu küniginne
;;;61;4;;zen venstern dâr inne
;;;61;5;;mit maniger werden vrouwen.
;;;61;6;;die begunden schouwen,
;;;61;7;;waz dise knappen tâten.
;;;61;8;;die heten sich berâten
;;;61;9;;und sluogen ûf ein gezelt.
;;;61;10;;umb unvergolten minnen gelt
;;;61;11;;wart es ein künic âne.
;;;61;12;;des twanc in Belakane.
;;;61;13;;mit arbeit was ûf geslagen,
;;;61;14;;daz soumære solten tragen,
;;;61;15;;ein gezelt. daz zeigete rîcheit.
;;;61;16;;ouch was der plân dâ wol sô breit,
;;;61;17;;daz sich die snüere strahten dran.
;;;61;18;;Gahmuret, der werde man,
;;;61;19;;die selben zît dort ûze enbeiz.
;;;61;20;;dar nâch er sich mit vlîze vleiz,
;;;61;21;;wie er hövelîch kœme geriten.
;;;61;22;;des enwart niht langer dô gebiten.
;;;61;23;;sîne knappen an den stunden
;;;61;24;;sîniu sper zesamen bunden,
;;;61;25;;ieglîcher vünfiu an ein bant.
;;;61;26;;daz sehste vuort er an der hant
;;;61;27;;mit einer baniere.
;;;61;28;;sus kam gevarn der fiere.
;;;61;29;;vor der künigîn wart vernomen,
;;;61;30;;daz ein gast dâ solte komen
;;;62;1;;ûz verrem lande,
;;;62;2;;den niemen dâ erkande.
;;;62;3;;"sîn volc, daz ist kurtois,
;;;62;4;;beidiu heidensch und franzois.
;;;62;5;;etslîcher mac ein Anschevin
;;;62;6;;mit sîner sprâche iedoch wol sîn.
;;;62;7;;ir muot ist stolz, ir wât ist klâr,
;;;62;8;;wol gesniten al vür wâr.
;;;62;9;;ich was sînen knappen bî.
;;;62;10;;die sint vor missewende vrî.
;;;62;11;;die jehent, wer habe geruoche,
;;;62;12;;ob der ir hêrren suoche,
;;;62;13;;den scheid er von swære.
;;;62;14;;von ime vrâg ich der mære.
;;;62;15;;sô sageten si mir sunder wanc,
;;;62;16;;ez wære der küene von Zazamanc."
;;;62;17;;disiu mære sagete ir ein garzûn:
;;;62;18;;"âvoy, velsch ein poulûn!
;;;62;19;;iuwer krône und iuwer lant
;;;62;20;;wæren dâ vür niht halbez pfant."
;;;62;21;;"dû bedarft mirz sô loben niht.
;;;62;22;;mîn munt hin wider dir des giht:
;;;62;23;;ez mac wol sîn eines werden man,
;;;62;24;;der niht mit armuote kan."
;;;62;25;;alsus sprach diu künigîn.
;;;62;26;;"wê, wanne kumet er selbe drîn?"
;;;62;27;;den garzûn si des vrâgen bat.
;;;62;28;;hovelîchen durch die stat
;;;62;29;;der helt begunde strecken,
;;;62;30;;die slâfenden wecken.
;;;63;1;;vil schilte sach er schînen.
;;;63;2;;die hellen busînen
;;;63;3;;mit krachen vor ime gâben dôz.
;;;63;4;;von würfen und mit slegen grôz
;;;63;5;;zwêne tambûre gâben schal.
;;;63;6;;der galm über alle die stat erhal.
;;;63;7;;der dôn iedoch gemischet wart
;;;63;8;;mit floitieren an der vart.
;;;63;9;;eine reisenote si bliesen.
;;;63;10;;nû sullen wir niht verliesen,
;;;63;11;;wie ir hêrre komen sî.
;;;63;12;;dem riten videlære bî.
;;;63;13;;dô leite der degen wert
;;;63;14;;ein bein vür sich ûf daz pfert,
;;;63;15;;zwêne stivel über blôziu bein.
;;;63;16;;sîn munt als ein rubîn schein
;;;63;17;;von rœte, als ob er brünne.
;;;63;18;;der was dicke, niht ze dünne.
;;;63;19;;sîn lîp was allenthalben clâr.
;;;63;20;;lieht reideloht was im daz hâr,
;;;63;21;;wâ manz vor dem huote sach.
;;;63;22;;der was ein tiure houbetdach.
;;;63;23;;grüene samît was der mantel sîn.
;;;63;24;;ein zobel dâ vor gap swarzen schîn
;;;63;25;;ob einem hemde, daz was blanc.
;;;63;26;;von schouwen wart dâ grôz gedranc.
;;;63;27;;Vil dicke aldâ gevrâget wart,
;;;63;28;;wer wære der ritter âne bart,
;;;63;29;;der vuorte alsoliche rîcheit.
;;;63;30;;vil schiere wart daz mære breit.
;;;64;1;;man sagete ez in vür unbetrogen.
;;;64;2;;dô begunden si an die brücken zogen,
;;;64;3;;ander volc und ouch daz sîne.
;;;64;4;;von dem liehten schîne,
;;;64;5;;der von der künigîn schein,
;;;64;6;;dô zuckete er neben sich sîn bein.
;;;64;7;;ûf rihtete sich der degen wert
;;;64;8;;als ein vederspil, daz gert.
;;;64;9;;diu herberge dûhte in guot.
;;;64;10;;als dô stuont des heldes muot.
;;;64;11;;si dolte ouch wol, diu wirtîn,
;;;64;12;;von Waleis diu künigîn.
;;;64;13;;Dô verhiez der künic von Spane,
;;;64;14;;daz ûf der Lewe plane
;;;64;15;;stüende ein gezelt, daz Gahmurete
;;;64;16;;durch des küenen Razaliges bete
;;;64;17;;bleip vor Patelamunt.
;;;64;18;;daz tet im ein ritter kunt.
;;;64;19;;dô vuor er springende als ein tier.
;;;64;20;;er was der vrowen soldier.
;;;64;21;;der selbe ritter aber sprach:
;;;64;22;;"iuwer muomen sun ich sach
;;;64;23;;komende, als er ie was, fier.
;;;64;24;;ez sint wol hundert banier
;;;64;25;;ze einem schilte ûf grüene velt
;;;64;26;;gestôzen vür sîn hôch gezelt.
;;;64;27;;die sint ouch alle grüene.
;;;64;28;;ouch het der helt küene
;;;64;29;;drîe hermîn anker lieht gemâl
;;;64;30;;ûf ieglîchem zindâl."
;;;65;1;;"ist er gezimieret hie?
;;;65;2;;âvoy, sô sol man schouwen hie,
;;;65;3;;sîn lîp den ponder irret,
;;;65;4;;wie er ez mit hurte wirret.
;;;65;5;;der stolze, küene Hardiz
;;;65;6;;hât mit zorne sînen vlîz
;;;65;7;;nû lange vaste an mich gewant.
;;;65;8;;den sol hie Gahmuretes hant
;;;65;9;;mit sîner juste neigen.
;;;65;10;;mîn sælde ist niht der veigen."
;;;65;11;;sîne boten sant er sân,
;;;65;12;;dâ Gaschier der Oriman
;;;65;13;;mit grôzer massenîe lac
;;;65;14;;und der liehte Kiliriacac.
;;;65;15;;die wâren dâ durch sîne bete.
;;;65;16;;zem poulûn mit Kailete
;;;65;17;;vuoren si mit geselleschaft.
;;;65;18;;dô enpfiengen si durch liebe kraft
;;;65;19;;den werden künic von Zazamanc.
;;;65;20;;si dûhte ein beiten gar ze lanc,
;;;65;21;;daz si in niht ê gesâhen.
;;;65;22;;des si mit triuwen jâhen.
;;;65;23;;dô vrâgete  si der mære,
;;;65;24;;wer dâ rîter wære.
;;;65;25;;Dô sprach sîner muomen kint:
;;;65;26;;"ûz verrem lande si sint,
;;;65;27;;ritter, die diu minne jaget,
;;;65;28;;vil küener helde unverzaget.
;;;65;29;;hie hât manigen Britun
;;;65;30;;rois Utrapandragun.
;;;66;1;;ein mære in stichet als ein dorn,
;;;66;2;;daz er sîn wîp hât verlorn,
;;;66;3;;diu Artuses muoter was.
;;;66;4;;ein pfaffe, der wol zouber las,
;;;66;5;;mit dem diu vrowe ist hin gewant,
;;;66;6;;dem ist Artus nâch gerant.
;;;66;7;;ez ist nû im dritten jâr,
;;;66;8;;daz er sun und wîp verlôs vür wâr.
;;;66;9;;hie ist ouch sîner tohter man,
;;;66;10;;der wol mit ritterschafte kan,
;;;66;11;;Lot von Norwæge,
;;;66;12;;gegen valscheit der træge
;;;66;13;;und der snelle gegen dem prîse,
;;;66;14;;der küene degen wîse.
;;;66;15;;hie ist ouch Gawan, des sun,
;;;66;16;;sô kranc, daz er niht mac getuon
;;;66;17;;ritterschaft dekeine.
;;;66;18;;er was bî mir, der kleine,
;;;66;19;;und sprichet, möht er einen schaft
;;;66;20;;gebrechen, trôst in des sîn kraft,
;;;66;21;;er tæte gerne ritters tât.
;;;66;22;;wie vruo es sîn ger begunnen hât!
;;;66;23;;hie hât der künic von Patrigalt
;;;66;24;;von speren einen ganzen walt.
;;;66;25;;des vuore ist dâ wider gar ein wint,
;;;66;26;;wan die von Portigal hie sint,
;;;66;27;;die heizen wir die vrechen.
;;;66;28;;si wellent durch schilte stechen.
;;;66;29;;hie hânt die Provenzale
;;;66;30;;schilte wol gemâle.
;;;67;1;;hie sint die Waleise,
;;;67;2;;daz si behabent ir reise
;;;67;3;;durch die poinder, wâ si es gernt.
;;;67;4;;von der kraft ir landes si des wernt.
;;;67;5;;hie ist manic ritter durch diu wîp,
;;;67;6;;des niht erkennen mac mîn lîp.
;;;67;7;;al die ich hie benennet hân,
;;;67;8;;wir ligen mit wârheit sunder wân
;;;67;9;;mit grôzer vuore in der stat,
;;;67;10;;als uns diu künigîn bat.
;;;67;11;;ich sage dir, wer ze velde liget,
;;;67;12;;die unser wer vil ringe wiget:
;;;67;13;;der werde künic von Ascalun
;;;67;14;;und der stolze künic von Aragun,
;;;67;15;;Zidegast de Logrois
;;;67;16;;und der künic von Ponturtois,
;;;67;17;;der herzoge Brandelidelin.
;;;67;18;;dâ ist ouch der küene Lehelin.
;;;67;19;;dâ ist Morolt von Irlant,
;;;67;20;;der brichet ab uns gæben pfant.
;;;67;21;;dâ ligent ûf dem plâne
;;;67;22;;die stolzen Alemane.
;;;67;23;;der herzoge von Brabant
;;;67;24;;ist gestrichen in diz lant
;;;67;25;;durch den künic Hardizen.
;;;67;26;;sîne swester Alizen
;;;67;27;;gap ime der künic von Gascon.
;;;67;28;;sîn dienst hât vor enpfangen lôn.
;;;67;29;;die sint mit zorne hie gegen mir.
;;;67;30;;nû sol ich wol getrûwen dir.
;;;68;1;;gedenke an die sippe dîn.
;;;68;2;;durch rehte liebe warte mîn."
;;;68;3;;Dô sprach der künic von Zazamanc:
;;;68;4;;"dû solt mirs wizzen keinen danc,
;;;68;5;;waz dir mîn dienst hie zuo êren tuot.
;;;68;6;;wir sullen haben einen muot.
;;;68;7;;stât dîn strûz noch sunder nehst,
;;;68;8;;dû solt dîn sarapandratest
;;;68;9;;gegen sînem halben grîfen tragen.
;;;68;10;;mîn anker vaste wirt geslagen
;;;68;11;;durch lenden in sînes ponders hürt.
;;;68;12;;er in selber suochen würt
;;;68;13;;hinder dem ros ûf dem grieze.
;;;68;14;;der uns zuo ein ander lieze,
;;;68;15;;ich valte in oder er valte mich.
;;;68;16;;des wer ich an den triuwen dich."
;;;68;17;;Kailet ze herberge reit
;;;68;18;;mit grôzen vröuden sunder leit.
;;;68;19;;sich huop ein krîgieren
;;;68;20;;von zwein helden fieren.
;;;68;21;;von Poitouw Schiolarz
;;;68;22;;und Gurnemanz de Graharz,
;;;68;23;;die justierten ûf dem plân.
;;;68;24;;sich huop diu vesperîe sân.
;;;68;25;;hie riten sehs, dort wol drî.
;;;68;26;;den vuor vil lîhte ein tropel bî.
;;;68;27;;si begunden reht ritters tât.
;;;68;28;;des was dô kein ander rât.
;;;68;29;;ez was dannoch wol mitter tac.
;;;68;30;;der hêrre in sînem zelte lac.
;;;69;1;;Dô verhies der künic von Zazamanc,
;;;69;2;;daz die poinder wît und lanc
;;;69;3;;wâren ze velde worden
;;;69;4;;al nâch ritters orden.
;;;69;5;;er huop sich ouch des endes gar
;;;69;6;;mit maniger banier lieht gevar.
;;;69;7;;er kêrte sich niht an gâhez schehen.
;;;69;8;;innerclîch er wolde ersehen,
;;;69;9;;wie ez ze beider sîte dâ wære getân.
;;;69;10;;sînen teppich leite man ûf den plân,
;;;69;11;;dâ sich die poinder wurren
;;;69;12;;und diu ros von stichen kurren.
;;;69;13;;von knussen was umb in ein rinc,
;;;69;14;;dâ bî von swerten klingen klinc.
;;;69;15;;wie si nâch prîsen rungen,
;;;69;16;;der klingen alsus klungen.
;;;69;17;;von speren was grôz krachen dâ.
;;;69;18;;er endorfte niemer vrâgen wâ.
;;;69;19;;poinder wâren sîne wende,
;;;69;20;;die vorhten ritters hende.
;;;69;21;;diu ritterschaft sô nâhe was,
;;;69;22;;daz die vrowen ab dem palas
;;;69;23;;wol sâhen der helde arbeit.
;;;69;24;;doch was der küniginne leit,
;;;69;25;;daz sich der künic von Zazamanc
;;;69;26;;dâ mit den andern niht endranc.
;;;69;27;;si sprach: "wê, war ist er komen,
;;;69;28;;von dem ich wunder hân vernomen?"
;;;69;107;;ez wart dâ harte guot getân
;;;69;108;;von manigem küenen armen man,
;;;70;9;;die doch der hôhe gerten iht.
;;;70;10;;der küniginne zil vergiht
;;;70;11;;ir lîbes und ir lande.
;;;70;12;;
;;;70;13;;Nû was ouch Gahmuretes lîp
;;;70;14;;in harnasche, dâ sîn wîp
;;;70;15;;wart einer suone bî gemant,
;;;70;16;;daz ir von Schotten Fridebrant
;;;70;17;;ze gebe sante vür ir schaden.
;;;70;18;;mit strîte het er si verladen.
;;;70;19;;ûf erde niht sô guotes was.
;;;70;20;;dô schouwete er den adamas.
;;;70;21;;daz was ein helm, dâr ûfe man bant
;;;70;22;;einen anker, dâ man inne vant
;;;70;23;;verwieret edel gesteine,
;;;70;24;;grôz, niht ze kleine.
;;;70;25;;daz was iedoch ein swærer last.
;;;70;26;;gezimieret was der gast.
;;;70;27;;wie sîn schilt gehêret sî?
;;;70;28;;mit golde von Arabi
;;;70;29;;ein tiuriu buckel dâr ûf geslagen,
;;;70;30;;swære, die er muose tragen.
;;;70;101;;diu gap von golde al solichen brehen,
;;;70;102;;daz man sich drinne moht ersehen,
;;;70;103;;ein zobelîn anker drunde.
;;;70;104;;mir selben ich wol gunde,
;;;70;105;;des er hete an den lîp gegert,
;;;70;106;;wanne ez was maniger marke wert.
;;;70;929;;Nû was ouch rois de Franze tôt.
;;;70;930;;des wîp in dicke in grôze nôt
;;;71;901;;brâhte mit ir minne.
;;;71;902;;diu werde küniginne
;;;71;903;;hete al dar nâch im gesant,
;;;71;904;;ob er noch wider in daz lant
;;;71;905;;wære komen von der heidenschaft.
;;;71;906;;des twanc si grôzer liebe kraft.
;;;71;7;;sîn wâpenroc was harte wît.
;;;71;8;;ich wæne, keinen sô guoten sît
;;;71;9;;iemen zuo strîte vuorte.
;;;71;10;;des lenge den teppich ruorte.
;;;71;11;;ob ich in brüefen künne,
;;;71;12;;er schein, als ob hie brünne
;;;71;13;;bî der naht ein queckez viur.
;;;71;14;;verblichen varwe was ime tiur.
;;;71;15;;sîn glast die blicke niht vermeit.
;;;71;16;;ein bœsez ouge sich dran versneit.
;;;71;17;;mit golde er gebildet was,
;;;71;18;;daz zer muntâne an Kaukasas
;;;71;19;;abe einem velse zarten
;;;71;20;;grîfen klâ, diez dâ bewarten
;;;71;21;;und ez noch hiute aldâ bewarnt.
;;;71;22;;von Arabi liute varnt,
;;;71;23;;die erwerbent ez mit listen dâ
;;;71;24;;- sô tiure ez ist niender anderswâ -
;;;71;25;;und bringent ez wider zArabi,
;;;71;26;;dâ man diu grüenen achmardî
;;;71;27;;wirket und die pfelle rîch.
;;;71;28;;anderer were ist er ungelîch.
;;;71;29;;den schilt nam er ze halse sân.
;;;71;30;;hie stuont ein ros vil wol getân,
;;;72;1;;gewâpent vaste unz ûf den huof.
;;;72;2;;hie garzûne, ruofâ ruof!
;;;72;3;;sîn lîp spranc drûf, wand er ez dâ vant.
;;;72;4;;vil starker sper des heldes hant
;;;72;5;;mit hurte verswande.
;;;72;6;;dis poinder er zertrande
;;;72;7;;iemer durch, anderhalben ûz.
;;;72;8;;dem anker volgete nâch der strûz.
;;;72;9;;Gahmuret stach hinder daz ors
;;;72;10;;Pontewinnen den Prienlascors
;;;72;11;;und anders manigen werden man,
;;;72;12;;an dem er sicherheit gewan.
;;;72;13;;waz dâ getriuwer ritter reit,
;;;72;14;;die genuzzen des heldes arbeit.
;;;72;15;;diu gewunnen ros, diu gab er in.
;;;72;16;;an ime lac grôz ir gewin.
;;;72;17;;gelîcher baniere
;;;72;18;;man gegen ime vuorte viere
;;;72;19;;- küene rotten riten drunde,
;;;72;20;;ir hêrre strîten kunde -
;;;72;21;;an ieglîcher eines grîfen zagel.
;;;72;22;;daz hinder teil ouch was ein hagel
;;;72;23;;an ritterschafte. des wâren die.
;;;72;24;;daz vorder teil des grîfen hie
;;;72;25;;der künic von Gascone truoc
;;;72;26;;ûf einem schilte, ein ritter kluoc.
;;;72;27;;gezimiert was des heldes lîp,
;;;72;28;;sô wol gebrüefen kunnen wîp.
;;;72;29;;er nam sich vor den andern ûz,
;;;72;30;;dô er ûf ersach den strûz.
;;;73;1;;der anker kam doch vor an in.
;;;73;2;;dô stach in hinderz ros dort hin
;;;73;3;;der werde künic von Zazamanc
;;;73;4;;und vienc in. dâ was grôz gedranc,
;;;73;5;;Hôhe vurche sleht getennet,
;;;73;6;;mit swerten vil gekennet.
;;;73;7;;dâ wart verswendet der walt
;;;73;8;;und manic ritter abe gevalt.
;;;73;9;;si wunden sich, sus hôrt ich sagen,
;;;73;10;;hin an den ort, dâ hielten zagen.
;;;73;11;;der strît was wol sô nâhen,
;;;73;12;;daz gar die vrouwen sâhen,
;;;73;13;;wer dâ bî prîse solte sîn.
;;;73;14;;der minnen gernde Rivalin,
;;;73;15;;von des spern snîte ein niuwe leis.
;;;73;16;;daz was der künic von Lohneis.
;;;73;17;;sîne hurte gâben kraches schal.
;;;73;18;;Morolt in einen ritter stal.
;;;73;19;;ûzem satel er in vür sich huop.
;;;73;20;;daz was ein ungevüeger uop.
;;;73;21;;daz was der werde Kiliriacac.
;;;73;22;;von dem hete der künic Lac
;;;73;23;;dâ vor enpfangen solichen solt,
;;;73;24;;den der vallende an der erden holt.
;;;73;25;;er hete ez dâ vil guot getân.
;;;73;26;;dô luste disen starken man,
;;;73;27;;daz er in twünge sunder swert.
;;;73;28;;alsus viengen si den degen wert.
;;;73;29;;hinder daz ros stach Kailetes hant
;;;73;30;;den herzogen von Brabant.
;;;74;1;;der vürste hiez Lambekin.
;;;74;2;;waz dô tæten die sîn?
;;;74;3;;si beschutten in mit swerten.
;;;74;4;;die helde strîtes gerten.
;;;74;5;;Dô stach der künic von Aragun
;;;74;6;;den alten Utrapandragun
;;;74;7;;Hinder daz ros ûf die plânîe,
;;;74;8;;den künic von Britanie.
;;;74;9;;ez stuont dâ bluomen vil umb in.
;;;74;10;;wê, wie gevüege ich doch bin,
;;;74;11;;daz ich den werden Brituneis
;;;74;12;;sô schône lege vür Kanvoleis,
;;;74;13;;dâ nie getrat villânes vuoz
;;;74;14;;- ob ich daz iu rehte sagen muoz -
;;;74;15;;noch lîhte niemer dâ geschiht.
;;;74;16;;er endorfte sîn besezzen niht
;;;74;17;;ûf dem rosse, aldâ er saz.
;;;74;18;;niht langer man sîn dô vergaz;
;;;74;19;;in beschutten, die ob ime dâ striten.
;;;74;20;;dâ wart grôz hurten niht vermiten.
;;;74;21;;dô kam der künic von Ponturteis.
;;;74;22;;der wart alhie vor Kanvoleis
;;;74;23;;gevellet ûf sînes rosses slâ,
;;;74;24;;daz er dâr hinder lac aldâ.
;;;74;25;;daz tet der stolze Gahmuret.
;;;74;26;;wetâ, hêr, wetâ wet!
;;;74;27;;mit strîte vunden si geweten.
;;;74;28;;sîner muomen sun Kaileten,
;;;74;29;;den viengen Ponturteise.
;;;74;30;;dâ wart vil rîch diu reise.
;;;75;1;;dô der künic Brandelidelin
;;;75;2;;wart gezucket von den sîn,
;;;75;3;;einen andern künic si ouch viengen.
;;;75;4;;dâ liefen und giengen
;;;75;5;;vil manic werder man in îsenwât.
;;;75;6;;den dâ gealûnet wart ir brât
;;;75;7;;mit tuttilen und mit kiulen.
;;;75;8;;ir vel truoc swarze biulen.
;;;75;9;;die helde gehiure
;;;75;10;;dô erwurben quaschiure.
;;;75;11;;ine sage iu niht vür wæhe:
;;;75;12;;dâ was diu riuwe smæhe.
;;;75;13;;die werden twanc diu minne gar,
;;;75;14;;manigen schilt wol gevar
;;;75;15;;und manigen gezimierten helm,
;;;75;16;;des dach was worden dâ der melm.
;;;75;17;;daz velt etwâ geblüemet was.
;;;75;18;;dâ stuont al kurze grüene gras.
;;;75;19;;dâ vielen ûf die werden man,
;;;75;20;;den diu êre ein teil was getân.
;;;75;21;;mîn gir kan solher wünsche doln,
;;;75;22;;daz ich besæze eht ûf dem voln.
;;;75;23;;Dô reit der künec von Zazamanc
;;;75;24;;hin dan, dâ niemen dranc,
;;;75;25;;nâch einem rosse, daz geruowet was.
;;;75;26;;man bant ime abe den adamas
;;;75;27;;niuwen durch des windes luft
;;;75;28;;und anders durch dekeinen guft.
;;;75;29;;man streifete ime abe sîn hersenier.
;;;75;30;;sîn munt was rôt und fier.
;;;76;1;;ein wîp, die ich ê genennet hân,
;;;76;2;;hie kam einer ir kappelân
;;;76;3;;und kleiner junchêrren drî.
;;;76;4;;den riten starke knappen bî.
;;;76;5;;zwêne soumære giengen an ir hant.
;;;76;6;;die boten hete dar gesant
;;;76;7;;diu küniginne Ampflise.
;;;76;8;;ir kappelân was wîse.
;;;76;9;;vil schiere bekante er disen man.
;;;76;10;;in franzois er in gruozte sân:
;;;76;11;;"biensevennus, beas sir,
;;;76;12;;mîner vrouwen und mir.
;;;76;13;;daz ist rêgîne de Franze.
;;;76;14;;die rüeret dîner minnen lanze."
;;;76;15;;einen brief gap er im in die hant,
;;;76;16;;dâr an der hêrre grüezen vant,
;;;76;17;;und ein kleine vingerlîn.
;;;76;18;;daz solte ein wâr geleit sîn,
;;;76;19;;wanne daz enpfienc diu vrouwe
;;;76;20;;von dem von Anschouwe.
;;;76;21;;er neiget, dô er die geschrift an sach.
;;;76;22;;wellet ir nû hœren, wie er sprach?
;;;76;23;;"Mir enbiutet minne und gruoz
;;;76;24;;mîn lîp, dem wart kumbers buoz,
;;;76;25;;sît ich dîner minne enpfant.
;;;76;26;;dîn minne ist slôz und bant
;;;76;27;;mînes herzen und des vröude.
;;;76;28;;dîn minne tuot mich töude.
;;;76;29;;sol mich dîn minne verren,
;;;76;30;;sô muoz mir minne werren.
;;;77;1;;kum wider und nim von mîner hant
;;;77;2;;krône, cepter und ein lant.
;;;77;3;;daz ist mich an erstorben.
;;;77;4;;daz hât dîn minne erworben.
;;;77;5;;habe dir ouch ze soldiment
;;;77;6;;disen rîchen prîsent
;;;77;7;;in den vier soumschrîn.
;;;77;8;;dû solt ouch mîn ritter sîn
;;;77;9;;inme lande ze Waleis
;;;77;10;;vor der houbetstat ze Kanvoleis.
;;;77;11;;in ruoche, obez diu künigîn siht.
;;;77;12;;ez enmac mir vil geschaden niht.
;;;77;13;;ich bin schœner und rîcher
;;;77;14;;und kan ouch minneclîcher
;;;77;15;;minne enpfâhen und minne geben.
;;;77;16;;wiltû nâch werder minne leben,
;;;77;17;;sô hab dir mîne krône
;;;77;18;;nâch minne zuo lône."
;;;77;19;;An disem brieve  niht mêre vant.
;;;77;20;;sîn hersenier eines knappen hant
;;;77;21;;wider ûf sîn houbet zôch.
;;;77;22;;Gahmureten trûren vlôch.
;;;77;23;;man bant im ûf den adamas,
;;;77;24;;der dicke und herte was.
;;;77;25;;er wolte sich arbeiten.
;;;77;26;;die boten hiez er leiten
;;;77;27;;durch ruowen underz pavelûn.
;;;77;28;;wâ gedrenge was, dâ macht er rûn.
;;;77;29;;dirre verlôs, einer gewan.
;;;77;30;;dâ mohte erholn sich ein man,
;;;78;1;;hete er versuonet sîne tât.
;;;78;2;;al hie was genuoger rât.
;;;78;3;;si solten justieren,
;;;78;4;;dort mit rotten punieren.
;;;78;5;;si geloubeten sich der sliche,
;;;78;6;;die man heizet vriundes stiche.
;;;78;7;;heimlîch gevaterschaft
;;;78;8;;wart dâ zervüeret mit kraft.
;;;78;9;;dâ wart diu krumbe selten sleht.
;;;78;10;;man sprach dâ wênic ritters reht.
;;;78;11;;wer iht gewan, der hete ime daz.
;;;78;12;;er enruochte, het es der ander haz.
;;;78;13;;si wâren von manigen landen,
;;;78;14;;die dâ mit ir handen
;;;78;15;;schiltes ambet worhten
;;;78;16;;und schaden wênic vorhten.
;;;78;17;;aldâ wart von Gahmurete
;;;78;18;;geleistet Ampflisen bete,
;;;78;19;;daz er ir ritter wære.
;;;78;20;;ein brief sagete ime daz mære.
;;;78;21;;âvoy, nû wart er lâzen ane!
;;;78;22;;ob minne und ellen in des mane?
;;;78;23;;grôziu liebe und starkiu triuwe
;;;78;24;;sîn kraft im vrumte al niuwe.
;;;78;25;;nû sach er, wâ der künic Lot
;;;78;26;;sînen schilt gegen der herte bôt.
;;;78;27;;der was umbe nâch gewant.
;;;78;28;;daz werte Gahmuretes hant.
;;;78;29;;mit herte er den poinder brach.
;;;78;30;;den künic von Aragun er stach
;;;79;1;;hinder daz ros mit einem rôr.
;;;79;2;;der künic hiez Schaffillor.
;;;79;3;;daz sper was sunder banier,
;;;79;4;;dâ mite er valete den degen fier.
;;;79;5;;er hete ez brâht von der heidenschaft.
;;;79;6;;die sîne werten in mit kraft.
;;;79;7;;doch vienc er den werden man.
;;;79;8;;die inren tâten die ûzeren sân
;;;79;9;;vaste rîten ûf daz velt.
;;;79;10;;ir vesperîe gap strîtes gelt.
;;;79;11;;ez mohte sîn ein turnei,
;;;79;12;;wanne dâ lac manic sper enzwei.
;;;79;13;;Dô begunde zürnen Lehelin:
;;;79;14;;"sullen wir sus entêret sîn
;;;79;15;;von dem, der anker treit?
;;;79;16;;unser eintweder den andern leit
;;;79;17;;noch hiute, dâ er unsanfte liget.
;;;79;18;;si habent uns vil nâch an gesiget."
;;;79;19;;ir hurten gap in rûmes vil.
;;;79;20;;dô gienc ez ûz er kinde spil.
;;;79;21;;si vohten mit ir henden,
;;;79;22;;daz den walt begunde swenden.
;;;79;23;;diz was glîch ir beider ger.
;;;79;24;;sperâ, hêrre, sperâ, hêr!
;;;79;25;;doch muose eht dulden Lehelin
;;;79;26;;einen schamelîchen pîn.
;;;79;27;;in stach der künic von Zazamanc
;;;79;28;;hinder daz ros wol spere lanc,
;;;79;29;;daz in ein rôr geschiftet was.
;;;79;30;;sîne sicherheit er an sich las.
;;;80;1;;doch læse ich sanfter süeze birn,
;;;80;2;;wie die ritter vor ime nider rirn.
;;;80;3;;der krîge dô vil maniger wielt,
;;;80;4;;wer vor sîner juste hielt:
;;;80;5;;"hie kumt der anker, fîâ fî!"
;;;80;6;;zegegen kam im gehurtet bî
;;;80;7;;ein vürste ûz Anschouwe
;;;80;8;;- diu riuwe was sîn vrouwe -
;;;80;9;;mit ûf gekêrter spitze.
;;;80;10;;daz lêrt in jâmers witze.
;;;80;11;;diu wâpen er erkante.
;;;80;12;;wâr umbe er von im wante?
;;;80;13;;wellet ir, ich bescheide iuch des.
;;;80;14;;si gap der stolze Galoes,
;;;80;15;;fili rois Gandin,
;;;80;16;;der vil getriuwe bruoder sîn,
;;;80;17;;dâ vor, unz ime diu minne erwarp,
;;;80;18;;daz er an einer just erstarp.
;;;80;19;;dô bant er abe sînen helm.
;;;80;20;;wederz gras noch den melm
;;;80;21;;sîn strît dô niht mêre bante.
;;;80;22;;grôz jâmer in des mante.
;;;80;23;;mit sînem sinne er bâgete,
;;;80;24;;daz er niht ê gevrâgete
;;;80;25;;Kaileten, sîner muomen sun,
;;;80;26;;waz sîn bruoder wolte tuon,
;;;80;27;;daz er niht turnierte hie.
;;;80;28;;daz enweiz er leider reht, wie
;;;80;29;;er starp vor Munnthori.
;;;80;30;;dâ vor was im ein kumber bî.
;;;81;1;;des twanc in werdiu minne
;;;81;2;;einer rîchen küniginne.
;;;81;3;;diu kam ouch sît nâch ime in nôt.
;;;81;4;;si lac an klagenden triuwen tôt.
;;;81;5;;wie Gahmuret wær ouch mit klage,
;;;81;6;;doch het er an dem halben tage
;;;81;7;;gevrumt sô vil der sper enzwei.
;;;81;8;;wære worden der turnei,
;;;81;9;;sô wære verswendet der walt.
;;;81;10;;geverwet hundert im wâren gezalt,
;;;81;11;;diu gar vertet der fiere.
;;;81;12;;sîne liehten baniere
;;;81;13;;wâren den krîiereren worden.
;;;81;14;;daz was wol in ir orden.
;;;81;15;;dô reit er gegen dem pavelûn.
;;;81;16;;der Wâleisinne garzûn
;;;81;17;;huop sich nâch ime ûf die vart.
;;;81;18;;der tiure wâpenroc ime wart
;;;81;19;;durchstochen und verhouwen.
;;;81;20;;den truoc er vür die vrouwen.
;;;81;21;;er was von golde dannoch guot.
;;;81;22;;er gleste als ein glüende gluot.
;;;81;23;;dâr an kôs man rîcheit.
;;;81;24;;dô sprach diu künigîn gemeit:
;;;81;25;;"dich hât ein werdez wîp gesant
;;;81;26;;bî disem ritter in diz lant.
;;;81;27;;Nû mant mich diu vuoge mîn,
;;;81;28;;daz die andern niht verkrenket sîn,
;;;81;29;;die diu âventiure brâhte dar.
;;;81;30;;ieglîcher nam mînes wunsches war,
;;;82;1;;wanne si sint mir alle sippe
;;;82;2;;von dem Adames rippe.
;;;82;3;;doch wæne ich, Gahmuretes tât
;;;82;4;;den hœhesten prîs erworben hât."
;;;82;5;;die anderen tâten ritterschaft
;;;82;6;;mit sô bewanter zornes kraft,
;;;82;7;;daz si ez wielken vaste in die naht.
;;;82;8;;die inren heten die ûzern brâht
;;;82;9;;mit strîte unz an ir pavelûn,
;;;82;10;;niwan der künic von Ascalun
;;;82;11;;und Morolt von Irlant,
;;;82;12;;durch die snüere in wær gerant.
;;;82;13;;das gewunnen und verlorn.
;;;82;14;;genuoge heten schaden erkorn,
;;;82;15;;die anderen prîs und êre.
;;;82;16;;nû ist zît, daz man si kêre
;;;82;17;;von ein ander. niemen hie gesiht,
;;;82;18;;der pfender wert si liehtes niht.
;;;82;19;;wer solte ouch vinsterlîche spiln?
;;;82;20;;es mac die müeden gar beviln.
;;;82;21;;Der vinster man vil gar vergaz,
;;;82;22;;dô mic hêrre Gahmuret dort az,
;;;82;23;;als ez wære tac. des enwas ez niht.
;;;82;24;;dâ wanne aber ungevüegiu lieht,
;;;82;25;;von kleinen kerzen manic schoup
;;;82;26;;geleit ûf ölboumes loup.
;;;82;27;;manic kulter rîche
;;;82;28;;gestrecket vlîzeclîche,
;;;82;29;;dâr vür manic teppech breit.
;;;82;30;;diu künegîn an die snüere reit
;;;83;1;;mit maniger werden vrouwen.
;;;83;2;;si wolte gerne schouwen
;;;83;3;;den werden künic von Zazamanc.
;;;83;4;;vil müeder ritter nâch ir dranc.
;;;83;5;;diu tischlachen wâren ab genomen,
;;;83;6;;ê si in daz pavelûn wære komen.
;;;83;7;;ûf spranc der wirt schiere
;;;83;8;;und gevangener künige viere.
;;;83;9;;den vuor ouch etlîch vürste mite.
;;;83;10;;dô enpfienc er si nâch zühte site.
;;;83;11;;er geviel ir wol, dô si in gesach.
;;;83;12;;diu Waleisinne mit vröuden sprach:
;;;83;13;;"ir sît hie wirt, dâ ich iuch mant,
;;;83;14;;sô bin ich wirtinne über daz lant.
;;;83;15;;ruochet irs, daz ich iuch küssen sol,
;;;83;16;;daz ist mit mînem willen wol."
;;;83;17;;er sprach: "iuwer kus sol wesen mîn,
;;;83;18;;sullen die hêrren geküsset sîn.
;;;83;19;;sol künic, vürste des enbern,
;;;83;20;;sô getar ouch ichs von iu niht gern."
;;;83;21;;
;;;83;22;;
;;;83;23;;si kusten, die es dâ wâren wert.
;;;83;24;;des hete Gahmuret gegert.
;;;83;25;;Er bat sitzen die künigîn.
;;;83;26;;mîn hêrre Brandelidelin
;;;83;27;;mit zühten zuo der vrowen saz.
;;;83;28;;grüene bin ichs, von touwe naz,
;;;83;29;;dünne ûf die teppiche wâren geströuwet,
;;;83;30;;dâ saz ûf, des sich hie vröuwet,
;;;84;1;;diu werde Waleisinne.
;;;84;2;;si twanc iedoch sîn minne.
;;;84;3;;er saz vür si sô nâhe nider,
;;;84;4;;daz si in begreif und zôch in wider
;;;84;5;;anderhalp vaste an ir lîp.
;;;84;6;;si was ein maget, niht ein wîp,
;;;84;7;;diu in sô nâhen sitzen liez.
;;;84;8;;wollet ir nû hœren, wie si hiez?
;;;84;9;;si hiez diu künigîn Herczeloide.
;;;84;10;;ir base hiez Ritschoide,
;;;84;11;;die hete der künic Kailet.
;;;84;12;;des muomen sun was Gahmuret.
;;;84;13;;vrowe Herczeloide gap den schîn,
;;;84;14;;wæren erloschen gar die kerzen sîn,
;;;84;15;;dâ wære doch lieht von ir genuoc.
;;;84;16;;wanne daz grôz jâmer undersluoc
;;;84;17;;die hœhe an sîner vröude breit,
;;;84;18;;sîn minne wær ir vil bereit.
;;;84;19;;si sprâchen gruoz nâch zühte kür.
;;;84;20;;bî einer wîle giengen schenken vür
;;;84;21;;mit gezierde von Azagouc,
;;;84;22;;dâr an grôz rîcheit niemen trouc.
;;;84;23;;die truogen junchêrren în.
;;;84;24;;daz muosen tiure nepfe sîn
;;;84;25;;von edelem gesteine,
;;;84;26;;grôz, niht ze kleine.
;;;84;27;;si wâren alle sunder golt.
;;;84;28;;ez was des lantzinses solt,
;;;84;29;;daz Ysenhart vil dicke bôt
;;;84;30;;vrouwen Belakanen vür grôze nôt.
;;;85;1;;dô bôt man in daz trinken dar
;;;85;2;;in manigen steinen wol gevar,
;;;85;3;;smaragte und sardîn.
;;;85;4;;etslîcher was ein rubîn.
;;;85;5;;Vür die pavelûne dô reit
;;;85;6;;zwêne ritter ûf ir sicherheit.
;;;85;7;;die wâren hin ûz gevangen
;;;85;8;;und kômen her în gegangen.
;;;85;9;;daz eine, daz was Kailet.
;;;85;10;;der sach den künic Gahmuret
;;;85;11;;sitzen, als er wære unvrô.
;;;85;12;;er sprach: "wie gebârest dû sô?
;;;85;13;;dîn brîs ist doch dâr vür erkant,
;;;85;14;;vrowen Herczeloiden und ir lant
;;;85;15;;hât dîn lîp errungen.
;;;85;16;;des jehent hie die zungen.
;;;85;17;;ez sî Britun oder irisch man
;;;85;18;;oder wer hie welsche sprâche kan,
;;;85;19;;Franzois oder Brabant,
;;;85;20;;die jehent und volgent dîner hant,
;;;85;21;;dir enkome an sô bewanten ziln
;;;85;22;;glîch niemen hie geziln.
;;;85;23;;des lise ich hie den wâren brief.
;;;85;24;;dîn kraft mit ellen dô niht slief,
;;;85;25;;dô dise hêrren kômen in nôt,
;;;85;26;;der hant nie sicherheit gebôt:
;;;85;27;;mîn hêrre Brandelidelin
;;;85;28;;und der küene Lehelin,
;;;85;29;;Hardiz und Schaffillor.
;;;85;30;;owî, Razalic, der môr,
;;;86;1;;dem dû vor Patelamunt
;;;86;2;;tæte ouch fîanze kunt.
;;;86;3;;des gerte dîn prîs an strîte
;;;86;4;;der hœhe und ouch der wîte."
;;;86;6;;er sprach: "sît dû mich alsô lobest,
;;;86;5;;mîn vrouwe mac wænen, daz dû tobest.
;;;86;7;;dû maht mich doch verkoufen niht,
;;;86;8;;wanne etwer wandel an mir siht.
;;;86;9;;dînem munde ist lobes vil vernomen.
;;;86;10;;sage eht, wie bistû widerkomen?"
;;;86;11;;"Diu werde diet von Ponturteis
;;;86;12;;hât mich und disen Schamponeis
;;;86;13;;ledic lâzen überal.
;;;86;14;;Morolt, der mînen neven stal,
;;;86;15;;von dem sol er ledic sîn,
;;;86;16;;mac mîn hêrre Brandelidelin
;;;86;17;;ledic sîn von dîner hant.
;;;86;18;;wir sîn noch anders beide pfant,
;;;86;19;;ich und mîner swester sun.
;;;86;20;;dû solt an uns gnâde tuon.
;;;86;21;;ein vesperîe ist hie erliten.
;;;86;22;;daz turnieren wirt vermiten
;;;86;23;;an dirre zît vor Kanvoleiz.
;;;86;24;;die rehten wârheit ich des weiz,
;;;86;25;;wand diu ûzere herte sitzet hie.
;;;86;26;;nû sprich eht, wâ oder wie
;;;86;27;;mohtens uns vor gehalten?
;;;86;28;;dû maht vil prîses walten."
;;;86;29;;diu künigîn sprach zuo Gahmurete:
;;;86;30;;"vernemet, hêrre, mîne bete:
;;;87;1;;"Waz mînes rehtes an iu sî,
;;;87;2;;dâ solt ir mich lâzen bî.
;;;87;3;;dar zuo mîn dienst gnâden gert.
;;;87;4;;wird ich der bete hie gewert,
;;;87;5;;sol iu daz prîs verkrenken,
;;;87;6;;sô lât mich vürder wenken."
;;;87;7;;der küniginne Ampflisen,
;;;87;8;;der kiuschen und der wîsen,
;;;87;9;;ûf spranc dâr balde ir kappelân.
;;;87;10;;er sprach: "niht! in sol ze rehte hân
;;;87;11;;mîn vrowe, diu mich in diz lant
;;;87;12;;nâch sîner minne hât gesant.
;;;87;13;;diu lebet nâch ime ins lîbes zer.
;;;87;14;;ir minne hât  im gewer.
;;;87;15;;diu sol behalten sînen lîp,
;;;87;16;;wanne si ist vür alliu wîp.
;;;87;17;;hie sint ir boten, vürsten drî,
;;;87;18;;kint vor missewende vrî.
;;;87;19;;der heizet einer Lanczidant,
;;;87;20;;von hôher art ûz Grunlant.
;;;87;21;;er ist ze Kerlingen komen
;;;87;22;;und hât die sprâche an sich genomen.
;;;87;23;;der ander heizet Leidarz
;;;87;24;;fili cons Schiolarz."
;;;87;25;;wer nû der dritte wære,
;;;87;26;;des hœrt ouch ein mære:
;;;87;27;;des muoter, diu Beaflurs,
;;;87;28;;und sîn vater Pamsamurs,
;;;87;29;;die wâren von der selben art;
;;;87;30;;daz kint Liahturteltart.
;;;88;1;;diu liefen alliu driu vür in.
;;;88;2;;si sprâchen: "hêrre, hâstû sin,
;;;88;3;;dir zelt regine de Franze
;;;88;4;;der werden minne schanze,
;;;88;5;;sô maht dû spiln sunder pfant.
;;;88;6;;dîn munt ist kumbers ledic zehant."
;;;88;7;;Dô diu botschaft was vernomen,
;;;88;8;;Kailet, der ê was komen,
;;;88;9;;saz der künigîn under ir mantels ort.
;;;88;10;;hin zuo im sprach si disiu wort:
;;;88;11;;"sage an, ist dir iht mêr geschehen?
;;;88;12;;ich hân slege an dir ersehen."
;;;88;13;;dô begreif in diu gehiure,
;;;88;14;;sîne quaschiure,
;;;88;15;;mit ir linden henden wîz.
;;;88;16;;an den lac gotes vlîz.
;;;88;17;;dô was ime geamsieret
;;;88;18;;und sêre zerquaschieret
;;;88;19;;hiufel, kinne und an der nasen.
;;;88;20;;er het der küniginne basen,
;;;88;21;;diu dise êre an ime begienc,
;;;88;22;;daz si in sô nâhe zuo ir gevienc.
;;;88;23;;si sprach nâch zühte lêre
;;;88;24;;hin zuo Gahmurete mêre:
;;;88;25;;"iu biutet vaste ir minne
;;;88;26;;diu werde Franzoisinne.
;;;88;27;;nû êret an mir alliu wîp
;;;88;28;;und lât ze rehte mînen lîp.
;;;88;29;;sît hie, unz ich mîn reht geneme.
;;;88;30;;ir lâzet anders mich in scheme."
;;;89;1;;daz lobete ir der werde man.
;;;89;2;;si nam urloup, dô vuor si dan.
;;;89;3;;si huop Kailet, der degen wert,
;;;89;4;;sunder schemel ûf ir pfert
;;;89;5;;und gienc von ir hin wider în,
;;;89;6;;aldâ er sach die vröude sîn.
;;;89;7;;er sprach ze Hardize:
;;;89;8;;"iuwer swester Alize
;;;89;9;;mir minne bôt. die nam ich dâ.
;;;89;10;;diust nû bestatet anderswâ
;;;89;11;;und werdeclîcher danne ze mir.
;;;89;12;;durch iuwer zuht lât zornes gir.
;;;89;13;;si hât der vürste Lambekin.
;;;89;14;;al sullent si niht gekrœnet sîn,
;;;89;15;;si hât doch werdicheit bekant.
;;;89;16;;Hanouwe und Brabant
;;;89;17;;ir dienet und manic ritter guot.
;;;89;18;;kêret mir ze gruoze iuwern muot.
;;;89;19;;lât mich in iuwern hulden sîn
;;;89;20;;und nemet hin wider den dienst mîn."
;;;89;21;;Der künic von Gascone dô sprach,
;;;89;22;;als im sîn manlîch ellen jach:
;;;89;23;;"iuwer rede was ie süeze.
;;;89;24;;wer iuch dâr umbe grüeze,
;;;89;25;;dem ir vil lasters habet getân,
;;;89;26;;der wolte ez doch durch vorhte gelân.
;;;89;27;;mich vienc iuwer muomen suon.
;;;89;28;;der kan an niemen missetuon."
;;;89;29;;"ir werdet wol ledic von Gahmurete.
;;;89;30;;daz sol sîn mîn êrstiu bete.
;;;90;1;;wenne ir denne unbetwungen sît,
;;;90;2;;mîn dienst gelebet noch die zît,
;;;90;3;;daz ir mich zuo einem vriunde nemet.
;;;90;4;;ir möhtet iuch nû wol hân verschemet.
;;;90;5;;waz halt mir von iu geschiht,
;;;90;6;;mich enslüege doch iuwer swester niht."
;;;90;7;;der rede lacheten si überal.
;;;90;8;;dô wart getrüebet in der schal.
;;;90;9;;den wirt sîn triuwe mente,
;;;90;10;;daz er sich wider sente,
;;;90;11;;wanne jâmer ist ein scharfer gart.
;;;90;12;;ir ieglîcher innen wart,
;;;90;13;;daz sîn lîp mit kumber ranc
;;;90;14;;und alliu sîne vröude was ze kranc.
;;;90;15;;dô zurnde sîner muomen suon.
;;;90;16;;er sprach: "dû kanst unvuoge tuon."
;;;90;17;;"nein, ich muoz bî riuwe sîn.
;;;90;18;;ich sene mich nâch der künigîn.
;;;90;19;;ich liez ze Patelamunt
;;;90;20;;- dâ von mir ist mîn herze wunt -
;;;90;21;;in reiner art ein süeze wîp.
;;;90;22;;ir werdiu kiusche mir den lîp
;;;90;23;;nâch ir minne jâmers mant.
;;;90;24;;si gap mir liute und lant.
;;;90;25;;mich tuot vrouwe Belakane
;;;90;26;;manlîcher vröuden âne.
;;;90;27;;ez ist doch vil manlîch,
;;;90;28;;wer minne wankes schamet sich.
;;;90;29;;der vrouwen huote mich ûf bant,
;;;90;30;;dô ich niht ritterschafte vant.
;;;91;1;;dô wând ich, daz mich ritterschaft
;;;91;2;;neme von ungemüetes kraft.
;;;91;3;;der hân ich hie ein teil getân.
;;;91;4;;nû wænet man ungewisser man,
;;;91;5;;daz mich ir swerze jagete dan.
;;;91;6;;die sach ich vür die sunnen an.
;;;91;7;;ir wîplîch prîs mir vüeget leit.
;;;91;8;;si ist ein buckel ob der werdicheit.
;;;91;9;;ganz und daz ander muoz ich sagen:
;;;91;10;;ich sach mînes bruoder wâpen tragen
;;;91;11;;mit ûf gekêrtem orte."
;;;91;12;;ouwê mir dirre worte!
;;;91;13;;Daz mære wart dô jâmerlîch.
;;;91;14;;von swerze wurden diu ougen rîch
;;;91;15;;dem werden Spanole.
;;;91;16;;er sprach: "ouwê, küniginne Fole,
;;;91;17;;durch dîne minne gap den lîp
;;;91;18;;Galoes, den elliu wîp
;;;91;19;;von herzen klagen solten
;;;91;20;;mit triuwen, ob si wolten,
;;;91;21;;daz ir site bræhte
;;;91;22;;lop, wâ mans gedæhte.
;;;91;23;;küniginne von Averre,
;;;91;24;;wie lützel ez dir werre,
;;;91;25;;den mâc ich doch durch dich verlôs,
;;;91;26;;der ritterlîchen ende kôs
;;;91;27;;von einer just, diu in sluoc,
;;;91;28;;der dîn kleinœte truoc.
;;;91;29;;vürsten, die gesellen sîn,
;;;91;30;;tuont herzelîchen ir klage schîn.
;;;92;1;;si habent ir schiltes breite
;;;92;2;;nâch jâmers geleite
;;;92;3;;zer erden gekêret.
;;;92;4;;grôz trûren si daz lêret.
;;;92;5;;alsus tuont si ritterschaft.
;;;92;6;;si sint beladen mit jâmers kraft,
;;;92;7;;sît Galoes, mîner muomen sun,
;;;92;8;;nâch mînem dienst niht solte tuon."
;;;92;9;;dô er vernam des bruoder tôt,
;;;92;10;;Daz was sîn ander herzenôt.
;;;92;11;;mit jâmer sprach er disiu wort:
;;;92;12;;"wie hât nû mînes ankers ort
;;;92;13;;in riuwe ergriffen landes habe!"
;;;92;14;;der wâpen tet er sich dô abe.
;;;92;15;;sîn riuwe ime hertes kumbers jach.
;;;92;16;;der helt mit wâren triuwen sprach:
;;;92;17;;"von Anschouwe Galoes,
;;;92;18;;vürbaz darf niemen vrâgen des,
;;;92;19;;ez enwart nie manlîcher zuht
;;;92;20;;geborn. der minne vruht
;;;92;21;;ûz dînem herzen blüete.
;;;92;22;;nû erbarmet mich dîn güete."
;;;92;23;;er sprach zuo Kailete:
;;;92;24;;"wie gehabet sich Schoiete,
;;;92;25;;mîn muoter vröuden arme?"
;;;92;26;;"sô daz ez got erbarme!
;;;92;27;;dô ir erstarp Gandin
;;;92;28;;und Galoes, der bruoder dîn,
;;;92;29;;und dô si den bî dir niht sach,
;;;92;30;;der tôt ouch ir daz herze brach."
;;;93;1;;dô sprach der künec Hardiz:
;;;93;2;;"nû kêret an manheit iuweren vlîz.
;;;93;3;;ob ir manheit kunnet tragen,
;;;93;4;;sô sollet ir leit ze mâze klagen."
;;;93;5;;sîn kumber leider was zuo grôz.
;;;93;6;;ein güsse ime von den ougen vlôz.
;;;93;7;;er schuof den rittern ir gemach
;;;93;8;;und gienc, dâ er sîne kameren sach,
;;;93;9;;ein kleine gezelt von samît.
;;;93;10;;die naht er dolte jâmers zît.
;;;93;11;;Als der ander tac erschein,
;;;93;12;;si wurden alle des in ein,
;;;93;13;;die inren und daz ûzer her,
;;;93;14;;wer dâ mit strîteclîcher wer
;;;93;15;;wære, junc oder alt
;;;93;16;;oder blœde oder balt,
;;;93;17;;die ensolten justieren niht.
;;;93;18;;dô schein der mitte morgen lieht.
;;;93;19;;si wâren mit strîte wol verriben
;;;93;20;;und diu ros mit sporn als übertriben,
;;;93;21;;daz die vrechen ritterschaft
;;;93;22;;ie dannoch twanc der müede kraft.
;;;93;23;;diu künigîn reit dô selbe
;;;93;24;;nâch den werden hin ze velde
;;;93;25;;und brâhte si mit ir in die stat.
;;;93;26;;die besten si dort inne bat,
;;;93;27;;daz si zer Lewe plane riten.
;;;93;28;;dô enwart ir bete niht vermiten.
;;;93;29;;si kâmen, dâ man messe sanc
;;;93;30;;dem trûrigen künic von Zazamanc,
;;;94;1;;und als der benediz daz wart getân,
;;;94;2;;dô kam vrouwe Herczeloide sân.
;;;94;3;;an Gahmuretes lîp si sprach.
;;;94;4;;si gerte, als ir diu volge jach.
;;;94;5;;dô sprach er: "vrowe, ich hân ein wîp.
;;;94;6;;diu ist mir lieber danne der lîp.
;;;94;7;;ob ich der âne wære,
;;;94;8;;dannoch wuste ich ein mære,
;;;94;9;;dâ mite ich iu enbræste gar,
;;;94;10;;næme ieman mînes rehtes war."
;;;94;11;;Si sprach: "ir sullet die mœrinne
;;;94;12;;lân durch mîne minne.
;;;94;13;;des toufes segen hât bezzer kraft.
;;;94;14;;nû ânet iuch der heidenschaft
;;;94;15;;und minnet mich nâch mîner ê,
;;;94;16;;wanne mir ist nâch iuwer minne wê.
;;;94;17;;oder sol mir gegen iu schade sîn
;;;94;18;;der Franzoiser künigîn,
;;;94;19;;der boten sprâchen süeziu wort?
;;;94;20;;si spilten ir mære unz an den ort."
;;;94;21;;"jâ, diu ist mîniu wâre vrouwe.
;;;94;22;;ich brâhte in Anschouwe
;;;94;23;;ir rât und mîner zühte site.
;;;94;24;;mir wonet noch hiute ir helfe mite
;;;94;25;;dâ von, daz mich mîn vrouwe zôch,
;;;94;26;;die wîbes missewende ie vlôch.
;;;94;27;;wir wâren beidiu kinder dô
;;;94;28;;und doch ze sehene ein ander vrô.
;;;94;29;;diu künigîn Ampflise
;;;94;30;;wont an wîplîchem prîse.
;;;95;1;;mir gap diu gehiure
;;;95;2;;von irme lande die beste stiure.
;;;95;3;;ich was dô armer denne nû.
;;;95;4;;dô greif ich williclîchen zuo.
;;;95;5;;man zelt mich noch vür armen.
;;;95;6;;ich solte iuch, vrouwe, erbarmen.
;;;95;7;;mir ist mîn bruoder tôt.
;;;95;8;;durch iuwer zuht lât mich âne nôt.
;;;95;9;;kêret minne, dâ vröude sî,
;;;95;10;;wand mir wonet niht wan jâmer bî."
;;;95;11;;"lât mich den lîp niht langer zern.
;;;95;12;;saget an, wâ mite wellet ir iuch wern?"
;;;95;13;;"ich sage nâch iuwerre vrâge ger.
;;;95;14;;ez was ein turnei dâ her
;;;95;15;;gesprochen, des enwart hie niht.
;;;95;16;;manic getwerc mir des giht."
;;;95;17;;"den hât ein vesperîe erlemet.
;;;95;18;;die vrechen sint hie gezemet,
;;;95;19;;daz  turnei dâ von verdarp."
;;;95;20;;"iuwerre stete wer ich warp
;;;95;21;;mit den, die daz guot hânt getân.
;;;95;22;;ir sullet mich nôtrede erlân.
;;;95;23;;ez tet hie manic ritter baz.
;;;95;24;;iuwer reht ist gegen mir laz.
;;;95;25;;niuwen iuwer gemeiner gruoz,
;;;95;26;;ob ich den von iu enpfâhen muoz."
;;;95;27;;Als mir diu âventiure saget,
;;;95;28;;dô nam der ritter und diu maget
;;;95;29;;einen rihtære über der vrowen klage.
;;;95;30;;dô nâhete ez dem mittage.
;;;96;1;;man sprach ein urteil zehant:
;;;96;2;;"welch ritter helm hie ûf bant,
;;;96;3;;der her nâch ritterschaft ist komen,
;;;96;4;;hât er den brîs alhie genomen,
;;;96;5;;den sol diu küniginne hân."
;;;96;6;;dar nâch diu volge wart getân.
;;;96;7;;dô sprach si: "hêrre, nû sît ir mîn.
;;;96;8;;ich tuon iu dienst nâch hulden schîn
;;;96;9;;und vüege iu solicher vröude teil,
;;;96;10;;daz ir nâch jâmer werdet geil."
;;;96;11;;er hete iedoch noch jâmerpîn.
;;;96;12;;dô was des aberellen schîn
;;;96;13;;zergangen. dar nâch komen was
;;;96;14;;durch daz kleine, grüene gras.
;;;96;15;;daz velt was gar vergrüenet,
;;;96;16;;daz blœdiu herzen küenet
;;;96;17;;und in gît hôchgemüete.
;;;96;18;;vil boume stuont in blüete
;;;96;19;;von dem süezen luft des meien.
;;;96;20;;sîn art von der feien
;;;96;21;;muose minnen oder minne gern.
;;;96;22;;des wolte in vriunden dâ gewern.
;;;96;23;;an vrouwen Herczeloiden er dô sach.
;;;96;24;;sîn süezer munt mit zühten sprach:
;;;96;25;;"vrouwe, sol ich mit iu genesen,
;;;96;26;;sô lât mich âne huote wesen.
;;;96;27;;wan verlât mich iemer jâmers kraft,
;;;96;28;;sô tæte ich gerne ritterschaft.
;;;96;29;;lât ir niht turnieren mich,
;;;96;30;;sô kan ich noch den alten slich,
;;;97;1;;alsô dô ich mînem wîp entran,
;;;97;2;;die ich ouch mit ritterschaft gewan.
;;;97;3;;dô si mich ûf von strîte bant,
;;;97;4;;ich liez si, ir liute und lant."
;;;97;5;;si sprach: "hêrre, nemt iu ein zil.
;;;97;6;;ich lâze iu iuweres willen vil."
;;;97;7;;"ich wil vrumen noch vil der sper in zwei.
;;;97;8;;aller mânôde gelîch einen turnei,
;;;97;9;;des sullet ir, vrouwe, ruochen,
;;;97;10;;daz ich den muoze suochen."
;;;97;11;;diz lobete si, wart mir gesaget.
;;;97;12;;er enpfienc diu lant und die maget
;;;97;13;;Disiu driu junchêrrelîn
;;;97;14;;Ampflisen, der künigîn,
;;;97;15;;hie stuonden und ir kappelân,
;;;97;16;;dâ volge und urteil wart getân.
;;;97;17;;dô daz der kappelân gesach,
;;;97;18;;heimlîche er Gahmureten sprach:
;;;97;19;;"man tet mîner vrouwen kunt,
;;;97;20;;
;;;97;21;;den hœhesten prîs behieltet
;;;97;22;;und dâ zweier krône wieltet.
;;;97;23;;si hât ouch lant und muot
;;;97;24;;und gibt iu lîp und guot."
;;;97;25;;er sprach: "dô si mir gap ritterschaft,
;;;97;26;;dô muos ich nâch der ordens kraft,
;;;97;27;;als mir des schiltes ambet saget,
;;;97;28;;dâ belîben unverzaget.
;;;97;29;;wanne daz ich schilt von ir gewan,
;;;97;30;;ez wære noch anders ungetân.
;;;98;1;;ich wære des trûric oder geil,
;;;98;2;;mich behabet hie ritters urteil.
;;;98;3;;vart wider, saget ir dienest mîn.
;;;98;4;;ich sulle iedoch ir ritter sîn.
;;;98;5;;ob mir alle krône wæren bereit,
;;;98;6;;ich hân nâch ir mîn hœheste leit."
;;;98;7;;er bôt in sîne grôze habe.
;;;98;8;;sîner gâben tâten si sich abe.
;;;98;9;;die boten vuoren ze lande
;;;98;10;;gar âne ir vrouwen schande.
;;;98;11;;sine gerten urloubes niht,
;;;98;12;;als lîhte in zorne noch geschiht.
;;;98;13;;ir knebelîn, der vürsten kint,
;;;98;14;;wâren von weinen vil nâch blint.
;;;98;15;;Die den schilt verkêret hânt getragen,
;;;98;16;;den begunde man ze velde sagen:
;;;98;17;;"vrouwe Herczeloide, diu künigîn,
;;;98;18;;hât behabet den Anschevin."
;;;98;19;;"wer was von Anschouwe dâ?
;;;98;20;;unser hêrre ist leider anderswâ,
;;;98;21;;durch ritters prîs zen Sarrazin.
;;;98;22;;daz ist nû unser hœhester pîn."
;;;98;23;;"der hie den prîs hât bezalt
;;;98;24;;und sô manigen ritter hât ab gevalt
;;;98;25;;und der sô stach oder sluoc
;;;98;26;;und der tiuren anker truoc
;;;98;27;;ûf dem helm lieht gesteinet,
;;;98;28;;daz ist, den ir dâ meinet.
;;;98;29;;mir sagete der künic Kailet,
;;;98;30;;der Anschevin wære Gahmuret.
;;;99;1;;dem hie ist wol gelungen."
;;;99;2;;nâch den rossen si dô sprungen.
;;;99;3;;ir wât wart von ir ougen naz,
;;;99;4;;dô si kômen, dâ ir hêrre saz.
;;;99;5;;si enpfiengen in, er enpfienc sie.
;;;99;6;;vröude und jâmer, daz was hie.
;;;99;7;;dô kust er die getriuwen.
;;;99;8;;er sprach: "iuch sol niht riuwen
;;;99;9;;zunmâzer wîs der bruoder mîn.
;;;99;10;;ich mac iuch wol ergetzen sîn.
;;;99;11;;kêret ûf den schilt nâch sîner art,
;;;99;12;;gehabet iuch an der vröuden vart!
;;;99;13;;ich sol mînes vater wâpen tragen.
;;;99;14;;sîn lant mîn anker hât beslagen.
;;;99;15;;der anker ist ein recken zil,
;;;99;16;;den trage und neme nû, wer der wil.
;;;99;17;;ich muoz nû lobelîche
;;;99;18;;gebârn. ich bin rîche.
;;;99;19;;wanne solt ich volkes hêrre sîn?
;;;99;20;;den tæte wê der jâmer mîn.
;;;99;21;;vrouwe Herczeloide, helfet mir,
;;;99;22;;daz wir gebieten, ich und ir,
;;;99;23;;küniginne und vürsten, die hie sîn,
;;;99;24;;daz si durch den dienst mîn
;;;99;25;;belîben, unz ir mich gewert,
;;;99;26;;des minnen wert er minnen gert."
;;;99;27;;die bete wart ir beider munt.
;;;99;28;;die werden lobetenz zestunt.
;;;99;29;;iegelîcher vuor an sîn gemach.
;;;99;30;;diu künigîn zuo iren vriunden sprach:
;;;100;1;;"nû habt iuch, hêrre, an mîne pflege."
;;;100;2;;si wîsete in heimlîche wege.
;;;100;3;;Der geste pflac man wol ze vromen,
;;;100;4;;war halt der wirt wære komen.
;;;100;5;;daz gesinde wart gemeine.
;;;100;6;;doch vuor er dan aleine,
;;;100;7;;wan zwei junchêrrelîn.
;;;100;8;;juncvrouwen und diu künigîn
;;;100;9;;in vuorten, dâ er vröuden vant
;;;100;10;;und allez sîn trûren gar verswant.
;;;100;11;;entschumpfieret wart sîn riuwe
;;;100;12;;und sîn hôchgemüete al niuwe.
;;;100;13;;daz muose iedoch in liebe sîn.
;;;100;14;;vrouwe Herczeloide, diu künigîn,
;;;100;15;;ir magetuomes dâ âne wart.
;;;100;16;;die munde wâren ungespart.
;;;100;17;;die begunden si mit küssen zern
;;;100;18;;und dem jâmer von der vröude wern.
;;;100;19;;dar nâch er eine zuht begienc:
;;;100;20;;si wurden ledic, die er dâ vienc.
;;;100;21;;Hardizen unde Kailet,
;;;100;22;;die versuonde Gahmuret.
;;;100;23;;dâ ergienc ein solich hôchzît,
;;;100;24;;wer der hât glîchet sît,
;;;100;25;;des hant iedoch gewaltes pflac.
;;;100;26;;Gahmuret sich des bewac,
;;;100;27;;daz sîn habe wart vil ungespart.
;;;100;28;;arabesch golt geteilet wart
;;;100;29;;arman, rittern algemeine
;;;100;30;;und den künigen edel gesteine
;;;101;1;;teilte Gahmuretes hant
;;;101;2;;und ouch waz er dâ vürsten vant.
;;;101;3;;
;;;101;4;;
;;;101;5;;Lât rîten, wer dâ geste sîn!
;;;101;6;;den gap urloup der Anschevin.
;;;101;7;;daz pantel, daz sîn vater truoc,
;;;101;8;;von zobele ûf sînem schilte man sluoc.
;;;101;9;;al klein, wîz, sîdîn
;;;101;10;;ein hemede der künigîn,
;;;101;11;;als ez ruorte ir blôzen lîp,
;;;101;12;;diu nû was worden sîn wîp,
;;;101;13;;daz was sînes halsberges dach.
;;;101;14;;ahzeheniu man durchstochen sach
;;;101;15;;und mit swerten gar zerhouwen,
;;;101;16;;ê daz er scheide von sîner vrouwen.
;;;101;17;;daz leite ouch si an blôze hût,
;;;101;18;;sô kam von ritterschaft ir trût,
;;;101;19;;der manigen schilt vil durchstach.
;;;101;20;;ir zweier minne triuwen jach.
;;;101;21;;Er hete wirdicheit genuoc,
;;;101;22;;dô in sîn manlîch ellen truoc
;;;101;23;;hin über gegen der herte.
;;;101;24;;mich jâmert sîner verte.
;;;101;25;;im kom ê diu wâre botschaft,
;;;101;26;;sîn hêrre, der bâruc, wære mit kraft
;;;101;27;;überriten von den Babilon.
;;;101;28;;einer hiez Ypomedon,
;;;101;29;;der ander Pompeius.
;;;101;30;;den nennet diu âventiure alsus.
;;;102;1;;daz was ein stolz werder man -
;;;102;2;;niht der von Rome entran
;;;102;3;;Julusse dâ bevor.
;;;102;4;;der künic Nabuchodonosor
;;;102;5;;sîner muoter bruoder was,
;;;102;6;;der an trügelîchen buochen las,
;;;102;7;;er solte selber sîn ein got.
;;;102;8;;daz wære nû der liute spot.
;;;102;9;;ir lîp, ir guot was ungespart.
;;;102;10;;die gebruoder wâren von hôher art,
;;;102;11;;von Nynus, der gewaldes pflac,
;;;102;12;;ê würde gestiftet Baldac.
;;;102;13;;der selbe stiftete ouch Ninive.
;;;102;14;;in tet schade und laster wê.
;;;102;15;;der jach der künic zurborn.
;;;102;16;;des was gewunnen und verlorn
;;;102;17;;genuoc ze beiden sîten.
;;;102;18;;man sach dâ helde strîten.
;;;102;19;;dô schiffete er sich über mer
;;;102;20;;und vant den bâruc mit wer.
;;;102;21;;mit vröuden er enpfangen wart,
;;;102;22;;wie mich jâmert sîner vart.
;;;102;23;;Daz dâ geschæhe, wie ez dort ergê,
;;;102;24;;gewin und verlust, wie daz geschê,
;;;102;25;;des enweiz vrouwe Herczeloide niht.
;;;102;26;;diu was alsô diu sunne lieht
;;;102;27;;und hete minneclîchen lîp.
;;;102;28;;rîcheit bî jugende pflac daz wîp
;;;102;29;;und vröuden mêr danne ze vil.
;;;102;30;;si was gar ob dem wunsches zil.
;;;103;1;;si kêrte ir herze an guote kunst.
;;;103;2;;des bejagete si der werde gunst.
;;;103;3;;
;;;103;4;;
;;;103;5;;ir kiusche was vür prîs erkant.
;;;103;6;;küniginne über driu lant,
;;;103;7;;Waleis und Anschouwe,
;;;103;8;;dâr über was si vrouwe.
;;;103;9;;si truoc ouch krône ze Norgals
;;;103;10;;in der houbetstat ze Kingrivals.
;;;103;11;;ir was ouch wol sô liep ir man,
;;;103;12;;obe ie kein vrouwe mêr gewan
;;;103;13;;sô werden vriunt, waz war ir daz?
;;;103;14;;si möhte ez lâzen âne haz.
;;;103;15;;dô er ûze bleip ein halbez jâr,
;;;103;16;;sînes komens warte si vür wâr.
;;;103;17;;daz was ir lîpgedinge.
;;;103;18;;dô brast ir vröuden klinge
;;;103;19;;mitten ime hefte enzwei.
;;;103;20;;owê und heiâ hei,
;;;103;21;;daz minne alsolichen kumber treget
;;;103;22;;und iemer triuwe jâmer reget!
;;;103;23;;alsus vert diu menscheit:
;;;103;24;;hiute liep und morgen leit.
;;;103;25;;Diu vrouwe umb einen mitten tac
;;;103;26;;eines angestlîchen slâfes pflac.
;;;103;27;;ir kam ein vorhtlîcher schric.
;;;103;28;;si dûhte, wie ein sternenblic
;;;103;29;;si gegen den lüften vuorte,
;;;103;30;;dâ si mit kreften ruorte
;;;104;1;;manic viurîn donerstrâle.
;;;104;2;;die vlugen alle ze mâle
;;;104;3;;gegen ir. dô sunkelte und sanc
;;;104;4;;von genstern ir zöpfe lanc.
;;;104;5;;mit kraft gap der doner duz.
;;;104;6;;brinnendige ze hert was sîn guz.
;;;104;7;;ir lîp si dâ nâch wider vant.
;;;104;8;;dô zuckete ein grîfe ir zeswen hant.
;;;104;9;;daz wart verkêret hie mite:
;;;104;10;;si dûhte wunderlîcher site,
;;;104;11;;si wære eines wurmes amme,
;;;104;12;;der sît zervuorte ir wamme,
;;;104;13;;und wie ein trache ir brüste süge
;;;104;14;;und daz der gâhes von ir vlüge,
;;;104;15;;sô daz si in niemer mêr gesach.
;;;104;16;;daz herze er ir ûz dem lîbe brach.
;;;104;17;;die vorhte ir ougen muosen sehen.
;;;104;18;;ez ist selten wîbe mêr geschehen
;;;104;19;;in slâfe kumber dem gelîch.
;;;104;20;;dâ vor was si ritterlîch.
;;;104;21;;ach wen verkêren wir gar!
;;;104;22;;si wirt nâch jâmer hie gevar.
;;;104;23;;ir schade wart lanc und breit.
;;;104;24;;ir nâhent komendiu herzeleit.
;;;104;25;;diu vrouwe begunde,
;;;104;26;;daz si dâ vor niht kunde,
;;;104;27;;beidiu zabeln und wuofen,
;;;104;28;;in slâfe lûte ruofen.
;;;104;29;;vil juncvrouwen sâzen hie,
;;;104;30;;die sprungen dar und wahten sie.
;;;105;1;;Dô kam geriten Tampanis,
;;;105;2;;ir mannes knappen meister wîs,
;;;105;3;;und kleiner junchêrren vil.
;;;105;4;;dâ gienc ez ûz der vröuden zil.
;;;105;5;;die sageten klagende ir hêrren tôt.
;;;105;6;;des kam vrouwe Herczeloide in nôt.
;;;105;7;;si viel hin unversunnen.
;;;105;8;;die ritter sprâchen: "wie ist gewunnen
;;;105;9;;mîn hêrre in sînem harnas,
;;;105;10;;sô wol, als er gewâpent was?"
;;;105;11;;wie den knappen jâmer jagete,
;;;105;12;;den hêrren er doch sagete:
;;;105;13;;"mînen hêrren lebennes lenge vlôch.
;;;105;14;;sîn hersenier von ime er zôch,
;;;105;15;;des twanc in starkiu hitze.
;;;105;16;;generte heidensche witze
;;;105;17;;hât uns verstoln den helt guot.
;;;105;18;;ein ritter hete bockes bluot
;;;105;19;;genomen in ein langez glas.
;;;105;20;;daz sluoc er ûf den adamas.
;;;105;21;;dô wart er weicher dan ein swamp.
;;;105;22;;den man noch mâlet vür daz lamp
;;;105;23;;und ouch daz kriuz in sînen klân,
;;;105;24;;den erbarme, daz dâ wart getân!
;;;105;25;;dô si mit scharn zen andern riten,
;;;105;26;;âvoy, wie dâ wart gestriten!
;;;105;27;;des bâruckes ritterschaft
;;;105;28;;sich werte wol mit ellens kraft.
;;;105;29;;vor Baldac ûf dem gewilde
;;;105;30;;durchstochen wart vil schilte,
;;;106;1;;daz si ze ein ander gâhten.
;;;106;2;;die poinder sich dâ vlâhten,
;;;106;3;;sich wurren die banier.
;;;106;4;;dâ viel manic degen schier.
;;;106;5;;aldâ worhte mînes hêrren hant,
;;;106;6;;dâ von ir aller prîs verswant.
;;;106;7;;dô kam gevarn Ypomedon.
;;;106;8;;mit rede er mînem hêrren lôn
;;;106;9;;gap, daz er in nider stach,
;;;106;10;;daz manic tûsent ritter sach.
;;;106;11;;daz geschach vor Alexandrie.
;;;106;12;;mîn hêrre valsches vrîe
;;;106;13;;gegen dem künige kêrte,
;;;106;14;;des juste in sterben lêrte.
;;;106;15;;sînen helm versneit des spers ort,
;;;106;16;;durch sîn houbet wart gebort,
;;;106;17;;daz man den trunzûn dinnen vant.
;;;106;18;;iedoch gesaz der wîgant.
;;;106;19;;al töuwende er ûz dem strîte reit
;;;106;20;;ûf eine plâne, diu was breit.
;;;106;21;;über in kam sîn kappelân.
;;;106;22;;er sprach mit kurzen worten sân
;;;106;23;;sîne bîhte und sante her
;;;106;24;;diz hemede und daz selbe sper,
;;;106;25;;daz in von uns gescheiden hât.
;;;106;26;;er starp âne alle missetât.
;;;106;27;;junchêrren und die knappen sîn
;;;106;28;;bevalch er der künigîn.
;;;106;29;;er wart geleit ze Baldac.
;;;106;30;;diu koste den bâruc ringe wac.
;;;107;1;;mit golt wol gehêret,
;;;107;2;;grôz rîcheit dran gekêret
;;;107;3;;mit edelem gesteine,
;;;107;4;;dâ inne lît der reine.
;;;107;5;;gebalsemt wart sîn junger rê.
;;;107;6;;vor jâmer wart vil liuten wê.
;;;107;7;;ein tiure rubîn ist der stein
;;;107;8;;ob sînem grabe, dâ durch er schein.
;;;107;9;;uns wart gevolget hie mite:
;;;107;10;;ein kriuze nâch der meister site,
;;;107;11;;alsô uns Kristus tôt erlôste,
;;;107;12;;liez man stôzen ime ze trôste,
;;;107;13;;ze scherme der sêle über daz grap.
;;;107;14;;der bâruc die koste gap.
;;;107;15;;ez was ein tiure smarât.
;;;107;16;;wir tâtenz ân der heiden rât.
;;;107;17;;ir orden kan iht kriuzes pflegen,
;;;107;18;;als Kristus tôt ime liez den segen.
;;;107;19;;ez betent heiden sunder spot
;;;107;20;;an in als ir werden got,
;;;107;21;;niht durch des kriuzes êre
;;;107;22;;noch durch des toufes lêre,
;;;107;23;;der zem urteillîchem ende
;;;107;24;;uns lœsen sol gebende.
;;;107;25;;diu manlîche triuwe sîn
;;;107;26;;gît im ze himele liehten schîn
;;;107;27;;und ouch sîn riuwic bîhte.
;;;107;28;;der valsch was an im sîhte.
;;;107;29;;in sînem helm, den adamas,
;;;107;30;;ein epitafjum ergraben was,
;;;108;1;;versigelt ûf daz kriuze ob dem grabe.
;;;108;2;;sus sagent die buochstabe:
;;;108;3;;"Durch disen helm ein juste sluoc
;;;108;4;;den werden degen, der ellen truoc.
;;;108;5;;Gahmuret was er genant,
;;;108;6;;gewaltic künic über alliu lant.
;;;108;7;;iegelîcher ime der krône jach,
;;;108;8;;dâ rîche vürsten giengen nâch.
;;;108;9;;er was von Anschouwe geborn
;;;108;10;;und hât vor Baldac verlorn
;;;108;11;;den lîp durch den bâruc.
;;;108;12;;sîn prîs gap sô hôhen ruc,
;;;108;13;;daz niemen reichte an sîn zil,
;;;108;14;;wâ man noch ritter brüefen wil.
;;;108;15;;er ist von muoter ungeborn,
;;;108;16;;zuo dem sîn ellen habe gesworn,
;;;108;17;;ich meine, der schiltes ambet hât.
;;;108;18;;helfe und manlîchen rât
;;;108;19;;gap er mit strîte vriunden sîn.
;;;108;20;;er leit durch wîp vil scharpfe pîn.
;;;108;21;;er truoc den touf und Kristen ê.
;;;108;22;;sîn tôt tet Sarrazinen wê,
;;;108;23;;sunder liegen, daz ist wâr.
;;;108;24;;sîner zît versunnenlîchiu jâr
;;;108;25;;sîn ellen sô nâch prîse warp,
;;;108;26;;mit ritterlîchem ende er starp.
;;;108;27;;er hete der valscheit an gesiget.
;;;108;28;;nû wünsch ime heiles, der hie liget."
;;;108;29;;Diz was alsô der knappe jach.
;;;108;30;;Waleise man vil weinen sach.
;;;109;1;;die muosen wol von sünden klagen.
;;;109;2;;dô hete diu vrouwe getragen
;;;109;3;;ein kint, daz in ir lîbe stiez,
;;;109;4;;die man âne helfe ligen liez.
;;;109;5;;ahzehen wochen hete gelebet,
;;;109;6;;des muoter mit dem tôde strebet,
;;;109;7;;vrouwe Herczeloide, diu künigîn.
;;;109;8;;die andern heten kranken sin,
;;;109;9;;daz si niht hulfen dem wîbe,
;;;109;10;;wanne diu truoc in ir lîbe,
;;;109;11;;der aller ritter bluome wirt,
;;;109;12;;ob in sterben hie verbirt.
;;;109;13;;dô kam ein altwîse man
;;;109;14;;durch klage über die vrouwen sân,
;;;109;15;;dâ si mit dem tôde ranc.
;;;109;16;;die zene er ir von ein ander twanc.
;;;109;17;;man gôz ir wazzer in den munt.
;;;109;18;;aldâ wart ir versinnen kunt.
;;;109;19;;si sprach: "owê, war kam mîn trût?"
;;;109;20;;diu vrouwe klagete in überlût:
;;;109;21;;"mînes herzen vröude breit
;;;109;22;;was Gahmuretes wirdicheit.
;;;109;23;;den nam mir sîn vrechiu ger.
;;;109;24;;ich was vil jünger denne er
;;;109;25;;und bin sîn muoter und sîn wîp.
;;;109;26;;ich trage alhie doch sînen lîp
;;;109;27;;und sînes verhes sâmen.
;;;109;28;;den gâben und nâmen
;;;109;29;;unser zweier minne.
;;;109;30;;hât got getriuwe sinne,
;;;110;1;;sô lâz er mir in ze vrühte komen.
;;;110;2;;ich hân doch schaden ze vil genomen
;;;110;3;;an mînem stolzen, werden man.
;;;110;4;;wie hât der tôt ze mir getân!
;;;110;5;;er enpfienc nie wîbes minnen teil,
;;;110;6;;er enwær aller vröuden geil,
;;;110;7;;in muote wîbes riuwe.
;;;110;8;;den riet sîn manlîch triuwe,
;;;110;9;;wanne er was valsches lære."
;;;110;10;;nû hœret ein ander mære,
;;;110;11;;waz diu vrouwe dô begienc.
;;;110;12;;kint und bûch si zuo ir gevienc
;;;110;13;;mit armen und mit henden.
;;;110;14;;si sprach: "mir sol got senden
;;;110;15;;die werden vruht von Gahmurete.
;;;110;16;;daz ist mînes herzen bete.
;;;110;17;;got wende mich tumber nôt.
;;;110;18;;daz wære Gahmuretes ander tôt,
;;;110;19;;ob ich mich selben slüege,
;;;110;20;;die wîle ich bî mir trüege,
;;;110;21;;daz ich von sîner minne enpfienc,
;;;110;22;;der mannes triuwe an mir begienc."
;;;110;23;;diu vrowe enruochte, wer daz sach:
;;;110;24;;daz hemede von der brust si brach.
;;;110;25;;ir brüstel linde unde wîz,
;;;110;26;;dar an si kêrte ir vlîz.
;;;110;27;;si dructe si an ir rôten munt.
;;;110;28;;si tet wîplîche vuore kunt.
;;;110;29;;alsus sprach diu wîse:
;;;110;30;;"dû bist koste eines kindes spîse.
;;;111;1;;die hât ez vor ime her gesant,
;;;111;2;;sît ich ez lebendic ime lîbe vant."
;;;111;3;;diu vrouwe ir willen dâr an sach,
;;;111;4;;daz diu spîse was ir herzen dach,
;;;111;5;;diu milch in ir tüttelîn.
;;;111;6;;die dructe drûz diu künigîn.
;;;111;7;;si sprach: "dû bist von ir nû komen.
;;;111;8;;hete ich des toufes niht genomen,
;;;111;9;;dû wærest wol mînes toufes zil.
;;;111;10;;ich sol mich begiezen vil
;;;111;11;;mit dir und mit den ougen,
;;;111;12;;offenlîche und tougen,
;;;111;13;;wand ich wil Gahmureten klagen."
;;;111;14;;diu vrouwe hiez dar nâher tragen
;;;111;15;;ein hemede nâch bluote var,
;;;111;16;;dâr inne ans bâruckes schar
;;;111;17;;Gahmuret den lîp verlôs,
;;;111;18;;der werlîches ende kôs
;;;111;19;;mit rehter manlîcher ger.
;;;111;20;;owê vrouwe vrâgete ouch nâch dem sper,
;;;111;21;;daz Gahmuret gap dere.
;;;111;22;;Ypomedon von Ninive
;;;111;23;;gap alsus werlîchen lôn,
;;;111;24;;der stolze, werde Babilon.
;;;111;25;;daz hemede ein hader was von slegen.
;;;111;26;;diu vrouwe wolt ez an sich legen,
;;;111;27;;als si dâ vor hete getân,
;;;111;28;;sô kam von ritterschaft ir man.
;;;111;29;;dô nâmen si daz ir ûz der hant.
;;;111;30;;die besten über alliu lant
;;;112;1;;bestatten sper und ouch daz bluot
;;;112;2;;ze münster, sô man tôten tuot.
;;;112;3;;in Gahmuretes lande
;;;112;3;1;
;;;112;3;2;
;;;112;3;3;
;;;112;4;;man jâmer dô bekande.
;;;112;5;;dan über den vierzehenden tac
;;;112;6;;diu vrouwe eines kindelînes gelac,
;;;112;7;;eines sunes, der solicher glide was,
;;;112;8;;daz si vil kûme sîn genas.
;;;112;9;;hie ist der âventiure wurf gespilt
;;;112;10;;und ir begin ist gezilt,
;;;112;11;;wan er ist aller êrst geborn,
;;;112;12;;dem diz mære wart erkorn.
;;;112;13;;sînes vater vröude und die nôt,
;;;112;14;;beide sîn leben und sînen tôt,
;;;112;15;;des habet ir wol ein teil vernomen.
;;;112;16;;nû wizzet, wâ von iu sî komen
;;;112;17;;dises mæres sachwalte
;;;112;18;;und wie man den behalte.
;;;112;19;;man barc in von ritterschaft,
;;;112;20;;ê er wære komen an sîner witze kraft.
;;;112;20;1;
;;;112;20;2;
;;;112;20;3;
;;;112;20;4;
;;;112;20;5;
;;;112;20;6;
;;;112;21;;dô diu künigîn sich versan
;;;112;22;;und ir kindelîn wider zuo ir gewan,
;;;112;23;;si und andere vrouwen
;;;112;24;;begunden in allenthalben schouwen,
;;;112;24;1;
;;;112;24;2;
;;;112;24;3;
;;;112;24;4;
;;;112;25;;zwischen den beinen sîn visellîn.
;;;112;26;;er muose vil getriutet sîn,
;;;112;27;;daz er hete manlîchiu lit.
;;;112;28;;er wart mit swerten sît ein smit;
;;;112;29;;vil viures er von helmen sluoc.
;;;112;30;;sîn herze manlîch ellen truoc.
;;;113;1;;die küniginne des geluste,
;;;113;2;;daz si in vil dicke kuste.
;;;113;2;1;
;;;113;3;;si sprach hin zuo ime in allen vlîz:
;;;113;4;;"bonfiz, gerafiz, bêâfiz."
;;;113;5;;dô nam si ouch dicke sunder twâl
;;;113;6;;diu rôten velwelohten mâl;
;;;113;7;;ich meine ir tüttels gränselîn,
;;;113;8;;daz schoup si ime in sîn vlänselîn.
;;;113;9;;si was selber sîn amme,
;;;113;10;;diu in truoc in ir wamme.
;;;113;11;;an ir brüste si in zôch,
;;;113;12;;diu wîbes missewende vlôch.
;;;113;13;;si dûhte, si hete Gahmureten
;;;113;14;;wider an ir arm erbeten.
;;;113;15;;si kêrte sich niht an lôsheit.
;;;113;16;;ir was diu diemuot bereit.
;;;113;17;;vrouwe Herczeloide sprach mit sinne:
;;;113;18;;"diu hœheste küniginne
;;;113;19;;Jhesus ir brüste bôt,
;;;113;20;;der sît durch uns vil scharfen tôt
;;;113;21;;an dem kriuze menschlîch enpfienc
;;;113;22;;und sîne triuwe an uns begienc.
;;;113;23;;wes lîp sînen zorn erringet,
;;;113;24;;des sêle unsanfte dinget,
;;;113;25;;wie kiusche er sî und wære.
;;;113;26;;des weiz ich wâriu mære."
;;;113;27;;sich begôz des landes vrouwe
;;;113;28;;mit ir herzen jâmers touwe.
;;;113;29;;ir ougen regende ûf den knaben.
;;;113;30;;si kunde wîbes triuwe haben.
;;;114;1;;beidiu siufzen und lachen
;;;114;2;;kunde ir munt wol gemachen.
;;;114;3;;si vröwete sich ir sunes geburt.
;;;114;4;;ir schimpf ertranc in riuwen vurt.
;;;114;5;;Wer nû wîben sprichet baz,
;;;114;6;;zwâr, daz lâz ich âne haz.
;;;114;7;;ich vreische gerne ir vreude breit,
;;;114;8;;wanne einer bin ich unbereit
;;;114;9;;dienstlîcher triuwe.
;;;114;10;;mîn zorn ist iemer niuwe
;;;114;11;;gegen ir, sît ich si an wanke sach.
;;;114;12;;ich bin Wolfram von Eschenbach
;;;114;13;;und kan ein teil mit sange.
;;;114;14;;ich bin ein habendiu zange
;;;114;15;;mînen zorn gegen einem wîbe.
;;;114;16;;diu hât mînem lîbe
;;;114;17;;erboten soliche missetât,
;;;114;18;;ine hân si hazzens keinen rât.
;;;114;19;;dâr umbe hân ich den andern haz.
;;;114;20;;owê, wâr umbe tuot si daz?
;;;114;21;;alein sî mir hazzen leit,
;;;114;22;;ez ist iedoch ir wîpheit,
;;;114;23;;sît ich mich versprochen hân
;;;114;24;;und an mir selben missetân.
;;;114;25;;daz lîhte niemer mê geschiht.
;;;114;26;;daz ensullen si sich vergâhen niht
;;;114;27;;mit hurte an mîn hamît.
;;;114;28;;si vindent werlîchen strît.
;;;114;29;;ine hân des niht vergezzen,
;;;114;30;;ine künne wol gemezzen
;;;115;1;;beide ir gebærde und ir site.
;;;115;2;;welchem lîbe volget kiusche mite,
;;;115;3;;der lobes kempfe wil ich sîn.
;;;115;4;;mir ist von herzen leit ir pîn.
;;;115;5;;Sîn lop hinket an eime spat,
;;;115;6;;wer allen vrouwen sprichet mat
;;;115;7;;durch sîn eine vrouwen.
;;;115;8;;welichiu mîn reht wil schouwen,
;;;115;9;;bêdiu sehen und hœren,
;;;115;10;;die ensol ich niht betœren.
;;;115;11;;schiltes ambet ist mîn art.
;;;115;12;;wâ mîn ellen sîn gespart,
;;;115;13;;welichiu mich minnet umb gesanc,
;;;115;14;;sô dunket mich ir witze kranc.
;;;115;15;;ob ich guotes wîbes minne ger,
;;;115;16;;mac ich mit schilte und mit sper
;;;115;17;;verdienen niht ir minne solt,
;;;115;18;;al dar nâch sî si mir holt.
;;;115;19;;vil hôhes toppels er doch spilt,
;;;115;20;;der an ritterschaft nâch minnen zilt.
;;;115;21;;hetenz wîp niht vür ein smêhen,
;;;115;22;;ich solte iu vil baz reiten
;;;115;23;;an disem mære unkundiu wort.
;;;115;24;;ich sprich iu die âventiure vort.
;;;115;25;;wer des von mir geruoche,
;;;115;26;;der enzel sich zuo keinem buoche.
;;;115;27;;ine kan dekeinen buochstap.
;;;115;28;;dâ nement genuoge ir urhap.
;;;115;29;;disiu âventiure
;;;115;30;;vert ân der buoche stiure.
;;;116;1;;ê man si hete vür ein buoch,
;;;116;2;;ich wære ê nacket âne tuoch,
;;;116;3;;sô ich in dem bade sæze,
;;;116;4;;ob ich des kosten niht vergæze.
;;;116;5;;Ez machet trûric mir den lîp,
;;;116;6;;daz alsô manigiu heizet wîp.
;;;116;7;;ir minne sint glîche hel.
;;;116;8;;genuoge sint gegen valsche snel,
;;;116;9;;etlîche valsche lære.
;;;116;10;;sus teilent sich diu mære.
;;;116;11;;daz die glîch sint genamet,
;;;116;12;;des hât mîn herze sich geschamet.
;;;116;13;;wîpheit, dîn ordenlîcher site,
;;;116;14;;dem vert und vuor ie triuwe mite.
;;;116;15;;genuoge sprechent, armuote,
;;;116;16;;daz diu sî ze nihte guote.
;;;116;17;;wer die durch triuwe lîdet,
;;;116;18;;helleviur die sêle mîdet.
;;;116;19;;die dulte ein wîp durch triuwe.
;;;116;20;;des wart ir gâbe niuwe
;;;116;21;;ze himele mit endelôser gebe.
;;;116;22;;ich wæne, ir nû vil wênic lebe,
;;;116;23;;die junc der erde rîchtuom
;;;116;24;;liezen durch des himels ruom.
;;;116;25;;ich erkenne ir dekein.
;;;116;26;;man und wîp sint mir alein,
;;;116;27;;die mîdentz alle glîche.
;;;116;28;;vrouwe Herczeloide, diu rîche,
;;;116;29;;ir drîer lande wart ein gast;
;;;116;30;;si truoc der vröude mangels last.
;;;117;1;;der valsch sô gar an ir verswant,
;;;117;2;;ouge noch ôre nie in dâ vant.
;;;117;3;;ein nebel was ir diu sunne.
;;;117;4;;si vlôch der werlde wunne.
;;;117;5;;ir was gelîche naht und tac.
;;;117;6;;ir herze niht wanne jâmers pflac.
;;;117;7;;Sich zôch diu vrouwe jâmers balt
;;;117;8;;ûz ir lande in einen walt,
;;;117;9;;zer waste in Solitane,
;;;117;10;;niht durch bluomen ûf die plâne.
;;;117;11;;ir herzejâmer was sô ganz,
;;;117;12;;si kêrte sich an keinen kranz,
;;;117;13;;er wære rôt oder val.
;;;117;14;;si brâhte dâ durch vluhtsal
;;;117;15;;des werden Gahmuretes kint.
;;;117;16;;liute, die bî ir dâ sint,
;;;117;17;;müezen bûwen und riuten.
;;;117;18;;si kunde wol getriuten
;;;117;19;;ir sun. ê daz sich der versan,
;;;117;20;;ir volc si gar vür sich gewan:
;;;117;21;;ez wære man oder wîp,
;;;117;22;;den gebôt si allen an ir lîp,
;;;117;23;;daz si iemer ritters würden lût.
;;;117;24;;"wan vriesche daz mînes herzen trût,
;;;117;25;;welich ritter leben wære,
;;;117;26;;daz würde mir ze swære.
;;;117;27;;nû habet iuch an der witze kraft
;;;117;28;;und helt ime alle ritterschaft."
;;;117;29;;Der sit vuor angestlîche vart.
;;;117;30;;der knabe alsus verborgen wart
;;;118;1;;zer wuoste in Solitane erzogen,
;;;118;2;;an küniclîcher vuore betrogen,
;;;118;3;;ez enmöhte an einem site sîn:
;;;118;4;;bogelîn und bölzelîn,
;;;118;5;;die sneit er mit sîn selbes hant
;;;118;6;;und schôz vil vogele, die er vant.
;;;118;7;;wenne er den vogel erschôz,
;;;118;8;;des schal von sange ê was sô grôz,
;;;118;9;;sô weinete er und roufete sich;
;;;118;10;;an sîn hâr kêret er gerich.
;;;118;11;;sîn lîp was klâr und fier.
;;;118;12;;ûf dem plâne anme rivier
;;;118;13;;twanc er sich alle morgen.
;;;118;14;;er kunde niht gesorgen,
;;;118;15;;ez enwære ob ime der vogel gesanc.
;;;118;16;;diu süeze in sîn herze dranc;
;;;118;17;;daz erstracte ime sîn brüstelîn.
;;;118;18;;al weinende lief er zuo der künigîn.
;;;118;19;;dô sprach si: "wer hât dir getân?
;;;118;20;;dû wære hin ûz ûf den plân."
;;;118;21;;er enkunde es ir gesagen niht,
;;;118;22;;als kinden lîhte noch geschiht.
;;;118;23;;dem mære gienc si lange nâch.
;;;118;24;;eines tages si in kapfen sach
;;;118;25;;ûf die boume nâch der vogele schal.
;;;118;26;;si wart wol innen, daz zerswal
;;;118;27;;von der stimme ir kindes brust;
;;;118;28;;des twanc in art und sîn gelust.
;;;118;29;;vrouwe Herczeloide kêrte ir haz
;;;118;30;;an die vogele, sine wesse umb waz.
;;;119;1;;si wolte ir schal verkrenken.
;;;119;2;;ir bûliute und ir enken
;;;119;3;;hiez si vaste gâhen,
;;;119;4;;vogele würgen und vâhen.
;;;119;5;;die vogele wâren baz geriten;
;;;119;6;;etlîchen sterben wart vermiten.
;;;119;7;;der beleip dâ lebendic ein teil,
;;;119;8;;die sît mit sangen wâren geil.
;;;119;9;;Der knabe sprach zuo der künigîn:
;;;119;10;;"waz wîzet man den vogelîn?"
;;;119;11;;er gerte vrides sô zestunt.
;;;119;12;;sîn muoter kuste in an den munt
;;;119;13;;und sprach: "wes wendich sîn gebot,
;;;119;14;;der doch ist der hœheste got?
;;;119;15;;sullen vogele durch mich vröude lân?"
;;;119;16;;der knabe sprach zer muoter sân:
;;;119;17;;"owê muoter, waz ist got?"
;;;119;18;;"sun, ich sage dir ez âne spot:
;;;119;19;;er ist noch liehter denne tac,
;;;119;20;;der antlitzes sich bewac
;;;119;21;;nâch mannes antlitze.
;;;119;22;;sun, merke ein witze
;;;119;23;;und vlêhe ime umb dîne nôt.
;;;119;24;;sîn triuwe der werde ie helfe bôt.
;;;119;25;;sô heizet einer der hellewirt:
;;;119;26;;der ist swarz und untriuwe in niht verbirt.
;;;119;27;;von dem kêre dîne gedanke
;;;119;28;;und ouch von zwîvels wanke."
;;;119;29;;alsus underschiet si im gar
;;;119;30;;daz vinster und daz lieht gevar.
;;;120;1;;dar nâch sîn snelheit verre spranc.
;;;120;2;;er lernte den gabilôtes swanc,
;;;120;3;;dâ mite er manigen hirz erschôz,
;;;120;4;;des sîn muoter und ir volc genôz.
;;;120;5;;ez wære regen oder snê,
;;;120;6;;dem wilde tet sîn schiezen wê.
;;;120;7;;nû hœret vremdiu mære:
;;;120;8;;wenne er erschôz daz swære,
;;;120;9;;des ein mûl wære geladen genuoc,
;;;120;10;;als unervorht hie heim erz truoc.
;;;120;11;;Eines tages gienc er den weideganc
;;;120;12;;an einer halden, diu was lanc.
;;;120;13;;er brach durch blates stimme ein zwîc.
;;;120;14;;dâ nâhen gienc bî ime ein stîc.
;;;120;15;;dâ hôrt er schal von huofslegen.
;;;120;16;;sîn gabilôt begunde er wegen.
;;;120;17;;dô sprach er: "waz hân ich vernomen?
;;;120;18;;wanne wolte eht nû der tiuvel komen
;;;120;19;;mit grimme zorneclîche,
;;;120;20;;ich bestüende in sicherlîche.
;;;120;21;;mîn muoter vreisen von ime saget.
;;;120;22;;ich wæne, ir ellen sî verzaget."
;;;120;23;;alsus stuont er in strîtes ger.
;;;120;24;;nû seht, dort komet geschiuftet her
;;;120;25;;drîe ritter nâch dem wunsche var,
;;;120;26;;von vuoze ûf gewâpent gar.
;;;120;27;;der knappe wânde sunder spot,
;;;120;28;;daz ieglîcher wære ein got.
;;;120;29;;dô stuonder ouch niht langer hie:
;;;120;30;;in daz pfat viel er ûf diu knie
;;;121;1;;und begunde dâ mite ruofen sân:
;;;121;2;;"hilf got, dû maht wol helfe hân!"
;;;121;3;;der vorder zornes sich bewac,
;;;121;4;;dô der knappe in dem pfade lac.
;;;121;5;;er sprach: "dirre tœrsche Wâleise
;;;121;6;;uns wendet gæhe reise."
;;;121;7;;einen prîs, den wir Peiere tragen,
;;;121;8;;muoz ich von Wâleisen sagen:
;;;121;9;;die sint toͯrftter dane Beiers her
;;;121;10;;und doch bî manlîcher wer.
;;;121;11;;wer in den zweigen landen wirt,
;;;121;12;;gevuoge ein wunder an ime birt.
;;;121;13;;Dô kam geleischieret
;;;121;14;;und wol gezimieret
;;;121;15;;ein ritter, dem was harte gâch.
;;;121;16;;er reit in strîteclîchen nâch,
;;;121;17;;die verre von im wâren komen.
;;;121;18;;zwên ritter heten im genomen
;;;121;19;;eine juncvrouwen in sînem lande.
;;;121;20;;den helt ez dûhte schande.
;;;121;21;;in müegete der juncvrouwen leit,
;;;121;22;;diu jâmerlîch vor ime reit.
;;;121;23;;dise drîe wâren sîne man.
;;;121;24;;ein reit ein schœne kastelân.
;;;121;25;;sînes schiltes was vil wênic ganz.
;;;121;26;;er hiez Karnachkarnanz
;;;121;27;;la cons Ulterlec.
;;;121;28;;er sprach: "wer irret uns den wec?"
;;;121;29;;sus reit er zuo dem knappen sân;
;;;121;30;;den dûht er als ein got getân.
;;;122;1;;er enhete ê sô liehte niht erkant.
;;;122;2;;ûfem touwe der wâpenroc erwant.
;;;122;3;;mit guldînen schellen kleine
;;;122;4;;vor ietwederm beine
;;;122;5;;wâren die stegereife erklenget
;;;122;6;;und ze rehter mâze erlenget.
;;;122;7;;sîn zeswer arm von schellen klanc,
;;;122;8;;war er den bôt oder swanc.
;;;122;9;;der was durch swertslege sô hel.
;;;122;10;;der helt was gegen prîse snel.
;;;122;11;;sus vuor der vürste rîch
;;;122;12;;gezimieret wünneclîch.
;;;122;13;;Aller manne schœne ein bluomen kranz,
;;;122;14;;den vrâgete Karnachkarnanz:
;;;122;15;;"junchêrre, sâhet ir vür iuch varn
;;;122;16;;zwêne ritter, die sich niht bewarn
;;;122;17;;können an ritterlîcher zunft?
;;;122;18;;si ringent mit der nôtnunft
;;;122;19;;und sint an wirdicheit verzaget.
;;;122;20;;si vüerent roubes eine maget."
;;;122;21;;der knappe wânde, waz er sprach,
;;;122;22;;er wære got, als ime verjach
;;;122;23;;vrouwe Herczeloide, diu künigîn,
;;;122;24;;dô si im underschiet den liehten schîn.
;;;122;25;;dô rief er lûte sunder spot:
;;;122;26;;"nû hilf mir, helferîcher got!"
;;;122;27;;vil dicke viel an sîn gebet
;;;122;28;;fili rois Gahmuret.
;;;122;29;;der vürste sprach: "ine bin niht got,
;;;122;30;;ich leiste aber gerne sîn gebot.
;;;123;1;;dû maht hie vier ritter sehen,
;;;123;2;;ob dû zuo rehte kundest spehen."
;;;123;3;;der knappe vrâgete in vürbaz:
;;;123;4;;"dû nennest ritter, waz ist daz?
;;;123;5;;habest dû niht götlîcher kraft,
;;;123;6;;sô sage mir, wer gap ritterschaft?"
;;;123;7;;"daz tuot der künic Artus.
;;;123;8;;junchêr, kumet ir in daz hûs,
;;;123;9;;er bringet iuch an ritters namen,
;;;123;10;;daz irs iuch niemer durft beschamen.
;;;123;11;;ir muget wol sîn von ritters art."
;;;123;12;;von den helden er beschouwet wart.
;;;123;13;;dô lac diu gotes gunst an ime.
;;;123;14;;von der âventiure ich daz nime,
;;;123;15;;diu mich der wârheit des beschiet,
;;;123;16;;daz nie manne varwe baz geriet
;;;123;17;;vor ime sît Adames zît.
;;;123;18;;des wart sîn lop von wîben wît.
;;;123;19;;Aber sprach der knappe sân,
;;;123;20;;dâ von ein lachen wart getân:
;;;123;21;;"ei, ritter got, waz maht dû sîn?
;;;123;22;;dû hâst sust manic vingerlîn
;;;123;23;;an dînem lîp gebunden,
;;;123;24;;dort oben und hie unden."
;;;123;25;;aldâ begreif des knappen hant,
;;;123;26;;waz er îsers an dem vürsten vant.
;;;123;27;;daz harnasch begunde er schouwen.
;;;123;28;;er sprach: "mîner muoter juncvrouwen
;;;123;29;;ir vingerlîn an snüeren tragent,
;;;123;30;;diu niht sus an ein ander ragent."
;;;124;1;;der knappe sprach durch sînen muot
;;;124;2;;zem vürsten: "war zuo ist diz guot,
;;;124;3;;daz dich sô wol kan schicken?
;;;124;4;;ine mac es niht her abe gezwicken."
;;;124;5;;der vürste ime zougete sân sîn swert:
;;;124;6;;"nû sich, wer an mich strîtes gert,
;;;124;7;;des selben wer ich mich mit slegen.
;;;124;8;;vür die sîne muoz ich ane mich legen
;;;124;9;;und vür den schuz und vür den stich
;;;124;10;;muoz ich alsus wâpen mich."
;;;124;11;;aber sprach der knabe snel:
;;;124;12;;"ob die hirze trüegen sus ir vel,
;;;124;13;;sô verwundet ir niht mîn gabilôt,
;;;124;14;;der vellet maniger vor mir tôt."
;;;124;15;;Die ritter zurnden, daz er hielt
;;;124;16;;bî dem, der vil tumpheit wielt.
;;;124;17;;der vürste sprach: "got hüete dîn.
;;;124;18;;owê, wanne wær diu schœne mîn!
;;;124;19;;dir hete got den wunsch gegeben,
;;;124;20;;ob dû mit witzen soltes leben.
;;;124;21;;diu gotes kraft dir verre leit."
;;;124;22;;die sîne und ouch er selbe reit
;;;124;23;;und gâheten harte balde
;;;124;24;;ze einem velde in dem walde.
;;;124;25;;dâ vant der gevüege
;;;124;26;;vrouwe Herczeloiden pflüege.
;;;124;27;;ir volke leider nie geschach,
;;;124;28;;daz er dâ balde ern sach.
;;;124;29;;si begunden sich dar nâch egen,
;;;124;30;;ir garte ob starken ohsen wegen.
;;;125;1;;der vürste in guoten morgen bôt
;;;125;2;;und vrâgete, ob si sæhen nôt
;;;125;3;;eine juncvrouwen lîden.
;;;125;4;;si enkunden niht vermîden,
;;;125;5;;wes er vrâgete, daz wart gesaget:
;;;125;6;;"zwêne ritter und eine maget
;;;125;7;;dâ riten hiute morgen.
;;;125;8;;diu maget vuor mit sorgen.
;;;125;9;;mit sporn si vaste ruorten,
;;;125;10;;die die juncvrouwen vuorten."
;;;125;11;;ez was Meliaganz,
;;;125;12;;den ergâhete Karnachkarnanz.
;;;125;13;;mit strîte er ime die vrouwen nam.
;;;125;14;;diu was dâ vor an vröuden lam.
;;;125;15;;si hiez Ymane
;;;125;16;;von der Beavantane.
;;;125;17;;Die bûliute verzageten,
;;;125;18;;dô die helde vür si jageten.
;;;125;19;;si sprâchen: "wie ist uns sus geschehen?
;;;125;20;;hât unser junchêrre gesehen
;;;125;21;;ûf disen rittern helmes art,
;;;125;22;;sô enhân wir uns niht wol bewart.
;;;125;23;;wir sullen der künigîn haz
;;;125;24;;von schulden hœren umb daz,
;;;125;25;;want er mit uns dâ her lief
;;;125;26;;hiute morgen, dô si dannoch slief."
;;;125;27;;der knappe enruochte, wer dô schôz
;;;125;28;;die hirze kleine oder grôz.
;;;125;29;;er huop sich gegen der muoter wider
;;;125;30;;und sagete ir mære; dô viel si nider.
;;;126;1;;sîner worte si sô sêre erschrac,
;;;126;2;;daz si unversunnen vor im lac.
;;;126;3;;dô diu küniginne
;;;126;4;;wider kam ze sinne,
;;;126;5;;wie si dâr vor wære verzaget,
;;;126;6;;si sprach: "sun, wer hât gesaget
;;;126;7;;dir von ritters orden?
;;;126;8;;wâ bistû es innen worden?"
;;;126;9;;"muoter, ich sach vier man
;;;126;10;;noch liehter danne got getân.
;;;126;11;;die sageten mir von ritterschaft.
;;;126;12;;Artuses küniclîchiu kraft
;;;126;13;;sol mich nâch ritters êren
;;;126;14;;an schiltes ambet kêren."
;;;126;15;;sich huop ein niuwe jâmer hie.
;;;126;16;;diu vrouwe enwuste rehte, wie
;;;126;17;;daz si ir den lust erdæhte,
;;;126;18;;daz si in von dem willen bræhte.
;;;126;19;;der knappe tump und wert
;;;126;20;;iesch von der muoter dicke ein pfert.
;;;126;21;;daz begunde si in herzen klagen.
;;;126;22;;si dâhte: "ich wil ime niht versagen,
;;;126;23;;ez muoz aber vil bœse sîn."
;;;126;24;;dô gedâhte mêr diu künigîn:
;;;126;25;;"der liute vil bî spotte sint.
;;;126;26;;tôren kleider sol mîn kint
;;;126;27;;ob sînem liehten lîbe tragen.
;;;126;28;;wirt er geroufet und geslagen,
;;;126;29;;sô kumet er mir her wider wol."
;;;126;30;;owê der jâmerlîchen dol!
;;;127;1;;Diu vrouwe nam ein sactuoch.
;;;127;2;;si sneit im hemede und bruoch,
;;;127;3;;daz doch an einem stücke wol erschein,
;;;127;4;;und enmitten an sîn blankez bein.
;;;127;5;;daz wart vür tôren kleider erkant.
;;;127;6;;eine kugelen man obenân drûfe vant.
;;;127;7;;al vrisch rûch kelberîn
;;;127;8;;von einer hût zwei ribbalîn
;;;127;9;;nâch sînen beinen wart gesniten.
;;;127;10;;dâ wart grôz jâmer niht vermiten.
;;;127;11;;diu künigîn was alsô bedâht,
;;;127;12;;si bat in belîben die naht:
;;;127;13;;"dû ensolt niht hinnen kêren,
;;;127;14;;ich wil dich liste lêren:
;;;127;15;;an ungebaneten strâzen
;;;127;16;;solt dû dunkele vürte lâzen.
;;;127;17;;die schilte und lûter sîn,
;;;127;18;;dâ solt dû albalde rîten în.
;;;127;19;;dû solt dich siten nieten,
;;;127;20;;der werde grüezen bieten.
;;;127;21;;ob dich ein grâ wîser man
;;;127;22;;zuht wil lêren, als er wol kan,
;;;127;23;;dem soltû gerne volgen
;;;127;24;;und wis im niht verbolgen.
;;;127;25;;sun, lâ dir bevolhen sîn:
;;;127;26;;wâ dû guotes wîbes vingerlîn
;;;127;27;;mugest erwerben und ir gruoz,
;;;127;28;;daz nim; ez tuot dir kumbers buoz.
;;;127;29;;dû solt zuo ir zusse gâhen
;;;127;30;;und ir lîp vaste umbevâhen.
;;;128;1;;daz gît gelücke und hôhen muot,
;;;128;2;;ob si kiusche ist und guot.
;;;128;3;;dû solt ouch wizzen, sun mîn,
;;;128;4;;der stolze, schœne Lehelin
;;;128;5;;dînen vürsten abe ervaht zwei lant,
;;;128;6;;die solten dienen dîner hant,
;;;128;7;;Wâleis und Norgals.
;;;128;8;;ein dîn vürste, Tarkentals,
;;;128;9;;den tôt von sîner hende enpfienc.
;;;128;10;;dîn volc er sluoc und vienc."
;;;128;11;;"daz riche ich, muoter, ruoches got.
;;;128;12;;in verwundet noch mîn gabilôt."
;;;128;13;;Des morgens, dô der tac erschein,
;;;128;14;;der knappe balde wart enein,
;;;128;15;;im was gegen Artuse gâch.
;;;128;16;;diu vrouwe in kuste und lief im nâch.
;;;128;17;;der werden aldâ geschach,
;;;128;18;;dô si ir sun niht langer sach
;;;128;19;;- der rîtet enwec, wem ist deste baz? -,
;;;128;20;;dâ viel diu vrouwe valsches laz
;;;128;21;;ûf die erde, aldâ si jâmer sneit,
;;;128;22;;sô daz si ein sterben niht vermeit.
;;;128;23;;ir vil getriuweclîcher tôt
;;;128;24;;der vrouwen wert die hellenôt.
;;;128;25;;ôwol, daz si ie muoter wart!
;;;128;26;;sus vuor die lônes berende vart
;;;128;27;;ein wurzel der güete
;;;128;28;;und ein stam der diemüete.
;;;128;29;;owê, daz wir nû niht hân
;;;128;30;;ir sippe, und an den zwelften spân
;;;129;1;;des wirt gevelschet manic lîp!
;;;129;2;;doch solten nû getriuwiu wîp
;;;129;3;;heiles wünschen disem knaben,
;;;129;4;;der sich hie von ir hât erhaben.
;;;129;5;;Dô kêrte der knappe wol getân
;;;129;6;;gegen dem fôrest in Pricilan.
;;;129;7;;er kam an einen bach geriten,
;;;129;8;;den hete ein han wol überschriten.
;;;129;9;;wie dâ stuonden bluomen und gras,
;;;129;10;;durch daz sîn vliez sô dunkel was,
;;;129;11;;der knappe vürte dâr an vermeit.
;;;129;12;;den tac er gar dâr neben reit,
;;;129;13;;als ez sînen witzen tohte.
;;;129;14;;er beleip, wie er mohte,
;;;129;15;;unz ime der liehte tac erschein.
;;;129;16;;dô huop er sich dan alein
;;;129;17;;zuo einem vurte lûter wol getân.
;;;129;18;;daz was anderhalp der plân
;;;129;19;;mit einem gezelt gehêret,
;;;129;20;;grôz rîcheit dran gekêret
;;;129;21;;von drîger varwe samît.
;;;129;22;;ez was hôch und wît.
;;;129;23;;ûf den næten lâgen borten guot.
;;;129;24;;dâ hienc ein liderîn huot,
;;;129;25;;den man dar über ziehen solte,
;;;129;26;;iemer wenne ez regnen wolte.
;;;129;27;;duc Orilus de Lalander,
;;;129;28;;des wîp dort under ein ander
;;;129;29;;ligende wünneclîche,
;;;129;30;;die herzoginne rîche,
;;;130;1;;gelîch einem ritters trûte.
;;;130;2;;diu vrouwe hiez Jeschute.
;;;130;3;;si was dâr in entslâfen
;;;130;4;;und truoc der minne wâfen:
;;;130;5;;einen munt durchliuhtic rôt
;;;130;6;;und gerndes ritters herzenôt.
;;;130;7;;Innen des diu vrouwe slief,
;;;130;8;;der munt ir von ein ander lief;
;;;130;9;;der truoc der minne hitze viure.
;;;130;10;;sus lac des wunsches âventiure.
;;;130;11;;von snêwîzem beine
;;;130;12;;nâhe bî ein ander kleine,
;;;130;13;;sus stuonden ir die liehten zene.
;;;130;14;;ich wæne, mich ieman küsse wene
;;;130;15;;an einen sô wol gelobeten munt,
;;;130;16;;daz ist mir selten worden kunt.
;;;130;17;;ir deckelachen zobelîn
;;;130;18;;erwant ir an ir hüffelîn,
;;;130;19;;daz si durch hitze von ir stiez,
;;;130;20;;dâ si der wirt aleine liez.
;;;130;21;;si was geschicket und gesniten,
;;;130;22;;an ir was kunst niht vermiten.
;;;130;23;;got selbe worht ir süezen lîp.
;;;130;24;;ouch hete daz minneclîche wîp
;;;130;25;;langen arm und blanke hant.
;;;130;26;;der knappe ein vingerlîn dâ vant,
;;;130;27;;daz in gegen dem bette twanc.
;;;130;28;;dô er mit der herzoginne ranc,
;;;130;29;;dô dâht er an die muoter sîn,
;;;130;30;;diu riet an wîbes vingerlîn.
;;;131;1;;ouch spranc der knappe wol getân
;;;131;2;;vonme teppich an daz bette sân.
;;;131;3;;diu kiusche süeze unsanfte erschrac,
;;;131;4;;dô der knappe an ir arme lac.
;;;131;5;;si muoste iedoch erwachen
;;;131;6;;mit scham, alsunder lachen.
;;;131;7;;Diu vrouwe zuht gelêret
;;;131;8;;sprach: "wer hât mich entêret?
;;;131;9;;junchêr, es ist iu gar ze vil,
;;;131;10;;ir möhtet iu nemen ein ander zil."
;;;131;11;;wie vil diu vrouwe klagete,
;;;131;12;;er enruochete, waz si sagete,
;;;131;13;;ir munt er an den sînen twanc.
;;;131;14;;dâ nâch was dô niht zuo lanc,
;;;131;15;;er endruhte an sich die herzogîn
;;;131;16;;und nam ir ouch ein vingerlîn.
;;;131;17;;an ir hemede ein vürspange er gesach.
;;;131;18;;ungevuoge er ez dannen brach.
;;;131;19;;diu vrouwe was mit wîbes wer.
;;;131;20;;ir was sîn kraft ein ganzez her,
;;;131;21;;doch wart dâ ringens vil getân.
;;;131;22;;der knappe klagete hunger sân.
;;;131;23;;diu vrouwe was ir lîbes lieht.
;;;131;24;;si sprach: "ir sullet mîn ezzen niht.
;;;131;25;;wæret ir ze vromen wîse,
;;;131;26;;ir næmet iu andere spîse.
;;;131;27;;dort stât brôt und wîn
;;;131;28;;und zwei pardrîsekîn,
;;;131;29;;als si ein juncvrouwe brâhte,
;;;131;30;;diu es wênic iu gedâhte."
;;;132;1;;Er enruochte, wâ diu wirtîn saz.
;;;132;2;;einen guoten kropf er az,
;;;132;3;;dar nâch er were trünke tranc.
;;;132;4;;die vrouwen dûhte gar ze lanc
;;;132;5;;sînes wesens in der pavelûn.
;;;132;6;;si wânde, er wære ein garzûn
;;;132;7;;gescheiden von den witzen.
;;;132;8;;ir schame begunde switzen.
;;;132;9;;iedoch sprach diu herzogîn:
;;;132;10;;"junchêrre, ir sult mîn vingerlîn
;;;132;11;;hie lâzen und mîn vürspan.
;;;132;12;;hebt iuch enwec! wenne kumet mîn man,
;;;132;13;;ir müezet zürnen lîden,
;;;132;14;;daz ir gerne möhtet mîden."
;;;132;15;;dô sprach der knappe wol geborn:
;;;132;16;;"waz vörhte ich iuwers mannes zorn?
;;;132;17;;wan schadet ez iu an den êren,
;;;132;18;;sô wil ich hinnen kêren."
;;;132;19;;dô gienc er zuo dem bette sân,
;;;132;20;;ein ander kus wart dâ getân.
;;;132;21;;daz was der herzoginne leit.
;;;132;22;;der knappe âne urloup dannen reit,
;;;132;23;;iedoch sprach er: "got hüete dîn,
;;;132;24;;alsus riet mir diu muoter mîn."
;;;132;25;;Der knappe des roubes was gemeit.
;;;132;26;;dô er ein wîle von dan gereit,
;;;132;27;;wol nâch gegen der mîle zil,
;;;132;28;;dô kam, von dem ich sprechen wil.
;;;132;29;;der spurte an dem touwe,
;;;132;30;;daz gesuochet was sîn vrouwe.
;;;133;1;;der snüere ein teil was ûz getret,
;;;133;2;;dâ der knappe hete daz gras gewet.
;;;133;3;;der vürste wert und erkant
;;;133;4;;sîn wîp dort inne al trûric vant.
;;;133;5;;dô sprach der stolze Orilus:
;;;133;6;;"owê, vrouwe, wie hân ich sus
;;;133;7;;mînen dienst gegen iu gewendet!
;;;133;8;;mir ist nâch laster geendet
;;;133;9;;manic ritterlîcher prîs.
;;;133;10;;ir habet ein ander âmîs."
;;;133;11;;diu vrouwe leit ir lougen
;;;133;12;;mit wazzerrîchen ougen,
;;;133;13;;sô daz si unschuldic wære.
;;;133;14;;er engeloubete niht ir mære,
;;;133;15;;iedoch sprach si mit vorhten siten:
;;;133;16;;"dâ kam ein tôre her geriten.
;;;133;17;;waz ich liute erkennet hân,
;;;133;18;;ine gesach nie lîp sô wol getân.
;;;133;19;;mîn vürspange und ein vingerlîn,
;;;133;20;;daz nam er ân den willen mîn."
;;;133;21;;"nein, sîn lîp iu wol gevellet!
;;;133;22;;ir habet iuch zuo im gesellet."
;;;133;23;;dô sprach si: "nû enwelle got!
;;;133;24;;sîniu ribbalîn, sîn gabilôt
;;;133;25;;wâren mir doch ze nâhen.
;;;133;26;;diu rede iu solte smâhen."
;;;133;27;;"vürstinne ez übele zæme,
;;;133;28;;ob si dâ minne næme",
;;;133;29;;sprach aber der vürste sân.
;;;133;30;;"vrouwe, ine hân iu niht getân,
;;;134;1;;ir wellet iuch einer site schamen:
;;;134;2;;ir liezet küniginne namen
;;;134;3;;und heizet durch mich ein herzogîn.
;;;134;4;;der wechsel gît mir ungewin.
;;;134;5;;sîn manheit ist iedoch sô quec,
;;;134;6;;daz iuwer bruoder Erec,
;;;134;7;;mîn swâger, filli roi Lac,
;;;134;8;;iuch wol dâr umbe hazzen mac.
;;;134;9;;mich erkennet iedoch der wîse
;;;134;10;;an sô bewantem prîse,
;;;134;11;;der niender mac entêret sîn,
;;;134;12;;wand daz er mich vor Prurin
;;;134;13;;mit sîner juste valte.
;;;134;14;;an ime ich sît bezalte
;;;134;15;;hôhen prîs vor Karnant:
;;;134;16;;ze rehter just stach in mîn hant
;;;134;17;;hinder daz ros durch fîanze.
;;;134;18;;durch sînen schilt mîn lanze
;;;134;19;;iuwer kleinœte brâhte.
;;;134;20;;vil wênic ich dô gedâhte
;;;134;21;;iuwerre minne einem anderen trûte,
;;;134;22;;mîn vrouwe Jeschute.
;;;134;23;;vrouwe, ir sullet glouben des,
;;;134;24;;daz der stolze Galoes,
;;;134;25;;filli rois Gandin,
;;;134;26;;tôt lac von der juste mîn.
;;;134;27;;ir hieltet ouch dâ nâhe bî,
;;;134;28;;dô der stolze Blihabliori
;;;134;29;;gegen mir durch justieren reit
;;;134;30;;und mich sîn strîten niht vermeit.
;;;135;1;;mîn hant in hinderz ros verswanc,
;;;135;2;;daz in der satel nider dranc.
;;;135;3;;ich hân dicke prîs bezalt
;;;135;4;;und manigen ritter ab gevalt.
;;;135;5;;des enmohte ich nû geniezen niht.
;;;135;6;;mîn hôhez laster mir des giht.
;;;135;7;;si hazzent mich besunder,
;;;135;8;;die von der tavelrunder,
;;;135;9;;der ich ehte nider stach,
;;;135;10;;daz ez manige juncvrouwe sach,
;;;135;11;;umbe den sperwer ze Kanedic.
;;;135;12;;ich behielt iu den prîs und mir den sic.
;;;135;13;;daz sâhet ir und Artus.
;;;135;14;;der hât mîne swester ze hûs,
;;;135;15;;die süezen Cunnewaren.
;;;135;16;;ir munt kan niht gebâren
;;;135;17;;mit lachene, ê si den gesiht,
;;;135;18;;dem man des hœhesten prîses giht.
;;;135;19;;wanne kæm mir doch der selbe man,
;;;135;20;;sô würde ein strît hie getân
;;;135;21;;als hiute morgen, dô ich streit
;;;135;22;;und einem vürsten vrumete leit,
;;;135;23;;der mir sîn justieren bôt.
;;;135;24;;von mîner juste lac er tôt.
;;;135;25;;ich enwil iu niht von zorne sagen,
;;;135;26;;daz maniger hât sîn wîp geslagen
;;;135;27;;umb ir krenker schulde.
;;;135;28;;hete ich dienest oder hulde,
;;;135;29;;daz ich iu solte bieten,
;;;135;30;;ir müest iuch mangels nieten.
;;;136;1;;ich ensol niht mêr erwarmen
;;;136;2;;an iuweren blanken armen,
;;;136;3;;dâ ich etwenne durch minne lac
;;;136;4;;manigen wünneclîchen tac.
;;;136;5;;ich sol velwen iuweren rôten munt
;;;136;6;;und iuweren ougen machen rœte kunt.
;;;136;7;;ich sol iu vröude entêren
;;;136;8;;und iuwer herze siufzen lêren."
;;;136;9;;Diu vürstîn an den vürsten sach.
;;;136;10;;ir munt dô jæmerlîchen sprach:
;;;136;11;;"nû êret an mir ritters prîs.
;;;136;12;;ir sît getriuwe und wîs
;;;136;13;;und ouch wol sô gewaltic mîn,
;;;136;14;;ir muget mir geben hôhe pîn.
;;;136;15;;ir sult ê mîn gerihte nemen.
;;;136;16;;durch alliu wîp lâzet iuch gezemen.
;;;136;17;;ir muget mir dannoch vüegen nôt.
;;;136;18;;læge ich von andern handen tôt,
;;;136;19;;daz iu niht prîs geneigete,
;;;136;20;;wie schiere ich danne veigete,
;;;136;21;;daz wære mir ein süeziu zît,
;;;136;22;;sît iuwer hazzen an mir lît."
;;;136;23;;Aber sprach der vürste mêr:
;;;136;24;;"vrouwe, ir wâret mir ze hêr,
;;;136;25;;des sol ich an iu mâzen.
;;;136;26;;geselleschaft wirt gelâzen
;;;136;27;;mit trinken und mit ezzen,
;;;136;28;;bî ligens wirt vergezzen.
;;;136;29;;ir enpfâhet mêr dekein gewant,
;;;136;30;;niuwen als ich iuch sitzen vant.
;;;137;1;;iuwer zoum muoz sîn ein bestîn seil,
;;;137;2;;iuwer pfert bejaget wol hungers teil,
;;;137;3;;iuwer satel wol gezieret,
;;;137;4;;der wirt entschumpfieret."
;;;137;5;;balde er zarte und brach
;;;137;6;;den samît drabe. dô daz geschach,
;;;137;7;;er zersluoc den satel, dâ si inne reit.
;;;137;8;;ir kiusche und ir wîpheit
;;;137;9;;sîn hazzen lîden muosten.
;;;137;10;;mit bestînen buosten
;;;137;11;;bant er in aber wider zuo.
;;;137;12;;ir kam sîn hazzen gar ze vruo.
;;;137;13;;dô sprach er an den zîten:
;;;137;14;;"vrouwe, nû sullen wir rîten.
;;;137;15;;kæme ich an in, des würdich geil,
;;;137;16;;der hie nam iuwer minne teil.
;;;137;17;;ich bestüend in doch ûf âventiure,
;;;137;18;;ob sîn âtem gæbe viure
;;;137;19;;als einem wilden trachen."
;;;137;20;;al weinende sunder lachen
;;;137;21;;diu vrouwe jâmers rîche
;;;137;22;;schiet dannen trûriclîche.
;;;137;23;;si müegete niht, waz ir geschach,
;;;137;24;;wanne eht ir mannes ungemach.
;;;137;25;;des trûren gap ir grôze nôt,
;;;137;26;;daz si noch sanfter wære tôt.
;;;137;27;;nû sullet ir si durch triuwe klagen,
;;;137;28;;si beginnet nû hôhen kumber tragen.
;;;137;29;;wære mir aller wîbe haz bereit,
;;;137;30;;mich müegete doch der vromen leit.
;;;138;1;;sus ritens ûf der slage hin nâch.
;;;138;2;;dem knappen vor in ouch was gâch.
;;;138;3;;daz enweiz der unverzagete
;;;138;4;;niht, daz man in jagete.
;;;138;5;;wanne wen sîn ougen sâhen,
;;;138;6;;sô er dem begunde nâhen,
;;;138;7;;den gruozte der knabe guoter
;;;138;8;;und jach: "sus reit mîn muoter."
;;;138;9;;Sus kam unser tœrscher knabe
;;;138;10;;geriten einen halden abe.
;;;138;11;;wîbes stimme er hôrte
;;;138;12;;vor eines velses orte.
;;;138;13;;ein vrouwe ûz rehtem jâmer schrei.
;;;138;14;;ir was diu wâre vröude enzwei.
;;;138;15;;der knappe reit ir balde zuo.
;;;138;16;;nû hœret, waz diu vrouwe tuo.
;;;138;17;;dâ brach vrouwe Sigune
;;;138;18;;ir langen zöpfe brûne
;;;138;19;;vor jâmer ûz ir swarten.
;;;138;20;;der knappe begunde warten.
;;;138;21;;Schianatulander,
;;;138;22;;den vürsten, tôt dâ vant er
;;;138;23;;der juncvrouwen in ir schôz.
;;;138;24;;aller schimpf si verdrôz.
;;;138;25;;Er sî trûric oder vröude var,
;;;138;26;;die bat sîn muoter grüezen gar.
;;;138;27;;"got halte iuch", sprach des knaben munt,
;;;138;28;;"ich hân hie jâmerlîchen vunt
;;;138;29;;in iuwerem schôze vunden.
;;;138;30;;wer gap iu den ritter wunden?"
;;;139;1;;der knappe unverdrozzen
;;;139;2;;sprach: "wer hât in erschozzen?
;;;139;3;;geschach ez mit einem gabilôt?
;;;139;4;;mich dunket, vrouwe, er lige tôt.
;;;139;5;;wellet ir mir dâ von iht sagen,
;;;139;6;;wer iu den ritter habe erslagen?
;;;139;7;;ob ich in müge errîten,
;;;139;8;;ich wil gerne mit ime strîten."
;;;139;9;;dô greif der knappe mære
;;;139;10;;an sînen kochære.
;;;139;11;;vil scharfiu gabilôt er vant.
;;;139;12;;er vuorte ouch dannoch beidiu pfant,
;;;139;13;;diu er von Jeschuten brach
;;;139;14;;und ime ein tumpheit dâ geschach.
;;;139;15;;hete er gelernet sînes vaters site,
;;;139;16;;die werdeclîche ime wonten mite,
;;;139;17;;diu buckel wære gehurtet baz,
;;;139;18;;dâ diu herzoginne aleine saz,
;;;139;19;;diu sît vil kumbers durch in leit.
;;;139;20;;mê denne ein ganzez jâr si meit
;;;139;21;;gruoz von ir mannes lîbe.
;;;139;22;;unreht geschach dem wîbe.
;;;139;23;;Nû hœret von Sigunen sagen.
;;;139;24;;diu kunde ir leit mit jâmer tragen.
;;;139;25;;si sprach zuom knappen: "dû hâst tugent.
;;;139;26;;geêret sî dîn jugent
;;;139;27;;und dîn antlitze minneclîch.
;;;139;28;;des vür wâr, dû wirst noch sælden rîch.
;;;139;29;;disen ritter meit daz gabilôt.
;;;139;30;;er lac ze justieren tôt."
;;;140;1;;
;;;140;2;;
;;;140;3;;ê si den knappen rîten lieze,
;;;140;4;;si vrâgete in, wie er hieze,
;;;140;5;;und jach, er trüege den gotes vlîz.
;;;140;6;;"bonfiz, ierafiz, beafiz,
;;;140;7;;als hât mich genennet,
;;;140;8;;der mich dâ heime erkennet."
;;;140;9;;dô diu rede was getân,
;;;140;10;;si erkanten bî dem namen sân.
;;;140;11;;nû hœret in rehter nennen.
;;;140;12;;si mügen wol erkennen,
;;;140;13;;wer dirre âventiure hêrre sî.
;;;140;14;;der hielt der juncvrouwen bî.
;;;140;15;;ir rôter munt sprach sunder twâl:
;;;140;16;;daz  wâr, dû heizest Parcifal.
;;;140;17;;der name ist reht ›enmitten durch‹.
;;;140;18;;grôziu liebe er soliche herzvurch
;;;140;19;;mit dîner muoter triuwe.
;;;140;20;;dîn vater liez ir riuwe.
;;;140;21;;ine gihe dirs niht ze ruome,
;;;140;22;;dîn muoter ist mîn muome,
;;;140;23;;und sage dir sunder valschen list
;;;140;24;;die rehten wârheit, wer dû bist.
;;;140;25;;dîn vater was ein Anschevin.
;;;140;26;;ein Waleis von der muoter sîn
;;;140;27;;bist dû geborn von Kanvoleiz.
;;;140;28;;die rehten wârheit ich des weiz.
;;;140;29;;dû bist ouch künic ze Norgals.
;;;140;30;;in der houbetstat ze Kingrivals
;;;141;1;;sol dîn houbet krône tragen.
;;;141;2;;dirre vürste wart durch dich erslagen,
;;;141;3;;wan er dîn lant ie werte.
;;;141;4;;sîne triuwe er mêr verzerte.
;;;141;5;;junc, vlætic, süezer man,
;;;141;6;;die gebruoder hânt dir vil getân:
;;;141;7;;zwei lant nam dir Lehelin.
;;;141;8;;disen ritter und den vetern sîn
;;;141;9;;ze justieren sluoc Orilus.
;;;141;10;;der liez ouch mich in jâmer sus.
;;;141;11;;mir diende âne alle schande
;;;141;12;;dirre vürste von dînem lande.
;;;141;13;;dô zôch mich dîn muoter.
;;;141;14;;vil lieber neve guoter,
;;;141;15;;nû hœre, waz disiu mære sîn.
;;;141;16;;ein bracken seil gap im die pîn.
;;;141;17;;in unser zweier dienste den tôt
;;;141;18;;hât er bejaget und jâmernôt
;;;141;19;;mir nâch sîner minne.
;;;141;20;;ich hete kranke sinne,
;;;141;21;;daz ich ime niht minne gap.
;;;141;22;;des hât der sorgen urhap
;;;141;23;;mir vröude erschrôten.
;;;141;24;;nû minn ich in alsô tôten."
;;;141;25;;Dô sprach er: "niftel, mir ist leit
;;;141;26;;dîn kumber und mîn laster breit.
;;;141;27;;wenne ich daz mac gerechen,
;;;141;28;;daz wil ich gerne rechen."
;;;141;29;;dô was ime gegen dem strîte gâch.
;;;141;30;;si wîsete in unrehte nâch.
;;;142;1;;si vorhte, daz er den lîp verlür
;;;142;2;;und daz si grœzeren schaden kür.
;;;142;3;;eine strâze er dô gevienc,
;;;142;4;;diu gegen den Britunoisen gienc.
;;;142;5;;diu was gestrichen und breit.
;;;142;6;;wer ime widergienc oder widerreit,
;;;142;7;;ez wære ritter oder koufman,
;;;142;8;;die selben gruozete er alle sân
;;;142;9;;und jach, daz wære sîner muoter rât.
;;;142;10;;diu gap in ouch ân alle missetât.
;;;142;11;;dô der âbent begunde nâhen
;;;142;12;;und grôz müede gegen ime gâhen,
;;;142;13;;dô ersach der tumpheite genôz
;;;142;14;;ein hûs, daz was ze mâze grôz.
;;;142;15;;dâ was inne ein arger wirt,
;;;142;16;;als noch ûf ungeslehte birt.
;;;142;17;;daz was ein vischære
;;;142;18;;aller güeter lære.
;;;142;19;;den knappen hunger lêrte,
;;;142;20;;daz er dar gegen kêrte
;;;142;21;;und klagete dem wirte hungers nôt.
;;;142;22;;er sprach: "ine gæbe ein halbez brôt
;;;142;23;;ie niht ze drîzic jâren.
;;;142;24;;wer mîner milte vâren
;;;142;25;;vergebene wil, der sûmet sich.
;;;142;26;;ine sorge niht wanne umbe mich,
;;;142;27;;dar nâch umb mîniu kindelîn.
;;;142;28;;ir enkomet tâlanc dâ her în.
;;;142;29;;hetet ir pfennige oder pfant,
;;;142;30;;ich behielte iuch al zehant."
;;;143;1;;dô bôt ime der knappe sân
;;;143;2;;vrouwen Jeschuten vürspan.
;;;143;3;;dô daz der vilân ersach,
;;;143;4;;sîn munt dô lachete und sprach:
;;;143;5;;"wiltû blîben, süezez kint,
;;;143;6;;dich êrent alle, die innen sint."
;;;143;7;;"wilt dû mich hînt wol spîsen
;;;143;8;;und morgen rehte wîsen
;;;143;9;;gegen Artuse, dem bin ich holt, ..."
;;;143;10;;"sô mac belîben mir daz golt.
;;;143;11;;daz tuon ich", sprach der vilân.
;;;143;12;;"ine gesach nie lîp sô wol getân.
;;;143;13;;ich bringe dich durch wunder
;;;143;14;;vür des küniges tavelrunder."
;;;143;15;;die naht beleip der knappe dâ,
;;;143;16;;man sach in morgens anderswâ.
;;;143;17;;des tages er kûme erbeite.
;;;143;18;;der wirt ouch sich bereite
;;;143;19;;und lief in vor, der knappe nâch
;;;143;20;;reit. dô was in beiden gâch.
;;;143;21;;mîn hêr Hartman von Ouwe,
;;;143;22;;vrouwe Ginover, iuwer vrouwe,
;;;143;23;;und iuwer hêrre, der künic Artus,
;;;143;24;;den kumt ein mîn gast ze hûs.
;;;143;25;;bittet si hüeten sîn vor spotte.
;;;143;26;;ern ist gîge noch diu rotte.
;;;143;27;;si suln ein ander gampel nemen,
;;;143;28;;des lâzen sich durch zuht gezemen.
;;;143;29;;anders iuwer vrouwe Enite
;;;143;30;;und ir muoter Kasniafite,
;;;144;2;;der lob wirt gebücket
;;;144;1;;und durch die müle gezücket.
;;;144;3;;sol ich den munt mit spotte zern,
;;;144;4;;ich wil mînen vriunt mit spotte wern.
;;;144;5;;Dô kam der vischære
;;;144;6;;und ouch der knappe mære
;;;144;7;;einer houbetstat sô nâhen,
;;;144;8;;aldâ si Nantes sâhen.
;;;144;9;;dô sprach er: "kint, got hüete dîn.
;;;144;10;;vür sich, dort soltû rîten în."
;;;144;11;;dô sprach der knappe an witzen laz:
;;;144;12;;"dû solt mich wîsen vürbaz."
;;;144;13;;"wie wol mîn lîp daz bewart!
;;;144;14;;diu massenîe ist solicher art,
;;;144;15;;genâhete ir iemer vilân,
;;;144;16;;daz wære vil sêre missetân."
;;;144;17;;der knappe aleine vürbaz reit
;;;144;18;;ûf einen plân niht ze breit.
;;;144;19;;der stuont von bluomen lieht gemâl.
;;;144;20;;in zôch noch hin Kurvenal;
;;;144;21;;er enkunde kurtôsîe niht,
;;;144;22;;als ungevarnem man geschiht.
;;;144;23;;sîn zoum, der was bestîn
;;;144;24;;und harte kranc sîn pferdelîn.
;;;144;25;;daz tet von strûche manigen val.
;;;144;26;;ouch was sîn satel überal
;;;144;27;;unbeslagen mit niuwem leder.
;;;144;28;;samît und hermîn veder
;;;144;29;;man dâ vil lützel an ime siht.
;;;144;30;;er bedarf der mantelsnüere niht.
;;;145;1;;vür mantel und vür surkôt,
;;;145;2;;dâ vür nam er sîn gabilôt.
;;;145;3;;des site magen gegen prîse maz,
;;;145;4;;sîn vater was gekleidet baz
;;;145;5;;ûf dem teppich vor Kanvoleiz.
;;;145;6;;der geliez nie vorhtlîchen sweiz.
;;;145;7;;Nû hielt ein ritter ûf dem plân.
;;;145;8;;Parcifal, der gruozte in sân:
;;;145;9;;"got halte iuch, riet mîn muoter mir."
;;;145;10;;"junchêre, got lône iu und ir",
;;;145;11;;sprach Artuses basen sun;
;;;145;12;;den zôch Utrapandragun.
;;;145;13;;ouch sprach der selbe wîgant
;;;145;14;;erbeschaft ze Britanie ûf daz lant.
;;;145;15;;ez was Ither von Gaheviez,
;;;145;16;;den rôten ritter man in hiez.
;;;145;17;;sîn harnasch was gar sô rôt,
;;;145;18;;daz er den ougen rœte bôt.
;;;145;19;;sîn ros was rôt und snel,
;;;145;20;;al rôt was sîn gügerel,
;;;145;21;;rôt was sîn covertiur,
;;;145;22;;sîn schilt was rœter danne viur,
;;;145;23;;al rôt was sîn kursît
;;;145;24;;und wol an in gesniten wît.
;;;145;25;;rôt was sîn schaft, rôt was sîn sper.
;;;145;26;;al rôt nâch des heldes ger
;;;145;27;;was ime sîn swert gerœtet,
;;;145;28;;nâch der scherpfe iedoch gelœtet.
;;;145;29;;der künic von Kukumerlant,
;;;145;30;;al rôt von golde ûf sîner hant
;;;146;1;;stuont ein kopf vil wol ergraben,
;;;146;2;;ob der tavelrunder ûf erhaben.
;;;146;3;;blanc was sîn vel, rôt was sîn hâr.
;;;146;4;;der sprach zuo dem knaben sunder vâr:
;;;146;5;;"geêret sî dîn süezer lîp.
;;;146;6;;dich brâhte zer werlde ein reine wîp.
;;;146;7;;ôwol der muoter, diu dich gebar!
;;;146;8;;ich gesach nie lîp sô wol gevar.
;;;146;9;;dû bist der wâren minnen blic,
;;;146;10;;ir schumpfentiure und ir sic.
;;;146;11;;vil wîbes vröude an dir liget,
;;;146;12;;nâch dir ir jâmer swære wiget.
;;;146;13;;lieber vriunt, wiltû hin în,
;;;146;14;;sô sage mir durch den dienest mîn
;;;146;15;;künic Artuse und den sînen,
;;;146;16;;ich ensulle niht vlühtic schînen.
;;;146;17;;ich wil sîn hie gerne beiten,
;;;146;18;;wer sich dar zer just wil bereiten.
;;;146;19;;ir dekeiner habe ez vür wunder.
;;;146;20;;ich reit vür tavelrunder,
;;;146;21;;mînes landes ich mich underwant.
;;;146;22;;disen kopf mîn ungevüegiu hant
;;;146;23;;ûf zucke, daz der wîn vergôz
;;;146;24;;vrouwen Ginoveren in ir schôz.
;;;146;25;;underwinden mich daz lêrte.
;;;146;26;;ob ich schoube umbe kêrte,
;;;146;27;;sô würde ruozic mir mîn vel.
;;;146;28;;daz meit ich", sprach der degen snel.
;;;146;29;;"ich enhân ez niht durch roup getân,
;;;146;30;;des hât mîn krône mich erlân.
;;;147;1;;vriunt mîn, sage der künigîn,
;;;147;2;;ich begüzze si âne den willen mîn,
;;;147;3;;aldâ die werden sâzen,
;;;147;4;;die rehter wer vergâzen.
;;;147;5;;ez sî künige oder vürsten,
;;;147;6;;wes lânt si ir wirt erdürsten?
;;;147;7;;wanne holent sinne hie sîn goltvaz?
;;;147;8;;ir sneller prîs wirt anders laz."
;;;147;9;;Der knabe sprach: "ich wirbe dir,
;;;147;10;;waz dû gesprochen hâst ze mir."
;;;147;11;;er reit von ime ze Nantes în.
;;;147;12;;dô volgeten ime diu kindelîn
;;;147;13;;ûf den hof vür den palas,
;;;147;14;;dâ maniger hande vuore was.
;;;147;15;;schiere wart umb in gedranc.
;;;147;16;;Iwanet dar nâher spranc,
;;;147;17;;der knappe valsches vrîe,
;;;147;18;;er bôt im kompânîe.
;;;147;19;;der knappe sprach: "got halte dich,
;;;147;20;;bat mîn muoter reden mich,
;;;147;21;;ê daz ich schiede von ir hûs.
;;;147;22;;ich sihe hie manigen Artus.
;;;147;23;;wer sol mich hie ritter machen?"
;;;147;24;;Iwanet begunde lachen.
;;;147;25;;er sprach: "dû ensihest des rehten niht,
;;;147;26;;daz aber schiere nû geschiht."
;;;147;27;;er vuorte in zuo dem palas,
;;;147;28;;dâ diu werde massenîe was.
;;;147;29;;sus vil kunde er in schalle,
;;;147;30;;er sprach: "got halte iuch alle,
;;;148;1;;benamen den künic und daz wîp.
;;;148;2;;mir gebôt mîn muoter an den lîp,
;;;148;3;;daz ich die gruozte besunder
;;;148;4;;und die ob der tavelrunder
;;;148;5;;von rehtem prîse heten stat.
;;;148;6;;die selben si mich grüezen bat.
;;;148;7;;dâr an ein kunst mich verbirt,
;;;148;8;;ine weiz, welher hinne ist wirt.
;;;148;9;;dem hât ein ritter her enboten
;;;148;10;;- den sach ich allenthalben rôten -,
;;;148;11;;er welle sîn dâ ûze bîten.
;;;148;12;;mich dunket, er welle strîten.
;;;148;13;;im ist ouch leit, daz er den wîn
;;;148;14;;vergôz ûf die künigîn.
;;;148;15;;owê, wanne het ich sîn gewant
;;;148;16;;enpfangen von des küniges hant,
;;;148;17;;sô wær ich vröuden rîche,
;;;148;18;;wand ez stât sô ritterlîche!"
;;;148;19;;Der knappe unbetwungen
;;;148;20;;wart harte vil gedrungen,
;;;148;21;;gehurtet her und dar.
;;;148;22;;si nâmen sîner varwe war,
;;;148;23;;diz was selpschouwet.
;;;148;24;;gehêret noch gevrouwet
;;;148;25;;wart nie minneclîcher vruht.
;;;148;26;;got was an einer süezen zuht,
;;;148;27;;dô er Parcifalen worhte,
;;;148;28;;der vreise wênic vorhte.
;;;148;29;;sus wart er vür Artusen brâht,
;;;148;30;;an dem got wunsches hete erdâht.
;;;149;1;;ime kunde niemen vîent sîn.
;;;149;2;;dô besach in ouch diu künigîn,
;;;149;3;;ê si schiede von dem palas,
;;;149;4;;dâ si vor begozzen was.
;;;149;5;;Artus an den knappen sach,
;;;149;6;;zuo dem tumben er dô sprach:
;;;149;7;;"junchêrre, got vergelte iuwer gruoz,
;;;149;8;;den ich vil gerne dienen muoz
;;;149;9;;mit lîbe und ouch mit guote.
;;;149;10;;des ist mir wol ze muote."
;;;149;11;;"wolte got, wanne wær ez wâr!
;;;149;12;;der wîle dunket mich ein jâr,
;;;149;13;;daz ich niht ritter wesen sol.
;;;149;14;;daz tuot mir wirs danne wol.
;;;149;15;;nû ensûmet mich niht mêre,
;;;149;16;;pflegt mîn nâch ritters êre."
;;;149;17;;"daz tuon ich gerne", sprach der wirt,
;;;149;18;;"ob wirdicheit mich niht verbirt.
;;;149;19;;dû bist wol sô gehiure,
;;;149;20;;rîch an koste stiure
;;;149;21;;wirt dir mîn gâbe undertân.
;;;149;22;;daz ist wâr, ich solte ez ungerne lân.
;;;149;23;;dû solt unz morne beiten,
;;;149;24;;ich wil dich wol bereiten."
;;;149;25;;der wolgeborne knappe
;;;149;26;;hielt dâ gernde als ein trappe.
;;;149;27;;er sprach: "ine wil hie nihtes bîten.
;;;149;28;;mir kam ein ritter widerriten.
;;;149;29;;mac mir des harnasch werden niht,
;;;149;30;;ich enruoche, wer küniges gâbe giht.
;;;150;1;;sô gît mir aber diu muoter mîn.
;;;150;2;;ich wæne dô, siest doch ein künigîn."
;;;150;3;;Artus sprach zuom knappen sân:
;;;150;4;;"daz harnasch het an im ein man,
;;;150;5;;daz ich dirs niht getörste geben.
;;;150;6;;ich muoz doch mit kumber sus leben
;;;150;7;;âne alle schulde,
;;;150;8;;sît ich darbe sîner hulde.
;;;150;9;;ez ist Ither von Gaheviez,
;;;150;10;;der trûren mir durch vröude stiez."
;;;150;11;;"ir wæret ein künic unmilte,
;;;150;12;;ob iuch solicher gâbe bevilte.
;;;150;13;;gebet sim dar", sprach Keie sân,
;;;150;14;;"und lât in zuo zuom ûf den plân.
;;;150;15;;sol ieman bringen ûf den kopf,
;;;150;16;;hie haltet diu geisel, dort der topf.
;;;150;17;;lât daz kint in umbe trîben,
;;;150;18;;sô lobet manz vor den wîben.
;;;150;19;;ez muoz noch dicke bâgen
;;;150;20;;und soliche schanz wâgen.
;;;150;21;;ine sorge umb deweders leben.
;;;150;22;;man sol hunt umb ebers houbet geben."
;;;150;23;;"ungerne wolt ich ime versagen,
;;;150;24;;wand daz ich vörhte, er werde erslagen,
;;;150;25;;dem ich helfen sol der ritterschaft",
;;;150;26;;sprach Artus ûz triuwen kraft.
;;;150;27;;Der knappe iedoch die gâbe enpfienc,
;;;150;28;;dâ von ein jâmer sît ergienc.
;;;150;29;;dô was ime von dem künige gâch.
;;;150;30;;junge und alte im drungen nâch.
;;;151;1;;Iwanet in an der hende zôch
;;;151;2;;vür eine louben niht ze hôch.
;;;151;3;;dô sach er vür und wider.
;;;151;4;;ouch was diu loube wol sô nider,
;;;151;5;;daz er drûf hôrte und sach,
;;;151;6;;dâ von ein trûren im geschach.
;;;151;7;;dô wolte ouch diu künigîn
;;;151;8;;selbe an den venstern sîn
;;;151;9;;mit rittern und mit vrouwen.
;;;151;10;;die begunden in alle schouwen.
;;;151;11;;dâ saz vrouwe Cunneware,
;;;151;12;;diu fiere und diu clâre.
;;;151;13;;diu enlachete niht dekeine wîs,
;;;151;14;;si sæhe in, der den hôsten prîs
;;;151;15;;hete oder solte erwerben.
;;;151;16;;si wolte ersterben.
;;;151;17;;allez lachen si vermeit,
;;;151;18;;unz daz der knappe vür si reit.
;;;151;19;;dô erlachete ir minneclîcher munt,
;;;151;20;;des wart ir rücke ungesunt.
;;;151;22;;vrouwen Cunnewaren de Lalant,
;;;151;21;;si koste Keie sân zehant
;;;151;23;;mit ir reiden hâre.
;;;151;24;;ir langen zöpfe clâre,
;;;151;25;;die want er umb sîne hant,
;;;151;26;;er spante si âne türbant.
;;;151;27;;ir rücke wart ein eit gestabet;
;;;151;28;;ez wart ein stap sô dran gehabet,
;;;151;29;;unz daz sîn sûsen gar verswanc.
;;;151;30;;durch die wât und durch ir vel ez dranc.
;;;152;1;;dô sprach der unwîse:
;;;152;2;;"iuwerm werden prîse
;;;152;3;;ist geben ein smæhiu letze.
;;;152;4;;ich bin sîn vengic netze,
;;;152;5;;ich sol in wider in iuch smîden,
;;;152;6;;daz irs enpfindet ûf den liden.
;;;152;7;;ez ist dem künige Artus
;;;152;8;;ûf sînen hof und in sîn hûs
;;;152;9;;sô manic wert man geriten,
;;;152;10;;durch die ir lachen hât vermiten,
;;;152;11;;und lachet nû durch einen man,
;;;152;12;;der niht mit ritters vuore kan."
;;;152;13;;in zorne wunders vil geschiht.
;;;152;14;;sînes slages wære ime erteilet niht
;;;152;15;;vorme rîche ûf dise maget,
;;;152;16;;diu vil von vriunden wirt geklaget.
;;;152;17;;ob si halt schilt solte tragen!
;;;152;18;;diu unvuoge ist dâ geslagen,
;;;152;19;;wanne si was von arde ein vürstîn.
;;;152;20;;Orilus und Lehelin,
;;;152;21;;ir bruoder, hetenz die gesehen,
;;;152;22;;der slege minner wære geschehen.
;;;152;23;;Der verswigene Anthanor,
;;;152;24;;der durch swîgen dûhte ein tôr,
;;;152;25;;sîn rede und ir lachen
;;;152;26;;was gezilt mit einen sachen:
;;;152;27;;er enwolte niemer wort gesagen.
;;;152;28;;
;;;152;29;;dô ir lachen wart getân,
;;;152;30;;sîn munt sprach ze Keien sân:
;;;153;1;;"goteweiz, hêrre schinischant,
;;;153;2;;daz Cunneware de Lalant
;;;153;3;;durch den knappen ist zerbert.
;;;153;4;;iuwer vröude des wirt verzert
;;;153;5;;noch von sîner hende,
;;;153;6;;er ensî nie sô ellende."
;;;153;7;;"sît iuwer êrste rede mir dröuwet,
;;;153;8;;ich wæne, irs wênic iuch gevröuwet."
;;;153;9;;sîn brât wart gealûnet,
;;;153;10;;mit slegen vil gerûnet
;;;153;11;;dem wizzenthaften tôren
;;;153;12;;mit viusten in sîn ôren.
;;;153;13;;daz tet Keie sunder twâl.
;;;153;14;;dô muose der junge Parcifal
;;;153;15;;disen kumber schouwen,
;;;153;16;;Anthanors und der vrouwen.
;;;153;17;;im was von herzen leit ir nôt.
;;;153;18;;vil dicke er greif zem gabilôt.
;;;153;19;;dô was vor der künigîn solich gedranc,
;;;153;20;;daz er durch daz vermeit den swanc.
;;;153;21;;urloup nam dô Iwanet
;;;153;22;;zem fili rois Gahmuret.
;;;153;23;;des reise aleine wart getân
;;;153;24;;hin ûz gegen Ither ûf den plân.
;;;153;25;;dem sagete er solichiu mære,
;;;153;26;;daz niemen dinne wære,
;;;153;27;;der justierens gerte.
;;;153;28;;"der künic mich gebe werte.
;;;153;29;;ich sagete, als dû mir jæhe,
;;;153;30;;wiez âne danc geschæhe,
;;;154;1;;daz dû den wîn vergüzze,
;;;154;2;;ungevuoge dich verdrüzze.
;;;154;3;;ir dekeinen lustet strîtes.
;;;154;4;;gip mir, dâ dû ûffe rîtes,
;;;154;5;;und dar zuo al dîn harnas.
;;;154;6;;daz enpfienc ich ûf dem palas,
;;;154;7;;dâr inne ich ritter werden muoz.
;;;154;8;;widersagt sî dir mîn gruoz,
;;;154;9;;ob dû mirz ungerne gîst.
;;;154;10;;wer mich, ob dû bî witzen sîst."
;;;154;11;;Der künic von Kukumerlant
;;;154;12;;sprach: "hât Artuses hant
;;;154;13;;dir mîn harnasch gegeben,
;;;154;14;;daz tæt er lîhte ouch mîn leben,
;;;154;15;;möhtest dû mir ez ab gewinnen.
;;;154;16;;sus kan er vriunde minnen.
;;;154;17;;was aber er dir ê iht holt,
;;;154;18;;dû hâst sô schiere gedienet den solt."
;;;154;19;;"ich getar wol dienen, waz ich sol;
;;;154;20;;ouch hât er mich gewert wol.
;;;154;21;;gip her und lâ dîn lantreht.
;;;154;22;;ich wil niht langer sîn ein kneht,
;;;154;23;;ich sol schiltes ambet hân."
;;;154;24;;er greif ime nâch dem zoume sân:
;;;154;25;;"dû maht wol wesen Lehelin,
;;;154;26;;von dem mir klagete diu muoter mîn."
;;;154;27;;der ritter umbe kêrte den schaft
;;;154;28;;und stach den knaben sô mit kraft,
;;;154;29;;daz er und sîn pferdelîn
;;;154;30;;muosen vallen ûf die bluomen sîn.
;;;155;1;;der helt was zornes dræte.
;;;155;2;;er sluoc in, daz ime wæte
;;;155;3;;von dem schafte ûzer swarten bluot.
;;;155;4;;Parcifal, der knappe guot,
;;;155;5;;stuont al zornic ûf dem plân.
;;;155;6;;sîn gabilôt begreif er sân.
;;;155;7;;dâ der helm und diu barbier
;;;155;8;;sich locheten ob dem hersenier,
;;;155;8;1;
;;;155;8;2;
;;;155;9;;durch daz ouge in sneit daz gabilôt
;;;155;10;;und durch den nac, daz er lac. tôt
;;;155;11;;viel der valscheit widersaz.
;;;155;12;;wîbe siufzen, herzen jâmers kraz
;;;155;13;;gap Ithers tôt von Gaheviez,
;;;155;14;;der wîben ouge nazzen liez.
;;;155;15;;welhiu sîner minne enpfant,
;;;155;16;;durch die vröude ir was gerant,
;;;155;17;;ir schimpf wart geschumpfieret,
;;;155;18;;gegen der riuhe gecundewieret.
;;;155;19;;Parcifal, der tumbe,
;;;155;20;;kêrte in dicke alumbe.
;;;155;21;;er kunde ime abe ziehen niht
;;;155;22;;- daz was ein wunderlîch geschiht -
;;;155;23;;helmes snüere noch sîniu schinnelier.
;;;155;24;;mit sînen blanken handen fier
;;;155;25;;kund ers niht ûf gestricken
;;;155;26;;noch sus her abe gezwicken.
;;;155;27;;vil dicke es doch versuochte
;;;155;28;;wîsheit der unberuochte.
;;;155;29;;danne ers und daz pferdelîn
;;;155;30;;erhuoben einen solhen grîn,
;;;156;1;;daz ez Iwanet erhôrte
;;;156;2;;vor der stat ans graben orte,
;;;156;3;;vrouwen Ginoveren knappe und ir maget.
;;;156;4;;dô er von dem rosse erhôrte den bâc
;;;156;5;;und dô er niemen drûffe sach
;;;156;6;;- von sînen triuwen daz geschach,
;;;156;7;;die er nâch Parcifalen truoc -,
;;;156;8;;dô gâhete dar der knappe kluoc.
;;;156;9;;er vant Ithern tôt
;;;156;10;;und Parcifalen in tumber nôt.
;;;156;11;;snellîch er zuo in beiden spranc.
;;;156;12;;dô sagete er Parcifalen danc
;;;156;13;;prîses, des erwarp sîn hant
;;;156;14;;an dem von Kukumerlant.
;;;156;15;;"got lône dir! nû rât, waz ich tuo.
;;;156;16;;ich kan hie harte wênic zuo.
;;;156;17;;wie bring ich daz ab im und an mich?"
;;;156;18;;"daz kan ich wol gelêren dich",
;;;156;19;;sprach der stolze Iwanet
;;;156;20;;zem fili rois Gahmuret.
;;;156;21;;entwâpet wart der tôte man
;;;156;22;;aldâ vor Nantes ûf dem plân
;;;156;23;;und an den lebenden geleit,
;;;156;24;;den dennoch grôziu tumpheit reit.
;;;156;25;;Iwanet sprach: "diu ribbalîn
;;;156;26;;sullen niht underm îser sîn.
;;;156;27;;dû solt nû tragen ritters kleit."
;;;156;28;;diu rede was Parcifalen leit.
;;;156;29;;Dô sprach der knappe guoter:
;;;156;30;;"waz mir gap mîn muoter,
;;;157;2;;ez gê ze schaden oder ze vromen,
;;;157;1;;des sol vil wênic von mir komen."
;;;157;3;;daz dûhte in wunderlîch genuoc,
;;;157;4;;Iwaneten, der was kluoc.
;;;157;4;1;
;;;157;4;2;
;;;157;4;3;
;;;157;4;4;
;;;157;5;;iedoch muos er ime volgen.
;;;157;6;;er enwas im niht erbolgen.
;;;157;7;;zwô liehte hosen îserîn
;;;157;8;;schuohet er ime über diu ribbalîn.
;;;157;9;;sunder leder mit zwein borten
;;;157;10;;zwêne sporen dar zuo gehôrten.
;;;157;11;;er spien ime an des goldes werc.
;;;157;12;;ê er ime dâr büte den halsberc,
;;;157;12;1;
;;;157;12;2;
;;;157;13;;er stricket ime umbe diu schinnelier.
;;;157;14;;sunder twâle harte schier
;;;157;15;;von vuoze ûf gewâpent wol
;;;157;16;;wart Parcifal mit gernder dol.
;;;157;17;;dô iesch der knappe mære
;;;157;18;;sînen kochære.
;;;157;19;;"in reiche dir kein gabilôt.
;;;157;20;;diu ritterschaft dir daz verbôt",
;;;157;21;;sprach Iwanet, der knappe wert.
;;;157;22;;er gurt ime umbe ein scharpfez swert.
;;;157;23;;daz lêrte er in ûz ziehen
;;;157;24;;und widerriet ime vliehen.
;;;157;25;;dô zôch er im dar nâher sân
;;;157;26;;des tôten mannes kastelân.
;;;157;27;;daz truoc bein hôch und lanc.
;;;157;28;;gewâpent er in den satel spranc,
;;;157;29;;er engerte stegreifes niht,
;;;157;30;;dem man noch snelheit giht.
;;;158;1;;Iwaneten niht bevilt,
;;;158;2;;er lêrte in under dem schilt
;;;158;3;;künsteclîch gebâren
;;;158;4;;und der vîende schaden vâren.
;;;158;5;;er bôt ime in die hant ein sper,
;;;158;6;;daz was gar âne sîne ger.
;;;158;7;;doch vrâgete er: "war zuo ist diz vrume?"
;;;158;8;;"wer gegen dir zer juste kume,
;;;158;9;;dâ solt dûz balde brechen,
;;;158;10;;durch sînen schilt verstechen.
;;;158;11;;wiltû des vil getrîben,
;;;158;12;;man lobet dich vor den wîben."
;;;158;13;;Als uns diu âventiure giht,
;;;158;14;;von Köln noch von Mastricht
;;;158;15;;dekein schilter entwürfen baz,
;;;158;16;;danne Parcifal ze rosse saz.
;;;158;17;;dô sprach er ze Iwanete sân:
;;;158;18;;"lieber vriunt, mîn kumpân,
;;;158;19;;ich hân erworben, des ich bat.
;;;158;20;;dû solt mîn dienest in die stat
;;;158;21;;dem künige Artuse sagen
;;;158;22;;und ouch mîn hôhez laster klagen.
;;;158;23;;bring ime wider sîn goltvaz.
;;;158;24;;ein ritter sîner zuht vergaz,
;;;158;25;;daz er die juncvrouwen sluoc,
;;;158;26;;durch daz si lachens mîn gewuoc.
;;;158;27;;mich müegent ir jâmerlîchen wort,
;;;158;28;;diu verrüerent mich in dekein herzen ort;
;;;158;29;;jâ muoz enmitten drinne sîn
;;;158;30;;der vrouwen ungedienter pîn.
;;;159;1;;nû tuoz durch dîne gesellecheit
;;;159;2;;und lâz dir sîn mîn laster leit.
;;;159;3;;got hüete dîn - ich wil von dir varn -,
;;;159;4;;der mac uns balde wol bewarn."
;;;159;5;;Ithern von Gaheviez
;;;159;6;;er jâmerlîchen ligen liez.
;;;159;7;;der was doch tôt sô minneclîch,
;;;159;8;;lebendic was er sælden rîch.
;;;159;9;;wær ritterschaft sîn endes wer
;;;159;10;;ze jungest durch schilt mit einem sper,
;;;159;11;;wer klagete danne die wunders nôt?
;;;159;12;;er starp mit einem gabilôt.
;;;159;13;;Iwanet ûf in dô brach
;;;159;14;;der liehten bluomen ze einem dach.
;;;159;15;;er stiez den gabilôtes stil
;;;159;16;;sus im nâch der martel zil.
;;;159;17;;der knappe kiusch und stolz
;;;159;18;;druhte in kriuze wîse ein holz
;;;159;19;;durch des gabilôtes snîden.
;;;159;20;;dô enwoltent niht vermîden,
;;;159;21;;hin in die stat er sagete,
;;;159;22;;des manic wîp verzagete
;;;159;23;;und manic ritter weinde,
;;;159;24;;der klagende triuwe erscheinde.
;;;159;25;;dâ wart jâmers vil gedolt.
;;;159;26;;der tôte schône wart geholt.
;;;159;27;;diu künigîn reit ûz der stat.
;;;159;28;;das heilictuom si vüeren bat
;;;159;29;;ob dem künic von Kukumerlant,
;;;159;30;;den tôte Parcifals hant.
;;;160;1;;Vrouwe Ginover, diu künigîn,
;;;160;2;;tet jâmerlîche klage schîn.
;;;160;3;;si sprach: "owê und heiâ hei!
;;;160;4;;Artuses werdicheit enzwei
;;;160;5;;sol brechen noch diz wunder,
;;;160;6;;der ob der tavelrunder
;;;160;7;;den hœhesten prîs solte tragen,
;;;160;8;;daz er vor Nantes lît erslagen.
;;;160;9;;sînes erbeteils er gerte,
;;;160;10;;dô man in sterbens werte.
;;;160;11;;er was doch massenîe alhie,
;;;160;12;;alsô daz kein ôre nie
;;;160;13;;dekein sîn untât vernam.
;;;160;14;;er was vor wildem valsche zam.
;;;160;15;;der was vil gar von ime geschaben.
;;;160;16;;nû muoz ich al ze vruo begraben
;;;160;17;;ein slôz ob dem prîse.
;;;160;18;;sîn herze an zühten wîse,
;;;160;19;;obem slôze ein hantveste,
;;;160;20;;riet ime benamen daz beste,
;;;160;21;;sît man nâch wîbes minne
;;;160;22;;mit ellenthaftem sinne
;;;160;23;;solte erzöugen mannes triuwe.
;;;160;24;;ein berndiu vruht al niuwe
;;;160;25;;ist trûrens ûf diu wîp gesæt.
;;;160;26;;ûz dîner wunden jâmer wæt.
;;;160;27;;dâr was doch wol sô rôt dîn hâr,
;;;160;28;;daz dîn bluot die bluomen clâr
;;;160;29;;niht râtet tôtvar machen.
;;;160;30;;dû wendest wîplîch lachen."
;;;161;1;;Ither, der lobes rîche,
;;;161;2;;wart bestatet küniclîche.
;;;161;3;;des tôt schoup siufzen in diu wîp.
;;;161;4;;sîn harnasch ime verlôs den lîp.
;;;161;5;;dâr umbe was sîn endes wer
;;;161;6;;des tumben Parcifalen ger.
;;;161;7;;sît dô er sich baz versan,
;;;161;8;;ungerne hete erz dô getân.
;;;161;9;;daz ros einer site pflac:
;;;161;10;;grôz arbeit er ringe wac.
;;;161;11;;ez wære kalt oder heiz,
;;;161;12;;er enliez durch reise keinen sweiz,
;;;161;13;;er træte steine oder ronen.
;;;161;14;;man dorft ime keines gurtes wonen
;;;161;15;;doch eines loches nâher baz,
;;;161;16;;sô man zwêne tage drûffe saz.
;;;161;17;;gewâpent reit ez der tumbe man
;;;161;18;;den tac sô verre, ez hete gelân
;;;161;19;;ein blôz wîser, solt er ez hân geriten
;;;161;20;;zwên tage, ez wære vermiten.
;;;161;21;;er liez ez schûften, selten draben,
;;;161;22;;er kunde im lützel ûf gehaben.
;;;161;23;;hin gegen dem âbende er gesach
;;;161;24;;eines turnes gupfen und des dach.
;;;161;25;;den tumben dûhte sêre,
;;;161;26;;wie der turne wüehse mêre;
;;;161;27;;der lac dâ vil ûf einem hûs.
;;;161;28;;dô wând er, si sæte Artus.
;;;161;29;;des jach er ime vür heilikeit
;;;161;30;;und daz sîn sælde wære bereit.
;;;162;1;;alsô sprach der tumbe man:
;;;162;2;;"mîner muoter volc niht bûwen kan,
;;;162;3;;jâ enwehset niht sô lanc ir sât,
;;;162;4;;waz si in dem walde hât.
;;;162;5;;grôz regen si selten dâ verbirt."
;;;162;6;;Gurnemanz de Graharz hiez der wirt
;;;162;7;;ûf dirre burc, dâ zuo er reit.
;;;162;8;;dâ vor stuont ein linde breit
;;;162;9;;ûf einem grüenen anger.
;;;162;10;;der was breiter noch langer
;;;162;11;;niht wanne ze rehter mâze.
;;;162;12;;daz ros und ouch diu strâze
;;;162;13;;in truogen, dâ er sitzen vant,
;;;162;14;;des diu burc was und daz lant.
;;;162;15;;ein grôziu müede in des betwanc,
;;;162;16;;daz er den schilt unrehte swanc
;;;162;17;;ze verre hinder oder vür,
;;;162;18;;ouch niendert nâch der mâze kür,
;;;162;19;;die man dô gegen prîse maz.
;;;162;20;;Gurnemanz, der vürste, aleine saz.
;;;162;21;;ouch gap der linden tolde
;;;162;22;;ir schaten, als si solde,
;;;162;23;;dem houbetman der wâren zuht.
;;;162;24;;des site was vor valsche ein vluht.
;;;162;25;;der enpfienc den gast, daz was sîn reht.
;;;162;26;;bî ime was der ritter noch der kneht.
;;;162;27;;sus sprach zuo ime dô Parcifal
;;;162;28;;ûz tumben witzen sunder twâl:
;;;162;29;;"mich bat mîn muoter nemen rât
;;;162;30;;zuo dem, der grâwe locke hât.
;;;163;1;;dâ wil ich, hêrre, iu dienen nâch,
;;;163;2;;sît mir mîn muoter des verjach."
;;;163;3;;"sît ir durch râtes schulde
;;;163;4;;her komen, iuwer hulde
;;;163;5;;müezet ir mir durch râten lân,
;;;163;6;;und wellet ir râtes volge hân."
;;;163;7;;Dô warf der vürste mære
;;;163;8;;einen mûzersperwære
;;;163;9;;von der hende. in die burc er swanc.
;;;163;10;;ein guldîn schelle dran erklanc.
;;;163;11;;daz was ein bote. dô kômen sân
;;;163;12;;junchêrren wol getân.
;;;163;13;;er bat den gast, den er dâ sach,
;;;163;14;;în vüeren und schaffen sîn gemach.
;;;163;15;;der sprach: "mîn muoter saget alwâr:
;;;163;16;;altmannes rede stât niht ze vâr."
;;;163;17;;hin în sin vuorten al zehant,
;;;163;18;;dâ er manigen ritter vant.
;;;163;19;;ûf dem hove an einer stat
;;;163;20;;ieglîcher in erbeizen bat.
;;;163;21;;dô sprach, an dem was tumpheit schîn:
;;;163;22;;"mich hiez ein künic ritter sîn.
;;;163;23;;waz halt mir drûffe geschiht,
;;;163;24;;ine kume von disem rosse niht.
;;;163;25;;gruoz gegen iu riet mîn muoter mir."
;;;163;26;;si danketen beidiu ime und ir.
;;;163;27;;dô daz grüezen wart getân
;;;163;28;;- daz ros was müede und ouch der man -,
;;;163;29;;maniger bete si gedâhten,
;;;163;30;;ê si in von dem rosse brâhten
;;;164;1;;in eine kemenâten.
;;;164;2;;si begunden alle râten:
;;;164;3;;"lât daz harnasch von iu bringen
;;;164;4;;und iuweren liden ringen."
;;;164;5;;mit der rede entwâpenten si in.
;;;164;6;;nû si diu rûhen ribbalîn
;;;164;7;;und diu tôren kleit ersâhen,
;;;164;8;;si erschrâken, die sîn pflâgen.
;;;164;9;;vil schier ez wart ze hove gesaget.
;;;164;10;;der wirt vor schame was verzaget.
;;;164;11;;Ein ritter sprach durch sîne zuht:
;;;164;12;;"dês wâr, sô werdeclîch vruht
;;;164;13;;erkôs nie mîner ouge spehen.
;;;164;14;;an ime lît der sælden spehe
;;;164;15;;mit reiner, hôher, süezer art.
;;;164;16;;wie ist der minnen blic alsus bewart?
;;;164;17;;mich jâmert iemer, daz ich vant
;;;164;18;;an der werden vröude solich gewant.
;;;164;19;;wol doch der muoter, diu in truoc,
;;;164;20;;an dem des wunsches lît genuoc.
;;;164;21;;sîn zimierde ist rîche,
;;;164;22;;daz harnasch stuont ritterlîche,
;;;164;23;;ê ez kœme von dem gehiuren.
;;;164;24;;von einer quaschiuren
;;;164;25;;bluotic amesiere
;;;164;26;;kôs ich an im schiere."
;;;164;27;;der wirt sprach zuom ritter sân:
;;;164;28;;"daz ist durch wîbe gebôt getân."
;;;164;29;;"nein, hêrre, ez ist mit solichen siten,
;;;164;30;;er enkunde niemer wîp gebiten,
;;;165;1;;daz si sînen dienst næme.
;;;165;2;;sîn varwe der minnen zæme."
;;;165;3;;der wirt sprach: "nû sullen wir sehen,
;;;165;4;;an des wæte ein wunder ist geschehen."
;;;165;5;;sus giengen si, dâ si vunden
;;;165;6;;Parcifalen, den wunden
;;;165;7;;von einem sper, daz beleip ganz.
;;;165;8;;sîn underwant  Gurnemanz.
;;;165;9;;solich was sîn underwinden,
;;;165;10;;daz ein vater sînen kinden,
;;;165;11;;der sich triuwe kunde nieten,
;;;165;12;;niht baz möhte erbieten.
;;;165;13;;sîne wunden wuosch und bant
;;;165;14;;der wirt mit sîn selbes hant.
;;;165;15;;dô was ouch ûf geleit daz brôt.
;;;165;16;;des was dem jungen gaste nôt,
;;;165;17;;wand in grôz hunger niht vermeit.
;;;165;18;;al vastende er des morgens reit
;;;165;19;;von sînem wirt, dem vischære.
;;;165;20;;sîn wunde und harnasch swære,
;;;165;21;;die er vor Nantes bejagete,
;;;165;22;;ime müede und hunger sagete
;;;165;23;;und diu verre tagereise
;;;165;24;;von Artuse dem Brituneise,
;;;165;25;;dâ man in allenthalben vasten liez.
;;;165;26;;der wirt in mit im ezzen hiez.
;;;165;27;;der gast sich dâ gelabete.
;;;165;28;;in den gebæren er sich sô habete,
;;;165;29;;daz er der spîse swande vil.
;;;165;30;;daz nam der wirt gar ze einem spil.
;;;166;1;;dô bat in vlîzeclîche
;;;166;2;;Gurnemanz, der rîche,
;;;166;3;;daz er vaster æze
;;;166;4;;und sîner müede vergæze.
;;;166;5;;Man huop den tisch, dô des wart zît.
;;;166;6;;"ich wæne, daz ir müede sît",
;;;166;7;;sprach der wirt. "wârt ir iht vruo?"
;;;166;8;;"got weiz, mîn muoter sliefe nû.
;;;166;9;;diu kan sô vil niht wachen."
;;;166;10;;der wirt begunde lachen.
;;;166;11;;er vuorte in an die slâfstat.
;;;166;12;;der wirt in sich ûz sloufen bat.
;;;166;13;;ungerne er daz tet, doch muos ez sîn.
;;;166;14;;ein declachen hermîn
;;;166;15;;wart geleit über des tumben lîp.
;;;166;16;;sô werde vruht gebar nie wîp.
;;;166;17;;grôz müede slâf in lêrte,
;;;166;18;;daz er sich selten kêrte
;;;166;19;;an die anderen sîten.
;;;166;20;;sus kunde er tages erbîten.
;;;166;21;;dô gebôt der vürste mære,
;;;166;22;;daz ein bat bereit wære
;;;166;23;;des morgens umb den mitten tac
;;;166;24;;zuo ende an dem teppich, der dâ lac.
;;;166;25;;daz muos des morgens alsô sîn.
;;;166;26;;man warf dâ rôsen oben în.
;;;166;27;;wie wênic man umb in dâ rief,
;;;166;28;;der gast erwachete, der dâ slief.
;;;166;29;;der junge, werde, süeze man
;;;166;30;;gienc sitzen in die kuofen sân.
;;;167;1;;ine weiz, wer si des bæte,
;;;167;2;;juncvrouwen in rîcher wæte
;;;167;3;;und an lîbes varwe minneclîch,
;;;167;4;;die kômen zühte site gelîch.
;;;167;5;;si twuogen und strichen schiere
;;;167;6;;von ime sîn amesiere
;;;167;7;;mit blanken, linden henden.
;;;167;8;;jô endorfte in niht ellenden,
;;;167;9;;der dô was witze ein weise.
;;;167;10;;sus dolt er vröude und eise.
;;;167;11;;tumpheit er wênic gegen in engalt.
;;;167;12;;juncvrowen kiusch und balt
;;;167;13;;in alsus kunrierten.
;;;167;14;;wâ von si parlierten,
;;;167;15;;dâ kunde er wol geswîgen zuo.
;;;167;16;;ez endorft in dunken niht ze vruo,
;;;167;17;;wanne von in schein der ander tac.
;;;167;18;;der glast alsus in strîte lac,
;;;167;19;;sîn varwe laste beidiu lieht.
;;;167;20;;des was sîn lîp versweinet niht.
;;;167;21;;man bôt ein badelachen dar,
;;;167;22;;des nam er harte kleine war.
;;;167;23;;sus kunde er sich bî vrouwen schemen;
;;;167;24;;vor in wolt ers niht umbe nemen.
;;;167;25;;die juncvrouwen muosten gân,
;;;167;26;;si getorsten dâ niht langer stân.
;;;167;27;;ich wæne, si gerne heten gesehen,
;;;167;28;;ob im dort unde iht wære geschehen.
;;;167;29;;wîpheit vert mit triuwen,
;;;167;30;;si kan wol vriundes kumber riuwen.
;;;168;1;;der gast an daz bette schreit.
;;;168;2;;al wîz gewant ime was bereit.
;;;168;3;;von golt und ouch sîdîn
;;;168;4;;einen gürtel zôch man drîn.
;;;168;5;;scharlachens hosen rôt man streich
;;;168;6;;an in, dem ellen nie gesweich.
;;;168;7;;âvoy, wie stuonden sîniu bein!
;;;168;8;;reht geschickede ab in schein.
;;;168;9;;brûn scharlachen wol gesniten,
;;;168;10;;dem was furrieren niht vermiten,
;;;168;11;;beidiu innen hermîn blanc,
;;;168;12;;roc und mantel wâren lanc.
;;;168;13;;breit, swarz und grâ
;;;168;14;;zobel dâr vor kôs man dâ.
;;;168;15;;daz legete an der gehiure.
;;;168;16;;under einen gürtel tiure
;;;168;17;;wart er gefischieret
;;;168;18;;und wol gezimieret
;;;168;19;;mit einem tiuren vürspan.
;;;168;20;;sîn munt dâ bî von rœte bran.
;;;168;21;;Dô kam der wirt mit triuwen kraft,
;;;168;22;;nâch dem gienc stolziu ritterschaft.
;;;168;23;;der entpfienc den gast. dô daz geschach,
;;;168;24;;der ritter ieglîcher sprach,
;;;168;25;;si gesæhen niht sô schœnen lîp.
;;;168;26;;mit triuwen lobeten si daz wîp,
;;;168;27;;diu gap der werlde alsoliche vruht.
;;;168;28;;durch wârheit und umb ir zuht
;;;168;29;;si jâhen: "er wirt wol gewert,
;;;168;30;;wâ sîn dienest genâden gert.
;;;169;1;;im ist minne und gruoz bereit,
;;;169;2;;mac er geniezen werdicheit."
;;;169;3;;ieslîcher ime des dâ verjach
;;;169;4;;und dar nâch, wer in ie gesach.
;;;169;5;;der wirt in mit der hant gevienc,
;;;169;6;;geselleclîchen er dannen gienc.
;;;169;7;;in vrâgete der vürste mære,
;;;169;8;;wie lîht sîn ruowe wære
;;;169;9;;des nahtes dâ bî ime gewesen.
;;;169;10;;"hêrre, danne wære ich niht genesen,
;;;169;11;;wan daz mir here mîn muoter riet
;;;169;12;;des tages, dô ich von ir schiet."
;;;169;13;;"got müeze lônen iu und ir.
;;;169;14;;hêrre, ir tuot gnâde an mir."
;;;169;15;;dô gienc der helt mit witzen kranc,
;;;169;16;;dâ man got und dem wirte sanc.
;;;169;17;;der wirt zer messe in lêrte,
;;;169;18;;daz ie die sælde mêrte,
;;;169;19;;opfern und segnen sich
;;;169;20;;und gegen dem tiuvel kêren gerich.
;;;169;21;;dô giengens ûf den palas,
;;;169;22;;dâ der tisch berihtet was.
;;;169;23;;der gast ze sînem wirte saz,
;;;169;24;;die spîse er ungesmâhet az.
;;;169;25;;der wirt sprach durch hövescheit:
;;;169;26;;"hêrre, iu sol niht wesen leit,
;;;169;27;;ob ich iuch vrâge mære,
;;;169;28;;wannen iuwer reise wære."
;;;169;29;;er seit im gar die underscheit,
;;;169;30;;wie er von sîner muoter reit,
;;;170;1;;umb ein vingerlîn und umb ein vürspan
;;;170;2;;und wie er daz harnasch gewan.
;;;170;3;;der wirt erkante den ritter rôt.
;;;170;4;;er siufzete und erbarmete in sîn nôt.
;;;170;5;;sînen gast des namen er niht enliez,
;;;170;6;;den rôten ritter er in hiez.
;;;170;7;;Dô man die tische dan genam,
;;;170;8;;dar nâch wart widermuot vil zam.
;;;170;9;;der wirt sprach zem gaste sîn:
;;;170;10;;"ir redet als ein kindelîn.
;;;170;11;;wanne geswîget ir iuwer muoter gar
;;;170;12;;und nemet andere mære war?
;;;170;13;;haltet iuch an mînen rât;
;;;170;14;;er scheidet iuch von missetât.
;;;170;15;;sus hebe ich an, lât es iuch gezemen,
;;;170;16;;ir sollet niemer iuch verschemen.
;;;170;17;;verschamter lîp, waz sol der mêr?
;;;170;18;;der wonet in der mûze rêr,
;;;170;19;;dâ ime werdicheit entrîst
;;;170;20;;und in gegen der helle wîst.
;;;170;21;;ir traget geschickede und schîn,
;;;170;22;;ir muget wol volkes hêrre sîn.
;;;170;23;;ist hôch und hœhet sich iuwer art,
;;;170;24;;lât iuwern willen des bewart,
;;;170;25;;iuch sol erbarmen nôtic her.
;;;170;26;;gegen des kumber sît ze wer
;;;170;27;;mit milte und mit güete
;;;170;28;;und vlîzet iuch diemüete.
;;;170;29;;der kumberhafte werde man
;;;170;30;;wol mit schame ringen kan
;;;171;1;;- daz ist ein unsüeze arbeit -,
;;;171;2;;dem sullet ir helfe sîn bereit.
;;;171;3;;wenne ir dem tuot kumbers buoz,
;;;171;4;;sô nâhet iu der gotes gruoz.
;;;171;5;;ime ist noch wurst danne die gênt
;;;171;6;;nâch brôte, al dâ diu venster stênt.
;;;171;7;;ir sullet bescheidenlîche
;;;171;8;;sîn arm und rîche,
;;;171;9;;wan wâ der hêrre gar vertuot,
;;;171;10;;daz ist niht hêrrenlîcher muot.
;;;171;11;;samenet er aber schatz ze sêre,
;;;171;12;;daz sint ouch unêre.
;;;171;13;;gebet rehter mâze ir orden.
;;;171;14;;ich bin wol innen worden,
;;;171;15;;daz ir râtes bedürftic sît.
;;;171;16;;nû lât der ungevuoge ir strît.
;;;171;17;;ir sullet niht vil gevrâgen.
;;;171;18;;ouch sol iuch niht betrâgen
;;;171;19;;bedâhter gegenrede, diu gê
;;;171;20;;reht, als jenes vrâgen stê,
;;;171;21;;der iuch dâ wil mit worten spehen.
;;;171;22;;ir kunnet hœren und sehen,
;;;171;23;;entseben und dræhen,
;;;171;24;;daz solte iuch witzen næhen.
;;;171;25;;lât erbermde bî der vrevel sîn.
;;;171;26;;sus tuot mir râtes volge schîn:
;;;171;27;;an wem ir strîtes sicherheit
;;;171;28;;bezalt, er enhabe iu solich leit
;;;171;29;;getân, diu herzekumber wesen,
;;;171;30;;die nemt und lâzet in genesen.
;;;172;1;;ir müezet dicke wâpen tragen.
;;;172;2;;sô ez von iu kome, daz ir getwagen
;;;172;3;;under ougen und an henden sît,
;;;172;4;;des ist nâch îsers râme zît.
;;;172;5;;
;;;172;6;;
;;;172;7;;sît manlîch und wol gemuot,
;;;172;8;;daz ist ze werdem prîse guot.
;;;172;9;;und lât iu liep sîn diu wîp,
;;;172;10;;daz tiuret junges mannes lîp.
;;;172;11;;gewenket niemer tac an in,
;;;172;12;;daz ist reht manlîcher sin.
;;;172;13;;welt ir in gerne liegen,
;;;172;14;;ir muget ir vil betriegen.
;;;172;15;;gegen werder minne valscher list
;;;172;16;;hât gegen prîse kurze vrist.
;;;172;17;;dâ wirt der slîcher klage
;;;172;18;;daz dürre holz imme hage,
;;;172;19;;ez bristet und krachet;
;;;172;20;;der wahter erwachet.
;;;172;21;;ungeverte und hâmît,
;;;172;22;;dâr gedîhet manic strît.
;;;172;23;;diz mezzet gegen der minne.
;;;172;24;;diu werde hât sinne,
;;;172;25;;gegen valsch listeclîche kunst.
;;;172;26;;wenne mir bejaget ungunst,
;;;172;27;;sô müezet ir geunêret sîn
;;;172;28;;und iemer dulden schamenden pîn.
;;;172;29;;dise lêre sullet ir nâhe tragen.
;;;172;30;;ich wil iu mêr von wîbes orden sagen:
;;;173;1;;man und wîp, die sint alein
;;;173;2;;als diu sunne, diu hiute schein,
;;;173;3;;und ouch der mân, der heize tac.
;;;173;4;;der enwederz sich gescheiden mac.
;;;173;5;;si blüegent ûz einem kernen gar,
;;;173;6;;des nemt künsteclîchen war."
;;;173;7;;der gast dem wirt durch râten neic.
;;;173;8;;sîner muoter er gesweic
;;;173;9;;mit rede und in dem herzen niht,
;;;173;10;;als noch getriuwen man geschiht.
;;;173;11;;Der wirt sprach durch sîn êre:
;;;173;12;;"noch sullet ir lernen mêre
;;;173;13;;kunst an ritterlîchen siten.
;;;173;14;;wie kômet ir ze mir geriten!
;;;173;15;;ich hân geschouwet manige yant,
;;;173;16;;dâ ich den schilt baz hangen vant,
;;;173;17;;danne er iu ze halse tæte.
;;;173;18;;ez ist uns niht ze spæte,
;;;173;19;;wir sullen ze velde gâhen,
;;;173;20;;dâ sullet ir künste nâhen.
;;;173;21;;bringet im sîn ros und mir daz mîn
;;;173;22;;und ieglîchem ritter daz sîn.
;;;173;23;;junchêrren sullen ouch dar komen,
;;;173;24;;der ieglîcher habe genomen
;;;173;25;;sînen starken schaft und bringen dar,
;;;173;26;;der nâch der niuwe sî gevar."
;;;173;27;;sus kam der vürste ûf den plân.
;;;173;28;;dâ wart mit rîten kunst getân.
;;;173;29;;sînem gaste er den rât gap,
;;;173;30;;wie er daz ros ûz dem walap
;;;174;1;;mit sporn gruozes pîne
;;;174;2;;mit schenkele vliegen schîne
;;;174;3;;ûf dem poinder solte wenken
;;;174;4;;und den schaft ze rehte senken
;;;174;5;;und den schilt gegen juste vür sich nemen.
;;;174;6;;er sprach: "des lâzet iuch gezemen."
;;;174;7;;Unvuoge er ime sus werte
;;;174;8;;baz danne ein swankel gerte,
;;;174;9;;diu argen kinden brichet vel.
;;;174;10;;dô hiez er komen ritter snel
;;;174;11;;gegen ime durch justieren.
;;;174;12;;er begunde in condewieren
;;;174;13;;einem ze gegen an den rinc.
;;;174;14;;dô brâhte der jungelinc
;;;174;15;;sîn êrste juste durch einen schilt,
;;;174;16;;daz von in allen wart bevilt
;;;174;17;;und daz er hinder daz ros verswanc
;;;174;18;;einen stolzen ritter, niht ze kranc.
;;;174;19;;ein ander justiere was dô komen.
;;;174;20;;dô hete ouch Parcifal genomen
;;;174;21;;einen starken niuwen schaft.
;;;174;22;;sîn jugent hete ellen und kraft.
;;;174;23;;der junge süeze âne bart,
;;;174;24;;den twanc diu Gahmuretes art
;;;174;25;;und angeborniu manheit.
;;;174;26;;daz ros von rabbîne er reit
;;;174;27;;mit volleclîcher hurte dar;
;;;174;28;;er nam der vier nagel war.
;;;174;29;;des wirtes ritter niht gesaz,
;;;174;30;;al vallende er den acker maz.
;;;175;1;;dô muosen kleiniu stückelîn
;;;175;2;;al dâ von trunzûnen sîn.
;;;175;3;;sus stach er ir vünfe dar nider.
;;;175;4;;der wirt in nam und vuort in wider.
;;;175;5;;aldâ behielt er schimpfes prîs.
;;;175;6;;er wart ouch sît an strîte wîs.
;;;175;7;;die sîn rîten gesâhen,
;;;175;8;;alle die wîsen des jâhen,
;;;175;9;;dâr vüere kunst und ellen bî.
;;;175;10;;"nû wirt mîn hêrre jâmers vrî.
;;;175;11;;sich mac nû jungen wol sîn leben.
;;;175;12;;er sol ime ze wîbe geben
;;;175;13;;sîne tohter, unser vrouwen.
;;;175;14;;ob wir in bî witzen schouwen,
;;;175;15;;sô leschet ime sîn jâmers nôt.
;;;175;16;;vür sîner drîer sune tôt
;;;175;17;;ist im ein gelt ze hûse geriten.
;;;175;18;;nû hât in sælde niht vermiten."
;;;175;19;;Sus kam der wirt des âbendes în.
;;;175;20;;der tisch gedecket muos sîn.
;;;175;21;;sîne tohter bat er komen
;;;175;22;;ze tisch, als ich ez hân vernomen.
;;;175;23;;dô er die maget komen sach,
;;;175;24;;nû hœret, wie der wirt sprach
;;;175;25;;zuo der schœnen Liazen:
;;;175;26;;"dû solt dich küssen lâzen
;;;175;27;;disen ritter. biut ime êre,
;;;175;28;;er vert mit sælden lêre.
;;;175;29;;ouch solte an iuch gedinget sîn,
;;;175;30;;daz ir der megde ir vingerlîn
;;;176;1;;liezet, ob si ez möhte hân.
;;;176;2;;nû enhât si es niht noch vürspan.
;;;176;3;;wer gæbe ir solichen volleist
;;;176;4;;sô der vrouwen in dem fôreist?
;;;176;5;;diu het etewan, von dem si enpfienc
;;;176;6;;daz iu zenpfâhen sît ergienc.
;;;176;7;;ir muget Liazen niht genemen."
;;;176;8;;der gast begunde sich des schemen.
;;;176;9;;iedoch sô kuste er si an den munt;
;;;176;10;;dem was wol viures varwe kunt.
;;;176;11;;Liazen lîp was minneclîch,
;;;176;12;;dâr zuo der wâren kiusche rîch.
;;;176;13;;der tisch was nider und lanc.
;;;176;14;;der wirt mit nieman sich dâ dranc;
;;;176;15;;er saz aleine an den ort.
;;;176;16;;sînen gast hiez er sitzen dort
;;;176;17;;zwischen ime und sînem kinde.
;;;176;18;;ir blanken hende linde
;;;176;19;;muosen, sô der wirt gebôt,
;;;176;20;;vinden dem ritter ort,
;;;176;21;;waz der ezzen wolte.
;;;176;22;;niemen si wenden solte,
;;;176;23;;si gebârten heimlîche.
;;;176;24;;diu maget an zühten rîche
;;;176;25;;leiste ir vater willen gar.
;;;176;26;;sô tet der gast wol gevar.
;;;176;27;;dâ nâch schiere gienc diu maget wider.
;;;176;28;;sus pflac man des heldes sider
;;;176;29;;unz an den vierzehenden tac.
;;;176;30;;bî sînem herzen kumber lac
;;;177;1;;anders niht danne umb daz:
;;;177;2;;er wolte ê gestrîten baz,
;;;177;3;;ê daz er dâr an würde warm,
;;;177;4;;daz man dâ heizet vrouwen arm.
;;;177;5;;in dûhte, wert gedinge,
;;;177;6;;daz wær ein hôhiu linge
;;;177;7;;ze disem lîbe hie und dort.
;;;177;8;;daz sint noch ungelogeniu wort.
;;;177;9;;eines morgens er urloubes bat.
;;;177;10;;dô rûmter Graharz, die stat.
;;;177;11;;der wirt mit ime ze velde reit.
;;;177;12;;dô huop sich niuwez herzeleit.
;;;177;13;;der vürste sprach ûz triuwe erkorn:
;;;177;14;;"ir sît mîn vierder sun verlorn.
;;;177;15;;jâ wânt ich ergetzet wære
;;;177;16;;drîer jâmerlîchen mære.
;;;177;17;;der wâren biz her niht wenne driu.
;;;177;18;;der nû mîn herze in vieriu
;;;177;19;;mit sîner hende slüege
;;;177;20;;und ieglîch stücke trüege,
;;;177;21;;daz diuhte mich ein grôz gewin:
;;;177;22;;einez vür iuch - ir rîtet hin -,
;;;177;23;;diu driu vür mîniu werden kint,
;;;177;24;;diu ellenthaft erstorben sint.
;;;177;25;;sus lônet iedoch diu ritterschaft:
;;;177;26;;ir zagel ist jâmerstricke haft.
;;;177;27;;ein tôt mich lemt an vröude gar,
;;;177;28;;mînes sunes wolgevar,
;;;177;29;;der was geheizen Schenteflurs.
;;;177;30;;dô Condwieramurs
;;;178;1;;lîp und ir lant niht wolte geben,
;;;178;2;;in ir helfe er verlôs sîn leben
;;;178;3;;von Clamide und von Kingrun.
;;;178;4;;des ist dürkel alsô ein zûn
;;;178;5;;mîn herze von jâmers siten.
;;;178;6;;nû sît ir al ze vruo geriten
;;;178;7;;von mir trôstelôsen man
;;;178;8;;- owê, daz ich niht sterben kan! -,
;;;178;9;;sît Liaze, diu schœne maget,
;;;178;10;;und ouch mîn lant iu niht bejaget.
;;;178;11;;mîn ander sun hiez cons Lascot.
;;;178;12;;den sluoc mir Iders fil Not
;;;178;13;;umb einen sperwære.
;;;178;14;;des stân ich vröuden lære.
;;;178;15;;mîn dritter sun hiez Gurzgri.
;;;178;16;;dem reit Mahante bî,
;;;178;17;;
;;;178;18;;wan si gap im ze wîbe
;;;178;19;;ir stolzer bruoder Ehcunat.
;;;178;20;;gegen Brandigan, der houbetstat,
;;;178;21;;kam er nâch Schoidelacurt geriten.
;;;178;22;;dâ wart sîn sterben niht vermiten:
;;;178;23;;dô sluoc in Mobonagrin.
;;;178;24;;des verlôs Mahante ir liehten schîn
;;;178;25;;und lac mîn wîp, sîn muoter, tôt.
;;;178;26;;grôz jâmer ir ez nâch ime gebôt."
;;;178;27;;der gast nam des wirtes jâmer war,
;;;178;28;;want er ez ime underschiet sô gar.
;;;178;29;;er sprach: "hêrre, ich bin niht wîse,
;;;178;30;;bezal ich aber iemer ritters prîse,
;;;179;1;;sô daz ich wol mac minne gern,
;;;179;2;;sô sullet ir mich Liazen gewern,
;;;179;3;;iuwerre tohter, der schœnen maget.
;;;179;4;;ir habet mir al ze vil geklaget.
;;;179;5;;mac ich iu jâmers danne entsagen,
;;;179;6;;des lâze ich iuch ze vil niht tragen."
;;;179;7;;urloup nam der junge man
;;;179;8;;von dem getriuwen vürsten sân
;;;179;9;;und zal der massenîe.
;;;179;10;;des vürsten jâmers drîe
;;;179;11;;was riuwic an daz quater komen,
;;;179;12;;die vierden vluht het er genomen.
;;;179;13;;Dannen schiet sus Parcifal.
;;;179;14;;ritters site und ritters wal
;;;179;15;;sîn lîp mit zühten vuorte.
;;;179;16;;owê, wan daz in ruorte
;;;179;17;;manic unsüeziu strenge
;;;179;18;;und was diu wîte ze enge
;;;179;19;;und ouch diu breite gar ze smal!
;;;179;20;;alliu grüene in dûhte val.
;;;179;21;;sîn rôt harnasch in dûhte blanc.
;;;179;22;;sîn herze diu ougen des betwanc.
;;;179;23;;sît er tumpheit âne wart,
;;;179;24;;dô enwolte in Gahmuretes art
;;;179;25;;de keis niht erlâzen
;;;179;26;;nâch der schœnen Liazen,
;;;179;27;;der megde sælden rîche,
;;;179;28;;diu ime geselleclîche
;;;179;29;;sunder minne bôt êre.
;;;179;30;;war sîn ros nû kêre,
;;;180;1;;er mac es vor jâmer niht erhaben,
;;;180;2;;ez welle springen oder traben.
;;;180;3;;grüete und stûden stric,
;;;180;4;;dar zuo den wagenleisen bic
;;;180;5;;sîne waltstrâzen meit.
;;;180;6;;vil ungevertes er dô reit,
;;;180;7;;dâ wênic wegerîches stuont.
;;;180;8;;berge und tal wâren ime unkunt.
;;;180;9;;genuoge hânt des einen site,
;;;180;10;;si jehent sus: wer irre rite,
;;;180;11;;daz der den slegel vünde.
;;;180;12;;slegels urkünde
;;;180;13;;lac dâ âne mâze vil,
;;;180;14;;suln grôze ronen sîn slegels zil.
;;;180;15;;doch reit er wênic strâze,
;;;180;16;;wanne die slihte an der mâze
;;;180;17;;kam er des tages von Graharz
;;;180;18;;in daz künicrîch ze Brobarz
;;;180;19;;durch wilde gebirge hôch.
;;;180;20;;der tac sich gegen dem âbende zôch.
;;;180;21;;dô kam er an ein wazzer snel.
;;;180;22;;daz was von sînem duzze hel.
;;;180;23;;ez gâben die velse einander.
;;;180;24;;daz reit er in. dô vant er
;;;180;25;;die stat ze Pelraperie.
;;;180;26;;der künic Tampenterie
;;;180;27;;hete si geerbet ûf sîn kint,
;;;180;28;;bî der vil liute in kumber sint.
;;;180;29;;daz wazzer vuor nâch bolze siten,
;;;180;30;;die wol gevidert und gesniten
;;;181;1;;sint, sô sin armbrustes span
;;;181;2;;mit senwen swanze trîbet dan.
;;;181;3;;haraber giengen im brückenslac,
;;;181;4;;dâ manic hütten ûf lac.
;;;181;5;;ez vlôz aldâ reht in daz mer.
;;;181;6;;Pelraperie stuont ze wer.
;;;181;7;;sehet, wie kint ûf schocken varn,
;;;181;8;;die man schockes niht wil sparn:
;;;181;9;;sus vuor diu brücke âne seil.
;;;181;10;;si was vor jugende niht sô geil.
;;;181;11;;Dort anderhalben stuonden
;;;181;12;;mit helmen ûf gebunden
;;;181;13;;sehzic ritter oder mêr.
;;;181;14;;die riefen alle: "kêrâ kêr!"
;;;181;15;;mit ûf geworfenen swerten
;;;181;16;;die kranken strîtes gerten.
;;;181;18;;si wânden, ez wære Clamide,
;;;181;17;;den si vil dicke sâhen ê,
;;;181;19;;wan er sô küniclîchen reit
;;;181;20;;gegen der brücke ûf dem velde breit.
;;;181;21;;dô si disen jungen man
;;;181;22;;sus mit schalle riefen an,
;;;181;23;;swig vil erz ros mit sporen versneit,
;;;181;24;;durch vorhte ez doch die brücke meit.
;;;181;25;;den rehtiu zagheit ie geflôch,
;;;181;26;;der erbeizete nider und zôch
;;;181;27;;sîn ros ûf der brücke swanc.
;;;181;28;;eines zagen muot wær al ze kranc,
;;;181;29;;solt er gegen solichem strîte varn.
;;;181;30;;dar zuo muos er ein dinc bewarn,
;;;182;1;;wand er vorhte des tiuvels val.
;;;182;2;;dô lasch ouch anderhalp der schal.
;;;182;3;;die ritter truogen wider în
;;;182;4;;helme, schilte und swerte schîn
;;;182;5;;und vlühtic zuo ir porten.
;;;182;6;;grôzer huote si vorhten.
;;;182;7;;in nâch hin wider Parcifal
;;;182;8;;und kam geriten an ein wal,
;;;182;9;;dâ maniger sînen tôt erkôs,
;;;182;10;;der durch ritters prîs den lîp verlôs
;;;182;11;;vor der porte gegen dem palas,
;;;182;12;;der hôch und wol gezieret was.
;;;182;13;;einen rinc er an der porten vant,
;;;182;14;;den ruort er vaste mit der hant.
;;;182;15;;sînes ruofes nam niemen war,
;;;182;16;;wan ein juncvrouwe wol gevar.
;;;182;17;;ûz einem venster sach diu maget
;;;182;18;;den helt dâ halten unverzaget.
;;;182;19;;diu schœne zühte rîche
;;;182;20;;sprach: "sît ir vîentlîche
;;;182;21;;her komen, hêrre? daz ist âne nôt.
;;;182;22;;âne iuch man uns vil hazzes bôt
;;;182;23;;von dem lande und ûf dem mer,
;;;182;24;;zornic ellenthaftez her."
;;;182;25;;er sprach: "vrouwe, hie habet ein man,
;;;182;26;;der iu dienet, ob er kan.
;;;182;27;;iuwer gruoz sol sîn mîn solt.
;;;182;28;;ich bin iu dienestlîchen holt."
;;;182;29;;Dô gie diu maget mit sinne
;;;182;30;;vür die küniginne
;;;183;1;;und half, daz er kam dâr în,
;;;183;2;;daz in sît wante hôhe pîn.
;;;183;3;;sus wart er în verlâzen.
;;;183;4;;ietwederthalp der strâzen
;;;183;5;;stuont bovels dâ ein grôziu schar.
;;;183;6;;die werlîche kômen dar,
;;;183;7;;slinger und patelirre,
;;;183;8;;der was ein langiu virre
;;;183;9;;und dar zuo schützen harte vil.
;;;183;10;;er kôs ouch an dem selben zil
;;;183;11;;vil küener sarjande,
;;;183;12;;der besten von dem lande,
;;;183;13;;mit langen starken lanzen,
;;;183;14;;scharfen und ganzen.
;;;183;15;;als ich daz mær vernomen hân,
;;;183;16;;dâ stuont ouch manic koufman
;;;183;17;;mit hâschen und mit gabilôt,
;;;183;18;;als in ir meisterschaft gebôt.
;;;183;19;;die truogen alle slachen balc.
;;;183;20;;der künigîn marschalc
;;;183;21;;muose in durch si leiten
;;;183;22;;ûffen hof mit arbeiten.
;;;183;23;;der was gegen wer berâten:
;;;183;24;;turne obenân, kemenâten,
;;;183;25;;wîchûs, perfert, ärkêr,
;;;183;26;;der stuont dâ sicherlîchen mêr,
;;;183;27;;danne er dâ vor gesæhe ie.
;;;183;28;;dô kômen allenthalben hie
;;;183;29;;ritter, die in enpfiengen,
;;;183;30;;die riten und giengen.
;;;184;1;;ouch was diu jâmerlîche schar
;;;184;2;;elliu nâch aschen gevar
;;;184;3;;oder als valwer leim.
;;;184;4;;mîn hêrre, der grâve von Wertheim,
;;;184;5;;wære ungerne soldier dâ gewesen.
;;;184;6;;er möhte ir soldes niht genesen.
;;;184;7;;der zadel vuogt in hungers nôt.
;;;184;8;;si heten kæse, vleisch noch daz brôt.
;;;184;9;;si liezen zenstürn sîn
;;;184;10;;und smalzeten ouch dekeinen wîn
;;;184;11;;mit ir munde, sô si trunken.
;;;184;12;;die wamme in nider sunken,
;;;184;13;;ir hüffe hôch und mager,
;;;184;14;;gerumpfen als ein ungersch zager
;;;184;15;;was diu hût hin zuo den riben.
;;;184;16;;der hunger het in daz vleisch vertriben.
;;;184;17;;den muosen si durch zadel doln.
;;;184;18;;in trouf vil wênic in die koln.
;;;184;19;;des betwanc si ein werder man,
;;;184;20;;der stolze künic von Brandigan.
;;;184;21;;si arnden Clamides bete.
;;;184;22;;sich vergaz dâ selten mit dem mete
;;;184;23;;zuber oder kanne.
;;;184;24;;ein Truhinger pfanne
;;;184;25;;mit krapfen selten dâ erschrei.
;;;184;26;;in was der selbe dôn enzwei.
;;;184;27;;wolt ich nû daz wîzen in,
;;;184;28;;sô het ich harte kranken sin.
;;;184;29;;wan dâ ich dicke bin erbeizet,
;;;184;30;;dâ man mich hêrre heizet,
;;;185;1;;dâ heime in mîn selbes hûs,
;;;185;2;;dâ wirt gevröuwet  selten mûs,
;;;185;3;;wan diu müese ir spîse steln.
;;;185;4;;die dorfte niemen vor mir heln.
;;;185;5;;ich envinde ir offenlîche niht.
;;;185;6;;al ze dicke daz geschiht
;;;185;7;;mir, Wolframe von Eschenbach,
;;;185;8;;daz ich dulte al solich gemach.
;;;185;9;;mîner klage ist ze vil vernomen.
;;;185;10;;nû sol diz mære wider komen,
;;;185;11;;wie Pelraperie stuont jâmers vol.
;;;185;12;;dâ gap diu diet von vröuden zol.
;;;185;13;;die helde triuwen rîche
;;;185;14;;lebeten kumberlîche.
;;;185;15;;ir wâriu manheit daz gebôt.
;;;185;16;;des solte erbarmen iuch ir nôt.
;;;185;17;;
;;;185;18;;
;;;185;19;;nû hœret mê von den armen,
;;;185;20;;die solten iuch erbarmen.
;;;185;21;;si enpfiengen schamelîche
;;;185;22;;ir gast ellens rîche.
;;;185;23;;der dûhte sanders wol sô wert,
;;;185;24;;daz er niht dorfte hân gegert
;;;185;25;;ir herberge, als ez in dô stuont.
;;;185;26;;ir grôziu nôt was ime unkunt.
;;;185;27;;man leit ein teppich ûf daz gras,
;;;185;28;;dâ vermûret und geleistet was
;;;185;29;;durch den schaten ein linde.
;;;185;30;;dô entwâpent in daz gesinde.
;;;186;1;;ez was ungelîche var.
;;;186;2;;dô er den râm von ime sô gar
;;;186;3;;getwuoc mit einem brunnen,
;;;186;4;;dô het er der sunnen
;;;186;5;;verkrenket nâch ir liehten glast.
;;;186;6;;des dûhter si ein werder gast.
;;;186;7;;Man bôt dem helde mantel sân,
;;;186;8;;gelîch alsô der roc getân,
;;;186;9;;der ê an sînem lîbe lac.
;;;186;10;;des zobel gap wilden niwen smac.
;;;186;11;;si sprâchen: "welt ir schouwen
;;;186;12;;die küniginne, unser vrouwen?"
;;;186;13;;dô jach der helt stæte,
;;;186;14;;daz er daz gerne tæte.
;;;186;15;;si giengen gegen dem palas,
;;;186;16;;dâ hôhe ûf gegrêt was.
;;;186;17;;ein minneclîches antlitzes schîn,
;;;186;18;;dar zuo der ougen süeze sîn
;;;186;19;;von der küniginne gienc
;;;186;20;;und liehter glast, ê si  enpfienc.
;;;186;21;;Von Kathelangen Kyot
;;;186;22;;und der werde Manfiliot,
;;;186;23;;herzogen beide wâren die,
;;;186;23;1;
;;;186;23;2;
;;;186;24;;ir bruoder kint si brâhten hie,
;;;186;25;;des landes küniginne.
;;;186;26;;durch die gotes minne
;;;186;27;;hetens ûf gegeben ir swert.
;;;186;28;;dô giengen die vürsten wert,
;;;186;29;;grâ und wol gevar.
;;;186;30;;mit grôzer zuht si brâhten dar
;;;187;1;;die vrouwen mitten an die stegen.
;;;187;2;;dâ kuste si den werden degen.
;;;187;3;;die münde wâren beide rôt.
;;;187;4;;diu künigîn ir hant im bôt,
;;;187;5;;Parcifale, und vuorte in wider,
;;;187;6;;aldâ si beidiu sâzen nider.
;;;187;7;;vrouwen und ritterschaft
;;;187;8;;heten alle swache kraft,
;;;187;9;;die dâ stuonden und sâzen.
;;;187;10;;si heten vröuden lâzen,
;;;187;11;;daz gesinde und diu wirtîn.
;;;187;12;;Condwieramurs ir schîn
;;;187;13;;doch schiet von disem strîten:
;;;187;14;;Jeschuten und Eniten
;;;187;15;;und Cunnewaren de Lalant
;;;187;16;;und wâ man lobes die besten vant,
;;;187;17;;dâ man vrouwen schœne gewuoc,
;;;187;18;;ir glastes schîn vast undersluoc,
;;;187;19;;und beider Isalden.
;;;187;20;;jâ muose prîses walden
;;;187;21;;Condwieramurs.
;;;187;22;;diu truoc den rehten bêâcurs.
;;;187;23;;der nam ist tiutschen 'schœner lîp'.
;;;187;24;;ez wâren wol zwei nütziu wîp,
;;;187;25;;die disiu zwei gebâren,
;;;187;26;;die dâ bî ein ander wâren.
;;;187;27;;dô enschuof dâ wîp und man
;;;187;28;;niht mêre, wan daz si sâhen an
;;;187;29;;diu zwei dâ bî ein ander.
;;;187;30;;guote vröude dâ vant er.
;;;188;1;;Der gast gedâhte, ich sage wie:
;;;188;2;;"Liaze ist dort, Liaze ist hie.
;;;188;3;;mir wil got sorge mâzen.
;;;188;4;;nû sihe ich Liazen,
;;;188;5;;des werden Gurnemanzes kint."
;;;188;6;;Liazen schœne was ein wint
;;;188;7;;gegen dirre megde, diu hie saz,
;;;188;8;;an der got wunsches niht vergaz
;;;188;9;;- diu was des landes vrouwe -,
;;;188;10;;als von dem süezen touwe
;;;188;11;;diu rôse ûz ir bälgelîn
;;;188;12;;blecket niwen werden schîn,
;;;188;13;;der beidiu wîz ist und rôt.
;;;188;14;;daz vuogete ir gast grôze nôt.
;;;188;15;;sîn manlîch zuht was im sô ganz,
;;;188;16;;sît in der werde Gurnemanz
;;;188;17;;von sîner tumpheit geschiet
;;;188;18;;und im vrâgen widerriet,
;;;188;19;;ez enwære bescheidenlîch.
;;;188;20;;bî der küniginne rîch
;;;188;21;;saz sîn munt gar âne wort,
;;;188;22;;nâhe aldâ, niht verre dort.
;;;188;23;;maniger kan noch rede sparn,
;;;188;24;;der mêr gên vrouwen ist gevarn.
;;;188;25;;Diu künigîn gedâhte sân:
;;;188;26;;"ich wæne, mich smâhet dirre man,
;;;188;27;;durch daz mîn lîp vertwâlet ist.
;;;188;28;;nein, er tuot ez durch einen list.
;;;188;29;;er ist gast, ich bin wirtîn.
;;;188;30;;diu êrste rede wær billîche mîn.
;;;189;1;;vil güetlîch er an mich sach,
;;;189;2;;sît uns ze sitzene hie geschach.
;;;189;3;;er hât sich zuht gegen mir enbart.
;;;189;4;;mîn rede ist al ze vil gespart.
;;;189;5;;hie ensol niht mêr geswigen sîn."
;;;189;6;;zuo ir gaste sprach diu künigîn:
;;;189;7;;"hêrre, ein wirtîn reden muoz.
;;;189;8;;ein kus erwarp mir iuweren gruoz.
;;;189;9;;ouch butet ir dienest dâ her în.
;;;189;10;;sus seite ein juncvrouwe mîn.
;;;189;11;;des habent uns geste niht gewenet.
;;;189;12;;des hât mîn herze sich gesenet.
;;;189;13;;hêrre, ich vrâge iuch mære,
;;;189;14;;wannen iuwer reise wære."
;;;189;15;;"Vrouwe, ich reit bî disem tage
;;;189;16;;von einem man, den ich in klage
;;;189;17;;liez mit triuwen âne schranz.
;;;189;18;;der vürste heizet Gurnemanz;
;;;189;19;;von Graharz ist er genant.
;;;189;20;;dannen reit ich in daz lant."
;;;189;21;;dô sprach diu zühterîche maget:
;;;189;22;;"het ez anders iemen mir gesaget,
;;;189;23;;der volge ime würde niht verjehen,
;;;189;24;;daz ez wære eines tages geschehen;
;;;189;25;;wand welich mîn bote ie baldest reit,
;;;189;26;;die reise er zwêne tage vermeit.
;;;189;27;;sîn swester was diu muoter mîn.
;;;189;28;;iuweres wirtes tohter schîn
;;;189;29;;sich vor jâmer krenken mac.
;;;189;30;;wir haben manigen sûren tac
;;;190;1;;mit nazzen ougen verklaget,
;;;190;2;;ich und Liaze, diu maget.
;;;190;3;;sît ir iuwerm wirte holt,
;;;190;4;;sô nemt ez hînt, als wir ez gedolt
;;;190;5;;hie lange hân, wîp und man.
;;;190;6;;ir dienet im ein teil dâr an.
;;;190;7;;ich wil iu unsern kumber klagen.
;;;190;8;;wir müezen strengen zadel tragen."
;;;190;9;;Dô sprach ir vetere Kyot:
;;;190;10;;"vrouwe, ich sende iu zwelf brôt,
;;;190;11;;schultern und hammen drî.
;;;190;12;;dâ ligent aht kæs bî
;;;190;13;;und zwei bucke mit wîn.
;;;190;14;;ouch sol iuch der bruoder mîn
;;;190;15;;hînaht stiuren, des ist nôt."
;;;190;16;;dô sprach Manfilot:
;;;190;17;;"vrouwe, ich sende iu als vil."
;;;190;18;;dô saz diu maget an vröuden zil.
;;;190;19;;ir grôzer danc wart niht vermiten.
;;;190;20;;si nâmen urloup und riten
;;;190;21;;dâ bî zuo ir weidehûsen
;;;190;22;;zer wilden albe klûsen.
;;;190;23;;die alten sâzen sunder wer.
;;;190;24;;si heten vride vomme her.
;;;190;25;;ir bote wider kam gedrabet.
;;;190;26;;des wart diu kranke diet gelabet,
;;;190;27;;wanne der burgære nar
;;;190;28;;was gedigen an die spîse gar.
;;;190;29;;ir was vor hunger maniger tôt,
;;;190;30;;ê daz in kœme dar daz brôt.
;;;191;1;;
;;;191;2;;
;;;191;3;;
;;;191;4;;
;;;191;5;;
;;;191;6;;
;;;191;7;;Diu wirtschaft was ouch verzert,
;;;191;8;;dâ mite maniges tôt erwert,
;;;191;9;;den der hunger leben liez.
;;;191;10;;dem gaste man dô betten hiez
;;;191;11;;sanfte, des ich wænen wil.
;;;191;12;;wæren die burgære vederspil,
;;;191;13;;si enwæren überkrüpfet niht,
;;;191;14;;des noch ir tischgerihte giht.
;;;191;15;;si truogen alle hungers mâl,
;;;191;16;;wand der junge Parcifal.
;;;191;17;;der nam slâfens urloup.
;;;191;18;;ob sîne kerzen wæren schoup?
;;;191;19;;nein, si wâren bezzer gar.
;;;191;20;;dô gienc der junge, wol gevar
;;;191;21;;an ein bette rîche,
;;;191;22;;gehêret küneclîche,
;;;191;23;;niht nâch armuot küre.
;;;191;24;;ein teppich was geleit dar vüre.
;;;191;25;;er bat die ritter wider gên.
;;;191;26;;die enliez er dâ niht langer stên.
;;;191;27;;kint ime entschuoheten. sân er slief,
;;;191;28;;unz ime der wâre jâmer rief
;;;191;29;;und liehter ougen herzen regen.
;;;191;30;;die wachten schiere den werden degen.
;;;192;1;;daz kam, als ich iu sagen wil.
;;;192;2;;ez brach niht wîplîchiu zil.
;;;192;3;;mit stæte kiusche truoc diu maget,
;;;192;4;;von der ein teil hie wirt gesaget.
;;;192;5;;der twanc urliuges nôt
;;;192;6;;und lieber helfære tôt
;;;192;7;;ir herze an solich krachen,
;;;192;8;;daz ir ougen muosen wachen.
;;;192;9;;ez gienc diu küniginne
;;;192;10;;niht nâch solher minne,
;;;192;11;;diu solhen namen reizet,
;;;192;12;;der megde wîp heizet.
;;;192;13;;si suochte helfe und vriundes rât.
;;;192;14;;an ir was werlîchiu wât,
;;;192;15;;ein hemde wîz sîdîn.
;;;192;16;;waz möhte kampflîcher sîn
;;;192;17;;danne gegen dem man sus komende ein wîp?
;;;192;18;;ouch swanc diu vrouwe umb ir lîp
;;;192;19;;von samîte einen mantel lanc.
;;;192;20;;si gienc, als si der kumber twanc.
;;;192;21;;juncvrouwen, kamerære,
;;;192;22;;waz der dâ bî ir wære,
;;;192;23;;die liez si slâfen überal.
;;;192;24;;dô sleich si lîse ân allen schal
;;;192;25;;in eine kemenâten.
;;;192;26;;daz schuofen, die ez tâten,
;;;192;27;;daz Parcifal al eine lac.
;;;192;28;;von kerzen lieht sô der tac
;;;192;29;;was vor sîner slâfstat.
;;;192;30;;gegen sînem bette gienc ir pfat.
;;;193;1;;ûf den teppich kniewete si vür in.
;;;193;2;;si heten beidiu kranken sin,
;;;193;3;;er und diu küniginne,
;;;193;4;;an beligen der minne.
;;;193;5;;hie wart alsus geworben:
;;;193;6;;an vröuden verdorben
;;;193;7;;was diu maget. des twanc si scheme.
;;;193;8;;ob er si hin an iht neme?
;;;193;9;;leider des enkan er niht.
;;;193;10;;âne kunst ez doch geschiht
;;;193;11;;mit einem alsô bewanden vride,
;;;193;12;;daz si diu süenebæren lide
;;;193;13;;niht ze ein ander brâhten.
;;;193;14;;wênic si des gedâhten.
;;;193;15;;Der megede jâmer was sô grôz,
;;;193;16;;vil zehere von ir ougen vlôz
;;;193;17;;ûf den jungen Parcifal.
;;;193;18;;der erhôrte ir weinens solhen schal,
;;;193;19;;daz er si wachende an gesach.
;;;193;20;;leide und liebe ime dran geschach.
;;;193;21;;ûf rihte sich der junge man.
;;;193;22;;zer küniginne sprach er sân:
;;;193;23;;"vrouwe, bin ich iuwer spot?
;;;193;24;;ir soltet kniewen alsus vür got.
;;;193;25;;geruochet sitzen zuo mir her,
;;;193;26;;daz ist mîn bete und mîn ger,
;;;193;27;;oder leget iuch hie, dâ ich dô lac.
;;;193;28;;lât mich belîben, wâ ich mac."
;;;193;29;;si sprach: "welt ir iuch êren,
;;;193;30;;solich mâze gegen mir kêren,
;;;194;1;;daz ir mit mir ringet niht,
;;;194;2;;mîn ligen al dâ bî iu geschiht."
;;;194;3;;des wart ein vride von im getân.
;;;194;4;;si smouc sich an daz bette sân.
;;;194;5;;ez was dannoch sô spâte,
;;;194;6;;daz niender huon krâte.
;;;194;7;;hanboume stuonden blôz,
;;;194;8;;der zadel hüener von in schôz.
;;;194;9;;Diu vrouwe jâmers rîche
;;;194;10;;vrâgete in zühteclîche,
;;;194;11;;ob er hœren wolte ir klage.
;;;194;12;;si sprach: "ich vorhte, ob ichz iu sage,
;;;194;13;;ez wende iu slâf, daz tuot iu wê.
;;;194;14;;mir hât der künic Clamide
;;;194;15;;und Kingrun, sîn schinschant,
;;;194;16;;verwüestet bürge und lant
;;;194;17;;unz an Pelraperie.
;;;194;18;;mîn vater Tampenterie
;;;194;19;;liez mich armen weisen
;;;194;20;;in vorhtlîchen vreisen.
;;;194;21;;mâge, vürsten und man,
;;;194;22;;rîche und arme, undertân
;;;194;23;;was mir grôz ellenthaftez her.
;;;194;24;;die sint erstorben an der wer
;;;194;25;;halbe oder daz mêrre teil.
;;;194;26;;wes moht ich armiu wesen geil?
;;;194;27;;nû ist mirz komen ûf daz zil,
;;;194;28;;daz ich mich selben tœten wil,
;;;194;29;;ê daz ich magetuom und lîp
;;;194;30;;gebe und Clamides wîp
;;;195;1;;werde, wanne sîn hant mir sluoc
;;;195;2;;Schenteflurn, des herze truoc
;;;195;3;;manigen ritterlîchen prîs.
;;;195;4;;er mannes schœne ein blüegendez rîs,
;;;195;5;;er kunde valscheit lâzen,
;;;195;6;;der bruoder Liazen."
;;;195;7;;Dô Liaze wart genant,
;;;195;8;;nâch ir vil kumbers was gemant
;;;195;9;;der dienest gebende Parcifal.
;;;195;10;;sîn hôher muot kam in ein tal.
;;;195;11;;daz schuof Liazen minne.
;;;195;12;;er sprach zer küniginne:
;;;195;13;;"vrouwe, hilfet iuch iemens trôst?"
;;;195;14;;"jâ, hêrre, ob ich würde erlôst
;;;195;15;;von Kingrune schinschant.
;;;195;16;;ze rehter just hât mir sîn hant
;;;195;17;;gevellet manigen ritter nider.
;;;195;18;;der komet manigen morgen dâ her wider
;;;195;19;;und wænet, daz der hêrre sîn
;;;195;20;;sulle ligen an dem arme mîn.
;;;195;21;;ir sâhet wol mînen palas,
;;;195;22;;daz niender sô gehœhet was,
;;;195;23;;ich enviele nider in den graben,
;;;195;24;;ê Clamide solte haben
;;;195;25;;mit gewalt mînen magetuom.
;;;195;26;;sus wolt ich wenden sînen ruom."
;;;195;27;;dô sprach er: "vrouwe, ist Kingrun
;;;195;28;;Franzois oder Britûn,
;;;195;29;;oder von welhem lande er vert,
;;;195;30;;mit mîner hant ir sît gewert,
;;;196;1;;als ez mîn lîp vollebringen mac."
;;;196;2;;diu naht hât ende und kam der tac.
;;;196;3;;Diu vrouwe stuont ûf und neic.
;;;196;4;;ir grôzen danc si niht versweic
;;;196;5;;und sleich dô wider lîse.
;;;196;6;;niemen was dâ sô wîse,
;;;196;7;;der würde ir gêns dâ gewar,
;;;196;8;;wan Parcifal, der lieht gevar.
;;;196;9;;der slief niht langer dô dar nâch.
;;;196;10;;der sunnen was gegen hœhe gâch.
;;;196;11;;ir glesten durch die wolken dranc.
;;;196;12;;dô hôrt er maniger glocken klanc.
;;;196;13;;kirchen, münster suohte diu diet,
;;;196;14;;die Clamide von vröuden schiet.
;;;196;15;;ûf rihte ouch sich der junge man.
;;;196;16;;der küniginne kappelân
;;;196;17;;sanc got und sîner vrouwen.
;;;196;18;;ir gast si muose schouwen,
;;;196;19;;unz daz der benediz geschach.
;;;196;20;;nâch sînem harnasch er sprach.
;;;196;21;;dâ wart er wol gewâpent în.
;;;196;22;;er tet ouch ritters ellen schîn
;;;196;23;;mit rehter manlîcher wer.
;;;196;24;;dô kam Clamides her
;;;196;25;;mit maniger baniere.
;;;196;26;;Kingrun kam ouch schiere
;;;196;27;;vor den anderen verre
;;;196;28;;ûf einem rosse von Iserterre.
;;;196;29;;Als ich es mære hân vernomen,
;;;196;30;;dô was ouch vür die porten komen
;;;197;1;;fili rois Gahmuret.
;;;197;2;;der hete der burgære gebet.
;;;197;3;;diz was sîn êrste swertes strît.
;;;197;4;;er nam den poinder wol sô wît,
;;;197;5;;daz von sîner juste hurt
;;;197;6;;beiden rossen wart engurt.
;;;197;7;;darmgürtel brâsten umb daz.
;;;197;8;;ietweder ors ûf die hehsen saz.
;;;197;9;;die ê des ûf in sâzen,
;;;197;10;;ir swert si niht vergâzen.
;;;197;11;;in den scheiden si die vunden.
;;;197;12;;Kingrun truoc wunden
;;;197;13;;durch den arm und in die brust.
;;;197;14;;diu just in lêrte vlust
;;;197;15;;an solichem prîse, des er pflac
;;;197;16;;unz an des hôchverte endes tac.
;;;197;17;;solich ellen was ûf in gezalt:
;;;197;18;;sehs ritter solt er hân gevalt,
;;;197;19;;die gegen ime kômen ûf ein velt.
;;;197;20;;Parcifal im brâhte gelt
;;;197;21;;mit sîner ellenthaften hant,
;;;197;22;;daz Kingrun schinschant
;;;197;23;;wând vrömder mære,
;;;197;24;;wie ein pfeterære
;;;197;25;;mit würfen an in seigete.
;;;197;26;;ein ander strît in veigete.
;;;197;27;;ein swert im durch den helm erklanc.
;;;197;28;;Parcifal in nider swanc.
;;;197;29;;er sast ime an die brust ein knie.
;;;197;30;;dô bôt er, daz geboten nie
;;;198;1;;wart dekeinem man, sîn sicherheit.
;;;198;2;;ir wolte niht, der mit ime streit.
;;;198;3;;er bat in Gurnemanze
;;;198;4;;bringen die fîanze.
;;;198;5;;"nein, hêrre, dû maht mir gerner tuon
;;;198;6;;den tôt. ich sluoc im sînen sun.
;;;198;7;;Schenteflure nam ich sîn leben.
;;;198;8;;got hât dir êren vil gegeben.
;;;198;10;;diu kraft erzöuget ist an mir.
;;;198;9;;wâ man saget daz von dir,
;;;198;11;;daz dû mich habest betwungen,
;;;198;12;;sô ist dir wol gelungen."
;;;198;13;;dô sprach der junge Parcifal:
;;;198;14;;"ich wil dir lâzen ander wal.
;;;198;15;;nû sichere der künigîn,
;;;198;16;;der dîn hêrre hôhen pîn
;;;198;17;;hât gevrumt mit zorne."
;;;198;18;;"sô würde ich der verlorne.
;;;198;19;;mit swerten wære mîn lîp verzert
;;;198;20;;kleine, sô daz in der sunne vert.
;;;198;21;;wand ich hân herzeleit getân
;;;198;22;;dort inne manigem küenen man."
;;;198;23;;"sô vüere von disem plâne
;;;198;24;;in daz lant ze Britane
;;;198;25;;dîne ritterlîche sicherheit
;;;198;26;;einer maget, diu durch mich leit,
;;;198;27;;des si niht lîden solte,
;;;198;28;;der vuoge erkennen wolte,
;;;198;29;;und sage ir, waz halt mir geschehe,
;;;198;30;;daz ich si niemer vrô gesehe,
;;;199;1;;ê daz ich si gereche,
;;;199;2;;aldâ ich schilt durchsteche.
;;;199;3;;sage Artuse und dem wîbe sîn,
;;;199;4;;in bêden, von mir den dienest mîn,
;;;199;5;;dar zuo der massenîe gar,
;;;199;6;;und daz ich niemer kume dar,
;;;199;7;;ê daz ich lasters mich entsage,
;;;199;8;;daz ich geselleclîch trage
;;;199;9;;mit ir, diu mir lachen bôt,
;;;199;10;;des ir lîp kom in grôze nôt.
;;;199;11;;sage ir, ich sî ir dienestman,
;;;199;12;;dienstlîcher dieneste undertân."
;;;199;13;;Der rede ein volge dâ geschach.
;;;199;14;;die helde man sich scheiden sach.
;;;199;15;;hin wider kam gegangen,
;;;199;16;;dâ sîn ros was gevangen,
;;;199;17;;der burgære kampfes trôst.
;;;199;18;;si wurden sît von ime erlôst.
;;;199;19;;zwîvels pflac daz ûzer her,
;;;199;20;;daz Kingrun an sîner wer
;;;199;21;;was entschumpfieret.
;;;199;22;;nû wart gecondwieret
;;;199;23;;Parcifal zer künigîn.
;;;199;24;;diu tet umbevâhen im schîn.
;;;199;25;;si druht in vaste an ir lîp.
;;;199;26;;si sprach: "ine wirde niemer wîp
;;;199;27;;ûf der erden keines man,
;;;199;28;;wan den ich umbevangen hân."
;;;199;29;;si half, daz er entwâpent wart.
;;;199;30;;ir dienest was vil ungespart.
;;;200;1;;nâch sîner grôzen arbeit
;;;200;2;;was krankiu wirtschaft bereit.
;;;200;3;;die burgære sus gevuoren,
;;;200;4;;daz si ime alle hulde swuoren
;;;200;5;;und jâhen, er müese ir hêrre sîn.
;;;200;6;;dô sprach diu künigîn,
;;;200;7;;er solte sîn ir âmîs,
;;;200;8;;sît daz er sô hôhen prîs
;;;200;9;;bezalte an Kingrune.
;;;200;10;;zwêne segel brûne,
;;;200;11;;die kôs man von der wer hin abe.
;;;200;12;;die sluoc grôz wint vaste in die habe.
;;;200;13;;die kiele wâren geladen sô,
;;;200;14;;des die burgære wurden vrô.
;;;200;15;;si truogen niuwan spîse.
;;;200;16;;daz vuogete got, der wîse.
;;;200;17;;Ein von den zinnen vielen
;;;200;18;;und gâheten gegen den kielen
;;;200;19;;daz hungerige her durch den roup.
;;;200;20;;si mahten vliegen sô diu loup,
;;;200;21;;die mageren und die sîhten,
;;;200;22;;von vleische die lîhten.
;;;200;23;;in was erschoben niht der balc.
;;;200;24;;der küniginne marschalc
;;;200;25;;tet den schiffen solhen vride,
;;;200;26;;daz er gebôt bî der wide,
;;;200;27;;daz sich ir dekeiner ruorte.
;;;200;28;;die koufliute er vuorte
;;;200;29;;vür sînen hêrren in die stat.
;;;200;30;;Parcifal in gelten bat
;;;201;1;;ir habe ein zwispilte.
;;;201;2;;die schifliute des bevilte.
;;;201;3;;sus wart vergolten in ir kouf.
;;;201;4;;den burgern in die kolen trouf.
;;;201;5;;ich wære dâ nû wol soldier,
;;;201;6;;wanne dâ trinket nieman bier.
;;;201;7;;si hânt wînes und spîse vil.
;;;201;8;;dô warp, als ich iu sagen wil,
;;;201;9;;Parcifal, der reine:
;;;201;10;;von êrst die spîse er kleine
;;;201;11;;teilte mit sîn selbes hant.
;;;201;12;;er sazete die werden, die er dâ vant.
;;;201;13;;er wolt niht ir læren magen
;;;201;14;;überkrüpfe lâzen tragen.
;;;201;15;;er gap in rehter mâze teil.
;;;201;16;;si wurden sînes râtes geil.
;;;201;17;;hin ze naht schuof er in mêre,
;;;201;18;;der unlôse, niht ze hêre.
;;;201;19;;bîligens wart gevrâget dâ.
;;;201;20;;er und diu künigîn sprâchen: "jâ."
;;;201;21;;er lac mit solhen vuogen,
;;;201;22;;des nû niht wil genuogen
;;;201;23;;manigiu wîp, wer in sô tuot.
;;;201;24;;daz si durch arbeitlîchen muot
;;;201;25;;ir zuht sus parrierent
;;;201;26;;und sich dar gegen zierent!
;;;201;27;;vor gesten sint si an kiuschen siten.
;;;201;28;;ir herzewille hât vermiten,
;;;201;29;;waz mac an den gebærden sîn.
;;;201;30;;ir vriunt si heimlîchen pîn
;;;202;1;;vüegent mit ir zarte.
;;;202;2;;des mâze ie sich bewarte,
;;;202;3;;der getriuwe, stæte man,
;;;202;4;;wol vriundinne schouwen kan.
;;;202;5;;er denket, als ez lîhte ist wâr:
;;;202;6;;"ich hân gedienet mîniu jâr
;;;202;7;;nâch lône disem wîbe.
;;;202;8;;diu hât mînem lîbe
;;;202;9;;erboten trôst. nû lig ich hie.
;;;202;10;;des hete mich genuoget ie,
;;;202;11;;ob ich mit mîner grôzen hant
;;;202;12;;müese rüeren ir gewant.
;;;202;13;;ob ich nû gîtes gerte,
;;;202;14;;untriuwe es vür mich werte.
;;;202;15;;solte ich si arbeiten,
;;;202;16;;unser beider laster bereiten?
;;;202;17;;vor slâfe süeziu mære
;;;202;18;;sint vrouwen site gebære."
;;;202;19;;sus lac der Wâleise:
;;;202;20;;kranc was sîn vreise.
;;;202;21;;den man 'der rôte ritter' hiez,
;;;202;22;;die küniginne er maget liez.
;;;202;23;;si wânde doch, si wære sîn wîp.
;;;202;24;;durch sînen minneclîchen lîp
;;;202;25;;des morgens si ir houbet bant.
;;;202;26;;dô gap ime bürge und lant
;;;202;27;;disiu magetbære brût,
;;;202;28;;wand er was ir herzen trût.
;;;202;29;;si wâren mit ein ander sô,
;;;202;30;;daz si durch liebe wâren vrô
;;;203;1;;zwêne tage und drîe .
;;;203;2;;von ime dicke wart gedâht
;;;203;3;;umbevâhens, des sîn muoter riet.
;;;203;4;;Gurnemanz ime underschiet,
;;;203;5;;man und wîp wæren aleine.
;;;203;6;;si vlâhten arme und beine.
;;;203;7;;ob ich iuz sagen müeze,
;;;203;8;;er vant daz nâhe süeze.
;;;203;9;;der alt und der niuwe site
;;;203;10;;wonte aldâ in beiden mite.
;;;203;11;;im was wol und niht ze wê.
;;;203;12;;nû hœret ouch, wie Clamide
;;;203;13;;in krefteclîcher ervart
;;;203;14;;mit mæren ungetrœstet wart.
;;;203;15;;sus begunde in ein knappe sagen
;;;203;16;;- daz ros zuon sîten was durchslagen -:
;;;203;17;;"vor Pelraperie ûf dem plân
;;;203;18;;ist werdiu ritterschaft getân,
;;;203;19;;scharf genuoc von ritters hant.
;;;203;20;;betwungen ist der schinschant.
;;;203;21;;des heres meister Kingrun
;;;203;22;;vert gegen Artuse dem Britun.
;;;203;23;;
;;;203;24;;
;;;203;25;;ir und iuwer beidiu her
;;;203;26;;vindent Pelraperie mit wer.
;;;203;27;;dort inne ist ein ritter wert,
;;;203;28;;der anders niht danne strîtes gert.
;;;203;29;;iuwer soldiere jehent besunder,
;;;203;30;;daz von der tavelrunder
;;;204;1;;diu künigîn habe besant
;;;204;2;;Ithern von Kukumerlant.
;;;204;3;;des wâpen kam zer juste vür
;;;204;4;;und wart getragen nâch prîses kür."
;;;204;5;;der künic sprach zem knappen sân:
;;;204;6;;"Condwieramurs wil mich hân
;;;204;7;;und ich ir lîp und ir lant.
;;;204;8;;Kingrun, mîn schinschant,
;;;204;9;;mir mit wârheit enbôt,
;;;204;10;;si gæben die stat durch hungers nôt
;;;204;11;;und daz diu küniginne
;;;204;12;;mir büte ir werde minne."
;;;204;13;;der knappe erwarp dâ niuwen haz.
;;;204;14;;der künic mit her reit vürbaz.
;;;204;15;;im kam ein ritter widervarn,
;;;204;16;;der ouch daz ros niht kunde sparn.
;;;204;17;;der seite die selben mære.
;;;204;18;;Clamide wart swære
;;;204;19;;vröude und ritterlîcher sin.
;;;204;20;;ez dûht in grôz ungewin.
;;;204;21;;Des küniges vürsten einer sprach:
;;;204;22;;"Kingrunen niemen sach
;;;204;23;;strîten vür unser manheit.
;;;204;24;;niwan vür sich einen er dâ streit.
;;;204;25;;nû lât in sîn ze tôde erslagen.
;;;204;26;;sullen durch daz zwei her verzagen,
;;;204;27;;diz und jenez vor der stat?"
;;;204;28;;sînen hêrren er trûren lâzen bat.
;;;204;29;;"wir sullen ez baz versuochen.
;;;204;30;;wellent si wer geruochen,
;;;205;1;;wir geben in noch strîtes vil
;;;205;2;;und bringenz ûz ir vröude zil.
;;;205;3;;man und mâge sullet ir manen
;;;205;4;;und suochet die stat mit zwein vanen.
;;;205;5;;wir mügen an der lîten
;;;205;6;;wol ze rosse zuo in rîten.
;;;205;7;;die porten suochen wir ze vuoz.
;;;205;8;;vür wâr, wir tuon in schimpfes buoz."
;;;205;9;;den rât gap Galogandres,
;;;205;10;;der herzoge von Gippones.
;;;205;11;;der brâhte die burgære in nôt.
;;;205;12;;er holte ouch an ir letze den tôt.
;;;205;13;;als det der grâve Narant,
;;;205;14;;ein vürste ûz Ucherlant,
;;;205;15;;und manic wert armman,
;;;205;16;;den man tôten truoc hin dan.
;;;205;17;;nû hœret ein ander mære,
;;;205;18;;wie die burgære
;;;205;19;;ir letze tâten goume.
;;;205;20;;si nâmen lange boume
;;;205;21;;und stiezen starke stecken drîn
;;;205;22;;- daz gap den suochern pîn -,
;;;205;23;;mit seilen si die hiengen.
;;;205;24;;die ronen in rederen giengen.
;;;205;25;;daz was gebrüefet allez, ê
;;;205;26;;si suohte sturmes Clamide,
;;;205;27;;nâch Kingrunes schumpfentiure.
;;;205;28;;ouch kam in heidensch wilde viure
;;;205;29;;mit der spîse in daz lant.
;;;205;30;;daz ûzer antwerc wart verbrant.
;;;206;1;;ir ebenhœhe und ir mangen,
;;;206;2;;waz ûf rederen kam gegangen,
;;;206;3;;igele, katzen in den graben,
;;;206;4;;die kunde daz viur hin dan wol schaben.
;;;206;5;;Nû was ouch Kingrun schinschant
;;;206;6;;komen ze Britanie in daz lant
;;;206;7;;und vant den künic Artus
;;;206;8;;in Pricilan zem weidehûs,
;;;206;9;;daz was geheizen Carminal.
;;;206;10;;dô warp er, als in Parcifal
;;;206;11;;gevangen hete dar gesant.
;;;206;12;;vrouwen Cunnewaren de Lalant
;;;206;13;;brâhte er sîne sicherheit.
;;;206;14;;diu juncvrouwe was gemeit,
;;;206;15;;daz mit triuwen klagete ir nôt,
;;;206;16;;den man dâ hiez 'der ritter rôt'.
;;;206;17;;über alle disiu mære wart vernomen.
;;;206;18;;dô was ouch vür den künic komen
;;;206;19;;der betwungene werde man.
;;;206;20;;im und der massenîe sân
;;;206;21;;sagete er, waz in was enboten.
;;;206;22;;Keie erschrac und begunde rôten.
;;;206;23;;doch sprach er: "bist dûz, Kingrun?
;;;206;24;;âvoy, wie manigen Britun
;;;206;25;;hât entschumpfieret dîn hant
;;;206;26;;dô, Clamides schinschant!
;;;206;27;;wirt mir dîn meister niemer holt,
;;;206;28;;dînes amptes dû doch geniezen solt.
;;;206;29;;der kezzel ist uns undertân,
;;;206;30;;mir hie und dir ze Brandigan.
;;;207;1;;hilf mir durch dîne wirdicheit
;;;207;2;;Cunnewaren hulde umbe krapfen breit."
;;;207;3;;er bôt ir anders wandels niht.
;;;207;4;;die rede lât sîn! hœret, waz geschiht,
;;;207;5;;dâ wir daz mære liezen ê.
;;;207;6;;vür Pelraperie kam Clamide.
;;;207;7;;dâ wart grôz stürmen niht vermiten.
;;;207;8;;die inneren mit den ûzern striten.
;;;207;9;;si heten trôst und kraft.
;;;207;10;;man vant die helde werhaft.
;;;207;11;;dâ von behabeten si daz wal.
;;;207;12;;ir landes hêrre, Parcifal,
;;;207;13;;streit den sînen verre vor.
;;;207;14;;dâ stuonden offen gar diu tor.
;;;207;15;;mit slegen er die arme erswanc.
;;;207;16;;sîn swert durch herte helme erklanc.
;;;207;17;;waz er dâ ritter nider sluoc,
;;;207;18;;die vunden arbeite genuoc.
;;;207;19;;die kunde man si lêren
;;;207;20;;zer halsberge gêren.
;;;207;21;;die burgære tâten râche schîn.
;;;207;22;;si erstâchen si zuo den slitzen în.
;;;207;23;;Parcifal in werte daz.
;;;207;24;;dô si dar umbe erhôrten sînen haz,
;;;207;25;;zweinzic si ir lebende viengen,
;;;207;26;;ê si vonme strîte giengen.
;;;207;27;;Parcifal wart wol gewar,
;;;207;28;;daz Clamide mit sîner schar
;;;207;29;;ritterschaft zen porten meit
;;;207;30;;und daz er an der halden streit.
;;;208;1;;der junge muotes herte
;;;208;2;;kêrte an daz ungeverte.
;;;208;3;;hin umbe begunde er gâhen,
;;;208;4;;des küniges vanen nâhen.
;;;208;5;;seht, dô wart Clamides solt
;;;208;6;;allerêrst mit schaden dâ geholt.
;;;208;7;;die burgære strîten kunden,
;;;208;8;;sô daz in gar verswunden
;;;208;9;;die schilte von der hant.
;;;208;10;;Parcifales schilt verswant
;;;208;11;;von slegen und von schüzzen.
;;;208;12;;wie wênic si es genüzzen,
;;;208;13;;die suochære, die daz sâhen,
;;;208;14;;des prîses si ime alle jâhen.
;;;208;15;;Galogandres truoc den namen.
;;;208;16;;der kunde ez her wol gemanen.
;;;208;17;;der lac an des küniges sîten tôt.
;;;208;18;;Clamide kam selbe in nôt.
;;;208;19;;ime und den sînen wart dâ wê.
;;;208;20;;den sturm verbôt dô Clamide.
;;;208;21;;die burgære manheite wîs
;;;208;22;;behielten vrumen prîs.
;;;208;23;;Parcifal, der werde degen,
;;;208;24;;hiez der gevangen schône pflegen
;;;208;25;;unz an den dritten morgen.
;;;208;26;;daz ûzer her pflac sorgen.
;;;208;27;;der junge stolze wirt gemeit
;;;208;28;;nam der gevangenen sicherheit.
;;;208;29;;er sprach: "als ich ez iu enbiute,
;;;208;30;;sô komet wider, guote liute."
;;;209;1;;ir harnasch er behalten bat.
;;;209;2;;inz her si kêrten vür die stat.
;;;209;3;;wie si wæren von trünken rôt,
;;;209;4;;die ûzeren sprâchen: "hungers nôt
;;;209;5;;habt ir gedult, ir armen."
;;;209;6;;"lât uns iuch niht erbarmen",
;;;209;7;;sprach diu gevangene ritterschaft.
;;;209;8;;"dort inne ist spîse alsolichiu kraft,
;;;209;9;;woltet ir hie ligen noch ein jâr,
;;;209;10;;si behielten iuch mit in vür wâr.
;;;209;11;;diu künigîn hât den hœhesten man,
;;;209;12;;der schiltes ambet ie gewan.
;;;209;13;;er mac wol sîn von hôher art.
;;;209;14;;aller ritter êre ist zuo im bewart."
;;;209;15;;dô daz erhôrte Clamide,
;;;209;16;;allerêrst tet im sîn arbeit wê.
;;;209;17;;boten sante er wider în
;;;209;18;;und enbôt, wer bî der künigîn
;;;209;19;;dâ gelegen wære,
;;;209;20;;"ist er kampfbære,
;;;209;21;;sô daz si in dâr vür hât erkant,
;;;209;22;;daz er ir lîp und ir lant
;;;209;23;;mir mit kampfe getürre weren,
;;;209;24;;sô sî ein vride von beiden heren."
;;;209;25;;Parcifal des wart al vrô,
;;;209;26;;daz ime diu botschaft alsô
;;;209;27;;gegen sînes eines kampfe was gesaget.
;;;209;28;;dô sprach der junge unverzaget:
;;;209;29;;"dâ vür sî mîn triuwe pfant,
;;;209;30;;daz des inren hers dekein hant
;;;210;1;;kumet durch mîne nôt ze wer."
;;;210;2;;zwischen dem graben und dem ûzeren her
;;;210;3;;wart gestætet dirre vride.
;;;210;4;;dô wâpeten sich die kampfsmide.
;;;210;5;;dô saz der künic von Brandigan
;;;210;6;;ûf ein gewâpent kastelân,
;;;210;7;;daz was geheizen Guveriorz.
;;;210;8;;von sînem neven Grigorz,
;;;210;9;;dem künic von Ipotente,
;;;210;10;;mit rîchem prêsente
;;;210;11;;was ez komen Clamide
;;;210;12;;von den über den Ucherse.
;;;210;13;;ez brâhte der grâve Narant
;;;210;14;;und dar zuo sarjant
;;;210;15;;mit harnasch, alle sunder schalt.
;;;210;16;;den was ir solt aldâr gezalt
;;;210;17;;volleclîchen zwei jâr,
;;;210;18;;seit diu âventiure wâr.
;;;210;19;;Grigorz im sante ritter kluoc
;;;210;20;;vünf hundert - ieclîcher truoc
;;;210;21;;helm ûf houbet gebunden -,
;;;210;22;;die wol mit strîte kunden.
;;;210;23;;dô hete Clamides her
;;;210;24;;ûf dem lande und in dem mer
;;;210;25;;Pelraperie alsô belegen,
;;;210;26;;die burgære muosen kumbers pflegen.
;;;210;27;;Ez kam geriten Parcifal
;;;210;28;;an daz urteillîche wal,
;;;210;29;;dâ got erzöugen solte,
;;;210;30;;ob er im lâzen wolte
;;;211;1;;des künic Tampenteries barn.
;;;211;2;;stolzlîchen er kam gevarn,
;;;211;3;;niwan als daz ros den walap
;;;211;4;;vor der rabbîne gap.
;;;211;5;;daz was gewâpent wol vür nôt.
;;;211;6;;von samîte ein decke rôt
;;;211;7;;lac ûf der îserînen.
;;;211;8;;an ime selbe liez er schînen
;;;211;9;;rôten schilt, rôt kursît.
;;;211;10;;Clamide erhuop den strît.
;;;211;11;;kurz ein unbesniten sper
;;;211;12;;brâhte er durch juste vellen her.
;;;211;13;;dâ mite er nam den poinder lanc.
;;;211;14;;Guveriorz mit hurte spranc.
;;;211;15;;wol dâ gejustieret wart
;;;211;16;;von den zwein jungen âne bart
;;;211;17;;sunder failieren.
;;;211;18;;von liuten noch von tieren
;;;211;19;;wart nie gestriten herter kampf.
;;;211;20;;ietweder ros von müede dampf.
;;;211;21;;sus heten si gevohten,
;;;211;22;;daz diu ros niht mêre mohten.
;;;211;23;;dô sturzten si dar under
;;;211;24;;gesamet, niht besunder.
;;;211;25;;ir ietweder des geruochte,
;;;211;26;;daz er daz viur inme helme suochte.
;;;211;27;;si enmohten vîrens niht gepflegen,
;;;211;28;;in was ze werke aldâ gegeben.
;;;211;29;;dô zerstuben in die schilte,
;;;211;30;;als der mit schimpfe spilte
;;;212;1;;und vederen würfe in den wint.
;;;212;2;;dannoch was Gahmuretes kint
;;;212;3;;niender müede an keinem lide.
;;;212;4;;dô wânde Clamide, daz der vride
;;;212;5;;wære gebrochen ûz der stat.
;;;212;6;;sînen kampfgenôz er bat,
;;;212;7;;daz er sich selben êrte
;;;212;8;;und manigen wurf werte.
;;;212;9;;ez giengen ûf in slege grôz.
;;;212;10;;die wâren wol mangen stein genôz.
;;;212;11;;sus antwurt ime des landes wirt:
;;;212;12;;"ich wæne, dich mangen wurf verbirt.
;;;212;13;;wanne dâ vür ist mîn triuwe pfant.
;;;212;14;;hetest oht vride von mîner hant,
;;;212;15;;dir enbræchen manigen swenkel
;;;212;16;;brust, houbet noch den schenkel."
;;;212;17;;Clamide dranc müede zuo.
;;;212;18;;diu was im dannoch al ze vruo.
;;;212;19;;sige gewunnen, sige verlorn
;;;212;20;;wart sunder dâ mite strîte erkorn.
;;;212;21;;doch wart der künic Clamide
;;;212;22;;an schumpfentiure beschouwet ê
;;;212;23;;mit einem niderzucke.
;;;212;24;;von Parcifales drucke
;;;212;25;;wæte ime bluot ûz ôren und nasen.
;;;212;26;;daz maht rôt den grüenen wasen.
;;;212;27;;er blôzete ime daz houbet schiere
;;;212;28;;von helme und von hersniere.
;;;212;29;;gegen slage saz der betwungene lîp.
;;;212;30;;der sigehafte sprach: "mîn wîp
;;;213;1;;mac nû blîben von dir vrî.
;;;213;2;;nû lerne, waz sterben sî!"
;;;213;3;;"neinâ, werder degen balt!
;;;213;4;;dîn êre ist sus drîzicvalt
;;;213;5;;mêr an mir erzeiget,
;;;213;6;;sît dû mich hâst geneiget.
;;;213;7;;wâ möht dir hœher prîs geschehen?
;;;213;8;;Condwieramurs mac wol jehen,
;;;213;9;;daz ich der unsælige bin
;;;213;10;;und dîn gelücke hât gewin.
;;;213;11;;dîn lant ist erlœset,
;;;213;12;;
;;;213;13;;ez wirt vil deste lîhter.
;;;213;14;;mîn gewalt ist sîhter.
;;;213;15;;reht manlîch wünne
;;;213;16;;ist worden an mir dünne.
;;;213;17;;durch waz soltest dû mich sterben?
;;;213;18;;ich muoz doch laster erben
;;;213;19;;ûf alle mîne nâchkumen.
;;;213;20;;dû hâst den prîs und den vrumen,
;;;213;21;;tuost mir mêre, dês âne nôt.
;;;213;22;;ich trage den lebendigen tôt,
;;;213;23;;sît ich von ir gescheiden bin,
;;;213;24;;diu mir herze und sin
;;;213;25;;ie mit ir gewalt beslôz,
;;;213;26;;und ich des nie gegen ir genôz.
;;;213;27;;des muoz ich unsælic man
;;;213;28;;ir lîp, ir lant dir ledic lân."
;;;213;29;;Dô dâhte, der den sige hât,
;;;213;30;;sân an Gurnemanzes rât,
;;;214;1;;daz ellenthafter manheit
;;;214;2;;erberme solte sîn bereit.
;;;214;3;;sus volgete er dem râte nâch.
;;;214;4;;hin ze Clamide er sprach:
;;;214;5;;"ine wil dich niht erlâzen,
;;;214;6;;dû enbringest Liazen
;;;214;7;;vater dîne sicherheit."
;;;214;8;;"neinâ, hêrre, dem hân ich herzeleit
;;;214;9;;getân. ich sluoc ime sînen sun.
;;;214;10;;dû ensolt alsô mit mir niht tuon.
;;;214;11;;durch Condwieramurs
;;;214;12;;vaht ouch mit mir Schenteflurs.
;;;214;13;;ouch wære ich tôt von sîner hant,
;;;214;14;;wand daz mir half mîn schinschant.
;;;214;15;;in sante inz lant ze Brobarz
;;;214;16;;Gurnemanz de Graharz
;;;214;17;;mit werdeclîcher hers kraft.
;;;214;18;;die tâten guote ritterschaft,
;;;214;19;;niun hundert, die wol striten
;;;214;20;;- gewâpent ros die alle riten -,
;;;214;21;;und vünfzehen hundert sarjant.
;;;214;22;;gewâpent ich si in strîte vant.
;;;214;23;;den gebrast niwan der schilte.
;;;214;24;;sînes hers mich bevilte.
;;;214;25;;ir kam doch kûme der sume wider.
;;;214;26;;mêr helde vlôs ich sider.
;;;214;27;;nû darbe ich vröude und êre.
;;;214;28;;wes gerstû von mir mêre?"
;;;214;29;;"ich wil senften dînen vreisen.
;;;214;30;;var gegen den Brituneisen
;;;215;1;;- dar vert ouch vor dir Kingrun -,
;;;215;2;;gegen Artuse dem Britun.
;;;215;3;;dem soltû mînen dienest sagen.
;;;215;4;;bite in, daz er mir helfe klagen
;;;215;5;;laster, daz ich vuorte dan.
;;;215;6;;ein juncvrouwe mich lachete an.
;;;215;7;;daz man die durch mich zerblou,
;;;215;8;;sô sêre mich nie dinc gerou.
;;;215;9;;der selben sage, ez sî mir leit,
;;;215;10;;und bring ir dîn sicherheit,
;;;215;11;;sô daz dû leistest ir gebot,
;;;215;12;;oder nim alhie von mir den tôt."
;;;215;13;;"sol daz geteilte gelten,
;;;215;14;;sô enwil ichz niht beschelten",
;;;215;15;;sprach der künic von Brandigan.
;;;215;16;;"ich wil die vart von hinnen hân."
;;;215;17;;mit gelübde dô dannen schiet,
;;;215;18;;den sîn hôchvart ê verriet.
;;;215;19;;Parcifal, der wîgant,
;;;215;20;;gienc, dâ er sîn ros almüede vant.
;;;215;21;;sîn vuoz dar nâher nie gegreif:
;;;215;22;;er spranc drûf âne stegreif,
;;;215;23;;daz alumbe begunden zirben
;;;215;24;;sîn verhouwene schiltes schirben.
;;;215;25;;des wâren die burgære gemeit.
;;;215;26;;daz ûzer her sach herzeleit.
;;;215;28;;man vuorte den künic Clamide,
;;;215;27;;dem brât und lide tâten wê,
;;;215;29;;dâ sîne helfære wâren.
;;;215;30;;die tôten mit den bâren
;;;216;1;;vrumter an ir reste.
;;;216;2;;dô rûmdenz lant die geste.
;;;216;3;;Clamide, der werde,
;;;216;4;;reit gegen Lover ûf die erde.
;;;216;8;;Artus der Britun,
;;;216;7;;der lac ze Dianazdrun
;;;216;6;;und die von der tavelrunder,
;;;216;5;;ensament, niht besunder.
;;;216;9;;Ob ich nû niht gelogen hân,
;;;216;10;;vor Dianazdrun der plân,
;;;216;11;;der muose zeltstangen wonen
;;;216;12;;mêr, danne in Spechtshart sî ronen.
;;;216;13;;mit solicher massenîe lac
;;;216;14;;durch hôchgezît den pfingesttac
;;;216;15;;der künic mit maniger vrouwen.
;;;216;16;;ouch mohte man dâ schouwen
;;;216;17;;maniger baniere und schilt,
;;;216;18;;den sunderwâpen was gezilt,
;;;216;19;;und manigen wol gehêrten rinc.
;;;216;20;;ez diuhten nû vil grôziu dinc.
;;;216;21;;wer möhte diu reiselachen
;;;216;22;;solichem wîbes her gemachen?
;;;216;23;;ouch wânde dô ein vrouwe sân,
;;;216;24;;si solte den prîs verlorn hân,
;;;216;25;;hete si dâ niht ir âmîs.
;;;216;26;;ich entætes niht dekeine wîs.
;;;216;27;;ez was dô manic tumber lîp.
;;;216;28;;ich bræhte ungerne nû mîn wîp
;;;216;29;;in alsô grôz gemenge.
;;;216;30;;ich vorhte unkunt gedrenge.
;;;217;1;;etslîcher hin zuo ir spræche,
;;;217;2;;daz in ir minne erstæche
;;;217;3;;und in die vröude blante.
;;;217;4;;ob si die nôt erwante,
;;;217;5;;daz dienet er vor und nâch.
;;;217;6;;mir wær ê mit ir dannen gâch.
;;;217;7;;Ich hân gereit umb mîn dinc.
;;;217;8;;nû hœret, wie Artuses rinc
;;;217;9;;besunder was erkenneclîch
;;;217;10;;vor ûz mit maniger joie rîch.
;;;217;11;;diu massenîe vor ime was:
;;;217;12;;manic wert man gegen valsche laz
;;;217;13;;und manige juncvrouwe stolz,
;;;217;14;;daz niht wanne juste was ir bolz.
;;;217;15;;ir vriunt si gegen dem vîende schôz.
;;;217;16;;lêrte in strît dâ kumber grôz,
;;;217;17;;sô stuont lîhte ir gemüete,
;;;217;18;;daz si ez ime galt mit güete.
;;;217;19;;Clamide, der jungelinc,
;;;217;20;;reit mitten in den rinc.
;;;217;21;;verdecket ros, gewâpent lîp
;;;217;22;;sach an ime Artuses wîp,
;;;217;23;;sînen helm, sînen schilt verhouwen.
;;;217;24;;daz sâhen gar die vrouwen.
;;;217;25;;sus was er ze hove komen.
;;;217;26;;ir habet ê wol vernomen,
;;;217;27;;daz er des wart betwungen.
;;;217;28;;er erbeizete. vil gedrungen
;;;217;29;;wart sîn lîp, ê er sitzen vant
;;;217;30;;vrouwen Cunnewaren de Lalant.
;;;218;1;;dô sprach er: "vrouwe, sît ir daz,
;;;218;2;;der ich sol dienen âne haz?
;;;218;3;;ein teil mich es twinget nôt.
;;;218;4;;sînen dienst enbiutet iu der ritter rôt.
;;;218;5;;der wil vil grôze pflihte hân,
;;;218;6;;waz iu ze laster ist getân.
;;;218;7;;ouch bittet er Artusen klagen.
;;;218;8;;ich wæne, ir sît durch in geslagen.
;;;218;9;;vrouwe, ich bringe iu sicherheit,
;;;218;10;;alsô mir gebôt, der mit mir streit.
;;;218;11;;nû leist ichz gerne, wenne ir welt.
;;;218;12;;mîn lîp gegen tôde was verselt."
;;;218;13;;Vrouwe Cunneware de Lalant
;;;218;14;;greif an die geîserten hant.
;;;218;15;;aldâ vrouwe Ginovere saz,
;;;218;16;;diu âne den künic mit ir az.
;;;218;17;;Keie ouch vor dem tische stuont,
;;;218;18;;aldâ ime wart diz mære kunt.
;;;218;19;;der widersaz es ime ein teil.
;;;218;20;;des wart vrouwe Cunneware geil.
;;;218;21;;doch sprach er: "vrouwe, dirre man,
;;;218;22;;waz der hât gegen iu getân,
;;;218;23;;des ist der vaste underzogen.
;;;218;24;;dô wæne ich, er ist angelogen.
;;;218;25;;ich tete ez durch hovelîche site
;;;218;26;;und wolt iuch hân gebezzert mite.
;;;218;27;;dâr umbe hân ich iuweren haz.
;;;218;28;;iedoch wil ich iu râten daz:
;;;218;29;;heizen entwâpen disen gevangen,
;;;218;30;;in mac hie stêns erlangen."
;;;219;1;;im bat diu juncvrouwe fier
;;;219;2;;abe nemen helm und hersenier.
;;;219;3;;dô man die bêde von ime gebant,
;;;219;4;;Clamide wart schiere erkant.
;;;219;5;;Kingrun sach dicke
;;;219;6;;an in kuntlîche blicke.
;;;219;7;;dô wurden an den stunden
;;;219;8;;sîne hende alsô gewunden,
;;;219;9;;daz si begunden krachen
;;;219;10;;alsam die dürren spachen.
;;;219;11;;den tisch stiez von ime zehant
;;;219;12;;Clamides schinschant.
;;;219;13;;sînen hêrren vrâgete er mære.
;;;219;14;;den vant er vröuden lære.
;;;219;15;;der sprach: "ich bin ze schaden erborn.
;;;219;16;;ich hân sô wirdic her verlorn,
;;;219;17;;daz muoter nie gebôt ir brust
;;;219;18;;dem, der erkante hœher vlust.
;;;219;19;;mich enriuwe niht mînes hers tôt
;;;219;20;;dâ gegen, minne mangels nôt
;;;219;21;;lestet ûf mich solhen last,
;;;219;22;;mir ist vröude gestîn, hôchmuot gast.
;;;219;23;;Condwieramurs vrumt mich grâ.
;;;219;24;;Pilatus von Poncia
;;;219;25;;und der arme Judas,
;;;219;26;;der bî einem kusse was
;;;219;27;;an der triuwelôsen vart,
;;;219;28;;dâ Jhesus verrâten wart,
;;;219;29;;wie daz ir schepfer ræche,
;;;219;30;;die nôt ich niht verspræche,
;;;220;1;;daz Brobarzere vrouwen lîp
;;;220;2;;mit ir hulden wære mîn wîp,
;;;220;3;;sô daz ich si umbevienge,
;;;220;4;;wie ez mir dar nâch gienge.
;;;220;5;;ir minne ist leider verre
;;;220;6;;dem künic von Iserterre.
;;;220;7;;mîn lant und daz volc ze Brandigan
;;;220;8;;müezens iemer jâmer hân.
;;;220;9;;mînes veteren sun, Mobonagrin,
;;;220;10;;leit ouch dâ ze langen pîn.
;;;220;11;;nû bin ich, künic Artus,
;;;220;12;;her geriten in diz hûs,
;;;220;13;;betwungen von ritters hant.
;;;220;14;;dû weist vil wol, daz in mîn lant
;;;220;15;;dir manic laster ist getân.
;;;220;16;;des vergiz nû, vil werder man.
;;;220;17;;die wîle ich hie gevangen sî,
;;;220;18;;lâz mich solhes hazzes vrî.
;;;220;19;;mich sol vrouwe Cunneware
;;;220;20;;ouch scheiden von dem vâre,
;;;220;21;;diu mîne sicherheit enpfienc,
;;;220;22;;dô ich gevangen vür si gienc."
;;;220;23;;Artuses getriuwelîcher munt
;;;220;24;;verkôs die schulde sân zestunt.
;;;220;25;;Dô vriesch dâ wîp und man:
;;;220;26;;der künic von Brandigan
;;;220;27;;was geriten ûf den rinc.
;;;220;28;;nû dar nâher, dringâ drinc!
;;;220;29;;schiere wart daz mære breit.
;;;220;30;;mit zühten iesch gesellecheit
;;;221;1;;Clamide, der vröuden âne:
;;;221;2;;"ir sullet mich Gawane
;;;221;3;;bevelhen, vrouwe, bin ichs wert.
;;;221;4;;sô weiz ich wol, daz ers ouch gert.
;;;221;5;;leist er dâr an iuwer gebot,
;;;221;6;;er êret iuch und den ritter rôt."
;;;221;7;;Artus bat sîner swester sun
;;;221;8;;gesellecheit dem künige tuon.
;;;221;9;;daz wære iedoch ergangen.
;;;221;10;;dô wart er wol enpfangen
;;;221;11;;von der werden massenîe,
;;;221;12;;der betwungene, valsches vrîe.
;;;221;13;;ze Clamide sprach Kingrun:
;;;221;14;;"owê, daz ie kein Britun
;;;221;15;;dich betwungen sach ze hûs!
;;;221;16;;noch rîcher danne Artus
;;;221;17;;wære diu helfe und urbor
;;;221;18;;und hetest dîne jugent bevor.
;;;221;19;;sol Artus dâ von prîs tragen,
;;;221;20;;daz Keie durch zorn hât erslagen
;;;221;21;;iuwer edele vürstinne,
;;;221;22;;diu mit herzen sinne
;;;221;23;;ir mit lachen hât erwelt,
;;;221;24;;der âne liegen ist gezelt
;;;221;25;;mit wârheit vür den hœhesten prîs?
;;;221;26;;die Britunoise ir lobes rîs
;;;221;27;;wænent nû hôch gestôzen hân.
;;;221;28;;âne ir arbeit wart getân,
;;;221;29;;daz tôt her wider wart gesant
;;;221;30;;der künic von Kukumerlant
;;;222;1;;und daz mîn hêrre ime siges jach,
;;;222;2;;den man gegen im in kampfe sach.
;;;222;3;;der selbe hât betwungen mich
;;;222;4;;gar âne hælingen slich.
;;;222;5;;man sach dâ viur ûz helmen wæn
;;;222;6;;und swert in henden umbe dræn."
;;;222;7;;Dô sprâchen alle gelîche,
;;;222;8;;beide arme und rîche,
;;;222;9;;daz Keie hete missetân.
;;;222;10;;hie sullen wir diz mære lân
;;;222;11;;und komens wider an die vart.
;;;222;12;;daz wüeste lant erbûwen wart,
;;;222;13;;dâ krône truoc Parcifal.
;;;222;14;;man sach dâ vröude und schal.
;;;222;15;;sîn sweher Tampenterie
;;;222;16;;liez ime ûf Pelraperie
;;;222;17;;lieht gesteine und rôtez golt.
;;;222;18;;daz teilt er, sô daz man im holt
;;;222;19;;was durch sîne milte.
;;;222;20;;vil baniere, niuwe schilte,
;;;222;21;;der wart sîn lant gezieret
;;;222;22;;und vil geturnieret
;;;222;23;;von ime und den sînen.
;;;222;24;;er liez dicke ellen schînen
;;;222;25;;an der marke sînes landes ort,
;;;222;26;;der junge degen unervorht.
;;;222;27;;sîn tât was gegen den gesten
;;;222;28;;gebrüefet vür den besten.
;;;222;29;;Nû hœret ouch von der künigîn.
;;;222;30;;wie möhte der iemer baz gesîn?
;;;223;1;;diu junge, süeze, werde
;;;223;2;;hete den wunsch ûf der erde.
;;;223;3;;ir minne stuont mit solicher kraft
;;;223;4;;gar âne wankes anehaft.
;;;223;5;;si hete ir man dâ vür erkant,
;;;223;6;;ietweders an dem andern vant,
;;;223;6;1;wes sîn herze gerte.
;;;223;6;2;diu triuwe si des werte.
;;;223;7;;er was ir liep, alsô was si ime.
;;;223;8;;wenne ich daz mære an mich nû nime,
;;;223;9;;daz si sich müezen scheiden,
;;;223;10;;dâ wehset schade in beiden.
;;;223;11;;ouch riuwet mich daz werde wîp.
;;;223;12;;ir liute, ir lant, dar zuo ir lîp
;;;223;13;;schiet sîn hant von grôzer nôt.
;;;223;14;;dâ gegen si ime ir minne bôt.
;;;223;15;;eines tages er mit zühten sprach,
;;;223;16;;dâ er manige ritter hôrte und sach:
;;;223;17;;"ob ir gebietet, vrouwe,
;;;223;18;;mit urloube ich schouwe,
;;;223;19;;wie ez umb mîne muoter stê.
;;;223;20;;ob der wol oder wê
;;;223;21;;sî, daz ist mir unkunt.
;;;223;22;;dar wil ich ze einer kurzen stunt
;;;223;23;;und ouch durch âventiure zil.
;;;223;24;;mac ich iu gedienen vil,
;;;223;25;;daz giltet iuwer minne wert."
;;;223;26;;sus het er urloubes gegert.
;;;223;27;;er was ir liep, sô daz mære giht.
;;;223;28;;si enwolte ime versagen niht.
;;;223;29;;von allen sînen mannen
;;;223;30;;schiet er aleine dannen.
;;;224;1;;Wer ruochet hœren, war nû kumt,
;;;224;2;;den âventiure hât ûz gevrumt,
;;;224;3;;der mac grôziu wunder
;;;224;4;;merken alliu besunder.
;;;224;5;;lât rîten Gahmuretes kint.
;;;224;6;;wâ nû getriuwe liute sint,
;;;224;7;;die wünschen ime heiles, wand ez muoz sîn,
;;;224;8;;daz er nû lîdet hôhen pîn,
;;;224;9;;etwenne ouch vröude und êre.
;;;224;10;;ein dinc in müete sêre,
;;;224;11;;daz er von ir gescheiden was,
;;;224;12;;daz munt von wîbe nie gelas
;;;224;13;;noch sus gesaget mære,
;;;224;14;;diu schœner und bezzer wære.
;;;224;15;;gedanke nâch der künigîn
;;;224;16;;begunden krenken ime den sin.
;;;224;17;;den müese er gar verlorn hân,
;;;224;18;;wær ez niht ein geherzer man.
;;;224;19;;mit gewalt den zoum daz ros
;;;224;20;;truoc über ronen und durch mos,
;;;224;21;;wen ez enwîsete niemans hant,
;;;224;22;;und tuot diu âventiure bekant,
;;;224;23;;daz er bî dem tage reit,
;;;224;24;;ein vogel hetes arbeit,
;;;224;25;;solt erz allez hân ervlogen.
;;;224;26;;mich enhabe diu âventiure betrogen,
;;;224;27;;sîn reis unnâch was sô grôz
;;;224;28;;des tages, dô er Itheren schôz,
;;;224;29;;und sît, dô er von Graharz
;;;224;30;;kam in daz lant ze Brobarz.
;;;225;1;;Wellet ir nû hœren, wie ez ime ergê?
;;;225;2;;er kam des âbendes an einen sê.
;;;225;3;;dâ heten geankert weideman,
;;;225;4;;den was daz wazzer undertân.
;;;225;6;;die wâren dem stade sô nâhen,
;;;225;5;;dô si in dâ rîten gesâhen,
;;;225;7;;daz si wol hôrten, waz er sprach.
;;;225;8;;einen er imme schiffe ersach,
;;;225;9;;der hete an ime al solich gewant,
;;;225;10;;ob ime dienten alliu lant,
;;;225;11;;daz er niht bezzer dörfte sîn;
;;;225;12;;gefurrieret sîn huot pfæwîn.
;;;225;13;;den selben vischære
;;;225;14;;begunde er vrâgen mære,
;;;225;15;;daz er ime riete durch got
;;;225;16;;und ouch durch sîner zühte gebot,
;;;225;17;;wâ er herberge möhte hân.
;;;225;18;;dô antwurte ime der trûrige man.
;;;225;19;;er sprach: "hêrre, mir ist niht erkant,
;;;225;20;;daz weder wazzer noch lant
;;;225;21;;in drîzic mîlen erbûwen sî,
;;;225;22;;wanne ein hûs, daz lît hie bî.
;;;225;23;;mit triuwen ich iu râte dar.
;;;225;24;;war möhtet ir tâlanc anderswar?
;;;225;25;;dort an des velses ende,
;;;225;26;;dâ kêret zer zeswen hende.
;;;225;27;;sô ir ûf hin kumt an den graben,
;;;225;28;;ich wæne, dâ müezet ir stille haben.
;;;225;29;;heizet iu die brücke nider lâzen
;;;225;30;;und offenen iu die strâzen."
;;;226;2;;Mit urloube er dannen schiet
;;;226;1;;und tet, als ime der vischære riet.
;;;226;3;;der sprach: "komt ir reht dar,
;;;226;4;;ich nime iuwer hînt selber war.
;;;226;5;;sô danket, als man iuwer pflege.
;;;226;6;;hüetet iuch: dâ gânt unkunde wege.
;;;226;7;;ir muget an den lîten
;;;226;8;;vil wol misserîten,
;;;226;9;;deiswâr, des ich iu doch niht gan."
;;;226;10;;Parcifal, der huop sich dan.
;;;226;11;;er begunde wackerlîchen draben
;;;226;12;;den rehten pfat unz an den graben.
;;;226;13;;dô was diu brücke ûf gezogen,
;;;226;14;;diu burc an veste niht betrogen.
;;;226;15;;drîstunt rehte, als si wære gedræt.
;;;226;16;;ez envlüge oder hete der wint gewæt,
;;;226;17;;mit sturme ir niht ze schadene was.
;;;226;18;;vil turne, manige palas
;;;226;19;;dâ stuont mit wunderlîcher wer.
;;;226;20;;ob si suochten alliu her,
;;;226;21;;si gæben vür die selben nôt
;;;226;22;;ze drîzic jâren niht ein brôt.
;;;226;23;;Ein knappe des geruochte
;;;226;24;;und vrâgete in, waz er suochte
;;;226;25;;oder wannen sîn reise wære.
;;;226;26;;er sprach: "der vischære
;;;226;27;;hât mich von ime her gesant.
;;;226;28;;ich hân genigen sîner hant
;;;226;29;;niwan durch herberge wân.
;;;226;30;;er bat die brücken nider lân
;;;227;1;;und hiez mich zuo iu rîten în."
;;;227;2;;"hêrre, ir sullet wilkomen sîn,
;;;227;3;;sît es der vischære verjach,
;;;227;4;;man biutet iu êre und gemach
;;;227;5;;durch in, der iuch sande wider",
;;;227;6;;sprach der knabe und liez die brücke nider.
;;;227;7;;in die burc der küene reit
;;;227;8;;ûf einen hof wît und breit.
;;;227;9;;durch schimpf er niht zertret was.
;;;227;10;;dâ stuont al kurz grüene gras.
;;;227;11;;dâ was bûhurdieren vermiten,
;;;227;12;;mit banieren selten überriten
;;;227;13;;alsô der anger ze Abenberc.
;;;227;14;;selten vrœlîchiu werc
;;;227;15;;was dâ gevrumt ze langer stunt:
;;;227;16;;in was wol herzejâmer kunt.
;;;227;17;;wênic er des gegen in engalt.
;;;227;18;;in enpfiengen ritter junc und alt.
;;;227;19;;vil kleiner junchêrrelîn
;;;227;20;;sprungen gegen dem zoume sîn.
;;;227;21;;ieglîchez vür daz ander greif
;;;227;22;;zuo zoum und an stegreif.
;;;227;23;;sus muos er von dem rosse stên.
;;;227;24;;in bâten ritter vürbaz gên;
;;;227;25;;die vuorten in an sîn gemach.
;;;227;26;;harte schiere daz geschach,
;;;227;27;;daz er mit zühte entwâpent wart.
;;;227;28;;dô si den jungen âne bart
;;;227;29;;gesâhen alsô minneclîch,
;;;227;30;;si jâhen, er wær sælden rîch.
;;;228;1;;Ein wazzer iesch der junge man.
;;;228;2;;er truoc den râm von im sân
;;;228;3;;under den ougen und handen.
;;;228;4;;alte und junge wânden,
;;;228;5;;daz von ime ander tac schine.
;;;228;6;;sus saz der minneclîche wine
;;;228;7;;gar vor allem zadel vrî.
;;;228;8;;mit pfelle von Arabi
;;;228;9;;truoc man einen mantel dar.
;;;228;10;;den leit an sich der wolgevar
;;;228;11;;mit offener snüere.
;;;228;12;;ez was ime ein lobes gevüere.
;;;228;13;;dô sprach der kamerære kluoc:
;;;228;14;;"Repanse de schoye in truoc,
;;;228;15;;mîn vrouwe, diu künigîn.
;;;228;16;;ab ir sol er iu gelihen sîn,
;;;228;17;;wanne iu ist niht kleider sô gesniten.
;;;228;18;;jâ möht ir sis mit êren biten,
;;;228;19;;wanne ir sît ein werder man.
;;;228;20;;ouch ichz gebrüefet rehte hân."
;;;228;21;;"got lône iu, hêrre, daz irs jeht.
;;;228;22;;ob ir mich ze rehte speht,
;;;228;23;;sô hât mîn lîp gelücke erholt.
;;;228;24;;diu gotes kraft gît solhen solt."
;;;228;25;;Man schancte ime und pflac sîn sô,
;;;228;26;;die trûrigen wâren mit ime vrô.
;;;228;27;;man bôt ime wird und êre,
;;;228;28;;wan dâ was râtes mêre,
;;;228;29;;danne er ze Pelraperie vant,
;;;228;30;;dô die von kumber schiet sîn hant.
;;;229;1;;sîn harnasch was von ime getragen.
;;;229;2;;daz begund er sider klagen,
;;;229;3;;dô er sich schimpfes niht versan:
;;;229;4;;zuo hove kam der werde man,
;;;229;5;;den enpfienc man minneclîche,
;;;229;6;;den gast ellens rîche,
;;;229;7;;zuo dem wirte, als ob im wær zorn.
;;;229;8;;des het er nâch den lîp verlorn
;;;229;9;;von dem jungen Parcifal.
;;;229;10;;dô er sîn swert wol gemâl
;;;229;11;;niender bî ime ligen vant,
;;;229;12;;der vürste, twanc er sus die hant,
;;;229;13;;daz ime daz bluot ûz dem nagel schôz
;;;229;14;;und ime den ermel gar begôz.
;;;229;15;;"nein, hêrre", sprach diu ritterschaft,
;;;229;16;;"ez ist ein man, der schimpfes kraft
;;;229;17;;hât, wie trûric wir anders sîn.
;;;229;18;;tuot iuwer zuht gegen ime schîn.
;;;229;19;;ir solletz niht anders hân vernomen,
;;;229;20;;wanne daz der vischære sî komen.
;;;229;21;;dar gêt - ir sît ime ein werder gast -
;;;229;22;;und lât von iu den zornes last."
;;;229;23;;si giengen ûf einen palas,
;;;229;24;;dâ hundert krône gehangen was
;;;229;25;;und vil kerzen drûf gestôzen
;;;229;26;;ob den hûsgenôzen,
;;;229;27;;kleine kerzen umbe an der want.
;;;229;28;;hundert bette er ligen vant.
;;;229;29;;daz schuofen, die es pflâgen.
;;;229;30;;hundert kultern drûf lâgen,
;;;230;1;;ie vier gesellen sundersiz.
;;;230;2;;dâ enzwischen was ein underviz,
;;;230;3;;dâr vor ein teppich sinewel.
;;;230;4;;fili rois Frimutel
;;;230;5;;mohte wol gelusten daz.
;;;230;6;;eines dinges man dâ niht vergaz:
;;;230;7;;si hete niht betûret,
;;;230;8;;mit marmel was gemûret
;;;230;9;;drî vierecke viurrame.
;;;230;10;;dâr ûf was des viures name,
;;;230;11;;holz hiez 'lingnum âlôê'.
;;;230;12;;sô grôz viurer sît noch ê
;;;230;13;;sach niemen hie ze Wildenberc.
;;;230;14;;jenez wâren kostlîchiu werc.
;;;230;15;;Der wirt sich selben setzen bat
;;;230;16;;gegen der mittelen vürsten stat
;;;230;17;;ûf einem spanbette.
;;;230;18;;es was worden wette
;;;230;19;;zwischen ime und der vröude;
;;;230;20;;er lebete niht wen töude.
;;;230;21;;in den palas kam gegangen,
;;;230;22;;der dâ wart wol enpfangen,
;;;230;23;;Parcifal, der wolgevar,
;;;230;24;;von ime, von sante dar.
;;;230;25;;er beleip niht langer stên.
;;;230;26;;dis bat der wirt dar nâher gên.
;;;230;27;;er sprach: "sitzet zuo mir dâ her an.
;;;230;28;;sazt ich iuch verre hin dan,
;;;230;29;;daz wære iu al ze gastlîch."
;;;230;30;;der wirt was jâmers rîch
;;;231;1;;und hete durch sîne siecheit
;;;231;2;;grôziu viure und warmiu kleit.
;;;231;3;;wît und lanc zobelîn,
;;;231;4;;sus muose ûzen und inne sîn
;;;231;5;;ein belz und ein mantel drobe.
;;;231;6;;der swecheste balc wær wol ze lobe,
;;;231;7;;der was doch swarz und grâ.
;;;231;8;;des was ein hûbe dâ
;;;231;9;;ûf sînem houbete, zwivalt
;;;231;10;;von zobele, den man tiure galt.
;;;231;11;;sinewel arabisch ein borte
;;;231;12;;oben dar ûf gehôrte,
;;;231;13;;mitten dran ein knopfelîn,
;;;231;14;;ein durchliuhtic rubîn.
;;;231;15;;dâ saz manic ritter kluoc,
;;;231;16;;dâ man jâmer vür si truoc.
;;;231;17;;ein knappe spranc zer tür her în,
;;;231;18;;der truoc ein glevîn.
;;;231;19;;der site was ze trûren guot:
;;;231;20;;an der snîden huop sich bluot
;;;231;21;;und lief den schaft unz an die hant,
;;;231;22;;dârz in dem ermel widerwant.
;;;231;23;;dâ wart geweinet und geschrît
;;;231;24;;ûf dem palase wît.
;;;231;25;;daz volc von drîzic landen
;;;231;26;;möht ez den ougen niht enblanden.
;;;231;27;;er truoc si in sînen henden
;;;231;28;;al umbe zen vier wenden
;;;231;29;;unz aber wider zuo der tür.
;;;231;30;;der knappe spranc hin ûz dar vür.
;;;232;1;;gestillet was des volkes nôt,
;;;232;2;;als in des jâmer ê gebôt,
;;;232;3;;des si diu glevîn het ermant,
;;;232;4;;die brâhte der knappe in sîner hant.
;;;232;5;;Wil iuch nû niht belangen,
;;;232;6;;sô wirt hie zuo gevangen,
;;;232;7;;daz ich iuch bringe an die vart,
;;;232;8;;wie dâ mit zuht gedienet wart.
;;;232;9;;ze ende an dem palas
;;;232;10;;ein stehelîn tür entslozzen was;
;;;232;11;;dâ giengen ûz zwei werdiu kint.
;;;232;12;;nû hœret, wie diu gebrüefet sint,
;;;232;13;;daz si gæben minne solt,
;;;232;14;;waz dâ mit dienste hete erholt.
;;;232;15;;daz wâren juncvrouwen clâr.
;;;232;16;;zwei schapel über blôz hâr,
;;;232;17;;blüemîn was ir gebende.
;;;232;18;;ietwederiu ûf einer hende
;;;232;19;;truoc von golde ein kerzestal.
;;;232;20;;ir hâr was rôt, reit und val.
;;;232;21;;si truogen brinnendiu lieht.
;;;232;22;;hie sullen wir vergezzen niht
;;;232;23;;umb der juncvrouwen gewant,
;;;232;24;;dâ man si komende inne vant:
;;;232;25;;diu grævîn von Tenebroc,
;;;232;26;;mit scharlachen was ir roc.
;;;232;27;;des selben truoc ouch ir gespil.
;;;232;28;;si gewâren gefischieret vil
;;;232;29;;mit zwein gürtelen an der krenke,
;;;232;30;;ob der huf ame gelenke.
;;;233;1;;nâch den zwein kam ein herzogîn
;;;233;2;;und ir gespil. zwei stöllelîn
;;;233;3;;si truogen von helfenbein.
;;;233;4;;ir munt nâch viures rœte schein.
;;;233;5;;die nigen alle viere.
;;;233;6;;zwô sasten schiere
;;;233;7;;vür den wirt die stollen.
;;;233;8;;dâ wart gedienet mit vollen.
;;;233;9;;die stuonden samet an einer schar
;;;233;10;;und wâren alle wol gevar.
;;;233;11;;disen vieren was gelîch ir wât.
;;;233;12;;seht, wâ sich niht versûmet hât
;;;233;13;;anderre vrouwen vierstunt zwô.
;;;233;14;;den was geboten alsô,
;;;233;15;;daz ir viere truogen kerzen grôz.
;;;233;16;;die anderen viere niht verdrôz,
;;;233;17;;si trüegen einen tiuren stein,
;;;233;18;;dâ tages diu sunne lieht durchschein.
;;;233;19;;dâ vür was sîn name erkant:
;;;233;20;;ez was ein grânât jâchant,
;;;233;21;;beide lanc und breit.
;;;233;22;;durch die lîhte in dünne sneit,
;;;233;23;;wer in ze einem tische maz.
;;;233;24;;dar abe der wirt durch eine rîcheit az.
;;;233;25;;si giengen harte rehte
;;;233;26;;vür den wirt alle ehte.
;;;233;27;;gegen nîgen si ir houbet wegeten.
;;;233;28;;viere die tavelen legeten
;;;233;30;;ûf stollen, die dâ kômen ê,
;;;233;29;;helfenbeinîn wîz als ein snê.
;;;234;1;;mit zuht si kunden wider gên,
;;;234;2;;zuo den êrsten vieren stên.
;;;234;3;;an den ahte vrouwen was
;;;234;4;;röcke grüener denne ein gras,
;;;234;5;;von Adamach samît
;;;234;6;;gesniten und lanc und wît.
;;;234;7;;dâ mitten si zesamen twanc
;;;234;8;;tiure gürtel smal und lanc.
;;;234;9;;dise ahte juncvrouwen kluoc,
;;;234;10;;ieglîchiu obe ir hâre truoc
;;;234;11;;ein kleine bluomen schapel.
;;;234;12;;der grâve Iwan von Nouel
;;;234;13;;und Gernis von Rile,
;;;234;14;;jâ was über manige mîle
;;;234;15;;zuo dienste ir tohter dâ genomen.
;;;234;16;;die zwô vürstinne sach man komen
;;;234;17;;in harte minniclîcher wât.
;;;234;18;;zwei mezzer schindende als ein grât
;;;234;19;;brâhten si durch wunder
;;;234;20;;ûf zweien twehelen besunder;
;;;234;21;;diu wâren silberîn, herte und wîz.
;;;234;22;;dâr an lac ein spæher vlîz:
;;;234;23;;in was solichiu scherpfe niht vermiten,
;;;234;24;;si heten stahel wol gesniten.
;;;234;25;;vor den mezzeren kômen vrouwen wert,
;;;234;26;;der dâ ze dienste was gegert,
;;;234;27;;die truogen lieht den mezzeren bî,
;;;234;28;;vier kint vor ime iwende vrî.
;;;234;29;;sus giengen alle sehse zuo.
;;;234;30;;nû hœret, waz ieglîchiu tuo:
;;;235;1;;si nigen, ir zwô. dô truogen si dar
;;;235;2;;ûf die tavelen wol gevar
;;;235;3;;diu mezzer und leiten si nider
;;;235;4;;und giengen dô mit zühten wider
;;;235;5;;zuo den êrsten zwelven stân.
;;;235;6;;ob ichz gebrüefet rehte hân,
;;;235;7;;hie sullen ahzehen vrouwen stân.
;;;235;8;;âvoy, nû siht man sehse gân
;;;235;9;;in wæte, die man tiure galt.
;;;235;10;;daz was halbez blîalt,
;;;235;11;;daz ander pfelle von Ninive.
;;;235;12;;dise und die êrsten sehse ê
;;;235;13;;truogen zwelf röcke geteilet,
;;;235;14;;gegen tiuren kost geveilet.
;;;235;15;;nâch den kam diu künigîn.
;;;235;16;;ir antlitze gap den schîn,
;;;235;17;;si wânden al, ez wolte tagen.
;;;235;18;;man sach die maget an ir tragen
;;;235;19;;pfelle guot von Arabi.
;;;235;20;;ûf einem grüenen achmardî
;;;235;21;;truoc si den wunsch vom paradîs,
;;;235;22;;beide wurzeln und rîs:
;;;235;23;;daz was ein dinc, daz hiez der Grâl,
;;;235;24;;erden wunsches überwal.
;;;235;25;;Repanse de schoye si hiez,
;;;235;26;;die sich den Grâl tragen liez.
;;;235;27;;der Grâl was von solher art:
;;;235;28;;wol muose ir kiusche sîn bewart,
;;;235;29;;diu sîn ze rehte solde pflegen.
;;;235;30;;si muose valsches sich bewegen.
;;;236;1;;vor dem Grâle kômen lieht,
;;;236;2;;diu wâren armer koste niht:
;;;236;3;;sehs glas lûter, wolgetân,
;;;236;4;;dâr inne balsam, der wol bran.
;;;236;5;;dô si kômen vor der tür
;;;236;6;;ze rehter mâze als her vür,
;;;236;7;;mit zühten neic diu künigîn
;;;236;8;;und alliu diu juncvröuwelîn,
;;;236;9;;die dâ truogen balsamvaz.
;;;236;10;;diu küniginne valscheite laz
;;;236;11;;saste vür den wirt den Grâl.
;;;236;12;;diz mære giht, daz Parcifal
;;;236;13;;dicke an si sach und dâhte,
;;;236;14;;diu den Grâl dâ brâhte.
;;;236;15;;er hete ouch ir mantel an.
;;;236;16;;mit zuht die sibene giengen dan
;;;236;17;;zuo den ahzehen êrsten.
;;;236;18;;dô liezen si die hêrsten
;;;236;19;;zwischen sich, man sagete mir,
;;;236;20;;zwelve ietwederhalben ir.
;;;236;21;;diu maget mit der krône
;;;236;22;;stuont dâ harte schône.
;;;236;23;;iuwer ritter dô gesezzen was
;;;236;24;;über al den palas,
;;;236;25;;den wâren kamerære
;;;236;26;;mit guldînen bechern swære
;;;236;27;;ie vieren geschaffet einer dar
;;;236;28;;und ein junchêrre wol gevar,
;;;236;29;;der eine wîze twehelen truoc.
;;;236;30;;man sach dâ rîcheite genuoc.
;;;237;1;;der tavelen muosen hundert sîn,
;;;237;2;;die man dô truoc zuo der tür dâ her în.
;;;237;3;;man saste ieglîche schiere
;;;237;4;;vür werder ritter viere.
;;;237;5;;tischlach var nâch wîze
;;;237;6;;wurden drûf geleit mit vlîze.
;;;237;7;;der wirt dô selbe wazzer nam,
;;;237;8;;der was an hôhem muote lam.
;;;237;9;;mit ime twuoc sich Parcifal.
;;;237;10;;eine sîdîne twehel wol gemâl,
;;;237;11;;die bôt eines grâven sun dar nâch,
;;;237;12;;dem was ze kniene gâch.
;;;237;13;;wâ dô der tavelen keiniu stuont,
;;;237;14;;dâ tet man vier knaben kunt,
;;;237;15;;daz si ir dienstes niht vergæzen
;;;237;16;;den, die dâr abe sæzen.
;;;237;17;;zwêne knieten und sniten.
;;;237;18;;die andern zwêne niht vermiten,
;;;237;19;;si trüegen trinken und ezzen dar,
;;;237;20;;und nâmen ir mit dienste war.
;;;237;21;;Hœret mê von rîcheit sagen:
;;;237;22;;vier karrâschen muosen tragen
;;;237;23;;manic tiure goltvaz
;;;237;24;;ieglîchem ritter, der dâ saz.
;;;237;25;;man zôch si zen vier wenden.
;;;237;26;;vier ritter mit ir henden
;;;237;27;;mans ûf die tavelen setzen sach.
;;;237;28;;ieglîchem gienc ein schrîber nâch,
;;;237;29;;der sich dar zuo arbeite
;;;237;30;;und si wider ûf bereite,
;;;238;1;;sô dâ gedienet wære.
;;;238;2;;nû hœret ein ander mære:
;;;238;3;;hundert knappen man gebôt,
;;;238;4;;die nâmen in wîze twehelen brôt
;;;238;5;;mit zühten vorme Grâle.
;;;238;6;;die giengen alle ze mâle.
;;;238;7;;si teilten vür die tavelen sich.
;;;238;8;;man sagete mir - nû sage ouch ich
;;;238;9;;ûf iuwer ieglîches eit -,
;;;238;10;;daz vorme Grâle wære bereit
;;;238;11;;- sol ich des ieman triegen,
;;;238;12;;sô müezet ir mit mir liegen -,
;;;238;13;;wâ nâch jener bôt die hant,
;;;238;14;;daz er albereit vant
;;;238;15;;spîse warm, spîse kalt,
;;;238;16;;spîse niuwe, dar zuo alt,
;;;238;17;;daz zame und daz wilde.
;;;238;18;;"es enwart nie kein bilde",
;;;238;19;;beginnet maniger sprechen.
;;;238;20;;der wil sich unschœne rechen:
;;;238;21;;wanne der Grâl was der sælden vruht,
;;;238;22;;der werde, süeze, ein solich genuht!
;;;238;23;;er wac vil nâch glîche,
;;;238;24;;als man saget von himelrîche.
;;;238;25;;in kleiniu goltvaz man nam,
;;;238;26;;als ieglîcher spîse zam,
;;;238;27;;salsen, pfeffer, agraz.
;;;238;28;;dâ hete der kiusche und der vrâz
;;;238;29;;alle wol gelîche genuoc.
;;;238;30;;mit grôzer zuht manz vür si truoc.
;;;239;1;;môraz, wîn, sinopel rôt,
;;;239;2;;wâ nâch den napf ieglîcher bôt,
;;;239;3;;waz er trinkens kunde nennen,
;;;239;4;;daz mohte er drinne erkennen -
;;;239;5;;allez von des Grâles kraft.
;;;239;6;;diu werde geselleschaft
;;;239;7;;hete wirtschaft vome Grâl.
;;;239;8;;wol gemarcte Parcifal
;;;239;9;;die rîcheit und daz wunder grôz;
;;;239;10;;durch zuht in vrâgens doch verdrôz.
;;;239;11;;er dâhte: "mir riet Gurnemanz
;;;239;12;;mit grôzen triuwen âne schranz,
;;;239;13;;ich solte vil gevrâgen niht.
;;;239;14;;waz, ob mîn wesen hie geschiht
;;;239;15;;die mâze als dort bî ime?
;;;239;16;;âne vrâgen ich vernime,
;;;239;17;;wie ez dirre massenîe stât."
;;;239;18;;in dem gedanke nâher gât
;;;239;19;;ein knappe, der brâhte ein swert,
;;;239;20;;des balc was tûsent marc wert.
;;;239;21;;sîn gehilz was ein rubîn.
;;;239;22;;ouch mohte wol diu klinge sîn
;;;239;23;;grôzer wunder urhap.
;;;239;24;;der wirt ez sînem gaste gap.
;;;239;25;;der sprach: "hêrre, ich brâht ez in nôt
;;;239;26;;in maniger stat, ê daz mich got
;;;239;27;;
;;;239;28;;nû sît dâr mite ergetzet,
;;;239;29;;ob man iuwer hie niht welle pflegen.
;;;239;30;;ir muget  wol vüeren allewegen.
;;;240;1;;wenne ir gebrüefet sînen art,
;;;240;2;;ir sît gegen strîte dâ mite bewart."
;;;240;3;;Owê, daz er niht vrâgete dô!
;;;240;4;;des bin ich vür in noch unvrô,
;;;240;5;;wanne dô erz enpfienc in sîn hant,
;;;240;6;;dô was er vrâgens mite ermant.
;;;240;7;;ouch riuwet mich sîn süezer wirt,
;;;240;8;;den ungnâde niht verbirt,
;;;240;9;;des ime von vrâge nû wære rât.
;;;240;10;;genuoc man dâ gegeben hât:
;;;240;11;;die es pflâgen, die grifenz an;
;;;240;12;;si truogenz gerüste wider dan.
;;;240;13;;die karrâschen man dô luot.
;;;240;14;;ieglîchiu vrouwe ir dienest tuot,
;;;240;15;;ê die jungesten, nû die êrsten.
;;;240;16;;dô schuofens aber die hêrsten
;;;240;17;;wider zuo dem Grâle.
;;;240;18;;dem wirt und Parcifale
;;;240;19;;mit zühten neic diu künigîn
;;;240;20;;und alliu diu juncvröuwelîn.
;;;240;21;;si brâhten wider în zer tür,
;;;240;22;;daz si mit in ê truogen vür.
;;;240;23;;Parcifal in blicte nâch.
;;;240;24;;an einem spanbette er sach
;;;240;25;;in einer kemenâten,
;;;240;26;;ê si nâch in zuo getâten,
;;;240;27;;den aller schœnesten alten man.
;;;240;28;;der ir kunde ie gewan,
;;;240;29;;ich mac ez wol sprechen âne guft:
;;;240;30;;er was noch grâwer danne tuft.
;;;241;1;;Wer der selbe wære,
;;;241;2;;des vreischet her nâch mære;
;;;241;3;;dar zuo der wirt, diu burc, daz lant,
;;;241;4;;die werdent iu von mir genant
;;;241;5;;her nâch, sô des wirt zît,
;;;241;6;;bescheidenlîch und âne strît
;;;241;7;;und allez vür zogen.
;;;241;8;;ich sage die senewen âne bogen.
;;;241;9;;diu senewe ist ein bîspel.
;;;241;10;;nû dunket mich der boge snel;
;;;241;11;;doch ist sneller, daz diu senewe jaget.
;;;241;12;;ob ich iu rehte hân gesaget,
;;;241;13;;diu senewe gelîchet mæren sleht,
;;;241;14;;diu dunket ouch die liute reht.
;;;241;15;;wer iu saget von der krumbe,
;;;241;16;;der wil iuch leiten umbe.
;;;241;17;;wer den bogen gespannen siht,
;;;241;18;;der senwen er der slihte giht,
;;;241;19;;man enwelle si zer biuge erdenen,
;;;241;20;;sô si den schuz müeze menen.
;;;241;21;;wer aber dem sîn mære schiuzet,
;;;241;22;;des in durch nôt verdriuzet
;;;241;23;;- wan daz hât dâ niender stat
;;;241;24;;und vil grimmeclîchen pfat:
;;;241;25;;ze einem ôren în, zuo dem andern vür -,
;;;241;26;;mîn arbeit ich dô gar verlür,
;;;241;27;;ob den mîn mære drünge,
;;;241;28;;ich sagete oder sünge,
;;;241;29;;daz ez noch baz vernæme ein boc
;;;241;30;;oder ein ulmiger stoc.
;;;242;1;;ich wil iu doch baz bediuten
;;;242;2;;von disen jâmerbæren liuten,
;;;242;3;;ze den kam geriten Parcifal:
;;;242;4;;man sach dâ selten vröuden schal,
;;;242;5;;ez wære bûhurt oder tanz.
;;;242;6;;ir klagendiu stæte was sô ganz,
;;;242;7;;si kêrten sich an schimpfen niht.
;;;242;8;;wâ man noch minre volkes siht,
;;;242;9;;den tuot etwenne vröude wol;
;;;242;10;;dort wâren die winkel alle vol
;;;242;11;;und ze hove, dâ man si sach.
;;;242;12;;der wirt ze sînem gaste sprach:
;;;242;13;;"ich wæne, man iu gebettet hât.
;;;242;14;;sît ir müede, sô ist mîn rât,
;;;242;15;;daz ir gêt und leget iuch slâfen."
;;;242;16;;nû solt ich schrîen 'wâfen'
;;;242;17;;umb ir scheiden, daz si tuont.
;;;242;18;;ez wart grôz schade beiden kunt.
;;;242;19;;vonme spanbette trat
;;;242;20;;ûf einen teppich an eine stat
;;;242;21;;Parcifal, der wol geslaht.
;;;242;22;;der wirt bôt ime guote naht.
;;;242;23;;diu ritterschaft dô gar ûf spranc.
;;;242;24;;ein teil ir ime dâ nâher dranc.
;;;242;25;;dô vuorten si den jungen man
;;;242;26;;in eine kemenâten sân,
;;;242;27;;diu was alsô gehêret,
;;;242;28;;mit einem bette geêret,
;;;242;29;;daz mich mîn armuot imer müet,
;;;242;30;;sît diu erde alsoliche rîcheit blüet.
;;;243;1;;dem bette was armuot tiure.
;;;243;2;;alsô er glüete in einem viure,
;;;243;3;;lac drûf ein pfelle lieht gemâl.
;;;243;4;;die ritter bat dô Parcifal
;;;243;5;;wider varen an ir gemach,
;;;243;6;;dô er dâ niht mêre bette sach.
;;;243;7;;mit urloube si vuoren dan.
;;;243;8;;hie hebet sich ander dienest an.
;;;243;9;;vil kerzen und diu varwe sîn,
;;;243;10;;die gâben ze gegenstrîte schîn.
;;;243;11;;waz mohte liehter sîn der tac?
;;;243;12;;vor sînem bette ein anderz lac,
;;;243;13;;dâr ein kulter, dâ er dâ ûf saz.
;;;243;14;;junchêrren snelle und niht ze laz,
;;;243;15;;maniger ime dar nâher spranc.
;;;243;16;;si entschuoheten bein, diu wâren blanc.
;;;243;17;;ouch zôch ime mêr gewandes abe
;;;243;18;;manic wolgeborner knabe.
;;;243;19;;vlætic wâren diu selben kindelîn.
;;;243;20;;dar nâch zer tür dô giengen în
;;;243;21;;vil klâre juncvrouwen,
;;;243;22;;die solten dennoch schouwen,
;;;243;23;;wie man des heldes pflæge
;;;243;24;;und ob er sanfte læge.
;;;243;25;;als mir diu âventiure gewuoc,
;;;243;26;;vor ieglîcher ein knappe truoc
;;;243;27;;eine kerzen, diu wol bran.
;;;243;28;;Parcifal, der snelle man,
;;;243;29;;spranc under daz deckelachen.
;;;243;30;;si sprâchen: "ir sullet wachen
;;;244;1;;durch uns noch eine wîle."
;;;244;2;;ein spil mit der île
;;;244;3;;het er unz an den ort gespilt.
;;;244;4;;daz man gegen liehter varwe zilt,
;;;244;5;;daz begunde ir ougen süezen,
;;;244;6;;ê si enpfiengen sîn grüezen.
;;;244;7;;ouch vuocten in gedanke nôt,
;;;244;8;;daz im sîn munt was sô rôt
;;;244;9;;und daz vor jugende nieman drane
;;;244;10;;kôs gegen einer halben grane.
;;;244;11;;dise vier juncvrouwen kluoc,
;;;244;12;;hœret, waz ieglîchiu truoc:
;;;244;13;;môraz, wîn und lûtertranc
;;;244;14;;truogen drîe ûf henden blanc.
;;;244;15;;diu vierde juncvrouwe wîs
;;;244;16;;truoc ob der art von paradîs
;;;244;17;;ûf einer twehelen blanc gevar.
;;;244;18;;diu selbe kniete ouch vür in dar.
;;;244;19;;er bat die juncvrouwen sitzen.
;;;244;20;;si sprach: "lât mich mit witzen.
;;;244;21;;sô wæret ir dienstes ungewert,
;;;244;22;;als mîn here vür iuch ist gegert."
;;;244;23;;süezer rede er gegen ir niht vergaz.
;;;244;24;;der hêrre tranc, ein teil er az.
;;;244;25;;mit urloube si giengen wider.
;;;244;26;;Parcifal sich leite nider.
;;;244;27;;ouch sasten junchêrrelîn
;;;244;28;;ûfen teppich die kerzen sîn.
;;;244;29;;dô sin entslâfen sâhen,
;;;244;30;;si begunden dannen gâhen.
;;;245;1;;Parcifal niht eine lac:
;;;245;2;;geselleclîch unz an den tac
;;;245;3;;was bî ime strengiu arbeit.
;;;245;4;;ir boten künftigiu leit
;;;245;5;;santen ime in slâfe dar,
;;;245;6;;sô daz der junge wol gevar
;;;245;7;;sîner muoter troum gar widerwac,
;;;245;8;;des si nâch Gahmurete pflac.
;;;245;9;;sus was gesteppet im sîn troum
;;;245;10;;mit swertslegen umb den soum,
;;;245;11;;dâr vor mit maniger juste rîch.
;;;245;12;;von rabîne hurteclîch
;;;245;13;;er leit in slâfe etslîche nôt.
;;;245;14;;möhter drîzic stunt sîn tôt,
;;;245;15;;daz het er wachende ê gedolt.
;;;245;16;;sus teilte ime ungemach den solt.
;;;245;17;;von disen strengen sachen
;;;245;18;;muos er durch nôt erwachen.
;;;245;19;;im swizeten âderen und bein.
;;;245;20;;der tac ouch durch diu venster erschein.
;;;245;21;;dô sprach er: "wê, wâ sint diu kint,
;;;245;22;;daz si hie vor mir niht sint?
;;;245;23;;wer sol mir bieten mîn gewant?"
;;;245;24;;sus wartete ir der wîgant,
;;;245;25;;unz daz er an der stunt entslief.
;;;245;26;;nieman dâ redete noch enrief.
;;;245;27;;si wâren gar verborgen.
;;;245;28;;umb den mitten morgen,
;;;245;29;;dô erwachete aber der junge man.
;;;245;30;;ûf rihte sich der küene sân.
;;;246;1;;ûf dem teppich sach der degen wert
;;;246;2;;ligen sînen harnasch und zwei swert.
;;;246;3;;daz eine der wirt ime geben hiez,
;;;246;4;;daz ander was von Gaheviez.
;;;246;5;;dô sprach er zuo dem selben sân:
;;;246;6;;"ouwê, durch waz ist diz getân?
;;;246;7;;deiswâr, ich sol mich wâpen drîn.
;;;246;8;;ich leit in slâfe alsoliche pîn,
;;;246;9;;daz mir wachende arbeit
;;;246;10;;noch hiute, wæn ich, ist bereit.
;;;246;11;;hât dirre wirt urliuges nôt,
;;;246;12;;sô leist ich gerne sîn gebot
;;;246;13;;und ir gebot mit triuwen,
;;;246;14;;diu disen mantel niuwen
;;;246;15;;mir lêch durch ir güete.
;;;246;16;;wan stüende ir gemüete,
;;;246;17;;daz si dienest wolte nemen,
;;;246;18;;des kunde mich durch si gezemen -
;;;246;19;;und doch niht durch ir minne,
;;;246;20;;want mîn wîp, diu küniginne,
;;;246;21;;ist an ir lîbe als clâr
;;;246;22;;oder vürbaz, daz ist wâr."
;;;246;23;;er tet, als er tuon sol:
;;;246;24;;von vuoze ûf wâpenter sich wol
;;;246;25;;durch strîtes antwurte.
;;;246;26;;zwei swert er umbe gurte.
;;;246;27;;zer tür ûz gienc der werde man.
;;;246;28;;dô was sîn ros an die stegen
;;;246;29;;geheftet. schilt und sper
;;;246;30;;lente dâr bî: daz was sîn ger.
;;;247;1;;Ê Parcifal, der wîgant,
;;;247;2;;sich des rosses underwant,
;;;247;3;;manigez er dem gadem erlief,
;;;247;4;;sô daz er nâch den liuten rief.
;;;247;5;;niemen er hôrte noch ensach,
;;;247;6;;ungevüege leit im dran geschach.
;;;247;7;;daz hete ime zorn gereizet.
;;;247;8;;er lief, dâ er was erbeizet
;;;247;9;;des âbendes, dô er komen was.
;;;247;10;;dâ was erde und gras
;;;247;11;;mit treten gerüeret
;;;247;12;;und daz tou gar zervüeret.
;;;247;13;;al schrîende lief der junge man
;;;247;14;;wider zuo sînem rosse sân.
;;;247;15;;mit bâgenden worten
;;;247;16;;saz er drûf. die porten
;;;247;17;;vant er wîte offen stân,
;;;247;18;;dar durch ûz grôze slâ gân.
;;;247;19;;niht langer er dô habete,
;;;247;20;;vaste ûf die brücke er drabete.
;;;247;21;;ein verborgen knappe daz seil
;;;247;22;;zôch, daz der slagebrücken teil
;;;247;23;;hete daz ros vil nâhe gevellet nider.
;;;247;24;;Parcifal, der sach wider.
;;;247;25;;dô wolt er gevrâget hân baz.
;;;247;26;;"ir sult varn, der sunnen haz",
;;;247;27;;sprach der knappe, "ir sît ein gans.
;;;247;28;;möht ir gerüeret haben den vlans,
;;;247;29;;und hete er den wirt gevrâget!
;;;247;30;;vil prîses hât iuch betrâget."
;;;248;1;;nâch den mæren schrei der gast;
;;;248;2;;gegenrede im gar gebrast.
;;;248;3;;wie vil er nâch geriefe,
;;;248;4;;reht als er gênde sliefe,
;;;248;5;;warp der knabe und sluoc die porten zuo.
;;;248;6;;dô was sîn scheiden danne ze vruo
;;;248;7;;an der vlustbæren zît
;;;248;8;;dem, der nû zins von vröuden gît.
;;;248;9;;diu ist an ime verborgen.
;;;248;10;;umbe den wurf der sorgen
;;;248;11;;wart getoppelt, dô er den Grâl vant
;;;248;12;;mit sînen ougen, âne hant
;;;248;13;;und âne würfels ecken.
;;;248;14;;ob in nû kumber wecken,
;;;248;15;;des was er dâ vor niht gewenet;
;;;248;16;;er enhete sich niht vil gesenet.
;;;248;17;;Parcifal, der huop sich nâch
;;;248;18;;vaste ûf die slâ, die er dâ sach.
;;;248;19;;er dâhte: "die vor mir rîtent,
;;;248;20;;ich wæne, die hiute strîtent
;;;248;21;;manlîch umb mînes wirtes dinc.
;;;248;22;;geruochten sis, sô enwære ir rinc
;;;248;23;;mit mir niht verkrenket.
;;;248;24;;aldâ würde niht gewenket:
;;;248;25;;ich hülfe in an der selben nôt,
;;;248;26;;daz ich gedienete mîn brôt
;;;248;27;;und ouch daz wünneclîch swert,
;;;248;28;;daz mir gap ir hêrre wert.
;;;248;29;;ungedienet ich daz trage.
;;;248;30;;si wænent lîhte, ich sî ein zage."
;;;249;1;;der valscheite widersaz
;;;249;2;;kêrte ûf der huofslege kraz.
;;;249;3;;si schieden dannen, daz riuwet mich.
;;;249;4;;allerêrst nû âventiurt ez sich.
;;;249;5;;dô begunde krenken sich ir spor.
;;;249;6;;sich schieden, die dâ riten vor.
;;;249;7;;ir slâ wart smal, diu ê was breit.
;;;249;8;;er verlôs si gar, daz was im leit.
;;;249;9;;Nû vriesch der junge, süeze man
;;;249;10;;mære, dâ von er nôt gewan.
;;;249;11;;dô erhôrte der degen ellens rîch
;;;249;12;;einer vrouwen stimme jâmerlîch.
;;;249;13;;er was dannoch von touwe naz.
;;;249;14;;vor ime ûf einer linden saz
;;;249;15;;ein maget, der vuogte ir triuwe nôt.
;;;249;16;;ein gebalsamt ritter tôt
;;;249;17;;lent ir zwischen den armen.
;;;249;18;;wen ez niht wolte erbarmen,
;;;249;19;;der si sô sitzen sæhe,
;;;249;20;;untriuwen ich ime jæhe.
;;;249;21;;sîn ros gegen ir dô wante,
;;;249;22;;der wênic si bekante.
;;;249;23;;si was doch sîner muomen kint.
;;;249;24;;alliu irdischiu triuwe was ein wint,
;;;249;25;;wan die man an ir lîbe sach.
;;;249;26;;Parcifal si gruozte und sprach:
;;;249;27;;"vrouwe, mir ist sêre leit
;;;249;28;;iuwer senlîchiu arbeit.
;;;249;29;;bedurfet ir mînes dienstes iht,
;;;249;30;;in iuwerem dienste man mich siht."
;;;250;1;;si dankete ime ûz jâmers siten
;;;250;2;;und vrâgete, wannen er kæme geriten.
;;;250;3;;si sprach: "ez ist widerzæme,
;;;250;4;;daz iemen an sich næme
;;;250;5;;sîne reise in dise waste.
;;;250;6;;unkundem gaste
;;;250;7;;mac hie wol grôzer schade geschehen.
;;;250;8;;ich hânz gehôrt und ouch gesehen,
;;;250;9;;daz hie vil liute ir lîp verlurn,
;;;250;10;;die werlîche den tôt erkurn.
;;;250;11;;kêret hinnen, ob ir welt genesen.
;;;250;12;;saget ê, wâ sît ir hînt gewesen?"
;;;250;13;;"dar ist ein mîle oder mêr,
;;;250;14;;daz ich gesach nie burc sô hêr
;;;250;15;;mit aller slahte rîcheit.
;;;250;16;;in kurzer wîle ich dannen reit."
;;;250;17;;si sprach: "wer iu getrûwet iht,
;;;250;18;;den sult ir gerne triegen niht.
;;;250;19;;ir traget doch eines gastes schilt.
;;;250;20;;iuch möhte des waldes hân bevilt,
;;;250;21;;von erbûwenem lande her geriten.
;;;250;22;;inre drîzic mîlen wart nie versniten
;;;250;23;;ze keinem bûwe holz noch stein,
;;;250;24;;wanne ein burc, diu stuont alein.
;;;250;25;;diu ist erden wunsches rîche.
;;;250;26;;wer die suochet vlîzeclîche,
;;;250;27;;leider der envindet ir niht.
;;;250;28;;vil liute manz doch werben siht.
;;;250;29;;ez muoz unwizzende geschehen,
;;;250;30;;wer iemer sol die burc gesehen.
;;;251;1;;ich wæne, diu ist iu niht bekant.
;;;251;2;;Muntsalvasche ist si genant.
;;;251;3;;der bürge wirtes roiâm,
;;;251;4;;Terre de Salvasche ist sîn nam.
;;;251;5;;ez brâhte der alte Titurel
;;;251;6;;an sînen sun. rois Frimutel,
;;;251;7;;sus hiez der werde wîgant.
;;;251;8;;manigen prîs erwarp sîn hant.
;;;251;9;;er lac von einer juste tôt,
;;;251;10;;als ime diu minne dar gebôt.
;;;251;11;;der selbe liez vier werdiu kint.
;;;251;12;;bî rîcheit driu in jâmer sint.
;;;251;13;;der vierde, der hât armuot,
;;;251;14;;durch got vür sünde er daz tuot.
;;;251;15;;der selbe heizet Trevrizent.
;;;251;16;;Anfortas, sîn bruoder, lent.
;;;251;17;;der mac gerîten noch gegên
;;;251;18;;noch geligen noch gestên.
;;;251;19;;der ist von Muntsalvasche wirt.
;;;251;20;;ungnâde in niht verbirt."
;;;251;21;;si sprach: "hêrre, wæret ir komen dar
;;;251;22;;zuo der jâmerlîchen schar,
;;;251;23;;sô wære dem wirte worden rât
;;;251;24;;vil kumbers, den er lange hât."
;;;251;25;;Der Waleis zuo der megde sprach:
;;;251;26;;"grôz wunder ich dâ sach
;;;251;27;;und manic vrouwen wol getân."
;;;251;28;;bî der stimme erkante si den man.
;;;251;29;;dô sprach si: "bistû Parcifal?
;;;251;30;;nû sage eht, sæhe dû den Grâl
;;;252;1;;und den wirt vröuden lære?
;;;252;2;;lâ hœren liebiu mære,
;;;252;3;;obe wendic ist sîn vreise!
;;;252;4;;wol dich der sælden reise!
;;;252;5;;want waz die lüfte hânt beslagen,
;;;252;6;;dâr obe muost dû hœhe tragen.
;;;252;7;;dir dienet zam und wilt,
;;;252;8;;ze rehten ist der wunsch gezilt."
;;;252;9;;Parcifal, der wîgant,
;;;252;10;;sprach: "wâ von habt ir mich erkant?"
;;;252;11;;si sprach: "dâ bin ichz, diu maget,
;;;252;12;;diu dir kumber het geklaget
;;;252;13;;und diu dir sagete dînen namen.
;;;252;14;;dû endarft dich niht der sippe schamen,
;;;252;15;;daz dîn muoter ist mîn muome.
;;;252;16;;wîplîcher kiusche ein bluome
;;;252;17;;ist si, geliutert âne touwe.
;;;252;18;;got lôn dir, daz dich sô rouwe
;;;252;19;;mîn vriunt, der mir ze der juste lac tôt.
;;;252;20;;ich hân in hie. nû brüefe nôt,
;;;252;21;;die mir hât got an ime gegeben,
;;;252;22;;daz er niht langer solte leben.
;;;252;23;;er pflac manlîcher güete.
;;;252;24;;sîn sterben mich dô müete.
;;;252;25;;ouch hân ich sît von tage zuo tage
;;;252;26;;vürbaz erkennet niuwe klage."
;;;252;27;;"owê, war kam dîn rôter munt?
;;;252;28;;bistû ez, Sigune, diu mir kunt
;;;252;29;;tet, wer ich was, âne allen vâr?
;;;252;30;;dîn reideloht, lanc, brûnez hâr,
;;;253;1;;des ist dîn houbet blôz getân.
;;;253;2;;zem fôrest in Pricilan
;;;253;3;;sach ich dich dâ minneclîch,
;;;253;4;;wie dû wærest jâmers rîch.
;;;253;5;;dû hâst verlorn varwe und kraft.
;;;253;6;;dîner herten geselleschaft
;;;253;7;;verdrüzze mich, solt ich die haben.
;;;253;8;;wir sulen disen tôten man begraben."
;;;253;9;;Dô nazzeten diu ougen ir die wât.
;;;253;10;;ouch was vrouwen Luneten rât
;;;253;11;;niender dâ bî ir gewesen.
;;;253;12;;diu riet ir vrouwen: "lât genesen
;;;253;13;;disen man, der den iuweren sluoc.
;;;253;14;;er mac es ergetzen iuch genuoc."
;;;253;15;;Sigune gerte ergetzens niht
;;;253;16;;als wîp, die man bî wanke siht,
;;;253;17;;manige, der ich wil gedagen.
;;;253;18;;hœret mê Sigunen triuwe sagen.
;;;253;19;;diu sprach: "sol mich iht gevrouwen,
;;;253;20;;daz tuot ein dinc, ob in sîn touwen
;;;253;21;;lâzet, den vil trûrigen man.
;;;253;22;;schiedû helflîche dan,
;;;253;23;;sô ist dîn lîp wol prîses wert.
;;;253;24;;dû vüerest ouch umb dich sîn swert.
;;;253;25;;bekennest dû des swertes segen,
;;;253;26;;dû maht âne angest strîtes pflegen.
;;;253;27;;sîn ecke ligent ime rehte.
;;;253;28;;von edelem geslehte
;;;253;29;;worhtez Trebuchetes hant.
;;;253;30;;ein brunne stât bî Karnant.
;;;254;1;;dar nâch der künic heizet Lac.
;;;254;2;;daz swert gestât ganz einen slac,
;;;254;3;;am andern ez zervellet gar.
;;;254;4;;wilt dûz danne bringen dar,
;;;254;5;;ez wirt ganz von des wazzers trân.
;;;254;6;;dû muost des ursprunges hân
;;;254;7;;underem velse, ê in bescheine der tac.
;;;254;8;;der selbe brunne heizet Lac.
;;;254;9;;sint diu stücke niht verrêret,
;;;254;10;;der si ze ein ander kêret,
;;;254;11;;sô si der brunne machet naz,
;;;254;12;;ganz und sterker baz
;;;254;13;;wirt ime valz unt ecke sîn
;;;254;14;;unt vliesent niht diu mâl ir schîn.
;;;254;15;;daz swert bedarf wol segens wort.
;;;254;16;;ich vorht, dû hâst diu lâzen dort.
;;;254;17;;hât es aber dîn munt gelernet,
;;;254;18;;sô wehset und kernet
;;;254;19;;iemer sælden kraft bî dir.
;;;254;20;;lieber neve, gloube mir,
;;;254;21;;sô muoz gar dienen dîner hant,
;;;254;22;;waz dîn lîp dâ wunders vant.
;;;254;23;;ouch maht dû tragen schône
;;;254;24;;iemer der sælden krône
;;;254;25;;hôch ob den werden.
;;;254;26;;den wunsch ûf der erden
;;;254;27;;hâst dû volleclîche.
;;;254;28;;nieman ist sô rîche,
;;;254;29;;der gegen dir kosten müge hân,
;;;254;30;;hâst dû vrâge ir reht getân."
;;;255;1;;er sprach: "ine hân gevrâget niht."
;;;255;2;;"ouwê, daz iuch mîn ouge siht",
;;;255;3;;sprach diu jâmerbære maget,
;;;255;4;;"sît ir vrâgens sît verzaget!
;;;255;5;;ir sâhet doch solichiu wunder grôz -
;;;255;6;;daz iuch vrâgens dô verdrôz,
;;;255;7;;aldâ ir wâret dem Grâle bî -,
;;;255;8;;manige vrouwen valsches vrî
;;;255;9;;ir sâhet, die werden Garschiloyen
;;;255;10;;und Repanse de schoyen,
;;;255;11;;snîdende silber und bluotic sper!
;;;255;12;;owê, waz woltestû zuo mir her?
;;;255;13;;geunêrter lîp, vervluochet man!
;;;255;14;;ir truoget den eiterwolves zan,
;;;255;15;;dô diu galle in der triuwe
;;;255;16;;an iu bekleip sô niuwe.
;;;255;17;;iuch solt iuwer wirt erbarmet hân,
;;;255;18;;an dem got hât wunder tân,
;;;255;19;;und hetet gevrâget sîner nôt.
;;;255;20;;ir lebt und sît an sælden tôt."
;;;255;21;;dô sprach er: "liebiu niftel mîn,
;;;255;22;;tuo bezzeren willen gegen mir schîn.
;;;255;23;;ich wandel, hân ich iht getân."
;;;255;24;;"ir sullet wandeles sîn erlân",
;;;255;25;;sprach diu maget, "mir ist wol bekant,
;;;255;26;;ze Muntsalvasche an iu verswant
;;;255;27;;êre und ritterlîcher prîs.
;;;255;28;;ir envindet nû dekeine wîs
;;;255;29;;dekeine gegenrede an mir."
;;;255;30;;Parcifal sus schiet von ir.
;;;256;1;;Daz er vrâgens was sô laz,
;;;256;2;;daz er bî dem trûrigen wirte saz,
;;;256;3;;daz gerouwe dô grœzeclîche
;;;256;4;;den degen ellens rîche.
;;;256;5;;durch klage und den tac sô heiz
;;;256;6;;begunde netzen in der sweiz.
;;;256;7;;durch den luft an ime er bant
;;;256;8;;den helm und vuorte in in der hant.
;;;256;9;;er entstricte die fantailen sîn.
;;;256;10;;durch îsers râm was lieht sîn schîn.
;;;256;11;;er kam ûf eine niuwe slâ,
;;;256;12;;wand ez gienc vor ime aldâ
;;;256;13;;ein ros, daz was wol beslagen,
;;;256;14;;und ein barvuoz pfert, daz muose tragen
;;;256;15;;eine vrouwen, die er sach.
;;;256;16;;nâch der ze rîten ime geschach.
;;;256;17;;ir pfert gegen kumber was verselt:
;;;256;18;;man hete ime durch die hût gezelt
;;;256;19;;wol alliu sîniu rippe gar.
;;;256;20;;alsô ein harm ez was gevar.
;;;256;21;;ein bestîn halfter lac dâr ane.
;;;256;22;;unz ûf den huof swanc ime diu mane,
;;;256;23;;sîn ougen tief, die gruoben wît.
;;;256;24;;ouch was daz selbe runzît
;;;256;25;;vertwâlet und vertrecket,
;;;256;26;;durch hunger dicke erwecket.
;;;256;27;;ez was dürre als ein zunder.
;;;256;28;;sîn gên, daz was ein wunder,
;;;256;29;;want ez reit ein vrouwe wert,
;;;256;30;;diu selten turnierte pfert.
;;;257;1;;dâ lac ûf ein gereite,
;;;257;2;;smal âne breite,
;;;257;3;;geschelle und bogen verrêret,
;;;257;4;;grôz zadel dran gemêret.
;;;257;5;;der vrouwen trûric, niht ze geil,
;;;257;6;;ir surzengel was ein seil.
;;;257;7;;dem was si doch ze wol geborn.
;;;257;8;;ouch heten die este und etlîche dorn
;;;257;9;;ir hemede zervüeret.
;;;257;10;;wâ ez mit zerren was gerüeret,
;;;257;11;;dâ sach er vil der stricke,
;;;257;12;;dâr under liehte blicke:
;;;257;13;;ir hût noch wîzer danne ein swane.
;;;257;14;;si envuorte niht wanne knoden ane.
;;;257;15;;wâ die wâren des velles dach,
;;;257;16;;in blanker varwe er daz sach.
;;;257;17;;daz ander leit von sunnen nôt.
;;;257;18;;wie ez kam, ir munt was rôt.
;;;257;19;;der muose al soliche varwe tragen,
;;;257;20;;man hete vil wol viur drûz geslagen.
;;;257;21;;wâ man si wolte an rîten,
;;;257;22;;daz was zer blôzen sîten.
;;;257;23;;nante es ieman vilân,
;;;257;24;;der het ir unreht getân,
;;;257;25;;wanne si hete wênic an ir.
;;;257;26;;durch iuwere zuht geloubet mir:
;;;257;27;;si truoc ungedienten haz.
;;;257;28;;wîplîcher güete si nie vergaz.
;;;257;29;;ich sagete iu vil von armuot.
;;;257;30;;war zuo? diz ist als guot.
;;;257;31;;dô næm ich solhen blôzen lîp
;;;257;32;;vür etslîch wol gekleidet wîp.
;;;258;1;;Dô Parcifal gruoz gegen ir sprach,
;;;258;2;;an in si erkenneclîch sach.
;;;258;3;;er was der schœneste über alliu lant;
;;;258;4;;dâ von si in schiere erkant.
;;;258;5;;si sprach: "ich hân iuch ê gesehen,
;;;258;6;;dâ von ist leide mir geschehen.
;;;258;7;;doch müeze iu vröude und êre
;;;258;8;;got iemer geben mêre,
;;;258;9;;danne ir umb mich geschuldet hât.
;;;258;10;;des ist armer nû mîn wât,
;;;258;11;;danne ir si jungest sâhet.
;;;258;12;;wæret ir niht genâhet
;;;258;13;;mir an der selben zît,
;;;258;14;;sô hete ich êre âne strît."
;;;258;15;;dô sprach er: "vrouwe, merket baz,
;;;258;16;;gegen wem ir kêret iuweren haz.
;;;258;17;;jâ enwart von mînem lîbe
;;;258;18;;iu noch dekeinem wîbe
;;;258;19;;laster nie gemêret
;;;258;20;;- sô hete ich mich geunêret -,
;;;258;21;;sît ich den schilt von êrst gewan
;;;258;22;;und ritters vuore mich versan.
;;;258;23;;mir ist ander iuwer kumber leit."
;;;258;24;;al weinende diu vrouwe reit,
;;;258;25;;daz si begôz ir brüstelîn.
;;;258;26;;als si gedræt solten sîn,
;;;258;27;;diu stuonden blanc, hôch, sinwel.
;;;258;28;;jâ enwart nie drehsel sô snel,
;;;258;29;;der si gedræt hete baz.
;;;258;30;;wie minneclîch diu vrouwe saz,
;;;259;1;;si muos in doch erbarmen.
;;;259;2;;mit henden und mit armen
;;;259;3;;begunde si sich decken
;;;259;4;;vor Parcifal, dem recken.
;;;259;5;;dô sprach er: "vrouwe, nemt durch got
;;;259;6;;ûf rehten dienst sunder spot
;;;259;7;;an iuweren lîp mîn kursît."
;;;259;8;;"hêrre, wære daz âne strît,
;;;259;9;;daz alliu mîn vröude læge dran,
;;;259;10;;sô getörst ichz doch niht grîfen an.
;;;259;11;;welt ir uns machen tôdes vrî,
;;;259;12;;sô rîtet, daz ich iu verre sî.
;;;259;13;;doch klagete ich wênic mînen tôt,
;;;259;14;;want daz ich vürhte, ir komets in nôt."
;;;259;15;;dô sprach er: "vrouwe, wer næme unser leben?
;;;259;16;;daz hât uns gotes kraft gegeben.
;;;259;17;;ob daz gerte ein ganzez her,
;;;259;18;;man sæhe mich vür ze wer."
;;;259;19;;si sprach: "es gerte ein werder degen,
;;;259;20;;der hât sich strîtes sô bewegen,
;;;259;21;;iuwer sehs kœmens in arbeit.
;;;259;22;;mir ist iuwer rîten bî mir leit.
;;;259;23;;ich was etwanne sîn wîp.
;;;259;24;;nû möhte mîn vertwâlet lîp
;;;259;25;;des heldes dirne niht gesîn.
;;;259;26;;sus tuot er engegen mir zürnen schîn."
;;;259;27;;dô sprach er zuo der vrouwen sân:
;;;259;28;;"wer ist hie mit iuwerm man?
;;;259;29;;wanne vlühe ich nû durch iuwern rât,
;;;259;30;;daz diuhte iuch lîhte ein missetât,
;;;260;1;;wanne wenne ich vliehen lerne,
;;;260;2;;sô stirbe ich alsô gerne."
;;;260;3;;dô sprach diu grôze herzogîn:
;;;260;4;;"er hât hie niemen danne mîn.
;;;260;5;;der trôst ist kranc gegen strîtes sige."
;;;260;6;;niht wan knoden und der rige
;;;260;7;;was an der vrouwen hemede ganz.
;;;260;8;;wîplîcher kiusche lobes kranz
;;;260;9;;truoc si mit armüete.
;;;260;10;;si pflac der wâren güete,
;;;260;11;;sô daz der valsch an ir verswant.
;;;260;12;;die fantailen er vür sich bant;
;;;260;13;;gegen strîte er wolt rüeren.
;;;260;14;;den helm er mit den snüeren
;;;260;15;;ebene ze sehen ruckete.
;;;260;16;;innen des daz ros sich buckete,
;;;260;17;;gegen dem pferde ez schrîen niht vermeit.
;;;260;18;;der vor Parcifal dâ reit
;;;260;19;;und vor der blôzen vrouwen,
;;;260;20;;der erhôrte ez und wolte schouwen,
;;;260;21;;wer bî sînem wîbe rite.
;;;260;22;;daz ros warf er mit zornes site
;;;260;23;;vaste ûz dem stîge.
;;;260;24;;gegen strîteclîchem wîge
;;;260;25;;hielt der herzoge Orilus,
;;;260;26;;gereit ze einer just alsus
;;;260;27;;mit rehter manlîcher ger
;;;260;28;;von Gaheviez mit einem sper.
;;;260;29;;daz was geverwet genuoc,
;;;260;30;;reht alsô er sîniu wâpen truoc.
;;;261;1;;sînen helm, den worhte Trebuchet.
;;;261;2;;sîn schilt was ze Dolet
;;;261;3;;in Kailetes lande
;;;261;4;;geworht dem wîgande;
;;;261;5;;rant und buckel heten kraft.
;;;261;6;;ze Alexandrie in heidenschaft
;;;261;7;;was geworht ein pfelle guot,
;;;261;8;;des der vürste hôchgemuot
;;;261;9;;truoc kursît und wâpenroc.
;;;261;10;;sîn decke was ze Tenebroc
;;;261;11;;geworht ûz ringen herte.
;;;261;12;;sîn stolzheit in daz lêrte:
;;;261;13;;der îserînen decke dach
;;;261;14;;was ein pfelle, des man jach,
;;;261;15;;daz der tiure wære.
;;;261;16;;rîch und doch niht swære
;;;261;17;;sîne hosen, halsberc, hersenier,
;;;261;18;;und in îserîniu schinnelier
;;;261;19;;was gewâpent dirre küene man,
;;;261;20;;geworht in Bealtzenan,
;;;261;21;;in der houbetstat ze Anschouwe.
;;;261;22;;disiu blôze vrouwe
;;;261;23;;vuorte ime ungelîchiu kleit,
;;;261;24;;diu dâ sô trûric nâch ime reit.
;;;261;25;;dâne hete sis niht bezzer state.
;;;261;26;;ze Sessen was geslagen sîn blate.
;;;261;27;;sîn ros von Brunbane
;;;261;28;;de Salvasche an muntane,
;;;261;29;;mit einer jost rois Lehelin
;;;261;30;;bejagete ez dâ, der bruoder sîn.
;;;262;1;;Parcifal was ouch bereit:
;;;262;2;;sîn ros mit walap er reit
;;;262;3;;gegen Oriluse de Lalander.
;;;262;4;;ûf des schilt vander
;;;262;5;;einen trachen, alsô er lebete.
;;;262;6;;ein ander trache strebete
;;;262;7;;ûf sînem helme gebunden,
;;;262;8;;an den selben stunden
;;;262;9;;manic guldîn trache kleine
;;;262;10;;- mit manigem edelem gesteine
;;;262;11;;muosen die gehêret sîn;
;;;262;12;;ir ougen wâren rubîn -
;;;262;13;;ûf der decke unt ame kursît.
;;;262;14;;dâ wart genomen der poinder wît
;;;262;15;;von den zwein helden unverzaget.
;;;262;16;;entwederhalp wart widersaget:
;;;262;17;;si wâren doch ledic ir triuwe.
;;;262;18;;trunzûne starc alniuwe
;;;262;19;;von in wæten gegen den lüften.
;;;262;20;;ich wolte mich des güften,
;;;262;21;;hete ich ein soliche just gesehen,
;;;262;22;;alsô mir des mære hât verjehen.
;;;262;23;;dâ wart von rabîne geriten,
;;;262;24;;ein soliche just niht vermiten.
;;;262;25;;vrouwen Jeschuten muot des verjach,
;;;262;26;;schœner just si nie gesach.
;;;262;27;;diu hielt dâ, want ir hende.
;;;262;28;;si vröuden ellende
;;;262;29;;engunde enwederm helde schaden.
;;;262;30;;diu ros in sweize muosen baden.
;;;263;1;;prîses si beide gerten.
;;;263;2;;die blicke von den swerten
;;;263;3;;und viur, daz von helmen spranc,
;;;263;4;;und manic ellenthafter swanc,
;;;263;5;;die begunden verre glesten,
;;;263;6;;wan dâ wâren strîtes die besten
;;;263;7;;mit hurte an ein ander komen,
;;;263;8;;ez gê ze schaden oder ze vromen
;;;263;9;;den küenen helden mæren.
;;;263;10;;wie willic diu ros wæren,
;;;263;11;;dâ si beide ûf sâzen,
;;;263;12;;der sporn si niht vergâzen
;;;263;13;;noch ir swerte lieht gemâl.
;;;263;14;;prîs gedienet in hie Parcifal,
;;;263;15;;daz er sich alsus wern kan
;;;263;16;;wol hundert trachen und eines man.
;;;263;17;;ein trache wart versêret,
;;;263;18;;sîne wunden gemêret,
;;;263;19;;der ûf Oriluses helme lac,
;;;263;20;;sô durchliuhtec, daz der tac
;;;263;21;;volleclîch durchschein,
;;;263;22;;wart drabe geslagen manic stein.
;;;263;23;;daz ergienc daz ros, niht ze vuoz.
;;;263;24;;vrouwen Jeschuten wart der gruoz
;;;263;25;;mit swertes schimpfe aldâ bejaget,
;;;263;26;;mit heldes handen unverzaget.
;;;263;27;;mit hurte si dicke zuo ein ander sluogen,
;;;263;28;;daz die ringe vor den knien zerstuben,
;;;263;29;;wie si wæren îserîn.
;;;263;30;;ruochet irs, si tâten strîten schîn.
;;;264;1;;Ich wil iu sagen des einen zorn:
;;;264;2;;daz sîn wîp wol geborn
;;;264;3;;dâ vor was genôtzoget.
;;;264;4;;er was iedoch ir rehter voget,
;;;264;5;;sô daz si schermes wart in.
;;;264;6;;er wânde, ir wîplîcher sin
;;;264;7;;wære gegen im erkêret
;;;264;8;;und daz si geunêret
;;;264;9;;hete ir kiusche und ir prîs
;;;264;10;;mit einem andern âmîs.
;;;264;11;;des lasters nam er pflihte.
;;;264;12;;ouch ergienc sîn gerihte
;;;264;13;;über si, daz grœzer nôt
;;;264;14;;nie wîp gedolte ân tôt
;;;264;15;;und âne alle schulden.
;;;264;16;;er möht ir sîne hulden
;;;264;17;;versagen, wenner wolde;
;;;264;18;;niemen daz wenden solde,
;;;264;19;;wanne der man des wîbes het gewalt.
;;;264;20;;Parcifal, der degen balt,
;;;264;21;;Oriluses hulde gerte
;;;264;22;;vrouwen Jeschuten mit dem swerte.
;;;264;23;;des hôrt ich ie güetlîch biten,
;;;264;24;;ez kam dâ gar von schimpfes siten.
;;;264;25;;mich dunket, si haben beide reht.
;;;264;26;;der beidiu krump und sleht
;;;264;27;;geschuof, kumber scheiden,
;;;264;28;;sô wend er daz an beiden,
;;;264;29;;daz ez âne sterben dâ ergê.
;;;264;30;;si tuont doch sus ein ander wê.
;;;265;1;;Dâ ergienc diu scharpfe herte:
;;;265;2;;ietweder vaste werte
;;;265;3;;sînen prîs vor dem andern.
;;;265;4;;duc Orilus de Lalandern
;;;265;5;;streit nâch sînem gelêrten site.
;;;265;6;;ich wæne, ieman sô vil gestrite.
;;;265;7;;er hete kunst und kraft,
;;;265;8;;des wart er dicke sigehaft
;;;265;9;;an maniger stat, wie ez dâ ergienc.
;;;265;10;;durch den trôst zuom er vienc
;;;265;11;;den jungen, starken Parcifal.
;;;265;12;;der begreif ouch in dô sunder twâl
;;;265;13;;und zucte in ûz dem satele sîn
;;;265;14;;alsô ein garb heberîn
;;;265;15;;vaste ern under die arme swanc,
;;;265;16;;mit ime er von dem rosse spranc
;;;265;17;;und druhte in über einen ronen.
;;;265;18;;dô muose schumpfentiure wonen,
;;;265;19;;der solher nœte niht was gewenet.
;;;265;20;;"die arnasch, daz sich hât versenet
;;;265;21;;disiu vrouwe von dînem zorne.
;;;265;22;;nû bistû der verlorne,
;;;265;23;;dû enlâzest si die hulden hân."
;;;265;24;;"daz enwirt sô gâhes niht getân",
;;;265;25;;sprach der herzoge Orilus,
;;;265;26;;"ich enbin noch niht betwungen sus."
;;;265;27;;Parcifal, der werde degen,
;;;265;28;;druht in an sich, daz bluotes regen
;;;265;29;;spranc durch die barbiere.
;;;265;30;;dô wart der vürste schiere
;;;266;1;;betwungen, waz man an in warp,
;;;266;2;;er tet, als der ungerne starp,
;;;266;3;;und sprach ze Parcifalen sân:
;;;266;4;;"owê, küene, starker man,
;;;266;5;;wâ gedient ich ie dise nôt,
;;;266;6;;daz ich vor dir sol ligen tôt?"
;;;266;7;;"jâ lâz ich dich vil gerne leben",
;;;266;8;;sprach Parcifal, "ob dû wilt geben
;;;266;9;;dirre vrouwen dîne hulde."
;;;266;10;;"ich entuon es niht. ir schulde
;;;266;11;;ist gegen mir ze grœzlîch.
;;;266;12;;si was werdecheite rîch.
;;;266;13;;die hât si gar verkrenket
;;;266;14;;und mich in nôt gesenket.
;;;266;15;;ich leiste anders, wes dû gerst,
;;;266;16;;ob dû mich des lebenes werst.
;;;266;17;;daz hete ich etwenne von gote;
;;;266;18;;nû ist dîn hant des worden bote,
;;;266;19;;daz ich es danke dînem prîse",
;;;266;20;;sus sprach der vürste wîse,
;;;266;21;;"mîn leben kouf ich schône.
;;;266;22;;in zwein landen krône
;;;266;23;;treit gewalteclîche
;;;266;24;;mîn bruoder, der ist rîche.
;;;266;25;;der nim dô, wederez dû wellest,
;;;266;26;;daz dû mich tôt niht vellest.
;;;266;27;;ich bin ime liep, er lœset mich,
;;;266;28;;als ich gedinge wider dich.
;;;266;29;;dar zuo nim ich mîn herzentuom
;;;266;30;;von dir. dîn prîslîcher ruom
;;;267;1;;hât an mir werdecheit bezalt.
;;;267;2;;nû erlâz mich, küener degen balt,
;;;267;3;;suone gegen disem wîbe
;;;267;4;;und gebiut mînem lîbe
;;;267;5;;anders, waz dîn êre sîn.
;;;267;6;;gegen der geunêrten herzogîn
;;;267;7;;mac ich gepflegen suone niht,
;;;267;8;;waz halt anders mir geschiht."
;;;267;9;;Parcifal, der hôchgemuot,
;;;267;10;;sprach: "liute, lant noch varende guot,
;;;267;11;;der dekeinez mac gehelfen dir,
;;;267;12;;dû entuost des sicherheit gegen mir,
;;;267;13;;daz dû gegen Britanie varst
;;;267;14;;und die reise niht langer sparst
;;;267;15;;ze einer maget, die blou durch mich
;;;267;16;;ein man, gegen dem ist mîn gerich
;;;267;17;;âne ir bete niht verkorn.
;;;267;18;;dû solt der megde wol geborn
;;;267;19;;sichern und mînen dienst sagen
;;;267;20;;oder wirt dû alhie erslagen.
;;;267;21;;sage Artuse und dem wîbe sîn,
;;;267;22;;in beiden, von mir den dienest mîn,
;;;267;23;;daz si mir dienest sus letzen
;;;267;24;;und die maget ir slege ergetzen.
;;;267;25;;dar zuo wil ich dise vrouwen
;;;267;26;;in dînen hulden schouwen
;;;267;27;;mit suone âne vâre
;;;267;28;;oder dû muost eine bâre
;;;267;29;;tôt von hinnen rîten,
;;;267;30;;wilt dû michs widerstrîten.
;;;268;1;;merke diu wort und wis der werke wer.
;;;268;2;;des gip mir sicherheit alher."
;;;268;3;;Dô sprach der vürste Orilus
;;;268;4;;zem künige Parcifale alsus:
;;;268;5;;"mac niemen dâ vür niht gegeben,
;;;268;6;;sô leist ichz, wand ich wil noch leben."
;;;268;7;;durch die vorhte von ir man
;;;268;8;;vrouwe Jeschute, diu wol getân,
;;;268;9;;strît scheidens gar verzagete,
;;;268;10;;ir vîendes nôt si klagete.
;;;268;11;;Parcifals  in ûf verliez,
;;;268;12;;der vrouwen Jeschuten suone gehiez.
;;;268;13;;der betwungen vürste sprach:
;;;268;14;;"vrouwe, sît diz durch iuch geschach,
;;;268;15;;in strîte diu schumpfentiure mîn,
;;;268;16;;wol her, ir sullet geküsset sîn.
;;;268;17;;ich hân vil prîses durch iuch verlorn.
;;;268;18;;waz danne? ez ist doch verkorn."
;;;268;19;;diu vrouwe mit ir blôzem vel
;;;268;20;;was zuo dem sprunge harte snel
;;;268;21;;von dem pferde ûf den wasen.
;;;268;22;;wie daz bluot von der nasen
;;;268;23;;den munt ime hete gemachet rôt,
;;;268;24;;si küst in, dô er kus gebôt.
;;;268;25;;Dâ wart niht langer dô gebiten:
;;;268;26;;si beide und diu vrouwe riten
;;;268;27;;vür eine klôsen in eines velses want.
;;;268;28;;eine kafsen Parcifal dâ vant.
;;;268;29;;ein gemâlet sper dâr bî dâ lent.
;;;268;30;;der einsidel hiez Trevrizent.
;;;269;1;;Parcifal dô mit triuwen vuor:
;;;269;2;;er nam daz heiltuom, dâr ûf er swuor.
;;;269;3;;sus stabete er selbe sînen eit.
;;;269;4;;er sprach: "hân ich werdecheit
;;;269;5;;- ich habe si oder habe si niht -,
;;;269;6;;wer mich bî dem schilte siht,
;;;269;7;;der brüefet gegen mir rîterschaft.
;;;269;8;;des namen ordenlîchiu kraft,
;;;269;9;;als uns des schiltes ambet saget,
;;;269;10;;hât dicke hôhen prîs bejaget.
;;;269;11;;ez ist ouch noch ein hôher name.
;;;269;12;;mîn lîp gegen werltlîcher schame
;;;269;13;;iemer sî gewenket
;;;269;14;;und alsô mîn prîs verkrenket.
;;;269;15;;dirre wort sî mit werken pfant
;;;269;16;;mîn glücke vor der hœhesten hant.
;;;269;17;;ich hânz dâ vür, die treit got.
;;;269;18;;nû müeze ich vlusteclîchen spot
;;;269;19;;ze beiden lîben iemer hân
;;;269;20;;von sîner kraft, ob missetân
;;;269;21;;disiu vrouwe habe, dô diz geschach,
;;;269;22;;daz ich ir vürspan von ir brach.
;;;269;23;;ouch vuorte ich mêre goldes dan.
;;;269;24;;ich was ein tôre und niht ein man,
;;;269;25;;gewahsen niht bî witzen.
;;;269;26;;vil weinens, dâ bî switzen
;;;269;27;;mit jâmere dolte vil ir lîp.
;;;269;28;;sist ein unschuldic wîp.
;;;269;29;;dâne scheide ich ûz niht mêre;
;;;269;30;;des sî pfant mîn sælde und êre.
;;;270;1;;ruochet irs, si sol unschuldic sîn.
;;;270;2;;sêt, gebet ir wider ir vingerlîn.
;;;270;3;;ir vürspan, daz wart wol vertân,
;;;270;4;;daz es mîn tôrheit danc sol hân."
;;;270;5;;Die gâbe enpfienc der degen guot.
;;;270;6;;dô streich er von dem mundez bluot
;;;270;7;;und kuste sînes herzen trût.
;;;270;8;;ouch wart bedâht ir blôziu hût.
;;;270;9;;Orilus, der vürste erkant,
;;;270;10;;stiez daz vingerlîn wider an ir hant
;;;270;11;;und gap ir an sîn kursît.
;;;270;12;;daz was von rîchem pfelle wît,
;;;270;13;;mit heldes hant zerhouwen.
;;;270;14;;ich hân doch selten vrouwen
;;;270;15;;gesehen wâpenröcke an tragen,
;;;270;16;;die wæren in strîte alsus erslagen.
;;;270;17;;von ir krîe wart ouch nie turnei
;;;270;18;;gesamlieret noch sper enzwei
;;;270;19;;gestochen, wâ daz solte sîn.
;;;270;20;;der guote knappe oder Lembekin
;;;270;21;;die juste zesamene trüegen baz.
;;;270;22;;sus wart diu vrouwe trûrens laz.
;;;270;23;;Dô sprach der vürste Orilus
;;;270;24;;aber ze Parcifale alsus:
;;;270;25;;"helt, dîn unbetwungen eit
;;;270;26;;gît mir grôz liep und krankez leit.
;;;270;27;;ich hân schumpfentiure gedolt,
;;;270;28;;diu mir vröude hât erholt.
;;;270;29;;jâ mac mit êren nû mîn lîp
;;;270;30;;ergetzen diz getriuwe wîp,
;;;271;1;;daz ich si hulde mîn verstiez.
;;;271;2;;dô ich die süezen eine liez,
;;;271;3;;waz mohte si, waz ir beschach?
;;;271;4;;dô si aber von dîner schœne sprach,
;;;271;5;;ich wânde, dâ wære ein vriuntschaft bî.
;;;271;6;;nû lôn dir got, si ist valsches vrî.
;;;271;7;;ich hân ungevüege an ir getân.
;;;271;8;;vürz fôrest in Pricilan
;;;271;9;;reit ich dô in den Jovanpois."
;;;271;10;;Parcifal ein sper von Trois
;;;271;11;;nam und vuorte ez mit im dan.
;;;271;12;;des vergaz der wilde Taurian,
;;;271;13;;Dodenas bruoder, dâ.
;;;271;14;;nû sprechet, wie oder wâ
;;;271;15;;die helde des nahtes mügen sîn.
;;;271;16;;helme und ir schilte heten pîn;
;;;271;17;;die sach man gar verhouwen.
;;;271;18;;Parcifal zer vrouwen
;;;271;19;;nam urloup und zuo ir âmîs.
;;;271;20;;dô ladete in der vürste wîs
;;;271;21;;mit ime an sîne viurstat.
;;;271;22;;daz half in niht, wie vil ers bat.
;;;271;23;;aldâ schieden die helde sich.
;;;271;24;;diu âventiure wert mære mich:
;;;271;25;;Dô Orilus, der vürste erkant,
;;;271;26;;kam, dâ er sîne pavelûne vant
;;;271;27;;und sîner massenîe ein teil,
;;;271;28;;daz volc wart al gelîche geil,
;;;271;29;;daz suone dô was worden schîn
;;;271;30;;gegen der sældebæren herzogîn.
;;;272;1;;ez enwart niht langer dô gespart:
;;;272;2;;Orilus entwâpent wart.
;;;272;3;;bluot und râm man von im twuoc.
;;;272;4;;er nam die herzoginne kluoc
;;;272;5;;und vuorte si an die suone stat.
;;;272;6;;er hiez bereiten im zwei bat.
;;;272;7;;dô lac vrouwe Jeschute
;;;272;8;;alweinende bî ir trûte
;;;272;9;;vor liebe und doch vor leide niht,
;;;272;10;;als guoten wîben noch geschiht.
;;;272;11;;ouch ist genuogen liuten kunt:
;;;272;12;;weinendiu ougen habent süezen munt.
;;;272;13;;dâ von ich mêr noch sprechen wil:
;;;272;14;;grôz liebe ist vröude und jâmers zil.
;;;272;15;;wer von der liebe ir mære
;;;272;16;;treit ûf den seigære,
;;;272;17;;ob er ez iemer wolte wegen,
;;;272;18;;er enkan niht anderre schanze pflegen.
;;;272;19;;dâ ergienc ein suone, des wæn ich.
;;;272;20;;dô vuoren si sunder baden sich.
;;;272;21;;zwelf clâre juncvrouwen
;;;272;22;;man mohte bî ir schouwen.
;;;272;23;;die pflâgen ir, sît si gewan
;;;272;24;;zorn âne schult von liebem man.
;;;272;25;;si hete ie nahtes deckekleit,
;;;272;26;;wie blôz si bîme tage reit.
;;;272;27;;die badeten dô mit vröuden sie.
;;;272;28;;ruochet ir, sô hœret, wie
;;;272;29;;Orilus dô innen wart
;;;272;30;;âventiure von Artuses vart.
;;;273;1;;Ein ritter kam und begunde sagen:
;;;273;2;;"ich sach ûf einem plân geslagen
;;;273;3;;wol tûsent pavelûne oder mêr.
;;;273;4;;Artus, der rîche künic hêr,
;;;273;5;;der Brituneiser hêrre,
;;;273;6;;lît uns hie niht verre
;;;273;7;;mit wünneclîcher vrouwen schar.
;;;273;8;;ungevertes ist wol ein mîle dar.
;;;273;9;;dâ ist ouch von rittern michel schal.
;;;273;10;;bî dem Plimizol ze tal
;;;273;11;;ligent si an ietwederem stade."
;;;273;12;;dô gâhete vaste ûz dem bade
;;;273;13;;der herzoge Orilus.
;;;273;14;;Jeschute unt er gewurben sus.
;;;273;15;;diu senfte, süeze, wol getân
;;;273;16;;gienc ouch ûz ir bade sân
;;;273;17;;in sîn bette; dâ wart trûrens rât.
;;;273;18;;ir lide gedienden bezzer wât,
;;;273;19;;danne si dâ vor truoc lange.
;;;273;20;;mit nâhem umbevange
;;;273;21;;behielt ir minne vröuden prîs,
;;;273;22;;der vürstinne unt des vürsten wîs.
;;;273;23;;juncvrouwen kleiten ir vrouwen sân,
;;;273;24;;sîn harnasch truoc man dar dem man.
;;;273;25;;Jeschuten wât man muose loben.
;;;273;26;;vogele gevangen ûf dem kloben
;;;273;27;;si mit vröuden âzen,
;;;273;28;;dô si an ir bette sâzen,
;;;273;29;;vrouwe Jeschute etslîchen kus
;;;273;30;;enpfienc, den gap ir Orilus.
;;;274;1;;Dô zôch man dar der vrouwen wert
;;;274;2;;starc, wolgênde, ein schœne pfert,
;;;274;3;;gesatelt und gezoumet wol.
;;;274;4;;man huop si drûf, diu rîten sol
;;;274;5;;dannen mit ir küenen man.
;;;274;6;;sîn ros was gewâpent sân,
;;;274;7;;reht als erz in strîte reit.
;;;274;8;;sîn swert, dâ mite er des tages streit,
;;;274;9;;man vornân an den satel hienc.
;;;274;10;;von vuoze ûf gewâpent gienc
;;;274;11;;Orilus zem rosse sîn.
;;;274;12;;er spranc drûf vor der herzogîn.
;;;274;13;;Jeschute und er vuoren danne zehant.
;;;274;14;;sîne massenîe gegen Lalant
;;;274;15;;bat er alle kêren,
;;;274;16;;wanne ein ritter solt in lêren
;;;274;17;;gegen Artuse rîten.
;;;274;18;;er bat daz volc des bîten.
;;;274;19;;dô si kômen sô nâhen,
;;;274;20;;daz si Artuses pavelûne sâhen,
;;;274;21;;vil nâch ein mîle daz wazzer nider,
;;;274;22;;der vürste sante den ritter wider,
;;;274;23;;der in gewîset hete dar.
;;;274;24;;vrouwe Jeschute, diu wol gevar,
;;;274;25;;was sîn gesinde und niemen mêr.
;;;274;26;;der unlôse Artus, niht ze hêr,
;;;274;27;;was gegangen, dô er geaz.
;;;274;28;;ûf einem plân umb in dô saz
;;;274;29;;diu werde massenîe.
;;;274;30;;Orilus, der valsches vrîe,
;;;275;1;;kam an den selben rinc geriten.
;;;275;2;;sîn helm, sîn schilt was sô versniten,
;;;275;3;;daz niemen dran kôs dekeiniu mâl;
;;;275;4;;die slege vrumte Parcifal.
;;;275;5;;von dem rosse stuont der küene man,
;;;275;6;;vrouwe Jeschute enpfienc ez sân.
;;;275;7;;vil junchêrren dar nâher spranc,
;;;275;8;;umb in und si was grôz gedranc.
;;;275;9;;si jâhen: "wir sullen der rosse pflegen."
;;;275;10;;Orilus, der werde degen,
;;;275;11;;leite schiltes schirben ûf daz gras.
;;;275;12;;nâch ir, durch die er komen was,
;;;275;13;;begunde er vrâgen alle zehant.
;;;275;14;;vrouwen Cunnewaren de Lalant
;;;275;15;;zougete man ime, wâ diu saz.
;;;275;16;;ir site man gegen prîse maz.
;;;275;17;;gewâpent er sô nâhe gienc,
;;;275;18;;der künic und künigîn in enpfienc.
;;;275;19;;er dankete ime und bôt fîanze sân
;;;275;20;;sîner swester wol getân.
;;;275;21;;bî den trachen ûf dem kursît
;;;275;22;;erkante si in wol âne strît.
;;;275;23;;si sprach: "dû bist der bruoder mîn,
;;;275;24;;Orilus oder Lehelin.
;;;275;25;;ich ennim iuwer deweders sicherheit.
;;;275;26;;ir wârt ie beide mir bereit
;;;275;27;;ze dienste, als ich iuch gebat.
;;;275;28;;mir wære an den triuwen mat,
;;;275;29;;solt ich gegen iu kriegen
;;;275;30;;und mîn selber zuht betriegen."
;;;276;1;;Der vürste kniete vür die maget.
;;;276;2;;er sprach: "dû hâst al wâr gesaget,
;;;276;3;;ich binz, dîn bruoder Orilus.
;;;276;4;;der rôte ritter twanc mich sus,
;;;276;5;;daz ich dir muose sicherheit geben.
;;;276;6;;dâ mit erkouft ich dô mîn leben.
;;;276;7;;die enpfâch, sô wirt hie gar getân,
;;;276;8;;als ich gegen ime gelobet hân."
;;;276;9;;dô enpfienc si triuwe in wîze hant
;;;276;10;;von ime, der truoc den serpant,
;;;276;11;;und liez in ledic. dô daz geschach,
;;;276;12;;dô stuont er ûf und sprach:
;;;276;13;;"ich sol und muoz von schulden klagen:
;;;276;14;;swester, wer hât dich geslagen?
;;;276;15;;dîne slege tuont mir niemer wol,
;;;276;16;;wirt es zît, daz ich die rechen sol,
;;;276;17;;ich geinre den, swerz ruochet sehen,
;;;276;18;;daz mir grôz leit ist dran geschehen.
;;;276;19;;ouch hilfet mirz klagen der küeneste man,
;;;276;20;;den muoter ie zuo der werlt gewan.
;;;276;21;;der nemmt sich 'der ritter rôt'.
;;;276;22;;hêr künic, vrouwe künigîn, er enbôt
;;;276;23;;iu beiden sament den dienest sîn,
;;;276;24;;dar zuo benamen der swester mîn.
;;;276;25;;er bitte sînen dienst iuch letzen
;;;276;26;;und dise maget ir slege ergetzen.
;;;276;27;;ouch hete ichs dô genozzen
;;;276;28;;gegen dem helde unverdrozzen,
;;;276;29;;weiz er, wie si mich bestât
;;;276;30;;und mir ir leit zuo herzen gât."
;;;277;1;;Keie erwarp dô niuwen haz
;;;277;2;;von rittern, von vrouwen, wer dâ saz
;;;277;3;;an stade bî dem Plimizol.
;;;277;4;;Gawan und Jofreit fiz Idol
;;;277;6;;und der gevangen künic Clamide,
;;;277;5;;des nôt ir habt gehœret ê,
;;;277;7;;und anders manic werder man,
;;;277;8;;der namen ich wol genennen kan,
;;;277;9;;wand daz ichz niht wil lengen,
;;;277;10;;die begunden sich dô mengen.
;;;277;11;;ir dienst mit zühten wart gedolt.
;;;277;12;;vrouwe Jeschute wart geholt
;;;277;13;;ûf ir pferde, aldâ si saz.
;;;277;14;;der künic Artus niht vergaz,
;;;277;15;;und ouch diu künigîn, sîn wîp,
;;;277;16;;si enpfienc Jeschuten lîp.
;;;277;17;;von vrouwen dâ manic kus geschach.
;;;277;18;;Artus ze Jeschuten sprach:
;;;277;19;;"den künic Lac von Karnant,
;;;277;20;;iuwern vater, hân ich sô erkant,
;;;277;21;;daz ich iuwern kumber klagete,
;;;277;22;;sît man von êrst mir in sagete.
;;;277;23;;ouch sît ir selbe sô wol getân,
;;;277;24;;es solt iuch vriunde erlâzen hân,
;;;277;25;;wand iuwer minneclîcher blic
;;;277;26;;behielt den prîs ze Kanedic.
;;;277;27;;durch iuwer schœne mære
;;;277;28;;beleip iu der sperwære;
;;;277;29;;in der hant er dannen reit.
;;;277;30;;wie mir von Orilus leit
;;;278;1;;geschæhe, ine gunde iu trûrens niht,
;;;278;2;;noch entuon ouch niht, waz geschiht.
;;;278;3;;mir ist liep, daz ir die hulde hât
;;;278;4;;und daz ir vrowelîche wât
;;;278;5;;traget nâch iuwerre grôzen nôt."
;;;278;6;;si sprach: "hêrre, daz vergelte iu got;
;;;278;7;;dâr an ir hœhet iuwern prîs."
;;;278;8;;Jeschuten und ir âmîs
;;;278;9;;vrouwe Cunneware de Lalant
;;;278;10;;dannen vuorte sâ zehant.
;;;278;11;;einhalp an des küniges rinc
;;;278;12;;über eines brunnen ursprinc
;;;278;13;;stuont ir pavelûn ûf dem plân,
;;;278;14;;alsô ein trache in sînen klân
;;;278;15;;
;;;278;16;;
;;;278;17;;
;;;278;18;;und die pavelûn gegen den lüften züge.
;;;278;19;;dâ bî erkant ez Orilus,
;;;278;20;;wan sîniu wâpen wâren sus.
;;;278;21;;er wart entwâpent drunde.
;;;278;22;;sîn süeziu swester kunde
;;;278;23;;ime bieten êre und gemach.
;;;278;24;;über al diu massenîe sprach,
;;;278;25;;des rôten ritters ellen
;;;278;26;;næme den prîs zeinem gesellen.
;;;278;27;;des jâhen si âne riuwen.
;;;278;28;;Keie bat Kingrunen
;;;278;29;;Orilus dienen an sîner stat.
;;;278;30;;er kunde daz wol, den ers dâ bat,
;;;279;1;;wand er hetes vil getân
;;;279;2;;vor Clamide ze Brandigan.
;;;279;3;;Keie durch daz sînen dienest liez:
;;;279;4;;unsælde in des vürsten swester hiez
;;;279;5;;ze sêre alûnen mit einem stabe.
;;;279;6;;durch zuht entweich er dienstes abe,
;;;279;7;;wanne diu schulde was unverkorn
;;;279;8;;von der megede wol geborn.
;;;279;9;;doch schuof er spîse dar genuoc;
;;;279;10;;Kingrun si vür Orilusen truoc.
;;;279;11;;Cunneware, diu lobes wîse,
;;;279;12;;sneit ir bruoder sîne spîse
;;;279;13;;mit ir blanken, linden hant.
;;;279;14;;vrouwe Jeschute von Karnant
;;;279;15;;mit wîplîchen zühten az.
;;;279;16;;Artus, der künic, niht vergaz,
;;;279;17;;er enkœme, dâ si sâzen
;;;279;18;;und vrœlîchen âzen.
;;;279;19;;er sprach: "geezzet ir übel hie,
;;;279;20;;ez enwart iedoch mîn wille nie.
;;;279;21;;ir engeâzet nie über wirtes brôt,
;;;279;22;;der si mit bezzerem willen bôt,
;;;279;23;;sô gar âne wankes vâre.
;;;279;24;;mîn vrouwe Cunneware,
;;;279;25;;ir sult mînes bruoder hie wol pflegen.
;;;279;26;;guote naht gebe iu den segen."
;;;279;27;;Artus vuor slâfen dô.
;;;279;28;;Oriluse wart gebettet sô,
;;;279;29;;dâ sîn vrouwe Jeschute pflac
;;;279;30;;geselleclîchen unz an den tac.
;;;280;1;;wellet ir nû hœren, wie Artus
;;;280;2;;Von Karidol ûz sînem hûs
;;;280;3;;und ouch von sînem lande schiet,
;;;280;4;;als ime diu massenîe riet?
;;;280;5;;sus reit er mit den werden
;;;280;6;;ins landes und anderre erden,
;;;280;7;;disiu mær giht, den ahten tac,
;;;280;8;;sô daz er suochenes pflac
;;;280;9;;den, der sich 'der ritter rôt'
;;;280;10;;nante und ime soliche êre bôt,
;;;280;11;;daz er in schiet von kumber grôz,
;;;280;12;;dô er den künic Ithern schôz,
;;;280;13;;und Clamide und Kingrunen
;;;280;14;;ouch sante gegen dem Britunen
;;;280;15;;in sînen hof besunder.
;;;280;16;;über die tavelrunder
;;;280;17;;wolte er in durch gesellecheit
;;;280;18;;laden; durch daz er nâch ime reit.
;;;280;19;;dô lobetenz alle gelîche,
;;;280;20;;beide arme und rîche,
;;;280;21;;die schiltes ambet ane want,
;;;280;22;;des küniges Artuses hant,
;;;280;22;1;
;;;280;22;2;
;;;280;23;;wâ si sæhen ritterschaft,
;;;280;24;;daz si durch ir gelübde kraft
;;;280;25;;dekeine just entæten,
;;;280;26;;ez enwære, ob si in bæten,
;;;280;27;;daz er si lieze strîten.
;;;280;28;;er sprach: "wir müezen rîten
;;;280;29;;in manic lant, daz ritters tât
;;;280;30;;uns wol ze gegenstrîte hât.
;;;281;1;;ûf gerihtiu sper wir müezen sehen.
;;;281;2;;welt ir denne vür ein ander schehen
;;;281;3;;als vreche ruden, den meisters hant
;;;281;4;;abe stroufet diu bant,
;;;281;5;;dar zuo hân ich niht willen.
;;;281;6;;ich sol den schal gestillen.
;;;281;8;;doch wartet an daz ellen mîn,
;;;281;7;;daz ich iu helfe, wâ ez sol sîn."
;;;281;9;;Dise gelübde habt ir wol vernomen.
;;;281;10;;wellet ir nû hœren, war sî komen
;;;281;11;;Parcifal der Waleis?
;;;281;12;;von snêwe was ein niuwe leis
;;;281;13;;des nahtes vaste ûf in gesnît.
;;;281;14;;ez was iedoch niht snêwes zît,
;;;281;15;;ist ez, als ichz vernomen hân.
;;;281;16;;Artus, der meigenbære man,
;;;281;17;;waz man von dem ie gesprach,
;;;281;18;;ze einer pfingsten daz geschach
;;;281;19;;oder in des meigen bluomen zît.
;;;281;20;;waz man ime süezes luftes gît!
;;;281;21;;daz mære ist hie vast undersniten,
;;;281;22;;ez parrieret sich mit snêwes siten.
;;;281;23;;sîne valkenære von Karidol
;;;281;24;;riten sâbents zem Plimizol
;;;281;25;;durch beizen, dâ si schaden kurn:
;;;281;26;;ir besten valken si verlurn.
;;;281;27;;der ergâhete von in balde
;;;281;28;;und stuont die naht zem walde.
;;;281;29;;von überkrüpfe daz geschach,
;;;281;30;;daz ime was von dem luoder gâch.
;;;282;1;;die naht bî Parcifale er stuont,
;;;282;2;;dâ in beiden was der walt unkunt
;;;282;3;;und dâ si beide sêre vrôs.
;;;282;4;;dô Parcifal den tac erkôs,
;;;282;5;;ime was versnît sînes pfades bane.
;;;282;6;;vil ungevertes reit er danne
;;;282;7;;über rone und über manigen stein.
;;;282;8;;der tac ie mitten hœher schein.
;;;282;9;;ouch begunde liuhten sich der walt.
;;;282;10;;daz was ein rone dâ gevalt
;;;282;11;;ûf einem plân, zuo dem er sleich
;;;282;12;;- Artuses valke almite streich -,
;;;282;13;;dâ wol tûsent gense lâgen.
;;;282;14;;dâ wart ein michel gâgen.
;;;282;15;;mit hurte vlouc er under sie,
;;;282;16;;der valke, und sluoc ir eine hie,
;;;282;17;;daz si ime harte kûme enbrast
;;;282;18;;under des gevallenen rones ast.
;;;282;19;;an ir hôhen vluge wart ir wê.
;;;282;20;;ûz ir wunden ûfen snê
;;;282;21;;vielen drîe bluotes zeher rôt,
;;;282;22;;die Parcifal vuocten nôt.
;;;282;23;;von sînen triuwen daz geschach.
;;;282;24;;dô er die bluotes zeher sach
;;;282;25;;ûf dem snê - der was alwîz -,
;;;282;26;;dô dâht er: "wer hât sînen vlîz
;;;282;27;;gewendet an dise varwe clâr?
;;;282;28;;Condwieramurs, sich mac vür wâr
;;;282;29;;disiu varwe dir gelîchen.
;;;282;30;;wil mich got sælden rîchen,
;;;283;1;;sît ich dir hie glîchez vant.
;;;283;2;;geêret sî diu gotes hant
;;;283;3;;und alliu diu crêatûre sîn.
;;;283;4;;Condwieramurs, hie lît dîn schîn,
;;;283;5;;sît der snê dem bluote wîze bôt
;;;283;6;;und ez den snê sus machet rôt.
;;;283;7;;Condwieramurs,
;;;283;8;;dem glîchet sich dîn bêâcurs;
;;;283;9;;des enbistû niht erlâzen."
;;;283;10;;des heldes ougen mâzen,
;;;283;11;;als ez dort was ergangen,
;;;283;12;;zwêne zeher an ir wangen,
;;;283;13;;den dritten an ir kinne.
;;;283;14;;er pflac der wâren minne
;;;283;15;;gegen ir gare âne wenken.
;;;283;16;;sus begunde er sich verdenken,
;;;283;17;;vür daz er unversunnen hielt.
;;;283;18;;diu starke minne sîn dâ wielt.
;;;283;19;;soliche nôt vuogete ime sîn wîp.
;;;283;20;;dirre varwe truoc glîchen lîp
;;;283;21;;von Pelraperie diu küniginne;
;;;283;22;;diu zuckete ime wizzeclîch sinne.
;;;283;23;;sus hielt er, als er sliefe.
;;;283;24;;wer dâ zuo ime liefe?
;;;283;25;;Cunnewaren garzûn was gesant;
;;;283;26;;der solte gegen Lalant.
;;;283;27;;der sach an den stunden
;;;283;28;;einen helm mit maniger wunden
;;;283;29;;und einen schilt gar verhouwen
;;;283;30;;in dienste des knappen vrouwen.
;;;284;1;;dâ hielt gezimieret ein degen,
;;;284;2;;als er justierens wolte pflegen
;;;284;3;;geverwet, mit ûf gerihtem sper.
;;;284;4;;der garzûn huop sich wider her
;;;284;5;;und het er in erkant in zît,
;;;284;6;;er wære von ime vil unbeschrît,
;;;284;7;;daz er sîner vrouwen ritter wære.
;;;284;8;;als gegen einem êhtære
;;;284;9;;schuof er daz volc hin ûz an in.
;;;284;10;;er wolt ime werben ungewin.
;;;284;11;;sîne kurtoisîe er dran verlôs.
;;;284;12;;lât sîn; sîn vrouwe was ouch lôs.
;;;284;13;;soliches was des knappen krîe:
;;;284;14;;"fîa, fîa, fîe -
;;;284;15;;fî, ir vertânen!
;;;284;16;;zelt ir Gawanen
;;;284;17;;und ander dise ritterschaft
;;;284;18;;gegen werdeclîcher prîses kraft
;;;284;19;;und Artusen den Britûn?"
;;;284;20;;alsus rief der garzûn:
;;;284;21;;"tavelrunde ist geschant.
;;;284;22;;iu ist durch die snüere alhie gerant."
;;;284;23;;Dâ wart von rittern grôz geschal.
;;;284;24;;si begunden vrâgen über al,
;;;284;25;;ob ritterschaft dâ wære getân.
;;;284;26;;dô vrieschen si, daz einic man
;;;284;27;;dâ hielt zeiner just bereit.
;;;284;28;;genuogen was gelübde leit,
;;;284;29;;daz Artus von in enpfienc.
;;;284;30;;sô balde, daz er niht engienc,
;;;285;1;;beide lief und spranc
;;;285;2;;Segramors, der ie nâch strîte ranc.
;;;285;3;;wâ der vehten wânde vinden,
;;;285;4;;dâ muose man in binden,
;;;285;5;;oder er wolte dâr mite sîn.
;;;285;6;;niender ist sô breit der Rîn,
;;;285;7;;sæhe er strîten an dem andern stade,
;;;285;8;;dâ würde wênic nâch dem bade
;;;285;9;;getastet, ez wære warm oder kalt:
;;;285;10;;er viel sus dran, der degen balt.
;;;285;11;;snelleclîch kam der jungelinc
;;;285;12;;ze hove an Artuses rinc.
;;;285;13;;der werde künic vaste slief.
;;;285;14;;Segramors ime durch die snüere lief,
;;;285;15;;zer pavelûne tür dranc er în.
;;;285;16;;ein deckelachen zobelîn
;;;285;17;;zuckete er ab den, die dâ lâgen
;;;285;18;;und süezes slâfens pflâgen,
;;;285;19;;sô daz si muosen wachen
;;;285;20;;und sîner ungevüege lachen.
;;;285;21;;dô sprach er zuo der nifteln sîn:
;;;285;22;;"Ginover, vrouwe künigîn,
;;;285;23;;unser sippe ist alsô bekant
;;;285;24;;- man weiz wol über manigiu lant -,
;;;285;25;;daz ich gnâden warte an dich.
;;;285;26;;nû hilf mir, vrouwe, und sprich
;;;285;27;;gegen Artuse, dînem man,
;;;285;28;;daz ich von ime müeze hân
;;;285;29;;- ein âventiure ist hie bî -,
;;;285;30;;daz ich zer just der êrste sî."
;;;286;1;;Artus ze Segramors sprach:
;;;286;2;;"dîn sicherheit mir des verjach,
;;;286;3;;dû soltes nâch mînem willen varn
;;;286;4;;und dîn unbescheidenheit bewarn.
;;;286;5;;wirt hie ein just von dir getân,
;;;286;6;;dar nâch wil manic ander man,
;;;286;7;;daz ich in lâze rîten
;;;286;8;;und ouch nâch prîse strîten.
;;;286;9;;dâ mite krenket sich mîn wer.
;;;286;10;;wir nâhen Anfortases her,
;;;286;11;;daz von Muntsalvasche vert
;;;286;12;;und daz fôrest mit strîte wert.
;;;286;13;;sît wir niht wizzen, wâ diu stât,
;;;286;14;;zarbeite ez uns lîhte ergât."
;;;286;15;;Ginover bat Artusen sô,
;;;286;16;;dês Segramors wart al vrô.
;;;286;17;;dô si ime die âventiure erwarp,
;;;286;18;;wan daz er niht vor liebe starp,
;;;286;19;;daz ander was dâ gar geschehen.
;;;286;20;;ungerne hete er dô verjehen
;;;286;21;;sînes komenden prîses pfliht
;;;286;22;;ieman an der geschiht.
;;;286;23;;der junge stolze âne bart,
;;;286;24;;sîn ros und er gewâpent wart.
;;;286;25;;ûz vuor Segramors rois
;;;286;26;;kalopierende ulter Jovanpois.
;;;286;27;;sîn ros über hôhe stûden spranc.
;;;286;28;;manic guldîn schellen dran erklanc
;;;286;29;;ûf der decke und an der man.
;;;286;30;;man möht in wol geworfen hân
;;;287;1;;zem fasâne inz dornach.
;;;287;2;;wem sîn ze suochene wære gâch,
;;;287;3;;der vünde in bî den schellen;
;;;287;4;;die kunden lûte hellen.
;;;287;5;;sus vuor der unbescheiden helt
;;;287;6;;zuo dem, der minne was verselt.
;;;287;7;;weder er ensluoc dô noch enstach,
;;;287;8;;ê er widersage hin zuo ime sprach.
;;;287;9;;unversunnen hielt dô Parcifal.
;;;287;10;;daz vuogeten ime diu bluotes mâl
;;;287;11;;und ouch diu strenge minne,
;;;287;12;;diu mir dicke nimt die sinne
;;;287;13;;und mir daz herze unsanfte reget.
;;;287;14;;ach, nôt ein wîp an mich leget!
;;;287;15;;wil mich diu alsus twingen
;;;287;16;;und selten helfe bringen,
;;;287;17;;ich sol sis underziehen
;;;287;18;;und von ir trôste vliehen.
;;;287;19;;nû hœret ouch von in beiden,
;;;287;20;;umb ir komen und umb ir scheiden.
;;;287;21;;Segramors sprach alsô:
;;;287;22;;"ir gebâret, hêrre, als ir sît vrô,
;;;287;23;;daz hie ein künic mit volke liget.
;;;287;24;;wie unhôhe iu daz wiget,
;;;287;25;;ir müezet in drumbe wandel geben,
;;;287;26;;oder ich verliuse mîn leben.
;;;287;27;;ir sît ûf strît ze nâhe geriten.
;;;287;28;;doch wil ich iuch durch zuht des biten:
;;;287;29;;ergebet iuch in mîne gewalt
;;;287;30;;oder ir sît schiere von mir bezalt,
;;;288;1;;daz iuwer vallen rüeret den snê.
;;;288;2;;sô tætet irz baz mit êren ê."
;;;288;3;;Parcifal durch drô niht sprach.
;;;288;4;;vrouwe minne im anders kumbers jach.
;;;288;5;;durch juste bringen warf sîn ros
;;;288;6;;von ime der küene man Segramors.
;;;288;7;;umbe wante ouch sich daz kastelân,
;;;288;8;;dâ Parcifal, der wol getân,
;;;288;9;;unversunnen ûf saz,
;;;288;10;;sô daz erz bluot übermaz.
;;;288;11;;sîn sehen wart dar ab gekêret,
;;;288;12;;des wart sîn prîs gemêret.
;;;288;13;;dô er der zeher niht mêr ensach,
;;;288;14;;vrouwe witze ime aber sinnes jach.
;;;288;15;;hie kam Segramors rois.
;;;288;16;;Parcifal daz sper von Trois,
;;;288;17;;daz veste und daz zæhe,
;;;288;18;;von varwe daz wæhe,
;;;288;19;;als erz vor der klôsen vant,
;;;288;20;;daz begunde er senken mit der hant.
;;;288;21;;eine just enpfienc er durch den schilt.
;;;288;22;;sîn just hin wider wart gezilt,
;;;288;23;;daz Segramors, der werde degen,
;;;288;24;;satel rûmens muose pflegen
;;;288;25;;und daz daz sper doch ganz bestuont,
;;;288;26;;dâ von im wart gevelle kunt.
;;;288;27;;Parcifal reit âne vrâgen,
;;;288;28;;dâ die bluotes traher lâgen.
;;;288;29;;dô er die mit den ougen vant,
;;;288;30;;vrouwe minne stricke in an ir hant.
;;;289;1;;weder er ensprach dô sus noch sô,
;;;289;2;;wanne er schiet aber von herzen dô.
;;;289;3;;Segramorses kastelân
;;;289;4;;huop sich gegen sînem barn sân.
;;;289;5;;er muose ûf durch ruowen stên,
;;;289;6;;ob er iemer wolte gên.
;;;289;7;;sich gent genuoge durch ruowen nider,
;;;289;8;;daz habet ir dicke gevreischet sider.
;;;289;9;;waz ruowe kôs er in dem snê?
;;;289;10;;mir tæte ein ligen drinne wê.
;;;289;11;;der schadehafte erwarp ie spot,
;;;289;12;;sælden pflihtære, dem half got.
;;;289;13;;daz her lac wol sô nâhen,
;;;289;14;;daz si Parcifalen sâhen
;;;289;15;;haben, als ime was geschehen.
;;;289;16;;der minne er muose siges jehen,
;;;289;17;;diu Salomonen ouch betwanc.
;;;289;18;;dâ nâch was dô niht ze lanc,
;;;289;19;;ê Segramors dort zuo zim gienc.
;;;289;20;;wer in hazzete oder enpfienc,
;;;289;21;;den was er als gelîch holt.
;;;289;22;;sus teilt er bâgens grôzen solt.
;;;289;23;;er sprach: "ir habt des gevreischet vil
;;;289;24;;- ritterschaft ist topelspil -,
;;;289;25;;daz ein man von juste viel.
;;;289;26;;ez sinket joch eines mers kiel.
;;;289;27;;lât in niemer niht gestrîten,
;;;289;28;;daz er mîn getörste bîten,
;;;289;29;;ob er bekante mînen schilt.
;;;289;30;;des hât mich gar an ime bevilt,
;;;290;1;;der noch dort ûz juste gert.
;;;290;2;;sîn lîp ist ouch wol prîses wert."
;;;290;3;;Keie, der küene man,
;;;290;4;;brâht daz mære vür den künic sân,
;;;290;5;;Segramors wære gestochen abe
;;;290;6;;und dort ûze hielt ein strenger knabe,
;;;290;7;;der gerte juste reht als ouch ê.
;;;290;8;;er sprach: "hêrre, mir tuot wê,
;;;290;9;;sol ers genozzen scheiden hin.
;;;290;10;;ob ich iu sô wirdic bin,
;;;290;11;;lât mich versuochen, wes er ger,
;;;290;12;;sît er mit ûf gerihtem sper
;;;290;13;;dort habt vor iuwerm wîbe.
;;;290;14;;niemer ich blîbe
;;;290;15;;in iuwerem dienste mêre;
;;;290;16;;tavelrunde hât unêre,
;;;290;17;;ob mans im niht bî zîte wert.
;;;290;18;;ûf unseren prîs sîn ellen zert.
;;;290;19;;nû gebet mir strîtes urloup.
;;;290;20;;wæren wir alle blint oder toup,
;;;290;21;;ir soltz ime weren, daz wære zît."
;;;290;22;;Artus erloubete Keien strît.
;;;290;23;;gewâpent wart der schinischalt.
;;;290;24;;dô wolt er swenden den walt
;;;290;25;;mit juste ûf disen komenden gast.
;;;290;26;;der truoc der minne grôzen last.
;;;290;27;;daz vuogt ime snê und bluot.
;;;290;28;;es ist sünde, wer im mê nû tuot.
;;;290;29;;ouch hât diu minne kranken prîs:
;;;290;30;;diu stiez ûf in ir krefte rîs.
;;;291;1;;Vrouwe minne, wie tuot ir sô,
;;;291;2;;daz ir den trûrigen machet vrô
;;;291;3;;mit kurze werender vröude?
;;;291;4;;ir tuot in schiere töude.
;;;291;5;;wie stât iu daz, vrouwe minne,
;;;291;6;;daz ir manlîch sinne
;;;291;7;;und herzehaften hôhen muot
;;;291;8;;alsus entschumpfieren tuot?
;;;291;9;;daz smæhe und daz werde
;;;291;10;;und waz ûf der erde
;;;291;11;;gegen iu keines strîtes pfliget,
;;;291;12;;dem habt ir schiere an gesiget.
;;;291;13;;wir müezen iuch bî kreften lân
;;;291;14;;mit rehter wârheit sunder wân.
;;;291;15;;vrouwe minne, ir habt ein êre
;;;291;16;;und wênic keine mêre.
;;;291;17;;vrouwe liebe iu gît geselleschaft,
;;;291;18;;anders wær vil dürkel iuwer kraft.
;;;291;19;;vrouwe minne, ir pflegt untriuwen
;;;291;20;;mit alten siten und niuwen.
;;;291;21;;ir zucket manigem wîbe ir prîs
;;;291;22;;und râtet in sippiu âmîs
;;;291;23;;und daz manic hêrre an sînem man
;;;291;24;;von iuwerre kraft hât missetân
;;;291;25;;und der vriunt an sînem gesellen
;;;291;26;;- iuwer site kan sich hellen -
;;;291;27;;und der man an sînem hêrren.
;;;291;28;;vrouwe minne, iu solte werren,
;;;291;29;;daz ir den lîp den gir verwenet,
;;;291;30;;dar umbe sich diu sêle senet.
;;;292;1;;vrouwe minne, sît ir habt gewalt,
;;;292;2;;daz ir die jugent sus machet alt,
;;;292;3;;der man doch zelte vil kurziu jâr,
;;;292;4;;iuweriu werc sint hâlscharlîcher vâr.
;;;292;5;;disiu rede zæme dekeinem man,
;;;292;6;;wan der nie trôst von iu gewan.
;;;292;7;;het ir mir geholfen baz,
;;;292;8;;mîn lop wære gegen iu niht laz.
;;;292;9;;ir habt mir mangel vor gezilt
;;;292;10;;und mîner ougen ecke alsô verspilt,
;;;292;11;;daz ich iu niht getrûwen mac.
;;;292;12;;mîn nôt iuch vil ringe wac.
;;;292;13;;doch sît ir mir ze wolgeborn,
;;;292;14;;daz gegen iu mîn kranker zorn
;;;292;15;;iemer solte bringen wort.
;;;292;16;;iuwer druc hât sô strengen ort,
;;;292;17;;ir ladet ûf herze swæren soum.
;;;292;18;;hêr Heinrich von Veldecke sînen boum
;;;292;19;;mit kunst gegen iuwerem arde maz.
;;;292;20;;hete er uns dô bescheiden baz,
;;;292;21;;wie man iuch sol behalten!
;;;292;22;;er hât her dan gespalten,
;;;292;23;;wie man iuch sol erwerben.
;;;292;24;;von tumpheit muoz verderben
;;;292;25;;maniges tôren hôher vunt.
;;;292;26;;was oder wirt mir daz noch kunt,
;;;292;27;;daz wîz ich iu, vrouwe minne.
;;;292;28;;ir sît slôz ob dem sinne.
;;;292;29;;ez enhilfet gegen iu schilt noch swert,
;;;292;30;;snelliu ros, hôhe bürge mit türnen wert.
;;;293;1;;ir sît gewaltic obe der wer.
;;;293;2;;beide ûf der erde und in dem mer,
;;;293;3;;waz entrinnet iuwerm kriege,
;;;293;4;;ez vlieze oder vliege?
;;;293;5;;vrouwe minne, ir tâtet ouch gewalt,
;;;293;6;;dô Parcifal, der degen balt,
;;;293;7;;durch iuch von sînen witzen schiet,
;;;293;8;;als ime sîn triuwe dô geriet.
;;;293;9;;daz werde, süeze, clâre wîp
;;;293;10;;sante iuch ze boten an sînen lîp,
;;;293;11;;diu künigîn von Pelraperie.
;;;293;12;;Cardeiz fiz Tampenterie,
;;;293;13;;ir bruoder, nâmet eht ir ouch sîn leben.
;;;293;14;;sol man iu soliche zinse geben,
;;;293;15;;wol mich, daz ich von iu niht hân,
;;;293;16;;ir enwellet mir bezzer senfte lân.
;;;293;17;;ich hân gereit unser aller wort.
;;;293;18;;nû hœret ouch, wie ez ergienge dort.
;;;293;19;;Keie, der ellens rîche,
;;;293;20;;kam gewâpent ritterlîche
;;;293;21;;ûz, als er strîtes gerte.
;;;293;22;;ouch wæne, in strîtes werte
;;;293;23;;des küniges Gahmuretes kint.
;;;293;24;;wâ nû twingende vrouwen sint,
;;;293;25;;die sullen im heiles wünschen nû,
;;;293;26;;want in brâhte ein wîp dar zuo,
;;;293;27;;daz minne witze von im spielt.
;;;293;28;;Keie sîner just enthielt,
;;;293;29;;unz er zuom Waleise sprach:
;;;293;30;;"hêrre, sît iu sus geschach,
;;;294;1;;daz ir den künic gelastert hât,
;;;294;2;;wellet ir mir volgen, sô ist mîn rât,
;;;294;3;;und dunket mich iuwer bestez heil:
;;;294;4;;nemt iuch selben an ein bracken seil
;;;294;5;;und lât iuch vür in ziehen.
;;;294;6;;ir enmuget mir niht enpfliehen,
;;;294;7;;ich enbringe iuch doch betwungen dar,
;;;294;8;;sô nimt man iuwer sanfte war."
;;;294;9;;Den Waleis twanc der minnen kraft
;;;294;10;;swîgens. Keie sînen schaft
;;;294;11;;ûf zôch und vrumtim einen swanc
;;;294;12;;anz houbet, daz der helm erklanc.
;;;294;13;;er sprach: "dû muost wachen.
;;;294;14;;âne lînlachen
;;;294;15;;wirt dir dîn slâfen hie benant.
;;;294;16;;ez zilt al anders mîn hant:
;;;294;17;;ûf den snê dû wirst geleit.
;;;294;18;;der den sac zuo der mülen treit,
;;;294;19;;wolte man in alsô bliuwen,
;;;294;20;;in möhte lazheit riuwen."
;;;294;21;;vrouwe minne, hie seht ir zuo.
;;;294;22;;ich wæne, man ez iu ze laster tuo,
;;;294;23;;wanne ein gebûre, der spræche sân:
;;;294;24;;"mînem hêrren sî diz getân."
;;;294;25;;er klagete, möhter sprechen.
;;;294;26;;vrouwe minne, lât sich rechen
;;;294;27;;den werden Waleise,
;;;294;28;;wan lieze in iuwer reise
;;;294;29;;und iuwer strenge, unsüezer last,
;;;294;30;;ich wæne, sich werte dirre gast.
;;;295;1;;Keie hurte vaste an in
;;;295;2;;und dranc imz ros alumbe hin,
;;;295;3;;unz daz der Waleis übersach
;;;295;4;;sîn süeze sûrez ungemach,
;;;295;5;;sînes wîbes glîchen schîn,
;;;295;6;;von Pelraperie der künigîn,
;;;295;7;;ich meine den geparrierten snê.
;;;295;8;;dô kam aber vrouwe witze als ê,
;;;295;9;;diu im den sin her wider gap.
;;;295;10;;Keie daz ros liez in den walap;
;;;295;11;;der kam durch justieren her.
;;;295;12;;von rabbîne sancten si diu sper.
;;;295;13;;Keie sîne juste brâhte,
;;;295;14;;als im der ougen mez gedâhte,
;;;295;15;;durch des Waleises schilt ein venster wît.
;;;295;16;;im wart vergolten dirre strît.
;;;295;17;;Keie, Artuses sciniscalt,
;;;295;18;;ze gegenjuste wart gevalt
;;;295;19;;über den ronen, dar diu gans entran,
;;;295;20;;sô daz daz ros und der man
;;;295;21;;liten beidiu sament nôt:
;;;295;22;;der man wart wunt, daz ros lac tôt.
;;;295;23;;zwischen dem satelbogen und einem stein
;;;295;24;;Keien der zesewe arm, daz winster bein
;;;295;25;;zerbrach von disem gevelle.
;;;295;26;;surzengel, satel, geschelle
;;;295;27;;von dirre hurte gar zerbrast.
;;;295;28;;sus galt zwei bliuwen dô der gast:
;;;295;29;;daz eine leit ein maget durch in,
;;;295;30;;mit dem anderen muose er selbe sîn.
;;;296;1;;Parcifal, der valscheit swant,
;;;296;2;;sîn triuwe lêrt in, daz er vant
;;;296;3;;sîne snêwige bluotes zeher drîe,
;;;296;4;;die in vor witze machten vrîe.
;;;296;5;;sîne gedank umb den Grâl
;;;296;6;;und der künigîn glîchiu mâl,
;;;296;7;;ietwederz was ein strengiu nôt.
;;;296;8;;an ime wac vür der minnen lôt.
;;;296;9;;trûren und minne
;;;296;10;;brichet zæhe sinne.
;;;296;11;;sol diz âventiure sîn?
;;;296;12;;si möhten beide heizen pîn.
;;;296;13;;küene liute solten Keien nôt
;;;296;14;;klagen. sîn manheit im gebôt
;;;296;15;;genendeclîch an manigen strît.
;;;296;16;;man saget in manigen landen wît,
;;;296;17;;daz Keie, Artuses schinschalt,
;;;296;18;;mit siten wære ein ribalt.
;;;296;19;;des sagent in mîniu mære blôz:
;;;296;20;;er was der werdecheit genôz.
;;;296;21;;wie kleine ich des die volge hân,
;;;296;22;;getriuwe und ellenthaft ein man
;;;296;23;;was Keie, des giht im mîn munt.
;;;296;24;;ich tuon iu mêre von ime kunt.
;;;296;25;;Artuses hof was ein zil,
;;;296;26;;dar kômen vrömeder liute vil,
;;;296;27;;die werden und die smæhen,
;;;296;28;;mit siten die wæhen.
;;;296;29;;welher partierens pflac,
;;;296;30;;der selbe Keien ringe wac;
;;;297;1;;an wem diu kurtoisîe
;;;297;2;;und diu werde kompânîe
;;;297;3;;lac, den kunder êren,
;;;297;4;;sîn dienst gegen ime kêren.
;;;297;5;;ich gihe von ime der mære,
;;;297;6;;er was ein merkære
;;;297;7;;und tet vil rûhes willen schîn
;;;297;8;;ze scherme dem hêrren sîn.
;;;297;9;;partierre und valsche diet,
;;;297;10;;von den werden er die schiet.
;;;297;11;;er was ir vuor ein strenger hagel,
;;;297;12;;noch scharpfer danne der bîn ir zagel.
;;;297;13;;seht, die verkêrten Keien prîs.
;;;297;14;;der was manlîcher triuwen wîs.
;;;297;15;;vil hazzens er von in gewan.
;;;297;16;;von Duringen vürste Herman,
;;;297;17;;etslîch dîn ingesinde ich maz,
;;;297;18;;daz 'ûzgesinde' hieze baz.
;;;297;19;;dir wære ouch eines Keien nôt,
;;;297;20;;sît wâriu milte dir gebôt
;;;297;21;;sô manicvalten anehanc,
;;;297;22;;etswâ smæhelîch gedranc
;;;297;23;;und etwâ werdez dringen.
;;;297;24;;des muoz hêr Walther singen:
;;;297;25;;"guoten tac, bœse und guot."
;;;297;26;;wâ man solichen sanc nû tuot,
;;;297;27;;des sint die valschen geêret.
;;;297;28;;Keie hets in niht gelêret
;;;297;29;;noch hêr Heinrich von Rispach.
;;;297;30;;hœrt wunders mêr, waz dort geschach
;;;298;1;;ûf dem Plimizoles plân.
;;;298;2;;Keie wart geholt sân,
;;;298;3;;in Artuses pavelûn getragen.
;;;298;4;;sîne vriunt begunden in dô klagen,
;;;298;5;;vil vrouwen und manic man.
;;;298;6;;dô kam ouch mîn hêrre Gawan
;;;298;7;;über in, dâ Keie lac.
;;;298;8;;er sprach: "ouwê unsælic tac,
;;;298;9;;daz disiu just ie wart getân,
;;;298;10;;dâ von ich vriunt verlorn hân!"
;;;298;11;;er klagete in senlîche.
;;;298;12;;Keie, der zornes rîche,
;;;298;13;;sprach: "hêrre, erbarmet iuch mîn lîp?
;;;298;14;;sus solten klagen altiu wîp.
;;;298;15;;ir sît mînes hêrren sun.
;;;298;16;;möht ich iu dienst nû getuon,
;;;298;17;;als iuwer wille gerte,
;;;298;18;;dô mich got der lide werte.
;;;298;19;;sô enhât mîn hant daz niht vermiten,
;;;298;20;;sine habe vil durch iuch gestriten
;;;298;21;;und tæte ouch noch, soltez sîn.
;;;298;22;;nû klagt nie mêre, lât mir den pîn.
;;;298;23;;iuwer œheim, der künic hêr,
;;;298;24;;gewinnet nimer solhen Keien mêr.
;;;298;25;;ir sît mir rehte ze wol geborn.
;;;298;26;;hetet aber ir einen vinger verlorn,
;;;298;27;;dâ wâget ich gegen mîn houbet.
;;;298;28;;seht, ob ir mirs geloubet.
;;;298;29;;doch kêrt iuch niht an mîn hetzen.
;;;298;30;;er kan unsanfte letzen,
;;;299;1;;der noch dort ûze unvlühtic habt,
;;;299;2;;weder er enschûftet noch drabt.
;;;299;3;;doch ist hie niender vrouwen hâr
;;;299;4;;weder sô mürwe noch sô clâr,
;;;299;5;;ez enwære iedoch ein veste bant
;;;299;6;;ze wern strîtes iuwer hant.
;;;299;7;;welh man tuot soliche diemuot schîn,
;;;299;8;;der êret ouch die muoter sîn.
;;;299;9;;vaterhalp solt er ellen hân.
;;;299;10;;kêrt muoterhalp, hêr Gawan,
;;;299;11;;sô werdet ir swertes blicke bleich
;;;299;12;;und manlîcher herte weich."
;;;299;13;;sus was der wolgelobete man
;;;299;14;;gerant ze blôzer sîten an.
;;;299;15;;mit rede enkunde er gelten niht,
;;;299;16;;als wolgezogenem man geschiht,
;;;299;17;;dem scham versliuzet sînen munt,
;;;299;18;;daz dem verschamten ist unkunt.
;;;299;19;;Gawan ze Keien sprach:
;;;299;20;;"wâ man sluoc oder stach,
;;;299;21;;waz des gegen mir ist geschehen,
;;;299;22;;wer mîne varwe wolte spehen,
;;;299;23;;diu, wæne ich, ie erbliche
;;;299;24;;von slage oder von stiche.
;;;299;25;;dû zürnest mit mir âne nôt.
;;;299;26;;ich bin, der dir ie dienest bôt."
;;;299;27;;ûzer pavelûn gienc hêr Gawan.
;;;299;28;;sîn ros hiez er ime bringen sân.
;;;299;29;;sunder swert und âne sporn
;;;299;30;;saz drûf der degen wolgeborn.
;;;300;1;;er kêrte ûz, dâ er den Waleis vant,
;;;300;2;;des witze was der minnen pfant.
;;;300;3;;er truoc drîe juste durch den schilt,
;;;300;4;;mit heldes handen dar gezilt.
;;;300;5;;ouch hete in Orilus versniten.
;;;300;6;;sus kam Gawan zuo im geriten,
;;;300;7;;sunder kalopieren
;;;300;8;;und âne punieren.
;;;300;9;;er wolte güetlîchen ersehen,
;;;300;10;;von wem der strît wære geschehen.
;;;300;11;;dô sprach er grüezenlîchen dar
;;;300;12;;ze Parcifalen, der es kleine war
;;;300;13;;nam. daz muos eht alsô sîn:
;;;300;14;;dô tet vrouwe Minne ir ellen schîn
;;;300;15;;an dem, den Herczeloide bar.
;;;300;16;;ungezaltiu sippe in dâr
;;;300;17;;schiet von den witzen sîn
;;;300;18;;und ûf geerbeter pîn
;;;300;19;;von vater und von muoter art.
;;;300;20;;der Waleis wênic innen wart,
;;;300;21;;waz hêrren Gawans munt
;;;300;22;;mit worten ime dâ tæte kunt.
;;;300;23;;dô sprach des künic Lotes sun:
;;;300;24;;"hêrre, ir welt gewalt nû tuon,
;;;300;25;;sît ir mir grüezen widersaget.
;;;300;26;;ich enbin noch niht verzaget,
;;;300;27;;ich enbringe es andere vrâgen.
;;;300;28;;ir habt man unde mâgen
;;;300;29;;und den künic selbe entêret,
;;;300;30;;unser laster hie gemêret.
;;;301;1;;des erwürbe ich iu die hulde,
;;;301;2;;daz der künic lât die schulde,
;;;301;3;;wellet ir nâch mînem râte leben,
;;;301;4;;selleschaft mir vür in geben."
;;;301;5;;des küniges Gahmuretes kint,
;;;301;6;;dröuwen und vlêhen was ime ein wint.
;;;301;7;;Der tavelrunde hœhester prîs,
;;;301;8;;Gawan, was solicher nœte wîs.
;;;301;9;;er hete si unsanfte erkant,
;;;301;10;;dô er mit dem mezzer durch die hant
;;;301;11;;stach. des twanc in minne kraft
;;;301;12;;und wert wîplîch geselleschaft.
;;;301;13;;in schiet von tôde ein künigîn,
;;;301;14;;dô der küene Lehelin
;;;301;15;;mit einer juste rîche
;;;301;16;;in twanc sô volleclîche.
;;;301;17;;diu senfte, süeze, wol gevar
;;;301;18;;ze pfande sazzete ir houbet dar,
;;;301;19;;diu künigîn Inguse von Bahkarliez,
;;;301;20;;alsus diu getriuwe hiez.
;;;301;21;;dô dâhte mîn hêr Gawan:
;;;301;22;;"waz, ob diu minne disen man
;;;301;23;;twinget, alsô si mich betwanc,
;;;301;24;;und sîn getriuwelîch gedanc
;;;301;25;;der minne muoz ir siges jehen?"
;;;301;26;;er marhte des Wâleises sehen,
;;;301;27;;war ime stüenden diu ougen sîn.
;;;301;28;;ein failen tuoches von Surin,
;;;301;29;;gefurieret mit gelwem zindâl,
;;;301;30;;die swanc er ûf diu bluotes mâl.
;;;302;1;;Dô diu faile wart der zeher dach,
;;;302;2;;sô daz ir Parcifal niht gesach,
;;;302;3;;im gap her wider die witze sîn
;;;302;4;;von Pelraperie diu künigîn.
;;;302;5;;si behielt iedoch sîn herze dort.
;;;302;6;;nû ruochet hœren sîniu wort.
;;;302;7;;er sprach: "vrouwe und wîp,
;;;302;8;;wer hât benomen mir dînen lîp?
;;;302;9;;erwarp mit ritterschaft mîn hant
;;;302;10;;dîne werde minne, krône und lant?
;;;302;11;;bin ichz, der dich von Clamide
;;;302;12;;lôste? ich vant ach und ouwê
;;;302;13;;und siufze, manic herze vrebel
;;;302;14;;in dîner helfe. ougen nebel
;;;302;15;;hât dich bî liehter sunnen hie
;;;302;16;;mir benomen, ich weiz wie."
;;;302;17;;er sprach: "ouwê, war kam mîn sper,
;;;302;18;;daz ich mit mir brâhte her?"
;;;302;19;;dô sprach mîn hêrre Gawan:
;;;302;20;;"hêrre, ez ist mit just vertân."
;;;302;21;;"gegen wem?", sprach der degen wert.
;;;302;22;;"ir enhabt hie schilt noch swert.
;;;302;23;;waz möht ich prîses an iu bejagen?
;;;302;24;;doch muoz ich iuwer spotten tragen,
;;;302;25;;ir bietet mirs lîhte her nâch baz.
;;;302;26;;etwenne ich ouch vor iu gesaz.
;;;302;27;;umb dich niemer an iu strît,
;;;302;28;;dannoch sint diu lant sô wît,
;;;302;29;;ich mac dâ prîs und arbeit holn,
;;;302;30;;beidiu vröude und angest doln."
;;;303;1;;mîn hêrre Gawan sprach:
;;;303;2;;"waz hie mit rede gegen iu geschach,
;;;303;3;;daz ist lûter und minneclîch
;;;303;4;;und niht mit stæter trüebe rîch.
;;;303;5;;ich ger, als ich gedienen wil.
;;;303;6;;hie lît ein künic und ritter vil
;;;303;7;;und manic vrouwe wol gevar.
;;;303;8;;geselleschaft gib ich iu dar,
;;;303;9;;lât mich dar mit iu rîten;
;;;303;10;;ich bewar iuch dâ vor strîten."
;;;303;11;;"iuwer gnâde, hêrre, ir sprechet wol,
;;;303;12;;daz ich vil gerne dienen sol,
;;;303;13;;sît ir kompânîe bietet mir,
;;;303;14;;nû wer ist iuwer hêrre oder ir?"
;;;303;15;;"ich heize 'hêrre' einen man,
;;;303;16;;von dem ich manige urbor hân.
;;;303;17;;ein teil ich der benennen wil hie.
;;;303;18;;er was gegen mir des willen ie,
;;;303;19;;daz er mirz ritterlîch bôt.
;;;303;20;;sîne swester het der künic Lot,
;;;303;21;;diu mich zer werlt brâhte.
;;;303;22;;wes got an mir gedâhte,
;;;303;23;;daz biutet dienest sîner hant.
;;;303;24;;der künic Artus ist er genant.
;;;303;25;;mîn name ist ouch vil unverholn,
;;;303;26;;an allen steten unverstoln.
;;;303;27;;liute, die mich erkennent,
;;;303;28;;Gawan mich die nennent.
;;;303;29;;iu dienet lîp und der name,
;;;303;30;;welt irz kêren mir von schame."
;;;304;1;;Der Waleis sprach: "dû bist Gawan.
;;;304;2;;vil kranken prîs ich des hân,
;;;304;3;;ob dû mir es schône biutest hie.
;;;304;4;;ich hôrte von dir sprechen ie,
;;;304;5;;dû enbiutest allen liuten wol.
;;;304;6;;dîn dienst ich doch enpfâhen sol
;;;304;7;;niuwan ûf gegendienstes gelt.
;;;304;8;;nû sage mir, wes sint diu zelt,
;;;304;9;;der dort ist manigez ûf geslagen?
;;;304;10;;lît Artus dâ, sô muoz ich klagen,
;;;304;11;;daz ich in niht mit êren mîn
;;;304;12;;mac gesehen noch die künigîn.
;;;304;13;;ich sol rechen ê ein bliuwen,
;;;304;14;;dâ von ich sît mit riuwen
;;;304;15;;vuor, von solichen sachen:
;;;304;16;;ein werdiu magt mir lachen
;;;304;17;;bôt; die blou der schiniscalt
;;;304;18;;durch mich, daz von ir reis der walt."
;;;304;19;;"unsanfte ist daz gerochen",
;;;304;20;;sprach Gawan. "im ist zerbrochen
;;;304;21;;der zeswe arm und daz winster bein.
;;;304;22;;rît er schône ros und ouch den stein.
;;;304;23;;hie ligent ouch trunzûne ûf dem snê
;;;304;24;;dînes spers, nâch dem dû vrâgetest ê."
;;;304;25;;dô Parcifal die wârheit sach,
;;;304;26;;dô vrâgete er vürbaz und sprach:
;;;304;27;;"diz lâz ich an dich, Gawan,
;;;304;28;;ob daz sî der selbe man,
;;;304;29;;der mir hât laster vor gezilt,
;;;304;30;;sô rît ich mit dir, war dû wilt."
;;;305;1;;"ich enwil gegen dir niht liegens pflegen",
;;;305;2;;sprach Gawan. "hie ist von just gelegen
;;;305;3;;Segramors, ein strîtes helt,
;;;305;4;;des tât gegen prîse ie was erwelt.
;;;305;5;;dû tæt ez, ê Keie was gevalt.
;;;305;6;;an in beiden hâst dû prîs bezalt."
;;;305;7;;Si riten mit ein ander dan,
;;;305;8;;der Waleis und Gawan.
;;;305;9;;vil volkes ze ros und ze vuoz
;;;305;10;;dort inne bôt in werden gruoz,
;;;305;11;;Gawane und dem ritter rôt,
;;;305;12;;wand in ir zuht daz gebôt.
;;;305;13;;Gawan kêrte, dâ er sîn pavelûne vant.
;;;305;14;;vrouwen Cunnewaren de Lalant
;;;305;15;;snüere an die sîne gienc.
;;;305;16;;diu wart vrô: mit vröude enpfienc
;;;305;17;;diu maget ir ritter, der si rach,
;;;305;18;;daz ir von Keien ê geschach.
;;;305;19;;si nam ir bruoder an ir hant
;;;305;20;;und Jeschuten von Karnant.
;;;305;21;;sus sach si komen Parcifal.
;;;305;22;;der was gevar durch îsers mâl,
;;;305;23;;als touwige rôsen wæren dar gevlogen.
;;;305;24;;im was sîn harnasch abe gezogen.
;;;305;25;;er spranc ûf, dô er die vrouwen sach.
;;;305;26;;nû hœret, wie Cunneware sprach:
;;;305;27;;"gote aller êrst und dar nâch mir
;;;305;28;;west willekomen, sît daz ir
;;;305;29;;belibet bî manlîchen siten.
;;;305;30;;ich hete lachen gar vermiten,
;;;306;1;;unz iuch mîn herze erkante,
;;;306;2;;dô mich an vröuden pfante
;;;306;3;;Keie, der mich dô sô sluoc.
;;;306;4;;daz habt ir gerochen genuoc.
;;;306;5;;ich kuste iuch, wær ich kusses wert."
;;;306;6;;"des hete ich hiute sân gegert",
;;;306;7;;sprach Parcifal, "getörst ich sô,
;;;306;8;;wand ich bin iuwers enpfâhens vrô."
;;;306;9;;si kuste in und sazte in nider.
;;;306;10;;ein juncvrouwen si sante wider
;;;306;11;;und hiez ir bringen rîchiu kleit.
;;;306;12;;diu wâren gesniten al breit
;;;306;13;;ûz pfelle von Ninive.
;;;306;14;;si solte der künic Clamide,
;;;306;15;;ir gevangen, hân getragen.
;;;306;16;;diu magt si brâhte und begunde klagen,
;;;306;17;;der mantel, der wær âne snuor.
;;;306;18;;Cunneware sus gevuor:
;;;306;19;;von blanker sîte ein snüerlîn
;;;306;20;;si zuckete und zôch im daz dar în.
;;;306;21;;mit urloube er dô twuoc
;;;306;22;;den râm von ime. der junge truoc
;;;306;23;;bî rôtem munde liehtez vel.
;;;306;24;;gekleit wart der degen snel.
;;;306;25;;dô was er fier und clâr.
;;;306;26;;wer in sach, der jach vür wâr,
;;;306;27;;er wære geblüemet über alle man.
;;;306;28;;daz lop sîn varwe muose hân.
;;;306;29;;Parcifal stuont wol sîn wât.
;;;306;30;;einen grüenen smarât
;;;307;1;;spien si im vür sîn houbetloch.
;;;307;2;;Cunneware gap im mê dannoch:
;;;307;3;;einen tiuren gürtel fier.
;;;307;4;;mit edelen steinen manic tier
;;;307;5;;muose ûzen ûf borten sîn.
;;;307;6;;diu rinke was ein rubîn.
;;;307;7;;wie was der junge âne bart
;;;307;8;;er schicket, dô er gegürtet wart?
;;;307;9;;diz mære giht: wol genuoc.
;;;307;10;;daz volc ime holdez herze truoc.
;;;307;11;;wer in gesach, man oder wîp,
;;;307;12;;die heten werden sînen lîp.
;;;307;13;;Artus messe het gehôrt.
;;;307;14;;den sach man schône komen dort
;;;307;15;;mit der tavelrunde diet,
;;;307;16;;der enkeiner valscheit nie geriet.
;;;307;17;;die heten alle ê vernomen,
;;;307;18;;der rôte ritter wære komen
;;;307;19;;in Gawanes pavelûn.
;;;307;20;;dar kam Artus der Britun.
;;;307;21;;der zerblûwene Anthanor
;;;307;22;;spranc dem künige allez vor,
;;;307;23;;unz er den Waleis ersach.
;;;307;24;;den vrâgete er: "sît irz, der mich dô rach
;;;307;25;;und Cunnewaren  de Lalant?
;;;307;26;;vil prîses giht man iuwerre hant.
;;;307;27;;Keie hât verpfendet,
;;;307;28;;sîn drôn ist nû gelendet.
;;;307;29;;ich vürhte wênic sînen swanc;
;;;307;30;;der zesewe arm ist ime kranc."
;;;308;1;;Dô truoc der junge Parcifal
;;;308;2;;âne vluges engels mâl
;;;308;3;;sus geblüet ûf der erden.
;;;308;4;;Artus mit den werden
;;;308;5;;enpfienc in minneclîche.
;;;308;6;;guotes willen wâren rîche
;;;308;7;;alle, die in gesâhen dâ.
;;;308;8;;ir herzen volge sprâchen jâ,
;;;308;9;;gegen sînem lobe sprach niemen nein,
;;;308;10;;sô rehte minneclîch er schein.
;;;308;11;;Artus sprach zem Waleise sân:
;;;308;12;;"ir habt mir liep und leit getân,
;;;308;13;;doch habt ir mir der êre
;;;308;14;;brâht und gesendet mêre,
;;;308;15;;danne ich ir ie von manne enpfienc.
;;;308;16;;dâ gegen mîn dienst noch kleine gienc,
;;;308;17;;hete ir prîs niemêre getân,
;;;308;18;;wanne daz diu herzogîn sol hân,
;;;308;19;;vrouwe Jeschute, die hulde.
;;;308;20;;ouch wære iu Keien schulde
;;;308;21;;gewandelt ungerochen,
;;;308;22;;hete ich iuch ê gesprochen."
;;;308;23;;Artus sagete ime, wes er bat,
;;;308;24;;warumbe er an die selben stat
;;;308;25;;und ouch mê landes was geriten.
;;;308;26;;si begunden in dô alle biten,
;;;308;27;;daz er gloubete sunder
;;;308;28;;den von der tavelrunder
;;;308;29;;sîne ritterlîch gesellicheit.
;;;308;30;;im was ir bete niht ze leit.
;;;309;1;;ouch moht ers sîn von schulden vrô.
;;;309;2;;Parcifal si werte dô.
;;;309;3;;Nû râtet, hœret und jeht,
;;;309;4;;ob tavelrunder muge ir reht
;;;309;5;;des tages behalten, wand ir pflac
;;;309;6;;Artus, bî dem ein site lac:
;;;309;7;;ei, kein ritter vor im az
;;;309;8;;des tages, wenne âventiure vergaz,
;;;309;9;;daz si sînen hof vermeit.
;;;309;10;;im ist âventiure nû bereit.
;;;309;11;;daz lop muos tavelrunde hân.
;;;309;12;;wie si ze Nantes wære verlân,
;;;309;13;;man sprach ir reht ûf bluomen velt.
;;;309;14;;dâ enirte stûde noch gezelt.
;;;309;15;;der künic Artus daz gebôt
;;;309;16;;ze êren dem ritter rôt.
;;;309;17;;sus nam sîn werdicheit dâ lôn.
;;;309;18;;ein pfelle von Acraton,
;;;309;19;;ûz heidenschaft verre brâht,
;;;309;20;;wart zeinem zil aldâ gedâht,
;;;309;21;;niht breit, sinwel gesniten,
;;;309;22;;al nâch der tavelrunde siten,
;;;309;23;;wand in ir zuht des verjach:
;;;309;24;;nâch gegenstuole dâ niemen sprach.
;;;309;25;;diu gesæze wâren alle glîche und hêr.
;;;309;26;;der künic Artus gebôt in mêr,
;;;309;27;;daz man werde ritterschaft und vrouwen
;;;309;28;;an dem ringe müese schouwen.
;;;309;29;;die man dâ gegen prîse maz,
;;;309;30;;magt, wîp und man dô ze hof az.
;;;310;1;;dô kam vrouwe Ginovere dar
;;;310;2;;mit maniger vrouwen lieht gevar,
;;;310;3;;mit ir manic edel vürstîn.
;;;310;4;;die truogen minneclîchen schîn.
;;;310;5;;ouch was der rinc sô wît,
;;;310;6;;daz âne gedrenge und âne strît
;;;310;7;;ieglîch vrouwe bî ir kint âmîs saz.
;;;310;8;;Artus, der valsches laz,
;;;310;9;;brâhte den Waleis an der hant.
;;;310;10;;vrouwe Cunneware de Lalant
;;;310;11;;gienc ime anderhalben bî.
;;;310;12;;diu was dô trûrens worden vrî.
;;;310;13;;Artus an den Waleis sach.
;;;310;14;;nû sollet ir hœren, wie er sprach:
;;;310;15;;"ich wil iuwern clâren lîp
;;;310;16;;küssen lân mîn altez wîp.
;;;310;17;;des endorft ir doch hie niemen biten,
;;;310;18;;sît ir von Pelraperie geriten,
;;;310;19;;wan dâ ist des kusses hœhester zil.
;;;310;20;;eines dinges ich iuch bitten wil:
;;;310;21;;kume ich iemer in iuwer hûs,
;;;310;22;;sô gelt disen kus", sprach Artus.
;;;310;23;;"ich tuon, wes ir mich bittet, dâ",
;;;310;24;;sprach der Waleis, "und ouch anderswâ."
;;;310;25;;ein lützel si gegen ime dô gienc,
;;;310;26;;diu künigîn in mit kusse enpfienc.
;;;310;27;;"nû verkius ich hie mit triuwen",
;;;310;28;;sprach si, "daz ir mit riuwen
;;;310;29;;mich liezet. die het ir mir gegeben,
;;;310;30;;dô ir dem künic Ithern nâmet sîn leben."
;;;311;1;;von der suone wurden naz
;;;311;2;;der küniginne ougen umbe daz,
;;;311;3;;want Ithers tôt tet wîben wê.
;;;311;4;;man sazzete den künic Clamide
;;;311;5;;anz uover zuo dem Plimizol.
;;;311;6;;bî dem saz Jofreit fiz Idol.
;;;311;7;;zwischen Clamide und Gawan
;;;311;8;;der Waleis sitzen muose hân.
;;;311;9;;Als mir diu âventiure maz,
;;;311;10;;an disem ringe niemen saz,
;;;311;11;;der muoter brust ie gesouc,
;;;311;12;;des werdicheit sô lützel trouc,
;;;311;13;;wanne kraft mit jugende wol gevar
;;;311;14;;der Waleis mit ime brâhte dar.
;;;311;15;;wer in ze rehte wolte spehen,
;;;311;16;;sô hât sich manic vrouwe ersehen
;;;311;17;;in trüeber glas, danne wære daz sîn munt.
;;;311;18;;ich tuon iu von sînem velle kunt
;;;311;19;;an dem kinne und an den wangen:
;;;311;20;;sîniu varwe ze einer zangen
;;;311;21;;wær guot. si möht stæte haben,
;;;311;22;;diu den zwîvel wol hin dan kan schaben.
;;;311;23;;ich meine wîp, die wenkent
;;;311;24;;und ir vriuntschaft überdenkent.
;;;311;25;;sîn glast was wîbes stæte ein bant.
;;;311;26;;ir zwîvel gar gegen ime verswant.
;;;311;27;;ir sehen in mit triuwe enpfienc.
;;;311;28;;durch ougen in ir herze er gienc.
;;;311;29;;man und wîp ime wâren holt.
;;;311;30;;sus het er werdicheit erholt.
;;;311;30;1;Parcifal, der werde degen,
;;;311;30;2;nû müeze sîn der ouch vürbaz pflegen,
;;;311;30;3;der sîn unz her gepflegen hât.
;;;311;30;4;des wirt nôt, wandez hie gât
;;;311;30;5;an soliche hovemære,
;;;311;30;6;der ich ze sagene wol enbære
;;;311;30;7;und mac es doch niht verdagen:
;;;311;30;8;man muoz vröude und unvröude sagen.
;;;311;30;9;Wie trûric uns diz mære tuo,
;;;311;30;10;dâ hœret iedoch ein swîgen zuo.
;;;311;30;11;nû merket ez mit schœnen siten:
;;;311;30;12;hie kumt ein maget zuo geriten,
;;;312;1;;
;;;312;2;;
;;;312;3;;gegen zuht vil dicke wol gelobet,
;;;312;4;;wan daz ir zuht hie wirt vertobet.
;;;312;5;;ir mære tuot vil liuten leit.
;;;312;6;;nû hœret, wie diu juncvrouwe reit,
;;;312;7;;einen mûl, hôch als ein kastelân,
;;;312;8;;val und dannoch sus getân:
;;;312;9;;nassnitic und verbrant,
;;;312;10;;als ungerschiu marc erkant.
;;;312;11;;ir zoum und ir gereite
;;;312;12;;was geworht mit arbeite,
;;;312;13;;tiure und dar zuo rîche.
;;;312;14;;ir mûl gienc volleclîche.
;;;312;15;;si was niht vrouwelîche var.
;;;312;16;;wê, waz solt ir komen dar?
;;;312;17;;si kam iedoch. ez muose sîn.
;;;312;18;;Artuses her si brâhte pîn.
;;;312;19;;der megde ir kunst des verjach,
;;;312;20;;alle sprâche si wol sprach,
;;;312;21;;latîn, heidensch, franzois.
;;;312;22;;si was der witze kurtois,
;;;312;23;;dîaletice und gêometrî,
;;;312;24;;ir wâren ouch die liste bî
;;;312;25;;von astronomîe,
;;;312;26;;diu Condrie,
;;;312;27;;surziere was ir zuoname,
;;;312;28;;in dem munde niht diu lame,
;;;312;29;;wand er geret ir genuoc.
;;;312;30;;vil hôher vröude si nider sluoc.
;;;313;1;;Diu maget witze rîche
;;;313;2;;was gevar den ungelîche,
;;;313;3;;die man heizet bêâ schent.
;;;313;4;;ein brûtlachen von Gent,
;;;313;5;;noch blâwer denne ein lâsûr,
;;;313;6;;hete an geleit der vröuden schûr.
;;;313;7;;daz was ein kappe wolgesniten
;;;313;8;;al nâch der Franzoiser siten.
;;;313;9;;drunde an ir lîbe was pfelle guot.
;;;313;10;;von Lunders ein pfæwîn huot,
;;;313;11;;gefurrieret mit einem blîalt
;;;313;12;;- der huot niuwe, diu snuor niht alt -,
;;;313;13;;der hienc ir an dem rücke.
;;;313;14;;ir mære was ein brücke,
;;;313;15;;diu jâmer über die vröude truoc.
;;;313;16;;si zuckete in schimpfes dâ genuoc.
;;;313;17;;über den huot ein zopf ir swanc
;;;313;18;;unz ûf den mûl. der was sô lanc,
;;;313;19;;swarz, herte und niht ze clâr,
;;;313;20;;lind als ein swînes rückehâr.
;;;313;21;;si was genaset als ein hunt.
;;;313;22;;zwêne ebers zene ir vür den munt
;;;313;23;;giengen wol vingers lanc.
;;;313;24;;ietweder wintbrâ sich dranc
;;;313;25;;mit zöpfen vür die hârsnuor.
;;;313;26;;mîn zuht durch wârheit missevuor,
;;;313;27;;daz ich sus muoz von vrouwen sagen.
;;;313;28;;si, kein anderiu, darf ez von mir klagen.
;;;313;29;;Condrie truoc ôren als ein ber,
;;;313;30;;niht nâch vriundes minne ger.
;;;314;1;;rûch was ir antlitze erkant.
;;;314;2;;einen geisel vuorte si in der hant.
;;;314;3;;dem wâren die swenkel sîdîn
;;;314;4;;und der stil ein rubîn.
;;;314;5;;gevar als ein affen hût
;;;314;6;;truoc hende diz gæbe trût.
;;;314;7;;die nagele wâren niht ze lieht,
;;;314;8;;wand mir diu âventiure giht,
;;;314;9;;si stüenden als ein lewen klân.
;;;314;10;;nâch ir minne was selten just getân.
;;;314;11;;sus kam geriten in den rinc
;;;314;12;;trûrens urhap, vröuden twinc.
;;;314;13;;si kêrte, aldâ si den wirt vant.
;;;314;14;;vrouwe Cunneware de Lalant
;;;314;15;;az mit Artuse,
;;;314;16;;diu künigîn von Janfuse
;;;314;17;;mit vrouwen Ginoveren az.
;;;314;18;;Artus, der künic, schône saz.
;;;314;19;;Condrie hielt vür den Britunois.
;;;314;20;;si sprach hin zuo im in franzois
;;;314;21;;- ob ichz iu tiuschen sagen sol,
;;;314;22;;sô tuont ir mære niht ze wol -:
;;;314;23;;"fili rois Utrapandragun,
;;;314;24;;dich selben und manigen Britun
;;;314;25;;hât dîn gewerp alhie geschant.
;;;314;26;;die besten über alliu lant,
;;;314;27;;die sæzen hie mit werdicheit,
;;;314;28;;wan daz ein galle den prîs versneit.
;;;314;29;;tavelrunde ist entnihtet,
;;;314;30;;der valsch hât dâr an gepflihtet.
;;;315;1;;künic Artus, dû stüende ze lobe
;;;315;2;;hôhe dînen genôzen obe.
;;;315;3;;dîn stîgender prîs nû sinket,
;;;315;4;;dîn snelliu vröude nû hinket,
;;;315;5;;dîn hôhez lop sich neiget,
;;;315;6;;dîn prîs het valsch erzeiget.
;;;315;7;;der tavelrunde prîses kraft
;;;315;8;;hât erlemt eine geselleschaft,
;;;315;9;;die drüber gap hêr Parcifal,
;;;315;10;;der ouch dort treit diu ritters mâl.
;;;315;11;;ir nennet in 'der ritter rôt',
;;;315;12;;nâch dem, der lac vor Nantes tôt.
;;;315;13;;ungelîch ir zweier leben was,
;;;315;14;;wanne munt von ritter nie gelas,
;;;315;15;;der pflæge sô ganzer werdicheit."
;;;315;16;;vonme künige vür den Waleis si reit.
;;;315;17;;si sprach: "ir tuot mir site buoz,
;;;315;18;;daz ich versage mînen gruoz
;;;315;19;;Artuses und der massenîe sîn.
;;;315;20;;geunêret sî iuwer liehter schîn
;;;315;21;;und iuwer manlîchen lide.
;;;315;22;;hete ich suone oder vride,
;;;315;23;;diu wæren iu beiden tiure.
;;;315;24;;ich dunke iuch ungehiure
;;;315;25;;und bin gehiurer doch danne ir.
;;;315;26;;hêr Parcifal, wanne saget ir mir
;;;315;27;;und bescheidet mich einer mære,
;;;315;28;;dô der trûrige vischære
;;;315;29;;saz âne vröude und âne trôst,
;;;315;30;;warumbe iren siuftens niht habt erlôst?
;;;316;1;;man truoc iu vür des jâmers last.
;;;316;2;;ir vil ungetriuwer gast!
;;;316;3;;sîn nôt iuch solte erbarmet hân.
;;;316;4;;daz iu der munt noch werde wan,
;;;316;5;;ich meine der zungen drinne,
;;;316;6;;als iuwer herze ist rehter sinne.
;;;316;7;;gegen der helle ir sît benant
;;;316;8;;ze himele vor der hœhesten hant.
;;;316;9;;als sît ir ûf der erden,
;;;316;10;;versinnment sich die werden.
;;;316;11;;ir heiles ban, ir sælden vluoch,
;;;316;12;;des ganzen prîses reht unruoch!
;;;316;13;;ir sît manlîcher êren schiech
;;;316;14;;und an der werdicheit sô siech,
;;;316;15;;daz iuch kein arzet mac ernern.
;;;316;16;;ich wil ûf iuwerem houbete swern,
;;;316;17;;gît mir iemen des den eit,
;;;316;18;;daz grœzer valsch nie wart bereit
;;;316;19;;dekeinem alsô schœnen man.
;;;316;20;;ietweder angel ir nâteren zan!
;;;316;21;;iu gap iedoch der wirt ein swert,
;;;316;22;;dâs iuwer werde wart nie wert.
;;;316;23;;dar las iu swîgen sünden zil.
;;;316;24;;ir sît der helle hirten spil.
;;;316;25;;geunêrter lîp, hêr Parcifal!
;;;316;26;;ir sâhet vür iuch tragen den Grâl,
;;;316;27;;snîdende silber und blutic sper.
;;;316;28;;ir vröuden letze, ir trûrens wer!
;;;316;29;;wære ze Muntsalvasche iu vrâgen mit,
;;;316;30;;in heidenschaft ze Tabronit
;;;317;1;;ow stat hât erden wunsches solt,
;;;317;2;;hie hete iu vrâgen mêr erholt.
;;;317;4;;Ferefiz Anschevin
;;;317;3;;jenes landes künigîn
;;;317;5;;mit herter ritterschaft erwarp,
;;;317;6;;an dem diu manheit niht verdarp,
;;;317;7;;die iuwer beider vater truoc.
;;;317;8;;iuwer bruoder wunders pfliget genuoc;
;;;317;9;;jâ ist beidiu swarz und blanc
;;;317;10;;der künigîn sun von Zazamanc.
;;;317;11;;nû denke ich aber an Gahmureten,
;;;317;12;;des herze ie valsches was erjeten.
;;;317;13;;von Anschouwe iuwer vater hiez,
;;;317;14;;der iu ander erbe liez,
;;;317;15;;danne als ir habt geworben.
;;;317;16;;in prîse ir sît verdorben.
;;;317;17;;hete iuwer muoter ie missetân,
;;;317;18;;sô solt ichz dar vür gerne hân,
;;;317;19;;ir enmöhtet sîn sun niht gesîn.
;;;317;20;;nein, sô lêrte ir triuwe pîn.
;;;317;21;;gloubet von ir guoter mære
;;;317;22;;und daz iuwer vater wære
;;;317;23;;manlîcher triuwen wîse
;;;317;24;;und wîtvengic hôher prîse.
;;;317;25;;er kunde wol mit schalle.
;;;317;26;;grôz herze und kleiniu galle,
;;;317;27;;dar obe was sîn brust sîn dach.
;;;317;28;;er was riuse und vengic vach.
;;;317;29;;sîn manlîchez ellen
;;;317;30;;kunde dem prîse wol gestellen.
;;;318;1;;nû ist iuwer prîs ze valsche komen.
;;;318;2;;ouwê, daz ie wart vernomen
;;;318;3;;von mir, daz Herczeloiden barn
;;;318;4;;an prîse hât sus missevarn!"
;;;318;5;;Condrie was selbe sorgen pfant.
;;;318;6;;alweinende si die hende want,
;;;318;7;;daz manic zaher den andern sluoc.
;;;318;8;;grôz jâmer si ûz ir ougen truoc.
;;;318;9;;die maget lêrte ir triuwe
;;;318;10;;wol klagen ir herzen riuwe.
;;;318;11;;wider vür den wirt si kêrte,
;;;318;12;;ir mære si dâ gemêrte.
;;;318;13;;si sprach: "ist hie kein ritter wert,
;;;318;14;;des ellen prîses hât gegert
;;;318;15;;und dar zuo hôher minne?
;;;318;16;;ich weiz vier küniginne
;;;318;17;;und vier hundert juncvrouwen,
;;;318;18;;die man gerne möhte schouwen.
;;;318;19;;ze Schahtel Marveile die sint.
;;;318;20;;alliu âventiure ist ein wint,
;;;318;21;;wan die man dâ bezalen mac,
;;;318;22;;hôher minne wert gejac.
;;;318;23;;al habe ich der reise pîn,
;;;318;24;;ich wil noch hînaht drûffe sîn."
;;;318;25;;diu magt trûric, niht gemeit,
;;;318;26;;âne urloup vonme ringe reit.
;;;318;27;;alweinende si dicke wider sach.
;;;318;28;;nû hœret, wie si ze jungest sprach:
;;;318;29;;"ai, Muntsalvasche, jâmers zil,
;;;318;30;;wê, daz dich niemen trœsten wil!"
;;;319;1;;Condrie lasurziere,
;;;319;2;;diu unsüeze und doch diu fiere,
;;;319;3;;den Waleis si beswæret hât.
;;;319;4;;waz half in küenes herzen rât
;;;319;5;;und wârheit, zuht bî manheit?
;;;319;6;;und dannoch mêre im was gereit:
;;;319;7;;schame ob allen sînen siten.
;;;319;8;;den rehten valsch het er vermiten,
;;;319;9;;wanne schame gît prîs ze lône
;;;319;10;;und ist doch der sêle krône.
;;;319;11;;scham ist ob siten ein geüebet vluot.
;;;319;12;;Cunneware daz es si weinen huop,
;;;319;13;;daz Parcifaln, den degen balt,
;;;319;14;;Condrie surziere sus beschalt,
;;;319;15;;ein alsô wunderlîch geschaf.
;;;319;16;;herzen jâmer ougen saf
;;;319;17;;gap maniger werden vrouwen,
;;;319;18;;die man weinende muose schouwen.
;;;319;19;;Condrie was dô trûrens wer.
;;;319;20;;diu reit enwec. nû reit dort her
;;;319;21;;ein ritter, der truoc hôhen muot.
;;;319;22;;allez sîn harnasch was sô guot
;;;319;23;;von dem vuoze unz an daz houbetdach,
;;;319;24;;daz mans vür grôze koste jach.
;;;319;25;;sîn zimierde was rîche.
;;;319;26;;gewâpent ritterlîche
;;;319;27;;was daz ros und sîn selbes lîp.
;;;319;28;;nû vant er magt, man und wîp
;;;319;29;;trûric ame ringe hie.
;;;319;30;;dâ reit er zuo, nû hœret wie:
;;;320;1;;sîn muot was hôch, doch jâmers vol.
;;;320;2;;die beide schanze ich nennen sol:
;;;320;3;;hôchvart riet sîn manheit,
;;;320;4;;jâmer lêrte in herzeleit.
;;;320;5;;er reit ûz zuo dem ringe.
;;;320;6;;ob man in dâ iht dringe?
;;;320;7;;vil knappen spranc dar nâher sân;
;;;320;8;;dô enpfiengen si den werden man.
;;;320;9;;sîn schilt und er wâren unbekant;
;;;320;10;;den helm er niht von im bant.
;;;320;11;;der vröuden ellende
;;;320;12;;truoc daz swert in sîner hende,
;;;320;13;;bedecket mit der scheiden.
;;;320;14;;dâ vrâgeter nâch in beiden:
;;;320;15;;"wâ ist Artus und Gawan?"
;;;320;16;;junchêrren zeigeten in die sân.
;;;320;17;;sus gienc er durch den rinc wît.
;;;320;18;;tiure was sîn kursît,
;;;320;19;;mit liehtem pfelle wol gevar.
;;;320;20;;wirt vür und vür ringes schar
;;;320;21;;er stuont und sprach alsus:
;;;320;22;;"got halte den künic Artus,
;;;320;23;;dar zuo vrouwen und man.
;;;320;24;;waz ich der hie gesehen hân,
;;;320;25;;den biut ich dienstlîchen gruoz.
;;;320;26;;wanne einem tuot mîn dienest buoz,
;;;320;27;;dem wirt mîn dienest nimer schîn.
;;;320;28;;ich wil bî sînem hazze sîn.
;;;320;29;;waz hazzes er geleisten mac,
;;;320;30;;mîn haz ime biutet hazzes slac.
;;;321;1;;ich sol doch nennen, wer er sî.
;;;321;2;;ach, ich armman, und ouwî,
;;;321;3;;daz er mîn herze alsus versneit!
;;;321;4;;mîn jâmer ist von ime sô breit.
;;;321;5;;daz ist hêr Gawan,
;;;321;6;;der dicke prîs hât getân
;;;321;7;;und hôhe werdicheit bezalt.
;;;321;8;;unprîs sîn hete gewalt,
;;;321;9;;dô in sîn gir dar zuo vertruoc:
;;;321;10;;inme gruoze er mir den hêrren sluoc.
;;;321;11;;ein kus, den Judas teilte,
;;;321;12;;im solhen willen veilte.
;;;321;13;;ez tuot manic tûsent herzen wê,
;;;321;14;;daz strenge mortlîche rê,
;;;321;15;;daz an mînem hêrren ist getân.
;;;321;16;;lougent des hêr Gawan,
;;;321;17;;des antwurte ûf kampfes slac
;;;321;18;;von hiute über den vierzigisten tac
;;;321;19;;vor dem künige von Ascalun
;;;321;20;;in der houbetstat ze Schanfanzun.
;;;321;21;;ich lade in kampflîche dar,
;;;321;22;;gegen mir ze komenne kampfvar.
;;;321;23;;kan sîn lîp des niht verzagen,
;;;321;24;;er enwelle dâ schiltes ambet tragen,
;;;321;25;;sô man ich in dannoch mêre
;;;321;26;;bî des helmes êre
;;;321;27;;und durch ritter ordenlîchez leben.
;;;321;28;;dem sint zwô rîche urbor geben:
;;;321;29;;rehtiu schame und werdiu triuwe
;;;321;30;;gebent prîs alt und niuwe.
;;;322;1;;hêr Gawan sol sich niht verschemen,
;;;322;2;;ob er geselleschaft wil nemen
;;;322;3;;ob der tavelrunder,
;;;322;4;;diu dort stât besunder.
;;;322;5;;der reht wære gebrochen sân,
;;;322;6;;sæze drobe ein triuwelôser man.
;;;322;7;;ich bin her niht durch schelten komen.
;;;322;8;;geloubet, sît irz hât vernomen,
;;;322;9;;ich vordere kampf vür schelten,
;;;322;10;;der niht wan tôt sol gelten
;;;322;11;;oder aber leben mit êren,
;;;322;12;;wenne ez wil diu sælde lêren."
;;;322;13;;der künic sweic und was unvrô,
;;;322;14;;doch antwurte er ime der rede alsô:
;;;322;15;;"hêrre, er ist mîner swester sun.
;;;322;16;;wære Gawan tôt, ich wolte tuon
;;;322;17;;den kampf, ê mîn gebeine
;;;322;18;;læge triuwelôs unreine.
;;;322;19;;wil glücke, iu sol Gawanes hant
;;;322;20;;mit kampfe tuon daz wol bekant,
;;;322;21;;daz sîn lîp mit triuwen vert
;;;322;22;;und sich valsches hât erwert.
;;;322;23;;habe iu anders iemen leit
;;;322;24;;getân, sô machet niht sô breit
;;;322;25;;sîn laster âne schulde;
;;;322;26;;wanne erwirbet er iuwer hulde,
;;;322;27;;sô daz sîn lîp unschuldic ist,
;;;322;28;;ir habt in dirre kurzer vrist
;;;322;29;;von ime gesaget, daz iuweren prîs
;;;322;30;;krenket, sint die liute wîs."
;;;323;1;;Beacurs, der stolze man,
;;;323;2;;des bruoder was hêr Gawan,
;;;323;3;;der spranc ûf und sprach zehant:
;;;323;4;;"hêrre, ich sol dâ wesen pfant,
;;;323;5;;wâ Gawane ist der kampf geleget.
;;;323;6;;sîn velschen mich unsanfte reget.
;;;323;7;;wellet irs niht erlâzen sîn,
;;;323;8;;habet iuch an mich: sîn pfant ich bin,
;;;323;9;;ich sol vür in ze pfande stân.
;;;323;10;;ez enmac mit rede niht ergân,
;;;323;11;;daz hôher prîs geneiget sî,
;;;323;12;;der Gawane ist ledeclîchen bî."
;;;323;13;;er kêrte, aldâ sîn bruoder saz.
;;;323;14;;vuozvallens er dâ niht vergaz.
;;;323;15;;den bat er sus, nû hœret hie:
;;;323;16;;"gedenke, bruoder, daz dû nie
;;;323;17;;mir hülfe grôzer wirdicheit
;;;323;18;;und lâz mich vür dîne arbeit
;;;323;19;;ein kampflîchez gîsel wesen.
;;;323;20;;ob ich in kampfe sol genesen,
;;;323;21;;des hâstû iemer êre."
;;;323;22;;er bat in vürbaz mêre
;;;323;23;;durch brüederlîchen ritters prîs.
;;;323;24;;Gawan sprach: "ich bin sô wîs,
;;;323;25;;daz ich dich, bruoder, niht gewer
;;;323;26;;dîner brüederlîchen ger.
;;;323;27;;ine weiz, war umbe ich vehten sol,
;;;323;28;;ouch entuot mir vehten niht sô wol;
;;;323;29;;ich wolte ungerne dirz versagen,
;;;323;30;;wand daz ich mües es laster tragen."
;;;324;1;;Beacurs alvaste bat.
;;;324;2;;der gast stuont an sîner stat.
;;;324;3;;er sprach: "mir biutet kampf ein man,
;;;324;4;;des ich enkeine künde hân.
;;;324;5;;ich hân ouch niht ze sprechen dar.
;;;324;6;;starc, küene, wol gevar,
;;;324;7;;getriuwe und rîche,
;;;324;8;;hât er diu volleclîche,
;;;324;9;;er mac borgen deste baz.
;;;324;10;;ich trage ûf in dekeinen haz.
;;;324;11;;er was mîn hêrre und mîn mâc,
;;;324;12;;durch den ich hebe disen bâc.
;;;324;13;;unser vetere gebruoder hiezen,
;;;324;14;;die nihtes ein ander liezen.
;;;324;15;;nie kein man gekrœnet wart,
;;;324;16;;ich enhete ime wol vollen art
;;;324;17;;mit kampfe rede ze bieten,
;;;324;18;;mich râche gegen ime nieten.
;;;324;19;;ich bin ein vürste ûz Ascalun,
;;;324;20;;der lantgrâve von Schanfanzun,
;;;324;21;;und heize Kingrimursel.
;;;324;22;;ist hêr Gawan lobes snel,
;;;324;23;;der mac sich anders niht entsagen,
;;;324;24;;er müeze kampf dâ gegen mir tragen.
;;;324;25;;ouch gip ich ime vride über al daz lant,
;;;324;26;;niuwan von mîn eines hant.
;;;324;27;;mit triuwe ich vride geheize
;;;324;28;;ûzerhalp des kampfes kreize.
;;;324;29;;got hüete al der ich lâze hie,
;;;324;30;;wanne eines: er weiz wol selbe wie."
;;;325;1;;sus schiet der wolgelobte man
;;;325;2;;von dem Plimizols plân.
;;;325;3;;Dô Kingrimursel wart genant,
;;;325;4;;ohteiz, dô wart er schiere erkant,
;;;325;5;;wand werden, virrigen prîs
;;;325;6;;hete an ime der vürste wîs.
;;;325;7;;si jâhen, daz hêr Gawan
;;;325;8;;des kampfes sorge müese hân
;;;325;9;;gegen sîner wâren manheit,
;;;325;10;;des vürsten, der dâ von in reit.
;;;325;11;;ouch mante manigen trûrens nôt,
;;;325;12;;daz man ime dâ niht êren bôt.
;;;325;13;;dô wâren dar soliche mær komen,
;;;325;14;;als ir ê wol habet vernomen,
;;;325;15;;die lîhte erwanten einen gast,
;;;325;16;;daz wirtes gruozes ime gebrast.
;;;325;17;;Von Condrien man ouch innen wart
;;;325;18;;des Wâleises namen und sîner art,
;;;325;19;;daz in gebar ein künigîn
;;;325;20;;und wie die erwarp der Anschevin.
;;;325;21;;maniger sprach: "wie wol ich weiz,
;;;325;22;;daz er si vor Kanvoleiz
;;;325;23;;gediente hurteclîche
;;;325;24;;mit manigem poinder rîche
;;;325;25;;und daz sîn ellen unverzagt
;;;325;26;;erwarp die sældebæren magt.
;;;325;27;;Ampflise, diu gehêrte,
;;;325;28;;ouch Gahmureten lêrte,
;;;325;29;;dâ von der helt wart kurtois.
;;;325;30;;nû sol sich ieglîch Britunois
;;;326;1;;hie vröun, daz uns der helt ist komen,
;;;326;2;;dâ prîs mit wârheit ist vernomen
;;;326;3;;an ime und an Gahmurete.
;;;326;4;;reht werdicheit was sîn gewete."
;;;326;5;;Artuses her was an dem tage
;;;326;6;;komen vröude und klage.
;;;326;7;;ein solich geparrieretez leben
;;;326;8;;was den helden dâ gegeben.
;;;326;9;;si stuonden ûf über al.
;;;326;10;;dâ was trûren âne zal.
;;;326;11;;ouch giengen die werden sân,
;;;326;12;;dâ der Waleis und Gawan
;;;326;13;;bî ein ander stuonden.
;;;326;14;;si trôsten si, als si kunden.
;;;326;15;;Clamiden, den wol geborn,
;;;326;16;;dûhte, er hete mêr verlorn
;;;326;17;;danne ieman, der dâ möhte gesîn,
;;;326;18;;und daz ze scharpf wære sîn pîn.
;;;326;19;;er sprach ze Parcifale:
;;;326;20;;"wâret ir bî dem Grâle,
;;;326;21;;sô muoz ich sprechen âne spot:
;;;326;22;;in heidenschaft Tribalibot,
;;;326;23;;dar zuo daz gebirge in Kaukasas,
;;;326;24;;waz munt von rîcheit ie gelas
;;;326;25;;und des Grâles wirdecheit,
;;;326;26;;die vergülten niht mîn herzeleit,
;;;326;27;;daz ich vor Pelraperie gewan.
;;;326;28;;ach, ich armer, unsæliger man!
;;;326;29;;mich schiet von vröuden iuwer hant.
;;;326;30;;nû ist hie vrouwe Cunneware de Lalant.
;;;327;1;;diu selbe edele vürstîn
;;;327;2;;wil sô verre in iuwerem gebote sîn,
;;;327;3;;daz ir diu niemen dienen lât,
;;;327;4;;wie vil si dienestgeltes hât.
;;;327;5;;si mohte iedoch erlangen,
;;;327;6;;daz ich bin ir gevangen
;;;327;7;;alsô lange hie gewesen.
;;;327;8;;ob ich an vröuden sol genesen,
;;;327;9;;sô helfet mir, daz si êre sich,
;;;327;10;;sô daz ir minne ergetze mich
;;;327;11;;ein teil, des ich von iu verlôs,
;;;327;12;;dâ mich der vröuden zil verkôs.
;;;327;13;;ich hete es behalten wol, wan ir.
;;;327;14;;nû helfet dirre megde mir."
;;;327;15;;"Daz tuon ich", sprach der Waleis,
;;;327;16;;"ist si bete volge kurteis.
;;;327;17;;ich ergetze iuch gerne, wan si ist mîn,
;;;327;18;;durch die ir welt bî sorgen sîn.
;;;327;19;;ich meine, diu treit den bêâcurs,
;;;327;20;;Condwieramurs."
;;;327;21;;von Janfuse diu heidenîn,
;;;327;22;;Artus und daz wîp sîn
;;;327;23;;und Cunneware de Lalant
;;;327;24;;und vrouwe Jeschute von Karnant,
;;;327;25;;die giengen dô durch trœsten zuo.
;;;327;26;;waz wellet ir, waz man mê nû tuo?
;;;327;27;;Cunnewaren si gâben Clamide,
;;;327;28;;wanne dem was nâch ir minne wê.
;;;327;29;;sînen lîp gap er ir zuo lône
;;;327;30;;und houbete krône.
;;;328;1;;Dô daz diu heideninne gesach,
;;;328;2;;von Janfuse zuo Parcifalen sprach:
;;;328;3;;"Condrie nante uns einen man,
;;;328;4;;des ich iu wol ze bruoder gan.
;;;328;5;;des gewalt ist wît und breit.
;;;328;6;;zweier krône rîcheit
;;;328;7;;stât vorhtlîche in sîner pflege
;;;328;8;;ûf dem wazzer und ûf der erden wege:
;;;328;9;;Azagouc und Zazamanc,
;;;328;10;;diu lant sint kreftic, wît und lanc.
;;;328;11;;sînem rîchtuom glîchet niht
;;;328;12;;âne den bâruc, wâ mans giht,
;;;328;13;;und âne Tribalibot.
;;;328;14;;man bat in als einen got.
;;;328;15;;sîn vel hât vil spæhen glast,
;;;328;16;;er ist aller manne varwe gast:
;;;328;17;;wîz und swarz ist er erkant.
;;;328;18;;ich vuor dort her durch sîniu lant.
;;;328;19;;dô wolte er gerne erwendet hân
;;;328;20;;mîne vart, die ich dâ her hân getân.
;;;328;21;;daz warp er, dô enmohter.
;;;328;22;;sîner muomen tohter
;;;328;23;;bin ich; er ist ein künic hêr.
;;;328;24;;ich sage von ime wunders mêr:
;;;328;25;;nie man gesaz von sîner joste.
;;;328;26;;sîn prîs hât hôhe koste,
;;;328;27;;sô milter lîp gesouc nie brust,
;;;328;28;;sîn site ist valscheit vlust:
;;;328;29;;er heizet Ferefiz Anschevin.
;;;328;30;;sîn tât durch wîp kan lîden pîn.
;;;329;1;;wie vrömede ez mir wære,
;;;329;2;;ich kam ouch her durch mære
;;;329;3;;und ze erkennen âventiure.
;;;329;4;;nû lît diu hœheste stiure
;;;329;5;;an iu, des alliu getouftiu diet
;;;329;6;;mit prîse sich von laster schiet.
;;;329;7;;sol guot gebærde iuch helfen iht
;;;329;8;;und daz man iu mit wârheit giht
;;;329;9;;liehter varwe und manlîcher site?
;;;329;10;;kraft mit jugende vert dâ mite."
;;;329;11;;diu rîche, wîse heidenîn
;;;329;12;;hete an künste den gewin,
;;;329;13;;daz si wol rette franzeis.
;;;329;14;;dô antwurte ir der Waleis,
;;;329;15;;solich was sîn rede wider sie:
;;;329;16;;"got lône iu, vrouwe, daz ir hie
;;;329;17;;mir gebt sô güetlîchen trôst.
;;;329;18;;ich bin doch trûrens niht erlôst,
;;;329;19;;ich wil iuch des bescheiden.
;;;329;20;;ich mac es sô niht geleiden,
;;;329;21;;als ez mir leide kündet,
;;;329;22;;daz sich nû maniger sündet
;;;329;23;;an mir, der niht weiz mîner klage,
;;;329;24;;und ich dâ bî sîn spotten trage.
;;;329;25;;ich wil dekeiner vröude jehen,
;;;329;26;;ine müeze aller êrst den Grâl gesehen,
;;;329;27;;diu wîle, wart si kurz oder lanc.
;;;329;28;;mich jaget des endes mîn gedanc;
;;;329;29;;dâ von gescheide ich niemer
;;;329;30;;mînes lebenes iemer.
;;;330;1;;sol ich durch mîner zuht gebot
;;;330;2;;hœren nû der werlte spot,
;;;330;3;;sô enmac sîn râten niht sîn ganz:
;;;330;4;;mir riet der werde Gurnemanz,
;;;330;5;;daz ich vrevellîch vrâge mite
;;;330;6;;und iemer gegen unvuoge strite.
;;;330;7;;vil werder ritter sich ich hie.
;;;330;8;;durch iuwere zuht nû râtet, wie
;;;330;9;;ich ir hulden genæhe mich.
;;;330;10;;ez ist ein strenge, scharf gerich
;;;330;11;;gegen mir mit worten hie getân.
;;;330;12;;wes hulde ich drumbe verlorn hân,
;;;330;13;;daz wil ich wênic wizzen ime.
;;;330;14;;wenne ich hernâch prîs genime,
;;;330;15;;sô habt mich aber danne dar nâch.
;;;330;16;;mir ist ze scheiden von iu gâch.
;;;330;17;;ir gâbet mir alle geselleschaft,
;;;330;18;;die wîle ich stuont in prîses kraft.
;;;330;19;;der sît ir ledic, unz daz ich bezal,
;;;330;20;;dâ von mîniu grüene vröude ist val.
;;;330;21;;mîn sol grôz jâmer alsô pflegen,
;;;330;22;;daz herze gebe den ougen regen,
;;;330;23;;sît ich ûf Muntsalvasche liez,
;;;330;24;;daz mich von wâren vröuden stiez.
;;;330;25;;ohteiz, wie manige clâre maget!
;;;330;26;;waz iemen wunders hât gesaget,
;;;330;27;;dennoch pfligt es mêr der Grâl.
;;;330;28;;der wirt hât siuftebæren twâl.
;;;330;29;;dû helfelôser Anfortas,
;;;330;30;;waz half dich, daz ich bî dir was?"
;;;331;1;;Sine megen niht langer hie gestên,
;;;331;2;;ez muoz nû an scheiden gên.
;;;331;3;;dô sprach der Waleise
;;;331;4;;Artuse dem Brituneise
;;;331;5;;und ze ritteren und vrouwen,
;;;331;6;;er wolte ir urloup schouwen
;;;331;7;;und mit ir allen hulden nemen.
;;;331;8;;des enmoht eht niemen dâ gezemen,
;;;331;9;;daz er sô trûric von in reit.
;;;331;10;;ich wæne, daz was in allen leit.
;;;331;11;;Artus lobete im an die hant,
;;;331;12;;kæme iemer in soliche nôt sîn lant,
;;;331;13;;als ez von Clamide gewan,
;;;331;14;;des lasters wolte er pflihte hân.
;;;331;15;;ime wære ouch leit, daz Lehelin
;;;331;16;;im næme zwô krône sîn.
;;;331;17;;vil dienstes ime dâ maniger bôt.
;;;331;18;;den helt treip von in trûrens nôt.
;;;331;19;;vrouwe Cunneware, diu clâre maget,
;;;331;20;;nam den helt unverzaget
;;;331;21;;an ir hant und vuorte in dan.
;;;331;22;;dô kuste in mîn hêrre Gawan
;;;331;23;;und sprach gezogenlîche
;;;331;24;;ze dem helde ellens rîche:
;;;331;25;;"ich weiz wol, vriunt, daz dîn vart
;;;331;26;;gegen strîtes reise ist ungespart.
;;;331;27;;dâ gebe dir got glücke zuo
;;;331;28;;und helfe ouch mir, daz ich getuo
;;;331;29;;dir noch den dienest mîn, des ich ger,
;;;331;30;;des mich des gotes kraft gewer."
;;;332;1;;Der Waleis sprach: "owê, waz ist got?
;;;332;2;;wær der gewaltic, solhen spot
;;;332;3;;hete er uns beiden niht geben,
;;;332;4;;kunde got mit krefte leben.
;;;332;5;;ich was im dienstes undertân,
;;;332;6;;sît ich genâden mich versan.
;;;332;7;;nû wil ich dienst widersagen;
;;;332;8;;hât er haz, den wil ich tragen.
;;;332;9;;vriunt, an dînes kampfes zît
;;;332;10;;dâ nem ein wîp vür dich den strît.
;;;332;11;;diu müeze leiten dîne hant,
;;;332;12;;an der dû kiusche hâst erkant
;;;332;13;;und wîplîche güete.
;;;332;14;;ir minne dich dâ behüete.
;;;332;15;;ich enweiz, wenne ich dich mê gesehe.
;;;332;16;;mîn wünschen sus an dir geschehe."
;;;332;17;;ir scheiden gap in trûren
;;;332;18;;ze strengen nâchgebûren.
;;;332;19;;vrouwe Cunneware de Lalant
;;;332;20;;in vuorte, dâ si die pavelûne vant.
;;;332;21;;sîn harnasch hiez si im bringen dar.
;;;332;22;;ir linden hende wol gevar,
;;;332;23;;die wâpenden Gahmuretes sun.
;;;332;24;;si sprach: "ich solz von rehte tuon,
;;;332;25;;sît der künic von Brandigan
;;;332;26;;von mir schulden mich wil hân.
;;;332;27;;grôz kumber iuwerre werdecheit
;;;332;28;;gît mir siufzebærez leit.
;;;332;30;;iuwer sorge mîne vröude zert,
;;;332;29;;wenne ir niht trûrens sît erwert."
;;;333;1;;nû was sîn ros verdecket,
;;;333;2;;sîn selbes nôt erwecket.
;;;333;3;;ouch hete der degen wol getân
;;;333;4;;lieht wîz, îser harnasch an,
;;;333;5;;tiure, âne aller slahte troc.
;;;333;6;;sîn kursît, sîn wâpenroc
;;;333;7;;was gehêret mit gesteine.
;;;333;8;;sînen helm aleine
;;;333;9;;hatte er niht ûffe gebunden.
;;;333;10;;dô kust er an den stunden
;;;333;11;;vrouwen Cunnewaren, die süezen maget.
;;;333;12;;alsus wart mir von in gesaget.
;;;333;13;;dâ ergienc ein trûric scheiden
;;;333;14;;under den gelieben beiden.
;;;333;15;;Hin reit Gahmuretes kint.
;;;333;16;;waz âventiure gesprochen sint,
;;;333;17;;die endarf hie niemen sinnen zuo,
;;;333;18;;irn hœret aller êrst, waz er nû tuo,
;;;333;19;;war er kêre oder war er var.
;;;333;20;;wer den lîp an ritterschaft spar,
;;;333;21;;der denke die wîle niht an in,
;;;333;22;;ob ez ime râte stolzer sin.
;;;333;23;;Condwieramurs,
;;;333;24;;dîn minneclîcher bêâcurs,
;;;333;25;;an den wirt nû dicke gedâht,
;;;333;26;;waz dirre wirt âventiure brâht.
;;;333;27;;schiltes ambet umb den Grâl
;;;333;28;;wirt nû vil geüebet sunder twâl
;;;333;29;;von ime, den Herczeloide bar.
;;;333;30;;er was ouch geverwet dar.
;;;334;1;;Dô vuor der massenîe vil
;;;334;2;;gegen dem arbeitlîchen zil,
;;;334;3;;ein âventiure ze schouwen,
;;;334;4;;dâ vier hundert juncvrouwen
;;;334;5;;und vier küniginne
;;;334;6;;gevangen wâren inne,
;;;334;7;;ze Schahtel Marveile.
;;;334;8;;waz in dâr wart ze teile,
;;;334;9;;daz haben in âne mînen haz;
;;;334;10;;ich bin doch vrouwen lônen laz.
;;;334;11;;dô sprach der Krieche Klias:
;;;334;12;;"ich bin der dâ versûmet was."
;;;334;13;;vor in allen er des jach.
;;;334;14;;"der Turkoite mich dâ stach
;;;334;15;;hinder daz ros, ich muoz mich schamen.
;;;334;16;;doch sagete er mir vier vrouwen namen,
;;;334;17;;die dâ krônebære sint.
;;;334;18;;zwô sint alt, zwô sint noch kint.
;;;334;19;;der heizet einiu Ithonie,
;;;334;20;;diu ander heizet Condrie,
;;;334;21;;diu dritte heizet Sangive,
;;;334;22;;diu vierde Arnive."
;;;334;23;;daz wolte etlîcher dâ besehen.
;;;334;24;;ez enmohte ir reise niht volle spehen:
;;;334;25;;si muosen schaden dâ bejagen,
;;;334;26;;den sol ouch ich ze mâze klagen,
;;;334;27;;wanne wer durch wîp hât arbeit,
;;;334;28;;daz gît ime vröude, etwenne leit
;;;334;29;;an dem orte vürbaz mêre wiget.
;;;334;30;;sus minne dicke ir lônes pfliget.
;;;335;1;;dô bereit sich hêr Gawan
;;;335;2;;als ein kampfbære man
;;;335;3;;hin vür den künic von Ascalun.
;;;335;4;;des trûrete manic Britûn
;;;335;5;;und manic wîp und maget.
;;;335;6;;herzenlîch wart geklaget
;;;335;7;;von in sîn strîtes reise.
;;;335;8;;der werdecheit ein weise
;;;335;9;;wart nû diu tavelrunder.
;;;335;10;;Gawan maz besunder,
;;;335;11;;wâ mite er möht gesigen.
;;;335;12;;alte, herte schilte wol gedigen
;;;335;13;;- er enruochte, wie si wâren gevar -,
;;;335;14;;die brâhten koufliute dar
;;;335;15;;in ir schiffe, doch niht veile.
;;;335;16;;der wurden ime drîe ze teile.
;;;335;17;;dô erwarp der wâre strîtes helt
;;;335;18;;siben ros ze kampf erwelt.
;;;335;19;;ze sînen vriunden er dô nam
;;;335;20;;zwelf scharfiu sper von Agram,
;;;335;21;;starke rœrîne schefte drîn
;;;335;22;;von Arastegentesin
;;;335;23;;ûz einem heidenischen muor.
;;;335;24;;Gawan nam urloup und vuor
;;;335;25;;mit unverzageter manheit.
;;;335;26;;Artus was im vil bereit,
;;;335;27;;er gap im rîcher koste solt:
;;;335;28;;lieht gesteine und rôtez golt
;;;335;29;;und silbers manigen sterlinc.
;;;335;30;;gegen sorgen wielzen sîniu dinc.
;;;336;1;;Ecuba, diu junge,
;;;336;2;;vuor gegen ir schiffunge,
;;;336;3;;ich meine die rîchen heidenîn.
;;;336;4;;dô kêrte an manigen enden hin
;;;336;5;;daz volc von Plimizol.
;;;336;6;;Artus vuor gegen Karidol.
;;;336;7;;Cunneware und Clamide,
;;;336;8;;die nâmen ouch sîn urloup ê.
;;;336;9;;Orilus, der vürste erkant,
;;;336;10;;und vrouwe Jeschute von Karnant,
;;;336;11;;die nâmen ouch sîn urloup sân,
;;;336;12;;iedoch beliben si ûf dem plân
;;;336;13;;bî Clamide den dritten tac,
;;;336;14;;want er der brûtlouf pflac,
;;;336;15;;niht mit benanter hôchgezît.
;;;336;16;;si wart dâ heime grœzer sît,
;;;336;17;;want ime sîn milte daz geriet.
;;;336;18;;vil ritter und kumberhafter diet
;;;336;19;;beleip an Clamides schar
;;;336;20;;und ouch daz varende volc gar,
;;;336;21;;die vuort er heim ze lande.
;;;336;22;;mit êren, âne schande
;;;336;23;;wart in geteilet dâ sîn habe,
;;;336;24;;mit valsche niht gewîset abe.
;;;336;25;;dô vuor vrouwe Jeschute
;;;336;26;;mit Oriluse, ir trûte,
;;;336;27;;durch Clamiden ze Brandigan.
;;;336;28;;daz wart ze einen êren getân
;;;336;29;;vrouwen Cunnewaren, der künigîn:
;;;336;30;;dâ krônde man die swester sîn.
;;;337;1;;nû weiz ich wol, welch sinnic wîp,
;;;337;2;;ob si hât getriuwen lîp,
;;;337;3;;diu diz mære geschriben siht,
;;;337;4;;daz si mir mit wârheit giht,
;;;337;5;;ich kunde wîben sprechen baz,
;;;337;6;;dannals ich sante gegen einer maz.
;;;337;7;;diu küniginne Belakane
;;;337;8;;was missewenden âne
;;;337;9;;und aller valscheit laz,
;;;337;10;;dô si ein tôter künic besaz.
;;;337;11;;sît gap vrouwen Herczeloiden troum
;;;337;12;;siufzebæren herzen roum.
;;;337;13;;welch was vrouwen Ginovern klage
;;;337;14;;an Ithers endetage!
;;;337;15;;dar zuo was mir ein trûren leit,
;;;337;16;;daz alsô schamlîchen reit
;;;337;17;;des küniges kint von Karnant,
;;;337;18;;vrouwe Jeschute erkant.
;;;337;19;;wie wart vrouwe Cunneware
;;;337;20;;gealûnet mit ir hâre!
;;;337;21;;des sint si vaste wider komen:
;;;337;22;;ir beider scham hât prîs genomen.
;;;337;23;;ze machen neme diz mære ein man,
;;;337;24;;der âventiure prüeven kan
;;;337;25;;und rîme künne sprechen,
;;;337;26;;beidiu samen und brechen.
;;;337;27;;ich tæte ez gerne vürbaz kunt,
;;;337;28;;wolt ez gebieten mir ein munt,
;;;337;29;;den doch ander vüeze tragent,
;;;337;30;;danne die mir ze stegereifen wagent.
;;;338;1;;Der nie gewarp nâch schanden,
;;;338;2;;eine wîle ze sînen handen
;;;338;3;;sol nû die âventiure hân
;;;338;4;;der werde erkante Gawan.
;;;338;5;;die brüefent manigen âne haz
;;;338;6;;dâr neben oder vür in baz
;;;338;7;;danne des mæres hêrren Parcifal.
;;;338;8;;wer sînen vriunt alle mâl
;;;338;9;;mit worten anz hœheste jaget,
;;;338;10;;der ist prîses anderhalp verzaget.
;;;338;11;;ime wære der liute volge guot,
;;;338;12;;wer dicke lop mit wârheit tuot,
;;;338;13;;wanne waz er sprichet oder sprach,
;;;338;14;;diu rede belîbet âne dach.
;;;338;15;;wer sol sinnes wort behalten,
;;;338;16;;es enwellen die wîsen walten?
;;;338;17;;valsch, lügelîch ein mære,
;;;338;18;;daz, wæn ich, noch baz wære
;;;338;19;;âne wirt ûf einem snê,
;;;338;20;;sô daz dem munde würde wê,
;;;338;21;;daz ez ûz vür wârheit breitet.
;;;338;22;;sô het in got bereitet,
;;;338;23;;als guoter liute wünschen stât,
;;;338;24;;den ir triuwe zer arbeit ergât.
;;;338;25;;wem ist ze solhen werken gâch,
;;;338;26;;dâ missewende hœret nâch,
;;;338;27;;pflihtet werder lîp an den gewin,
;;;338;28;;daz muoz in lêren kranker sin.
;;;338;29;;er mîdet ez ê, kan er sich schemen;
;;;338;30;;den site sol er ze vogete nemen.
;;;339;1;;Gawan, der rehte gemuote,
;;;339;2;;sîn ellen pflac der huote,
;;;339;3;;sô daz diu wâre zagheit
;;;339;4;;an prîse ime nie gevrumete leit.
;;;339;5;;sîn herz was ze velde ein burc,
;;;339;6;;gegen scharfen prîsen wol sô kurc
;;;339;7;;in strîtes gedrenge man in sach.
;;;339;8;;vriunt und vîent ime des jach,
;;;339;9;;sîn krîe wære gegen prîse snel,
;;;339;10;;wie gerne in Kingrimursel
;;;339;11;;mit kampfe het dâ von genomen.
;;;339;12;;nû was von Artuse komen
;;;339;13;;- des enweiz ich niht wie manigen tac -
;;;339;14;;Gawan, der manheite pflac.
;;;339;15;;sus reit der werde degen balt
;;;339;16;;sîne rehte strâze ûz einem walt
;;;339;17;;mit sînem gezoge durch einen grunt.
;;;339;18;;dô wart im ûf dem bühele kunt
;;;339;19;;ein dinc, daz angest lêrte
;;;339;20;;und sîne manheit mêrte:
;;;339;21;;dô ersach der helt vür unbetrogen
;;;339;22;;nâch maniger banier zogen
;;;339;23;;vil grôzer vuore, niht ze kranc.
;;;339;24;;er dâhte: "mir ist der wec ze lanc,
;;;339;25;;vlühtic wider gegen dem walde."
;;;339;26;;dô hiez er gürten balde
;;;339;27;;einem ros, daz ime Orilus
;;;339;28;;gap. daz was genennet sus:
;;;339;29;;mit den rôten ôren Gringulete.
;;;339;30;;er enpfienc ez âne aller slahte bete.
;;;340;1;;ez was von Muntsalvasche komen
;;;340;2;;und hete Lehelin genomen
;;;340;3;;ze Brunbane bî dem sê.
;;;340;4;;einem ritter tet sîn juste wê,
;;;340;5;;den er tôt her hinder stach,
;;;340;6;;des sider Trevrizent verjach.
;;;340;7;;Gawan dâhte: "wer sô verzaget,
;;;340;8;;daz er vliuhet, ê man in jaget,
;;;340;9;;daz ist sînem prîse gar zuo vruo.
;;;340;10;;ich wil in nâher stapfen zuo,
;;;340;11;;waz mir dâ von nû mac geschehen,
;;;340;12;;ir hât mich daz mêre teil gesehen.
;;;340;13;;des sol doch guot rât werden."
;;;340;14;;dô erbeizeter zuo der erden,
;;;340;15;;rehte als er habete ein stal.
;;;340;16;;die rote wâren âne zal,
;;;340;17;;die dâ nâch mit kompânîe riten.
;;;340;18;;er sach vil kleider wol gesniten
;;;340;19;;und manigen schilt sô gevar,
;;;340;20;;daz er niht bekante gar
;;;340;21;;noch dekeine banier under in.
;;;340;22;;"disem her ein gast ich bin",
;;;340;23;;sus sprach der werde Gawan.
;;;340;24;;"sît ichs enkeine künde hân,
;;;340;25;;wellent siz in übel wenden,
;;;340;26;;eine just sol ich in senden,
;;;340;27;;deiswâr, mit mîn selbes hant,
;;;340;28;;ê daz ich von in sî gewant."
;;;340;29;;dô was ouch Gringulete gegurt,
;;;340;30;;daz in manigen angestlîchen vurt
;;;341;1;;gegen strîte was zer juste brâht.
;;;341;2;;des wart ouch dâ hin zuo ime gedâht.
;;;341;3;;Gawan sach geflôrieret
;;;341;4;;und wol gezimieret
;;;341;5;;von rîcher koste helme vil.
;;;341;6;;si vuorten gegen ir nîtspil
;;;341;7;;vil niuwer sper ein wunder,
;;;341;8;;diu gemâlet wâren besunder
;;;341;9;;junchêrren gegeben in die hant,
;;;341;10;;ir hêrren wâpen dran erkant.
;;;341;11;;Gawan fili roi Lot
;;;341;12;;sach von gedrenge grôze nôt,
;;;341;13;;mûle, die harnasch muosen tragen,
;;;341;14;;und manigen wolgeladenen wagen;
;;;341;15;;den was ze herbergen gâch.
;;;341;16;;ouch vuor der market hinden nâch
;;;341;17;;mit wunderlîchem pârât.
;;;341;18;;des enwas eht niht dô ander rât.
;;;341;19;;ouch was der vrouwen dâ genuoc.
;;;341;20;;etslîchiu den zwelften gürtel truoc
;;;341;21;;ze pfande nâch ir minne.
;;;341;22;;ez wâren niht küniginne:
;;;341;23;;die selben trippâniersen
;;;341;24;;hiezen soldiersen.
;;;341;25;;hie der junge, dort der alte,
;;;341;26;;dâ vuoren vil ribalte.
;;;341;27;;ir loufen macht in müede lide.
;;;341;28;;etslîcher zæme baz an der wide,
;;;341;29;;danne erz her dâ mêrte
;;;341;30;;und werdez volc unêrte.
;;;342;1;;vür was geloufen und geriten
;;;342;2;;daz her, des Gawan hete erbiten.
;;;342;3;;von solichem wâne daz geschach:
;;;342;4;;wer den helt dâ halten sach,
;;;342;5;;der wânde, er wær des selben hers.
;;;342;6;;disehalb und jene sîte mers
;;;342;7;;gevuor nie stolzer ritterschaft.
;;;342;8;;si heten hôhes muotes kraft.
;;;342;9;;Nû vuor balde hinden nâch
;;;342;10;;vaste ûf ir slâge, dem was gâch,
;;;342;11;;ein knabe gar ungevuoge vrî.
;;;342;12;;ein ledic ros gienc im bî.
;;;342;13;;einen niwen schilt er vuorte,
;;;342;14;;mit beiden sporn er ruorte
;;;342;15;;âne zart sîn runzît.
;;;342;16;;er wolte gâhen in den strît.
;;;342;17;;wol gesniten was sîn kleit.
;;;342;18;;Gawan zuo dem knappen reit.
;;;342;19;;nâch gruoze vrâgeter mære,
;;;342;20;;wes diu massenîe wære.
;;;342;21;;dô sprach der knappe: "ir spottet mîn.
;;;342;22;;hêrre, hân ich solhen pîn
;;;342;23;;mit unvuoge an iu erholt?
;;;342;24;;hete ich danne ander nôt gedolt,
;;;342;25;;diu stüende mir gegen prîse baz.
;;;342;26;;durch got, nû senftet iuwern haz.
;;;342;27;;ir erkennet ein anders baz danne ich.
;;;342;28;;waz hilfet denne, daz ir vrâget mich?
;;;342;29;;ez sol iu baz wesen kunt
;;;342;30;;ze einem mâle und tûsent stunt."
;;;343;1;;Gawan bôt des sînen eit,
;;;343;2;;waz volkes dâ vür in gereit,
;;;343;3;;daz er des niht erkande.
;;;343;4;;er sprach: "mîn varn hât schande,
;;;343;5;;sît ich mit wârheit niht mac jehen,
;;;343;6;;daz ich ir keinen hân gesehen
;;;343;7;;vor disem tage an keiner stat,
;;;343;8;;war man mîn dienest ie gebat."
;;;343;9;;der knappe sprach ze Gawan:
;;;343;10;;"hêrre, sô hân ich missetân.
;;;343;11;;ich solte es iu ê hân gesaget.
;;;343;12;;dô was mîn bezzer sin verzaget.
;;;343;13;;nû rihtet mîne schulde
;;;343;14;;nâch iuwer seldes hulde.
;;;343;15;;dar nâch sol ich iu gerne sagen.
;;;343;16;;lât mich mîn ungevüege ê klagen."
;;;343;17;;"junchêrre, sagt mir, wer si sîn,
;;;343;18;;durch iuwer zuhtbære pîn."
;;;343;19;;"Hêrre, sus heizet der vor iu vert,
;;;343;20;;dem doch sîn reise ist unerwert,
;;;343;21;;rois Poidiconiunz
;;;343;22;;und ouch Astor de Laverunz.
;;;343;23;;dâ vert ouch ein unbescheiden lîp,
;;;343;24;;dem minne nie gebôt kein wîp.
;;;343;25;;er treit der ungevüege kranz
;;;343;26;;und  Meliaganz.
;;;343;27;;ez wære wîp oder magt,
;;;343;28;;waz er dâ minne hât bejagt,
;;;343;29;;die nam er gar in nœten.
;;;343;30;;man solt in drumbe tœten.
;;;344;1;;er ist Poidiconiunzes sun
;;;344;2;;und wil ritterschaft hie tuon.
;;;344;3;;der pfliget der ellens rîche
;;;344;4;;dicke unverzagelîche.
;;;344;5;;waz hilfet sîn manlîcher site?
;;;344;6;;ein swînmuoter, lief ir mite
;;;344;7;;ir verhelîn, daz werte ouch sie.
;;;344;8;;ine gehôrte man prîsen nie,
;;;344;9;;was sîn ellen ân vuoge.
;;;344;10;;des volgent mir genuoge.
;;;344;11;;Hêrre, noch hœret ein wunder,
;;;344;12;;lât iu daz sagen besunder:
;;;344;13;;grôz her nâch uns dâ vüeret,
;;;344;14;;den sîn unvuoge rüeret,
;;;344;15;;der künic Melianz von Liz.
;;;344;16;;hôchverteclîchen zornes vlîz
;;;344;17;;hât er gevromet âne nôt.
;;;344;18;;unrehtiu minne ime daz gebôt."
;;;344;19;;der knappe in sîner zuht verjach:
;;;344;20;;"hêrre, ich sage ez iu, wand ich ez sach:
;;;344;21;;des künic Melianzes vater,
;;;344;22;;in tôdes leger vür sich bat er
;;;344;23;;die vürsten sînes landes,
;;;344;24;;wand unerlœsetes pfandes
;;;344;25;;stuont sîn ellenthaftez leben.
;;;344;26;;daz muose sich dem tôde ergeben.
;;;344;27;;in der selben riuwe
;;;344;28;;bevalch er ûf ir triuwe
;;;344;29;;Melianzen, den clâren,
;;;344;30;;allen, die dâ wâren.
;;;345;1;;doch kôs er sunder einen dan,
;;;345;2;;der vürste was sîn hœhester man,
;;;345;3;;gegen triuwe alsô bewæret,
;;;345;4;;aller valscheit erlæret.
;;;345;5;;den bat er ziehen sînen sun.
;;;345;6;;er sprach: "dû maht an im nû tuon
;;;345;7;;dîner triuwe hantveste.
;;;345;8;;bit in, daz er die geste
;;;345;9;;und die heimlîchen habe wert.
;;;345;10;;wanne es der kumberhafte gert,
;;;345;11;;dem bit in teilen sîne habe."
;;;345;12;;sus wart bevolhen dâ der knabe.
;;;345;13;;Dô leiste der vürste Lippout
;;;345;14;;al daz sîn hêrre, der künic Schout,
;;;345;15;;an tôdes legere gegen im warp.
;;;345;16;;harte wênic des verdarp,
;;;345;17;;endehaft ez wart geleistet sider.
;;;345;18;;der vürste vuorte den knappen wider.
;;;345;19;;dâr heim, dâ hete er liebiu kint,
;;;345;20;;als  ime noch billîche sint:
;;;345;21;;eine tohter, der des niht gebrach,
;;;345;22;;wanne daz man des ir zîte jach,
;;;345;23;;si wær wol âmîe.
;;;345;24;;die heizet Obie.
;;;345;25;;ir swester heizet Obilot.
;;;345;26;;Obie vrumt uns dise nôt.
;;;345;27;;eines tages gedêch ez an die stat,
;;;345;28;;daz der junge künic bat
;;;345;29;;nâch sînem dienste minne.
;;;345;30;;si vervluohten ime sîne sinne
;;;346;1;;und vrâget in, wes er wânde,
;;;346;2;;war umbe er sich sinnes ânde.
;;;346;3;;si sprach hin zuo im: "wæret ir sô alt,
;;;346;4;;daz under schilte wære bezalt
;;;346;5;;in werdiclîchen stunden
;;;346;6;;mit helme ûf houbet gebunden
;;;346;7;;gegen herteclîchen vâren
;;;346;8;;iuwer tage in vünf jâren,
;;;346;9;;daz ir den prîs dâ hetet genomen,
;;;346;10;;und wæret ir danne wider komen,
;;;346;11;;ze mînem gebote gewesen dâ,
;;;346;12;;spræch ich danne aller êrst jâ,
;;;346;13;;des iuwer wille gerte,
;;;346;14;;al ze vruo ich iuch gewerte.
;;;346;15;;ir sît mir liep, wer lougent des,
;;;346;16;;als Anoren Galoes,
;;;346;17;;diu sît den tôt durch in erkôs,
;;;346;18;;dô si in von einer just verlôs."
;;;346;19;;"ungerne", sprach er, "vrouwe,
;;;346;20;;iuch sô bî liebe schouwe,
;;;346;21;;daz iuwer zürnen ûf mich gât.
;;;346;22;;gnâde doch bî dem dienste stât,
;;;346;23;;wer triuwe reht mezzen wil.
;;;346;24;;vrouwe, es ist iu gar ze vil,
;;;346;25;;daz ir mînen sin sus smâhet.
;;;346;26;;ir habet iuch gar vergâhet.
;;;346;27;;ich möhte doch des genozzen hân,
;;;346;28;;daz iuwer vater ist mîn man
;;;346;29;;und daz er hât von mîner hant
;;;346;30;;manige burc und allez sîn lant."
;;;347;1;;"wem ir iht lîhet, der habe ouch daz",
;;;347;2;;sprach si. "mîn zil sich hœhet baz.
;;;347;3;;ich wil von nieman lêhen hân.
;;;347;4;;mîn vrîheit ist alsô getân,
;;;347;5;;ieglîcher krône hôch genuoc,
;;;347;6;;die irdensch houbet ie getruoc."
;;;347;7;;er sprach: "ir sît gelêret,
;;;347;8;;daz ir hôchvart sus mêret.
;;;347;9;;sît iuwer vater gap den rât,
;;;347;10;;er wandelt mir die missetât.
;;;347;11;;ich sol hie wâpen alsô tragen,
;;;347;12;;daz wirt gestochen und geslagen.
;;;347;13;;ez sî strîten oder turnei,
;;;347;14;;hie belîbet vil der sper enzwei."
;;;347;15;;mit zorne schiet er von der maget.
;;;347;16;;sîn zürnen sêre wart geklaget
;;;347;17;;von al der massenîe.
;;;347;18;;in klagete ouch Obie.
;;;347;19;;gegen dirre ungeschihte
;;;347;20;;bôt sîn gerihte
;;;347;22;;Lippout, der unschulde truoc,
;;;347;21;;und anders wandels genuoc.
;;;347;23;;ez wære krump oder sleht,
;;;347;24;;er gerte sîner genôze reht
;;;347;25;;hof, dâ die vürsten wæren,
;;;347;26;;und er wære zuo disen mæren
;;;347;27;;komen âne schulde.
;;;347;28;;genædeclîcher hulde
;;;347;29;;er vaste sînen hêrren bat.
;;;347;30;;dem tet der zorn ûf vröuden mat.
;;;348;1;;Lippout wolte niht gâhen,
;;;348;2;;sô daz er sînen hêrren vâhen
;;;348;3;;wolt, wand er was sîn wirt,
;;;348;4;;daz noch getriuwer man verbirt.
;;;348;5;;der künic âne urloup dannen schiet,
;;;348;6;;als ime sîn kranker sin geriet.
;;;348;7;;sîne knappen, vürsten kindelîn,
;;;348;8;;alweinende tâten klagen schîn,
;;;348;9;;die mit dem künige dâ wâren gewesen.
;;;348;10;;vor den mac Lippout wol genesen,
;;;348;11;;wand er si mit triuwen hât erzogen,
;;;348;12;;gegen werder vuore niht betrogen,
;;;348;13;;ez ensî denne mîn hêrre alein,
;;;348;14;;an dem doch des vürsten triuwe schein.
;;;348;15;;mîn hêrre, der ist ein Franzois,
;;;348;16;;der burcgrâve de Beavois.
;;;348;17;;er heizet Lisavander.
;;;348;18;;die eine und die ander
;;;348;19;;muosen dem vürsten widersagen,
;;;348;20;;dô si schiltes ambet muosen tragen.
;;;348;21;;bî dem künige ritter worden sint
;;;348;22;;vil vürsten hiute und ander kint.
;;;348;23;;des vorderen hers pfliget ein man,
;;;348;24;;der wol mit scharpfen strîten kan:
;;;348;25;;der künic Poidiconiunz von Gros,
;;;348;26;;der vüeret manic wol gewâpent ros.
;;;348;27;;Melianz ist sînes bruoder sun.
;;;348;28;;si künnen beide hôchvart tuon,
;;;348;29;;der junge und ouch der alte,
;;;348;30;;daz es unvuoge walte.
;;;349;1;;sus hât der zorn sich vür genomen,
;;;349;2;;daz beide künige wellent komen
;;;349;3;;vür Bearosche, dâ man muoz
;;;349;4;;gedienen mit arbeit wîbes gruoz.
;;;349;5;;vil sper muoz man dâ brechen,
;;;349;6;;beidiu hurten und stechen.
;;;349;7;;Bearosche ist sô ze wer,
;;;349;8;;ob wir heten zweinzic her,
;;;349;9;;ieglîchez grœzer danne wir hân,
;;;349;10;;wir müesen  unzervüeret lân.
;;;349;11;;mîn reise ist daz hinder her verholn.
;;;349;12;;disen schilt hân ich dan verstoln
;;;349;13;;ûz von den andern kinden,
;;;349;14;;ob mîn hêrre möhte vinden
;;;349;15;;eine just durch sînen êrsten schilt
;;;349;16;;mit hurtes poinder dar gezilt."
;;;349;17;;Der knappe hinder sich dô sach.
;;;349;18;;sîn hêrre vuor im balde nâch.
;;;349;19;;driu ros und zwelf wîziu sper
;;;349;20;;gâheten mit im balde her.
;;;349;21;;ich wæne, sîn gir des iemen trüge,
;;;349;22;;er enwolde gerne ze vorvlüge
;;;349;23;;die êrsten just dâ hân bejaget.
;;;349;24;;sus hât mir diu âventiure gesaget.
;;;349;25;;dô sprach der knappe ze Gawan:
;;;349;26;;"hêrre, lât mich iuwer urloup hân."
;;;349;27;;der kêrte sînem hêrren zuo.
;;;349;28;;waz welt ir, daz Gawan nû tuo,
;;;349;29;;er besehe, waz disiu mære sîn?
;;;349;30;;doch lêrt in zwîvel strengen pîn.
;;;350;1;;er dâhte: "sol ich strîte sehen
;;;350;2;;und sol des niht von mir geschehen,
;;;350;3;;sô ist al mîn prîs verloschen gar.
;;;350;4;;kume aber ich von strîten dar
;;;350;5;;und wirde ich dâ geletzet,
;;;350;6;;mit wârheit ist entsetzet
;;;350;7;;al mîn werltlîcher prîs.
;;;350;8;;ich tuon es niht dekeine wîs,
;;;350;9;;ich sol ê leisten mînen kampf."
;;;350;10;;sîn nôt sich in ein ander klampf.
;;;350;11;;gegen sînes kampfes verte
;;;350;12;;was belîben al ze herte.
;;;350;13;;er enmoht eht dô niht vür gevarn.
;;;350;14;;er sprach: "nû müeze got bewarn
;;;350;15;;die kraft an mîner manheit."
;;;350;16;;Gawan gegen Bearosche reit.
;;;350;17;;burc und stat sô vor im lac,
;;;350;18;;daz niemen bezzers hûses pflac,
;;;350;19;;wanne dâ gleste gegen im schône
;;;350;20;;aller ander bürge ein krône
;;;350;21;;mit türnen wol gezieret.
;;;350;22;;nû was geloschieret
;;;350;23;;dem her dâ vür ûf den plân.
;;;350;24;;dô marhte mîn hêrre Gawan
;;;350;25;;manigen rinc wol gehêret.
;;;350;26;;dâ was hôchvart gemêret.
;;;350;27;;wunderlîcher baniere
;;;350;28;;kôs er dâ manige schiere
;;;350;29;;und maniger slahte vrömede povel.
;;;350;30;;der zwîvel was sînes herzen hovel,
;;;351;1;;dâ durch in starkiu angest sneit.
;;;351;2;;Gawan mitten durch si reit.
;;;351;3;;doch iegelîch zeltsnuor die anderen dranc,
;;;351;4;;ir her was wît und lanc.
;;;351;5;;dô sach er, wâ si lâgen,
;;;351;6;;wes dise und jene pflâgen.
;;;351;7;;wer 'biense venûz' dô sprach,
;;;351;8;;'gramerzîs' er wider jach.
;;;351;9;;grôz rote an einem orte lac,
;;;351;10;;sarjande von Semblidac;
;;;351;11;;den lac dâ sunder nâhe bî
;;;351;12;;turkopele von Kaheti.
;;;351;13;;unkünde dicke unminne sint.
;;;351;14;;sus reit des künic Lotes kint,
;;;351;15;;daz in belîben dâ niemen bat.
;;;351;16;;sus kêrt er reht gegen der stat.
;;;351;17;;er dâhte: "sol ich kempfer wesen,
;;;351;18;;ich mac vor vlüste baz genesen
;;;351;19;;dort in der stat danne hie bî in.
;;;351;20;;ich kêre mich an keinen gewin,
;;;351;21;;wanne wie ich dâz mîne behalte,
;;;351;22;;sô daz es glücke walte."
;;;351;23;;Gawan gegen einer porte reit.
;;;351;24;;der burgære site was ime leit:
;;;351;25;;si hete niht betûret,
;;;351;26;;alle ir porten wâren vermûret
;;;351;27;;und alliu ir wîchûs werlîch;
;;;351;28;;dar zuo der zinnen iegelîch
;;;351;29;;mit armbrust ein schütze pflac,
;;;351;30;;der sich schiezens her ûz bewac.
;;;352;1;;si vlizzen gegen strîtes werc.
;;;352;2;;Gawan reit ûf an den berc.
;;;352;3;;wie wênic er dâ wære bekant,
;;;352;4;;er reit ûf, dâ er die burc vant.
;;;352;5;;sîn ougen muosen schouwen
;;;352;6;;manige werde vrouwen.
;;;352;7;;diu wirtîn selbe komen was
;;;352;8;;durch warten ûf den palas
;;;352;9;;mit ir schœnen tohteren zwein,
;;;352;10;;von den vil liehter varwe schein.
;;;352;11;;schiere hete er von in vernomen.
;;;352;12;;si sprach: "wer mac uns hie komen?"
;;;352;13;;sus sprach diu alte herzogîn:
;;;352;14;;"waz gezoges mac diz sîn?"
;;;352;15;;dô sprach ir elter tohter sân:
;;;352;16;;"muoter, ez ist ein koufman."
;;;352;17;;"nû vüeret man ime doch schilte mite."
;;;352;18;;"daz ist vil koufliute site."
;;;352;19;;ir jünger tohter dô sprach:
;;;352;20;;"dû zîhest in, daz doch nie geschach.
;;;352;21;;swester, des mahtû dich schamen.
;;;352;22;;er gewan nie koufmans namen.
;;;352;23;;er ist sô minneclîch getân,
;;;352;24;;ich wil in ze einem ritter hân.
;;;352;25;;sîn dienest mac hie lônes gern,
;;;352;26;;des wil ich in durch liebe wern."
;;;352;27;;sîne knappen nâmen dô goume,
;;;352;28;;daz ein linde und ölboume
;;;352;29;;unden bî der mûren stuont.
;;;352;30;;daz dûhte si ein gæber vunt.
;;;353;1;;waz welt ir, daz si mêr nû tuon?
;;;353;2;;wanne dô erbeizete künic Lotes sun,
;;;353;3;;aldâ er den besten schate vant.
;;;353;4;;sîn kamerer truoc dar zehant
;;;353;5;;einen kulter und ein matraz,
;;;353;6;;dâr ûf der stolze werde saz.
;;;353;7;;ob ime saz wîbes hers ein vluot.
;;;353;8;;sîn kamergewant man nider luot
;;;353;9;;untz harnasch von den sunen.
;;;353;10;;hin dan under den andern bumen
;;;353;11;;herberge nâmen sie,
;;;353;12;;knappen, die kômen hie.
;;;353;13;;diu alte herzogîn sprach sân:
;;;353;14;;"tohter, welich koufman
;;;353;15;;kunde alsus gebâren?
;;;353;16;;dû ensolt sîn sust niht vâren."
;;;353;17;;dô sprach diu junge Obilot:
;;;353;18;;"unvuoge ir noch mêr gebôt:
;;;353;19;;gegen dem künige Melianze von Liz
;;;353;20;;si kêrte ûf hôchvart ir vlîz,
;;;353;21;;dô er si bat ir minne.
;;;353;22;;geunêret sîn solhe sinne!"
;;;353;23;;dô sprach diu maget Obie,
;;;353;24;;vor zorne niht diu vrîe:
;;;353;25;;"sîn vuore ist mir unmære.
;;;353;26;;dort sitzet ein wehselære,
;;;353;27;;des market muoz hie werden guot.
;;;353;28;;sîne soumschrîn sint sô behuot,
;;;353;29;;dînes ritters, tœrschiu swester mîn,
;;;353;30;;er wil ir selbe goumel sîn."
;;;354;1;;gar dirre worte hôre
;;;354;2;;kam Gawane in sîn ôre.
;;;354;3;;die rede lât sîn, als si nû stê,
;;;354;4;;und hœret, wie ez der stat ergê:
;;;354;5;;ein schifreht wazzer vür si vlôz
;;;354;6;;durch eine brücke steinîn grôz,
;;;354;7;;niht gegen der vîende want.
;;;354;8;;anderhalp was unverhert daz lant.
;;;354;9;;ein marschalc kam geriten sân.
;;;354;10;;vür die brücke ûf den plân
;;;354;11;;dô nam er herberge wît.
;;;354;12;;sîn hêrre kam an rehter zît
;;;354;13;;und ander, die dâ solten komen.
;;;354;14;;ich sage ez iu, habt irs niht venomen,
;;;354;15;;wer in des wirtes helfe reit
;;;354;16;;und wer durch in mit triuwen streit.
;;;354;17;;im kam von Brevigariez
;;;354;18;;sîn bruoder, duc Marangliez.
;;;354;19;;durch den kômen zwêne rîter snel:
;;;354;20;;der werde künic Schirniel,
;;;354;21;;der truoc krône ze Lirwoin,
;;;354;22;;als tet sîn bruoder ze Avendroin.
;;;354;23;;Dô die burgære sâhen,
;;;354;24;;daz in helfe wolte nâhen,
;;;354;25;;daz ê des was ir aller rât,
;;;354;26;;daz dûhte si dô ein missetât,
;;;354;26;1;ich meine, daz si dâ vor
;;;354;26;2;vermûret heten ir tor.
;;;354;27;;der vürste Lippout dô selbe sprach:
;;;354;28;;"ouwê, daz Bearosche ie geschach,
;;;354;29;;daz ir porte sullen vermûret sîn!
;;;354;30;;wand wenne ich gegen dem hêrren mîn
;;;355;1;;schiltes ambet zeige,
;;;355;2;;mîn beste zuht ich veige.
;;;355;3;;ez hülfe mich und stüende ouch baz
;;;355;4;;sîn hulde danne sîn grôzer haz.
;;;355;5;;wie stât ein just durch mînen schilt
;;;355;6;;mit sîner hende dar gezilt
;;;355;7;;oder ob versnîden sol mîn swert
;;;355;8;;sînen schilt, mînes hêrren wert?
;;;355;9;;gelobet daz iemer wîse wîp,
;;;355;10;;diu treit al ze lôsen lîp.
;;;355;11;;nû lât mich mînen hêrren hân
;;;355;12;;in mînem turne. ich müese in lân
;;;355;13;;und mit ime in den sînen.
;;;355;14;;wâr an er mich wil pînen,
;;;355;15;;des stân ich gar ze sînem gebote.
;;;355;16;;doch sol ich gerne danken gote,
;;;355;17;;daz er mich niht gevangen hât,
;;;355;18;;sît in sîn zorn des niht erlât,
;;;355;19;;er enwelle mich hie besitzen.
;;;355;20;;nû râtet mir mit witzen",
;;;355;21;;sprach er zen burgæren,
;;;355;22;;"gegen disen strengen mæren."
;;;355;23;;Dô sprach dâ manic wîse man:
;;;355;24;;"möht ir unschult genozzen hân,
;;;355;25;;ez enwære niht komen an disiu zil."
;;;355;26;;si gâben ime des râtes vil,
;;;355;27;;daz er sîne porten ûf tæte
;;;355;28;;und alle die besten bæte
;;;355;29;;ûz gegen der juste rîten.
;;;355;30;;si jâhen: "wir mügen sô strîten,
;;;356;1;;ê daz wir uns von zinnen wern
;;;356;2;;Melianzes beiden hern,
;;;356;3;;wand ez sint daz mêrteil alliu kint,
;;;356;4;;die mit dem künige komen sint,
;;;356;5;;daz wir erwerben lîhte ein pfant,
;;;356;6;;dâ von ie grôzer zorn verswant.
;;;356;7;;der künic ist lîhte sô gemuot,
;;;356;8;;wenne er hie ritterschaft getuot,
;;;356;9;;er sol uns nôt erlâzen
;;;356;10;;und allez sîn zürnen mâzen.
;;;356;11;;veltstrîtes sol uns doch baz gezemen,
;;;356;12;;danne daz si uns ûz der mûren nemen.
;;;356;13;;wir solten wol gedingen,
;;;356;14;;dort in ir snüeren ringen,
;;;356;15;;wanne Poidiconiunzes kraft,
;;;356;16;;der vüert die herten ritterschaft.
;;;356;17;;dâ ist unser grôziu vreise,
;;;356;18;;die gevangenen Brituneise.
;;;356;19;;der pfligt der herzoge Astor.
;;;356;20;;den siht man hie gegen strîte vor.
;;;356;21;;dâ ist ouch sîn sun Meliaganz.
;;;356;22;;hete den erzogen Gurnemanz,
;;;356;23;;sô wære sîn prîs gehœhet gar,
;;;356;24;;doch siht man in in strîtes schar.
;;;356;25;;dâ gegen ist uns doch grôziu helfe komen."
;;;356;26;;ir habt ir râten wol vernomen.
;;;356;27;;Der vürste tet, als man im riet:
;;;356;28;;die mûre er ûzen porten schiet.
;;;356;29;;die burgære ellens unbetrogen
;;;356;30;;begunden ûz ze velde zogen.
;;;357;1;;hie wart ein just, diu ander dort.
;;;357;2;;daz her begunde ouch strecken vort
;;;357;3;;her gegen der stat durch hôhen muot.
;;;357;4;;ir vesperîe wart vil guot.
;;;357;5;;ze beider sîte rot ungezalt,
;;;357;6;;garzûne, krîe manicvalt,
;;;357;7;;beidiu Schottesch und Welsch
;;;357;8;;wart dâ gerüefet sunder velsch.
;;;357;9;;der ritter tât was âne vride,
;;;357;10;;die helde erswungen dâ die lide.
;;;357;11;;ez wâren doch allez daz mêrteil kint,
;;;357;12;;die ûzem her dar komen sint.
;;;357;13;;die begiengen dâ vil werde tât,
;;;357;14;;die burgære pfantens ûf der stat.
;;;357;15;;der nie gediende an wîbe
;;;357;16;;kleinôt, der enmöhte an lîbe
;;;357;17;;niemer bezzer wât getragen.
;;;357;18;;von Melianze hôrt ich sagen,
;;;357;19;;sîn zimierde wære guot.
;;;357;20;;er hete ouch selbe hôhen muot
;;;357;21;;und reit ein schœn kastelân,
;;;357;22;;daz Melianz dort gewan,
;;;357;23;;dô er küene sô hôhe dar nider stach,
;;;357;24;;daz man in am ast hangen sach.
;;;357;25;;dô ez Meliaganz dort erstreit,
;;;357;26;;Melianz von Liz ez wol reit.
;;;357;27;;sîn tât was vor ûz sô bekant,
;;;357;28;;daz alle sîne juste in ir ougen vant
;;;357;29;;Obie dort ûf dem palas,
;;;357;30;;dar si durch warten komen was.
;;;358;1;;"nû sich", sprach si, "swester mîn,
;;;358;2;;deiswâr, mîn ritter und der dîn,
;;;358;3;;und begânt hie ungelîchiu werc.
;;;358;4;;der dîne wænet, daz wir den berc
;;;358;5;;und die burc sullen verliesen.
;;;358;6;;ander wer wir muozen kiesen."
;;;358;7;;diu junge muose ir spotten doln.
;;;358;8;;diu sprach: "er mac sichs wol erholn.
;;;358;9;;ich gib ime noch gegen ellen trôst,
;;;358;10;;daz er dînes spottes wirt erlôst.
;;;358;11;;er sol dienest gegen mir kêren,
;;;358;12;;ich wil ime vröude mêren.
;;;358;13;;sît dû gihst, er sî ein koufman,
;;;358;14;;er sol mînes lônes market hân."
;;;358;15;;ir beider strît der worte
;;;358;16;;Gawan zuo merke hôrte
;;;358;18;;und übersaz ez, wie er mohte,
;;;358;17;;als ez ime dô getohte,
;;;358;19;;wand er was schamlîch und doch wîs.
;;;358;20;;daz vuogete ime dicke hôhen prîs.
;;;358;21;;Daz grôze her al stille lac,
;;;358;22;;des Poidiconiunz dort pflac,
;;;358;23;;wanne ein werder jungelinc
;;;358;24;;was in dem strîte und als sîn rinc,
;;;358;25;;der herzoge von Laverunz.
;;;358;26;;dô kam Poidiconiunz,
;;;358;27;;der werde, alte, wîse man,
;;;358;28;;und nam eine und die anderen dan.
;;;358;29;;doch was diu vesperîe vermiten
;;;358;30;;und wol durch werdiu wîp gestriten.
;;;359;1;;dô sprach Poidiconiunz
;;;359;2;;zem herzogen von Laverunz:
;;;359;3;;"geruochet ir mîn niht bîten,
;;;359;4;;sô ir vart durch rüemen strîten,
;;;359;5;;ir wænet, daz ez sî guot getân?
;;;359;6;;hie ist der werde Laheduman
;;;359;7;;und ouch Meliaganz, mîn sun.
;;;359;8;;waz die beide solten tuon
;;;359;9;;und ich selbe, ir möht dâ strîten sehen,
;;;359;10;;ob ir strîten kündet spehen.
;;;359;11;;ich kume niemer von dirre stat,
;;;359;12;;ich mach uns alle strîtes sat,
;;;359;13;;oder mir gebent man und wîp
;;;359;14;;her ûz gevangen beider lîp."
;;;359;15;;dô sprach der herzoge Astor:
;;;359;16;;"hêrre, iuwer neve was dâ vor,
;;;359;17;;der künic, und allez sîn her von Liz.
;;;359;18;;solt iuwer her an slâfens vlîz
;;;359;19;;die wîle sich hân gekêret?
;;;359;20;;habet ir uns daz gelêret,
;;;359;21;;sô slâf ich, dâ man strîten sol.
;;;359;22;;ich kan bî strîte slâfen wol.
;;;359;23;;doch gloubet mir, wær ich niht komen,
;;;359;24;;die burgære heten dâ genomen
;;;359;25;;vromen und prîs zuo ir handen.
;;;359;26;;ich bewar iuch dâ vor schanden.
;;;359;27;;durch got, nû senftet iuwern zorn!
;;;359;28;;dâ ist mê gewunnen danne verlorn
;;;359;29;;von iuwerre massenîe,
;;;359;30;;wil es jehen vrowe Obie."
;;;360;1;;Poidiconiunz was ganz
;;;360;2;;wider sînen neven Melianz.
;;;360;3;;doch brâhte der werde, junge man
;;;360;4;;vil juste durch sînen schilt her dan.
;;;360;5;;daz endorfte sîn niwer prîs niht klagen.
;;;360;6;;nû hœret von Obien sagen:
;;;360;7;;diu bôt ir hazzes genuoc
;;;360;8;;Gawane, der âne schulde truoc.
;;;360;9;;si wolte ime werben schande:
;;;360;10;;einen garzûn si sande
;;;360;11;;hin zuo Gawane, dâ der saz.
;;;360;12;;si sprach: "nû vrâgen vürbaz,
;;;360;13;;ob ime diu ros veile sîn
;;;360;14;;und ob in sînen soumschrîn
;;;360;15;;lige iender werdez krâmgewant.
;;;360;16;;wir vrouwen koufenz alle zehant."
;;;360;17;;der garzûn kam gegangen.
;;;360;18;;mit zorn er wart enpfangen.
;;;360;19;;Gawans ougen blicke
;;;360;20;;in lêrten herzen schricke.
;;;360;21;;der garzûn sô verzagete,
;;;360;22;;daz er envrâget und ensagete
;;;360;23;;allez daz in sîn vrouwe sagen hiez.
;;;360;24;;Gawan die rede gar ouch niht enliez,
;;;360;25;;er sprach: "vart hin, ir ribalt!
;;;360;26;;mûlslege al ungezalt
;;;360;27;;sullet ir hie vil enpfâhen,
;;;360;28;;welt ir mir vürbaz nâhen."
;;;360;29;;der garzûn dannen lief oder gienc.
;;;360;30;;nû hœret, wie ez Obie ane vienc:
;;;361;1;;Einen junchêrren si sprechen bat
;;;361;2;;den burcgrâven von der stat.
;;;361;3;;der was geheizen Scherules.
;;;361;4;;si sprach: "dû solt in bitten des,
;;;361;5;;daz er ez durch mînen willen tuo
;;;361;6;;und manlîche grîfe zuo.
;;;361;7;;undern œlboumen bîme graben
;;;361;8;;stânt siben ros, diu sol er haben,
;;;361;9;;und ander rîcheite vil.
;;;361;10;;ein koufman uns hie kriegen wil.
;;;361;11;;bit in, daz er daz wende.
;;;361;12;;ich getrûwe des sîner hende,
;;;361;13;;si neme ez ime unvergolten.
;;;361;14;;ouch hât er ez unbescholten."
;;;361;15;;der knappe hin wider sagete
;;;361;16;;al daz sîn vrouwe klagete.
;;;361;17;;"ich sol vor kriegen uns bewarn",
;;;361;18;;sprach Scherules. "ich wil dar varn."
;;;361;19;;er reit hin ûf, dâ Gawan saz,
;;;361;20;;der ellens selten ie vergaz.
;;;361;21;;an dem vant er krancheit vlust,
;;;361;22;;lieht antlitze, hôhe brust
;;;361;23;;und einen ritter wol gevar.
;;;361;24;;Scherules in brüefete gar,
;;;361;25;;sîne arme und ietwedere hant
;;;361;26;;und waz geschickede er dâ vant.
;;;361;27;;dô sprach er: "hêrre, ir sît ein gast.
;;;361;28;;guoter witze uns gar gebrast,
;;;361;29;;sît ir niht herberge hât.
;;;361;30;;man brüefet ez uns vür missetât.
;;;362;1;;ich sol nû selber marschalc sîn.
;;;362;2;;liute und guot, waz heizet mîn,
;;;362;3;;daz kêr ich iu gegen dienstes siten.
;;;362;4;;nie gast ze wirte kam geriten,
;;;362;5;;der ime wære als undertân."
;;;362;6;;"hêrre, iuwer gnâde", sprach Gawan,
;;;362;7;;"daz hân ich ungedienet noch.
;;;362;8;;ich sol iu gerne volgen doch."
;;;362;9;;Scherules, der lobes gehêrte,
;;;362;10;;sprach, als in sîn triuwe lêrte:
;;;362;11;;"sît ez sich hât an mich gezoget,
;;;362;12;;ich bin vor vlüste iuwer voget,
;;;362;13;;ez ennem iu danne daz ûzer her.
;;;362;14;;dâ bin ich mit iu an der wer."
;;;362;15;;mit lachendem munde er sprach
;;;362;16;;hin zuo den knappen, die er dâ sach:
;;;362;17;;"ladet ûf iuwer harnasch über al,
;;;362;18;;wir sullen hin nider in daz tal."
;;;362;19;;Gawan vuor mit sînem wirt.
;;;362;20;;Obie nû daz niht verbirt,
;;;362;21;;ein spilwîp si sante,
;;;362;22;;die ir vater wol erkante,
;;;362;23;;und enbôt ime bî ir mære,
;;;362;24;;dâ vüer ein valschære,
;;;362;25;;des habe wær rîch und guot.
;;;362;26;;"bitte in durch ritterlîchen muot,
;;;362;27;;sît er vil soldiere hât,
;;;362;28;;ûf ros, ûf silber und ûf wât,
;;;362;29;;daz diz sî ir êrstez gelt.
;;;362;30;;ez vrümt wol sibene ûf daz velt."
;;;363;1;;daz spilwîp zem vürsten sprach
;;;363;2;;al daz sîn tohter dar verjach.
;;;363;3;;Der ie urliuges gepflac,
;;;363;4;;dem was vil nôt, ob er bejac
;;;363;5;;möhte an rîcher koste hân.
;;;363;6;;Lippouten, den getriuwen man,
;;;363;7;;überlesten soldiere,
;;;363;8;;daz er gedâhte schiere:
;;;363;9;;"ich sol diz guot gewinnen
;;;363;10;;mit zorne oder mit minnen."
;;;363;11;;die nâchreise er niht vermeit.
;;;363;12;;Scherules im widerreit.
;;;363;13;;er vrâgete in, war im wær sô gâch.
;;;363;14;;"ich rîte einem trügenære nâch.
;;;363;15;;von dem sagt man mir mære,
;;;363;16;;er sî ein valschære."
;;;363;17;;unschuldic was hêr Gawan;
;;;363;18;;ez heten niwan diu ros getân
;;;363;19;;und ander, daz er vuorte.
;;;363;20;;Scherulesen lachen ruorte.
;;;363;21;;er sprach: "hêrre, ir sît betrogen.
;;;363;22;;wer daz iu sagete, er hât gelogen,
;;;363;23;;ez sî maget, man oder wîp.
;;;363;24;;unschuldic ist mînes gastes lîp.
;;;363;25;;ir sult in anders prîsen,
;;;363;26;;er gewan nie münzîsen.
;;;363;27;;welt ir der rehten mære losen,
;;;363;28;;sîn lîp getruoc nie wehselpfosen.
;;;363;29;;seht sîne gebærde, hœret sîniu wort.
;;;363;30;;in mînem hûse liez ich in dort.
;;;364;1;;künnet ir denne ritters vuore spehen,
;;;364;2;;ir müezet im rehter dinge jehen.
;;;364;3;;sîn lîp gegen valsche nie wart balt.
;;;364;4;;wer ime dâr über tuot gewalt,
;;;364;5;;wær ez mîn vater oder mîn kint,
;;;364;6;;alle, die gegen ime in zorne sint,
;;;364;7;;mîne mage oder mîn bruoder,
;;;364;8;;die müesen diu strîtes ruoder
;;;364;9;;gegen mir ziehen. ich wil in wern,
;;;364;10;;vor unrehten strîten nern,
;;;364;11;;wâ ich, hêrre, vor iuwern hulden mac.
;;;364;12;;und schiltes ambet in einen sac
;;;364;13;;wolt ich mich ê geziehen,
;;;364;14;;sô verre ûz arde vliehen,
;;;364;15;;dâ mich niemen erkande,
;;;364;16;;ê daz ir iuwere schande,
;;;364;17;;hêrre, an im begienget.
;;;364;18;;guotlîch ir enpfienget
;;;364;19;;billîcher alle, die her sint komen
;;;364;20;;und iuwern kumber hânt vernomen,
;;;364;21;;danne daz ir si wellet rouben.
;;;364;22;;des sult ir mir gelouben."
;;;364;23;;der vürste sprach: "lâz mich in sehen,
;;;364;24;;dâ mac niht arges von geschehen."
;;;364;25;;er reit, dâ er Gawanen sach.
;;;364;26;;zwei ougen und ein herze jach,
;;;364;27;;diu Lippout mit ime brâhte dar,
;;;364;28;;daz der gast wær wol gevar
;;;364;29;;und rehte manlîche site
;;;364;30;;sînen gebærden wonten mite.
;;;365;1;;Wem wâriu minne ie erholte,
;;;365;2;;daz er herzeminne dolte,
;;;365;3;;herzeminne ist des erkant,
;;;365;4;;daz herze ist rehter minne pfant,
;;;365;5;;alsô versetzet und verselt,
;;;365;6;;dekein munt ez niemer volzelt,
;;;365;7;;waz minne wunders vüegen kan.
;;;365;8;;ez sî wîp oder man,
;;;365;9;;die krenket herzeminne
;;;365;10;;vil dicke an hôhem sinne.
;;;365;11;;Obie und Melianz,
;;;365;12;;ir zweier minne was sô ganz
;;;365;13;;und stuont mit solichen triuwen,
;;;365;14;;sîn zorn iuch solte riuwen,
;;;365;15;;daz er mit zorne von ir reit.
;;;365;16;;des gap in trûren solichez leit,
;;;365;17;;daz ir kiusche wart gegen zorn balt.
;;;365;18;;unschuldic Gawan des engalt
;;;365;19;;und ander, die ez dâ mit im liten.
;;;365;20;;si kam dicke ûz vroulîchen siten.
;;;365;21;;sus vlaht ir kiusche sich in zorn.
;;;365;22;;ez was ir beider ougen dorn,
;;;365;23;;wâ si den werden man gesach.
;;;365;24;;ir herze Melianze jach,
;;;365;25;;er müese vor ûz der hœheste sîn.
;;;365;26;;si dâhte: "obe er mich lêre pîn,
;;;365;27;;den sol ich gerne durch in hân.
;;;365;28;;den jungen, süezen, werden man
;;;365;29;;vor aller der werlte ich minne,
;;;365;30;;dar jagent mich herzen sinne."
;;;366;1;;von minnen noch zornes vil geschiht,
;;;366;2;;nû enwîzet ez Obien niht.
;;;366;3;;nû hœret, wie ir vater sprach,
;;;366;4;;dô er den werden Gawanen sach
;;;366;5;;und er in in daz lant enpfienc,
;;;366;6;;wie erz mit rede dô an vienc.
;;;366;7;;er sprach: "hêrre, iuwer komen,
;;;366;8;;daz mac an sælden uns gevromen.
;;;366;9;;ich hân gevarn manige vart,
;;;366;10;;sô süeze in mînen ougen wart
;;;366;11;;nie man von angesihte.
;;;366;12;;ze dirre ungeschihte
;;;366;13;;sol iuwer künfticlîcher tac
;;;366;14;;uns trœsten, wander trœsten mac,
;;;366;15;;daz ir hie üebet ritters tât.
;;;366;16;;ob ir harnasch mangel hât,
;;;366;17;;des lât iuch wol bereiten gar.
;;;366;18;;welt ir, sît, hêrre, in mîner schar."
;;;366;19;;dô sprach der werde Gawan:
;;;366;20;;"Ich wære des ein bereiter man.
;;;366;21;;ich hân harnasch und starke lide,
;;;366;22;;want daz mîn strît stât mit vride
;;;366;23;;unz an eine benanten stunden.
;;;366;24;;ir læget obenân oder unden,
;;;366;25;;daz wolt ich durch iuch lîden.
;;;366;26;;nû muoz ichz durch daz mîden,
;;;366;27;;hêrre, unz ein mîn kampf ergât,
;;;366;28;;dâ mîn triuwe sô hôhes pfandes stât.
;;;366;29;;durch aller werden liute gruoz
;;;366;30;;ich si mit kampfe lœsen muoz.
;;;367;1;;sus bin ich ûf der strâzen
;;;367;2;;oder ich muoz den lîp dâ lâzen."
;;;367;3;;daz was Lippout ein herzeleit.
;;;367;4;;er sprach: "hêrre, durch iuwer werdicheit
;;;367;5;;und durch iuwer zühte hulde
;;;367;6;;sô vernemet mîne unschulde.
;;;367;7;;ich hân zwô tohter, die mir sint
;;;367;8;;liep, wanne si sint mîniu kint.
;;;367;9;;waz mir got an in hât geben,
;;;367;10;;dâ wil ich mit vröuden leben.
;;;367;11;;ouch wol mich, daz ich ie gewan
;;;367;12;;kumber, den ich von in hân!
;;;367;13;;den treit iedoch diu eine
;;;367;14;;mit mir al gemeine.
;;;367;15;;ungelîch ist diu gesellecheit.
;;;367;16;;ir, hêrre, ir tuot mit minne leit
;;;367;17;;und mir mit unminne,
;;;367;18;;als ichs mich versinne,
;;;367;19;;mîn hêrre mir gewalt wil tuon,
;;;367;20;;durch daz ich hân dekeinen sun.
;;;367;21;;mir sullen ouch tohter lieber sîn.
;;;367;22;;waz danne, ob ich nû lîde pîn?
;;;367;23;;den wil ich mir ze sælden zeln.
;;;367;24;;wer sol mit sînen tohteren weln,
;;;367;25;;wie ir verboten sî daz swert,
;;;367;26;;ir wer ist anders alsô wert:
;;;367;27;;si erwirbet ime kiuscheclîche
;;;367;28;;einen sun vil ellens rîche.
;;;367;29;;des selben ich gedingen hân."
;;;367;30;;"nû gewers iuch got", sprach Gawan.
;;;368;1;;Lippout, der vürste, al vaste bat.
;;;368;2;;"hêrre, durch got die rede lât",
;;;368;3;;sus sprach des küniges Lotes sun.
;;;368;4;;"durch iuwer zuht sullet ir daz tuon
;;;368;5;;und lât mich triuwe niht enbern.
;;;368;6;;eines dinges lât mich iuch gewern:
;;;368;7;;ich sage iu hînt bî dirre naht,
;;;368;8;;wes ich mich dâr umb hân bedâht."
;;;368;9;;Lippout ime dankte und vuor zehant.
;;;368;10;;ame hove er sîne tohter vant
;;;368;11;;unt des burcgrâven töhterlîn;
;;;368;12;;diu zwei, diu snalten vingerlîn.
;;;368;13;;dô sprach er Obilote zuo:
;;;368;14;;"tohter, wannen kumest dû?"
;;;368;15;;"vater, ich var dâ nider her.
;;;368;16;;ich getrûwe wol, daz er michs gewer.
;;;368;17;;ich wil den vrömden ritter biten
;;;368;18;;dienstes nâch lônes siten."
;;;368;19;;"tohter, sô sî dir geklaget,
;;;368;20;;er hât mir an noch abe gesaget.
;;;368;21;;kum mîner bete anz ende nâch."
;;;368;22;;der megde was zem gaste gâch.
;;;368;23;;dô si in die kemenâten gienc,
;;;368;24;;Gawan spranc ûf, dô er si enpfienc.
;;;368;25;;zuo der süezen er dô saz.
;;;368;26;;er dankete ir, daz si niht vergaz
;;;368;27;;sîn, dô man ime missetât.
;;;368;28;;er sprach: "geleit ie ritter nôt
;;;368;29;;durch ein sô wênic vröuwelîn,
;;;368;30;;dâ solt ich durch iuch inne sîn."
;;;369;1;;diu junge, süeze, clâre
;;;369;2;;Sprach âne alle vâre:
;;;369;3;;"got sich des wol versinnen kan,
;;;369;4;;hêrre, ir sît der êrste man,
;;;369;5;;der ie mîn redegeselle wart.
;;;369;6;;ist mîn zuht dâr an bewart
;;;369;7;;und ouch mîn schamelîcher sin,
;;;369;8;;daz gît an vröuden mir gewin,
;;;369;9;;wand ir mîn meisterîn verjach,
;;;369;10;;diu rede wær des sinnes dach.
;;;369;11;;hêrre, ich bitte iuwer und mîn,
;;;369;12;;daz lêret mich endehafter pîn.
;;;369;13;;den nem ich iu, geruochet irs.
;;;369;14;;habt irz ihtes deste wirs,
;;;369;15;;ich var doch ûf der mâze pfat,
;;;369;16;;wand ich dar zuo mîn selber bat.
;;;369;17;;ir sît mit der wârheit ich,
;;;369;18;;wie die namen teilen sich.
;;;369;19;;mînes lîbes namen sullet ir hân,
;;;369;20;;nû sît ir maget und man.
;;;369;21;;ich hân iuwer und mîn gegert.
;;;369;22;;lât ir mich, hêrre, ungewert
;;;369;23;;nû schemelîch von iu gên,
;;;369;24;;dâr umb muoz ze rehte stên
;;;369;25;;iuwer prîs vor iuwer selbes zuht,
;;;369;26;;sît mîn magettuomlîchiu vluht
;;;369;27;;iuwer gnâde suochet.
;;;369;28;;ob ir des, hêrre, ruochet,
;;;369;29;;ich wil iu geben minne
;;;369;30;;mit herzelîchem sinne.
;;;370;1;;ob ir manlîche site hât,
;;;370;2;;sô wæn ich wol, daz ir niht lât,
;;;370;3;;ir dienet mir; ich bin dienstes wert.
;;;370;4;;sît ouch mîn vater helfe gert
;;;370;5;;an vriunden und an mâgen,
;;;370;6;;lât iuch des niht betrâgen,
;;;370;7;;ir dienet uns beiden ûf mîn einer lôn."
;;;370;8;;er sprach: "vrouwe, iuweres mundes dôn
;;;370;9;;wil mich von triuwen scheiden.
;;;370;10;;untriuwe iu solte leiden.
;;;370;11;;mîn triuwe dolt die pfandes nôt:
;;;370;12;;ist si unerlôst, ich bin tôt.
;;;370;13;;doch lât mich dienest und sinne
;;;370;14;;kêren gegen iuwerre minne,
;;;370;15;;ê daz ir minne muget geben,
;;;370;16;;ir müezet vünf jâr ê leben.
;;;370;17;;daz ist iuwerre minne zît ein zal."
;;;370;18;;nû dâht er des, wie Parcifal
;;;370;19;;wîben baz getrûwete denne gote.
;;;370;20;;sîn bevelhen was dirre megde bote
;;;370;21;;Gawane in daz herze sîn.
;;;370;22;;dô lobete er dem vröuwelîn,
;;;370;23;;er wolte durch si wâpen tragen.
;;;370;24;;er begunde ir vürbaz mêre sagen:
;;;370;25;;"in iuwerre hende sî mîn swert.
;;;370;26;;ob iemen juste gegen mir gert,
;;;370;27;;den poinder müezet ir rîten,
;;;370;28;;ir sullet dâ vür mich strîten.
;;;370;29;;man mac mich dâ in strîte sehen,
;;;370;30;;der muoz mînhalp von iu geschehen."
;;;371;1;;si sprach: "wênic mich daz bevilt.
;;;371;2;;ich bin iuwer schirm und iuwer schilt,
;;;371;3;;iuwer herze und iuwer trôst,
;;;371;4;;sît ir mich zwîvels habt erlôst.
;;;371;5;;ich bin vür ungevelle
;;;371;6;;iuwer geleite und iuwer geselle,
;;;371;7;;vür ungelückes schûr ein dach
;;;371;8;;bin ich iu senfteclîch gemach.
;;;371;9;;mîn minne sol iu vride bern,
;;;371;10;;gelückes vor der angest wern,
;;;371;11;;daz iuwer ellen niht verbirt,
;;;371;12;;ir enwert iuch vaste unz an den wirt.
;;;371;13;;ich bin wirt und wirtîn
;;;371;14;;und wil in strîte bî iu sîn.
;;;371;15;;wenne ir des gedingen hât,
;;;371;16;;sælde und ellen iuch niht lât."
;;;371;17;;Dô sprach der werde Gawan:
;;;371;18;;"vrouwe, ich wil beidiu hân,
;;;371;19;;sît ich in iuwerem gebote lebe,
;;;371;20;;iuwer minne und iuweres trôstes gebe."
;;;371;21;;die wîle was ir hendelîn
;;;371;22;;zwischen den henden sîn.
;;;371;23;;dô sprach si: "hêrre, nû lât mich varn.
;;;371;24;;ich muoz ouch mich dâr an bewarn.
;;;371;25;;wie vüeret ir âne mînen solt?
;;;371;26;;dar zuo wær ich iu al ze holt.
;;;371;27;;ich sol mich arbeiten,
;;;371;28;;mîn kleinœte iu bereiten.
;;;371;29;;wenne ir daz traget, dekeine wîs
;;;371;30;;überhœhet iuch niemen an dem prîs."
;;;372;1;;danne vuor diu maget und ir gespil.
;;;372;2;;si buten beide ir dienstes vil
;;;372;3;;Gawane, dem gaste.
;;;372;4;;der neic ir hulden vaste
;;;372;5;;und sprach: "sullet ir werden alt,
;;;372;6;;trüege danne niuwan sper der walt,
;;;372;7;;alsô er ez an anderem holze hât,
;;;372;8;;daz würde iu zwein ein ringiu sât.
;;;372;9;;kan iuwer jugent sus twingen,
;;;372;10;;wellet irz in daz alter bringen,
;;;372;11;;iuwer minne lêret noch ritters hant,
;;;372;12;;dâ von ie schilt gegen sper verswant."
;;;372;13;;dannen vuoren die megde beide
;;;372;14;;mit vröuden sunder leide.
;;;372;15;;des burcgrâven töhterlîn,
;;;372;16;;diu sprach: "nû sagt mir, vrouwe mîn,
;;;372;17;;wes habt ir ime ze gebene wân,
;;;372;18;;sît daz wir niht wenne tocken hân.
;;;372;19;;sint die mîne iht schœner baz,
;;;372;20;;die gebet ime âne mînen haz.
;;;372;21;;dâ wirt vil wênic nâch gestriten."
;;;372;22;;der vürste Lippout kam geriten
;;;372;23;;an dem berge enmitten.
;;;372;24;;Obiloten und Clauditten
;;;372;25;;sach er vor im ûf hin gên.
;;;372;26;;er bat si beide stille stên.
;;;372;27;;dô sprach diu junge Obilot:
;;;372;28;;"vater, mir wart nie sô nôt
;;;372;29;;dîner helfe, dar zuo gip mir rât:
;;;372;30;;der ritter mich gewert hât."
;;;373;1;;"tohter, wes dîn wille gert,
;;;373;2;;hân ichz, des bistû gewert.
;;;373;3;;ouch wol der vrühte, diu an dir lac!
;;;373;4;;dîn geburt was der sælden tac."
;;;373;5;;"vater, sô wil ich dirz sagen,
;;;373;6;;heimelîche mînen kumber klagen.
;;;373;7;;nâch dînen gnâden dar zuo sprich."
;;;373;8;;er bat si heben vür sich.
;;;373;9;;si sprach: "war kœme danne mîn gespil?"
;;;373;10;;dô hielt der ritter bî ime vil,
;;;373;11;;die striten, wer si solte nemen,
;;;373;12;;des mohte ieglîchen wol gezemen,
;;;373;13;;iedoch bôt man si einem dar.
;;;373;14;;Clauditte was ouch wol gevar.
;;;373;15;;alrîtende sprach ir vater zuo ir:
;;;373;16;;"Obilot, nû sage mir
;;;373;17;;ein teil von dîner nœte."
;;;373;18;;"dâ hân ich kleinœte
;;;373;19;;dem vremden ritter gelobet.
;;;373;20;;ich wæne, mîn sin  getobet.
;;;373;21;;hân ich ime niht ze gebene,
;;;373;22;;waz touc ich danne ze lebene,
;;;373;23;;sît er mir dienest hât geboten?
;;;373;24;;sô muoz ich schamelîch roten,
;;;373;25;;ob ich ime niht ze gebene hân.
;;;373;26;;nie megde wart sô liep ein man."
;;;373;27;;dô sprach er: "tohter, warte an mich,
;;;373;28;;ich sol des wol bereiten dich.
;;;373;29;;sît dû dienstes von ime gerst,
;;;373;30;;ich gibe dir, daz dû in wol gewerst,
;;;374;1;;ob dich halt dîn muoter lieze.
;;;374;2;;got gebe, daz ichs genieze.
;;;374;3;;ouwê, er stolzer, werder man,
;;;374;4;;waz ich gedingen gegen ime hân!
;;;374;5;;nie wort ich danne zuo ime gesprach,
;;;374;6;;in mînem slâfe ich in hînaht sach."
;;;374;7;;Lippout gienc vür die herzogîn
;;;374;8;;und Obilot, diu tohter sîn.
;;;374;9;;dô sprach er: "vrouwe, stiuret uns zwei.
;;;374;10;;mîn herze nâch vröuden schrei,
;;;374;11;;dô mich got dirre magt beriet
;;;374;12;;und mich von ungemüete schiet."
;;;374;13;;diu alte herzogîn sprach sân:
;;;374;14;;"waz wellet ir mînes guotes hân?"
;;;374;15;;"vrouwe, sît irs uns bereit,
;;;374;16;;Obilot wil bezzer kleit.
;;;374;17;;si dunket sich niht wirde wert,
;;;374;18;;sît sô werder man ir minne gert
;;;374;19;;und er ir biutet dienstes vil
;;;374;20;;und ouch ir kleinœte wil."
;;;374;21;;dô sprach der megde muoter:
;;;374;22;;"er süezer man vil guoter!
;;;374;23;;ich wæne, ir meinet den vrömden gast.
;;;374;24;;sîn blic ist reht ein meien glast."
;;;374;25;;dô hiez tragen dar diu wîse
;;;374;26;;samît von Ethnise.
;;;374;27;;unversnitener wât truoc man dâ mite,
;;;374;28;;pfelle von Tabronite
;;;374;29;;ûzem lande ze Tribalibot.
;;;374;30;;an Kaukasas daz golt ist rôt,
;;;375;1;;dâr ûz die heiden manige wât
;;;375;2;;wirket, diu vil spæhe hât,
;;;375;3;;mit rehter art ûz sîden.
;;;375;4;;Lippout hiez balde snîden
;;;375;5;;Sîner tohter kleider.
;;;375;6;;er missete gerne ir beider,
;;;375;7;;der bœsten und der besten.
;;;375;8;;einen pfelle mit golde vesten,
;;;375;9;;des sneit man an daz vröuwelîn.
;;;375;10;;ir muose ein arm geblœzet sîn.
;;;375;11;;dâ was ein ermel von genomen,
;;;375;12;;der solte Gawane komen.
;;;375;13;;daz was ir prêsente:
;;;375;14;;pfelle von Noriente,
;;;375;15;;verre ûz heidenschaft gevuort.
;;;375;16;;der hete ir zesewen arm geruort,
;;;375;17;;doch  den roc niht genæt.
;;;375;18;;dâ enwart nie vadem zuo gedræt.
;;;375;19;;den brâhte Clauditte dar
;;;375;20;;Gawane, dem wol gevar.
;;;375;21;;dô wart sîn lîp vor sorgen vrîe.
;;;375;22;;sîner schilte wâren drîe.
;;;375;23;;ûf einen sluoc er  alzehant.
;;;375;24;;allez sîn trûren gar verswant.
;;;375;25;;sînen grôzen danc er niht versweic,
;;;375;26;;vil dicke dem wege neic,
;;;375;27;;den diu juncvrowe gienc,
;;;375;28;;diu in sô güeteclîch enpfienc
;;;375;29;;und in sô minneclîche
;;;375;30;;an vröuden mahte rîche.
;;;376;1;;Der tac hete ende und kam diu naht.
;;;376;2;;ze beider sîte was grôziu maht,
;;;376;3;;manic werlîch ritter guot.
;;;376;4;;wære des ûzeren hers niht solichiu vluot,
;;;376;5;;sô heten die inneren strîtes vil.
;;;376;6;;dô mâzen si ir letze zil
;;;376;7;;bî dem liehten mânen.
;;;376;8;;si kunden sich wol ânen
;;;376;9;;vorhtlîcher zagheit.
;;;376;10;;vor tage wart von in bereit
;;;376;11;;zwelf zingel wîte,
;;;376;12;;vergrabet gegen dem strîte,
;;;376;13;;daz ieglîch zingel muose hân
;;;376;14;;ze ros ûz drîe barbigân.
;;;376;15;;Kardefablet de Jamor,
;;;376;16;;des marschalc nam dâ vier tor,
;;;376;17;;dâ man morgens sach sîn her
;;;376;18;;wol mit ellenthafter wer.
;;;376;19;;der herzoge rîche
;;;376;20;;streit dâ ritterlîche.
;;;376;21;;diu wirtîn was sîn swester.
;;;376;22;;er was des muotes vester
;;;376;23;;danne manic strîtic man,
;;;376;24;;der wol in strîte tûren kan.
;;;376;25;;des leit er dicke in strîte pîn.
;;;376;26;;sîn her dâ zogete des nahtes în.
;;;376;27;;er was verre dar gestrichen,
;;;376;28;;wand er was selten entwichen
;;;376;29;;strîteclîcher herte.
;;;376;30;;vier porten er wol dâ werte.
;;;377;1;;waz hers anderhalp der brücke lac,
;;;377;2;;daz zougete ouch über, ê kœme der tac,
;;;377;3;;ze Bearosche in die stat,
;;;377;4;;als si Lippout, der vürste, bat.
;;;377;5;;dô wâren die von Jamor
;;;377;6;;geriten über die brücken vor.
;;;377;7;;man bevalch iegelîche porten sô,
;;;377;8;;daz si werlîchen dô
;;;377;9;;stuonden, dô der tac erschein.
;;;377;10;;Scherules, der kôs im ein,
;;;377;11;;die er und Gawan
;;;377;12;;niht unbehuot wolten lân.
;;;377;13;;man hôrte dâ von den gesten
;;;377;14;;- ich wæne, daz wâren die besten -,
;;;377;15;;die klageten, daz dâ was geschehen
;;;377;16;;ritterschaft gar âne ir sehen
;;;377;17;;und daz diu vesperîe ergienc,
;;;377;18;;daz ir dekeiner just dâ entvienc.
;;;377;19;;diu klage was gar âne nôt,
;;;377;20;;ungezalt mans in dâ bôt,
;;;377;21;;allen den, die es dô geruochten
;;;377;22;;und es ûz ze velde suochten.
;;;377;23;;in den gazzen kôs man grôze slâ.
;;;377;24;;ouch sach man hie und dâ
;;;377;25;;manige baniere zogen în,
;;;377;26;;allez bî dem mâneschîn,
;;;377;27;;und manigen helm von rîcher kost
;;;377;28;;- man wolte si vüeren gegen der jost -
;;;377;29;;und manic sper wol gemâl.
;;;377;30;;ein Regensburger zindâl
;;;378;1;;dâ wære ze swachem werde,
;;;378;2;;vor Bearosche ûf der erde,
;;;378;3;;man sach dâ wâpenrocke vil
;;;378;4;;hôher an der koste zil.
;;;378;5;;Diu naht tet nâch altem site:
;;;378;6;;am orte ein tac ir zogete mite.
;;;378;7;;den kôs man niht bî lerchen sanc.
;;;378;8;;manic her dâ vil lûte erklanc;
;;;378;9;;daz kam von strîtes sachen.
;;;378;10;;man hôrte sper dâ krachen,
;;;378;11;;rehte als ez wære ein wolkenrîz.
;;;378;12;;dô was daz junge her von Liz
;;;378;13;;komen an die von Lirwoin
;;;378;14;;und an den künic von Avendroin.
;;;378;15;;dâ erhal manic rîchiu juste guot,
;;;378;16;;als der würfe in eine gluot
;;;378;17;;ganze kastâne.
;;;378;18;;âvoy, wie ûf dem plâne
;;;378;19;;von den gesten wart geriten
;;;378;20;;und von den burgæren wart gestriten!
;;;378;21;;Gawane und dem schahteliure
;;;378;22;;durch der sêlen âventiure
;;;378;23;;und durch ir sælden urhap
;;;378;24;;ein pfaffe ein messe gap.
;;;378;25;;der sanc si beide gote und in.
;;;378;26;;dô nâhete ir werdicheit gewin,
;;;378;27;;wand ez was ir gesetze.
;;;378;28;;dô riten si in ir letze.
;;;378;29;;ir zingel was dâ vor behuot
;;;378;30;;mit manigem werden ritter guot.
;;;379;1;;daz wâren Scheruleses man;
;;;379;2;;von den wart ez guot getân.
;;;379;3;;Daz mac ich nû sprechen mêr,
;;;379;4;;wane Poidiconiunz was hêr.
;;;379;5;;der reit dar zuo mit solicher kraft,
;;;379;6;;wære Swarzwalt ieglîch stûde ein schaft,
;;;379;7;;man dörfte dâ niemêr waldes sehen,
;;;379;8;;wer sîne schar wolte spehen.
;;;379;9;;der reit mit sehs vanen zuo,
;;;379;10;;vor den man strîtes begunde vruo.
;;;379;11;;pusûnære gâben dôzes klac
;;;379;12;;als der toner, der ie pflac
;;;379;13;;vil angestlîcher vorhte.
;;;379;14;;manic tambûre dâ worhte
;;;379;15;;mit der busûnære galm.
;;;379;16;;wart inder dâ kein stupfelhalm
;;;379;17;;getretet, des enmöhte ich niht.
;;;379;18;;er vürhtet der wîngarten niht
;;;379;19;;von treten noch der selben nôt.
;;;379;20;;manic rosses vuoz die slâge bôt.
;;;379;21;;dô kam der herzoge Astor
;;;379;22;;mit strîte an die von Jamor.
;;;379;23;;dâ wurden juste gewetzet,
;;;379;24;;manic werder man entsetzet
;;;379;25;;hinder daz ros ûf den acker.
;;;379;26;;si wâren ir strîtes wacker.
;;;379;27;;vil vrömder krîe man dâ rief.
;;;379;28;;manic vol âne sînen meister lief,
;;;379;29;;des hêrre dort ze vuoze stuont.
;;;379;30;;ich wæne, dem was gevelle kunt.
;;;380;1;;Dô ersach mîn hêr Gawan,
;;;380;2;;daz gevlohten was der plân,
;;;380;3;;die vriunt in der vîende schar.
;;;380;4;;er huop ouch sich mit poinder dar.
;;;380;5;;in welich wîs sîn ze warten.
;;;380;6;;diu ros doch wênic sparten
;;;380;7;;Scherules und alle die sîne.
;;;380;8;;die brâhte Gawan in pîne.
;;;380;9;;waz er dâ ritter nider stach
;;;380;10;;und waz er starker sper zerbrach,
;;;380;11;;der werden tavelrunder bote,
;;;380;12;;hete er die kraft niht von gote,
;;;380;13;;sô wære dâ prîs vür in gegert.
;;;380;14;;dâ wart erklenget manic swert.
;;;380;15;;im wâren alein beidiu her,
;;;380;16;;gegen den was sîn hant ze wer,
;;;380;17;;die von Liz und die von Gros.
;;;380;18;;von beider sîte er manic ros
;;;380;19;;gezogen brâhte schiere
;;;380;20;;zuo sînes wirtes baniere.
;;;380;21;;er vrâgete, ob si iemen wolte dâ.
;;;380;22;;der was dâ vil, die sprâchen jâ.
;;;380;23;;si wurden alle gelîche
;;;380;24;;sîner geselleschaft rîche.
;;;380;25;;dô kam ein ritter her gevarn,
;;;380;26;;der ouch diu sper niht kunde sparn.
;;;380;27;;laschahtelis de Beavois
;;;380;28;;und Gawan, der kurtois,
;;;380;29;;kômen an ein ander,
;;;380;30;;daz der junge Lisavander
;;;381;1;;hinderem ros ûf den bluomen lac,
;;;381;2;;wand er juste gevelle pflac.
;;;381;3;;daz ist mir durch den knappen leit,
;;;381;4;;des anderen tages mit zühten reit
;;;381;5;;und Gawane sagete mære,
;;;381;6;;wâ von diz komen wære.
;;;381;7;;der erbeizete über sînen hêrren nider.
;;;381;8;;Gawan in erkante und gap ime wider
;;;381;9;;daz ros, daz dâ wart bejaget.
;;;381;10;;der knappe ime neic, wart mir gesaget.
;;;381;11;;nû seht, wâ Kardefablet
;;;381;12;;selbe ûf dem acker stêt
;;;381;13;;von einer just mit hurte erkant,
;;;381;14;;die zilte Meliaganzes hant.
;;;381;15;;dô zucketen in die sîne enbor.
;;;381;16;;dâ wart dicke 'Jamor'
;;;381;17;;mit herten swertslegen geschrît.
;;;381;18;;dâ wart enge und niht ze wît,
;;;381;19;;dâ hurte gegen hurte dranc.
;;;381;20;;manic helm in in ôren klanc.
;;;381;21;;Gawan nam sîne geselleschaft.
;;;381;22;;dô ergienc sîn poinder mit kraft.
;;;381;23;;mit sînes wirtes baniere
;;;381;24;;beschutt er harte schiere
;;;381;25;;von Jamor den werden.
;;;381;26;;dô wart ûf die erden
;;;381;27;;rîter vil gevellet.
;;;381;28;;gloubetz, ob ir wellet.
;;;381;29;;geziuge sint mir gar verzaget,
;;;381;30;;wanne als diu âventiure saget.
;;;382;1;;lacons de Funtane
;;;382;2;;vuor gegen Gawane.
;;;382;3;;dâ wart sô rîch ein just getân,
;;;382;4;;daz der starke Laheduman
;;;382;5;;hinder dem rosse ûf dem acker lac.
;;;382;6;;dar nâch er sicherheite pflac,
;;;382;7;;der stolze degen wert erkant.
;;;382;8;;diu ergienc in Gawanes hant.
;;;382;9;;dô streit der herzoge Astor
;;;382;10;;den zingelen aller nâhest vor.
;;;382;11;;dâ ergienc manic herteclîcher strît.
;;;382;12;;dicke dô 'Nantes' wart geschrît,
;;;382;13;;Artuses herzeichen.
;;;382;14;;die herten, niht die weichen,
;;;382;15;;was dâ manic ellender Brituneis
;;;382;16;;und die soldiere von Destrigaleis
;;;382;17;;ûz Ereckes lande,
;;;382;18;;der tât man dâ bekande.
;;;382;19;;ir pflac die de Laverunz.
;;;382;20;;ouch mohte Poidiconiunz
;;;382;21;;die Britunoise hân ledic lân.
;;;382;22;;sô wart ez dâ von in getân.
;;;382;23;;si wâren Artuse
;;;382;24;;zer Muntane Cluse
;;;382;25;;ab gevangen, dâ man strîten sach.
;;;382;26;;in einem sturme daz geschach.
;;;382;27;;si schrîten 'Nantes' nâch ir siten
;;;382;28;;hie oder wâ si strîtes biten.
;;;382;29;;daz was ir krîe und ir art.
;;;382;30;;etslîcher truoc vil hôhen bart.
;;;383;1;;ouch hete etslîcher Britun
;;;383;2;;durch bekantnisse ein gampilûn
;;;383;3;;eintweder ûf helm oder ûf den schilt
;;;383;4;;nâch Ilinotes  wâpen gezilt.
;;;383;5;;daz was Artuses werder sun.
;;;383;6;;waz mohte Gawan dô tuon?
;;;383;7;;er siufzet, dô er diu wâpen sach,
;;;383;8;;want ime sîn herze jâmers jach.
;;;383;9;;sînes œheimes sunes tôt
;;;383;10;;brâhte Gawanen in jâmers nôt.
;;;383;11;;er erkante wol der wâpen schîn.
;;;383;12;;dô liefen über diu ougen sîn.
;;;383;13;;er liez die von Britane
;;;383;14;;sus tûren ûf dem plâne.
;;;383;15;;er wolte mit in strîten niht,
;;;383;16;;als man noch vriuntschaft giht.
;;;383;17;;er reit gegen Melianzes her.
;;;383;18;;dâ wâren die burgære ze wer,
;;;383;19;;daz mans in danken mohte,
;;;383;20;;wan daz in doch niht tohte,
;;;383;21;;daz velt gegen überkraft ze behaben.
;;;383;22;;si wâren entwichen gegen dem graben.
;;;383;23;;Den burgæren manige just dâ bôt
;;;383;24;;ein ritter allenthalben rôt.
;;;383;25;;der hiez der ungenante,
;;;383;26;;wand in niemen dâ bekante.
;;;383;27;;ich sag ez iu, als ichz hân vernomen:
;;;383;28;;er was ze Melianze komen
;;;383;29;;dâ vor an dem dritten tage.
;;;383;30;;des kômen die burgære in klage.
;;;384;1;;Melianz er helfe sich bewac.
;;;384;2;;der erwarp ouch ime von Semblidac
;;;384;3;;zwelf knappen, die sîn nâmen war
;;;384;4;;an der juste und an der poinder schar.
;;;384;5;;waz sper gebieten mohte ir hant,
;;;384;6;;diu wurden gar von ime verswant.
;;;384;7;;sîne juste wâren von hurte hel,
;;;384;8;;want er den künic Schirniel
;;;384;9;;und sînen bruoder dâ vienc.
;;;384;10;;dannoch dâ mêr von ime ergienc:
;;;384;11;;sicherheit er niht erliez
;;;384;12;;den herzogen Marangliez.
;;;384;13;;die wâren des ortes herte.
;;;384;14;;ir volc sich dannoch werte.
;;;384;15;;Melianz, der künic, dâ selbe streit.
;;;384;16;;wem er liep oder herzeleit
;;;384;17;;hete getân, die muosen jehen,
;;;384;18;;daz selten mêre wære geschehen
;;;384;19;;von dekeinem als jungen man,
;;;384;20;;als ez dâ von ime wart getân.
;;;384;21;;sîn hant vil vester schilte kloup.
;;;384;22;;waz starker sper von ime stoup,
;;;384;23;;dâ sich poinder in poinder slôz.
;;;384;24;;sîn jungez herze was sô grôz,
;;;384;25;;daz er strîtes muose gern.
;;;384;26;;des enmoht in nieman dâ gewern
;;;384;27;;volleclîche, daz was ein nôt,
;;;384;28;;unz er Gawane justieren bôt.
;;;384;29;;Gawan ze sînen knappen nam
;;;384;30;;der zwelf sper einez von Agram,
;;;385;1;;als erz erwarp zem Plimizol.
;;;385;2;;Melianzes krîe was 'Barbigol',
;;;385;3;;diu werde houbetstat in Liz.
;;;385;4;;Gawan nam sîner juste vlîz.
;;;385;5;;dô lêrte Melianzen pîn
;;;385;6;;von Arastegentesin
;;;385;7;;der starke rœrîne schaft
;;;385;7;1;
;;;385;7;2;
;;;385;8;;durch den schilt in dem arme brast.
;;;385;9;;ein rîchiu juste dâ geschach.
;;;385;10;;Gawan in vlügelingen nider stach
;;;385;11;;und in zwei sînen hindern satelbogen,
;;;385;12;;daz die helde vür unbetrogen
;;;385;13;;hinder den rossen stuonden.
;;;385;14;;dô tâtens, als si kunden,
;;;385;15;;mit den swerten tûren.
;;;385;16;;dâ wæren zwên gebûren
;;;385;17;;gedroschen mêre danne genuoc.
;;;385;18;;ietweder des anderen garbe truoc.
;;;385;19;;stückeht die wurden hin geslagen.
;;;385;20;;Melianz ein sper ouch muose tragen,
;;;385;21;;daz steckete dem helde durch den arm.
;;;385;22;;bluot und sweiz im machte warm.
;;;385;23;;dô zuckete in mîn hêr Gawan
;;;385;24;;in Brevigariezer barbigân
;;;385;25;;und twanc in sicherheite.
;;;385;26;;der was er ime bereite.
;;;385;27;;wær aber der junge man niht wunt,
;;;385;28;;dâ enwære niemen sô gâhes kunt,
;;;385;29;;daz er ime würde undertân.
;;;385;30;;man müese ez in langer hân erlân.
;;;386;1;;Der vürste Lippout, des landes wirt,
;;;386;2;;sîn manlîch ellen niht verbirt;
;;;386;3;;gegen dem streit der künic von Gros.
;;;386;4;;dô muosen beidiu liut und ros
;;;386;5;;von geschützen lîden pîne,
;;;386;6;;dâ die Kahetine
;;;386;7;;und die sarjande von Semblidac,
;;;386;8;;ieglîcher sîner künste pflac.
;;;386;9;;turkopele kunden wenken;
;;;386;10;;die burgære muosen denken,
;;;386;11;;waz vîende von ir letzen schiet.
;;;386;12;;si heten sarjande ad piet.
;;;386;13;;ir zingele wâren sô behuot,
;;;386;14;;als dâ man noch daz beste tuot.
;;;386;15;;welich wert man dâ den lîp verlôs,
;;;386;16;;Obien zorn er unsanfte kôs,
;;;386;17;;wand ir tumbiu lôsheit
;;;386;18;;vil liute brâhte in arbeit.
;;;386;19;;wes engalte der vürste Lippout?
;;;386;20;;sîn hêrre, der alte künic Schout,
;;;386;21;;hete es in erlâzen gar.
;;;386;22;;dô begunden müeden ouch die schar.
;;;386;23;;dannoch streit vaste Meliaganz.
;;;386;24;;ob sîn schilt wære ganz?
;;;386;25;;des enwas niht hende breit bliben.
;;;386;26;;dô hete in verre vertriben
;;;386;27;;der herzoge Kardefablet.
;;;386;28;;der turnei al stille stêt
;;;386;29;;ûf einem blüemînen plân.
;;;386;30;;dô kam mîn hêr Gawan.
;;;387;1;;des kam Meliaganz in nôt,
;;;387;2;;daz ime der werde Lanzelot
;;;387;3;;Nie sô vaste zuo getrat,
;;;387;4;;dô er von der swertbrücke pfat
;;;387;5;;kam und dâ nâch mit im streit.
;;;387;6;;im was gevancnüsse leit,
;;;387;7;;die vrouwe Ginover dolte,
;;;387;8;;die er dâ mit strîte holte.
;;;387;9;;dô punierte Lotes sun.
;;;387;10;;waz mohte Meliaganz nû tuon,
;;;387;11;;er entribe noch daz ros mit sporn dar?
;;;387;12;;vil liute nam der juste war.
;;;387;13;;wer dâ hinder dem rosse læge?
;;;387;14;;den der von Norwæge
;;;387;15;;gevellet hete ûf die ouwe.
;;;387;16;;manic ritter und vrouwe
;;;387;17;;dise just ersâhen,
;;;387;18;;die Gawane prîses jâhen.
;;;387;19;;
;;;387;20;;
;;;387;21;;Meliaganz wart getret,
;;;387;22;;durch sîn kursît gewet
;;;387;23;;manic ros, daz nie gruose enbeiz.
;;;387;24;;ez reis ûf in der bluotic sweiz.
;;;387;25;;dâ ergienc der rosse schelmentac,
;;;387;26;;dâr nâch den gîren ir bejac.
;;;387;27;;dô nam der herzoge Astor
;;;387;28;;Meliaganz de Jamor.
;;;387;29;;der was vil nâch gevangen.
;;;387;30;;der turnei was ergangen.
;;;388;1;;wer dâ nâch prîse wolte rîten
;;;388;2;;und nâch der wîbe lône strîten,
;;;388;3;;der möht ich niht erkennen.
;;;388;4;;solt ich si alle nennen,
;;;388;5;;ich würde ein unmüezic man.
;;;388;6;;innerhalp wart ez dâ guot getân
;;;388;7;;durch die jungen Obilot
;;;388;8;;und ûzerhalp ein ritter rôt,
;;;388;9;;die zwêne behielten dâ den prîs,
;;;388;10;;vür si nieman dekeine wîs.
;;;388;11;;dô des ûzern hers gast
;;;388;12;;innen wart, daz ime gebrast
;;;388;13;;dienstdankes von dem meister sîn
;;;388;14;;- der was gevangen hin în -,
;;;388;15;;er reit, dâ er sîne knappen sach.
;;;388;16;;ze sînen gevangen er dô sprach:
;;;388;17;;"ir hêrren, gebet mir sicherheit.
;;;388;18;;nû ist mir widervarn leit:
;;;388;19;;gevangen ist der künic von Liz.
;;;388;20;;nû kêret allen iuwern vlîz,
;;;388;21;;ob er ledic müeze sîn,
;;;388;22;;mac er sô vil geniezen mîn",
;;;388;23;;sprach er zem künic von Avendroin
;;;388;24;;und ze Schirniel von Lirwoin
;;;388;25;;und zem herzogen Marangliez.
;;;388;26;;mit spæher gelübde er si liez
;;;388;27;;von ime rîten in die stat.
;;;388;28;;Melianzen er si lœsen bat
;;;388;29;;oder daz si erwürben im den Grâl.
;;;388;30;;si enkunden ime ze keinem mâl
;;;389;1;;niht gesagen, wâ der was,
;;;389;2;;wanne sîn pflæge ein künic, hiez Anfortas.
;;;389;3;;dô diu rede von in geschach,
;;;389;4;;der rôte ritter aber sprach:
;;;389;5;;"ob mîner bete dô niht ergât,
;;;389;6;;sô vart, dâ Pelraperie stât.
;;;389;7;;bringet der künigîn iuwer sicherheit
;;;389;8;;und saget ir, der durch si dâ streit
;;;389;9;;mit Kingrune und mit Clamide,
;;;389;10;;dem sî nû nâch dem Grâle wê
;;;389;11;;und doch wider nâch ir minne.
;;;389;12;;nâch beiden ich iemer sinne.
;;;389;13;;nû sage ich ir sus, ich sante iuch dar,
;;;389;14;;ir helde, daz iuch got bewar."
;;;389;15;;mit urloube si dô riten în.
;;;389;16;;dô sprach er zuo den knappen sîn:
;;;389;17;;"wir sîn gewinnes unverzaget.
;;;389;18;;nemt, waz rosse hie sî bejaget,
;;;389;19;;wanne einez lât mir an dirre stunt.
;;;389;20;;ir sehet wol, daz mîne ist sêre wunt."
;;;389;21;;dô sprâchen die knappen guot:
;;;389;22;;"hêrre, iuwer gnâde, daz ir uns tuot
;;;389;23;;iuwer helfe alsô grœzlîch.
;;;389;24;;wir sîn nû iemer mêre rîch."
;;;389;25;;er welt im einez ûf sîne vart,
;;;389;26;;mit den kurzen ôren Ingliart,
;;;389;27;;daz dort von Gawane gienc,
;;;389;28;;innen des er Melianzen vienc.
;;;389;29;;dâ holt ez des rôten ritters hant.
;;;389;30;;des wart verdürkelt etlîch rant.
;;;390;1;;mit urloube tet er dankêre.
;;;390;2;;vünfzehen ros oder mêre
;;;390;3;;liez er in âne wunden.
;;;390;4;;die knappen danken kunden.
;;;390;5;;si bâten in belîben vil.
;;;390;6;;vürbaz was gestôzen sîn zil.
;;;390;7;;dô kêrte der gehiure,
;;;390;8;;dâ grôz gemach was tiure.
;;;390;9;;er ensuohete niwan strîten.
;;;390;10;;ich wæne, bî sînen zîten
;;;390;11;;ie kein man sô vil gestreit.
;;;390;12;;daz ûzer her alzogende reit.
;;;390;13;;
;;;390;14;;dort inne der vürste Lippout sprach
;;;390;15;;und vrâgete, wie ez dâ wære komen,
;;;390;16;;wand er hate vernomen,
;;;390;17;;Melianz wære gevangen.
;;;390;18;;daz was ime liebe ergangen.
;;;390;19;;ez kam ime ouch sît ze trôste.
;;;390;20;;Gawan den ermel lôste
;;;390;21;;âne zerren von dem schilte
;;;390;22;;- sînen prîs er hœher zilte -,
;;;390;23;;den gap er Clauditten.
;;;390;24;;an dem orte und enmitten
;;;390;25;;was er durchstochen und durchslagen.
;;;390;26;;er hiez in Obilote tragen.
;;;390;27;;dô wart der megde vröude grôz.
;;;390;28;;ir arm was blanc und blôz.
;;;390;29;;dar über hefte si in dô sân.
;;;390;30;;si sprach: "wer hât mir getân?",
;;;391;1;;iemer wenne si vür ir swester gienc,
;;;391;2;;diu disen schimpf mit zorne enpfienc.
;;;391;3;;den rittern was dâ ruowe nôt,
;;;391;4;;wand ir grôz müede daz gebôt.
;;;391;5;;Scherules nam Gawan
;;;391;6;;und den grâven Laheduman.
;;;391;7;;dennoch mêr ritter er dâ vant,
;;;391;8;;die Gawan mit sîner hant
;;;391;9;;des tages ûf dem velde vienc,
;;;391;10;;dâ manic grôz hurte ergienc.
;;;391;11;;dô sazte si werdeclîche
;;;391;12;;der burcgrâve rîche,
;;;391;13;;und alliu sîn müediu schar
;;;391;14;;stuonden vor dem künige gar,
;;;391;15;;unz Melianz enbeiz.
;;;391;16;;guoter handelunge er sich vleiz.
;;;391;17;;des dûhte Gawanen ze vil.
;;;391;18;;"ob ez der künic erlouben wil,
;;;391;19;;hêr wirt, sô sollet ir sitzen",
;;;391;20;;sprach Gawan mit witzen.
;;;391;21;;sîn zuht in dar zuo jagete.
;;;391;22;;der wirt die bete versagete.
;;;391;23;;er sprach: "mîn hêrre ist des küniges man.
;;;391;24;;dienest hete er getân,
;;;391;25;;ob den künic des gezæme,
;;;391;26;;daz er sînen dienest næme.
;;;391;27;;mîn hêrre durch zuht sîn niht ensiht,
;;;391;28;;wand er hât sîner hulde niht.
;;;391;29;;gesamet die vriuntschaft iemer got,
;;;391;30;;sô leisten wir alle sîn gebot."
;;;392;1;;dô sprach der künic Melianz:
;;;392;2;;"iuwer zuht was ie ganz,
;;;392;3;;die wîle daz ich wonte hie,
;;;392;4;;daz iuwer rât mich nie verlie.
;;;392;5;;hete ich iu baz gevolget dô,
;;;392;6;;sô sæhe man mich hiute vrô.
;;;392;7;;nû helfet mir, grâve Scherules,
;;;392;8;;wand ich iu wol getrûwe des,
;;;392;9;;umb mînen hêrren, der mich hie hât
;;;392;10;;- si hœrent wol beide iuwern rât -,
;;;392;11;;und Lippout, der ander vater mîn,
;;;392;12;;der tuo sîne zuht nû gegen mir schîn.
;;;392;13;;sîner hulde het ich niht verlorn,
;;;392;14;;wolt es sîn tohter hân enborn.
;;;392;15;;diu brüefete gegen mir tôren schimpf.
;;;392;16;;daz was unvrowelîch glimpf."
;;;392;17;;dô sprach der werde Gawan:
;;;392;18;;"hie wirt ein suone getân,
;;;392;19;;die niemen scheidet wan der tôt."
;;;392;20;;dô kômen die der ritter rôt
;;;392;21;;hin ûz hete gevangen
;;;392;22;;ûf vür den künic gegangen.
;;;392;23;;die sageten, wie ez dâ wære komen.
;;;392;24;;dô Gawan hete vernomen
;;;392;25;;sîniu wâpen, der mit in dâ streit
;;;392;26;;und wem si gâben sicherheit,
;;;392;27;;und dô si im sageten umben Grâl,
;;;392;28;;dô dâht er des, Parcifal
;;;392;29;;dises mæres wær ein urhap.
;;;392;30;;sîn nîgen er gegen himele gap,
;;;393;1;;daz got ir strîtes gegenniet
;;;393;2;;des tages von ein ander schiet.
;;;393;3;;des was ir helendiu zuht ein pfant,
;;;393;4;;daz ir enweder wart genant.
;;;393;5;;si enkante ouch niemen anders dâ.
;;;393;6;;daz tet man aber anderswâ.
;;;393;7;;ze Melianze sprach Scherules:
;;;393;8;;"hêrre, muoz ich iuch bitten des,
;;;393;9;;sô ruochet mînen hêrren sehen.
;;;393;10;;wes vriunt dâ beidenthalben jehen,
;;;393;11;;des sult ir gerne volgen
;;;393;12;;und sît ime niht erbolgen."
;;;393;13;;daz dûhte si guot über al.
;;;393;14;;dô vuorens ûf des küniges sal,
;;;393;15;;daz inner her von der stat.
;;;393;16;;des vürsten marschalc si des bat.
;;;393;17;;dô nam mîn hêr Gawan
;;;393;18;;den grâven Laheduman
;;;393;19;;und ander sîne gevangen.
;;;393;20;;die kômen dar zuo gegangen.
;;;393;21;;er bat si geben sicherheit,
;;;393;22;;die er des tages ab in erstreit,
;;;393;23;;Scherules, sînem wirt.
;;;393;24;;mannegelîch nû niht verbirt,
;;;393;25;;si envüeren, als dâ gelobet was,
;;;393;26;;ze Bearosche ûf den palas.
;;;393;27;;Melianz gap diu burcgrævîn
;;;393;28;;rîchiu kleider und ein rîselîn,
;;;393;29;;dâ er sînen wunden arm în hienc,
;;;393;30;;dâ Gawanes juste durch ergienc.
;;;394;1;;Gawan bî Scherules enbôt
;;;394;2;;sîner vrouwen Obilot,
;;;394;3;;daz er si gerne wolte sehen
;;;394;4;;und ouch mit wârheit jehen
;;;394;5;;ir sînes lîbes undertân
;;;394;6;;und er wolte ouch ir urloup hân.
;;;394;7;;"und sagt, ich lâze ir den künic hie.
;;;394;8;;bittet si sich bedenken, wie
;;;394;9;;dâ si in alsô behalte,
;;;394;10;;daz prîs ir vuore walte."
;;;394;11;;dise rede hôrt Melianz.
;;;394;12;;er sprach: "Obilot wirt kranz
;;;394;13;;aller wîplîcher güete.
;;;394;14;;daz senftet mir mîn gemüete,
;;;394;15;;ob ich ir sicherheit muoz geben,
;;;394;16;;daz ich ir vrides hie sol leben."
;;;394;17;;"ir sult si dâ vür hân erkant,
;;;394;18;;ich envienc hie niemen wanne ir hant",
;;;394;19;;sprach der werde Gawan.
;;;394;20;;"mînen prîs sol si aleine hân."
;;;394;21;;Scherules kam vür geriten.
;;;394;22;;nû enwas ze hove niht vermiten,
;;;394;23;;dâ enwære magt, man und wîp,
;;;394;24;;in solher wæte ieglîches lîp,
;;;394;25;;daz man dâ kranker, armer wât
;;;394;26;;des tages hete dâ lîhten rât.
;;;394;27;;mit Melianz ze hove reit
;;;394;28;;al die dort ûze ir sicherheit
;;;394;29;;ze pfande heten lâzen.
;;;394;30;;dort al vieriu sâzen:
;;;395;1;;Lippout, sîn wîp und sîniu kint.
;;;395;2;;ûf giengen die dâ komen sint.
;;;395;3;;der wirt gegen sînem hêrren spranc.
;;;395;4;;ûf dem palas was grôz gedranc,
;;;395;5;;dâ er den vîent und den vriunt enpfienc.
;;;395;6;;Melianz bî Gawan gienc.
;;;395;7;;"kondez iu niht versmâhen,
;;;395;8;;mit kusse iuch wolte enpfâhen,
;;;395;9;;hêrre, iuwer altiu vriundîn,
;;;395;10;;ich meine mîn wîp, die herzogîn."
;;;395;11;;Melianz antwurte dem wirte sân:
;;;395;12;;"ich wil gerne ir kus mit grüezen hân,
;;;395;13;;zweier vrouwen, die ich hie sihe,
;;;395;14;;der dritten ich niht suone gihe."
;;;395;15;;des weineten die alteren dô.
;;;395;16;;Obilot was vaste vrô.
;;;395;17;;der künic mit kusse enpfangen wart
;;;395;18;;und zwêne andere künige âne bart,
;;;395;19;;als tet der herzoge Marangliez.
;;;395;20;;Gawan man kusses ouch niht erliez
;;;395;21;;und daz er næme sîne vrouwen dar.
;;;395;22;;er druhte daz kint wol gevar
;;;395;23;;als eine tocken an sîne brust.
;;;395;24;;des twanc in vriuntlîch gelust.
;;;395;25;;hin ze Melianze er sprach:
;;;395;26;;"iuwer hant mir sicherheit jach.
;;;395;27;;der sît nû ledic und gebet si her.
;;;395;28;;aller mîner vröuden wer
;;;395;29;;sitzet an dem arme mîn.
;;;395;30;;ir gevangen sullet ir sîn."
;;;396;1;;Melianz durch daz dar nâher gienc.
;;;396;2;;diu maget Gawanen zuo ir gevienc.
;;;396;3;;Obilote doch sicherheit geschach,
;;;396;4;;daz ez manic ritter wert sach.
;;;396;5;;"hêr künic, nû habet ir missetân,
;;;396;6;;sol mîn ritter sîn ein koufman,
;;;396;7;;des mich mîn swester vil an streit,
;;;396;8;;daz ir ime gâbet sicherheit",
;;;396;9;;sus sprach diu maget Obilot.
;;;396;10;;Melianz si dâ nâch gebôt,
;;;396;11;;daz er der sicherheit verjæhe,
;;;396;12;;diu in ir hant geschæhe,
;;;396;13;;ir swester Obien.
;;;396;14;;"zuo einer âmîen
;;;396;15;;sullet ir si hân durch ritters prîs.
;;;396;16;;ze einem hêrren und ze einem âmîs
;;;396;17;;sol si iuch iemer gerne hân.
;;;396;18;;ich wil es iuch enwederhalp lân."
;;;396;19;;got ûzer süezem munde sprach.
;;;396;20;;ir bete beidenthalp geschach.
;;;396;21;;dâ meistert vrouwe minne
;;;396;22;;mit ir krefteclîchem sinne
;;;396;23;;und herzlîchiu triuwe
;;;396;24;;der zweier minne alniuwe.
;;;396;25;;Obien hant vür den mantel sleif,
;;;396;26;;dâ si Melianzes hant begreif.
;;;396;27;;alweinende in kuste ir rôter munt,
;;;396;28;;dâ der wart von juste wunt.
;;;396;29;;manic zaher ime den arm begôz,
;;;396;30;;der von ir liehten ougen vlôz.
;;;397;1;;wer mahte si vor der diet sô balt?
;;;397;2;;daz tet diu minne junc und alt.
;;;397;3;;Lippout dô sînen willen sach,
;;;397;4;;wand ime sô liebe nie geschach,
;;;397;5;;si got der êre in niht erliez,
;;;397;6;;sîne tohter er dô vrouwen hiez.
;;;397;7;;Wie diu hôchzît ergienc,
;;;397;8;;des vrâget den, der dâ gâbe enpfienc,
;;;397;9;;und war mannegelîch dô rite,
;;;397;10;;er hete gemach oder strite,
;;;397;11;;des enmac ich nû kein ende hân.
;;;397;12;;man sagete mir, daz Gawan
;;;397;13;;urloup nam ûf dem palas,
;;;397;14;;dar er durch urloup komen was.
;;;397;15;;Obilot des weinde vil.
;;;397;15;1;
;;;397;15;2;
;;;397;16;;si sprach: "mit iu ich hinnen varn wil."
;;;397;17;;dô wart der sældebæren maget
;;;397;18;;diu bete von Gawane versaget.
;;;397;19;;ir muoter si kûme von ime gebrach.
;;;397;20;;urloup er dô zuo in allen sprach.
;;;397;21;;Lippout ime dienestes bôt genuoc,
;;;397;22;;wand er ime holdez herze truoc.
;;;397;23;;Scherules, sîn stolzer wirt,
;;;397;24;;mit alden sînen niht verbirt,
;;;397;25;;er enrîte ûz mit dem degen balt.
;;;397;26;;Gawans strâze ûf einen walt
;;;397;27;;gienc. dar sant er weideman
;;;397;28;;und spîse verre mit im dan.
;;;397;29;;urloup nam der werde helt.
;;;397;30;;Gawan gegen kumber was verselt.
;;;398;1;;wer was ze Bearosche komen,
;;;398;2;;dô hete Gawan dâ genomen
;;;398;3;;den brîs ze beider sîte alein,
;;;398;4;;wanne daz dâr vor ein ritter schein,
;;;398;5;;bî rôten wâpen unerkant,
;;;398;6;;des prîs man in die hœhe bant.
;;;398;7;;Gawan hete êre und heil,
;;;398;8;;Ietweders volleclîchen teil.
;;;398;9;;nû nâhete ouch sînes kampfes zît.
;;;398;10;;der walt was lanc und wît,
;;;398;11;;dâ durch er muose strîchen,
;;;398;12;;wolte er kampfes niht entwîchen.
;;;398;13;;dar zuo er âne schulde was erkorn.
;;;398;14;;nû was ouch Ingliart verlorn,
;;;398;15;;sîn ros mit kurzen ôren.
;;;398;16;;in Tabronit von môren
;;;398;17;;wart nie bezzer ros ersprenget.
;;;398;18;;nû wart der walt gemenget,
;;;398;19;;hie ein schache, dort ein velt,
;;;398;20;;etslîchez sô breit, daz ein gezelt
;;;398;21;;vil kûme drûffe stüende.
;;;398;22;;mit sehene gewan er künde
;;;398;23;;erbûwens landes, daz hie Ascalun.
;;;398;24;;dô vrâgete er gegen Schanfanzun,
;;;398;25;;waz ime volkes widervuor.
;;;398;26;;hôch gebirge und manic muor,
;;;398;27;;des hete er vil durchstrichen dar.
;;;398;28;;dô nam er einer bürge war.
;;;398;29;;âvoy, diu gap vil werden glast!
;;;398;30;;dâ kêrte engegen des landes gast.
;;;399;1;;Nû hœret von âventiure sagen
;;;399;2;;und helfet mir dâr under klagen
;;;399;3;;Gawanes grôzen kumber.
;;;399;4;;mîn wîser und mîn tumber,
;;;399;5;;die muos durch ir gesellecheit
;;;399;6;;und lâzent in mit mir wesen leit.
;;;399;7;;ouwê, nû solt ich swîgen!
;;;399;8;;nein, lât vürbaz sîgen,
;;;399;9;;der etwenne glücke neic
;;;399;10;;und nun gegen ungemache seic.
;;;399;11;;disiu burc was gehêret sô,
;;;399;12;;daz Eneas Karthago
;;;399;13;;nie sô hêrrenlîch vant,
;;;399;14;;dâ vrouwen Dydon tôt was in minnen pfant.
;;;399;15;;waz si palase pflæge,
;;;399;16;;und wie vil dâ türne læge?
;;;399;17;;ir hete Acraton genuoc,
;;;399;18;;diu âne Babilonie ie truoc
;;;399;19;;ame griffe die grœsten wîte
;;;399;20;;nâch heiden worte strîte.
;;;399;21;;si was al umbe wol sô hôch
;;;399;22;;unz dâ si gegen dem mer gezôch,
;;;399;23;;daz si enkeinem sturm dô entsaz
;;;399;24;;noch grôzen, ungevüegen haz.
;;;399;25;;dâr vor lac raste breit ein plân,
;;;399;26;;dar über reit hêr Gawan.
;;;399;27;;wol hundert ritter oder mêr,
;;;399;28;;ob den allen was einer hêr,
;;;399;29;;die kômen ime dâ widerriten
;;;399;30;;in liehten kleidern wol gesniten.
;;;400;1;;als mir diu âventiure sagete,
;;;400;2;;ir vederspil dâ jagete
;;;400;3;;den kranich oder waz vor in dâ vlôch.
;;;400;4;;ein râvît von Hispanie hôch
;;;400;5;;reit der künic Vergulaht.
;;;400;6;;sîn blic was tac wol bî der naht.
;;;400;7;;sîn geslehte sante Mazadan
;;;400;8;;vür den berc ze Famorgan.
;;;400;9;;sîn art was von den feien.
;;;400;10;;in dûhte, er sæhe den meien
;;;400;11;;in rehter zît von bluomen gar,
;;;400;12;;wer nam des küniges varwe war.
;;;400;13;;Gawanen des bedûhte,
;;;400;14;;dô der künic sô gegen ime lûhte,
;;;400;15;;ez wære der ander Parcifal
;;;400;16;;und daz er Gahmuretes mâl
;;;400;17;;hete, alsô diz mære weiz,
;;;400;18;;dô der reit în ze Kanvoleiz.
;;;400;19;;Ein reiger tet durch vluht entwîch
;;;400;20;;in einen muorigen tîch.
;;;400;21;;den brâhten valken dar gehurt.
;;;400;22;;der künic suochte unrehten vurt,
;;;400;23;;in valken helfe wart er naz.
;;;400;24;;sîn ros verlôs er umbe daz,
;;;400;25;;dar zuo alliu diu kleider sîn,
;;;400;26;;doch schiet der valken von ir pîn.
;;;400;27;;daz nâmen die valkenære.
;;;400;28;;ob daz ir reht iht wære?
;;;400;29;;ez was ir reht, si soltenz hân.
;;;400;30;;man muose ouch si bî rehte lân.
;;;401;1;;ein ander ros man ime dô lêch.
;;;401;2;;des sînen er sich gar verzêch.
;;;401;3;;man hienc ouch ander kleit an in.
;;;401;4;;jenez was der valkenære gewin.
;;;401;5;;hie kam Gawan zuo geriten.
;;;401;6;;âvoy, im wart dâ niht vermiten,
;;;401;7;;er würde baz enpfangen
;;;401;8;;danne ze Karidol was ergangen
;;;401;9;;Ereckes enpfâhen,
;;;401;10;;dô er begunde nâhen
;;;401;11;;Artuse nâch sînem strîte
;;;401;12;;und dô vrouwe Enite
;;;401;13;;sîner vrœde was ein condewier,
;;;401;14;;sît im Malachlisier,
;;;401;15;;daz twerc, sîn vel unsanfte brach
;;;401;16;;mit der geisel, dâ ez Ginover sach,
;;;401;17;;dô ze Tulmein der strît
;;;401;18;;ergienc in dem kreize wît
;;;401;19;;umb den sperwære.
;;;401;20;;Iders fil Not, der mære,
;;;401;21;;im sicherheit dâ bôt.
;;;401;22;;die muose er bieten vür den tôt.
;;;401;23;;die red lât sîn und hœretz ouch hie.
;;;401;24;;ich wæne, sô gevrieschet ir nie
;;;401;25;;werdern anpfanc noch gruoz.
;;;401;26;;ouwê, des wirt unsanfte buoz
;;;401;27;;des werden Lotes kinde!
;;;401;28;;râtet irz, ich erwinde
;;;401;29;;und sage iu vürbaz niht mêre.
;;;401;30;;durch trûren tuon ich widerkêre.
;;;402;1;;doch vernemt durch iuwer güete,
;;;402;2;;wie ein lûter gemüete
;;;402;3;;vrömder valsch gevrumte trüebe.
;;;402;4;;ob ich iu vürbaz üebe
;;;402;5;;diz mære mit rehter sage,
;;;402;6;;sô komet irs mit mir in die klage.
;;;402;7;;Dô sprach der künic Vergulaht:
;;;402;8;;"hêrre, ich hân mich des bedâht,
;;;402;9;;ir sult rîten dort hin în.
;;;402;10;;mac ez mit iuwern hulden sîn,
;;;402;11;;ich briche iu nû gesellicheit.
;;;402;12;;ist aber iu nû vürbaz rîten leit,
;;;402;13;;ich lâz ez, waz ich ze schaffen hân."
;;;402;14;;dô sprach der werde Gawan:
;;;402;15;;"hêrre, waz ir gebietet,
;;;402;16;;billîch ir iuch des nietet.
;;;402;17;;daz ist ouch âne mînen zorn
;;;402;18;;mit guotem willen gar verkorn."
;;;402;19;;dô sprach der künic von Ascalun:
;;;402;20;;"hêrre, ir seht wol Schanfanzun.
;;;402;21;;dâ ist mîn swester ûf, ein maget.
;;;402;22;;waz munt von schœne hât gesaget,
;;;402;23;;des hât si volleclîchen teil.
;;;402;24;;wellet irz iu brüefen vür ein heil,
;;;402;25;;deiswâr, dô muoz si sich bewegen,
;;;402;26;;daz si iuwer unz an mich sol pflegen.
;;;402;27;;ich kome ouch schiere, ob ich sol.
;;;402;28;;ouch erbeitet ir mîn wol,
;;;402;29;;gesehet ir die swester mîn.
;;;402;30;;ir enruochet, wolt ich lenger sîn."
;;;403;1;;"ich sihe iuch gerne, als tuon ich sie.
;;;403;2;;doch hânt mîn grôze vrouwen ie
;;;403;3;;ir werden handelunge erlân."
;;;403;4;;sus sprach der werde Gawan.
;;;403;5;;der künic sante einen ritter dar
;;;403;6;;und enbôt der megde, daz si sîn war
;;;403;7;;sô næme, daz langiu wîle
;;;403;8;;in diuhte ein kurziu île.
;;;403;9;;Gawan vuor, dar der künic gebôt.
;;;403;10;;welt ir noch, swîg ich grôzer nôt.
;;;403;11;;nein, ich wilz iu vürbaz sagen.
;;;403;12;;strâze und ein pfert begunden tragen
;;;403;13;;Gawan gegen der porte
;;;403;14;;an des palases orte.
;;;403;15;;wer bûwes ie begunde,
;;;403;16;;baz dan ich sprechen kunde
;;;403;17;;von dises bûwes veste.
;;;403;18;;dâ lac ein burc, diu beste,
;;;403;19;;diu ie genant wart ertstift.
;;;403;20;;unmâzen wît was ir begrift.
;;;403;21;;Der bürge lop sullen wir hie lân,
;;;403;22;;wand ich iu vil ze sagene hân
;;;403;23;;von des küniges swester, einer maget.
;;;403;24;;hie ist von bûwe vil gesaget.
;;;403;25;;die brüefe ich reht, als ich sol.
;;;403;26;;was si schœne, daz stuont ir wol,
;;;403;27;;und hete dar zuo rehten muot,
;;;403;28;;daz was gegen werdicheit ir guot,
;;;403;29;;sô daz ir site und ir sin
;;;403;30;;was gelîch der marcgrævîn,
;;;404;1;;diu dicke vonme Hertstein
;;;404;2;;über alle die marke schein.
;;;404;3;;wol im, der ez heinlîche an ir
;;;404;4;;dô brüefet, des geloubet mir,
;;;404;5;;der vindet kurzewîle dâ
;;;404;6;;bezzer danne anderswâ.
;;;404;7;;ich mac wol des von vrouwen jehen,
;;;404;8;;als mir diu ougen kunnen spehen.
;;;404;9;;war ich rede kêre ze guote,
;;;404;10;;diu bedarf wol zühte huote.
;;;404;11;;Nû hœre dise âventiure
;;;404;12;;der getriuwe und der gehiure.
;;;404;13;;ich enruoche umb die ungetriuwen.
;;;404;14;;mit dürkelen triuwen
;;;404;15;;hânt si alle ir sælekeit verlorn.
;;;404;16;;des muoze ir sælde lîden zorn.
;;;404;17;;ûf den hof vür den palas reit
;;;404;18;;Gawan gegen der gesellicheit,
;;;404;19;;als in der künic sante,
;;;404;20;;der sich sît an ime schante.
;;;404;21;;ein ritter, der in brâhte dar,
;;;404;22;;in vuorte, dâ saz wolgevar
;;;404;23;;Anticonie, diu künigîn.
;;;404;24;;sol wîplîch êre sîn gewin,
;;;404;25;;des koufes het si vil gepflegen
;;;404;26;;und alles valsches sich bewegen.
;;;404;27;;dâ mite ir kiusche prîs erwarp.
;;;404;28;;ouwê, daz sô vruo erstarp
;;;404;29;;von Veldecke der wîse man!
;;;404;30;;der kunde si baz gelobet hân.
;;;405;1;;Dô Gawan die maget ersach,
;;;405;2;;der bote gienc nâher und sprach,
;;;405;3;;al daz der künic werben hiez.
;;;405;4;;diu künigîn dô niht enliez,
;;;405;5;;si enspræche: "hêr, gât nâher mir.
;;;405;6;;mîner zuht meister, daz sît ir.
;;;405;7;;nû gebiet und lêret.
;;;405;8;;wirt iu kurzewîle gemêret,
;;;405;9;;daz muoz an iuwerm gebote sîn.
;;;405;10;;sît daz iuch der bruoder mîn
;;;405;11;;mir bevolhen hât sô wol,
;;;405;12;;ich küsse, ob ich küssen sol.
;;;405;13;;nû gebietet nâch iuwerre mâzen
;;;405;14;;mîn tuon oder mîn lâzen."
;;;405;15;;mit grôzer zuht si vor ime stuont.
;;;405;16;;Gawan sprach: "vrouwe, iuwer munt
;;;405;17;;ist sô küssenlîch getân,
;;;405;18;;ich sol iuwern kus mit gruoze hân."
;;;405;19;;ir munt was heiz, dicke und rôt,
;;;405;20;;dâr an Gawan den sînen bôt.
;;;405;21;;dâ ergienc ein kus ungastlîch.
;;;405;22;;zuo der megde zühte rîch
;;;405;23;;saz der wol geborne gast.
;;;405;24;;süezer rede in niht gebrast
;;;405;25;;beidenthalben mit triuwen.
;;;405;26;;si kunde wol geniuwen
;;;405;27;;gegen sîner bete ir versagen.
;;;405;28;;daz begunde er herzelîchen klagen.
;;;405;29;;doch bat er si genâden vil.
;;;405;30;;diu maget sprach, als ich iu sagen wil:
;;;406;1;;"hêrre, sît ir anders kluoc,
;;;406;2;;sô mac es dunken iuch genuoc.
;;;406;3;;ich erbiut ez iu durch mînes bruoder bete,
;;;406;4;;daz ez Ampflise Gahmurete,
;;;406;5;;mînem œheime, nie baz erbôt,
;;;406;6;;âne bî ligen. mîn triuwe ein lôt
;;;406;7;;an dem orte vürbaz wæge,
;;;406;8;;der uns wegens ze rehte pflæge.
;;;406;9;;und enweiz doch, hêrre, wer ir sît,
;;;406;10;;daz ir an sô kurzer zît
;;;406;11;;wellet mîne minne hân."
;;;406;12;;dô sprach der werde Gawan:
;;;406;13;;"mich lêret mîner künde sin,
;;;406;14;;ich sage, vrouwe, daz ich bin
;;;406;15;;mîner basen bruoder sun.
;;;406;16;;welt ir mir gnâde tuon,
;;;406;17;;daz enlât niht durch mînen art.
;;;406;18;;der ist gegen iuwerm sô bewart,
;;;406;19;;daz si beide alle gelîche stânt
;;;406;20;;und in rehter mâze gânt."
;;;406;21;;Ein magt begunde in schenken,
;;;406;22;;dâr nâch schiere von in wenken.
;;;406;23;;mêre vrouwen dennoch dâ sâzen,
;;;406;24;;die ouch des niht vergâzen,
;;;406;25;;si giengen schaffen umb ir pflege.
;;;406;26;;ouch was der ritter von dem wege,
;;;406;27;;der in dar brâhte.
;;;406;28;;Gawan des gedâhte,
;;;406;29;;dô si alle von in kômen ûz,
;;;406;30;;daz dicke den grôzen strûz
;;;407;1;;vâhet ein vil kranker ar.
;;;407;2;;er greif ir underen mantel dar.
;;;407;3;;ich wæn, er ruorte ir daz hüffelîn.
;;;407;4;;des wart gemêret sîn pîn.
;;;407;5;;von der minne al soliche nôt gewan
;;;407;6;;beidiu maget und ouch der man,
;;;407;7;;daz dâr nâch was ein dinc geschehen,
;;;407;8;;heten ez übel ougen niht ersehen.
;;;407;9;;des willen si beide wâren bereit.
;;;407;10;;nû seht, dô nâhete in herzeleit.
;;;407;11;;dô gienc zer tür în aldâ
;;;407;12;;ein ritter blanc, wand er was grâ.
;;;407;13;;in wâfenheiz er nante
;;;407;14;;Gawanen, dô ern erkante.
;;;407;15;;dâ bî er dicke lûte schrei:
;;;407;16;;"ouwê und heiâ hei
;;;407;17;;mînes hêrren, den ir sluoget!
;;;407;18;;daz des niht genuoget,
;;;407;19;;ir ennôtzoget ouch sîne tohter hie!"
;;;407;20;;dem wâfenheiz man volgete ie.
;;;407;21;;der selbe site aldâ geschach.
;;;407;22;;Gawan zer juncvrouwen sprach:
;;;407;23;;"vrouwe, nû gebt iuwern rât.
;;;407;24;;unser dewederz niht vil wer hie hât.
;;;407;25;;ouwê, wan het ich doch mîn swert!"
;;;407;26;;dô sprach diu juncvrouwe wert:
;;;407;27;;"wir sullen ze wer uns ziehen,
;;;407;28;;ûf jenen turn dort vliehen,
;;;407;29;;der bî mîner kemenâten dort stât.
;;;407;30;;genædeclîch ez lîht ergât."
;;;408;2;;die juncvrouwe erhôrte sân
;;;408;1;;hie den ritter, dort den koufman
;;;408;3;;und den pavel komen ûz der stat.
;;;408;4;;mit Gawane si gegen dem turne trat.
;;;408;5;;ir vriunt muose kumber lîden.
;;;408;6;;si bat siz dicke mîden.
;;;408;7;;dô was ir kradem und ir dôz alsô,
;;;408;8;;daz eht ir dekeiner marhte dô.
;;;408;9;;durch strît si drungen gegen der tür.
;;;408;10;;Gawan stuont ze wer dâr vür.
;;;408;11;;ir îngân er bewarte.
;;;408;12;;einen rigel, der den turn besparte,
;;;408;13;;den zuckete er ûz der mûre.
;;;408;14;;sîne argen nâchgebûre
;;;408;15;;entwichen ime dicke mit der schar.
;;;408;16;;diu künigîn lief her und dar,
;;;408;17;;ob ûf dem turne iht wære ze wer
;;;408;18;;gegen disem ungetriuwen her.
;;;408;19;;dô vant diu maget reine
;;;408;20;;ein schâfzabel gesteine
;;;408;21;;und ein bret wol erleit, wît.
;;;408;22;;daz brâhte si Gawane in den strît.
;;;408;23;;an einem îsenînen ringe ez hienc,
;;;408;24;;dâ mite ez Gawan enpfienc.
;;;408;25;;ûf disen vierecken schilt
;;;408;26;;wart schâfzabels vil gespilt.
;;;408;27;;er wart ime sêre verhouwen.
;;;408;28;;nû hœret ouch von der vrouwen.
;;;408;29;;ez wære künic, alt oder roch,
;;;408;30;;daz warf si gegen den vîenden doch.
;;;409;1;;ez was grôz und swære.
;;;409;2;;man sagt von ir diu mære:
;;;409;3;;wen dâ reichete ir wurfes swanc,
;;;409;4;;der strûchete âne sînen danc.
;;;409;5;;diu künigîn rîche
;;;409;6;;streit dâ ritterlîche.
;;;409;7;;bî Gawane si sô werlîche schein,
;;;409;8;;daz diu kampfwîp ze Tolenstein
;;;409;9;;an der vastnaht nie baz gestriten,
;;;409;10;;wand si tuont ez von gampelsiten
;;;409;11;;und müent âne nôt ir lîp.
;;;409;12;;wâ harnaschrâmic wirt ein wîp,
;;;409;13;;diu hât ir rehtes vergezzen.
;;;409;14;;man sol ir kiusche mezzen,
;;;409;15;;si entuo ez niht danne durch ir triuwe.
;;;409;16;;Anticonien riuwe
;;;409;17;;wart ze Schanfanzun erzeiget
;;;409;18;;und ir hôher muot geneiget.
;;;409;19;;in strîte si sêre weinde.
;;;409;20;;wol si daz bescheinde,
;;;409;21;;daz vriuntlîch liebe ist stæte.
;;;409;22;;waz Gawan dô tæte?
;;;409;23;;wenne ime diu muoze geschach,
;;;409;24;;daz er die maget rehte ersach,
;;;409;25;;ir munt, ir ougen und ir nasen,
;;;409;26;;baz geschicket an spizze hasen,
;;;409;27;;ich wæne, den gesâhet ir nie,
;;;409;28;;danne si was dort und hie
;;;409;29;;zwischen der huf und ir brust.
;;;409;30;;mînen gerenden gelust
;;;410;1;;kunde ir lîp wol gereizen.
;;;410;2;;ir engesâhet nie âmeizen,
;;;410;3;;diu bezzers gelenkes pflac,
;;;410;4;;danne si was, dâ der gürtel lac:
;;;410;5;;daz gap ir gesellen
;;;410;6;;Gawane manlîch ellen.
;;;410;7;;si dûrte mit ime in der nôt.
;;;410;8;;sîn benantez gîsel was der tôt
;;;410;9;;und anders enkein gedinge.
;;;410;10;;Gawanen wac vil ringe
;;;410;11;;vîende haz, wan er die magt erkôs.
;;;410;12;;dâ von ir vil den lîp verlôs.
;;;410;13;;Dô kom der künic Vergulaht.
;;;410;14;;der sach die strîteclîchen maht
;;;410;15;;gegen Gawane kriegen.
;;;410;16;;ich enwolt iuch gerne triegen,
;;;410;17;;sô enmac ich in niht beschœnen,
;;;410;18;;er enwelle sich selben hœnen
;;;410;19;;an sînem werden gaste.
;;;410;20;;der stuont ze wer alvaste.
;;;410;21;;dô tet der wirt selbe schîn,
;;;410;22;;daz mich riuwet Gandin,
;;;410;23;;der künic von Anschouwe,
;;;410;24;;daz ein sô werdiu vrouwe,
;;;410;25;;sîn tohter, ie den sun gebar,
;;;410;26;;der mit ungetriuwer schar
;;;410;27;;sîn volc bat sêre strîten.
;;;410;28;;Gawan muose bîten,
;;;410;29;;unz der künic gewâpent wart.
;;;410;30;;er huop sich selbe an strîtes vart.
;;;411;1;;dô muose Gawan entwîchen,
;;;411;2;;doch unlasterlîchen.
;;;411;3;;under des turnes tür er wart getân.
;;;411;4;;nû seht, dô kom der selbe man,
;;;411;5;;der in ê kampflîche an sprach.
;;;411;6;;vor Artuse daz geschach.
;;;411;7;;der lantgrâve Kingrimursel
;;;411;8;;gram durch swarten und durch vel.
;;;411;9;;durch Gawanes nôt sîne hende er want.
;;;411;10;;wanne des was sîn triuwe pfant,
;;;411;11;;daz er dâ solte haben vride,
;;;411;12;;ez enwære, daz eines mannes lide
;;;411;13;;in in kampfe twungen.
;;;411;14;;die alten und die jungen
;;;411;15;;treip er von dem turne wider.
;;;411;16;;den hie der künic brechen nider.
;;;411;17;;Kingrimursel dô sprach
;;;411;18;;hin ûf, dâ er Gawanen sach:
;;;411;19;;"helt, gip mir vride zuo dir dar în.
;;;411;20;;ich wil geselleclîchen pîn
;;;411;21;;mit dir hân in dirre nôt.
;;;411;22;;mich muoz der künic slahen tôt
;;;411;23;;oder ich behalte dir dîn leben."
;;;411;24;;Gawan den vride begunde geben.
;;;411;25;;der lantgrâve spranc zuo ime dar.
;;;411;26;;des zwîfelte diu ûzere schar.
;;;411;27;;er was ouch burcgrâve aldâ.
;;;411;28;;si wæren junc oder grâ,
;;;411;29;;si blûgeten an ir strîte.
;;;411;30;;Gawan spranc an die wîte,
;;;412;1;;als tet ouch Kingrimursel.
;;;412;2;;gegen ellen si beide wâren snel.
;;;412;3;;Der künic mante die sîne:
;;;412;4;;"wie lange sullen wir pîne
;;;412;5;;von den zwein mannen pflegen?
;;;412;6;;mînes vettern sun hât sich bewegen,
;;;412;7;;er welle ernern disen man,
;;;412;8;;der mir den schaden hât getân,
;;;412;9;;den er billîcher ræche,
;;;412;10;;ob ime ellens niht gebræche."
;;;412;11;;genuoge, den es ir triuwe jach,
;;;412;12;;kurn einen, der zuo dem künige sprach:
;;;412;13;;"hêrre, muozen wir ez iu sagen,
;;;412;14;;der lantgrâve ist unerslagen
;;;412;15;;hie von maniger hende.
;;;412;16;;got iuch an site wende,
;;;412;17;;die man iu vervâhe baz.
;;;412;18;;werltlîch prîs iu sînen haz
;;;412;19;;teilet, erslahet ir iuwern gast.
;;;412;20;;ir ladet ûf iuch der schanden last.
;;;412;21;;sô ist der ander iuwer mâc,
;;;412;22;;in des geleite er disen bâc
;;;412;23;;hebet. daz solt ir lâzen.
;;;412;24;;ir sît dâ von verwâzen.
;;;412;25;;nû gebet uns einen vride her,
;;;412;26;;die wîle daz dirre tac gewer.
;;;412;27;;der vride sî ouch dise naht.
;;;412;28;;wes ir iuch dar umbe habet bedâht,
;;;412;29;;daz stât dannoch zuo iuwerre hant,
;;;412;30;;ir sît geprîset oder geschant.
;;;413;1;;mîn vrouwe Anticonie,
;;;413;2;;vor valsch diu vrîe,
;;;413;3;;dort al weinend bî im stât.
;;;413;4;;ob iu daz niht ze herzen gât,
;;;413;5;;sît iuch beide ein muoter truoc,
;;;413;6;;sô gedenket, hêrre, ob ir sît kluoc,
;;;413;7;;ir santet in der megde her.
;;;413;8;;wær niemen sînes geleites wer,
;;;413;9;;er solte iedoch durch si genesen."
;;;413;10;;der künic liez einen vride wesen,
;;;413;11;;unz er sich baz bespræche,
;;;413;12;;wie er sînen vater ræche.
;;;413;13;;unschuldic was hêr Gawan.
;;;413;14;;ez hette ein ander hant getân,
;;;413;15;;want der stolze Ehkunacht
;;;413;16;;eine lanzen durch in lêrte pfat,
;;;413;17;;dô er Jofreiden fir Idol
;;;413;18;;vuorte gegen Parbigol,
;;;413;19;;den er bî Gawane vienc.
;;;413;20;;durch den disiu nôt ergienc.
;;;413;21;;dô der vride wart getân,
;;;413;22;;daz volc huop sich von strîte sân,
;;;413;23;;mengelîch zen herbergen sîn.
;;;413;24;;Anticonie, diu künigîn,
;;;413;25;;ir vetern sun vaste umbevienc.
;;;413;26;;manic kus an sînen munt ergienc,
;;;413;27;;daz er Gawanen hette ernert
;;;413;28;;und sich selben untât erwert.
;;;413;29;;si sprach: "dû bist mînes vetern sun.
;;;413;30;;dû enkundest durch niemen missetuon."
;;;414;1;;Welt ir nû hœren, ich tuon iu kunt,
;;;414;2;;wâ von ê sprach mîn munt,
;;;414;3;;daz lûter gemüete trüebe wart.
;;;414;4;;geunêret sî diu strîtes vart,
;;;414;5;;die ze Schanfanzun tet Vergulaht,
;;;414;6;;wanne daz was ime ungeslaht
;;;414;7;;von vater und von muoter.
;;;414;8;;der junge man vil guoter
;;;414;9;;von scheme leit vil grôzen pîn,
;;;414;10;;dô sîn swester, diu künigîn,
;;;414;11;;in begunde vêhen.
;;;414;12;;man hôrt in sêre vlêhen.
;;;414;13;;dô sprach diu juncvrouwe wert:
;;;414;14;;"hêr Vergulaht, trüege ich swert
;;;414;15;;und wære von gotes gebote ein man,
;;;414;16;;daz ich schiltes ambet solte hân,
;;;414;17;;iuwer strîten wære mich gar verdaget.
;;;414;18;;dô was ich âne wer ein maget,
;;;414;19;;wanne daz ich truoc dô einen schilt,
;;;414;20;;ûf den ist werdicheit gezilt.
;;;414;21;;des wâpen sol ich nennen,
;;;414;22;;ob ir ruochet diu bekennen:
;;;414;23;;guot gebærde und kiusche site,
;;;414;24;;den zwein wont vil stæte mite.
;;;414;25;;den bôt ich vür den ritter mîn,
;;;414;26;;den ir mir sandet dâ her în.
;;;414;27;;anders schirmes hete ich niht.
;;;414;28;;wâ man iuch nû bî wandel siht,
;;;414;29;;ir habet doch an mir missetân,
;;;414;30;;ob wîplîch prîs sîn reht sol hân.
;;;415;1;;ich hôrte ie sagen, wâ ez sô gezôch,
;;;415;2;;daz man gegen wîbes schirme vlôch,
;;;415;3;;dâ solte ellenthaftez jagen
;;;415;4;;an sînem strîte gar verzagen,
;;;415;5;;ob dâ wære manlîchiu zuht.
;;;415;6;;hêr Vergulaht, iwers gastes vluht,
;;;415;7;;die er gegen mir tet vür den tôt,
;;;415;8;;lêret iuwern prîs noch lasters nôt."
;;;415;9;;Kin grimursel dô sprach:
;;;415;10;;"hêrre, ûf iuwern trôst geschach,
;;;415;11;;daz ich dem hêrren Gawan
;;;415;12;;ûf dem Plimizols plân
;;;415;13;;gap vride her in iuwer lant.
;;;415;14;;iuwer sicherheit gap pfant,
;;;415;15;;ob in sîn ellen trüege her,
;;;415;16;;daz ich es vür iuch würde wer,
;;;415;17;;in bestüende niht wanne einic man.
;;;415;18;;hêrre, dâ bin ich bekrenket an.
;;;415;19;;hie sehen mîne genôzen zuo.
;;;415;20;;diz laster ist uns gar ze vruo.
;;;415;21;;kunnet ir niht vürsten schônen,
;;;415;22;;wir krenken ouch die krônen.
;;;415;23;;sol man iuch bî zühten sehen,
;;;415;24;;sô muoz des iuwer zuht verjehen,
;;;415;25;;daz sippe reichet ab iu an mich.
;;;415;26;;wære daz ein kebeslîcher slich
;;;415;27;;mînhalp, wâ uns diu wirt gezilt,
;;;415;28;;ir het iuch gâhes gegen mir bevilt.
;;;415;29;;wan ich bin ein ritter doch,
;;;415;30;;an dem nie valsch wart vunden noch.
;;;416;1;;ouch sol mîn prîs erwerben,
;;;416;2;;daz ich es âne muoze sterben.
;;;416;3;;des wil ich wol getrûwen gote.
;;;416;4;;des sî mîn sælde gegen ime bote.
;;;416;5;;ouch wâ diz mære wirt vernomen,
;;;416;6;;Artuses swestersun sî komen
;;;416;7;;in mînem geleite ûf Scanfanzun,
;;;416;8;;Franczos oder Brittum,
;;;416;9;;Prouenzal oder Burgunois,
;;;416;10;;Galiciane oder Punturtois,
;;;416;11;;vernement die Gawanes nôt,
;;;416;12;;hân ich prîs, der ist denne tôt.
;;;416;13;;mir vrümt sîn angestlîcher strît
;;;416;14;;vil engez lop, mîn laster wît.
;;;416;15;;daz sol mir vröude wenden
;;;416;16;;und mich ûf êren pfenden."
;;;416;17;;Dô disiu rede was getân,
;;;416;18;;dô stuont dâ einer des küniges man,
;;;416;19;;der was geheizen Liddamus.
;;;416;20;;Kiot in selb nennet sus.
;;;416;21;;Kiot lascanter hiez,
;;;416;22;;den sîn kunst des niht erliez,
;;;416;23;;er sunge und spræche sô,
;;;416;24;;des noch genuoge werdent vrô.
;;;416;25;;Kiot ist ein Prouenzal,
;;;416;26;;der dise rede von Parcifal
;;;416;27;;heidnisch geschriben sach.
;;;416;28;;waz er in franzos dâr von gesprach,
;;;416;29;;bin ich niht der witze laz,
;;;416;30;;daz sage ich tiuschen vürbaz.
;;;417;1;;dô sprach der vürste Liddamus:
;;;417;2;;"waz solt er in mînes hêrren hûs,
;;;417;3;;der ime sînen vater sluoc
;;;417;4;;und daz laster ime sô nâhe truoc?
;;;417;5;;ist mîn hêr an wer bekant,
;;;417;6;;daz richet an wer sîn selbes hant.
;;;417;7;;sô gelte ein tôt den andern tôt.
;;;417;8;;ich wæne glîch sîn die nôt."
;;;417;9;;nû sehet ir, wie Gawan dô stuont.
;;;417;10;;allerêrst was ime grôz angest kunt.
;;;417;11;;Dô sprach Kingrimursel:
;;;417;12;;"wer mit der drô wære sô snel,
;;;417;13;;der solte ouch gâhen in den strît.
;;;417;14;;ir habt gedrenge oder wît,
;;;417;15;;man mac sich iuwer lîhte erwern.
;;;417;16;;hêr Liddamus, vil wol ernern
;;;417;17;;trûwe ich vor iu disen man.
;;;417;18;;waz iu der hete getân,
;;;417;19;;ir liezet daz ungerochen.
;;;417;20;;ir habet iuch gar versprochen.
;;;417;21;;man giht daz âne lougen,
;;;417;22;;daz iuch nie mannes ougen
;;;417;23;;gesâhen ze vorderst, dâ man streit.
;;;417;24;;iu was ie strîten wol sô leit,
;;;417;25;;daz ir der vluht begundet.
;;;417;26;;dannoch ir mêr wol kundet:
;;;417;27;;wâ man ie gegen strîte dranc,
;;;417;28;;dâ tâtet ir wîbes widerwanc.
;;;417;29;;welich künic sich lât an iuweren rât,
;;;417;30;;vil twerhes ime diu krône stât.
;;;418;1;;jâ, wære von mînen handen
;;;418;2;;in kreize bestanden
;;;418;3;;Gawan, der ellenthafte degen.
;;;418;4;;des hette ich mich gegen ime bewegen,
;;;418;5;;daz der kampf wære alhie getân,
;;;418;6;;wolte es mîn hêrre gestattet hân.
;;;418;7;;der treit mit sünden mînen haz.
;;;418;8;;ich trûwete ime andere dinge baz.
;;;418;9;;hêr Gawan, lobt mir her vür wâr,
;;;418;10;;daz ir von hiute über ein jâr
;;;418;11;;mir ze gegenrede stât
;;;418;12;;in kampfe, ob ez  hie ergât,
;;;418;13;;daz iu mîn hêrre lât daz leben.
;;;418;14;;dâ wirt iu kampf von mir geben.
;;;418;15;;ich sprach iuch an zem Plimizol.
;;;418;16;;nû sî der kampf ze Barbigol
;;;418;17;;vor dem künige Melianze.
;;;418;18;;der sorgen ze einem kranze
;;;418;19;;trage ich unz ûf daz tegedinc,
;;;418;20;;daz ich gegen iuch kome in den rinc.
;;;418;21;;dâ sol mir sorge tuon bekant
;;;418;22;;iuwer manlîche hant."
;;;418;23;;Gawan, der ellens rîche,
;;;418;24;;bôt gezogenlîche
;;;418;25;;nâch dirre bete sicherheit.
;;;418;26;;dô was mit rede aldâ bereit
;;;418;27;;der herzoge Liddamus.
;;;418;28;;er begunde sîner rede alsus
;;;418;29;;mit spæhelîchen worten,
;;;418;30;;aldâ siz alle hôrten.
;;;419;1;;er sprach, wan im was sprechens zît:
;;;419;2;;"wâ ich kume in den strît,
;;;419;3;;hân ich dâ vehtens pflihte
;;;419;4;;oder vluht mit ungeschihte,
;;;419;5;;bin ich verzagenlîch ein zage
;;;419;6;;oder ob ich prîs aldâ bejage,
;;;419;7;;hêr lantgrâve, des danket ir,
;;;419;8;;als ir ez gebrüefen künnet an mir.
;;;419;9;;doch enpfâhe ich es niemer iuwern solt,
;;;419;10;;ich bin mir selben sô holt."
;;;419;11;;sus sprach der rîche Liddamus:
;;;419;12;;"welt irz sîn, hêr Turnus,
;;;419;13;;sô lât mich sîn hêr Tranzes
;;;419;14;;und strâfet mich, ob ir wizzet wes.
;;;419;15;;enhebet iuch niht ze grôze.
;;;419;16;;ob ir vürsten, mîner genôze,
;;;419;17;;der edelste und der hœheste birt,
;;;419;18;;ich bin ouch landes hêrre und wirt.
;;;419;19;;ich hân in Galicia
;;;419;20;;beidiu her und dâ
;;;419;21;;manige burc rehte unz an Vedrun.
;;;419;22;;waz ir und ieglîch Britun
;;;419;23;;mir dâ ze schaden megt getuon,
;;;419;24;;ich gevliuhe niemer vor iu huon.
;;;419;25;;her ist von Britanie komen,
;;;419;26;;gegen dem ir kampf habt genomen.
;;;419;27;;nû rechet hêrren und mâc.
;;;419;28;;mich sol vermîden iuwer bâc.
;;;419;30;;wer iuwern vetern an gewan
;;;419;29;;sîn leben - ir wâret sîn man -,
;;;420;1;;dâ rechet daz. ich entet ime niht.
;;;420;2;;ich wæne, mirs ouch ieman giht.
;;;420;3;;iuweren vetern sol ich wol verklagen.
;;;420;4;;sîn sun die krône nâch ime sol tragen.
;;;420;5;;der ist mir hôch ze hêrren genuoc.
;;;420;6;;diu künigîn Flurdanurs in truoc.
;;;420;7;;sîn vater der hiez Kingrisin
;;;420;8;;und sîn ane der künic Gandin.
;;;420;9;;ich wil iuch baz bescheiden des:
;;;420;10;;Gahmuret und Galoes
;;;420;11;;sîne ôheim wâren.
;;;420;12;;ich wolte sîn gerne vâren,
;;;420;13;;ich mohte mit êre von sîner hant
;;;420;14;;mit vanen enpfâhen sîn lant.
;;;420;15;;wer vehten welle, der tuo ez.
;;;420;16;;ich bin gegen  strîte laz,
;;;420;17;;iedoch vreische ich die mære wol.
;;;420;18;;wer prîs in dem strîte hol,
;;;420;19;;des danken ime diu stolzen wîp.
;;;420;20;;ich wil durch niemen mînen lîp
;;;420;21;;verleiten in ze scharfen pîn.
;;;420;22;;waz Wolfhartes sol ich sîn?
;;;420;23;;mir ist in den strît der wec vergrabet,
;;;420;24;;gegen vehten diu gir verhabet.
;;;420;25;;wurdet ir mirs niemer holt,
;;;420;26;;ich tæte ê als Rumolt,
;;;420;27;;der künic Gunthere riet,
;;;420;28;;dô er von Urmesse gegen den Hunden schiet:
;;;420;29;;er bat in lange sutten bî
;;;420;30;;und in sînem kezzele umb dræn."
;;;421;1;;der lantgrâve ellens rîche
;;;421;2;;sprach: "ir redet dem gelîche,
;;;421;3;;als maniger weiz an iu vür wâr
;;;421;4;;iuwer zît und iuwer jâr.
;;;421;5;;ir râtet mir, dar ich wolte iedoch,
;;;421;6;;und sprechet, ir tætet, als riet ein koch
;;;421;7;;den küenen Nibelungen,
;;;421;8;;die sich unbetwungen
;;;421;9;;ûz huoben, dâ man an in rach,
;;;421;10;;daz Syfride dâ vor geschach.
;;;421;11;;mich muoz hêr Gawan slahen tôt
;;;421;12;;oder ich gelêre in râche nôt."
;;;421;13;;"des volge ich", sprach Liddamus,
;;;421;14;;"wanne waz sîn œheim Artus
;;;421;15;;hât und die von India,
;;;421;16;;der mirz hie gæbe, als  hânt dâ,
;;;421;17;;und mirz ledeclîch bræhte,
;;;421;18;;ich lieze ez, ê danne ich væhte.
;;;421;19;;nû haltet prîs, des man iu giht.
;;;421;20;;Segramors enbin ich niht,
;;;421;21;;den man durch vehten binden muoz.
;;;421;22;;ich erwürbe sus wol küniges gruoz.
;;;421;23;;Sibeche nie swert erzôch,
;;;421;24;;er was ie, dâ man dô vlôch.
;;;421;25;;doch muose man im vlêhen.
;;;421;26;;grôze gâbe und starkiu lêhen
;;;421;27;;enpfienc er von Ermenrich genuoc.
;;;421;28;;nie swert er doch durch helm gesluoc.
;;;421;29;;mir wirt verschertet niemer vel
;;;421;30;;durch iuch, hêr Kingrimursel.
;;;422;1;;des hân ich mich gegen iu bedâht."
;;;422;2;;dô sprach der künic Vergulaht:
;;;422;3;;"swîget iuwer wehselmære!
;;;422;4;;ez ist von iu beiden swære,
;;;422;5;;daz ir der worte sît sô vrî.
;;;422;6;;ich bin iu al ze nâhen bî
;;;422;7;;ze sus getânem gebrehte.
;;;422;8;;ez stât mir noch iu niht rehte."
;;;422;9;;daz was ûf dem palas,
;;;422;10;;aldâ sîn swester komen was.
;;;422;11;;bî ir stuont hêr Gawan
;;;422;12;;und manic ander werder man.
;;;422;13;;der künic sprach zuo der swester sîn:
;;;422;14;;"nû nim den gesellen dîn
;;;422;15;;und ouch den lantgrâven zuo dir.
;;;422;16;;die mir guotes gunnen, gên mit mir,
;;;422;17;;und râtet mir daz wægeste, waz ich tuo."
;;;422;18;;si sprach: "dâ lege dîne triuwe zuo."
;;;422;19;;Nû gât der künic an sînen rât.
;;;422;20;;diu künigîn genomen hât
;;;422;21;;ir veteren sun und ir gast.
;;;422;22;;daz drite was der sorgen last.
;;;422;23;;âne alle missewende
;;;422;24;;nam si Gawanen mit der hende
;;;422;25;;und vuorte in, dâ si solte wesen.
;;;422;26;;si sprach zuo ime: "wæret ir niht genesen,
;;;422;27;;es heten schaden alliu lant."
;;;422;28;;an der küniginne hant
;;;422;29;;gienc des werden Lotes sun.
;;;422;30;;er mohte ez vil gerne tuon.
;;;423;1;;in die kemenâten sân
;;;423;2;;gie diu vrouwe und die zwêne man.
;;;423;3;;von den andern bleip si lære
;;;423;4;;- des pflâgen kamerære -,
;;;423;5;;wanne clâriu juncvröuwelîn,
;;;423;6;;der muose vil dâr inne sîn.
;;;423;7;;diu künigîn mit zühten pflac
;;;423;8;;Gawanes, der ir ze herzen lac.
;;;423;9;;dâ was der lantgrâve mite.
;;;423;10;;der schiet si niender von dem site.
;;;423;11;;doch sorgete vil diu werde maget
;;;423;12;;umb Gawanes lîp, wart mir gesaget.
;;;423;13;;sus wâren die zwêne dâr inne
;;;423;14;;bî der küniginne,
;;;423;15;;unz daz der tac liez sînen strît.
;;;423;16;;diu naht kam, dô was ezzens zît.
;;;423;17;;môraz, wîn und lûtertranc
;;;423;18;;brâhten juncvrouwen, dâ mitten kranc,
;;;423;19;;und andere guote spîse:
;;;423;20;;fasâne, pardrîse,
;;;423;21;;guote vische, blankiu wastel.
;;;423;22;;Gawan und Kingrimursel
;;;423;23;;wâren komen ûz grôzer nôt.
;;;423;24;;sît ez diu künigîn bôt,
;;;423;25;;dô âzen si, als si solten,
;;;423;26;;und andere, die ez wolten.
;;;423;27;;Anticonie in selbe sneit.
;;;423;28;;daz was durch zuht in beiden leit.
;;;423;29;;swaz man dâ kniewender schenken sach,
;;;423;30;;ir dekeinem diu hosennestel brach.
;;;424;1;;ez wâren megde als von der zît,
;;;424;2;;den man diu besten jâr noch gît.
;;;424;3;;ich bin des unverværet,
;;;424;4;;hetten si geschæret
;;;424;5;;als ein valke sîn gevidere.
;;;424;6;;dô rede ich niht widere.
;;;424;7;;Nû hœret, ê sich der rât geschiet,
;;;424;8;;waz man des landes künige riet.
;;;424;9;;die wîsen hette er zuo im genomen.
;;;424;10;;an sînen rât die wâren komen.
;;;424;11;;etslîcher sînen willen sprach,
;;;424;12;;als ime sîn bester sin verjach.
;;;424;13;;dô mâzen sich an manige stat.
;;;424;14;;der künic sîne rede hœren bat.
;;;424;15;;er sprach: "ez wart mit im und mir gestriten.
;;;424;16;;ich kam durch âventiure geriten
;;;424;17;;mi fôrest Lethamris.
;;;424;18;;ein ritter alze hôhen prîs
;;;424;19;;in dirre wochen an mir sach,
;;;424;20;;wand er mich vlügelingen stach
;;;424;21;;hinder daz ros al sunder twâl.
;;;424;22;;er twanc mich des, daz ich den Grâl
;;;424;23;;gelobete ime ze erwerben.
;;;424;24;;solt ich nû dâr umbe sterben,
;;;424;25;;sô muoz ich leisten sicherheit,
;;;424;26;;die sîn hant an mir erstreit.
;;;424;27;;dâ râtet umb, des ist nôt.
;;;424;28;;mîn bester schilt was vür den tôt,
;;;424;29;;daz ich dâr umbe bôt mîne hant,
;;;424;30;;als iu mit rede ist hie bekant.
;;;425;1;;er ist manheit und ellens hêr.
;;;425;2;;der helt gebôt mir dennoch mêr,
;;;425;3;;daz ich âne liste
;;;425;4;;inre jâres vriste,
;;;425;5;;ob ich des Grâles erwürbe niht,
;;;425;6;;daz ich ir kœme, der man giht
;;;425;7;;der krône ze Pelraperie.
;;;425;8;;ir vater hie Tampenterie.
;;;425;9;;wenne mîn ouge si an gesæhe,
;;;425;10;;daz ich ir sicherheit verjæhe.
;;;425;11;;er enbôt ir, daz si dæhte an in,
;;;425;12;;daz wære an vrœden sîn gewin,
;;;425;13;;und er wære, der si lôste ê
;;;425;14;;von dem künige Clamide."
;;;425;15;;Dô si die rede erhôrten sus,
;;;425;16;;dô sprach aber Liddamus:
;;;425;17;;"mit dirre hêrren urloube ich nû
;;;425;18;;sprich. ouch râten ime si dar zuo.
;;;425;19;;wes iuch dort twanc jener man,
;;;425;20;;des sî hie pfant hêr Gawan.
;;;425;21;;der vederslagt ûf iuweren kloben.
;;;425;22;;bittet in iu vor uns allen loben,
;;;425;23;;daz er iu den Grâl gewinne,
;;;425;24;;und lât in mit guoter minne
;;;425;25;;von iu hinnan rîten
;;;425;26;;und nâch dem Grâle strîten.
;;;425;27;;die schame müesen wir alle klagen,
;;;425;28;;würde er im hûse erslagen,
;;;425;29;;und vergebet ime sîne schulde
;;;425;30;;durch iuwerre swester hulde.
;;;426;1;;er hât hie erliten grôze nôt
;;;426;2;;und muoz nû kêren in den tôt.
;;;426;3;;waz erden umbslagen hât daz mere,
;;;426;4;;dâ engelac nie hûs sô wol ze were
;;;426;5;;als Munsaluasce, wâ diu stât.
;;;426;6;;von strîte rûher wec dar gât.
;;;426;7;;bî sînem gemache in hînaht lât.
;;;426;8;;morgen sage man ime den rât."
;;;426;9;;des volgeten alle  râtgeben.
;;;426;10;;sus behielt hêr Gawan dâ sîn leben.
;;;426;11;;Man pflac des heldes unverzaget
;;;426;12;;des nahtes, wart mir gesaget,
;;;426;13;;daz harte guot was sîn gemach.
;;;426;14;;dô man den mitten morgen sach
;;;426;15;;und dô man messe sanc,
;;;426;16;;ûf dem palase was grôz gedranc
;;;426;17;;von povel und von werder tiet.
;;;426;18;;der künic tet, als man ime riet.
;;;426;19;;er hiez Gawanen bringen.
;;;426;20;;den wolt er nihtes twingen,
;;;426;21;;als ir selbe habt gehôrt.
;;;426;22;;nû sehet, wâ in brâhte dort
;;;426;23;;Anticonie, diu wolgevar.
;;;426;24;;ir veteren sun kam mit ir dar
;;;426;25;;und andere genuoge des küniges man.
;;;426;26;;diu künigîn vuorte Gawan
;;;426;27;;vür den künic an ir hende.
;;;426;28;;ein schapel was ir gebende.
;;;426;29;;ir munt den pluomen nam den prîs.
;;;426;30;;ûf dem schapel dekein wîs
;;;427;1;;stuont niender dekeiniu alsô rôt.
;;;427;2;;wem si güetlîch ir küssen bôt,
;;;427;3;;des muose swenden sich der walt
;;;427;4;;mit maniger juste ungezalt.
;;;427;5;;mit lobe wir sullen grüezen
;;;427;6;;die kiuschen und die süezen
;;;427;7;;maget Anticonien,
;;;427;8;;vor valschen die vrîen,
;;;427;9;;wand si lebete in solichem siten,
;;;427;10;;daz niender was underriten
;;;427;11;;ir prîs mit valschen worten.
;;;427;12;;alle, die ir prîs gehôrten,
;;;427;13;;ieglîch munt ir wunschet dô,
;;;427;14;;daz ir prîs bestüende alsô
;;;427;15;;bewart vor valscher trüeber jehe.
;;;427;16;;lûter, vertic als ein valkensehe
;;;427;17;;was balsammæzic stæte an ir.
;;;427;18;;daz riet ir werdeclîchiu gir.
;;;427;19;;diu süeze, sælden rîche
;;;427;20;;sprach gezogenlîche:
;;;427;21;;"bruoder, hie bringe ich den degen,
;;;427;22;;des dû mich selbe hieze pflegen.
;;;427;23;;nû lâz in mîn geniezen.
;;;427;24;;daz sol dich niht verdriezen.
;;;427;25;;denke an brüederlîche triuwe
;;;427;26;;und tuo daz âne riuwe.
;;;427;27;;dir stât manlîchiu triuwe baz,
;;;427;28;;wenne daz dû dolest der werlte haz
;;;427;29;;und mînen, künde ich hazzen.
;;;427;30;;den lêre mich gegen dir mâzen."
;;;428;1;;Dô sprach der werde, süeze man:
;;;428;2;;"daz tuon ich, swester, ob ich kan.
;;;428;3;;dar zuo gip selber dînen rât.
;;;428;4;;dich dunket, daz mir missetât
;;;428;5;;werdecheit habe underswungen,
;;;428;6;;von prîse mich gedrungen.
;;;428;7;;waz töht ich danne ze bruoder dir?
;;;428;8;;wanne dieneten alle krônen mir,
;;;428;9;;der stüende ich abe durch dîn gebot.
;;;428;10;;dîn hazzen wære mîn hœhestiu nôt.
;;;428;11;;mir ist unmære vröude und êre
;;;428;12;;niht wanne nâch dîner lêre.
;;;428;13;;hêr Gawan, ich wil iuch biten:
;;;428;14;;ir kômet durch prîs dâ her geriten.
;;;428;15;;nû tuot daz durch prîses hulde,
;;;428;16;;helfet mir, daz mîne schulde
;;;428;17;;mîn swester ûf mich verkiese.
;;;428;18;;ê daz ich si verliese,
;;;428;19;;ich verkiuse ûf iuch mîn herzeleit,
;;;428;20;;wellet ir mir geben sicherheit,
;;;428;21;;daz ir mir werbet sunder twâl
;;;428;22;;mit guoten triuwen umb den Grâl."
;;;428;23;;dâ wart diu suone geendet
;;;428;24;;und Gawan gesendet
;;;428;25;;an dem selben mâle
;;;428;26;;durch strîten nâch dem Grâle.
;;;428;27;;Kingrimursel ouch verkôs
;;;428;28;;ûf den künic, der in dâ vor verlôs,
;;;428;29;;daz er ime sîn geleite brach.
;;;428;30;;vor allen den vürsten daz geschach.
;;;429;1;;Dâ ir swert wâren gehangen,
;;;429;2;;diu wâren undergangen
;;;429;3;;Gawanes knappen an der selben stunt,
;;;429;4;;daz ir dekeiner was worden wunt.
;;;429;5;;ein gewaltec man von der stat,
;;;429;6;;der in vrides vor den andern bat,
;;;429;7;;der vienc si und leit si in prîsûn.
;;;429;8;;ez wære Franzois oder Britun,
;;;429;9;;starke knappen oder kleiniu kint,
;;;429;10;;von welhem lande si komen sint,
;;;429;11;;die brâhte man dô lediclîchen
;;;429;12;;Gawane, dem ellens rîchen.
;;;429;13;;dô in diu kint ersâhen,
;;;429;14;;dô wart grôz umbevâhen.
;;;429;15;;ieglîchez weinende an in hienc.
;;;429;16;;daz weinen doch von liebe gienc.
;;;429;17;;von Kurnewal mit ime dâ was
;;;429;18;;cons Lan fiz Tinas.
;;;429;19;;ein edelkint wont ime bî:
;;;429;20;;duc Gandilirz fiz Gurzgri,
;;;429;21;;der durch Schoidelacurt den lîp verlôs,
;;;429;22;;dâ manic vrouwe ir jâmer kôs.
;;;429;23;;Liaze was des kindes base.
;;;429;24;;sîn munt, sîn ougen und sîn nase
;;;429;25;;was rehte der minnen kerne.
;;;429;26;;aldiu werlt sach in gerne,
;;;429;27;;dar zuo sehs ander kindelîn.
;;;429;28;;dise ahte junchêrren sîn
;;;429;29;;wâren gebürte des bewart,
;;;429;30;;elliu von edeler, hôhen art.
;;;430;1;;si wâren ime durch sippe holt
;;;430;2;;und dienden ime ûf sînen solt.
;;;430;3;;werdicheit gap er ze lône
;;;430;4;;und pflac ir anders schône.
;;;430;5;;Gawan sprach zen kindelîn:
;;;430;6;;"wol iu, süezen mâge mîn,
;;;430;7;;mich dunket des, ir wolt mich klagen,
;;;430;8;;obe ich wære alhie erslagen."
;;;430;9;;man mohte in klage getriuwen wol;
;;;430;10;;si wâren joch sus in jâmers dol.
;;;430;11;;er sprach: "mir was umb iuch vil leit.
;;;430;12;;wâ wâret ir, dô man mit mir streit?"
;;;430;13;;si sagetenz ime, ir keiner louc:
;;;430;14;;"ein mûzersprinzelîn enpflouc
;;;430;15;;uns, dô ir bî der künigîn
;;;430;16;;sâzet. dâ liefen wir alliu hie hin."
;;;430;17;;die dâ stuonden unde sâzen,
;;;430;18;;die merkens niht vergâzen,
;;;430;19;;die brüefeten, daz hêr Gawan
;;;430;20;;wære ein manlîch hoves man.
;;;430;21;;urloubes er dô gerte,
;;;430;22;;des in der künic gewerte
;;;430;23;;und daz volc al gemeine,
;;;430;24;;wanne der lantgrâve aleine.
;;;430;25;;die zwêne nam diu künigîn
;;;430;26;;und Gawanes junchêrrelîn.
;;;430;27;;si vuorte si, dâ ir pflâgen
;;;430;28;;juncvrouwen âne bâgen.
;;;430;29;;dô nam ir wol mit zühten war
;;;430;30;;manic juncvrouwe wol gevar.
;;;431;1;;Dô Gawan enbizzen was
;;;431;2;;- ich sage iu, als Kiot was -,
;;;431;3;;durch herzenlîche triuwe
;;;431;4;;huop sich dô grôziu riuwe.
;;;431;5;;er sprach zer küniginne:
;;;431;6;;"vrouwe, hân ich sinne
;;;431;7;;und sol mir got den lîp bewarn,
;;;431;8;;sô muoz ich dienstlîchez varn
;;;431;9;;und ritterlîch gemüete
;;;431;10;;iwer wîplîchen güete
;;;431;11;;ze dieneste iemer kêren.
;;;431;12;;want iuch kan sælde lêren,
;;;431;13;;daz ir habet valsch angesiget.
;;;431;14;;iuwer prîs vür alle prîse wiget.
;;;431;15;;glücke müeze iuch sælden wern.
;;;431;16;;vrouwe, ich wil urloubes gern.
;;;431;17;;den gebet mir und lât mich varn.
;;;431;18;;iuwer zuht müeze iuwern prîs bewarn."
;;;431;19;;ir was sîn danscheiden leit.
;;;431;20;;dô weineten durch gesellecheit
;;;431;21;;mit ir manic juncvrouwe klâr.
;;;431;22;;diu künigîn sprach âne allen vâr:
;;;431;23;;"het ir mîn genozzen mêr,
;;;431;24;;mîn vröude wære gegen sorgen hêr.
;;;431;25;;nû mohte iuwer vride niht bezzer sîn.
;;;431;26;;geloubet aber, wenne ir lîdet pîn,
;;;431;27;;ob iuch vertreit ritterschaft
;;;431;28;;in riuwebærem kumbers kraft,
;;;431;29;;sô wizzet, mîn hêr Gawan,
;;;431;30;;des sol mîn herze pflihte hân
;;;432;1;;ze verlust oder ze gewinne."
;;;432;2;;diu edele küniginne
;;;432;3;;kuste den Gawanes munt.
;;;432;4;;der wart an vröuden ungesunt,
;;;432;5;;daz er sô gâhes von ir reit.
;;;432;6;;ich wæne, ez was in beiden leit.
;;;432;7;;sîne knappen heten sich bedâht,
;;;432;8;;daz sîniu ros wâren brâht
;;;432;9;;ûf den hof vür den palas,
;;;432;10;;aldâ der linden schate was.
;;;432;11;;ouch wâren dem lantgrâven komen
;;;432;12;;sîne gesellen, sus hân ichz vernomen.
;;;432;13;;der reit mit im ûz vür die stat.
;;;432;14;;Gawan in zühteclîchen bat,
;;;432;15;;daz er sich arbeite
;;;432;16;;und sînen gezoc ime leite
;;;432;17;;ze Bearosche. "dâ ist Scherules,
;;;432;18;;den sullen si selbe bitten des
;;;432;19;;geleites ze Dianazdrun.
;;;432;20;;dâ wont etslîch Britun,
;;;432;21;;der si bringet an den hêrren mîn
;;;432;22;;oder an mîne vrouwen, die künigîn."
;;;432;23;;daz lobete Kingrimursel.
;;;432;24;;urloup nam der degen snel.
;;;432;25;;Gringulet wart gewâpent sân,
;;;432;26;;daz ros, und mîn hêrre Gawan.
;;;432;27;;er kuste sîne mâge, diu kindelîn,
;;;432;28;;und ouch die werden knappen sîn.
;;;432;29;;nâch dem Grâle ime sicherheit gebôt.
;;;432;30;;er reit aleine gegen wunders nôt.
;;;433;1;;"Tuot ûf!" "wem? wer sît ir?"
;;;433;2;;"ich wil inz herze dîn ze dir."
;;;433;3;;"sô gert ir ze engem rûme."
;;;433;4;;"waz danne, belîbe ich kûme?
;;;433;5;;mîn dringen soltû selten klagen.
;;;433;6;;ich wil dir nû von wunder sagen."
;;;433;7;;"jâ, sît irz, vrouwe Âventiure?
;;;433;8;;wie vert der gehiure?
;;;433;9;;ich meine den werden Parcifal,
;;;433;10;;den Condrie nâch dem Grâl
;;;433;11;;mit unsüezen worten jagete,
;;;433;12;;dâ manigiu vrouwe klagete,
;;;433;13;;daz niht wendic was sîn reise.
;;;433;14;;von Artuse dem Brituneise
;;;433;15;;huop er sich dô. wie vert er nû?
;;;433;16;;den selben mæren grîfet zuo,
;;;433;17;;ob er an vrœden sî verzaget.
;;;433;18;;oder hât er hôhen prîs bejaget?
;;;433;19;;oder ob sîn ganziu werdicheit
;;;433;20;;sî beidiu lanc und breit?
;;;433;21;;oder ist si kurz oder smal?
;;;433;22;;nû prüevet uns die selben zal,
;;;433;23;;waz von sînen henden sî geschehen.
;;;433;24;;hât er Muntsalvasche sider gesehen
;;;433;25;;und den süezen Anfortas,
;;;433;26;;des herze dô vil siufzic was?
;;;433;27;;durch iuwere güete gebet uns trôst,
;;;433;28;;ob er von jâmer sî erlôst.
;;;433;29;;lât hœren uns diu mære,
;;;433;30;;ob Parcifal dâ wære,
;;;434;1;;beidiu iuwer hêrre und ouch der mîn.
;;;434;2;;nû erliuht mir die vuore sîn.
;;;434;3;;der süezen Herczeloiden barn,
;;;434;4;;wie hât Gahmuretes sun gevarn,
;;;434;5;;sît er von Artuse reit?
;;;434;6;;ob er liep oder herzeleit
;;;434;7;;sît habe bezalt an strîte?
;;;434;8;;habt er sich ane wîte
;;;434;9;;oder hât er sider sich verlegen?
;;;434;10;;sagt mir sîne site und al sîn pflegen."
;;;434;11;;tuot uns diu âventiure bekant,
;;;434;12;;er habe erstrichen manic lant
;;;434;13;;ze rosse und ze schiffe ûf dem wâc.
;;;434;14;;er wære lantman oder mâc,
;;;434;15;;der joste poinder gegen ime maz,
;;;434;16;;daz der enkeiner nie gesaz.
;;;434;17;;sus kan sîn wâge seigen,
;;;434;18;;sîn selbes brîs ûf steigen
;;;434;19;;und die anderen lêren sîgen.
;;;434;20;;in manigen herten wîgen
;;;434;21;;hât er sich schimpfentiure erwert,
;;;434;22;;den lîp gegen strîte alsô gezert,
;;;434;23;;wer prîs zuo ime wolte borgen,
;;;434;24;;der muos ez tuon mit sorgen.
;;;434;25;;sîn swert, daz ime Anfortas
;;;434;26;;gap, dô er bî dem Grâle was,
;;;434;27;;brast, sît dô er bestanden wart.
;;;434;28;;dô machet ez ganz des brunnen art
;;;434;29;;bî Karnant, der dâ heizet Lac.
;;;434;30;;daz swert half ime prîses bejac.
;;;435;1;;Der ez niht gloubet, der sündet.
;;;435;2;;diu âventiure uns kündet,
;;;435;3;;daz Parcifal, der degen balt,
;;;435;4;;kam geriten ûf einen walt,
;;;435;5;;ich enweiz zuo welhen stunden.
;;;435;6;;aldâ sîniu ougen vunden
;;;435;7;;niuwes bûwes eine klûsen stên,
;;;435;8;;dâ durch einen snellen brunnen gên.
;;;435;9;;einhalp si drüber was geworht.
;;;435;10;;der junge degen âne vorht
;;;435;11;;reit durch âventiure ze versuochen.
;;;435;12;;sîn wolte got dô ruochen.
;;;435;13;;er vant eine klôsenærinne,
;;;435;14;;diu durch die gotes minne
;;;435;15;;ir magetuom und ir vröude gap.
;;;435;16;;wîplîcher sorgen urhap
;;;435;17;;ûz ir herzen blüete niuwe
;;;435;18;;und doch durch alte triuwe.
;;;435;19;;Scianatulander
;;;435;20;;und Sigune vand er.
;;;435;21;;der helt lac dar inne begraben tôt.
;;;435;22;;ir leben leit ûf dem sarke nôt.
;;;435;23;;Sigunen do cesse
;;;435;24;;hôrte selten messe.
;;;435;25;;ir leben, was daz ein venje gar.
;;;435;26;;ir dicker munt heiz, rôt gevar
;;;435;27;;was dô erblichen und bleich,
;;;435;28;;sît werltlîch vröude ir gesweich.
;;;435;29;;ez erleit nie maget sô hôhen pîn.
;;;435;30;;durch klage si muose aleine sîn.
;;;436;1;;durch minne, diu an im erstarp,
;;;436;2;;daz si der vürste niht erwarp,
;;;436;3;;si minnete sînen tôten lîp,
;;;436;4;;als ob si worden wære sîn wîp.
;;;436;5;;dô hette sich vrouwe Lunette
;;;436;6;;gesûmet an sô gæher bete,
;;;436;7;;als si riet ir selber vrouwen.
;;;436;8;;man mac noch dicke schouwen
;;;436;9;;vrouwe Lunetten rîten zuo
;;;436;10;;etslîchem râte gar ze vruo.
;;;436;11;;wellich wîp nû durch geselleschaft
;;;436;12;;verbirt und durch ir zühte kraft
;;;436;13;;pfliht an vrömder minne,
;;;436;14;;als ich michs versinne,
;;;436;15;;lât siz bî ir mannes leben,
;;;436;16;;dem wart an ir der wunsch gegeben.
;;;436;17;;dekein beiten stât ir als uns wol.
;;;436;18;;daz erziuge ich, ob ich sol.
;;;436;19;;dâr nâch tuo, als siz lêre.
;;;436;20;;behaltet si dannoch ir êre,
;;;436;21;;siu treit dekeinen sollichen kranz,
;;;436;22;;gât si durch vröude an den tanz.
;;;436;23;;wes wunsch ich vröude gegen der nôt,
;;;436;24;;als Sigunen ir triuwe bôt?
;;;436;25;;daz möht ich gerne lâzen.
;;;436;26;;über ronen, âne strâzen
;;;436;27;;Parcifal vür daz venster reit
;;;436;28;;alze nâhe, daz was im leit.
;;;436;29;;dô wolte er vrâgen umben walt,
;;;436;30;;oder war sîn reise wær gezalt.
;;;437;1;;er gerte der gegenrede dâ:
;;;437;2;;"ist niemen dinne?" si sprach: "jâ."
;;;437;3;;dô er hôrte, daz ez vrouwen stimme was,
;;;437;4;;her dan ûf ungetret gras
;;;437;5;;warf er daz ros vil drâte.
;;;437;6;;ez dûhte in alze spâte.
;;;437;7;;daz er niht was erbeizet ê,
;;;437;8;;diu selbe scham tet ime wê.
;;;437;9;;er bant daz ros vil vaste
;;;437;10;;ze eines ronen aste.
;;;437;11;;sînen dürkelen schilt hienc er dâr an.
;;;437;12;;dô der kiusche, vrevel man
;;;437;13;;durch zuht sîn swert von im gebant,
;;;437;14;;er gienc vür daz venster zuo der want.
;;;437;15;;dô wolte er vrâgen mære.
;;;437;16;;diu klôse was vröuden lære,
;;;437;17;;dar zuo aller schimpf blôz.
;;;437;18;;er vant dâ niht wanne jâmer grôz.
;;;437;19;;er gerte ir an daz venster dar.
;;;437;20;;diu juncvrouwe bleich gevar
;;;437;21;;mit zuht ûf von ir venje stuont.
;;;437;22;;dannoch was ime harte unkunt,
;;;437;23;;wer si wære oder mohte sîn.
;;;437;24;;si truoc ein hemede hærîn
;;;437;25;;under eime grâwen rocke ze næhst an der hût.
;;;437;26;;grôz jâmer was ir sundertrût.
;;;437;27;;der hette ir hôhen muot geleget,
;;;437;28;;von dem herzen siufzens vil erweget.
;;;437;29;;mit zuht diu maget zem venster gienc.
;;;437;30;;mit süezen worten si in enpfienc.
;;;438;1;;einen salter truoc si in der hant.
;;;438;2;;Parcifal, der wîgant,
;;;438;3;;ein kleinez vingerlîn dâ kôs,
;;;438;4;;daz si durch arbeit nie verlôs,
;;;438;5;;si behielte ez durch rehter minne art.
;;;438;6;;daz steinlîn was ein grânât.
;;;438;7;;des blic gap ûz der vinster schîn
;;;438;8;;reht als ein viures gensterlîn.
;;;438;9;;senelîch was ir gebende.
;;;438;10;;"dâ ûzen bî der wende",
;;;438;11;;sprach si, "hêrre, dâ stât ein banc.
;;;438;12;;ruochet sitzen, lêre ez iuch iuwer gedanc
;;;438;13;;und ander unmuoze.
;;;438;14;;daz ich her zuo iwerem gruoze
;;;438;15;;bin komen, daz vergelte got.
;;;438;16;;der giltet getriuweclîchen urbot."
;;;438;17;;der helt ir râtes niht vergaz.
;;;438;18;;vür daz venster er dô saz.
;;;438;19;;er bat ouch dinne sitzen sie.
;;;438;20;;si sprach: "nû hân ich selten hie
;;;438;21;;gesezzen bî dekeinem man."
;;;438;22;;der helt si vrâgen  began
;;;438;23;;umb ir strîte und umb ir pflege:
;;;438;24;;"daz ir sô verre von dem wege
;;;438;25;;sitzet in dirre wilde!
;;;438;26;;ich hân ez vür ein unbilde,
;;;438;27;;vrouwe, wes ir iuch begêt,
;;;438;28;;sît hie niht bûwes umb iuch stêt."
;;;438;29;;si sprach: "dô kumet mir von dem Grâl
;;;438;30;;mîn spîse dâ her sunder twâl.
;;;439;1;;Condrie la surziere
;;;439;2;;mir dannen bringet schiere
;;;439;3;;alle sameztage  naht
;;;439;4;;mîne spîse - des  si sich bedâht -,
;;;439;5;;der ich ganze woche leben sol."
;;;439;6;;si sprach: "wære mir anders wol,
;;;439;7;;ich sorgete wênic umb die nar.
;;;439;8;;der bin ich wol bereitet dâr."
;;;439;9;;Dô wânde Parcifal, si lüge
;;;439;10;;und daz sin anders gerne trüge.
;;;439;11;;er sprach in schimpfe zuo ir dar în:
;;;439;12;;"durch wen traget ir daz vingerlîn?
;;;439;13;;ich hôrte ie sagen mære,
;;;439;14;;klôsenærinne und klôsenære,
;;;439;15;;die solten mîden amûrschaft."
;;;439;16;;si sprach: "hett iuwer rede kraft,
;;;439;17;;ir woltet mich velschen gerne.
;;;439;18;;wenne ich nû valsch gelerne,
;;;439;19;;sô hebet mir in ûf, sît ir dâ bî.
;;;439;20;;ruochets got, ich bin vor valsche vrî.
;;;439;21;;ich enkan dekeinen widersaz."
;;;439;22;;si sprach: "disen mahelschaz
;;;439;23;;trage ich durch einen lieben man,
;;;439;24;;des minne ich nie an mînen ougen gewan
;;;439;25;;mit menschlîcher tæte.
;;;439;26;;magetuomlîches herzen ræte
;;;439;27;;mir gegen ime râtent minne."
;;;439;28;;si sprach: "den hân ich hinne,
;;;439;29;;des kleinôte ich sider truoc,
;;;439;30;;sît Orilus in sluoc.
;;;440;1;;mîner jâmerzîte jâr
;;;440;2;;wil ich im minne geben vür wâr.
;;;440;3;;der rehten minne ich bin sîn wer,
;;;440;4;;wand er mit schilte und ouch mit sper
;;;440;5;;dâ nâch mit ritters handen warp,
;;;440;6;;unz er in mînem dienste erstarp.
;;;440;7;;magetuom ich ledeclîch hân.
;;;440;8;;er ist vor gote iedoch mîn man.
;;;440;9;;ob gedanke wirken sollen diu werc,
;;;440;10;;sô trage ich niender den geberc,
;;;440;11;;der underswinge mir mîn ê.
;;;440;12;;mînem lebene tet sîn sterben wê.
;;;440;13;;der rehten ê diz vingerlîn
;;;440;14;;vür got sol mîn geleite sîn.
;;;440;15;;daz ist ob mîner triuwe slôz,
;;;440;16;;von dem herzen mîner ougen vlôz.
;;;440;17;;ich bin hinne selber ander:
;;;440;18;;Schianatulander
;;;440;19;;ist daz eine, daz ander ich."
;;;440;20;;Parcifal verstuont dô sich,
;;;440;21;;daz ez Sigune wære.
;;;440;22;;ir kumber was ime swære.
;;;440;23;;den helt dô wênic des verdrôz.
;;;440;24;;vonme hersnier daz houbet blôz
;;;440;25;;er machte, ê daz er gegen ir sprach.
;;;440;26;;diu juncvrouwe an ime ersach
;;;440;27;;durch îsers râm vil liehtez vel.
;;;440;28;;dô erkante si den degen snel.
;;;440;29;;si sprach: "ir sît ez, hêr Parcifal!
;;;440;30;;sagt an, wie stât ez umben Grâl?
;;;441;1;;habet ir gebrüefet noch sîn art
;;;441;2;;oder wie ist bewendet iuwer vart?"
;;;441;3;;Er sprach zuo der megde wol geborn:
;;;441;4;;"dâ hân ich vröude vil verlorn.
;;;441;5;;der Grâl mir sorgen gît genuoc.
;;;441;6;;ich liez ein lant, dâ ich krône truoc,
;;;441;7;;dar zuo daz minneclîcheste wîp.
;;;441;8;;ûf erde nie sô schœner lîp
;;;441;9;;wart geborn von menschlîcher vruht.
;;;441;10;;ich sene mich nâch ir kiuschen zuht.
;;;441;11;;nâch ir minne ich trûre vil
;;;441;12;;und mêr nâch dem hôhen zil,
;;;441;13;;wie ich Muntsalvasche müge sehen
;;;441;14;;und den Grâl. daz ist noch ungeschehen.
;;;441;15;;niftel Sigune, dû tuost gewalt,
;;;441;16;;sît dû mînen kumber manicvalt
;;;441;17;;erkennest, daz dû vêhest mich."
;;;441;18;;diu maget sprach: "al mîn gerich
;;;441;19;;sol ûf dich, neve, sîn verkorn.
;;;441;20;;dû hâst doch vröuden vil verlorn,
;;;441;21;;sît dû lieze dich betrâgen
;;;441;22;;umb daz werdeclîche vrâgen
;;;441;23;;und dô der süeze Anfortas
;;;441;24;;dîn wirt und dîn gelücke was.
;;;441;25;;dô hete dir vrâgen wunsch bejaget.
;;;441;26;;nû muoz dîn vröude sîn verzaget
;;;441;27;;und aller dîn hôher muot erlemet.
;;;441;28;;dîn herze sorge hât gezemet,
;;;441;29;;diu dir vil vrömede wære,
;;;441;30;;hetest dû gevrâget der mære."
;;;442;1;;"Ich warp, als der den schaden hât",
;;;442;2;;sprach er, "liebiu niftel, gip mir rât.
;;;442;3;;gedenke rehter sippe an mir
;;;442;4;;und sage mir ouch: wie stât ez dir?
;;;442;5;;ich solte trûren umb dîne klage,
;;;442;6;;wanne daz ich hœhern kumber trage,
;;;442;7;;danne ieman getrüege.
;;;442;8;;mîn nôt ist zuo ungevüege."
;;;442;9;;si sprach: "nû helfe dir des hant,
;;;442;10;;dem aller kumber ist bekant,
;;;442;11;;ob dir sô wol gelinge,
;;;442;12;;daz dich ein slâ dar bringe,
;;;442;13;;aldâ dû Muntsalvasche sihest,
;;;442;14;;dâ dû mir dîner vröuden gihest.
;;;442;15;;Condrie la surziere reit
;;;442;16;;vil müelîche hinnen. mir ist leit,
;;;442;17;;daz ich niht vrâgete, ob si dar
;;;442;18;;wolte kêren oder anderswar.
;;;442;19;;iemer sô si kumt, ir mûl dort stât,
;;;442;20;;dâ der brunne ûz dem velse gât.
;;;442;21;;ich râte, daz dû ir rîtest nâch.
;;;442;22;;ir ist lîhte vor dir niht sô gâch,
;;;442;23;;dû enmügest si schiere hân erriten."
;;;442;24;;dô enwart niht langer dâ gebiten.
;;;442;25;;urloup nam der helt aldâ.
;;;442;26;;dô kêrte er ûf die niuwen slâ.
;;;442;27;;Condrien mûl die reise gienc.
;;;442;28;;daz ungeverte ime undervienc
;;;442;29;;eine slâ, die er hete erkorn.
;;;442;30;;sus wart aber der Grâl verlorn.
;;;443;1;;al sîner vröuden er dô vergaz.
;;;443;2;;ich wæne, er hete gevrâget baz,
;;;443;3;;wær er ze Muntsalvasche komen,
;;;443;4;;danne als ir ê habet vernomen.
;;;443;5;;Nû lât in rîten. war sol er?
;;;443;6;;dar gegen ime kam geriten her
;;;443;7;;ein man, dem was sîn houbet blôz,
;;;443;8;;sîn wâpenroc von koste grôz,
;;;443;9;;dâr under harnasch blanc gevar.
;;;443;10;;âne daz houbet was er gewâpent gar.
;;;443;11;;gegen Parcifale er vaste reit.
;;;443;12;;er sprach: "hêrre, mir ist leit,
;;;443;13;;daz ir mînes hêrren walt sus bant.
;;;443;14;;ir werdet schiere von im ermant,
;;;443;15;;dâ von sich iuwer gemüete sent.
;;;443;16;;Muntsalvasche ist niht gewent,
;;;443;17;;daz iemen ir sô nâhe rite,
;;;443;18;;ez enwære, der angestlîchen strite
;;;443;19;;oder der alsolhen wandel bôt,
;;;443;20;;als man vor dem walde heizet tôt."
;;;443;21;;einen helm er in der hende
;;;443;22;;vuorte, des gebende
;;;443;23;;wâren snüere sîdîn,
;;;443;24;;und eine scharfe glevîn,
;;;443;25;;dâr inne al niu was der schaft.
;;;443;26;;der helt bant mit zornes kraft
;;;443;27;;den helm ûfez houbet ebene.
;;;443;28;;ez enstuont in niht vergebene
;;;443;29;;an den selben zîten
;;;443;30;;sîn drôn und ouch sîn strîten.
;;;444;1;;iedoch bereiter sich zer jost.
;;;444;2;;Parcifal mit solher kost
;;;444;3;;hete ouch sper vil verzert.
;;;444;4;;er dâhte: "ich wære unernert,
;;;444;5;;rite ich über dises mannes sât.
;;;444;6;;wie würde danne sînes zornes rât?
;;;444;7;;nû tret ich hie den wilden varm.
;;;444;8;;mirn geswîchen hende, ietweder arm,
;;;444;9;;ich gibe vür mîne reise ein pfant,
;;;444;10;;daz niender bindet mich sîn hant."
;;;444;11;;daz wart ze beider sîte getân:
;;;444;12;;diu ros in den walap verlân,
;;;444;13;;mit sporn getriben und ouch gevuort
;;;444;14;;vaste ûf der rabîne hurt.
;;;444;15;;ir enweders just dâ misseriet.
;;;444;16;;maniger juste ein gegenniet
;;;444;17;;was Parcifals hôhiu brust.
;;;444;18;;den lêrte kunst und sîne gelust,
;;;444;19;;daz sîn just als eben vuor
;;;444;20;;reht in den strick der helmsnuor.
;;;444;21;;er traf in, dâ man henket den schilt,
;;;444;22;;sô man ritterschafte spilt,
;;;444;23;;daz von Muntsalvasche der templeis
;;;444;24;;von dem rosse in eine halden reis
;;;444;25;;sô verre hin abe - diu was sô tief -,
;;;444;26;;daz dâ sîn leger wênic slief.
;;;444;27;;Parcifal, der werde, juste nâch
;;;444;28;;volgete. dem rosse was gâch;
;;;444;29;;ez viel hin abe, daz ez gar zerbrast.
;;;444;30;;Parcifal eines zêders ast
;;;445;1;;begreif mit sînen handen.
;;;445;2;;nû jehts ime niht zuo schanden,
;;;445;3;;daz er sich âne scherjen hienc.
;;;445;4;;mit den vüezen er gevienc
;;;445;5;;under ime des velses herte.
;;;445;6;;in grôzem ungeverte
;;;445;7;;lac daz ros dort niden tôt.
;;;445;8;;der ritter gâhete von der nôt
;;;445;9;;anderhalben ûf die halden hin.
;;;445;10;;wolte er teilen den gewin,
;;;445;11;;den er erwarp an Parcifal,
;;;445;12;;sô half ime baz dâ heime der Grâl.
;;;445;13;;Parcifal her wider steic.
;;;445;14;;der zügel gegen der erden seic.
;;;445;15;;dâ hete daz ros durch getreten,
;;;445;16;;als ob ez bîtens wære gebeten,
;;;445;17;;daz jener ritter dâ vergaz.
;;;445;18;;dô Parcifal dar ûf gesaz,
;;;445;19;;dô enwas niht wenne sîn sper verlorn,
;;;445;20;;die wîle vlust gegen vînden was verkorn.
;;;445;21;;ich wæne, der starke Lehelin
;;;445;22;;noch der stolze Kingrisin
;;;445;23;;noch rois Gramolanz
;;;445;24;;noch cuns Lascot fiz Gurnemanz,
;;;445;25;;nie bezzer just geriten,
;;;445;26;;danne als diz ros wart erstriten.
;;;445;27;;dô reit er, er enwuste war,
;;;445;28;;sô daz diu Muntsalvasche schar
;;;445;29;;in mit strîte gar vermeit.
;;;445;30;;des Grâles vremde was im leit.
;;;446;1;;swer ruochet vernemen, dem tuon ich kunt,
;;;446;2;;wie des heldes dinc dâ nâch gestuont.
;;;446;3;;Des enbrüefe ich niht der wochen zal,
;;;446;4;;über wie lanc sider Parcifal
;;;446;5;;reit durch âventiure als ê.
;;;446;6;;eines morgens was ein dünner snê,
;;;446;7;;iedoch sô dünne wol gesnît,
;;;446;8;;als der noch vrost den liuten gît.
;;;446;9;;ez was ûf einem grôzen walt.
;;;446;10;;ime widergienc ein ritter alt,
;;;446;11;;des bart algrâ was gevar,
;;;446;12;;dâ bî sîn vel linde und clâr.
;;;446;13;;die selben varwe truoc sîn wîp.
;;;446;14;;diu beidiu über blôzen lîp
;;;446;15;;truogen grâwe röcke herte
;;;446;16;;ûf ir bete verte.
;;;446;17;;sîniu kint, zwô juncvrouwen,
;;;446;18;;die man gerne mohte schouwen,
;;;446;19;;dâ giengen in der selben wât.
;;;446;20;;daz riet ir kiusches herzen rât.
;;;446;21;;si giengen alle barvuoz.
;;;446;22;;Parcifal bôt sînen gruoz
;;;446;23;;dem grâwen ritter, der dâ gienc,
;;;446;24;;von des râte er sît gelücke enpfienc.
;;;446;25;;er mohte wol ein hêrre sîn.
;;;446;26;;dâ liefen vrouwen breckelîn.
;;;446;27;;mit senftem site, niht ze hêr,
;;;446;28;;gienc dâ ritter und knappen mêr
;;;446;29;;mit zühten ûf der gotes vart,
;;;446;30;;genuoge sô gar âne bart.
;;;447;1;;Parcifal, der werde degen,
;;;447;2;;hete des lîbes sô gepflegen,
;;;447;3;;daz sîn zimierde rîche
;;;447;4;;stuont gar ritterlîche.
;;;447;5;;in solichem harnasch er reit,
;;;447;6;;dem ungelîch was jeniu kleit,
;;;447;7;;diu gegen ime truoc der grâwe man.
;;;447;8;;daz ros ûz dem pfade sân
;;;447;9;;kêret er mit dem zoume.
;;;447;10;;dô nam sîn vrâgen goume
;;;447;11;;umb der guoten liute vart.
;;;447;12;;mit süezer rede ers innen wart.
;;;447;13;;dô was des grâwen hêrren klage,
;;;447;14;;daz ime die heileclîchen tage
;;;447;15;;niht hülfen gegen alsolichem site,
;;;447;16;;daz er sunder wâpen rite
;;;447;17;;oder daz er barvuoz gienge
;;;447;18;;und des tages zît begienge.
;;;447;19;;Parcifal sprach zuo ime dô:
;;;447;20;;"hêrre, ich erkenne sus noch sô,
;;;447;21;;wie des jâres urhap stât
;;;447;22;;oder wie der wochen zal gât.
;;;447;23;;wie die tage sint genant,
;;;447;24;;daz ist mir allez unbekant.
;;;447;25;;ich diende einem, der heizet got,
;;;447;26;;ê daz sô lasterlîchen spot
;;;447;27;;sîn gunst über mich verhancte.
;;;447;28;;mîn sin ime ê nie gewancte,
;;;447;29;;von dem mir helfe was gesaget.
;;;447;30;;nû ist sîn helfe an mir verzaget."
;;;448;1;;Dô sprach der ritter grâ gevar:
;;;448;2;;"meinet ir got, den diu maget gebar?
;;;448;3;;geloubet ir sîner menscheit,
;;;448;4;;waz er hiute durch uns leit,
;;;448;5;;als man disses tages zît begât,
;;;448;6;;unreht iu danne daz harnasch stât.
;;;448;7;;ez ist hiute der karvrîtac,
;;;448;8;;des aldiu werlt sich vröuwen mac
;;;448;9;;und dâ bî mit angest siufzic sîn.
;;;448;10;;wâ wart ie hôher triuwe schîn,
;;;448;11;;danne die got durch uns begienc,
;;;448;12;;den man durch uns an daz kriuze hienc?
;;;448;13;;hêrre, pfleget irs toufes,
;;;448;14;;sô jâmert iuch des koufes.
;;;448;15;;er hât sîn werdeclîchez leben
;;;448;16;;mit tôde vür unser schult gegeben,
;;;448;17;;durch daz der mensche wart verlorn,
;;;448;18;;durch schulde hin zer helle erkorn.
;;;448;19;;ob ir niht ein heiden sît,
;;;448;20;;sô denket, hêrre, an dise zît.
;;;448;21;;rîtet vürbaz ûf unser spor.
;;;448;22;;iu ensitzet niht ze verre vor
;;;448;23;;ein heilic man, der gît iu rât,
;;;448;24;;wandel vür iuwer missetât.
;;;448;25;;welt ir ime riuwe künden,
;;;448;26;;er scheidet iuch von sünden."
;;;448;27;;sîn tohteren begunden sprechen:
;;;448;28;;"waz wiltû, vater, rechen?
;;;448;29;;sô bœse wetter wir nû hân,
;;;448;30;;waz râtes nimest dû dich gegen ime an?
;;;449;1;;wanne vüerest dû in, dâ er erwarme
;;;449;2;;sîne gesêrten arme?
;;;449;3;;wie ritterlîch die sîn gestalt,
;;;449;4;;uns dunket des doch, si haben kalt.
;;;449;5;;er ervrüre, wæren sîn eines drî.
;;;449;6;;dû hâst hie stênde nâhe bî
;;;449;7;;gezelt und slavenîen hûs.
;;;449;8;;kœme dir der künic Artus,
;;;449;9;;dû behieltest in ouch mit spîse wol.
;;;449;10;;nû tuot, als ein wirt sol:
;;;449;11;;vüere disen ritter mit dir dan."
;;;449;12;;dô sprach aber der grâwe man:
;;;449;13;;"hêrre, mîne tohtere sagent al wâr.
;;;449;14;;hie nâhe bî uns alliu jâr
;;;449;15;;var ich ûf disen wilden walt,
;;;449;16;;ez sî warm oder kalt,
;;;449;17;;iemer gegen des marter zît,
;;;449;18;;der stæten lôn nâch dienste gît.
;;;449;19;;waz spîse ich ûz brâhte durch got,
;;;449;20;;die teil ich mit iu âne spot."
;;;449;21;;die ez mit guotem willen tâten,
;;;449;22;;die juncvrouwen, bâten
;;;449;23;;in belîbens sêre.
;;;449;24;;er hete belîbens êre.
;;;449;25;;ietwederiu daz mit triuwen sprach.
;;;449;26;;Parcifal an in wol sach,
;;;449;27;;wie tiure von vroste dâ was der sweiz,
;;;449;28;;ir münde wâren rôt, dicke und heiz.
;;;449;29;;die stuonden niht senelîch,
;;;449;30;;des tages zît ungelîch.
;;;450;1;;ob ich kleinez dinc dâ ræche,
;;;450;2;;ungerne ich daz verspræche,
;;;450;3;;ich holte einen kus durch suone dâ,
;;;450;4;;ob si der suone spræchen "jâ".
;;;450;5;;wîp sint eht iemer wîp.
;;;450;6;;werlîches mannes lîp
;;;450;7;;hânt si schiere betwungen.
;;;450;8;;in ist dicke alsus gelungen.
;;;450;9;;Parcifal hie und dort
;;;450;10;;mit bete hôrte ir süezen wort,
;;;450;11;;des vater, muoter und der kinde.
;;;450;12;;er dâhte: "ob ich erwinde,
;;;450;13;;ich gên ungerne in dirre schar.
;;;450;14;;dise megde sint sô wol gevar,
;;;450;15;;daz mîn rîten bî in übel stât,
;;;450;16;;sît man und wîp ze vuoze hie gât.
;;;450;17;;sich vüeget mîn scheiden von in baz,
;;;450;18;;sît ich gegen dem trage haz,
;;;450;19;;den si von herzen minnent
;;;450;20;;und sich helfe dâ versinnent.
;;;450;21;;der hât sîne helfe mir verspart
;;;450;22;;und mich vor sorgen niht bewart."
;;;450;23;;Parcifal sprach zuo in dô sân:
;;;450;24;;"hêrre und vrouwe, lât mich hân
;;;450;25;;iuwern urloup, glücke und heil,
;;;450;26;;gebe und vröuden vollen teil.
;;;450;27;;ir juncvrouwen süeze,
;;;450;28;;iuwer zuht iu danken müeze,
;;;450;29;;daz ir mir gemaches günnet wol.
;;;450;30;;iuwern urloup ich haben sol."
;;;451;1;;er neic und die andern nigen.
;;;451;2;;dô wart ir klage niht verswigen.
;;;451;3;;Hin rîtet Herczeloiden vruht.
;;;451;4;;dem riet sîn manlîchiu zuht
;;;451;5;;kiusche und erbarmunge.
;;;451;6;;sît Herczeloide, diu junge,
;;;451;7;;in hete ûf geerbet triuwe,
;;;451;8;;sich huop sînes herzen riuwe.
;;;451;9;;allerêrst er dô gedâhte,
;;;451;10;;wer alle die werlt volbrâhte,
;;;451;12;;wie gewaltic der wære,
;;;451;11;;an sînen schepfære.
;;;451;13;;er sprach: "waz, ob got helfe pfliget,
;;;451;14;;diu müede triuwe an gesiget?
;;;451;15;;wart aber er ie ritter holt,
;;;451;16;;gediende ie ritter sînen solt
;;;451;17;;oder mac schilt oder swert
;;;451;18;;sîner helfe sîn sô wert
;;;451;19;;und reht manlîchiu wer,
;;;451;20;;daz sîn helfe mich vor sorgen ner,
;;;451;21;;ist hiute sîn helfe rîcher tac,
;;;451;22;;sô helf er, ob er helfen mac."
;;;451;23;;sus kêrte er wider, dannen er dô reit.
;;;451;24;;si stuonden dennoch, den was leit,
;;;451;25;;daz er von in kêrte.
;;;451;26;;ir triuwe si daz lêrte.
;;;451;27;;die juncvrouwen im sâhen nâch,
;;;451;28;;gegen den ouch im sîn herze jach,
;;;451;29;;daz er si gerne sæhe,
;;;451;30;;wan ir blic in schœne jæhe.
;;;452;1;;er sprach: "ist gotes kraft sô fier,
;;;452;2;;daz si beidiu ros und tier
;;;452;3;;und die liute mac wîsen,
;;;452;4;;sîn kraft wil ich im prîsen.
;;;452;5;;mac gotes gunst die helfe hân,
;;;452;6;;diu wîse mir diz kastelân
;;;452;7;;daz wægest umb die reise mîn.
;;;452;8;;sô tuot sîn güete helfe schîn.
;;;452;9;;nû ganc nâch der gotes kür."
;;;452;10;;den zügel gegen den ôren vür
;;;452;11;;er dem rosse leget.
;;;452;12;;mit den sporn er ez vast reget.
;;;452;13;;gegen Funtaine lasalvasche ez gienc,
;;;452;14;;dâ Orilus den eit enpfienc.
;;;452;15;;der kiusch Trevrizent dâ saz,
;;;452;16;;der manigen mântac übel geaz,
;;;452;17;;alsô tet er gar die wochen.
;;;452;18;;er het gar versprochen
;;;452;19;;môraz, wîn und ouch daz brôt.
;;;452;20;;sîn kiusch im dannoch mê gebôt:
;;;452;21;;der spîse enhet er keinen muot,
;;;452;22;;vleisch noch visch, waz trüege bluot.
;;;452;23;;sus stuont sîn heiligez leben.
;;;452;24;;got het im den muot gegeben:
;;;452;25;;der hêrre sich bereitet gar
;;;452;26;;gegen der himelschen schar.
;;;452;27;;mit vasten er grôzen kumber leit.
;;;452;28;;sîn kiusch gegen dem tiuvel reit.
;;;452;29;;an dem ervert nû Parcifal
;;;452;30;;diu verholnen mære umb den Grâl.
;;;453;1;;wer mich dâ von vrâgete
;;;453;2;;und dâr umb mit mir bâgete,
;;;453;3;;ob ich es ime niht ensagete,
;;;453;4;;unprîs er dâr an bejagete.
;;;453;5;;mich bat ez heln Kiot,
;;;453;6;;wan im diu âventiure gebôt,
;;;453;7;;daz es iemer man gedæht,
;;;453;8;;ê ez diu âventiure bræht
;;;453;9;;mit worten an der mære gruoz,
;;;453;10;;daz man dâ von doch sprechen muoz.
;;;453;11;;Kiot, der meister wol bekant,
;;;453;12;;zuo Dolet verworfen ligen vant
;;;453;13;;in heidenischer schrift
;;;453;14;;diser âventiure gestift.
;;;453;15;;den karacter a b c
;;;453;16;;muos er hân gelernet ê,
;;;453;17;;âne den list von nigromanzî.
;;;453;18;;ez half, daz im der touf was bî.
;;;453;19;;anders diz mær wær unvernomen.
;;;453;20;;kein heidensch list moht uns niht gevromen,
;;;453;21;;zuo künden umb des Grâles art,
;;;453;22;;wie man sîner tougen innen wart.
;;;453;23;;ein heiden hiez Flegetanis,
;;;453;24;;der bejagete an kunst hôhen prîs.
;;;453;25;;der selbe wîse fisîôn
;;;453;26;;was geborn von Salomon,
;;;453;27;;ûz israhelischer sippe gezilt
;;;453;28;;von alter her, unz unser schilt
;;;453;29;;der touf  vor dem helschen viur.
;;;453;30;;der schreip von Grâles âventiur.
;;;454;1;;er was ein heiden vaterhalp,
;;;454;2;;Flegetanis, der an ein kalp
;;;454;3;;bette, als ob ez wær ein got.
;;;454;4;;wie mac der tiuvel solichen spot
;;;454;5;;gevüegen an sô wîser diet,
;;;454;6;;daz si niht scheidet oder schiet
;;;454;7;;dâ von, der treit die hœhesten hant
;;;454;8;;und dem alliu wunder sint bekant?
;;;454;9;;Flegetanis der heiden
;;;454;10;;kunde wol bescheiden
;;;454;11;;ieglîches sternen hinganc
;;;454;12;;und sîner künste widerwanc,
;;;454;13;;wie lange ieglîcher umbe gât,
;;;454;14;;ê er wider an sîn zil gestât.
;;;454;15;;mit der sternen umbereise vart
;;;454;16;;ist gebrüefet ieglîches menschen art.
;;;454;17;;Flegetanis der heiden sach,
;;;454;18;;dâ von er blœdeclîchen sprach,
;;;454;19;;in dem gestirn mit sînen ougen
;;;454;20;;verholnbæriu tougen.
;;;454;21;;er jach, ez hiez ein dinc der Grâl.
;;;454;22;;des namen las er sunder twâl
;;;454;23;;in dem gestirn, wie er hiez.
;;;454;24;;"ein schar in ûf der erden liez,
;;;454;25;;diu vuor ûf über die sternen hôch,
;;;454;26;;ob die ir unschuld wider zôch,
;;;454;27;;sît muoz sîn pflegen getouftiu vruht
;;;454;28;;mit alsô kiuschlîcher zuht,
;;;454;29;;daz diu menscheit ist iemer wert,
;;;454;30;;der zuo dem Grâl wirt begert."
;;;455;1;;sus schreip der wîse Flegetanis.
;;;455;2;;Kiot, der meister wîs,
;;;455;3;;diz mære begunde suochen
;;;455;4;;in latînischen buochen,
;;;455;5;;wâ gewesen wære
;;;455;6;;ein volc dar zuo bære,
;;;455;7;;daz ez des Grâles pflæge
;;;455;8;;und der kiusch sich bewæge.
;;;455;9;;er las der lande chrônica
;;;455;10;;zuo Bretanie und anderswâ,
;;;455;11;;zuo Francrîch und in ir lant.
;;;455;12;;zuo Anschouwe er diu mære vant.
;;;455;13;;er las von Mazadan
;;;455;14;;mit wârheit sunder wân.
;;;455;15;;umb allez sîn gesleht
;;;455;16;;stuont dâ geschriben reht
;;;455;17;;und anderhalp, wie Titurel
;;;455;18;;und des sun Frimutel
;;;455;19;;den Grâl brâht ûf Anfortas,
;;;455;20;;des swester Herczeloide was,
;;;455;21;;bî der Gahmuret ein kint
;;;455;22;;gewan, des diu mære sint.
;;;455;23;;der rîtet nû ûf niuwe slâ,
;;;455;24;;dâ gegen im kam der ritter grâ.
;;;455;25;;er erkante ein stat, wie læge der snê,
;;;455;26;;dâ liehte bluomen stuonden ê.
;;;455;27;;daz was vor eines gebirges want,
;;;455;28;;aldâ sîn manlîchiu hant
;;;455;29;;vrouwen Jeschuten die hulde erwarp
;;;455;30;;und dâ Oriluses zorn verdarp.
;;;456;1;;diu slâ in dâ niht halten liez.
;;;456;2;;Funtaine lasalvasche hiez
;;;456;3;;ein wesen, dar sîn reise gienc.
;;;456;4;;er vant den wirt, der in enpfienc.
;;;456;5;;der einsidel zuo im sprach:
;;;456;6;;"ouwê, hêrre, daz iu sus geschach
;;;456;7;;in diser heiliclîchen zît!
;;;456;8;;het iuch angestlîcher strît
;;;456;9;;in diz harnasch getriben
;;;456;10;;oder sît ir âne strît bliben?
;;;456;11;;sô stüende iu baz ein ander wât,
;;;456;12;;lâze iuch hôchverte rât.
;;;456;13;;nû ruochet erbeizen, hêrre,
;;;456;14;;- ich wæne, iu daz iht werre -
;;;456;15;;und erwarmet bî einem viur.
;;;456;16;;het iuch âventiur
;;;456;17;;ûz gesant durch minnen solt?
;;;456;18;;sît ir rehter minne holt,
;;;456;19;;sô minnet, als diu minne gât,
;;;456;20;;als dises tages minne stât.
;;;456;21;;dienet hernâch umb wîbes gruoz.
;;;456;22;;ruocht erbeizen, ob ich es bitten muoz."
;;;456;23;;Parcifal, der wîgant,
;;;456;24;;erbeizte nider al zehant.
;;;456;25;;mit grôzer zuht er vor im stuont.
;;;456;26;;er tet im von den liuten kunt,
;;;456;27;;die in al dar heten gewisen,
;;;456;28;;wie die sîn râten prisen.
;;;456;29;;dô sprach er: "hêrre, nû gebt mir rât.
;;;456;30;;ich bin ein man, der sünde hât."
;;;457;1;;dô diu rede was getân,
;;;457;2;;dô sprach aber der guote man:
;;;457;3;;"ich bin râtes iuwer wer.
;;;457;4;;nû saget mir: wer wîset iuch her?"
;;;457;5;;"hêrre, ûf disem walde mir widergienc
;;;457;6;;ein grâwer man, der mich wol enpfienc.
;;;457;7;;alsô tet sîn massenîe.
;;;457;8;;der selbe valsches vrîe
;;;457;9;;het mich her zuo iu gesant.
;;;457;10;;ich reit sîn slâ, unz ich iuch vant."
;;;457;11;;der wirt sprach: "daz was Kehenis.
;;;457;12;;der ist wirdeclîcher vuor als wîs.
;;;457;13;;der vürste ist ein Ponturteise.
;;;457;14;;der rîche künic von Clareise
;;;457;15;;sîn swester het zuo wîbe.
;;;457;16;;nie kiuscher vruht von lîbe
;;;457;17;;wart geborn dan sîniu kint,
;;;457;18;;diu iu dâ widergangen sint.
;;;457;19;;der vürste ist des küniges art.
;;;457;20;;alliu jâr ist her zuo sîn vart."
;;;457;21;;Parcifal zem wirte sprach:
;;;457;22;;"dô ich iuch vor mir stên sach,
;;;457;23;;vörht ir iu iht, dô ich zuo iu reit?
;;;457;24;;was iu mîn komen dô iht leit?"
;;;457;25;;dô sprach er: "nû gloubet mirz,
;;;457;26;;mich het der ber und ouch der hirz
;;;457;27;;erschrecket dicker dan der man.
;;;457;28;;ein wârheit ich iu sagen kan:
;;;457;29;;ich vörhte niht, waz menschlîch ist.
;;;457;30;;ich hab ouch menschlîchen list.
;;;458;1;;hât irz niht vür einen ruom,
;;;458;2;;sô trüege ich vluht noch magetuom.
;;;458;3;;mîn herz enpfienc noch nie den dranc,
;;;458;4;;daz ich von wer getæte wanc
;;;458;5;;bî mîner werlîchen zît.
;;;458;6;;ich was ein ritter, als ir sît,
;;;458;7;;der ouch nâch hôher minne ranc,
;;;458;8;;eht wan ich sunderlîchen gedanc
;;;458;9;;gegen der kiusche parrierte.
;;;458;10;;mîn leben ich dar ûf zierte,
;;;458;11;;daz mir gnâde tæte ein wîp.
;;;458;12;;des het vergezzen nû mîn lîp.
;;;458;13;;gebet mir den zoum in mîn hant.
;;;458;14;;dort under jenes velses want
;;;458;15;;sol iuwer ros durch ruowe stên.
;;;458;16;;bî einer wîle sullen wir beide gên
;;;458;17;;und brechen ime gras ab und varm.
;;;458;18;;anders vuoters bin ich arm.
;;;458;19;;wir sullen ez doch vil wol ernern."
;;;458;20;;Parcifal sich wolte wern,
;;;458;21;;daz er des zoumes enpfienge niht.
;;;458;22;;"iuwer zuht iu des niht giht,
;;;458;23;;daz ir strîtet wider keinen wirt,
;;;458;24;;ob ungevuoc iuch des verbirt."
;;;458;25;;alsus sprach der guote man.
;;;458;26;;dem wirt wart der zoum verlân.
;;;458;27;;er zôch daz ros under einen stein,
;;;458;28;;dâ diu sunne selten hin schein.
;;;458;29;;daz was ein wilder marstal.
;;;458;30;;dâ durch gienc eines brunnen val.
;;;459;1;;Parcifal stuont ûf dem snê.
;;;459;2;;ez tæte einem kranken man wê,
;;;459;3;;ob er harnasch trüege,
;;;459;4;;dâ der vrost sus an slüege.
;;;459;5;;der wirt in vuorte in eine kruft,
;;;459;6;;dar selten kam des windes luft.
;;;459;7;;dâ lâgen glüejende koln.
;;;459;8;;die mohte der gast vil gerne doln.
;;;459;9;;eine kerze enzündet des wirtes hant.
;;;459;10;;dô entwâpent sich der wîgant.
;;;459;11;;under im lac ramschoup und varm.
;;;459;12;;alle sîn lide ime wurden warm,
;;;459;13;;sô daz sîn vel gap liehten schîn.
;;;459;14;;er mohte wol waltmüede sîn,
;;;459;15;;wan er het der strâze niht mêr geriten,
;;;459;16;;âne dach die naht des tages erbiten.
;;;459;17;;als het er manige ander.
;;;459;18;;getriuwen wirt dâ vander.
;;;459;19;;dâ lac ein roc. den lêch im an
;;;459;20;;der wirt und vuorte in dan
;;;459;21;;zuo einer andern kruft. dâr in was
;;;459;22;;sîn buoch, dâr an der kiusche las.
;;;459;23;;nâch des tages sit ein alterstein
;;;459;24;;dâ stuont abelâz. dâr ûf erschein
;;;459;25;;ein kafse. diu wart schier erkant:
;;;459;26;;dar ûf Parcifals hant
;;;459;27;;swuor einen ungevelscheten eit,
;;;459;28;;dâ von vrouwen Jeschuten leit
;;;459;29;;zuo liebe wart verkêret
;;;459;30;;und ir vröude gemêret.
;;;460;1;;Parcifal  dem wirte sîn
;;;460;2;;sprach: "hêrre, disen kafsen schîn
;;;460;3;;erkenne ich, wen ich dar ûf swuor
;;;460;4;;zuo einer zîte, dô ich hie vür vuor.
;;;460;5;;ein gemâlet sper dâ bî ich vant.
;;;460;6;;hêrre, daz nam ich an die hant.
;;;460;7;;dâ mit ich prîs bejagete,
;;;460;8;;als man mir sider sagete.
;;;460;9;;ich verdâht mich an mîn selbes wîp,
;;;460;10;;sô daz von witzen kam mîn lîp.
;;;460;11;;zwô rîch juste dâ mit ich reit.
;;;460;12;;unwizzende ich die beide streit.
;;;460;13;;dannoch het ich êre.
;;;460;14;;nû hân ich sorgen mêre,
;;;460;15;;dan ir an mir ie wart ersehen.
;;;460;16;;durch iuwer zuht sollet ir verjehen:
;;;460;17;;wie lange ist von der zît her,
;;;460;18;;daz ich hie nam daz selbe sper?"
;;;460;19;;dô sprach aber der guote man:
;;;460;20;;"des vergaz mîn vriunt Taurian.
;;;460;21;;er kam mirs sît in klage.
;;;460;22;;vünftehalp jâr und drî tage
;;;460;23;;ist, daz irz im nâmet hie.
;;;460;24;;wollet irz hœren, ich brüefez iu wie."
;;;460;25;;an dem psalter las er im über al
;;;460;26;;diu jâr und gar der wochen zal,
;;;460;27;;die dâ zwischen wâren hin.
;;;460;28;;"alrêrst ich innen worden bin,
;;;460;29;;wie lange ich vuor wîselôs
;;;460;30;;und daz vröuden mich helfe verkôs",
;;;461;1;;sprach Parcifal, "mir ist vröude ein troum.
;;;461;2;;ich trage der riuwe swæren soum.
;;;461;3;;hêrre, ich tuon iu mêr noch kunt:
;;;461;4;;wâ kirche oder münster stuont,
;;;461;5;;dâ man gotes êre sprach,
;;;461;6;;kein ouge mich dâ nie gesach
;;;461;7;;sît den selben zîten.
;;;461;8;;ich suochte niht wenne strîten.
;;;461;9;;ouch trage ich hazzes vil gegen gote,
;;;461;10;;wanne er ist mîner sorgen tote.
;;;461;11;;die het er al ze hôhe erhaben.
;;;461;12;;mîn vröude ist lebendic begraben.
;;;461;13;;künde gotes kraft mit helfe sîn,
;;;461;14;;waz enkers wær diu vröude mîn!
;;;461;15;;diu sinket durch der riuwe grunt.
;;;461;16;;ist mîn manlîch herze wunt
;;;461;17;;- oder mac ez dâ von werden ganz,
;;;461;18;;daz diu riuwe ir scharfen kranz
;;;461;19;;mir setzet ûf wirdecheit,
;;;461;20;;die schiltes ambet mir erstreit
;;;461;21;;gegen werlîchen handen? -,
;;;461;22;;des gihe ich dem zuo schanden,
;;;461;23;;der aller helfe het gewalt,
;;;461;24;;ist sîn helfe helfe balt,
;;;461;25;;daz er mir dar hilfet niht,
;;;461;26;;sô vil man im der helfe giht."
;;;461;27;;der wirt ersiufzet und sach an in.
;;;461;28;;dô sprach er: "hêrre, habt ir sin,
;;;461;29;;sô solt ir got getriuwen wol.
;;;461;30;;er hilfet iu, wan er helfen sol.
;;;462;1;;got muoz uns helfen beiden.
;;;462;2;;hêrre, ir sullet mich bescheiden
;;;462;3;;- und ruocht allerêrst sitzen -,
;;;462;4;;saget mir mit kiuschen witzen,
;;;462;5;;wie der zorn sich an gevienc,
;;;462;6;;dâ von got iuwern haz enpfienc.
;;;462;7;;durch iuwer zuht gedult
;;;462;8;;vernemet von mir sîn unschult,
;;;462;9;;ê daz ir mir von im iht klaget.
;;;462;10;;sîn helf ist iemer unverzaget.
;;;462;11;;doch ich ein lœsære,
;;;462;12;;der wâren buoch mære
;;;462;13;;künde ich lesen und schrîben,
;;;462;14;;wie der mensch sol blîben
;;;462;15;;mit dienst gegen des helfe grôz,
;;;462;16;;den der stæten helfe nie verdrôz
;;;462;17;;vür der sêle senken.
;;;462;18;;sît getriuwe âne allez wenken,
;;;462;19;;sît got selbe ein triuwe ist.
;;;462;20;;dem ist unmær ein valscher list.
;;;462;21;;wir sullen in des geniezen lân:
;;;462;22;;er het vil durch uns getân,
;;;462;23;;sît sîn edel hôher art
;;;462;24;;durch uns ze menschen bilde wart.
;;;462;25;;got heizet und ist diu wârheit.
;;;462;26;;dem was ie valschiu vuore leit.
;;;462;27;;daz solt ir gar bedenken.
;;;462;28;;er kan an nieman wenken.
;;;462;29;;nû lêret iuwer gedanke,
;;;462;30;;hüetet iuch gegen im an wanke.
;;;463;1;;ir müget im aber zerrinnen niht.
;;;463;2;;wer iuch gegen im in strîte siht,
;;;463;3;;der het iuch an den witzen kranc.
;;;463;4;;nû prüevet, wie Lucifer gelanc
;;;463;5;;an sînen nôtgestallen.
;;;463;6;;si wâren doch âne gallen.
;;;463;7;;jâ, hêrre, wâ nement si den nît,
;;;463;8;;dâ von ir endelôser strît
;;;463;9;;zuo helle enpfâhet sûren lôn?
;;;463;10;;Astiroch und Belczelon,
;;;463;11;;Bellech und Radamant
;;;463;12;;und ander, die ich hân erkant,
;;;463;13;;diu himelschar
;;;463;14;;wart durch nît nâch helle var.
;;;463;15;;dô Lucifer vuor die helle vart
;;;463;16;;mit schar, ein mensch nâch im wart.
;;;463;17;;got worht ûz der erden
;;;463;18;;Adam, den werden.
;;;463;19;;von Adames vêhe er enbrach,
;;;463;20;;diu uns gap an daz ungemach,
;;;463;21;;daz ir schepfer si überhôrte
;;;463;22;;und unser vröude stôrte.
;;;463;23;;von in zwein kam gebürte vruht.
;;;463;24;;einem riet sîn ungenuht,
;;;463;25;;daz er durch güetlîchen ruom
;;;463;26;;sîner anen nam den magetuom.
;;;463;27;;nû beginnet genuoge des gezemen,
;;;463;28;;ê daz si daz mære vernemen,
;;;463;29;;daz si vreischen, wie daz möhte sîn.
;;;463;30;;ez wart iedoch mit sünden schîn."
;;;464;1;;Parcifal hin zuo im dô sprach:
;;;464;2;;"hêrre, ich wæne, daz nie geschach.
;;;464;3;;von wem was der man erborn,
;;;464;4;;von dem sîn ane het verlorn
;;;464;5;;den magetuom, als er mir sagete?
;;;464;6;;daz mohtet ir gerne hân verdagete."
;;;464;7;;der wirt sprach aber zuo im:
;;;464;8;;"von dem zwîvel ich iuch nim.
;;;464;9;;sage  iu niht die wârheit,
;;;464;10;;sô lât iu sîn mîn kriegen leit.
;;;464;11;;diu erde Adames muoter was.
;;;464;12;;von erden vruht Adam genas.
;;;464;13;;dannoch was diu erde maget.
;;;464;14;;noch hân ich iu niht gesaget,
;;;464;15;;wer ir den magetuom benam.
;;;464;16;;Kaynes vater was Adam.
;;;464;17;;den sluoc Abeln umb krankez guot.
;;;464;18;;dô ûf die reinen erden daz bluot
;;;464;19;;viel, ir magetuom was vervarn.
;;;464;20;;den nam ir Adames barn.
;;;464;21;;dô huop sich êrst der menschen nît.
;;;464;22;;alsô wert er iemer sît.
;;;464;23;;in der werlt doch niht sô reines ist
;;;464;24;;sô diu maget âne valschen list.
;;;464;25;;nû brüefet, wie reine die megde sint.
;;;464;26;;got was selbe der megde kint.
;;;464;27;;von megden sint zwei menschen komen.
;;;464;28;;got selbe antlitze het genomen
;;;464;29;;nâch der êrsten megde vruht.
;;;464;30;;daz was sîner hôhen art ein zuht.
;;;465;1;;von Adames künne
;;;465;2;;huop sich riuwe und wünne,
;;;465;3;;sît er uns sippe lougent niht,
;;;465;4;;den ieglîch engel ob im siht,
;;;465;5;;und daz diu sippe ist sünden wagen,
;;;465;6;;sus daz wir sünde müezen tragen.
;;;465;7;;dar über sô erbarme sich sîn kraft,
;;;465;8;;dem erbermde gît geselleschaft,
;;;465;9;;sît sîn getriuwiu menscheit
;;;465;10;;mit triuwen gegen untriuwen streit.
;;;465;11;;ir solt ûf in verkiesen,
;;;465;12;;wolt ir sælde niht verliesen.
;;;465;13;;lât wandel iu vür sünden bî.
;;;465;14;;sît rede und werke niht sô vrî.
;;;465;15;;wan wer sîn leit sô rîchet,
;;;465;16;;daz er unkiusche sprichet,
;;;465;17;;von des lôn tuon ich iu kunt,
;;;465;18;;in urteilet sîn selbes munt.
;;;465;19;;nemet altiu mær vür niuwe,
;;;465;20;;ob si iuch lêren triuwe.
;;;465;21;;der pareliure Plato
;;;465;22;;sprach bî sînen zîten dô
;;;465;23;;und Sybille, diu prophêtisse,
;;;465;24;;sunder fâlierens misse.
;;;465;25;;si sageten dô vor manegem jâr,
;;;465;26;;uns solte komen al vür wâr
;;;465;27;;vür die hœhsten schulde pfant.
;;;465;28;;zuor helle uns nam diu hœhste hant
;;;465;29;;mit der götlîchen minne.
;;;465;30;;die unkiuschen liez er dâr inne.
;;;466;1;;von dem wâren minnære
;;;466;2;;sagent disiu süezen mære.
;;;466;3;;der ist ein durchliuhtec lieht
;;;466;4;;und wenket sîner minne niht.
;;;466;5;;wem er minne erzöugen sol,
;;;466;6;;dem wirt mit sîner minne wol.
;;;466;7;;die selben sint geteilet:
;;;466;8;;alder werlt ist geveilet
;;;466;9;;beidiu sîn minne und sîn haz.
;;;466;10;;nû brüefet werder helfe baz.
;;;466;11;;der schuldige âne riuwe
;;;466;12;;vliuhet die götlîchen minne.
;;;466;13;;wer aber wandelt sunder schulde,
;;;466;14;;der dienet nâch werder hulde.
;;;466;15;;die treit, der durch gedanke vert.
;;;466;16;;gedanc sich sunnen blickes wert.
;;;466;17;;gedanc ist âne slôz bespart,
;;;466;18;;vor aller crêatiur bewart.
;;;466;19;;gedanc ist vinster âne schîn.
;;;466;20;;diu gotheit kan lûter sîn.
;;;466;21;;si glestet durch der vinster want
;;;466;22;;und het den helden sprunc gerant,
;;;466;23;;der endiuzet und enspringet,
;;;466;24;;sô er von dem herzen dringet.
;;;466;25;;ez ist noch ein gedanc sô snel,
;;;466;26;;ê er von dem herzen vür daz vel
;;;466;27;;kume, er sî versuochet.
;;;466;28;;des kiuschen got geruochet.
;;;466;29;;sît got gedanke speht sô wol,
;;;466;30;;ouwê der blœden werke dol!
;;;467;1;;sîn werc verwürket sînen gruoz,
;;;467;2;;daz gotheit sich schamen muoz.
;;;467;3;;wem lât den menschlîch zuht?
;;;467;4;;war het diu arme sêle vluht?
;;;467;5;;wolt ir nû got vüegen leit,
;;;467;6;;der zuo beiden sîten ist bereit,
;;;467;7;;zuor minne und gegen dem zorne,
;;;467;8;;sô sît ir der verlorne.
;;;467;9;;nû kêret iuwer gemüete,
;;;467;10;;daz er iu danke güete."
;;;467;11;;Parcifal sprach zuo im dô:
;;;467;12;;"hêrre, ich bin des iemer vrô,
;;;467;13;;daz ir mich von  bescheiden hât,
;;;467;14;;der nihtes ungelônet lât,
;;;467;15;;der missewende noch der tugent.
;;;467;16;;ich hân mit sorgen mîne jugent
;;;467;17;;alsus brâht an disen tac,
;;;467;18;;daz ich durch triuwe kumbers pflac."
;;;467;19;;der wirt sprach aber zuo im:
;;;467;20;;"nemt es iuch niht hæle! gerne ich vernim,
;;;467;21;;waz ir kumbers und sünde hât.
;;;467;22;;ob ir mich diu wizzen lât,
;;;467;23;;dar zuo gip ich iu vil liehten rât,
;;;467;24;;des ir selbe niht enhât."
;;;467;25;;dô sprach aber Parcifal:
;;;467;26;;"mîn hœhstiu nôt ist umb den Grâl,
;;;467;27;;dar nâch umb mîn selbes wîp.
;;;467;28;;ûf erden nie sô schœner lîp
;;;467;29;;gelac an enkeiner muoter brust.
;;;467;30;;nâch den beiden sent sich mîn gelust."
;;;468;1;;der wirt sprach: "hêrre, ir sprechet wol.
;;;468;2;;ir sît in rehter kumbers dol,
;;;468;3;;sît ir nâch iuwer selbes wîbe
;;;468;4;;sorgen pfliht gebt dem lîbe.
;;;468;5;;werdet ir vunden in der ê,
;;;468;6;;iu mac in wîze werden wê,
;;;468;7;;diu nôt sol schier ein ende hân.
;;;468;8;;ir werdet von banden gar verlân
;;;468;9;;mit der gotes helfe sunder twâl.
;;;468;10;;ir jeht, ir sent iuch umb den Grâl.
;;;468;11;;ir tumber man, daz muoz ich klagen.
;;;468;12;;jô mac den Grâl niemen bejagen,
;;;468;13;;wan der zuo himel ist sô bekant,
;;;468;14;;daz er zuom Grâl sî benant.
;;;468;15;;daz muoz ich von dem Grâl jehen.
;;;468;16;;daz weiz ich und hab ez vür wâr gesehen."
;;;468;17;;Parcifal sprach: "wâret ir dâ?"
;;;468;18;;der wirt sprach gegen im: "jâ."
;;;468;19;;Parcifal versweic im gar,
;;;468;20;;daz ouch er was komen dar.
;;;468;21;;er vrâgete in von der künde,
;;;468;22;;wie ez umb den Grâl sô stüende.
;;;468;23;;Der wirt sprach: "mir ist wol bekant,
;;;468;24;;ez wont manic werlîchiu hant
;;;468;25;;zuo Muntsalvasche bî dem Grâl.
;;;468;26;;durch âventiure die alle mâl
;;;468;27;;rîtent manige reise.
;;;468;28;;die selben templeise,
;;;468;29;;wâ si kumber oder prîs bejagent,
;;;468;30;;vür ir sünde si daz tragent.
;;;469;1;;dâ wont ein werlîchiu schar.
;;;469;2;;ich wil iu künden umb ir nar:
;;;469;3;;si lebent von einem steine,
;;;469;4;;des gesleht ist reine.
;;;469;5;;hât ir des niht erkennet,
;;;469;6;;er wirt iu hie genennet:
;;;469;7;;er heizet lapis exilis.
;;;469;8;;von des steines kraft der fênix
;;;469;9;;verbrinnet, daz er ze eschen wirt.
;;;469;10;;diu esche im aber leben birt.
;;;469;11;;sus rêret fênix die mûze sîn
;;;469;12;;und gît dar nâch vil liehten schîn,
;;;469;13;;daz er schœne wirt als ê.
;;;469;14;;ouch wart nie menschen sô wê,
;;;469;15;;welches tages er den stein gesiht,
;;;469;16;;die wochen mac er sterben niht,
;;;469;17;;diu aller schierste dâ nâch gestêt.
;;;469;18;;sîn varwe im nimmer ouch zergêt.
;;;469;19;;man muoz im solher vröude jehen,
;;;469;20;;dâ mit ez het den stein gesehen,
;;;469;21;;ez sî maget oder man,
;;;469;22;;alsô dô sîn bestiu zît huop an.
;;;469;23;;sehe ez den stein zwei hundert jâr,
;;;469;24;;im werde den grâ sîn hâr.
;;;469;25;;solhe kraft dem menschen gît der stein,
;;;469;26;;daz im vleisch noch bein
;;;469;27;;jugent enpfâhent alsunder twâl.
;;;469;28;;der stein ist ouch genant der Grâl.
;;;469;29;;dâr ûf kumt hiute ein botschaft,
;;;469;30;;dâr an doch lît sîn hœhstiu kraft.
;;;470;1;;ez ist hiut der karvrîtac,
;;;470;2;;daz man vür wâr dâ warten mac:
;;;470;3;;Ein tûbe von himel swinget.
;;;470;4;;ûf den stein diu bringet
;;;470;5;;ein klein, wîz oblât.
;;;470;6;;ûf dem stein si die lât.
;;;470;7;;diu tûbe ist durchliuhtec blanc.
;;;470;8;;zuo himel tuot si widerwanc.
;;;470;9;;iemer am karvrîtage
;;;470;10;;bringet si ûf den stein, als ich sage,
;;;470;11;;dâ von der stein enpfæhet,
;;;470;12;;waz guotes ûf erden dræhet
;;;470;13;;von trinken und von spîse,
;;;470;14;;als den wunsch von paradîse:
;;;470;15;;ich mein, waz diu erde müge gebern.
;;;470;16;;der stein si vürbaz mêr sol wern:
;;;470;17;;waz wildes under dem lufte lebet,
;;;470;18;;ez vliege, loufe oder swebet.
;;;470;19;;der ritterlîchen bruoderschaft
;;;470;20;;die pfrüende gît des Grâles kraft.
;;;470;21;;die aber zem Grâl sint benant,
;;;470;22;;hœrt, wie die werdent bekant:
;;;470;23;;zuo ende an des steines drum
;;;470;24;;von karacten ein epitafum
;;;470;25;;saget sînen namen und sînen art,
;;;470;26;;wer dar tuon sol die sælden vart,
;;;470;27;;ez sî von megden oder von knaben.
;;;470;28;;die schrift darf niemen dannen schaben.
;;;470;29;;sô man den namen gelesen hât,
;;;470;30;;vor ir ougen si zergât.
;;;471;1;;si kômen alle dar vür kint,
;;;471;2;;die nû dâ grôze liute sint.
;;;471;3;;wol die muoter, diu daz kint gebar,
;;;471;4;;daz zuo dienst sol hœren dar.
;;;471;5;;der arm und der rîche
;;;471;6;;vröuwent sich alle gelîche,
;;;471;7;;ob man ir kint eischet dar,
;;;471;8;;daz si sullen senden an die schar.
;;;471;9;;man holt si in manigen landen.
;;;471;10;;vor sündebæren schanden
;;;471;11;;sint si iemer mê behuot
;;;471;12;;und wirt ir lôn zuo himel guot.
;;;471;13;;wan im erstirbet hie daz leben,
;;;471;14;;sô wirt in dort der wunsch gegeben.
;;;471;15;;die eintwederhalp gestuonden
;;;471;16;;- zuo strîten begunden
;;;471;17;;Lucifer und Trinitas -,
;;;471;18;;waz der selben engel was,
;;;471;19;;die edeln und die werden
;;;471;20;;muosten ûf die erden
;;;471;21;;zuo dem selben stein.
;;;471;22;;der stein ist iemer rein.
;;;471;23;;ich weiz, ob got ûf si verkôs
;;;471;24;;oder ob er si vürbaz verlôs.
;;;471;25;;was daz sîn reht, er nam si wider.
;;;471;26;;des steines pflâgen iemer sider,
;;;471;27;;die got dar zuo benante
;;;471;28;;und in sînen engel sante.
;;;471;29;;hêrre, sus stât ez umb den Grâl."
;;;471;30;;dô sprach aber Parcifal:
;;;472;1;;"mac ritterschaft des lîbes prîs
;;;472;2;;und doch der sêlen paradîs
;;;472;3;;bejagen mit schilt und sper,
;;;472;4;;sô was ie ritterschaft mîn ger.
;;;472;5;;ich streit ie, wâ ich strîte vant,
;;;472;6;;sô daz mîn werlîchiu hant
;;;472;7;;sich næherte dem prîse.
;;;472;8;;ist got an strîte wîse,
;;;472;9;;der sol mich dar benennen,
;;;472;10;;daz si mich dâ bekennen.
;;;472;11;;mîn hant dâ dienst niht verbirt."
;;;472;12;;dô sprach aber sîn kiuscher wirt:
;;;472;13;;"ir muoste al dâ vor hôchvart
;;;472;14;;mit senftem willen sîn bewart.
;;;472;15;;iuch verleite lîht iuwer jugent,
;;;472;16;;daz ir des kiusche brechet tugent.
;;;472;17;;hôchvart, diu seic und viel",
;;;472;18;;sprach der wirt. ietweder ouge im wiel,
;;;472;19;;dô er  daz mære gedâht,
;;;472;20;;daz er dâ mit rede volbrâht.
;;;472;21;;dô sprach er: "hêrre, ein künic was,
;;;472;22;;der hiez und heizet noch Anfortas.
;;;472;23;;daz sol iuch und mich armen
;;;472;24;;iemer mê erbarmen
;;;472;25;;umb sîn herzebære nôt,
;;;472;26;;die hôchvart ime zuo lône bôt.
;;;472;27;;sîn jugent und sîn rîcheit
;;;472;28;;der werlte an im vuogete leit
;;;472;29;;und daz er gerte minne
;;;472;30;;ûzerhalp der kiuschen sinne.
;;;473;1;;der site ist niht dem Grâl reht.
;;;473;2;;dâ muoz der reht ritter und der kneht
;;;473;3;;bewart sîn vor lôsheit.
;;;473;4;;diemuot ir hôchvart überstreit.
;;;473;5;;dâ wonte ein werdiu bruoderschaft;
;;;473;6;;die hânt mit werlîcher kraft
;;;473;7;;erwert mit ir handen
;;;473;8;;der tæte von allen landen,
;;;473;9;;daz der Grâl ist unerkennet,
;;;473;10;;wan die dar sint benennet
;;;473;11;;ze Muntsalvasche an des Grâles schar.
;;;473;12;;wan einer kam unbenennet dar;
;;;473;13;;der selbe was ein tumber man
;;;473;14;;und vuorte ouch sünde mit im dan,
;;;473;15;;daz er niht zuom wirte sprach
;;;473;16;;umb den kumber, den er an im sach.
;;;473;17;;ich sol niemen schelten,
;;;473;18;;doch muoz er sünde engelten,
;;;473;19;;daz er niht vrâgte des wirtes schaden.
;;;473;20;;der was mit kumber sô beladen,
;;;473;21;;ez wart nie erkant sô hôhiu pîn.
;;;473;22;;dâ vor kam rois Lehelin
;;;473;23;;zuo Brunbane an den sê geriten.
;;;473;24;;durch juste het sîn dâ gebiten
;;;473;25;;Lippeals, der werde helt,
;;;473;26;;des tôt mit juste was erwelt.
;;;473;27;;er was erborn von Prienlascors.
;;;473;28;;Lehelin des heldes ors
;;;473;29;;dannen zôch mit sîner hant.
;;;473;30;;dâ wart der rêroup erkant.
;;;474;1;;hêrre, sît irz, Lehelin?
;;;474;2;;sô stât in dem stalle mîn
;;;474;3;;den rossen ein ros glîch gevar,
;;;474;4;;diu dâ hœrent an des Grâles schar.
;;;474;5;;an dem satel ein turteltûbe stât.
;;;474;6;;daz ros von Muntsalvasche gât.
;;;474;7;;diu wâpen gap in Anfortas,
;;;474;8;;dô er der vröuden hêrre was.
;;;474;9;;ir schilte sint von alter sô.
;;;474;10;;Titurel si brâhte dô
;;;474;11;;an sînen sun, rois Frimutel.
;;;474;12;;dâr under vlôs der degen snel
;;;474;13;;von einer juste ouch sînen lîp.
;;;474;14;;der minnete sîn selbes wîp,
;;;474;15;;daz nie von manne mêre
;;;474;16;;wîp geminnet wart sô sêre;
;;;474;17;;ich mein, mit rehten triuwen.
;;;474;18;;sînen site solt ir niuwen
;;;474;19;;und minnet von herzen iuwere konen.
;;;474;20;;sîner site solt ir wonen.
;;;474;21;;iuwer varwe treit im glîchiu mâl.
;;;474;22;;der was ouch hêrre über den Grâl.
;;;474;23;;ouwê, hêrre, wannen ist iuwer vart?
;;;474;24;;nû ruochet mir prüeven iuwer art."
;;;474;25;;ietweder vast an den andern sach.
;;;474;26;;Parcifal zuo dem wirte sprach:
;;;474;27;;"ich bin von einem man erborn,
;;;474;28;;der mit juste het den lîp verlorn
;;;474;29;;und durch ritterlîch gemüete.
;;;474;30;;hêrre, durch iuwer güete
;;;475;1;;solt ir  nemen in iuwer gebet.
;;;475;2;;mîn vater hiez Gahmuret;
;;;475;3;;er was von art ein Anschevin.
;;;475;4;;hêrre, ich bin niht Lehelin.
;;;475;5;;genam ich ie den rêroup,
;;;475;6;;sô was ich an den witzen toup.
;;;475;7;;ez ist iedoch von mir beschehen.
;;;475;8;;der selben sünden muoz ich jehen:
;;;475;9;;Ithern von Kukumerlant,
;;;475;10;;den sluoc mîn sündebæriu hant.
;;;475;11;;ich leite in tôten ûf daz gras
;;;475;12;;und nam, waz ze nemenne was."
;;;475;13;;"ouwê, werlt, wie tuostû sô?",
;;;475;14;;sprach der wirt; der was der mære unvrô.
;;;475;15;;"dû gîst den liuten herzen sêre
;;;475;16;;und riuwebæres kumbers mêre
;;;475;17;;denne der vröude. wie stât dîn lôn?
;;;475;18;;sus endet sich dînes mæres dôn."
;;;475;19;;dô sprach er: "lieber swester sun,
;;;475;20;;waz râtes möht ich dir getuon?
;;;475;21;;dû hâst dîn eigen verch erslagen.
;;;475;22;;wiltû vür got die schulde tragen,
;;;475;23;;sît daz ir beide wârt ein bluot,
;;;475;24;;ob got dâ rehte gerihte tuot,
;;;475;25;;sô giltet im dîn eigen leben.
;;;475;26;;waz wiltû ime dâr zuo gelte geben,
;;;475;27;;Ither von Gaheviez,
;;;475;28;;der rehten wirdicheit geniez?
;;;475;30;;got het an ime erscheinet,
;;;475;29;;des diu werlt was gereinet.
;;;476;1;;missewende was sîn riuwe,
;;;476;2;;er balsam ob der triuwe.
;;;476;3;;al werltlîchiu schande in vlôch;
;;;476;4;;wirdicheit sich in sîn herze zôch.
;;;476;5;;dich solten hazzen werdiu wîp
;;;476;6;;durch sînen minneclîchen lîp.
;;;476;7;;sîn dienst was gegen im sô ganz,
;;;476;8;;er machte wîbes ougen glanz,
;;;476;9;;die in gesâhen, von sîner süeze.
;;;476;10;;got daz erbarmen müeze,
;;;476;11;;daz dû ie gevromtest soliche nôt.
;;;476;12;;mîn swester lac nâch dir tôt,
;;;476;13;;Herczeloide, dîn muoter."
;;;476;14;;"neinâ, hêrre guoter!
;;;476;15;;waz saget ir mir?", sprach Parcifal.
;;;476;16;;"wær ich den hêrre über den Grâl,
;;;476;17;;der möhte mich ergetzen niht
;;;476;18;;des mæres mir iuwer munt vergiht.
;;;476;19;;bin ich iuwer swester kint,
;;;476;20;;sô tuot, als die mit triuwen sint,
;;;476;21;;und sagt mir sunder wankes vâr:
;;;476;22;;sint disiu mære beidiu wâr?"
;;;476;23;;dô sprach aber der guote man:
;;;476;24;;"ich binz niht, der kriegen kan.
;;;476;25;;dîner muoter daz ir triuwe warp:
;;;476;26;;dô dû von ir schiede, zehant si starp.
;;;476;27;;dû wær daz tier, daz si dâ souc,
;;;476;28;;und der trach, der von ir vlouc.
;;;476;29;;ez widervuor ir in slâfe gar,
;;;476;30;;ê daz diu süeze dich gebar.
;;;477;1;;mîner geswisterde noch zwei sint.
;;;477;2;;mîn swester Schoisiane ein kint
;;;477;3;;gebar; der vruht lac si tôt.
;;;477;4;;der herzoge Kyot
;;;477;5;;von Kathelangen was ir man;
;;;477;6;;der enwolte ouch sît niht vröude hân.
;;;477;7;;Sigunen, daz selbe töhterlîn,
;;;477;8;;bevalch man der muoter dîn.
;;;477;9;;Schoisianen tôt mich smerzen
;;;477;10;;muoz enmitten in mînem herzen.
;;;477;11;;ir wîplîch herze was sô guot,
;;;477;12;;ein arc vor unkiuscher vluot.
;;;477;13;;ein maget, mîn swester, pfliget noch sit,
;;;477;14;;sô daz ir volget kiusche mit.
;;;477;15;;Repanse de Schoie pfliget
;;;477;16;;des Grâles, der sô swær wiget,
;;;477;17;;daz in diu valschlîche menscheit
;;;477;18;;niemer von der stat streit.
;;;477;19;;ir bruoder und mîn ist Anfortas,
;;;477;20;;der beidiu ist und was
;;;477;21;;von arte des Grâles hêrre.
;;;477;22;;dem ist leider vröide verre,
;;;477;23;;wan daz er hât gedingen,
;;;477;24;;in solle sîn kumber bringen
;;;477;25;;zuom endelôsen gemach.
;;;477;26;;mit wunderlîcher sach
;;;477;27;;ez ist nû komen an riuwen zil,
;;;477;28;;als ich dir, neve, künden wil.
;;;477;29;;pfligestû dan triuwe,
;;;477;30;;sô erbarmet dich sîn riuwe.
;;;478;1;;dô Frimutel den lîp verlôs,
;;;478;2;;mîn vater, nâch im man dô kôs
;;;478;3;;sînen altesten sun zuo künige dar,
;;;478;4;;zuo vogte dem Grâl und sîner schar.
;;;478;5;;daz was mîn bruoder Anfortas,
;;;478;6;;der krône und rîcheit wirdic was,
;;;478;6;1;wan er sich ie sêre
;;;478;6;2;verliez ûf triuwe und êre.
;;;478;7;;dannoch wir wênic wâren.
;;;478;8;;dô mîn bruoder gegen den jâren
;;;478;9;;kam vür der gransprunge zît,
;;;478;10;;mit solicher jugent het minne strît.
;;;478;11;;sô twinget si ir vriunt sô sêre,
;;;478;12;;man mac es jehen vür unêre.
;;;478;13;;welich Grâles hêrre aber minne gert
;;;478;14;;anders, dan diu schrift in wert,
;;;478;15;;der muoz es komen zuo arbeit
;;;478;16;;und in siufzebæriu herzeleit.
;;;478;17;;mîn hêrre und der bruoder mîn
;;;478;18;;kôs im ein künigîn,
;;;478;19;;diu in dûhte solicher site,
;;;478;20;;daz triuwe und zuht im wonte mite.
;;;478;21;;in der dienst er sich zôch,
;;;478;22;;sô daz diu zagheit in vlôch.
;;;478;23;;des wart von sîner clâren hant
;;;478;24;;verdürkelt maniges schiltes rant.
;;;478;25;;dô bejagete an âventiure
;;;478;26;;der süeze und der gehiure:
;;;478;27;;wart ie hôher prîs erkant
;;;478;28;;über alliu ritterlîchiu lant,
;;;478;29;;vor dem mære was er der vrîe.
;;;478;30;;'Amor' was sîn krîe.
;;;479;1;;der ruof ist zuor diemuot
;;;479;2;;iedoch niht volleclîchen guot.
;;;479;3;;eines tages der künic alein reit
;;;479;4;;- daz was gar den sînen leit -
;;;479;5;;ûz durch âventiure,
;;;479;6;;durch vröide an minnen stiure;
;;;479;7;;des twanc in der minne ger.
;;;479;8;;mit einem gelupten sper
;;;479;9;;wart er ze justieren wunt,
;;;479;10;;sô daz er nimer mêr gesunt
;;;479;11;;wart, der süeze œheim dîn,
;;;479;12;;durch die heidruose sîn.
;;;479;13;;ez was ein heiden, der dâ streit
;;;479;14;;und der die selben juste reit,
;;;479;15;;geborn von Ethnise,
;;;479;16;;dâ ûz dem paradîse
;;;479;17;;rinnet diu Tigris.
;;;479;18;;der selbe heiden was gewis,
;;;479;19;;sîn ellen solte den Grâl behalten.
;;;479;20;;in dem sper was sîn name ergraben.
;;;479;21;;er suoht die verren ritterschaft;
;;;479;22;;niht wan durch des Grâles kraft
;;;479;23;;streich er wazzer und lant.
;;;479;24;;von sînem strît uns vröude swant.
;;;479;25;;dînes œheimes strît man prîsen
;;;479;26;;muoz. des spers îsen
;;;479;27;;vuort er in sînem lîbe dan.
;;;479;28;;dô der junge, werde man
;;;479;29;;kam heim zuo den sînen,
;;;479;30;;dô sach man jâmer schînen.
;;;480;1;;den helt er dort erslagen;
;;;480;2;;den sollen wir ze mâze klagen.
;;;480;3;;Dô uns der künic kam zuo bleich
;;;480;4;;und im sîn kraft sô gar gesweich,
;;;480;5;;in die wunden greif eines arzetes hant,
;;;480;6;;unz er des spers îsen vant
;;;480;7;;- der trunzûn was rœrîn -
;;;480;8;;ein teil in der wunden sîn;
;;;480;9;;diu gewan der arzet wider.
;;;480;10;;mîn venje viel ich nider.
;;;480;11;;dô lobet ich der gotes kraft,
;;;480;12;;daz ich kein ritterschaft
;;;480;13;;getæte nimer mêre,
;;;480;14;;daz got durch sîn êre
;;;480;15;;mînen bruoder hülfe ûzer nôt.
;;;480;16;;ich verswüere ouch vleisch, wîn und brôt
;;;480;17;;und dar nâch al daz trüege bluot,
;;;480;18;;daz ichs nimer gewinne muot.
;;;480;19;;daz was des volkes ander klage,
;;;480;20;;lieber neve, alsô, ich dir sage,
;;;480;21;;daz ich schiet von dem swerte mîn.
;;;480;22;;si sprâchen: 'wer sol schirmer sîn
;;;480;23;;über des Grâles tougen?'
;;;480;24;;dô weineten liehtiu ougen.
;;;480;25;;si truogen den künic sunder twâl
;;;480;26;;durch gotes helfe vür den Grâl.
;;;480;27;;dô der künic den Grâl ersach,
;;;480;28;;daz was sîn ander ungemach,
;;;480;29;;daz er niht sterben mohte,
;;;480;30;;wan im sterben dô niht tohte,
;;;481;1;;sît daz ich mich het ergeben
;;;481;2;;in alsus armez leben
;;;481;3;;und des edeln ardes hêrschaft
;;;481;4;;was komen an sô swache kraft.
;;;481;5;;des küniges wunde gedorret was.
;;;481;6;;waz man der arzet buoche las,
;;;481;7;;die gâben keiner helfe lôn.
;;;481;8;;gegen aspis, ecidemôn,
;;;481;9;;ehkontîus und lisîs,
;;;481;10;;jêcîs und meatrîs
;;;481;11;;- die argen slangen, die daz eiter heiz
;;;481;12;;tragent -, waz iemen dâ vür weiz
;;;481;13;;und vür ander würme, die dâ eiter tragent,
;;;481;14;;waz die wîsen arzet dâ vür bejagent
;;;481;15;;mit fisiken list an würzen
;;;481;16;;- lâz dir die rede kürzen -,
;;;481;17;;der in keinez gehelfen kunde;
;;;481;18;;got selbe uns des verbunde.
;;;481;19;;wir gewunnen Geon
;;;481;20;;zuo helfe und Fison,
;;;481;21;;Eufrates und Tigris,
;;;481;22;;diu vier wazzer ûz dem paradîs
;;;481;23;;- sô nâhen, daz ir süezer smac
;;;481;24;;dannoch niht sîn verrochen mac -,
;;;481;25;;ob dekein würze dâr în kæme,
;;;481;26;;diu unser trûren næme.
;;;481;27;;daz was verlorn arbeit;
;;;481;28;;dô niuwet sich unser herzeleit.
;;;481;29;;doch versuochten wirz in manige wîs;
;;;481;30;;dô gewunnen wir daz selbe rîs,
;;;482;1;;dar ûf daz Sybille jach
;;;482;2;;Enease vür hellesch ungemach
;;;482;3;;und vür den Flegetonen rouch,
;;;482;4;;vür ander vlüzze, die dâr în vliezent, ouch.
;;;482;5;;des nâmen wir uns muoze
;;;482;6;;und gewunnen daz rîs ze buoze,
;;;482;7;;ob daz sper ungehiur
;;;482;8;;in dem helschen viur
;;;482;9;;wær gelüppet oder gelœtet,
;;;482;10;;daz uns an vröuden tœtet.
;;;482;11;;dô was dem sper niht alsus.
;;;482;12;;ein vogel, heizet pellicânus,
;;;482;13;;wan der vruht gewinnet,
;;;482;14;;alze sêre er die minnet.
;;;482;15;;in twinget sîner triuwe gelust,
;;;482;16;;daz er bîzet durch sînes selbes brust
;;;482;17;;und lât daz bluot den jungen in den munt;
;;;482;18;;er stirbet an der selben stunt.
;;;482;19;;dô gewunnen wir an des vogels bluot,
;;;482;20;;ob uns sîn triuwe wær guot,
;;;482;21;;und strichenz an die wunden,
;;;482;22;;sô wir beste kunden.
;;;482;23;;daz mohte uns niht gehelfen sus.
;;;482;24;;ein tier, heizet monîzirus,
;;;482;25;;daz erkennet der megde reine sô grôz,
;;;482;26;;daz ez slâfet ûf der megde schôz.
;;;482;27;;wir gewunnen des tieres herzen
;;;482;28;;über des küniges smerzen.
;;;482;29;;wir nemen den karfunkelstein
;;;482;30;;ûf des selben tieres hirnbein,
;;;483;1;;der wehset under sînem horn,
;;;483;2;;und bestrichen die wunden vorn
;;;483;3;;und besenftet den stein dâr în gar.
;;;483;4;;diu wunde was eht lüppic var;
;;;483;5;;daz tet uns mit dem künige wê.
;;;483;6;;wir gewunnen ein würz, heizet trachontê
;;;483;7;;- von der hœren wir sagen,
;;;483;8;;wâ ein trache würde erslagen,
;;;483;9;;si wahse von dem bluote;
;;;483;10;;der würz ist sô ze muote,
;;;483;11;;si het alle des luftes art -,
;;;483;12;;ob uns des trachen umbevart
;;;483;13;;dar zuo möht iht gevromen
;;;483;14;;vür der sterne widerkomen
;;;483;15;;und vür des mânen wandeltac,
;;;483;16;;dâr an der wunden smerze lac.
;;;483;17;;Der würz edel, hôch gesleht
;;;483;18;;kam uns dâ vür niht reht.
;;;483;19;;unser venje vielen wir vür den Grâl.
;;;483;20;;dâr an gesehen wir zuo einem mâl
;;;483;21;;geschriben, dar solte ein ritter komen,
;;;483;22;;würde des vrâgen dâ vernomen,
;;;483;23;;sô solte der kumber ende hân.
;;;483;24;;ez wær kint, maget oder man,
;;;483;25;;daz in der vrâge warnet iht,
;;;483;26;;sô solte diu vrâge helfen niht,
;;;483;27;;wan daz der schade stüende als ê
;;;483;28;;und herzelîcher tæte wê.
;;;483;29;;diu geschrift sprach: 'hât ir daz vernomen?
;;;483;30;;iuwer warnen mac ze schaden komen.
;;;484;1;;vrâgt er niht bî der êrsten naht,
;;;484;2;;sô zergât sîner vrâge maht.
;;;484;3;;wirt sîn vrâge an rehter zît getân,
;;;484;4;;sô sol er daz künicrîche hân
;;;484;5;;und het der kumber ende
;;;484;6;;von der hœhesten hende.
;;;484;7;;dâ mit ist Anfortas genesen,
;;;484;8;;er sol aber niht mê künic wesen.'
;;;484;9;;sus lâsen wir an dem Grâl,
;;;484;10;;daz Anfortases quâl
;;;484;11;;dâ mit ein ende næme,
;;;484;12;;wan im diu vrâge kæme.
;;;484;13;;wir strichen an die wunden,
;;;484;14;;wâ mit wir senften kunden:
;;;484;15;;die guoten salben nardas,
;;;484;16;;daz, waz getrîakelt was,
;;;484;17;;und den rouch von lingnum âlôe.
;;;484;18;;im was eht zuo allen zîten wê.
;;;484;19;;dô zôch ich mich dâ her;
;;;484;20;;swachiu wünne ist mîner jâre wer.
;;;484;21;;sît kam ein ritter dar geriten
;;;484;22;;- der möht ez gern hân vermiten -,
;;;484;23;;von dem ich dir sô saget.
;;;484;24;;unprîs er dâ bejaget,
;;;484;25;;sît er den rehten kumber sach,
;;;484;26;;daz er niht zuo dem wirte sprach:
;;;484;27;;'hêrre, wie stât iuwer nôt?'
;;;484;28;;sît im sîn tumpheit daz gebôt,
;;;484;29;;daz er in dâ niht vrâgete,
;;;484;30;;grôzer sælde in dâ betrâgete."
;;;485;1;;Si beide wâren in herzeklage.
;;;485;2;;dô nâhet ez dem mitten tage.
;;;485;3;;der wirt sprach: "gân wir nâch der nar,
;;;485;4;;dîn ros ist unberâten gar;
;;;485;5;;ich mac uns selben niht gespîsen,
;;;485;6;;es welle uns got bewîsen.
;;;485;7;;mîn küchen riuchet selten;
;;;485;8;;des muostû hiute engelten
;;;485;9;;und alle die wîle dû bî mir bist.
;;;485;10;;ich solt dich hiute lêren list
;;;485;11;;an den würzen, liez uns der snê.
;;;485;12;;got gebe, daz er schier zergê.
;;;485;13;;nû brechen die wîle îwîn graz.
;;;485;14;;ich wæne, dîn ros dicke geaz
;;;485;15;;zuo Muntsalvasche baz dan hie.
;;;485;16;;dû noch ez zuo wirte nie
;;;485;17;;ê kômet, der iuwer gerne pflæge,
;;;485;18;;ob ez hie bereitez læge."
;;;485;19;;si giengen ûz umb ir bejac.
;;;485;20;;Parcifal des vuoters pflac,
;;;485;21;;der wirt gruop der würzelîn;
;;;485;22;;daz muost ir bestiu spîse sîn.
;;;485;23;;der wirt sîner orden niht vergaz:
;;;485;24;;wie vil er gruop, dekein er az
;;;485;25;;der wurz vor der nône.
;;;485;26;;an die stûden schône
;;;485;27;;hienc er si und suohte mêre.
;;;485;28;;durch die gotes êre
;;;485;29;;manigen tac er ungeezzen gienc,
;;;485;30;;sô er vermiste, wâ sîn spîse hienc.
;;;486;1;;Die zwên gesellen niht verdrôz,
;;;486;2;;si giengen, dâ der brunne vlôz;
;;;486;3;;si wuoschen würz und ir krût.
;;;486;4;;ir munt wart selten lachens lût.
;;;486;5;;ietweder sîn hende
;;;486;6;;truoc. an einem gebende
;;;486;7;;truoc Parcifal îwîn loup
;;;486;8;;vür daz ros. vür ir ramschoup
;;;486;9;;giengen si wider zuo den koln.
;;;486;10;;man dorft in niht mê spîse holn;
;;;486;11;;dân was gesoten und gebrâten.
;;;486;12;;ir küchen was unberâten.
;;;486;14;;durch die getriuwe minne,
;;;486;13;;die Parcifal mit sinne
;;;486;15;;zuo sînem wirte truoc,
;;;486;16;;dûht in, er het baz genuoc,
;;;486;17;;wan dô sîn pflac Gurnemanz
;;;486;18;;und dô sô maniger vrouwen varwe glanz
;;;486;19;;zuo Muntsalvasche vür in gienc,
;;;486;20;;dô er wirtschaft von dem Grâl enpfienc.
;;;486;21;;der wirt mit triuwen wîse
;;;486;22;;sprach: "neve, disiu spîse
;;;486;23;;sol dir niht versmâhen.
;;;486;24;;dû vindest in allen gâhen
;;;486;25;;keinen wirt, der dir günne baz
;;;486;26;;guoter wirtschaft âne haz."
;;;486;27;;Parcifal sprach: "hêrre,
;;;486;28;;der gotes gruoz mir verre,
;;;486;29;;ob mich ie baz gezæme,
;;;486;30;;wes ich vom wirte næme."
;;;487;1;;waz dâ was spîse vür getragen,
;;;487;2;;bliben si dâ nâch unbetwagen,
;;;487;3;;daz schadet in an den ougen niht,
;;;487;4;;als man vischigen henden giht.
;;;487;5;;ich wil vür mich geheizen,
;;;487;6;;man möhte mit mir beizen,
;;;487;7;;wær ich von vederspil erkant,
;;;487;8;;ich swünge algerne von der hant;
;;;487;9;;bî solhen kröpfelînen
;;;487;10;;tæte ich vliegen schînen.
;;;487;11;;wes spot ich der getriuwen diet?
;;;487;12;;mîn altiu unvuoge mir daz riet.
;;;487;13;;ir hât doch wol gehœret,
;;;487;14;;waz rîcheit het zerstœret,
;;;487;15;;war umb si wâren vröiden arm,
;;;487;16;;dicke kalt und selten warm.
;;;487;17;;si dolten herzen riuwe
;;;487;18;;niht wan durch rehte triuwe
;;;487;19;;âne alle missewende.
;;;487;20;;von der hœhesten hende
;;;487;21;;enpfiengens umb ir kumber solt;
;;;487;22;;got was und wart in beiden holt.
;;;487;23;;si stuonden ûf und giengen dan,
;;;487;24;;Parcifal und der guote man,
;;;487;25;;zuom rosse gegen dem stalle.
;;;487;26;;mit kranker vröuden schalle
;;;487;27;;der wirt zuo dem rosse sprach: "mir ist leit
;;;487;28;;dîn hungerigiu arbeit
;;;487;29;;durch den satel, der ûf dir liget,
;;;487;30;;der Anfortases wâpen pfliget."
;;;488;1;;Dô si daz ros begiengen,
;;;488;2;;niuwe klage si an viengen.
;;;488;3;;Parcifal zuom wirte sîn
;;;488;4;;sprach: "hêrre und lieber œheim mîn,
;;;488;5;;getörst ichz iu vor schame sagen,
;;;488;6;;mîn unglück solte ich klagen.
;;;488;7;;daz verkieset durch iuwer selbes zuht;
;;;488;8;;mîn triuwe het doch gegen iu vluht.
;;;488;9;;ich hân sô sêre missetân,
;;;488;10;;welt ir michs engelten lân,
;;;488;11;;sô scheide ich von dem trôste
;;;488;12;;und bin der unerlôste
;;;488;13;;iemer mê von riuwe.
;;;488;14;;ir solt mit râtes triuwe
;;;488;15;;klagen mîne tumpheit.
;;;488;16;;der ûf Muntsalvasche dô reit
;;;488;17;;und der den rehten kumber sach
;;;488;18;;und doch kein vrâge sprach,
;;;488;19;;daz bin ich unsælic barn;
;;;488;20;;sus hân ich, hêrre, missevarn."
;;;488;21;;Der wirt sprach: "hêrre, waz sagestû?
;;;488;22;;wir sullen beidenthalben zuo
;;;488;23;;herzelîcher klage grîfen
;;;488;24;;und die vröude lâzen slîfen,
;;;488;25;;sît dîn kunst sich selten sus verzêch.
;;;488;26;;dô dir got vünf sinne lêch,
;;;488;27;;die hânt ir rât dir vor verspart.
;;;488;28;;wie was dîn triuwe von im bewart
;;;488;29;;an den selben stunden
;;;488;30;;bî Anfortases wunden?
;;;489;1;;doch wil ich râtes niht verzagen:
;;;489;2;;dû solt ouch niht zuo sêre klagen.
;;;489;3;;dû solt in rehter mâzen
;;;489;4;;klagen und klage lâzen.
;;;489;5;;diu menscheit het vil wilder art:
;;;489;6;;etwâ  jugent an witze vart;
;;;489;7;;wil dan alter tumpheit üeben
;;;489;8;;und lûter site trüeben,
;;;489;9;;dâ von wirt daz wîz sal
;;;489;10;;und diu grüene tugent val,
;;;489;11;;dâ von beklîben möhte,
;;;489;12;;daz der werdecheit töhte.
;;;489;13;;möht ich dirz wol begrüenen
;;;489;14;;und dîn herz alsô erküenen,
;;;489;15;;daz dû den prîs bejagtest
;;;489;16;;und an got niht verzagtest,
;;;489;17;;sô gestüende noch dîn linge
;;;489;18;;an sô wirdeclîchem dinge,
;;;489;19;;daz wol ergetzet hieze.
;;;489;20;;got selbe dich niht lieze;
;;;489;21;;ich bin von got dîn râtes wer.
;;;489;22;;nû sage mir: sæhe dû daz sper
;;;489;23;;zuo Muntsalvasche ûf dem hûs?
;;;489;24;;dô der sterne Saturnus
;;;489;25;;wider an sîn zil gestuont,
;;;489;26;;daz wart uns bî der wunden kunt
;;;489;27;;und bî dem sumerlîchem snê.
;;;489;28;;im getet der vrost nie sô wê,
;;;489;29;;dem süezen œheim dîn,
;;;489;30;;daz sper muos in die wunden sîn.
;;;490;1;;dâ half ein nôt vür die ander nôt;
;;;490;2;;des wart daz sper bluotic rôt.
;;;490;3;;etlîcher sterne komende tage
;;;490;4;;die diet dâ lêret jâmers klage,
;;;490;5;;die sô hôhe ob ein ander stânt
;;;490;6;;und unglîch wider gânt;
;;;490;7;;und des mânen wandelkêre
;;;490;8;;schadet ouch zer wunden sêre.
;;;490;9;;dise zît, die ich benennet hân,
;;;490;10;;sô muoz der künic ruowe lân;
;;;490;11;;wan im tuot grôzer vrost sô wê,
;;;490;12;;sîn vleisch wirt kalter danne der snê.
;;;490;13;;sît man dâ gelupte heiz
;;;490;14;;an dem spers îsen weiz,
;;;490;15;;die zît manz ûf die wunden leit.
;;;490;16;;den vrost ez ûz dem lîbe treit,
;;;490;17;;al umb daz sper, glas als îs.
;;;490;18;;daz enmohte aber dekein wîs
;;;490;19;;von dem sper niemen bringen dan
;;;490;20;;wan Trebuchet, der wîse man;
;;;490;21;;der worht zwei mezzer, diuz sniten,
;;;490;22;;ûz silber, diu ez niht vermiten.
;;;490;23;;den list tet im ein segen kunt,
;;;490;24;;der an des küniges swert stuont.
;;;490;25;;maniger ist, der gerne giht,
;;;490;26;;aspindê, daz holz, enbrenne niht.
;;;490;27;;sô dises glases dar ûf iht spranc,
;;;490;28;;viures lohen dâ nâch swanc;
;;;490;29;;aspindê dâ von enbran.
;;;490;30;;waz wunders daz gelupte kan!
;;;491;1;;er mac gerten noch gegân,
;;;491;2;;der künic, ligen noch gestân;
;;;491;3;;er lent gar âne sitzen
;;;491;4;;mit siufzebæren witzen.
;;;491;5;;gegen des mânen wandel ist im wê.
;;;491;6;;Brunbane ist ein sê;
;;;491;7;;dâ treit man in ûf durch süeze luft,
;;;491;8;;durch sîner sûren wunden gruft.
;;;491;9;;daz heizet er sînen weide tac;
;;;491;10;;waz er aldâ gevâhen mac
;;;491;11;;bî sô smerzlîchem sêre,
;;;491;12;;er bedarf dâ heim mêre.
;;;491;13;;dâ von kam ûz ein mære,
;;;491;14;;er wær ein vischære.
;;;491;15;;daz mær muos er lîden.
;;;491;16;;salmen oder lamprîden
;;;491;17;;het er doch lützel veil,
;;;491;18;;der trûrige, niht ze geil."
;;;491;19;;Parcifal sprach alzehant:
;;;491;20;;"in dem sê den künic ich vant
;;;491;21;;geankert ûf dem wâge,
;;;491;22;;ich wæne durch visch lâge
;;;491;23;;oder durch ander kurzewîle.
;;;491;24;;ich hete manige mîle
;;;491;25;;des tages dar gestrichen.
;;;491;26;;Pelraperie ich was entwichen
;;;491;27;;reht umb den mitten morgen.
;;;491;28;;des âbendes pflac ich sorgen,
;;;491;29;;wâ diu herberge möhte sîn;
;;;491;30;;der riet mich der œheim mîn."
;;;492;1;;"Nû rite ein angestlîche vart",
;;;492;2;;sprach der wirt, " wol bewart.
;;;492;3;;ieglîch sô besetzet ist
;;;492;4;;mit rotten, selten ieman list
;;;492;5;;nû helfet gegen der reise;
;;;492;6;;er kêrte ie gegen der vreise,
;;;492;7;;wer jenen her dâ zuo im reit.
;;;492;8;;si nement niemens sicherheit,
;;;492;9;;si wâgent ir leben gegens leben;
;;;492;10;;daz ist vür sünde in dâ gegeben."
;;;492;11;;"nû kam ich âne strîten
;;;492;12;;zuo den selben zîten
;;;492;13;;geriten, dâ der künic was",
;;;492;14;;sprach Parcifal. "des palas
;;;492;15;;sach ich des âbents jâmers vol.
;;;492;16;;wie tet in jâmer dô alsô wol?
;;;492;17;;ein knappe aldâ zuor türe în spranc,
;;;492;18;;dâ von der palas jâmer klanc.
;;;492;19;;der truoc in sînen henden
;;;492;20;;einen schaft zuo vier wenden,
;;;492;21;;dâr în ein sper albluotic rôt.
;;;492;22;;des kam diu diet in jâmers nôt."
;;;492;23;;der wirt sprach: "neve, sît noch ê
;;;492;24;;wart dem künic nie sô wê,
;;;492;25;;wan dô sîn komen zeigte sus
;;;492;26;;der sterne Saturnus;
;;;492;27;;der kam mit grôzem vroste komen.
;;;492;28;;dar ûf legen moht uns niht gevromen,
;;;492;29;;als man ê dâr ûf ligen sach
;;;492;30;;daz sper man in die wunden stach.
;;;493;1;;Saturnus loufet sô nâhe enbor,
;;;493;2;;daz ez diu wunde wesse vor,
;;;493;3;;ê der ander vrost kæme her nâch.
;;;493;4;;dem snê was nindert alsô gâch,
;;;493;5;;er viel allerêrst an der andern naht
;;;493;6;;in der sumerlîchen maht.
;;;493;7;;dô mans küniges vrost sus werte,
;;;493;8;;die diet ez vröuden herte."
;;;493;9;;dô sprach der kiusche Trevrizent:
;;;493;10;;"si enpfienc jâmers soldiment;
;;;493;11;;daz sper in vröude enpfuorte,
;;;493;12;;daz ir hêrren verch sus ruorte.
;;;493;13;;
;;;493;14;;des toufes lêre alniuwe."
;;;493;15;;Parcifal zuom wirte sprach:
;;;493;16;;"vünf und zweinzic megde dâ saz,
;;;493;17;;die vor dem künige stuonden
;;;493;18;;und wol mit zühten kunden."
;;;493;19;;der wirt sprach: "es sullen megde pflegen
;;;493;20;;- des het sich got gegen in bewegen -,
;;;493;21;;des Grâles, den si dâ brâhten vür.
;;;493;22;;der Grâl ist mit hôher kür.
;;;493;23;;sô sullen sîn ritter hüeten
;;;493;24;;mit kiuschlîchen güeten.
;;;493;25;;der hôhen sternen komendiu zît
;;;493;26;;der diet aldâ jâmers gît,
;;;493;27;;den jungen und den alten.
;;;493;28;;got het zorn behalten
;;;493;29;;gegen in al ze lange dâ.
;;;493;30;;wan sullen si vröude sprechen 'jâ'?
;;;494;1;;neve, nû wil ich sagen dir,
;;;494;2;;des dû wol maht glouben mir:
;;;494;3;;ein schanz dicke stât vor in,
;;;494;4;;si gebent und nement gewin.
;;;494;5;;si enpfâhent kleiniu kint dar
;;;494;6;;von hôher art und wol gevar.
;;;494;7;;wirt iendert hêrrenlôs ein lant,
;;;494;8;;erkennet si dâ diu gotes hant,
;;;494;9;;sô daz diu diet einen hêrren gert
;;;494;10;;von Grâles schar, die sint gewert.
;;;494;11;;des muozen ouch si mit zühten pflegen;
;;;494;12;;sîn hüetet aldâ der gotes segen.
;;;494;13;;got schaffet verholn in dan die man,
;;;494;14;;offenlîch gît man die megde dan.
;;;494;15;;dû solt des sîn vil gewis,
;;;494;16;;daz der künic Castis
;;;494;17;;Herczeloiden gerte,
;;;494;18;;der man in schône werte.
;;;494;19;;dîn muoter gap man im zuo konen;
;;;494;20;;er solt aber niht ir minne wonen,
;;;494;21;;der tôt in ê leite in daz grap.
;;;494;22;;dâ vor er dîner muoter gap
;;;494;23;;Waleis und Norgals,
;;;494;24;;Kanvoleiz und Kingrivals;
;;;494;25;;daz ir mit sale wart geben.
;;;494;26;;der künic niht langer solte leben.
;;;494;27;;diz was ûf sîner reise wider:
;;;494;28;;der künic sich leite sterbens nider.
;;;494;29;;dô truoc si krône über zwei lant.
;;;494;30;;dô erwarp si Gahmuretes hant.
;;;495;1;;sus gît man von dem Grâle dan
;;;495;2;;offenlîch megde, verholn die man,
;;;495;3;;durch vruht zuo dienst wider dar,
;;;495;4;;ob ir kint des Grâles schar
;;;495;5;;mit dienste sollen mêren;
;;;495;6;;daz kan si got wol lêren.
;;;495;7;;wer sich dienstes dem Grâl het bewegen,
;;;495;8;;wîbe minne er muoz verpflegen.
;;;495;9;;wan der künic sol haben eine
;;;495;10;;zuo reht, ein konen reine,
;;;495;11;;und ander, die got hât gesant
;;;495;12;;zuo hêrren in hêrrenlôsiu lant.
;;;495;13;;über daz gebot ich mich bewac,
;;;495;14;;daz ich nâch minnen dienste pflac.
;;;495;15;;Mir geriet mîn gevlehteclîche jugent
;;;495;16;;und eines werden wîbes tugent,
;;;495;17;;daz ich in ir dienste reit
;;;495;18;;und dicke herzelîchen streit.
;;;495;19;;die wilden âventiure
;;;495;20;;mich dûhten gehiure,
;;;495;21;;daz ich selten turnierte.
;;;495;22;;ir minne condewierte
;;;495;23;;mit vröuden in daz herze mîn;
;;;495;24;;durch si tet ich vil strîtes schîn.
;;;495;25;;des twanc mich ir minne kraft
;;;495;26;;gegen der wilden verren ritterschaft.
;;;495;27;;ir minne ich alsus kouft:
;;;495;28;;der heiden und der getouft
;;;495;29;;wâren mit strîten alglîch;
;;;495;30;;si gedâht mich lônes rîch.
;;;496;1;;sus pflac ich durch die werden
;;;496;2;;ûf den drîn teilen der erden,
;;;496;3;;zuo Erupie und in Asia
;;;496;4;;und wer hin in Affrica
;;;496;4;1;ritterschaft zuo tuon
;;;496;4;2;sunder vröude und âne suon.
;;;496;5;;sô ich rîche juste wolte tuon,
;;;496;6;;sô reit ich vür Gauriuon.
;;;496;7;;ich hab ouch manige just getân
;;;496;8;;vor dem berge Famorgan.
;;;496;9;;ich tet vil rîcher juste schîn
;;;496;10;;zuo dem berge zuo Agremontin.
;;;496;11;;wer einhalp wil ir juste hân,
;;;496;12;;dâ koment ûz viurige man;
;;;496;13;;anderhalp si brinnent niht,
;;;496;14;;waz man dâ justiere siht,
;;;496;15;;und dô ich vür den Rohas
;;;496;16;;durch âventiur gestrichen was,
;;;496;17;;dô kam ein werdiu windesch diet
;;;496;18;;ûz durch juste gegenbiet,
;;;496;19;;und vuor von Sibilje
;;;496;20;;daz mer al umbe gegen Zilje,
;;;496;21;;durch Friol ûz vür Aglei.
;;;496;22;;ouwê und heiâ hei,
;;;496;23;;daz ich dînen vater ie gesach,
;;;496;24;;der mir zuo sehen aldâ geschach,
;;;496;25;;dô ich zuo Sibilje zogte în!
;;;496;26;;dô het der werde Anschevin
;;;496;27;;vor mir geherget ê.
;;;496;28;;sîn vart tuot mir iemer wê,
;;;496;29;;die er vuor zuo Baldac;
;;;496;30;;zuo justieren er tôt dâ lac.
;;;497;1;;daz was ê von im dîn sage
;;;497;2;;und ist iemer mînes herzen klage.
;;;497;3;;mîn bruoder ist guotes rîch;
;;;497;4;;verholn ritterlîch
;;;497;5;;er mich dicke von im sante.
;;;497;6;;sô ich von Muntsalvasche wante,
;;;497;7;;sîn ingesigel nam ich dâ
;;;497;8;;und vuorte ez zuo Carkobra,
;;;497;9;;dâ sich sewet der Plimizol,
;;;497;10;;in dem bistuom zuo Barbigol.
;;;497;11;;der burcgrâve mich dâ beriet
;;;497;12;;ûf daz ingesigel, als ich von im schiet,
;;;497;13;;knappen und ander koste
;;;497;14;;gegen der wilden joste
;;;497;15;;und ûf ritterlîche vart;
;;;497;16;;des wart vil wênic von im gespart.
;;;497;17;;ich muos alein komen dar:
;;;497;18;;an der widerreise liez ich gar
;;;497;19;;bî im, waz ich gesindes pflac,
;;;497;20;;und reit, dâ Muntsalvasche lac.
;;;497;21;;nû hœre, lieber neve mîn:
;;;497;22;;dô mich der werde vater dîn
;;;497;23;;zuo Sibilje allerêrst sach,
;;;497;24;;balde er mîn zuo bruoder jach
;;;497;25;;Herczeloiden, sînem wîbe;
;;;497;26;;doch wart von sînem lîbe
;;;497;27;;mîn antlitze nie mê gesehen.
;;;497;28;;man muos ouch mir vür wâr jehen,
;;;497;29;;daz nie mannes bilde schœner wart;
;;;497;30;;dannoch was ich âne bart.
;;;498;1;;In mîn herberge er vuor.
;;;498;2;;vür dise rede  dicke swuor
;;;498;3;;manigen ungestabten eit.
;;;498;4;;dô er mich sô vil dâ an gestreit,
;;;498;5;;verholn ich ez im sagete,
;;;498;6;;daz er vröuden vil bejagete.
;;;498;7;;er gap sîn kleinœte mir;
;;;498;8;;waz ich im gap, daz was sîn gir.
;;;498;9;;mîn kefsen, die dû sæhe ê
;;;498;10;;- diu ist noch grüener dan der klê -,
;;;498;11;;hiez ich wirken ûz einem stein,
;;;498;12;;den mir gap der rein.
;;;498;13;;sînen neven er mir zuo knehte liez,
;;;498;14;;Ithern, den sîn herze hiez,
;;;498;15;;daz aller valsch an im verswant,
;;;498;16;;den künic von Kukumerlant.
;;;498;17;;wir mohten die vart niht langer sparn,
;;;498;18;;wir muosen von ein ander varn.
;;;498;19;;er kêrte, dâ der bâruc was,
;;;498;20;;und ich vür den Rohas.
;;;498;21;;ûz Zilje ich vür den Rohas reit;
;;;498;22;;drîe mântage ich dâ vil gestreit.
;;;498;23;;mich dûhte, ich het dâ wol gestriten.
;;;498;24;;dar nâch ich schierste kam geriten
;;;498;25;;in die wîten Gandin,
;;;498;26;;dar nâch der ane dîn
;;;498;27;;Gandin wart genennet.
;;;498;28;;dâ wart Ither bekennet.
;;;498;29;;diu selbe stat lît aldâ,
;;;498;30;;dâ diu Greian in die Tra,
;;;499;1;;mit golde ein wazzer, rinnet.
;;;499;2;;dâ wart Ither geminnet.
;;;499;3;;dîn basen er dâ vant;
;;;499;4;;diu was vrouwe über daz lant.
;;;499;5;;Gandin von Anschouwe 
;;;499;6;;hiez si dâ wesen vrouwe.
;;;499;7;;si heizet Lamire;
;;;499;8;;sô ist daz lant genennet Stire.
;;;499;9;;wer schiltes ambet üeben wil,
;;;499;10;;der muoz durchstrîchen lande vil.
;;;499;11;;nû riuwet mich mîn knappe rôt,
;;;499;12;;durch den si mir grôz êre bôt.
;;;499;13;;von Ither dû bist erborn;
;;;499;14;;dîn hant die sippe het verlorn.
;;;499;15;;got het ir niht vergezzen doch,
;;;499;16;;er kan si wol gebrüefen noch.
;;;499;17;;wiltû gegen got mit triuwen leben,
;;;499;18;;sô soltû im wandel geben.
;;;499;19;;mit riuwe ich dir daz künde:
;;;499;20;;dû treist zwô grôze sünde.
;;;499;21;;Ithern dû hâst erslagen;
;;;499;22;;dû solt ouch dîn muoter klagen.
;;;499;23;;ir grôziu triuwe daz geriet,
;;;499;24;;dîn vart si von dem leben schiet,
;;;499;25;;die dû jungest von ir tæte.
;;;499;26;;nû volge mîner ræte:
;;;499;27;;nim buoze vür missewende
;;;499;28;;und sorge eht umb dîn ende,
;;;499;29;;daz dir dîn arbeit hie erhol,
;;;499;30;;daz dort diu sêle ruowe dol."
;;;500;1;;Der wirt âne allez bâgen
;;;500;2;;begunde in vürbaz vrâgen:
;;;500;3;;"neve, noch hân ich niht vernomen,
;;;500;4;;wannen dir daz ros sî komen."
;;;500;5;;"hêrre, daz ros ich erstreit,
;;;500;6;;dô ich von Sigunen reit.
;;;500;7;;vor einer klûsen ich die sprach.
;;;500;8;;dar nâch ich vlügelîchen stach
;;;500;9;;einen ritter dar ab und zôch ez dan.
;;;500;10;;von Muntsalvasche was der man."
;;;500;11;;er sprach: "ist aber der man genesen,
;;;500;12;;des ez von rehte solte wesen?"
;;;500;13;;"hêrre, ich sach in von mir gân
;;;500;14;;und vant daz ros bî mir dâ stân."
;;;500;15;;"wiltû des Grâles volc sus rouben
;;;500;16;;und dâ bî des glouben,
;;;500;17;;dû gewinnest sîn noch minne,
;;;500;18;;sô zweient sich die sinne."
;;;500;19;;"hêrre, ich nam ez in einem strît.
;;;500;20;;wer mir dar umb sünde gît,
;;;500;21;;der brüefe allerêrst, wie ez stê.
;;;500;22;;mîn ros het ich verlorn ê."
;;;500;23;;Aber sprach Parcifal:
;;;500;24;;"wer was diu maget, diu den Grâl
;;;500;25;;truoc? ir mantel lêch man mir."
;;;500;26;;der wirt sprach: "neve, was er ir
;;;500;27;;- diu selbe ist dîn muome -,
;;;500;28;;si enlêch dirs niht zuo ruome.
;;;500;29;;si wânte, dû soltest dâ hêrre sîn
;;;500;30;;des Grâles und dar zuo mîn.
;;;501;1;;dîn œheim gap dir ouch ein swert,
;;;501;2;;dâ mit dû sünden bist gewert,
;;;501;3;;sît daz dîn wol geborner munt
;;;501;4;;dâ leider niht tet vrâgen kunt.
;;;501;5;;die sünde lâz bî den andern stên!
;;;501;6;;wir sullen ouch dar umb tâlanc slâfen gên!"
;;;501;7;;bette oder kultern wart in wênic brâht;
;;;501;8;;si giengen eht ligen ûf ein bâht.
;;;501;9;;daz leger was hôher art
;;;501;10;;gelîch nindert dâ bewart.
;;;501;11;;sus was er dâ vünfzehen tage.
;;;501;12;;der wirt sîn pflac, als ich iu sage:
;;;501;13;;krût und würzelîn,
;;;501;14;;daz muose ir bestiu spîse sîn.
;;;501;15;;Parcifal der swære
;;;501;16;;truoc durch süeze mære,
;;;501;17;;wan in der wirt von sünden schiet
;;;501;18;;und im doch ritterlîchen riet.
;;;501;19;;Eines tages sprach Parcifal:
;;;501;20;;"wer was ein man, lac vor dem Grâl?
;;;501;21;;der was al grâ bî liehtem vel."
;;;501;22;;der wirt sprach: "daz was Titurel.
;;;501;23;;der selbe ist dîner muoter ane.
;;;501;24;;dem wart allerêrst des Grâles vane
;;;501;25;;bevolhen durch schirmens rât.
;;;501;26;;ein siechtage heizet pôgrât,
;;;501;27;;die leme treit der helfelôs.
;;;501;28;;sîn varwe er iedoch nie verlôs,
;;;501;29;;wan er den Grâl sô dicke siht;
;;;501;30;;dâ von mac er ersterben niht.
;;;502;1;;durch rât si hânt den betterisen.
;;;502;2;;in sîner jugent vurt und wisen
;;;502;3;;reit er vil durch justieren.
;;;502;4;;wiltû dîn leben zieren
;;;502;5;;und reht wirdeclîchen varn,
;;;502;6;;sô muostû haz gegen wîben sparn.
;;;502;7;;wîp und pfaffen sint erkant,
;;;502;8;;die tragent unwerlîche hant.
;;;502;9;;sô reichet über pfaffen gotes segen.
;;;502;10;;der sol dînes dienstes mit triuwen pflegen,
;;;502;11;;dar umb wirt dîn ende guot,
;;;502;12;;dû muost zuom pfaffen haben muot.
;;;502;13;;waz dîn ouge ûf erden siht,
;;;502;14;;daz glîchet sich dem priester niht.
;;;502;15;;sîn munt die martel sprichet,
;;;502;16;;diu unser vlust zerbrichet.
;;;502;17;;ouch grîfet sîn gewîhtiu hant
;;;502;18;;an daz hœhste pfant,
;;;502;19;;daz ie vür schult gesetzet wart.
;;;502;20;;welich priester sich het sô bewart,
;;;502;21;;daz er dem kiusche kan gegeben,
;;;502;22;;wie möht er hêrlîcher leben?"
;;;502;23;;diz was ir zweier scheidens tac.
;;;502;24;;Trevrizent sich des bewac,
;;;502;25;;er sprach: "gip mir dîn sünde her
;;;502;26;;- vor got ich bin dîn wandels wer -
;;;502;27;;und leiste, als ich dir hân gesaget.
;;;502;28;;blîp des willen unverzaget."
;;;502;29;;von ein ander scheiden sie.
;;;502;30;;ob ir nû wellet, sô brüefet wie.
;;;503;1;;Ez nâhet nû wilden mæren,
;;;503;2;;die vröude kunnen læren
;;;503;3;;und die hôchgemüete bringent;
;;;503;4;;mit den beiden si ringent.
;;;503;5;;nû was ez ouch über des jâres zît.
;;;503;6;;gescheiden was des kampfes strît,
;;;503;7;;den der lantgrâve zuom Plimizol
;;;503;8;;erwarp. der was zuo Barbigol
;;;503;9;;von Schanfanzun gesprochen;
;;;503;10;;dô beleip ungerochen
;;;503;11;;der werde künic Kingrisin.
;;;503;12;;Vergulaht, der sun sîn,
;;;503;13;;kam gegen Gawane dar.
;;;503;14;;dô nam diu werlt ir sippe war
;;;503;15;;und schiet den kampf ir site maht,
;;;503;16;;wenne ouch der grâve Ehkunaht
;;;503;17;;ûf im die grôzen schulde truoc,
;;;503;18;;der man zêch Gawan genuoc.
;;;503;19;;daz verkôs Kingrimursel
;;;503;20;;ûf Gawanen, den degen snel.
;;;503;21;;si vuoren beide sunder dan,
;;;503;22;;Vergulaht und Gawan,
;;;503;23;;an dem selben mâl
;;;503;24;;durch vorschen nâch dem Grâl.
;;;503;25;;alsô si mit ir henden
;;;503;26;;manige juste muosten senden.
;;;503;27;;wan wer des Grâles gerte,
;;;503;28;;der muoste mit dem swerte
;;;503;29;;sich dem prîse nâhen.
;;;503;30;;sus sol man prîses gâhen.
;;;504;1;;wie ez Gawan komen sî,
;;;504;2;;der ie was missewende vrî,
;;;504;3;;sît er von Schanfanzun schiet,
;;;504;4;;ob sîn reise ûf strît geriet,
;;;504;5;;daz jehen, die ez dâ sâhen.
;;;504;6;;er muoz nû strîte nâhen.
;;;504;7;;Eines morgens kam hêr Gawan
;;;504;8;;geriten ûf einen grüenen plân.
;;;504;9;;dâ sach er blicken einen schilt
;;;504;10;;- dâ was ein juste durch gezilt -
;;;504;11;;und ein pfert, daz vrouwen gereit truoc;
;;;504;12;;des zoum und satel was tiur genuoc.
;;;504;13;;ez was gebunden vast
;;;504;14;;bî dem schilt zuo einem ast.
;;;504;15;;dô gedâht er: "wer mac sîn diz wîp,
;;;504;16;;diu alsus werlîchen lîp
;;;504;17;;het, daz si schiltes pfliget?
;;;504;18;;ob si sich strîtes gegen mir bewiget,
;;;504;19;;wie sol ich mich ir dan erwern?
;;;504;20;;zuo vuoze getriuwe ich mich wol nern.
;;;504;21;;wil aber si dan ringen,
;;;504;22;;si mac mich nider bringen;
;;;504;23;;ich erwerbe sîn haz oder guot,
;;;504;24;;sol dâ ein juste ergân zuo vuoz.
;;;504;25;;ob ez halt vrouwe Camille wære,
;;;504;26;;diu mit ritterlîchem mære
;;;504;27;;vor Laurente prîs erstreit,
;;;504;28;;wær si lebende, als si dort reit,
;;;504;29;;ez würde iedoch versuochet an sie,
;;;504;30;;ob si mir strîten büte hie."
;;;505;1;;der schilt was verhouwen.
;;;505;2;;Gawan begunde in schouwen,
;;;505;3;;dô er dâ zuo kam geriten.
;;;505;4;;der juste venster was gesniten
;;;505;5;;mit der glevîn wît;
;;;505;6;;alsus mâlet si der strît.
;;;505;7;;wer gülte si den schiltæren,
;;;505;8;;ob ir varwe alsus wæren?
;;;505;9;;der linden grôz was der stam.
;;;505;10;;ouch saz ein vrouwe, an vröuden lam,
;;;505;11;;dâr hinder ûf dem grüenen klê.
;;;505;12;;der tet grôz jâmer alsô wê,
;;;505;13;;daz si der vröuden gar vergaz.
;;;505;14;;er reit hin umb gegen ir baz.
;;;505;15;;dâ lac ein ritter in ir schôz,
;;;505;16;;dâ von ir jâmer was sô grôz.
;;;505;17;;Gawan im grüezen niht versweic;
;;;505;18;;diu vrouwe dankete und neic.
;;;505;19;;er vant ir stimme heise,
;;;505;20;;verschrîet durch ir vreise.
;;;505;21;;dô erbeizte mîn hêrre Gawan.
;;;505;22;;dâ lac durchstochen ein man,
;;;505;23;;dem gienc daz bluot in den lîp.
;;;505;24;;dô vrâgte er des heldes wîp,
;;;505;25;;ob der ritter lebete
;;;505;26;;oder mit dem tôde strebete.
;;;505;27;;dô sprach si: "hêrre, er lebet noch -
;;;505;28;;ich wæne, ez ist âne lenge doch.
;;;505;29;;got sant iuch mir zuo trôste her;
;;;505;30;;nû râtet durch iuwer triuwe ger.
;;;506;1;;ir habt kumbers mêr dan ich gesehen.
;;;506;2;;lât iuwern trôst an mir geschehen,
;;;506;3;;daz ich iuwer helfe schouwe."
;;;506;4;;"ich tuon", sprach er, "vrouwe.
;;;506;5;;disen ritter wolt ich sterben wern;
;;;506;6;;ich trûwet in harte wol ernern,
;;;506;7;;het ich ein rœren.
;;;506;8;;beidiu sehen und hœren
;;;506;9;;meht irn dicke gesunt,
;;;506;10;;wand er ist niht zuo verhe wunt;
;;;506;11;;daz bluot ist sînes herzen last."
;;;506;12;;er begreif der linden ast,
;;;506;13;;er sleif ein loup, dar ab ein rôr
;;;506;14;;- er was zuor wunden niht ein tôr -,
;;;506;15;;den schoup er zer just in den lîp.
;;;506;16;;dô bat er sûgen daz wîp,
;;;506;17;;unz daz bluot wider gegen im vlôz.
;;;506;18;;des heldes kraft sich ûf entslôz,
;;;506;19;;daz er wol redet und sprach.
;;;506;20;;dô er Gawanen ob im ersach,
;;;506;21;;dô dankte er im sêre
;;;506;22;;und jach, er het es êre,
;;;506;23;;daz er in scheide von unkraft,
;;;506;24;;und vrâgete in, ob er durch ritterschaft
;;;506;25;;wær komen dâ gên Logrois.
;;;506;26;;"ich streich ouch verre ûz Ponturtois
;;;506;27;;und wolte âventiure hie bejagen.
;;;506;28;;von herzen sol ichs iemer klagen,
;;;506;29;;daz ich sô nâhe geriten bin.
;;;506;30;;ir solt ez ouch mîden, habt ir sin.
;;;507;1;;nie wan niht der kœme alsus.
;;;507;2;;Lischois Gwellius
;;;507;3;;het mich sêre geletzet
;;;507;4;;und hinder daz ros gesetzet
;;;507;5;;mit einer juste rîch;
;;;507;6;;diu ergienc sô hurteclîch
;;;507;7;;durch mîn schilt und durch den lîp.
;;;507;8;;dô half mir daz guote wîp
;;;507;9;;ûf ir pferde an ir stat."
;;;507;10;;Gawan er sêre blîben bat.
;;;507;11;;Gawan sprach, er wolte sehen,
;;;507;12;;wâ im der schade wære geschehen.
;;;507;13;;"lît Logrois sô nâhen,
;;;507;14;;mac ich in dâr vor ergâhen,
;;;507;15;;sô muoz er antwürten mir.
;;;507;16;;ich vrâge in, waz er ræche an dir."
;;;507;17;;"daz tuo niht", sprach der wunde man,
;;;507;18;;"der wârheit ich dir jehen kan;
;;;507;19;;dar engât niht kinde reise.
;;;507;20;;er mac wol heizen vreise."
;;;507;21;;Gawan die wunden verbant
;;;507;22;;mit der vrouwen houbtgewant.
;;;507;23;;er sprach zuor wunden segen
;;;507;24;;und bat got man und wîbes pflegen.
;;;507;25;;er vant albluotic ir slâ,
;;;507;26;;als ein hirz wære erschozzen dâ.
;;;507;27;;daz liez niht irre rîten;
;;;507;28;;er sach in kurzen zîten
;;;507;29;;Logrois, die gehêrten.
;;;507;30;;vil liute mit lobe si êrten.
;;;508;1;;an der bürge lâgen lobes werc:
;;;508;2;;nâch trendel mâze was ir berc,
;;;508;3;;wâ si verre sach der tumb,
;;;508;4;;er wânde, si lief al umb.
;;;508;5;;der bürge man noch hiute giht,
;;;508;6;;daz gegen ir sturmes hiure niht.
;;;508;7;;si vorhte wênic solich nôt,
;;;508;8;;wâ man hazzen gegen ir bôt.
;;;508;9;;alumb dem berc lac ein hac,
;;;508;10;;des man mit edeln boumen pflac.
;;;508;11;;vîgenboume, grânât,
;;;508;12;;oli, wîn und ander rât,
;;;508;13;;des wuohs dâ ganziu rîcheit.
;;;508;14;;Gawan die strâze ûf în reit;
;;;508;15;;dô ersach er niderhalben sîn
;;;508;16;;vreude und sînes herzen pîn.
;;;508;17;;ein brunne ûf einem vels vlôz;
;;;508;18;;dô vant er, des in niht verdrôz,
;;;508;19;;ein alsô clâre vrouwen,
;;;508;20;;die er gerne mohte schouwen,
;;;508;21;;aller wîbe varwe ein bêâflûrs.
;;;508;22;;âne Condwieramurs
;;;508;23;;wart nie geborn sô schœner lîp.
;;;508;24;;mit clârheit was daz selbe wîp,
;;;508;25;;wol geschicket und kurtois.
;;;508;26;;si hiez Urgeluse de Logrois.
;;;508;27;;ouch sagent die âventiur von ir,
;;;508;28;;si wær ein ritzel minne gir,
;;;508;29;;ougen süeze âne smerzen
;;;508;30;;und ein spansenwe des herzen.
;;;509;1;;Gawan bôt ir sînen gruoz.
;;;509;2;;er sprach: "ob ich erbeizen muoz
;;;509;3;;mit iuwern hulden, vrouwe,
;;;509;4;;ob ich iuch des willen schouwe,
;;;509;5;;daz ir mich gern bî iu hât,
;;;509;6;;grôz riuwen mich bî vröuden lât:
;;;509;7;;sô wart nie ritter alsô vrô.
;;;509;8;;mîn lîp ersterben muoz alsô,
;;;509;9;;daz mir nimmer wîp gevellet baz."
;;;509;10;;"daz ist eht, nû weiz ich daz."
;;;509;11;;solich was ir rede, dô si an in sach.
;;;509;12;;ir süezer munt mê dar nâch sprach:
;;;509;13;;"nû lobet mich niht zuo sêre;
;;;509;14;;ir enpfâhet sîn lîht unêre.
;;;509;15;;ich wil niht, daz ieglîch munt
;;;509;16;;gegen mir tuo sîn prüeven kunt.
;;;509;17;;wær mîn lop gemeine
;;;509;18;;- daz hiez ein wirde kleine -
;;;509;19;;dem wîsen und dem tumben,
;;;509;20;;dem slehten und dem krumben,
;;;509;21;;wâ rihte ez sich dan vür
;;;509;22;;nâch der wirdicheit kür?
;;;509;23;;ich sol mîn lop behalten,
;;;509;24;;daz es die wîsen walten.
;;;509;25;;ich weiz niht, hêrre, wer ir sît;
;;;509;26;;iuwers rîtens wær von mir zît.
;;;509;27;;mîn brüefen lât iuch doch niht vrî:
;;;509;28;;ir sît mînem herzen bî -
;;;509;29;;verre ûzerhalp, niht drinne!
;;;509;30;;gert ir mîner minne,
;;;510;1;;sô habt ir die ân mich erholt.
;;;510;2;;maniger sîniu ougen bolt,
;;;510;3;;er möhte es in einer slingen
;;;510;4;;zuo senfterm wurf bringen,
;;;510;5;;der sehen niht vermîdet,
;;;510;6;;daz im sîn herz snîdet.
;;;510;7;;lât walzen iuwer kranken gir
;;;510;8;;ûf ander minne dan zuo mir.
;;;510;9;;dienet nâch minne iuwer hant,
;;;510;10;;het iuch âventiur gesant
;;;510;11;;nâch minne ûf ritterlîche tât,
;;;510;12;;des lônes ir an mir niht hât.
;;;510;13;;ir muget wol laster al hie bejagen,
;;;510;14;;muoz ich iu die wârheit sagen."
;;;510;15;;dô sprach er: "vrouwe, ir sagt mir wâr,
;;;510;16;;mîn ougen mit des herzen vâr;
;;;510;17;;diu hânt an iuwerm lîbe ersehen,
;;;510;18;;daz ich mit wârheit des muoz jehen,
;;;510;19;;daz ich iuwer gevangen bin.
;;;510;20;;kêrt gegen mir wîplîchen sin.
;;;510;21;;wie es iuch hab verdrozzen,
;;;510;22;;ir habet mich în geslozzen.
;;;510;23;;nû lâzet oder bindet.
;;;510;24;;des willen ir mich vindet:
;;;510;25;;het ich iuch, wâ ich wolte,
;;;510;26;;den wunsch ich gerne dolte."
;;;510;27;;si sprach: "nû vüeret mich mit iu hin.
;;;510;28;;welt ir teilen den gewin,
;;;510;29;;den ir mit minne an mir bejaget,
;;;510;30;;mit laster irz dannoch beklaget.
;;;511;1;;ich wuste gerne, ob ir daz sît,
;;;511;2;;der durch mich getorste strît.
;;;511;3;;daz verbert, bedurft ir êre.
;;;511;4;;solt ich iu râten mêre,
;;;511;5;;spræchet ir dan der volge 'jâ',
;;;511;6;;sô suocht ir minne anderswâ.
;;;511;7;;ob ir mîner minne gert,
;;;511;8;;minne und vröude ir sît entwert.
;;;511;9;;ob ir mich hinnen vüeret,
;;;511;10;;grôz sorge iuch dar nâch rüeret."
;;;511;11;;dô sprach mîn hêr Gawan:
;;;511;12;;"wer minne ungedienet wil hân
;;;511;13;;- muoz ich iu daz künden? -,
;;;511;14;;der treit si hin mit sünden.
;;;511;15;;wem ist zuo werder minne gâch,
;;;511;16;;dem hœret dienst vor und nâch."
;;;511;17;;si sprach: "welt ir mir dienst geben,
;;;511;18;;sô müezet ir wirdeclîchen leben
;;;511;19;;und magt doch laster wol bejagen.
;;;511;20;;mîn dienst bedarf dekeines zagen.
;;;511;21;;vart jenen pfat - ez ist niht ein wec -
;;;511;22;;dort über einen hôhen stec
;;;511;23;;in einen boumgarten.
;;;511;24;;eines pferdes solt ir dâ warten.
;;;511;25;;dâ hœrt und seht ir manige diet,
;;;511;26;;die tanzent und singent liet,
;;;511;27;;tambûren, floitieren.
;;;511;28;;wie si iuch condwieren,
;;;511;29;;gât durch si, dâ mîn pfert stât,
;;;511;30;;und lœset ez ûf: nâch iu ez gât."
;;;512;1;;Gawan von dem rosse spranc.
;;;512;2;;dô het er manigen danc,
;;;512;3;;wie daz ros sîn dâ erbit.
;;;512;4;;dem brunnen wonet niendert mit,
;;;512;5;;dâ erz geheften möhte.
;;;512;6;;er dâht, ob ime daz töhte,
;;;512;7;;daz si ez zuo behalten næme,
;;;512;8;;ob ime diu bete gezæme.
;;;512;9;;"ich sihe wol, wes ir angest hât",
;;;512;10;;sprach si. "diz ros mir stân hie lât;
;;;512;11;;daz behalt ich, unz ir wider komt.
;;;512;12;;mîn dienst iuch des kleine vromt."
;;;512;13;;dô nam mîn hêr Gawan
;;;512;14;;den zügel von dem rosse dan.
;;;512;15;;er sprach: "nû habt mirz, vrouwe."
;;;512;16;;"bî tumpheit ich iuch schouwe",
;;;512;17;;sprach si dan, "wan dâ lac iuwer hant,
;;;512;18;;der grif sol mir sîn unbekant."
;;;512;19;;dô sprach der minnebernde man:
;;;512;20;;"vrouwe, ich engreif nie vorn dâr an."
;;;512;21;;"nû, dâ wil ichz enpfâhen",
;;;512;22;;sprach si, "nû solt ir gâhen,
;;;512;23;;und bringt mir balde mîn pfert;
;;;512;24;;mîner reise ir sît mit iu gewert."
;;;512;25;;daz dûht in vröudenhaft gewin.
;;;512;26;;dô gâhet er balde von ir hin
;;;512;27;;über den stec zuor porten în.
;;;512;28;;dô sach er maniger vrouwen schîn
;;;512;29;;und manigen ritter jungen,
;;;512;30;;die tanzten und sungen.
;;;513;1;;dô was mîn hêr Gawan
;;;513;2;;sô gezimiert ein man,
;;;513;3;;daz ez si lêrte riuwe,
;;;513;4;;want si heten triuwe,
;;;513;5;;die des boumgarten pflâgen.
;;;513;6;;si stuonden oder lâgen
;;;513;7;;oder sâzen in gezelten,
;;;513;8;;si vergâzen des vil selten,
;;;513;9;;si klagten sînen kumber grôz.
;;;513;10;;man und wîp des niht verdrôz,
;;;513;11;;genuoge sprâchen, den es was leit:
;;;513;12;;"mîner vrouwen trügeheit
;;;513;13;;wil disen man verleiten
;;;513;14;;zuo grôzen arbeiten.
;;;513;15;;ouwê, daz er ir volgen wil
;;;513;16;;ûf alsus reinberie zil!"
;;;513;17;;manic wert man gegen im gienc,
;;;513;18;;der in mit armen umbevienc
;;;513;19;;durch vriuntlîch enpfâhen.
;;;513;20;;dar nâch begunde er nâhen
;;;513;21;;einem oleiboum; dâ stuont daz pfert.
;;;513;22;;ez was maniger marc wert
;;;513;23;;der zoum und daz gereite.
;;;513;24;;mit einem barte breite,
;;;513;25;;wol gevlohten und grâ,
;;;513;26;;stuont dâ bî ein ritter dâ
;;;513;27;;über ein brücken geleinet.
;;;513;28;;von dem wart ez geweinet,
;;;513;29;;daz Gawan zuo dem pferde gienc.
;;;513;30;;mit süezer rede ern doch enpfienc.
;;;514;1;;er sprach: "welt ir râtes pflegen,
;;;514;2;;ir solt des pferdes iuch bewegen.
;;;514;3;;ez enwert iu doch niemen hie;
;;;514;4;;getâtet aber ir daz wægest ie,
;;;514;5;;sô solt irz hie lâzen.
;;;514;6;;mîn vrouwe sî verwâzen,
;;;514;7;;daz si sô manigen werden man
;;;514;8;;von dem lîbe scheiden kan."
;;;514;9;;Gawan sprach, er liez es niht.
;;;514;10;;"owê des dannoch geschiht!",
;;;514;11;;sprach der grâwe ritter wert.
;;;514;12;;die halftern lôste er von dem pfert.
;;;514;13;;er sprach: "ir solt niht langer stân;
;;;514;14;;lât diz pfert nâch iu gân.
;;;514;15;;des hant daz mer gesalzen hât,
;;;514;16;;der gebe iu vür kumber rât.
;;;514;17;;hüetet, daz iuch iht gehœne
;;;514;18;;mîner vrouwen schœne,
;;;514;19;;wan si ist bî der süeze sûr,
;;;514;20;;reht als ein sunnenblicker schûr."
;;;514;21;;"nû walt sîn got", sprach hêr Gawan.
;;;514;22;;urloup nam der zuom grâwen man;
;;;514;23;;als tet er hie und dort.
;;;514;24;;si sprâchen alle klagendiu wort.
;;;514;25;;daz pfert gienc einen smalen wec
;;;514;26;;zuo der porten ûz nâch im ûf den stec.
;;;514;27;;sînes herzen vogt er dâ vant;
;;;514;28;;diu was vrouwe über daz lant.
;;;514;29;;wie sîn herze gegen ir vlôch,
;;;514;30;;vil kumbers si im dar în zôch.
;;;515;1;;si het mit ir hende
;;;515;2;;under dem kinne daz gebende
;;;515;3;;hin ûf daz houbt geleit.
;;;515;4;;kampfbæriu lide treit
;;;515;5;;ein wîp, die man vindet sô;
;;;515;6;;diu wær vil lîht eines kampfes vrô.
;;;515;7;;waz si ander kleider trüege?
;;;515;8;;ob ich des nû gewüege,
;;;515;9;;daz ich brüefen solt ir wât,
;;;515;10;;ir liehter blic mich des erlât.
;;;515;11;;Dô Gawan zuo der vrouwen gienc,
;;;515;12;;ir süezer munt in sus enpfienc.
;;;515;13;;si sprach: "weset wilkomen, ir gans.
;;;515;14;;nie man grœzer tumpheit gedans,
;;;515;15;;ob ir mich dienstes wellet gewern.
;;;515;16;;eiâ, wie gerne irz möhtet verbern!"
;;;515;17;;er sprach: "ist iu nû zornes gâch,
;;;515;18;;dâ hœret iedoch gnâde nâch.
;;;515;19;;sît ir strâfet mich sêre,
;;;515;20;;ir habt ergetzens êre,
;;;515;21;;die wîle mîn hant iu dienste tuot,
;;;515;22;;unz ir gewinnet lônes muot.
;;;515;23;;welt ir,  iuch ûf daz pfert."
;;;515;24;;si sprach: "des hân ich niht begert.
;;;515;25;;iuwer unversichert hant
;;;515;26;;mac grîfen wol an smæher bant."
;;;515;27;;hin umb von im si sich swanc,
;;;515;28;;von den bluomen ûf daz pfert si spranc.
;;;515;29;;si bat in, daz er rite vür.
;;;515;30;;"ez wær eht schade, ob ich verlür
;;;516;1;;sus ahtbæren gesellen",
;;;516;2;;sprach si. "got müez in vellen."
;;;516;3;;wer nû wel des volgen mir,
;;;516;4;;der mîde valsch rede gegen ir.
;;;516;5;;niemen sich verspreche,
;;;516;6;;er wizze ê, waz er reche,
;;;516;7;;unz er gewinne künde,
;;;516;8;;wie ez umb ir herz stüende.
;;;516;9;;ich künde ouch gerechen dar
;;;516;10;;gegen der vrouwen wolgevar;
;;;516;11;;waz si het gegen Gawan
;;;516;12;;in ir zorn missetân
;;;516;13;;oder noch getuot gegen ime,
;;;516;14;;die râche ich alle von ir nime.
;;;516;15;;Urgeluse, diu rîch,
;;;516;16;;vuor ungeselleclîch.
;;;516;17;;zuo Gawan si kam geriten
;;;516;18;;mit alsô zorniclîchem siten,
;;;516;19;;daz ich mich wênic trôst,
;;;516;20;;daz si mich von sorgen lôst.
;;;516;21;;si riten dannen beide
;;;516;22;;ûf eine liehte heide.
;;;516;23;;ein krût Gawan dâ stên sach,
;;;516;24;;des würze er wunden helfe jach.
;;;516;25;;dô erbeizte der werde
;;;516;26;;nider zuo der erde
;;;516;27;;und gruop si; wider ûf er saz.
;;;516;28;;diu vrouwe ir rede ouch niht vergaz;
;;;516;29;;si sprach: "kan der geselle mîn
;;;516;30;;arzet und ritter sîn,
;;;517;1;;er mac sich harte wol bejagen,
;;;517;2;;gelêret er bühsen veil tragen."
;;;517;3;;zuor vrouwen sprach Gawanes munt:
;;;517;4;;"ich reit vür einen ritter wunt.
;;;517;5;;daz dach ist ein linde.
;;;517;6;;ob ich den noch vinde,
;;;517;7;;disiu würz sol in wol ernern
;;;517;8;;und al sîn unkraft erwern."
;;;517;9;;si sprach: "daz sihe ich gerne.
;;;517;10;;waz, ob ich kunst gelerne?"
;;;517;11;;dô vuor in balde ein knappe nâch;
;;;517;12;;dem was zuor botschafte gâch,
;;;517;13;;die er werben solte.
;;;517;14;;Gawan sîn beiten wolte;
;;;517;15;;dô dûhte ern ungehiur.
;;;517;16;;Mala creatiur
;;;517;17;;hiez der knappe viere;
;;;517;18;;Condrie la surziere
;;;517;19;;was sîn swester wol getân.
;;;517;20;;er muoste ir antlitze hân
;;;517;21;;gar, wan daz er was ein man.
;;;517;22;;im stuont ouch ietweder zan
;;;517;23;;als einem eber wilde,
;;;517;24;;ungelîch menschen bilde.
;;;517;25;;im was daz hâr ouch niht sô lanc,
;;;517;26;;als ez Condrien ûf den mûl dort swanc.
;;;517;27;;kurz, scharpf als ein igelhût ez was.
;;;517;28;;bî dem wazzer Gamas
;;;517;29;;in dem lande zuo Tribalibot
;;;517;30;;wahsent liute alsus durch nôt.
;;;518;1;;unser vater Adam,
;;;518;2;;die kunst er von gote nam,
;;;518;3;;daz er gap allen dingen namen,
;;;518;4;;beidiu wilden und zamen.
;;;518;5;;er bekant ouch ieglîches art,
;;;518;6;;dar zuo der sternen umbevart,
;;;518;7;;der siben plânêten,
;;;518;8;;waz die krefte heten.
;;;518;9;;er erkante ouch aller würz maht
;;;518;10;;und wie ieglîcher was geslaht.
;;;518;11;;dô sîniu kint der werde kraft
;;;518;12;;gewunnen, daz si berhaft
;;;518;13;;wurden menschlîcher vruht,
;;;518;14;;er widerriet in ungenuht.
;;;518;15;;wâ sîner tohter keiniu truoc,
;;;518;16;;vil dicke er des gegen in gewuoc
;;;518;17;;- den rât er selten gegen in liez -:
;;;518;18;;vil würz er si mîden hiez,
;;;518;19;;die menschen vruht verkêrten
;;;518;20;;und sîn gesleht unêrten,
;;;518;21;;"anders dan got uns maz,
;;;518;22;;dô er zuo werc über mich gesaz",
;;;518;23;;sprach er. "mîniu lieben kint,
;;;518;24;;die sît an solicher werlte blint."
;;;518;25;;diu wîp tâten als ê wîp;
;;;518;26;;etlîcher riet ir blœder lîp,
;;;518;27;;daz si diu werc volbrâht,
;;;518;28;;der ir herzen gir gedâht.
;;;518;29;;sus wart verkêrt diu menscheit;
;;;518;30;;daz was iedoch Adam leit.
;;;519;1;;doch gezwîvelt nie sîn wille.
;;;519;2;;diu künigîn Secundille,
;;;519;3;;die Ferefiz mit ritters hant
;;;519;4;;erwarp, ir lîp und ir lant,
;;;519;5;;diu het in ir rîche
;;;519;6;;harte unlougenlîche
;;;519;7;;von alter dar der liute vil
;;;519;8;;mit verkêrtem antlitze zil;
;;;519;9;;si truogen vrömdiu, wildiu mâl.
;;;519;10;;dô sagt man ir umb den Grâl,
;;;519;11;;daz ûf erde niht sô rîches was,
;;;519;12;;des pflæge ein künic, hiez Anfortas.
;;;519;13;;daz dûhte si wunderlîch genuoc,
;;;519;14;;wan vil wazzer in ir lant truoc
;;;519;15;;vür den griez edel gestein.
;;;519;16;;grôz, niht zuo klein,
;;;519;17;;het si gebirge guldîn.
;;;519;18;;dô dâhte diu edel künigîn:
;;;519;19;;"wie gewinne ich künde dises man,
;;;519;20;;dem der Grâl ist undertân?"
;;;519;21;;si sante ir kleinœte dar,
;;;519;22;;zwei mensch wunderlîch gevar,
;;;519;23;;Condrien und ir bruoder clâr.
;;;519;24;;si sante im mê dannoch vür wâr,
;;;519;25;;daz niemen möhte vergelten;
;;;519;26;;man vünde ez veil selten.
;;;519;27;;dô sante der süeze Anfortas,
;;;519;28;;wan er eht ie vil milte was,
;;;519;29;;Urgeluse de Logrois
;;;519;30;;disen knappen kurtois.
;;;520;1;;von wîbes gir ein underscheit
;;;520;2;;in schiet von der menscheit.
;;;520;3;;der würze und der sternen mâc
;;;520;4;;huop gegen Gawan grôzen bâc;
;;;520;5;;der het sîn ûf dem wege erbiten.
;;;520;6;;Mala creatiur kam geriten
;;;520;7;;ûf einem runzîde kranc,
;;;520;8;;daz von lem an allen vieren hanc.
;;;520;9;;ez strûchte dicke ûf die erde.
;;;520;10;;vrouwe Jeschute, diu werde,
;;;520;11;;iedoch ein bezzer pfert reit
;;;520;12;;des tages, dô Parcifal erstreit
;;;520;13;;ab Oriluse ir die hulde,
;;;520;14;;der si mangelt âne schulde.
;;;520;15;;der knappe an Gawanen sach.
;;;520;16;;Mala creatiur mit zorne sprach:
;;;520;17;;"hêrre, sît ir von ritters art,
;;;520;18;;sô möht irz gerne hân bewart.
;;;520;19;;ir dunket mich ein tumber man,
;;;520;20;;dô ir mîn vrouwen vüeret dan.
;;;520;21;;ouch werdet irs underwîset,
;;;520;22;;daz man iuch dar umb prîset,
;;;520;23;;ob sich erwert iuwer hant.
;;;520;24;;sît ir aber ein sarjant,
;;;520;25;;sô werdet gealûnet mit staben,
;;;520;26;;daz irs gerne möhtet wandel haben."
;;;520;27;;Gawan sprach: "mîn ritterschaft
;;;520;28;;erleit nû solher zühte kraft,
;;;520;29;;sus sol man walken gampelher,
;;;520;30;;die niht sint mit manlîcher wer.
;;;521;1;;ich bin noch ledic mit solher pîn.
;;;521;2;;welt aber ir und diu vrouwe mîn
;;;521;3;;mir smæhe rede bieten,
;;;521;4;;ir müezet iuch eine nieten,
;;;521;5;;daz ir wol muget vür zorn hân.
;;;521;6;;wie vreislîch ir sît getân,
;;;521;7;;ich enbære doch sanfte iuwer drô."
;;;521;8;;Gawan in bî dem hâr dô
;;;521;9;;begreif und swanc in under daz pfert.
;;;521;10;;der knappe wîse und wert
;;;521;11;;vorhtlîchen wider sach.
;;;521;12;;sîn igelmæzic hâr sich rach;
;;;521;13;;daz versneit sô Gawanes hant,
;;;521;14;;daz si wart rôt von bluote erkant.
;;;521;15;;des lachete diu vrouwe;
;;;521;16;;si sprach: "vil gerne ich schouwe
;;;521;17;;iuch zwêne sus mit zornes site."
;;;521;18;;si kêrten - daz pfert lief mite -
;;;521;19;;und kômen, dâ si vunden
;;;521;20;;ligen den ritter wunden.
;;;521;21;;mit triuwen Gawanes hant
;;;521;22;;die würz ûf die wunde bant.
;;;521;23;;der wunde sprach: "wie ergienc ez dir,
;;;521;24;;sît daz dû schiede von mir?
;;;521;25;;dû hâst ein vrouwen brâht,
;;;521;26;;diu dînes schaden gedâht.
;;;521;27;;von ir schulde ist mir sô wê;
;;;521;28;;in Avestroit Mavoie
;;;521;29;;half si mir scharfer joste
;;;521;30;;ûf lîbes und guotes koste.
;;;522;1;;wellest dû behalten dînen lîp,
;;;522;2;;sô lâz daz trügenhafte wîp
;;;522;3;;rîten und kêre von ir.
;;;522;4;;nû brüefe selbe ir rât an mir.
;;;522;5;;doch möht ich harte wol genesen,
;;;522;6;;ob ich bî triuwe solte wesen.
;;;522;7;;des hilf dû mir, getriuwer man."
;;;522;8;;dô sprach mîn hêrre Gawan:
;;;522;9;;"nim aller mîner helfe wal."
;;;522;10;;"hie nâhen stât ein spitâl",
;;;522;11;;alsô sprach der ritter wunt.
;;;522;12;;"kœme ich dar in kurzer stunt,
;;;522;13;;dâ möht ich ruowen lange zît.
;;;522;14;;mîner vriundîn runzît
;;;522;15;;hân wir noch stên al starkez hie.
;;;522;16;;nû hebe si dar ûf; nû hinder sie!"
;;;522;17;;dô bant der wol geborne gast
;;;522;18;;der vrouwen pfert von dem ast
;;;522;19;;und wolt ez ziehen nâher ir.
;;;522;20;;der wunde sprach: "hin dan von mir!
;;;522;21;;wie ist iuch tretens mich sô gâch?"
;;;522;22;;er zôch ez verre; diu vrouwe gie nâch,
;;;522;23;;vil sanft und niht zuo drât,
;;;522;24;;al nâch ir mannes rât.
;;;522;25;;Gawan ûf daz pfert si swanc.
;;;522;26;;innen des der wunde ritter spranc
;;;522;27;;ûf Gawanes kastelân.
;;;522;28;;ich wæne, daz wær missetân.
;;;522;29;;er und diu vrouwe riten hin;
;;;522;30;;daz was ein sündehaft gewin.
;;;523;1;;Gawan klagte sêre,
;;;523;2;;diu vrouwe lachete mêre.
;;;523;3;;
;;;523;4;;
;;;523;5;;ir süezer munt hin zuo ir sprach:
;;;523;6;;"vür einen ritter ich iuch sach.
;;;523;7;;dar nâch in kurzen stunden
;;;523;8;;wurdet ir arzet vür die wunden.
;;;523;9;;nû müezet ir ein garzûn wesen.
;;;523;10;;sol iemen sîner kunst genesen,
;;;523;11;;sô trœstet iuch iuwer sinne.
;;;523;12;;gert ir noch mîner minne?"
;;;523;13;;"jâ, vrouwe", sprach hêr Gawan,
;;;523;14;;"möht ich noch iuwer minne hân,
;;;523;15;;diu wær mir lieber dan iht.
;;;523;16;;ez wonte ûf erden nihtes niht
;;;523;17;;under krône und alle, die krône tragent
;;;523;18;;und die vröudehaften prîs bejagent,
;;;523;19;;der gegen iu teilte ir gewin,
;;;523;20;;sô râtet mir mînes herzen sin,
;;;523;21;;daz ich in lâzen solte.
;;;523;22;;iuwer minne ich haben wolte.
;;;523;23;;mac ich der niht erwerben,
;;;523;24;;sô muoz ich schier sterben.
;;;523;25;;daz muoz sich balde erzeigen.
;;;523;26;;ir wüestet iuwer eigen.
;;;523;27;;ob ich vrîheit ie gewan,
;;;523;28;;ir solt mich doch vür eigen hân;
;;;523;29;;daz dunket mich iuwer ledic reht.
;;;523;30;;nû nennet mich ritter oder kneht,
;;;524;1;;garzûn oder vilân.
;;;524;2;;waz ir mir spottes habt getân,
;;;524;3;;dâ mit ir sünde enpfâhet,
;;;524;4;;ob ir mîn dienst smâhet.
;;;524;5;;solt ich dienstes geniezen,
;;;524;6;;iuch möhte spottes verdriezen.
;;;524;7;;ob ez mir nimmer würde leit,
;;;524;8;;ez krenket doch iuwer wirdicheit."
;;;524;9;;Wider zuo im reit der wunde man
;;;524;10;;und sprach: "bistû Gawan?
;;;524;11;;hâstû iht geborget mir,
;;;524;12;;daz ist ein teil vergolten dir,
;;;524;13;;dô mich dîn manlîchiu kraft
;;;524;14;;vienc in herter ritterschaft
;;;524;15;;und dû mich bræhte zuo hûse
;;;524;16;;dînem œheim Artuse.
;;;524;17;;vier wochen er des niht vergaz:
;;;524;18;;die zît ich mit den hunden az."
;;;524;19;;dô sprach er: "bistû Frians?
;;;524;20;;ob dû mir nû schaden gans,
;;;524;21;;den trag ich âne schulde;
;;;524;22;;ich erwarp dirs küniges hulde,
;;;524;23;;dô dir ein swacher sin riet,
;;;524;24;;daz man dich von schiltes ambet schiet
;;;524;25;;und sagte dich der rehte lôs,
;;;524;26;;durch daz ein maget von dir verlôs
;;;524;27;;ir reht, dar zuo des landes vride.
;;;524;28;;der künic Artus mit einer wide
;;;524;29;;wolt ez gern hân gerochen,
;;;524;30;;het ich des dich niht versprochen."
;;;525;1;;"waz dort geschach - dû stâst nû hie.
;;;525;2;;nû hôrtestû doch sprechen ie,
;;;525;3;;wer dem andern half, daz er genas,
;;;525;4;;daz er dâ nâch sîn vîent was.
;;;525;5;;ich tuon als die bî witzen sint.
;;;525;6;;sich vüeget baz, ob weinet ein kint
;;;525;7;;dan ein bartohter man.
;;;525;8;;ich wil diz ros alein hân."
;;;525;9;;mit sporn er vaste von im reit.
;;;525;10;;daz was doch Gawanen leit.
;;;525;11;;Gawan sprach: "ez kam alsô:
;;;525;12;;der künic Artus, der was dô
;;;525;13;;in der stat zuo Dianazdrun,
;;;525;14;;mit im dâ manigen Britun.
;;;525;15;;dô wart ein vrouwe dar gesant
;;;525;16;;durch botschaft in sîn lant.
;;;525;17;;ouch was diser ungehiure
;;;525;18;;ûz komen durch âventiure.
;;;525;19;;er was gast und si gestîn.
;;;525;20;;dô geriet im sîn kranker sin,
;;;525;21;;daz er mit der vrouwen ranc
;;;525;22;;nâch sînem willen, âne ir danc.
;;;525;23;;hin zuo hove kam daz geschrei.
;;;525;24;;der künic rief: 'heiâ hei!'
;;;525;25;;diz geschach vor einem walde;
;;;525;26;;dar gâheten wir al balde.
;;;525;27;;ich vuor den andern verre vor
;;;525;28;;und begreif des schuldehaften spor.
;;;525;29;;gevangen vuorte ich wider dan
;;;525;30;;vür den künic disen man.
;;;526;1;;dô reit diu juncvrouwe uns mite.
;;;526;2;;riuwec was ir site,
;;;526;3;;durch daz ir hete genomen,
;;;526;4;;der nie was in ir dienste komen,
;;;526;5;;ir kiuschlîchen magetuom.
;;;526;6;;ouch bezalt er dâ vil kleinen ruom
;;;526;7;;gegen ir unwerlîcher hant.
;;;526;8;;mînen hêrrn si mit zorne vant,
;;;526;9;;Artusen, den getriuwen.
;;;526;10;;er sprach: 'diu werlt sol riuwen
;;;526;11;;diser vermaledîten mein.
;;;526;12;;owê, daz ir der tac erschein,
;;;526;13;;bî des lieht disiu nôt geschach,
;;;526;14;;daz man mir gerihtes jach
;;;526;15;;und dâ ich rihter bin!'
;;;526;16;;er sprach zuo der vrouwen: 'habt ir sin,
;;;526;17;;nemt vürsprechen und klaget.'
;;;526;18;;diu vrouwe was des unverzaget:
;;;526;19;;si tet, als ir der künic riet.
;;;526;20;;dâ was von rittern grôziu diet.
;;;526;21;;Vrians, der vürste ûz Ponturtois,
;;;526;22;;der stuont dâ vor dem Britunois
;;;526;23;;ûf al sîn êre und ûf den lîp.
;;;526;24;;vür gienc daz klagehafte wîp,
;;;526;25;;dâ ez rîch und arm hôrten.
;;;526;26;;si bat mit klagenden worten
;;;526;27;;den künic durch alle wîpheit,
;;;526;28;;daz im wær ir kumber leit,
;;;526;29;;und durch magetlîche êre.
;;;526;30;;si bat in vürbaz mêre
;;;527;1;;durch der tavelrunder art
;;;527;2;;und durch der botschaft vart,
;;;527;3;;als si wær an in gesant;
;;;527;4;;wær er zuo rihter erkant,
;;;527;5;;daz er rihtet ir swære
;;;527;6;;durch gerihtes mære.
;;;527;7;;si bat der tavelrunde schar
;;;527;8;;alle irs rehten nemen war,
;;;527;9;;sît daz ir wær ein roup genomen,
;;;527;10;;der niemer möhte wider komen
;;;527;11;;- ir magetuom kiusch und reine -,
;;;527;12;;daz si algemeine
;;;527;13;;den künic gerihtes bæten
;;;527;14;;und an ir rede træten.
;;;527;15;;Vürsprechen nam der schuldige man,
;;;527;16;;dem ich nû kranker êren gan.
;;;527;17;;der werte in, als er mohte.
;;;527;18;;diu wer iedoch niht tohte.
;;;527;19;;man verteilt im leben und prîs
;;;527;20;;und daz man winden solt ein rîs,
;;;527;21;;dâr an im sterben würde erkant
;;;527;22;;âne bluotige hant.
;;;527;23;;er rief mich an; des twanc in nôt
;;;527;24;;und mich, daz er mir bôt
;;;527;25;;sicherheit durch genesen.
;;;527;26;;ich vorht âne alle mîn êre wesen,
;;;527;27;;ob er verlür dâ sînen lîp.
;;;527;28;;ich bat daz klagehafte wîp,
;;;527;29;;sît si mit ir ougen sach,
;;;527;30;;daz ich si manlîch rach,
;;;528;1;;daz si durch wîbes güete
;;;528;2;;senfter ir gemüete,
;;;528;3;;sît daz si müeste ir minne jehen,
;;;528;4;;waz ir dâ was von im beschehen
;;;528;5;;und ir clâren lîbe.
;;;528;6;;ob dô iemen von wîbe
;;;528;7;;mit dienste kæme in herzenôt,
;;;528;8;;ob si im dâ nâch ir helfe bôt -
;;;528;9;;'der helfe tuot ez zuo êren.
;;;528;10;;lât iuch von zorn kêren.'
;;;528;11;;ich bat den künic und sîne man,
;;;528;12;;ob ich im hete getân
;;;528;13;;kein dienst, daz ers gedæhte
;;;528;14;;und ers mirs lasters æhte
;;;528;15;;mit einem site werte,
;;;528;16;;daz er den ritter ernerte.
;;;528;17;;mîn vrouwe, die küniginne,
;;;528;18;;bat ich durch sippe minne,
;;;528;19;;wan mich der künic von kinde zôch
;;;528;20;;und daz mîn triuwe ie gegen ir vlôch,
;;;528;21;;daz si mir hülfe. daz geschach.
;;;528;22;;die juncvrouwen si sunder sprach.
;;;528;23;;dô genas er durch die künigîn;
;;;528;24;;er muos aber lîden hôhe pîn.
;;;528;25;;sus wart sîn lîp gereinet,
;;;528;26;;solich buoz im erscheinet:
;;;528;27;;ez wær vorlouf oder leithunt,
;;;528;28;;ûz einem troge az sîn munt
;;;528;29;;mit in dâ vier wochen.
;;;528;30;;sus wart diu vrouwe gerochen.
;;;529;1;;vrouwe, daz ist sîn râche ûf mich."
;;;529;2;;si sprach: "sich twirhet sîn gerich.
;;;529;3;;ich wirde iu lîht nimmer holt,
;;;529;4;;doch enpfâhet er dar umb solichen solt,
;;;529;5;;ê er scheide von mînem lande,
;;;529;6;;des er jehen mac vür schande.
;;;529;7;;sît ez der künic dort niht rach,
;;;529;8;;aldâ ez der vrouwen geschach,
;;;529;9;;und ez sich het an mich gezoget,
;;;529;10;;ich bin nû iuwer beider voget
;;;529;11;;und enweiz doch, wer ir beidiu sît.
;;;529;12;;er muoz dar umb enpfâhen strît,
;;;529;13;;durch die vrouwen eine
;;;529;14;;und durch iuch harte kleine.
;;;529;15;;man sol sîn unvuoge rechen
;;;529;16;;mit slahen und mit stechen."
;;;529;17;;Gawan zuo dem pferde gienc,
;;;529;18;;mit lîhtem sprunge erz doch gevienc.
;;;529;19;;dâ was der knappe komen nâch,
;;;529;20;;zuo dem diu vrouwe heidensch sprach
;;;529;21;;allez daz si wider ûf enbôt.
;;;529;22;;nû nâhet ouch Gawanen nôt.
;;;529;23;;Mala creatiur zuo vuoz schiet dan.
;;;529;24;;dô besach mîn hêrre Gawan
;;;529;25;;des junchêrren runzît;
;;;529;26;;daz was zuo kranc ûf einen strît.
;;;529;27;;ez het der knappe dort genomen,
;;;529;28;;ê er von der halde wær komen,
;;;529;29;;einem vilân.
;;;529;30;;dô geschach ez Gawan
;;;530;1;;vür sîn ros zuo behalten.
;;;530;2;;des geltes muos er walten.
;;;530;3;;si sprach zuo ime, ich wæne durch haz:
;;;530;4;;"sagt an, welt ir iht vürbaz?"
;;;530;5;;dô sprach mîn hêr Gawan:
;;;530;6;;"mîn vart von hinnen wirt getân
;;;530;7;;al nâch iuwerm râte."
;;;530;8;;si sprach: "der kumt spâte."
;;;530;9;;"nû diene ich iu dar umb."
;;;530;10;;"des dunket ir mich der tumb.
;;;530;11;;welt ir daz niht vermîden,
;;;530;12;;sô müezet ir von den blîden
;;;530;13;;kêren gegen der riuwe.
;;;530;14;;iuwer kumber wirt al niuwe."
;;;530;15;;Dô sprach der minnen gernde:
;;;530;16;;"ich bin iuch dienstes wernde,
;;;530;17;;ich enpfâhe dô sîn vröude oder nôt,
;;;530;18;;sît iuwer minne mir gebôt,
;;;530;19;;daz ich muoz zuo iuwerm bote stên,
;;;530;20;;ich müge rîten oder gên."
;;;530;21;;alstênde bî der vrouwen
;;;530;22;;daz marc begunde er schouwen.
;;;530;23;;daz was zuo dræter juste
;;;530;24;;ein harte kranker kuste,
;;;530;25;;diu stîcleder von bast.
;;;530;26;;dem edeln, werden gast
;;;530;27;;was etwen gesatelt baz.
;;;530;28;;ûf sitzen meinde er umb daz:
;;;530;29;;er vorhte, daz er zertræte
;;;530;30;;des satels geræte.
;;;531;1;;dem pferde was der rücke junc.
;;;531;2;;wær dar ûf ergangen sîn sprunc,
;;;531;3;;im wær der rück gar zervarn.
;;;531;4;;daz muost er allez dô bewarn.
;;;531;5;;des het in etwen bevilt:
;;;531;6;;er zôch ez und truoc den schilt
;;;531;7;;und ouch die glevîn.
;;;531;8;;sîner scharpfen pîn
;;;531;9;;diu vrouwe sêre lachete,
;;;531;10;;diu im vil kumbers machete.
;;;531;11;;sînen schilt er ûf daz pfert bant.
;;;531;12;;si sprach: "vüeret ir krâmgewant
;;;531;13;;in mînem lande veile?
;;;531;14;;wer gap mir zuo teile
;;;531;15;;einen arzet und eines krâmes pflege?
;;;531;16;;hüetet vor zol iuch ûf dem wege,
;;;531;17;;wan etlîch mîn zollære
;;;531;18;;iuch sol machen vröuden lære."
;;;531;19;;ir scharpfiu salliure
;;;531;20;;in dûhte sô gehiure,
;;;531;21;;daz er enruochte, waz si sprach;
;;;531;22;;und iemer, wan er an si sach,
;;;531;23;;sô was sîn pfant an riuwe quît.
;;;531;24;;si was im ein rehte meien zît,
;;;531;25;;vor allem blic ein flôrî,
;;;531;26;;ougen süeze und sûr dem herzen bî.
;;;531;27;;sît vlust und vinde an ir was
;;;531;28;;und des siechiu vröude wol genas,
;;;531;29;;daz vromte in zuo allen stunden
;;;531;30;;ledic und sêre gebunden.
;;;532;1;;manic mîn meister sprichet sô,
;;;532;2;;daz Amor und Cupido
;;;532;3;;und der zweier muoter Venus
;;;532;4;;den liuten minne geben sus,
;;;532;5;;mit geschüz und viure.
;;;532;6;;diu minne ist ungehiure.
;;;532;7;;wem herzelîchen triuwe ist bî,
;;;532;8;;der wirt nimmer minne vrî
;;;532;9;;mit vröude oder aber mit riuwe.
;;;532;10;;reht minne ist wâriu triuwe.
;;;532;11;;Cupido - sîn strâl
;;;532;12;;mîn misset zuo allem mâl.
;;;532;13;;als tuot hêrn Amors gêr.
;;;532;14;;sît ir zwei ob minnen hêr
;;;532;15;;und Venus mit ir vackeln heiz,
;;;532;16;;umb solichen kumber ich niht weiz.
;;;532;17;;sol ich der wâren minne jehen,
;;;532;18;;diu muoz durch triuwe mir geschehen.
;;;532;19;;helfent mîne sinne
;;;532;20;;ieman iht vür minne,
;;;532;21;;hêrn Gawan bin ich wol sô holt,
;;;532;22;;dem wolt ich helfen âne solt.
;;;532;23;;er ist doch âne schande,
;;;532;24;;lît er in mînem bande,
;;;532;25;;ob in diu minne rüeret,
;;;532;26;;diu starke wer zervüeret.
;;;532;27;;er was doch ie sô werlîch,
;;;532;28;;der werden wer alsô glîch,
;;;532;29;;daz niht twingen solt ein wîp
;;;532;30;;sînen werlîchen lîp.
;;;533;1;;Lât nâher gân, hêr minnen druc.
;;;533;2;;ir tuot der  alsolichen zuc,
;;;533;3;;daz sich dürkelt vröuden stat
;;;533;4;;und bant sich der riuwen pfat.
;;;533;5;;sus bereitet sich der riuwe slâ.
;;;533;6;;giengen ir reise anderswâ
;;;533;7;;dan in des herzen hôhen muot,
;;;533;8;;daz diuhte mich gegen vröuden guot.
;;;533;9;;ist minne ir ungevüege balt,
;;;533;10;;dar zuo dunket si mich zuo alt;
;;;533;11;;oder giht si es ûf ir kintheit,
;;;533;12;;wem si vüeget herzeleit?
;;;533;13;;ungevüege gan ich baz ir jugent,
;;;533;14;;dan daz si alter bræch ir tugent.
;;;533;15;;vil dinges ist von ir geschehen.
;;;533;16;;wederhalp sol ich des jehen?
;;;533;17;;wil si mit jungen ræten
;;;533;18;;ir alten sit unstæten,
;;;533;19;;sô wirt si schier an prîse laz.
;;;533;20;;man sol sus underscheiden baz:
;;;533;21;;lûter minne ich prîse
;;;533;22;;und alle, die sint wîse,
;;;533;23;;ez sî wîp oder man,
;;;533;24;;von den ich ganze volge hân.
;;;533;25;;wâ liep gegen liebe erhüebe
;;;533;26;;lûter âne trüebe,
;;;533;27;;der enwederz des verdrüzze,
;;;533;28;;daz minne ir herz slüzze
;;;533;29;;mit minnen, von der wanc ie vlôch -
;;;533;30;;diu minne ist ob den andern hôch.
;;;534;1;;wie gerne ich in næme dan,
;;;534;2;;doch mac mîn hêrre Gawan
;;;534;3;;der minne des niht entwenken,
;;;534;4;;si welle im vröude krenken.
;;;534;5;;waz hilfet den mîn underslac,
;;;534;6;;waz ich dâ von gesprechen mac?
;;;534;7;;wert man sol sich niht minne wern,
;;;534;8;;wan den muoz minne helfen nern.
;;;534;9;;Gawan durch minne arbeit enpfienc;
;;;534;10;;sîn vrouwe reit, zuo vuoz er gienc.
;;;534;11;;Urgeluse und der degen balt,
;;;534;12;;die kômen in einen grôzen walt.
;;;534;13;;dennoch muos er gênse wonen.
;;;534;14;;er zôch daz pfert zuo einem ronen.
;;;534;15;;sînen schilt, der ê dâr ûf lac,
;;;534;16;;des er durch ritters ambet pflac,
;;;534;17;;nam er zuo halse; ûf daz pfert er saz.
;;;534;18;;ez truoc in kumber vürbaz
;;;534;19;;anderhalben ûz in erbûwen lant.
;;;534;20;;ein burc er mit den ougen vant;
;;;534;21;;sîn herz und diu ougen jâhen,
;;;534;22;;daz si erkanden und gesâhen
;;;534;23;;dekein nie der glîch.
;;;534;24;;si was alumb ritterlîch.
;;;534;25;;beide türne und palas
;;;534;26;;manigez ûf der bürge was.
;;;534;27;;dar zuo muos er schouwen
;;;534;28;;in den venstern manige vrouwen;
;;;534;29;;der was vier hundert oder mêr,
;;;534;30;;vier under in von art hêr.
;;;535;1;;von passâschen ungeverte grôz
;;;535;2;;gienc an ein wazzer, daz dâ vlôz,
;;;535;3;;schifreht, snel und breit,
;;;535;4;;dâ gegen er und diu vrouwe reit.
;;;535;5;;an dem urvar ein anger lac,
;;;535;6;;dâr ûf man vil juste pflac.
;;;535;7;;über daz wazzer stuont daz kastel.
;;;535;8;;Gawan, der degen snel,
;;;535;9;;sach einen ritter nâch im varn,
;;;535;10;;der schilt noch sper niht kunde sparn.
;;;535;11;;Urgeluse, diu rîch,
;;;535;12;;sprach hôchverteclîch:
;;;535;13;;"ob mirs iuwer munt vergiht,
;;;535;14;;sô brich ich mîner triuwe niht.
;;;535;15;;ich het es iu ê sô wol gesaget,
;;;535;16;;daz ir vil lasters hie bejaget.
;;;535;17;;nû weret iuch, ob ir kunnet wern,
;;;535;18;;iuch mac anders niht ernern.
;;;535;19;;der dort komt, iuch sol sîn hant
;;;535;20;;sô vellen, ob si iu ist zertrant
;;;535;21;;iender iuwer niderkleit.
;;;535;22;;daz lât iu durch die vrouwen leit
;;;535;23;;, die ob iu sitzent und sehent.
;;;535;24;;waz, ob die iuwer laster spehent?"
;;;535;25;;des schiffes meister über her
;;;535;26;;kam durch Urgelusen ger.
;;;535;27;;von dem lande in daz schif si kêrte,
;;;535;28;;daz Gawan trûren lêrte.
;;;535;29;;diu rîch, wol geborne
;;;535;30;;sprach wider ûz mit zorne:
;;;536;1;;"er enkomt niht zuo mir her în.
;;;536;2;;ir müezet pfant hie ûz sîn."
;;;536;3;;er sprach ir trûreclîchen nâch:
;;;536;4;;"vrouwe, wie ist iu von mir sô gâch?
;;;536;5;;sol ich iuch iemer mê gesehen?"
;;;536;6;;si sprach: "iu mac der prîs geschehen,
;;;536;7;;ich state iu sehens noch an mich.
;;;536;8;;ich wæne, daz sêre lenget sich."
;;;536;9;;diu vrouwe schiet von im alsus.
;;;536;10;;hie kam Lischois Gwellius.
;;;536;11;;saget ich nû, daz der vlüge,
;;;536;12;;mit der rede ich iuch betrüge.
;;;536;13;;er gâhete aber anders sô sêre,
;;;536;14;;daz es daz ros het êre
;;;536;15;;- wan daz erzöugte snelheit -,
;;;536;16;;über den grüenen anger breit.
;;;536;17;;dô dâht mîn hêr Gawan:
;;;536;18;;"wie sol ich beiten dises man?
;;;536;19;;wider daz mac daz wæger sîn:
;;;536;20;;zuo vuoz oder ûf dem pferdelîn?
;;;536;21;;wil er volleclîchen an mich varn,
;;;536;22;;daz er den ponder kan niht sparn,
;;;536;23;;er sol mich nider rîten.
;;;536;24;;wes mac sîn ros dâ bîten,
;;;536;25;;ez enstrûch ouch über daz runzît?
;;;536;26;;wil er mir dan bieten strît,
;;;536;27;;aldâ wir beide sîn zuo vuoz,
;;;536;28;;ob mir halt nimmer würde ir gruoz,
;;;536;29;;diu mich dises strîtes het gewert,
;;;536;30;;ich gib ime strît, ob er des gert."
;;;537;1;;nû diz was unwendic.
;;;537;2;;der komende was genendic.
;;;537;3;;alsô was ouch, der dâ beite.
;;;537;4;;zuor juste er sich bereite.
;;;537;5;;dô sat er die glevîn
;;;537;6;;vornen ûf des satels vilzelîn.
;;;537;7;;daz Gawan vor het gedâht.
;;;537;8;;sus wart ir beider juste brâht.
;;;537;9;;diu just ietweder sper zerbrach,
;;;537;10;;daz man die helde ligen sach.
;;;537;11;;dô strûhte der baz geriten man,
;;;537;12;;daz er und ouch Gawan
;;;537;13;;beide ûf den bluomen lâgen.
;;;537;14;;wes si dô beide pflâgen?
;;;537;15;;ûf springens mit den swerten.
;;;537;16;;si beide strîtes gerten.
;;;537;17;;die schilt wâren unvermiten
;;;537;18;;und wurden alsô hin gesniten,
;;;537;19;;in bleip lützel vor der hant;
;;;537;20;;wan der schilt ist iemer strîtes pfant.
;;;537;21;;man sach dâ buoc und helmes viur.
;;;537;22;;ir megt es im jehen vür âventiur,
;;;537;23;;wen got den sige dannen lât tragen,
;;;537;24;;der muoz vil prîses ê bejagen.
;;;537;25;;sus tûrten si mit strîte
;;;537;26;;ûf des angers wîte.
;;;537;27;;es wæren müede zwên smide,
;;;537;28;;ob si halt heten starker lide,
;;;537;29;;von alsô manigem grôzem slage.
;;;537;30;;sus rungen si nâch prîses bejage.
;;;538;1;;wer solte si dar umb prîsen,
;;;538;2;;daz die unwîsen
;;;538;3;;striten âne schulde,
;;;538;4;;niht wan durch prîses hulde?
;;;538;5;;si heten niht ze teilen,
;;;538;6;;wan âne nôt ir leben ze veilen.
;;;538;7;;ietweder ûf den andern jach,
;;;538;8;;daz er die schulde nie gesach.
;;;538;9;;Gawan kunde ringen
;;;538;10;;und mit dem swanc twingen.
;;;538;11;;wem er daz swert undergienc
;;;538;12;;und in mit armen umbevienc,
;;;538;13;;den twanc er, wes er wolte.
;;;538;14;;sît er sich weren solte,
;;;538;15;;dô gebârt er werlîch.
;;;538;16;;der werde, muotes rîch
;;;538;17;;begreif den jungen ellenthaft,
;;;538;18;;der ouch hete manlîche kraft.
;;;538;19;;er warf in balde under sich
;;;538;20;;und sprach zuo im: "helt, nû gich,
;;;538;21;;wellest dû genesen, sicherheit."
;;;538;22;;der bet volge was unbereit
;;;538;23;;Lischois, der dâ unden lac,
;;;538;24;;wan er nie sicherheit gepflac.
;;;538;25;;daz dûht in wunderlîch genuoc,
;;;538;26;;daz iemen die hant getruoc,
;;;538;27;;diu in solte überkomen,
;;;538;28;;sît nie wart von im genomen
;;;538;29;;betwungenlîchiu sicherheit,
;;;538;30;;der sîn hant ê vil erstreit.
;;;539;1;;wie ez dâ wære ergangen,
;;;539;2;;er het vil enpfangen,
;;;539;3;;daz er niht vürbaz wolte geben.
;;;539;4;;vür sicherheit bôt er sîn leben
;;;539;5;;und jach, waz im geschæhe,
;;;539;6;;daz er niemer verjæhe
;;;539;7;;sicherheit durch twingen.
;;;539;8;;mit dem tôde wolt er ê dingen
;;;539;8;1;- wær er noch zwirunt strenger,
;;;539;8;2;er wolt niht leben lenger -
;;;539;9;;und sprach alsô under ligende:
;;;539;10;;"bistû nû der sigende?
;;;539;11;;des pflac ich, dô got wolt,
;;;539;12;;daz ich prîs haben solt.
;;;539;13;;nû het mîn prîs ein ende
;;;539;14;;von dîner werden hende.
;;;539;15;;wâ vreiset man oder wîp,
;;;539;16;;daz überkomen ist mîn lîp,
;;;539;17;;des prîs sô hôhe swebet enbor,
;;;539;18;;sô strît mir baz ein sterben vor,
;;;539;19;;ê mîne vriunt daz mære
;;;539;20;;sol machen vröuden lære."
;;;539;21;;Gawan warp sicherheit an in.
;;;539;22;;dô stuont sîn gir und alle sîn sin
;;;539;23;;niht wan ûf des lîbes verderben
;;;539;24;;oder ûf ein gæhez sterben.
;;;539;25;;Dô dâht mîn hêr Gawan:
;;;539;26;;"durch waz tœte ich disen man?
;;;539;27;;wolt er sus zuo mînem gebot stên,
;;;539;28;;gesunt liez ich in hinnen gên."
;;;539;29;;mit rede warp erz an in sô -
;;;539;30;;daz wart niht gar geleistet dô.
;;;540;1;;ûf liez er doch den wîgant
;;;540;2;;âne sicherheit hant.
;;;540;3;;ietweder ûf die bluomen saz.
;;;540;4;;Gawan sînes kumbers niht vergaz,
;;;540;5;;daz sîn pfert was sô kranc.
;;;540;6;;den wîsen lêrte sîn gedanc,
;;;540;7;;daz er daz ros mit sporn rite.
;;;540;8;;
;;;540;9;;daz was gewâpent wol vür strît;
;;;540;10;;pfelle und samît
;;;540;11;;was sîn ander covertiur.
;;;540;12;;sît erz erwarp mit âventiur,
;;;540;13;;durch waz solt erz nû rîten niht,
;;;540;14;;sît ez zuo rîten im geschiht?
;;;540;15;;er saz dar ûf, dô vuor ez sô,
;;;540;16;;sîner wîten sprünge was er vrô.
;;;540;17;;dô sprach er: "bistû Gringulete,
;;;540;18;;daz Frians mit valscher bete
;;;540;19;;- er weiz wol wie - an mir erwarp?
;;;540;20;;dâ von iedoch sîn prîs verdarp
;;;540;21;;wer het dich sus gewâpent sider?
;;;540;22;;ob dû ez bist, got het dich wider
;;;540;23;;mir schône gesendet,
;;;540;24;;der dicke kumber wendet."
;;;540;25;;er erbeizte dar ab, ein ros er rant.
;;;540;26;;des Grâles wâpen was gebrant,
;;;540;27;;ein turteltûbe, an sînem buoc.
;;;540;28;;Lehelin zuo juste sluoc
;;;540;29;;dar ûf den von Prienlascors.
;;;540;30;;Oriluse wart diz ors.
;;;541;1;;der gap ez Gawane
;;;541;2;;ûf dem Plimizoles plâne.
;;;541;3;;hie kam sîn trurwic güete
;;;541;4;;aber wider in hôchgemüete,
;;;541;5;;wen daz in twanc ein riuwe
;;;541;6;;und dienstbæriu triuwe,
;;;541;7;;die er nâch sîner vrouwen truoc,
;;;541;8;;diu ime erbôt smæhe genuoc.
;;;541;9;;nâch der jagte in sîn gedanc.
;;;541;10;;innen des Lischois spranc,
;;;541;11;;dâ er ligen sach sîn swert,
;;;541;12;;daz im Gawan, der degen wert,
;;;541;13;;mit strîte ûz sîner hende brach.
;;;541;14;;manic vrouwe ir ander strîte sach.
;;;541;15;;die schilt wâren sô gedigen,
;;;541;16;;ietweder liez den sînen ligen
;;;541;17;;und gâhete sus zuo strîte.
;;;541;18;;ietweder kam bî zîte
;;;541;19;;mit herzelîcher mannes wer.
;;;541;20;;ob in saz vrouwen ein her
;;;541;21;;in den venstern ûf dem palas
;;;541;22;;und sâhen kampf, der vor in was.
;;;541;23;;dô huop sich êrste niuwer zorn.
;;;541;24;;ietweder was sô hôch geborn,
;;;541;25;;daz sîn prîs unsanfte leit,
;;;541;26;;ob in der ander überstreit.
;;;541;27;;helm und swert, die liten nôt:
;;;541;28;;si buten ir schilt vür ir tôt.
;;;541;29;;wer dâ der helde strîten sach,
;;;541;30;;ich wæne, er sîn vür kumber jach.
;;;542;1;;Lischois Gwellius,
;;;542;2;;der junge süeze, warp alsus:
;;;542;3;;vrecheit und ellenthaftiu tât,
;;;542;4;;daz was sînes hôhen herzen rât.
;;;542;5;;er vromte manigen snellen swanc.
;;;542;6;;dicke er von Gawanen spranc
;;;542;7;;und aber wider sêre ûf in.
;;;542;8;;Gawan truoc stæteclîchen sin.
;;;542;9;;er dâhte: "ergrîf ich dich zuo mir,
;;;542;10;;ich sols vil wol gelônen dir."
;;;542;11;;man sach dâ viures blicke
;;;542;12;;und diu swert ûf werfen dicke
;;;542;13;;ûz ellenthaften henden.
;;;542;14;;si begunden ein ander wenden
;;;542;15;;neben, vür und hinder sich.
;;;542;16;;âne nôt was ir gerich.
;;;542;17;;si möhtenz âne strîten lân.
;;;542;18;;dô ergreif in hêr Gawan:
;;;542;19;;er warf in under sich mit kraft.
;;;542;20;;mit halsen solich geselleschaft
;;;542;21;;müeste mich vermîden;
;;;542;22;;ich enmöht ir niht erlîden.
;;;542;23;;Gawan bat aber dô sicherheit.
;;;542;24;;der was als ungereit
;;;542;25;;Lischois, der dâ unden lac,
;;;542;26;;alsô dô er von êrste strîtes pflac.
;;;542;27;;er sprach: "dû sûmest dich âne nôt.
;;;542;28;;vür sicherheit gip ich den tôt.
;;;542;29;;daz lâz enden dîn werde hant,
;;;542;30;;waz mir ie prîses wart erkant.
;;;543;1;;vor got ich bin vervluochet,
;;;543;2;;mînes prîses ist niht geruochet.
;;;543;3;;durch Urgeluse minne,
;;;543;4;;der edeln herzoginne,
;;;543;5;;muos mir manic werder man
;;;543;6;;den prîs zuo mînen handen lân.
;;;543;7;;dû maht vil prîses erben,
;;;543;8;;ob dû mich kanst ersterben."
;;;543;9;;Dô dâhte es künic Lotes sun:
;;;543;10;;"daz ist wâr, ich sol alsô niht tuon.
;;;543;11;;sô verlürich prîses hulde,
;;;543;12;;erslüege ich âne schulde
;;;543;13;;disen küenen helt unverzaget.
;;;543;14;;in het ir minne ûf mich gejaget,
;;;543;15;;der minne mich ouch twinget
;;;543;16;;und mir vil kumbers bringet.
;;;543;17;;wan lâz ich in durch si genesen?
;;;543;18;;ob mîn teil an ir sol wesen,
;;;543;19;;des enmac er niht erwenden,
;;;543;20;;sol mirz glücke senden.
;;;543;21;;wær unser strît vor ir geschehen,
;;;543;22;;ich wæne, si mües ouch mir des jehen,
;;;543;23;;daz ich nâch minnen dienen kan."
;;;543;24;;hie mit sprach hêr Gawan:
;;;543;25;;"ich wil durch die herzogîn
;;;543;26;;dich bî leben lâzen sîn."
;;;543;27;;grôzer müede si nie vergâzen.
;;;543;28;;er liez in ûf; si sâzen
;;;543;29;;von ein ander verre.
;;;543;30;;dô kam des schiffes hêrre
;;;544;1;;von dem wazzer ûf daz lant.
;;;544;2;;er gienc und truoc an sîner hant
;;;544;3;;ein mûzersprinzelîn al grâ.
;;;544;4;;ez was sîn reht lêhen dâ,
;;;544;5;;wer justierte ûf dem plân,
;;;544;6;;daz er daz ros solte hân
;;;544;7;;jenes, der dâ gelæge;
;;;544;8;;und dem, der dâ siges pflæge,
;;;544;9;;des hende solte er nîgen
;;;544;10;;und sînen prîs niht verswîgen.
;;;544;11;;sus zinset man im bluomen velt.
;;;544;12;;daz was sîn bestez huoben gelt,
;;;544;13;;oder ob sîn mûzersprinzelîn
;;;544;14;;âne galander lêrte pîn.
;;;544;15;;von anders niht gie sîn pfluoc,
;;;544;16;;daz dûht in urbor genuoc.
;;;544;17;;er was erborn von ritters art.
;;;544;18;;mit guoten zühten wol bewart
;;;544;19;;gienc er zuo Gawan.
;;;544;20;;den zins von dem plân
;;;544;21;;vordert er zühteclîch.
;;;544;22;;Gawan, der ellens rîch,
;;;544;23;;sprach: "hêrre, ich wart nie koufman.
;;;544;24;;ir mügt mich zolles wol erlân."
;;;544;25;;des schiffes hêrre wider sprach:
;;;544;26;;"hêrre, sô manic vrouwe sach,
;;;544;27;;daz iu der prîs ist hie geschehen.
;;;544;28;;ir solt mir mînes rehtes jehen."
;;;544;29;;"hêrre, tuot mir reht bekant."
;;;544;30;;"zuo rehter just het iuwer hant
;;;545;1;;mir diz ros erworben,
;;;545;2;;mit prîse al umb verdorben,
;;;545;3;;wan iuwer hant in nider stach,
;;;545;4;;dem alliu diu werlt ie prîses jach
;;;545;5;;mit wârheit unz an disen tac.
;;;545;6;;iuwer prîs - sînhalp der gotes slac -
;;;545;7;;im vröude het enpfüeret;
;;;545;8;;grôz sælde iuch het gerüeret."
;;;545;9;;Gawan sprach: "er stach mich nider;
;;;545;10;;des erholt ich mich sider.
;;;545;11;;sît man iu juste zinsen sol,
;;;545;12;;er mac iu zins gehelfen wol.
;;;545;13;;hêrre, dort stât ein runzît:
;;;545;14;;daz erwarp an mir sîn strît.
;;;545;15;;daz nemt, ob ir gebietet.
;;;545;16;;der sich des rosses nietet,
;;;545;17;;daz bin ich; ez muoz mich hinnen tragen,
;;;545;18;;solt ir halt nimmer ros bejagen.
;;;545;19;;ir nennet reht; welt ir daz nemen,
;;;545;20;;dô endarf iuch nimmer des gezemen,
;;;545;21;;daz ich zuo vuoz von hinnen gê.
;;;545;22;;wan daz tæte mir zuo wê,
;;;545;23;;solt diz ros iuwer sîn,
;;;545;24;;daz sô ledeclîchen mîn
;;;545;25;;was dannoch hiute vruo.
;;;545;26;;welt ir gemaches grîfen zuo,
;;;545;27;;sô rîtet ir sanfter ûf einem stap.
;;;545;28;;diz ros mir ledeclîchen gap
;;;545;29;;Orilus der Burgunschois.
;;;545;30;;Vrians, der Ponturtois,
;;;546;1;;het mir ez ein wîle verstoln.
;;;546;2;;einer mûlîn voln
;;;546;3;;möht ir noch ê gewinnen.
;;;546;4;;ich kan iuch anders minnen:
;;;546;5;;sît er iuch dunket alsô wert,
;;;546;6;;vür daz ros, daz ir hie gert,
;;;546;7;;habet iu den man, der ez vür reit.
;;;546;8;;ist im daz liep oder leit,
;;;546;9;;dâ kêre ich mich vil wênic an."
;;;546;10;;dô vröwet sich der schifman;
;;;546;11;;mit lachendem munde er sprach:
;;;546;12;;"sô rîche gâb ich nie gesach,
;;;546;13;;wem si reht wære
;;;546;14;;und zuo enpfâhen gebære.
;;;546;15;;doch, hêrre, wellet irs sîn mîn wer,
;;;546;16;;übergolten ist vil maniger.
;;;546;17;;vür wâr, sîn prîs was ie sô hel,
;;;546;18;;vünf hundert ros starc und snel
;;;546;19;;ungerne ich vür in næme,
;;;546;20;;wan ez mir niht gezæme.
;;;546;21;;welt ir mich machen rîch,
;;;546;22;;sô werbet ritterlîch.
;;;546;23;;moget ir sîn sô gewaltic sîn,
;;;546;24;;sô antwürt in mir in den kocken mîn
;;;546;25;;und kunnet ir wirdicheit wol tuon."
;;;546;26;;dô sprach der künic Lotes sun:
;;;546;27;;"beidiu drîn und vür,
;;;546;28;;unz innerhalp der tür,
;;;546;29;;antwürt in ich gevangen."
;;;546;30;;"sô werdet ir wol enpfangen",
;;;547;1;;sprach der schifman, des grôzer danc
;;;547;2;;was mit nîgen niht zuo kranc.
;;;547;3;;dô sprach er: "lieber hêrre mîn,
;;;547;4;;dar zuo ruochet selbe sîn
;;;547;5;;mit mir hînt durch gemach.
;;;547;6;;gelîchiu êre nie geschach
;;;547;7;;dekeinem verjen, mîm genôz.
;;;547;8;;man brüefet mir daz vür sælde grôz,
;;;547;9;;behalt ich sus den werden man."
;;;547;10;;dô sprach mîn hêr Gawan:
;;;547;11;;"des ir gert, daz solt ir biten.
;;;547;12;;mich het grôz müede überstriten,
;;;547;13;;sô daz mir ruowens wær nôt.
;;;547;14;;diz mir diz ungemach bôt,
;;;547;15;;diu kan wol süeze sûren
;;;547;16;;und dem herzen vröude trûren
;;;547;17;;und der sorgen machen rîch;
;;;547;18;;dem enist ûf erden niht glîch
;;;547;19;;âne süntlîch vlust.
;;;547;20;;diu senket mir mîn brust,
;;;547;21;;diu ê der hœhe gerte,
;;;547;22;;dô mich got vröude werte.
;;;547;23;;dâ lac ein herz unden,
;;;547;24;;ich wæne, daz ist verswunden.
;;;547;25;;wâ sol ich nû trôst holn?
;;;547;26;;muoz ich âne helfe doln
;;;547;27;;nâch minne soliche riuwe?
;;;547;28;;pfligt si wîplîcher triuwe,
;;;547;29;;si sol mir vröuden mêren,
;;;547;30;;diu mich kan versêren."
;;;548;1;;Der schifman hôrt, daz er ranc
;;;548;2;;mit sorge und daz in minne twanc.
;;;548;3;;dô sprach er: "hêrre, ez ist hie reht,
;;;548;4;;ûf dem plân und in dem fôreht
;;;548;5;;und aldâ Clinsor hêrre ist.
;;;548;6;;zagheit noch minnes list
;;;548;7;;vüegenz anders niht wan sô:
;;;548;8;;hiute riuwic, morgen vrô.
;;;548;9;;ez ist iu lîhte unbekant,
;;;548;10;;gar âventiur ist al diz lant;
;;;548;11;;sus wert ez naht und tac.
;;;548;12;;bî manheit sælde helfen mac.
;;;548;13;;diu sunne kan sô nider stân;
;;;548;14;;hêrre, ir sullet zuo schiffe gân."
;;;548;15;;des bat in der schifman.
;;;548;16;;Lischoisen vuorte Gawan
;;;548;17;;mit im dannen ûf den wâc.
;;;548;18;;gedulteclîchen âne allen bâc
;;;548;19;;man den helt des volgen sach.
;;;548;20;;der verje zôch daz ros hin nâch.
;;;548;21;;sus vuoren si über an den stat.
;;;548;22;;der verige Gawan bat:
;;;548;23;;"sît selbe wirt in mîme hûs."
;;;548;24;;daz stuont alsô, daz Artus
;;;548;25;;zuo Nantes, dâ er dicke saz,
;;;548;26;;niht dörft hân gebûwen baz.
;;;548;27;;dâ vuorte er Lischoisen în.
;;;548;28;;der wirt und daz gesinde sîn
;;;548;29;;sich des underwunden.
;;;548;30;;an den selben stunden
;;;549;1;;der wirt zuo sîner tohter sprach:
;;;549;2;;"dû solt schaffen guot gemach
;;;549;3;;mînem hêrren, der hie stêt.
;;;549;4;;ir zwei mit ein ander gêt.
;;;549;5;;nû diene im unverdrozzen;
;;;549;6;;wir hân sîn vil genozzen."
;;;549;7;;sînem sun enpfalch er Gringuleten.
;;;549;8;;des diu maget was gebeten,
;;;549;9;;mit grôzer zuht daz wart getân.
;;;549;10;;mit der megde Gawan
;;;549;11;;ûf ein kemenâten gienc.
;;;549;12;;den estrîch übervienc
;;;549;13;;niu binz, bluomen und wol gevar
;;;549;14;;wâren dâr ûf gesniten dar.
;;;549;15;;dô entwâpent in diu süeze.
;;;549;16;;"got iu des danken müeze",
;;;549;17;;sprach Gawan. "es ist mir nôt.
;;;549;18;;wan daz manz iu von hove gebôt,
;;;549;19;;sô dienet ir mir zuo sêre."
;;;549;20;;si sprach: "ich diene iu mêre,
;;;549;21;;hêrre, nâch iuwern hulden
;;;549;22;;dan von andern schulden."
;;;549;23;;des wirtes sun, ein knappe, truoc
;;;549;24;;senfter bette dar genuoc.
;;;549;25;;an die want gegen der tür
;;;549;26;;ein teppich wart geleit dar vür;
;;;549;27;;dâ solte Gawan sitzen.
;;;549;28;;der knappe truoc mit witzen
;;;549;29;;ein kulter sô gemâl
;;;549;30;;ûf daz bette von rôtem zendâl.
;;;550;1;;dem wirte ein bette ouch wart geleit.
;;;550;2;;dar nâch ein ander knappe treit
;;;550;3;;dâ vür tischlachen und brôt.
;;;550;4;;der wirt den beiden daz gebôt;
;;;550;5;;dô gienc diu hûsvrouwe nâch.
;;;550;6;;dô diu Gawanen sach,
;;;550;7;;si enpfienc in herzelîch.
;;;550;8;;si sprach: "ir habt uns rîch
;;;550;9;;nû allerêrst gemachet.
;;;550;10;;hêrre, unser sælde wachet."
;;;550;11;;Der wirt kam. daz wazzer man dar truoc;
;;;550;12;;dô sich Gawan getwuoc,
;;;550;13;;ein bete er niht vermeit;
;;;550;14;;er bat den wirt gesellicheit:
;;;550;15;;"lât mit mir ezzen dise maget."
;;;550;16;;"hêrre, ez ist si gar verdaget,
;;;550;17;;daz si mit hêrren æze
;;;550;18;;oder in sô nâhe iht sæze;
;;;550;19;;si würde lîht mir zuo hêr.
;;;550;20;;doch hân wir iuwer grôzen mêr.
;;;550;21;;tohter, leiste alle sîn ger;
;;;550;22;;des bin ich mit der volge wer."
;;;550;23;;diu süeze wart von schame rôt,
;;;550;24;;doch tet si, daz der wirt gebôt:
;;;550;25;;zuo Gawan saz vrouwe Bene.
;;;550;26;;starker süne zwêne
;;;550;27;;hete der wirt erzogen.
;;;550;28;;nû het daz sprinzelîn ervlogen
;;;550;29;;des âbendes drî galander;
;;;550;30;;die hiez er mit ein ander
;;;551;1;;Gawan tragen alle drî
;;;551;2;;und ein salsen dar bî.
;;;551;3;;diu juncvrouwe niht vermeit,
;;;551;4;;mit guoten zühten si sneit
;;;551;5;;Gawane süeziu mursel
;;;551;6;;ûf einen blanken wastel
;;;551;7;;mit ir clâren henden.
;;;551;8;;dô sprach si: "ir sullet senden
;;;551;9;;diser vogel einen
;;;551;10;;- wan si het dekeinen -,
;;;551;11;;hêrre, mîner muoter dar."
;;;551;12;;er sprach zer megde wol gevar,
;;;551;13;;daz er gerne ir willen tæte
;;;551;14;;dâr an oder waz si bæte.
;;;551;15;;ein galander wart gesant
;;;551;16;;der wirtinne. Gawanes hant
;;;551;17;;wart mit zühten des genigen
;;;551;18;;und des wirtes danken niht verswigen.
;;;551;19;;dô brâht ein des wirtes sun
;;;551;20;;purzeln und lâtûn,
;;;551;21;;gebrochen in den vînæger.
;;;551;22;;zuo grôzer kraft daz unwæger
;;;551;23;;ist die lenge solichiu nar;
;;;551;24;;man wirt ir ouch niht wol gevar.
;;;551;25;;solich varwe tuot die wârheit kunt,
;;;551;26;;die man sloufet in den munt.
;;;551;27;;gestrichen varwe ûf daz vel
;;;551;28;;ist selten worden lobes hel.
;;;551;29;;welich wîplîch herz ist stæte ganz,
;;;551;30;;ich wæne, diu treit den besten kranz.
;;;552;1;;künde Gawan guoten willen zern,
;;;552;2;;des möhte er sich dâ wol genern.
;;;552;3;;nie muoter gunde ir kinde baz
;;;552;4;;dan im der wirt, des brôt er az.
;;;552;5;;dô man den tisch hin dan enpfienc
;;;552;6;;und diu wirtîn ûz gegienc,
;;;552;7;;vil bette man dar ûf dô treit;
;;;552;8;;diu wurden Gawan geleit.
;;;552;9;;einez was ein plûmît,
;;;552;10;;diu ziech ein grüener samît.
;;;552;12;;ez was ein samît bastart,
;;;552;11;;daz niht von der hôhen art.
;;;552;13;;ein kulter wart des bettes dach,
;;;552;14;;niht wan durch Gawans gemach,
;;;552;15;;mit einem pfelle sunder golt,
;;;552;16;;verre in heidenschaft geholt,
;;;552;17;;gesteppet ûf dem palmât.
;;;552;18;;dar über zôch man linde wât,
;;;552;19;;zwei lîlacher snêvar.
;;;552;20;;man leit ein wanküssen dar
;;;552;21;;und der megde mantel einen,
;;;552;22;;hermîn, niuwen, reinen.
;;;552;23;;mit urloube erz gevienc,
;;;552;24;;der wirt, ê er slâfen gienc.
;;;552;25;;Gawan alein, ist mir gesaget,
;;;552;26;;bleip dâ, bî im diu maget.
;;;552;27;;het er iht hin zuo ir begert,
;;;552;28;;ich wæne, si het es in gewert.
;;;552;29;;er sol ouch slâfen, ob er mac.
;;;552;30;;got hüete, sô kum der tac.
;;;553;1;;grôz müede im zôch diu ougen zuo;
;;;553;2;;sus slief er unz des morgens vruo.
;;;553;2;1;Der nû welle, der verneme,
;;;553;2;2;ob im sîn muot des gesteme.
;;;553;2;3;hie slîchet ein âventiur her
;;;553;2;4;- des bin ich Gawanes wer -,
;;;553;2;5;die brüefet man zuo solicher nôt,
;;;553;2;6;der niht glîchet wan der tôt.
;;;553;2;7;si pfliget angestlîcher sit,
;;;553;2;8;doch vert dâ prîs und êre mit,
;;;553;2;9;wem aldâ gelinget;
;;;553;2;10;dar nâch si vröude bringet.
;;;553;2;11;nû mîn hêr Gawan gepflac
;;;553;2;12;guoter ruowe unz an den tac.
;;;553;3;;dô erwachte der wîgant.
;;;553;4;;einhalp der kemenâten want
;;;553;5;;vil venster het, dâ vor glas.
;;;553;6;;der venster einez offen was
;;;553;7;;gegen dem boumgarten.
;;;553;8;;dar în gienc er durch warten,
;;;553;9;;durch luft und durch den vogel gesanc.
;;;553;10;;sîn sitzen wart dô niht zuo lanc.
;;;553;11;;er kôs ein burc, die er des âbents sach,
;;;553;12;;dô im diu âventiur geschach,
;;;553;13;;vil vrouwen ûf dem palas,
;;;553;14;;manigiu under in vil schœne was.
;;;553;15;;ez dûht in ein wunder grôz,
;;;553;16;;daz die vrouwen niht verdrôz
;;;553;17;;ir wachens, daz si sliefen niht.
;;;553;18;;dannoch der tac was niht zuo lieht.
;;;553;19;;er dâht: "ich wil in zuo êren
;;;553;20;;von hinnen kêren."
;;;553;21;;wider an sîn bet er gienc.
;;;553;22;;der megde mantel übervienc
;;;553;23;;in - daz was sîn decke.
;;;553;24;;ob man in dâ iht wecke?
;;;553;25;;nein, daz wær dem wirte leit.
;;;553;26;;diu maget durch gesellicheit,
;;;553;27;;aldâ si vor ir muoter lac,
;;;553;28;;brâht ir slâf, des si ê pflac,
;;;553;29;;und gienc hin zuo dem gaste;
;;;553;30;;der slief dannoch al vaste.
;;;554;1;;diu magt ir dienstes niht vergaz;
;;;554;2;;vür daz bette ûf den teppich saz
;;;554;3;;diu clâre juncvrouwe.
;;;554;4;;bî mir ich selten schouwe,
;;;554;5;;daz mir âbents oder vruo
;;;554;6;;solich âventiur sleich zuo.
;;;554;7;;bî einer wîle Gawan erwachte;
;;;554;8;;er sach an si und lachte
;;;554;9;;und sprach: "got halt iuch, vröuwelîn,
;;;554;10;;daz ir durch den willen mîn
;;;554;11;;iuwern slâf sus brechet
;;;554;12;;und an iu selber rechet,
;;;554;13;;daz ich niht hân gedienet dar."
;;;554;14;;dô sprach diu maget wol gevar:
;;;554;15;;"iuwer dienst wil ich mêrn;
;;;554;16;;ich ensol niht wan hulde gern.
;;;554;17;;hêrre, gebietet über mich;
;;;554;18;;waz ir gebietet, daz leiste ich.
;;;554;19;;aldie mit mînem vater sint,
;;;554;20;;beidiu mîn muoter und ir kint
;;;554;21;;soln iuch iemer zuo hêrren hân;
;;;554;22;;ir habt sô wol zuo uns getân."
;;;554;23;;er sprach: "sît ir iht lange komen?
;;;554;24;;het ich iuwer kunft ê vernomen,
;;;554;25;;daz wær mir liep durch vrâgen,
;;;554;26;;wolt iuch des niht betrâgen,
;;;554;27;;daz ir mirz geruochet sagen:
;;;554;28;;ich hân in zwein tagen
;;;554;29;;vil vrouwen ob mir gesehen;
;;;554;30;;von den sullet ir mir verjehen
;;;555;1;;durch iuwer güete, wer die sîn."
;;;555;2;;dô erschrac daz juncvröuwelîn.
;;;555;3;;si sprach: "hêrre, nû vrâget es niht;
;;;555;4;;ich bin, diu es niemer iu vergiht.
;;;555;5;;ich kan iu niht von im gesagen;
;;;555;6;;ob ich ez joch weiz, ich solte ez verdagen.
;;;555;7;;lâtz iu von mir niht swære
;;;555;8;;und vrâget ander mære.
;;;555;9;;daz râte ich, wellet ir volgen mir."
;;;555;10;;Gawan sprach aber wider zuo ir,
;;;555;11;;mit vrâge er gienc dem mære nâch
;;;555;12;;umb alle die vrouwen, die er dâ sach
;;;555;13;;sitzen ûf dem palas.
;;;555;14;;diu maget sô getriuwe was,
;;;555;15;;daz si von herzen weinde
;;;555;16;;und grôze klage erscheinde.
;;;555;17;;dannoch was ez harte vruo;
;;;555;18;;innen des gienc ir vater zuo.
;;;555;19;;der liez ez âne zürnen gar,
;;;555;20;;ob diu maget wol gevar
;;;555;21;;ihtes dâ wær betwungen
;;;555;22;;und ob dâ was gerungen.
;;;555;23;;dem gebârte si glîch,
;;;555;24;;diu maget zühte rîch,
;;;555;25;;wan si dem bette nâhe saz.
;;;555;26;;dô liez ir vater âne haz.
;;;555;27;;er sprach: "tohter, nû weine niht.
;;;555;28;;waz in schimpf alsus geschiht,
;;;555;29;;ob daz von êrste bringet zorn,
;;;555;30;;der ist schier dâ nâch verkorn."
;;;556;1;;Gawan sprach: "hie ist niht beschehen,
;;;556;2;;wan daz wir vor iu wellen jehen.
;;;556;3;;ich vrâgte dise maget ein teil;
;;;556;4;;daz dûhte si ein unheil
;;;556;5;;und bat mich, daz ich ez lieze.
;;;556;6;;ob iuch des niht verdrieze,
;;;556;7;;sô lât mîn dienst umb iuch bejagen,
;;;556;8;;hêr wirt, daz ir mirz ruochet sagen
;;;556;9;;umb die vrouwen ob uns hie.
;;;556;10;;ich ervriesch in allen landen nie,
;;;556;11;;dô man möhte schouwen
;;;556;12;;sô manige clâre juncvrouwen
;;;556;13;;mit solichem gebende."
;;;556;14;;der wirt want sîn hende;
;;;556;15;;er sprach: "vrâgt niht durch got.
;;;556;16;;hêrre, dâ ist nôt ob aller nôt."
;;;556;17;;"sô muoz ich doch ir kumber klagen",
;;;556;18;;sprach Gawan. "wirt, ir solt mir sagen:
;;;556;19;;war umb ist iu mîn vrâgen leit?"
;;;556;20;;"hêrre, durch iuwer manheit -
;;;556;21;;dô kunnet ir vrâgen niht enbern,
;;;556;22;;sô wellet ir lîht vürbaz gern.
;;;556;23;;daz lêret iuch herzen swære
;;;556;24;;und machet uns vröuden lære,
;;;556;25;;mich und alliu mîniu kint,
;;;556;26;;die iu zuo dienst erborn sint."
;;;556;27;;Gawan sprach: "ir solt mirz sagen.
;;;556;28;;welt aber ir mirz gar verdagen,
;;;556;29;;daz iuwer mære mich vergât,
;;;556;30;;ich vreisch doch wol, wie ez dâ stât."
;;;557;1;;Der wirt sprach mit triuwen:
;;;557;2;;"hêrre, sô muoz mich riuwen,
;;;557;3;;daz iuch des vrâgens niht bevilt.
;;;557;4;;ich wil iu lîhen einen schilt;
;;;557;5;;nû wâpent iuch ûf einen strît.
;;;557;6;;zuo Terre Marveile ir sît.
;;;557;7;;Let Marveile ist ouch hie.
;;;557;8;;hêrre, ez wart versuochet nie
;;;557;9;;ûf Schahtel Marveile diu nôt.
;;;557;10;;iuwer leben wil in den tôt.
;;;557;11;;ist iu âventiur bekant,
;;;557;12;;waz ie gestreit iuwer hant,
;;;557;13;;daz was noch gar ein kindes spil.
;;;557;14;;nû nâhent iu riuwebæriu zil."
;;;557;15;;Gawan sprach: "mir wær leit,
;;;557;16;;ob mîn gemach âne arbeit
;;;557;17;;von disen vrouwen hinnen rite,
;;;557;18;;ich versuochte ê baz ir site.
;;;557;19;;ich hab ouch ê von in vernomen.
;;;557;20;;sît ich sô nâhen bin komen,
;;;557;21;;sô ensol mich niht betrâgen,
;;;557;22;;ich wil ez durch si wâgen."
;;;557;23;;der wirt mit triuwen klagte.
;;;557;24;;sînem gast er dô sagte:
;;;557;25;;"aller kumber ist ein wiht,
;;;557;26;;wan dem zuo lîdende geschiht
;;;557;27;;disiu âventiure
;;;557;28;;ist ungehiure,
;;;557;29;;vür wâr und âne liegen;
;;;557;30;;hêrre, ich kan niht triegen."
;;;558;1;;Gawan, der prîs erkante,
;;;558;2;;an die vorht er sich niht wante;
;;;558;3;;er sprach: "nû gebt mir strîtes rât.
;;;558;4;;ob ir gebietet, ritters tât
;;;558;5;;sol ich hie leisten, ruochet es got.
;;;558;6;;iuwern rât und iuwer gebot
;;;558;7;;wil ich iemer gerne hân.
;;;558;8;;hêr wirt, ez wær missetân,
;;;558;9;;solt ich sus hinnen scheiden.
;;;558;10;;die lieben und die leiden
;;;558;11;;heten mich vür einen zagen."
;;;558;12;;allerêrst begund der wirt klagen,
;;;558;13;;wan im sô leide nie geschach.
;;;558;14;;zuo Gawan er dô sprach:
;;;558;15;;"ob daz got erzeige,
;;;558;16;;daz ir niht sît veige,
;;;558;17;;sô werdet ir hêrre dises .
;;;558;18;;waz vrouwen hie stât pfandes,
;;;558;19;;die starkez wunder hie betwanc,
;;;558;20;;daz noch nie ritters prîs erklanc,
;;;558;21;;manic sarjant, edeliu ritterschaft,
;;;558;22;;ob die erlœset iuwer kraft,
;;;558;23;;sô sît ir prîses gehêret
;;;558;24;;und het iuch got wol geêret.
;;;558;25;;ir möht mit vröuden hêrre sîn
;;;558;26;;über manigen liehten schîn,
;;;558;27;;vrouwen von manigen landen.
;;;558;28;;wer jæhe iu des zuo schanden,
;;;558;29;;ob ir hinnen scheidet sus,
;;;558;30;;sît Lischois Gwellius
;;;559;1;;iu sînen prîs gelâzen hât,
;;;559;2;;der manige ritterlîch getât
;;;559;3;;gevromt het, der süeze?
;;;559;4;;von reht ich in alsus grüeze.
;;;559;5;;mit ellen ist sîn ritterschaft.
;;;559;6;;sô manige tugent diu gotes kraft
;;;559;7;;in mannes herz nie gestiez,
;;;559;8;;âne Ithern von Gaheviez.
;;;559;9;;der Ithern vor Nantes sluoc,
;;;559;10;;mîn schif in gestern übertruoc.
;;;559;11;;er het mir vünf ros gegeben
;;;559;12;;- got in mit sælden lâze leben -,
;;;559;13;;diu herzogen und künige riten.
;;;559;14;;waz er het ab in erstriten,
;;;559;15;;daz wart zuo Pelraperie gesaget;
;;;559;16;;ir sicherheit het er bejaget.
;;;559;17;;sîn schilt treit maniger juste mâl.
;;;559;18;;er reit hie vorschende umb den Grâl."
;;;559;19;;Gawan sprach: "war ist er komen?
;;;559;20;;sagt mir, wirt, hât er vernomen,
;;;559;21;;dô er sô nâhe was hie bî,
;;;559;22;;daz disiu âventiur sî?"
;;;559;23;;"hêrre, er het es niht ervarn.
;;;559;24;;ich kunde mich des wol bewarn,
;;;559;25;;daz ichs im zuo gewüege:
;;;559;26;;ungevüege ich dan trüege.
;;;559;27;;het ir selbe vrâgens niht erdâht,
;;;559;28;;niemer wæret irs innen brâht
;;;559;29;;von mir, waz hie mæres ist,
;;;559;30;;mit vorhten starp ein strenger list.
;;;560;1;;welt ir niht erwinden,
;;;560;2;;mir und mînen kinden
;;;560;3;;geschach sô rehte leide nie,
;;;560;4;;ob ir den lîp verlieset hie.
;;;560;5;;solt aber ir prîs behalten
;;;560;6;;und des landes walten,
;;;560;7;;sô het mîn armuot ende.
;;;560;8;;ich getriuwe des iuwer hende,
;;;560;9;;si hœhe mich mit rîcheit.
;;;560;10;;mit vröuden liep oder leit
;;;560;11;;mac iuwer prîs hie erwerben,
;;;560;12;;solt ir niht ersterben.
;;;560;13;;nû wâpent iuch gegen kumber grôz."
;;;560;14;;dannoch was Gawan alblôz;
;;;560;15;;er sprach: "tragt mir mîn harnasch her."
;;;560;16;;der bete was der wirt sîn wer:
;;;560;17;;von vuoz ûf wâpent in dô gar
;;;560;18;;diu süeze maget wol gevar.
;;;560;19;;der wirt nâch dem ros gienc.
;;;560;20;;ein schilt an sîner wende hienc,
;;;560;21;;der dicke und alsô herte was,
;;;560;22;;dâ von doch Gawan sît genas.
;;;560;23;;schilt und ros im wurden brâht.
;;;560;24;;der wirt alsô was bedâht,
;;;560;25;;daz er wider vür in stuont;
;;;560;26;;er sprach: "hêrre, daz tuon ich kunt,
;;;560;27;;wie ir sult gebâren
;;;560;28;;gegen iuwers verhes vâren:
;;;560;29;;mînen schilt sult ir tragen,
;;;560;30;;der ist durchstochen noch durchslagen,
;;;561;1;;wen ich strîte selten.
;;;561;2;;wes möht ir dan engelten,
;;;561;3;;hêrre, wen ir ûf în komet?
;;;561;4;;ein dinc zuo dem ros vromet:
;;;561;5;;ein krâmer sitzet vor dem tor,
;;;561;6;;dem lât daz ros hie vor.
;;;561;7;;kouft umb in, ir ruochet waz;
;;;561;8;;er behaltet iu daz ros deste baz,
;;;561;9;;ob irz im versetzet.
;;;561;10;;werdet ir niht geletzet,
;;;561;11;;ir mogt daz ros gern hân."
;;;561;12;;dô sprach mîn hêr Gawan:
;;;561;13;;"sol ich niht zuo ros rîten în?"
;;;561;14;;"mîn hêrre, alder vrouwen schîn
;;;561;15;;ist vor iu verborgen;
;;;561;16;;sô nâhet ez den sorgen.
;;;561;17;;den palas vindet ir eine;
;;;561;18;;weder grôz noch kleine
;;;561;19;;vindet ir niht, daz dâ lebe.
;;;561;20;;sô walt es diu gotes gebe,
;;;561;21;;sô ir in die kemenâten gât,
;;;561;22;;dâ Let Marveile dô stât.
;;;561;23;;daz bette und die stollen sîn,
;;;561;24;;von Marroch der mahmurmelîn,
;;;561;25;;des krône und alle sîn rîcheit,
;;;561;26;;wer daz dar gegen leit,
;;;561;27;;dâ mit ez wær vergolten niht.
;;;561;28;;dâr an zuo lîden iu geschiht,
;;;561;29;;waz got an iu wil meinen;
;;;561;30;;nâch vröude er müeze erscheinen.
;;;562;1;;gedenket, hêrre, ob irs sît wert,
;;;562;2;;disen schilt und iuwer swert
;;;562;3;;lâzet ninder von iu komen.
;;;562;4;;sô ir wænet, daz ende hab genomen
;;;562;5;;iuwer kumber grôzlîch,
;;;562;6;;dan allerêrst sô hebet er sich."
;;;562;7;;Dô Gawan ûf sîn ros gesaz,
;;;562;8;;diu maget wart an vröuden laz.
;;;562;9;;alle, die dâ wâren, klagten;
;;;562;10;;wênic si des gedagten.
;;;562;11;;er sprach zem wirt: "gan mirs got,
;;;562;12;;iuwer getriuwelîch urbot,
;;;562;13;;daz ir mîn sus pflâget,
;;;562;14;;soldes mich niht betrâget."
;;;562;15;;urloup er zuor megde nam,
;;;562;16;;die grôzes jâmers wol gezam.
;;;562;17;;er reit hin, si klagten hie.
;;;562;18;;ob ir nû gerne hôrtet, wie
;;;562;19;;Gawan dâ geschæhe,
;;;562;20;;deste gerner ichs iu verjæhe.
;;;562;21;;ich sage iu, als ichz hân vernomen:
;;;562;22;;dô er was vür die porte komen,
;;;562;23;;er vant den krâmære
;;;562;24;;und des krâme niht lære.
;;;562;25;;dâ lac in veile,
;;;562;26;;daz ichs wære der geile,
;;;562;27;;het ich alsô rîche hab.
;;;562;28;;Gawan vor im erbeizte ab.
;;;562;29;;sô rîchen market er nie gesach,
;;;562;30;;als im zuo sehen dâ geschach.
;;;563;1;;der krâm was ein samît,
;;;563;2;;vierecke, hôch und wît.
;;;563;3;;waz dâr inne veile læge?
;;;563;4;;daz er mit gelte widerwæge,
;;;563;5;;der bâruc von Baldac
;;;563;6;;vergülte niht, daz dâr in lac.
;;;563;7;;alsô entæte der katolicô
;;;563;8;;von Ranckulat. dô Kriechen sô
;;;563;9;;stuont, daz man hörde dâr in vant,
;;;563;10;;sô vergülte ez niht des keisers hant
;;;563;11;;mit jener zweier stiur.
;;;563;12;;daz krâmgewant was tiur.
;;;563;13;;Gawan sîn grüezen sprach
;;;563;14;;zuo dem krâmer. dô er gesach,
;;;563;15;;waz wunders dâ lac veil,
;;;563;16;;nâch sîner mâze teil
;;;563;17;;bat im zöugen Gawan
;;;563;18;;gürtel und vürspan.
;;;563;19;;der krâmer sprach: "ich hân vür wâr
;;;563;20;;hie gesezzen manic jâr,
;;;563;21;;daz niemen getorste schouwen
;;;563;22;;- niht wan werde vrouwen -,
;;;563;23;;waz in mîme krâme liget.
;;;563;24;;ob iuwer herz manheit pfliget,
;;;563;25;;sô sît ir alles hêrre.
;;;563;26;;ez ist gevüeret verre.
;;;563;27;;habet ir den prîs an iuch genomen,
;;;563;28;;sît ir durch âventiur komen
;;;563;29;;her, sol iu gelingen,
;;;563;30;;lîht ir müget gedingen
;;;564;1;;umb mich. waz ich veiles hân,
;;;564;2;;daz ist iu gar den undertân.
;;;564;3;;vart vürbaz, lât es walten got.
;;;564;4;;het iuch Plippalinot,
;;;564;5;;der vere, her gewîset?
;;;564;6;;manic vrouwe prîset
;;;564;7;;iuwer komen in diz lant,
;;;564;8;;ob si erlœset iuwer hant.
;;;564;9;;welt ir nâch âventiur gân,
;;;564;10;;sô lât daz ros al stille stân;
;;;564;11;;des hüete ich, welt irz an mir lân."
;;;564;12;;dô sprach mîn hêr Gawan:
;;;564;13;;"wær ez in iuwern mâzen,
;;;564;14;;ich wolt ez iu gerne lâzen.
;;;564;15;;nû entsitze ich iuwer rîcheit;
;;;564;16;;sô rîchen marschalc ez erleit
;;;564;17;;nie, sît ich dar ûf gesaz."
;;;564;18;;der krâmer sprach âne allen haz:
;;;564;19;;"hêrre, ich selbe und al mîn habe
;;;564;20;;- waz möht ich mêr nû sprechen drabe? -
;;;564;21;;daz zwâr, solt ir hie genesen.
;;;564;22;;wes solt ir billîcher wesen?"
;;;564;23;;Gawanen sîn ellen lêrte,
;;;564;24;;zuo vuoz er vürbaz kêrte
;;;564;25;;manlîch und unverzaget.
;;;564;26;;als ich iu ê hân gesaget,
;;;564;27;;vant er der bürge wîte,
;;;564;28;;daz ieglîch ir sîte
;;;564;29;;stuont mit bûwelîcher wer.
;;;564;30;;vor allem sturm niht ein ber
;;;565;1;;gæbe si zuo drîzic jâren,
;;;565;2;;ob man ir wolte vâren.
;;;565;3;;enmitten dâr ûf lâgen anger;
;;;565;4;;daz Lechvelt ist langer.
;;;565;5;;vil türne ob den zinnen stuont.
;;;565;6;;uns tuot diu âventiur kunt,
;;;565;7;;dô Gawan den palas sach,
;;;565;8;;dem was alumb sîn dach
;;;565;9;;reht als pfâwen gevider gar,
;;;565;10;;lieht gemâl und sô gevar,
;;;565;11;;weder regen noch der snê
;;;565;12;;tet des daches blicke wê.
;;;565;13;;innen er was gezieret
;;;565;14;;und wol gefeitieret,
;;;565;15;;der venster sûl wol ergraben,
;;;565;16;;dâr ûf gewelbe hôch erhaben.
;;;565;17;;dâr in bette ein wunder
;;;565;18;;lac her und dâr besunder;
;;;565;19;;kulter maniger slahte
;;;565;20;;lâgen dâr ûf von rîcher ahte,
;;;565;21;;dâ die vrouwen wâren gesezzen.
;;;565;22;;die heten niht vergezzen,
;;;565;23;;si wæren dan gegangen.
;;;565;24;;von in wart niht enpfangen
;;;565;25;;ir vröuden kunft, ir sælden tac,
;;;565;26;;der gar an Gawanen lac.
;;;565;27;;müesten si in doch hân gesehen,
;;;565;28;;waz möhte in lieber sîn beschehen?
;;;565;29;;ir dekeiniu daz tuon solte,
;;;565;30;;wie er in dienen wolte.
;;;566;1;;dâ wâren si doch unschuldic an.
;;;566;2;;dô gienc mîn hêr Gawan
;;;566;3;;beidiu her und dar,
;;;566;4;;er nam des palases war
;;;566;5;;und sach an einer wende
;;;566;6;;- ich was zuo werder hende -
;;;566;7;;ein tür wît offen stân;
;;;566;8;;dâ innerhalp im solte ergân
;;;566;9;;hôhes prîses erwerben.
;;;566;10;;waz, ob er solte sterben?
;;;566;11;;Er gienc zer kemenâten în.
;;;566;12;;der was ir estrich schîn,
;;;566;13;;lûter, hæl und als ein glas,
;;;566;14;;dâ Let Marveile was,
;;;566;15;;daz bette von dem wunder.
;;;566;16;;vier schîben liefen dâr under,
;;;566;17;;von rubînen lieht ein vel,
;;;566;18;;daz der wint wart nie sô snel;
;;;566;19;;dâ wâren die stollen ûf gekloben.
;;;566;20;;den estrich muoz ich loben:
;;;566;21;;von jaspis und krisolt,
;;;566;22;;von sardîne, als er wolt,
;;;566;23;;Clinsor, der des erdâht
;;;566;24;;und manigen landen brâht
;;;566;25;;sîn listeclîchiu wîsheit
;;;566;26;;werc, daz her an was geleit.
;;;566;27;;der estrich was sô sleif,
;;;566;28;;daz Gawan kûm aldâ begreif
;;;566;29;;mit den vüezen stiure.
;;;566;30;;er gienc nâch âventiure.
;;;567;1;;iemer, als dicke er trat,
;;;567;2;;daz bette vuor von sîner stat,
;;;567;3;;daz ê was gestanden.
;;;567;4;;Gawan wart enblanden,
;;;567;5;;daz er den swæren schilt getruoc,
;;;567;6;;den im sîn wirt bevalch genuoc.
;;;567;7;;er dâhte: "wie kom ich zuo dir,
;;;567;8;;wiltû wenken sus vor mir?
;;;567;9;;ich sol dich innen bringen,
;;;567;10;;ob ich dich müge erspringen."
;;;567;11;;dô gestuont im daz bette vor.
;;;567;12;;er huop sich zuom sprunge enbor
;;;567;13;;und spranc enmitten dar an.
;;;567;14;;die snelheit vreischet dekein man,
;;;567;15;;wie daz bette her und dâ sich stiez.
;;;567;16;;der vier wende dekeinez liez:
;;;567;17;;mit hurte an ieglîch ez swanc,
;;;567;18;;daz al diu burc dâ von erklanc.
;;;567;19;;sus reit er manigen kumber grôz.
;;;567;20;;waz der toner ie gedôz
;;;567;21;;und alle busûnære,
;;;567;22;;ob der êrste wære
;;;567;23;;bî dem jungsten dâr in
;;;567;24;;und bliesen nâch gewin,
;;;567;25;;ez durft niht mê dâ krachen.
;;;567;26;;Gawan muoste wachen,
;;;567;27;;wie er an dem bette læge.
;;;567;28;;wes der helt dô pflæge?
;;;567;29;;des galmes het in sô bevilt,
;;;567;30;;daz er zuhte über sich den schilt.
;;;568;1;;er lac und liez es walten
;;;568;2;;den, der helfe het behalten
;;;568;3;;und den der helfe niht verdrôz,
;;;568;4;;wer in sînem kumber grôz
;;;568;5;;helf an in gesuochen kan.
;;;568;6;;der wîse, herzehafte man,
;;;568;7;;wâ dem kumber wirt bekant,
;;;568;8;;der rüefet an die hœhesten hant,
;;;568;9;;wan diu treit helfe rîch
;;;568;10;;und hilfet helfelîch.
;;;568;11;;daz selbe ouch Gawan geschach:
;;;568;12;;dem er ie sînes prîses jach,
;;;568;13;;sînen krefteclîchen güeten,
;;;568;14;;den bat er sich behüeten.
;;;568;15;;nû gewan daz krachen ende,
;;;568;16;;sô daz die vier wende
;;;568;17;;glîch wâren gemezzen dar,
;;;568;18;;aldâ daz bette wol gevar
;;;568;19;;an dem estrich enmitten stuont.
;;;568;20;;dô wart ie ime grœzer angest kunt:
;;;568;21;;vünf hundert stapslingen
;;;568;22;;mit listeclîchen dingen
;;;568;23;;zem swanc wâren bereit.
;;;568;24;;der swanc gap in geleit
;;;568;25;;ûf daz bette, aldâ er lac.
;;;568;26;;der schilt alsolicher herte pflac,
;;;568;27;;daz ers enpfant vil klein.
;;;568;28;;ez wâren wazzerstein,
;;;568;29;;beidiu sinwel und hart;
;;;568;30;;etwan der schilt dürkel wart.
;;;569;1;;die stein wâren ouch verbolt.
;;;569;2;;er het selten ê gedolt
;;;569;3;;sô swinde würf ûf in gevlogen.
;;;569;4;;nû was zem schriff ûf gezogen
;;;569;5;;vünf hundert armbrust oder mêr.
;;;569;6;;die heten alle glîchen kêr
;;;569;7;;reht ûf daz bette, aldâ er lac.
;;;569;8;;wer solher nœte ie gepflac,
;;;569;9;;der mac erkennen pfîle.
;;;569;10;;daz werte kurzwîle,
;;;569;11;;unz daz si wâren versnurret gar.
;;;569;12;;wer wil gemaches nemen war,
;;;569;13;;der kom an solich gebette niht:
;;;569;14;;gemaches im dâ niemen giht.
;;;569;15;;es möhte jugent werden grâ,
;;;569;16;;des gemaches, aldâ
;;;569;17;;Gawan an dem bette vant.
;;;569;18;;dannoch sîn herz und sîn hant
;;;569;19;;der zageheit lac alein.
;;;569;20;;die pfîl und ouch die stein
;;;569;21;;heten in niht gar vermiten.
;;;569;22;;zerquaschieret und versniten
;;;569;23;;was er durch die ringe.
;;;569;24;;dô het er gedinge,
;;;569;25;;sîn kumber wær ein ende.
;;;569;26;;dannoch mit sîner hende
;;;569;27;;muost er prîs erstrîten.
;;;569;28;;an den selben zîten
;;;569;29;;tet sich ûf gegen im ein tor.
;;;569;30;;ein starker bûr gienc dar vor;
;;;570;1;;der was vreislîch getân.
;;;570;2;;von vische hiuten truoc er an
;;;570;3;;ein surkôt und ein bônît
;;;570;4;;und des selben zwô hosen wît.
;;;570;5;;einen kolben er in der hende truoc,
;;;570;6;;des kiule grœzer dan ein kruoc.
;;;570;7;;er gienc gegen Gawane her.
;;;570;8;;daz was ninder sîn beger,
;;;570;9;;wan in sînes komens dâ verdrôz.
;;;570;10;;Gawan gedâhte: "dirre ist blôz;
;;;570;11;;sîn wer ist gegen mir harte laz."
;;;570;12;;er richte sich ûf und saz,
;;;570;13;;als ob im nindert wære leit.
;;;570;14;;jener trat hinder einen trit,
;;;570;15;;als ob er wolt entwîchen,
;;;570;16;;und sprach doch zorneclîchen:
;;;570;17;;"ir durft mich entsitzen niht;
;;;570;18;;ich vüege aber wol, daz iu geschiht,
;;;570;19;;dâ von ir den lîp ze pfande gebt.
;;;570;20;;von des tiuvels kreften ir noch lebt;
;;;570;21;;sol iuch der hie hân ernert,
;;;570;22;;ir sît doch sterbens unerwert:
;;;570;23;;den bringe ich iuch wol innen,
;;;570;24;;als ich nû scheide hinnen."
;;;570;25;;der vilân trat wider în.
;;;570;26;;Gawan mit dem swerte sîn
;;;570;27;;von dem schilt sluoc die zuo ein,
;;;570;28;;wan die pfîl algemein
;;;570;29;;wâren hin durch gedrungen,
;;;570;30;;daz si in den ringen klungen.
;;;571;1;;dô hœret er ein brummen,
;;;571;2;;als der wol zweinzic trummen
;;;571;3;;slüege dâ zuo tanze.
;;;571;4;;sîn vester muot der ganze,
;;;571;5;;den diu wâre zagheit
;;;571;6;;nie versêrt noch versneit,
;;;571;7;;er dâht: "waz sol mir geschehen?
;;;571;8;;ich möhte nû wol kumbers jehen.
;;;571;9;;wil sich mîn kumber mêren,
;;;571;10;;zuo wer sol ich mich kêren."
;;;571;11;;nû sach er gegen gebûres tür.
;;;571;12;;ein starker lewe spranc her vür;
;;;571;13;;der was als ein ros sô hôch.
;;;571;14;;Gawan, der ie gerne vlôch,
;;;571;15;;den schilt er mit den riemen nam.
;;;571;16;;er tet, als ez der wer gezam:
;;;571;17;;er spranc ûf dem estrîch.
;;;571;18;;dô was durch hunger vreislîch
;;;571;19;;diser starke lewe grôz,
;;;571;20;;des er doch wênic dâ genôz.
;;;571;21;;mit zorne lief er an den man,
;;;571;22;;zuo wer stuont hêr Gawan.
;;;571;23;;er het im den schilt nâhe genomen:
;;;571;24;;sîn êrster grif was alsô komen
;;;571;25;;durch den schilt mit al den klân.
;;;571;26;;von tier ie selten wart getân
;;;571;27;;ein grif durch solich herte.
;;;571;28;;Gawan sich zuckens werte:
;;;571;29;;ein bein hin ab er im swanc.
;;;571;30;;der lewe ûf drîn vüezen spranc;
;;;572;1;;in dem schilt bleip der vierde vuoz.
;;;572;2;;mit bluote gap er solichen guz,
;;;572;3;;daz Gawan vaste mohte stân.
;;;572;4;;her und dar begunde ez gân.
;;;572;5;;der lewe spranc dicke an den gast;
;;;572;6;;durch die nase manigen pfnast
;;;572;7;;tet er mit bleckenden zenen.
;;;572;8;;wolt man in solicher spîse wenen,
;;;572;9;;daz er guote liute geæze,
;;;572;10;;ungerne ich bî im sæze.
;;;572;11;;ez was ouch Gawan leit,
;;;572;12;;der ûf den lîp dâ mit im streit.
;;;572;13;;er het in sô geletzet,
;;;572;14;;mit bluote wart genetzet
;;;572;15;;aldiu kemenâte gar.
;;;572;16;;mit zorne spranc der lewe dar:
;;;572;17;;er wolte in zücken under sich.
;;;572;18;;Gawan tet im einen stich
;;;572;19;;durch die brust unz an die hant,
;;;572;20;;dâ von des lewen zorn verswant,
;;;572;21;;wan er strûhte nider tôt.
;;;572;22;;Gawan het die grôze nôt
;;;572;23;;mit strîte überwunden.
;;;572;24;;in den selben stunden
;;;572;25;;dâht er: "waz ist mir nû guot?
;;;572;26;;ich sitze ungerne in diz bluot.
;;;572;27;;ouch sol ich mich des wol bewarn
;;;572;28;;- diz bette kan sô umbe varn -,
;;;572;29;;daz ich dâr sitz oder lige,
;;;572;30;;ob ich rehter witze pflige."
;;;573;1;;Nû was ime sîn houbet
;;;573;2;;mit würfen sô betoubet,
;;;573;3;;und dô sîne wunden
;;;573;4;;sô bluoten begunden,
;;;573;5;;daz in sîn snellîch kraft
;;;573;6;;gar liez mit ir geselleschaft:
;;;573;7;;durch swindeln er strûchens pflac,
;;;573;8;;daz im daz houbt ûf dem lewen lac.
;;;573;9;;der schilt viel nider under in.
;;;573;10;;gewan er ie kraft oder sin,
;;;573;11;;diu wâren im beidiu enpfüeret;
;;;573;12;;unsanft er wart gerüeret,
;;;573;13;;wan aller sin tete im entwîch.
;;;573;14;;sîn wanküssen ungelîch
;;;573;15;;was dem, daz Gymmele
;;;573;16;;von Munt Ribbele,
;;;573;17;;diu süeze, diu wîse,
;;;573;18;;legte Kahenise,
;;;573;19;;dâr ûf er sînen prîs verslief.
;;;573;20;;der prîs gegen disem manne lief,
;;;573;21;;wan ir habt daz wol vernomen,
;;;573;22;;wâ mit er was von witzen komen,
;;;573;23;;daz er lac unversunnen,
;;;573;24;;wie des wart begunnen.
;;;573;25;;verholn wart beschouwet,
;;;573;26;;daz mit bluote wart betouwet
;;;573;27;;der kemenâten estrîch.
;;;573;28;;si beide dem tôde wâren gelîch,
;;;573;29;;der lewe und Gawan.
;;;573;30;;ein juncvrouwe wolgetân
;;;574;1;;mit vorhten luoget oben în;
;;;574;2;;des wart vil bleich ir schîn.
;;;574;3;;diu süeze sô verzagete,
;;;574;4;;daz ez diu alte klagete,
;;;574;5;;Arnive, diu wîse.
;;;574;6;;dar umb ich si noch prîse,
;;;574;7;;daz si den ritter nerte
;;;574;8;;und ime dô sterben werte.
;;;574;9;;si gienc ouch dâ durch schouwen.
;;;574;10;;dô wart von der vrouwen
;;;574;11;;zem venster oben în gesehen,
;;;574;12;;daz si ietweders moht jehen:
;;;574;13;;ir künftlîcher vröuden tage
;;;574;14;;oder iemer herzelîcher klage.
;;;574;15;;si vorht, der ritter wær tôt;
;;;574;16;;des lêrte si dankes nôt,
;;;574;17;;wan er sus ûf dem lewen lac
;;;574;18;;und anders keines bettes pflac.
;;;574;19;;si sprach: "mir ist von herzen leit,
;;;574;20;;ob dîn getriuwiu manheit
;;;574;21;;sîn werdez leben het verlorn.
;;;574;22;;hâstû den tôt alhie erkorn
;;;574;23;;durch vil ellenden diet,
;;;574;24;;sît dîn triuwe daz geriet,
;;;574;25;;mich erbarmet iemer mê dîn tugent,
;;;574;26;;dû habest alter oder jugent."
;;;574;27;;zuo allen den vrouwen si dô sprach,
;;;574;28;;wan si den helt dâ ligen sach:
;;;574;29;;"ir vrouwen, die des pflegen,
;;;574;30;;rüefet alle got an umb sînen segen."
;;;575;1;;si sante dô zwô juncvrowen dar
;;;575;2;;und bat si reht nemen war,
;;;575;3;;daz si sanfte slichen,
;;;575;4;;ê daz si dan entwichen,
;;;575;5;;und si ir bræhten mære,
;;;575;6;;ob er bî leben wære
;;;575;7;;oder ob er wær verscheiden.
;;;575;8;;daz gebôt si den beiden.
;;;575;9;;die süezen megde beide reine,
;;;575;10;;ob ir deweders iht weine,
;;;575;11;;
;;;575;12;;
;;;575;13;;dô si in sus ligen vunden,
;;;575;14;;daz von sînen wunden
;;;575;15;;der schilt mit bluote swebte?
;;;575;16;;si besâhen, ob er lebte.
;;;575;17;;ir einiu mit ir clâren hant
;;;575;18;;den helm von sînem houbte bant
;;;575;19;;und ouch die fantailen sîn.
;;;575;20;;dâ lac ein kleinez schiumelîn
;;;575;21;;vor sînem rôtem munde.
;;;575;22;;nû warten si begunde,
;;;575;23;;ob er den âtem iendert züge
;;;575;24;;oder ob er si des lebens trüge;
;;;575;25;;daz lac dannoch in strîte.
;;;575;26;;ûf sînem kursîte
;;;575;27;;von zobele wâren zwei gampilûn,
;;;575;28;;als Ilinot der Britun
;;;575;29;;mit grôzem prîse wâpen truoc;
;;;575;30;;der brâhte werdicheit genuoc
;;;576;1;;in der jugent an sîn ende.
;;;576;2;;diu maget mit ir hende
;;;576;3;;des zobels rouft und habt in dar
;;;576;4;;vür sîn nasen. dô nam si war,
;;;576;5;;ob der âtem daz hâr sô reget,
;;;576;6;;daz ez sich indert weget.
;;;576;7;;der âtem dâ wart vunden.
;;;576;8;;an den selben stunden
;;;576;9;;hiez si balde springen,
;;;576;10;;ein lûter wazzer bringen.
;;;576;12;;daz brâht snelleclîch dar
;;;576;11;;ir gespil wol gevar.
;;;576;13;;diu maget schoup ir vingerlîn
;;;576;14;;enzwischen die zene sîn;
;;;576;15;;mit grôzen vuogen daz geschach.
;;;576;16;;dô gôz si daz wazzer nâch,
;;;576;17;;sanft und aber mêre.
;;;576;18;;si gôz ie dô niht sêre,
;;;576;19;;unz daz er diu ougen swanc.
;;;576;20;;er bôt in dienst und sagt in danc,
;;;576;21;;den zwein süezen kinden:
;;;576;22;;"daz ir mich soltet vinden
;;;576;23;;sus ungezogelîche ligen,
;;;576;24;;ob daz wirt von iu verswigen,
;;;576;25;;daz brüefe ich iu vür güete.
;;;576;26;;iuwer zuht iuch dâr an behüete."
;;;576;27;;si sprach: "ir lâget und liget
;;;576;28;;als der des hœhesten prîses pfliget.
;;;576;29;;ir habt den prîs al hie bezalt,
;;;576;30;;daz ir mit vröuden werdet alt;
;;;577;1;;der sic ist iuwer hiute.
;;;577;2;;nû trœstet uns armen liute,
;;;577;3;;ob iuwern wunden sî alsô,
;;;577;4;;daz wir mit iu werden vrô."
;;;577;5;;er sprach: "sæhet ir mich gern leben,
;;;577;6;;sô solt ir mir helfe geben."
;;;577;7;;des bat er die juncvrouwen:
;;;577;8;;"lât die wunden schouwen
;;;577;9;;etwen, der dâ künne mite.
;;;577;10;;sol ich begân noch strîtes site,
;;;577;11;;sô bindet mir den helm und gât ir hin;
;;;577;12;;den lîp ich gerne wernde bin."
;;;577;13;;si jâhen: "ir sît nû strîtes vrî,
;;;577;14;;hêrre, lât uns iu wesen bî.
;;;577;15;;wan einiu sol gewinnen
;;;577;16;;an vier küniginnen
;;;577;17;;daz boten brôt, ir lebt noch.
;;;577;18;;man sol iu bereiten doch
;;;577;19;;gemach und arzenîe clâr
;;;577;20;;und mit triuwen nemen war,
;;;577;21;;mit salben sô gehiur,
;;;577;22;;diu vür die quaschiur
;;;577;23;;und vür die wunden ein genist
;;;577;24;;mit senfte helfeclîchen ist."
;;;577;25;;Der megde einiu dannen spranc
;;;577;26;;sô balde, daz si nindert hanc,
;;;577;27;;und brâhte zuo hove mære,
;;;577;28;;daz er bî leben wære
;;;577;29;;"und alsô lebelîch,
;;;577;30;;daz er uns vröuden rîch
;;;578;1;;mit vröuden machet, ruochet es got.
;;;578;2;;im ist aber guoter helfe nôt."
;;;578;3;;si sprâchen alle: "de merzîs!"
;;;578;4;;diu alte künigîn wîs
;;;578;5;;ein bette hiez bereiten,
;;;578;6;;dâ vür ein teppich spreiten,
;;;578;7;;bî einem guoten viure.
;;;578;8;;salbe harte tiure,
;;;578;9;;wol gemaht mit sinne,
;;;578;10;;die gewan diu küniginne
;;;578;11;;zer quaschiuren und zer wunden.
;;;578;12;;dô gebôt si an den stunden
;;;578;13;;vier vrouwen, daz si giengen
;;;578;14;;und sîn harnasch enpfiengen,
;;;578;15;;daz si ez sanft von im næmen
;;;578;16;;und daz si kunden ræmen,
;;;578;17;;daz er sich doch iht dorft schemen.
;;;578;18;;"einen pfel solt ir umb nemen,
;;;578;19;;und entwâpent in in dem bat.
;;;578;20;;ob dannen gân sî sîn stat,
;;;578;21;;daz dolt oder tragt in hin,
;;;578;22;;aldâ ich bî dem bette bin.
;;;578;23;;ich wart, aldâ der helt sol ligen.
;;;578;24;;ob sîn kampf ist sô gedigen,
;;;578;25;;daz er niht ist zuo verhe wunt,
;;;578;26;;ich mach in schier wider gesunt.
;;;578;27;;welich sîn wunde stüende zuo verhe,
;;;578;28;;daz wær der vröuden twerhe.
;;;578;29;;dâ mit wæren ouch wir erslagen
;;;578;30;;und müesten lebendic sterben tragen."
;;;579;1;;nû diz wart alsô getân.
;;;579;2;;entwâpent wart hêr Gawan
;;;579;3;;und dannen geleitet
;;;579;4;;und helfe bereitet
;;;579;5;;von den, die helfen kunden.
;;;579;6;;dô wâren sîner wunden
;;;579;7;;vünfzic oder mêre.
;;;579;8;;die pfîle iedoch niht sêre
;;;579;9;;durch die ringe wâren gedrucket:
;;;579;10;;der schilt was vür gerucket.
;;;579;11;;dô nam diu alte künigîn
;;;579;12;;dictam und warmen wîn
;;;579;13;;mit einem blâwen zindâl.
;;;579;14;;dô streich si diu bluotes mâl
;;;579;15;;ûz den wunden, wâ der dekeiniu was,
;;;579;16;;und bant in sô, daz er genas.
;;;579;17;;wâ der helm was în gezogen,
;;;579;18;;mit scharpfen tretten wol gebogen,
;;;579;19;;daz man die würfe erkante,
;;;579;20;;die quaschiuren si verswante
;;;579;21;;mit der salben krefte
;;;579;22;;und von ir meisterschefte.
;;;579;23;;si sprach: " senfte iu schier.
;;;579;24;;Condrie la surzier
;;;579;25;;ruochet mich sô dicke sehen;
;;;579;26;;waz von arzenîe mac geschehen,
;;;579;27;;des tuot si mich gewaltic wol.
;;;579;28;;sît Anfortas in jâmers dol
;;;579;29;;kam, daz man im helfe warp,
;;;579;30;;diu selbe im half, daz er niht starp.
;;;580;1;;si ist von Muntsalvasche komen."
;;;580;2;;dô Gawan het vernomen
;;;580;3;;Muntsalvasche nennen,
;;;580;4;;dô begunde er vröude erkennen;
;;;580;5;;er wânde, er wær dâ nâhe bî.
;;;580;6;;dô sprach, der ie was valsches vrî,
;;;580;7;;Gawan, zuor küniginne:
;;;580;8;;"vrouwe, mîne sinne,
;;;580;9;;die mir wâren entrunnen,
;;;580;10;;die habt ir gewunnen
;;;580;11;;wider in mîn herze;
;;;580;12;;ouch stiftet sich mîn smerze.
;;;580;13;;waz ich krefte oder sinne hân,
;;;580;14;;die het iuwer dienstman
;;;580;15;;gar von iuwer schulde."
;;;580;16;;si sprach: "hêrre, iuwer hulde
;;;580;17;;sullen wir uns alle nâhen
;;;580;18;;und des mit triuwen gâhen.
;;;580;19;;nû volget mir, redet niht zuo vil.
;;;580;20;;ein würz ich iu geben wil,
;;;580;21;;dâ von ir slâfet; daz ist guot.
;;;580;22;;trinkens, ezzens keinen muot
;;;580;23;;solt ir haben vor der naht.
;;;580;24;;sô kumt iu wider iuwer maht,
;;;580;25;;sô trit ich iu mit spîse zuo,
;;;580;26;;daz ir wol beitet unz vruo."
;;;580;27;;ein würz si im leite in den munt:
;;;580;28;;dô slief er an der selben stunt.
;;;580;29;;wol si sîn mit decke pflac.
;;;580;30;;alsus slief den tac
;;;581;1;;der êren rîch und lasters arm,
;;;581;2;;er lac sanft und im was warm.
;;;581;3;;etwan in doch in slâfe vrôs,
;;;581;4;;daz er gehset und nôs,
;;;581;5;;allez von der salben kraft.
;;;581;6;;von vrouwen grôziu geselleschaft
;;;581;7;;giengen dô ûz und în;
;;;581;8;;die truogen liehten, werden schîn.
;;;581;9;;Arnive, diu alte,
;;;581;10;;gebôt mit ir gewalte,
;;;581;11;;daz ir dekeiniu riefe
;;;581;12;;die wîle der helt dâ sliefe.
;;;581;13;;si bat ouch den palas
;;;581;14;;besliezen. waz dâ ritter was,
;;;581;15;;sarjande oder burgære,
;;;581;16;;der deheiner disiu mære
;;;581;17;;vriesch vor dem andern tage.
;;;581;18;;dô kam den vrouwen niuwiu klage.
;;;581;19;;sus slief der helt unz an die naht.
;;;581;20;;diu künigîn was dô bedâht,
;;;581;21;;die würz si ûz dem munde nam:
;;;581;22;;er erwachet, trinkens im gezam.
;;;581;23;;dô hie dar tragen diu wîse
;;;581;24;;trinken und guote spîse.
;;;581;25;;er riht sich ûf und saz,
;;;581;26;;mit guoten vröuden er az.
;;;581;27;;vil manic vrouwe vor im stuont.
;;;581;28;;im wart nie werder dienest kunt;
;;;581;29;;ir dienst mit zühten wart getân.
;;;581;30;;dô brüefete mîn hêr Gawan
;;;582;1;;dise, die und ab jene.
;;;582;2;;er wachet in der alten sene
;;;582;3;;nâch Urgeluse, der clâren,
;;;582;4;;want im in sînen jâren
;;;582;5;;nie wîp sô nâhe gegienc,
;;;582;6;;etwâ dâ er minne enpfienc
;;;582;7;;oder dâ im minne was versaget.
;;;582;8;;dô sprach der helt unverzaget
;;;582;9;;zuo sîner meisterîn,
;;;582;10;;der alten künigîn:
;;;582;11;;"vrouwe, ez krenket mîn zuht
;;;582;12;;- ir müget mirs jehen vür ungenuht -,
;;;582;13;;sullen die vrouwen vor mir stân.
;;;582;14;;gebiet in, daz si sitzen gân,
;;;582;15;;oder heizet si mit mir ezzen."
;;;582;16;;"alhie wirt niht gesezzen
;;;582;17;;von ir dekeiner unz an mich.
;;;582;18;;hêrre, si möhten schamen sich,
;;;582;19;;soltens iu niht dienen vil,
;;;582;20;;wan ir sît unser vröuden zil.
;;;582;21;;doch, hêrre, waz ir gebietet in,
;;;582;22;;daz solten wir leisten, hân wir sin."
;;;582;23;;die edeln mit der hôhen art
;;;582;24;;wâren ir zühte des bewart,
;;;582;25;;wand si ez mit willen tâten.
;;;582;26;;ir süezen münde in bâten
;;;582;27;;dâ stênde, unz er geæze,
;;;582;28;;daz ir ê keiniu sæze.
;;;582;29;;dô daz geschach, si giengen wider.
;;;582;30;;Gawan sich leit slâfen nider.
;;;583;1;;Wer im nû ruowe næme,
;;;583;2;;ob ruowens im gezæme,
;;;583;3;;ich wæne, der hete es sünde.
;;;583;4;;nâch der âventiur urkünde
;;;583;5;;het er sich ê erarbeitet,
;;;583;6;;gehœhet und gebreitet
;;;583;7;;sînen prîs mit grôzer nôt.
;;;583;8;;waz der werde Lanzelot
;;;583;9;;ûf der swertbrücke erleit
;;;583;10;;und sît mit Melianz streit,
;;;583;11;;daz was gegen diser nôt ein niht,
;;;583;12;;und des man Garelle giht,
;;;583;13;;dem stolzen künic rîch,
;;;583;14;;der alsô ritterlîch
;;;583;15;;den lewen von dem palas
;;;583;16;;warf, der zuo Nantes was.
;;;583;17;;Garel ouch daz mezzer holt,
;;;583;18;;dâ mit er kumber dolt
;;;583;19;;in der marmelînen sûl.
;;;583;20;;trüege dise pfîle ein mûl,
;;;583;21;;er wær geladen wol dâ mite,
;;;583;22;;die Gawan mit ellens site
;;;583;23;;gegen sînem verhe snurren liez,
;;;583;24;;als in sîn manlîch herz hiez.
;;;583;25;;Ligweis Prellius, der vurt,
;;;583;26;;und Erec, der Schoidelacurt
;;;583;27;;erstreit ab Mobonagrin,
;;;583;28;;der ietweder gap sô hôhe pîn,
;;;583;29;;noch dô der stolz Iwan
;;;583;30;;sînen guz niht wolte lân
;;;584;1;;ûf der âventiur stein.
;;;584;2;;solten dise kumber sîn alein,
;;;584;3;;Gawans kumber slüege vür,
;;;584;4;;wæge ieman ungemaches kür.
;;;584;5;;welichen kumber mein ich nû?
;;;584;6;;ob iuch daz diuhte niht ze vruo,
;;;584;7;;ich solte in iu benennen gar:
;;;584;8;;Urgeluse kæme aldar
;;;584;9;;in Gawans herzegedanc,
;;;584;10;;die ie was zagheite kranc
;;;584;11;;und gegen dem wâren ellen starc.
;;;584;12;;wie kam, daz sich dâ verbarc
;;;584;13;;sô grôz wîp in kleiner stat?
;;;584;14;;si kam in einen engen pfat
;;;584;15;;in Gawanes herze,
;;;584;16;;daz aller sîn smerze
;;;584;17;;von disem kumber gar verswant.
;;;584;18;;ez was iedoch ein kurziu want,
;;;584;19;;dâ sô lanc wîp in saz,
;;;584;20;;der mit triuwen niht vergaz
;;;584;21;;sîn dienstlîchez wachen.
;;;584;22;;nieman solte es lachen,
;;;584;23;;daz alsus werlîchen man
;;;584;24;;ein wîp entschumpfieren kan.
;;;584;25;;wochri woch, waz sol diz sîn?
;;;584;26;;dâ tuot vrouwe Minne ir zürnen schîn
;;;584;27;;an dem, der prîs het bejaget.
;;;584;28;;werlîch und unverzaget
;;;584;29;;hât si in iedoch vunden.
;;;584;30;;gegen dem siechen wunden
;;;585;1;;solt si gewaltes verdriezen.
;;;585;2;;er mohte doch des niht geniezen,
;;;585;3;;daz si in ân sînen danc
;;;585;4;;wol gesunden ê betwanc.
;;;585;5;;vrouwe, wellet ir prîs bejagen,
;;;585;6;;möht ir iu daz lâzen sagen:
;;;585;7;;iu ist âne êre diser strît.
;;;585;8;;Gawan lebte sîne zît,
;;;585;9;;als iuwer hulde ime gebôt.
;;;585;10;;daz tet ouch sîn vater Lot.
;;;585;11;;muoterhalp al sîn gesleht,
;;;585;12;;daz stuont iu gar zuo reht
;;;585;13;;dô her von Mazadane,
;;;585;14;;den diu reine Murgane
;;;585;15;;in Terredelaschoie vuorte,
;;;585;16;;den iuwer kraft dô ruorte.
;;;585;17;;Mazadans nâchkomen,
;;;585;18;;von den ist dicke sît vernomen,
;;;585;19;;daz ir keiner iuch nie verliez.
;;;585;20;;Ither von Gaheviez
;;;585;21;;iuwer ingesigel ouch truoc.
;;;585;22;;wâ man vor wîben sîn gewuoc,
;;;585;23;;daz wolte ir dekeiniu schamen,
;;;585;24;;wâ man nante sînen namen,
;;;585;25;;ob si der minne ir krefte jach.
;;;585;26;;nû brüefet dan, diu in sach;
;;;585;27;;der wâren diu rehten mære komen,
;;;585;28;;an dem iu dienst wart benomen.
;;;585;29;;nû tuot ouch Gawan den tôt,
;;;585;30;;als sînem neven Ilinot,
;;;586;1;;den iuwer kraft dâ zuo betwanc,
;;;586;2;;daz der junge, süeze ranc
;;;586;3;;nâch werder âmîen,
;;;586;4;;von Kanedic Florien.
;;;586;5;;sînes vater lant von kinde  vlôch;
;;;586;6;;diu selbe künigîn in zôch;
;;;586;7;;zuo Britane er wær ein gast.
;;;586;8;;Florie in luot mit minne last,
;;;586;9;;dô si in verjagte vür daz lant.
;;;586;10;;in ir dienst man in vant
;;;586;11;;tôt, als ir wol hât vernomen.
;;;586;12;;Gawans künne ist dicke komen
;;;586;13;;durch minne in herzebæriu sêr.
;;;586;14;;ich nenne iu sîner mâge mêr,
;;;586;15;;den ouch von minne ist worden wê:
;;;586;16;;des twanc der bluotvarwe snê
;;;586;17;;Parcifals getriuwen lîp;
;;;586;18;;daz schuof diu künigîn, sîn wîp.
;;;586;19;;Galoesen und Gahmureten,
;;;586;20;;die habt ir beide übertreten,
;;;586;21;;daz ir si gâbet an den rê.
;;;586;22;;diu junge, werde Ithonie
;;;586;23;;truoc nâch rois Gramolanz
;;;586;24;;mit stæten triuwen minne ganz;
;;;586;25;;daz was Gawans clâriu swester zwâr.
;;;586;26;;vrouwe Minne, und teilte ouch vâr
;;;586;27;;Surdamur durch Alexandren.
;;;586;28;;die ein und die andren,
;;;586;29;;waz Gawan künnes ie gewan,
;;;586;30;;vrouwe Minne,  wolt in niht erlân,
;;;587;1;;si müeste dienst gegen iu tragen.
;;;587;2;;nû wolt ir prîs an im bejagen?
;;;587;3;;ir sullet kraft gegen krefte geben
;;;587;4;;und liezet Gawan leben
;;;587;5;;siech mit sînen wunden
;;;587;6;;und twingen die gesunden.
;;;587;7;;maniger het von einem gesanc,
;;;587;8;;den nie diu minne alsô betwanc.
;;;587;9;;ich möhte nû wol stille dagen,
;;;587;10;;ez solten minner klagen,
;;;587;11;;waz dem von Norwæge was,
;;;587;12;;dô er der âventiur genas,
;;;587;13;;daz in bestuont der minnen schûr
;;;587;14;;âne helf gar zuo sûr.
;;;587;15;;er sprach: "owê, daz ich erkôs
;;;587;16;;diz bette ruowelôs!
;;;587;17;;einez het mich versêret,
;;;587;18;;daz ander mir gemêret
;;;587;19;;gedanc nâch minne.
;;;587;20;;Urgeluse, diu herzoginne,
;;;587;21;;muoz gnâde an mir begân,
;;;587;22;;ob ich bî gnâden sol bestân."
;;;587;23;;vor ungedult er sich want,
;;;587;24;;daz brast etlîch sîn wuntgebant.
;;;587;25;;in solichem ungemach er lac.
;;;587;26;;nû seht, dô schein ûf in der tac;
;;;587;27;;des heter unsanft erbiten.
;;;587;28;;er hât dô vil dicke erliten
;;;587;29;;mit swerten manigen herten strît
;;;587;30;;sanfter dan die ruowens zît.
;;;588;1;;ob kumber sich glîche deme,
;;;588;2;;welich minner den an sich neme,
;;;588;3;;der werde allerêrst wol gesant,
;;;588;4;;mit pfîlen alsus sêre wunt.
;;;588;5;;daz tuot im lîhte alsô wê
;;;588;6;;als sîn minnen kumber ê.
;;;588;7;;Gawan truoc minne und klage.
;;;588;8;;dô begunde ez liuhten vom tage,
;;;588;9;;daz sîner grôzen kerzen schîn
;;;588;10;;und doch sô virric mohten sîn.
;;;588;11;;ûf rihte sich der wîgant.
;;;588;12;;dô was sîn lînîn gewant
;;;588;13;;nâch wunden und harnasch var.
;;;588;14;;sus im wart geleget dar
;;;588;15;;hemde und bruoch von buckeram
;;;588;16;;- den wehsel er dô gerne nam -
;;;588;17;;und ein garnasche merderîn,
;;;588;18;;des selben ein kürsenlîn,
;;;588;19;;ob den beiden schürbrant
;;;588;20;;von Arsas aldâ gesant.
;;;588;21;;zwên stivel ouch dâ lâgen,
;;;588;22;;die niht grôzer enge pflâgen.
;;;588;23;;diu niuwen kleider leit er an.
;;;588;24;;dô gienc mîn hêr Gawan
;;;588;25;;ûz zer kemenâten tür.
;;;588;26;;sus gienc er wider und vür,
;;;588;27;;unz er den rîchen palas vant.
;;;588;28;;sînen ougen nie wart bekant
;;;588;29;;rîcheit, diu dar zuo töhte,
;;;588;30;;daz si dâ glîchen möhte.
;;;589;1;;ûf durch den palas ein sîte
;;;589;2;;gienc ein gewelbe niht zuo wîte,
;;;589;3;;gegrêdet über den palas hôch;
;;;589;4;;sinwel sich daz umbe zôch.
;;;589;5;;dâr ûf stuont ein clâriu sûl,
;;;589;6;;diu was niht von holze vûl;
;;;589;7;;si was lieht und starc,
;;;589;8;;sô grôz, vrowen Camillen sarc
;;;589;9;;wær dâr ûf wol gestanden.
;;;589;10;;ûf Ferefizes landen
;;;589;11;;brâht ez der wîse Clinsor,
;;;589;12;;werc, daz hie stuont enbor.
;;;589;13;;sinwel als ein gezelt ez was.
;;;589;14;;der meister Geometras,
;;;589;15;;solt ez geworht hân des hant,
;;;589;16;;diu kunst wær im unbekant.
;;;589;17;;ez was geworht mit liste:
;;;589;18;;adamast und amatiste
;;;589;19;;- diu âventiure uns wizzen lât -,
;;;589;20;;topâzje und grânât,
;;;589;21;;krisolîte und rubîne,
;;;589;22;;smarac und sardîne,
;;;589;23;;sus wâren diu venster rîche.
;;;589;24;;wît und hôch gelîche,
;;;589;25;;als man der venster sûle sach,
;;;589;26;;der art was oben al daz dach.
;;;589;27;;dekein sûl stuont dâr unde,
;;;589;28;;diu sich glîchen kunde
;;;589;29;;der grôzen sûl dâ zwischen stuont.
;;;589;30;;uns tuot diu âventiure kunt,
;;;590;1;;waz diu wunder mohte hân.
;;;590;2;;durch schouwen gienc hêr Gawan
;;;590;3;;ûf daz warthûs eine
;;;590;4;;zuo manigem tiuren steine.
;;;590;5;;dâ vant er solich wunder grôz,
;;;590;6;;des in zuo sehen niht verdrôz.
;;;590;7;;in dûhte, daz im alliu diu lant
;;;590;8;;in der grôzen sûl wæren bekant
;;;590;9;;und daz diu lant umbe giengen
;;;590;10;;und daz mit hurte enpfiengen
;;;590;11;;die grôzen berge ein ander.
;;;590;12;;in der sûle vander
;;;590;13;;liute rîten und gân,
;;;590;14;;disen loufen, jenen stân.
;;;590;15;;in ein venster er gesaz,
;;;590;16;;er wolt daz wunder brüefen baz.
;;;590;17;;dô kam diu alte Arnive
;;;590;18;;und ir tohter Sangive
;;;590;19;;und ir tohter tohter zwô;
;;;590;20;;die giengen alle vier zuo.
;;;590;21;;Gawan spranc ûf, dô er si sach.
;;;590;22;;diu künigîn Arnive sprach:
;;;590;23;;"hêrre, ir solt noch slâfes pflegen.
;;;590;24;;habt ir ruowens iuch bewegen,
;;;590;25;;dar zuo sît ir zuo sêre wunt,
;;;590;26;;sol iu ander ungemach sîn kunt."
;;;590;27;;dô sprach er: "vrouwe und meisterîn,
;;;590;28;;mir hât kraft und sin
;;;590;29;;iuwer helf alsô gegeben,
;;;590;30;;daz ich gediene, sol ich leben."
;;;591;1;;diu künigîn sprach: "sol ich daz spehen,
;;;591;2;;daz ir mir, hêrre, hât verjehen,
;;;591;3;;daz ich iuwer meisterîn sî,
;;;591;4;;sô küsset die vrouwen al drî.
;;;591;5;;dâ sît ir lasters wol bewart:
;;;591;6;;si sint erborn von küniges art."
;;;591;7;;diser bete was er vrô.
;;;591;8;;die clâren vrouwen kuste er dô,
;;;591;9;;Sangiven und Ithonie
;;;591;10;;und die süezen Condrie.
;;;591;11;;Gawan saz selbe vünfte nider.
;;;591;12;;dô sach er vür und wider
;;;591;13;;zuo der clâren megde lîp.
;;;591;14;;iedoch twanc in daz wîp,
;;;591;15;;diu in sînem herzen lac.
;;;591;16;;diser megde blic ein nebeltac
;;;591;17;;was bî Urgeluse gar.
;;;591;18;;diu dûhte eht in sô wol gevar,
;;;591;19;;von Logrois diu herzogîn;
;;;591;20;;dâ jagete in sîn herz hin.
;;;591;21;;Nû diz was ergangen,
;;;591;22;;daz Gawan was enpfangen
;;;591;23;;von den vrouwen allen drîn.
;;;591;24;;die truogen sô liehten schîn,
;;;591;25;;des lîht ein herz wære versniten,
;;;591;26;;daz ê niht kumbers het erliten.
;;;591;27;;zuo sîner meisterîn er sprach
;;;591;28;;umb die sûle, die er dâ sach,
;;;591;29;;daz si im sagte mær,
;;;591;30;;welicher hant diu wær.
;;;592;1;;dô sprach si: "hêrre, diser stein
;;;592;2;;bî tage und alle naht schein,
;;;592;3;;sît er mir êrste wart erkant,
;;;592;4;;alumb sehs mîle in diz lant.
;;;592;5;;waz in dem zil geschiht,
;;;592;6;;in diser sûl man daz siht,
;;;592;7;;in wazzer oder ûf velde,
;;;592;8;;daz ist ir wâriu melde:
;;;592;9;;ez sî vogel oder tier,
;;;592;10;;der gast und der fôrehtier,
;;;592;11;;die vremden und die kunden,
;;;592;12;;die het man dâr inne vunden.
;;;592;13;;über sehs mîle gât sîn glanz;
;;;592;14;;er ist sô veste und sô ganz,
;;;592;15;;daz in mit starken sinnen
;;;592;16;;kunde nie gewinnen
;;;592;17;;weder hamer noch smit.
;;;592;18;;er wart verstolen zuo Tabronit
;;;592;19;;die künigîn Secundillen,
;;;592;20;;ich wæne es, âne ir willen."
;;;592;21;;Gawan in den zîten
;;;592;22;;sach in der sûl rîten
;;;592;23;;einen rîter und ein vrouwen.
;;;592;24;;moht er die beidiu schouwen,
;;;592;25;;dô dûhte in diu vrouwe clâr,
;;;592;26;;man und ros gewâpent gar
;;;592;27;;und der helm gezimieret.
;;;592;28;;si kômen geheistieret
;;;592;29;;durch die passâschen ûf den plân;
;;;592;30;;nâch im diu reise wart getân.
;;;593;1;;si kômen die strâzen durch daz muor,
;;;593;2;;als Lischois, der stolze, vuor,
;;;593;3;;den er enschumpfieret.
;;;593;4;;diu vrouwe condwieret
;;;593;5;;den ritter mit dem zoume her;
;;;593;6;;justieren was sîn ger.
;;;593;7;;Gawan sich umbe kêrte,
;;;593;8;;sînen kumber er gemêrte;
;;;593;9;;in dûhte, diu sûle het in betrogen.
;;;593;10;;dô sach er vür ungelogen
;;;593;11;;Urgelusen de Logrois
;;;593;12;;und einen ritter kurtois
;;;593;13;;gegen dem urvar ûf den wasen.
;;;593;14;;ist diu niesewürze in der nasen
;;;593;15;;dræte und strenge,
;;;593;16;;durch sîn herz enge
;;;593;17;;kam alsus diu herzogîn
;;;593;18;;durch sîniu ougen oben în.
;;;593;19;;gegen minne helflôs ein man,
;;;593;20;;owê, daz ist hêr Gawan!
;;;593;21;;zuo sîner meisterîn er sprach,
;;;593;22;;dô er den ritter wider sach:
;;;593;23;;"vrouwe, dort vert ein ritter her
;;;593;24;;mit ûf gerihtem sper;
;;;593;25;;der wil suochens niht erwinden.
;;;593;26;;ouch sol sîn suochen vinden,
;;;593;27;;sît er ritterschefte gert,
;;;593;28;;strît von mir wirt er gewert.
;;;593;29;;saget mir, wer mac diu vrowe sîn."
;;;593;30;;si sprach: "daz ist diu herzogîn
;;;594;1;;von Logrois, diu clâre.
;;;594;2;;wem kumt si sus zuo vâre?
;;;594;3;;der Turkoite ist mit ir komen,
;;;594;4;;von dem sô dicke ist vernomen,
;;;594;5;;daz sîn herz ist unverzaget.
;;;594;6;;er het mit spern prîs bejaget,
;;;594;7;;es wæren geêret driu lant.
;;;594;8;;gegen sîner werlîchen hant
;;;594;9;;solt ir strîten mîden nû.
;;;594;10;;strîten ist iu gar ze vruo,
;;;594;11;;ir sît ûf strît sô sêre wunt.
;;;594;12;;ob ir halt wæret wol gesunt,
;;;594;13;;ir solt doch strîten gegen im lân."
;;;594;14;;dô sprach mîn hêr Gawan:
;;;594;15;;"ir jeht, ich sule hêrre sîn.
;;;594;16;;wer dan ûf alle die êre mîn
;;;594;17;;ritterschaft sô nâhe suochet,
;;;594;18;;sît er strîtes geruochet,
;;;594;18;1;
;;;594;18;2;
;;;594;19;;vrouwe, ich sol mîn harnasch hân."
;;;594;20;;des wart grôz weinen dâ getân
;;;594;21;;von den vrouwen al vieren.
;;;594;22;;si sprâchen: "wolt ir zieren
;;;594;23;;iuwer sælde und iuwern prîs,
;;;594;24;;sô strîtet niht dekein wîs.
;;;594;25;;læget ir dâ vor im tôt,
;;;594;26;;sô wüehse êrst unser nôt.
;;;594;27;;solt aber ir vor im genesen,
;;;594;27;1;
;;;594;27;2;
;;;594;28;;wolt ir in harnasch wesen,
;;;594;29;;iu nement iuwer wunden daz leben;
;;;594;30;;sô sîn wir an den tôt gegeben."
;;;595;1;;Gawan sus mit kumber ranc,
;;;595;2;;ir möht wol hœren, waz in twanc:
;;;595;3;;vür schande het er sich an genomen
;;;595;4;;des werden Turkoiten komen.
;;;595;5;;in twungen ouch wunden sêre
;;;595;6;;und diu minne michels mêre
;;;595;7;;und der vier vrouwen riuwe,
;;;595;8;;wan er sach an in triuwe.
;;;595;9;;er bat si weinen verbern;
;;;595;10;;sîn munt dar zuo begunde gern
;;;595;11;;harnasch, ros und swert.
;;;595;12;;die vrowen clâr und wert
;;;595;13;;vuorten Gawanen wider.
;;;595;14;;er bat si vor im gên dar nider,
;;;595;15;;dâ die andern vrouwen wâren,
;;;595;16;;die süezen und die clâren.
;;;595;17;;Gawan ûf sîn strîtes vart
;;;595;18;;balde aldâ gewâpent wart
;;;595;19;;bî weinenden liehten ougen.
;;;595;20;;si tâtenz alsô tougen,
;;;595;21;;daz niemen vriesch diu mære
;;;595;22;;niht wan der kamerære;
;;;595;23;;der hiez sîn ros erstrîchen.
;;;595;24;;Gawan begunde slîchen,
;;;595;25;;aldâ Gringulet stuont.
;;;595;26;;doch was er sô sêre wunt,
;;;595;27;;daz er den schilt kûme getruoc;
;;;595;28;;der was dürkel algenuoc.
;;;595;29;;ûf daz ros saz hêr Gawan.
;;;595;30;;dô kêrt er von der burc her dan
;;;596;1;;gegen sînem getriuwen wirte,
;;;596;2;;der in vil wênic irte,
;;;596;3;;al des sîn wille gerte.
;;;596;4;;eines spers er in gewerte,
;;;596;5;;daz was starc und unbeschaben.
;;;596;6;;er het ir manigez ûf erhaben
;;;596;7;;dort anderhalp ûf sînem plân.
;;;596;8;;dô bat mîn hêr Gawan
;;;596;9;;überverte schier.
;;;596;10;;in einem ussier
;;;596;11;;vuort er in über in daz lant,
;;;596;12;;dâ er den Turkoiten vant,
;;;596;13;;wert und hôch gemuot.
;;;596;14;;er was von schanden sô behuot,
;;;596;15;;daz missewende an im verswant.
;;;596;16;;sîn prîs was sô hôhe erkant,
;;;596;17;;wer gegen im justierens pflac,
;;;596;18;;daz der hinder dem ros gelac
;;;596;19;;von sîner juste valle.
;;;596;20;;sus het er si alle,
;;;596;21;;die gegen im ie durch prîs geriten,
;;;596;22;;mit justieren überstriten.
;;;596;23;;ouch tete sich ûz der degen wert,
;;;596;24;;daz er mit spern sunder swert
;;;596;25;;hôhen prîs wolte erben
;;;596;26;;oder sînen prîs verderben.
;;;596;27;;wer aber den prîs bezalt,
;;;596;28;;daz ern mit juste valt,
;;;596;29;;dâ würde er âne wer gesehen,
;;;596;30;;dem wolt er sicherheit jehen.
;;;597;1;;Gawan vriesch diu mære
;;;597;2;;von der juste pfandære.
;;;597;3;;Plippalinot nam alsô pfant:
;;;597;4;;welich juste wart dâ bekant,
;;;597;5;;daz einer viel, der ander saz,
;;;597;6;;sô enpfienc er ân ir beider haz
;;;597;7;;dises verlust, jenes gewin,
;;;597;8;;ich meine daz ros, daz zôch er hin.
;;;597;9;;er ruohte, striten si genuoc.
;;;597;10;;wer prîs oder laster truoc,
;;;597;11;;des liez er jehen die vrouwen,
;;;597;12;;si mohten dicke schouwen.
;;;597;13;;Gawanen er vaste sitzen bat.
;;;597;14;;er zôch imz ros an die stat
;;;597;15;;und bôt im schilt und sper.
;;;597;16;;hie kam der Turkoite her
;;;597;17;;kalopierende als ein man,
;;;597;18;;der sîn juste mezzen kan
;;;597;19;;weder ze hôch noch zuo nider.
;;;597;20;;Gawan kam gegen im wider.
;;;597;21;;von Muntsalvasche Gringulet
;;;597;22;;tet nâch Gawanes bet,
;;;597;23;;als ez der zoum lêrte.
;;;597;24;;ûf den plân er kêrte.
;;;597;25;;hurtâ, lât die juste tuon!
;;;597;26;;hie komt des küniges Lotes sun
;;;597;27;;manlîch, âne herzen schric.
;;;597;28;;wâ het diu helmsnuor ir stric?
;;;597;29;;des Turkoiten just in rafft aldâ.
;;;597;30;;Gawan ruorte in anderswâ:
;;;598;1;;durch die barbier.
;;;598;2;;man wart wol innen schier,
;;;598;3;;wer dâ gevelles was sîn wer.
;;;598;4;;an dem kurzen, starken sper
;;;598;5;;den helm enpfienc hêr Gawan.
;;;598;6;;hin reit der helm, hie lac der man,
;;;598;7;;der werdicheit ein bluome was,
;;;598;8;;unz er verdecket sus daz gras
;;;598;9;;mit valle von der juste.
;;;598;10;;sîner zimierde kuste
;;;598;11;;in dem touwe mit den bluomen striten.
;;;598;12;;Gawan kam ûf in geriten,
;;;598;13;;unz er im sicherheit verjach.
;;;598;14;;der verige nâch dem rosse sprach.
;;;598;15;;daz was sîn reht, wer lougent des?
;;;598;16;;"ir vröuwetet iuch gern, wust ir wes",
;;;598;17;;sprach Urgeluse, diu clâre,
;;;598;18;;Gawan aber zuo vâre,
;;;598;19;;"durch daz des starken lewen vuoz
;;;598;20;;in iuwerm schilt iu volgen muoz.
;;;598;21;;nû wænt ir, iu sî prîs geschehen,
;;;598;22;;sît dise vrouwen hânt gesehen
;;;598;23;;iuwer juste alsus getân.
;;;598;24;;wir müezen iuch bî vröuden lân,
;;;598;25;;sît ir des der geile,
;;;598;26;;ob Let Marveile
;;;598;27;;sô klein sich hât gerochen.
;;;598;28;;iu ist doch der schilt zerbrochen,
;;;598;29;;als ob iu strît sol wesen kunt.
;;;598;30;;ir sît ouch lîht zuo sêre wunt
;;;599;1;;ûf strîtes gedense;
;;;599;2;;daz tæte iu wê zer gense.
;;;599;3;;iu mac durch rüemen wesen liep
;;;599;4;;der schilt dürkelt als ein sip,
;;;599;5;;den iu sô manic pfîl zerbrach.
;;;599;6;;zuo disen zîten ungemach
;;;599;7;;möht ir gerne vliehen.
;;;599;8;;lât iu den vinger ziehen,
;;;599;9;;rîtet wider ûf zen vrouwen.
;;;599;10;;wie getörstet ir beschouwen
;;;599;11;;strît, den ich werben solte,
;;;599;12;;ob iuwer herz wolte
;;;599;13;;mir dienen nâch minne."
;;;599;14;;er sprach zer herzoginne:
;;;599;15;;"vrouwe, hab ich wunden,
;;;599;16;;die hânt hie helfe vunden.
;;;599;17;;ob iuwer helfe kan gezemen,
;;;599;18;;daz ir mîn dienst ruochet nemen,
;;;599;19;;sô wart nie nôt sô herte erkant,
;;;599;20;;ich sî zuo dienst iu benant."
;;;599;21;;si sprach: "ich lâz iuch rîten,
;;;599;22;;mê nâch prîse strîten
;;;599;23;;mit mir geselleclîch."
;;;599;24;;des wart an vröuden rîch
;;;599;25;;der stolz, werde Gawan.
;;;599;26;;den Turkoiten santer dan
;;;599;27;;mit sînem wirt Plippalinot
;;;599;28;;ûf die burc. er enbôt,
;;;599;29;;daz sîn mit wirde næmen war
;;;599;30;;alle die vrouwen wol gevar.
;;;600;1;;Gawans sper was ganz bliben,
;;;600;2;;wie beidiu ros wæren getriben
;;;600;3;;mit sporn ûf juste hurte;
;;;600;4;;in sîner hant erz vuorte
;;;600;5;;von der liehten ouwe.
;;;600;6;;des weinde manigiu vrouwe,
;;;600;7;;daz sîn reise aldâ von in geschach.
;;;600;8;;diu künigîn Arnive sprach:
;;;600;9;;"unser trôst het im erkorn,
;;;600;10;;sîner ougen senfte, sherzen dorn.
;;;600;11;;owê, daz er nû volget sus
;;;600;12;;gegen Ligweis Prellius
;;;600;13;;Urgelusen, der herzogîn!
;;;600;14;;daz ist sîner wunden ungewin."
;;;600;15;;vier hundert vrouwen wâren in klage;
;;;600;16;;er reit von in in prîses bejage.
;;;600;17;;waz im an sînen wunden war,
;;;600;18;;die nôt het erwendet gar
;;;600;19;;Urgelusen varwe glanz.
;;;600;20;;diu sprach: "ir solt mir einen kranz
;;;600;21;;von eines boumes rîse
;;;600;22;;gewinnen, dar umb ich prîse
;;;600;23;;iuwer tât. wolt ir michs gewern,
;;;600;24;;sô moget ir mîner minne gern."
;;;600;25;;dô sprach er: "vrouwe, wâ daz rîs
;;;600;26;;stât, daz alsô hôhen prîs
;;;600;27;;mir zuo sælden mac bejagen,
;;;600;28;;daz ich, vrouwe, müese klagen
;;;600;29;;nâch iuwern hulden mîne nôt,
;;;600;30;;daz brich ich, ob mich lât der tôt."
;;;601;1;;waz dâ stuonden bluomen lieht,
;;;601;2;;die wâren gegen diser varwe niht,
;;;601;3;;die Urgeluse brâhte.
;;;601;4;;Gawan an si gedâhte,
;;;601;5;;sô daz sîn êrst ungemach
;;;601;6;;im dekeines kumbers jach.
;;;601;7;;sus reit si mit ir gast
;;;601;8;;von der burc wol ein rast
;;;601;9;;ein strâze wît und sleht
;;;601;10;;vür ein clârez fôreht.
;;;601;11;;der art des boumes muoste sîn
;;;601;12;;tämris und prisîn;
;;;601;13;;daz was des Clinsors walt.
;;;601;14;;Gawan, der degen balt,
;;;601;15;;sprach: "vrouwe, wâ brich ich den kranz,
;;;601;16;;des mîn dürkel vröude wirt ganz?"
;;;601;17;;er sol si hân gedûhet nider,
;;;601;18;;alsô dicke ist geschehen sider
;;;601;19;;maniger clâren vrouwen.
;;;601;20;;si sprach: "ich lâze iuch schouwen,
;;;601;21;;aldâ ir prîs muget behaben."
;;;601;22;;über velt gegen einem graben
;;;601;23;;riten si sô nâhen,
;;;601;24;;des kranzes boum si sâhen.
;;;601;25;;dô sprach si: "hêrre, jenen stam,
;;;601;26;;den heiet, der mir vröude nam.
;;;601;27;;bringet mir dar ab ein rîs,
;;;601;28;;nie ritter alsô hôhen prîs
;;;601;29;;mit dienst erwarp durch minne."
;;;601;30;;sus sprach diu herzoginne:
;;;602;1;;"hie wil ich mîn reise sparn.
;;;602;2;;got walt es, welt ir vürbaz varn,
;;;602;3;;sô endorft irz niht lengen,
;;;602;4;;ellenthaftez sprengen
;;;602;5;;müezet ir zuo ros alsus
;;;602;6;;über Ligweis Prellius."
;;;602;7;;diu vrouwe bleip ûf dem plân,
;;;602;8;;vürbaz reit hêr Gawan.
;;;602;9;;er erhôrte eines dræten wazzers val,
;;;602;10;;daz het durchbrochen wît ein tal,
;;;602;11;;tief, ungeverteclîch.
;;;602;12;;Gawan, der ellens rîch,
;;;602;13;;nam daz ros mit den sporn.
;;;602;14;;ez treip der degen wol geborn,
;;;602;15;;daz ez mit zwein vüezen trat
;;;602;16;;hin über an daz ander stat.
;;;602;17;;der sprunc mit valle muoste sîn.
;;;602;18;;des weinde iedoch diu herzogîn.
;;;602;19;;der wâc was snel und grôz.
;;;602;20;;Gawan sîner kraft genôz.
;;;602;21;;dô truoc er harnaschlast.
;;;602;22;;daz was eines boumes ast
;;;602;23;;gewahsen in des wazzers trân.
;;;602;24;;den begreif der starke man,
;;;602;25;;wan er dannoch gerne lebte.
;;;602;26;;sîn sper dâ bî im swebte;
;;;602;27;;daz begreif der wîgant.
;;;602;28;;er streich hin ûz an daz lant.
;;;602;29;;Gringulet swam obe und unde,
;;;602;30;;dem er helfen begunde.
;;;603;1;;daz ros sô verre hin nider vlôz,
;;;603;2;;des loufens in dar nâch verdrôz,
;;;603;3;;wan er swær harnasch truoc;
;;;603;4;;er hete wunden ouch genuoc.
;;;603;5;;nû treip ez alsô dâ her,
;;;603;6;;daz erz erreichte mit dem sper,
;;;603;7;;aldâ der regen und der guz
;;;603;8;;erbrochen hete wîten vluz
;;;603;9;;an einer tiefen halden.
;;;603;10;;daz uover was gespalden,
;;;603;11;;daz Gringuleten nerte.
;;;603;12;;mit dem sper erz kêrte
;;;603;13;;sô nâhe her zuo an daz lant,
;;;603;14;;den zoum ergreif er mit der hant.
;;;603;15;;sus zôch mîn hêr Gawan
;;;603;16;;daz ros hin ûf den plân.
;;;603;17;;ez schutte sich, dô ez genas,
;;;603;18;;der schilt dâ niht bestanden was.
;;;603;19;;er gurte dem ros und nam den schilt.
;;;603;20;;wen sînes kumbers niht bevilt,
;;;603;21;;daz lâz ich sîn; er het doch nôt,
;;;603;22;;sît ez diu minne im gebôt.
;;;603;23;;Urgeluse, diu glanze,
;;;603;24;;in jagete nâch dem kranze;
;;;603;25;;daz was ein ellenthaftiu vart.
;;;603;26;;der boum was alsô bewart,
;;;603;27;;wæren Gawans zwên, die müesten ir leben
;;;603;28;;umb den kranz hân gegeben.
;;;603;29;;des pflac der künic Gramolanz.
;;;603;30;;Gawan brach iedoch den kranz.
;;;604;1;;daz wazzer, daz hiez Sabbins.
;;;604;2;;Gawan holte unsanften zins,
;;;604;3;;dô er und daz ros dar în bleste.
;;;604;4;;wie Urgeluse den gleste,
;;;604;5;;ich wolt ir minne alsô niht nemen.
;;;604;6;;ich weiz wol, wes mich sol gezemen.
;;;604;7;;Dô Gawan daz rîs gebrach
;;;604;8;;und der kranz was sînes helmes dach,
;;;604;9;;ez reit zuo im ein ritter clâr.
;;;604;10;;dem wâren sîner zîte jâr
;;;604;11;;weder zuo kurz noch zuo lanc.
;;;604;12;;sîn muot durch hôchvart in betwanc,
;;;604;13;;wie vil ein man im tete leit,
;;;604;14;;daz er doch mit dem niht streit,
;;;604;15;;ir wæren zwêne oder mêr.
;;;604;16;;sîn hôhez herz was sô hêr,
;;;604;17;;waz ime getet ein man,
;;;604;18;;den wolt er âne strît doch lân.
;;;604;19;;fily rois Irot
;;;604;20;;Gawane guoten morgen bôt.
;;;604;21;;daz was der künic Gramolanz.
;;;604;22;;der sprach: "hêrre, umb disen kranz
;;;604;23;;hân ich iu doch niht gar verzigen.
;;;604;24;;mîn gruoz wær noch gar unverswigen,
;;;604;25;;ob iuwer zwêne wæren.
;;;604;26;;die daz niht verbæren,
;;;604;27;;si holten hie durch hôhen prîs
;;;604;28;;ab mînem boum alsus ein rîs,
;;;604;29;;die müesten strît enpfâhen;
;;;604;30;;daz sol mir sus versmâhen."
;;;605;1;;ungerne Gawan mit ime streit,
;;;605;2;;wand der helt ungerne reit.
;;;605;3;;doch vuorte der degen hêr
;;;605;4;;einen mûzersperwer;
;;;605;5;;der stuont ûf sîner clâren hant.
;;;605;6;;Ithonie het im in gesant,
;;;605;7;;Gawan süeziu swester.
;;;605;8;;pfæwîn von Sinzester
;;;605;9;;ein huot ûf sînem houbte was.
;;;605;10;;von samît grüene als ein gras
;;;605;11;;der künic einen mantel vuorte,
;;;605;12;;der vast ûf der erden ruorte,
;;;605;13;;ietwederhalp die örte sîn;
;;;605;14;;diu veder was lieht hermîn.
;;;605;15;;niht zuo grôz, doch starc genuoc
;;;605;16;;was ein pfert, daz den künic truoc,
;;;605;17;;an pferdes schœne niht betrogen,
;;;605;18;;von Tenemarken dar gezogen
;;;605;19;;oder brâht ûf dem mer.
;;;605;20;;der künic reit âne alle wer,
;;;605;21;;wan er vuorte swerte niht.
;;;605;22;;"iuwer schilt iu strîtes giht",
;;;605;23;;sprach der künic Gramolanz,
;;;605;24;;"wan daz ist sô wênic ganz.
;;;605;25;;Let Marveile
;;;605;26;;ist iu worden ze teile.
;;;605;27;;ir habt die âventiur erliten,
;;;605;28;;diu mîn solt hân erbiten,
;;;605;29;;wan daz der wîse Clinsor
;;;605;30;;mir mit vriden gienc hie vor
;;;606;1;;und daz ich gegen der krieges pflige,
;;;606;2;;diu den wâren minnen sige
;;;606;3;;mit clârheit het behalten.
;;;606;4;;si kan noch zornes walten
;;;606;5;;gegen mir. ouch twinget si des nôt:
;;;606;6;;Zidegasten sluoc ich tôt,
;;;606;7;;in selp vierde, ir werden man.
;;;606;8;;Urgelusen ich vuorte dan;
;;;606;9;;ich bôt ir krône, al mîn lant.
;;;606;10;;waz ir dienstes bôt mîn hant,
;;;606;11;;dâ kêrte si gegen ir herzen vâr.
;;;606;12;;mit vliehen het ich si ein jâr
;;;606;13;;und kunde ir minne nie bejagen.
;;;606;14;;daz muoz ich herzelîchen klagen:
;;;606;15;;ich weiz wol, daz si minne bôt,
;;;606;16;;sît ir hie werbet mînen tôt.
;;;606;17;;wært ir nû selb ander komen,
;;;606;18;;ir möht mirz leben hân genomen
;;;606;19;;oder ir wæret beide erstorben;
;;;606;20;;daz het ir dar umb erworben.
;;;606;21;;mîn herz nâch ander minne gât,
;;;606;22;;dâ helf an iuwern gnâden stât,
;;;606;23;;sît ir zuo Terre Marveile sît
;;;606;24;;worden hêrre. iuwer strît
;;;606;25;;het iu den prîs behalten.
;;;606;26;;wolt ir nû güete behalten,
;;;606;27;;sô helfet mir umb ein maget,
;;;606;28;;nâch der mîn herz klaget;
;;;606;29;;diu ist des küniges Lotes kint.
;;;606;30;;alle, die ûf erden sint,
;;;607;1;;betwungen mich sô sêre nie.
;;;607;2;;ich hab ir kleinœtes nû hie.
;;;607;3;;nû dinget ouch mîn dienst dar
;;;607;4;;gegen der megde wol gevar.
;;;607;5;;ouch trûwe ich wol, si sî mir holt,
;;;607;6;;wan ich hab nôt durch sî gedolt.
;;;607;7;;sît Urgeluse, diu rîche,
;;;607;8;;mit worten herzeclîche
;;;607;9;;ir minne mir versagte,
;;;607;10;;ob ich sît prîs bejagte,
;;;607;11;;mir werde wol oder wê,
;;;607;12;;daz schuof diu werde Ithonie.
;;;607;13;;ich hân ir leider niht gesehen.
;;;607;14;;wil iuwer trôst mir helfe jehen,
;;;607;15;;sô bringet diz kleine vingerlîn
;;;607;16;;der clâren, süezen vrouwen mîn.
;;;607;17;;ir sît hie strîtes ledic gar,
;;;607;18;;ez wær den grœzer iuwer schar,
;;;607;19;;doch zwêne oder mêre.
;;;607;20;;wer jæhe mir des vür êre,
;;;607;21;;ob ich iuch slüege oder sicherheit
;;;607;22;;twünge? den strît mîn hant ie streit."
;;;607;23;;Dô sprach mîn hêr Gawan:
;;;607;24;;"ich bin doch werlîch ein man.
;;;607;25;;wolt ir des niht prîs bejagen,
;;;607;26;;würde ich von iuwer hant erslagen,
;;;607;27;;sô hân ich ouch deheinen prîs,
;;;607;28;;daz ich gebrochen hân daz rîs.
;;;607;29;;wer jæhe mirs vür êre grôz,
;;;607;30;;ob ich iuch slüege alsus grôz?
;;;608;1;;ich wil iuwer bote sîn.
;;;608;2;;gebt mir her daz vingerlîn
;;;608;3;;und lât mich iuwern dienst sagen
;;;608;4;;und iuweren kumber niht vertragen."
;;;608;5;;der künic des dankte sêre.
;;;608;6;;Gawan vrâgete in mêre:
;;;608;7;;"sît iu versmâhet gegen mir strît,
;;;608;8;;nû sagt mir, hêrre, wer ir sît."
;;;608;9;;"ir solt ez niht vür laster doln",
;;;608;10;;sprach der künic. "mîn nam ist verholn?
;;;608;11;;mîn vater, der hiez Irot.
;;;608;12;;den ersluoc der künic Lot.
;;;608;13;;ich binz, der künic Gramolanz.
;;;608;14;;mîn hôhez herz ie was sô ganz,
;;;608;15;;daz ich zuo keinen zîten
;;;608;16;;niemer wil strîten,
;;;608;17;;waz mir halt tæte ein man,
;;;608;18;;wan einer, heizet Gawan,
;;;608;19;;von dem ich prîs hân vernomen,
;;;608;20;;daz ich gern gegen im noch wolt komen
;;;608;21;;ûf strît durch mîn riuwe.
;;;608;22;;sîn vater brach sîn triuwe:
;;;608;23;;in dem gruoz er mînen vater sluoc.
;;;608;24;;ich hân zuo rechen dâr genuoc.
;;;608;25;;nû ist Lot erstorben
;;;608;26;;und het Gawan erworben
;;;608;27;;solichen prîs vor ûz besunder,
;;;608;28;;daz ob der tavelrunder
;;;608;29;;im prîses niemen glîchen mac.
;;;608;30;;ich gelebe noch gegen ime strîtes tac."
;;;609;1;;Dô sprach der werde Lotes sun:
;;;609;2;;"wolt ir daz zuo liebe tuon
;;;609;3;;iuwer vriundîn, ob ez diu ist,
;;;609;4;;daz ir sus valschlîchen list
;;;609;5;;von ir vater kunnet sagen
;;;609;6;;und dar zuo gern heten erslagen,
;;;609;7;;ir bruoder, sô ist si ein übel maget,
;;;609;8;;daz si die site an iu niht klaget.
;;;609;9;;künde si tohter oder swester sîn,
;;;609;10;;sô wær si beider vögetîn,
;;;609;11;;daz ir verbæret disen haz.
;;;609;12;;wie stüende iuwerm sweher daz,
;;;609;13;;het er die triuwe zerbrochen?
;;;609;14;;habet ir daz niht gerochen,
;;;609;15;;daz ir in tôt gegen valsch saget?
;;;609;16;;sîn sun des gar ist unverzaget
;;;609;17;;- in sol des niht verdriezen,
;;;609;18;;mac er niht geniezen
;;;609;19;;sîner swester wol gevar -,
;;;609;20;;zuo pfande gît er sich selber dar.
;;;609;21;;hêrre, ich heize Gawan.
;;;609;22;;waz iu mîn vater hât getân,
;;;609;23;;daz rechet an mir - er ist tôt.
;;;609;24;;ich sol vür sîn lasters nôt,
;;;609;25;;hân ich werdeclîchez leben,
;;;609;26;;ûf kampf vür in zuo gîsel geben."
;;;609;27;;Dô sprach der künic: "sît ir daz,
;;;609;28;;dar ich trage unverkornen haz,
;;;609;29;;sô tuot mir iuwer werdicheit
;;;609;30;;beidiu liep und leit.
;;;610;1;;ein dinc tuot mir an iu wol,
;;;610;2;;daz ich mit iu strîten sol.
;;;610;3;;ouch ist iu hôher prîs geschehen,
;;;610;4;;daz ich iu einem hân verjehen
;;;610;5;;gegen iu zuo kampf komende
;;;610;6;;und ist zuo prîs vromende,
;;;610;7;;ob wir werde vrouwen
;;;610;8;;den kampf lâzen schouwen;
;;;610;9;;vünfzehen hundert bringe ich dar.
;;;610;10;;ir habt ouch ein clâre schar
;;;610;11;;ûf Schahtel Marveile.
;;;610;12;;si bringt iu zuo iuwerm teile,
;;;610;13;;vrouwen, iuwer œheim Artus
;;;610;14;;von einem lande, daz alsus,
;;;610;15;;Lover, ist genennet.
;;;610;16;;habt ir die stat erkennet,
;;;610;17;;reinez Bems bî der Korca?
;;;610;18;;des massenîe ist alliu dâ.
;;;610;19;;von hiute über aht tage
;;;610;20;;mit grôzer joi ich ir komen mage.
;;;610;21;;von hiute über ahzehen tage
;;;610;22;;kum ich an mîn alte klage
;;;610;23;;ûf den plân zuo Joflanze
;;;610;24;;nâch gelte disem kranze."
;;;610;25;;der künic Gawanen bat
;;;610;26;;zuo Rosche Sabins in die stat:
;;;610;27;;"ir moget niht ander brücke hân."
;;;610;28;;dô sprach mîn hêr Gawan:
;;;610;29;;"ich wil wider hin als her;
;;;610;30;;anders leist ich iuwer ger."
;;;611;1;;si gâben fîanze,
;;;611;2;;daz si  Joflanze
;;;611;3;;mit ritter und vrouwen her
;;;611;4;;kœmen durch ir zweier wer.
;;;611;5;;aldâ was benant daz tegedinc:
;;;611;6;;si zwên alein in einen rinc.
;;;611;7;;Sus schiet mîn hêr Gawan
;;;611;8;;danne von dem werden man.
;;;611;9;;mit vröuden er leischierte,
;;;611;10;;der kranz in zimierte.
;;;611;11;;er wolt daz ros niht ûf enthaben,
;;;611;12;;mit sporn treip erz an den graben.
;;;611;13;;Gringulet nam bî zîte
;;;611;14;;einen sprunc alsô wîte,
;;;611;15;;daz Gawan vallen gar vermeit.
;;;611;16;;zuo im diu herzoginne reit,
;;;611;17;;aldâ der helt erbeizet was
;;;611;18;;von dem ros ûf daz gras
;;;611;19;;und er dem rosse gurte.
;;;611;20;;zuo sîner antwurte
;;;611;21;;erbeizte snelleclîche
;;;611;22;;diu herzogîn rîche.
;;;611;23;;gegen sînen vüezen si sich bôt.
;;;611;24;;si sprach: "hêrre, solher nôt,
;;;611;25;;als ich hab an iuch begert,
;;;611;26;;der wart nie mîn wirde wert.
;;;611;27;;vür wâr mir iuwer arbeit
;;;611;28;;vüeget solich herzeleit,
;;;611;29;;die enpfâhen sol getriuwez wîp
;;;611;30;;umb ir lieben vriundes lîp."
;;;612;1;;dô sprach er: "vrouwe, ist ez wâr,
;;;612;2;;daz ir mich grüezet âne vâr,
;;;612;3;;sô nâhet ir dem prîse.
;;;612;4;;ich bin doch wol sô wîse:
;;;612;5;;ob der schilt sîn reht sol hân,
;;;612;6;;an dem habet ir missetân.
;;;612;7;;des schiltes ambet ist sô hôch,
;;;612;8;;daz er von spotte ie sich gezôch,
;;;612;9;;wer ritterschaft zuo rehte pflac.
;;;612;10;;vrowe, ob ich sô sprechen mac,
;;;612;11;;wer mich dâ bî het gesehen,
;;;612;12;;der muoz mir ritterschaft jehen.
;;;612;13;;etwenne ir anders jâhet,
;;;612;14;;sît ir mich êrste sâhet.
;;;612;15;;daz lâz ich sîn. nemt hin den kranz.
;;;612;16;;ir solt durch iuwer varwe glanz
;;;612;17;;dekeinem ritter mêre
;;;612;18;;erbieten solich unêre.
;;;612;19;;solt iuwer spot wesen mîn,
;;;612;20;;ich wolt ê âne minne sîn."
;;;612;21;;Diu clâre und diu rîche
;;;612;22;;sprach weinende herzelîche:
;;;612;23;;"hêrre, waz ich iu nôt gesage,
;;;612;24;;waz ich der in mînem herzen trage,
;;;612;25;;sô gebt ir jâmers mir gewin.
;;;612;26;;gegen wem sich krenket mîn sin,
;;;612;27;;der sol ez durch zuht verkiesen.
;;;612;28;;ich mac niemêr verliesen
;;;612;29;;vröude, dan ich hân verlorn
;;;612;30;;an Zidegast, dem ûzerkorn.
;;;613;1;;mîn clâre, süeze bêâs âmîs,
;;;613;2;;sô durchliuhtic was sîn prîs
;;;613;3;;mit rehter wirdicheit ger,
;;;613;4;;ez wære diser oder der,
;;;613;5;;die muoter ie gebâren
;;;613;6;;bî sîner zîte jâren,
;;;613;7;;die muosten im jehen wirdecheit,
;;;613;8;;die ander strît nie überstreit.
;;;613;9;;er was ein quecbrunne der tugent,
;;;613;10;;mit alsô berhafter jugent
;;;613;11;;bewart vor valscher pfliht.
;;;613;12;;ûz der vinster gegen dem lieht
;;;613;13;;het er sich enblecket,
;;;613;14;;sînen prîs sô hôch gestecket,
;;;613;15;;daz in niemen mohte erreichen,
;;;613;16;;den valscheit kunde erweichen.
;;;613;17;;sîn prîs hôch wahsen kunde,
;;;613;18;;daz die anderen wâren drunde,
;;;613;19;;ûz sînes herzen kernen,
;;;613;20;;wie loufet ob allen sternen
;;;613;21;;der sterne Saturnus.
;;;613;22;;der triuwe ein monîzirus,
;;;613;23;;sît ich die wârheit spehen kan,
;;;613;24;;sus was mîn erwünschet man.
;;;613;25;;daz tier die megde solten klagen,
;;;613;26;;ez wirt durch reinikeit erslagen.
;;;613;27;;ich was sîn herz, er was mîn lîp;
;;;613;28;;den verlôs ich verlustbærez wîp.
;;;613;29;;in sluoc der künic Gramolanz,
;;;613;30;;von dem ir vüeret disen kranz.
;;;614;1;;hêrre, ob ich iu leide sprach,
;;;614;2;;von den schulden daz geschach,
;;;614;3;;daz ich versuochen wolte,
;;;614;4;;ob ich iu minne solte
;;;614;5;;bieten durch iuwer wirdicheit.
;;;614;6;;ich weiz wol, hêrre, ich sprach iu leit;
;;;614;7;;daz was durch ein versuochen.
;;;614;8;;nû solt ir des geruochen,
;;;614;9;;daz ir zorn verlieset
;;;614;10;;und mir daz verkieset.
;;;614;11;;ir sît der ellens rîche.
;;;614;12;;dem golde ich iuch gelîche,
;;;614;13;;daz man liutert in der gluot.
;;;614;14;;alsô ist geliutert iuwer muot.
;;;614;15;;dem ich iuch zuo schaden brâhte,
;;;614;16;;als ich gedenke und dô gedâhte,
;;;614;17;;der het mir herzeleit getân."
;;;614;18;;dô sprach mîn hêr Gawan:
;;;614;19;;"vrowe, es wende mich der tôt,
;;;614;20;;ich lêre den künic solich nôt,
;;;614;21;;diu sîn hôchvart letzet.
;;;614;22;;mîn triuwe ich hân versetzet
;;;614;23;;gegen ime ûf kampf zuo rîten
;;;614;24;;in kurzlîchen zîten;
;;;614;25;;dô sullen wir manheit enborn.
;;;614;26;;vrowe, ich hab ûf iuch verkorn.
;;;614;27;;ob ir iu mînen tumben rât
;;;614;28;;durch zuht niht versmâhen lât,
;;;614;29;;ich rât iu wîplîch êre
;;;614;30;;und wirdicheite lêre.
;;;615;1;;nû ist hie niemen dan wir,
;;;615;2;;vrowe, tuot gnâde an mir."
;;;615;3;;si sprach: "an gesêrtem arm
;;;615;4;;bin ich selten worden warm.
;;;615;5;;dâ gegen ich niht wil strîten,
;;;615;6;;ir moget wol zuo andern zîten
;;;615;7;;dienstes lôn an mir bejagen.
;;;615;8;;ich wil iuwer arbeit klagen,
;;;615;9;;unz ir werdet wol gesunt
;;;615;10;;über al, wâ ir sît wunt,
;;;615;11;;unz daz der schade geheile.
;;;615;12;;ûf Schahtel Marveile
;;;615;13;;wil ich mit iu kêren."
;;;615;14;;"ir wolt mir vröude mêren",
;;;615;15;;sprach der minnengerende man.
;;;615;16;;er huop die vrouwen wol getân
;;;615;17;;mit druc an sich ûf daz pfert.
;;;615;18;;des dûht er sich dâ vor niht wert,
;;;615;19;;dô er si ob dem brunnen sach
;;;615;20;;und si sô twirhlingen sprach.
;;;615;21;;Gawan reit mit vröuden siten,
;;;615;22;;doch wart ir weinen niht vermiten,
;;;615;23;;unz er mit ir klagte.
;;;615;24;;er sprach, daz si sagte,
;;;615;25;;war umb ir weinen wær
;;;615;26;;und si durch got daz verbær.
;;;615;27;;Si sprach: "hêrre, ich muoz iu klagen
;;;615;28;;von dem, der mir het erslagen
;;;615;29;;den werden Zidegasten.
;;;615;30;;des muoz mir jâmer tasten
;;;616;1;;in daz herz, dâ diu vröude lac,
;;;616;2;;dô ich Zidegastes minne pflac.
;;;616;3;;ich bin sô niht verdorben,
;;;616;4;;ich hab doch sît erworben
;;;616;5;;des küniges schaden mit koste
;;;616;6;;und manige scharpfe joste
;;;616;7;;gegen sînem verhe gevromt.
;;;616;8;;waz, ob mir an iu helfe komt,
;;;616;9;;diu mich richet und ergetzet,
;;;616;10;;daz mir jâmerz herze wetzet?
;;;616;11;;ûf Gramolanzes tôt
;;;616;12;;enpfienc ich dienst, daz mir bôt
;;;616;13;;ein künic, der des wunsches hêrre was.
;;;616;14;;hêrre, der heizet Anfortas.
;;;616;15;;durch minne ich nam von sîner hant
;;;616;16;;von Tabronit daz krâmgewant,
;;;616;17;;daz noch vor iuwer porte stât,
;;;616;18;;dâ dir daz golt engegen gât.
;;;616;19;;der künic in minnen dienst erwarp,
;;;616;20;;dâ von mîn vröude gar verdarp.
;;;616;21;;dô ich in minne solte wern,
;;;616;22;;dô muost ich niuwes jâmers gern.
;;;616;23;;in mînem dienst erwarp er sêr.
;;;616;24;;glîchen jâmer oder mêr,
;;;616;25;;alsô Zidegast geben kunde,
;;;616;26;;gap mir Anfortases wunde.
;;;616;27;;nû jeht, wie solt ich armez wîp,
;;;616;28;;sît ich hân getriuwen lîp,
;;;616;29;;alsolicher nôt bî sinne sîn?
;;;616;30;;etwen sich krenket ouch der mîn,
;;;617;1;;sît daz er lît sô helfelôs,
;;;617;2;;den ich nâch Zidegast erkôs
;;;617;3;;zergetzen und durch rechen.
;;;617;4;;hêrre, nû hœret sprechen,
;;;617;5;;wâ mit erwarp Clinsor
;;;617;6;;den rîchen krâm vor iuwerm tor.
;;;617;7;;dô der clâre Anfortas
;;;617;8;;minne und vröude erwendet was,
;;;617;9;;der mir den die gâbe sande,
;;;617;10;;dô vorht ich die schande.
;;;617;11;;Clinsor ist stæteclîchen bî
;;;617;12;;der list von nigromanzî,
;;;617;13;;daz er mit zouber twingen kan
;;;617;14;;beidiu wîp und man.
;;;617;15;;waz er werder diet gesiht,
;;;617;16;;die lât er âne kumber niht.
;;;617;17;;durch vride ich Clinsor dar
;;;617;18;;gap mînen krâm nâch rîcheit var.
;;;617;19;;wen diu âventiur würde erliten,
;;;617;20;;wer den prîs het erstriten,
;;;617;21;;an den solt ich minne suochen.
;;;617;22;;wolt er mîn niht geruochen,
;;;617;23;;der krâm wær an der stunde mîn.
;;;617;24;;der sol sus unser zweier sîn.
;;;617;25;;des swuoren, die dâ wâren.
;;;617;26;;dâ mit ich wolte vâren
;;;617;27;;Gramolanzes durch den list,
;;;617;28;;der leider noch unverendet ist.
;;;617;29;;het er die âventiur geholt,
;;;617;30;;sô müest er sterben hân gedolt.
;;;618;1;;Clinsor ist höfsch und wîs.
;;;618;2;;der erloubt mir durch sînen prîs
;;;618;3;;von mîner massenîe erkant
;;;618;4;;ritterschaft über alliu sîn lant
;;;618;5;;mit manigem stich und slage.
;;;618;6;;die ganzen wochen, alle tage,
;;;618;7;;alle die wochen in dem jâr,
;;;618;8;;sunder rote ich hân zuo vâr,
;;;618;9;;dise den tac und jene die naht.
;;;618;10;;mit kost ich schaden hân gedâht
;;;618;11;;Gramolanz, dem hôchgemuot.
;;;618;12;;manigen strît er mit in truoc.
;;;618;13;;waz bewart  ie dar unde?
;;;618;14;;sînes verhes ich vâren kunde.
;;;618;15;;si wâren ze rîch in mînen solt,
;;;618;16;;wart mir dekeiner anders holt,
;;;618;17;;nâch minne ich manigen dienen liez,
;;;618;18;;dem ich doch lônes niht gehiez.
;;;618;19;;mînen lîp gesach nie man,
;;;618;20;;ich möhte wol sînen dienst hân,
;;;618;21;;wan einer, der truoc wâpen rôt.
;;;618;22;;mîn gesinde er brâht in nôt;
;;;618;23;;vür Logrois er kam geriten.
;;;618;24;;dâ entworht er si mit solichem siten,
;;;618;25;;sîn hant si nider ströuwet,
;;;618;26;;daz ich michs wênic vröuwet.
;;;618;27;;zwischen Logrois und iuwerm urvar
;;;618;28;;mîner ritter im volgten vünf dar.
;;;618;29;;die enschumpfierte  ûf dem plân
;;;618;30;;und gap diu ros dem schifman.
;;;619;1;;dô er die mîne überstreit,
;;;619;2;;nâch dem helde ich selbe reit.
;;;619;3;;ich bôt im lant und mînen lîp.
;;;619;4;;er sprach, er het ein schœnez wîp
;;;619;5;;und diu im lieber wære.
;;;619;6;;diu rede was mir swære.
;;;619;7;;ich vrâgte, wer diu möhte sîn.
;;;619;8;;'von Pelraperie diu künigîn,
;;;619;9;;sus ist genant diu lieht gemâl.
;;;619;10;;sô heize ich selbe Parcifal
;;;619;11;;und wil iuwer minne niht.
;;;619;12;;der Grâl mir anders kumbers giht',
;;;619;13;;sprach der helt mit zorne.
;;;619;14;;hin reit der ûzerkorne.
;;;619;15;;hab ich dâr an missetân,
;;;619;16;;wolt ir mich daz wizzen lân,
;;;619;17;;ob ich durch mîn herzenôt
;;;619;18;;dem werden ritter minne bôt,
;;;619;19;;sô krenket sich mîn minne."
;;;619;20;;Gawan zuor herzoginne
;;;619;21;;sprach: "vrowe, ich erkenne in alsô wert,
;;;619;22;;an den ir minne habt begert,
;;;619;23;;het er iuch zuo minne erkorn,
;;;619;24;;iuwer prîs wær an im unverlorn."
;;;619;25;;Gawan, der kurtois,
;;;619;26;;und Urgeluse de Logrois
;;;619;27;;vast an ein ander sâhen,
;;;619;28;;dô si geriten alsô nâhen,
;;;619;29;;daz man si von der burc ersach,
;;;619;30;;dân diu âventiur geschach.
;;;620;1;;dô sprach er: "vrowe, tuot sô wol,
;;;620;2;;ob ich iuch bitten sol:
;;;620;3;;lât mînen namen unerkant,
;;;620;4;;als mich der ritter hât genant,
;;;620;5;;der mir entret Gringuleten.
;;;620;6;;leistet, des ich iuch hân gebeten.
;;;620;7;;wer iuch des vrâgen welle,
;;;620;8;;sô sprecht ir: 'mîn geselle
;;;620;9;;ist mir des unerkennet,
;;;620;10;;er wart mir nie genennet.'"
;;;620;11;;si sprach: "vil gerne ich verdage,
;;;620;12;;sît ir niht wellet, daz ichz in sage."
;;;620;13;;er und diu vrowe wol gevar
;;;620;14;;kêrten gegen der bürge dar.
;;;620;15;;jâ heten die ritter dâ vernomen,
;;;620;16;;daz ein ritter wær komen,
;;;620;17;;der het die âventiure erliten
;;;620;18;;und den lewen überstriten
;;;620;19;;und ouch den Turkoiten sider
;;;620;20;;in rehter juste gevellet nider.
;;;620;21;;innen des reit Gawan
;;;620;22;;gegen dem urvar ûf den plân,
;;;620;23;;daz si in von den zinnen sâhen.
;;;620;24;;si begunden vaste gâhen
;;;620;25;;ûz der burc mit schalle.
;;;620;26;;dô vuorten si alle
;;;620;27;;rîche banier;
;;;620;28;;sus kômen si schier
;;;620;29;;ûf snellen ravîten.
;;;620;30;;er wânde, si wolten strîten.
;;;621;1;;dô er si verre komen sach,
;;;621;2;;hin zuor herzoginne er sprach:
;;;621;3;;"komt jenez volc gegen uns zuo wer?"
;;;621;4;;si sprach: "ez ist Clinsors her,
;;;621;5;;die iuwer kûme hânt erbiten.
;;;621;6;;mit vröuden koment si nû geriten
;;;621;7;;und wellent iuch enpfâhen.
;;;621;8;;daz endarf iu niht versmâhen,
;;;621;9;;sît ez diu vröude in gebôt."
;;;621;10;;nû was ouch Plippalinot
;;;621;11;;mit sîner clâren tohter fier
;;;621;12;;komen in einem ussier.
;;;621;13;;verre ûf dem plân si gegen im gienc,
;;;621;14;;diu maget mit vröuden in enpfienc.
;;;621;15;;Gawan bôt ir sînen gruoz;
;;;621;16;;si kuste im stegreif und vuoz
;;;621;17;;und enpfienc ouch die herzogîn.
;;;621;18;;si nam in bî dem zoume sîn
;;;621;19;;und bat erbeizen den man.
;;;621;20;;diu vrouwe und Gawan
;;;621;21;;giengen an des schiffes ort.
;;;621;22;;ein teppich und ein kulter dort
;;;621;23;;lâgen; an der selben stete
;;;621;24;;diu herzogîn sunder bete
;;;621;25;;zuo Gawan nider saz.
;;;621;26;;des verigen tohter niht vergaz,
;;;621;27;;si entwâpent in, sus hôrte ich sagen.
;;;621;28;;ir mantel het si dar getragen,
;;;621;29;;der des nahtes ob im lac,
;;;621;30;;dô er ir herberge pflac.
;;;622;1;;des was im nôt an der zît.
;;;622;2;;ir mantel und sîn kursît
;;;622;3;;leit an sich hêr Gawan;
;;;622;4;;si truoc daz harnasch her dan.
;;;622;5;;allerêrst diu herzogîn clâr
;;;622;6;;nam Gawan antlitzes war,
;;;622;7;;dô si sâzen bî ein ander.
;;;622;8;;zwêne gebrâten galander,
;;;622;9;;mit wîn ein glesîn barel
;;;622;10;;und zwei blankiu wastel
;;;622;11;;diu süeze maget dar nâher truoc
;;;622;12;;ûf einer tweheln wîz genuoc.
;;;622;13;;die spîse ervlouc ein sprinzelîn.
;;;622;14;;Gawan und diu herzogîn
;;;622;15;;mohtenz wazzer selbe nemen,
;;;622;16;;ob twahens si wolte gezemen;
;;;622;17;;daz si doch beidiu tâten.
;;;622;18;;mit vröude er was berâten,
;;;622;19;;daz er mit ir ezzen solte,
;;;622;20;;durch die er lîden wolte
;;;622;21;;beidiu vröude und nôt.
;;;622;22;;wan si im daz barel bôt,
;;;622;23;;daz gerüeret het ir munt,
;;;622;24;;sô wart im niuwe vröude kunt,
;;;622;25;;daz er nâch ir solte trinken.
;;;622;26;;sîn riuwe begunde hinken
;;;622;27;;und wart sîn hôch gemüete snel.
;;;622;28;;ir süezer munt, ir liehtez vel
;;;622;29;;in von kumber jagete,
;;;622;30;;daz er dekein wunde klagete.
;;;623;1;;Von der burc die vrouwen
;;;623;2;;dise wirtschaft mohten schouwen.
;;;623;3;;anderhalp an daz urvar,
;;;623;4;;manic wert ritter kam aldar.
;;;623;5;;ir bûhurt wart mit künste getân.
;;;623;6;;disehalp hêr Gawan
;;;623;7;;dankte dem verjen und der tohter sîn
;;;623;8;;- alsô tet ouch diu herzogîn -,
;;;623;9;;ir güetlîchen spîse.
;;;623;10;;diu herzogîn wîse
;;;623;11;;sprach: "war ist der ritter komen,
;;;623;12;;von dem diu just wart benomen
;;;623;13;;gester, dô ich hinnen reit?
;;;623;14;;ob den ieman überstreit,
;;;623;15;;weder schiet daz leben oder tôt?"
;;;623;16;;dô sprach Plippalinot:
;;;623;17;;"vrowe, ich sach in hiute leben,
;;;623;18;;der wart mir vür ein ros gegeben.
;;;623;19;;wolt ir ledigen den selben man,
;;;623;20;;dâr umb sol ich Swalwen hân,
;;;623;21;;diu künigîn Secundillen was
;;;623;22;;und die ouch sante Anfortas.
;;;623;23;;mac diu harpfe wesen mîn,
;;;623;24;;ledic ist ouch die Gowertzin."
;;;623;25;;"die harpfen und daz krâmgewant",
;;;623;26;;sprach si, "wil er, mit sîner hant
;;;623;27;;mac geben und behalten,
;;;623;28;;die hie sitzet. lât es in walten.
;;;623;29;;ob ich im sô liep wart ie,
;;;623;30;;er lœset mir den herzogen hie,
;;;624;1;;Lischoisen von Gowertzin,
;;;624;2;;und ouch den andern vürsten mîn,
;;;624;3;;Floranden von Itolac,
;;;624;4;;der nahtes mîner wahte pflac.
;;;624;5;;er was mîn Turkoite alsô,
;;;624;6;;sînes trûrens wirde ich nimer vrô."
;;;624;7;;Gawan sprach zer vrouwen:
;;;624;8;;"ir moget si beide schouwen
;;;624;9;;ledic, ê uns kome diu naht."
;;;624;10;;dô heten si sich des bedâht
;;;624;11;;und vuoren über an daz lant.
;;;624;12;;die herzogîn lieht erkant
;;;624;13;;huop Gawan aber ûf ir pfert.
;;;624;14;;manic edel ritter wert
;;;624;15;;enpfienc in und die herzogîn.
;;;624;16;;si kêrten gegen der bürge hin.
;;;624;17;;dô wart mit vröuden geriten
;;;624;18;;und diu kunst niht vermiten,
;;;624;19;;daz es der bûhurt het êre.
;;;624;20;;waz mac ich sprechen mêre,
;;;624;21;;wan daz der werde Gawan
;;;624;22;;und diu herzogîn wol getân
;;;624;23;;von vrowen enpfangen wart alsô,
;;;624;24;;si mohtens beidiu wesen vrô,
;;;624;25;;ûf Schahtel Marveile?
;;;624;26;;ir muget es im jehen zuo heile,
;;;624;27;;daz im diu sælde ie geschach.
;;;624;28;;dô vuorte in an sîn gemach
;;;624;29;;Arnive und die daz kunden,
;;;624;30;;die bewarten sîne wunden.
;;;625;1;;zuo Arniven sprach Gawan:
;;;625;2;;"vrowe, ich sol einen boten hân."
;;;625;3;;ein juncvrowe wart gesant,
;;;625;4;;diu brâht einen sarjant,
;;;625;5;;manlîch, mit zühten wîse,
;;;625;6;;in sarjandes prîse.
;;;625;7;;der knappe swuor des einen eit,
;;;625;8;;er würbe liep oder leit,
;;;625;9;;daz er des niemen dâ
;;;625;10;;gewüege noch anderswâ,
;;;625;11;;wan dâ erz werben solte.
;;;625;12;;er bat, daz man im holte
;;;625;13;;tinten und permint,
;;;625;14;;Gawan, des küniges Lotes kint,
;;;625;15;;schreip gevuoge mit der hant.
;;;625;16;;er enbôt zuo Lover in daz lant
;;;625;17;;Artuse und des wîbe
;;;625;18;;dienst von sînem lîbe
;;;625;19;;mit triuwen unverschertet;
;;;625;20;;und het er prîs behertet,
;;;625;21;;der wær an werdicheit tôt,
;;;625;22;;si hülfen ime zuo sîner nôt,
;;;625;23;;daz si beide an triuwe dæhten
;;;625;24;;und zuo Joflanze bræhten
;;;625;25;;die massenîe mit vrowen schar;
;;;625;26;;und er kam ouch selbe dar
;;;625;27;;durch kampf ûf al sîn êre.
;;;625;28;;er enbôt in dannoch mêre,
;;;625;29;;der kampf wær alsô genomen,
;;;625;30;;daz er werlîch müeste komen.
;;;626;1;;dar nâch enbôt hêr Gawan,
;;;626;2;;ez wær vrowe oder man,
;;;626;3;;alder massenîe gar,
;;;626;4;;daz si des ir triuwe næmen war,
;;;626;5;;sô daz si dem künige rittende komen;
;;;626;6;;daz solt an werdicheit in vromen.
;;;626;7;;alden werden er enbôt
;;;626;8;;sînen dienst und sînes kampfes nôt.
;;;626;9;;der brief niht ingesigels truoc;
;;;626;10;;er schreip in sus erkant genuoc
;;;626;11;;mit wârzeichen ungelogen.
;;;626;12;;"nû solt daz niht langer zogen",
;;;626;13;;sprach Gawan, "durch den willen mîn.
;;;626;14;;der künic und diu künigîn
;;;626;15;;sint zuo Bems bî der Korca.
;;;626;16;;die künigîn soltû dâ
;;;626;17;;sprechen eines morgens vruo.
;;;626;18;;waz si dir râte, daz tuo,
;;;626;19;;und lâz dir ein witze bî:
;;;626;20;;verswîc, daz ich hie hêrre sî.
;;;626;21;;daz dû hie massenîe sîs,
;;;626;22;;daz sage niht dekein wîs."
;;;626;23;;dem knappen was dannen gâch.
;;;626;24;;Arnive  sleich im senftlîch nâch;
;;;626;25;;diu vrâgte in, war er wolte
;;;626;26;;und waz er werben solte.
;;;626;27;;dô sprach er: "vrowe, ich sage iu niht,
;;;626;28;;ob mir mîn eit des rehten giht.
;;;626;29;;gebietet mir, wan ich muoz varn."
;;;626;30;;er reit nâch wirdeclîchen scharn.
;;;627;1;;Arnive zorn bejagete,
;;;627;2;;daz der knappe ir niht sagete
;;;627;3;;und ir versweic der mære,
;;;627;4;;war er gesendet wære.
;;;627;5;;si bat den, der der porten pflac:
;;;627;6;;"ez sî naht oder tac,
;;;627;7;;sô der knappe wider rîte,
;;;627;8;;sô vüege, daz er mîn bîte,
;;;627;9;;unz daz ich in gespreche;
;;;627;10;;mit dîner kunst daz zeche."
;;;627;11;;doch truoc si ûf den knappen haz.
;;;627;12;;wider în durch vrâgen baz
;;;627;13;;gienc si zer herzoginne.
;;;627;14;;diu pflac ouch der sinne,
;;;627;15;;daz ir munt des niht gewuoc,
;;;627;16;;welhen namen Gawan truoc.
;;;627;17;;sîn bete het an ir bewart,
;;;627;18;;si versweic sînen namen und sîn art.
;;;627;19;;busûn und ander schal
;;;627;20;;ûf dem palas erhal
;;;627;21;;mit vröuderîchen sachen.
;;;627;22;;manic rückelachen
;;;627;23;;in den palas wart gehangen.
;;;627;24;;aldâ wart niht gegangen
;;;627;25;;wan ûf teppichen wol geworht.
;;;627;26;;ez het ein armer wirt ervorht.
;;;627;27;;alumb an allen sîten,
;;;627;28;;mit senften plûmîten
;;;627;29;;manic siz wart dâ geleit
;;;627;30;;und rîch kulter dar ûf gespreit.
;;;628;1;;Gawan nâch arbeit pflac
;;;628;2;;slâfens umb den mitten tac.
;;;628;3;;im wâren sîne wunden
;;;628;4;;mit kunst alsô gebunden,
;;;628;5;;ob vriundîn wære bî ime gelegen
;;;628;6;;und minne het gepflegen,
;;;628;7;;ez wær im senft und guot.
;;;628;8;;er het ouch bezzers slâfes muot
;;;628;9;;dan des nahtes, dô diu herzogîn
;;;628;10;;an ungemach im gap gewin.
;;;628;11;;er erwahte an der vesper zît;
;;;628;12;;doch het er in slâfe strît
;;;628;13;;gestriten mit der minne,
;;;628;14;;aber mit der herzoginne.
;;;628;15;;ein sîn kamerære
;;;628;16;;mit tiurem golde swære
;;;628;17;;brâht im kleider aldar getragen
;;;628;18;;von rîchem pfelle, hôrt ich sagen.
;;;628;19;;dô sprach mîn hêr Gawan:
;;;628;20;;"wir sullen mê kleider hân,
;;;628;21;;diu alliu glîch tiur sîn,
;;;628;22;;dem herzogen von Gowertzin
;;;628;23;;und dem vürsten Florande,
;;;628;24;;der in manigem lande
;;;628;25;;het gedienet wirdicheit.
;;;628;26;;nû schafft, daz diu sîn bereit."
;;;628;27;;bî einem knappen er enbôt
;;;628;28;;sînem wirt Plippalinot,
;;;628;29;;daz er im sante Lischoisen dar.
;;;628;30;;bî sîner tohter wol gevar
;;;629;1;;wart Lischois dar ûf gesant.
;;;629;2;;vrowe Bene brâht in an der hant
;;;629;3;;durch Gawanes hulde
;;;629;4;;und ouch durch die schulde:
;;;629;5;;Gawan ir vater wol hiez,
;;;629;6;;dô er si sêre weinende liez
;;;629;7;;des tages, dô er von ir reit,
;;;629;8;;dâ prîs erwarp sîn manheit.
;;;629;9;;der Turkoite was ouch komen.
;;;629;10;;an den beiden wart vernomen
;;;629;11;;Gawans enpfâhen âne haz.
;;;629;12;;ietweder nider zuo im saz,
;;;629;13;;unz man in kleider dar getruoc;
;;;629;14;;diu wâren kostlîch genuoc,
;;;629;15;;daz si niht bezzer mohten sîn.
;;;629;16;;diu brâht man in allen drîn.
;;;629;17;;ein meister, der hiez Sarant,
;;;629;18;;nâch dem Seres wart genant,
;;;629;19;;der was von Triande.
;;;629;20;;in Secundillen lande
;;;629;21;;stât ein stat, heizet Thasme;
;;;629;22;;diu ist grœzer dan Ninive
;;;629;23;;oder dan diu wîte Acraton.
;;;629;24;;Sarant durch prîses lôn
;;;629;25;;eines pfelles dâ gedâht
;;;629;26;;- sîn werc vil spæhe brâht -,
;;;629;27;;der heizet saranthasmê.
;;;629;28;;ob der iht rîchelîchen stê,
;;;629;29;;daz moget ir âne vrâgen lân,
;;;629;30;;wan er muoz grôzer koste hân.
;;;630;1;;diu selben kleider leiten an
;;;630;2;;die zwêne und Gawan.
;;;630;3;;si giengen ûf den palas,
;;;630;4;;dâ einhalp manic ritter was,
;;;630;5;;anderhalp die clâren vrouwen.
;;;630;6;;wer rehte konde schouwen,
;;;630;7;;von Logrois diu herzogîn
;;;630;8;;truoc vor ûz den besten schîn.
;;;630;9;;der wirt und die geste
;;;630;10;;stuonden vür si, diu dâ gleste,
;;;630;11;;diu Urgeluse was genant.
;;;630;12;;der Turkoite Florant
;;;630;13;;und Lischois, der clâre,
;;;630;14;;wurden ledic âne vâre,
;;;630;15;;die zwên vürsten kurtois,
;;;630;16;;durch die herzogîn von Logrois.
;;;630;17;;si dankte Gawan dâr umbe,
;;;630;18;;gegen valscheit diu tumbe
;;;630;19;;und durch diu herzelîchen wîse
;;;630;20;;durch die wîplîchen prîse.
;;;630;21;;dô disiu rede geschach,
;;;630;22;;Gawan vier künigîn sach
;;;630;23;;bî der herzogîn stên.
;;;630;24;;er bat die zwên nâher gên
;;;630;25;;durch sîn kurtoisîe;
;;;630;26;;die jungern drîe
;;;630;27;;hiez er küssen dise zwêne.
;;;630;28;;nû was ouch vrowe Bene
;;;630;29;;mit Gawan dar gegangen;
;;;630;30;;diu wart dâ wol enpfangen.
;;;631;1;;Der wirt niht langer wolte stân;
;;;631;2;;er bat die zwên sitzen gân
;;;631;3;;zuo den vrowen, wâ si wolten,
;;;631;4;;daz si dô tuon solten.
;;;631;5;;diu bete tet in niht sô wê.
;;;631;6;;"welhez ist Ithonie?",
;;;631;7;;sprach der werde Gawan.
;;;631;8;;"diu sol mich bî ir sitzen lân."
;;;631;9;;des vrâgte er Benen stille,
;;;631;10;;sît ez was sîn wille,
;;;631;11;;dô zougte si im die maget clâr.
;;;631;12;;"diu den rôten munt, daz brûne hâr
;;;631;13;;dort treit bî liehten ougen,
;;;631;14;;wolt ir sprechen tougen,
;;;631;15;;daz tuot gevuoclîche",
;;;631;16;;sprach Bene, diu zühterîche.
;;;631;17;;diu weste Ithonien minne nôt
;;;631;18;;und daz ir herze dienste bôt
;;;631;19;;der werde künic Gramolanz
;;;631;20;;mit ritterlîchen triuwen ganz.
;;;631;21;;Gawan saz nider zuo der magt.
;;;631;22;;ich sage iu, daz mir wart gesagt:
;;;631;23;;sîner rede er dô begunde
;;;631;24;;mit vuoge, wan erz kunde.
;;;631;25;;ouch kunde si gebâren,
;;;631;26;;daz von sô kurzen jâren,
;;;631;27;;als Ithonie, diu junge, truoc,
;;;631;28;;den het si zuht genuoc.
;;;631;29;;er het sich vrâge gegen ir bewegen,
;;;631;30;;ob si noch minne kunde pflegen.
;;;632;1;;dô sprach diu maget mit sinnen:
;;;632;2;;"hêrre, wen solte ich minnen?
;;;632;3;;sît mir mîn êrster tac erschein,
;;;632;4;;sô wart ritter nie dekein,
;;;632;5;;zuo dem ich ie spræche wort,
;;;632;6;;wan als ir hiute habt gehôrt."
;;;632;7;;"sô möhten iu doch mær komen,
;;;632;8;;wâ ir mit manheit het vernomen
;;;632;9;;bejagten prîs mit ritterschaft
;;;632;10;;und wer mit herzelîcher kraft
;;;632;11;;nâch minne dienst bieten kan",
;;;632;12;;sus sprach mîn hêr Gawan.
;;;632;13;;des antwurt im diu clâre maget:
;;;632;14;;"nâch minne ist dienst mich verdaget,
;;;632;15;;wan der herzogîn von Logrois
;;;632;16;;dienet manic ritter kurtois
;;;632;17;;beidiu nâch minne und umb ir solt.
;;;632;18;;der het maniger hie geholt
;;;632;19;;justieren, dâ wirz sâhen.
;;;632;20;;ir dekeiner nie sô nâhen
;;;632;21;;kam, als ir uns komen sît.
;;;632;22;;den prîs ûf hœhet iuwer strît."
;;;632;23;;er sprach zer megde wol gevar:
;;;632;24;;"war krieget der herzogîn schar
;;;632;25;;sus manic ritter ûzerkorn?
;;;632;26;;wer het ir hulde verlorn?"
;;;632;27;;si sprach: "daz het Gramolanz,
;;;632;28;;der der wirdecheite kranz
;;;632;29;;treit, als im diu volge giht.
;;;632;30;;hêrre, des erkenn ich anders niht."
;;;633;1;;dô sprach mîn hêr Gawan:
;;;633;2;;"ir solt sîn vürbaz künde hân,
;;;633;3;;sît er sich prîse nâhet
;;;633;4;;und des mit willen gâhet.
;;;633;5;;von sînem munde ich hân vernomen,
;;;633;6;;daz er Herczeloide ist komen
;;;633;7;;mit dienst, ob irs ruochet,
;;;633;8;;sô daz ir helfe suochet
;;;633;9;;durch trôst an iuwer minne.
;;;633;10;;künic durch küniginne
;;;633;11;;sol billîch enpfâhen nôt.
;;;633;12;;vrowe, hiez iuwer vater Lot,
;;;633;13;;sô sît irz, die er meinet,
;;;633;14;;nâch der sîn herz weinet.
;;;633;15;;und heizet ir Ithonie,
;;;633;16;;sô tuot ir im von herzen wê.
;;;633;17;;ob ir triuwe kunnet tragen,
;;;633;18;;sô solt ir wenden im sîn klagen.
;;;633;19;;beidenthalp wil ich des bote sîn.
;;;633;20;;vrouwe, nemt diz vingerlîn;
;;;633;21;;daz sant iu der clâre.
;;;633;22;;ouch wirb ichz âne vâre,
;;;633;23;;vrowe, daz lât albalde an mich."
;;;633;24;;si begunde allerêrst vröwen sich.
;;;633;25;;als ê was gevar ir munt,
;;;633;26;;wart aldem antlitz kunt.
;;;633;27;;dar nâch schier wart si anders var.
;;;633;28;;si greif alblœdeclîchen dar;
;;;633;29;;daz vingerlîn wart schier erkant,
;;;633;30;;si enpfienc ez mit ir clâren hant.
;;;634;1;;dô sprach si: "hêrre, ich sihe nû wol,
;;;634;2;;ob ich sô vor iu sprechen sol,
;;;634;3;;daz ir von im rîtet,
;;;634;4;;nâch dem mîn herz strîtet.
;;;634;5;;ob ir der zuht ir reht nû tuot,
;;;634;6;;hêrre, diu lêret iuch helden muot.
;;;634;7;;disiu gâbe ist mir ie gesant
;;;634;8;;von des werden küniges hant.
;;;634;9;;von im seite wâr diz vingerlîn,
;;;634;10;;er enpfienc ez von der hende mîn.
;;;634;11;;waz er kumbers ie gewan,
;;;634;12;;dâ bin ich gar unschuldic an,
;;;634;13;;wan sînen lîp hân ich gewert
;;;634;14;;mit gedanken, waz er an mich gert.
;;;634;15;;er het schier daz vernomen,
;;;634;16;;möhte ich iemer vürbaz komen.
;;;634;17;;Urgelusen ich geküsset hân,
;;;634;18;;diu sînen tôt sus werben kan.
;;;634;19;;daz was ein kus, den Judas truoc,
;;;634;20;;dâ von man sprichet noch genuoc.
;;;634;21;;alliu triuwe an mir verswant,
;;;634;22;;daz der Turkoite Florant
;;;634;23;;und der herzoge von Gowertzin
;;;634;24;;von mir geküsset solte sîn.
;;;634;25;;mîn suone wirt in doch nimmer ganz,
;;;634;26;;die gegen dem künige Gramolanz
;;;634;27;;mit stæte ir hazzen kunnen tragen.
;;;634;28;;mîn muoter ir daz solt verdagen
;;;634;29;;und mîn swester Condrie."
;;;634;30;;des bat Gawanen Ithonie.
;;;635;1;;"hêrre, ir bâtet mich alsus,
;;;635;2;;daz ich enpfâhen müese ir kus
;;;635;3;;dô unverkorn an mînem munt;
;;;635;4;;des ist mîn herze ungesunt.
;;;635;5;;wirt uns zwênen iemer vröude erkant,
;;;635;6;;diu helfe stât in iuwer hant.
;;;635;7;;vür wâr der künic mînen lîp
;;;635;8;;minnet vür alliu wîp.
;;;635;9;;des wil ich in geniezen lân;
;;;635;10;;ich bin im holt vür alle man.
;;;635;11;;got lêre iuch helfe und rât,
;;;635;12;;durch daz ir uns bî vröuden lât."
;;;635;13;;dô sprach er: "vrowe, nû lêrt mich wie.
;;;635;14;;er het iuch dort, ir habt in hie
;;;635;15;;und sît doch underscheiden.
;;;635;16;;möht ich nû wol iu beiden
;;;635;17;;mit triuwen solhen rât geben,
;;;635;18;;des iuwer minneclîchez leben
;;;635;19;;genüzze, ich solte ez werben;
;;;635;20;;des enliez ich niht verderben."
;;;635;21;;si sprach: "ir solt gewaltic sîn
;;;635;22;;des werden küniges und mîn.
;;;635;23;;iuwer helfe und der gotes segen
;;;635;24;;muoze iuwer zweier minne pflegen,
;;;635;25;;sô daz ich vröuden ellende
;;;635;26;;in sînen kumber wende.
;;;635;27;;sît al sîn vröude stât an mir,
;;;635;28;;wan ich untriuwe enbir,
;;;635;29;;sô ist iemer mînes herzen ger,
;;;635;30;;daz ich in mîner minne wer."
;;;636;1;;Gawan hôrte an dem vröuwelîn,
;;;636;2;;daz si bî minne solte sîn.
;;;636;3;;dar zuo was ouch niht zuo laz
;;;636;4;;gegen der herzogîn ir haz.
;;;636;5;;sus truoc si minne und haz.
;;;636;6;;ouch het er sich gesundet baz
;;;636;7;;gegen der einvalten maget,
;;;636;8;;diu im ir kumber het geklaget,
;;;636;9;;wan er ir niht zuo gewuoc,
;;;636;10;;daz si und  ein muoter truoc.
;;;636;11;;ouch was ir beider vater Lot.
;;;636;12;;der megde er sîn helfe bôt,
;;;636;13;;dâ gegen si tougenlîchen neic,
;;;636;14;;daz er si trœsten niht versweic.
;;;636;15;;nû was doch zît, daz man dar truoc
;;;636;16;;manic tischlachen wîz genuoc
;;;636;17;;und daz brôt ûf den palas,
;;;636;18;;daz manic clâriu vrowe was.
;;;636;19;;daz het ein underscheit erkant,
;;;636;20;;daz die ritter eine want
;;;636;21;;heten sunder dort hin dan.
;;;636;22;;den sedel schuof hêr Gawan.
;;;636;23;;der Turkoite mit im az,
;;;636;24;;Lischois bî Gawans muoter saz,
;;;636;25;;der clâren Sangiven.
;;;636;26;;mit der künigîn Arniven
;;;636;27;;az diu herzogîn clâr.
;;;636;28;;sîn swester, beide wol gevar,
;;;636;29;;Gawan zuo im sitzen liez.
;;;636;30;;ietwederiu tet, als er si hiez.
;;;637;1;;mîn kunst mir des niht halben giht,
;;;637;2;;ich bin solich küchen meister niht,
;;;637;3;;daz ich die spîse kunne sagen,
;;;637;4;;diu dâ mit zuht wart vür getragen.
;;;637;5;;dem wirt und den vrowen gar
;;;637;6;;dienden megde wol gevar.
;;;637;7;;anderhalp den rittern an der want
;;;637;8;;diende manic sarjant.
;;;637;9;;ein vorhtlîch zuht si des betwanc,
;;;637;10;;daz sich der knappen keiner dranc
;;;637;11;;mit den juncvrouwen.
;;;637;12;;man muoste si sunder schouwen,
;;;637;13;;si trüegen spîse oder wîn;
;;;637;14;;sus muosten si mit zühten sîn.
;;;637;15;;si mohten dô wol wirtschaft jehen.
;;;637;16;;ez was in selten ê beschehen,
;;;637;17;;den vrowen und der ritterschaft,
;;;637;18;;sît si Clinsors kraft
;;;637;19;;mit sînen listen überwant.
;;;637;20;;si wâren ein ander unbekant
;;;637;21;;und beslôz si doch ein porte,
;;;637;22;;daz si ze gegenworte
;;;637;23;;nie kômen, vrowen und die man.
;;;637;24;;dô schuof mîn hêr Gawan,
;;;637;25;;daz diz volc ein ander sach,
;;;637;26;;dâr an in liebes vil beschach.
;;;637;27;;Gawan was ouch liep beschehen,
;;;637;28;;doch muost er tugentlîchen sehen
;;;637;29;;an die clâren herzoginne;
;;;637;30;;diu twanc sînes herzen minne.
;;;638;1;;Nû begunde ouch strîchen der tac,
;;;638;2;;daz sîn schîn vil nâhe lac
;;;638;3;;und daz man durch die wolken sach,
;;;638;4;;daz man der naht zuo boten jach,
;;;638;5;;manigen sternen, der balde gienc,
;;;638;6;;wan er der naht  herberge vienc.
;;;638;7;;nâch der banier
;;;638;8;;kam si selbe schier.
;;;638;9;;manic tiuriu krône
;;;638;10;;was gehangen schône
;;;638;11;;alumb ûf dem palas,
;;;638;12;;diu schiere wol bekerzet was.
;;;638;13;;ûf alle die tische sunder
;;;638;14;;truoc man kerzen dar ein wunder.
;;;638;15;;dar zuo diu âventiure giht,
;;;638;16;;diu herzogîn wær sô lieht,
;;;638;17;;wær der kerzen keiniu brâht,
;;;638;18;;dâ wær doch nindert bî ir naht.
;;;638;19;;ir blic wol selbe kunde tagen,
;;;638;20;;sus hœre ich von der süezen sagen.
;;;638;21;;man welle im unrehtes jehen,
;;;638;22;;sô habent si selten ê gesehen
;;;638;23;;dekeinen wirt sô vröuden rîch.
;;;638;24;;ez was den vröuden sô gelîch.
;;;638;25;;alsus mit vröudehafter ger
;;;638;26;;die ritter dar, die vrowen her
;;;638;27;;dicke an ein ander blicten.
;;;638;28;;die von der vremde erschricten,
;;;638;29;;werdent si iemer heimlîcher baz,
;;;638;30;;daz sol ich lâzen âne haz.
;;;639;1;;Ez sî den gar ein vrâz,
;;;639;2;;wolt ir, si habent genuoc dâ gâz.
;;;639;3;;man truoc die tische gar her dan.
;;;639;4;;dô vrâgte mîn hêr Gawan
;;;639;5;;umb guote videlære,
;;;639;6;;ob ir dâ keiner wære.
;;;639;7;;dâ was werder knappen vil
;;;639;8;;wol gelêret ûf seiten spil.
;;;639;9;;ir keines kunst was doch sô ganz,
;;;639;10;;si müesten strîchen alten tanz.
;;;639;11;;iuwer tenze was dâ wênic vernomen,
;;;639;12;;der uns von Duringen vil ist komen.
;;;639;13;;nû danket es dem wirte,
;;;639;14;;ir vröude er si niht irte.
;;;639;15;;manigiu vrowe wol gevar
;;;639;16;;giengen vür in tanzen dar.
;;;639;17;;sus wart ir tanz gezieret,
;;;639;18;;wol underparrieret
;;;639;19;;die ritter underz vrowen her
;;;639;20;;gegen der riuwe kômen zuo wer.
;;;639;21;;ouch mohte man dâ schouwen
;;;639;22;;ie zwischen zwein vrouwen
;;;639;23;;einen clâren ritter gân;
;;;639;24;;man mohte vröude an in verstân.
;;;639;25;;welch ritter pflac der sinne,
;;;639;26;;daz er dienst bôt durch minne,
;;;639;27;;diu bete was erlouplîch.
;;;639;28;;die sorgen an in die vrowen rîch
;;;639;29;;mit rede vertriben ir stunde
;;;639;30;;gegen manigem süezen munde.
;;;640;1;;Gawan und Sangive
;;;640;2;;und diu künigîn Arnive
;;;640;3;;sâzen stille bî des tanzes schar.
;;;640;4;;diu herzogîn wol gevar
;;;640;5;;her umb zuo Gawan sitzen gienc;
;;;640;6;;ir hant er in die sîn enpfienc,
;;;640;7;;si sprâchen sus und sô.
;;;640;8;;ir komens was er vrô.
;;;640;9;;sîn riuwe smal, sîn vröude breit
;;;640;10;;wart dô, sus swant im sîn leit.
;;;640;11;;was ir vröude an dem tanze grôz,
;;;640;12;;Gawan noch minner hie verdrôz.
;;;640;13;;diu künigîn Arnive sprach:
;;;640;14;;"hêrre, nû brüefet iuwer gemach.
;;;640;15;;ir solt an disen stunden
;;;640;16;;ruowen. zuo iuwern wunden
;;;640;17;;het sich diu herzogîn erwegen,
;;;640;18;;daz si iuwer wil mit decke pflegen
;;;640;19;;noch hînt geselleclîch;
;;;640;20;;daz ist helfe und râtes rîch."
;;;640;21;;Gawan sprach: "des vrâget sie."
;;;640;22;;"in iuwer beider gebot hie
;;;640;23;;bin ich", sprach diu herzogîn.
;;;640;24;;"er sol in iuwer pflege sîn.
;;;640;25;;lât diz volc slâfen varn.
;;;640;26;;ich sol in hînt wol bewarn,
;;;640;27;;daz sîn nie vriundîn baz gepflac.
;;;640;28;;Floranden von Itolac
;;;640;29;;und den herzogen von Gowertzin
;;;640;30;;lât in der ritter pfleger sîn."
;;;641;1;;dar nâch nam ein ende der tanz.
;;;641;2;;juncvrowen mit varwe glanz,
;;;641;3;;die sâzen dort und hie,
;;;641;4;;die ritter sâzen zwischen sie.
;;;641;5;;des vröude sich an sorgen rach,
;;;641;6;;wer dar nâch werder minne sprach,
;;;641;7;;ob er nante süeziu gegenwort.
;;;641;8;;von dem wirt wart gehôrt,
;;;641;9;;man solt daz trinken vür in tragen.
;;;641;10;;daz mohten werbære klagen.
;;;641;11;;der wirt wart mit den gesten,
;;;641;12;;in kunde ouch minne lesten.
;;;641;13;;ir sitzen dûhte in gar zuo lanc,
;;;641;14;;sîn herze ouch werdiu minne twanc.
;;;641;15;;daz trinken gap in urloup.
;;;641;16;;manigen kerzînen schoup
;;;641;17;;truoc man vor den rittern dan.
;;;641;18;;dô bevalch mîn hêr Gawan
;;;641;19;;dise zwêne geste in allen;
;;;641;20;;daz muoste in wol gevallen.
;;;641;21;;Lischois und Florant
;;;641;22;;vuoren slâfen al zehant.
;;;641;23;;diu herzogîn wart sô bedâht,
;;;641;24;;si sprach, si gonde in guoter naht.
;;;641;25;;dô vuor ouch al der vrowen schar,
;;;641;26;;dâ si gemaches nâmen war.
;;;641;27;;ir nîgens si begunden
;;;641;28;;mit zuht, die si wol kunden.
;;;641;29;;Sangive und Ithonie
;;;641;30;;vuoren dan, als tet ouch Condrie.
;;;642;1;;Bene und Arnive dô
;;;642;2;;schuofen, daz ez stüende alsô,
;;;642;3;;dâ von der wirt gemach erleit.
;;;642;4;;diu herzogîn daz niht vermeit,
;;;642;5;;dâ wær ir helfe nâhe bî.
;;;642;6;;Gawanen vuorten dise drî
;;;642;7;;mit in dan durch sîn gemach.
;;;642;8;;in einer kemenâten er sach
;;;642;9;;zwei bette sunder ligen.
;;;642;10;;nû wirt ouch gar von mir verswigen,
;;;642;11;;wie diu gehêret wæren;
;;;642;12;;ez nâhet andern mæren.
;;;642;13;;Arnive zer herzogîn sprach:
;;;642;14;;"nû solt ir schaffen guot gemach
;;;642;15;;disem ritter, den ir brâhtet her.
;;;642;16;;dô der an iu helfe ger,
;;;642;17;;iuwer helfe habt ir êre.
;;;642;18;;ich sage iu nû niht mêre,
;;;642;19;;wan daz sîn wunden
;;;642;20;;mit kunst sint sô gebunden,
;;;642;21;;er möhte nû wol wâpen tragen;
;;;642;22;;doch solt ir sînen kumber klagen,
;;;642;23;;ob ir im in senftet, daz ist guot.
;;;642;24;;gelêret ir in hôhen muot,
;;;642;25;;des mugen wir als geniezen;
;;;642;26;;nû lâts iuch niht verdriezen."
;;;642;27;;diu künigîn Arnive ouch gienc,
;;;642;28;;dô si zuo hof urloup enpfienc;
;;;642;29;;Bene ein lieht truoc vür in dan.
;;;642;30;;die tür beslôz hêr Gawan.
;;;643;1;;künnen si zwei nû minne steln,
;;;643;2;;daz mac ich unsanfte heln.
;;;643;3;;ich sage vil lîht, waz dâ geschach,
;;;643;4;;wan daz man ungevüege ie jach,
;;;643;5;;der verholniu mære mahte breit.
;;;643;6;;ez ist ouch noch den hœhesten leit,
;;;643;7;;ouch unsæliget er sich dâ mite.
;;;643;8;;zuht ist daz slôz ob minnen site.
;;;643;9;;Nû vuoget diu strenge minne
;;;643;10;;und diu clâre herzoginne,
;;;643;11;;daz Gawans wer was verzert:
;;;643;12;;er wær iemer unernert
;;;643;13;;sunder âmîen.
;;;643;14;;die philosophîen
;;;643;15;;und alle, die ie gesâzen,
;;;643;16;;dâ si starke liste mâzen,
;;;643;17;;Kanchor und Thebit
;;;643;18;;und Trebuchet, der smit,
;;;643;19;;der Frimutel swert ergruop,
;;;643;20;;dâ von sich starkez wunder huop,
;;;643;21;;dar zuo aller der arzet kunst,
;;;643;22;;ob si im trüegen guote gunst
;;;643;23;;mit temperîe ûz würze kraft,
;;;643;24;;âne wîplîch geselleschaft
;;;643;25;;sô mües er sîn scharpfe nôt
;;;643;26;;hân brâht unz an sînen tôt.
;;;643;27;;ich wil daz mære machen kurz:
;;;643;28;;er vant die rehten hirzwurz,
;;;643;29;;diu im half, daz er genas,
;;;643;30;;sô daz im arges niht enwas;
;;;644;1;;diu würze was bî dem blanken brûn.
;;;644;2;;muoterhalp der Britun,
;;;644;3;;Gawan, fili roi Lot,
;;;644;4;;süezer senfte vür sûre nôt
;;;644;5;;er mit werder helfe pflac
;;;644;6;;helflîch unz an den tac.
;;;644;7;;sîn helfe was doch sô gedigen,
;;;644;8;;daz allem volc was verswigen.
;;;644;9;;sît nam er mit vröuden war
;;;644;10;;der ritter und der vrowen gar.
;;;644;10;1;sô süezeclîch er mit in warp,
;;;644;11;;daz gar ir trûren dô verdarp.
;;;644;12;;Nû lâzen wir diz mære hie
;;;644;12;1;und kêren wider, dâ ich ez lie,
;;;644;13;;ich mein, dô Gawan hete gesant
;;;644;14;;den boten zuo Lover in daz lant.
;;;644;16;;vernemet, waz er würbe dâ.
;;;644;15;;zuo Bems bî der Korca
;;;644;17;;was Artus und diu künigîn
;;;644;18;;und maniger liehter vrouwen schîn,
;;;644;19;;der werden massenîe ein vluot.
;;;644;20;;nû hœret, wie der knappe tuot:
;;;644;21;;diz was eines morgens vruo,
;;;644;22;;sîner botschaft greif er zuo.
;;;644;23;;dô er zuor künigîn komen was,
;;;644;24;;in der kappel si ir salter las.
;;;644;25;;der knappe vür si kniete
;;;644;26;;und bôt ir vreude miete.
;;;644;27;;einen brief gap er ir in die hant,
;;;644;28;;dâr an si geschriben vant
;;;644;29;;geschrift, die si bekande,
;;;644;30;;ê sînen hêrren nande
;;;645;1;;der knappe, den si dâ knien sach.
;;;645;2;;diu künigîn zuom brief sprach:
;;;645;3;;"ôwol der hant, diu dich schreip!
;;;645;4;;âne sorge ich nie bleip
;;;645;5;;sît des tages, daz ich in sach,
;;;645;6;;von des hant disiu schrift geschach."
;;;645;7;;si weinte und was doch vrô.
;;;645;8;;hin zem knappen sprach si dô:
;;;645;9;;"dû bist Gawanes kneht."
;;;645;10;;"jâ, vrowe, der enbiutet iu sîn reht,
;;;645;11;;dienstlîch triuwe âne allen wanc
;;;645;12;;und dâ bî sîn vröude kranc,
;;;645;13;;ir wellet im vröude machen hôch.
;;;645;14;;sô kumberlîch ez sich gezôch
;;;645;15;;nie umb alle sîn êre.
;;;645;16;;vrouwe, er enbiutet iu mêre,
;;;645;17;;daz er mit werden vröuden lebe,
;;;645;18;;und vreischet er iuwers trôstes gebe.
;;;645;19;;ir moget wol an dem brieve sehen
;;;645;20;;mê, dan ich iu kan verjehen."
;;;645;21;;si sprach: "ich hân vür wâr erkant,
;;;645;22;;durch waz dû zuo mir bist gesant.
;;;645;23;;ich tuon im werden dienst dar
;;;645;24;;mit minneclîcher vrowen schar,
;;;645;25;;die vür wâr bî mîner zît
;;;645;26;;vor ûz an prîse hânt den strît.
;;;645;27;;âne Parcifals wîp
;;;645;28;;und âne Urgelusen lîp
;;;645;29;;sô erkenne ich ûf der erde
;;;645;30;;bî touf kein sô werde.
;;;646;1;;sît Gawan von Artuse reit,
;;;646;2;;sô het sorge und leit
;;;646;3;;mit kraft ûf mich geleit ir prîs.
;;;646;4;;mir saget Melianz von Liz,
;;;646;5;;er sæhe in sît zuo Barbigol.
;;;646;6;;owê", sprach si, "Plimizol,
;;;646;7;;daz dich mîn ouge ie gesach!
;;;646;8;;waz leides mir bî dir geschach!
;;;646;9;;Cunneware de Lalant
;;;646;10;;wart mir nimer sît bekant,
;;;646;11;;mîn süeziu, werdiu gespil.
;;;646;12;;der tavelrunder wart dâ vil
;;;646;13;;mit rede ir reht gebrochen.
;;;646;14;;vünftehalp jâr und sehs wochen
;;;646;15;;ist, daz der werde Parcifal
;;;646;16;;von dem Plimizol nâch dem Grâl
;;;646;17;;reit. dô kêrte ouch Gawan
;;;646;18;;gegen Ascalun, der werde man.
;;;646;19;;Jeschute und Ecuba
;;;646;20;;schieden sich ouch von mir dâ.
;;;646;21;;grôz jâmer nâch der werden diet
;;;646;22;;mich sît von stæten vröuden schiet."
;;;646;23;;diu künigîn trûrens vil verjach.
;;;646;24;;hin zem knappen si dô sprach:
;;;646;25;;"nû volge mîner lêre:
;;;646;26;;verholn von mir kêre,
;;;646;27;;unz sich hôch erhebe der tac,
;;;646;28;;daz daz volc zuo hove wesen mac,
;;;646;29;;ritter und sarjant,
;;;646;30;;die grôzen mahinant.
;;;647;1;;ûf den hof dû balde drabe.
;;;647;2;;enruoch, ob dîn runzît niemen habe;
;;;647;3;;dâ von soltû balde gân,
;;;647;4;;dâ die werden ritter stân.
;;;647;5;;die vrâgent dich âventiure;
;;;647;6;;als dû gâhest ûz einem viure,
;;;647;7;;gebâr mit rede und mit siten.
;;;647;8;;von in vil kûme wirt erbiten,
;;;647;9;;waz dû mære bringest.
;;;647;10;;waz irret, ob dû dringest
;;;647;11;;durch daz volc unz an den wirt,
;;;647;12;;der gegen dir grüezen niht verbirt?
;;;647;13;;den brief, den gip im in die hant,
;;;647;14;;dâr an er schier het erkant
;;;647;15;;dîniu mære und dînes herzen ger;
;;;647;16;;des ist er mit der volge wer.
;;;647;17;;noch mê wil ich lêren dich:
;;;647;18;;offenlîch soltû sprechen mich,
;;;647;19;;dâ ich und ander vrouwen
;;;647;20;;dich hœren und schouwen.
;;;647;21;;dâ wirp umb uns, als dû wol kanst,
;;;647;22;;ob dû dînem hêrren guotes ganst,
;;;647;23;;und sage mir: wâ ist Gawan?"
;;;647;24;;der knappe sprach: "daz wirt verlân;
;;;647;25;;ich sage iu niht, wâ er sî.
;;;647;26;;wolt ir, erwerben blîbet vröuden bî."
;;;647;27;;Der knappe was des râtes vrô.
;;;647;28;;von der künigîn aldâ
;;;647;29;;schiet, als ir wol habt vernomen,
;;;647;30;;und kam ouch, als er solte komen.
;;;648;1;;reht umb den mitten morgen
;;;648;2;;offenlîch und unverborgen
;;;648;3;;ûf den hof er balde reit.
;;;648;4;;die höveschen prüeveten sîniu kleit
;;;648;5;;wol nâch knappelîchen siten.
;;;648;6;;zuo beiden sîten was versniten
;;;648;7;;daz ros mit sporn sêre.
;;;648;8;;nâch der künigîn lêre
;;;648;9;;er balde von dem rosse spranc.
;;;648;10;;umb in huop sich grôz gedranc.
;;;648;11;;kappe, swert und sporn
;;;648;12;;und daz ros, würden diu verlorn,
;;;648;13;;dâ kêrte er sich vil wênic an.
;;;648;14;;der knappe huop sich balde dan,
;;;648;15;;dâ die werden ritter stuonden
;;;648;16;;und vrâgen in begunden
;;;648;17;;von âventiure mære.
;;;648;18;;si jâhen, daz reht dâ wære,
;;;648;19;;daz zuo hove ezze wîp und man,
;;;648;20;;ê daz der hof sîn reht gewan,
;;;648;21;;âventiure sô werdeclîch,
;;;648;22;;diu âventiure wære gelîch.
;;;648;23;;der knappe sprach: "ich sage iu niht.
;;;648;24;;mîn unmuoze mir des giht.
;;;648;25;;daz sullet ir mir durch zuht vertragen
;;;648;26;;und ruochet mir von dem künige sagen;
;;;648;27;;den het ich gerne gesprochen ê.
;;;648;28;;mir tuot mîn unmuoze wê.
;;;648;29;;ir vreischet wol, waz ich mære sage.
;;;648;30;;got lêre iuch helf und kumbers klage."
;;;649;1;;diu botschaft den knappen dranc,
;;;649;2;;daz er enruochte, wer in twanc,
;;;649;3;;unz in der künic selber sach,
;;;649;4;;der sîn grüezen gegen im sprach.
;;;649;5;;der knappe gap im einen brief,
;;;649;6;;der Artuse in sîn herze rief,
;;;649;7;;dô er von im wart gelesen,
;;;649;8;;dô muost er bî in beiden wesen:
;;;649;9;;daz ein was vröude, daz ander klage.
;;;649;10;;er sprach: "wol disem tage,
;;;649;11;;bî des lieht ich hân vernomen
;;;649;12;;liebiu mære, diu mir sint komen
;;;649;13;;umb mînen werden swester sun.
;;;649;14;;kan ich im manlîch dienst tuon
;;;649;15;;durch sippe und durch geselleschaft,
;;;649;16;;ob triuwe an mir gewan ie kraft,
;;;649;17;;sô leist ich, daz mir Gawan
;;;649;18;;het enboten, ob ich kan."
;;;649;19;;hin zem knappen sprach er dô:
;;;649;20;;"nû sage mir, ist Gawan vrô?"
;;;649;21;;"jâ, hêrre, ob ir wellet,
;;;649;22;;zer vröude er sich gesellet",
;;;649;23;;sus sprach der knappe wîse.
;;;649;24;;"er schiede gar von prîse,
;;;649;25;;ob ir in liezet under wegen.
;;;649;26;;wer solte ouch dâ bî vröude pflegen?
;;;649;27;;iuwer trôst im zücket vröude enbor,
;;;649;28;;unz ûzerhalp der riuwe tor
;;;649;29;;von sînem herzen kumber jaget,
;;;649;30;;daz ir an im iht sît verzaget.
;;;650;1;;mîn hêrre enbôt sîn dienst dâ her
;;;650;2;;der künigîn. ouch ist sîn ger,
;;;650;3;;daz alder tavelrunder schar
;;;650;4;;sînes dienstes neme war,
;;;650;5;;daz si an triuwen denken
;;;650;6;;und im vröude niht verkrenken,
;;;650;7;;sô daz si iu kunnen râten."
;;;650;8;;aldie werden des dâ bâten.
;;;650;9;;Artus sprach: "trût geselle mîn,
;;;650;10;;trac disen brief der künigîn,
;;;650;11;;daz si dâ lesen und sagen,
;;;650;12;;wes wir uns vröuwen und waz wir klagen,
;;;650;13;;daz der künic Gramolanz
;;;650;14;;hôchvart mit lôsheit ganz
;;;650;15;;gegen mînem künne bieten kan.
;;;650;16;;er wænet, mîn neve Gawan
;;;650;17;;sî Zidegast, den er sluoc,
;;;650;18;;dâ von er kumbers het genuoc.
;;;650;19;;ich sol im kumber mêren
;;;650;20;;und niuwe site lêren."
;;;650;21;;der knappe kam gegangen,
;;;650;22;;dâ er wart wol enpfangen.
;;;650;23;;er gap der künigîn den brief,
;;;650;24;;des manic ouge über lief,
;;;650;25;;dô ir süezer munt gelas
;;;650;26;;alsô, daz dâr an geschriben was,
;;;650;27;;Gawans klage und sîn werben.
;;;650;28;;dô liez ouch niht verderben
;;;650;29;;der knappe zuo allen den vrowen warp,
;;;650;30;;dâr an sîn kunst niht verdarp.
;;;651;1;;Gawans mâge, der rîche
;;;651;2;;Artus, warp herzeclîche
;;;651;3;;zer massenîe dise vart.
;;;651;4;;vor sûmen het ouch sich bewart
;;;651;5;;Ginover, diu kurteise,
;;;651;6;;si warp zen vrowen dise reise.
;;;651;7;;Keie sprach in sînem zorn:
;;;651;8;;"wart aber ie sô werder man geborn,
;;;651;9;;getörste ich des glouben hân,
;;;651;10;;sô von Norwæge Gawan.
;;;651;11;;ziu dar nâher, holt in dâ,
;;;651;12;;sô ist er lîht anderswâ!
;;;651;13;;wil er wenken als ein eichorn,
;;;651;14;;ir müget in schier hân verlorn."
;;;651;15;;der knappe sprach zer künigîn:
;;;651;16;;"vrowe, gegen dem hêrren mîn
;;;651;17;;muoz ich balde kêren.
;;;651;18;;werbet sîn dinc nâch iuwern êren."
;;;651;19;;zuo eim ir kamerer si sprach:
;;;651;20;;"schaffe disem knappen guot gemach.
;;;651;21;;sîn runzît soltû schouwen.
;;;651;22;;sî daz mit sporn zerhouwen,
;;;651;23;;gip imz beste, daz dâ sî.
;;;651;24;;won im kein ander kumber bî,
;;;651;25;;ez sî pfantlôse oder kleit,
;;;651;26;;des sol er alles sîn bereit."
;;;651;27;;si sprach: "nû sage Gawan,
;;;651;28;;im sî mîn dienst undertân.
;;;651;29;;urloup zem künige ich dir nim.
;;;651;30;;dînem hêrren sage ouch dienst von im."
;;;652;1;;nû warp der künic sîner vart.
;;;652;2;;des wart der tavelrunder art
;;;652;3;;des tages dâ volrecket.
;;;652;4;;ez het in vröude erwecket,
;;;652;5;;daz der werde Gawan
;;;652;6;;dannoch sîn leben solte hân;
;;;652;7;;des wâren si innen worden.
;;;652;8;;der tavelrunder orden
;;;652;9;;wart dâ begangen âne haz.
;;;652;10;;der künic ob der tavelrunder az
;;;652;11;;und die dâ sitzen solten,
;;;652;12;;die prîs mit arbeit holten.
;;;652;13;;alle die tavelrundære
;;;652;14;;genuzzen diser mære.
;;;652;15;;nû lât den knappen wider komen,
;;;652;16;;von dem diu botschaft sî vernomen.
;;;652;17;;der huop sich dan ze rehter zît.
;;;652;18;;der künigîn kamerer im gît
;;;652;19;;pfantlôse, ros und ander kleit.
;;;652;20;;der knappe dan mit vröuden reit,
;;;652;21;;wan er an Artuse erwarp,
;;;652;22;;dâ von sînes hêrren sorge erstarp.
;;;652;23;;er kam wider in solichen tagen,
;;;652;24;;des ich vür wâr niht kan gesagen,
;;;652;25;;ûf Schahtel Marveile.
;;;652;26;;Arnive wart diu geile,
;;;652;27;;want ir der portener enbôt,
;;;652;28;;der bote wær mit rosses nôt
;;;652;29;;balde wider gestrichen.
;;;652;30;;gegen dem kam si geslichen,
;;;653;1;;aldâ der în verlâzen wart.
;;;653;2;;si vrâgte in umb sîn vart,
;;;653;3;;wâ nâch er ûz wær geriten.
;;;653;4;;der knappe sprach: "daz wirt vermiten,
;;;653;5;;vrowe, ich getars iu niht sagen,
;;;653;6;;ich muoz durch mînen eit verdagen.
;;;653;7;;ez wær mînem hêrren leit,
;;;653;8;;bræch ich mit mæren mînen eit;
;;;653;9;;daz diuht ich iuch der tumbe.
;;;653;10;;vrowe, vrâget in selbe dâr umbe."
;;;653;11;;si spilt ez mit vrâge an manigen ort.
;;;653;12;;der knappe sprach ouch disiu wort:
;;;653;13;;"vrowe, ir sûmet mich âne nôt;
;;;653;14;;ich leiste, daz mir der eit gebôt."
;;;653;15;;er gienc, dâ er sînen hêrren vant.
;;;653;16;;der Turkoite Florant
;;;653;17;;und der herzoge von Gowertzin,
;;;653;18;;von Logrois diu herzogîn
;;;653;19;;sâzen dâ mit starker schar.
;;;653;20;;der knappe gienc ouch zuo in dar.
;;;653;21;;ûf stuont mîn hêr Gawan.
;;;653;22;;er nam den knappen sunder dan
;;;653;23;;und bat in willekum sîn.
;;;653;24;;er sprach: "nû sage, geselle mîn,
;;;653;25;;eintweder vröude oder nôt
;;;653;26;;oder waz man mir von hove enbôt.
;;;653;27;;vünde dû den künic dâ?"
;;;653;28;;der knappe sprach: "hêrre, jâ.
;;;653;29;;ich vant den künic und ouch daz wîp
;;;653;30;;und manigen werdeclîchen lîp.
;;;654;1;;die enbietent iu dienst und ir komen.
;;;654;2;;iuwer botschaft wart von in vernomen
;;;654;3;;alsô wirdeclîch,
;;;654;4;;daz arm und rîch
;;;654;5;;sich vröweten, wen ich in tet kunt,
;;;654;6;;daz ir noch wæret wol gesunt.
;;;654;7;;ich vant dâ hers ein wunder.
;;;654;8;;ouch wart diu tavelrunder
;;;654;9;;besetzet durch iuwer botschaft.
;;;654;10;;ob ritters prîs gewan ie kraft,
;;;654;11;;ich meine an wirdicheite,
;;;654;12;;die lenge und ouch die breite
;;;654;13;;treit iuwer prîs die krône
;;;654;14;;ob anderen prîsen schône."
;;;654;15;;er seit im ouch, wie daz geschach,
;;;654;16;;daz er die künigîn sprach,
;;;654;17;;und waz im diu mit triuwen riet.
;;;654;18;;er sagt im ouch von alder diet,
;;;654;19;;von rittern und von vrouwen,
;;;654;20;;daz er si möhte schouwen
;;;654;21;;zuo Joflanze vor der zît,
;;;654;22;;ê würde sînes kampfes strît.
;;;654;23;;Gawans sorge gar verswant,
;;;654;24;;niht wan vröude er im herzen vant.
;;;654;25;;
;;;654;26;;
;;;654;27;;alsîner sorge er gar vergaz;
;;;654;28;;er gienc hin wider und saz
;;;654;29;;und was mit vröuden dâ ze hûs,
;;;654;30;;unz daz der künic Artus
;;;655;1;;mit her in sîn helfe reit.
;;;655;2;;nû hœret liep und leit:
;;;655;3;;Gawan was zuo allen zîten vrô.
;;;655;4;;eines morgens vuogte ez sich sô,
;;;655;5;;daz ûf dem rîchen palas
;;;655;6;;manic ritter und vrowe was.
;;;655;7;;in einem venster gegen dem pflûm
;;;655;8;;nam er besunder einen rûm,
;;;655;9;;dâ er und Arnive saz,
;;;655;10;;diu vremder mære niht vergaz.
;;;655;11;;Gawan sprach zer künigîn:
;;;655;12;;"owê, liebiu vrowe mîn,
;;;655;13;;wolt iuch des niht betrâgen,
;;;655;14;;ich wolte iuch gerne vrâgen
;;;655;15;;von sô getânen mæren,
;;;655;16;;diu mich verswigen wæren,
;;;655;17;;wan daz ich von iuwer helfe gebe
;;;655;18;;alsus mit werden vröuden lebe.
;;;655;19;;getruoc mîn herze ie mannes sin,
;;;655;20;;den het diu edele herzogîn
;;;655;21;;mit ir gewalt beslozzen.
;;;655;22;;nû hân ich iuwer genozzen,
;;;655;23;;daz mir gesenftet ist diu nôt.
;;;655;24;;minne und wunden wær ich tôt,
;;;655;25;;wan daz iuwer helflîcher trôst
;;;655;26;;mich ûz banden het erlôst.
;;;655;27;;von iuwer schult hab ich den lîp.
;;;655;28;;nû sagt mir, sældehaftez wîp,
;;;655;29;;umb wunder, daz hie was und ist,
;;;655;30;;durch daz sô stengelîcher list
;;;656;1;;der wîse Clinsor het erkorn.
;;;656;2;;went ir, ich het den lîp verlorn."
;;;656;3;;diu herzelîche wîse
;;;656;4;;- mit sô wîplîchem prîse
;;;656;5;;kam jugent in daz alter nie -
;;;656;6;;sprach: "hêrre, sîniu wunder hie
;;;656;7;;sint dâ gegen kleiniu wunderlîn,
;;;656;8;;wider den starken wundern sîn,
;;;656;9;;die er het in manigen landen.
;;;656;10;;wer uns des giht zuo schanden,
;;;656;11;;der erwirbet niht wan sünde mite.
;;;656;12;;hêrre, ich sage iu sînen site,
;;;656;13;;der maniger diet ist worden sûr:
;;;656;14;;sîn lant heizet Terre de Labur.
;;;656;15;;von des nâchkomen ist er geborn,
;;;656;16;;der ouch vil wunders het erkorn,
;;;656;17;;von Napels Virgilius.
;;;656;18;;Clinsor, des neve, warp alsus,
;;;656;19;;Caps was sîn houbtstat,
;;;656;20;;er trat in prîs sô hôhen pfat,
;;;656;21;;daz er an prîse was unbetrogen.
;;;656;22;;von Clinsor, dem herzogen,
;;;656;23;;sprâchen wîp und man,
;;;656;24;;unz er schaden sus gewan:
;;;656;25;;Sicilie het ein künic wert,
;;;656;26;;der was geheizen Ibert.
;;;656;27;;Iblis hiez sîn wîp.
;;;656;28;;diu truoc den minneclîchesten lîp,
;;;656;29;;der ie von brüste wart genomen.
;;;656;30;;in der dienst was er komen,
;;;657;1;;unz sis mit minnen lônde;
;;;657;2;;dâr umb der künic in hônde.
;;;657;3;;muoz ich iu sîn tugent sagen,
;;;657;4;;des sol ich iuwern urloup tragen.
;;;657;5;;doch sint diu selben mære
;;;657;6;;mir zuo sagen ungebære,
;;;657;7;;wâ von er kam in zoubers site.
;;;657;8;;zuo einem kappûne mit einem snite
;;;657;9;;wart Clinsor gemachet."
;;;657;10;;des wart aldâ gelachet
;;;657;11;;von Gawane sêre.
;;;657;12;;si sagte im dannoch mêre:
;;;657;13;;"ûf Kalot ambolot
;;;657;14;;erwarp er der werlte spot;
;;;657;15;;daz ist ein burc veste erkant.
;;;657;16;;der künic bî sînem wîbe in vant;
;;;657;17;;Clinsor slief an ir arme.
;;;657;18;;lac er dâ iht warme,
;;;657;19;;daz muoste er sus verpfenden:
;;;657;20;;er wart mit küniges henden
;;;657;21;;zwischen den beinen gemachet sleht.
;;;657;22;;des dûhte den wirt, er het es reht.
;;;657;23;;der besneit in an dem lîbe,
;;;657;24;;daz er dekeinem wîbe
;;;657;25;;mac zuo schimpfe niht gevromen.
;;;657;26;;des ist vil liute in kumber komen.
;;;657;27;;ez ist niht daz lant Persia;
;;;657;28;;ein stat heizet Persyda,
;;;657;29;;dâ êrste zouber wart erdâht.
;;;657;30;;dâ vuor er hin und het brâht,
;;;658;1;;daz er wol schaffet, waz er wil,
;;;658;2;;mit listen zouberlîchiu zil.
;;;658;3;;durch die scham an sînem lîbe
;;;658;4;;wart er manne noch wîbe
;;;658;5;;guotes willen nimmer sît bereit,
;;;658;6;;ich meine, die tragent wirdecheit.
;;;658;7;;waz er den vröuden mac genemen,
;;;658;8;;des kan von herzen in gezemen.
;;;658;9;;Dô hiez ein künic Girot,
;;;658;10;;der ervorht im die selben nôt,
;;;658;11;;von Rosche Sabines.
;;;658;12;;der bôt im des sînes
;;;658;13;;zuo geben, waz er wolte,
;;;658;14;;daz er vride haben solte.
;;;658;15;;Clinsor enpfienc von sîner hant
;;;658;16;;disen berc veste erkant
;;;658;17;;und an der selben zîle
;;;658;18;;alumb aht mîle.
;;;658;19;;Clinsor worht ûf disem berc,
;;;658;20;;als ir wol seht, daz spæhe werc.
;;;658;21;;aller rîcheit sunder
;;;658;22;;sint hie ûf rîchiu wunder.
;;;658;23;;wolt man der bürge vâren,
;;;658;24;;spîse zuo drîzic jâren
;;;658;25;;wær hie ûf manicvalt.
;;;658;26;;er het ouch aller der gewalt,
;;;658;27;;beide mal und bêâ schent,
;;;658;28;;die zwischen dem firmament
;;;658;29;;wonent und der erden zil,
;;;658;30;;niht wan die got beschirmen wil.
;;;659;1;;sît nû iuwer starkiu nôt
;;;659;2;;ist verendet âne tôt,
;;;659;3;;sîn gâbe stât in iuwer hant:
;;;659;4;;dise burc und diz gemezzen lant,
;;;659;5;;er kêret sich nimer mêr nû dran.
;;;659;6;;ir solt ouch vride vor im hân,
;;;659;7;;des jach er offenbâre
;;;659;8;;- er ist mit rede der wâre -,
;;;659;9;;wer hie dise âventiure erlite,
;;;659;10;;daz dem sô gâbe wonte mite.
;;;659;11;;waz er gesach der werden
;;;659;12;;ûf kristenlîcher erden,
;;;659;13;;ez wær maget, wîp oder man,
;;;659;14;;der ist iu hie vil undertân.
;;;659;15;;manic heiden und heidenîn
;;;659;16;;muoste ouch bî uns hie ûf sîn.
;;;659;17;;nû lât daz volc wider komen,
;;;659;18;;dâ nâch uns sorge sî vernomen.
;;;659;19;;ellende vrumt mirz herze kalt.
;;;659;20;;der die sterne het gezalt,
;;;659;21;;der müeze iuch helfe lêren
;;;659;22;;und uns gegen vröude kêren.
;;;659;23;;ein muoter ir vruht gebirt,
;;;659;24;;diu vruht sîner muoter muoter wirt.
;;;659;25;;von dem wazzer kumt daz îs,
;;;659;26;;daz lât dan niht dekein wîs,
;;;659;27;;daz wazzer kome ouch wider von im.
;;;659;28;;wan ich gedanke an mich nim,
;;;659;29;;daz ich ûz vröude bin erborn,
;;;659;30;;wirt vröude von mir erkorn.
;;;660;1;;dâ gît ein vruht die andern vruht.
;;;660;2;;diz solt ir vüegen, habt ir zuht.
;;;660;3;;ez ist lanc, daz mir vröude enpfiel.
;;;660;4;;von segel balde gât der kiel;
;;;660;5;;der man ist sneller, der dâr ûf gât.
;;;660;6;;ob ir diz bîspel verstât,
;;;660;7;;iuwer prîs wirt hôch und snel.
;;;660;8;;ir moget uns vröuden machen hel,
;;;660;9;;daz wir durch vröude vüeren in manigiu lant,
;;;660;10;;dâr nâch uns sorge wart erkant.
;;;660;11;;etwan ich vröude pflac genuoc.
;;;660;12;;ich was ein wîp, diu krône truoc;
;;;660;13;;ouch truoc mîn tohter krône
;;;660;14;;vor ir landes vürsten schône.
;;;660;15;;wir heten beide wirdicheit.
;;;660;16;;hêrre, ich geriet nie mannes leit;
;;;660;17;;beidiu wîp und man
;;;660;18;;kunde ich wol nâch ir rehte hân,
;;;660;19;;erkennen und schouwen.
;;;660;20;;zuo einer rehten volkes vrouwen
;;;660;21;;het man mich, ruocht es got,
;;;660;22;;wan ichs nieman missebôt.
;;;660;23;;nû sol ein ieglîch sælic wîp,
;;;660;24;;ob si wil tragen werden lîp,
;;;660;25;;erbietenz guoten liuten wol.
;;;660;26;;si kumt vil lîht in kumbers dol,
;;;660;27;;daz ir ein swacher garzûn
;;;660;28;;gegen vröude gæbe wîten rûn.
;;;660;29;;hêrre, ich hân lanc gebiten.
;;;660;30;;niemen geloufen noch geriten
;;;661;1;;kam, der mich erkante
;;;661;2;;oder der mir sorge wante."
;;;661;3;;Dô sprach mîn hêrre Gawan:
;;;661;4;;"vrowe, muoz ich mîn leben hân,
;;;661;5;;sô wirt noch vröude an iu vernomen."
;;;661;6;;des selben tages solt ouch komen
;;;661;7;;mit her Artus der Britun,
;;;661;8;;der klagende Arniven sun,
;;;661;9;;durch sippe und durch triuwe.
;;;661;10;;manic banier niuwe
;;;661;11;;sach Gawan gegen im strecken,
;;;661;12;;mit rottez velt verdecken.
;;;661;13;;
;;;661;14;;
;;;661;15;;Gawan tet ir komen wol.
;;;661;16;;wer samenunge warten sol,
;;;661;17;;der lêret sûmen den gedanc:
;;;661;18;;er vörhtet, sîn helfe wær kranc.
;;;661;19;;Artus Gawan den zwîvel brach.
;;;661;20;;owê, wie man den komen sach!
;;;661;21;;Gawan sich hal des tougen,
;;;661;22;;daz sîniu liehten ougen
;;;661;23;;weinen muosen lernen.
;;;661;24;;zuo einer zisternen
;;;661;25;;wæren si beidiu dô enwiht,
;;;661;26;;wan si behabten wazzers niht.
;;;661;27;;von der liebe was daz weinen,
;;;661;28;;daz Artus kunde erscheinen
;;;661;28;1;triuwe, die an den beiden was,
;;;661;28;2;ganz und lûter alsam ein glas.
;;;661;29;;von kinde het er in erzogen.
;;;661;30;;ir beider triuwe unerlogen
;;;662;1;;stuont gegen ein ander âne wanc,
;;;662;2;;daz si nie valsch underswanc.
;;;662;3;;Arnive wart des weinens innen.
;;;662;4;;si sprach: "ir solt beginnen
;;;662;5;;vröude mit vröuden schalle;
;;;662;6;;hêrre, daz trœstet uns alle.
;;;662;7;;gegen der riuwe solt ir sîn zuo wer.
;;;662;8;;hie kumt der herzogîn her;
;;;662;9;;daz trœstet iuch vürbaz schier."
;;;662;10;;herberge, banier
;;;662;11;;sach Arnive und Gawan
;;;662;12;;manige vüeren ûf den plân,
;;;662;13;;bî den allen niht wan einen schilt.
;;;662;14;;des wâpen wâren sô gezilt,
;;;662;15;;daz in Arnive erkande.
;;;662;16;;Isaies si in nande,
;;;662;17;;den marschalc Utrapandragun.
;;;662;18;;den vuorte ein ander Britun,
;;;662;19;;mit den schœnen schenkeln Maurin,
;;;662;20;;der marschalc was der künigîn.
;;;662;21;;Arnive wiste wênic des:
;;;662;22;;Utrapandragun und Isaies
;;;662;23;;wâren beide erstorben.
;;;662;24;;Maurin het erworben
;;;662;25;;sînes vater ambaht, daz reht.
;;;662;26;;gegen dem urvar ûf dem anger sleht
;;;662;27;;reit diu grôze mahinante.
;;;662;28;;der vrowen sarjante
;;;662;29;;herberge dô nâmen,
;;;662;30;;die vrouwen wol gezâmen,
;;;663;1;;bî einem clâren, snellen bach,
;;;663;2;;daz man schier ûz geslagen sach
;;;663;3;;manic gezelt wol getân.
;;;663;4;;dem künige sunder dort hin dan
;;;663;5;;wart manic wîter rinc genomen
;;;663;6;;und rittern, die dâ wâren komen.
;;;663;7;;die heten âne vrâge
;;;663;8;;ûf reise grôze slâge.
;;;663;9;;Gawan bî Benen hin ab enbôt
;;;663;10;;ir vater Plippalinot,
;;;663;12;;daz er beslüzze schier
;;;663;11;;kochey, ussier,
;;;663;13;;sô daz vor sîner übervart
;;;663;14;;daz her des tages wær bewart.
;;;663;15;;vrowe Bene ûz Gawanes henden nam
;;;663;16;;die êrsten gâbe ûz sînem rîchem krâm,
;;;663;17;;Swalwen, diu noch zuo Engelant
;;;663;18;;zuo einer tiuren harpfen ist erkant.
;;;663;19;;vrowe Bene vuor mit vröuden dan.
;;;663;20;;dô hie mîn hêr Gawan
;;;663;21;;besliezen die ûzern porten.
;;;663;22;;alt und junc hôrten,
;;;663;23;;wes er si zühteclîchen bat.
;;;663;24;;er sprach: "jenhalp an den stat
;;;663;25;;leget sich ein alsô grôzez her,
;;;663;26;;weder ûf dem lande noch in dem mer
;;;663;27;;gesach ich nie rote gevarn
;;;663;28;;mit alsô krefteclîchen scharn.
;;;663;29;;wellent si uns hie suochen mit ir kraft,
;;;663;30;;helfet mir, ich gib in ritterschaft."
;;;664;1;;daz lobtens algelîche.
;;;664;2;;die herzogîn rîche
;;;664;3;;si vrâgten, ob daz her wær ir.
;;;664;4;;si sprach: "ir solt gelouben mir,
;;;664;5;;ich erkenne dâ schilt noch man.
;;;664;6;;der mir ie hât schaden getân,
;;;664;7;;der ist lîht in mîn lant geriten
;;;664;8;;und het vor Logrois gestriten.
;;;664;9;;ich wæne, die vant er doch zuo wer.
;;;664;10;;si heten strît wol disem her
;;;664;11;;an zingeln und an barbigân.
;;;664;12;;het dâ ritterschaft getân
;;;664;13;;der zornige künic Gramolanz,
;;;664;14;;sô suochter gelt vür sînen kranz;
;;;664;15;;oder wer si sint, si muosen sper
;;;664;16;;ûf gerihtet sehen durch juste ger."
;;;664;17;;ir munt in lanc dâ wênic an.
;;;664;18;;Artus schaden vil gewan,
;;;664;19;;ê daz er kæme vür Logrois.
;;;664;20;;des wart etlîch Britunois
;;;664;21;;zuo rehter juste ab gevalt.
;;;664;22;;Artuses her ouch wider galt
;;;664;23;;market, den man in dâ bôt.
;;;664;24;;si kômen zuo beider sît in nôt.
;;;664;25;;man sach die strîtmüede komen,
;;;664;26;;von den sô dicke ist vernomen,
;;;664;27;;daz si ir küssen gerne werten;
;;;664;28;;si wâren gegen strîte die herten.
;;;664;29;;beidenthalp ez mit schaden stêt.
;;;664;30;;Garel und Gaheriet
;;;665;1;;und Melianz von Barbigol
;;;665;2;;und Jofreit fiz Idol,
;;;665;3;;die sint hin ûf gevangen,
;;;665;4;;ê der strît wær ergangen.
;;;665;5;;dô viengen aber si die von Logrois,
;;;665;6;;den herzogen Friam von Vermendois
;;;665;7;;und den grâven Rischart de Novers.
;;;665;8;;der vertet niht wan eines spers;
;;;665;9;;gegen wem ouch daz sîn hant gebôt,
;;;665;10;;der viel vor im durch juste nôt.
;;;665;11;;Artus mit sîn selbes hant
;;;665;12;;vienc den werden degen erkant.
;;;665;13;;dâ wurden unverdrozzen
;;;665;14;;die ponder sô beslozzen,
;;;665;15;;des möhte swenden sich der walt.
;;;665;16;;manic juste ungezalt
;;;665;17;;dô rêrte runzîne.
;;;665;18;;die werden Britune
;;;665;19;;wâren ouch manlîch zuo wer
;;;665;20;;gegen der herzogîn her.
;;;665;21;;Artuses nâchhuote
;;;665;22;;muoste strîtes sîn zuo muote.
;;;665;23;;man hardierte si den tac,
;;;665;24;;unz dâr diu vluot des hers lac.
;;;665;25;;ouch solt mîn hêr Gawan
;;;665;26;;der herzogîn gekündet hân,
;;;665;27;;daz ein sîn helfære
;;;665;28;;in ir lande wære;
;;;665;29;;sô wære des strîtes niht geschehen.
;;;665;30;;dô wolt er irs noch niemen jehen,
;;;666;1;;ê si ez selbe sehen mohte.
;;;666;2;;er warp, als ez im tohte,
;;;666;3;;und schuof ouch sîn reise
;;;666;4;;gegen Artuse Brituneise
;;;666;5;;mit tiuren gezelten.
;;;666;6;;nieman dâ mohte engelten,
;;;666;7;;ob er im was unerkant;
;;;666;8;;des milten Gawanes hant
;;;666;9;;begunde in sô mit willen geben,
;;;666;10;;als er niht langer wolte leben.
;;;666;11;;sarjande, ritter, vrouwen
;;;666;12;;muosten enpfâhen und schouwen
;;;666;13;;sîn gâbe sô grôzlîche,
;;;666;14;;daz si sprâchen algelîche,
;;;666;15;;in wære diu wâre helfe komen.
;;;666;16;;dô wart ouch vröude an in vernomen.
;;;666;17;;ouch hiez gewinnen der degen wert
;;;666;18;;starke soumære, schœniu pfert
;;;666;19;;und harnasch alder ritterschaft.
;;;666;20;;sarjande zîser grôze kraft
;;;666;21;;aldâ bereit wâren.
;;;666;22;;dô kunde er sus gebâren:
;;;666;23;;der werde, wîse Gawan,
;;;666;24;;er nam vier rîter herdan,
;;;666;25;;daz einer kamerære
;;;666;26;;und der ander schenke wære,
;;;666;27;;der dritte truhsæze
;;;666;28;;und daz der vierde niht vergæze,
;;;666;29;;er wær marschalc. sus warp er,
;;;666;30;;die viere leisten sîne ger.
;;;667;1;;Nû lât Artusen stille ligen.
;;;667;2;;Gawans gruoz in wart verswigen;
;;;667;3;;den ganzen tac; unsanft erz meit.
;;;667;4;;des morgens vruo mit vorhte reit
;;;667;5;;gegen Joflanze Artuses her.
;;;667;6;;sîn nâchhuote schuof er zuo wer;
;;;667;7;;dô die niht strîtes vunden dâ,
;;;667;8;;si kârten nâch im ûf die slâ.
;;;667;9;;dô nam mîn hêr Gawan
;;;667;10;;sîn ambetliute sunder dan;
;;;667;11;;niht langer er wolt bîten.
;;;667;12;;er hiez den marschalc rîten
;;;667;13;;zuo Joflanze ûf den plân.
;;;667;14;;er sprach: "mîn sunder leger wil ich hân.
;;;667;15;;dû sihest daz grôze her dâ ligen.
;;;667;16;;ez ist eht nû alsô gedigen,
;;;667;17;;ir hêrren muoz ich iu nennen,
;;;667;18;;daz ir den müget erkennen:
;;;667;19;;ez ist mîn œheim Artus,
;;;667;20;;in des hof und in des hûs
;;;667;21;;ich von kinde bin erzogen.
;;;667;22;;nû schaffet mir vür unbetrogen
;;;667;23;;mîn reise alsô mit koste dar,
;;;667;24;;daz mans vür rîcheit neme war,
;;;667;25;;und lât hie ûf unvernomen,
;;;667;26;;daz Artuses her durch mich sî komen."
;;;667;27;;si leisten, waz er in gebôt.
;;;667;28;;des wart Plippalinot
;;;667;29;;dar nâch unmüezic schiere.
;;;667;30;;kocken, ussiere,
;;;668;1;;seitieze und snecken,
;;;668;2;;mit rotte der quecken
;;;668;3;;beidiu ze rosse und zuo vuoz,
;;;668;4;;mit dem marschalc über muoz,
;;;668;5;;sarjande, garzûne,
;;;668;6;;hin nâch dem Britune
;;;668;7;;si kêrten her und dâ
;;;668;8;;mit Gawans marschalc ûf die slâ.
;;;668;9;;si vuorten ouch, des sît gewis,
;;;668;10;;ein gezelt, daz Iblis
;;;668;11;;Clinsor durch minne sante,
;;;668;12;;dâ von man êrste erkante
;;;668;13;;ir zweier tougen über lût;
;;;668;14;;si wâren beidiu ein ander trût.
;;;668;15;;dem gezelte was koste niht vermiten:
;;;668;16;;mit schære nie bezzerz wart gesniten
;;;668;17;;wan einez, daz Isenhartes was.
;;;668;18;;bî Artuse sunder ûf ein gras
;;;668;19;;wart daz gezelt ûf geslagen.
;;;668;20;;manic gezelt, hôrte ich sagen,
;;;668;21;;sluoc man dar umbe, einen wîten rinc;
;;;668;22;;daz dûhte in rîlîch gedinc.
;;;668;23;;vor Artuse wart vernomen,
;;;668;24;;Gawans marschalc wær komen,
;;;668;25;;der herberget ûf dem plân,
;;;668;26;;und daz der werde Gawan
;;;668;27;;solte ouch komen bî dem tage.
;;;668;28;;daz wart ein gemeiniu sage
;;;668;29;;von aller der massenîe.
;;;668;30;;Gawan, der valsches vrîe,
;;;669;1;;von hûs sich rottierte;
;;;669;2;;sîn reise er sus zierte,
;;;669;3;;dâ von möht ich iu wunder sagen.
;;;669;4;;manic soumer muoste tragen
;;;669;5;;kappeln und krâmgewant.
;;;669;6;;manic soum mit harnasch erkant
;;;669;7;;giengen ouch dâr unden,
;;;669;8;;helm oben dâr ûf gebunden
;;;669;9;;bî manigem schilt wol getân.
;;;669;10;;manic schœne kastelân
;;;669;11;;man bî den soumen ziehen sach.
;;;669;12;;ritter und vrowen nâch
;;;669;13;;riten ane ein ander vaste.
;;;669;14;;daz gezoc wol ein raste
;;;669;15;;an der lenge wart gemezzen.
;;;669;16;;dô enwart niht vergezzen,
;;;669;17;;Gawan einen ritter wol gevar
;;;669;18;;iemer schuof zuo einer vrowen clâr.
;;;669;19;;daz wæren kranke sinne,
;;;669;20;;spræchen die niht von minne.
;;;669;21;;der Turkoite Florant
;;;669;22;;zuo einem gesellen wart erkant
;;;669;23;;Sangiven von Norwæge.
;;;669;24;;Lischois, der untræge,
;;;669;25;;reit bî der süezen Condrie.
;;;669;26;;sîn swester Ithonie
;;;669;27;;bî Gawane solte rîten.
;;;669;28;;an den selben zîten
;;;669;29;;Arnive und diu herzogîn
;;;669;30;;ouch gesellen wolten sîn.
;;;670;1;;Nû diz was alsô komen:
;;;670;2;;Gawans rinc was genomen
;;;670;3;;durch Artuses her, aldâ der lac.
;;;670;4;;waz man schouwens dâ gepflac!
;;;670;5;;ê diz volc durch si gerite,
;;;670;6;;Gawan durch hovelîchen site
;;;670;7;;und ouch werdiclîchez dinc
;;;670;8;;hiez an Artuses rinc
;;;670;9;;die êrsten vrowen halten.
;;;670;10;;sîn marschalc muoste walten,
;;;670;11;;daz einiu nâhe zuo der reit.
;;;670;12;;der andern dekeiniu daz vermeit,
;;;670;13;;sine habeten sus alumbe,
;;;670;14;;hie diu wîse, dort diu tumbe,
;;;670;15;;bî ieglîcher ein ritter, der ir pflac
;;;670;16;;und der sich dienstes dâr bewac.
;;;670;17;;Artuses rinc, den wîten,
;;;670;18;;sach man an allen sîten
;;;670;19;;mit vrowen umbevangen.
;;;670;20;;dâ wart allerêrst enpfangen
;;;670;21;;Gawan, der sælden rîche,
;;;670;22;;ich wæne des, minneclîche.
;;;670;23;;Arnive, ir tohter und ir kint
;;;670;24;;mit Gawan erbeizet sint
;;;670;25;;und von Logrois diu herzogîn
;;;670;26;;und der herzoge von Gowertzin
;;;670;27;;und der Turkoite Florant.
;;;670;28;;gegen disen liuten wert erkant
;;;670;29;;Artus ûz dem pavelûne gienc,
;;;670;30;;der si dâ vriuntlîch enpfienc;
;;;671;1;;alsô tet diu künigîn, sîn wîp.
;;;671;2;;diu enpfienc Gawanes lîp
;;;671;3;;und ander sîn geselleschaft
;;;671;4;;mit getriuwelîcher wirde kraft.
;;;671;5;;dâ wart manic kus getân
;;;671;6;;von maniger vrowen wol getân.
;;;671;7;;Artus sprach zuom neven sîn:
;;;671;8;;"wer sint die gesellen dîn?"
;;;671;9;;Gawan sprach: "mîne vrouwen,
;;;671;10;;sol ich si küssen schouwen,
;;;671;11;;daz wær unsanfte bewart;
;;;671;12;;si sint wol beide von der art."
;;;671;13;;der Turkoite Florant
;;;671;14;;wart dâ geküsset alzehant
;;;671;15;;und der herzoge von Gowertzin
;;;671;16;;von Ginoveren, der künigîn.
;;;671;17;;si giengen wider in daz gezelt.
;;;671;18;;manigen dûhte, daz daz velt
;;;671;19;;vollez vrowen wære.
;;;671;20;;dô warp niht sô der swære
;;;671;21;;Artus spranc ûf ein kastelân.
;;;671;22;;al dise vrowen wol getân
;;;671;23;;und alle die ritter beneben in,
;;;671;24;;er reit den rinc al umbe hin.
;;;671;25;;mit zühten Artuses munt
;;;671;26;;si enpfienc an der selben stunt.
;;;671;27;;daz was Gawanes wille,
;;;671;28;;daz si alle habten stille,
;;;671;29;;unz daz er mit in dannen rite;
;;;671;30;;daz was ein hovelîcher site.
;;;672;1;;Artus erbeizte und gienc dar în.
;;;672;2;;er saz zuo dem neven sîn;
;;;672;3;;den bestuont er sus mit mæren,
;;;672;4;;wer die vünf vrowen wæren.
;;;672;5;;dô huop mîn hêr Gawan
;;;672;6;;an der altesten zem êrsten an.
;;;672;7;;sus sprach er zuo dem Britun:
;;;672;8;;"erkant ir Utrapandragun,
;;;672;9;;sô ist diz Arnive, sîn wîp;
;;;672;10;;von den zwein kam iuwer lîp.
;;;672;11;;sô ist diz diu muoter mîn,
;;;672;12;;von Norwæge diu künigîn.
;;;672;13;;die zwô mîn swester sint.
;;;672;14;;nû seht, wie vlætigiu kint!"
;;;672;15;;ein ander küssen dâ beschach.
;;;672;16;;vröude und jâmer dâ sach
;;;672;17;;alle, die ez sehen wolten;
;;;672;18;;von der liebe si daz dolten.
;;;672;19;;beidiu lachen und weinen
;;;672;20;;kunde ir munt wol bescheinen;
;;;672;21;;von grôzer liebe daz geschach.
;;;672;22;;Artus zuo Gawane sprach:
;;;672;23;;"neve, ich bin noch mæres vrî,
;;;672;24;;wer diu clâre vünfte vrowe sî."
;;;672;25;;dô sprach Gawan, der kurtois:
;;;672;26;;"ez ist diu herzogîn von Logrois,
;;;672;27;;in der gnâden bin ich hie.
;;;672;28;;mir ist gesaget, ir habt gesuochet sie.
;;;672;29;;waz ir des habt genozzen,
;;;672;30;;daz zöuget unverdrozzen.
;;;673;1;;ir möht daz einer witwen wol tuon."
;;;673;2;;Artus sprach: "dîner muomen sun,
;;;673;3;;Gaherieten, si dort hât
;;;673;4;;und Garellen, der ritters tât
;;;673;5;;in manigem poinder worhte.
;;;673;6;;mir wart der unervorhte
;;;673;7;;an mîner sîten genomen.
;;;673;8;;ein unser ponder was sô komen
;;;673;9;;mit hurte unz an ir barbigân.
;;;673;10;;hurtâ, wie ez dâ wart getân
;;;673;11;;von dem werden Melianzen von Liz!
;;;673;12;;under einer banier wîz
;;;673;13;;ist er hin ûf gevangen.
;;;673;14;;diu banier het enpfangen
;;;673;15;;von zobele ein swarze strâl
;;;673;16;;mit herzen bluotes mâl,
;;;673;17;;mit mannes kumber gevar.
;;;673;18;;›Lirwoin' rief alliu diu schar,
;;;673;19;;die under der durch strîten riten;
;;;673;20;;die hânt den prîs hin ûf erstriten.
;;;673;21;;mir ist ouch mîn neve Jofreit
;;;673;22;;hin ûf gevangen, daz ist mir leit.
;;;673;23;;diu nâchhuote was gestern mîn;
;;;673;24;;dâ von gedêch mir diser pîn."
;;;673;25;;der künic sînes schaden vil verjach.
;;;673;26;;diu herzogîn mit zühten sprach:
;;;673;27;;"hêrre, ich sage iuch des lasters buoz.
;;;673;28;;ir hetet mîn dekeinen gruoz,
;;;673;29;;ir moget mir schaden hân getân,
;;;673;30;;den ich doch ungedienet hân.
;;;674;1;;sît ir mich gesuochet hât,
;;;674;2;;nû lêre iuch got ergetzens rât,
;;;674;3;;wan in des helfe ir sît geriten,
;;;674;4;;ob er het mit mir gestriten,
;;;674;5;;dâ wart ich âne wer bekant
;;;674;6;;und zer blôzen sîten an gerant.
;;;674;7;;ob er noch strîtes an mich gert,
;;;674;8;;der wirt wol geendet âne swert."
;;;674;9;;zuo Artuse sprach dô Gawan:
;;;674;10;;"waz râtet ir, ob wir den plân
;;;674;11;;baz mit rittern überlegen,
;;;674;12;;sît wirz wol getuon megen?
;;;674;13;;ich erwirbe wol an der herzogîn,
;;;674;14;;daz die iuwern ledic sullent sîn
;;;674;15;;und daz ir ritterschaft dâ her
;;;674;16;;kumt mit manigem niuwen sper."
;;;674;17;;"des volge ich dir", sprach Artus.
;;;674;18;;diu herzogîn dô hin zuo ir hûs
;;;674;19;;sante nâch den werden.
;;;674;20;;ich wæne, ûf der erden
;;;674;21;;ie schœner samenunge wart.
;;;674;22;;gegen sîner herbergen vart
;;;674;23;;Gawan urloubes gert,
;;;674;24;;des in der künic wert.
;;;674;25;;die man mit im komen sach,
;;;674;26;;vuoren dan mit im an sîn gemach.
;;;674;27;;sîn herberge rîche
;;;674;28;;stuont sô ritterlîche,
;;;674;29;;daz si was kostbære
;;;674;30;;und grôzer armuot lære.
;;;675;1;;In Gawans herberge reit
;;;675;2;;maniger, dem von herzen leit
;;;675;3;;was sîn langez ûz wesen.
;;;675;4;;nû was ouch Keie genesen
;;;675;5;;bî dem Plimizol der juste;
;;;675;6;;der prîset Gawanes kuste.
;;;675;7;;er sprach: "mînes hêrren swâger Lot,
;;;675;8;;von dem was uns dekein nôt
;;;675;9;;ebenhitz noch sunders ringes."
;;;675;10;;dô gedâhte er noch des dinges,
;;;675;11;;daz in Gawan dort niht rach,
;;;675;12;;dô im sîn zesewer arm zerbrach.
;;;675;13;;"got mit den liuten wunder tuot:
;;;675;14;;wer gap Gawan die vrowen luot?"
;;;675;15;;sus sprach Keie in sînem schimpf;
;;;675;16;;daz was gegen vriunde ein swach gelimpf.
;;;675;17;;der getriuwe ist vriundes êren vrô;
;;;675;18;;der ungetriuwe 'wâfenô'
;;;675;19;;rüeft, wan eim liep beschiht,
;;;675;20;;sînem vriunde, und er daz siht.
;;;675;21;;Gawan pflac sælde und êre.
;;;675;22;;gert ieman vürbaz mêre,
;;;675;23;;war wil der mit gedanken?
;;;675;24;;sô sint die muotes kranken
;;;675;25;;gîtes und hazzes vol,
;;;675;26;;sô tuot dem ellenthaften wol,
;;;675;27;;wâ sînes vriundes prîs gestât,
;;;675;28;;daz schande vlühtic von im gât.
;;;675;29;;Gawan âne valschen haz
;;;675;30;;manlîcher triuwen nie vergaz.
;;;676;1;;kein unbilde dâr an beschach,
;;;676;2;;wâ man in bî sælden sach.
;;;676;3;;wie der von Norwæge
;;;676;4;;sînes volkes pflæge,
;;;676;5;;der ritter und der vrouwen?
;;;676;6;;dâ mohte man rîcheit schouwen,
;;;676;7;;Artus und sîn gesinde,
;;;676;8;;von des werden Lotes kinde.
;;;676;9;;si soln ouch slâfen, dô man geaz;
;;;676;10;;ir ruowens hân ich selten haz.
;;;676;11;;morgens kam vor tage geriten
;;;676;12;;volc mit werlîchem siten,
;;;676;13;;der herzogîn ritter gar.
;;;676;14;;man nam ir zimierde war
;;;676;15;;al bî des mânen schîn,
;;;676;16;;dâ Artus und die sîn
;;;676;17;;lâgen; durch die zogten sie
;;;676;18;;unz anderhalp, dâ Gawan hie
;;;676;19;;lac mit wîtem ringe.
;;;676;20;;wer solhe helf ertwinge
;;;676;21;;mit sîner ellenthaften hant,
;;;676;22;;den mac man hân vür prîs erkant.
;;;676;23;;Gawan sînen marschalc bat
;;;676;24;;im zeigen herberge stat.
;;;676;25;;als der herzogîn marschalc riet,
;;;676;26;;von Logrois die werden diet
;;;676;27;;manigen rinc wol sunder zierten.
;;;676;28;;ê si geloschierten,
;;;676;29;;ez was wol mittemorgen.
;;;676;30;;hie nâhet ez niuwen sorgen.
;;;677;1;;Artus, der prîs erkante,
;;;677;2;;sîne boten er dô sante
;;;677;3;;zuo Rosche Sabins in die stat.
;;;677;4;;den künic Gramolanz er bat:
;;;677;5;;"sît daz unwendic sol sîn,
;;;677;6;;daz er gegen dem neven mîn
;;;677;7;;sînen kampf niht wil verbern,
;;;677;8;;des sol im mîn neve wern.
;;;677;9;;bit in gegen uns schier komen,
;;;677;10;;sît sîn gewalt ist sus vernomen,
;;;677;11;;daz erz niht vermîden wil.
;;;677;12;;es wær einem andern man zuo vil."
;;;677;13;;hie mit vuoren die boten dan.
;;;677;14;;dô nam mîn hêr Gawan
;;;677;15;;Lischoisen und Floranden.
;;;677;16;;die von manigen landen
;;;677;17;;minnen soldiere
;;;677;18;;bat er im zeigen schiere,
;;;677;19;;die der herzogîn ûf hôhen solt
;;;677;20;;wâren sô dienstlîchen holt.
;;;677;21;;er reit zuo in und enpfienc si sô,
;;;677;22;;daz glîch sprâchen alle dô,
;;;677;23;;daz der werde Gawan
;;;677;24;;wære ein manlîch, hövesch man.
;;;677;25;;dâ mit kêrte er von in wider.
;;;677;26;;sus warp er tugentlîchen sider:
;;;677;27;;in sîn kamern er gienc,
;;;677;28;;mit harnasch er übervienc
;;;677;29;;den lîp zuo den selben stunden
;;;677;30;;durch daz, ob sîn wunden
;;;678;1;;sô geheilet wæren,
;;;678;2;;daz die mâsen in niht swæren.
;;;678;3;;er wolte baneken den lîp,
;;;678;4;;sît sô manic man und wîp
;;;678;5;;sînen kampf dâ solten sehen,
;;;678;6;;daz die wîsen ritter mohten spehen,
;;;678;7;;ob sîn unverzagtiu hant
;;;678;8;;des tages gegen prîs würde erkant.
;;;678;9;;einen knappen het er des gebeten,
;;;678;10;;daz er im bræhte Gringuleten.
;;;678;11;;den begunde er leischieren.
;;;678;12;;er wolte sich môvieren,
;;;678;13;;daz er und daz ros wæren bereit.
;;;678;14;;mir wart sîn reise nie sô leit:
;;;678;15;;Al ein reit mîn hêr Gawan
;;;678;16;;von dem her verre ûf dem plân.
;;;678;17;;glücke müeze es walten!
;;;678;18;;einen ritter sach er halten
;;;678;19;;bî dem wazzer Sabbins,
;;;678;20;;den wir wol möhten heizen vlins
;;;678;21;;der manlîchen krefte,
;;;678;22;;ein schûr der ritterschefte.
;;;678;23;;sîn herze valsch nie underswanc;
;;;678;24;;er was des lîbes wol sô kranc,
;;;678;25;;waz man heizet unprîs,
;;;678;26;;daz truoc er niht dekein wîs
;;;678;27;;halbes vingers lanc und spanne.
;;;678;28;;von dem selben werden manne
;;;678;29;;moget ir wol ê hân vernomen:
;;;678;30;;an den rehten stam diz mær ist komen.
;;;679;1;;ob von dem werden Gawan
;;;679;2;;werlîch ein juste wart getân,
;;;679;3;;sô gevorht ich sîner êre
;;;679;4;;an strîte nie sô sêre.
;;;679;5;;ich solt ouch des andern angest hân.
;;;679;6;;daz wil ich ûz den sorgen lân:
;;;679;7;;der was in strîte eines mannes her.
;;;679;8;;ûz heidenscher verre über mer
;;;679;9;;was brâht diu zimierde sîn.
;;;679;10;;noch rœter danne rubîn
;;;679;11;;was sîn kursît und sînes rosses kleit.
;;;679;12;;der helt nâch âventiure reit;
;;;679;13;;sîn schilt was gar durchstochen.
;;;679;14;;er hete ouch gebrochen
;;;679;15;;von dem boum, des Gramolanz
;;;679;16;;hete, einen werden kranz,
;;;679;17;;daz Gawan daz rîs erkande.
;;;679;18;;dô vorht er die schande,
;;;679;19;;ob sîn der künic dâ het erbiten.
;;;679;20;;wær der durch strît gegen im geriten,
;;;679;21;;sô müeste ouch strîten beschehen,
;;;679;22;;und solte ez nimmer vrowe sehen.
;;;679;23;;von Muntsalvasche wâren sie,
;;;679;24;;beidiu ros, diu alsus hie
;;;679;25;;liezen nâher strîchen
;;;679;26;;ûf den ponder herteclîchen;
;;;679;27;;mit sporn si wurden des ermant.
;;;679;28;;al grüener klê, niht stoubic sant
;;;679;29;;stuont touwic, dâ diu just beschach.
;;;679;30;;mich müejet ir beider ungemach.
;;;680;1;;si tâten ir ponder rehte;
;;;680;2;;ûz der juste geslehte
;;;680;3;;wâren si beide erborn.
;;;680;4;;wênic gewunnen, vil verlorn
;;;680;5;;het, wer behaltet dâ den prîs;
;;;680;6;;der klagte ez doch iemer, wirt er wîs.
;;;680;7;;gegen ein ander stuont ir triuwe,
;;;680;8;;der enweder alt und niuwe
;;;680;9;;dürkel scharten nie enpfienc.
;;;680;10;;nû hœret, wie diu juste ergienc:
;;;680;11;;hurteclîch und doch alsô,
;;;680;12;;si mohtens beide sîn unvrô.
;;;680;13;;erkantiu sippe und hôhiu geselleschaft
;;;680;14;;was dâ mit hazzelîcher kraft
;;;680;15;;durch scharpfen strît zuo ein ander komen.
;;;680;16;;von wem der prîs dâ wirt vernomen,
;;;680;17;;des vröude dâr umb ist sorgen pfant.
;;;680;18;;die juste brâht ietweders hant,
;;;680;19;;daz die mâge und die gesellen
;;;680;20;;ein ander muosten vellen
;;;680;21;;mit rosse und alle nider.
;;;680;22;;alsus wurben si dô sider.
;;;680;23;;ez wart aldâ verzwicket,
;;;680;24;;mit swerten verbicket.
;;;680;25;;schiltes schirben und daz grüene gras
;;;680;26;;ein glîchiu temperunge was,
;;;680;27;;sît si begunden strîten.
;;;680;28;;si muosten scheidens bîten
;;;680;29;;al zuo lange; si begundens vruo.
;;;680;30;;dô greif eht niemen scheidens zuo,
;;;681;1;;wan dâ was niht wan sie.
;;;681;2;;wolt ir nû hœren vürbaz, wie
;;;681;3;;an den selben stunden
;;;681;4;;Artuses boten vunden
;;;681;5;;den künic Gramolanzen mit her?
;;;681;6;;ûf einem plân bî dem mer:
;;;681;7;;einhalp vlôz der Sabins,
;;;681;8;;anderhalp der Poinzaclins;
;;;681;9;;diu zwei wazzer swebten dâ,
;;;681;10;;der plân was vester anderswâ.
;;;681;11;;Rosche Sabins dort,
;;;681;12;;diu houbtstat, den vierden ort
;;;681;13;;begreif mit mûren und graben
;;;681;14;;und manigen hôhen turn erhaben.
;;;681;15;;des hers loschieren wart getân
;;;681;16;;wol mîlen lanc ûf dem plân
;;;681;17;;und wol halber mîle breit.
;;;681;18;;Artuses boten widerreit
;;;681;19;;manic ritter in gar unerkant,
;;;681;20;;turkopel, manic sarjant
;;;681;21;;zîser und mit lanzen.
;;;681;22;;dar nâch begunde swanzen
;;;681;23;;under manic banier
;;;681;24;;manic grôziu rotte schier.
;;;681;25;;von busûnen was dâ krach.
;;;681;26;;daz her man sich regen sach;
;;;681;27;;si wolten an den zîten
;;;681;28;;gegen Joflanze rîten.
;;;681;29;;von vrowen zoume klingâ klinc,
;;;681;30;;des künic Gramolanzes rinc
;;;682;1;;was mit vrowen umbehalten.
;;;682;2;;kan ich nû mære walten,
;;;682;3;;ich sage iu, wer durch in dâ was
;;;682;4;;geherberget ûf daz gras
;;;682;5;;an sîn samenunge komen.
;;;682;6;;habt ir daz ê niht vernomen,
;;;682;7;;sô lât mich ez iu machen kunt
;;;682;7;1;nû balt ûf der selben stunt:
;;;682;8;;ûz der wazzervesten stat von Pin
;;;682;9;;brâht im der werde œheim sîn
;;;682;10;;- der künic Brandelidelin
;;;682;10;1;was ouch bereit sô fîn -
;;;682;11;;sehs hundert clâre vrouwen;
;;;682;12;;der ieglîchiu mohte schouwen
;;;682;13;;gewâpent dâ ir âmîs
;;;682;14;;durch ritterschaft und durch prîs.
;;;682;15;;die werden Ponturteise
;;;682;16;;wâren wol an diser reise.
;;;682;17;;dâ was, wolt ir glouben mirs,
;;;682;18;;der clâre Bernout de Riwirs;
;;;682;19;;des rîcher vater Narant
;;;682;20;;het im gelâzen Ucherlant.
;;;682;21;;der brâht in kocken ûf dem mer
;;;682;22;;ein alsô clârez vrouwen her,
;;;682;23;;den man dâ liehter varwe jach
;;;682;24;;und anders niht dâ von in sprach.
;;;682;25;;der wâren zwei hundert
;;;682;26;;zuo megden ûz gesundert;
;;;682;27;;zwei hundert heten dâ ir man,
;;;682;28;;ob ichz gebrüefet rehte hân.
;;;682;29;;Bernout fiz cons Narant,
;;;682;30;;vünf hundert ritter wert erkant
;;;683;1;;mit im dâ komen wâren,
;;;683;2;;die vîende kunden vâren.
;;;683;3;;sus wolte der künic Gramolanz
;;;683;4;;mit kampfe rechen sînen kranz,
;;;683;5;;daz ez vil liute sæhe,
;;;683;6;;wem man dâ prîses jæhe.
;;;683;7;;die vürsten ûz sînem rîche
;;;683;8;;mit rittern werlîche
;;;683;9;;wâren dâ und ouch mit vrowen schar.
;;;683;10;;man sach dâ liute wol gevar.
;;;683;11;;Nû kômen Artuses boten hie;
;;;683;12;;die vunden den künic, hœret wie:
;;;683;13;;palmâtes ein dicke matraz
;;;683;14;;lac under dem künige, aldâ er saz,
;;;683;15;;dar ûf geschepft ein pfelle breit.
;;;683;16;;juncvrowen clâre und gemeit
;;;683;17;;schuoheten îserîne kolzen
;;;683;18;;an den künic stolzen.
;;;683;19;;ein pfelle gap kostlîchen prîs,
;;;683;20;;geworht in Ecidemonis,
;;;683;21;;beidiu breit und lanc,
;;;683;22;;hôhe ob im durch schate swanc,
;;;683;23;;an zwelf schefte genomen.
;;;683;24;;Artuses boten wâren komen;
;;;683;25;;gegen dem, der hôchvart hort
;;;683;26;;truoc, si sprâchen disiu wort:
;;;683;27;;"hêrre, uns het dâ her gesant
;;;683;28;;Artus, der dâ vür erkant
;;;683;29;;was, daz er prîs etewan truoc.
;;;683;30;;er het ouch wirdicheit genuoc,
;;;684;1;;die wolt ir im versenken.
;;;684;2;;wie möht ir daz erdenken,
;;;684;3;;daz ir gegen sîner swester sun
;;;684;4;;solich ungenâde wellet tuon?
;;;684;5;;het iu der werde Gawan
;;;684;6;;grœzer herzeleit getân,
;;;684;7;;er möhte der tavelrunder
;;;684;8;;doch geniezen sunder,
;;;684;9;;wan in geselleschaft werent
;;;684;10;;alle, die dâr über pflihte gerent."
;;;684;11;;Der künic sprach: "den gelobten strît
;;;684;12;;mîn unverzagtiu hant sô gît,
;;;684;13;;daz ich Gawanen bî disem tage
;;;684;14;;gegen prîse oder in laster sage.
;;;684;15;;ich hab ouch mære vernomen,
;;;684;16;;Artus sî mit storîe komen
;;;684;17;;und sîn wîp, diu künigîn;
;;;684;18;;diu sol uns willekom sîn.
;;;684;19;;ob diu arge herzoginne
;;;684;20;;im gegen mir râtet unminne,
;;;684;21;;ir kint, daz solt ir understân.
;;;684;22;;dâ mac niht anders an ergân,
;;;684;23;;wan ich den kampf leisten wil.
;;;684;24;;ich hân hie ritter alsô vil,
;;;684;25;;daz ich gewalt entsitze niht.
;;;684;26;;waz mir von einer hant geschiht,
;;;684;27;;die nôt wil ich lîden.
;;;684;28;;solt ich nû vermîden,
;;;684;29;;des ich mich vermezzen hân,
;;;684;30;;sô wolt ich dienst nâch minne lân.
;;;685;1;;in der gnâde ich hân vergeben
;;;685;2;;alle mîn vröude und mîn leben.
;;;685;3;;got weiz wol, daz er ir genôz,
;;;685;4;;wan mich noch ie verdrôz
;;;685;5;;strîtes gegen einem man,
;;;685;6;;wan daz der werde Gawan
;;;685;7;;den lîp het geurbort sô,
;;;685;8;;daz ich kampfes gegen im bin vrô.
;;;685;9;;sus nidert sich mîn manheit;
;;;685;10;;sô swachen strît ich nie gestreit.
;;;685;11;;ich hab gestriten, giht man mir
;;;685;12;;- ob ir gebietet, des vrâget ir -,
;;;685;13;;gegen liuten, die des mîner hant
;;;685;14;;jâhen, si wære vür prîs erkant.
;;;685;15;;ich bestuont nie einen lîp.
;;;685;16;;ez soln ouch loben niht diu wîp,
;;;685;17;;ob ich den sic hiute erhol.
;;;685;18;;
;;;685;19;;mir ist gesaget, si sî ûz banden lân,
;;;685;20;;durch die der kampf wirt getân.
;;;685;21;;Artus, der erkante verre,
;;;685;22;;sô manic vremdiu terre
;;;685;23;;zuo sînem gebot ist vernomen,
;;;685;24;;sô ist lîhte her mit im komen,
;;;685;25;;durch die ich vröude und nôt
;;;685;26;;in ir gebot unz in den tôt
;;;685;27;;sol dienstlîchen bringen.
;;;685;28;;wâ möhte mir baz gelingen,
;;;685;29;;ob mir diu sælde sol beschehen,
;;;685;30;;daz si mîn dienst ruochet sehen?"
;;;686;1;;Bene under des küniges armen saz;
;;;686;2;;diu liez den kampf gar âne haz.
;;;686;3;;si het des küniges manheit
;;;686;4;;sô vil gesehen, dô er streit,
;;;686;5;;daz si  wolt ûz sorgen lân.
;;;686;6;;wuste aber si, daz Gawan
;;;686;7;;ir vrowen bruoder wære
;;;686;8;;und daz  strengen mære
;;;686;9;;ûf ir hêrren wæren gezogen,
;;;686;10;;si wær an vröuden dô betrogen.
;;;686;11;;si brâhte dem künic ein vingerlîn,
;;;686;12;;daz Ithonie, diu künigîn,
;;;686;13;;het durch minne im gesant,
;;;686;14;;daz ir bruoder wert erkant
;;;686;15;;holt über den Sabins.
;;;686;16;;Bene ûf den Poinzaclins
;;;686;17;;kam in einem seitiez.
;;;686;18;;diu mære si niht liez:
;;;686;19;;"von Schahtel Marveile varn
;;;686;20;;ist mîn vrowe mit vrowen scharn."
;;;686;21;;si mante in triuwe und êre
;;;686;22;;von ir vrowen mêre,
;;;686;23;;dan ie kint man enbôt,
;;;686;24;;und daz er dæhte an ir nôt,
;;;686;25;;sît si vür aller gewinne
;;;686;26;;dienst büte nâch sîner minne.
;;;686;27;;daz maht den künic hôchgemuot.
;;;686;28;;unreht er Gawane doch tuot.
;;;686;29;;solt ich engelten sus der swester mîn,
;;;686;30;;ich wolte ê âne swester sîn.
;;;687;1;;man truoc im zimierde dar
;;;687;2;;von diser koste alsô gevar,
;;;687;3;;wan diu minne ie des betwanc,
;;;687;4;;daz er nâch wîbe lône ranc,
;;;687;5;;ez wære Gahmuret oder Galoes
;;;687;6;;oder der künic Killicrates,
;;;687;7;;der dekeiner dorft sînen lîp
;;;687;8;;nie baz gezieren durch diu wîp.
;;;687;9;;von Ipopotiticon
;;;687;10;;oder ûz der wîten Acraton
;;;687;11;;oder von Kalomidente
;;;687;12;;oder von Agathirsiente
;;;687;13;;wart nie bezzer  verbrâht,
;;;687;14;;dan sîn zimierde was erdâht.
;;;687;15;;dô kust er daz vingerlîn,
;;;687;16;;daz Ithonie, diu junge künigîn,
;;;687;17;;im durch minne sante.
;;;687;18;;ir triuwe in sô bekante,
;;;687;19;;wâ in kumbers wær bevilt,
;;;687;20;;dâ was ir minne vür ein schilt.
;;;687;21;;Nû daz der künic gewâfent wart,
;;;687;22;;zwelf juncvrowen an der vart
;;;687;23;;bescheiden wâren ûf schœnen runzîden.
;;;687;24;;dô ensolte niht vermîden
;;;687;25;;diu clâre geselleschaft,
;;;687;26;;ieglîchiu het an einen schaft
;;;687;27;;den tiuren pfelle genomen,
;;;687;28;;dar unde der künic wolte komen;
;;;687;29;;den vuorten si durch schate dan
;;;687;30;;ob dem strît gernden man.
;;;688;1;;niht zuo kranc zwei vröuwelîn,
;;;688;2;;diu truogen den besten schîn,
;;;688;3;;under des küniges starken armen riten.
;;;688;4;;dô enwart niht lenger gebiten:
;;;688;5;;Artuses boten vuoren dan
;;;688;6;;und kômen dar, dâ Gawan
;;;688;7;;ûf ir widerreise streit.
;;;688;8;;dô wart den kinden leit,
;;;688;9;;si schrîten lûte umb sîne nôt,
;;;688;10;;wan in ir triuwe daz gebôt.
;;;688;11;;ez was vil nâch alsô komen,
;;;688;12;;daz den sic het aldâ genomen
;;;688;13;;Gawanes kampfgenôz.
;;;688;14;;des kraft was über in sô grôz,
;;;688;15;;daz Gawan, der werde degen,
;;;688;16;;des sigens hete nâch verpflegen,
;;;688;17;;wan daz in klagende nanten
;;;688;18;;diu kint, diu in bekanten.
;;;688;19;;der ê des was sînes strîtes wer,
;;;688;20;;verbar dô gegen im strîtes ger.
;;;688;21;;verre ûz der hant er warf daz swert.
;;;688;22;;"unsælic und unwert
;;;688;23;;bin ich", sprach der vremde gast.
;;;688;24;;"aller sælden mir gebrast,
;;;688;25;;daz mîner geunêrten hant
;;;688;26;;diser strît ie wart bekant.
;;;688;27;;daz was mit unvuoge ir zuo vil.
;;;688;28;;schuldic ich mich geben wil.
;;;688;29;;hie trat mîn ungelücke vür
;;;688;30;;und schiet mich von der selben kür.
;;;689;1;;sus sint diu alten wâpen mîn
;;;689;2;;ê dicke und aber worden schîn,
;;;689;3;;daz ich gegen dem werden Gawan
;;;689;4;;alhie mîn strîten hân getân.
;;;689;5;;ich hân mich selben überstriten
;;;689;6;;und ungelückes hie erbiten.
;;;689;7;;dô des strîtes wart begunnen,
;;;689;8;;dô was mir sælde entrunnen."
;;;689;9;;Gawan die klage hôrte und sach;
;;;689;10;;zuo sînem kampfgenôz er sprach:
;;;689;11;;"owê, hêrre, wer sît ir?
;;;689;12;;ir sprecht sô vriuntlîch gegen mir.
;;;689;13;;wan wær diu rede ê geschehen,
;;;689;14;;die wîle ich krefte mohte jehen,
;;;689;15;;sô wær ich niht von prîse komen.
;;;689;16;;ir habt den prîs alhie genomen.
;;;689;17;;ich het iuwer gerne künde
;;;689;18;;und zuo einem vriunde
;;;689;19;;mînen prîs, ob ich den suochte.
;;;689;20;;die wîle es mîn sælde ruochte,
;;;689;21;;sô gestreit ich ie wol einer hant."
;;;689;22;;"neve, ich tuon dir mich erkant
;;;689;23;;dienstlîch nû und alliu mâl:
;;;689;24;;ich binz, dîn neve Parcifal."
;;;689;25;;Gawan sprach, sô was ez reht:
;;;689;26;;"hie ist krumbiu tumpheit worden sleht.
;;;689;27;;hie habent zwei herzen einvalt
;;;689;28;;mit haz erzöuget ir gewalt.
;;;689;29;;dîn hant uns beide überstreit;
;;;689;30;;nû sî dirs durch uns beide leit.
;;;690;1;;dû hâst dir selben an gesiget,
;;;690;2;;ob dîn herze triuwen pfliget."
;;;690;3;;dô disiu rede was getân,
;;;690;4;;dô mohte mîn hêr Gawan
;;;690;5;;von unkraft niht langer stân.
;;;690;6;;er begunde al swindeln gân,
;;;690;7;;wan im daz houbt erschellet was;
;;;690;8;;er strûchet nider an daz gras.
;;;690;9;;Artuses junchêrrelîn
;;;690;10;;spranc einez under daz houbt sîn.
;;;690;11;;dô bant im daz süeze kint
;;;690;12;;ab den helm und swanc den wint
;;;690;12;1;
;;;690;12;2;
;;;690;13;;mit einem huote pfæwîn wîz
;;;690;14;;under diu ougen. diser kindes vlîz
;;;690;15;;lêrt Gawanen niuwe kraft.
;;;690;16;;ûz beiden hern geselleschaft
;;;690;17;;mit rote kômen hie und dort,
;;;690;18;;ietweder here in sînen ort,
;;;690;19;;dâ ir zil wâren gestôzen
;;;690;20;;mit gespiegelten ronen grôzen.
;;;690;21;;Gramolanz die koste gap
;;;690;22;;durch sînes kampfes urhap.
;;;690;23;;der boum hundert wâren
;;;690;24;;mit liehten blicken clâren.
;;;690;25;;dâ ensolte nieman zwischen komen.
;;;690;26;;si stuonden, als ichs hân vernomen,
;;;690;27;;vierzic ponder von ein ander
;;;690;28;;mit geverwetem blic glander,
;;;690;29;;vünfzic ietweder sît.
;;;690;30;;dâ zwischen solte ergên der strît.
;;;691;1;;daz her solt ûzerhalben haben,
;;;691;2;;alsô ez schiede mûre oder graben.
;;;691;3;;des het einen hantvride getân
;;;691;4;;Gramolanz und Gawan.
;;;691;5;;gegen dem ungelobten strîte
;;;691;6;;manic rotte kam geriten bî zîte
;;;691;7;;ûz beiden hern, die sâhen,
;;;691;8;;wem si dâ prîses jâhen.
;;;691;9;;die nam ouch wunder, wer dâ strite
;;;691;10;;mit alsô strîteclîchem site
;;;691;11;;oder wem des strîtes dâ wær gedâht.
;;;691;12;;ietweder her het brâht
;;;691;13;;sînen kempfen in den rinc;
;;;691;14;;ez dûhte si wunderlîchiu dinc.
;;;691;15;;Dô diser kampf wart getân
;;;691;16;;ûf dem bluomvarwen plân,
;;;691;17;;dô kam der künic Gramolanz;
;;;691;18;;der wolte ouch rechen sînen kranz.
;;;691;19;;der vriesch wol, waz dâ was beschehen,
;;;691;20;;ein kampf, daz nie wart gesehen
;;;691;21;;herter strît mit swerten.
;;;691;22;;die des ein ander werten,
;;;691;23;;si tâtenz âne schulde gar.
;;;691;24;;Gramolanz ûz sîner schar
;;;691;25;;zuo den kampfmüeden reit,
;;;691;26;;herzelîch klagte er ir arbeit.
;;;691;27;;Gawan was ûf gesprungen,
;;;691;28;;dem wâren die lide erswungen.
;;;691;29;;hie stuonden dise zwêne.
;;;691;30;;nû was ouch vrowe Bene
;;;692;1;;mit dem künige in den rinc geriten,
;;;692;2;;aldâ der kampf was gestriten.
;;;692;3;;diu sach Gawanen kreftelôs,
;;;692;4;;den si vür alle die werlt erkôs
;;;692;5;;zuo ir höfschen vröuden krône.
;;;692;6;;nâch herzen jâmers dône
;;;692;7;;si schrîende von dem pferde spranc,
;;;692;8;;mit armen si in vaste umbeswanc.
;;;692;9;;si sprach: "vervluochet sî diu hant,
;;;692;10;;diu disen kumber het erkant
;;;692;11;;gemachet an iuwerm lîbe clâr,
;;;692;12;;bî allen mannen, daz ist wâr,
;;;692;13;;iuwer varwe ein manlîch spiegel was."
;;;692;14;;si sazte in nider ûf daz gras;
;;;692;15;;ir weinen wênic wart verdaget.
;;;692;16;;dô streich im diu süeze maget
;;;692;17;;ab den ougen bluot und sweiz;
;;;692;18;;in harnasch was im heiz.
;;;692;19;;der künic Gramolanz dô sprach:
;;;692;20;;"Gawan, mir ist leit dîn ungemach,
;;;692;21;;ez wær von mîner hant getân.
;;;692;22;;wiltû morgen ûf den plân
;;;692;23;;gegen mir komen durch strîten,
;;;692;24;;des wil ich gerne bîten.
;;;692;25;;ich bestüende gerner nû ein wîp
;;;692;26;;dan dînen kreftelôsen lîp.
;;;692;27;;waz prîses möht ich an dir bejagen,
;;;692;28;;ich hôrte dich baz gegen kreften sagen?
;;;692;29;;nû ruowe hînt, des ist dir nôt,
;;;692;30;;wiltû verstên den künic Lot."
;;;693;1;;dô truoc der starke Parcifal
;;;693;2;;nidert lide müede noch erblichen mâl.
;;;693;3;;er hete an den stunden
;;;693;4;;sînen helm ab gebunden,
;;;693;5;;dô in der werde künic sach,
;;;693;6;;zuo dem er zühteclîchen sprach:
;;;693;7;;"hêrre, waz mîn neve Gawan
;;;693;8;;gegen iuwern hulden het getân,
;;;693;9;;daz lât mich vür in wesen pfant.
;;;693;10;;ich trage noch werlîche hant.
;;;693;11;;wolt ir zorn gegen im hân,
;;;693;12;;daz sol mîn hant understân."
;;;693;13;;der wirt ûz Rosche Sabins
;;;693;14;;sprach: "hêrre, er gît mir morgen zins.
;;;693;15;;der stât zuo gelte vür mînen kranz,
;;;693;16;;daz sîn prîs wirt hôch und ganz
;;;693;17;;oder daz er mich jaget an die stat,
;;;693;18;;aldâ ich trit ûf lasters pfat.
;;;693;19;;ir moget wol anders sîn ein helt,
;;;693;20;;diser kampf ist iu doch niht erwelt."
;;;693;21;;dô sprach Benen süezer munt
;;;693;22;;zem künige: "ir ungetriuwer hunt!
;;;693;23;;iuwer herze in sîner hende liget,
;;;693;24;;daz iuwer herze hazzes pfliget.
;;;693;25;;war habt ir iuch durch minne ergeben?
;;;693;26;;diu muoz doch sîner gnâden leben.
;;;693;27;;ir sagt iuch selben sigelôs.
;;;693;28;;diu minne ir reht an iu verlôs:
;;;693;29;;getruoget ir ie minne,
;;;693;30;;diu was mit valschem sinne."
;;;694;1;;dô des zornes vil geschach,
;;;694;2;;der künic Benen sunder sprach;
;;;694;3;;er bat si: "vrowe, zürnet niht,
;;;694;4;;daz der kampf von mir geschiht.
;;;694;5;;blîp hie bî dem hêrren dîn.
;;;694;6;;sage Ithonie, der vrowen mîn,
;;;694;7;;ich sî vür wâr ir dienestman
;;;694;8;;und welle ir dienen, waz ich kan."
;;;694;9;;dô Bene daz erhôrte
;;;694;10;;mit wærlîchem worte,
;;;694;11;;daz ir hêrre ir vrowen bruoder was,
;;;694;12;;der dâ solte strîten ûf dem gras,
;;;694;13;;dô zugen jâmers ruoder
;;;694;14;;in ir herze wol ein vuoder
;;;694;15;;der herzelîchen riuwe,
;;;694;16;;wan si pflac herzen triuwe.
;;;694;17;;si sprach: "var hin, vervluochet man!
;;;694;18;;ir sît, der triuwen nie gewan."
;;;694;19;;Der künic reit dan und die sîn.
;;;694;20;;Artuses junchêrrelîn
;;;694;21;;viengen diu ros disen zwein.
;;;694;22;;an den rossen sunder kampf ouch schein.
;;;694;23;;Gawan und Parcifal
;;;694;24;;und Bene, diu lieht gemâl,
;;;694;25;;riten dannen gegen ir her.
;;;694;26;;Parcifal mit mannes wer
;;;694;27;;het den prîs behalten sô,
;;;694;28;;si wâren sîner künfte vrô;
;;;694;29;;die in dâ komen sâhen,
;;;694;30;;hôhes prîses si  alle jâhen.
;;;695;1;;ich sage mêre, ob ich kan:
;;;695;2;;dô sprach von disem einen man
;;;695;3;;in beiden heren die wîsen,
;;;695;4;;daz si begunden prîsen
;;;695;5;;sîne ritterlîche tât:
;;;695;6;;"der dâ den prîs genomen hât,
;;;695;7;;wolt irs jehen, daz ist Parcifal."
;;;695;8;;der was ouch sô lieht gemâl,
;;;695;9;;ez wart nie ritter baz getân,
;;;695;10;;des jâhen wîp und man,
;;;695;11;;dô in Gawan brâhte,
;;;695;12;;der des zuo im gedâhte,
;;;695;13;;daz er in hiez kleiden.
;;;695;14;;dô truoc man dar in beiden
;;;695;15;;von tiurer koste rîch gewant,
;;;695;16;;über alliu disiu mære erkant.
;;;695;17;;daz Parcifal dâ wær komen,
;;;695;18;;von dem sô dicke was vernomen,
;;;695;19;;daz er hôhen prîs bejagte;
;;;695;20;;vür wâr daz maniger sagte.
;;;695;21;;Gawan sprach: "wiltû schouwen
;;;695;22;;dînes künnes vier vrouwen
;;;695;23;;und ander vrowen wolgevar,
;;;695;24;;sô gân ich gerne mit dir dar."
;;;695;25;;dô sprach Gahmuretes kint:
;;;695;26;;"ob hie werde vrowen sint,
;;;695;27;;den soltû mich unmæren niht.
;;;695;28;;ein ieglîch vrowe mich ungern siht,
;;;695;29;;diu bî dem Plimizol gehôrt
;;;695;30;;het von mir valschlîchiu wort.
;;;696;1;;got müez ir wîplîche êre sehen.
;;;696;2;;ich wil iemer vrowen sælde jehen;
;;;696;3;;ich scham mich noch sô sêre,
;;;696;4;;ungern ich gegen in kêre."
;;;696;5;;"ez muoz doch sîn", sprach Gawan.
;;;696;6;;er vuorte Parcifalen dan,
;;;696;7;;dâ in kusten vier künigîn.
;;;696;8;;die herzogîn er lêrte pîn,
;;;696;9;;daz si den küssen solte,
;;;696;10;;der ir gruozes dô niht wolte,
;;;696;11;;dô si minne und ir lant im bôt
;;;696;12;;- des kam si hie von scham in nôt -,
;;;696;13;;dô er vor Logrois gestreit
;;;696;14;;und si sô verre nâch im reit.
;;;696;15;;Parcifal, der clâre,
;;;696;16;;wart des âne vâre
;;;696;17;;überparlieret,
;;;696;18;;daz wart gecondwieret
;;;696;19;;alliu scham ûz sînem herzen dô.
;;;696;20;;âne blœdeheit wart er vrô.
;;;696;21;;Gawan von rehten schulden
;;;696;22;;gebôt bî sînen hulden
;;;696;23;;vrowe Benen, daz ir süezer munt
;;;696;24;;Ithonien des niht tæte kunt,
;;;696;25;;daz in der künic Gramolanz
;;;696;26;;sô hazzete umb sînen kranz
;;;696;27;;und daz si morne ein ander strît
;;;696;28;;solten geben zuo rehter kampfzît.
;;;696;30;;er sprach: "dîn weinen soltû verdagen
;;;696;29;;und solt niht mîner swester sagen."
;;;697;1;;si sprach: "ich mac wol weinen
;;;697;2;;und iemer klage erscheinen,
;;;697;3;;wan weder mir dâ beliget,
;;;697;4;;nâch dem mîn vrowe jâmers pfliget.
;;;697;6;;mich und si muoz ich wol klagen,
;;;697;5;;si ist zuo beider sît erslagen.
;;;697;7;;waz hilfet, daz ir ir bruoder sît?
;;;697;8;;mit ir herzen wolt ir vehten strît."
;;;697;9;;Daz her was gar gezogen în.
;;;697;10;;Gawanen und den gesellen sîn
;;;697;11;;was ir ezzen albereit.
;;;697;12;;mit der herzogîn gemeit
;;;697;13;;Parcifal solte ezzen.
;;;697;14;;dâ wart daz niht vergezzen:
;;;697;15;;Gawan enpfalch in ir.
;;;697;16;;si sprach: "wolt ir bevelhen mir
;;;697;17;;den, der vrowen spotten kan?
;;;697;18;;wie sol ich pflegen disen man?
;;;697;19;;doch diene ich im durch iuwer gebot;
;;;697;20;;ich enruoche, ob irz nemt vür spot."
;;;697;21;;dô sprach Gahmuretes sun:
;;;697;22;;"vrowe, ir wolt gewalt mir tuon.
;;;697;23;;sô wîse erkenne ich mînen lîp:
;;;697;24;;er mîdet spottes aller wîp."
;;;697;25;;ob ez dâ was, man gab in genuoc,
;;;697;26;;mit grôzer zuht man vür si truoc.
;;;697;27;;man und wîp mit vröuden az.
;;;697;28;;Ithonie doch niht vergaz,
;;;697;29;;si enwartet an Benen ougen,
;;;697;30;;daz diu weinten tougen.
;;;698;1;;dô wart ouch si nâch jâmer var,
;;;698;2;;ir süezer munt meit ezzen gar.
;;;698;3;;si dâhte: "waz tuot Bene hie?
;;;698;4;;ich het iedoch gesendet sie
;;;698;5;;zuo dem, der doch mîn herze treget,
;;;698;6;;daz mich hie gar unsanfte reget,
;;;698;7;;daz ist an mir gerochen.
;;;698;8;;het der künic widersprochen
;;;698;9;;mîn dienst und mîne minne?
;;;698;10;;sîn getriuwe, manlîch sinne
;;;698;11;;mogen hie niht mê erwerben,
;;;698;12;;wan daz dar umbe muoz ersterben
;;;698;13;;mîn armer lîp, den ich hie trage,
;;;698;14;;nâch im mit herzelîcher klage."
;;;698;15;;dô man ezzens verpflac,
;;;698;16;;dô was ez ouch wol mitter tac.
;;;698;17;;Artus und daz wîp sîn,
;;;698;18;;vrowe Ginover, diu künigîn,
;;;698;19;;mit ritter und mit vrowen schar
;;;698;20;;riten, dâ der wol gevar
;;;698;21;;saz bî werder vrowen diet.
;;;698;22;;Parcifals anpfanc dô geriet;
;;;698;23;;manige clâre vrouwen
;;;698;24;;muost er sich küssen schouwen.
;;;698;25;;Artus bôt im êre
;;;698;26;;und danket im des sêre,
;;;698;27;;daz sîn hôhiu wirdicheit
;;;698;28;;was sô lanc und breit,
;;;698;29;;daz er den prîs vür alle man
;;;698;30;;von rehten schulden solte hân.
;;;699;1;;der Waleise zuo Artuse sprach:
;;;699;2;;"hêrre, dô ich iuch zuo jungste sach,
;;;699;3;;dô wart ûf die êre mir gerant.
;;;699;4;;von prîse ich gap sô hôhiu pfant,
;;;699;5;;daz ich  nâch was komen.
;;;699;6;;nû hab ich von iu vernomen,
;;;699;7;;ob ir mirz sagt âne vâr,
;;;699;8;;daz prîs ein teil an mir het wâr.
;;;699;9;;wie unsanft ich daz lerne,
;;;699;10;;ich gloubtez ouch noch gerne,
;;;699;11;;wolt ez glouben al ander diet,
;;;699;12;;von den ich mich schamende schiet."
;;;699;13;;Die dâ sâzen, jâhen sîner hant,
;;;699;14;;si het den prîs über manigiu lant
;;;699;15;;mit sô hôhem prîs erworben,
;;;699;16;;daz sîn prîs wær unverdorben.
;;;699;17;;der herzogîn ritter gar
;;;699;18;;ouch kômen, dâ der wol gevar
;;;699;19;;Parcifal bî Artuse saz.
;;;699;20;;der werde künic niht vergaz:
;;;699;21;;er enpfienc si in des wirtes hûs,
;;;699;22;;der hœheste, wîse Artus,
;;;699;23;;wie wît wære Gawans gezelt,
;;;699;24;;er saz dar vür ûf daz velt;
;;;699;25;;si sâzen umb in an den rinc.
;;;699;26;;sich samten unkundiu dinc.
;;;699;27;;wer diser und jener wære,
;;;699;28;;daz würden wîtiu mære,
;;;699;29;;solte der kristen und der Sarrazin
;;;699;30;;kuntlîche dâ genennet sîn.
;;;700;1;;wer was Clinsors her?
;;;700;2;;wer wâren, die sô wol ze wer
;;;700;3;;von Logrois vil dicke riten,
;;;700;4;;dâ si durch Urgelusen striten?
;;;700;5;;wer wâren, die brâht Artus,
;;;700;6;;der ir aller lant und ir hûs
;;;700;7;;kuntlîche solte nennen?
;;;700;8;;müelîch si wæren zuo erkennen.
;;;700;9;;die jâhen alle gemeine,
;;;700;10;;daz Parcifal aleine
;;;700;11;;vor ûz trüege sô clâren lîp,
;;;700;12;;den gerne minnen möhten wîp,
;;;700;13;;und waz zuo hôhem prîse züge,
;;;700;14;;daz in des wirdicheit niht trüge.
;;;700;15;;ûf stuont Gahmuretes kint.
;;;700;16;;der sprach: "alle, die hie sint,
;;;700;17;;sitzen stille und helfen mir,
;;;700;18;;des ich gar unsanfte enbir.
;;;700;19;;mich schiet von tavelrunder
;;;700;20;;ein verholnbærez wunder.
;;;700;21;;die mir ê gâben geselleschaft,
;;;700;22;;helfen mir geselleclîcher kraft
;;;700;23;;noch drüber." des er gerte,
;;;700;24;;Artus in schône werte.
;;;700;25;;einer andern bete er in bat
;;;700;26;;- mit wênic liuten er sunder trat -,
;;;700;27;;daz Gawan gæbe im den strît,
;;;700;28;;den er zuo rehter kampfzît
;;;700;29;;des morgens solte strîten.
;;;700;30;;"ich wil sîn gerne bîten,
;;;701;1;;der dâ heizet Gramolanz.
;;;701;2;;von sînem boum ich einen kranz
;;;701;3;;brach hiute morgen vruo,
;;;701;4;;daz er mir strîten vuorte zuo.
;;;701;5;;ich kam durch strîten in sîn lant,
;;;701;6;;niht wan durch strîten zuo sîner hant.
;;;701;7;;neve, ich solte dîn wênic trûwen hie;
;;;701;8;;mir geschach sô rehte leide nie.
;;;701;9;;ich wând, ez der künic wære,
;;;701;10;;der mich strîtes niht verbære.
;;;701;11;;neve, noch lâz mich in bestân,
;;;701;12;;sol iemer sîn unprîs ergân,
;;;701;13;;mîn hant im schaden vüeget,
;;;701;14;;des im vür wâr genüeget.
;;;701;15;;mir ist mîn reht hie wider geben;
;;;701;16;;ich mac geselleclîchen leben,
;;;701;17;;lieber neve, nû gegen dir.
;;;701;18;;gedenke erkante sippe an mir
;;;701;19;;und lâz den kampf wesen mîn;
;;;701;20;;dâ tuon ich manic ellen schîn."
;;;701;21;;dô sprach mîn hêr Gawan:
;;;701;22;;"bruoder und mâge ich hie hân
;;;701;23;;und mîner œheim vil.
;;;701;24;;iuwer keinem ich gestaten wil,
;;;701;25;;daz er vür mich vehte.
;;;701;26;;ich getrûwe des mînem rehte,
;;;701;27;;sol es glücke walten,
;;;701;28;;ich mac den brîs behalten.
;;;701;29;;got lôn dir, daz dû biutest strît,
;;;701;30;;es ist aber vür mich noch niht zît."
;;;702;1;;Artus die bete erhôrte;
;;;702;2;;daz gespræch er zerstôrte,
;;;702;3;;mit in wider an den rinc er saz.
;;;702;4;;Gawans schenke niht vergaz:
;;;702;5;;dar truogen junchêrrelîn
;;;702;6;;manigen tiuren kopf guldîn
;;;702;7;;mit edelem gesteine.
;;;702;8;;der schenke gienc niht eine.
;;;702;9;;dô daz schenken beschach,
;;;702;10;;daz volc vuor an sîn gemach.
;;;702;11;;dô begunde ez nâhen ouch der naht.
;;;702;12;;Parcifal was sô bedâht,
;;;702;13;;al sîn harnasch er besach,
;;;702;14;;ob dem iht riemen gebrach.
;;;702;15;;daz hie er wol bereiten
;;;702;16;;und wünneclîchen feiten
;;;702;17;;und einen niuwen schilt gewinnen.
;;;702;18;;der sîn was ûz und innen
;;;702;19;;zerhurtieret und erslagen;
;;;702;20;;man muost im einen starken tragen.
;;;702;21;;daz tâten sarjande,
;;;702;22;;die vil wênic er bekante;
;;;702;23;;etlîcher was ein Franzois.
;;;702;24;;sîn ros, daz der templois
;;;702;25;;gegen im zer juste brâhte,
;;;702;26;;ein knappe des gedâhte,
;;;702;27;;ich wart nie baz durchstrichen sît.
;;;702;28;;dô was ez naht und slâfens zît.
;;;702;29;;Parcifal ouch slâfens pflac;
;;;702;30;;sîn harnasch gar vor im gelac.
;;;703;1;;Nû rou den künic Gramolanz,
;;;703;2;;daz ein ander künic vür sînen kranz
;;;703;3;;des tages het gevohten.
;;;703;4;;dô getorsten noch enmohten
;;;703;5;;die sîne daz niht gescheiden.
;;;703;6;;er begunde ez sêre leiden,
;;;703;7;;daz er sich versûmet hæte.
;;;703;8;;waz der helt dô tæte,
;;;703;9;;wan er ê prîs bejagete?
;;;703;10;;reht inne dô ez tagete,
;;;703;11;;was sîn ros gewâpent und sîn lîp.
;;;703;12;;ob gæben rîchlôsiu wîp
;;;703;13;;sîner zimierde stiure?
;;;703;14;;si was sus alsô tiure.
;;;703;15;;er zierte den lîp durch ein maget;
;;;703;16;;der was er dienstes unverzaget.
;;;703;17;;er reit ein ûf die warte.
;;;703;18;;den künic daz müete harte,
;;;703;19;;daz der werde Gawan
;;;703;20;;niht schiere kam ûf den plân.
;;;703;21;;nû het sich ouch vil gar verholn
;;;703;22;;Parcifal her ûz gestoln.
;;;703;23;;ûz einer banier er nam
;;;703;24;;ein starkez sper von Angram;
;;;703;25;;er het ouch al sîn harnasch an.
;;;703;26;;der helt reit aleine dan
;;;703;27;;gegen den ronen spiegelîn,
;;;703;28;;aldâ der kampf solte sîn.
;;;703;29;;er sach den künic halten dort.
;;;703;30;;ê daz deweders ie wort
;;;704;1;;zuo ein ander gespræche,
;;;704;2;;man giht, ietweder stæche
;;;704;3;;dem andern durch des schiltes rant,
;;;704;4;;daz die sprîzen von der hant
;;;704;5;;ûf durch den luft sich wunden.
;;;704;6;;mit der just si beide kunden
;;;704;7;;und sus mit andern strîten.
;;;704;8;;ûf des angers wîten
;;;704;9;;wart daz tou zervüeret
;;;704;10;;und die helme gerüeret
;;;704;11;;mit scharpfen ecken, die wol sniten.
;;;704;12;;unverzagelîch si beide striten.
;;;704;13;;dâ wart der anger getret,
;;;704;14;;an maniger stat daz tou gewet.
;;;704;15;;des riuwent mich die bluomen rôt
;;;704;16;;und mêr die helde, die dâ nôt
;;;704;17;;dolten âne zagheit.
;;;704;18;;wem wær daz liep âne leit,
;;;704;19;;dem si niht heten getân?
;;;704;20;;dô bereit ouch sich hêr Gawan
;;;704;21;;gegen sînes kampfes sorgen.
;;;704;22;;ez was wol mitter morgen,
;;;704;23;;ê man vriesch mære,
;;;704;24;;daz dâ vermisset wære
;;;704;25;;Parcifal, des küenen.
;;;704;26;;ob erz welle süenen?
;;;704;27;;dem gebârt er ungelîche.
;;;704;28;;er streit sô manlîche
;;;704;29;;mit dem, der ouch strîtes pflac.
;;;704;30;;nû was ez hôhe ûf den tac.
;;;705;1;;Gawan ein bischof messe sanc.
;;;705;2;;von stor wart dâ grôz gedranc;
;;;705;3;;beidiu ritter und vrouwen
;;;705;4;;man mohte zuo rosse schouwen
;;;705;5;;an Artuses ringe,
;;;705;6;;ê daz man dâ gesinge.
;;;705;7;;der künic Artus selbe stuont,
;;;705;8;;dâ die pfaffen daz ambaht tuont.
;;;705;9;;dô der benediz wart getân,
;;;705;10;;dô wâpent sich hêr Gawan.
;;;705;11;;man sach ê tragen den stolzen
;;;705;12;;sîn îserîne kolzen
;;;705;13;;an wol geschicten beinen.
;;;705;14;;dô begunden vrowen weinen.
;;;705;15;;daz volc zogte ûz über al,
;;;705;16;;dô si von swerten hôrten schal
;;;705;17;;und viur ûz helmen swingen
;;;705;18;;und slege mit kreften bringen.
;;;705;19;;der künic Gramolanz pflac site,
;;;705;20;;im versmâhte sêre, daz er strite
;;;705;21;;mit einem man. dô dûht in nû,
;;;705;22;;daz hie sehse griffen strîtes zuo.
;;;705;23;;ez was doch Parcifal alein,
;;;705;24;;der gegen im werlîch schein.
;;;705;25;;er het in underwîset
;;;705;26;;einer zuht, die man noch prîset:
;;;705;27;;er genam sît niemer mêre
;;;705;28;;mit rede an sich die êre,
;;;705;29;;daz er zwein mannen büte strît,
;;;705;30;;wan einer im zuo vil dâ gît.
;;;706;1;;der her was komen zuo beider sît
;;;706;2;;ûf dem grüenen anger wît,
;;;706;3;;ietwederhalp an sîn zil.
;;;706;4;;si bruoften daz nîtspil.
;;;706;5;;den küenen wîganden
;;;706;6;;diu ros wâren gestanden.
;;;706;7;;dô striten sus die werden
;;;706;8;;zuo vuoz ûf der erden
;;;706;9;;einen herten strît scharpf erkant.
;;;706;10;;diu swert hôhe ûz der hant
;;;706;11;;wurfen dô die recken
;;;706;12;;und wandelten die ecken.
;;;706;13;;sus enpfienc der künic Gramolanz
;;;706;14;;sûren zins vür sînen kranz.
;;;706;15;;sîner vriundinne künne
;;;706;16;;leit ouch bî ime swache wünne.
;;;706;17;;sus engalt der werde Parcifal
;;;706;18;;Ithonien, der lieht gemâl,
;;;706;19;;der er geniezen solte,
;;;706;20;;ob reht zuo rehte wolte.
;;;706;21;;nâch prîse die vil gevarnen
;;;706;22;;mit strît prîs müezen arnen:
;;;706;23;;einer streit vür vriundes nôt,
;;;706;24;;dem andern minne daz gebôt,
;;;706;25;;daz er was minne undertân.
;;;706;26;;dô kam mîn hêr Gawan,
;;;706;27;;dô ez vil nâch alsus was komen,
;;;706;28;;daz den sic aldâ het genomen
;;;706;29;;der küene, stolze Waleis.
;;;706;30;;Brandelidelin von Ponturteis
;;;707;1;;und Bernout de Riviers
;;;707;2;;und Offinamus von Clitiers,
;;;707;3;;mit blôzen houbten dise drî
;;;707;4;;riten dem strît nâ bî.
;;;707;5;;Artus und Gawan
;;;707;6;;riten anderhalp ûf dem plân
;;;707;7;;zuo den kampfmüeden zwein.
;;;707;8;;die vünf wurden des in ein,
;;;707;9;;si wolten scheiden disen strît.
;;;707;10;;scheidens dûhte rehtiu zît
;;;707;11;;Gramolanzen, der sô sprach,
;;;707;12;;daz er dem siges jach,
;;;707;13;;den man dâ hete gegen ime ersehen.
;;;707;14;;des muos ouch mêr liutes jehen.
;;;707;15;;dô sprach des küniges Lotes sun:
;;;707;16;;"hêr künic, ich wil iu hiute tuon,
;;;707;17;;als ir mir gestern tâtet,
;;;707;18;;dô ir mich ruowen bâtet.
;;;707;19;;nû ruowet hînt, daz tuot iu nôt.
;;;707;20;;wer iu disen strît gebôt,
;;;707;21;;der het iu swache kraft erkant
;;;707;22;;gegen mîner werlîchen hant.
;;;707;23;;ich bestüende iuch nû wol ein,
;;;707;24;;ir vehtet aber niht wan mit zwein.
;;;707;25;;ich wilz morgen wâgen eine;
;;;707;26;;got ez zuo reht erscheine."
;;;707;27;;der künic reit dannen mit den sîn.
;;;707;28;;er tet dô fîanzen schîn,
;;;707;29;;daz er morgens gegen Gawan
;;;707;30;;durch vehten kæme ûf den plân.
;;;708;1;;Artus zuo Parcifal sprach:
;;;708;2;;"neve, sît dir sus geschach,
;;;708;3;;daz dû des kampfes bæte
;;;708;4;;und manlîche tæte
;;;708;5;;und Gawan dirz versagte,
;;;708;6;;daz dîn munt sô sêre klagte,
;;;708;7;;nû hâstû den kampf doch gestriten
;;;708;8;;gegen im, der sîn dâ het erbiten,
;;;708;9;;ez wær uns leit oder liep.
;;;708;10;;dû sliche von uns als ein diep.
;;;708;11;;wir heten anders dîne hant
;;;708;12;;dises kampfes wol erwant.
;;;708;13;;nû darf Gawan des zürnen niht,
;;;708;14;;waz man dir dar umbe prîses giht."
;;;708;15;;Gawan sprach: "mir ist noch leit
;;;708;16;;mînes neven hôhiu wirdicheit.
;;;708;17;;mir ist dannoch morgen alzuo vruo,
;;;708;18;;sol ich kampfes grîfen zuo.
;;;708;19;;wolt michs der künic erlâzen,
;;;708;20;;daz gihe ich im gegen mâzen."
;;;708;21;;daz her reit în mit maniger schar.
;;;708;22;;man sach dâ vrowen wol gevar
;;;708;23;;und manigen gezimierten man,
;;;708;24;;daz nie kein her mê gewan
;;;708;25;;solich zimierde wunder.
;;;708;26;;die von der tavelrunder
;;;708;27;;und diu massenîe der herzogîn,
;;;708;28;;ir wâpenröcke gâben schîn
;;;708;29;;mit pfelle von Zunidunte
;;;708;30;;und brâhte von Pelpiunte;
;;;709;1;;lieht wâren ir covertiure.
;;;709;2;;Parcifal, der gehiure,
;;;709;3;;wart in beiden  gebrîset sô,
;;;709;4;;sîne vriunt des  wesen vrô.
;;;709;5;;si jâhen in Gramolanzes her,
;;;709;6;;daz zuo keiner zît sô wol zuo wer
;;;709;7;;nie kein ritter dekein,
;;;709;8;;den ie diu sunne überschein.
;;;709;9;;waz zuo beiden sîten wære getân,
;;;709;10;;den prîs müest er aleine hân.
;;;709;11;;dannoch si in erkanten niht,
;;;709;12;;dem ieglîch munt dâ prîses giht.
;;;709;13;;Gramolanz si rieten,
;;;709;14;;er möhte wol enbieten
;;;709;15;;Artuse, daz er næme war,
;;;709;16;;daz kein ander man ûz sîner schar
;;;709;17;;gegen im kæme durch vehten,
;;;709;18;;daz er im sante den rehten:
;;;709;19;;Gawanen, künic Lotes sun,
;;;709;20;;mit dem wolt er den kampf tuon.
;;;709;21;;die boten wurden dan gesant,
;;;709;22;;zwei höfschiu kint wîse erkant.
;;;709;23;;der künic sprach: "ir sullet spehen,
;;;709;24;;wem ir dâ prîses wellet jehen
;;;709;25;;under allen clâren vrouwen.
;;;709;26;;ir solt ouch sunder schouwen,
;;;709;27;;bî welicher Bene sitze.
;;;709;28;;nemt daz mit iuwer witze,
;;;709;29;;in welicher gebærde si sî,
;;;709;30;;won ir vröude oder trûren bî,
;;;710;1;;daz solt ir brüefen tougen.
;;;710;2;;ir seht wol an ir ougen,
;;;710;3;;ob si nâch vriunde kumber hât.
;;;710;4;;seht, daz ir des niht enlât:
;;;710;5;;Bene, mîner vriundîn,
;;;710;6;;gebt disen brief und daz vingerlîn;
;;;710;7;;diu weiz wol, wem daz vürbaz sol.
;;;710;8;;werbet gevuoge, sô tuot ir wol."
;;;710;9;;Nû was ez ouch anderhalp sô komen,
;;;710;10;;Ithonie het alsô vernomen,
;;;710;11;;daz ir bruoder und der liebste man,
;;;710;12;;den maget zuo liebe ie gewan,
;;;710;13;;mit ein ander vehten solten
;;;710;14;;und des niht lâzen wolten.
;;;710;15;;dô brast ir jâmer durch die scheme.
;;;710;16;;wen ir kumbers nû gezeme,
;;;710;17;;der tuo ez âne mînen rât,
;;;710;18;;sît si ez ungedienet hât.
;;;710;19;;beide ir muoter und ir ane
;;;710;20;;die maget vuorten sunder dane
;;;710;21;;in ein wênic gezelt sîdîn.
;;;710;22;;Arnive weiz ir disen pîn,
;;;710;23;;si strâft si umb ir missetât,
;;;710;24;;des was ouch dô kein ander rât:
;;;710;25;;si verjach aldâ vil unverholn,
;;;710;26;;daz si lange hete in verstoln.
;;;710;27;;dô sprach diu maget wert erkant:
;;;710;28;;"sol mir nû mînes bruoder hant
;;;710;29;;mînes herzen verch versnîden,
;;;710;30;;daz möhte er gerne mîden."
;;;711;1;;Arune zuo einem junchêrrelîn
;;;711;2;;sprach: "nû sage dem sun mîn,
;;;711;3;;daz er mich balde spreche
;;;711;4;;und daz alein reche."
;;;711;5;;der knappe Artusen brâhte.
;;;711;6;;Arune des gedâhte,
;;;711;7;;si wolte ez in lâzen hœren,
;;;711;8;;ob erz möhte erstœren,
;;;711;9;;nâch wem der clâren Ithonie
;;;711;10;;was sô herzenlîchen wê.
;;;711;12;;innen des ouch komen sint
;;;711;11;;des künic Gramolantzes kint.
;;;711;13;;die erbeizten ûf dem velde.
;;;711;14;;vor dem kleinen gezelde
;;;711;15;;einer Benen sitzen sach
;;;711;16;;bî der, diu  Artuse sprach:
;;;711;17;;"giht des diu herzogîn vür prîs,
;;;711;18;;ob mir mîn bruoder mîn âmîs
;;;711;19;;sleht durch ir lôsen rât,
;;;711;20;;des möhte er jehen vür missetât.
;;;711;21;;waz het der künic im getân?
;;;711;22;;er solte in mîn geniezen lân.
;;;711;23;;treit mîn bruoder sinne,
;;;711;24;;er weiz unser zweier minne
;;;711;25;;sô lûter âne truopheit;
;;;711;26;;pfliget er triuwe, ez wirt im leit.
;;;711;27;;sol mîn hant erwerben
;;;711;28;;nâch dem künige ein sûrez sterben?
;;;711;29;;hêrre, daz sî iu geklaget",
;;;711;30;;sprach zuo Artuse diu süeze maget.
;;;712;1;;"nû gedenkt, ob ir mîn œheim sît;
;;;712;2;;durch triuwe scheidet disen strît."
;;;712;3;;Artus ûz wîsem munde
;;;712;4;;sprach an der selben stunde:
;;;712;5;;"owê, liebiu niftel mîn,
;;;712;6;;daz dîn jugent sô hôher minne schîn
;;;712;7;;tuot, daz muoz dir werden sûr!
;;;712;8;;alsô tet dîn swester Surdamur
;;;712;9;;durch der Kriechen lampriure.
;;;712;10;;süeziu maget gehiure,
;;;712;11;;den kampf möht ich wol scheiden,
;;;712;12;;wiss ich daz an iu beiden,
;;;712;13;;ob iuwer herz gesamet sint.
;;;712;14;;Gramolantz, Girotes kint,
;;;712;15;;vert mit sô manlîchem siten,
;;;712;16;;daz der kampf wirt gestriten,
;;;712;17;;ez understê dan diu minne dîn.
;;;712;18;;gesach er dînen liehten schîn
;;;712;19;;bî vröuden ie zuo keiner stunt
;;;712;20;;und dînen rôten süezen munt?"
;;;712;21;;si sprach: "daz ist niht beschehen.
;;;712;22;;wir minnen ein ander âne sehen.
;;;712;23;;er het mir aber durch liebe kraft
;;;712;24;;und durch rehte geselleschaft
;;;712;25;;sînes kleinôtes vil gesant.
;;;712;26;;er enpfienc ouch von mîner hant
;;;712;27;;daz zer wâren liebe hôrt
;;;712;28;;und uns beiden zwîvel stôrt.
;;;712;29;;der künic ist an mir stæte,
;;;712;30;;âne valsch herzen ræte."
;;;713;1;;dô erkante vrowe Bene
;;;713;2;;diser knappen zwêne,
;;;713;3;;des künic Gramolantzes kint,
;;;713;4;;die nâch Artuse komen sint.
;;;713;5;;si sprach: "hie solte niemen stên.
;;;713;6;;wolt ir, ich heize vürbaz gên
;;;713;7;;daz volc ûz den snüeren.
;;;713;8;;wil mîn vrowe rüeren
;;;713;9;;solich ungenâde umb ir trût,
;;;713;10;;daz mære kumt schier über lût."
;;;713;11;;vrowe Bene her ûz wart gesant.
;;;713;12;;der kinde einez an ir hant
;;;713;13;;schoup den brief und daz vingerlîn.
;;;713;14;;si hetten ouch die hôhe pîn
;;;713;15;;von Ithonien wol vernomen
;;;713;16;;und jâhen, daz si wære komen,
;;;713;17;;und wolten Artusen sprechen,
;;;713;18;;ob si daz ruohte zechen.
;;;713;19;;si sprach: "stât verre dort hin dan,
;;;713;20;;unz ich iuch gâns zuo mir man."
;;;713;21;;von Benen, der süezen maget,
;;;713;22;;im gezelt wart gesaget,
;;;713;23;;Gramolantzes boten wâren dâ
;;;713;24;;und vrâgten, wâ
;;;713;25;;Artus, der künic, wære.
;;;713;26;;"daz dûhte mich ungebære,
;;;713;27;;ob ich in zougte an diz gespræche.
;;;713;28;;seht dan, waz ich ræche
;;;713;29;;an mîner vrowen, ob sie
;;;713;30;;si sehent alsus weinen hie."
;;;714;1;;Artus sprach: "sint diz die knaben,
;;;714;2;;die ich an den rinc sach nâch mir draben?
;;;714;3;;daz sint von hôher art zwei kint.
;;;714;4;;waz, ob si sô gevüege sint,
;;;714;5;;gar bewart vor missetât,
;;;714;6;;daz si wol gânt an disen rât?
;;;714;7;;eintweder pfliget der sinne,
;;;714;8;;daz er sînes hêrren minne
;;;714;9;;an mîner nifteln wol siht."
;;;714;10;;Bene sprach: "des weiz ich niht.
;;;714;11;;hêrre, mac ez mit hulden sîn,
;;;714;12;;der künic hât daz vingerlîn
;;;714;13;;dâ her gesant an disen brief.
;;;714;14;;dô ich nû vür daz pavelûn lief,
;;;714;15;;der kinde einez gap in mir.
;;;714;16;;vrowe, sêt, den nemet ir."
;;;714;17;;dô wart der brief vil gekust.
;;;714;18;;Ithonie druht in an ir brust.
;;;714;19;;si sprach: "hêrre, nû seht her an,
;;;714;20;;ob mich der künic minnen man."
;;;714;21;;Artus den brief nam in die hant,
;;;714;22;;dâr an er geschriben vant
;;;714;23;;von dem, der minnen kunde.
;;;714;24;;ûz sîn selbes munde
;;;714;25;;Gramolantz, der stæte, sprach.
;;;714;26;;Artus an dem brieve sach,
;;;714;27;;daz er mit sînem sinne
;;;714;28;;sô endehafte minne
;;;714;29;;bî sînen zîten nie vernam.
;;;714;30;;dâ stuont daz minne wol gezam:
;;;715;1;;"ich grüeze die ich grüezen sol,
;;;715;2;;dâ ich mit dienste grüezen hol.
;;;715;3;;vröuwelîn, ich meine dich,
;;;715;4;;sît dû mit trôst trôstes mich.
;;;715;5;;unser minne gebent geselleschaft,
;;;715;6;;sô ist wurzel mîner vröuden kraft.
;;;715;7;;dîn trôst vür ander trôst wiget,
;;;715;8;;sît dîn herz gegen mir triuwen pfliget.
;;;715;9;;dû bist slôz ob mîner triuwe
;;;715;10;;und ein vlust mînes herzen riuwe.
;;;715;11;;dîn minne gît mir helfe rât,
;;;715;12;;daz dekeiner slaht untât
;;;715;13;;an mir nimmer wirt gesehen.
;;;715;14;;ich mac wol dîner güete jehen
;;;715;15;;stæte âne wenken sus,
;;;715;16;;alsô pôlus artanticus
;;;715;17;;gegen dem tremontân stât,
;;;715;18;;den enweder von dernste gât.
;;;715;19;;unser minne sol in triuwen stân
;;;715;20;;und niht von ein ander gân.
;;;715;21;;nû gedenk an mir, werdiu maget,
;;;715;22;;waz ich dir kumbers hân geklaget.
;;;715;23;;wis dîner helf an mir niht laz.
;;;715;24;;ob dich iemen durch mînen haz
;;;715;25;;von mir welle scheiden,
;;;715;26;;sô gedenk, daz uns beiden
;;;715;27;;diu minne mac gelônen.
;;;715;28;;dû solt vrowen êre schônen
;;;715;29;;und lâz mich sîn dîn dienstman.
;;;715;30;;ich wil dir dienen, waz ich kan."
;;;716;1;;Artus sprach: "niftel, dû hâst wâr,
;;;716;2;;der künic dich grüezet âne vâr.
;;;716;3;;der brief tuot mir mê kunt,
;;;716;4;;daz ich sô wunderlîchen vunt
;;;716;5;;gegen minne nie gemezzen sach.
;;;716;6;;dû solt im sîn ungemach
;;;716;7;;wenden, als sol er dir.
;;;716;8;;lât ir daz beidiu her zuo mir,
;;;716;9;;ich wil den kampf undervarn.
;;;716;10;;die wîle soltû weinen sparn.
;;;716;11;;nû wære dû doch gevangen.
;;;716;12;;sage mir, wie ist daz ergangen,
;;;716;13;;daz ir ein ander wurdet holt?
;;;716;14;;dû solt in dîner minne solt
;;;716;15;;teilen; dâ wil er dienen nâch."
;;;716;16;;Ithonie zuo Artuse sprach:
;;;716;17;;"si ist hie, diu daz zuosamen truoc.
;;;716;18;;unser ietweders nie gewuoc.
;;;716;19;;wolt ir, si vüeget wol, daz ich in sihe,
;;;716;20;;dem ich mînes herzen gihe."
;;;716;21;;Artus sprach: "die zouge mir.
;;;716;22;;mac ich, sô vüege ich im und dir,
;;;716;23;;daz iuwer wille dâr an gestêt
;;;716;24;;und iuwer beider vröude ergêt."
;;;716;25;;Ithonie sprach: "ez ist Bene.
;;;716;26;;ouch sint sîner knappen zwêne
;;;716;27;;alhie. müget ir versuochen,
;;;716;28;;wolt ir mînes lebens ruochen,
;;;716;29;;ob mich der künic welle sehen,
;;;716;30;;dem ich muoz mîner vröude jehen?"
;;;717;1;;Artus, der wîse, höfsch man,
;;;717;2;;gienc her ûz zuo den kinden sân.
;;;717;3;;er gruozte si, dô er si sach.
;;;717;4;;der kinde einez zuo im dô sprach:
;;;717;5;;"hêrre, der künic Gramolantz
;;;717;6;;iuch bittet, daz ir machet ganz
;;;717;7;;gelübde, diu dâ sî getân
;;;717;8;;zwischen im und Gawan,
;;;717;9;;durch iuwer selbes êre.
;;;717;10;;hêrre, er bittet iuch mêre,
;;;717;11;;daz kein ander man im vüer strît.
;;;717;12;;iuwer her, daz ist sô wît,
;;;717;13;;solt ers alle übervehten,
;;;717;14;;daz glîchet niht dem rehten.
;;;717;15;;ir solt Gawanen heizen komen,
;;;717;16;;gegen dem der kampf dâ ist genomen."
;;;717;17;;der künic sprach zuo den kinden:
;;;717;18;;"ich wil uns des enbinden.
;;;717;19;;mînem neven geschach nie grœzer leit,
;;;717;20;;daz er selbe dâ niht streit.
;;;717;21;;der mit iuwerm hêrren dâ vaht,
;;;717;22;;dem was der sic wol geslaht.
;;;717;23;;er ist Gahmurettes kint.
;;;717;24;;alle in den drîn heren sint
;;;717;25;;komen von allen sîten,
;;;717;26;;die gevrieschen nie gegen strîten
;;;717;27;;dekeinen helt sô manlîch,
;;;717;28;;sît tât dem prîse ist gelîch.
;;;717;29;;ez ist mîn neve Parcifal.
;;;717;30;;ir solt in sehen, den lieht gemâl.
;;;718;1;;durch Gawanes triuwen nôt
;;;718;2;;leist ich daz mir der künic enbôt."
;;;718;3;;Artus und Bene
;;;718;4;;und diser knappen zwêne
;;;718;5;;riten her und dar.
;;;718;6;;er liez diu kint nemen war
;;;718;7;;liehte blick an maneger vrouwen.
;;;718;8;;si mohten ouch dâ schouwen
;;;718;9;;ûf den helmen manic gesnürr.
;;;718;10;;wênic daz noch würr
;;;718;11;;einem man, der wær rîch,
;;;718;12;;gebârt er geselleclîch.
;;;718;13;;si kômen niht von pferden.
;;;718;14;;Artus liez die werden
;;;718;15;;überal daz her diu kinder sehen,
;;;718;16;;dâ si den wunsch mohten spehen:
;;;718;17;;ritter, megde und wîp,
;;;718;18;;manegen vlætigen lîp.
;;;718;19;;des hers wâren driu stuck,
;;;718;20;;dâ zwischen zwô luck.
;;;718;21;;Artus reit mit den kinden dan
;;;718;22;;von dem her verre ûf den plân.
;;;718;23;;er sprach: "Bene, süeziu maget,
;;;718;24;;dû hœrest wol, waz mir het geklaget
;;;718;25;;Ithonie, mîner swester barn.
;;;718;26;;si kan ir weinen wênic sparn.
;;;718;27;;daz glouben mîn gesellen,
;;;718;28;;die hie habent, ob si wellen:
;;;718;29;;Ithonien het Gramolantz
;;;718;30;;verleschet nâhe ir liehten glanz.
;;;719;1;;nû helfet mir, ir zwêne,
;;;719;2;;und ouch mîn vriundîn Bene,
;;;719;3;;daz der künic her zuo mir rîte
;;;719;4;;ûf den kampf doch morgen strîte.
;;;719;5;;mînen neven Gawan
;;;719;6;;bringe ich gegen im ûf den plân.
;;;719;7;;rît der künic hiute in mîn her,
;;;719;8;;er ist morgen deste baz zuo wer.
;;;719;9;;hie gît diu minne im einen schilt,
;;;719;10;;daz sînen kampfgenôz bevilt.
;;;719;11;;ich mein gegen minne hôhen muot,
;;;719;12;;der bî den vîenden schaden tuot.
;;;719;13;;er sol höfsch liute bringen.
;;;719;14;;ich wil hie tegedingen
;;;719;15;;zwischen im und der herzogîn.
;;;719;16;;nû werbetz, trûtgesellen mîn,
;;;719;17;;mit vuoge; des habt ir êre.
;;;719;18;;mich wundert harte sêre,
;;;719;19;;waz ich übels möhte hân
;;;719;20;;wider Gramolantzen getân,
;;;719;21;;sît er gegen mîme künne pfliget,
;;;719;22;;daz in lîht unhôhe wiget,
;;;719;23;;minne und unminne grôz?
;;;719;24;;ein ieglîch künic, mîn genôz,
;;;719;25;;mîn gerne möhte schônen.
;;;719;26;;wil er nû mit hazze lônen
;;;719;27;;ir bruoder, diu in minnet,
;;;719;28;;ob er sich versinnet,
;;;719;29;;sîn herz tuot von minnen wanc,
;;;719;30;;wenn ez in lêret den gedanc."
;;;720;1;;Der kinde einez zuo Artuse sprach:
;;;720;2;;"hêrre, wes ir vür ungemach
;;;720;3;;jeht, daz sol mîn hêrre lân,
;;;720;4;;wil er rehte vuoge hân.
;;;720;5;;ir wizzet wol umb den alten haz.
;;;720;6;;stât mînem hêrren blîben baz,
;;;720;7;;dan daz er dâ her zuo iu rîte?
;;;720;8;;diu herzogîn pfliget noch site,
;;;720;9;;daz si ir hulde het versaget
;;;720;10;;und manigem man ab im geklaget."
;;;720;11;;"er sol mit wênic liuten komen",
;;;720;12;;sprach Artus. "die wîle hân ich vernomen
;;;720;13;;vride vür den selben zorn
;;;720;14;;von der herzogîn wol geborn.
;;;720;15;;ich wil im guot geleite tuon.
;;;720;16;;Beacurs, mîner swester sun,
;;;720;17;;nimt in an dem halben wege.
;;;720;18;;er sol varn in mîner pflege.
;;;720;19;;des sol er niht vür laster jehen.
;;;720;20;;ich lâze in werde liute sehen."
;;;720;21;;mit urloube si vuoren dan.
;;;720;22;;Artus hielt alein ûf dem plân.
;;;720;23;;Bene und diu zwei kindelîn
;;;720;24;;zuo Rosche Sabins riten în,
;;;720;25;;und anderhalp daz her dô lac.
;;;720;26;;dô gelebte nie sô lieben tac
;;;720;27;;Gramolanz, dô in gesprach
;;;720;28;;Bene und diu kint. sîn herze jach,
;;;720;29;;im wær alsolich mære brâht,
;;;720;30;;der sælde hete gegen im dâht.
;;;721;1;;er sprach, er wolte gerne komen.
;;;721;2;;dô wart geselleschaft genomen:
;;;721;3;;sînes landes vürsten drî
;;;721;4;;riten dem künic nâhe bî.
;;;721;5;;ouch tet ouch der œheim sîn,
;;;721;6;;der künic Brandelidelin.
;;;721;7;;Bernout de Riviers
;;;721;8;;und Offinamus von Clitiers,
;;;721;9;;ietweder einen gesellen nam,
;;;721;10;;der ûf die reise wol gezam.
;;;721;11;;zwelf wâren ir überal.
;;;721;12;;junchêrren vil âne zal
;;;721;13;;und manic starker sarjant
;;;721;14;;ûf die reise wart benant.
;;;721;15;;welich der ritter kleider mohte sîn?
;;;721;16;;pfelle, der vil liehten schîn
;;;721;17;;gap von golde swære.
;;;721;18;;des küniges valkenære
;;;721;19;;mit im dan durch beizen riten.
;;;721;20;;nû het ouch Artus niht vermiten,
;;;721;21;;Beachurs, den lieht gevar,
;;;721;22;;sant er zuo halbem wege dar
;;;721;23;;dem künige zuo einem geleite.
;;;721;24;;über des gevildes breite,
;;;721;25;;ez wær tîch oder bach,
;;;721;26;;wâ er die passâschen sach,
;;;721;27;;dâ reit der künic beizen her
;;;721;28;;und mê durch der minne ger.
;;;721;29;;Beakurs in dâ enpfienc,
;;;721;30;;sô daz ez mit vröuden gienc.
;;;722;1;;Mit Beakurs komen sint
;;;722;2;;mê dan vünfzic kint,
;;;722;3;;die von ir art gâben liehten schîn,
;;;722;4;;herzogen und grævelîn.
;;;722;5;;dâ reit ouch etlîches küniges sun.
;;;722;6;;dô sach man grôz enpfâhen tuon
;;;722;7;;von den kinden zuo beider sît;
;;;722;8;;si enpfiengen ein ander âne nît.
;;;722;9;;Beakurs pflac varwe lieht.
;;;722;10;;der künic sich vrâgens sûmte niht.
;;;722;11;;Bene im sagte mære,
;;;722;12;;daz der clâre ritter wære
;;;722;13;;Beacurs, Lotes kint.
;;;722;14;;dô gedâht er: "herz, nû vint
;;;722;15;;si, diu dem glîch,
;;;722;16;;der hie rîtet minneclîch.
;;;722;17;;si ist vür wâr sîn swester,
;;;722;18;;diu, geworht in Sinzester,
;;;722;19;;mit ir sperwer sant mir den huot.
;;;722;20;;ob si mir mê genâden tuot,
;;;722;21;;alle irdensch rîcheit,
;;;722;22;;wær diu erde noch alsô breit,
;;;722;23;;dâ vür næme ich si einen.
;;;722;24;;si solz mit triuwen scheinen.
;;;722;25;;ûf ir gnâde kome ich hie.
;;;722;26;;si het mich sô getrœstet ie,
;;;722;27;;ich getrûwe ir wol, waz si mir tuot,
;;;722;28;;dâ von sich hœher baz mîn muot."
;;;722;29;;er nam ir clâren bruoder hant
;;;722;30;;in die sîne. diu was ouch lieht erkant.
;;;723;1;;Nû was ouch in dem her komen,
;;;723;2;;daz Artus het genomen
;;;723;3;;vride von der herzogîn.
;;;723;4;;der was ergetzens gewin
;;;723;5;;komen nâch Zidegast,
;;;723;6;;den si klagte ê sô vast.
;;;723;7;;ir zorn was nâch verdecket,
;;;723;8;;wan si hette erwecket
;;;723;9;;von Gawan etlîchen umbevanc;
;;;723;10;;dâ von ir zorn was worden kranc.
;;;723;11;;Artus der Brittunois
;;;723;12;;nam die clâren vrowen artois,
;;;723;13;;beide megde und wîp,
;;;723;14;;die truogen vlæteclîchen lîp.
;;;723;15;;er het der werden hundert
;;;723;16;;in ein gezelt gesundert.
;;;723;17;;niht lieber möhte sîn geschehen,
;;;723;18;;dan daz si den künic solten sehen.
;;;723;19;;Ithonie, diu ouch dâ saz,
;;;723;20;;stæter vröude si niht vergaz,
;;;723;21;;doch kôs man an ir ougenschîn,
;;;723;22;;daz si minne lêrte pîn.
;;;723;23;;dâ saz manic ritter lieht gemâl,
;;;723;24;;doch truoc der werde Parcifal
;;;723;25;;den prîs vor ander clârheit.
;;;723;26;;Gramolantz an die snüer reit.
;;;723;27;;dô vuorte der künic unervorht,
;;;723;28;;in Ganfassasc geworht,
;;;723;29;;einen pfelle mit golde vesten;
;;;723;30;;der begunde vaste glesten.
;;;724;1;;si erbeizten, die dâ komen sint.
;;;724;2;;des künic Gramolantzes kint
;;;724;3;;manegiu vor in sprungen,
;;;724;4;;in die pavelûn si sich drungen.
;;;724;5;;die kamerer in wider strît
;;;724;6;;rûmden ein strâze wît
;;;724;7;;gegen der Brittuneise künigîn.
;;;724;8;;der künic Brandelidelin
;;;724;9;;vor Gramolantz und daz pavelûn gienc.
;;;724;10;;Genofer den mit kiusch enpfienc.
;;;724;11;;der künic wart enpfangen sus.
;;;724;12;;Bernautten und Offinamus
;;;724;13;;die künigîn man ouch küssen sach.
;;;724;14;;Artus zuo Gramolantz sprach:
;;;724;15;;"ê ir sitzens beginnet,
;;;724;16;;seht, ob ir dekein minnet
;;;724;17;;diser vrowen, und küsset sie.
;;;724;18;;iu beiden sî daz erloubet hie."
;;;724;19;;dô sagte im, wer sîn vriundîn was,
;;;724;20;;ein brief, den er zuo velde las.
;;;724;21;;ich mein, daz er ir bruoder sach,
;;;724;22;;diu im vor aller der werlte jach
;;;724;23;;ir werden minne tougen.
;;;724;24;;Gramolantzes ougen
;;;724;25;;si erkanten, diu im minne truoc.
;;;724;26;;sîn vröude was hôch genuoc,
;;;724;27;;sît Artus het erloubet daz,
;;;724;28;;daz si beide ein ander âne haz
;;;724;29;;mit gruoze enpfâhen tâten kunt:
;;;724;30;;er kuste Ithonien an den munt.
;;;725;1;;der künic Brandelidelin
;;;725;2;;saz zuo Genovern, der künigîn.
;;;725;3;;ouch saz der künic Gramolantz
;;;725;4;;zuo der, diu liehten glanz
;;;725;5;;mit weinen het begozzen.
;;;725;6;;des het si sîn genozzen.
;;;725;7;;er wolte unschuldige rechen,
;;;725;8;;sô muos er hin zuo ir sprechen,
;;;725;9;;sîn dienst nâch minne bieten.
;;;725;10;;si kunde ouch sich des nieten,
;;;725;11;;daz si im dankte umb sîn komen.
;;;725;12;;ir rede von niemen wart vernomen.
;;;725;13;;si sâhen ein ander gerne.
;;;725;14;;wan ich nû rede gelerne,
;;;725;15;;sô prüeve ich, waz si sprâchen dâ,
;;;725;16;;eintweder nein oder jâ.
;;;725;17;;Artus zuo Brandelidelin
;;;725;18;;sprach: "ir habt dem wîbe mîn
;;;725;19;;iuwer mær nû genuoc gesaget."
;;;725;20;;er vuorte den helt unverzaget
;;;725;21;;in ein minner gezelt
;;;725;22;;kurzen wec über daz velt.
;;;725;23;;Gramolantz saz stille
;;;725;24;;- daz was ouch wol sîn wille -
;;;725;25;;und al ander die gesellen sîn.
;;;725;26;;dâ gâben vrowen sô clâren schîn,
;;;725;27;;daz die ritter wênic dâ verdrôz.
;;;725;28;;ir kurzewîle was sô grôz,
;;;725;29;;si möhte ein man noch gerne doln,
;;;725;30;;der nâch sorge  wolte erholn.
;;;726;1;;vür die künigîn man dô truoc
;;;726;2;;daz trinken. trunken si genuoc,
;;;726;3;;die ritter und die vrowen gar,
;;;726;4;;si wurden deste baz gevar.
;;;726;5;;man truoc ouch trinken dort hin în
;;;726;6;;Artuse und Brandelin.
;;;726;7;;der schenk gienc hin wider dan,
;;;726;8;;Artus sîn rede alsus huop an:
;;;726;9;;"hêr künic, nû lât daz alsô sîn,
;;;726;10;;daz iuwer neve den neven mîn
;;;726;11;;in einem kreize habe erslagen.
;;;726;12;;wolte er danne minne tragen
;;;726;13;;gegen mîner niftel, der maget,
;;;726;14;;diu im ir kumber ouch dort klaget,
;;;726;15;;dâ wir si liezen sitzen,
;;;726;16;;unêre si dan mit witzen,
;;;726;17;;si würde im nimmer dâr umb holt
;;;726;18;;und teilte im solichen hazzes solt,
;;;726;19;;dês in möhte verdriezen,
;;;726;20;;wolt er ir iht geniezen.
;;;726;21;;wâ haz die minne undervert,
;;;726;22;;dem stæten herzen vröude ez wert."
;;;726;23;;dô sprach der künic von Ponturteis
;;;726;24;;zuo Artuse dem Brittuneis:
;;;726;25;;"hêrre, si sint unser swester kint,
;;;726;26;;die gegen ein ander in hazze sint.
;;;726;27;;wir sollen den kampf understân,
;;;726;28;;dan ez mac niht anders ergân,
;;;726;29;;wan daz si ein ander minnen
;;;726;30;;mit herzelîchen sinnen.
;;;727;1;;iuwer niftel Itonie
;;;727;2;;sol mînem neven gebieten ê,
;;;727;3;;daz er den kampf durch si verber,
;;;727;4;;sî, daz er ir minne ger,
;;;727;5;;sô wirt vür wâr der kampf vermiten
;;;727;6;;gar mit strîteclîchem siten,
;;;727;7;;und helfet ouch ir dem neven mîn
;;;727;8;;hulde dâ zer herzogîn."
;;;727;9;;Artus sprach: "daz wil ich tuon.
;;;727;10;;Gawan, mîner swester sun,
;;;727;11;;ist wol sô gewaltic ir,
;;;727;12;;daz si beidiu im und mir
;;;727;13;;durch die zuht die schulde gît.
;;;727;14;;sô scheidet ir anderhalp den strît."
;;;727;15;;"ich tuon", sprach Brandelidelin.
;;;727;16;;si giengen beide wider în.
;;;727;17;;dô saz der künic von Ponturteis
;;;727;18;;zuo Ginoveren, diu was kurteis.
;;;727;19;;anderhalp ir saz Parcifal,
;;;727;20;;der was ouch sô lieht gemâl,
;;;727;21;;nie ouge ersach sô schœnen man.
;;;727;22;;Artus huop sich her dan
;;;727;23;;zuo sînem neven Gawan.
;;;727;24;;dem was zuo wizzen getân,
;;;727;25;;der künic Gramolantz wær komen.
;;;727;26;;dô wart ouch schier vor im vernomen,
;;;727;27;;Artus erbeizte vor dem gezelt.
;;;727;28;;gegen dem spranc er ûf daz velt.
;;;727;29;;si truogen daz zuo samen dâ,
;;;727;30;;daz diu herzogîn sprach suon jâ,
;;;728;1;;aber anders niht dekein wîs,
;;;728;2;;wan ob Gawan, ir âmîs,
;;;728;3;;wolt den kampf durch si verbern,
;;;728;4;;sô wolt ouch si der suone wern.
;;;728;5;;diu suone würde aber niht getân,
;;;728;6;;dan ob der künic niht wolte lân
;;;728;7;;beriht ûf ir sweher Lot.
;;;728;8;;bî Artuse si daz hin enbôt.
;;;728;9;;Artus, der wîse man,
;;;728;10;;disiu mær brâhte wider dan.
;;;728;11;;Dô muoste der künic Gramonlantz
;;;728;12;;verkiesen umb sînen kranz
;;;728;13;;und waz er hazzes pflæge
;;;728;14;;gegen Lot von Norwege,
;;;728;15;;der zergienc als in der sunnen der snê
;;;728;16;;durch die clâren Itonie
;;;728;17;;lûterlîch âne allen haz.
;;;728;18;;daz ergienc, die wîle er bî ir saz.
;;;728;19;;alle ir bete er volge jach.
;;;728;20;;Gawanen man dort komen sach
;;;728;21;;mit clârlîchen liuten.
;;;728;22;;ich möhte iu niht gar bediuten
;;;728;23;;ir namen oder wannen si sint erborn.
;;;728;24;;dâ wart durch liebe leit verkorn.
;;;728;25;;Urgeluse, diu fier,
;;;728;26;;und ir werden soldier
;;;728;27;;und ouch diu Clinsors schar,
;;;728;28;;ir ein teil - si wârens niht gar -
;;;728;29;;sach man mit Gawanen komen.
;;;728;30;;Artuses gezelt was genomen
;;;729;1;;diu winde von dem huote.
;;;729;2;;Arnive, diu guote,
;;;729;3;;Sangive und Condrie,
;;;729;4;;die het Artus gebeten ê
;;;729;5;;an diser suone tegedinc.
;;;729;6;;wer brüevet daz vür kleiniu dinc,
;;;729;7;;der grœze, waz er welle.
;;;729;8;;Jofrit, Gawanes geselle,
;;;729;9;;vuorte die herzogîn lieht erkant
;;;729;10;;under daz pavelûn an sîner hant.
;;;729;11;;diu pflac durch zuht der sinne,
;;;729;12;;die drîe küniginne
;;;729;13;;liez si vor ir ougen dar în.
;;;729;14;;die kuste Brandelidelin.
;;;729;15;;Urgeluse in ouch mit kusse enpfienc.
;;;729;16;;Gramolantz durch suone gienc
;;;729;17;;und ûf gnâde gegen in dar.
;;;729;18;;ir süezer munt rôt gevar
;;;729;19;;den künic durch suone kuste,
;;;729;20;;dâr umb si weinens luste.
;;;729;21;;si dâht an Zidegastes tôt.
;;;729;22;;dô twanc si wîplîch nôt
;;;729;23;;nâch im dannoch ir riuwe.
;;;729;24;;wolt ir, des jeht ir vür triuwe.
;;;729;25;;Gawan und Gramolantz
;;;729;26;;mit kusse ir suone ouch machten ganz.
;;;729;27;;Artus gap Itonie
;;;729;28;;Gramolantz zuo rehter ê.
;;;729;29;;dâ het er vil gedienet nâch.
;;;729;30;;Bene was vrô, dô daz geschach.
;;;730;1;;den ouch ir minne lêrte pîn,
;;;730;2;;dem herzogen von Gowertzin
;;;730;3;;wart Condrie dô gegeben.
;;;730;4;;âne vröude stuont sîn leben,
;;;730;5;;unz er ir werden minne enpfant.
;;;730;6;;dem Turcoiten Florant
;;;730;7;;Sangiven Artus zuo wîbe bôt.
;;;730;8;;die het dâ vor der künic Lot.
;;;730;9;;der vürste ouch si vil gerne nam.
;;;730;10;;diu gâbe minne wol gezam.
;;;730;11;;Artus was vrowen milte,
;;;730;12;;solicher gâbe in niht bevilte.
;;;730;13;;daz was mit râte dâ vor bedâht.
;;;730;14;;nû disiu rede wart volbrâht,
;;;730;15;;dô sprach diu herzoginn,
;;;730;16;;daz Gawan het ir minn
;;;730;17;;gedienet mit prîse hôch erkant,
;;;730;18;;daz er über ir lîp und über ir lant
;;;730;19;;von rehte hêrre wære.
;;;730;20;;diu rede dûhte swære
;;;730;21;;ir soldier, die manic sper
;;;730;22;;ê brâchen durch ir minne ger.
;;;730;23;;Gawan und die gesellen sîn,
;;;730;24;;Arnive und diu herzogîn
;;;730;25;;und manic vrowe lieht gemâl
;;;730;26;;und ouch der werde Parcifal,
;;;730;27;;Sangive und Condrie
;;;730;28;;nâmen urloup. Itonie
;;;730;29;;beleip bî Artuse dâ.
;;;730;30;;nû darf niemen sprechen, wâ
;;;731;1;;schœner hôchgezît ergienc.
;;;731;2;;Ginofer in ir pflege enpfienc
;;;731;3;;Itonien und ir âmîs
;;;731;4;;Gramolantzen, der manegen prîs
;;;731;5;;mit ritterschaft ê dicke erranc,
;;;731;6;;des in Itonie minne twanc.
;;;731;7;;zuor herberge maneger reit,
;;;731;8;;dem hôhiu minne vuoget leit.
;;;731;9;;des nahtes umb ir ezzen
;;;731;10;;mogen wir mær wol vergezzen.
;;;731;11;;wer dâ werder minne pflac,
;;;731;12;;der wunschte der naht vür den tac.
;;;731;13;;Der künic Gramolantz enbôt
;;;731;14;;- des twanc in hôchvart nôt -
;;;731;15;;zuo Rosse Sabins den sînen,
;;;731;16;;si solten sich des pînen,
;;;731;17;;daz si ab bræchen bî dem mer
;;;731;18;;und vor tage kœmen mit sînem her
;;;731;19;;und daz sîn marschalc næme
;;;731;20;;stat, diu her gezæme.
;;;731;21;;"mir selben brüevet hôhiu dinc,
;;;731;22;;ieglîchem vürsten sunderrinc."
;;;731;23;;des wart durch hôhe koste erdâht.
;;;731;24;;die boten vuoren, dô was ez naht.
;;;731;25;;man sach dâ manegen trûrigen lîp,
;;;731;26;;die daz gelêret hetten wîp,
;;;731;27;;wan wem sîn dienst verswindet,
;;;731;28;;daz er niht lônes vindet,
;;;731;29;;dem muoz gegen sorge wesen gâch,
;;;731;30;;dâ enreich wîbe helfe nâch.
;;;732;1;;nû dâht aber Parcifal
;;;732;2;;an sîn wîp, die lieht gemâl,
;;;732;3;;und an ir kiuschen süeze.
;;;732;4;;ob er kein ander grüeze,
;;;732;5;;der er dienst nâch minnen biete
;;;732;6;;und sich unstæte niete?
;;;732;7;;solich minne wirt von ime gespart.
;;;732;8;;grôz triuwe het in sô bewart,
;;;732;9;;sîn manlîch herz und ouch den lîp,
;;;732;10;;daz vür wâr nie ander wîp
;;;732;11;;wart gewaltic sîner minne
;;;732;12;;niht wan diu küniginne,
;;;732;13;;diu reine Condwieramurs,
;;;732;14;;diu geflôriert bêâflûrs.
;;;732;15;;er dâht: "sît ich minnen kan,
;;;732;16;;wie hât minne an mir getân?
;;;732;17;;nû bin ich doch ûz minne erborn:
;;;732;18;;wie hân ich minne alsus verlorn?
;;;732;19;;sol ich nâch dem Grâl ringen,
;;;732;20;;sô muoz mich iemer twingen
;;;732;21;;ir kiuschlîcher umbevanc,
;;;732;22;;von der ich schiet, daz ist sô lanc.
;;;732;23;;sol ich mit den ougen vröude sehen
;;;732;24;;und muoz mîn herz jâmers jehen,
;;;732;25;;diu werc stânt ungelîch.
;;;732;26;;hôhes muotes rîch
;;;732;27;;wirt niemen solicher pfliht.
;;;732;28;;glück mich beriht,
;;;732;29;;waz mir daz wægest dâr umb sî."
;;;732;30;;sîn harnasch lac im nâhe bî.
;;;733;1;;er dâht: "sît ich mangel hân,
;;;733;2;;daz den sældehaften undertân
;;;733;3;;ist, ich meine die minne,
;;;733;4;;diu trûriges mannes sinne
;;;733;5;;mit vröuden helf ergeilet,
;;;733;6;;sît ich des bin verteilet,
;;;733;7;;ich enruoch nû, waz mir geschiht.
;;;733;8;;got wil mîner vröude niht.
;;;733;9;;diu mich twinget minnen gir,
;;;733;10;;stüende unser minne, mîn und ir,
;;;733;11;;daz scheiden dar zuo hôrte,
;;;733;12;;sô daz uns zwîvel stôrte,
;;;733;13;;ich möhte wol zuo ander minne komen.
;;;733;14;;nû hât ir minne mir benomen
;;;733;15;;ander minne und vröudebæren trôst.
;;;733;16;;ich bin trûrens noch unerlôst.
;;;733;17;;glücke müez vröude weren
;;;733;18;;die endehafter vröude geren.
;;;733;19;;got gebe vröude al disen scharn,
;;;733;20;;ich wil ûz disen vröuden varn."
;;;733;21;;er greif dâ sîn harnasch lac,
;;;733;22;;des er dicke aleine pflac,
;;;733;23;;daz er sich balde wâpent drîn:
;;;733;24;;"nû wil ich werben niht wan pîn."
;;;733;25;;dô der vröude vlühtic man
;;;733;26;;geleit al sîn harnasch an,
;;;733;27;;er satelt daz ros mit sîner hant.
;;;733;28;;schilt und sper bereit er vant.
;;;733;29;;man hôrte sîn reise morgens klagen.
;;;733;30;;dô er dannen schiet, dô begunde ez tagen.
;;;734;1;;Vil liute dis hât verdrozzen,
;;;734;2;;den diz mære was vor beslozzen;
;;;734;3;;genuoge kundenz nie ervarn.
;;;734;4;;nû wil ich ez niht langer sparn,
;;;734;5;;ich tuo ez iu kunt mit rehter sage,
;;;734;6;;wan ich in dem munde trage
;;;734;7;;daz slôz diser âventiur,
;;;734;8;;wie der süeze und der gehiur
;;;734;9;;Anfortas wart wol gesunt.
;;;734;10;;uns tuot diu âventiur kunt,
;;;734;11;;wie von Pelraperie diu künigîn
;;;734;12;;ir kiuschen wîplîchen schîn
;;;734;13;;behielt im an ir lônes stat,
;;;734;14;;dô si in hôhe sælde trat.
;;;734;15;;Parcifal daz wirbet,
;;;734;16;;ob mîn kunst niht verdirbet.
;;;734;17;;ich sage allerêrst sîn arbeit,
;;;734;18;;wan waz sîn hant ie gestreit,
;;;734;19;;daz was mit kinden her getân.
;;;734;20;;möhte ich dis mæres wandel hân,
;;;734;21;;ungerne wolte ich in wâgen;
;;;734;22;;des kunde ouch mich betrâgen.
;;;734;23;;nû bevilh ich sîn glücke
;;;734;24;;sînem herzen, der sælden stücke,
;;;734;25;;dâ diu vrevel bî der kiusche lac,
;;;734;26;;want ez nie zagheit gepflac.
;;;734;27;;daz muoste im vestenunge geben,
;;;734;28;;daz er behalt nû sîn leben,
;;;734;29;;sît ez sich het an den gezoget,
;;;734;30;;in bestât ob allem strît ein voget
;;;735;1;;ûf sîner unverzagten reise.
;;;735;2;;der selbe kurteise
;;;735;3;;was ein heidenischer man,
;;;735;4;;der toufes kunde nie gewan.
;;;735;5;;Parcifal reit balde
;;;735;6;;gegen einem grôzen walde
;;;735;7;;ûf einer liehten waste
;;;735;8;;gegen einem rîchen gaste.
;;;735;9;;ez ist wunder, ob ich armer man
;;;735;10;;die rîcheit iu gesagen kan,
;;;735;11;;die der heiden vür zimierde truoc.
;;;735;12;;sage ich des mêre dan genuoc,
;;;735;13;;dannoch mac ichs iu mêr wol gesagen,
;;;735;14;;ich wil sîner rîcheit niht gedagen.
;;;735;15;;waz diende Artuses hant
;;;735;16;;zuo Britanie und in Engelant,
;;;735;17;;daz vergülten niht die steine,
;;;735;18;;die mit edelm arde reine
;;;735;19;;lâgen ûf des wâpenroc.
;;;735;20;;der was tiur âne alliu getroc.
;;;735;21;;rubîne oder calcedône
;;;735;22;;wâren dâ ze swachem lône.
;;;735;23;;der wâpenroc gap blanken schîn.
;;;735;24;;in dem berge zuo Agremontin
;;;735;25;;die tierlîn salamander
;;;735;26;;in worhten zuo ein ander
;;;735;27;;in dem heizen viur.
;;;735;28;;die edelen stein tiur
;;;735;29;;lâgen dâr ûf tunkel und lieht,
;;;735;30;;ir art mac ich benennen niht.
;;;736;1;;sîn gir stuont nâch minne
;;;736;2;;und prîses gewinne.
;;;736;3;;ez gâben ouch meistic alliu wîp,
;;;736;4;;dâ mit der heiden sînen lîp
;;;736;5;;kostlîch zimierte.
;;;736;6;;des minne condwierte
;;;736;7;;in sîn manlîch herze hôhen muot,
;;;736;8;;alsô si noch dem minnen gernden tuot.
;;;736;9;;er truoc ouch durch prîses lôn
;;;736;10;;ûf dem houbte ein ecidemôn.
;;;736;11;;welich würme sîn eiterhaft,
;;;736;12;;von des selben tierlînes kraft
;;;736;13;;hânt si lebens dekein vrist,
;;;736;14;;wan ez von in ersmecket ist.
;;;736;15;;Doppedisse monte
;;;736;16;;und Assigarzionte,
;;;736;17;;Thasme und Arabi
;;;736;18;;sint vor solhem pfelle vrî,
;;;736;19;;als sîn ros truoc covertiure.
;;;736;20;;der ungetoufte gehiure
;;;736;21;;ranc nâch wîbe lôn,
;;;736;22;;des zimierte er sich sô schôn.
;;;736;23;;sîn hôhez herz in des betwanc,
;;;736;24;;daz er nâch werder minne ranc.
;;;736;25;;Der selbe werlîch knabe
;;;736;26;;het in einer wilden habe
;;;736;27;;zuo einem fôreht geankert ûf dem mer.
;;;736;28;;er het vünf und zweinzic her,
;;;736;29;;der keinez des andern rede vernam,
;;;736;30;;als sîner rîcheit wol gezam.
;;;737;1;;alsus manic sunder lant
;;;737;2;;diende sîner werden hant,
;;;737;3;;Môre und ander Sarrazine
;;;737;4;;mit ungelîchem schîne.
;;;737;5;;in sînem wît gesamten her
;;;737;6;;was manic wunderlîchiu wer.
;;;737;7;;ouch reit nâch âventiur dan
;;;737;8;;von sînem her diser eine man
;;;737;9;;durch banken in daz fôreht.
;;;737;10;;sît si selbe nâmen daz reht,
;;;737;11;;die künige lât sô rîten,
;;;737;12;;alein nâch prîse strîten.
;;;737;13;;Parcifal reit niht eine;
;;;737;14;;dâ was mit ime gemeine
;;;737;15;;er selbe und ouch sîn hôher muot,
;;;737;16;;der sô manlîch wer dâ tuot,
;;;737;17;;daz ez diu wîp nû solten loben,
;;;737;18;;si wolten den durch lôsheit toben.
;;;737;19;;hie wellent ein ander vâren,
;;;737;20;;die mit kiusche lember wâren
;;;737;21;;und lewen in der vrecheit.
;;;737;22;;owê, daz diu erde was sô breit,
;;;737;23;;daz si ein ander niht vermiten,
;;;737;24;;die dâ umb unschult striten.
;;;737;25;;ich sorge des, den ich hân brâht,
;;;737;26;;wan daz ich trôstes hân gedâht,
;;;737;27;;in sol des Grâles kraft ernern.
;;;737;28;;in sol ouch diu minne wern.
;;;737;29;;den beiden was er diensthaft
;;;737;30;;âne wanc mit dienstlîcher kraft.
;;;738;1;;mîn kunst mir des niht witze gît,
;;;738;2;;daz ich gesage disen strît
;;;738;3;;bescheidenlîch, als er ergienc.
;;;738;4;;ietweders ougenblic enpfienc,
;;;738;5;;daz er den andern komen sach.
;;;738;6;;ietweders herz dâr umbe vröude jach,
;;;738;7;;dâ stuont ein trûren nâhe bî.
;;;738;8;;swie vrömede ietwederm sî,
;;;738;9;;daz er des andern herz truoc,
;;;738;10;;ir vremde was heimlîch doch genuoc.
;;;738;11;;Nû mac ich niht gescheiden
;;;738;12;;den getouften von dem heiden,
;;;738;13;;si wellent haz erzeigen.
;;;738;14;;daz solt in vröude neigen,
;;;738;15;;die sint erkant vür guotiu wîp,
;;;738;16;;wan ietweder durch vriundîn lîp
;;;738;17;;sîn verch gegen der herte bôt.
;;;738;18;;glück scheidet daz âne nôt.
;;;738;19;;den lewen sîn muoter tôt gebirt,
;;;738;20;;von sînes vater galm er lebendic wirt.
;;;738;21;;dise zwêne ûz krach sint erborn,
;;;738;22;;von maniger just nâch prîs erkorn.
;;;738;23;;si kunden ouch mit joste,
;;;738;24;;mit sper zierender koste.
;;;738;25;;leisierende si die zoume
;;;738;26;;kurzten und tâten goume,
;;;738;27;;wan si punierten,
;;;738;28;;daz si niht failierten.
;;;738;29;;si pflâgens unvermezzen.
;;;738;30;;dâ wart vaste gesezzen
;;;739;1;;und gegen der juste geschicket
;;;739;2;;und daz ros mit zorn gezwicket.
;;;739;3;;hie wart juste alsô geriten,
;;;739;4;;beidiu kollier versniten
;;;739;5;;mit starken spern, diu sich niht bugen.
;;;739;6;;die sprîzen von der juste vlugen.
;;;739;7;;ez het der heiden gar vür haz,
;;;739;8;;daz diser man vor im gesaz,
;;;739;9;;wan des niemen vor im gepflac,
;;;739;10;;gegen dem er strîtes sich bewac.
;;;739;11;;ob si iht swerte vuorten,
;;;739;12;;dô si zuo ein ander ruorten?
;;;739;13;;diu wâren scharpf, vast und breit.
;;;739;14;;ir kunst und ir manheit
;;;739;15;;wart dô erzöuget schier.
;;;739;16;;ecidemôn, dem tier,
;;;739;17;;wart etlîch wunde geslagen,
;;;739;18;;ez mohte der helm dâr under klagen.
;;;739;19;;diu ros vor müede wurden heiz,
;;;739;20;;si versuochten manigen niuwen kreiz.
;;;739;21;;si beide ab rossen sprungen;
;;;739;22;;allerêrst diu swert erklungen.
;;;739;23;;der heiden tet dem getouften wê.
;;;739;24;;des krîe was 'Thasme'
;;;739;25;;und wan er schrît Tabronit,
;;;739;26;;sô trat er vürbaz einen trit.
;;;739;27;;werlîch was der getouft
;;;739;28;;ûf manigem dræten louft,
;;;739;29;;den si zuo ein ander tâten.
;;;739;30;;ir strît was sô gerâten,
;;;740;1;;daz ich die rede niht mac verdagen,
;;;740;2;;ich muoz ir strît mit triuwen klagen,
;;;740;3;;sît ein verch und ein bluot
;;;740;4;;solich ungenâde ein ander tuot.
;;;740;5;;si wâren beide eines mannes kint,
;;;740;6;;der geliuterten triuwe fundamint.
;;;740;7;;den heiden minne nie verdrôz,
;;;740;8;;des was sîn herz in strîte grôz.
;;;740;9;;gegen prîse truoc er willen
;;;740;10;;durch die künigîn Secundillen,
;;;740;11;;diu daz lant zuo Tribalibot
;;;740;12;;im gap. diu was sîn schilt in nôt.
;;;740;13;;der heiden nam an strîte zuo.
;;;740;14;;wie tuon ich dem getouften nû?
;;;740;15;;er welle an minne gedenken,
;;;740;16;;sô mac er niht entwenken.
;;;740;17;;diser strît muoz im erwerben
;;;740;18;;von des heidens hant ein sterben.
;;;740;19;;daz wende, tugenthafter Grâl!
;;;740;20;;Condwieramurs, lieht gemâl,
;;;740;21;;hie stât iuwer beider dienstman
;;;740;22;;in der grœsten nôt, die er ie gewan!
;;;740;23;;der heiden warf sîn swert ûf hôch.
;;;740;24;;manic sîn slac sich sus gezôch,
;;;740;25;;daz Parcifal kam ûf diu knie.
;;;740;26;;man mac wol jehen, dô striten sie,
;;;740;27;;der si beide nennen wil vür zwein.
;;;740;28;;si wâren doch beide niht wan ein.
;;;740;29;;mîn bruoder und ich, daz ist ein lîp,
;;;740;30;;alsô ist guot man und sîn wîp.
;;;741;1;;der heiden tet dem getouften wê.
;;;741;2;;des schilt was holz, heizet aspindê,
;;;741;3;;daz vûlet noch enbrinnet.
;;;741;4;;er was von ir geminnet,
;;;741;5;;diu in im gap, des sît gewis.
;;;741;6;;turkoyse und crisoprassis,
;;;741;7;;smaragte und rubîne,
;;;741;8;;vil stein mit sunder schîne
;;;741;9;;wâren verwieret durch kostlîchen prîs
;;;741;10;;al umbe ûf diu buckelrîs.
;;;741;11;;ûf dem buckelhûse stuont
;;;741;12;;ein stein, des namen tuon ich iu kunt:
;;;741;13;;antrax dort genennet,
;;;741;14;;karfunkel hie bekennet.
;;;741;15;;durch der minne condwier
;;;741;16;;ecidemôn, daz reine tier,
;;;741;17;;het im ze wâpen gegeben,
;;;741;18;;an der gnâde er wolte leben,
;;;741;19;;diu künigîn Secundille.
;;;741;20;;diz wâpen was ir wille.
;;;741;21;;dâ streit der triuwen lûterkeit;
;;;741;22;;grôz triuwe aldâ mit triuwen streit.
;;;741;23;;mit minne heten si gegeben
;;;741;24;;durch kampf ûf urteil beide ir leben.
;;;741;25;;ietweders hant was sicherbot.
;;;741;26;;der getoufte wol getrûwet got,
;;;741;27;;sît er von Trevrizende schiet,
;;;741;28;;der im sô herzeclîchen riet,
;;;741;29;;er solte helfe an in gern,
;;;741;30;;der in sorge vröude kunde wern.
;;;742;1;;Der heiden truoc eht starkiu lit.
;;;742;2;;wenne er schrîte Tabronit
;;;742;3;;- dâ diu künigîn Secundille was
;;;742;4;;vor der montâne zuo Kaukasas -,
;;;742;5;;dô gewan er niuwen hôhen muot
;;;742;6;;gegen dem, der ê was behuot
;;;742;7;;vor solichem strîtes überlast.
;;;742;8;;er was schumpfentiur ein gast,
;;;742;9;;daz er si nie gedolt,
;;;742;10;;doch si maniger zuo im holt.
;;;742;11;;mit kunst si die arm erswungen,
;;;742;12;;viures blicke ûz helmen sprungen,
;;;742;13;;von ir swerten gienc der sûr wint.
;;;742;14;;got ner dâ Gahmuretes kint!
;;;742;15;;der wunsch wirt in beiden,
;;;742;16;;dem getouften und dem heiden;
;;;742;17;;die nante ich ê vür einen.
;;;742;18;;sus begunden siz noch meinen,
;;;742;19;;wæren si ein ander baz erkant,
;;;742;20;;si sasten niht sô hôhiu pfant.
;;;742;21;;ir strît galt niht mêre
;;;742;22;;wan vröude, sælde und êre.
;;;742;23;;wer dâ den prîs gewinnet,
;;;742;24;;ob der triuwe minnet,
;;;742;25;;welch vröude er het verlorn
;;;742;26;;und iemer herzen riuwen erkorn.
;;;742;27;;Wes sûmest dû dich, Parcifal,
;;;742;28;;daz dû an die kiuschen lieht gemâl
;;;742;29;;niht gedenkest - ich mein dîn wîp -,
;;;742;30;;wiltû behalten hie den lîp?
;;;743;1;;der heiden truoc zwô geselleschaft,
;;;743;2;;dâr an doch lac sîn meistiu kraft.
;;;743;3;;einiu, daz er minne pflac,
;;;743;4;;diu mit stæte in sînem herzen lac.
;;;743;5;;daz ander wâren steine,
;;;743;6;;die mit edelm arde reine
;;;743;7;;hôchgemüete in lêrten
;;;743;8;;und sîn kraft gemêrten.
;;;743;9;;mich müet, daz der getoufte
;;;743;10;;an strîte und ouch an loufte
;;;743;11;;sus müedet und an starken slegen.
;;;743;12;;ob im nû niht gehelfen megen
;;;743;13;;Condwieramurs noch der Grâl,
;;;743;14;;vil werlîcher Parcifal,
;;;743;15;;sô muost dû einen trôst doch haben,
;;;743;16;;daz die clâren, süezen knaben
;;;743;17;;sus vruo niht verweiset sîn,
;;;743;18;;Cardeiz und Lohelangrin,
;;;743;19;;die beide lebendic truoc sîn wîp,
;;;743;20;;dô er jungst umbevienc ir lîp.
;;;743;21;;mit rehter kiusche erworben kint,
;;;743;22;;ich wæne, diu des mannes sælde sint.
;;;743;23;;der getoufte nam an kreften zuo.
;;;743;24;;er gedâht - daz was im niht ze vruo -
;;;743;25;;an sîn wîp, die küniginne,
;;;743;26;;und an ir werden minne,
;;;743;27;;die er mit swertes schimpf erranc,
;;;743;28;;dâ viur ûz helmen spranc,
;;;743;29;;vor Pelraperie an Clamide.
;;;743;30;;Tabronit und Thasme,
;;;744;1;;den wart hie widerruof gewegen.
;;;744;2;;Parcifal begunde ouch pflegen,
;;;744;3;;daz er Pelraperie schrît.
;;;744;4;;Condwieramurs bî zît
;;;744;5;;durch vier künicrîch aldar
;;;744;6;;sîn nam mit niuwen kreften war.
;;;744;7;;dô sprungen - des ich wæne -
;;;744;8;;von des heidens schilt spæne,
;;;744;9;;etlîcher hundert marke wert.
;;;744;10;;von Gaheviez daz starke swert
;;;744;11;;mit slage ûf des heidens helm brast,
;;;744;12;;sô daz der küene werde gast
;;;744;13;;mit strûch venje suochte.
;;;744;14;;got des niht langer ruochte,
;;;744;15;;daz Parcifal daz rê nemen
;;;744;16;;in sîner hende solte zemen.
;;;744;17;;daz swert er Ither nam,
;;;744;18;;als sîner tumpheit wol gezam.
;;;744;19;;der ê nie geseic durch swertes swanc,
;;;744;20;;der heiden, snelleclîch ûf spranc.
;;;744;21;;ez ist noch ungescheiden.
;;;744;22;;zuo urteil stât ez in beiden
;;;744;23;;vor der hôsten hende.
;;;744;24;;daz diu ir sterben wende!
;;;744;25;;der heiden was muotes rîch,
;;;744;26;;er sprach dô höveschlîch
;;;744;27;;in franzois - daz er wol kunde -
;;;744;28;;ûz heidenschem munde:
;;;744;29;;"ich sihe wol, werlîcher man,
;;;744;30;;dîn strît würde âne swert getân.
;;;745;1;;waz prîses bejagete ich denne an dir?
;;;745;2;;stant stille und sage mir,
;;;745;3;;werlîcher helt, wer dû sîs.
;;;745;4;;vür wâr, dû hettest mînen prîs
;;;745;5;;behabt, der lange ist mich gewert,
;;;745;6;;wær dir zerbrochen niht dîn swert.
;;;745;7;;nû sî von uns beiden vride,
;;;745;8;;unz uns geruowen baz diu glide."
;;;745;9;;si sâzen nider ûf daz gras.
;;;745;10;;manheit bî zuht in beiden was
;;;745;11;;und ir beider jâr von solicher zît,
;;;745;12;;zuo alt noch zuo junc si beide ûf strît.
;;;745;13;;der heiden zuo dem getouften sprach:
;;;745;14;;"nû gloube, helt, daz ich sach
;;;745;15;;bî mînen zîten noch nieman,
;;;745;16;;der baz den prîs möhte hân,
;;;745;17;;den man in strîte sol bejagen.
;;;745;18;;nû geruoche, helt, mir sagen,
;;;745;19;;dînen namen und dîn art;
;;;745;20;;sô ist wol bewendet her mîn vart."
;;;745;21;;dô sprach der Herczeloiden sun:
;;;745;22;;"sol ich daz durch vorhte tuon,
;;;745;23;;sô darf es niemen an mich gern,
;;;745;24;;sol ichs betwungenlîchen wern."
;;;745;25;;dô sprach der von Thasme:
;;;745;26;;"sô wil ich mich nennen ê,
;;;745;27;;und lâ daz laster wesen mîn.
;;;745;28;;ich bin Ferefiz Anschevin,
;;;745;29;;sô rîch wol, daz mîner hant
;;;745;30;;mit zinse dienet manic lant."
;;;746;1;;Dô disiu rede von im geschach,
;;;746;2;;Parcifal zuo dem heiden sprach:
;;;746;3;;"wâ von sît ir ein Anschevin?
;;;746;4;;Anschouwe ist von erbe mîn,
;;;746;5;;bürge, lant und stete.
;;;746;6;;hêrre, ir sulet durch mîn bete
;;;746;7;;einen andern namen kiesen.
;;;746;8;;solt ich mîn lant verliesen
;;;746;9;;und die werden stat Bealtzenan,
;;;746;10;;sô het ir mir gewalt getân.
;;;746;11;;ist unser deweder ein Anschevin,
;;;746;12;;daz sol ich von arde sîn.
;;;746;13;;doch ist mir vür wâr gesaget,
;;;746;14;;daz ein helt unverzaget
;;;746;15;;won in der heidenschaft,
;;;746;16;;der hab mit ritterlîcher kraft
;;;746;17;;minne und prîs behalten,
;;;746;18;;daz er muoz beider walten.
;;;746;19;;der ist zuo bruoder mir genant;
;;;746;20;;si hânt in dâ vür prîs erkant."
;;;746;21;;aber sprach Parcifal:
;;;746;22;;"hêrre, iuwer antlitzes mâl,
;;;746;23;;het ich diu kuntlîch ersehen,
;;;746;24;;sô würde iu schier von mir verjehen,
;;;746;25;;als er mir kunt ist getân.
;;;746;26;;hêrre, welt irz an mich lân,
;;;746;27;;sô enblœzet iuwer houbet.
;;;746;28;;ob ir mirz gloubet,
;;;746;29;;mîn hant iuch strîtes gar verbirt,
;;;746;30;;unz ez ander stunt gewâpent wirt."
;;;747;1;;dô sprach der heidensch man:
;;;747;2;;"dînes strîtes ich wênic angest hân.
;;;747;3;;stüende ich gar blôz, sît ich hân swert,
;;;747;4;;dû wærest doch schumpfentiure gewert,
;;;747;5;;sît dîn swert zerbrochen ist.
;;;747;6;;al dîn werlîcher list
;;;747;7;;mac dich vor tôde niht bewarn,
;;;747;8;;ich wil dich anders gern sparn.
;;;747;9;;ê dû beginnest ringen,
;;;747;10;;mîn swert liez ich klingen
;;;747;11;;beidiu durch îsen und durch vel."
;;;747;12;;der heiden starc und snel
;;;747;13;;tet manlîch site schîn:
;;;747;14;;"diz swert sol unser ieweders sîn."
;;;747;15;;ez warf der küene degen balt
;;;747;16;;verre von im in den walt.
;;;747;17;;er sprach: "sol mîn strît ergân,
;;;747;18;;dâ muoz glîchiu schanz stân."
;;;747;19;;aber sprach dô Ferefiz:
;;;747;20;;"helt, durch dîner zühte vlîz,
;;;747;21;;sît dû bruoder mogest hân,
;;;747;22;;sô sage mir, wie ist er getân?
;;;747;23;;tuo mir sîn antlitz erkant,
;;;747;24;;wie dir sîn varwe sî genant."
;;;747;25;;dô sprach der Herczeloiden kint:
;;;747;26;;"als ein geschriben birmint,
;;;747;27;;swarz und blanc hie und dâ,
;;;747;28;;sus nante mir in Ecuba."
;;;747;29;;der heiden sprach: "der bin ich."
;;;747;30;;si beide wênic sûmten sich,
;;;748;1;;ietweder sîn houbt schier
;;;748;2;;von helm und hersenier
;;;748;3;;enblôzet an der selben stunt.
;;;748;4;;Parcifal vant hôhen vunt
;;;748;5;;und den liebsten, den er ie vant.
;;;748;6;;der heiden schier wart erkant,
;;;748;7;;wan er truoc agelster mâl.
;;;748;8;;Ferefiz und Parcifal
;;;748;9;;mit küssen understuonden haz.
;;;748;10;;in zam ouch beiden vriuntschaft baz
;;;748;11;;dan gegen ein ander herzen nît.
;;;748;12;;triuwe und liebe schiet ir strît.
;;;748;13;;Der heiden dô mit vröuden sprach:
;;;748;14;;"ô wol mich, daz ich ie gesach
;;;748;15;;des werden Gahmuretes kint!
;;;748;16;;al mîn got des geêret sint.
;;;748;17;;mîn gotîn Juno
;;;748;18;;des prîses mac wol wesen vrô.
;;;748;19;;mîn kreftic got Jupiter
;;;748;20;;diser sælden was mîn wer.
;;;748;21;;got und gotinne,
;;;748;22;;iuwer kraft ich iemer minne.
;;;748;23;;geêret sî des plânêten schîn,
;;;748;24;;dâr in diu werde reise mîn
;;;748;25;;nâch âventiur wart getân
;;;748;26;;gegen dir, vorhtlîch süezer man,
;;;748;27;;daz mich von dîner hant gerou.
;;;748;28;;geêret sî luft und tou,
;;;748;29;;daz hiute morgen ûf mich reis.
;;;748;30;;minnen slüzzel kurteis!
;;;749;1;;ô wol diu wîp, diu sullen sehen,
;;;749;2;;waz den doch sælden ist beschehen!"
;;;749;3;;"ir sprecht wol, ich spræche baz,
;;;749;4;;ob ich daz kunde, âne allen haz.
;;;749;5;;nû bin ich leider niht sô wîs,
;;;749;6;;des iuwer wirdeclîcher prîs
;;;749;7;;mit worten muge gehôhet sîn.
;;;749;8;;got weiz aber wol den willen mîn.
;;;749;9;;waz herz und ougen kunst hânt
;;;749;10;;an mir, diu beidiu niht erlânt.
;;;749;11;;iuwer prîs saget vor, si volgent nâch.
;;;749;12;;daz nie von ritters hant geschach
;;;749;13;;mir grœzer nôt, vür wâr ich daz weiz,
;;;749;14;;dan von iu", sprach der von Kanvoleiz.
;;;749;15;;dô sprach der rîch Ferefiz:
;;;749;16;;"Jupiter het sînen vlîz,
;;;749;17;;werder helt, geleit an dich.
;;;749;18;;dû solt niht mê irzen mich.
;;;749;19;;wir heten doch beide einen vater."
;;;749;20;;mit bruoderlîchen triuwen bat er,
;;;749;21;;daz er in irzens erlieze
;;;749;22;;und in dutzelîch hiute hieze.
;;;749;23;;diu rede was Parcifal leit.
;;;749;24;;er sprach: "bruoder, iuwer rîcheit
;;;749;25;;gelîchet wol dem bâruc sich;
;;;749;26;;sô sît ir elter ouch dan ich.
;;;749;27;;mîn jugent und mîn armuot
;;;749;28;;sol solicher lôsheit sîn behuot,
;;;749;29;;daz ich iu dutzen biete,
;;;749;30;;wan ich mich zühte niete."
;;;750;1;;der von Tribalibot
;;;750;2;;Jupitern, sînen got,
;;;750;3;;mit worten êrte manige wîs.
;;;750;4;;er gap ouch vil hôhen prîs
;;;750;5;;sîner gotîn Juno,
;;;750;6;;daz si daz wetter vuogte sô,
;;;750;7;;dâ mit er und sîn her
;;;750;8;;gegen dem lande und ûf dem mer
;;;750;9;;die lantveste nâmen,
;;;750;10;;daz si zuo ein ander kâmen.
;;;750;11;;anderstunt si nider sâzen.
;;;750;12;;die beide niht vergâzen,
;;;750;13;;si büten ein ander êre.
;;;750;14;;der heiden sprach dô mêre:
;;;750;15;;"ich wil lâzen dir zwei rîchiu lant
;;;750;16;;dienstlîchen iemer dîner hant,
;;;750;17;;diu mîn vater und der dîne erwarp,
;;;750;18;;dô der künic Ysenhart erstarp,
;;;750;19;;Zazamanc und Azagouc.
;;;750;20;;sîn manheit dâ niemen trouc,
;;;750;21;;wan daz er liez verweiset mich.
;;;750;22;;gegen mînem vater der gerich
;;;750;23;;ist mînhalp noch unverkorn.
;;;750;24;;sîn wîp, von der ich wart geborn,
;;;750;25;;durch minne ein sterben nâch im kôs,
;;;750;26;;dô si minne an im verlôs.
;;;750;27;;ich sihe doch gerne den selben man.
;;;750;28;;mir ist zuo wizzen getân,
;;;750;29;;daz nie bezzer ritter wart.
;;;750;30;;nâch im ist kostlîch mîn vart."
;;;751;1;;Parcifal hin zuo im sprach:
;;;751;2;;"ich bin ouch, der in nie gesach.
;;;751;3;;man sagt mir guotiu werc von im.
;;;751;4;;an maniger stat ich diu vernim,
;;;751;5;;daz er wol kunde strîten,
;;;751;6;;sînen prîs gewîten
;;;751;7;;und wirdicheit gemachen hôch.
;;;751;8;;alliu missewende in vlôch.
;;;751;9;;er was wîben undertân;
;;;751;10;;ob die triuwe kunden hân,
;;;751;11;;si lônten âne valschen list.
;;;751;12;;dâ von der touf noch geêret ist,
;;;751;13;;pflac er, triuwe âne wenken.
;;;751;14;;er konde ouch wol verkrenken
;;;751;15;;alle valschlîche tât.
;;;751;16;;herzen stæte im gap den rât.
;;;751;17;;daz ruochten si mich wizzen lân,
;;;751;18;;den kündic was der selbe man,
;;;751;19;;den ir sô gerne sæhet.
;;;751;20;;ich wæne, ir prîses jæhet
;;;751;21;;im, ob er noch lebete,
;;;751;22;;wan er nâch prîse strebete.
;;;751;23;;sîn dienst twanc der wîbe lôn,
;;;751;24;;daz der künic Ypomedon
;;;751;25;;gegen im justierens pflac.
;;;751;26;;diu just ergienc vor Baldac.
;;;751;27;;dâ wart sîn werdeclîch leben
;;;751;28;;durch minne an den rê gegeben.
;;;751;29;;wir hân in zuo rehter just verlorn,
;;;751;30;;von dem wir beide sîn erborn."
;;;752;1;;"owê der unergetzten nôt!",
;;;752;2;;sprach der heiden. "ist mîn vater tôt?
;;;752;3;;ich mac wol vröuden vlust jehen
;;;752;4;;und vröuden vunt mit wârheit spehen.
;;;752;5;;ich hân an disen stunden
;;;752;6;;vröude verloren und vröude vunden.
;;;752;7;;wil ich der wârheit grîfen zuo,
;;;752;8;;beidiu mîn vater und ouch dû
;;;752;9;;und ich, wir wâren gar alein,
;;;752;10;;doch ez an drîn stücken schein.
;;;752;11;;wâ man siht den wîsen man,
;;;752;12;;der enzelt dekein sippe dan,
;;;752;13;;zwischen vater und den kinden,
;;;752;14;;wil er die wârheit vinden.
;;;752;15;;mit dir selbe hâstû gestriten,
;;;752;16;;gegen mir selbe kam ich ûf strît geriten
;;;752;17;;und het mich selb gern erslagen.
;;;752;18;;dô enkundestu des niht vertragen,
;;;752;19;;dû wertest mir mîn selbes lîp.
;;;752;20;;Jupiter, diz wunder schrîp!
;;;752;21;;dîn kraft tet uns helfe kuont,
;;;752;22;;daz si unser sterben understuont."
;;;752;23;;er lachte und weinte tougen.
;;;752;24;;sîniu heidenschiu ougen
;;;752;25;;begunden wazzer rêren
;;;752;26;;al nâch des toufes êren.
;;;752;27;;der touf sol lêren triuwe,
;;;752;28;;sît unser ê diu niuwe
;;;752;29;;nâch Krist wart genennet.
;;;752;30;;an Krist ist triuwe erkennet.
;;;753;1;;der heiden sprach, ich sage wie:
;;;753;2;;"wir soln niht langer sitzen hie.
;;;753;3;;rît mit mir niht zuo verre.
;;;753;4;;loschieren ûf die terre,
;;;753;5;;durch dîn schouwen von dem mer
;;;753;6;;heiz ich daz rîcheste her,
;;;753;7;;den Juno ie gap segels luft.
;;;753;8;;mit wârheit âne triegens guft
;;;753;9;;zeige ich dir manigen werden man,
;;;753;10;;der mir ist dienstes undertân.
;;;753;11;;dar soltû rîten hin mit mir."
;;;753;12;;Parcifal sprach zuo im: "sît ir
;;;753;13;;sô gewaltic iuwer liute,
;;;753;14;;daz si iuwer beiten hiute
;;;753;15;;und alle die wîle ir von in sît?"
;;;753;16;;der heiden sprach: "âne strît.
;;;753;17;;wær ich von in halbez jâr,
;;;753;18;;mîn biten rîch und arm gar.
;;;753;19;;si getorsten nindert kêren.
;;;753;20;;gespîset wol nâch êren
;;;753;21;;sint alliu ir schif in der habe.
;;;753;22;;ros noch man niht dorften drabe
;;;753;23;;komen wan durch fontâne
;;;753;24;;und durch den luft gegen dem plâne."
;;;753;25;;Parcifal zem bruoder sîn
;;;753;26;;sprach: "dû solt ir vrowen schîn
;;;753;27;;sehen und grôze wünne,
;;;753;28;;von iuwerm werden künne
;;;753;29;;manigen ritter kurtois.
;;;753;30;;Artus der Britunois
;;;754;1;;het hie bî mir werden diet,
;;;754;2;;von den ich mich hiute schiet,
;;;754;3;;mit grôzer wünneclîcher schar.
;;;754;4;;wir sehen dâ vrowen wol gevar."
;;;754;5;;dô der heiden hôrt nennen wîp
;;;754;6;;- die wâren eht sîn selbes lîp -
;;;754;7;;er sprach: "dar vüere mich mit dir.
;;;754;8;;dar zuo soltû sagen mir
;;;754;9;;mære, der ich dich vrâge.
;;;754;10;;sehen wir unser mâge,
;;;754;11;;sô wir zuo Artuse komen?
;;;754;12;;von des vuor ich hân vernomen,
;;;754;13;;daz er sî prîses rîch
;;;754;14;;und var ouch wirdeclîch."
;;;754;15;;dô sprach aber Parcifal:
;;;754;16;;"wir sehen dâ vrowen lieht gemâl.
;;;754;17;;sich fâlieret niht unser vart;
;;;754;18;;wir vinden unsern rehten art,
;;;754;19;;liute, von den wir sîn erborn,
;;;754;20;;etlîch houbt zer krôn erkorn."
;;;754;21;;ir deweder dô niht langer saz.
;;;754;22;;Parcifal des niht vergaz,
;;;754;23;;er holt sînes bruoder swert.
;;;754;24;;daz stiez er dem degen wert
;;;754;25;;wider in die scheiden.
;;;754;26;;dô wart von in beiden
;;;754;27;;zorneclîcher haz vermiten
;;;754;28;;und geselleclîch dan geriten.
;;;754;29;;ê si zuo Artuse wæren komen,
;;;754;30;;dô was ouch mære von in vernomen.
;;;755;1;;ouch was bî dem selben tage
;;;755;2;;über al daz her gemeiniu klage,
;;;755;3;;daz Parcifal, der werde man,
;;;755;4;;von in was sus gescheiden dan.
;;;755;5;;Artus mit râte sich bewac,
;;;755;6;;daz er unz an den ahten tac
;;;755;7;;Parcifals dâ wolte bîten
;;;755;8;;und von der stat niht rîten.
;;;755;9;;Gramolanzes her was komen.
;;;755;10;;dem was manic wîter rinc genomen
;;;755;11;;mit zelten wol gezieret.
;;;755;12;;dâ was geloschieret
;;;755;13;;den stolzen werden liuten.
;;;755;14;;man möhte ez den vier briuten
;;;755;15;;niht baz erbieten mit vröuden siten.
;;;755;16;;von Schahtel Marveile geriten
;;;755;17;;kam ein man zer selben zît.
;;;755;18;;der seite alsus, ez wære ein strît
;;;755;19;;ûf dem warthûs in der sûl gesehen.
;;;755;20;;waz ie mit swerten was geschehen,
;;;755;21;;"daz ist gegen disem strît ein niht".
;;;755;22;;vor Gawan er des mæres giht,
;;;755;23;;dâ der bî Artuse saz.
;;;755;24;;manic man dâ mit rede maz,
;;;755;25;;von wem der strît dâ wær getân.
;;;755;26;;Artus, der künic, sprach dô sân:
;;;755;27;;"den strît ich einhalp wol weiz.
;;;755;28;;in tet mîn neve von Kanvoleiz,
;;;755;29;;der von uns schiet hiute vruo."
;;;755;30;;dô riten ouch die zwêne zuo.
;;;756;1;;wol nâch strîtes êre
;;;756;2;;ir helm und ir schilt sêre
;;;756;3;;mit swerten wâren an gerant.
;;;756;4;;ietweder wol gelêrte hant
;;;756;5;;truoc, der diu strîtes mâl entwarf.
;;;756;6;;in strîte man ouch kunst bedarf.
;;;756;7;;bî Artuses ringe si hin
;;;756;8;;riten. dô wart vil nâch in
;;;756;9;;gewartet, dâ der heiden reit;
;;;756;10;;der vuort ouch solich rîcheit.
;;;756;11;;wol geherberget was daz velt.
;;;756;12;;si kêrten vür daz hôch gezelt
;;;756;13;;an Gawanes ringe.
;;;756;14;;ob mans iht innen bringe,
;;;756;15;;daz man si dâ gerne sæhe?
;;;756;16;;ich wæn, daz dâ geschæhe.
;;;756;17;;Gawan kam snelleclîch nâch,
;;;756;18;;wan der vor Artuse sach,
;;;756;19;;daz si gegen sînem gezelt riten.
;;;756;20;;er enpfienc si dâ mit vröude siten.
;;;756;21;;si hetten den harnasch dannoch an.
;;;756;22;;Gawan, der hübsch man,
;;;756;23;;hie si entwâpen schier.
;;;756;24;;ecidemôn, dem tier,
;;;756;25;;was geteilet mit der strît.
;;;756;26;;der heiden truoc ein kursît
;;;756;27;;- dem ouch von slegen was worden wê -,
;;;756;28;;daz was ein saranthasmê.
;;;756;29;;an dem stuont manic tiur stein.
;;;756;30;;dâr under ein wâpenroc erschein,
;;;757;1;;rîch gebildet, snêvar.
;;;757;2;;dâr an stuont her und dâr
;;;757;3;;stein gegen ein ander.
;;;757;4;;die wurme salamander
;;;757;5;;in worhten in dem viur.
;;;757;6;;si liez an âventiur
;;;757;7;;ir minne, ir lant und ir lîp,
;;;757;8;;diu die zimierde gap, ein wîp
;;;757;9;;- er leiste ouch, waz si im gebot
;;;757;10;;beidiu in vröude und in nôt -,
;;;757;11;;diu künigîn Secundille.
;;;757;12;;ez was ir herzen wille,
;;;757;13;;daz si im gap rîcheit.
;;;757;14;;sîn hôher prîs ir minne erstreit.
;;;757;15;;Gawan hiez des nemen war,
;;;757;16;;daz diu zimierde wol gevar
;;;757;17;;iender würde verrucket
;;;757;18;;oder iht dâ von gezucket,
;;;757;19;;kursît, helm oder schilt.
;;;757;20;;es het ein armez wîp bevilt
;;;757;21;;an dem wâpenroc alein.
;;;757;22;;sô tiure wâren die stein
;;;757;23;;an den stücken allen vieren.
;;;757;24;;hôhiu minne kan wol zieren,
;;;757;25;;wâ rîcheit bî dem willen ist
;;;757;26;;und ander wirdeclîcher list.
;;;757;27;;der stolze rîch Ferefiz
;;;757;28;;truoc mit dienste grôzen vlîz
;;;757;29;;nâch wîbe hulde. umb daz
;;;757;30;;einiu ir lônes im niht vergaz.
;;;758;1;;Dô daz harnasch wart von in getân,
;;;758;2;;dô schouweten disen bunten man
;;;758;3;;alle, die wunders kunden jehen,
;;;758;4;;die mohtenz dâ mit wârheit spehen:
;;;758;5;;Ferefiz truoc vremdiu mâl.
;;;758;6;;Gawan sprach zuo Parcifal:
;;;758;7;;"neve, tuo den gesellen dîn
;;;758;8;;mir kunt. er treit sô wæhen schîn,
;;;758;9;;dem ich glîches nie gesach."
;;;758;10;;Parcifal ze Gawane sprach:
;;;758;11;;"bin ich dîn mâc, daz ist ouch er;
;;;758;12;;des sî Gahmuret dîn wer.
;;;758;13;;daz ist der künic von Zazamanc.
;;;758;14;;mîn vater dort mit prîse erranc
;;;758;15;;Belakanen, diu disen ritter truoc."
;;;758;16;;Gawan den heiden dô genuoc
;;;758;17;;kuste, den rîchen Ferefiz
;;;758;18;;was beidiu swarz und wîz
;;;758;19;;über al sîn vel, wan daz der munt
;;;758;20;;gegen halbem zil tet rœte kunt.
;;;758;21;;man brâht in beiden sament gewant,
;;;758;22;;daz was vür tiure koste erkant.
;;;758;23;;ûz Gawanes kamer truoc manz dar.
;;;758;24;;dô kômen vrowen lieht gevar.
;;;758;25;;diu herzogîn liez Condrie
;;;758;26;;und Sangiven küssen ê.
;;;758;27;;si selbe und Arnive in dô
;;;758;28;;kusten. Ferefiz was vrô,
;;;758;29;;dô er sô clâre vrowen sach.
;;;758;30;;ich wæne im liebe dâr an geschach.
;;;759;1;;Gawan ze Parcifal sprach:
;;;759;2;;"neve, dîn niuwez ungemach
;;;759;3;;sagt mir dîn helm und dîn schilt.
;;;759;4;;iu ist beiden strîtens mit gespilt,
;;;759;5;;dir und dem bruoder dîn.
;;;759;6;;gegen wem erholt ir disen pîn?"
;;;759;7;;"ez wart nie herter strît erkant",
;;;759;8;;sprach Parcifal. "mînes bruoder hant
;;;759;9;;twanc mich wer in grôzer nôt.
;;;759;10;;wer ist ein segen vür den tôt.
;;;759;12;;von slage mîn ganzes swert zerbrast
;;;759;11;;ûf disem heimlîchen gast.
;;;759;13;;dô tet er kranc vorhte schîn.
;;;759;14;;er warf verre ûz der hant daz sîn.
;;;759;15;;er vorht eht an mir sünde,
;;;759;16;;ê wir gerechenten zuo künde.
;;;759;17;;nû hân ich sîn hulde wol,
;;;759;18;;die ich mit dienste gern erhol."
;;;759;19;;Gawan sprach: "mir wart gesaget
;;;759;20;;von einem strît unverzaget.
;;;759;21;;ûf Schahtel Marveile man siht,
;;;759;22;;waz inner sehs mîlen geschiht,
;;;759;23;;in der sûl ûf mînem warthûs.
;;;759;24;;dô sprach mîn hêr Artus,
;;;759;25;;der dâ strit des selben mâls,
;;;759;26;;daz wærestû, neve von Kingrivals.
;;;759;27;;dû hâst die mære wâr brâht.
;;;759;28;;dir was des strîtes vor gedâht.
;;;759;29;;nû gloup mir daz ich dir sage.
;;;759;30;;dîn wær gebiten hie aht tage
;;;760;1;;mit grôzer rîcher hôchzît.
;;;760;2;;mich müejet iuwer beider strît.
;;;760;3;;dâ solt ir bî mir ruowen nâch.
;;;760;4;;sît aber strît von iu beschach,
;;;760;5;;ir erkennet ein ander deste baz.
;;;760;6;;nû kieset vriuntschaft vür den haz."
;;;760;7;;Gawan des âbendes az deste ê,
;;;760;8;;daz sîn neve von Thasme,
;;;760;9;;Ferefiz Anschevin,
;;;760;10;;dannoch vast, und der bruoder sîn.
;;;760;11;;matraz dic und lanc,
;;;760;12;;der wart ein wîter umbevanc.
;;;760;13;;kulter maniger künne
;;;760;14;;von palmât, niht zuo dünne,
;;;760;15;;wâren dô der matraz dach.
;;;760;16;;tiur pfelle man dâr ûf gesteppet sach,
;;;760;17;;beidiu lanc und breit.
;;;760;18;;diu Clinsors rîcheit
;;;760;19;;wart dâ ze schouwen vür getragen.
;;;760;20;;dô sluoc man ûf, sus hôrt ich sagen,
;;;760;21;;von pfelle vier ruclachen
;;;760;22;;mit rîchlîchen sachen,
;;;760;23;;gegen ein ander viersîte,
;;;760;24;;dâr under plûmîte
;;;760;25;;mit kultern verdecket,
;;;760;26;;ruclachen dâr über gestecket.
;;;760;27;;der rinc begreif ein wîtez velt,
;;;760;28;;dâ wæren gestanden sehs gezelt
;;;760;29;;âne gedrenge der snüer.
;;;760;30;;unbescheidenlîch ich vüer,
;;;761;1;;wolt ich die âventiur hie lân.
;;;761;2;;dô enbôt mîn hêr Gawan
;;;761;3;;zuo hove Artuse mære,
;;;761;4;;wer dâ komen wære.
;;;761;5;;der rîche heiden wær dâ,
;;;761;6;;den diu heidenîn Ecuba
;;;761;7;;sô prîste bî dem Plimizol.
;;;761;8;;Jofreit fiz Idol
;;;761;9;;Artuse daz mære sagete,
;;;761;10;;des er vröude vil bejagete.
;;;761;11;;Jofreit bat in ezzen vruo
;;;761;12;;und clærlîch grîfen zuo,
;;;761;14;;daz er hübschlîch kæme dar,
;;;761;13;;mit ritter und mit vröuden schar,
;;;761;15;;und daz si ez sô an geviengen,
;;;761;16;;daz si wirdeclîch enpfiengen
;;;761;17;;des stolzen Gahmuretes kint.
;;;761;18;;"waz hie werder liute sint,
;;;761;19;;die bring ich", sprach der Britunois.
;;;761;20;;Jofreit sprach: "er ist sô kurtois,
;;;761;21;;ir moget in alle gerne sehen,
;;;761;22;;wan ir müget wunder an im spehen.
;;;761;23;;er vert ûz grôzer rîcheit.
;;;761;24;;sîn wâpenlîchez kleit
;;;761;25;;niemen vergelten möhte.
;;;761;26;;dekeiner hant daz töhte.
;;;761;27;;Lover, Britanie, Engelant,
;;;761;28;;von Paris unz an Wisant,
;;;761;29;;der dar gegen leit alle die terre,
;;;761;30;;ez wære deme gelte verre."
;;;762;1;;Jofreit was wider komen.
;;;762;2;;von dem hât Artus vernomen,
;;;762;3;;wie er werben solte,
;;;762;4;;ob er enpfâhen wolte
;;;762;5;;sînen neven, den heiden.
;;;762;6;;daz sitzen wart bescheiden
;;;762;7;;an Gawans ringe
;;;762;8;;mit hovelîchem dinge.
;;;762;9;;diu massenîe der herzogîn
;;;762;10;;und die geselleschaft under in
;;;762;11;;zuo Gawans zesewen saz.
;;;762;12;;anderhalp mit vröuden az
;;;762;13;;ritter, Clinsors diet.
;;;762;14;;der vrowen sitzen man beschiet.
;;;762;15;;über gegen Gawan an den ort
;;;762;16;;sâzen Clinsors vrowen dort;
;;;762;17;;der was manigiu lieht gemâl.
;;;762;18;;Ferefiz und Parcifal
;;;762;19;;sâzen mitten zwischen die vrouwen;
;;;762;20;;man mohte dâ clârheit schouwen.
;;;762;21;;der Turkoite Florant
;;;762;22;;und Sangive, diu wert erkant,
;;;762;23;;und der herzoge von Gowertzin
;;;762;24;;und Condrie, daz wîp sîn,
;;;762;25;;über gegen ein ander sâzen.
;;;762;26;;ich wæne des, iht vergâzen
;;;762;27;;Gawan und Jofreit
;;;762;28;;ir alten gesellicheit.
;;;762;29;;si âzen mit ein ander.
;;;762;30;;diu herzogîn mit blic glander
;;;763;1;;mit der künigîn Arnive az.
;;;763;2;;ir iewederiu dô niht vergaz,
;;;763;3;;si wâren gesellicheit
;;;763;4;;ein ander vil bereit.
;;;763;5;;bî Gawan saz sîn ane,
;;;763;6;;Urgeluse ûzerhalp herdane
;;;763;7;;dô erzeigte diu reht unzuht
;;;763;8;;vor dem ringe ir snellen vluht.
;;;763;9;;man truoc bescheidenlîchen dar
;;;763;10;;den rittern und den vrowen gar
;;;763;11;;ir spîse zühteclîch.
;;;763;12;;Ferefiz, der rîch,
;;;763;13;;sprach ze Parcifal, dem bruoder sîn:
;;;763;14;;"Jupiter der reise mîn
;;;763;15;;mir ze sælden het erdâht,
;;;763;16;;daz mich sîn helfe her het brâht,
;;;763;17;;dâ ich mîn werden mâge sihe.
;;;763;18;;von rehter schult ich prîses gihe
;;;763;19;;mînem vater, den ich hân verlorn;
;;;763;20;;er was ûz rehtem prîs erkorn."
;;;763;21;;der Waleis sprach: "ir solt noch sehen
;;;763;22;;liute, den ir prîses müezt jehen,
;;;763;23;;bî Artuse, dem houbtman,
;;;763;24;;manigen ritter manlîch getân.
;;;763;25;;wie schier diz ezzen nû zergât,
;;;763;26;;unlangez dâ nâch gestât,
;;;763;27;;unz ir die werden sehet komen,
;;;763;28;;an den vil prîses ist vernomen.
;;;763;29;;waz tavelrunde ist krefte bî,
;;;763;30;;der sitzent hie nû ritter drî:
;;;764;1;;der wirt und Jofreit;
;;;764;2;;etwan ich ouch den prîs erstreit,
;;;764;3;;daz man mîn dar über gert,
;;;764;4;;des ich si dô gewert."
;;;764;5;;Si nâmen diu tischlachen dan
;;;764;6;;vor den vrowen und den man.
;;;764;7;;des was zît. dô man geaz,
;;;764;8;;Gawan, der wirt, niht lenger saz.
;;;764;9;;die herzogîn und sîn anen
;;;764;10;;begunde er bitten und manen,
;;;764;11;;daz si Sangiven ê
;;;764;12;;und die süezen Condrie
;;;764;13;;næmen und giengen dar,
;;;764;14;;dâ der heiden buntgevar
;;;764;15;;saz, und daz si pflægen sîn.
;;;764;16;;Ferefiz Anschevin
;;;764;17;;sach dise vrowen gegen im gân.
;;;764;18;;gegen den begunde er ûf stân.
;;;764;19;;als tet sîn bruoder Parcifal.
;;;764;20;;diu herzogîn liehtgemâl
;;;764;21;;nam Ferefizen bî der hant.
;;;764;22;;waz si vrowen und ritter stên vant,
;;;764;23;;die bat si sitzen alle.
;;;764;24;;dô reit dar zuo mit schalle
;;;764;25;;Artus mit den sînen.
;;;764;26;;man hôrte dâ busînen,
;;;764;27;;tambûren, flöuten, stîven.
;;;764;28;;der werde sun Arniven
;;;764;29;;reit dar zuo mit krach.
;;;764;30;;diser vrœlîchen sach
;;;765;1;;der heiden jach vür werdiu dinc.
;;;765;2;;sus reit an Gawanes rinc
;;;765;3;;Artus mit sînem wîbe
;;;765;4;;und manigem clâren lîbe,
;;;765;5;;mit rittern und vrowen.
;;;765;6;;der heiden mohte schouwen,
;;;765;7;;daz ouch dâ liute wâren,
;;;765;8;;junc von solichen jâren,
;;;765;9;;dô si pflâgen varwe ganz.
;;;765;10;;dâ was der künic Gramolanz
;;;765;11;;dannoch in Artuses pflege.
;;;765;12;;dô reit ouch ûf dem selben wege
;;;765;13;;Ithonie, sîn amîe,
;;;765;14;;diu süeze valsches vrîe.
;;;765;15;;dô erbeizte der tavelrunde schar
;;;765;16;;mit maniger vrowen wol gevar.
;;;765;17;;Ginover hiez Ithonie
;;;765;18;;ir neven, den heiden, küssen ê.
;;;765;19;;si selbe, diu dar nâher gienc,
;;;765;20;;Ferefizen si mit kusse enpfienc.
;;;765;21;;Artus und Gramolanz
;;;765;22;;mit getriulîcher liebe ganz
;;;765;23;;enpfiengen disen heiden.
;;;765;24;;dô wart im von in beiden
;;;765;25;;mit dienst erboten êre,
;;;765;26;;und sîner mâge mêre
;;;765;27;;im tâten guoten willen schîn.
;;;765;28;;Ferefiz Anschevin
;;;765;29;;was dô zuo guoten vriunden komen.
;;;765;30;;daz het er schier an in vernomen.
;;;766;1;;nider sâzen wîp und man
;;;766;2;;und manic maget wolgetân.
;;;766;3;;wolt er sichs underwinden,
;;;766;4;;etlîcher mohte dâ vinden
;;;766;5;;süeziu wort von süezem munde,
;;;766;6;;ob er minne werben kunde.
;;;766;7;;die bete liez gar âne haz
;;;766;8;;manic clâriu vrowe, diu dâ saz.
;;;766;9;;guote wîp man nie gezürnen sach,
;;;766;10;;ob wert man nâch ir minne sprach.
;;;766;11;;si het versagen und wern bevor.
;;;766;12;;giht man vröude iht urbor,
;;;766;13;;den zins muoz wâriu minne geben.
;;;766;14;;sus sach ich ie die werden leben.
;;;766;15;;dâ saz dienst und lôn.
;;;766;16;;ez ist ein helflîcher dôn,
;;;766;17;;wâ vriundîn rede wirt vernomen,
;;;766;18;;diu vriunde mac zuo staten komen.
;;;766;19;;Artus zuo Ferefiz saz.
;;;766;20;;ir deweder dô vergaz,
;;;766;21;;si tæten beide ir vrâgen reht
;;;766;22;;mit süezer gegenrede sleht.
;;;766;23;;Artus sprach: "nû lobe ich got,
;;;766;24;;daz er dise êre uns erbôt,
;;;766;25;;daz wir dich hie gesehen hân.
;;;766;26;;ûz heidenschaft gevuor nie man
;;;766;27;;ûf touf pflegenden landen,
;;;766;28;;den mit dienstlîchen handen
;;;766;29;;ich gerner dienstes werte,
;;;766;30;;war des dîn wille gerte."
;;;767;1;;Ferefiz zuo Artuse sprach:
;;;767;2;;"al mîn ungelücke brach,
;;;767;3;;dô diu gotinne Juno
;;;767;4;;mîn segelweter vuoget sô
;;;767;5;;in disiu westerrîch.
;;;767;6;;dû gebârest vil glîch
;;;767;7;;einem man, des werdicheit
;;;767;8;;ist mit mæren harte breit.
;;;767;9;;bistû Artus genant,
;;;767;10;;sô ist dîn name verre erkant."
;;;767;11;;Artus sprach: "er êrte sich,
;;;767;12;;der mich geprîset wider dich
;;;767;13;;und ouch wider ander liute hât.
;;;767;14;;sîn selbes zuht gap im den rât,
;;;767;15;;mêr dan ich gedienet hân.
;;;767;16;;er het ez durch hübscheit getân.
;;;767;17;;ich bin Artus genennet
;;;767;18;;und het gerne erkennet,
;;;767;19;;wie dû sîst komen in diz lant.
;;;767;20;;het dich vriundin ûz gesant?
;;;767;21;;diu muoz sîn vil gehiur,
;;;767;22;;ob dû durch âventiur
;;;767;23;;alsus verre bist gestrichen.
;;;767;24;;ist si ir lônes ungeswichen,
;;;767;25;;daz hœhet wîbe dienst noch baz.
;;;767;26;;ein ieglîch wîp enpfienge haz
;;;767;27;;von ir dienstbietære,
;;;767;28;;ob dir ungelônet wære."
;;;767;30;;Der heiden sprach: "nû hœre mîn komen,
;;;767;29;;sît dûz noch habest unvernomen.
;;;768;1;;ich vüer sô kreftigez her,
;;;768;2;;daz Troiere lantwer
;;;768;3;;und jene, die si besâzen,
;;;768;4;;müesten rûmen mir die strâzen,
;;;768;5;;ob si beidenthalp noch lebeten
;;;768;6;;und strîtes gegen mir strebeten.
;;;768;7;;si möhten strîtes niht erholn,
;;;768;8;;si müesten schumpfentiure doln
;;;768;9;;von mir und den mînen.
;;;768;10;;ich hân in manigen pînen
;;;768;11;;bejaget mit ritterlîcher tât,
;;;768;12;;daz mîn nû gnâde hât
;;;768;13;;diu künigîn Secundille.
;;;768;14;;waz diu gert, daz ist mîn wille.
;;;768;15;;si het gesetzet mir mîn leben.
;;;768;16;;si hiez mich milteclîchen geben
;;;768;17;;und guote ritter an mich nemen.
;;;768;18;;des solte mich durch si gezemen.
;;;768;19;;daz ist alsô ergangen:
;;;768;20;;mit schilte bevangen
;;;768;21;;ist zingesinde mir benant
;;;768;22;;manic rîter wert erkant.
;;;768;23;;dâ gegen ir minne ist mîn lôn.
;;;768;24;;ich trage ein ecidemôn
;;;768;25;;ûf dem schilt, als si mir gebôt.
;;;768;26;;wâ ich sider kam in nôt,
;;;768;27;;zuohant sô ich an si gedâht,
;;;768;28;;ir minne helfe brâht.
;;;768;29;;diu was mir bezzer trôstes wer
;;;768;30;;dan mîn got, hêr Jupiter."
;;;769;1;;Artus sprach: "von dem vater dîn,
;;;769;2;;Gahmuret, dem neven mîn,
;;;769;3;;ist ez dîn volleclîcher art,
;;;769;4;;in wîbe dienst dîn verriu vart.
;;;769;5;;ich wil dich dienst wizzen lân,
;;;769;6;;daz selten grœzer ist getân
;;;769;7;;ûf erde keinem wîbe,
;;;769;8;;ir wünneclîchem lîbe.
;;;769;9;;ich mein die herzoginne,
;;;769;10;;diu hie sitzet. nâch ir minne
;;;769;11;;ist waldes vil geswendet.
;;;769;12;;ir minne het gepfendet
;;;769;13;;an vröude manigen ritter guot
;;;769;14;;und in erwendet hôhen muot."
;;;769;15;;er sagte im ir urliuge gar
;;;769;16;;und ouch von der Clinsors schar,
;;;769;17;;die dâ sâzen an allen sîten,
;;;769;18;;und von den zwein strîten,
;;;769;19;;die Parcifal, sîn bruoder, streit
;;;769;20;;zuo Joflanze ûf dem anger breit,
;;;769;21;;und waz er anders het ervarn,
;;;769;22;;dâ er den lîp niht kunde sparn.
;;;769;23;;"er sol dirz selbe machen kunt.
;;;769;24;;er suochet einen hôhen vunt:
;;;769;25;;nâch dem Grâl wirbet er.
;;;769;26;;von iu beiden ist daz mîn ger,
;;;769;27;;daz ir mir sagt liute und lant,
;;;769;28;;die iu mit strît sint bekant."
;;;769;29;;der heiden sprach: "ich nenne iu die,
;;;769;30;;die mir die ritter vüerent hie:
;;;770;1;;der künic Papirus von Tagrodiente
;;;770;2;;und der grâve Behantis von Kalomedente,
;;;770;3;;der herzoge Farielastis von Affricke
;;;770;4;;und der künic Liddamus von Agrippe,
;;;770;5;;der künic Tridanz von Timodonte
;;;770;6;;und der künic Arimaspis von Schipelpionte,
;;;770;7;;der herzoge Lippidins von Agremontin
;;;770;8;;und der künic Milion von Nomadientesin,
;;;770;9;;von Assigarzionte der grâve Gabarins
;;;770;10;;und von Rivigitas der künic Translapins,
;;;770;11;;von Hibeborticon der grâve Vilones
;;;770;12;;und von Centriun der künic Killicrates,
;;;770;13;;der grâve Lisanander von Ipopotiticon
;;;770;14;;und der herzoge Thiride von Elixiodon,
;;;770;15;;von Arastegentesin der künec Thoaris
;;;770;16;;und von Satharthionte der herzog Alamis,
;;;770;17;;der künic Amincas von Sotofeititon
;;;770;18;;und der herzoge Carub von Duscontemeton,
;;;770;19;;von Arabie der künic Zoroaster
;;;770;20;;und der grâve Posizonius von Thiler,
;;;770;21;;der herzoge Sennes von Narioclin
;;;770;22;;und der grâve Edisson von Lanzesardin,
;;;770;23;;von Janfuse der grâve Fristines,
;;;770;24;;von Atropfagente der herzog Meiones,
;;;770;25;;von Noriente der herzoge Archinor,
;;;770;26;;von Panfatis der grâve Astor,
;;;770;27;;die von Azagouc und von Zazamanc,
;;;770;28;;von Ganfassasche der künic Jetracranc,
;;;770;29;;der grâve Jurans von Blemunzin
;;;770;30;;und der herzoge Affinamus von Amantasin.
;;;771;1;;Ich het ein dinc vür schande:
;;;771;2;;man jach in mînem lande,
;;;771;3;;dekein ritter bezzer möhte sîn
;;;771;4;;dan Gahmuret Anschevin,
;;;771;5;;der ie ros überschrite.
;;;771;6;;dô was mîn wille und mîn site,
;;;771;7;;daz ich vüer, unz ich in vünde.
;;;771;8;;sît gewan ich strîtes künde.
;;;771;9;;ich vuorte harte kreftic her
;;;771;10;;von mînen landen ûf daz mer.
;;;771;11;;gegen ritterschaft het ich muot.
;;;771;12;;welich lant was werlîch und guot,
;;;771;13;;daz twanc ich mîner hende
;;;771;14;;unz verre in daz ellende.
;;;771;15;;dâ werten mich ir minne
;;;771;16;;zwô rîch küniginne,
;;;771;17;;Olimpia und Clauditte.
;;;771;18;;Secundille ist nû diu dritte.
;;;771;19;;ich hân durch wîp vil getân.
;;;771;20;;hiute allerêrst ich künde hân,
;;;771;21;;daz mîn vater Gahmuret ist tôt.
;;;771;22;;mîn bruoder sage ouch sîn nôt."
;;;771;23;;dô sprach der werde Parcifal:
;;;771;24;;"sît ich schiet von dem Grâl,
;;;771;25;;sô het mîn hant mit strît
;;;771;26;;in der enge und an der wît
;;;771;27;;vil ritterschaft erzeiget,
;;;771;28;;etlîches prîses geneiget,
;;;771;29;;der des was ungewenet ie.
;;;771;30;;der wil ich ein teil nennen hie:
;;;772;1;;von Lirwoin der künic Schirniel,
;;;772;2;;von Avendroin sîn bruoder Mirabel,
;;;772;3;;der künic Serabil von Rozokarz
;;;772;4;;und der künic Piblesun von Lorneparz,
;;;772;5;;von Sirnegunz den künic Selingorz
;;;772;6;;von Villegrane Strangedorz,
;;;772;7;;von Mirnetals der grâve Rogudal,
;;;772;8;;von Pleiedunze Laudunal,
;;;772;9;;der künic Conipries von Itolac
;;;772;10;;und der künic Zironal von Semblidac,
;;;772;11;;von Jeroplis der herzoge Jerneganz,
;;;772;12;;von Tampron der grâve Plineschanz,
;;;772;13;;von Tuteleunz der grâve Longefiez
;;;772;14;;und von Privegarz herzoge Marangliez,
;;;772;15;;von Pictaton der herzoge Strenlas,
;;;772;16;;von Lampregun der grâve Parfoias,
;;;772;17;;von Ascalun der künic Vergulaht,
;;;772;18;;von Prancile der grâve Rohudaht,
;;;772;19;;Postefar von Landrudeht
;;;772;20;;und der herzoge Leidebrom von Redonzeht,
;;;772;21;;von Leterbe Colleval
;;;772;22;;und von Arl Jovedast, der Provenzal,
;;;772;23;;von Tripparun der grâve Carfoias.
;;;772;24;;diz ergienc dâ turnieren was,
;;;772;25;;die wîle ich nâch dem Grâl reit.
;;;772;26;;solt ich iu gar nennen, dâ ich streit,
;;;772;27;;daz wæren unkundiu zil.
;;;772;28;;durch nôt muoz ich verswîgen vil.
;;;772;29;;waz ir mir kunt ist getân,
;;;772;30;;die wæne ich hie genennet hân."
;;;773;1;;Der heiden was von herzen vrô,
;;;773;2;;daz sînes bruoder prîs alsô
;;;773;3;;stuont, daz sîn hant erstreit
;;;773;4;;sô manige hôhe wirdicheit.
;;;773;5;;des dankte er im sêre.
;;;773;6;;er het es selbe ouch êre.
;;;773;7;;innen des hiez tragen Gawan,
;;;773;8;;als ez unwizzende wær getân,
;;;773;9;;des heidens zimierde in den rinc.
;;;773;10;;daz brüeften si dâ vür hôhiu dinc.
;;;773;11;;ritter und vrowen
;;;773;12;;begunden alle schouwen
;;;773;13;;den wâpenroc, den schilt, daz kursît.
;;;773;14;;der helm was zuo enge noch zuo wît.
;;;773;15;;si prîsten alle gemeine
;;;773;16;;die edeln tiuren steine,
;;;773;17;;die dâran verwieret lâgen.
;;;773;18;;niemen darf mich vrâgen
;;;773;19;;von ir arde, wie si wæren,
;;;773;20;;die liehten und die swæren.
;;;773;21;;iuch het baz bescheiden des
;;;773;22;;Eraclius oder Hercules
;;;773;23;;und der Krieche Alexander
;;;773;24;;und dannoch ein ander,
;;;773;25;;der wîse Pictagoras,
;;;773;26;;der ein astronomierre was
;;;773;27;;und ouch sô wîse âne strît,
;;;773;28;;daz nieman sît Adames zît
;;;773;29;;möhte im glîchen sin getragen.
;;;773;30;;der kunde wol von steinen sagen.
;;;774;1;;die vrowen rûnden dâ, welich wîp
;;;774;2;;dâ mit zierte sînen lîp,
;;;774;3;;het er gegen der gewenket,
;;;774;4;;sô wær sîn prîs verkrenket.
;;;774;5;;etlîchiu was im doch sô holt,
;;;774;6;;si het sîn dienst wol gedolt,
;;;774;7;;ich wæne durch sîniu vremdiu mâl.
;;;774;8;;Gramolanz, Artus und Parcifal
;;;774;9;;und ouch der wirt hêr Gawan,
;;;774;10;;die vier giengen wider dan.
;;;774;11;;den vrowen wart bescheiden
;;;774;12;;in ir pflege der rîche heiden.
;;;774;13;;Artus warp ein hôchgezît,
;;;774;14;;daz diu des morgens âne strît
;;;774;15;;ûf dem velde ergienge,
;;;774;16;;daz man dâ mit enpfienge
;;;774;17;;sînen neven Ferefiz.
;;;774;18;;"an den kêret iuwern vlîz
;;;774;19;;und iuwer besten witz,
;;;774;20;;daz er mit uns besitz
;;;774;21;;ob der tavelrunder."
;;;774;22;;si lobten alle besunder,
;;;774;23;;si wurbenz, wær ez im niht leit.
;;;774;24;;dô lobte in gesellicheit
;;;774;25;;Ferefiz, der rîch.
;;;774;26;;daz volc vuor al glîch,
;;;774;27;;dô man geschancte, an ir gemach.
;;;774;28;;manigiu vröude aldâ geschach.
;;;774;29;;des morgens, ob ich ez sprechen mac,
;;;774;30;;dô erschein der süeze mære tac.
;;;775;1;;waz Artus des morgens tuo?
;;;775;2;;dô greif er vrœlîch zuo
;;;775;3;;und brüefte kostlîch
;;;775;4;;ein tavelrunde rîch
;;;775;5;;ûz einem drîanthasmê.
;;;775;6;;ir habet wol gehœret ê,
;;;775;7;;wie ûf dem Plimizoles plân
;;;775;8;;ein tavelrunde wart getân.
;;;775;9;;nâch der disiu wart gesniten,
;;;775;10;;sinwel, nâch solhem siten,
;;;775;11;;si erzöugte rîlîchiu dinc.
;;;775;12;;sinwel man dar umb nam den rinc
;;;775;13;;ûf einem grüenen gras,
;;;775;14;;daz wol ein ponder langez was
;;;775;15;;vom sedel an tavelrunder;
;;;775;16;;diu stuont dâ mitten sunder,
;;;775;17;;niht durch den nutz, durch den namen.
;;;775;18;;sich moht ein bœser man wol schamen,
;;;775;19;;ob er dâ bî den werden saz.
;;;775;20;;die spîse sîn munt mit sünden az.
;;;775;21;;der rinc wart bî der schœnen naht
;;;775;22;;gemezzen und vor bedâht
;;;775;23;;wol nâch rîchen ziln.
;;;775;24;;es moht einen armen künic beviln,
;;;775;25;;als man den rinc gezieret vant,
;;;775;26;;dô der mitte morgen wart erkant,
;;;775;27;;Gramolanz und Gawan,
;;;775;28;;von in diu koste wart getân.
;;;775;29;;Artus was des landes gast.
;;;775;30;;sîner kost dâ niht gebrast.
;;;776;1;;Ez ist selten worden naht,
;;;776;2;;wan ez der sunnen ist geslaht,
;;;776;3;;si brâht ie den tac dâr nâch.
;;;776;4;;al daz selbe ouch dâ geschach;
;;;776;5;;er schein in süeze, lûter, clâr.
;;;776;6;;dô streich manic ritter wol sîn hâr,
;;;776;7;;dâr ûf ein blüemîniu schapel.
;;;776;8;;manic ungevelschet vel
;;;776;9;;man dâ bî rôtem munde sach,
;;;776;10;;ob Kiot die wârheit sprach.
;;;776;11;;ritter und vrowen truogen gewant,
;;;776;12;;niht gesniten in einem lant;
;;;776;13;;wîbe gebende, nider und hôch,
;;;776;14;;als ez nâch ir lantwîse zôch.
;;;776;15;;dâ was ein wît gesamet diet,
;;;776;16;;durch daz ir sit si underschiet:
;;;776;17;;welich vrowe dâ was sunder amîs,
;;;776;18;;diu getorste niht dekein wîs
;;;776;19;;über tavelrunde komen.
;;;776;20;;het si dienst ûf ir lôn genomen
;;;776;21;;und gap si lônes sicherheit,
;;;776;22;;an tavelrunde rinc si reit.
;;;776;23;;die andern muostenz lâzen;
;;;776;24;;in ir herberge si sâzen.
;;;776;25;;dô Artus messe het vernomen,
;;;776;26;;man sach Gramolanzen komen,
;;;776;27;;den herzogen von Gowertzin
;;;776;28;;und Floranden, den gesellen sîn.
;;;776;29;;die drî gerten besunder
;;;776;30;;pfliht über tavelrunder.
;;;777;1;;Artus werte si des sân.
;;;777;2;;vrâge iuch nû wîp oder man,
;;;777;3;;wer trüege die rîchesten hant,
;;;777;4;;der ie von dekeinem lant
;;;777;5;;über tavelrunde saz,
;;;777;6;;ir mogt sis niht bescheiden baz:
;;;777;7;;ez was Ferefiz Anschevin.
;;;777;8;;dâ mit lât die rede sîn.
;;;777;9;;si zogten gegen dem ringe
;;;777;10;;mit werdeclîchem dinge.
;;;777;11;;etlîch vrowe wart dô gehurt,
;;;777;12;;wær ir pfert niht wol gegurt,
;;;777;13;;si wære gevallen schier.
;;;777;14;;manige rîch banier
;;;777;15;;sach man zuo allen sîten komen.
;;;777;16;;dâ wart der buhurt wît genomen
;;;777;17;;al umb der tavelrunder rinc.
;;;777;18;;ez wâren hovelîchiu dinc,
;;;777;19;;daz ir dekeiner in den rinc gereit.
;;;777;20;;daz velt was ûzerhalp sô breit,
;;;777;21;;si mohten diu ros ersprengen
;;;777;22;;und sich mit hurte mengen
;;;777;23;;und ouch mit kunst rîten sô,
;;;777;24;;daz diu wîp zuo sehen wâren vrô.
;;;777;25;;si kômen ouch, dâ si sâzen,
;;;777;26;;aldâ die werden âzen.
;;;777;27;;kamerære, truhsæzen, schenken
;;;777;28;;muosten daz bedenken,
;;;777;29;;wie man ez mit zuht dâ vür truoc.
;;;777;30;;ich wæne, man gap in dâ genuoc.
;;;778;1;;ieglîch vrowe het prîs,
;;;778;2;;diu dâ saz bî ir amîs.
;;;778;3;;maniger durch gerndes herzen rât
;;;778;4;;gedienet was mit hôher tât.
;;;778;5;;Ferefiz und Parcifal
;;;778;6;;mit brüeven heten süeze wal,
;;;778;7;;jene vrowen und dise.
;;;778;8;;man gesach ûf acker noch wise
;;;778;9;;liehter vel noch rœter munt
;;;778;10;;sô manigen nie zuo keiner stunt,
;;;778;11;;als man an dem ringe vant.
;;;778;12;;des wart dem heiden vröude erkant.
;;;778;13;;Wol dem künfteclîchen tage,
;;;778;14;;geêret sî ir süezen mære sage,
;;;778;15;;als von ir minne wirt vernomen!
;;;778;16;;man sach ein juncvrowe komen.
;;;778;17;;ir kleider wâren tiur und wol gesniten,
;;;778;18;;kostbær nâch Franzoser siten,
;;;778;19;;ir kappe, ein rîcher samît,
;;;778;20;;noch swarzer dan ein gênît.
;;;778;21;;arâbesch golt gap dâr ûf schîn,
;;;778;22;;wol geworht manic turteltiubelîn
;;;778;23;;nâch dem ingesigel des Grâles.
;;;778;24;;si wart des selben mâles
;;;778;25;;geschouwet vil durch wunders ger.
;;;778;26;;nû lât si heistieren her.
;;;778;27;;ir gebende was hôch und lanc.
;;;778;28;;mit manigem dicken umbevanc
;;;778;29;;was ir antlütz verdecket
;;;778;30;;und niht zuo sehen enblecket.
;;;779;1;;senfteclîch und doch in zelt
;;;779;2;;kam si geriten über velt.
;;;779;3;;ir zoum, ir satel, ir runzît
;;;779;4;;was rîch und tiur âne allen strît.
;;;779;5;;man liez si an den zîten
;;;779;6;;in den rinc rîten.
;;;779;7;;diu wîse, niht diu tumbe,
;;;779;8;;reit den rinc alumbe.
;;;779;9;;man zöugte ir, wâ Artus saz,
;;;779;10;;gegen dem si gruozes niht vergaz.
;;;779;11;;in franzois was ir sprâche.
;;;779;12;;si warp, daz ein râche
;;;779;13;;ûf si verkorn wære
;;;779;14;;und daz man hôrte ir mære.
;;;779;15;;den künic und die künigîn
;;;779;16;;bat si an ir helf und an ir rede sîn.
;;;779;17;;si kêrte von in al zuohant,
;;;779;18;;dâ si Parcifaln sitzen vant
;;;779;19;;bî Artuse nâhen.
;;;779;20;;si begunde ir springens gâhen
;;;779;21;;von dem pferde ûf daz gras.
;;;779;22;;si viel mit zuht, diu an ir was,
;;;779;23;;Parcifal an sînen vuoz
;;;779;24;;und warp alweinende umb den gruoz,
;;;779;25;;sô daz er zorn gegen ir verlür
;;;779;26;;und âne kus ûf si verkür.
;;;779;27;;Artus und Ferefiz
;;;779;28;;an den gewerp leiten vlîz.
;;;779;29;;Parcifal truoc ûf si den haz;
;;;779;30;;durch vriundes bete er des vergaz
;;;780;1;;mit triuwen âne vâre.
;;;780;2;;diu werde, niht diu clâre
;;;780;3;;snelleclîch wider ûf spranc.
;;;780;4;;si neigte und seite in danc,
;;;780;5;;die ir nâch grôzer schulde
;;;780;6;;geholfen heten hulde.
;;;780;7;;si want mit ir hende
;;;780;8;;ab ir houbt daz gebende.
;;;780;9;;ez wær bezel oder snürrinc,
;;;780;10;;daz warf si von ir an den rinc.
;;;780;12;;dô wart bekennt schier
;;;780;11;;Condrie la surzier
;;;780;13;;und des Grâles wâpen, daz si truoc.
;;;780;14;;dô wart beschouwet genuoc.
;;;780;15;;si vuorte ouch noch den selben lîp,
;;;780;16;;den sô manic man und wîp
;;;780;17;;sach zem Plimizol komen.
;;;780;18;;ir antlitz ir habt vernomen.
;;;780;19;;ir ougen stuonden dannoch sus
;;;780;20;;gel als ein topâzîus,
;;;780;21;;ir zene lanc. ir munt gap schîn
;;;780;22;;als ein vîol weitîn.
;;;780;23;;wan daz si truoc gegen prîse muot,
;;;780;24;;si vuorte âne nôt den tiuren huot
;;;780;25;;ûf dem Plimizoles plân.
;;;780;26;;diu sunne het ir niht getân.
;;;780;27;;si mohte ir vel durch daz hâr
;;;780;28;;niht verselwen mit ir blickes vâr.
;;;780;29;;si stuont mit zühten und sprach,
;;;780;30;;des man vür hôhiu mær jach.
;;;781;1;;An der selben stunde
;;;781;2;;ir rede si süeze begunde:
;;;781;3;;"Sô wol dich, Gahmuretes sun!
;;;781;4;;got wil gnâde an dir nû tuon.
;;;781;5;;ich mein, den Herczeloiden bar.
;;;781;6;;Ferefiz, der rîch gevar,
;;;781;7;;muoz mir willekomen sîn
;;;781;8;;durch Secundillen, die vrôwen mîn,
;;;781;9;;und durch manige hôhe werdicheit,
;;;781;10;;die von kindes jugent prîs erstreit."
;;;781;11;;zuo Parcifal sprach si dô:
;;;781;12;;"nû wis kiusch und dâ bî vrô!
;;;781;13;;wol dich des hôhen teiles,
;;;781;14;;dû hâst die krôn menschen heiles!
;;;781;15;;daz epitafjum ist gelesen:
;;;781;16;;dû solt des Grâles hêrre wesen.
;;;781;17;;Condwieramurs, daz wîp dîn,
;;;781;18;;und dîn sun Lohelangrin
;;;781;19;;sint beidiu mit dir dar benant.
;;;781;20;;dô dû rûmdest Brobarz, daz lant,
;;;781;21;;zwêne süne lebendic si dô truoc.
;;;781;22;;Cardeiz het ouch dort genuoc.
;;;781;23;;wær dir niht mêr sælden kunt,
;;;781;24;;wan daz dîn wârhafter munt
;;;781;25;;den werden und den süezen
;;;781;26;;mit rede nû sol grüezen,
;;;781;27;;den künic Anfortas, den nû nert
;;;781;28;;dînes mundes vrâge, diu im wert
;;;781;29;;siufzebæren jâmer grôz.
;;;781;30;;wâ wart an sælden ie dîn genôz?"
;;;782;1;;siben sterne si dô nante
;;;782;2;;heidensch. die namen erkante
;;;782;3;;der rîch, werde Ferefiz,
;;;782;4;;der vor ir saz, swarz und wîz.
;;;782;5;;si sprach: "brüefe, Parcifal,
;;;782;6;;der hôheste plânête Zwal
;;;782;7;;und der snelle Amustri,
;;;782;8;;Amareh und der liehte Samsi
;;;782;9;;erzöugent sælicheit an dir.
;;;782;10;;der vünft heizet Alligafir
;;;782;11;;und der sehste Alkiter
;;;782;12;;und uns der næhste Alkamer.
;;;782;13;;ich sprich ez niht ûz einem troum,
;;;782;14;;die sint des firmamentes zoum,
;;;782;15;;si enthabten sîne snellicheit;
;;;782;16;;ir kriec gegen sînem louf ie streit.
;;;782;17;;sorge ist dînhalp nû weise.
;;;782;18;;waz der plânêten reise
;;;782;19;;umbe loufet und ir schîn verdecket,
;;;782;20;;des sint dir zil gestecket
;;;782;21;;zuo reichen und zuo erwerben.
;;;782;22;;dîn riuwe muoz verderben.
;;;782;23;;wan ungenuht aleine,
;;;782;24;;dâ engît dir niht gemeine
;;;782;25;;der Grâl und des Grâles kraft
;;;782;26;;verbietent valsch geselleschaft.
;;;782;27;;dû hettest junge sorge erzogen;
;;;782;28;;die hett komendiu vröude an dir betrogen.
;;;782;29;;dû hâst der sêle ruowe erstriten
;;;782;30;;und des lîbes vröude erbiten."
;;;783;1;;Parcifal ir mæres niht verdrôz.
;;;783;2;;durch lieb ûz sînen ougen vlôz
;;;783;3;;wazzer, des herzen ursprinc.
;;;783;4;;dô sprach er: "vrowe, solich dinc,
;;;783;5;;als ir hie habt genennet,
;;;783;6;;bin ich vor got erkennet,
;;;783;7;;sô daz mîn sündehafter lîp
;;;783;8;;het kint und dâr zuo wîp,
;;;783;9;;diu des Grâles pfliht sollent hân,
;;;783;10;;sô het got wol an mir getân.
;;;783;11;;war an ir mich ergetzen meget,
;;;783;12;;dâ mit ir iuwer triuwe reget.
;;;783;13;;iedoch het ich niht missetân,
;;;783;14;;ir het mich zornes etwen erlân.
;;;783;15;;dô enwas ouch dannoch niht mîn heil.
;;;783;16;;nû gebt ir mir sô hôhen teil,
;;;783;17;;dâ von mîn trûren ende hât.
;;;783;18;;die wârheit sagt nû iuwer wât.
;;;783;19;;dô ich zuo Muntsalvasche was
;;;783;20;;bî dem trûrigen Anfortas,
;;;783;21;;waz ich dâ schilt hangen vant,
;;;783;22;;die wâren gemâl als iuwer gewant:
;;;783;23;;vil turteltûben tragt ir hie.
;;;783;24;;vrowe, nû sagt, wenne oder wie
;;;783;25;;ich sol gegen mînen vröuden varn,
;;;783;26;;und lât mich daz niht langer sparn."
;;;783;27;;dô sprach si: "lieber hêrre mîn,
;;;783;28;;ein man sol dîn geverte sîn.
;;;783;29;;die wîle geleites wart an mich.
;;;783;30;;durch helf niht lange sûme dich!"
;;;784;1;;über al den rinc wart vernomen,
;;;784;2;;Condrie la surzier wære komen
;;;784;3;;und waz ir mære meinde.
;;;784;4;;Urgeluse durch liebe weinde,
;;;784;5;;daz diu vrâge von Parcifal
;;;784;6;;die Anfortases quâl
;;;784;7;;solte machen wendic.
;;;784;8;;Artus, der prîses genendic,
;;;784;9;;zuo Condrien mit zühten sprach:
;;;784;10;;"vrowe, rîtet an iuwer gemach,
;;;784;11;;lât iuwer pflegen, lêret selbe wie."
;;;784;12;;si sprach: "ist Arnive hie?
;;;784;13;;welich gemach mir diu gît,
;;;784;14;;des wil ich leben dise zît,
;;;784;15;;unz daz mîn hêrre hinnen vert.
;;;784;16;;ist ir gevencnüsse erwert,
;;;784;17;;sô erloubet, daz ich müeze schouwen
;;;784;18;;si und ander vrowen,
;;;784;19;;den Clinsor teilte sînen vâr
;;;784;20;;mit gevancnüsse nû manic jâr."
;;;784;21;;zwên ritter huobens ûf ir pfert.
;;;784;22;;zuo Arniven reit diu maget wert.
;;;784;23;;Nû was ouch zît, daz man dâ geaz.
;;;784;24;;Parcifal bî sînem bruoder saz.
;;;784;25;;den bat er gesellecheit.
;;;784;26;;Ferefiz was im albereit
;;;784;27;;gegen Muntsalvasche zuo rîten.
;;;784;28;;an den selben zîten
;;;784;29;;stuondens ûf über al den rinc.
;;;784;30;;Ferefiz warp hôhiu dinc.
;;;785;1;;er vrâgte den künic Gramolanz,
;;;785;2;;ob diu liebe wær sô ganz
;;;785;3;;zwischen im und der nifteln sîn,
;;;785;4;;daz er daz tæte an im schîn:
;;;785;5;;"helfet ir mir und mîn neve Gawan,
;;;785;6;;waz wir hie künige und vürsten hân,
;;;785;7;;barûne und armer ritter gar,
;;;785;8;;daz der dekeiner hinnen var,
;;;785;9;;ê si mîn kleinœte ersehen.
;;;785;10;;mir wær ein laster hie geschehen,
;;;785;11;;schied ich vor gâbe hinnen vrî.
;;;785;12;;waz hie varndes volkes sî,
;;;785;13;;die warten alle gâbe an mich.
;;;785;14;;neve Artus, ich wil bitten dich,
;;;785;15;;daz ez den hôhen niht versmâhe,
;;;785;16;;des gewerbes gegen in gâhe
;;;785;17;;und wis des lasters vür mich pfant
;;;785;18;;- si erkanten nie sô rîche hant -
;;;785;19;;und gip mir boten in mîn habe,
;;;785;20;;dâ der prêsent sol komen abe."
;;;785;21;;dô lobten si dem heiden,
;;;785;22;;si wolten sich niht scheiden
;;;785;23;;von dem velde in vier tagen.
;;;785;24;;der heiden wart vrô, sus hôrt ich sagen.
;;;785;25;;Artus im wîse boten gap,
;;;785;26;;die er solte senden an daz hap.
;;;785;27;;Ferefiz, Gahmuretes kint,
;;;785;28;;nam tinten und birmint.
;;;785;29;;sîn geschrift wortzeichens niht verdarp.
;;;785;30;;ich wæne, ie brief sô vil erwarp.
;;;786;1;;die boten vuoren endehaft dan.
;;;786;2;;Parcifal sîn rede alsus huop an.
;;;786;3;;in franzois er zuo in allen sprach,
;;;786;4;;als Trevrizent dort vornân jach,
;;;786;5;;daz den Grâl zuo keinen zîten
;;;786;6;;nieman möht erstrîten,
;;;786;7;;wan der von got wær dar benant.
;;;786;8;;daz mær kam über alliu lant,
;;;786;9;;daz kein strît in möht erwerben.
;;;786;10;;vil liute lie dô verderben
;;;786;11;;nâch dem Grâl gewerbes list,
;;;786;12;;dâ von er noch verborgen ist.
;;;786;13;;Parcifal und Ferefiz
;;;786;14;;diu wîp lêrten jâmers vlîz.
;;;786;15;;si hetenz ungern vermiten,
;;;786;16;;in diu vier stück des hers si riten.
;;;786;17;;si nâmen urloup zuo aller der diet.
;;;786;18;;ietweder dan mit vröuden schiet,
;;;786;19;;gewâpent wol ûf strîtes wer.
;;;786;20;;an dem dritten tage ûz heidens her
;;;786;21;;wart zuo Joflanze brâht,
;;;786;22;;sô grôzer gâbe wart nie gedâht.
;;;786;23;;welich künic dâ sîner gâbe enpfant,
;;;786;24;;daz half iemer mêr sîn lant.
;;;786;25;;ieglîchem man nâch mâze sîn
;;;786;26;;wart nie sô gâbe tiur schîn,
;;;786;27;;al den vrowen rîch prêsente
;;;786;28;;von Triande und von Noriente.
;;;786;29;;ich enweiz, wie daz her schiede hie.
;;;786;30;;Condrie und dise zwên, hin riten sie.
;;;787;1;;Anfortas und die sîne
;;;787;2;;vor jâmer dolten pîne.
;;;787;3;;ir triuwe liez in in der nôt.
;;;787;4;;dicke er warp umb si den tôt.
;;;787;5;;der wær ouch schier an im beschehen,
;;;787;6;;wan daz si in dicke liezen sehen
;;;787;7;;den Grâl und des Grâles kraft.
;;;787;8;;er sprach zuo sîner ritterschaft:
;;;787;9;;"ich weiz wol, pflægt ir triuwe,
;;;787;10;;sô erbarmet iuch mîn riuwe.
;;;787;11;;wie lange sol diz an mir wern?
;;;787;12;;welt ir iu selber rehtes gern,
;;;787;13;;sô müezet ir gelten mich vor got.
;;;787;14;;ich stuont ê gern zuo iuwerm gebot,
;;;787;15;;sît ich von êrste wâpen truoc.
;;;787;16;;ich hân engolten des genuoc,
;;;787;17;;ob mir ie unprîs geschach
;;;787;18;;und ob daz iuwer keiner sach.
;;;787;19;;sît ir vor untriuwe bewart,
;;;787;20;;sô lœset mich durch des helmes art
;;;787;21;;und durch des schiltes orden!
;;;787;22;;ir sît dicke innen worden,
;;;787;23;;ob ez iu niht versmâhte,
;;;787;24;;daz ich diu beidiu brâhte
;;;787;25;;unverzagt ûf ritterlîchiu werc.
;;;787;26;;ich hân tal und berc
;;;787;27;;mit maniger just überzilt
;;;787;28;;und mit dem swert alsô gespilt,
;;;787;29;;daz es die vîende an mir verdrôz,
;;;787;30;;wênic ich des gegen iu genôz.
;;;788;1;;ich vröuden ellende,
;;;788;2;;zem urteillîchen ende
;;;788;3;;beklage ich eine iuch alle.
;;;788;4;;sô nâhet ez iuwerm valle,
;;;788;5;;ir enlât mich von iu scheiden.
;;;788;6;;mîn kumber solte iu leiden.
;;;788;7;;ir habt gesehen und vernomen,
;;;788;8;;wie mir daz unglück ist komen.
;;;788;9;;waz touc ich iu hêrren nû?
;;;788;10;;ez ist leider alze vruo,
;;;788;11;;wirt iuwer sêle an mir verlorn.
;;;788;12;;waz sites habt ir iu erkorn?"
;;;788;13;;Si heten kumbers in erlôst,
;;;788;14;;wan der trôstlôse trôst,
;;;788;15;;den Trevrizent dort vornan sprach,
;;;788;16;;als er an dem Grâl geschriben sach.
;;;788;17;;si warten anderstunt des man,
;;;788;18;;dem al sîn vröude aldâ entran,
;;;788;19;;und der helflîchen stunde
;;;788;20;;der vrâge von sînem munde.
;;;788;21;;der künic sich dicke des bewac,
;;;788;22;;daz er blinzender ougen pflac
;;;788;23;;etwan gegen vier tagen.
;;;788;24;;sô wart er zuo dem Grâl getragen,
;;;788;25;;ez wær im liep oder leit.
;;;788;26;;sô twanc in des diu siecheit,
;;;788;27;;daz er diu ougen ûf swanc.
;;;788;28;;sô muoste er ân sînen danc
;;;788;29;;leben und niht ersterben.
;;;788;30;;sus kunden si mit im werben
;;;789;1;;unz an den tac, daz Parcifal
;;;789;2;;und Ferefiz, der lieht gemâl,
;;;789;3;;mit vröude ûf Muntsalvasche riten.
;;;789;4;;nû het diu wîle der erbiten,
;;;789;5;;daz Mars oder Jupiter
;;;789;6;;wâren komen wider her
;;;789;7;;alzornic mit ir loufte
;;;789;8;;- sô was er der verkoufte -,
;;;789;9;;dâ si sich von sprunge huoben ê.
;;;789;10;;daz tet sîner wunden wê
;;;789;11;;Anfortas, der sô qual,
;;;789;12;;meide und ritter hôrten schal
;;;789;13;;von sînem geschrei dicke,
;;;789;14;;und die jæmerlîchen blicke
;;;789;15;;tet er in mit den ougen kunt.
;;;789;16;;er was unhelfeclîchen wunt.
;;;789;17;;si mohten im gehelfen niht.
;;;789;18;;iedoch diu âventiur giht,
;;;789;19;;im kæm diu wâr helfe nû.
;;;789;20;;si griffen herzejâmers zuo.
;;;789;21;;Wan im diu scharpf, sûre nôt
;;;789;22;;daz strenge ungemach gebôt,
;;;789;23;;dô wart der luft gesüezet,
;;;789;24;;der wunden smac gebüezet.
;;;789;25;;vor im ûf dem teppich lac
;;;789;26;;pigment und zerbenzînen smac,
;;;789;27;;müzzel und arômatâ.
;;;789;28;;durch süezen luft lac ouch dâ
;;;789;29;;drîakel und amber tiur.
;;;789;30;;der smac was gehiure.
;;;790;1;;wâ man ûf den estrich trat,
;;;790;2;;kardamuome, jeroffel, muscât
;;;790;3;;lac gebrochen under ir vüezen
;;;790;4;;durch den luft süezen.
;;;790;5;;sô daz mit triten wart gebert,
;;;790;6;;dô was dâ sûr gesmac erwert.
;;;790;7;;sîn viur was lingnum alôê,
;;;790;8;;daz hab ich gesaget ê.
;;;790;9;;an dem spanbette die stollen sîn
;;;790;10;;wâren vipperhürnîn.
;;;790;11;;durch ruowen sîn daz gelüppe,
;;;790;12;;von würz manic gestüppe
;;;790;13;;was ûf den kultern gesæt.
;;;790;14;;gesteppet und niht genæt
;;;790;15;;was, dâ er ûf lente,
;;;790;16;;pfelle von Noriente
;;;790;17;;und palmât was sîn matraz.
;;;790;18;;sîn spanbet was noch baz
;;;790;19;;gehêret mit edelen gesteinen
;;;790;20;;und anders dekeinen.
;;;790;21;;daz spanbette zôch zuo einander
;;;790;22;;strenge von salamander.
;;;790;23;;daz wâren under im diu ricseil.
;;;790;24;;er het an vröuden kranken teil.
;;;790;25;;ez was rîch an allen sîten.
;;;790;26;;niemen darf des strîten,
;;;790;27;;daz er bezzerz ie gesæhe.
;;;790;28;;ez was tiur oder wæhe
;;;790;29;;von der edeln stein geslehte.
;;;790;30;;die hœret nennen rehte:
;;;791;1;;karfunkel und silenîtes,
;;;791;2;;celidônius und gagatrômes,
;;;791;3;;ônix und calcedôn,
;;;791;4;;corallîs und bestîôn,
;;;791;5;;unjô und optallîes,
;;;791;6;;cerâuns und epistîtes,
;;;791;7;;jerachîtes und eljotrôpîa,
;;;791;8;;panthers und antrodrâgmâ,
;;;791;9;;prasem und saddâ,
;;;791;10;;êmathîtes und djonisîâ,
;;;791;11;;achates und celidôn,
;;;791;12;;sardonîs und calcofôn,
;;;791;13;;cornîol und jaspîs,
;;;791;14;;echîtes und îrîs,
;;;791;15;;gagâtes und ligûrjus,
;;;791;16;;
;;;791;17;;
;;;791;18;;orîtes und enîdrus,
;;;791;19;;absist und alabandâ,
;;;791;20;;crisolecter und hîennîa,
;;;791;21;;smaragdus und magnes,
;;;791;22;;saffirus und pirrîtes.
;;;791;23;;ouch stuont her und dâ
;;;791;24;;turkoyse und lipparêa,
;;;791;25;;crisolte, rubîne,
;;;791;26;;paleise und sardîne,
;;;791;27;;adamas und crisoprassîs,
;;;791;28;;melochîtes und dîadochîs,
;;;791;29;;pêanîtes und medus,
;;;791;30;;berillus und topasius.
;;;792;1;;etlîcher lêrte hôhen muot.
;;;792;2;;zuo sælde und zuo arzenîe guot
;;;792;3;;was dâ maniges steines art.
;;;792;4;;vil krefte man an in innen wart,
;;;792;5;;der ez versuochen kunde mit listen.
;;;792;6;;dâ mit si in muosten vristen,
;;;792;7;;Anfortassen, der ir herz truoc.
;;;792;8;;sînem volc er gap jâmers genuoc.
;;;792;9;;doch wirt nû vröude an im vernomen.
;;;792;10;;in Terre de Salvasche ist komen,
;;;792;11;;von Joflanze gestrichen,
;;;792;12;;dem sîn sorge was entwichen,
;;;792;13;;Parcifal, Ferefiz und ein maget.
;;;792;14;;mir ist niht vür wâr gesaget,
;;;792;15;;wie verre dâ enzwischen wære.
;;;792;16;;die ervüeren nû strîtes mære,
;;;792;17;;wan Condrie ir geleit,
;;;792;18;;diu schiet si von arbeit.
;;;792;19;;si riten gegen ein ander warte.
;;;792;20;;dô gâhete gegen in harte
;;;792;21;;manic wol geriten templeis
;;;792;22;;gewâpent. die wâren sô kurteis,
;;;792;23;;an dem geleite si wol sâhen,
;;;792;24;;daz in vröude solte nâhen.
;;;792;25;;der selben rotte meister sprach,
;;;792;26;;dô er die turteltûben sach
;;;792;27;;glesten ab Condrien wât:
;;;792;28;;"unser sorge ein ende nû hât.
;;;792;29;;mit des Grâles ingesigel hie
;;;792;30;;komt, des wir dâ gern ie,
;;;793;1;;sît uns der jâmerstric beslôz.
;;;793;2;;habet stille, uns nâhet vröude grôz."
;;;793;3;;Ferefiz Anschevin
;;;793;4;;mante Parcifaln, den bruoder sîn,
;;;793;5;;in der selben zîte
;;;793;6;;und gâhete gegen dem strîte.
;;;793;7;;Condrie mit dem zoum in vienc,
;;;793;8;;daz sîner just dâ niht ergienc.
;;;793;9;;dô sprach diu rîch gemâl
;;;793;10;;balde zuo ir hêrren Parcifal:
;;;793;12;;"ir mögt erkennen schier
;;;793;11;;schilt und banier.
;;;793;13;;dort habt niht wan des Grâles schar.
;;;793;14;;die sint vil diensthaft iu gar."
;;;793;15;;dô sprach der werde heiden:
;;;793;16;;"sô sî der strît gescheiden."
;;;793;17;;Parcifal Condrien bat
;;;793;18;;gegen rîten ûf den pfat.
;;;793;19;;diu reit und sagte in mære,
;;;793;20;;waz in vröuden komen wære.
;;;793;21;;waz dâ templeise was,
;;;793;22;;die erbeizten nider ûf daz gras.
;;;793;23;;an den selben stunden
;;;793;24;;manic helm wart ab gebunden.
;;;793;25;;Parcifaln enpfiengen si zuo vuoz.
;;;793;26;;ein segen dûhte si sîn gruoz.
;;;793;27;;si enpfiengen ouch Ferefizen,
;;;793;28;;den swarzen und den wîzen.
;;;793;29;;ûf Muntsalvasche dô wart geriten
;;;793;30;;al weinende und doch mit vröuden siten.
;;;794;1;;si vunden volkes ungezalt,
;;;794;2;;manigen wünneclîchen ritter alt,
;;;794;3;;edeliu kint, vil sarjante.
;;;794;4;;die trûrigen mahinante
;;;794;5;;diser geste vrô mohten sîn.
;;;794;6;;Ferefiz Anschevin
;;;794;7;;und Parcifal, si bêde,
;;;794;8;;vor dem palas vor der grêde
;;;794;9;;wurden wol enpfangen.
;;;794;10;;in den palas wart gegangen.
;;;794;11;;dâ lac nâch ir gewonheit
;;;794;12;;hundert sinewel teppich breit,
;;;794;13;;ûf ieglîchem ein plûmît
;;;794;14;;und ein kulter lanc von samît.
;;;794;15;;vuoren die zwêne mit witzen,
;;;794;16;;si mohten etwâ sitzen,
;;;794;17;;unz man daz harnasch von in enpfienc.
;;;794;18;;ein kamerer dâ nâher gienc.
;;;794;19;;der brâht in kleider rîch,
;;;794;20;;den beiden algelîch.
;;;794;21;;si sâzen, waz dâ ritter was.
;;;794;22;;man truoc von golde - ez was niht glas -
;;;794;23;;vür si manigen tiuren schâl.
;;;794;24;;Ferefiz und Parcifal
;;;794;25;;trunken und giengen dan
;;;794;26;;zuo Anfortasse, dem trûrigen man.
;;;794;27;;ir habt wol ê vernomen, daz
;;;794;28;;der lente und selten saz
;;;794;29;;und wie sîn bette gehêret was.
;;;794;30;;dise zwên enpfienc dô Anfortas
;;;795;1;;vrœlîch und doch mit jâmersiten.
;;;795;2;;er sprach: "ich hân unsanft erbiten,
;;;795;3;;wirde ich iemer von iu vrô.
;;;795;4;;ir schiedet nû jungst von mir sô,
;;;795;5;;pflegt ir helflîcher triuwe,
;;;795;6;;man siht iuch dâr umb in riuwe.
;;;795;7;;würde ie prîs von iu gesaget,
;;;795;8;;hie sî ritter oder maget,
;;;795;9;;werbt mir dâ zuo in den tôt
;;;795;10;;und lât sich enden mîne nôt.
;;;795;11;;sît ir genant Parcifal,
;;;795;12;;sô wert mîn sehen an den Grâl
;;;795;13;;siben naht und aht tage.
;;;795;14;;dâ mit ist wendic al mîn klage.
;;;795;15;;ich getar iuch anders warnen niht.
;;;795;16;;wol iuch, ob man iu helfe giht!
;;;795;17;;iuwer geselle ist hie ein vremder man.
;;;795;18;;sînes stêns ich im vor mir niht gan.
;;;795;19;;wan lât ir in varn in sîn gemach?"
;;;795;20;;Parcifal zuo im dô sprach:
;;;795;21;;"sagt mir, wâ der Grâl hie lige.
;;;795;22;;ob diu gotes güete an mir gesige,
;;;795;23;;des wirt wol innen disiu schar."
;;;795;24;;sîn venje viel er des endes dar
;;;795;25;;drîstunt zuo êren der trinitât.
;;;795;26;;er warp, daz müeste werden rât
;;;795;27;;des trûrigen mannes herzen sêre.
;;;795;28;;er rihte sich ûf und sprach dô mêre:
;;;795;29;;"œheim, waz wirret dir?"
;;;795;30;;der durch sant Silvester einen stier
;;;796;1;;von tôde lebendic dan hie gên
;;;796;2;;und der Lazarum bat ûf stên,
;;;796;3;;der selbe half, daz Anfortas
;;;796;4;;wart gesunt und wol genas.
;;;796;5;;waz der Franzois heizet flôrî,
;;;796;6;;der glast kam sînem velle bî.
;;;796;7;;Parcifals schœne was nû ein wint
;;;796;8;;und Absolones, Davides kint,
;;;796;9;;von Ascalun Vergulaht
;;;796;10;;und al der schône wart geslaht,
;;;796;11;;und daz man Gahmurete jach,
;;;796;12;;dô man in în zogen sach
;;;796;13;;zuo Kanvoleiz sô wünneclîch,
;;;796;14;;ir dekeines schœne was der gelîch,
;;;796;15;;die Anfortas ûz siecheit truoc.
;;;796;16;;got noch künste kan genuoc.
;;;796;17;;dâ ergienc dô kein ander wal,
;;;796;18;;wan diu schrift an dem Grâl
;;;796;19;;het zuo hêrren in benant.
;;;796;20;;Parcifal wart schier bekant
;;;796;21;;zuo künige und zuo hêrren dâ.
;;;796;22;;ich wæne, ieman anderswâ
;;;796;23;;vünde zwêne alsô rîche man,
;;;796;24;;ob ich rîcheit gebrüefen kan,
;;;796;25;;alsô Parcifal und Ferefiz.
;;;796;26;;man bôt vil dienstlîchen vlîz
;;;796;27;;dem wirt und dem gaste sîn.
;;;796;28;;daz ist der gloube mîn.
;;;796;28;1;Nû si alsô sint gesezzen
;;;796;28;2;und ir sorge hânt vergezzen,
;;;796;28;3;dô seite man in mære,
;;;796;28;4;diu wâren vröudebære,
;;;796;28;5;diu wâren vröidebære,
;;;796;29;;daz Condwieramurs kam geriten
;;;796;30;;gegen Muntsalvasche mit vröuden siten.
;;;797;1;;si het die wârheit ê vernomen.
;;;797;2;;solich botschaft was ouch ir komen,
;;;797;3;;daz wendic wære ir klagendiu nôt.
;;;797;4;;der herzoge Kyot
;;;797;5;;und anders manic werder man
;;;797;6;;heten si gevüeret dan
;;;797;7;;zuo Terre de Salvasche in den walt,
;;;797;8;;dâ mit der juste wart gevalt
;;;797;9;;Segramors und dâ der snê
;;;797;10;;mit bluote sich ir glîchet ê.
;;;797;11;;dâ solt Parcifal si holn.
;;;797;12;;die reise er gerne wolte doln.
;;;797;13;;dise mære seite ein templeis:
;;;797;14;;"manic ritter kurteis
;;;797;15;;die künigîn hânt mit zühten brâht."
;;;797;16;;Parcifal was sô bedâht,
;;;797;17;;er nam ein teil des Grâles schar
;;;797;18;;und reit vür Trevrizenden dar.
;;;797;19;;des herze was der mære vrô,
;;;797;20;;daz Anfortases dinc alsô
;;;797;21;;stuont, daz er der juste niht starp
;;;797;22;;und im diu vrâge ruowe erwarp.
;;;797;23;;dô sprach er: "got vil tougen hât.
;;;797;24;;wer gesaz ie an sînen rât
;;;797;25;;oder wer weiz ende sîner kraft?
;;;797;26;;alle die engel und ir geselleschaft
;;;797;27;;bevündenz nimer an den ort.
;;;797;28;;got ist mensch und sînes vater wort,
;;;797;29;;got ist vater und sun,
;;;797;30;;sîn geist mac wol grôze helfe tuon."
;;;798;1;;Trevrizent zuo Parcifal sprach:
;;;798;2;;"grœzer wunder selten ie geschach,
;;;798;3;;sît ir ab got erzürnet hât,
;;;798;4;;daz sîn endelôsiu trinitât
;;;798;5;;iuwers willen werhaft worden ist.
;;;798;6;;ich louc durch ableitens list
;;;798;7;;von dem Grâl, wie ez umb in stüende.
;;;798;8;;gebt mir wandel vür die sünde.
;;;798;9;;ich sol gehôrsam iu nû sîn,
;;;798;10;;swestersun und hêrre mîn.
;;;798;11;;daz die vertriben geist
;;;798;12;;mit der gotes volleist
;;;798;13;;bî dem Grâl wæren,
;;;798;14;;kam iu von mir ze mæren,
;;;798;15;;unz daz si hulde dâ gebiten.
;;;798;16;;got ist stæte mit solichen siten,
;;;798;17;;er strîtet iemer wider sie,
;;;798;18;;die ich iu ze hulden nante hie.
;;;798;19;;wer sînes lônes iht wil tragen,
;;;798;20;;der muoz den selben widersagen.
;;;798;21;;êweclîch sint si verlorn.
;;;798;22;;die vlust si alle selbe hânt erkorn.
;;;798;23;;mich müejet eht iuwer arbeit.
;;;798;24;;ez was ie ungewonheit,
;;;798;25;;daz den Grâl zuo keinen zîten
;;;798;26;;ieman mohte erstrîten.
;;;798;27;;ich het iuch gern dâ von genomen.
;;;798;28;;nû ist ez anders umb iuch komen.
;;;798;29;;sich het gehœhet iuwer gewin.
;;;798;30;;nû kêrt an diemuot iuwern sin."
;;;799;1;;Parcifal zuo sînem œheim sprach:
;;;799;2;;"ich wil si sehen, die ich nie gesach
;;;799;3;;in den vünf jâren.
;;;799;4;;dô wir bî ein ander wâren,
;;;799;5;;si was mir liep, als ist si noch.
;;;799;6;;dînen rât wil ich haben doch,
;;;799;7;;die wîle uns scheidet niht der tôt.
;;;799;8;;dû riet mir ê in grôzer nôt.
;;;799;9;;ich wil gegen mînem wîbe komen,
;;;799;10;;der kunft ich gegen mir hân vernomen
;;;799;11;;bî dem Plimizol an einer stat."
;;;799;12;;urloup er im dô geben bat.
;;;799;13;;dô bevalch in got der guote man.
;;;799;14;;Parcifal die naht streich dan.
;;;799;15;;sînem gesellen was der walt kunt.
;;;799;16;;des tages dô vant er lieben vunt,
;;;799;17;;manic gezelt ûf geslagen.
;;;799;18;;ûz dem lande zuo Brobarz, hôrt ich sagen,
;;;799;19;;was vil banier dâ gestecket,
;;;799;20;;manic schilt dâr nâch gestrecket.
;;;799;21;;sînes landes vürsten lâgen dâ.
;;;799;22;;Parcifal, der vrâgte, wâ
;;;799;23;;diu künigîn dâ selbe læge,
;;;799;24;;ob si sunders ringes pflæge.
;;;799;25;;man zougte im, aldâ si lac
;;;799;26;;und wol gehêrtes ringes pflac
;;;799;27;;mit gezelten umbevangen.
;;;799;28;;nû was von Kathelangen
;;;799;29;;der herzoge Kyot des morgens vruo
;;;799;30;;ûf gestanden. dise riten zuo.
;;;800;1;;des tages blic was dannoch grâ.
;;;800;2;;Kyot erkante dâ
;;;800;3;;des Grâles wâpen an der schar.
;;;800;4;;si vuorten turteltûben gar.
;;;800;5;;dô ersiufzet sîn alter lîp,
;;;800;6;;wan Schoisianen, sîn süezez wîp,
;;;800;7;;zuo Muntsalvasche im sælde erwarp,
;;;800;8;;diu von Sigunen geburt erstarp.
;;;800;9;;Kyot gegen Parcifal gienc,
;;;800;10;;in und die sîn er wol enpfienc.
;;;800;11;;er sant ein junchêrrelîn
;;;800;12;;nâch dem marschalk der künigîn
;;;800;13;;und bat in schaffen guot gemach,
;;;800;14;;waz er dâ ritter halten sach.
;;;800;15;;er vuorte in selben mit der hant,
;;;800;16;;dâ er der künigîn kamern vant,
;;;800;17;;ein klein gezelt von buckeram.
;;;800;18;;daz harnasch man von im dâ nam.
;;;800;19;;diu künigîn des noch niht weiz.
;;;800;20;;Lohelangrin und Cardeiz
;;;800;21;;vant Parcifal bî ir ligen.
;;;800;22;;dô muos vröude an im gesigen.
;;;800;23;;in einem gezelt hôch und wît,
;;;800;24;;dâ her und in alle sît
;;;800;25;;clârer vrowen lac genuoc.
;;;800;26;;Kyot ûf daz declachen sluoc.
;;;800;27;;er bat die künigîn wachen
;;;800;28;;und vrœlîchen lachen.
;;;800;29;;si blicket ûf und sach ir man.
;;;800;30;;si het niht wan daz hemde an.
;;;801;1;;umb sich si daz declachen swanc,
;;;801;2;;vür daz bette ûf den teppich spranc
;;;801;3;;Condwier amurs, diu lieht gemâl.
;;;801;4;;ouch umbevienc si Parcifal.
;;;801;5;;man seite mir, si kusten sich.
;;;801;6;;si sprach: "mir hât glücke dich
;;;801;7;;gesendet, herzevröude mîn!"
;;;801;8;;si bat in willekomen sîn.
;;;801;9;;"nû solt ich zürnen. ich enmac.
;;;801;10;;geêret sî diu wîle und diser tac,
;;;801;11;;der mir brâht disen umbevanc,
;;;801;12;;dâ von mîn trûren wirt kranc.
;;;801;13;;ich hân nû, des mîn herze gert.
;;;801;14;;sorge ist an mir ungewert."
;;;801;15;;nû erwachten ouch diu kindelîn,
;;;801;16;;Cardeiz und Lohelangrin,
;;;801;17;;die lâgen ûf dem bette alblôz.
;;;801;18;;Parcifaln des niht verdrôz,
;;;801;19;;er kuste si minneclîch.
;;;801;20;;Kyot, der zühten rîch,
;;;801;21;;bat die knaben dannen tragen
;;;801;22;;und begunde ouch allen vrowen sagen,
;;;801;23;;daz si ûz dem gezelt giengen.
;;;801;24;;si tâtenz, dô si enpfiengen
;;;801;25;;ir hêrren von langer reise.
;;;801;26;;Kyot, der kurteise,
;;;801;27;;bevalh der künigîn ir man.
;;;801;28;;alle die juncvrouwen er vuorte dan.
;;;801;29;;dannoch was ez harte vruo.
;;;801;30;;die kamerer sluogen die winden zuo.
;;;802;1;;gezogte im ie bluot und snê
;;;802;2;;geselleschaft an witzen ê
;;;802;3;;- ûf der selben ouwe erz ligen vant -,
;;;802;4;;vür solichen kumber gap im pfant
;;;802;5;;Condwier amurs. diu het ez dâ.
;;;802;6;;sîn lîp enpfienc nie anderswâ
;;;802;7;;minne helfe und minne nôt,
;;;802;8;;manic wîp ime doch minne bôt.
;;;802;9;;ich wæne, er kurzwîle pflac
;;;802;10;;unz an den mitten tac.
;;;802;11;;daz her überal reit schouwen dar.
;;;802;12;;si nâmen der templeise war.
;;;802;13;;die wâren gezimieret
;;;802;14;;und wol gehurtieret,
;;;802;15;;ir schilt mit juste sêre durchriten,
;;;802;16;;dar zuo mit swerten ouch versniten.
;;;802;17;;ieglîch truoc ein kursît
;;;802;18;;von pfelle oder von samît.
;;;802;19;;îserkolzen hetten si dannoch an.
;;;802;20;;daz ander harnasch was von in getân.
;;;802;21;;Dâ mac niht mê geslâfen sîn.
;;;802;22;;der künic und diu künigîn
;;;802;23;;stuonden ûf. ein priester sanc.
;;;802;24;;ûf dem ringe huop sich grôz gedranc
;;;802;25;;von dem ellenthaften her,
;;;802;26;;die gegen Clamide wâren zuo wer.
;;;802;27;;dô der benediz wart getân,
;;;802;28;;Parcifaln enpfiengen sîne man
;;;802;29;;mit triuwen wirdeclîch,
;;;802;30;;manic ritter ellens rîch.
;;;803;1;;des gezeltes winden nam man ab.
;;;803;2;;der künîc sprach: "wederz ist der knab,
;;;803;3;;der künîc sol sîn über iuwer lant?"
;;;803;4;;al den vürsten tet er bekant,
;;;803;5;;daz er Wals und Norgals,
;;;803;6;;Kanvoleiz und Kingrivals,
;;;803;8;;Anschouwe und Bealtzenan
;;;803;7;;von rehte solte hân.
;;;803;9;;kom er iemer an mannes kraft,
;;;803;10;;dâr leisten im geselleschaft.
;;;803;11;;Gahmuret mîn vater hiez,
;;;803;12;;der mirz mit rehtem erbe liez.
;;;803;13;;mit sælde ich geerbet hân den Grâl.
;;;803;14;;nû enpfâhet ir an disem mâl
;;;803;15;;iuwer lêhen von mînem kinde,
;;;803;16;;ob ich an iu triuwe vinde."
;;;803;17;;mit guotem willen daz geschach.
;;;803;18;;vil vanen man dort vüeren sach.
;;;803;19;;dâ lihen zwô kleine hende
;;;803;20;;wîter lande vil manic ende.
;;;803;21;;gekrœnet wart dô Cardeiz.
;;;803;22;;der betwanc ouch sider Kanvoleiz
;;;803;23;;und vil des Gahmuretes was.
;;;803;24;;bî dem Plimizol ûf daz gras
;;;803;25;;wart gesidel wîter rinc genomen,
;;;803;26;;dâ si zuo dem brôte solten komen.
;;;803;27;;snelleclîch dâ enbizzen wart.
;;;803;28;;daz her kêrte an die hinvart.
;;;803;29;;diu gezelt nam man alliu nider.
;;;803;30;;mit dem jungen künige si vuoren wider.
;;;804;1;;manigiu juncvrowe und ander diet
;;;804;2;;sich von der künigîn schiet,
;;;804;3;;sô daz si tâten klage schîn.
;;;804;4;;dô nâmen Lohelangrin
;;;804;5;;und sîn muoter wol getân
;;;804;6;;die templeis und riten sân
;;;804;7;;gegen Muntsalvasche balde.
;;;804;8;;"in disem selben walde",
;;;804;9;;sprach Parcifal, "dâ sach ich stên
;;;804;10;;ein klôsen und dâ durch gên
;;;804;11;;einen snellen brunnen clâr.
;;;804;12;;obe ir si wizzet, sô wîset mich dar."
;;;804;13;;von sînen gesellen wart im gesaget,
;;;804;14;;si wusten ein: "dâ wonte ein maget
;;;804;15;;al klagende ûf vriundes sarc.
;;;804;16;;diu ist rehter güete ein arc.
;;;804;17;;unser reise gât ir nâhe bî.
;;;804;18;;man vint si selten jâmers vrî."
;;;804;19;;der künic sprach: "wir sullen si sehen."
;;;804;20;;des wart im volge verjehen.
;;;804;21;;si riten vür sich drâte
;;;804;22;;und vundens des âbendes spâte,
;;;804;23;;Sigunen, an ir venjen tôt.
;;;804;24;;dâ sach diu künigîn jâmers nôt.
;;;804;25;;si brâchen zuo ir dar în.
;;;804;26;;Parcifal durch die niftel sîn
;;;804;27;;bat ûf wegen des sarkes stein.
;;;804;28;;Schianatulander schein
;;;804;29;;unervûlet schône balsamvar.
;;;804;30;;man leit si nâhe zuo im dar,
;;;805;1;;diu magetlîche minne im gap,
;;;805;2;;dô si lebte, und sluogen zuo daz grap.
;;;805;3;;Condwier amurs begunde klagen
;;;805;4;;ir veter tohter, hôrt ich sagen,
;;;805;5;;und wart vil vröuden âne,
;;;805;6;;wand si Schoisiane,
;;;805;7;;der tôten megde muoter, zôch
;;;805;8;;kint wesende - dâr umbe si vröude vlôch -,
;;;805;9;;diu Parcifals muome was,
;;;805;10;;ob der Provenzâl die wârheit las.
;;;805;11;;der herzoge Kyot
;;;805;12;;weste wênic umb sîner tohter tôt,
;;;805;13;;des künic Cardeizes magezoge.
;;;805;14;;ez ist niht krumb als ein boge,
;;;805;15;;diz mær, ez ist wâr und sleht.
;;;805;16;;si tâten dô der reise reht,
;;;805;17;;bî naht gegen Muntsalvasche si riten.
;;;805;18;;dâ het ir Ferefiz gebiten
;;;805;19;;mit kurzewîle dise stunde.
;;;805;20;;vil kerzen man dô enzunde,
;;;805;21;;reht als ob brünne gar der walt.
;;;805;22;;ein templeis von Patrigalt
;;;805;23;;gewâpent bî der künigîn reit.
;;;805;24;;der hof was wît und breit.
;;;805;25;;dâr ûf stuont manic sunderschar.
;;;805;26;;si enpfiengen die künigîn gar,
;;;805;27;;den wirt und den sun sîn.
;;;805;28;;dô truoc man Lohelangrin
;;;805;29;;gegen sînem vetern Ferefiz.
;;;805;30;;dô der was swarz und wîz,
;;;806;1;;der knabe sîn wolte küssen niht,
;;;806;2;;von vorht, als kinden noch beschiht.
;;;806;3;;des lachete der heiden.
;;;806;4;;dô begunden si sich scheiden
;;;806;5;;ûf dem hof und dô diu künigîn
;;;806;6;;erbeizet was. in kam gewin
;;;806;7;;an ir mit vröuden kunft al dar.
;;;806;8;;man vuorte si, dâ werdiu schar
;;;806;9;;von maniger clâren vrôwen was.
;;;806;10;;Ferefiz und Anfortas
;;;806;11;;mit zühten stuonden beide
;;;806;12;;bî der vrowen an dem gereite.
;;;806;13;;dâ stuont Repanse de schoye
;;;806;14;;und von Grunlant Garschiloye,
;;;806;15;;Florie von Lunel.
;;;806;16;;liehtiu ougen, clâriu vel
;;;806;17;;si truogen und magetlîchen prîs.
;;;806;18;;dâ stuont ouch swankel als ein rîs,
;;;806;19;;der schœnde und güete niht gebrach
;;;806;20;;und der man zuo tohter jach
;;;806;21;;von Rile Gernise;
;;;806;22;;diu maget hiez Ampflise.
;;;806;23;;von Tenebroc, ist mir gesaget,
;;;806;24;;stuont dâ Clarinschantz, ein maget,
;;;806;25;;liehter varwe gar unverkrenket,
;;;806;26;;als ein âmeize gelenket.
;;;806;27;;Ferefiz gegen der wirtîn trat.
;;;806;28;;diu künigîn sich den küssen bat.
;;;806;29;;si kuste ouch Anfortassen dô
;;;806;30;;und was sîner geniste vrô.
;;;807;1;;Ferefiz vuorte si mit der hant,
;;;807;2;;daz si des wirtes muomen vant,
;;;807;3;;Repanse de schoyen, stên.
;;;807;4;;dâ muoste küssens vil ergên.
;;;807;5;;dar zuo ir munt was ê sô rôt.
;;;807;6;;der leit von küssen nû die nôt,
;;;807;7;;daz ez mich müejet und ist mir leit,
;;;807;8;;daz ich niht hab solich arbeit
;;;807;9;;vür si. wan si kam müediu zuo in.
;;;807;10;;die juncvrowen vuorten ir vrowen hin.
;;;807;11;;die ritter in dem palas
;;;807;12;;beliben, der wol gekerzet was,
;;;807;13;;die harte liehte brunnen.
;;;807;14;;dô wart mit zuht begunnen
;;;807;15;;bereitschaft gegen dem Grâl.
;;;807;16;;den truoc man zuo allem mâl
;;;807;17;;der diet niht durch schouwen vür,
;;;807;18;;niht wan zer hôchzîte kür.
;;;807;19;;durch daz si trôstes wânden,
;;;807;20;;dô si sich vröuden ânden
;;;807;21;;des âbendes umb daz bluotige sper,
;;;807;22;;dô wart der Grâl durch helfe ger
;;;807;23;;vür getragen an der selben zît.
;;;807;24;;Parcifal si liez in sorgen sît.
;;;807;25;;mit vröude er nû wirt vür getragen.
;;;807;26;;ir sorge ist gar hin dan geslagen.
;;;807;27;;Dô diu künigîn ir reisegewant
;;;807;28;;ab gezôch und sich gebant,
;;;807;29;;si kam, als irz wol gezam.
;;;807;30;;Ferefiz an einer tür si nam.
;;;808;1;;nû daz was eht âne strît,
;;;808;2;;daz hôrte oder spræche zuo keiner zît
;;;808;3;;ieman von schœnerem wîbe.
;;;808;4;;si truoc ouch an ir lîbe
;;;808;5;;pfelle, den ein künstic hant
;;;808;6;;worht, als in Sarant
;;;808;7;;mit grôzem list erdâht ê
;;;808;8;;in der stat zuo Thasine.
;;;808;9;;Ferefiz Anschevin
;;;808;10;;si brâhte, si gap liehten schîn,
;;;808;11;;mitten durch den palas.
;;;808;12;;driu grôziu viur gemachet was,
;;;808;13;;lingnum âlôe des viures smac.
;;;808;14;;vierzic teppich und gesitz mê dâ lac
;;;808;15;;dan zuo einer zît, dô Parcifal
;;;808;16;;ouch dâ vür sach tragen den Grâl.
;;;808;17;;ein gesiz vor ûz gehêret was,
;;;808;18;;dâ Ferefiz und Anfortas
;;;808;19;;bî dem wirte solte sitzen.
;;;808;20;;dô warp mit zühtigen witzen,
;;;808;21;;wer dâ dienen wolte,
;;;808;22;;sô der Grâl komen solte.
;;;808;23;;ir habt her gehôrt ê des genuoc,
;;;808;24;;wie man in vür Anfortasen truoc.
;;;808;25;;dem siht man nû glîche tuon
;;;808;26;;vür des werden Gahmuretes sun
;;;808;27;;und ouch vür Tampenteries kint.
;;;808;28;;juncvrowen nû niht langer sint.
;;;808;29;;ordenlîch si kômen überal,
;;;808;30;;vünf und zweinzic an der zal.
;;;809;1;;der êrsten blic den heiden clâr
;;;809;2;;dûht und reideleht ir hâr,
;;;809;3;;die andern schœner aber dâr nâch,
;;;809;4;;die er dô schierest komen sach
;;;809;5;;und ir aller kleider tiur.
;;;809;6;;süeze, minneclîch gehiur
;;;809;7;;was al der megde antlitz gar.
;;;809;8;;nâch in allen kam diu lieht gevar
;;;809;9;;Repanse de schoye, ein maget.
;;;809;10;;sich lieze der Grâl, ist mir gesaget,
;;;809;11;;die selben tragen eine
;;;809;12;;und ander ouch dekeine.
;;;809;13;;ir herzen was vil kiusche bî,
;;;809;14;;ir vel des blickes flôrî.
;;;809;15;;sage ich des dienstes urhap,
;;;809;16;;wie vil kamerer dâ wazzer gap
;;;809;17;;und waz man taveln vür si truoc,
;;;809;18;;mê dan ichs iu ê gewuoc,
;;;809;19;;wie unvuoge den palas vlôch,
;;;809;20;;waz man dâ karrâtschen zôch
;;;809;21;;mit tiuren goltvazzen
;;;809;22;;und wie die ritter sâzen,
;;;809;23;;daz würde ein altez, langez spel.
;;;809;24;;ich wil der kürze wesen snel.
;;;809;25;;mit zuht man vor dem Grâl nam
;;;809;26;;spîse wilde und zam,
;;;809;27;;disem den mete, dem den wîn,
;;;809;28;;als ez ir site wolte sîn:
;;;809;29;;môraz, sinôpel, clâret.
;;;809;30;;filirois Gahmuret
;;;810;1;;Pelraperie al anders vant,
;;;810;2;;dô si im zem êrsten wart erkant.
;;;810;3;;Der heiden vrâgte mære,
;;;810;4;;wâ von diu goltvaz wære
;;;810;5;;vor der taveln würden vol.
;;;810;6;;daz wunder im tet zuo sehen wol.
;;;810;7;;dô sprach der künic Anfortas,
;;;810;8;;der im zuo gesellen geben was:
;;;810;9;;"hêrre, sehet ir ligen vor iu den Grâl?"
;;;810;10;;dô sprach der heiden vêch gemâl:
;;;810;11;;"ich ensihe niht wan ein achmardî.
;;;810;12;;daz truoc ein juncvrowe uns bî,
;;;810;13;;diu dort mit krône vor uns stât.
;;;810;14;;ir blic mir unz in daz herze gât.
;;;810;15;;ich wânde, sô starc wær mîn lîp,
;;;810;16;;daz iemer maget oder wîp
;;;810;17;;mir vröuden kraft benæme.
;;;810;18;;mir ist worden widerzæme,
;;;810;19;;ob ich ie werde minne enpfienc.
;;;810;20;;unzuht mir zuht undervienc,
;;;810;21;;daz ich iu künde mîne nôt,
;;;810;22;;sît ich iu dienste nie gebôt.
;;;810;23;;waz hilfet al mîn rîcheit
;;;810;24;;und waz ich ie durch wîp gestreit,
;;;810;25;;und ob mîn hant iht hât vergeben,
;;;810;26;;muoz ich sus pîneclîchen leben?
;;;810;27;;Ein kreftic got, Jupiter,
;;;810;28;;waz woltestû mîn zuo unsanft her?"
;;;810;29;;minnen kraft mit vröuden krenke
;;;810;30;;vrumt in bleich in sîner blenke
;;;811;1;;Condwier amurs, diu lieht erkant,
;;;811;2;;vil nâch nû ebenhiuze vant
;;;811;3;;an der clâren megde velles blic.
;;;811;4;;dô slôz sich in ir minnestric
;;;811;5;;Ferefiz, der werde gast.
;;;811;6;;sîner êrsten vriuntschaft ime gebrast
;;;811;7;;mit vergezzelîchem willen.
;;;811;8;;waz half dô Secundillen
;;;811;9;;ir minne und ir lant Tribalibot?
;;;811;10;;im gap ein maget strenge nôt:
;;;811;11;;Clauditte und Olimpia,
;;;811;12;;Secundille und wîten anderswâ,
;;;811;13;;dâ wîp im dienstes lônden
;;;811;14;;und sînes prîses schônden,
;;;811;15;;Gahmuretes sun von Zazamanc,
;;;811;16;;den dûhte ir aller minne kranc.
;;;811;17;;Dô sach der clâre Anfortas,
;;;811;18;;daz sîn geselle in pîne was.
;;;811;19;;des blankiu mâl gar wurden bleich,
;;;811;20;;sô daz im hôher muot gesweich.
;;;811;21;;dô sprach er: "hêrre, diu swester mîn,
;;;811;22;;mir ist leit, ob iuch diu lêret pîn,
;;;811;23;;den noch nieman durch si erleit.
;;;811;24;;nie ritter in ir dienst gereit.
;;;811;25;;dô nam ouch niemen lôn zuo ir.
;;;811;26;;si was mit jâmer grôz bî mir.
;;;811;27;;daz krenket ouch ir vröude ein teil,
;;;811;28;;daz man si sach sô selten geil.
;;;811;29;;iuwer bruoder ist ir swester sun.
;;;811;30;;der mac ouch dâ wol helfe tuon."
;;;812;1;;"sol diu maget iuwer swester sîn",
;;;812;2;;sprach Ferefiz Anschevin,
;;;812;3;;"diu krôn ûf blôzem hâr dort hât,
;;;812;4;;sô gebt mir umb ir minne rât.
;;;812;5;;nâch ir ist alles mînes herzen ger.
;;;812;6;;ob ich ie prîs erwarp mit sper,
;;;812;7;;wan wær daz gar durch si geschehen
;;;812;8;;und wolte si dan ir lônes jehen!
;;;812;9;;vünf stich mac turnieren hân,
;;;812;10;;die sint mit mîner hant getân.
;;;812;11;;einer ist zem puneiz,
;;;812;12;;zuo trivers ich den anderen weiz,
;;;812;13;;der dritte ist zentmuoten.
;;;812;14;;zuo rehter juste den guoten
;;;812;15;;hurteclîch ich hân geriten
;;;812;16;;und den zer volge ouch niht vermiten.
;;;812;17;;sît der schilt von êrste wart mîn dach,
;;;812;18;;hiute ist mîn hœheste ungemach.
;;;812;19;;ouch stach ich vor Agremontin
;;;812;20;;gegen einem ritter viurîn.
;;;812;21;;wan mîn kursît salamander,
;;;812;22;;aspindê mîn schilt der ander,
;;;812;23;;ich wær verbrunnen von der joste.
;;;812;24;;wâ ich holt ûf des lîbes koste,
;;;812;25;;owê, wan het mich gesendet dar
;;;812;26;;iuwer swester minneclîch gevar!
;;;812;27;;ich wær gegen strît noch ir bot.
;;;812;28;;Jupiter, minnen got,
;;;812;29;;wil ich iemer hazze tragen,
;;;812;30;;er wende mir dan diz starke klagen."
;;;813;1;;ir beider vater hiez Frimutel.
;;;813;2;;glîch antlitz und glîch vel
;;;813;3;;Anfortas bî sîner swester truoc.
;;;813;4;;der heiden sach an si genuoc
;;;813;5;;und aber vil dicke an in.
;;;813;6;;wie vil man her oder hin
;;;813;7;;spîse truoc, sîn munt ir doch niht az.
;;;813;8;;ezzen er doch glîche saz.
;;;813;9;;Anfortas sprach zuo Parcifal:
;;;813;10;;"hêrre, iuwer bruoder het den Grâl,
;;;813;11;;des ich wæne, noch niht gesehen."
;;;813;12;;Ferefiz dem wirte begunde jehen,
;;;813;13;;daz er des Grâles niht sæhe.
;;;813;14;;daz dûhte alle die ritter spæhe.
;;;813;15;;diz mære ouch Titurel vernam,
;;;813;16;;der alte betterise lam.
;;;813;17;;er sprach: "ist ez ein heidenscher man,
;;;813;18;;sô darf er des niht willen hân,
;;;813;19;;daz sîn ougen âns toufes kraft
;;;813;20;;bejagen die geselleschaft,
;;;813;21;;daz si den Grâl beschouwen.
;;;813;22;;dâ ist hâmît vür gehouwen."
;;;813;23;;daz enbôt er in den palas.
;;;813;24;;dô sprach der wirt Anfortas,
;;;813;25;;daz Ferefiz næme war,
;;;813;26;;wes allez daz dô lebte gar.
;;;813;27;;dâ wær ein ieglîch heiden
;;;813;28;;mit sehen von gescheiden.
;;;813;29;;dô wurben si, daz er næme touf
;;;813;30;;und endelôses gewinnes kouf.
;;;814;1;;"ob ich durch iuch zuo touf kume,
;;;814;2;;ist mir der touf zuo mînem vrume?"
;;;814;3;;sprach der heiden, Gahmuretes kint.
;;;814;4;;"ez was ie jenen her ein wint,
;;;814;5;;daz mich strît oder minne twanc.
;;;814;6;;des sî kurz oder lanc,
;;;814;7;;daz mich êrste der schilt übervienc,
;;;814;8;;sît ich nie grœzer nôt enpfienc.
;;;814;9;;durch zuht solt ich minne heln.
;;;814;10;;nû mac irz herze niht versteln."
;;;814;11;;"wen meinestû?", sprach Parcifal.
;;;814;12;;"eht jene maget lieht gemâl,
;;;814;13;;mînes gesellen swester hie.
;;;814;14;;wiltû mir helfen umb sie,
;;;814;15;;ich tuon ir rîcheit bekant,
;;;814;16;;sô daz ir dienent wîtiu lant."
;;;814;17;;"wiltû dich toufes lâzen wern",
;;;814;18;;sprach der wirt, "sô mahtû ir minne gern.
;;;814;19;;ich mac nû wol dutzen dich.
;;;814;20;;unser rîchtuom nû glîchet sich,
;;;814;21;;mînhalp von des Grâles krefte."
;;;814;22;;"hilf mir geselleschefte",
;;;814;23;;sprach Ferefiz Anschevin,
;;;814;24;;"bruoder, umb die muomen dîn.
;;;814;25;;holt man den touf mit strît,
;;;814;26;;dar schaff dû mich bî zît
;;;814;27;;und lâz mich dienen umb ir lôn.
;;;814;28;;ich hôrte ie gerne solhen dôn,
;;;814;29;;dâ von juste sprîzen sprungen
;;;814;30;;und dâ swert ûf helm erklungen."
;;;815;1;;Der wirt des lachte sêre
;;;815;2;;und Anfortas noch dô mêre.
;;;815;3;;"kanstû sus touf enpfâhen",
;;;815;4;;sprach der wirt, "ich wil si nâhen
;;;815;5;;durch rehten touf in dîn gebot.
;;;815;6;;Jupitern, dînen got,
;;;815;7;;muostû durch si verliesen
;;;815;8;;und Secundillen verkiesen.
;;;815;9;;morgen vruo gib ich dir rât,
;;;815;10;;der vuoge an dînem gewerbe hât."
;;;815;11;;Anfortas vor siecheite zît
;;;815;12;;sînen prîs gemachet hette wît
;;;815;13;;mit ritterschaft durch minne.
;;;815;14;;an sînes herzen sinne
;;;815;15;;was güete und miltekeit.
;;;815;16;;sîn hant ouch manigen prîs erstreit.
;;;815;17;;dâ sâzen dem Grâle bî
;;;815;18;;der aller besten drî,
;;;815;19;;die dô der schilte pflâgen,
;;;815;20;;wan si getorstenz wâgen.
;;;815;21;;welt ir, si habent dâ geâz genuoc.
;;;815;22;;mit zuht man von in allen truoc
;;;815;23;;taveln und tischlachen.
;;;815;24;;mit dienstlîchen sachen
;;;815;25;;nigen alliu diu juncvrowelîn.
;;;815;26;;Ferefiz Anschevin
;;;815;27;;sach si von im kêren.
;;;815;28;;daz begunde im trûren mêren.
;;;815;29;;sînes herzen slôz truoc dan den Grâl.
;;;815;30;;urloup gap in dô Parcifal.
;;;816;1;;wie diu wirtîn selben dan gienc
;;;816;2;;und wie manz dâ nâch an vienc,
;;;816;3;;daz man sîn wol mit betten pflac,
;;;816;4;;der doch durch minne unsanft lac,
;;;816;5;;wie alle der templeise diet
;;;816;6;;mit vröuden unvröude von in schiet,
;;;816;7;;dâ von würde ein langiu sage.
;;;816;8;;ich wil iu künden von dem tage,
;;;816;9;;dô des morgens lieht erschein,
;;;816;10;;Parcifal wart des in ein
;;;816;11;;und Anfortas, der guote,
;;;816;12;;mit endehaftem muote
;;;816;13;;si bâten den von Zazamanc
;;;816;14;;komen, den diu minne twanc,
;;;816;15;;in den tempel vür den Grâl.
;;;816;16;;er gebôt ouch an dem selben mâl
;;;816;17;;dem wîsen templeise dar.
;;;816;18;;sarjande, ritter, grôziu schar
;;;816;19;;dâ stuont. nû gienc der heiden în.
;;;816;20;;der toufnapf was ein rubîn,
;;;816;21;;von jaspis ein grêde sinwel,
;;;816;22;;dâr ûf er stuont. Titurel
;;;816;23;;het in mit koste erziuget sô.
;;;816;24;;Parcifal zuo sînem bruoder dô
;;;816;25;;sprach: "wiltû die muomen mîn
;;;816;26;;haben, alle die gote dîn
;;;816;27;;muostû durch si versprechen
;;;816;28;;und iemer gerne rechen
;;;816;29;;den widersaz des hœhsten gotes
;;;816;30;;und mit triuwen schônen sînes gebotes."
;;;817;1;;"wâ von ich sol die maget hân",
;;;817;2;;sprach der heiden, "daz wirt getân
;;;817;3;;und mit triuwe an mir erzeiget."
;;;817;4;;der toufnapf wart geneiget
;;;817;5;;ein wênic gegen dem Grâl.
;;;817;6;;vol wazzers an dem mâl
;;;817;7;;wart er, zuo warm noch zuo kalt.
;;;817;8;;dâ stuont ein grâwer priester alt,
;;;817;9;;der ûz heidenschaft manic kindelîn
;;;817;10;;ouch gestôzen hette dar în.
;;;817;11;;der sprach: "ir solt glouben,
;;;817;12;;iuwer sêle dem tiuvel rouben,
;;;817;13;;an den hœhesten got aleine,
;;;817;14;;des drîvalt ist gemeine
;;;817;15;;und alle glîch geurbort.
;;;817;16;;got ist mensch und sînes vater wort.
;;;817;17;;sît er ist vater und kint,
;;;817;18;;die alle glîch geêret sint,
;;;817;19;;ebenhêr sînem geist.
;;;817;20;;mit der drîer volleist
;;;817;21;;wert iu diz wazzer heidenschaft
;;;817;22;;mit der trinitât kraft.
;;;817;23;;in dem wazzer er zuo touf gienc,
;;;817;24;;von dem Adam antlitz enpfienc.
;;;817;25;;von wazzer boum sint gesaft.
;;;817;26;;wazzer viuhtet alle geschaft,
;;;817;27;;der man zuor crêatûr giht.
;;;817;28;;mit dem wazzer man gesiht.
;;;817;29;;wazzer gît maniger sêle schîn,
;;;817;30;;daz die engel niht wîzer mogen sîn."
;;;818;1;;Ferefiz zem priester sprach:
;;;818;2;;"ez ist mir guot vür ungemach,
;;;818;3;;ich gloube, wes ir gebietet.
;;;818;4;;ob mich ir minne mietet,
;;;818;5;;sô leiste ich gerne sîn gebot.
;;;818;6;;bruoder, hât dîn muome got,
;;;818;7;;an den gloube ich und an sie.
;;;818;8;;sô grôze nôt enpfienc ich nie.
;;;818;9;;alle mîn gote sint verkorn.
;;;818;10;;Secundille hab ouch verlorn,
;;;818;11;;waz san mir ie geêrte sich.
;;;818;12;;durch dîner muomen got heiz toufen mich."
;;;818;13;;man begunde sîn kristlîch pflegen
;;;818;14;;und sprach ob im des toufes segen.
;;;818;15;;dô der heiden den touf enpfienc
;;;818;16;;und diu westerlege ergienc,
;;;818;17;;daz er unsanft erbeit,
;;;818;18;;der magt man in bereit.
;;;818;19;;man gap ime Frimutels kint.
;;;818;20;;an den Grâl was er zuo sehen blint,
;;;818;21;;ê der touf het in bedecket.
;;;818;22;;sît wart im vor enblecket
;;;818;23;;der Grâl mit gesiht.
;;;818;24;;nâch der touf geschiht
;;;818;25;;an dem Grâl man geschriben vant,
;;;818;26;;welhen templeis diu gotes hant
;;;818;27;;gæbe zuo hêrren vremder diet,
;;;818;28;;daz er vrâgen widerriet
;;;818;29;;sînes namen und sînes geslehtes,
;;;818;30;;und daz er in hülfe rehtes.
;;;819;1;;sô diu vrâge wirt gegen im getân,
;;;819;2;;sô mügen si sîn niht langer hân.
;;;819;3;;durch daz der süeze Anfortas
;;;819;4;;sô lange in sûren pînen was
;;;819;5;;und in diu vrâge lange meit,
;;;819;6;;in ist iemer nû vrâgen leit.
;;;819;7;;al des Grâles pflihtgesellen
;;;819;8;;von ime des vrâgens niht enwellen.
;;;819;9;;Der getoufte Ferefiz
;;;819;10;;an sînen swâger leite vlîz
;;;819;11;;mit bete dan zuo varn
;;;819;12;;und niemer niht zuo sparn
;;;819;13;;vor im al sîner rîchen habe.
;;;819;14;;dô leite in mit zühten abe
;;;819;15;;Anfortas von dem gewerbe:
;;;819;16;;"ich wil niht, daz verderbe
;;;819;17;;gegen got mîn dienstlîcher muot.
;;;819;18;;des Grâles krône ist alsô guot
;;;819;19;;und het mir hôchvart verlorn.
;;;819;20;;ich han nû diemuot mir erkorn.
;;;819;22;;sich verret von mînem sinne
;;;819;21;;rîcheit und wîbes minne.
;;;819;23;;ir vüeret hinnen ein edel wîp.
;;;819;24;;diu gît zuo dienst iu kiuschen lîp
;;;819;25;;mit guoten wîplîchen siten.
;;;819;26;;mîn orden wirt hie niht vermiten.
;;;819;27;;ich wil vil juste rîten,
;;;819;28;;in des Grâles dienst strîten.
;;;819;29;;durch wîp gestrît ich niemer mêr.
;;;819;30;;ein wîp gap mir herzen sêr.
;;;820;1;;iedoch ist iemer al mîn haz
;;;820;2;;gegen wîben volleclîch laz.
;;;820;3;;hôch manlîch vröude komt von in,
;;;820;4;;wie kleine dâ wær mîn gewin."
;;;820;5;;Anfortassen bat eht sêre
;;;820;6;;durch sîner swester êre
;;;820;7;;Ferefiz der danverte.
;;;820;8;;mit versagen er sich werte.
;;;820;9;;dô daz niht mohte sîn,
;;;820;10;;dô bat er, daz Lohelangrin
;;;820;11;;mit im dannen solte varn.
;;;820;12;;sîn muoter kunde daz wol bewarn.
;;;820;13;;ouch sprach der künic Parcifal:
;;;820;14;;"mîn sun ist geordent ûf den Grâl;
;;;820;15;;dar muoz er dienstlîch herze tragen,
;;;820;16;;lât in got rehten sin bejagen."
;;;820;17;;vröude und kurzewîle pflac
;;;820;18;;Ferefiz aldâ den einleften tac.
;;;820;19;;an dem zwelften kêrte er dan.
;;;820;20;;gegen sînem her der rîche man
;;;820;21;;sîn wîp wolte vüeren.
;;;820;22;;des begunde trûren rüeren
;;;820;23;;Parcifaln durch triuwe.
;;;820;24;;diu rede in lêrte riuwe.
;;;820;25;;mit den sînen er sich beriet,
;;;820;26;;daz er von rittern grôze diet
;;;820;27;;mit in sante vür den walt.
;;;820;28;;Anfortas, der süeze degen balt,
;;;820;29;;mit im durch condwieren reit.
;;;820;30;;manic magt dô weinen niht vermeit.
;;;821;1;;si muosten machen niuwe slâ
;;;821;2;;ûz gegen Carkobra.
;;;821;3;;dar enbot der süeze Anfortas
;;;821;4;;dem, der dâ burcgrâve was,
;;;821;5;;daz er wær des gemant,
;;;821;6;;ob er ie von sîner hant
;;;821;7;;enpfienge gâbe rîch,
;;;821;8;;daz er nû dienstlîch
;;;821;9;;sîn triuwe an im geprîste
;;;821;10;;und sînen swâger wîste
;;;821;11;;und sîn wîp, die swester sîn,
;;;821;12;;durch daz fôreht Loprisin
;;;821;13;;in die wilden habe wît.
;;;821;14;;nû was urloubes zît.
;;;821;15;;si solten dô niht vürbaz komen.
;;;821;16;;Condrie lasurzier wart genomen
;;;821;17;;zuo diser botschafte dan.
;;;821;18;;urloup zuo dem rîchen man
;;;821;19;;nâmen alle die templeis.
;;;821;20;;hin reit der kurteis.
;;;821;21;;Der burcgrâve dô niht enliez,
;;;821;22;;waz Condrie in leisten hiez.
;;;821;23;;Ferefiz, der rîch,
;;;821;24;;wart dô ritterlîch
;;;821;25;;mit grôzer vuor enpfangen.
;;;821;26;;in dorfte dâ niht erlangen.
;;;821;27;;man vuorte in vürbaz schier
;;;821;28;;mit werdem condwier.
;;;821;29;;ich weiz, wie manic lant er reit
;;;821;30;;unz zuo Joflanze ûf den anger breit.
;;;822;1;;liute si dâ vunden.
;;;822;2;;die vrâgte an den stunden
;;;822;3;;Ferefiz der mære,
;;;822;4;;war daz her komen wære.
;;;822;5;;ieglîcher was in sîn lant,
;;;822;6;;dar im diu reise wart benant.
;;;822;7;;Artus was gegen Samilot.
;;;822;8;;der von Tribalibot
;;;822;9;;kunde an den selben zîten
;;;822;10;;gegen sînem her wol rîten.
;;;822;11;;daz lac al trûric in der habe,
;;;822;12;;daz ir hêrre was gescheiden drabe.
;;;822;13;;sîn kunft dâ manigem ritter guot
;;;822;14;;brâht niuwen hôhen muot.
;;;822;15;;der burcgrâve von Carkobra
;;;822;16;;und al die sînen wurden dâ
;;;822;17;;mit rehter gâbe heim gesant.
;;;822;18;;Condrie dâ grôziu mære bevant.
;;;822;19;;boten nâch dem her wâren komen,
;;;822;20;;Secundillen het der tôt genomen.
;;;822;21;;Repanse de schoye mohte dô
;;;822;22;;aller êrst ir verte wesen vrô.
;;;822;23;;diu gebar sît in Indian
;;;822;24;;einen sun, der hiez Johan.
;;;822;25;;priester Johan den man hiez.
;;;822;26;;iemer sît man dâ die künige liez
;;;822;27;;bî dem namen blîben.
;;;822;28;;Ferefiz hiez schrîben
;;;822;29;;zIndia über al daz lant,
;;;822;30;;wie kristen leben wart erkant.
;;;823;1;;daz was ê niht sô kreftic dâ.
;;;823;2;;wir heizen ez hie India.
;;;823;3;;dort heizet ez Tribalibot.
;;;823;4;;Ferefiz bî Condrien enbôt
;;;823;5;;sînem bruoder ûf Muntsalvasche wider,
;;;823;6;;wie ez im was ergangen sider,
;;;823;7;;daz Secundille verscheiden was.
;;;823;8;;des vrouwet sich dô Anfortas,
;;;823;9;;daz sîn swester âne strît
;;;823;10;;was vrowe über manic lant sô wît.
;;;823;11;;diu rehten mære iu komen sint
;;;823;12;;umb diu vünf Frimutels kint,
;;;823;13;;daz diu mit güeten würben
;;;823;14;;und wie ir zwei erstürben.
;;;823;15;;daz ein was Schoisiane,
;;;823;16;;vor gote diu valsches âne.
;;;823;17;;diu ander Herczeloide hiez,
;;;823;18;;diu valscheit ûz ir herze stiez.
;;;823;19;;sîn swert und ritterlîchez leben
;;;823;20;;het Trevrizende ergeben
;;;823;21;;an die süezen gotes minne
;;;823;22;;und nâch endelôsem gewinne.
;;;823;23;;der werde, clâre Anfortas
;;;823;24;;manlîch bî kiuschem herzen was.
;;;823;25;;ordenlîch er manic juste reit,
;;;823;26;;durch den Grâl, niht durch diu wîp er streit.
;;;823;27;;Lohelangrin wuohs menlîch und starc.
;;;823;28;;diu zagheit sich an im barc.
;;;823;29;;dô er sich ritterschaft versan,
;;;823;30;;des Grâles dienst er prîs gewan.
;;;824;1;;welt ir nû hœren vürbaz?
;;;824;2;;sît über lanc ein vrowe saz,
;;;824;3;;vor aller valscheit bewart.
;;;824;4;;rîcheit und hôchvart
;;;824;5;;ûf si geerbet wâren.
;;;824;6;;si kunde alsô gebâren,
;;;824;7;;daz si mit rehter kiusche warp.
;;;824;8;;al menschlîch gir an ir verdarp.
;;;824;9;;werder liute warp umb si genuoc,
;;;824;10;;der etlîcher krône truoc,
;;;824;11;;und manic vürste, ir genôz.
;;;824;12;;ir diemuot was sô grôz,
;;;824;13;;daz si sich dar an niht wande.
;;;824;14;;vil grâven von ir lande
;;;824;15;;begundenz an si hazzen,
;;;824;16;;wes si sich wolte lazzen,
;;;824;17;;daz si einen man niht næme,
;;;824;18;;der in zuo hêrren wol gezæme.
;;;824;19;;si het sich gar an got verlân,
;;;824;20;;waz zornes wart gegen ir getân,
;;;824;21;;unschulde maniger an si rach.
;;;824;22;;einen hof si ir landes hêrren sprach.
;;;824;23;;manic bot ûz verrem lande vuor
;;;824;24;;hin zuo ir. die man si gar verswuor,
;;;824;25;;wan den si got bewîste;
;;;824;26;;des minne si gerne prîste.
;;;824;27;;si was vürstîn in Brabant.
;;;824;28;;von Muntsalvasche wart gesant
;;;824;29;;der, den der swane brâhte
;;;824;30;;und des ir got gedâhte.
;;;825;1;;zuo Antwerp wart er ûz gezogen.
;;;825;2;;si was an im vil unbetrogen.
;;;825;3;;er kunde wol gebâren.
;;;825;4;;man muoste in vür den clâren
;;;825;5;;und vür den manlîchen
;;;825;6;;haben in allen rîchen,
;;;825;7;;wâ man sîn künde ie gewan.
;;;825;8;;hübsch, mit zühten wîs ein man,
;;;825;9;;mit triuwen milte âne âderstôz
;;;825;10;;was sîn lîp, missewende blôz.
;;;825;11;;des landes vrowe in schôn enpfienc.
;;;825;12;;nû hœret, wie sîn rede ergienc.
;;;825;13;;rîch und arm ez hôrten,
;;;825;14;;die dâ stuonden an allen orten.
;;;825;15;;er sprach: "mîn vrowe herzogîn,
;;;825;16;;sol ich hie landes hêrre sîn,
;;;825;17;;dâr umb lâz ich als vil.
;;;825;18;;nû merket, wes ich iuch bitten wil:
;;;825;19;;gevrâget niemer, wer ich sî,
;;;825;20;;sô mac ich iu blîben bî.
;;;825;21;;bin ich ane iuwer vrâge erkorn,
;;;825;22;;sô habt ir minne an mir verlorn.
;;;825;23;;ob ir niht sît gewarnet des,
;;;825;24;;sô warnet mich got, er weiz wol wes."
;;;825;25;;si sazte wîbes sicherheit,
;;;825;26;;diu sît durch liebe wenken leit,
;;;825;27;;si wolte zuo sînem gebote stân
;;;825;28;;und nimer übergân,
;;;825;29;;waz er si leisten hiez,
;;;825;30;;ob si got bî sinnen liez.
;;;826;1;;bî naht sîn lîp ir minne enpfant;
;;;826;2;;dô wart er vürste in Brabant.
;;;826;3;;Diu hôchgezît rîchelîch ergienc.
;;;826;4;;manic hêrre von sîner hende enpfienc
;;;826;5;;ir lêhen, die daz solten hân.
;;;826;6;;guot rihter wart der selbe man.
;;;826;7;;er tet ouch dicke ritterschaft,
;;;826;8;;daz er den prîs behielt mit kraft.
;;;826;9;;si gewunnen samen schœniu kint.
;;;826;10;;vil liute in Brabant noch sint,
;;;826;11;;die wol wizzen von in beiden,
;;;826;12;;ir enpfâhen, sîn danscheiden,
;;;826;13;;daz in ir vrâge dan vertreip,
;;;826;14;;und wie lange er dâ bleip.
;;;826;15;;er schiet ungerne dan.
;;;826;16;;nû brâht im aber sîn vriunt, der swan,
;;;826;17;;ein kleine vüege seitiez.
;;;826;18;;sînes kleinœtes er dâ liez
;;;826;19;;ein swert, ein horn, ein vingerlîn.
;;;826;20;;hin vuor Lohelangrin.
;;;826;21;;wellen wir dem mære rehte tuon,
;;;826;22;;sô was er Parcifals sun.
;;;826;23;;der vuor wazzer und wege
;;;826;24;;unz wider in des Grâles pflege.
;;;826;25;;durch waz verlôs in daz guote wîp
;;;826;26;;werdes vriundes minneclîchen lîp?
;;;826;27;;er widerriet ir vrâgens ê,
;;;826;28;;dô er zuo ir gienc von dem sê.
;;;826;29;;hie solte Erec nû sprechen,
;;;826;30;;der kunde mit rede sich rechen.
;;;827;1;;Ob von Trois meister Cristian
;;;827;2;;disem mære unrehte het getân,
;;;827;3;;des mac wol zürnen Kiot,
;;;827;4;;der uns die rehten mær enbôt.
;;;827;5;;endehaft giht der Provenzal,
;;;827;6;;wie Herczeloiden kint den Grâl
;;;827;7;;erwarp, als im geordent was,
;;;827;8;;dô in verworhte Anfortas.
;;;827;9;;von Profantz in tiutschiu lant
;;;827;10;;diu rehten mære uns sint gesant
;;;827;11;;und diser âventiur endes zil.
;;;827;12;;niht mê dâ von nû sprechen wil
;;;827;13;;ich, Wolfram von Eschenbach,
;;;827;14;;wan als dort der meister sprach.
;;;827;15;;sîniu kint, sîn hôch geslehte,
;;;827;16;;hab ich iu benennet rehte,
;;;827;17;;Parcifals, den ich hân brâht,
;;;827;18;;dar sîn doch sælde het erdâht.
;;;827;19;;wes leben sich sô verendet,
;;;827;20;;daz got niht wirt gepfendet
;;;827;21;;der sêle durch des lîbes schulde,
;;;827;22;;und der doch der werlte hulde
;;;827;23;;behalten kan mit werdicheit,
;;;827;24;;daz ist ein nütziu arbeit.
;;;827;25;;guotiu wîp, hânt die sin,
;;;827;26;;deste werder ich in bin,
;;;827;27;;ob mir dekeiniu guotes gan,
;;;827;28;;sît ich diz mære volsprochen hân.
;;;827;29;;ist daz durch ein wîp geschehen,
;;;827;30;;diu muoz mir süezer worte jehen.